МВР

Граделе зграда во Радовиш без одобрение, надзорниот инженер наплатил 136.214 денари

СВР Струмица – ОВР Радовиш поднесе кривична пријава против правно лице од Радовиш и Ж.А. (64) од Радовиш поради постоење основи на сомнение за сторено кривично дело „бесправно градење“.Исто така, кривично пријавен е и Љ.Е. (55) од Радовиш поради постоење основи на сомнение за сторени кривични дела „бесправно градење“ и „злоупотреба на службената положба и овластување“.Правното лице и второпријавениот како одговорно лице во текот на 2024 година започнале градба на станбена зграда за домување на катастарска парцела без соодветно одобрение.Третопријавениот, во својство на надзорен инженер, вршел надзор над објектот и покрај тоа што знаел дека не е издадено одобрение за градење. Дополнително, тој извршил незаконска наплата по претходно доставена фактура за извршен надзор, со што се стекнал со противправна имотна корист од 136.214 денари.

Македонија | пред 4 месеци

Украинец ограбен од тројца малолетници во Градски парк

На 01.02.2026 во 15:30 часот во СВР Скопје, О.М. од Украина пријавил дека околу 04:30 часот во Градскиот парк во Скопје бил физички нападнат од три лица, најверојатно малолетници. Тие му ја одзеле чантата во која имал пари и документи.Полициските службеници преземаат мерки за расчистување на случајот и пронаоѓање на сторителите.

Скопје | пред 4 месеци

Абвтомобил удри во 71-годишен велосипедист

Претходно, на 31.01.2026 година, во 17:35 часот, на магистралниот пат Струмица–с.Ново Село, во с.Босилово, патничко возило „ауди“ со струмички регистарски ознаки, управувано од Р.И. (21) од Струмица, удрило во велосипед управуван од Ѓ.И. (71) од с.Босилово.Во несреќата со тешки телесни повреди се здобил велосипедистот, констатирани во Медицински центар Струмица.Извршен е увид од увидна екипа на СВР Струмица.

Македонија | пред 4 месеци

Двајца малолетници тешко повредени, автомобил излета од патот Прилеп–Македонски Брод

На 01.02.2026 година, во 17:11 часот, на регионалниот пат Прилеп–Македонски Брод, патничко возило „опел“ со прилепски регистарски ознаки, управувано од 36-годишната Д.М. од Прилеп, излетало од коловозот. Во несреќата со тешки телесни повреди се здобиле двајца малолетни сопатници на возраст од седум и девет години, а со телесни повреди се здобил и сопатникот И.М.Сите повредени се пренесени во Градска болница Прилеп. Увид извршила увидна екипа на ОВР Прилеп.

Македонија | пред 4 месеци

Во месец јануари 15.943 сообраќајни прекршоци, лишени од слобода 74 лица

Во периодот од 01.01.2026-31.01.2026 како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 15.943 издадени платни налози, 3.683 прекршоци се однесува на возачи кои не ја почитувале пропишаната брзина на движење.Лишени од слобода за безобѕирно управување на возило согласно член 297-а од Кривичниот законик биле 74 лица, од кои 67 за возење под дејство на алкохол, еден поради возење под дејство на дрога и психотропни супстанци или прекурсори, еден возач поради возење во забранет правец, еден за возење со брзина поголема од дозволената во населено место, четири за возење со брзина поголема од дозволената надвор од населено место.Понатаму, според статистичкиот преглед од полициските активности, во текот на месец јануари евидентирани се 4.233 прекршоци за неправилно паркирање, 1.611 мерки се изречени за возачи што управувале возило без возачка дозвола, како и 474 санкции за возење под дејство на алкохол.Од друга страна пак, а согласно одредбите од Законот за безбедност на сообраќајот на патиштата санкционирани биле 16 возачи на мотоцикли за неносење заштитен шлем, а санкционирани се и 184 пешаци и еден возач на електричен тротинет. Исто така санкционирани се 1.093 учесници во сообраќајот кои што не користеле сигурносен појас. Согласно Законот за возила, 310 возила биле отстранети од сообраќај заради тоа што биле нерегистрирани, а 141 заради техничка неисправност. Санкционирани се и 90 возачи поради неисполнување на пропишаните услови во однос на затемнувањето на стаклата на возилата (фолии), а еден возач поради неовластено вградување и користење на уреди за давање на посебни светлосни и звучни знаци во возилата (флешери).Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта.

Македонија | пред 4 месеци

Претрес во Куманово: пронајдена дрога, две лица лишени од слобода

На 01.02.2026 година, полициски службеници од СВР Куманово ги лишија од слобода М.К. (24) и Ј.С. (18), двајцата од Куманово.При извршен претрес во домот на М.К., по судска наредба, биле пронајдени и одземени марихуана и дигитална вага. Дополнителните мерки покажале дека двајцата заеднички ја поседувале и препродавале дрогата.Лицата биле приведени во полициска станица, а по целосно документирање на случајот против нив ќе бидат поднесени соодветни пријави.

Македонија | пред 4 месеци

Полицаец од Делчево возел без возачка

На 02.02.2026 во 06:45 часот, полициски службеници од ОВР Делчево го лишија од слобода С.Д. (23) од село Тработивиште, делчевско.При сообраќајна контрола на бул. „Македонија“ во Делчево, констатирано е дека лицето управувало патничко возило „Фолксваген Голф“ со делчевски регистарски ознаки без да поседува возачка дозвола.По насока на јавен обвинител, возилото е одземено, а лицето е приведено. По целосно документирање на случајот, против него ќе биде поднесена соодветна пријава.

Македонија | пред 4 месеци

22-годишник возел 139км/ч, на место каде е дозволено 60км/ч

На 01.02.2026 во 15:25 часот, полициски службеници од СВР Битола го лишија од слобода П.Г. (22) од село Ношпал, битолско.При контрола на сообраќајот со радар, констатирано е дека тој управувал патничко возило „Ауди“ со битолски регистарски ознаки со брзина од 139 км/ч, на место каде што ограничувањето е 60 км/ч.По целосно документирање на настанот, против него ќе биде поднесена кривична пријава по член 297-а од Кривичниот законик за „безобѕирно управување на моторно возило“.

Македонија | пред 4 месеци

Приведен крадец од тетовско за издржување на затворска казна

На 01.02.2026 во 14:05 часот, полициски службеници од Полициското одделение Камењане го привеле Е.Н. (33) од село Горно Седларце, тетовско.Тој бил баран по наредба на Основен суд Тетово за издржување на затворска казна од една година за сторено кривично дело „тешка кражба“ по член 236 од Кривичниот законик.По приведувањето, Е.Н. бил спроведен во Казнено-поправната установа Затвор Тетово за издржување на казната.

Македонија | пред 4 месеци

Претреси во Битола: Лишени од слобода две лица поради пронајдена дрога

На 2 февруари 2026 година, полициски службеници од СВР Битола извршија претреси и лишија од слобода две лица поради пронајдена дрога.Првиот случај се однесува на М.Р. (18) од Битола, кај која на ул. „Партизанска“ е пронајдена прашкаста материја. Со наредба на Основен суд Битола, извршен е претрес во нејзиниот дом, при што е пронајдена и одземена марихуана.Вториот случај е поврзан со О.Н. (40) од Битола, лишен од слобода на ул. „Илинденска“. При претрес во неговиот дом, извршен со судска наредба, пронајдени се грутчеста и прашкаста материја, метални предмети со остатоци од прашкаста и растителна материја, дигитални ваги и други предмети со остатоци од дрога.По целосно документирање на случаите, против двајцата лица ќе бидат поднесени соодветни пријави.

Македонија | пред 4 месеци

Алкохолизирано возење попладнево заврши со сообраќајна несреќа и кривична пријава во Скопје

Возач од Скопје е лишен од слобода откако под дејство на алкохол предизвикал сообраќајна несреќа во која биле повредени две лица, информира Министерството за внатрешни работи.Како што соопшти МВР, денеска (01.02.2026) полициски службеници од СВР Скопје го привеле М.М. (50) од Скопје. Околу 16:15 часот во СВР Скопје било пријавено дека на булеварот „Гоце Делчев“ се случила сообраќајна несреќа во која учествувале три патнички возила – „сеат ибица“, управувано од М.М., „тојота“, управувана од А.Г. (25), и „мерцедес“, управуван од М.В. (32), сите со скопски регистарски ознаки.Во несреќата со телесни повреди се здобиле возачот А.Г. и сопатничката Л.Г.По преземените мерки и извршеното алкотестирање, било утврдено дека М.М. го управувал возилото под дејство на алкохол, при што му биле измерени 2,32 промили алкохол во крвта.За настанот бил известен јавен обвинител, а по целосно документирање на случајот против М.М. ќе биде поднесена кривична пријава по член 297-а од Кривичниот законик – „безобѕирно управување со моторно возило“.

Скопје | пред 4 месеци

Заталкан куршум рани дете во скопско Глумово, полицијата трага по потеклото на истрелот

Десетгодишно девојче е тешко повредено во пределот на ногата откако било погодено од заталкан куршум во двор од куќа во скопското село Глумово.Како што информира Министерството за внатрешни работи, случајот бил пријавен вчера околу 16 часот во СВР Скопје. Детето по повредувањето било пренесено во Комплексот клиники „Мајка Тереза“, каде лекар констатирал тешки телесни повреди.„На 31.01.2026 околу 16:00 часот во СВР Скопје е пријавено дека во двор од куќа во село Глумово, скопско, од заталкано зрно било повредено 10-годишно девојче во пределот на ногата“, соопшти МВР во дневниот полициски билтен.Полициските екипи извршиле увид на местото на настанот, а надлежните служби преземаат интензивни мерки за утврдување од каде е испукан куршумот и за целосно расчистување на случајот.

Скопје | пред 4 месеци

Охриѓанец возел иако имал забрана: МВР му го одзеде возилото, следува кривична пријава

Полициски службеници од СВР Охрид поднеле кривична пријава против 44-годишен охриѓанец, кој бил затекнат како управува патничко возило иако имал изречена и впишана заштитна мерка „забрана за управување со моторно возило“.Како што информираат од Министерството за внатрешни работи, на 1 февруари 2026 година околу 17 часот, на улицата „Железничка“ во Охрид било сопрено патничко возило марка „БМВ“ со охридски регистарски ознаки, управувано од Ј.С. (44) од Охрид. По извршените службени проверки било утврдено дека возачот управувал со возилото и покрај тоа што имал активна забрана за управување со моторно возило од Б категорија.За настанот бил известен јавен обвинител, а возилото веднаш било одземено. По целосно документирање на случајот, против Ј.С. ќе биде поднесена кривична пријава по член 297-а од Кривичниот законик, за кривично дело „безобѕирно управување со моторно возило“.

Охрид | пред 4 месеци

Приведен тетовец за семејно насилство, алкотестот покажал над 3 промили

Полициски службеници од ПС Тетово привеле 51-годишен жител на Тетово по пријава за семејно насилство врз неговата сопруга.Како што соопшти Министерство за внатрешни работи, на 31 јануари 2026 година во 14:35 часот, во Тетово, полициските службеници постапиле по пријава за семејно насилство и го лишиле од слобода Г.Ј. (51) од Тетово.При извршеното алкотестирање кај лицето било утврдено присуство на 3,02 промили алкохол во крвта, по што тој бил задржан во полициска станица за понатамошна постапка.Од МВР информираат дека по целосно документирање на случајот ќе следуваат соодветни законски мерки.

Македонија | пред 4 месеци

Тинејџер натепал 45-годишен скопјанец во Центар

Полициски службеници од СВР Скопје привеле малолетно лице од Скопје, осомничено за физички напад врз сограѓанин.Како што информира Министерството за внатрешни работи, на 31 јануари 2026 година во 15:40 часот, на подрачјето на општина Центар во Скопје, бил приведен 17-годишник од Скопје. Приведувањето следело по претходна пријава дека малолетникот физички го нападнал Д.Ј. (45) од Скопје.Од МВР соопштуваат дека по целосно документирање на случајот ќе биде поднесен соодветен поднесок.

Скопје | пред 4 месеци

Жена тепала полицаец во центарот на Скопје

Полициски службеници од СВР Скопје ноќеска лишија од слобода 25-годишна жена од Гостивар, поради напад врз полициски службеник.Како што соопшти Министерството за внатрешни работи, на 1 февруари 2026 година, во 00:20 часот, на подрачјето на општина Центар во Скопје, приведена е Е.Б. (25) од Гостивар, откако физички нападнала полициски службеник при извршување на службени задачи.Од МВР информираат дека по целосно документирање на настанот ќе биде поднесен соодветен поднесок.

Скопје | пред 4 месеци

Тешки повреди во низа сообраќајки: Излетување од пат, судир на четири возила и несреќа со запрежно возило

Три лица се здобиле со тешки телесни повреди во три одделни сообраќајни несреќи што се случиле во изминатите два дена на подрачјето на Битола, прилепско и радовишко, информираат од Министерството за внатрешни работи.Првата сообраќајна несреќа била пријавена на 1 февруари 2026 година во 04:28 часот во СВР Битола. На улицата „Партизанска“ во Битола, патничко возило „мерцедес“ со бугарски регистарски ознаки, управувано од Б.К. (44) од Скопје, излетало од коловозот и удрило во дрво. Возачот бил пренесен во Клиничката болница Битола, каде што му биле констатирани тешки телесни повреди. Увид на местото извршила увидна екипа на СВР Битола.Втората сообраќајна несреќа била пријавена на 31 јануари 2026 година во 11:10 часот во ОВР Прилеп. На патниот правец Прилеп – Битола, во близина на селото Галичани, се случил судир меѓу четири патнички возила. Во несреќата учествувале возило „сеат“ управувано од Ј.Ј. (31) од Битола, возило „опел“ управувано од С.Т. (38) од селото Горно Оризари, битолско, возило „рено“ управувано од Л.М. (18) од селото Крклино, битолско, и возило „фиат“ управувано од Д.И. (40) од Прилеп. Со тешки телесни повреди се здобил Ј.Ј., а повредите му биле констатирани во Градската општа болница Прилеп. Увид извршила увидна екипа од ОВР Прилеп.Третата несреќа била пријавена истиот ден, 31 јануари 2026 година, во 14:30 часот во Полициската станица Радовиш. На регионалниот пат Р 2431 од планината Плачковица кон Радовиш, запрежно возило натоварено со бесправно исечени огревни дрва излетало надвор од патот. Притоа, со тешки телесни повреди се здобил Џ.Б. (23) од Радовиш, а повредите му биле констатирани во Медицинскиот центар Штип. Увид на местото извршила екипа на ОВР Радовиш.Во оваа несреќа, А.Б. (45) и К.Б., кои исто така се превезувале на запрежното возило, го напуштиле местото на настанот, но по преземени мерки од полициските службеници, возилото и огревните дрва биле пронајдени и предадени на Шумската полиција Радовиш.Од МВР информираат дека се преземаат понатамошни мерки за целосно расчистување на сите три сообраќајни несреќи.

Македонија | пред 4 месеци

МВР со нови приводувања за безобѕирно управување возила во Пелагонија

Полициски службеници на Министерството за внатрешни работи лишија од слобода тројца возачи во Крушево, Прилеп и Битола, откако било утврдено дека управувале моторни возила под дејство на алкохол.На 1 февруари 2026 година во 01:05 часот, на улицата „Тодор Проески“ во Крушево, полициски службеници од ОВР Крушево го привеле Д.Д. (23) од Прилеп. При сообраќајна контрола било запрено патничко возило „голф“ со прилепски регистарски ознаки, управувано од пријавениот, при што алкотестот покажал 1,58 промили алкохол во крвта.Претходно, на 31 јануари 2026 година во 18:37 часот, на место викано „Стопанство“ во Прилеп, полициски службеници од ОВР Прилеп го лишиле од слобода С.Д. (51) од селото Кривогаштани, прилепско. При контрола било запрено патничко возило „фиат“ со прилепски регистарски ознаки, а кај возачот биле измерени 3,37 промили алкохол во крвта.На 1 февруари 2026 година во 02:12 часот, на улицата „4 Ноември“ во Битола, полициски службеници од СВР Битола го привеле С.Н. (21) од селото Брусник, битолско. Тој управувал патничко возило „голф“ со битолски регистарски ознаки, а при алкотестирање било утврдено присуство на 1,54 промили алкохол во крвта.По целосно документирање на настаните, против сите три лица ќе бидат поднесени соодветни пријави за кривично дело „безобѕирно управување со моторно возило“ по член 297-а од Кривичниот законик.

Македонија | пред 4 месеци

Охриѓанец приведен откако со дрвен предмет и нож нападнал сограѓанин

Полициски службеници од СВР Охрид синоќа, на 31 јануари 2026 година во 23:20 часот, го лишиле од слобода Г.А. (49) од Охрид, по пријава за насилен инцидент што се случил на улицата „Марко Нестороски“.Според информациите од Министерството за внатрешни работи, осомничениот најпрвин со дрвен предмет го нападнал Р.С. (40) од Охрид, по што извадил нож и замавнал кон него. Со брза интервенција на полицијата, напаѓачот бил приведен, со цел спречување на понатамошна ескалација на насилството.По целосно документирање на настанот, против Г.А. ќе биде поднесена соодветна пријава, согласно законските прописи.

Охрид | пред 4 месеци

Тошковски: Доброволното плаќање на казната носи поволности, но сериозните прекршоци значат и забрана за управување со возило

Министерот за внатрешни работи Панче Тошковски, во гостување во дневникот на Македонската национална телевизија, детално го објасни начинот на примена на санкциите во рамки на системот „Безбеден град“, со посебен акцент на повеќекратните прекршоци, сериозните надминувања на дозволената брзина и можностите за доброволно прифаќање и плаќање на казните.Тошковски посочи дека законската рамка јасно ги дефинира последиците за сообраќајните прекршоци и дека иако секој возач може да погреши, драстичното и опасно прекршување на правилата носи построги санкции. Како пример наведе дека доколку на делница со дозволена брзина од 50 километри на час возач управува со повеќе од 90 километри на час, покрај парична казна се изрекува и забрана за управување со моторно возило.Со таквата мерка, како што појасни министерот, лицето во одреден временски период нема да смее да управува ниту со сопственото, ниту со кое било друго возило од таа категорија, што претставува сериозна последица за оние што грубо ги кршат сообраќајните правила.Во исто време, Тошковски нагласи дека системот предвидува и механизми за стимулирање на одговорно однесување од страна на граѓаните. Доколку сторителот доброволно ја прифати одговорноста и ја плати казната во рок од осум дена, ќе плати само половина од изречениот износ. Дополнително, доколку во рок од 16 дена ја плати казната и го признае прекршокот, Министерството има можност да изрече и поблага мерка на забрана за управување.Според министерот, доколку законот предвидува минимална забрана за управување од три месеци, во ваков случај таа може значително да се намали, на пример на 45 дена. Овој модел, како што рече, е воведен со цел да се избегнат долги и непотребни судски постапки кога постојат јасни и недвосмислени докази за сторениот прекршок.Тошковски посочи дека системот „Безбеден град“ функционира врз основа на видео записи и фотографии, што обезбедува високо ниво на точност при утврдување на прекршоците. Граѓаните, нагласи тој, имаат право да поведат судска постапка доколку сметаат дека тоа е оправдано, но во таков случај не можат да ги користат поволностите што ги нуди доброволното прифаќање на одговорноста.„Целта не е казнување по секоја цена, туку подигнување на сообраќајната култура и заштита на човечките животи. Оние што прават сериозни прекршоци ќе сносат последици, а системот е дизајниран да превенира трагедии, а не само да полни буџет“, истакна министерот.Проектот „Безбеден град“, според Министерството за внатрешни работи, претставува еден од клучните чекори кон зголемување на сообраќајната дисциплина, целосна дигитализација на постапките и унапредување на безбедноста на сите учесници во сообраќајот.

Македонија | пред 4 месеци

Тошковски: За „Безбеден град“ со внес на матичен број се спречува доставување на податоци на погрешно лице а евентуалните грешки ќе се коригираат во рок од 24 часа

Министерот за внатрешни работи Панче Тошковски во гостување во дневникот на Македонската национална телевизија говореше за почетокот на имплементацијата на проектот „Безбеден град“, притоа информирајќи ги граѓаните за начинот на функционирање на системот и за постапките во случај на евентуални несогласувања во податоците.Тошковски посочи дека дел од податоците за сопствениците на возила во постојните евиденции може да бидат неточни, што може да се должи на претходно доставени погрешни информации од граѓаните или на грешки при внес во системите. Поради тоа, можно е одредени граѓани да добијат известување или записник што не се однесува на нивното возило или на прекршок што тие не го сториле.„Секој граѓанин кој ќе забележи несогласување во податоците ќе има право да се обрати во која било полициска станица и да пријави дека станува збор за грешка – дека возилото не е негово, дека не управувал тој или дека има друг вид неточност. Согласно законски утврдена процедура, Министерството за внатрешни работи во рок од 24 часа ќе изврши проверка и корекција на податоците, а Граѓанинот ќе добие известување дека нема да биде прекршочно гонет доколку не го сторил прекршокот“, истакна министерот.Тој нагласи дека во новиот систем е воведен и дополнителен механизам за заштита на личните податоци. По добивањето на СМС-известување за сторен сообраќаен прекршок, граѓанинот ќе треба преку линк да пристапи до записникот, при што за преземање на документот ќе биде потребно внесување на матичен број. Со ова се овозможува дополнителна автентикација и проверка на веродостојноста на податоците, со цел лични информации да не бидат доставени на погрешно лице.Министерот потенцираше дека, и покрај современата технологија, можни се технички грешки поради надворешни фактори како светлина, временски услови или други околности што може да влијаат врз читањето на регистарските таблички. Во такви случаи, граѓаните повторно ќе имаат можност да побараат исправка, која ќе биде извршена во најкус можен рок.„Не постои совршен систем и не тврдам дека нема да има грешки. Ќе ги има, но тие ќе се коригираат. Овој систем е значително подобар од она што го имавме досега, а неговата основна цел е да спасува животи и да обезбеди поголема безбедност во сообраќајот. Важно е одговорност да сноси оној што го сторил прекршокот“, порача Тошковски.Проектот „Безбеден град“ претставува дел од пошироките напори на Министерството за внатрешни работи за дигитализација, зголемување на транспарентноста и унапредување на безбедноста на сите учесници во сообраќајот.

Македонија | пред 4 месеци

Две измами врз стари лица во Штип: Лажни лекари и измислени сообраќајки

Од Министерство за внатрешни работи информираат дека во последните 24 часа на подрачјето на Штип се пријавени две измами извршени врз повозрасни лица, при што сторителите се претставувале како лекари и лажно пријавувале тешки сообраќајни незгоди.Според полицијата, на 30 јануари 2026 година, во СВР Штип најпрво бил пријавен случај во 11:30 часот од 96-годишен маж од Штип, кој навел дека бил измамен за износ од 3.500 евра. Како што пријавил, телефонски бил контактиран од лице кое се претставило како лекар и му соопштило дека неговата ќерка се здобила со скршеници и дека е неопходна итна операција за која требало веднаш да се плати. По претходен договор, оштетениот од балконот ги фрлил парите, кои биле преземени од лице што чекало под објектот и веднаш го напуштило местото. Подоцна, откако стапил во контакт со својата ќерка, сфатил дека станува збор за измама.Вториот случај бил пријавен истиот ден во 16:30 часот од 77-годишна жена од Штип. Таа изјавила дека по идентичен начин била измамена од лице кое се претставило како лекар и ѝ соопштило дека нејзината ќерка е тешко повредена и дека е потребна итна операција. По договор со сторителите, таа од балконот предала 3.000 евра, 30.000 денари и златен накит на женско лице, кое по преземањето го напуштило местото на настанот. Подоцна и таа утврдила дека станува збор за измама.Од МВР соопштуваат дека и во двата случаи се преземаат мерки за целосно расчистување на настаните и откривање на сторителите, а апелираат граѓаните, особено повозрасните, да бидат внимателни и да не наседнуваат на вакви телефонски измами.

Македонија | пред 4 месеци

Малолетници од Струмица пријавени за насилство врз соученик

СВР Струмица до Основното јавно обвинителство Струмица поднесе известување согласно Законот за правда за децата против тројца малолетници од Струмица, поради постоење основи на сомнение за сторено кривично дело „насилство врз дете“.Според информациите од полицијата, на 29 декември 2025 година, во основно училиште во Струмица, а потоа и надвор од училишниот објект, пријавените физички нападнале нивен соученик. Надлежните институции преземаат мерки за целосно расчистување и постапување по случајот, во согласност со законските прописи што се однесуваат на малолетни лица.

Македонија | пред 4 месеци

Тешка несреќа на градилиште во Ѓорче Петров – возач на комбе не забележал човек зад возилото

Од Министерство за внатрешни работи информираат дека на 30 јануари 2026 година, околу 16:00 часот, во СВР Скопје било пријавено дека во кругот на објект во изградба на подрачјето на Ѓорче Петров се случила несреќа со тешки последици.Според пријавата, М.Д., управувајќи товарно возило – комбе, при движење наназад не го забележал Д.З. (51) од Скопје, кој се наоѓал покрај ограда зад возилото, при што го удрил. Повредениот се здобил со тешки телесни повреди, кои биле констатирани во Комплексот клиники „Мајка Тереза“.Од полицијата соопштуваат дека се преземаат мерки за целосно расчистување и документирање на случајот.

Скопје | пред 4 месеци

Скопјанец среде Центар покажувал агресија кон полицајци, малолетници со закани изнудиле пари од малолетник во Карпош

Полициски службеници од СВР Скопје на 30 јануари 2026 година, на повеќе локации во Скопје, ги лишиле од слобода А.Е. (24) и едно 17-годишно лице, двајцата од Скопје, откако кај нив била пронајдена и одземена марихуана. По целосно документирање на случаите, ќе следуваат соодветни поднесоци.Истиот ден, во 23:50 часот, на подрачјето на Центар во близина на угостителски објект, полициски службеници од СВР Скопје го привеле И.С. (24) од Скопје, поради агресивно однесување кон полициски службеници кои извршувале службени дејствија. По целосно документирање на случајот, ќе биде поднесен соодветен поднесок.Претходно, околу 21:00 часот, во СВР Скопје, А.С. (52) од Скопје пријавила дека околу 18:00 часот, на автобуска постојка на подрачјето на Карпош, две малолетни лица со закана му одзеле пари на нејзиниот малолетен син. Од полицијата информираат дека се преземаат мерки за целосно расчистување и документирање на случајот.

Скопје | пред 4 месеци