ОХРИД

Општина Охрид објави јавен повик за пријавување на локации поволни за инвестирање

Општина Охрид во својот делокруг на работа а во врска со спроведување на Г1 Програма за поддршка на локалниот економски развој на општина Охрид за 2023 година под точка 1.3. Промоција на можностите за инвестирање во општина Охрид има за цел подготовка и промоција на брошура „Инвестирајте во Охрид“ .Оваа активност предвидува изработка на брошура за промоција на мерките кои се насочени кон поддршка на економијата, чија основна цел е стимулирање на инвестиции, технолошки развој и зголемување на конкурентноста на македонските компании, но и промоција на поволностите кои се на располагање привлекување странски инвестиции и поддршка на извозот.Локациите кои се пријавуваат можат да бидат “Greenfield” и “Brownfield” што значи дека локациите може да бидат веќе постоечки капациети и градби или можат да бидат неизградена површина поволнна за отпочнување на градба или развивање на бизнис.Целта на пријавувањето може да биде продажба или изнајмување на локацијата на одредено време. Можат да се пријавуваат лица и компании кои имаат сопственост на истата и може да бидат во градска или рурална областЗа да може да се изврши пријавување на локација сопственикот треба да ги исполнува следните услови:– Да има целосна сопственост на парцелата која се пријавува или договор за закуп на истата– Да поседува имотен лист– Горенаведените документи да ги приложи во копија и фотокопија од лична карта.– Доколку се работи за парцела на која нема изградено објект, истата не смее да биде помала од 1000 m2– За изградени објекти со економска намена објектот треба да има подлога од минимум 500 m2– За локации со намена туризам може да се пријават и градби со минимум подлога од 200 m2 доколку има површина за дополнителна изградба и дворно место.Горенаведените услови се обврзителни за успешно пријавување на локацијаПријавувањето на локација треба да се изврши преку образец за пријавување кој може да се спушти од веб страницата на општина Охрид и истиот треба да се поднесе во плик преку општинската архива на адреса најдоцна до 30.04.2023 година.Ул. Димитар Влахов бр.57, 6000 ОхридСо назнака Апликација за „Инвестирајте во Охрид“.

Охрид | пред 2 години

Охрид домаќин на првото државно првенство Такевондо ИТФ

Денеска во Охрид се одржа првото државно првенство Такевондо ИТФ во организација на охридскиот таеквондо клуб „МАСТЕР“, а под покровителство на Општина Охрид.Во натпреварувачкиот дел од настанот учествуваа 63 натпреварувачи од 5 клубови од Македонија: „Мастер“ од Охрид, „Хва Ранг ИТФ“ од с. Лескоец, ИТФ клубот “Чонџи“ од Косел, ИТФ клубот „Сонкал“ од Мислешево – Струга и „Ахилиус“ од Скопје.При официјалното отворање на првенството пред присутните се обрати заменик градонaчалникот, Перчо Божиноски:– Спортските успеси не се само гордост на спортистите, тие се гордост на верната публика и на сите нас. Токму затоа ми е особено драго што денеска за прв пат, со финансиска поддршка на Локалната самоуправа се организира еден ваков голем спортски настан. Денес со овој настан испраќаме порака за афирмација на спортот и создавање на уште подобри услови за негов развој.Со својот незапирлив спортски дух, нашите спортисти победуваат, освојуваат награди, а ние сме тука да ги бодриме и да ги мотивираме за уште поголеми успеси.Живееме во време со многу предизвици. Живееме во хиперповрзан Свет на глобална и динамична економија, изложена на постојани промени и неизвесности. Сето ова стресно влијае на сите нас, и токму затоа сметам дека вакви спортски случувања ни се повеќе од неопходни. „Актерите“ во спортот ја јакнат физичката и психичката кондиција, а во исто време се рекреираат и забавуваат.Општина Охрид дава поддршка и има значаен удел во голем број спортски приказни, така ќе биде и во иднина- рече Перчо Божиноски.На настанот присуствуваа и претставници од Агенцијата за млади и спорт.

Охрид | пред 2 години

Делегација од Јапонија во посета на Општина Охрид

Јапонска делегација од владини претставници и од компанијата „Маезава“ која што се занимава со производство и изградба на прочистителни станици за отпадни води денес беше во посета на Општина Охрид.На работниот состанок со градоначалникот Кирил Пецаков се разговараше за деталите и капацитетот на прочистителните станици што тие ги нудат, а беше презентиран и „Biwa lake“ моделот со којшто се прави баланс помеѓу економскиот развој и заштитата на животната средина.Градоначалникот Пецаков ги информира гостите дека постојниот систем за заштита на Охридското езеро завршува во с. Пештани. Отпадните води од с. Трпејца, не е оптимално да се транспортираат до овој колекторски систем. Општината Охрид презема активности за решавање на проблемот со зафаќање на отпадните води од секо домаќинство, нивен транспорт до идна локална пречистителна станица каде ќе се врши нивно пречистување и така пречистени ќе се испуштаат во Охридското Езеро.На средбата беше посочено дека општината има изработено Основен проект за канализациски систем и пречистителна станица за отпадни води во с. Трпејца кој проект е завршен. Според него се предвидува изградба на Комплетно автоматизирана пречистителна станица со два режими на работа – летен и зимски со максимален капацитет од 124 m3/d во лето и 45 m3/d во зима со најсовремена SBR технологија за прочитување. Вкупно количини на отпадни води е 124 m3/d. Вкупна должина на канализациона мрежа е 2,325 m.Гостите од Јапонија беа информирани дека државното јавно претпријатие “Колекторски систем“ ги превзеде обврските за одржување, обновување и продолжување на колекторскиот систем.

Охрид | пред 2 години

Пецаков на средба со претставници на комитетот за односи меѓу заедниците

Градоначалникот Кирил Пецаков придружуван од претседателот на Советот на Општина Охрид, Сашо Донев и секретарот на Општина Охрид, Александар Китески денеска оствари средба со претставниците на Комитетот за односи меѓу заедниците при Собранието на Република Македонија, кои беа во работна посета на Охрид.Делегацијата на Комитетот ја сочинуваа претседателката Арбана Пашоли, членовите Мерита Колочи Коџаџику, Љупчо Балкоски, Љатифе Шиковска и Санела Шкријељ, кои се дел од актуелниот пратенички состав. На средбата беа поканети и присуствуваа охридските пратенички Лидија Петкоска и Грација Бакреческа, како и советниците во Советот на Општина Охрид, Бесник Османи и Арбен Демироски, како претставници на малцинските заедници во Охрид.На средбата се разговараше за теми поврзани со унапредување на односите помеѓу заедниците на локално ниво и можноста за формирање на Комисија за односи меѓу заедниците во Охрид.Градоначалникот Пецаков во своето излагање пред присутните потенцираше дека Општина Охрид отсекогаш била пример за соживот и преку конкретни мерки и активности продолжува да го одржува тој континиутет. Градоначалникот потенцираше дека иако не се работи за законска обврска, сериозно ќе биде рагледана можноста да се формира локална Комисија за односи со заедниците, која ќе ги застапува интертесите на сите малцински заедници кои живеат на територијата на Општина Охрид.Пратениците се заблагодарија на градоначалникот за приемот и позитивниот став кон активностите и предлозите на Комитетот, со надеж дека денешниот состанок ќе биде една иницијатива, која ќе резултира со формирање на официјално работно тело на локално ниво, во насока на обезбедување на поголема мултиетничка соработка и интеграција.Комитетот за односи меѓу заедниците е работно тело на Собранието на Република Македонија кое има голема улога во остварувањата на општите и посебните права на националните заедници. Комитетот има дадено голем придонес во развојот на мултикултурната и мултиетничката димензија на македонското општество, на вистински соживот на сите граѓани, како и во јакнењето на парламентарната демократија во нашата држава.

Охрид | пред 2 години

Потпишан меморандум за соработка со ЗПИРМ

Градоначалникот на Охрид, Кирил Пецаков и претседателката на Здружението на професори по италјански јазик , ЗПИРМ м-р Бранка Гривчевска потпишаа меморандум за соработка.Меморандумот се темели на заемен интерес на Општина Охрид и на здружението за остварување на долгорочна образовна, научна, културна, јазична и апликативна сорботка. Целта е преку заеднички активности да се промовираат италијанскиот јазик и култура во Општина Охрид.Соработката ќе се остварува преку заеднички проекти од образовен, културен, развоен, истражувачки и научен карактер, различни облици на научна, истражувачка и техничка помош, консултации и размена на знаења и искуства, организирање настани, работилници, тркалезни маси и собири.Согласно потпишаното во тек е факултативна настава по италијански јазик во основните училишта: „Христо Узунов“ и „Св. Климент Охридски“. Станува збор за пилот проект финансиран од Општина Охрид, а наставата ја следат околу 100 ученици.

Охрид | пред 2 години

Излезе од печат книгата „Славе Ѓорѓо Димоски во книжевната критика“

Во издание на општина Охрид, деновиве од печат излезе книгата „Славе Ѓорѓо Димоски во книжевната критика “ од авторот Димитар Пандев.Во книгата на 370 страници се поместени осврти, текстови и други објави од книжевната критика за поезијата, книгите и творештвото на овој истакнат охридски и македонски поет, кои се напишани од страна на врвни писателски имиња од Македонија од странство.„Славе Ѓорго Димоски продолжува да твори. Овој преглед е само мал заглед во она што критиката љубопитно го кажала за него , зошто не е тој обичен, секојдневен поет. Има нешто митско во него самоиот и во неговата поезија. Имам нешто трајно во неговото „продолжува“ што продолжува да изненадува со нови стихови и стихозбирки, пишува во предговорот на книгата, авторот Димитар Пандев.Славе Ѓорго Димоски е роден на 18-ти март 1959 година во Велестово. Член е на македонскиот ПЕН центар. Автор е на четиринаесет книги поезија, пет книги за деца, четири книги со есеи, а дваесет посебни изданија му се преведени на повеќе јазици. Одделени песни и поетски циклуси се преведени на триесет јазици.Промоцијата на изданието „Славе Ѓорѓо Димоски во книжевната критика“ ќе се одржи на 24.03.2023 (петок) во големата сала на општина Охрид со почеток во 12 часот.

Магазин | пред 2 години

Времена забрана за паркирање на возила на улицата „Марко Цепенков“ во Охрид

Општина Охрид започна со реконструкција на дел од улицата „Марко Цепенков“ – потег од кружна крстосница со улица „ Питу Гули“ до кружна крстосница со ул. „Момчило Јорданоски“.Заради непречено одвивање на градежните активности , се известуваат и воедно сите учесници во сообраќајот од ден 23.03.2023 година и понатака, да не ги паркираат своите возила на овој потег.

Охрид | пред 2 години

Ученици од ООУ „Григор Прличев“ и „Свети Наум Охридски“ во посета на Општина Охрид

Учениците од трето одделение при OОУ „Григор Прличев“ и учениците од трето, четврто, петто, осмо и девето одделение при OОУ „Свети Наум Охридски“ од Пештани денеска беа во посета на Општина Охрид.Градоначалникот Кирил Пецаков ги прими младите гости во големата општинска сала и ги запозна со основните информации околу начинот на функционирање на локалната самоуправа, јавните претпријатија и општинскиот совет. Љубопитните ученици поставуваа низа интересни прашања, на кои градоначалникот со задоволство одговараше.Ученичките посети се дел од наставната програма по предметите Општество и Граѓанско образование.

Охрид | пред 2 години

Промовирана книгата „Славе Ѓорѓо Димоски во книжевната критика“

Денеска беше промовирана книгата „Славе Ѓорѓо Димоски во книжевната критика“ од авторот Димитар Пандев во издание на Општина Охрид.Во името на Локалната самоуправа пред присутните се обрати секретарот на Општина Охрид, Александар Китески кој искажа големо задоволство што е дел од промоцијата на ова значајно издание.Меѓу современите македонски поети, едно од најистакнатите места му припаѓа на поетот Славе Ѓорѓо Димоски, автор на забележителни книги поезија со густи метафори и слики кои како што нагласува Ефтим Клетников, „се кристално јасни, но во исто време се заумни и нејасни по значењето, често на еден надрелистичен начин, извлечени на површината од дното на несвесното“. Кон овој коментар даден пред 30-ина години, секако би можеле да додадеме уште доста карактеристики препознатливи за поетиката на ова време, пред се отворена за јазична експресија и своевидна испревртеност на исказот и експресивност во секојдневната комуникација. Постојат моменти кога поетот конечно се одлепува од сите ограничувања на поезијата, тоа не го дочекува секој поет во својот живот, тоа се случува само кај одбрани поети. Човековото суштество без храна може седум недели, без вода пет дена, а без смисла не може ниту една единствена секунда. Во таа група на поети припаѓа токму Славе Ѓорѓо Димоски.Овој почитуван охриѓанец и врвен поет со одамна забележано перо посакуваме да твори уште многу години. А ние и понатака ќе бидеме верни поддржуачи на неговиот пишан стих. Секако во оваа прилика му се заблагодаруваме на еминентниот и почитуван професор д-р Димитар Пандев што го сосздаде овој прекрасен труд кој е наша заедничка гордост, истакна Китески во своето обраќање.На промоцијата говореа авторот, Димитар Пандев, уредникот на изданието, Митре Велјаноски и поетот Славе Ѓорѓо Димоски.Книгата е издадена во тираж од 300 примероци и во неа на 370 страници се поместени осврти, текстови и други објави од книжевната критика за поезијата, книгите и творештвото на овој истакнат охридски и македонски поет, кои се напишани од страна на врвни писателски имиња од Македонија и странство.– „Славе Ѓорѓо Димоски продолжува да твори. Овој преглед е само мал заглед во она што критиката љубопитно го кажала за него, зошто не е тој обичен, секојдневен поет. Има нешто митско во него самоиот и во неговата поезија. Имам нешто трајно во неговото „продолжува“ што продолжува да изненадува со нови стихови и стихозбирки, пишува во предговорот на книгата, авторот Димитар Пандев.Славе Ѓорѓо Димоски е роден на 18-ти март 1959 година во Велестово. Член е на македонскиот ПЕН центар. Автор е на четиринаесет книги поезија, пет книги за деца, четири книги со есеи, а дваесет посебни изданија му се преведени на повеќе јазици. Одделни песни и поетски циклуси се преведени на триесет јазици.

Охрид | пред 2 години

Млади граѓански активисти и градоначалници од пелагонискиот регион во студиска посета на Младинскиот центар во Охрид

Начинот на формирање и функционирање на Младинскиот центар во Охрид денеска беше презентиран пред 50-тина младинци, асистенти на граѓански организации и градоначалници на општините од Плагонискиот регион. Оваа студиска посета беше организирана во рамки на Семинарот за младинско учество и младински политики како дел од проектот „Зајакнување на луѓето од Пелагонија 2“.Во името на Охридската локална самоуправа, пред гостите се обрати заменик градоначалникот на Општина Охрид, Перчо Божиновски.-Ми претставува голема чест да Ве поздравам и да Ви посакам срдечно добредојде во Охрид и во нашиот Младински центар. Искрено се радувам што политиките кои охридската Локална самоуправа ги спроведува во насока на подобрување на условите за младите прераснаа во еден позитивен пример за поширокиот регион и се основна причина за Вашата денешна студиска посета.Воспоставувањето и официјалното отворање на Младинскиот центар во Охрид беше сложен процес, накој предводени од градоначалникот Кирил Пецаков, бевме особено посветени. Горди сме што истрајавме во нашите намери и тоа што успеавме да ги реализираме сите предвидени активности. Благодарение на сите напори и низа административни процедури, Охрид по долги години и десетици празни ветувања, конечно доби функционален Младински центар по сите стандарди.Целта на Младинскиот центар е да им овозможи на младите да ги унапредуваат своите знаења и да го зголемат своето учество во процесите на донесување одлуки вообразовните институции и локалната заедница. Младинскиот центар спроведува активности и мерки за развивање на креативниот потенцијал на младите, а подготвува и реализира активности за промоција на талентираните уметници.Овозможивме современ простор каде што се спроведува системска поддршка на личниот развој на младите луѓе и нивното активно вклучување во животот во заедницата преку неформално образование, забавни и волонтерски активности, информирање, менторство и советување.Почитувани,Иднината на една општина, на еден регион, на една држава е во младите генерации. Тие треба да бидат најважните носители на позитивните промени и се значаен ресурс за напредок и развој.Токму поради тоа мораме да градиме вистинско партнерство и да воспоставиме поголема соработка со младите. Мораме да го вреднуваме нивното мислење, бидејќи тоа е единствениот начин преку којможеме да се осигураме дека нашите политики се исправни и се во вистинска насока.Ве охрабрувами Ви посакувам успех во реализација на секоја позитивна идеја која обезбедува подобри услови за младите во Вашата локална средина. Општина Охрид секогаш ќе биде подготвена да ги сподели сите досегашни искуства и практики во делот на креирањето на младинските програми и ќе биде отворена за соработка.Ви посакувам добра мисла, многу креативни идеи и успех во сите идни проекти и активности насочени кон младите и нивната благосостојба. Се надевам дека сите заедно, преку заеднички напори ќе го спречиме иселувањето и ќе овозможиме младите генерации да ја гледаат својата иднина во своето родно место и во нашата Македонија, истакна Божиновски во своето обраќање.За работењето на Младинскиот центар и за спроведените активности зборуваа Зоран Илиевски, директор на Коалицијата „СЕГА“ и раководителот на Младинскиот центар, Јован Цветкоски.

Охрид | пред 2 години

Започна да функционира советот за поддршка на женско претприемништво во Општина Охрид

Дефинирање на деловник за работа, донесување на програмски акти и прецизирање на идни планови, беа дел од темите на денешниот прв состанок на Советот на женско претприемништво на Охрид, кој беше формиран со одлука на Советот на општина Охрид на последната 24-та седница.Советот за женско претприемништво на општина Охрид брои 16 членови од редот на: советничките при Советот на општина Охрид; жени претприемачи (актуелни и потенцијални); невработени жени од општина Охрид; претставници на микро, мали и средни компании од општината; здруженија на граѓани-непрофитни организации и невладини организации за поддршка на бизнис секторот од општина Охрид.Членките на советот едногласно одлучија за претседател на советот да биде избрана Сузана Наумоска, а за заменик претседател, Проф. д-р Устијана Речкоска. Членките на советот дефинираа и работна група која веќе следната седмица, ќе биде ангажирана околу подготовката на Стратегија за поттикнување на женско претприемништво на ниво на општина Охрид, која ќе биде основа за сите наредни активности.Советот за женско претпремништво има за цел да ги поттикне и да ги поддржи жените претприемачи во општина Охрид, да дава препораки за прашања од интерес за поддршка на женското претприемништво и родовата рамноправност. Исто така, советот ќе гради политики за поддршка на жените претприемачи и женските права, со цел општествено и економско зајакнување на жените.Советот за женско претприемништво на општина Охрид е отворен за соработка и со други субјекти, кои по потреба ќе ги вклучува во својата работа при разгледување на одредени прашања и проблеми за кои е потребна дополнителна консултација и стручно советување.

Охрид | пред 2 години

Доделени наградите за најдобра необјавена песна за деца во чест на Тоде Илиевски

Во чест и сеќавање на охридскиот поет и писател за деца, Тоде Илиевски денеска во НУ Библиотека „Григор Прличев“ се одржа културен настан на кој беа доделени наградите од распишаниот конкурс за најдобра необјавена песна за деца „Тоде“.Организатор на настанот е Здружението за поттикнување на развојот на книжевноста и другите уметности „Креативна верига“ со поддршка на Општина Охрид.Во знак на почит, од страна на организаторите беше доделена благодарница на градоначалникот Кирил Пецаков. Благодарницата ја прими заменик градонaчалникот, Перчо Божиноски кој истакна дека Општина Охрид во континуитет ќе продолжи да ги помага ваквите настани кои ја збогатуваат културната програма во градот. Тој упати честитки за идејата и реализацијата на конкурсот, со надеж дека истиот ќе прерасне во традиционален.Конкурсот за избор на необјавена песна за деца, беше распишан како начин да се оддаде почит на Тоде Илиевски, охридскиот поет и писател, кој зад себе има оставено трајни вредности, посебно во книжевноста за деца. Од пристигнатите 96 песни, жири-комисијата во состав: Горјан Петревски, Николина Андова Шопова и Живко Грозданоски, издвоија 3 најдобри песни, на кои им беа доделени пригодни награди.

Охрид | пред 2 години

Свикана дваесет и петтата седница на советот на Општина Охрид

Врз основа на член 39 од Законот за локалната самоуправа („Сл.весник на РМ“ бр.5/2002) и член 26 од Статутот на општина Охрид („Сл.гласник на општина Охрид“ бр.8/2007, 01/08, 10/10, 05/11, 09/14, 14/14, 10/19 и 15/20), претседателот на Советот донесува:Р Е Ш Е Н И ЕЗА СВИКУВАЊЕ НА ДВАЕСЕТ И ПЕТТАТА СЕДНИЦАНА СОВЕТОТ НА ОПШТИНА ОХРИДЈА СВИКУВАМ дваесет и петтата седница на Советот на општина Охрид на ден 14.03.2023 година (вторник) со почеток во 09:00 часот.Седницата ќе се одржи во зградата на општина Охрид.За седницата го предлагам следниот:Д Н Е В Е Н Р Е ДУсвојување на Записникот од 20-та седницаПредлог-одлука за усвојување на годишниот извештај за реализација на Програмата за поттикнување на развојот на туризмот на општина Охрид за периодот од 01.2022 до 31.12.2022 година.Предлог-одлука за усвојување на Извештајот за реализација на Програмата за поддршка на локалниот економски развој на општина Охрид за периодот од 01.01.2022 до 31.12.2022 година.Предлог-одлука за усвојување на Извештајот за реализација на програмата за финансиските потреби на ТППЕ Охрид за 2022 година.Предлог-одлука за усвојување на Извештајот за реализација на Развојната Програма за изработка на урбанистички планови на територијата на општина Охрид 2022-2024 година за периодот од 01.01.2022 до 31.12.2022 година.Предлог-одлука за усвојување на Извештајот за работењето на Oдделението за даноци за периодот од 01.01.2022 до 31.12.2022 година.Предлог-одлука за усвојување на Извештајот за работењето на Одделението за комунални такси за периодот од 01.01.2022 до 31.12.2022 година.Предлог-одлука за усвојување на Извештајот за реализација на Програмата за заштита на животната средина и природата за периодот од 01.01.2022 до 31.12.2022 година.Предлог-одлука за усвојување на Извештајот за реализација на програмата за спорт и рекреација за периодот од 01.01.2022 до 31.12.2022 година.Предлог-одлука за усвојување на Извештајот за реализација на Годишната Програма за активностите на општина Охрид во областа на основното образование за 2022 година (Н1) за периодот од 01.01.2022 до 31.12.2022 година.Предлог-одлука за усвојување на Извештајот за реализација на Развојната Програма за капиталните инвестиции на општина Охрид во областа на основното образование 2022-2024 година (НА) за периодот од 01.01.2022 до 31.12.2022 година.Предлог-одлука за усвојување на Извештајот за реализација на Годишната Програма за активностите на општина Охрид во областа на средното образование за 2022 година (Н2) за периодот од 01.01.2022 до 31.12.2022 година.Предлог-одлука за усвојување на Извештајот за реализација на Развојната Програма за капиталните инвестиции на општина Охрид во областа на средното образование 2022-2024 година (НБ) за периодот од 01.01.2022 до 31.12.2022 година.Предлог-одлука за усвојување на Извештајот за реализација на Годишната Програма на општина Охрид за детска заштита за 2022 година (В1) за периодот од 01.01.2022 до 31.12.2022 година.Предлог-одлука за усвојување на Извештајот за реализација на Развојната Програма за капиталните инвестиции на општина Охрид во областа на детската заштита 2022-2024 година (ВА) за периодот од 01.01.2022 до 31.12.2022 година.Предлог-одлука за усвојување на Извештајот за реализација на Програмата за здравствена и социјална заштита за периодот од 01.01.2022 до 31.12.2022 година.Предлог-одлука за усвојување на Извештајот за реализација на Програмата за културни манифестации и творештво за периодот од 01.01.2022 до 31.12.2022 година.Предлог-одлука за усвојување на Извештајот за реализација на Програмата за млади и невладини организации за 2022 година за периодот од 01.01.2022 до 31.12.2022 година.Предлог-одлука за усвојување на Извештајот за реализација на Програмата за работа на Советот на општина Охрид за 2022 година за периодот од 01.01.2022 до 31.2022 година.Предлог-одлука за усвојување на Извештајот за работата на Комисијата за еднакви можности помеѓу мажите и жените за периодот од 01.01.2022 до 31.12.2022 година.Предлог-одлука за усвојување на Годишниот Извештај за слободен пристап до информации од јавен карактер за 2022 година.Предлог-одлука за усвојување на извештајот за реализација на Програмата за изградба и реконструкција на локални патишта и улици за периодот од 01.01.2022 до 31.12.2022 година.Предлог-одлука за усвојување на извештајот за реализација на Развојната Програма за изградба на системи за водоснабдување 2022-2024 за периодот од 01.01.2022 до 31.12.2022 година.Предлог-одлука за усвојување на извештајот за реализација на програмата за јавно осветлување за периодот од 01.01.2022 до 31.12.2022 година.Предлог-одлука за усвојување на извештајот за реализација на Развојната Програма за изградба на системи за одведување и прeчистување на отпадни води за 2022-2024 година за периодот од 01.01.2022 до 31.12.2022 година.Предлог-одлука за усвојување на извештајот за реализација на Програмата за изградба на сообраќајна сигнализација за 2022 година за периодот од 01.01.2022 до 31.12.2022 година.Предлог-одлука за усвојување на извештајот за реализација на Развојната Програма за други комунални услуги за 2022-2024 година за периодот од 01.01.2022 до 31.12.2022 година.Предлог-одлука за усвојување на извештајот за реализација на Развојната Програма за уредување на градежно земјиште за 2022-2024 година за периодот од 01.01.2022 до 31.12.2022 година.Предлог-одлука за усвојување на извештајот за реализација на Програмата за одржување и заштита на локални патишта, улици и регулирање режим на сообраќај за 2022 година за периодот од 01.01.2022 до 31.12.2022 година.Предлог-одлука за усвојување на извештајот за реализација на Програмата за одржување јавна чистота за периодот од 01.01.2022 до 31.12.2022 година.Предлог-одлука за усвојување на извештајот за реализација на Програмата за подигање и одржување на паркови и зеленило за периодoт 01.01.2022 до 31.12.2022 година.Предлог-одлука за усвојување на Извештајот за реализација на Програмата за енергетска ефикасност за периодот од 01.01.2022 до 31.12.2022 година.Предлог-одлука за усвојување на годишниот извештај и завршната сметка на буџетот на единицата на локална самоуправа Општина Охрид за 2022 година и извештајот за годишниот попис за 2022 година.Предлог-одлука за усвојување на Извештајот за состојбата во областа на јавната безбедност и безбедноста на сообраќајот на патиштата за периодот од 01.07. до 31.12.2022 година.Предлог-одлука за усвојување на Годишната сметка за работата на ЈП„Билјанини извори“ Охрид за 2022 година.Предлог-одлука за усвојување на Годишниот извештај за работењето на ЈП„Водовод“ – Охрид за периодот од 01.02022 до 31.12.2022 година.Предлог-одлука за усвојување на Извештајот од работењето и остварените резултати на ЈП „Градски гробишта“ – Охрид за периодот од 01.01.2022 до 31.12.2022 година.Предлог-одлука за усвојување на Извештајот од работењето и остварените резултати на ЈП „Градски Пазар“ Охрид за периодот од 01 до 31.12.2022 година.Предлог-одлука за усвојување на Извештајот за остварените резултати од работењето на ЈП„Охридски комуналец“ – Охрид за периодот од 01.01 до 31.12.2022 година.Предлог-одлука за усвојување на годишната сметка и Извештајот за работењето на ЈП„Нискоградба Охрид“ – Охрид за 2022 година за периодот од 01.01.2022 до 12.2022 година.Предлог-одлука за усвојување на Извештајот за финансиското работење и Годишната сметка за 2022 година на ОУ„Христо Узунов“ – Охрид.Предлог-одлука за усвојување на Извештајот за финансиското работење и Годишната сметка за 2022 година на ОУ„Григор Прличев“ – Охрид.Предлог-одлука за усвојување на Извештајот за финансиското работење и Годишната сметка за 2022 година на ОУ„Св.Климент Охридски“ – Охрид.Предлог-одлука за усвојување на Извештајот за финансиското работење и Годишната сметка за 2022 година на ОУ„Братство – единство“ – Охрид.Предлог-одлука за усвојување на Извештајот за финансиското работење и Годишната сметка за 2022 година на ОУ„Кoчо Рацин“ Охрид.Предлог-одлука за усвојување на Извештајот за финансиското работење и Годишната сметка за 2022 година на ОУ„Живко Чинго“ с.Велгошти.Предлог-одлука за усвојување на Извештајот за финансиското работење и Годишната сметка за 2022 година на ОУ„Ванчо Николески“ с.Лескоец.Предлог-одлука за усвојување на Извештајот за финансиското работење и Годишната сметка за 2022 година на ОУ„Св.Наум Охридски“ с. Пештани.Предлог-одлука за усвојување на Извештајот за финансиското работење и Годишната сметка за 2022 година на ОМУ„Методи Патче“ – Охрид.Предлог-одлука за усвојување на Извештајот за финансиското работење и Годишната сметка за 2022 година на ОСУ„Св. Климент Охридски“ – Охрид.Предлог-одлука за усвојување на Извештајот за финансиското работење и Годишната сметка за 2022 година на СОСУ„Св. Кирил и Методиј“ – Охрид.Предлог-одлука за усвојување на Извештајот за финансиското работење и Годишната сметка за 2022 година на ОЕМУЦ„Св.Наум Охридски“ – Охрид.Предлог-одлука за усвојување на Годишниот извештај за финансиското работење на ЈОУДГ за деца „Јасна Ристеска“ – Охрид за периодот 01.01.-31.12.2022 година.Предлог-одлука за давање согласност на Одлуката за усвојување на Годишниот извештај за работа на ОЈУ Отворен граѓански универзитет за доживотно учење „Кузман Шапкарев“ – Охрид за 2021/2022 година.Предлог-решение за именување член во Комисијата за заштита на животната средина.Предлог-решение за именување член во Статутарно – правна комисија.Предлог-одлука за давање согласност на Правилникот за користење финансиски средства од буџетот на општина Охрид за субвенционирање на регистрирани занаетчии на подрачјето на општина Охрид.Предлог-одлука за донесување Правилник за критериумите и постапка за доделување еднократна парична помош на физички лица.Предлог-одлука за давање согласност на одлуката за задолжување со наменски кредит на ЈП „Охридски Комуналец“ – Охрид за набавка на специјални возила.Предлог-одлука за давање согласност на Одлуката за покривање на загубата од работењето на ЈП Водовод Охрид за 2022 година.Предлог-одлука за примање на донација од ОКТА АД Скопје во проектирање и инсталација на фотонапонска централа во општина Охрид.Предлог-oдлука за давање согласност за просторно преместување на дисперзираните паралелки по фудбал при ДСУ „Спортска академија“ – Скопје во рамки на ОСУ„Св.Климент Охридски“ – Охрид.Предлог-одлука за утврдување локација за градба на спомен – обележје на Стојан Шутев, Тасе Васев и Коле Јанев, загинати за време на Илинденското востание.Предлог-програма за дополнување на програмата за одбележување значајни настани и истакнати личности со спомен-обележја за период од пет години (септември 2019 – септември 2024).Предлог-програма за спроведување на општи мерки за заштита на населението од заразни болести за 2023 година.Предлог-програма за измени и дополнувања на годишната програма за изработка на урбанистички планови на територијата на општина Охрид за 2023 година.Предлог-одлука за утврдување локации за собирање и селектирање на комунален отпад на подрачјето на општина Охрид.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 80/1 КО Долно Лакочереј.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 181/4 КО Љубаништа.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 182, кп.бр.183 и кп.бр.184/1 КО Косел.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1141/1 и кп.бр.1341/1 КО Долно Лакочереј.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1303 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1374 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1914 и кп.бр.1915 КО Горно Лакочереј.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1937/4 и кп.бр.1936/1 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1950/1 КО Горно Лакочереј.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1953 КО Горно Лакочереј.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1965 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 2004/1 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 2042/1 КО Пештани.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 2310/1 КО Долно Лакочереј.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 2346/1 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 2866 КО Охрид 4.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 2929 КО Коњско.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 3246 КО Елшани.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 142 КО Вапила.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 804 КО Љубаништа.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1698 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1843/1 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 1956 КО Лескоец.Предлог-одлука за утврдување потреба од донесување урбанистичко – планска документација со цел вклопување на бесправно изградениот објект на кп.бр. 2458 КО Лескоец.Предлог-одлука за утврдување потреба од донесување урбанистичко – планска документација за усогласување на намената на земјиштето на Кп.бр. 8726 КО Охрид 2.СОВЕТ НА ОПШТИНА ОХРИДПретседателСашо Донев

Охрид | пред 2 години

Општина Охрид донесе одлука за спроведување на стратегиска оцена за планскиот документ Урбанистички план за село Долно Лакочереј

Врз основа на член 65 став(6) од Законот за животна средина („Сл.весник на РМ “ бр.53/05, 81/05, 24/07, 159/08, 48/10, 124/10, 51/11, 123/12, 93/13, 42/14, 44/15, 129/15, 39/16 99/18 и 89/22), Општина Охрид, на ден 03.03.2023г. донесеОдлука за спроведување на стратегиска оцена1. За планскиот документ Урбанистички план за село Долно Лакочереј, Општина Охрид, кој го донесува Општина Охрид е потребно да се спроведе стратегиска оцена на влијанието врз животната средина согласно член 65 од Законот за животна средина.2. Како органи засегнати од имплементацијата на планскиот документ Урбанистички план за село Долно Лакочереј, Општина Охрид, се определуваат следните: Министерство за животната средина и просторно планирање и Општина Охрид.3. За планскиот документ Урбанистички план за село Долно Лакочереј, Општина Охрид, кој плански документ го донесува Советот на Општина Охрид, донесувањето на овој плански документ ќе има влијание врз животната средина.4. Обемот на извештајот за стратегиска оцена треба да ги опфати следните аспекти:Влијанието на развојните решенија во поглед на осетливите елементи на животната средина на планираниот опфат(вода, почва, управување со отпад, природното и културно/археолошко наследство и пејсаж).5. Одлуката заедно со формуларите за определување на потребата од спроведување на стратегиска оцена се објавува на веб страната на Општина Охрид на следната веб адреса: www.ohrid.gov.mk6. Против ова одлука јавноста има право на жалба до Министерството за животна средина и просторно планирање во рок од 15 дена од денот на објавувањето на одлуката на веб страната.

Охрид | пред 2 години

Пецаков: Основот по кој го прогласувавме ништовно решението за градба на хотелот во Лагадин веќе го немаме

По повод неодамнешните прозивки на министерката за култура Бисера Костадиновска Стојчевска до градоначалникот Кирил Пецаков, а во врска со изградбата на хотелот во Лагадин, градоначалникот Пецаков, одржа прес конференција. Аргументирано и документирано, градоначалникот Пецаков ја изнесе целата генеза на случајот.-На 23.12.2016 година има правосилно одобрение за градба дадено за изградба на хотелот во Лагадин.На 15.3.2017 година ова одобрение за градба се прогласува за ништовно од страна на Општина Охрид за првпат, по што следат до ден-денес уште десет ништовни одобренија за градба, сите прогласени за ништовно заради почеток на градба без да се известат институции и спротивно на одредбите од Законот за градење.Сето ова е проследено со жалби до второстепениот орган, којшто се неколку на број, пред да во 2020 година, односно на 30.1.2020 година има потврдено ништовно решение за одобрението на градба. Значи нашата одлука ја потврдува второстепениот орган од Министерството за транспорт и врски.Против ова решение е покрената тужба односно управен спор на Управниот суд кој повторно ја враќа на разгледување на првостепениот орган, а тоа е Општина Охрид.Откако сум станат градоначалник во два наврати е прогласено за ништовно одобрението за градба..На 9.6.2022 година е едното прогласување за ништовност и на тоа од Министерството за транспорт и врски имаме одговор дека се поништува решението кое го издал првостепението орган и предметот се враќа на првостепениот орган на повторна постапка.И повторно Општина Охрид го прогласува за ништовно истото одобрение, за веќе на десеттото решение од второстепената комисија при Министертсвото за транспорт и врски од 1.12.2022 година,коешто станува на 1.3.2023 година правосилно, се поништува решението на Градоначалникот на Општина Охрид без да се врати повторно на одлучување на првостепениот орган и сето тоа потпишано и аминувано од страна на министерот за транспорт и врски Бочварски.За првпат во историјата, барем за Општина Охрид, второстепената комисја на Министерството за транспорт и врски одлучува мериторно, но не како што кажува Законот дека вториот пат треба да одлучи мериторно, туку одлучува десеттиот пат мериторно и му дава правосилност истиот орган, а не јас.Што значи дека истото одобрение кое е издадено во 2016 година сега стапува на сила.Со ваквиот епилог на постапката, основата заради која Општина Охрид го поништувала одобрението за градење веќе не држи, а со мериторната одлука на второстепената комисија на Министерството за транспорт и врски завршува предметот и процесот за овој инвеститор, односно според законот за управна постапка одлуката на второстепената комисија, треба да ја почитува првостепениот орган, истакна градоначалникот Пецаков.

Охрид | пред 2 години