МАРИХУАНА

Поранешни претседатели на ограноци на СДСМ се вмешани во трговијата со марихуана, случајот се продлабочува, вели Мицкоски

Премиерот Христијан Мицкоски во интервју за ТВ Ора 24 зборувајќи за случајот со запленетата марихуана истакна дека во интерес на истрагата не би можел да зборува, но она што во јавноста е познато е дека поранешни претседатели на ограноци на СДСМ и нивни блиски роднини се замешани во овој случај.„Ќе дојде времето да се излезе во јавност. Ќе заврши истрагата и ќе слушнеме имиња. До сега од она што во јавноста е познато е дека поранешни претседатели на локални организации на СДСМ, нивни блиски роднини се некако замешани во целиот овој скандал. Ќе ве потсетам дека овој скандал не е од сега, туку имаше една полициска акција уште во времето кога СДСМ и ДУИ беа во влада, на релацијата Струмица-Прилеп. Се сеќавате тогаш таа акција беше водена во содејство со американската ДЕА, се спомнуваа имиња кои се во роднинска врска со семејството Заеви“, потенцираше Мицкоски и додаде:„Сето ова е многу симптоматично, индикативно и јас во овие услови додека трае истрагата би се задржал само на оние официјални соопштенија коишто доаѓаат од Министерството за внатрешни работи.“

Македонија | пред 1 седмица

Владата одзеде уште шест лиценци за одгледување марихуана по констатирани законски пропусти

На денешната прес-конференција, на новинарско прашање дали владата денеска расправала за одземање на лиценците на фирми кои одгледуваат марихуана и колку од нив се под контрола, портпаролката Марија Митева одговори дека се одземени уште шест лиценци, по утврдени законски пропусти констатирани од надлежната комисија.Да, имаше денеска шест точки од Министерството за здравство и шест лиценци денеска владата ги одзема. Ве молам за подетални детали околу кои се фирмите да се обратите до Министерството за здравство, каде што и практично е онаа комисија. Од она што можав да го видам од информацијата којашто помина на владата, станува збор за законски пропусти при извршена проверка од страна на комисијата, којашто е надлежна да ги провери сите услови коишто треба да ги поседуваат“, изјави Митева.

Македонија | пред 1 седмица

Полицијата влезе во уште една фабрика за марихуана, овојпат во валандовско: нова акција на МВР и Обвинителството

По наредба на јавен обвинител од Основно јавно обвинителство Гевгелија, полициски службеници од СВР Струмица – ОВР Валандово денеска извршиле претрес во простории на правен субјект за производство на марихуана во селото Јосифово, валандовско.Од Министерство за внатрешни работи информираат дека претресот е спроведен по издадена наредба од надлежен јавен обвинител, а повеќе детали за предметот засега не се соопштуваат.Ова доаѓа откако беше објавено дека шест лиценци за производство на марихуана се одземени со одлука на Владата, донесена на денешната седница која сè уште е во тек. Засега нема официјално соопштение од Владата, а се очекуваат детали по нејзиното завршување.Според неофицијални информации, една од одземените лиценци се однесува на фабрика од која претходно беше запленета марихуана во рамки на акција во која беа одземени 40 тона.Одлуката следува по проверките што ги спровело Министерство за здравство. Министерот добил овластување да провери дали се почитуваат законските прописи за одгледување на марихуана, како и стандардите за нејзиниот квалитет.Според предлогот на комисијата при Министерството за здравство, одземање на лиценците е предложено за следните компании:– Alphafarm – констатиран кусок на сув цвет, необезбедено физичко обезбедување и видеонадзор.– Green Life – констатиран кусок на сув цвет и несоодветно пакување во сеф-соба.– CBD Medplant – кусок на сув цвет во сеф-соба и недоставување целосна документација до Комисијата за купопродажба.– Life Plant – недостиг на видеонадзор во внатрешните простории, необезбедено физичко обезбедување и недоставување документација за купопродажба.– Ata Farm – непостоење соодветен стручен кадар и необезбедено физичко обезбедување и видеонадзор.– Kanabinoids – неисполнување на законските услови, недостиг на кадар, обезбедување и видеонадзор, како и констатирани несоодветни активности во дворот на правното лице.Се очекува надлежните институции во текот на денот да излезат со подетални информации за одлуката и за понатамошните чекори во постапката.

Македонија | пред 3 седмици

Клуч на врата за шест фабрики за производство на марихуана

Шест лиценци за производство на марихуана се одземени со одлука на Владата, дознава Скопје1. Одлуката е донесена на денешната седница која сè уште е во тек.Според неофицијални информации една од одземените лиценци е од фабрика од која претходно беше запленета марихуана во рамки на акцијата во која беа одземени 40 тона.Одлуката на Владата е донесена по проверките кои ги направило Министерството за здравство. Министерот доби овластување да провери дали се почитувани законските прописи за одгледување на марихуаната, но и нејзиниот квалитет.Засега нема официјално соопштение од Владата, а се очекуваат детали по завршување на седницата.Ова е листата на фирмите за кои е предложено одземање на лиценците од страна на комисијата при Министерството за здравство.Alphafarm – констатиран кусок на сув цвет,необезбедено физичко обезбедување и видеонадзорGreen Life – констатиран кусок на сув цвет и несоодветно пакување на сувиот цвет во сеф-соба.CBD Medplant – кусок на сув цвет во сеф-соба и недоставување целосна документација до Комисијата за купопродажба (доставено е само известување за транспорт).Life Plant – недостиг на видео надзор во внатрешните простории, необезбедено физичко обезбедување согласно законските услови и недоставување документација за купопродажба на сув цвет.Ata Farm – непостоење соодветен стручен кадар и необезбедено физичко обезбедување и видеонадзор.Kanabinoids – неисполнување на законските услови, недостиг на кадар, обезбедување и видеонадзор, како и констатирани несоодветни активности во дворот на правното лице (продажба на возила).

Македонија | пред 3 седмици

Од Скопје до Коњух: марихуана била „маскирана“ како перници за да помине граница

Наместо лесни перници, тони марихуана завршиле од Македонија во Србија, објави „Код“. Обвинителството за гонење на организиран криминал и корупција отвори истрага против шест лица поврзани со околу петте тони марихуана пронајдени во Коњух, кои од земјава излегле преку граничниот премин „Табановце“.Имено, според „Код“, марихуаната влегла во Србија во камион декларирана како „квалитетни лесни македонски перници од Прилеп“ кои „требало“ да патуваат за Манчестер, Англија. Перниците биле извадени од камионот и претоварени во друг, а првиот камион бил натоварен со кутиите марихуана. Возач на камионот бил Александар Ивановски кој е сега притворен.Според соопштението на Обвинителството, првоосомничен е сопственикот на скопската фирма „Алфафарм“, Предраг Брковиќ, кој заедно со други засега неидентификувани лица организирал набавка на марихуана и нејзино повеќекратно транспортирање од Македонија до Србија со товарни возила, со цел натамошна продажба.Брковиќ, како што наведуваат од ОЈО ГОКК, им дал насоки на своите вработени за пакување на сув цвет од канабис во вкупна количина од 8.832 килограми, претходно набавен од фирмата „ЦБД Медплант“ од струмичкиот регион.Во период од околу две недели биле спакувани над 200 кутии, по што првоосомничениот им одобрил колективен одмор на вработените. На 13 јануари 2026 година, во пладневните часови, двајца ортаци, од кои едниот осомничен во Република Северна Македонија, а другиот во Република Србија, организирале пренесување на поголема количина сув цвет од канабис со товарни и патнички возила од објектот на правното лице во Скопје до локација во атарот на Свети Николе.Од Обвинителството информираат дека првоосомничениот, заедно со други неидентификувани лица, организирал кутиите да бидат натоварени во возилата и во два наврата пренесени до наведената локација.Клучниот момент, според истрагата, е што товарното возило, кое првично било наменето за превоз на лесни перници, било испразнето и наместо перници во него биле натоварени кутиите со сув цвет од канабис. Од Свети Николе возилото се упатило кон граничниот премин „Табановце“ и ја напуштило државата, носејќи ја пратката кон Србија.Истрагата е во тек, а Обвинителството најавува натамошни активности за целосно расчистување на случајот и утврдување на одговорноста на сите инволвирани лица.

Македонија | пред 3 седмици

(Видео) Функционери од Владата на СДСМ осомничени за преносот на марихуаната од Македонија кон Србија

Функционери од Владата на СДСМ се опфатени во истрагата како учесници во преносот на марихуаната од Македонија кон Србија, а откако беа фатени 4 тони. Ова го потврди премиерот Христијан Мицкоски кој одби да соопшти детали во интерес на истрагата.„Во интерес на истрагата не би одел чекор понапред. Тоа што го имав да го кажам за овој случај го кажав. Има функционери, но од претходната Влада, има фирма сопственост на поранешен претседател на СДСМ во Ново село, односно негов син“, рече Мицкоски.Постапувајќи по поднесена кривична пријава, јавен обвинител од Основното јавно обвинителство за гонење на организиран криминал и корупција донесе Наредба за спроведување на истражна постапка против шест лица, за кои постои основано сомнение дека сториле кривично дело „Неовластено изработување и пуштање во промет на наркотична дрога, психотропни супстанции и прекурсори“.Истражната постапка се темели на докази обезбедени врз основа на документација доставена од Министерството за внатрешни работи, како и од документација од оформен предмет на Јавното обвинителство за организиран криминал на Република Србија добиена преку меѓународна правна помош.

Македонија | пред 1 месец

Детали како марихуаната спакувана во над 200 кутии стигнала од Македонија до Србија

Постапувајќи по поднесена кривична пријава, јавен обвинител од Основното јавно обвинителство за гонење на организиран криминал и корупција донесе Наредба за спроведување на истражна постапка против шест лица, за кои постои основано сомнение дека сториле кривично дело „Неовластено изработување и пуштање во промет на наркотична дрога, психотропни супстанции и прекурсори“. Истражната постапка се темели на докази обезбедени врз основа на документација доставена од Министерството за внатрешни работи, како и од документација од оформен предмет на Јавното обвинителство за организиран криминал на Република Србија добиена преку меѓународна правна помош.Според наводите во наредбата, осомничените, заедно со други засега неидентификувани лица, во неутврден период од 2025 година до крајот на јануари 2026 година, се здружиле со цел неовластена продажба и пуштање во промет на наркотична дрога – кокаин и марихуана. Секој од членовите на групата имал јасно определена улога при преземање, држење и пренесување на наркотичната дрога марихуана, заради нејзина понатамошна неовластена продажба. Двајца од осомничените, за кои српското обвинителство за организиран криминал води постапка, заеднички и по претходен договор со првоосомничениот во овој предмет кој е сопственик на правно лице од Скопје, како и со други неидентификувани лица, организирале набавка на наркотична дрога марихуана и нејзино повеќекратно транспортирање од Република Северна Македонија до Република Србија со товарни возила, заради натамошна продажба.Во декември 2025 година, првоосомничениот им дал насоки на своите вработени за пакување на сув цвет од канабис во вкупна количина од 8.832 килограми, претходно набавен од правно лице од Струмица. Во период од околу две недели, вработените спакувале над 200 кутии, по што првоосомничениот им одобрил колективен одмор. На 13.01.2026 година, во пладневните часови, двајцата ортаци (едниот осомничен во РСМ, а другиот во РС), организирале пренесување на поголема количина сув цвет од канабис со товарни и патнички возила од објектот на правното лице во Скопје до локација во атарот на Свети Николе. Првоосомничениот, заедно со други неидентификувани лица, организирал кутиите да бидат натоварени во возилата и во два наврати пренесени до наведената локација.Во исто време, во атарот на селото Сарамзалино, останатите петмина осомничени на паркинг простор кај локалната црква во селото извршиле претовар на царинета стока од товарно моторно возило со приклучно возило, во друго товарно моторно возило. Потоа, осомничените заминале за Свети Николе каде во испразнетото товарно возило биле натоварени кутиите со сув цвет од канабис. По извршениот утовар, осомничените на кои претходно им беше определен краткотраен притвор со товарното моторно возило и приклучното возило, заедно со уште тројца осомничени со ПМВ, се упатиле кон граничниот премин Табановце и ја напуштиле државата.На 14.01.2026 година, во 03:41 часот, товарното моторно возило се исклучило од автопат и се упатило кон селото Коњух, каде заедно со други неидентификувани лица било извршено растоварање на кутиите со наркотична дрога марихуана во објект на правно лице од Крушевац, претходно обезбеден од осомничени лица за кои Јавното обвинителство за организиран криминал на Република Србија води истражна постапка.Јавниот обвинител оцени дека постојат околности што упатуваат на тоа дека во конкретниот случај целта на притворот не би можела да се оствари со некоја друга мерка за обезбедување присуство, па на судијата на претходна постапка при Основниот кривичен суд Скопје му предложи да донесе решение со кое спрема двајцата осомничени на кои им беше определен краткотраен притвор да биде определена мерка притвор во траење од 30 дена.

Македонија | пред 1 месец

Тошковски: Истрагата за запленетите 40 тони канабис резултира со кривична пријава за 10 лица

Министерот за внатрешни работи Панче Тошковски, во телевизиско гостување објави дека Министерството за внатрешни работи поднесе кривична пријава до Јавното обвинителство за гонење на организиран криминал и висока корупција против 10 лица, за кои постојат основани сомненија дека се поврзани со нелегално производство и пуштање во промет наркотична дрога по член 215 од Кривичниот законик.Двајца од осомничените веќе се во 48-часовен притвор, а истрагата што ја води МВР во координација со Обвинителството е поврзана и со дрогата пронајдена во соседна Србија, за која постојат индиции дека потекнува од производствени капацитети за т.н. медицински канабис во државава.Министерот Тошковски во гостување во емисијата „Клик Плус“ истакна дека кривичната пријава е резултат на обемна истрага и преземени активности во изминатиот период.„Во оваа фаза од истрагата е поднесена кривична пријава за 10 лица за кои имаме основано сомнение дека се директно или индиректно поврзани со нелегално производство и пуштање во промет на произведената дрога“, посочи министерот Тошковски.Во рамки на контролите спроведени во производствени капацитети низ државата, одземени се околу 40 тони марихуана, за која надлежна комисија констатирала дека не била третирана согласно законските прописи.„Индициите што ги имавме за нелегално производство, третман и чување се покажаа како точни и затекнатата дрога, за која е утврдено дека не е третирана согласно закон, е одземена“, нагласи Тошковски.Тој потенцираше дека контролите покажале оти дел од компаниите работеле целосно законски и професионално, но кај дел се утврдени сериозни незаконитости, поради што марихуаната е одземена.„Се поставува прашањето каде ќе завршеле тие 40 тони дрога доколку не ги одземевме“, истакна министерот.Во однос на случајот со заплената во Србија, Тошковски нагласи дека постојат докази кои упатуваат дека дрогата влегла од Македонија и дека истрагата се води во тесна соработка со српските надлежни органи. Притоа, тој посочи дека суштинското прашање е и како таквата количина наркотична дрога влегла на територијата на Србија, имајќи го предвид начинот на функционирање на заедничките гранични контроли. „Согласно Договорот кој го имаме за One stop системот е така имплементиран да секоја гранична полиција на МВР, во рамки на граничната контрола го штити влезот во Македонија, односно излезот на Србија и влезот во Македонија. Македонските полициски службеници се на овој граничен премин и тука го контролираат влезот во Македонија. На влезот во Србија го контролираат српските полициски службеници. Значи не е прашањето како излегло од Македонија, туку како влегло во Србија. Тоа е во делот на министерството за внатрешни работи. Во делот на надлежностите на останатите институции ќе видиме, ќе покаже истрагата.“, потенцираше Тошковски.Паралелно, Владата го задолжи Министерството за здравство и надлежната комисија, во соработка со МВР и другите институции, да извршат контроли во сите лиценцирани производствени капацитети, со цел целосно утврдување на фактичката состојба и санкционирање на сите незаконитости.„Мора најбрзо што може да ја утврдиме фактичката состојба и да ја запреме хаотичната состојба што ја наследивме“, подвлече министерот Тошковски.Министерството за внатрешни работи ќе продолжи со засилени контроли и активности за расчистување на сите случаи поврзани со незаконско производство и трговија со дрога.

Македонија | пред 1 месец

Десет лица под истрага за марихуаната запленета во Србија

Десет лица ќе бидат опфатени со кривична пријава во врска со марихуаната што беше запленета во Србија, од кои двајца веќе се наоѓаат во притвор.Во текот на денот ќе биде поднесена кривична пријава до Основното јавно обвинителство за гонење организиран криминал и корупција, при што постојат основани сомненија дека осомничените лица се директно или индиректно поврзани со производство и транспорт на дрога.Според информациите, истрагата утврдила поврзаност на пријавените со транспортот на дрогата што беше запленета на територијата на Србија, а постапката продолжува во координација со надлежното обвинителство.

Македонија | пред 1 месец

Мицкоски за истрагата за 40 тони марихуана: Се зголемува бројот на лица коишто се замешани

Премиерот Христијан Мицкоски денеска на прес-конференција изјави дека истрагата за случајот со запленетите 40 тони марихуана се проширува, се откриваат нови аспекти и се зголемува бројот на лица вклучени во случајот.„Не би рекол дека нема никој приведен, но да бидеме трпеливи. Да, сега за сега, тоа што е потребно да го споделиме со јавноста, го споделуваме, сепак станува збор за огромна количина, не се наoѓаат секој ден 40 тона марихуана, којшто се резултат на последиците на една несреќна влада, којашто, освен тоа што ја ограбувше државата, својата економска политика ја темелеше на производство на дрога и ја распродаваше државата пред се нејзиниотѕ национален интерес. Е, сега, ние се справуваме со тие остатоци од едно такво несреќно владеење, седум години. Дел од на тоа несреќно управување со владата е и ова што вие го споменавте, овој случај, но да почекаме, ќе споделиме многу брзо со јавноста, како е, што е, кој е, каде е и така натаму, бидејќи се отвараат нови аспекти, нови перспективи, се зголемува бројот на лица коишто се замешани, се отворат нови позиции, нови агли на тоа што се набљудува во целата оваа истрага, така да бидеме трпеливи. Министерството за натрешни работи покажа дека е прилично транспарентно, така што верувајте дека ќе ве информира“, изјави Мицкоски.

Македонија | пред 1 месец

Први притвори во Македонија за запленетата мархуана во Србија: уапсени две лица

По предлог на јавен обвинител од Основното јавно обвинителство за гонење на организиран криминал и корупција, вчера на две лица, кои претходно беа сослушани во својство на осомничени, судијата на претходна постапка при Основниот кривичен суд Скопје им определи мерка краткотраен притвор во траење од 48 часа.„Како резултат на преземените дејствија и анализата на прибраните информации и докази, постојат основи на сомнение дека лицата преземале активности поврзани со запленетите 5 тони марихуана во Република Србија, поради што јавниот обвинител достави образложен предлог за определување краткотраен притвор.Барањето за определување на краткотрајниот притвор е со цел обезбедување на лицата и овозможување на доволно време на јавниот обвинител за преземање на неопходните процесни дејствија и донесување соодветна одлука за понатамошно постапување. Во вакви случаи, особено кога се работи за предмети со поголема сложеност, како и предмети со меѓународен карактер, временските рокови често се ограничени, што ја оправдува примената на оваа мерка.Основното јавно обвинителство за гонење на организиран криминал и корупција продолжува со интензивно постапување во предметот и јавноста ќе биде навремено информирана за понатамошниот тек, согласно законските можности“, велат од обвинителството.

Македонија | пред 1 месец

Приведени пет лица, фатени во момент на купопродажба на марихуана

На 17.02.2026, полициски службеници од СВР Струмица-ОВР Радовиш лишија од слобода пет лица во Радовиш и радовишко, поради постоење основи на сомнение за купопродажба и поседување на марихуана.Во село Бучим, радовишко, во 21:55 часот беа приведени Е.С.(36) од Бучим и М.Р.(29) и Б.У.(24), двајцата од Радовиш. Лицата биле затекнати во паркирано возило „Форд“ во момент на купопродажба на марихуана. При пристап на полицијата, Е.С. фрлил повеќе пакувања со марихуана, кои биле пронајдени и одземени. М.Р. и Б.У. признале дека купувале марихуана од Е.С.Истиот ден, во 19:20 часот на влез во Радовиш, полицијата лишила од слобода и Ј.А.(24) и М.У.(28), двајцата од Радовиш, при што при преглед во такси возило била пронајдена марихуана. Тие признале дека наркотикот го купиле од Е.С.По целосно документирање, против сите пет лица ќе бидат поднесени соодветни пријави, а за случаите е известен јавен обвинител.

Македонија | пред 1 месец

Во 43 компании ќе влезат тимови од МВР и Министерството за здравство

Министерот за здравство Азир Алиу најави дека од денеска започнуваат теренските контроли на лиценците издадени за производство на канабис за медицински цели, посочувајќи дека додека траела прес-конференцијата, инспекциските тимови веќе биле на терен.„Ќе се проверуваат 43 лиценци кои се дадени за производство на канабис за медицински цели“, изјави Алиу, објаснувајќи дека постојат две различни комисии за контрола на овој сектор – една надлежна за административните процедури во рамки на Министерството за здравство, и меѓуресорска комисија формирана согласно законска рамка на Владата, чија улога е да анализира политики поврзани со овој тип процеси. Првата комисија работела и досега за што имало извештаи, додека владината, последен извештај има во 2017 година.Министерот нагласи дека во сила се два правилници – стар и нов – кои во моментот се предмет на анализа од страна на експерти и професори. Според него, врз основа на извештајот што ќе произлезе од таа анализа, ќе се донесат понатамошни одлуки, а доколку биде потребно, ќе се покренат и соодветни постапки.Алиу информираше дека секоја компанија е обврзана да доставува фотографии и информации за количината и квалитетот на произведениот канабис до комисијата за која е задолжено Министерството за здравство. Во моментов, формирана е комисија од пет члена која има рок од 45 дена да изготви извештај за сите 43 лиценци.Тој посочи и дека постојат одредени предизвици во имплементацијата на законот, меѓу кои и недостиг од службени возила, што, како што рече, дополнително го отежнува надзорот и контролата на терен.

Македонија | пред 1 месец

ВМРО-ДПМНЕ: Македонија стана балкански нарко-центар под Заев и Филипче

Македонија во време на владеењето на СДС, Зоран Заев и Венко Филипче наместо строго контролирано производство на канабис за медицински цели, беше претворена во балкански нарко центар за шверц на марихуана на црниот пазар, вели ВМРО-ДПМНЕ.„Последната заплена од околу 40 тони марихуана јасно покажува дека таканаречениот „медицински канабис“ бил само параван за организиран криминал и нелегална трговија со дрога. Овие количини се запленети од компании со лиценци за производство на канабис за медицински цели, токму оние лиценци кои беа издавани во време на Заев и Филипче.Околу 70 проценти, односно околу 30 тони од запленетата марихуана, потекнуваат од фирмата „ЦБД Медплант“ од Ново Село, компанија која во јавноста се поврзува со лица блиски до СДС, Зоран Заев и Венко Филипче. Основач на фирмата е Христијан Котев, син на Тони Котев М’гчев, поранешен претседател на општинскиот одбор на СДС во Ново Село и човек близок до Заев.Лиценците за производство на канабис во тоа време не се издавале според јасни и строги критериуми, туку според партиска и лична блискост со СДС, Заев и Филипче.Паничните реакции на Заев и Филипче по откривањето на случајот, дополнително ја потврдуваат нивната вмешаност.Нервозата кај Заев паничните јавувања, објавите на социјалните мрежи и сомнителните движења на Филипче даваат дополнителен сомнеж. Сето тоа личи на гасење пожар а не на однесување на луѓе кои имаат чист образ.Сите овие индиции укажуваат на сериозна поврзаност меѓу поранешната власт и криминалот со марихуана.Јавното обвинителство темелно, целосно и неселективно да го истражи случајот. Како се издавале лиценците, кој стои зад компаниите, каде завршувала произведената марихуана и кој ја штител нелегалната трговија. Кој и колку профитирал?Законот мора да важи за сите подеднакво. Јавноста очекува одговори, а институциите мора да покажат дека никој не е над законот. Законот мора да важи и за Заев и за Филипче и за нивните соработници. Одговорност мора да има“, се вели во соопштението.

Македонија | пред 1 месец

Величковски: Случајот со марихуаната има пошироки импликации

Ивон Величковски, претседател на Либерална партија, преку објава на Фејсбук реагираше за, како што наведува, обид за цензура околу аферата со запленетата марихуана. Тој посочува дека случајот има пошироки импликации и повика на поголема транспарентност и одговорност од институциите и медиумите.„Пораката гласи: Не се прифаќа обидот за цензура од ВМРО-ДПМНЕ, СДСМ и медиумите на аферата 40 тони марихуанаНавидум едно "протоколарно" известување на Амбасадата на САД во Скопје:"Вршителот на должност амбасадор, Никол Варнс пред кратко време протоколарно се сретна со министерот за надворешни работи Муцунски, министерот за одбрана Мисајловски и министерот за внатрешни Тошковски. За време на средбите в.д. Варнс ја потврди извонредната соработка по заедничките приоритети, вклучително трговијата, колективната одбрана и безбедноста на нашите две нации".Еден ден пред премиерот и министерот за внатрешни да излезат на снимки со запленетата роба.Истиот ден кога невешто:- Мицкоски на прес инсистираше да не се верува на медиумите во Србија дека таму запленетата марихуана не потекнува од Северна Македонија, а- Заев со писмо сакаше да се дистанцира од марихуанската афера иако дејноста се "регулираше" во неговиот владин мандат, а последиците од "регулативата" се мерат во тони шверцувани психотропни супстанци.И два дена откако медиумите веста ја третираа небаре се случила во Сомалија.Бидејќи марихуаната меѓу Северна Македонија и Србија очигледно транзитирала полесно одошто брашно.Цензурата кажува дека:- Ова е повеќе од афера и имплицира далеку вон границите на регионот. Молкот на ЕУ амбасадите затоа е особено интересен.- Операцијата секако не е домашна“, вели Величковски.

Коментари | пред 1 месец

(Видео) Запленетите 40 тона марихуана биле за улиците во Македонија или Европа, а била незаконски произведувана и чувана, вели Тошковски

Марихуаната била за македонските улици или за улиците низ Европа, а била незаконски произведувана и чувана, посочи министерот за внатрешни работи, Панче Тошковски.„Таа е произведувана, складирана, чувана надвор од утврдените протоколи. Неазконски е истата третирана од фирмите од каде беше одземена. Истата е во рамки на простории на МВР за да биде искористена во тек на доказната постапка“, рече Тошковски.Според него се преземаат сите чекори за да се утврди фактичката состојба.

Македонија | пред 1 месец

Индициите упатуваат на многу поголем криминал, ова е само почеток, рече Мицкоски најавувајќи проширена истрага

Владата денеска ќе донесе задолженија за спроведување проверки и во други фирми кои се занимаваат со производство на марихуана, најави премиерот Христијан Мицкоски, посочувајќи дека актуелната акција е само почеток на многу поширока истрага.„Не би се изненадил ако дојдеме до сто тони заплена“, изјави Мицкоски.Прашан дали марихуаната што завршила во Србија поминала преку граница како пломбиран товар, пријавен во документацијата како друг производ, Мицкоски одговори дека засега нема такви информации.Тој посочи дека со правилник донесен од претходната власт било овозможено производство на цвет од канабис со квалитет под стандардите, кој потоа би се користел за производство на масло што се пласирало на пазарот, што, според него, отворило простор за сериозни злоупотреби.„Потребна е сериозна истрага. Ова е само почеток. Од индициите што ги имаме и од она што МВР го работи – телефонски комуникации, разговори и друг вид докази – јасно е дека случајот ќе биде многу поголем“, нагласи премиерот, додавајќи дека институциите ќе одат до крај во расчистувањето на целиот синџир на одговорност.

Македонија | пред 1 месец

Се поврзуваат 40-те тони марухуана од Македонија со српските 5 тони - нови информации од обвинителството

Во рамките на опсежната акција што се спроведува изминатиов период, а во која досега се запленети над 40 тони марихуана од повеќе правни лица на територијата на државата, обвинителството соопшти дека континуирано презема активности во координација со Министерството за внатрешни работи и Комисијата за одобрување на одгледување на канабис за медицински цели при Министерството за здравство.Од обвинителството информираат дека постапувањето се одвива во постојана соработка со Основното јавно обвинителство за гонење на организиран криминал и корупција, како и со други јавни обвинителства со месна и стварна надлежност, кои постапуваат по предмети за кривични дела утврдени во Законот за контрола на опојни дроги.Во насока на целосно утврдување на сите релевантни факти и околности, предметниот јавен обвинител од Основното јавно обвинителство за гонење на организиран криминал и корупција воспоставил комуникација со Обвинителството за организиран криминал на Република Србија. Целта на оваа соработка е размена на информации од значење за постапката, кои треба да помогнат во утврдувањето на евентуална поврзаност меѓу случаите во двете држави и потеклото на запленетата марихуана.Паралелно со меѓународната соработка, јавниот обвинител од ОЈО ГОКК презема и други дејствија во рамки на своите законски надлежности, меѓу кои и сослушување лица во својство на сведоци, со цел прибирање докази и утврдување факти што се од суштинско значење за постапката.Од Основното јавно обвинителство за гонење на организиран криминал и корупција нагласуваат дека, заедно со надлежните институции, продолжуваат со преземање на сите неопходни дејствија за целосно расчистување на случајот, при што јавноста ќе биде навремено и транспарентно информирана за текот и исходот на истрагата.

Македонија | пред 1 месец

ВМРО-ДПМНЕ: Зошто Заев лично се интересирал за случајот со петте тони марихуана запленети во Србија

Заев, основачот на марихуана бизнисот во Македонија, не спие мирно. Немирната совест го натера Заев на панични реакции уште во неделата рано изутрина, вели ВМР-ДПМНЕ.„Нервозната реакција е јасен знак дека Заев се чувствува директно погоден и разоткриен, откако вистината почна да излегува на виделина.Факт е дека токму владата предводена од Заев го постави темелот на бизнисот со марихуана во Македонија. Околу 70% од запленетата дрога е поврзана со фирма блиска до СДС, „ЦБД Медплант“, чиј основач е Тони Котев (Мгчев), поранешен претседател на општинскиот одбор во Ново Село, човек поврзан со Вице Заев. Фирмата, формално во сопственост на неговиот син, за помалку од шест месеци испорачала 19 тони марихуана.Фирмата на Мгчев добива одобрение за работа во време кога владата ја предводеше Заев, а Филипче беше министер за здравство, поточно во 2020 година.ВМРО-ДПМНЕ уште тогаш укажуваше дека лиценците за одгледување марихуана за медицински цели се доделувале исклучиво на фирми блиски до власта, а не според законски услови.Медицинската марихуана била параван за организиран криминал во огромни размери.Јавноста има право да знае и зошто Заев лично се интересирал за случајот со петте тони марихуана запленети во Србија.Апелираме до Јавното обвинителство да ја истражи вмешаноста на Заев и Филипче во овој случај и да ги објави сите сознанија. Борбата против криминалот е јасна, а на наркокартелот на Заеви му доаѓа крајот“, се вели во соопштението.

Македонија | пред 1 месец

(Видео) Први официјални информации: Запленети над 40 тони марихуана и над 1.300 шишиња масло од канабис, се испитува врска со заплената во Србија

Министерството за внатрешни работи ја известува јавноста дека во тек е опсежна акција, во рамки на која е запленета голема количина на марихуана. Во правно лице во Скопје пронајдени се и одземени околу девет тони марихуана и над 1300 шишиња произведено масло од канабис (полупроизвод). Од правни лица пак од источниот регион, одземени се над 31 тони марихуана и биомаса.@Во координација со Царинската управа и надлежната Комисија за контрола на овој вид на дејност од Министерство за здравство извршени се контроли во повеќе правни лица чија основна дејност е одгледување зачински, ароматични и лековити растенија и растенија со употреба во фармацијата, а во координација со јавен обвинител од ОЈО за ГОКК, се преземаат мерки и активности заради утврдување на фактите дали неодамна запленетата марихуана во Р.Србија  потекнува од нашата држава.Со оглед на тоа дека едно од осомничените и приведени лица во Р.Србија е дел од сопственичката структура во правното лице од Скопје, извршени се детални проверки и контроли на количината која е затечена во правното лице и целосната документација која што е пронајдена во просториите на правното лице. Врз основа на пронајдената документација од страна на Комисијата од Министерството за здравство  сочинет е записник, во кој се констатирани низа неправилности при работењето и голема неусогласеност во однос на количините кои правното лице ги поседува, произведува, набавува и отуѓува. Со оглед на констатираните неправилности и по доставено известување од надлежен Јавен обвинител, од просториите на правното лице е подигната целосната количина на пронајдена марихуана. Исто така, извршени се проверки во неколку правни лица во источниот регион каде исто така од надлежната комисија се утврдени неправилности и неусогласеност во однос на количините кои правните лица ги поседуваат, произведуваат, набавуваат и отуѓуваат, по што е одземена затекнатата количина.Министерството за внатрешни работи во координација со ОЈО ГОКК, каде е формиран посебен тим за овој и слични предмети, продолжува и во наредниот период со преземање на мерки и активности за целосно расчистување на овие случаи.МВР по завршување на акцијата и по целосно расчистување на случаите детално ќе ја информира јавност“, информираат од МВР.

Македонија | пред 1 месец

„Билка“ предупредува: Заплените со канабис се последица на погрешни политики и отсуство на институционален надзор

Здружението за канабис и зелени политики БИЛКА со сериозна загриженост ги следи последните настани поврзани со заплената на пет тона македонски канабис во Србија, како и десетици тона канабис запленети во Македонија, оценувајќи дека станува збор за директна последица на долгорочно погрешни јавни политики и слаб институционален надзор.Од здружението посочуваат дека ваквата состојба е резултат на децениска погрешна политика, несоодветни законски решенија и нивна погрешна или селективна имплементација. Според БИЛКА, постојните законски рамки со години наназад исклучиво го фаворизирале бизнис-секторот, додека пациентите, за кои формално и декларативно бил наменет медицинскиот канабис, биле оставени на маргините.БИЛКА потсетува дека во повеќе наврати јавно алармирала и доставувала конкретни предлози за законски измени, кои требало да овозможат квалитетни медицински производи од канабис, достапни за пациентите, како и дестигматизација и декриминализација на рекреативните корисници. Наместо тоа, како што наведуваат, системските пропусти довеле до ширење на сивата зона и до сериозни злоупотреби.Во реакцијата се отфрлаат барањата на дел од помалите политички партии за целосно укинување на можноста за одгледување медицински канабис. Според здружението, таквите барања се беспредметни и погрешно насочени, бидејќи злоупотребите не произлегуваат од самата можност за одгледување, туку од повеќегодишниот пропуштен надзор и неисполнување на законските обврски од страна на надлежните институции, пред сè Министерството за здравство, Министерството за земјоделство и Министерството за внатрешни работи.БИЛКА упати итен апел до сите парламентарни партии да започнат сериозна и одговорна работа на носење Lex Canabis, како посебен закон, кој конечно и системски ќе го уреди ова прашање. Според здружението, вакво законско решение е неопходно за пациентите да не зависат од црниот пазар, рекреативните корисници да не бидат криминализирани, индустрискиот коноп повторно да се врати на македонското поднебје, а во исто време државата да воспостави транспарентен и контролиран систем кој, секундарно, може да придонесе и за полнење на буџетот.Од БИЛКА порачуваат дека без суштински законски промени и вистинска политичка волја, актуелните скандали со канабис ќе продолжат, а штетата ќе ја плаќаат и пациентите и општеството во целина.

Македонија | пред 1 месец

Надминати првичните проценки – заплената на марихуана достигна околу 40 тони, но нема информации за уапсени

Над 30 тони марихуана достигнала заплената во струмичкиот регион, дознава „Скопје1“ од извори во истрагата. Во кругот на поранешниот хемиски комбинат ОХИС во Скопје, каде што е регистрирано седиштето на фирмата „Алфафарм ДОО Скопје“, одземени се нешто над 10 тони. Со ова, вкупната количина марихуана која е изнесена од двете локации изнесува околу 40 тони, што значително ги надминува првичните проценки дека во Скопје има девет, а во струмичко околу 18 тони.Акцијата трае повеќе денови и сè уште не е целосно завршена. Засега нема информации за уапсени лица или повикани на информативен разговор.Од двете локации излегоа десетици возила – комбиња, камиони, мини-камиони, патнички возила, а во струмичкиот регион за првпат беше ангажиран и шлепер, што укажува на обемот и тежината на запленетата дрога. На терен, покрај полицијата и истражителите, биле присутни и екипи на Царинската управа, како и медицински лица.Оваа акција следува по настаните од пред неколку дена во Србија, каде што беа запленети пет тони марихуана, за кои српските власти соопштија дека потекнуваат од Македонија и биле наменети за српскиот пазар. Токму таа заплена, според сознанијата, била клучниот момент кој ја забрзал и проширил истрагата и на македонска територија.Компанијата „Алфафарм ДОО Скопје“ е регистрирана за производство и преработка на медицински канабис, а според податоците од Централниот регистар, во изминатиот период имало промени во сопственичката структура. Токму законитоста на производството, складирањето и трасата на движење на марихуаната се во фокусот на истражните органи.Од МВР и од ОЈО ГОКК и понатаму не изнесуваат детали, со образложение дека постапувањето на терен е во тек. Официјални информации за бројот на осомничени лица, евентуални приведувања и квалификацијата на кривичните дела се очекуваат по целосното завршување на акцијата.Според извори во истрагата, се проверуваат повеќе линии на одговорност – од евентуално незаконско производство, преку складирање, до шверц на дрогата надвор од државата. Со оглед на количините, случајот отвора сериозни прашања за институционалниот надзор врз производството на медицински канабис и можните пропусти на повеќе државни органи во изминатиот период.

Македонија | пред 1 месец

(Видео) По дводневна акција: со десет возила и шлепер oд струмичко изнесени уште околу 18 тони марихуана, вкупно над 27 тони

По два дена интензивна акција, утрово од локацијата во струмичко, каде што се вршеше претрес и заплена, излегоа вкупно 190 возила натоварени со заплена. Според информациите на „Скопје1“, од теренот заминаа четири комбиња, еден мини-камион, пет камиони, осум патнички возила и еден шлепер, со што неофицијално е заокружена заплената на околу 18 тони марихуана од оваа локација.За разлика од претходната заплена во Скопје, во струмичко за првпат беше вклучен и шлепер, што дополнително укажува на обемот и логистиката на криминалната операција. Според сознанијата, токму оваа локација претставува вториот клучен крак на истрагата што ја водат Министерството за внатрешни работи и Обвинителството за гонење организиран криминал и корупција.Детали за акцијата и натаму не се откриваат. Во јавноста нема информации за сторени кривични дела, ниту за осомничени лица. На ниво на шпекулација е информацијата дека марихуанта се запленува бидејќи е произведена надвор од пропишаните граници на производство кои што биле дозволени. Но ова не е потврдено од ниту една институција.Претходно, од кругот на поранешниот хемиски комбинат ОХИС во Скопје, каде што е регистрирано седиштето на компанијата „Алфафарм ДОО Скопје“, беа изнесени околу девет тони марихуана. Таму, според нашите извори, беа ангажирани комбиња, камиони и патнички возила, а на теренот, покрај полицијата и истражителите на Обвинителството, имало и медицински екипи, како и возила на Царинската управа.Со струмичката заплена, вкупната количина одземена марихуана достигнува околу 27 тони, што претставува најголема конфискација на наркотична дрога во Македонија за која досега има сознанија во јавноста.Акцијата следува по настаните од пред неколку дена во Србија, каде што беа пронајдени и одземени пет тони марихуана, за кои српските власти соопштија дека биле прошверцувани од Македонија и биле наменети за српскиот пазар. Тамошните институции информираа дека дрогата била складирана во магацин поврзан со семејство во околината на Крушевац, а во тој предмет се осомничени најмалку пет лица, од кои дел сè уште се недостапни за органите на прогонот.Во фокусот на македонската истрага е компанијата „Алфафарм ДОО Скопје“, регистрирана за одгледување и преработка на медицински канабис, кај која, според податоците од Централниот регистар, биле забележани промени во сопственичката структура непосредно пред српската заплена.Од МВР и од Обвинителството засега не соопштуваат дополнителни детали, со образложение дека постапките на терен сè уште траат. Јавноста, како што најавуваат институциите, ќе биде официјално информирана по целосното завршување на акцијата и комплетирањето на истражната постапка, кога се очекува да бидат соопштени и бројот на осомничени лица, како и кривичните дела што ќе им се стават на товар.

Настани | пред 1 месец

Демократски сојуз: Контролата на медицински канабис затаила, потребни се итни законски промени

Демократскиот сојуз бара Собранието по скратена постапка да донесе измена на законите со кои ќе се забрани производство на канабис за медициски цели.„Досега, од 2017 година надлежното Министерство за здравство, во соработка со други институции издало 61 лиценца на фирми кои можеле да произведуваат марихуана за медицински цели. Повеќе од јасно е дека контролата затаила, поради што се случија фингирани кражби, пресметки помеѓу наркомафијата, заплени на канабис од полицијата итн., но криминалниот бизнис продолжи, бидејќи наркомафијата во која беа вклучени и носители на највисоки државни функции од претходната власт се стекнаа со огромна финансиска моќ и политичко влијание“, соопшти партијата.Демократски сојуз силно ја поддржува акцијата на МВР за заплена на канабисот и инсистира да постапува неселективно, се додава во соопштението.„Јавно да бидат објавени сопствениците, формални и неформални, на фирмите кои произведуваат канабис, кој и кога ги издал лиценците за производство на канабис итн. Министерството за здравство во соработка со другите надлежни институции да објави колку количини на канабис се произведени, каде се тие количини (продадени, на залиха, украдени итн.) и колку профит е остварен. Запленетите 32 тона канабис (5 во Србија и 27 тони во Македонија), тоа е засега гребење по површината на овој наркобизнис, кој има тешки последици по здравјето на младите генерации, политичката стабилност, владеење на правото и меѓународниот углед на државата“, соопшти ДС.Бараме да се прошири одговорноста и кон носителите на функции од надлежните министерства кои издавале лиценци и кои затаиле со контролата на спроведување на законите за да се спречат злоупотребите, се додава во соопштението.„Одземените количини се премногу за Балканот, а не за медицинските потреби на Македонија. Очигледно е дека првобитната хумана цел е злоупотребена и затоа се потребни итни законски промени“, соопшти Демократскиот сојуз.

Македонија | пред 1 месец

Претреси во кругот на ОХИС поради случајот со петте тони марихуана кои беа запленети во Србија

Попладнево се вршат претреси во фирмата „Алфафарм“, сместена во кругот на поранешната хемиска индустрија ОХИС, во рамки на истрага поврзана со заплената на околу пет тони марихуана во Србија, јавува Телма.Истражните органи ги проверуваат и повеќе други објекти на компании со лиценца за одгледување канабис за медицински цели.„Алфафарм“ е формирана во 2023 година, а лиценцата за одгледување марихуана ја добила во март 2024 година.Во рамки на меѓународната полициска акција, еден од ко-сопствениците на фирмата е уапсен во Србија, додека по друг ко-сопственик се трага и тој е во бегство.

Македонија | пред 1 месец