ИЗРАЕЛ

Тензии меѓу Париз и Тел Авив: Израелски дипломат со саркастична порака до Макрон

Израелскиот дипломат во Женева, Валид Гадбан, јавно му се потсмеа на францускиот претседател Емануел Макрон, откако Франција побара итна седница на Советот за безбедност на Обединетите нации поради израелските воени операции во Либан.Гадбан на социјалната мрежа Икс сподели објава со фотографија од Макрон и информација за француското барање до ОН, а како одговор објави видео од прославите во Париз по победата на Пари Сен Жермен во Лигата на шампионите. На снимката се гледаат луѓе собрани околу запалено возило.„Во меѓувреме во Париз“, напиша израелскиот дипломат во објавата.Претходно, францускиот министер за надворешни работи Жан-Ноел Баро ги оцени израелските воени операции во Либан како „исклучително загрижувачки“ и соопшти дека Париз побарал итна седница на Советот за безбедност на ОН.„Ништо не може да го оправда продолжувањето на воените операции во Либан и сè подлабоката окупација на либанска територија“, изјави Баро, додавајќи дека израелските потези претставуваат „голема грешка“.Размената на пораки доаѓа во период на зголемени дипломатски тензии меѓу Франција и Израел поради ситуацијата во Либан.

Свет | пред 3 часа

CNN: Нетанјаху стравува дека Трамп ќе склучи договор со Иран на штета на Израел

Три месеци по почетокот на заедничката американско-израелска воена кампања против Иран, во Израел расте загриженоста дека Вашингтон би можел да постигне договор со Техеран кој нема целосно да ги задоволи безбедносните интереси на еврејската држава.Според анализа на Си-Ен-Ен, израелскиот премиер Бенјамин Нетанјаху приватно признал дека Израел има ограничено влијание врз текот на американско-иранските преговори, иако јавно избегнува директна критика кон американскиот претседател Доналд Трамп.Извори блиски до израелската влада тврдат дека Нетанјаху е загрижен оти евентуалниот договор нема целосно да ги реши прашањата поврзани со иранските резерви на збогатен ураниум, програмата за балистички ракети и влијанието на Техеран преку сојузничките групи во регионот. Во исто време, договорот би можел да доведе до ублажување на економскиот притисок врз Иран.Според написот, израелски функционери стравуваат дека евентуален привремен договор би можел да му овозможи на Иран да го задржи дел од својот нуклеарен потенцијал, додека американската страна покажува поголема подготвеност за дипломатско решение.Дополнителна точка на несогласување е Либан. Израел бара слобода за продолжување на воените операции против Хезболах, додека Иран наводно инсистира евентуалниот договор да вклучува и прекин на огнот во Либан.Во Израел расте и политичкиот притисок врз Нетанјаху од неговите десничарски коалициски партнери, меѓу кои се министрите Итамар Бен-Гвир и Безалел Смотрич, кои бараат поагресивен пристап кон Иран и неговите регионални сојузници.Анализата наведува дека Нетанјаху вложил значителен политички капитал во односите со Трамп, поради што избегнува отворена конфронтација со американскиот лидер, иако дел од неговите соработници вината за тековните преговори ја насочуваат кон американскиот преговарачки тим.

Свет | пред 11 час

Израелските војници зазедоа стратешки важен замок во Либан

Израелската армија соопшти дека ја презела контролата врз стратешки важната планина во јужен Либан на која се наоѓа средновековната тврдина Бофор, што претставува најдлабоко навлегување на израелските сили на либанска територија во последните повеќе од 25 години.Заземањето на тврдината, која се наоѓа во близина на градот Набатија, следувало по неколкудневни жестоки судири и воздушни напади врз околните населени места, каде што израелските сили се судриле со борци на Хезболах на тешко пристапен планински терен.Израелските власти го оценија освојувањето на Бофор како значајна територијална придобивка во актуелниот конфликт со Хезболах, кој започна на почетокот на март. Израел и Либан формално се во конфликт уште од формирањето на израелската држава во 1948 година.Портпаролот на израелската армија за арапското говорно подрачје, Авихај Адраеи, објави фотографија од израелски војници пред тврдината, додека министерот за одбрана Израел Кац соопшти дека на утврдата е подигнато израелското знаме.Од израелската армија наведуваат дека операцијата во областа на гребенот Бофор и долината Сулуки била насочена кон уништување на инфраструктурата на Хезболах и отстранување на заканите кон израелските цивили. Во соопштението се додава дека операцијата може дополнително да биде проширена доколку има потреба.Во последните денови израелските сили ја преминаа реката Литани, која досега претставуваше неформална граница на нивните операции, а жителите на голем дел од јужен Либан добија наредба за евакуација. Израел ја прогласи областа меѓу реките Литани и Захрани за зона на воени дејствија.Во меѓувреме, Хезболах соопшти дека извел напади врз израелски сили и тенк „Меркава“ во близина на границата и тврди дека неговите борци продолжуваат да се судираат со израелските единици северно од реката Литани.Според достапните податоци, од почетокот на конфликтот во Либан загинале повеќе од 3.300 лица, а над еден милион жители биле принудени да ги напуштат своите домови. Израелските власти соопштија дека во борбите загинале најмалку 25 израелски војници и тројца цивили.

Свет | пред 11 час

Нов предлог во Вашингтон би можел тесно да ги поврзе американската и израелската војска

Американскиот Конгрес разгледува нов предлог-закон со кој би се воспоставила досега највисока форма на воена и технолошка соработка меѓу Соединетите Американски Држави и Израел, потег што веќе предизвикува остри реакции во политичките и безбедносните кругови.Предлогот е вклучен во верзијата на Законот за одобрување на националната одбрана за 2027 година, а неговиот член 224 предвидува формирање иницијатива за соработка во одбранбените технологии меѓу двете држави. Според анализите, со ова би се создале услови за заеднички истражувања, развој на нови воени системи, производство на вооружување, лиценцни договори и други форми на партнерство меѓу американскиот и израелскиот воено-индустриски сектор.Иако Вашингтон и Тел Авив веќе соработуваат во областа на противракетната одбрана, новите одредби значително би ја прошириле координацијата на области како што се вештачката интелигенција, квантните технологии, автономните системи, кибербезбедноста, биотехнологијата и системите со насочена енергија. Предвидени се и механизми за интеграција на мрежи и размена на податоци, што би значело многу подлабока поврзаност меѓу воените структури на двете земји.Според дел од експертите, најголема корист од ваквата интеграција би имал Израел, имајќи предвид дека САД се најголемиот светски производител и извозник на оружје. Тоа би овозможило уште потесно вклучување на израелската одбранбена индустрија во развојот и производството на современи вооружувања, вклучително и програмите поврзани со борбените авиони Ф-35.Критичарите предупредуваат дека ваквиот модел би можел дополнително да го зголеми влијанието на Израел врз американската политика. Според нив, отворањето нови производствени капацитети и работни места во САД би можело да создаде дополнителни политички врски меѓу американските законодавци и израелските интереси, особено во сојузните држави каде што би се реализирале заедничките проекти.Во анализите се посочува и дека ваквата интеграција би можела да ја намали транспарентноста во одбранбената соработка меѓу двете држави. Наместо редовни јавни дебати и гласања за воена помош, голем дел од активностите би се одвивале преку системот на одбранбени набавки и заеднички проекти, каде што јавниот надзор е значително поограничен.Предлог-законот веќе предизвикува поделби во американскиот Конгрес. Дел од демократските и републиканските претставници сметаат дека е потребна поголема контрола врз односите со Израел, додека поддржувачите на иницијативата оценуваат дека продлабочената соработка е неопходна во услови на растечки безбедносни предизвици на Блискиот Исток.Засега не е познато кога предлогот ќе се најде на гласање, но неговото разгледување веќе отвори поширока дебата за иднината на американско-израелските односи и степенот до кој двете држави треба да ги интегрираат своите одбранбени системи.

Свет | пред 1 ден

Најмалку 11 загинати во израелски напади на југот на Либан

Најмалку 11 лица загинаа, а осум се повредени во серијата израелски воздушни напади врз три населени места во регионот Тир, на југот на Либан, соопшти либанското Министерство за здравство.Меѓу загинатите има спасувач и сириски државјанин, додека бројот на жртви може дополнително да се зголеми поради обемот на разурнувањата предизвикани од нападите.По нападите, либанското Министерство за здравство остро реагираше, оценувајќи дека станува збор за „флагрантно кршење на меѓународното хуманитарно право“ и покрај примирјето кое, според официјален Бејрут, е во сила од 17 април. Израелските власти, пак, тврдат дека цел на операциите биле позиции и инфраструктура поврзани со движењето Хезболах.Израелскиот премиер Бенјамин Нетанјаху изјави дека израелската армија продолжила да напредува подлабоко на либанска територија, паралелно со интензивирањето на воздушните напади.Во меѓувреме, израелската војска издаде наредби за евакуација на повеќе села во јужен Либан и соопшти дека извела напади врз повеќе од 30 локации. Дел од целите се наоѓале во близина на античкиот град Тир, кој е едно од најзначајните историски и културни наследства во регионот.Хезболах, од своја страна, презеде одговорност за нов бран напади врз воени цели во северниот дел на Израел, во близина на либанската граница, што дополнително ја зголемува опасноста од поширока регионална ескалација.Загриженост поради последните борби изрази и либанскиот министер за култура Гасан Саламе, кој предупреди дека израелските напади сериозно ги загрозуваат археолошките локалитети на југот на земјата. Според него, меѓу најризичните места се древните урнатини на Тир, кои се наоѓаат на листата на светско наследство на УНЕСКО, како и средновековната тврдина Бофор.Продолжувањето на судирите ја продлабочува безбедносната и хуманитарната криза во пограничниот регион, додека меѓународната заедница сè почесто повикува на почитување на примирјето и спречување на натамошна ескалација на конфликтот.

Свет | пред 1 ден

Иран го обнови производството на гас во Јужен Парс по американско-израелските напади

Иран го обнови производството во гасниот енергетски комплекс Јужен Парс по обемните поправки на постројките оштетени во американско-израелските напади, јавија иранските медиуми.Според новинската агенција Мехр, санирани се инфраструктурните системи и цевководите за транспорт на суровини надвор од главната петрохемиска зона, што овозможи постепено враќање на производствените капацитети.Израел во април го нападна комплексот Јужен Парс, по што Иран возврати со напади врз постројка за течен природен гас во Катар. Иранските власти тврдат дека производството сега постепено се враќа на нивото од пред почетокот на конфликтот.Според податоците објавени од „Техран тајмс“, од 21 март 2025 година до 2 февруари 2026 година, од комплексот Јужен Парс во домашната мрежа биле испорачани повеќе од 165,5 милијарди кубни метри таканаречен „сладок“ природен гас, без сулфурни соединенија.Директорот на комплексот, Голам Абас Хосеини, изјавил дека на почетокот на февруари постројките во просек испорачувале повеќе од 600 милиони кубни метри гас дневно.Во претходната иранска година, која завршила на 20 март 2025 година, од Јужен Парс биле испорачани вкупно 196 милијарди кубни метри природен гас.Иранскиот министер за нафта, Мохсен Пакнеџад, претходно изјави дека поради ниските температури и зголемената потрошувачка, енергетскиот систем работел под силен притисок, но и покрај тоа, Јужен Парс поставил рекордно дневно производство од околу 725 милиони кубни метри гас.Според иранските власти, комплексот Јужен Парс обезбедува повеќе од 75 проценти од вкупната потрошувачка на природен гас во земјата.

Свет | пред 2 дена

Иран: САД е соучесник во израелските злосторства во Либан и Палестина

Иран остро ги осуди најновите израелски напади врз Либан, вклучително и нападите врз јужните делови на Бејрут, оценувајќи ги како „брутални“ и обвинувајќи ги САД за соучесништво во конфликтот.Портпаролот на иранското Министерство за надворешни работи, Есмаил Багаеи, во изјава пренесена од државната телевизија ИРИБ, порача дека Вашингтон сноси одговорност за, како што наведе, израелските „злосторства“ во Либан, Палестина и поширокиот Блиски Исток.„Соединетите Американски Држави се соучесник во сите израелски злосторства во регионот“, изјави Багаеи, осудувајќи ги нападите што во последните месеци ја погодуваат либанската територија.Во меѓувреме, либанското Министерство за здравство соопшти дека од почетокот на израелската воена операција во март досега во Либан загинале најмалку 3.324 лица, додека 10.027 се повредени.Тензиите на Блискиот Исток остануваат високи, а меѓусебните обвинувања меѓу Иран, Израел и САД дополнително ја усложнуваат безбедносната состојба во регионот.

Свет | пред 2 дена

Поранешна претставничка на Пентагон: Израелските напади врз Либан се главна пречка за договор меѓу САД и Иран

Поранешната функционерка во Пентагон, Алија Авадалах, оцени дека континуираните израелски напади врз Либан претставуваат главна пречка за напредок во мировните преговори меѓу Соединетите Американски Држави и Иран.Во изјава за „Скај њуз“, Авадалах посочи дека најголемата пречка за постигнување договор не доаѓа ниту од Вашингтон ниту од Техеран, туку од безбедносната состојба во регионот и тековните израелски операции во Либан.Според неа, овие напади негативно влијаат врз напредокот на дипломатските напори на Блискиот Исток и претставуваат сериозен проблем од иранска перспектива.Сепак, Авадалах изрази оптимизам дека и САД и Иран се заинтересирани за постигнување договор.„Прилично е јасно дека двете страни во оваа фаза од конфликтот навистина сакаат да постигнат договор. И покрај повторените прекршувања на примирјето од двете страни, ниту една не објави дека тоа е завршено. Дополнително, претседателот Доналд Трамп и претставници на Белата куќа повеќепати нагласија дека примирјето останува во сила“, изјави Авадалах.Нејзините коментари доаѓаат во период кога се водат дипломатски напори за продолжување на примирјето и отворање пошироки разговори за иранската нуклеарна програма и регионалната безбедност.

Свет | пред 2 дена

Нетанјаху нареди на војската да преземе контрола над 70 проценти од Газа

Израелскиот премиер Бенјамин Нетанјаху изјави дека ѝ наредил на израелската армија да преземе контрола над 70 проценти од територијата на Појасот Газа.Изјавата ја даде за време на конференција на окупираниот Западен Брег, пренесе Си-Ен-Ен.„Сега контролираме 60 проценти од територијата на Газа. Бевме на 50 проценти, а сега преминавме на 60. Мојата директива е да продолжиме понатаму – чекор по чекор – прво до 70 проценти“, изјави Нетанјаху.Според него, Израел дополнително го „стега обрачот“ околу Хамас.Израелските одбранбени сили уште кон крајот на април објавија мапи според кои војската контролира околу 64 проценти од Газа.Проширувањето на контролата врз поголем дел од Појасот Газа би значело дека околу два милиони Палестинци ќе бидат потиснати на уште помал простор во веќе разурнатата енклава.Во меѓувреме, Хамас го обвини Израел за кршење на договорот за прекин на огнот постигнат во октомври 2025 година.Од палестинското движење соопштија дека Израел со поместувањето на линијата на разграничување го поткопува примирјето и се обидува со сила да воспостави нова реалност на теренот.

Свет | пред 3 дена

Ескалираат судирите во Либан: Израел ја засили офанзивата кон Тир

Ситуацијата во јужен Либан драматично ескалира, додека Израелските одбранбени сили ги засилуваат нападите врз градот Тир и околните подрачја.Според медиумските извештаи, небото над градот постојано го надлетуваат борбени авиони и дронови, а локалните власти ги повикуваат жителите да останат во засолништа поради смртоносните воздушни удари.Израелската армија издала нови наредби за евакуација кои опфаќаат четири згради во Тир, како и уште три објекти во северниот дел на градот. Од раните утрински часови низ градот одекнуваат сирени на службите за итна помош.Најжестоки борби во моментов се водат во округот Набатија, кој во последните 72 часа бил цел на стотици израелски воздушни напади.Според достапните информации, израелските копнени сили се обидуваат да ја преминат реката Литани во правец на градот Завтар ал Шаркија, јужно од Набатија.Хезболах соопшти дека дава силен отпор на напредувањето на израелската војска. Организацијата објавила видеоснимки на кои, како што тврди, нејзини борци напаѓаат израелски воени возила за време на преминувањето на реката.Во меѓувреме продолжуваат и воздушните напади врз Зибкин, додека израелските сили се обидуваат да напредуваат кон север од подрачјето Бинт Џбеил.

Свет | пред 3 дена

Хезболах изврши серија напади врз израелски сили на југот од Либан

Хезболах истрела салва ракети кон група возила на Израелските одбранбени сили паркирани во близина на градското собрание во Ал Кусаир, во округот Марџајун, објави либанската државна новинска агенција.Според агенцијата, групата извела и ракетен напад врз зграда во која се наоѓало „тајно командно место за оклопни возила“, сместено во близина на резервоар во местото Завтар ал Шаркија.Во нападите бил употребен и јуришен дрон „Абабил“, кој, според тврдењата на Хезболах, погодил тенк „Меркава“ распореден во близина на градското езеро.На крајот, „механизам Нумеира во местото Кантара бил погоден со јуришни дронови „Абабил“, при што е потврден директен погодок“, објавила либанската агенција.

Свет | пред 3 дена

Израел тврди дека го ликвидирал финансискиот шеф на Хамас

Израел соопшти дека во напад врз подрачјето на Кан Јунис бил убиен Ихаб Хризим, за кого тврди дека ја водел централната мрежа на Хамас за трансфер на финансиски средства.Според Израелските одбранбени сили, Хризим бил задолжен за управување со трансфер на милиони долари наменети за военото крило на Хамас.„Во последните месеци Хризим продолжил да го прекршува договорот за прекин на огнот, а неговите активности ѝ овозможиле на терористичката организација да изведува директни напади врз војниците на ИДФ и израелските цивили“, се наведува во соопштението.Оваа ликвидација следува еден ден откако Израел ја потврди и смртта на Мохамед Одех, водач на бригадите Ал Касам, военото крило на Хамас.

Свет | пред 3 дена

Најмалку шестмина загинаа во израелски напад на југот на Либан

Најмалку шест лица, меѓу кои и деца, загинале во израелски напад со дрон врз автопатот Адлун во областа Наби Сарија на југот на Либан, јави либанската Национална новинска агенција.Според агенцијата, жртвите, наводно членови на исто семејство, загинале додека во зори се обидувале да побегнат на безбедно.Нападот се случил на клучна крајбрежна делница од главниот автопат што ги поврзува градовите Сидон и Тир.Овој напад следувал откако израелската армија издала нови наредби за присилна евакуација што се однесуваат на областа Закок ал-Муфди во округот Тир, како и за сите жители на градот Тир.

Свет | пред 3 дена

Најмалку 31 загинат во жестоки израелски напади врз Либан

Најмалку 31 лице загинало, а 40 се повредени во силните израелски воздушни напади врз југот и истокот на Либан, соопштија денеска властите, откако Израел предупреди дека ќе ги засили операциите и покрај формалното примирје.Либанското Министерство за здравство соопшти дека жртвите се последица на нападите извршени вчера.Либански претставници наведоа дека Израел извел операции и на други локации низ земјата, вклучувајќи три напади во близина на вештачкото Езеро Караун, југоисточно од главниот град Бејрут.Управата за реката Литани предупреди на „катастрофални ризици за населението, инфраструктурата и виталните објекти низводно“.Караун е најголемото вештачко езеро во Либан, создадено со брана на реката Литани, и има клучна улога во снабдувањето со вода и електрична енергија во регионот.Израелската армија утрово соопшти дека убила еден припадник на Хезболах во јужен Либан.Откако израелскиот премиер Бенјамин Нетанјаху најави засилени напади и проширување на копнените операции, во Либан растат стравувањата дека израелските сили би можеле повторно да окупираат делови од земјата на подолг период, како што тоа го правеа во 1980-тите и 1990-тите години.

Свет | пред 4 дена

Израел тврди дека ликвидирал висок командант на Хамас во Газа

Израел соопшти дека во воздушен напад во Појасот Газа е убиен Мохамед Одех, новоименуван командант на бригадите „Ал Касам“, вооруженото крило на Хамас.Во заедничко соопштение, израелскиот премиер Бенјамин Нетанјаху и министерот за одбрана Израел Кац навеле дека нападот бил извршен по нивна наредба.Според израелските власти, Одех бил еден од организаторите на нападот врз Израел на 7 октомври 2023 година и во тој период бил шеф на разузнавачката служба на Хамас.Израелскиот јавен сервис Кан, повикувајќи се на неименуван израелски функционер, објави дека Одех бил ликвидиран, додека телевизијата Канал 12, цитирајќи безбедносни извори, оцени дека операцијата била „успешно спроведена“.Во соопштението се наведува и дека Одех бил одговорен за „убиства, киднапирања и ранувања на бројни израелски цивили и војници“.Нетанјаху и Кац порачаа дека израелската армија и безбедносната служба Шин Бет ќе продолжат со операциите против сите одговорни за нападот од 7 октомври.„Израел порано или подоцна ќе ги стигне сите извршители“, се наведува во пораката на израелските власти.

Свет | пред 4 дена

Нетанјаху: Ја шириме воената офанзива во Либан

Израелскиот премиер Бенјамин Нетанјаху денеска изјави дека Израел ја проширува својата воена офанзива во Либан со учество на „значителни копнени сили“, и покрај прекинот на огнот што беше договорен со посредство на Соединетите Американски Држави и кој е во сила до почетокот на јули.Изјавата на Нетанјаху беше дадена на почетокот на состанокот на израелскиот безбедносен кабинет, соопшти неговиот кабинет.„Ги продлабочуваме нашите операции во Либан, а израелската армија таму дејствува со значителни копнени сили и контролира стратешки области“, изјави Нетанјаху, без да прецизира за кои локации станува збор.Тој додаде дека израелската војска воспоставува „безбедносен појас“ со цел да ги заштити градовите во северниот дел на Израел.Најавата доаѓа во момент кога израелската армија продолжува со нападите во Либан и покрај прекинот на огнот што стапи во сила на 17 април, а подоцна беше продолжен со американско посредство до почетокот на јули.Според либански официјални претставници, во израелските напади од почетокот на март досега загинале речиси 3.200 луѓе, повеќе од 9.600 се повредени, а над 1,6 милиони жители се раселени.

Свет | пред 5 дена

Израел ја проширува копнената операција во јужен Либан

Израелската армија ги прошири копнените операции во јужен Либан надвор од таканаречената „жолта линија“, објавија израелски медиуми.Станува збор за подрачје долж заедничката граница, кое Израел го држи под окупација како дел од, како што наведува, борбата против проиранската милитантна група Хезболах.Терминот „жолта линија“ го воведе Израелската армија (ИДФ), иако таква граница не била спомената во првичните договори за примирје меѓу Израел и Либан.ИДФ уште во април претстави мапа на подрачјето што го нарекува „предна одбранбена линија“, која опфаќа делови од јужен Либан под израелска воена контрола.Иако примирјето формално сè уште е во сила, Хезболах дејствува независно од либанската влада, а двете страни продолжуваат со вооружени судири и размена на оган.Портпарол на ИДФ за арапските медиуми претходно ги предупреди жителите на градовите Машгара и Сохмор да се евакуираат кон северните делови на покраината Бека.Според достапните информации, двата града се наоѓаат надвор од израелски дефинираната „жолта линија“, што укажува на натамошно проширување на израелските воени активности на либанска територија.

Свет | пред 5 дена

Загинаа 12 лица во израелски напад во Либан

Во израелски воздушен напад врз село во источен Либан загинале 12 лица, објавија државните медиуми.Нападот доцна синоќа го погодил селото Машгара во долината Бекаа, пренесе либанската државна новинска агенција, Национална новинска агенција.Ударите уследиле откако израелскиот премиер Бенјамин Нетанјаху соопштил дека одобрил нови напади врз Хезболах, кој дејствува во јужниот дел на Либан.Израелската армија не го коментирала конкретниот напад, но вчера соопштила дека гаѓа инфраструктура на Хезболах во источен Либан.Спасувачките служби навеле дека од урнатините биле извлечени десетина тела по интензивниот бран ноќни напади врз делови од јужен и источен Либан.Сето ова се случува три дена пред либанската и израелската делегација да се сретнат во Вашингтон на директни преговори.

Свет | пред 5 дена

Израел продолжува со гранатирање и воздушни удари во Либан

Израелските сили спроведуваат жестоко артилериско гранатирање врз повеќе градови на југот на Либан, меѓу кои Арнун, Јохмор ал Шакиф, Завтар ал Шаркија и Мајфадун.На удар се нашла и околината на тврдината Бофор во округот Набатие, јави либанската Национална новинска агенција.Мајфадун уште од зори бил цел и на серија израелски воздушни напади, додека гранатирање е регистрирано и во Шахур и Срифај во округот Тир.Нападите следуваат по вчерашниот бран израелски удари низ окрузите Тир и Набатие, како и во Машгара во западниот дел на долината Бека.Репортери од терен во меѓувреме јавуваат и за нови воздушни напади врз градовите Кавтаријат ал Руз, Сарафина, Кафр и Маџдал Селем.

Свет | пред 5 дена

Нов бран израелски удари во јужен Либан

Израелските сили извршиле воздушен напад врз градот Кафр Сир во округот Набатије, на југот на Либан.Според информации од теренот, нападот бил дел од поширок бран удари што ги погодиле јужните делови на земјата.Освен Кафр Сир, израелските напади ги зафатиле и јужнолибанските окрузи Тир и Набатије. Удари биле регистрирани и во Машгара, место во областа на Западната долина Бека.Засега нема официјални информации за евентуални жртви или за степенот на причинетата штета.

Свет | пред 5 дена

Либански претседател: Нема откажување од барањето Израел целосно да се повлече од југот на Либан

Либанскиот претседател Жозеф Аун ја бранеше одлуката за продолжување на разговорите со Израел, нагласувајќи дека барањето за целосно израелско повлекување од јужен Либан останува непроменето.Во обраќање по повод годишнината од израелското повлекување од јужен Либан во 2000 година, Аун изјави дека земјата ја одбележува оваа дата во време кога „израелската агресија не престанува, а селата страдаат под нова окупација“.Тој порача дека преговорите со Израел „нема да завршат со предавање ниту ќе вклучуваат отстапки“.„Патот до целосно израелско повлекување останува постојано национално барање за кое нема преговори“, изјави Аун, додавајќи дека либанската држава се обидува тоа да го постигне преку разговори.Израел и понатаму контролира делови од јужен Либан и изведува воздушни напади и покрај примирјето со проиранскиот Хезболах, кое стапи во сила на 17 април.Лидерот на Хезболах, Наим Касем, повторно порача дека се противи на разговорите и дека одбива разоружување на движењето.Либанските власти ги забранија воените активности на Хезболах по избувнувањето на конфликтот на 2 март, но групата продолжува со судири со израелската армија на југот и повремени напади врз северен Израел.Американскиот државен секретар Марко Рубио ги осуди изјавите на Касем, обвинувајќи го дека повикува на „уривање“ на либанската влада и враќање на земјата во хаос.Либан и Израел, кои немаат дипломатски односи, започнаа разговори во април со посредство на САД. Новата рунда преговори треба да се одржи во Вашингтон на 2 и 3 јуни, а претходно е најавена средба на воени претставници на двете земји во Пентагон на 29 мај.

Свет | пред 6 дена

Израелски медиуми: Нетанјаху признал дека повеќе нема влијание врз Трамп

Израелскиот премиер Бенјамин Нетанјаху наводно признал зад затворени врати дека се соочува со сериозни тешкотии да влијае врз ставовите на американскиот претседател Доналд Трамп во врска со Иран, објавија израелски медиуми.Според израелскиот Канал 13, кој се повикува на неименувани политички извори, Нетанјаху за време на затворени разговори изразил загриженост поради можниот американско-ирански договор.„Израел во моментов нема простор за маневрирање за да влијае врз одлуките на Трамп“, наводно признал Нетанјаху.Извештаите доаѓаат во момент кога разговорите меѓу Вашингтон и Техеран се приближуваат кон можен договор за прекин на војната и намалување на тензиите.Израелскиот безбедносен кабинет, според медиумите, продолжил со состаноци и во текот на викендот, додека безбедносните служби останале во состојба на висока готовност поради стравувањата дека евентуален договор би можел да му даде политичка и економска предност на Иран.Според Канал 13, дипломатските напори на Израел во Вашингтон ги предводи поранешниот министер за стратешки прашања Рон Дермер, додека САД продолжуваат со разговорите со иранскиот министер за надворешни работи Абас Арагчи.Во извештајот се наведува и дека луѓе блиски до Трамп, меѓу кои специјалниот пратеник Стив Виткоф и советникот Џаред Кушнер, вршеле притисок договорот побрзо да биде финализиран.Израел стравува дека дипломатските напори може да резултираат со договор кој, според Тел Авив, нема доволно да го спречи Иран во идниот развој на нуклеарни капацитети.Трамп во саботата изјави дека договорот со Иран за завршување на конфликтот е „главно испреговаран“ и дека се чека финализација.

Коментари | пред 6 дена

Ирански пратеник до САД: „Не се поклонуваме пред сила и закани“

Иранскиот пратеник Ебрахим Резаи, портпарол на влијателниот парламентарен комитет за надворешна политика и национална безбедност, испрати остра порака кон САД среде дипломатските обиди за постигнување договор меѓу двете земји.„Додека во војната нашата тактика беше ‘око за око’, во дипломатијата тоа е ‘акција за акција’“, напиша Резаи на платформата Икс.Тој порача дека Иран нема да попушти пред американскиот притисок и директно го нападна американскиот претседател.„Не наседнувајте на блефот на пропаднатиот претседател. Времето работи против Американците“, напиша Резаи.Според него, доколку Вашингтон навистина сака договор, треба да продолжи со преговори, а не со закани.„Ако сакаат договор – нека преговараат. Ако, пак, сакаат бензин од шест долари, нека продолжат да бидат тврдоглави и да блефираат до бесвест“, додаде иранскиот функционер.На крајот испрати и директна порака:„Иран не се поклонува пред сила и закани.“

Свет | пред 6 дена

Нетанјаху: Со Трамп се согласивме дека Иран не смее да има нуклеарно оружје

Израелскиот премиер Бенјамин Нетанјаху објави детали од синоќешниот разговор со американскиот претседател Доналд Трамп, наведувајќи дека двајцата разговарале за клучните прашања поврзани со Иран – Хормушкиот Теснец и нуклеарната програма на Техеран.Нетанјаху на социјалната мрежа Икс порача дека со Трамп се согласиле оти секој конечен договор со Иран мора целосно да ја отстрани нуклеарната закана.„Претседателот Трамп и јас се согласивме дека секој конечен договор со Иран мора да ја елиминира нуклеарната опасност. Тоа значи демонтирање на иранските постројки за збогатување ураниум и отстранување на збогатениот нуклеарен материјал од иранска територија“, напиша Нетанјаху.Тој додаде дека Трамп повторно го потврдил правото на Израел да се брани од закани „на сите фронтови, вклучително и Либан“.„Партнерството меѓу нашите држави се докажа на бојното поле и никогаш не било посилно“, истакна израелскиот премиер.Нетанјаху порача и дека неговата политика, како и политиката на Трамп, останува непроменета – Иран да не поседува нуклеарно оружје.

Свет | пред 1 седмица

Нетанјаху му порача на Трамп: Израел ќе продолжи со акциите во Либан

Израелскиот премиер Бенјамин Нетанјаху му порачал на американскиот претседател Доналд Трамп дека Израел ќе продолжи да дејствува против заканите во Либан, јавува Ројтерс, повикувајќи се на израелски извор.Двајцата лидери телефонски разговарале откако Трамп објави дека САД и Иран „главно се усогласиле“ околу меморандум за мировен договор, кој би вклучувал и повторно отворање на Ормускиот теснец.Техеран на почетокот на војната практично го затвори овој клучен поморски премин, по што САД воспоставија поморска блокада кон Иран.„Во синоќешниот разговор со претседателот Трамп, премиерот нагласи дека Израел ќе ја задржи слободата на дејствување против заканите на сите фронтови, вклучително и во Либан, а претседателот Трамп повторно го поддржа тоа начело“, изјавил израелски политички извор.Во меѓувреме, иранските државни медиуми објавија дека договор може да биде постигнат само доколку престанат сите непријателства, вклучително и оние во Либан.Американскиот државен секретар Марко Рубио претходно изјави дека постои можност за „добри вести“ во текот на денот.

Свет | пред 1 седмица