ПУЛС

(Фото) Мајката на загинатата Ивона во Пулс: Вратете ги работите на моето дете, како може да носите нешто кога знаете дека е од невино убиено дете?

Во пресрет на почетокот на постапката за враќање на личните предмети од трагичниот пожар во кабарето „Пулс“ во Кочани, јавноста ја потресе апелот на Стојка Иванова-Антова, мајка на загинатата Ивона Антова.Таа упати повик до сите кои по трагедијата биле во полициските простории или имале контакт со предметите пронајдени по увидот, доколку по грешка или ненамерно зеле нешто што не им припаѓа, да го вратат кај вистинскиот сопственик – кај нејзината ќерка.„Не барам ништо туѓо. Барам само она што беше на моето дете“, наведува мајката во обраќањето, потенцирајќи дека станува збор за лични работи и спомени од, како што вели, „еден млад живот што згасна прерано“.Таа побара да се вратат кожено долго палто – мантил, нараквица од „Тифани“, дебела сребрена нараквица како на фотографиите, обетки од „Сваровски“, прстени, очила од „Емпорио Армани“ и зелен „Ајкос“. „Шминките не се важни, но ова се нејзини лични работи и треба да се вратат таму каде што припаѓаат“, наведува таа, додавајќи: „Вратете ги со мирна совест, зашто тоа се спомени од едно невино убиено дете. Една мајка ве моли“.Претходно, Одделение за внатрешни работи Кочани информираше дека од 2 до 6 март 2026 година, во периодот од 09:00 до 18:00 часот, ќе се врши идентификација и враќање на личните предмети пронајдени на местото на пожарот што се случи на 16 март 2025 година.Сите повредени лица, како и блиските членови на семејствата на починатите и другите присутни на настанот, можат да се обратат во просториите на ОВР Кочани на улицата „Тодосија Паунов“ број 12, при што враќањето ќе се врши по претходна идентификација.

Македонија | пред 3 месеци

Телефони, паричници, накит: се враќаат предмети кои останаа во „Пулс“ по кобната вечер

Одделение за внатрешни работи Кочани информира дека од 2 март 2026 година започнува постапката за враќање на личните предмети пронајдени на местото на трагичниот пожар во кабарето „Пулс“, што се случи на 16 март 2025 година.Како што соопштуваат од полицијата, сите повредени лица, блиски членови на семејствата на починатите, како и други лица кои биле присутни за време на настанот, во периодот од 2 до 6 март 2026 година, во времето од 09:00 до 18:00 часот, можат да се обратат во просториите на ОВР Кочани на улицата „Тодосија Паунов“ број 12.Целта на посетата е идентификација и враќање на личните предмети што биле пронајдени при увидот, а им припаѓаат на повредените и на починатите лица. Меѓу предметите што ќе се враќаат се мобилни телефони, паричници, накит, часовници, ташни, облека и обувки.Од ОВР Кочани нагласуваат дека враќањето ќе се врши по претходна идентификација од страна на сопствениците или од блиски членови на семејствата на починатите.

Македонија | пред 3 месеци

Со тродневна програма ќе се одбележи годишнината од „Пулс“

Кочани од 14 до 16 март со тридневна програма ќе ја одбележи годишнината од трагедијата во „Пулс“, во која животот го загубија 62 млади лица. Градот најавува денови на тишина, благодарност и достоинствено сеќавање.На 14 март, под мотото „Молитвен шепот“, ќе се одбележи Ден на тишина. Во храмовите ќе се палат свеќи за упокојување на душите на прерано згаснатите животи. Организаторите посочуваат дека духовното единство треба да биде мелем за раните што сè уште болат.Следниот ден, 15 март, ќе биде посветен на хероите. Под наслов „Кочани Ви благодари“, градот ќе им оддаде признание на лекарите, медицинските тимови и сите кои во критичните моменти помогнаа во спасувањето на повредените. Ќе бидат доделени статуетки на благодарност, а ќе се одржи и културна програма во чест на оние кои беа светлина во најтешките часови.На 16 март, точно на денот на трагедијата, ќе се одбележи Денот на вечното сеќавање. Кочани ќе застане во мир и сплотеност, со оддавање почит на младите чии имиња, како што велат организаторите, засекогаш се врежани во темелите на градот.Градоначалникот Грозданов до младите кои ја преживеаја кобната ноќ. Тој ги повика лично да ги поканат лекарите и медицинскиот персонал што се бореле за нивните животи.„Ве охрабрувам сами да ги поканите вашите доктори, вашите ангели чувари. Општината ќе ги пречека со отворено срце и со сите почести, но вашата лична покана е она што ја прави разликата. Тоа е чин на жива благодарност“, истакна Грозданов.Со оваа програма, Кочани испраќа порака дека болката не е заборавена, но дека благодарноста и сплотеноста остануваат трајна вредност.

Македонија | пред 3 месеци

Таткото на загинатата Надица од „Пулс“: Нема да дозволиме некој да си ја пере совеста врз смртта на нашите деца

„Нема да дозволиме некој да си ја пере совеста врз туѓа трагедија. Нема да дозволиме никој да гази врз смртта на нашите деца за да ја спаси сопствената позиција или углед.“ Со овие зборови Александар Наунов, татко на загинатата Надица во трагедијата „Пулс“, повторно се обрати пред јавноста, нагласувајќи дека родителите остануваат обединети во борбата за целосна одговорност.Тој посочи дека денес на обвинителна клупа седат дел од лицата поврзани со случајот, но дека, според него, постојат и други со „многу поголема моќ, обврски и надлежности“ кои засега не се опфатени со обвинението. „Тоа што денес не се опфатени не значи дека се ослободени од одговорност. Законот е јасен – ова дело не застарува. Ќе има ден и ќе ги чекаме и нив на обвинителна клупа“, рече Наунов.Осврнувајќи се на информациите дека се бара свикување колегиум за повторно разгледување на обвинението и евентуално ослободување на дел од обвинетите, тој порача дека „колегиумот може да прегледува документи, но не може да брише факти, пропусти и нечие непостапување кога тоа било прашање на живот и смрт“.Наунов направи разлика меѓу човечкиот инстинкт за самоодбрана и службената должност. „Кој помогнал – чест му и слава. Кој не помогнал – тоа е слабост на човекот, а не доказ за вина. Но суштината е во тоа кој имал должност, а не ја извршил. Кој имал овластување и не го употребил. Кој имал моќ, а ја свртел главата“, истакна тој.Тој нагласи дека родителите не бараат одмазда, туку правда и систем што ќе ги штити децата. „Ревизијата е техничка процедура, не е амнестија. Можеби ќе нè уморите, но нема да нè скршите. Вистината ќе излезе на виделина, сакал некој или не“, порача Наунов, најавувајќи дека борбата ќе продолжи сè додека не се утврди целосната одговорност за трагедијата.

Македонија | пред 3 месеци

Бектеши и двајца други обвинети преку адвокат бараат ревидирање на обвинението за „Пулс“ за да бидат тргнати од него

Бранителот на поранешниот министер за економија Крешник Бектеши, службеникот Зоран Николовски и ексдиректорот на Дирекцијата за заштита и спасување Беким Максути поднесе иницијатива за ревидирање на обвинителниот акт за случајот „Пулс“, со барање тие да бидат ослободени од обвинение поради, како што наведуваат, отсуство на вина.Адвокатот Еленко Миланов побара од в.д. обвинителката Анита Топалова-Исајловска да свика колегиум во рамки на Обвинителството и да се разгледа поднесеното обвинение, по што ќе донесат одлука овие обвинети да бидат ослободени заедно со сите кои немале директна причинско-последична врска или пак овластување кобната ноќ.„Иницијативата е за еднаква примена на законите, исто така и согласно начелото за економичност на постапката за да истата може да заврши ефектно во однос на лица за кои евентуално може да има причинско последична врска со самиот кривично правен настан, а со избегнување на обемност со лица за кои таквата причинско последична врска со настанот не постои, истовремено со отсуство на дејствија на сторување или не сторување поврзани со делото“, стои во дописот кој го објави ТВ24.Барањето е поднесено по обвинението и обвинителниот предлог на Обвинителството за гонење на организиран криминал и корупција. Таму се водат одвоени постапки зависно од сторените дела на полицајците. Меѓудругото, се гонат и полицајци кои доставиле невистинити податоци за исполнетост на услови до Министерството за економија.Обвинетите преку адвокатот бараат да одговараат само тие кои имале директни дејствија или овластувања во време на пожарот, а не сите кои со години придонесувале во тоа „Пулс“ да работи без проблеми.

Македонија | пред 3 месеци

Како се справи Македонија со трагедијата во Кочани, а како Швајцарија со Кран Монтана – Здружението „16 март 2025“ со споредба: човечност што лечи vs. молк што боли

Здружението „16 март 2025“ реагира на социјалните мрежи со остра споредба меѓу институционалниот одговор по трагедијата во швајцарскиот ски-центар Кран-Монтана и односот на домашните власти по пожарот во дискотеката „Пулс“ во Кочани. Од здружението посочуваат дека додека швајцарските институции обезбедиле брза финансиска помош, организирале државна комеморација и воспоставиле координирана поддршка за семејствата, кај нас речиси една година по трагедијата нема официјална комеморација, ниту јасен институционален план за поддршка и одговорност.„Две реакции на иста трагедија: човечност што лечи vs. молк што болиПо трагедијата во Crans-Montana на 1 јануари 2026 година, швајцарските власти демонстрираа пример за брза, организирана и човечка институционална реакција. Според информациите што ги пренесоа властите, за секое лице кое починало или било хоспитализирано се издвојуваат по 56.000 долари како директна помош. Дополнително, кантоналните власти во Вале, пред еден месец на сите засегнати им исплатиле по 10.000 швајцарски франци како облик на солидарност.Важно е да се истакне дека во Crans-Montana веќе беше одржана официјална државна комеморација на 8 јануари 2026 година, само една недела по трагедијата. Овој чин претставува јасна изјава на солидарност, признание и институционална поддршка кон семејствата на загинатите и повредените.Дополнително, во Швајцарија се организираат заеднички средби меѓу семејствата, државните претставници и осигурителните компании, со цел да се избегнат долги и исцрпувачки судски процеси.За оваа намена, Швајцарија има предвидено вкупно 20 милиони долари, како фонд за обесштетување и поддршка на сите погодени. Покрај тоа, 8,5 милиони долари ќе бидат префрлени на кантоналните власти за покривање на трошоците за итните интервенции и санација на последиците.Со тоа државата испраќа порака дека стои зад своите граѓани во моментите кога им е најпотребно.Овој модел на постапување ја става човечноста и одговорноста на прво место.Спротивно на ова, семејствата на настраданите во трагедијата во Кочани на 16 март 2025 година и понатаму се соочуваат со институционално молчење. До денес не е обезбедена ниту финансиска, ниту морална поддршка, нема координирани средби со семејствата и нема план за институционална и финансиска поддршка.И најважно — во нашата држава до денес не е одржана државна комеморација за жртвите од трагедијата „Пулс“. Таквиот чин не е формалност, туку основна обврска на државата кога ќе бидат изгубени животи како последица на системски пропусти. Комеморацијата е официјален акт на национална почит и јавно признавање на трагедијата, како и јасна порака дека институциите стојат зад своите граѓани.Нејзиното изостанување скоро една година претставува сериозен институционален пропуст кој создава впечаток на дистанца, игноранција и одбегнување одговорност. Со ваквиот однос, државата испраќа длабоко погрешна и навредлива порака — како вината да се префрла врз загинатите деца и нивните семејства, наместо врз причините и пропустите што доведоа до трагедијата.Додека во Швајцарија судските процеси се избегнуваат со брза институционална координација, кај нас судските постапки се одолговлекуваат, а според достапните информации од правниот процес, во обвинителниот акт сè уште не се вклучени актуелни функционери, раководители или директори кои имаат позиција на одговорност во трагедијата „Пулс“.Семејствата беа оставени сами и во најтешките моменти. И погребите и надгробните обележја кај вечните почивалишта беа платени од донации преку Црвениот крст, а не од државата.Затоа ги поставуваме прашањата што одекнуваат скоро цела година:- Како е можно една одговорна држава, кога ќе изгуби свои деца, да реагира веднаш — со државна комеморација, со институционална поддршка, со финансиска помош, со јавни ставови, со јасен план за вистина и правда — а нашата држава скоро една година да не направи апсолутно ништо?- Како е можно институциите да не покажат ниту најминимален чин на човечка и државничка должност?- Како е можно да нема гест, нема позиција, нема став, нема јавна обврска?Како е можно трагедијата „Пулс“ да биде третирана како непријатност што треба да се сокрие, наместо како национална рана што мора да се залечи со вистина и со правда?- Како е можно државата да не спроведе ниту една сериозна мерка, ниту една реформа, ниту една јавна истина — како да се работи за настан што не ја засега?Семејствата на загинатите деца не бараат милост, ниту политичка услуга.Бараат нешто што е темел на секоја демократска држава: одговорност, транспарентност и државен став.Бараат државата да покаже дека стои зад своите граѓани, а не зад своето молчење.Зашто кога институциите ќе молчат толку долго, молкот престанува да биде тишина — станува став.Станува порака дека трагедијата не е приоритет.Станува признание дека одговорноста се избегнува.Станува обвинување врз самите жртви и нивните семејства.Но вистината не може да се затвори.Ни правдата не може да се паузира.Ни болката не може да се измие со игнорирање. .Болката останува наша.И колку и да бегаат од одговорност, срамот останува нивен — и ќе остане нивен сè додека државата конечно не постапи како држава: со јавно признание, со државна комеморација и со јасен пат кон вистина и правда“, велат од Здружението 16 март 2025.

Македонија | пред 3 месеци

Одобрени обвиненијата за 13 полицајци за пожарот во „Пулс“ и злоупотребите на ИПАРД фондовите

Советот за оценка на обвинителен акт при Основниот кривичен суд Скопје во целост ги одобри двете големи обвиненија поднесени од Основното јавно обвинителство за гонење организиран криминал и корупција. Станува збор за предметот за пожарот во кочанскиот објект „Пулс“ и случајот со коруптивни злоупотреби поврзани со европската ИПАРД програма.​Судење за 13 полициски службеници за трагедијата во „Пулс“ ​Првиот одобрен акт се однесува на 13 полициски службеници кои ќе седнат на обвинителната клупа под сериозно обвинение – Тешки дела против општата сигурност. Овој случај е директно поврзан со страотниот пожар кој на 16 март 2025 година избувна во објектот „Пулс“ во Кочани.​„Обвинителниот акт со КОК – ооа 4/26, против 13 полициски службеници кои се товарат дека сториле кривично дело – Тешки дела против општата сигурност, поврзани со пожарот… се одобрува во целост“, информираат од Кривичниот суд.​Вториот предмет опфаќа финансиски и коруптивни малверзации. Обвинението е насочено против пет физички лица за низа кривични дела: Давање и примање поткуп, како и Давање и примање награда за противзаконито влијание.​Во склоп на овој предмет има и обвинителен предлог против уште четири други физички и едно правно лице. Сите дела се поврзани со незаконско користење на средства преку европската ИПАРД програма.​Врз основа на одобрените акти, веќе се формирани кривично-правните предмети (КОК бр. 4/26 и КОК бр. 5/26).Од Судот информираат дека преку АКМИС-системот овие предмети ќе бидат електронски распределени кај надлежни судии за понатамошно постапување. Термините за првите главни расправи ќе бидат дополнително објавени во Календарот за судења на веб-страницата на Кривичниот суд.

Македонија | пред 3 месеци

Сведочење за трагедијата во „Пулс“: Панчо викна – „Деко, гори“, кога бев келнер нѐ раздолжуваше и Михајло

Со сослушување на сведоци продолжи судењето за трагедијата во дискотеката „Пулс“, при што денеска исказ даде Бојан Клименков, другар на загинатиот Петар Иванов. Клименков е поранешен келнер во локалот, кој кобната вечер бил таму како гостин.Клименков изјави дека шеф во „Пулс“ бил Дејан Манасиев, кој, според него, исплаќал заедно со Михајло и Дејан Јованов – Деко.Тој посочи дека посетителите однапред знаеле кога ќе има полициски инспекции поврзани со малолетници и дека по заминувањето на инспекциите повторно се враќале во објектот.Сведокот истакна дека критичната вечер забележал три прскалки кои, според него, се активирале автоматски, најверојатно преку систем со копче, бидејќи никој физички не дошол да ги запали. Огнот, како што рече, започнал од таванот веднаш по догорувањето на прскалките.„Вечерта не ги видовме прскалките, ама кога ги запалија, осетивме како нè пецкаат, па се тргнавме. Имаше три прскалки, сами се активираа, најверојатно со копче. Откако се активираа, се тргнавме настрана, видовме дека се запали плафонот над левата прскалка, лево гледано кон бината. Панчо викна ‘Деко, Деко, гори’. Деко дојде со противпожарен апарат и се обиде да гасне, па се упати десно од бината, можеби да се исклучи струјата. Тогаш Панчо рече ‘излегувајте’ и сите тргнавме кон надвор“, сведочеше Клименков, пренесе Плусинфо.Тој опиша дека во метежот кај влезот имало меѓу 300 и 400 луѓе, а густиот чад оневозможувал видливост. Додаде дека почувствувал силен мирис во салата кој предизвикувал поспаност и губење на свеста.„Беше топло, ме зафати стампедото и се онесвестив. Кога се освестив, над мене имаше пет-шест тела. Ми помогна Горан Илиев да излезам. Додека лежев ги видов сите кои спасуваа – Лазар Захариев, Горан Илиев, Методиј Клименков, мојот брат, Мартин Јосифов, Драган Петрушев. Кога ме извлекоа ги видов пожарникарите. Надвор пак се онесвестив и се освестив во комбето на пат кон болница“, рече тој.Во судницата беше спомената и врата која била заклучена, а за која претходно имало тврдења дека служела како излез за евакуација на малолетници при полициски рации.Судењето се одвива под засилено полициско обезбедување. Следното рочиште е закажано за 5 март, кога ќе бидат сослушани нови сведоци на Обвинителството.

Македонија | пред 3 месеци

„Останавме на масата и снимавме, мислевме дека е некаква анимација“, вели гостин за пожарот во „Пулс“

На денешното рочиште за пожарот во дискотеката „Пулс“ сведочеше и Алберто Миладинов, кој кобната ноќ бил присутен во дискотеката и го снимал настапот кога избувнал пожарот.Тој изјави дека во 02:32 часот биле активирани прскалките на сцената, момент кој, како што рече, е забележан и на видеото што го снимал.„Ги снимав пејачите и на крајот од видеото се гледа како дел од таванот почнува да гори. Кога започна рефренот се вклучија прскалките и тогаш се запали дел од плафонот. Останавме на масата и снимавме, мислевме дека е некаква анимација. Дури кога пејачот повика да излеземе надвор, почнавме да се упатуваме кон излезот“, сведочеше Миладинов, додавајќи дека според неговото набљудување токму од нив започнал пожарот.Според неговото сведочење, пожарот многу брзо се проширил, а во објектот настанала голема гужва.„Прво мислевме дека лесно ќе се изгасне и дека забавата ќе продолжи, но огнот брзо се ширеше. Температурата нагло се зголеми, беше многу жешко и загушливо, чадот беше густ и тешко се дишеше“, изјави Миладинов.Во обид да излезе, успеал да ја помине првата врата, но кај втората почнал да губи свест.„Некој ме фати и ме извлече надвор. Можеби беа луѓе од обезбедувањето, но не сум сигурен. Подоцна го слушнав гласот на мој другар кој бараше помош“, сведочеше тој.

Македонија | пред 3 месеци

Гитаристот на ДНК за „Пулс“: Огнот беше над мојата глава, капеа црни капки, од кои имам изгореници, но повеќе имав од топлината

Денес пред Судот сведочеше Горан Тонев, гитаристот на групата ДНК. Тонев во судницата се појави со видливи изгореници на лицето и вратот, како последица од пожарот.Тој изјави дека околу една година и три месеци имал устен договор со Филип Стевановски да настапува како надворешен соработник и гитарист со дуото ДНК.Тој рече дека не забележал поставување на пиротехника на бината.– Секогаш прво правевеме тонска проба, па бендот се повлекуваше, а кога се враќавме на настанот тие веќе беа наместени. Не знам кој ги поставувал – рече тој и додаде дека и претходно се користела пиротехника на настапите на ДНК.Според него, прскалките се активирале околу 2.30 часот.– Потоа Владимир Блажев Панчо рече на микрофонот сите да излеземе надвор. Тоа го рече затоа што плафонот почнал да гори. Од местото каде што стоев јас, тоа не се гледаше јасно. Кога рече Панчо, тогаш го видов пламенот. Го оставив својот инструмент на бината и се упатив кон единствениот излез. Во дискотеката имаше премногу луѓе, така што, веднаш се заглавив во стампедо, кое траеше долго време. Долго време не успевав да излезам оттаму. Во тие моменти мислев дека го губам мојот живот – рече тој.Од Тонев беше побарано да го опише пожарот.– Јас се симнав од бината. Се ширеше екстремно брзо. Капеше одозгора и беше екстремно топло. Имаше многу густ чад, не можев да дишам и тоа траеше многу долго. Кога погледнав нагоре, огнот беше над мојата глава и капеа црни капки, од кои имам изгореници, но повеќе имав од топлината – рече тој.Гитаристот сведочеше дека се здобил со изгореници на дишните патишта, десното уво, десната рака, лицето и грбот. Поради сериозноста на повредите бил лекуван во Солун и сè уште не е во можност да се врати на работа.

Македонија | пред 3 месеци

Оваа лакардија Обвинителството е должно да ја прекине, изложуваме премногу луѓе на огромна траума, вели Шилегов за судскиот процес „Пулс“

На денешното рочишта за пожарот во дискотеката „Пулс“, адвокатот Петре Шилегов, упати остри критики до судот и обвинителството, посочувајќи на очигледни двојни аршини при одредувањето на мерките за обезбедување на обвинетите.Шилегов потенцираше дека јавноста со право реагира на нееднаквоста пред законот. Иако, како што вели, лично не е поборник за секогаш да се посегнува по мерката притвор, смета дека правилата мора да важат за сите граѓани подеднакво.„Аршините за определување мерки за обезбедување присуство на судење треба да бидат еднакви за сите, а не да зависиме од нечија волја. Очигледно е дека во конкретниот случај има различни аршини. Не може за едни да имате едно правно мислење за истиот кривично-правен настан, а за други сосема поинакво“, изјави Шилегов.Тој упати директен повик до Јавното обвинителство да покаже одговорност и да стави крај на начинот на кој се води постапката, квалификувајќи го тековниот тек на судењето како „лакардија“ која непотребно ги трауматизира оштетените.„Оваа лакардија која се случува во конкретниот предмет, Јавното обвинителство е должно да ја прекине. Надвор од материјалниот аспект, ние изложуваме премногу луѓе на огромна траума“, порача адвокатот Шилегов.

Македонија | пред 3 месеци

„Бев најдолу во стампедото, ногата ми беше заглавена, мирисот тераше на спиење“, потресно сведоштво на преживеаниот вокал од ДНК

Професорката Ана Костадиновска, која беше придружна пејачка на некогашната група ДНК, чии главни вокали починаа во катастрофалниот пожар во Кочани, прва сведочеше на денешното рочиште за пожарот вo дискотеката „Пулс“. Таа е сведок на Обвинителството.Костадовска појасни дека не била постојан член на бендот, туку била ангажирана по потреба, зависно од настапите. Заедно со неа настапувала и Сара Пројковска, со која, како што рече, има блиска пријателска и професионална соработка.Сведокот посочи дека за техничката поддршка бил задолжен Мартин Атанасов, додавајќи дека лично никогаш не видела кој ги поставува прскалките на сцената, иако тие со години се користеле без да предизвикаат проблемВо последните 4-5 години ДНК беше многу баран бенд и настапуваше често. На сите настапи во последните години имаше прскалки и никогаш немаше проблем. Стоеја до нас, до опремата, прскаа во мене, никогаш немало проблем“, одговараше Ана на прашањата.Пред настапот, членовите на бендот чекале во канцеларија – импровизирана просторија до дискотеката. За да стигнат до бината, изведувачите морале да се пробиваат низ публиката.На четвртата песна избил пожарот.Ја изведувавме песната ‘Што сака нека биде’, на рефренот беа пуштени прскалките. Јас погледнав инстинктивно нагоре и видов искри. Панчо на микрофон рече да излеземе. Бевме бавни, не ја сфативме сериозно ситуацијата. Видов врата до бината, беше затворена со катанец и не можевме да излеземе. Но, сè се случи брзо. Почувствував топлина, пукање и удар во грбот од пластика. Настана стампедо. Сара тргна со мене. Го поминавме шанкот, но тука се разделивме. Паднав најдолу во стампедото, пред самиот излез. Настана страшна паника и хаос. Се чувствуваше мирис кој тераше на спиење. Во стапицата со мене беше еден дечко кој сите нè држеше будни. Ногата ми беше фатена на друга страна. Беше хорор, не можам да опишам“, сведочеше Ана.Потоа, преживеаните во толпата почувствувале свеж воздух. Се намалил притисокот и почнале да ги извлекуваат натрупаните луѓе.„Не се сеќавам кое беше момчето што ми помогна, но ми го спаси животот“, рече Костадовска во сведочењето.

Македонија | пред 3 месеци

Газда Деко да биде однесен од затворот во Куманово во Идризово: адвокатката бара преместување оти “нечовечки” бил третиран

Адвокатката Ивана Коцевска, бранителка на сопственикот на „Пулс“, Дејан Јованов, на денешното рочиште побара судот да донесе решение за пренесување на Јованов во затворот во Идризово бидејќи затворскиот персонал од затворот во Куманово, како што рече, се однесува „деградичарки нечовечки и понижувачки кон обвинетиот“.Судот веќе има на увид обемен медицински материјал за првообвинетиот, кому му беше направена сериозна хируршка интервенција на три нивоа на ‘рбетниот столб и беше вратен во притвор. Одбраната три месеци бара да му се овозможи контрола за совет за натамошно лекување. Судот даваше наредба за спровод на осомничениот, истиот не беше спроведуван, сѐ до 23.02.2026 година, пред два дена. Исто и поради причини за економичност на постапката и потребата Јованов да се спроведува на Клиниката за неврохирургија, го молам судот да донесе одлука да го премести Јованов во КПУ Скопје – рече Коцевска.Претходно, адвокатот Петре Шилегов, бранител на Шефкет Хазари од Министерството за економија, на почетокот од денешното судење побара да се преиспита обвинението за да се види кој бил директно инволвиран, а кој не, и да се направи издвојување на постапките. Воедно, побара да се одложи денешното рочиште.Судот го одби ова барање со образложение дека не може да му наложи на ЈО како да постапува. Јавното обвинителство е самостоен орган и судот не може да му наложи како ќе постапува и дали ќе се консолидира со ОЈО ГОКК, а особено што судот секогаш мора да постапува само по поднесеното обвинение не мешајќи се во работата на ЈО, како и од причини што нема увид во другото обвинение и во овој момент и да го има, не може да врши споредба – рече судијката Дијана Груевска-Илиевска.Според Шилегов, обвинението против дел од обвинетите, вклучително и Шефкет Хазари, е правно неодржливо бидејќи тие немале законска надлежност за инспекциски надзор нагласувајќи дека „правдата не смее да се гради врз неправда“.Судењето продолжи со сведочење на Ана Костадиновска, придружен вокал на групата ДНК. По нејзиното сведочење, предвидено е да се сослушаат уште четворица други сведоци.

Македонија | пред 3 месеци

Продолжува судењето за пожарот во „Пулс“ – денес искази на петмина сведоци

Денеска во судницата на Кривичниот суд во Идризово ќе продолжи судењето на обвинетите за пожарот во дискотеката „Пулс“ во Кочани, во кој загинаа 63 луѓе, а над 220 беа повредени. За катастрофата што се случи на 16 март 2025 година им се суди на 35 физички и на 3 правни лица, за делото Тешки дела против општата сигурност.Денес е предвидено искази да даваат петмина сведоци предложени од Јавното обвинителство.Во процесот се обвинети сопственикот на дискотеката, управителите, членовите на обезбедувањето, поранешни градоначалници на Кочани, градежни и пазарни инспектори, поранешни директори на Дирекцијата за заштота и спасување, поранешни министри за економија, службеници во Министерството за економија, за дејствија што ги преземале или не ги преземале во периодот од 2012 година до денот на пожарот, а поради што настанала катастрофата.Судењето ќе го води судијката Диана Груевска Илиевска, а обвинителството е застапувано од тим од 15 јавни обвинители

Македонија | пред 3 месеци

„По тие скали лежат 63 животи“, таткото на загинатата Надица потсети дека се ветени осум рочишта месечно за „Пулс“ а се одржуваат 2-3 со одлагања

Таткото на загинатата Надица Наунова, Александар Наунов, јавно го прозва Обвинителството и Кривичниот суд за, како што рече, неисполнетите ветувања во судскиот процес за трагедијата „Пулс“, укажувајќи на одложувања, оправдувања и недостиг од најавената динамика на судењето.„Пред почетокот на судењето слушнавме гласни ветувања дека ќе има две рочишта неделно, дека нема да има неоправдани одложувања, дека ќе се контролираат лекарските оправдувања и точноста, дека Обвинителството нема да дозволи постапката да пропадне поради неосновани причини, особено ако станува збор за одолговлекување. Тоа беа ваши зборови, ваши гаранции пред јавноста, ваши ветувања кон нас. Денес прашуваме – каде се тие ветувања?“, рече Наунов.Тој посочи дека во јануари се одржало едно рочиште, во февруари две, а до крајот на месецот е закажано уште едно, „ако воопшто се одржи“. Според него, ветеното темпо од две рочишта неделно не се реализира, а честите оправдувања отвораат сомнежи кај семејствата на жртвите.„Гледаме обвинети кои од здрави стануваат болни, носат документација за која не знаеме дали е основана. Тоа кај нас буди сомнеж дека дејствијата се со цел одолговлекување на постапката“, нагласи Наунов.Тој го отвори и прашањето за безбедносните контроли во притворот, откако на првообвинетиот му бил пронајден мобилен телефон во ќелијата.„На првообвинетиот му е пронајден телефон во ќелија и сè завршило со опомена. Се поставува прашањето дали се врши контрола во притворот, што се случува во телефоните на првообвинетиот, дали се обработени до крај и дали е извлечена целата комуникација. Дали требаше да има само опомена или да помине време во самица? Тоа отвора сомнежи и не враќа доверба“, изјави тој.Дополнително, Наунов посочи дека на суд било забележано сведочење кое се разликува од изјавата дадена пред Обвинителството.„Видовме сведок кој даде изјава различна од таа пред Обвинителството. Прашуваме како се постапува со луѓето кои лажно сведочат?“, рече Наунов.Во емотивно обраќање, тој им порача на сите кои, како што рече, ја релативизираат тежината на случајот:„За оние кои тврдат дека ‘Пулс’ е толку климаво поставен што ќе падне, нека запомнат нешто – по тие скали не лежат предмети, бројка, статистика. По тие скали лежат 63 млади животи, 63 светови кои згаснаа. Ние немавме деца за давање. Тие беа наша фамилија. Тоа не се имиња на лист хартија. Слушнавме што ветивте, ама гледаме што правите. Нашето трпение е при крај.“

Македонија | пред 3 месеци

Во сабота нов „Марш на ангелите“: Правдата не смее да доцни

Во Сабота, 21 февруари 2026 во 15:05 часот ќе се одржи Марш на ангелите во знак на сеќавање на 63-те жртви од трагичниот пожар во дискотеката „Пулс“ во Кочани.„Маршот на ангелите — достоинствен собир посветен на сеќавањето и на барањето правда.Ги повикуваме сите граѓани да ни се придружат во тивок марш, обединети во истата цел: вистинска правда за секој млад живот и одговорност за секоја неправда.Овој марш е глас на семејствата, пријателите и целата заедница која не се помирува со молкот и нерешените прашања.Чекориме за да потсетиме дека правдата не смее да доцни и дека секое изгубените животи нè обврзуваат на упорност.Вашето присуство е важна поддршка.Да одиме заедно — достоинствено, тивко, но одлучно“, стои во објавата.

Македонија | пред 3 месеци

Обвинет е во болница, па судењето за „Пулс“ утре нема да се одржи

Расправа за предметот со ознака К.бр.1872/25, поврзан со пожарот во дискотеката „Пулс“ во Кочани, закажана за 19 февруари 2026 година, е одложена поради влошена здравствена состојба на обвинетиот Г.М., кој се наоѓа на болничко лекување во Општата болница во Кочани, информираат од Кривичниот суд.Како што соопштуваат од Судот, претседателот на судечкиот совет во текот на денот остварил телефонски контакти со лекарите задолжени за лекувањето на обвинетиот. Тие го известиле дека Г.М. во моментот не е во состојба да присуствува на главната расправа, но изразиле уверување дека неговата здравствена состојба ќе се подобри и ќе може да продолжи да ја следи постапката.Поради економичност на постапката и со цел да не се предизвикаат дополнителни трошоци, претседателот на советот за одлагањето ги известил бранителите, полномошниците и законските застапници на оштетените, сведоците, како и надлежните казнено-поправни установи и полициски станици.Од Судот додаваат дека сите веќе определени последователни термини за одржување на расправата остануваат во сила.Ова е второ одлагање на рочиште во овој предмет во краток период, откако претходно беше одложена расправата закажана за 14 јануари, бидејќи еден од обвинетите остана без адвокат.

Македонија | пред 3 месеци

(Видео) „Со 33 обвинети предметот за Пулс мора да трае“ – Давидовиќ лоцира одговорност кај разрешениот Коцевски за напнатата атмосфера

Адвокатот Звонко Давидовиќ во емисијата „Претрес“ изнесе сериозни забелешки за текот на судскиот процес „Пулс“, оценувајќи дека начинот на кој бил поставен предметот од самиот почеток придонел за напната атмосфера во судницата.Според него, со оглед на бројот на обвинети – 33 или 34 лица – и обемот на доказниот материјал, било јасно дека постапката ќе трае подолг временски период. Давидовиќ посочи дека сменетиот јавен обвинител Љупчо Коцевски не покажал доблест отворено да им укаже на семејствата и на јавноста дека станува збор за комплексен предмет што не може да заврши брзо.„Кога обвинителите одговарале за она што го направиле, а завршило многу лошо? Со 33-34 обвинети и со една хрпа докази, предметот мора да трае“, изјави Давидовиќ, додавајќи дека на едно рочиште се сослушуваат најмногу двајца до четворица сведоци.Тој ја опиша атмосферата во судницата како „наелектризирана“,што, според него, не е коректно и не придонесува за фер постапка.Во разговорот, новинарот го праша дали смета дека коренот на ваквата состојба лежи кај обвинителот Коцевски, на што Давидовиќ одговори кратко и недвосмислено: „Апсолутно.“За целиот судски случај, но и за други ексклузивни теми:

Македонија | пред 3 месеци

(Видео) Кој фали на обвинителна клупа за случајот „Пулс“, Давидовиќ: Главниот шериф не одговара

„Ако тврдите дека сите оние кои биле надлежни да ја контролираат дискотеката, а главниот шериф во градот кој е обвинител не одговара – нешто фали“. Со овие зборови адвокатот Sвонко Давидовиќ, кој застапува двајца обвинети во случајот за пожарот во дискотеката „Пулс“, ја отвори дилемата за тоа кој се најде на обвинителна клупа, а кој фали.На прашањето дали очекува дополнителни лица да се најдат на обвинителна клупа, Давидовиќ беше дециден: „Не. Затоа што досега ќе се најдеа“, мислејќи на обвинителите надлежни да гонат кривични дела во Кочани.Во разговорот се отвори и прашањето за пораката што институциите ја испраќаат до јавноста.„Испраќаме дека корупцијата е до тоа ниво дојдена што носи наши животи и дека само по страшен настан преземаме дејствија одреден период, па потоа забораваме. Контроли правиме само тогаш, наместо претходно да ги преземеме потребните мерки“, истакна Давидовиќ.На констатацијата дека со вакво обвинение можеби нема да има правда, адвокатот оцени дека „тажно е што правната квалификација не е во ред“, алудирајќи дека суштината на случајот можела да биде поинаку поставена.Во емисијата беше нагласено дека предметот опфаќа голем број докази и обвинети лица, но според Давидовиќ, начинот на кој е структурирано обвинението остава простор за сериозни правни дилеми во однос на одговорноста и конечниот исход на постапката.Во поткастот се зборува и ексклузивно за судијата Ѓоко Ристов и од каде му 350.000 евра во домот на родителите:

Студио | пред 3 месеци

Страшно сведоштво на пожарникар: Три јагленосани тела во ‘Пулс’, едното се држи за маса, друго потпрено за столб, третото со раце нагоре

На денешното рочиште за пожарот во дискотеката „Пулс“ сведочеше пожарникарот Драган Апостолов, кој е командир на противпожарната единица во Кочани. Тој го опиша ужасот во дискотеката каде ималоненормално висока температура.„Толку многу беше висока температурата внатре, што и преку опрема добив изгореници и големи пликови по рацете, а не ме фати огнот”, рече сведокот.Апостолов детално објасни како пожарникарите со „водени лепези“ се обидувале да ја намалат температурата за да можат да ги извлекуваат преживеаните до „црвениот тепих“, каде ги преземале екипите на брзата помош.„По пристигнување во 2:55 веднаш се упатив во објектот. Огнот беше распламтен внатре, гореше плафонот, шанкот и бината. Јас со млазот вода влегов внатре и правев лепеза од вода за да се намали температурата, да не не пеплоса огнот сите, додека останатите извлекуваа лица“, појасни сведокот.Внатре горел плафонот, дел од шанковите. Глетката била страшна: три целосно јагленосани тела, едното се држи за маса, другото потпрено за столб, третото легнато со двете раце нагоре.Најмногу заглавени, починати и повредени лица имало во ходникот зад влезната врата.Апостолов изјави дека внатре во дискотеката видел расфрлани противпожарни апарати.„Гаснењето беше многу отежнато. Пред тоалетот имаше сандаче хидрант, внатре имаше црево, но немаше вентил и не можевме да го користиме. Имаше и расфрлани употребени пп апарати од девет килограми“, изјави Апостолов пред судот.

Македонија | пред 4 месеци

Пожарникар сведочеше за пожарот во „Пулс“: Во билетарата затекнав над десет лица кои не даваа никави знаци

На денешното рочиште за пожарот во дискотеката „Пулс“ сведочеше пожарникарот Благој Паунов кој рече дека дојавата ја примил во 2:35 часот, а пожарот бил изгаснат околу 4 часот.Тој заедно со уште еден колега пристигнале како прво противпожарно возило пет минути по дојавата.-По пристигнување на местото бевме упатени од полициски службеници и ни направија место да се паркираме непосредно до дискотеката. Кога пристигнавме на местото, имаше само малку чад како излегува од влезната врата, ние не можевме да го видиме огнот. Од искуство мислам дека бил пригушен и поради немање кислород не можел да се шири огнот. Кога излеговме, на самиот паркинг имаше многу луѓе, од кои и доста паднати. Паднати имаше и на скалите, а на влезната врата имаше и заглавени повеќе лица кои бараа помош, изјави пожарникарот Паунов.- Нашата стандардна процедура е најголем приоритет спасување човечки животи. Mоравме да ги извадиме лицата. И кога дојде и вториот тим и тие извлекуваа прво, зошто не можеа да пуштат линија. Веднаш пристапивме кон извлекување на лицата заглавени на влезната врата. Кога извадивме едно лице моравме да побараме помош од полицијата и двете лица од обезбедувањето и цивилни лица. И така во мешовити тимови почнавме да ги извлекуваме децата. Послабите полесно, а покрупните потешко и секој различно реагираше. Некои беа избезумени, во шок и грч и моравме да ги носиме до паркинг. Други, пак од паника газеа врз нас и други деца за да излезат. Кога го поднамаливме бројот, во тој момент веќе приметив дека пристигна брзата помош како и повеќе цивили и дека почнале да ги носат до болница, изјави сведокот.Паунов кажа дека се пробил и во билетарата затекнал над десет лица кои веќе лежеле и не давале никави знаци.-Излегов и побарав помош. Откако ги извлековме сите имаше друга врата, помала во која имаше многу деца заглавени. Кога излеговме веќе приметив дека се пристигнати сите мои колеги и пуштени сите линии и почнато со гасење, изјави сведокот.Потоа влегол внатре, бидејќи им кажале дека има заглавени и кај тоалетот, и од таму почнал да извлекува заглавени лица.- Потоа веќе бев изнемоштен и не можев повеќе да извлекувам лица и побарав замена и земав да гасам. На крајот од интервенцијата мислам дека беа извлечени уште две или три тела кои беа изгорени, изјави сведокот.

Македонија | пред 4 месеци

Од затворот во Скопје се координира влијание врз сведоци во случајот „Пулс“, тоа го прави братот на газдата преку Вибер, тврди мајката на загинатиот Томас

Пред почетокот на денешното рочиште за случајот „Пулс“, родителите на загинатите јавно изнесуваат сериозни обвинувања за можни притисоци врз сведоци на Обвинителството.Јулија Златкова, мајка на Томас Златков кој загина кобната ноќ во „Пулс“, изјавува дека имаат сознанија оти лицето Ј.Ј., кое се наоѓа на издржување мерка притвор во затворот во Скопје, му давало мобилен телефон на користење на Тодор Јованов, брат на обвинетиот, преку кој, според нејзините тврдења, се вршел притисок врз сведоци преку Вибер-комуникација.Таа јавно ги повикува надлежните институции да ја проверат оваа информација и детално да ги испитаат сите комуникации остварени преку наведениот телефон.Златкова нагласува дека трагедијата во „Пулс“ претставува, како што вели, „геноцид на една млада генерација“, настанат поради алчност, корупција и несовесно работење, и додава дека, и покрај трагедијата, продолжуваат обиди за прикривање и влијание врз постапката.„Ние, родителите на овие млади убиени деца, нема да дозволиме вистината да остане затскриена. Вистината мора да излезе на виделина. Правда мора да има за нашите убиени деца“, порачува Златкова пред почетокот на судското рочиште.

Македонија | пред 4 месеци

Продолжува судењето за пожарот во „Пулс“ – сослушување на пет сведоци и оштетени

Продолжува судењето за пожарот во дискотеката „Пулс“ во Кочани, при кој загинаа 63 лица, а повеќе од 200 беа повредени, со сослушување на сведоци и законски застапници на оштетените.Адвокатот Петре Шилегов пред почетокот на претходното рочиште побара да се земе предвид брифингот на ОЈО ГОКК за запирање на постапката против службени лица и предложи Јавното обвинителство да ја преиспита таа одлука, истакнувајќи дека за дел од сега обвинетите може да се повлечат обвиненијата.На рочиштето беа сослушани повеќе сведоци кои биле присутни во дискотеката кобната вечер. Во своите искази тие ја опишаа паниката и хаосот што настапиле кога пламените јазици и чадот ја зафатиле преполната дискотека. Еден од сведоците исракна дека претрпел сериозни повреди на дишните патишта, лекувајќи се во Штип, Скопје и девет дена во Грац, Австрија, а последиците ги чувствува и денес.„Сега повторно ми е падната сатурацијата после 10 месеци, падната ми е на 65 проценти“, откри сведокот.Случајот го води судијката Дијана Груевска Илиевски и моментално се наоѓа во доказна постапка со сослушување на сведоци предложени од Обвинителството.За денешното рочиште се најавени пет сослушувања.

Македонија | пред 4 месеци

(Видео) „Дејан, седум твои колеги и пријатели загинаа. За кого лажеш? За газдата?“, мајка на загинатиот Андреј му се обрати на сведокот

„Дејан, седум твои колеги и пријатели загинаа. За кого лажеш? За газдата?“. Со овие зборови Марија Петрушева, мајка на загинатиот Андреј во пожарот во дискотеката „Пулс“, јавно се обрати до сведокот Дејан Манасиев, обвинувајќи го дека ја менува вистината и свесно ја доведува во заблуда и јавноста и судот. Таа најави дека родителите на загинатите млади лица ќе поднесат кривична пријава против Манасиев поради, како што тврдат, лажно сведочење.Петрушева посочува дека постојат длабоки и суштински противречности меѓу исказот што Манасиев го дал непосредно по трагедијата и неговото денешно сведочење во судницата. Според неа, сведокот, кој работел како шанкер во објектот, првично потврдил дека плафонот бил спуштен и обложен со сунѓер, а сега целосно ги негира тие тврдења.„Сто сведоци кажаа дека плафонот бил спуштен. Тој сунѓер, со отровни примеси, е причината поради која нашите деца се задушија и починаа“, изјави Петрушева, во обраќање исполнето со болка и гнев.Таа нагласи дека Манасиев лично ѝ ги раскажал последните моменти на нејзиниот син, но дека денешната верзија што ја изнел пред судот е целосно поинаква. Петрушева тврди дека располага и со пораки од приватна комуникација, во кои Манасиев опишува како заедно со Андреј и уште еден келнер се обидувале да излезат од објектот низ густ чад.„Ми кажа дека ништо не се гледало од чадот, дека тој се вратил кон тоалетите да провери дали има заглавени деца, а Андреј и Ице продолжиле кон излезот. Денес слушаме приказна дека наводно видел триесет млади луѓе кои снимале со телефони и дека тоа предизвикало стампедо. Тоа е спротивно на сè што ми кажа тогаш“, вели таа.Дополнително, семејствата на жртвите реагираат и на изјавите на Манасиев во врска со помошните излези и противпожарната опрема. Додека тој тврди дека една од споредните врати била отклучена и проодна, Петрушева наведува дека други сведоци и фотографии од денот на пожарот покажуваат дека вратата била заклучена со катанец и без внатрешна квака.Спорен, според неа, е и бројот на противпожарни апарати. „Во обвинителството зборуваше за еден, можеби два апарати, а денес веќе се три. Не знам што се смени, но знам дека ова е сериозно контрадикторно“, рече Петрушева, додавајќи дека токму поради ваквите разлики родителите ќе поднесат кривична пријава.Таа ја заврши пораката со оценка дека ваквото однесување не му служи на честа на сведокот, особено ако се има предвид дека и самиот изгубил блиски пријатели и колеги во трагедијата која го потресе целото општество.

Македонија | пред 4 месеци

Преживеаниот шанкер од „Пулс“ бара отштета, но нема да се приклучи на кривичниот прогон: Повторно ми е падната сатурацијата на 65 проценти

Дејан Манасиев, кој работел како шанкер во дискотеката „Пулс“ од отворањето во 2012 година, изјави дека персоналот работел без договори, а кобната вечер голем дел од вработените не успеале да се спасат.Манасиев, кој сè уште се соочува со сериозни здравствени последици и намалена сатурација, истакна дека наредбите ги добивале директно од газдата Деко, вработените немале никаква обука за заштита при работа и не бил сигурен дали имало хидранти, освен неколку противпожарни апарати.Низ солзи, сведокот раскажа за загубата на колегите:„Од вработените таа вечер само Анастасија преживеа. Починаа другите шест-седум“, рече тој.„Сега повторно ми е падната сатурацијата после 10 месеци, падната ми е на 65 проценти“, откри сведокот.Tој претрпел сериозни повреди на дишните патишта, лекувајќи се во Штип, Скопје и девет дена во Грац, Австрија, а последиците ги чувствува и денес. Манасиев не се приклучува кон кривичниот прогон, но ќе поднесе отштетно побарување.

Македонија | пред 4 месеци