сад

Руски војници за преговорите: Едни сакаат крај, други инсистираат на победа

Иако е невозможно да се спроведат независни анкети меѓу активни воени лица, во редовите на руската армија се издвојуваат две доминантни расположенија, пишува BBC.Војниците на првите линии на фронтот покажуваат јасни знаци на исцрпеност и фатализам.„Чув дека многу се зборува за состанокот и можниот мировен договор. Расправи со убави графики, карти и стрелки, прекрасни презентации,“ вели еден војник за BBC. „Но искрено, мене не ми е гајле што ќе договорат. Јас и моите пријатели во рововите само сакаме сè ова да заврши.“Поголемиот дел од војниците кои денес се борат во Украина биле цивили пред инвазијата во 2022 година. Некои потпишале договори со армијата привлечени од високите плати и бенефиции, а други биле мобилизирани со указот на Владата во септември истата година. Многумина се на боиштето со години, често без соодветна ротација, што довело до тешка физичка и психичка исцрпеност.Има и војници кои јавно зборуваат под свое име и испраќаат поинаква порака. Иако го признаваат заморот, тие ја нагласуваат решеноста на Русија да се бори до „конечна победа“.„Горчливо сме лути и длабоко страдаме гледајќи ги монструозните грешки и загуби што можеа да се избегнат, се обидуваме сè да поправиме и да живееме и покрај неправдата,“ вели Никита Третјаков, поранешен новинар кој сега е падобранец. „Но во суштина се приклучивме на овој војна за да ја завршиме со победа – не да ја одложуваме или да ја оставиме во наследство на нашите деца.“

Свет | пред 4 месеци

Пред средбата на Путин со Трамп, оживува старата руска реторика: „Алјаска е наша“

Додека рускиот и американскиот претседател се подготвуваат да се сретнат во најголемиот град во Алјаска, на интернет повторно се појавија шпекулации дека Владимир Путин ја отфрла легитимноста на продажбата на Алјаска на САД од страна на Русија во 1867 година.Претседателите на САД, Доналд Трамп и на Русија, Владимир Путин ќе се сретнат во петок во воена база во најголемиот град во Алјаска, Анкориџ, за долгоочекувани разговори за руската инвазија на Украина. Локацијата на средбата е избрана од практични причини, објавува „Еуроњуз“.Алјаска и Русија се оддалечени само 90 километри, а Малиот Диомед на Алјаска е на помалку од четири километри од Големиот Диомед на Русија во Беринговиот Проток. Ова значи дека Путин може да пристигне на разговорите, избегнувајќи го воздушниот простор на западните земји кои би можеле да се обидат да го пресретнат неговиот лет за да спроведат потерница од Меѓународниот кривичен суд (МКС).Но, местото не е само практично, туку е и симболично. Алјаска некогаш била руска колонија. Во 1867 година, рускиот император Александар II ја продал на САД за 7,2 милиони долари за да помогне во отплатата на долговите настанати за време на Кримската војна од 1853-1856 година.Најголемата американска државаРусија не ја сметаше Алјаска за економски значаен дел од својата територија. Алјаска официјално беше прогласена за 49-та американска држава во 1959 година, а денес е најголемата од сите 50 американски држави.Путин ќе биде првиот руски претседател што ќе го посети Анкориџ. Средбата во Анкориџ повторно ги разгоре разговорите за Алјаска како „историска руска земја“, при што истакнати функционери на Кремљ го нагласија руското наследство и историјата на територијата. Теоријата дека Русија еден ден ќе ја врати таа американска федерална држава не е нова.Минатата година, идеолошката гласноговорничка на руската државна телевизија Олга Скабеева ја нарече таа американска територија „наша Алјаска“. Дмитриј Медведев, заменик-претседател на Рускиот совет за безбедност и поранешен руски претседател, се пошегува на социјалните мрежи за започнување војна со САД за територијата.Кирил Дмитриев, главниот преговарач на Кремљ, кој исто така раководи со Рускиот фонд за директни инвестиции, минатата недела изјави дека Алјаска е „руско-американска“ и посочи дека состанокот би можел да поттикне поблиска соработка меѓу Москва и Вашингтон на Арктикот.Дали Русија ја откажа продажбата на Алјаска?Постер од 2022 година со пораката „Алјаска е наша“, кој во тоа време предизвика негодување кај некои американски сенатори, исто така, повторно се појави. Постојат и шпекулации дека Москва презема чекори за враќање на таа територија.Шпекулациите беа поттикнати од тоа што Трамп ја помеша Алјаска со Русија на прес-конференцијата во понеделникот, кога рече дека ќе патува во „Русија“ за да се сретне со Путин, иако веќе ја потврди Алјаска како место на средбата.Некои корисници на социјалните медиуми пишуваа дека пресудата на рускиот Врховен суд од 2022 година ја поништи продажбата на Алјаска на САД во 1867 година. Сепак, сè уште не се објавени официјални судски документи за да се поддржи тоа тврдење. Други корисници го наведоа указот од 2024 година со кој наводно продажбата на Алјаска од 1867 година е прогласена за нелегална.Тој указ навистина постои. Тој е датиран на 18 јануари 2024 година и издвојува средства за пребарување, регистрација и правна заштита на руски историски средства во странство. „Еуроњуз“ ја провери неговата содржина и откри дека не ја споменува Алјаска.Сепак, аналитичарите веруваат дека Кремљ би можел да го искористи декретот за повторно отворање на историските спорови, не само во Алјаска, туку и во поранешните руски територии.

Свет | пред 4 месеци

САД привремено укинува дел од санкциите кон Русија поради средбата Трамп–Путин

Американското Министерство за финансии издаде привремено ослободување од одредени санкции кон Русија, со што се дозволуваат трансакции поврзани со утрешната средба меѓу претседателот на САД, Доналд Трамп, и рускиот претседател, Владимир Путин.Соопштението го објави Канцеларијата за контрола на странска имот (OFAC) при Министерството за финансии, еден ден пред состанокот во Енкориџ, Алјаска.Ослободувањето се однесува на трансакции кои се „вообичаено поврзани и неопходни за учество или поддршка на состаноците во сојузната држава Алјаска“, но не подразбира „одблокирање или пуштање на веќе замрзнати средства“.OFAC прецизира дека ова изземање ќе важи до 20 август.Очекувањата се дека утрешниот состанок ќе биде фокусиран на конфликтот во Украина, но и на поширок спектар теми во билатералните односи меѓу Вашингтон и Москва. Двете страни внимателно ги формулираат своите очекувања, нагласувајќи дека ова веројатно ќе биде прв од серија разговори, а не моментален пробив.Трамп претходно ја опиша средбата како „разговор за испитување на теренот“, кој ќе му помогне да процени дали постои можност за решавање на украинскиот конфликт.Заменик-министерот за надворешни работи на Русија, Сергеј Рјабков, изјави дека Москва го гледа состанокот како можност за почеток на поправка на нарушените односи со Вашингтон, изразувајќи надеж дека „ќе даде поттик за нормализација на билатералните односи“.

Свет | пред 4 месеци

Белата куќа размислува да го покани Зеленски на средбата меѓу Трамп и Путин

Белата куќа разгледува можност украинскиот претседател Володимир Зеленски да биде поканет на планираниот состанок меѓу американскиот претседател Доналд Трамп и рускиот лидер Владимир Путин во Алјаска, јави NBC News.Иако поканата сè уште не е официјално испратена, висок претставник на американската администрација изјавил дека ваков троен состанок е „апсолутно можен“ и дека во Вашингтон се надеваат дека ќе се реализира.Трамп претходно тврдеше дека САД се „блиску до договор“ за прекин на војната, со „размена на територии на корист за двете страни“. Зеленски, пак, предупреди дека Украина нема да прифати предавање на окупираните територии на Русија, потсетувајќи дека анексијата на Крим во 2014 година не ја спречи понатамошната руска агресија.Москва и натаму инсистира Крим и уште четири украински региони да станат дел од Руската Федерација.Во заедничка изјава објавена во неделата, лидерите на Велика Британија, Франција, Италија, Германија, Полска, Финска и Европската комисија порачаа дека „за патот до мир во Украина не може да се одлучува без Украина“. Тие истакнаа дека дипломатското решение мора да ги заштити клучните безбедносни интереси на Украина и Европа, со силни и веродостојни гаранции за украинскиот суверенитет и територијален интегритет.„Тековната линија на контакт треба да биде почетна точка за преговори“, наведуваат европските лидери, додавајќи дека меѓународните граници не смеат да се менуваат со сила.Средбата меѓу Трамп и Путин е закажана за 15 август во Алјаска.

Свет | пред 5 месеци

На сила е налог за апсење на Путин, како се согласи да патува во САД?

Меѓународниот кривичен суд (МКС) издаде налог за апсење на рускиот претседател Владимир Путин уште во 2023 година, но тоа нема да го спречи да патува во САД, каде што треба да се одржи средба со Доналд Трамп за прекин на војната во Украина.Путин е обвинет за воено злосторство – нелегално депортирање деца од окупираните украински територии во Русија. Кремљ ги отфрли обвинувањата како „скандалозни и неприфатливи“. Иако Русија не е потписничка на Римскиот статут, документот со кој е основан МКС, членките имаат обврска да го приведат секое лице за кое е издаден налог, без разлика на официјалната функција.САД, исто така, не се дел од Римскиот статут и дури воведоа санкции против судот. Тоа значи дека Вашингтон нема обврска да го уапси рускиот лидер. Сепак, за неговото влегување во земјата, американското Министерство за финансии веројатно ќе мора да ги укине санкциите кои се на сила против него.Средбата меѓу Трамп и Путин е закажана во Алјаска, во момент кога поранешниот американски претседател најави нов пакет санкции за Москва и за земјите што купуваат руски извоз, доколку Кремљ не прифати прекин на три и полгодишниот конфликт со Украина.

Свет | пред 5 месеци

Зеленски остро им одговори на Трамп и Путин

Украинскиот претседател Володимир Зеленски остро ја отфрли можноста за какви било територијални отстапки кон Русија во замена за мир, нагласувајќи дека суверенитетот на земјата е неприкосновен, пренесува Pravda.Неговата изјава е реакција на најавата за средба меѓу американскиот претседател Доналд Трамп и рускиот лидер Владимир Путин.„Одговорот на украинското територијално прашање веќе стои во Уставот на Украина. Никој нема да отстапи од тоа – и никој нема ни да може. Украинците нема да ја подарaт својата земја на окупаторот“, порача Зеленски.Тој додаде дека Киев е подготвен за вистински решенија што можат да донесат мир, но само под јасни услови.„Сите партнери мора да разберат што значи достоинствен мир. Овој војна мора да заврши – и Русија мора да ја заврши. Таа ја започна и ја развлекува, игнорирајќи ги сите рокови, и тоа е проблемот, а не нешто друго“, рече украинскиот лидер.Зеленски предупреди дека сите договори постигнати без учество на Украина се „мртви одлуки“ што нема да донесат вистински мир. Тој изрази подготвеност за соработка со Трамп и другите меѓународни партнери за постигнување мировен договор „што нема да пропадне поради желбите на Москва“.Изјавата доаѓа по коментарот на Трамп од петок, кога во Белата куќа изјави дека мировниот договор за руско-украинската војна би требало да вклучува „некои разменувања на територии“. Средбата меѓу Трамп и Путин е закажана за 15 август на Алјаска, а двете страни го потврдија датумот и локацијата.

Свет | пред 5 месеци

Трамп најави „историски“ мировен договор меѓу Ерменија и Азербејџан

Американскиот претседател Доналд Трамп објави дека денеска во Белата куќа ќе ги пречека премиерот на Ерменија Никол Пашинјан и претседателот на Азербејџан Илхам Алиев на официјална церемонија за потпишување мировен договор, со цел ставање крај на децениското непријателство меѓу двете поранешни советски републики.„Овие две нации со години беа во војна, што резултираше со илјадници жртви. Многу лидери се обидоа да го запрат конфликтот, но без успех – сè до сега, благодарение на Трамп“, напиша тој на својата мрежа Truth Social, додавајќи дека е „многу горд на храбрите лидери“ кои се одлучиле за мир.Ерменија и Азербејџан водеа два крвави конфликта околу Нагорно-Карабах. Во 2023 година, Азербејџан ја врати областа под своја целосна контрола во кратка, но жестока офанзива, што предизвика егзодус на над 100.000 етнички Ерменци. И покрај мировните преговори – вклучувајќи ги и минатомесечните во ОАЕ – досега немаше значаен напредок.Покрај мировниот договор, Вашингтон ќе потпише и билатерални спогодби со двете држави за економска соработка, со фокус на развој на транзитен коридор наречен „Трамповата рута за меѓународен мир и просперитет“. Коридорот треба да го поврзе Азербејџан со неговата ексклава Нахчиван преку 32 километри ерменска територија, и со време да вклучува железница, нафтоводи, гасоводи и оптички кабли.Договорот доаѓа по посетата на специјалниот пратеник на Трамп, Стив Виткоф, на Баку годинава. Според американски извори, проектот ќе го развиваат приватни компании, без директно финансирање од САД.Ако се реализира, договорот би можел да ја затвори страницата на еден од најдолготрајните и најжестоки конфликти на постсоветскиот простор и да отвори ново поглавје за Јужниот Кавказ.

Свет | пред 5 месеци

Трамп планира средба со Путин и Зеленски, ЕУ: „Нас никој не нè повикал“

Американскиот претседател Доналд Трамп ги информирал дел од европските лидери за планот да се сретне со рускиот претседател Владимир Путин, како и за можен трилатерален состанок со него и украинскиот лидер Володимир Зеленски.Од Европската комисија потврдија дека претседателката Урсула фон дер Лајен не била во директен контакт со Трамп и не учествувала во координација со западните лидери. Неколку лидери на земји-членки ја информирале за иницијативата, но официјална покана од Вашингтон нема.„Го поддржуваме праведниот и траен мир за Украина. Што се однесува до самитот, допрва треба да се види дали ќе се одржи – прерано е за детали“, изјави портпаролката на ЕК Ариана Подеста, одбивајќи да потврди дали ЕУ ќе биде поканета.Брисел повтори дека не постои решение за Украина без согласност на Киев, и дека за улогата на ЕУ во поствоената реконструкција мора да има консултации.„Никој не сака мир повеќе од Украина и Европската унија. Русија во моментов не е заинтересирана за мир. Поддржуваме секој чекор кон примирје, но во меѓувреме ѝ помагаме на Украина да биде силна – и на бојното поле и на преговарачката маса“, порачаа од ЕК.Иако ЕУ не е вклучена во актуелните американски дипломатски напори, европските држави ќе го понесат најголемиот товар по завршувањето на војната – и финансиски, и со евентуално присуство на теренот. Трамп веќе порача дека САД нема да имаат активна улога, освен во инвестиции за експлоатација на стратешки минерали, а трошоците ќе паднат на ЕУ. Киев, пак, се надева на брзо отворање на првите поглавја во пристапните преговори за членство.

Свет | пред 5 месеци

Трамп најави можни царини за Кина поради купување руска нафта: „Можеби ќе се случи...“

Претседателот на САД, Доналд Трамп, изјави дека размислува за воведување дополнителни царини кон Кина, слични на оние кои неодамна ги воведе за Индија, поради континуираното купување на руска нафта.„Можеби ќе се случи... Сè уште не можам ништо да потврдам. Тоа веќе го направивме со Индија, а веројатно ќе го направиме и со уште неколку земји. Една од нив би можела да биде Кина“, изјави Трамп на новинарско прашање.На 6 август, Трамп воведе дополнителна царина од 25% за индиската стока, над веќе постоечките давачки, со образложение дека Индија и понатаму купува руска нафта – потег што, според Вашингтон, оди директно против западните санкции кон Москва.Само неколку дена пред тоа, американскиот министер за финансии, Скот Бесент, го предупреди Пекинг дека би можел да се соочи со истата судбина – нов царински удар, доколку продолжи со набавката на руски енергенси.Мерките на Трамп се дел од поширока стратегија за економски притисок врз земјите кои, според него, „финансираат непријателски режими“, во случајов – Кремљ. Ваквиот пристап најавува нов бран економски конфликти на глобалната сцена, во услови кога трговските односи веќе се кревки.

Свет | пред 5 месеци

Трамп и Путин подготвуваат директна средба – можно и присуство на Зеленски

Вашингтон и Москва постигнаа прелиминарен договор за средба на претседателите Доналд Трамп и Владимир Путин во следните денови, објавија руските државни медиуми, повикувајќи се на изјава од советникот на Кремљ за надворешна политика, Јури Ушаков.„На предлог на американската страна, постигнат е прелиминарен договор за одржување билатерална средба на највисоко ниво. Работиме со нашите американски колеги за да ги утврдиме деталите и местото на средбата“, изјави Ушаков.Потврда дојде и од Белата куќа, каде портпаролката Керолајн Ливит информираше дека Трамп е отворен за средба не само со Путин, туку и со украинскиот претседател Володимир Зеленски. Се разгледува можноста веднаш по билатералниот состанок со Путин да се одржи и трилатерална средба со учество на Зеленски.Информациите следуваат по вчерашната посета на специјалниот пратеник на Трамп, Стив Виткоф, на Москва. По неговото враќање, Трамп изјави дека постојат „добри шанси“ за директен контакт меѓу Путин и Зеленски, но не прецизираше временска рамка.Средбата би можела да се одржи непосредно пред истекот на ултиматумот што Трамп јавно му го постави на Кремљ – Русија да стави крај на војната во Украина до 8 август. Во спротивно, Трамп се закани со нов бран санкции, вклучително и кон државите што продолжуваат да купуваат руска нафта, како што се Кина и Индија.Ова би била прва директна средба меѓу претседателите на САД и Русија по онаа во Женева во 2021 година, кога тогашниот американски лидер Џо Бајден разговараше со Владимир Путин на неутрален терен.Средбата Трамп–Путин се очекува да предизвика големо внимание во меѓународната јавност, особено во услови на влошени односи меѓу Русија и Западот и неизвесна перспектива за крај на војната во Украина.

Свет | пред 5 месеци

Стапија на сила новите царини на Трамп: САД со агресивна трговска офанзива

Соединетите Американски Држави официјално ги активираа новите трговски царини наметнати од администрацијата на Доналд Трамп, со кои увозот од неколку десетици држави ќе биде дополнително оданочен со стапки од 10 до дури 50 отсто. Мерките, кои стапија на сила ноќеска по полноќ по американскa временска зона, претставуваат клучен дел од стратегијата на поранешниот американски претседател за намалување на трговскиот дефицит и заштита на американската индустрија.Американската царинска и гранична служба (CBP) соопшти дека од 12:01 часот започнало наплатувањето на повисоките царини. Притоа, производите кои биле веќе натоварени на бродови или во транзит пред полноќ, ќе може да влезат во земјата под старите услови сè до 5 октомври.Претходно, САД воведоа основна стапка од 10% на увозот од повеќе држави, но Трамп подоцна најави повисоки тарифи за одредени земји, вклучувајќи:Бразил – 50%Швајцарија – 39%Канада – 35%Индија – 25%, со дополнителни 25% најавени поради увозот на руски енергенси, што ќе стапи на сила за 20 денаТрамп, кој ги промовираше царините како пат кон економска самостојност и национална величина, изјави: „Милијарди долари ќе се влеат назад во Америка – од земји кои со години нè искористуваа“.На својата платформа Truth Social, тој остро ги нападна правосудните институции, тврдејќи дека:„Единственото што може да ја сопре големината на Америка е судот на радикалната левица кој сака нашата земја да не успее.“Во меѓувреме, САД постигнаа рамковни договори со осум главни трговски партнери, кои учествуваат со 40% во американската трговија. ЕУ, Јапонија и Јужна Кореја договорија основна стапка од 15%, Велика Британија 10%, додека Виетнам, Индонезија и Филипините се договорија за тарифи помеѓу 19% и 20%.Овие потези доаѓаат во време кога глобалната трговија се соочува со предизвици, а администрацијата на Трамп повторно го истакнува слоганот „Америка на прво место“ – овојпат преку царински чекан.

Свет | пред 5 месеци

Трампова администрација ѝ наредила на НАСА да ја прекине мисијата за следење на климатските промени?

Белата куќа, наводно, ѝ наредила на НАСА да обустави две клучни сателитски мисии за следење на климатските промени, објави американскиот NPR. Станува збор за мисиите Orbiting Carbon Observatories – сателити кои обезбедуваат исклучително вредни податоци за концентрациите на јаглерод диоксид и растот на растителната маса на глобално ниво.Овие сателити досега беа користени од страна на научници, но и од компании во енергетскиот и земјоделскиот сектор, за да добијат прецизни информации за влијанието на човековата активност врз емисиите на стакленички гасови.Еден од сателитите е прикачен на Меѓународната вселенска станица, додека вториот е самостоен. Ако дојде до укинување на мисијата, вториот сателит ќе биде изваден од својата орбита и ќе изгори при влегување во атмосферата.Според поранешниот вработен во НАСА, Дејвид Крисп – еден од научниците кои работеле на овие инструменти – во последните месеци му се обратиле активни вработени со многу специфични прашања кои, според него, „јасно укажуваат дека им е наложено да изготват план за гасење на мисијата“.„Нема никаква економска логика да се прекине мисија која дава извонредно квалитетни податоци, особено кога годишно чини само 15 милиони долари – минимален трошок во однос на годишниот буџет на НАСА од 25,4 милијарди долари“, вели Крисп за NPR.Извештајот на НАСА од 2023 година истакна дека податоците што ги обезбедуваат овие сателити се „исклучително прецизни и со висока научна вредност“.И други научници кои се потпирале на овие мисии добиле слични сигнали и прашања поврзани со нивната евентуална обустава.Со потенцијалното прекинување на мисиите, САД би останале без еден од најпрецизните извори за глобално следење на емисиите на CO₂ – во период кога климатските предизвици бараат зголемена, а не намалена научна ангажираност.

Свет | пред 5 месеци

Трамп без јасен став за анексијата на Газа – Нетанјаху најавува целосна окупација

Американскиот претседател Доналд Трамп избегна директно да одговори дали ја поддржува или се противи на најавената намера на Израел да го анектира целиот Појас Газа, јавува Reuters.„Што се однесува на останатото, не можам многу да кажам. Тоа главно ќе зависи од Израел“, изјави Трамп, додавајќи дека фокусот на неговата администрација е насочен кон зголемување на испораката на хуманитарна помош за палестинската енклава.Израелскиот премиер Бенјамин Нетанјаху, пак, во вторникот повтори дека целосното уништување на Хамас останува клучна цел. Во безбедносен состанок посветен на следната фаза од војната, која според израелски извори е „неизбежна“, тој изјави: „Потребно е целосно поразување на непријателот во Газа, ослободување на сите наши заложници и гарантирање дека Газа повеќе нема да претставува закана за Израел. Ниту од една од овие мисии не се откажуваме“.Израелскиот печат, повикувајќи се на анонимни официјални извори, јавува дека Нетанјаху во приватни разговори изразил подготвеност да нареди целосна окупација на Газа, и покрај внатрешниот отпор во редовите на израелската армија.Американскиот претседател Трамп, во меѓувреме, го нарече „страшно“ видеото на кое се гледа израелскиот заложник Евјатар Давид, објавено неодамна од страна на Хамас.Очекувањата во израелската јавност и медиумите се јасни – следува нов бран ескалација, со можен обид за целосна територијална контрола на Газа од страна на Израел.

Свет | пред 5 месеци

САД отвори истрага против обвинителот кој го водеше случајот против Трамп

Американската независна федерална агенција Office of Special Counsel (OSC) покрена формална истрага против поранешниот специјален обвинител Џек Смит – човекот кој ги водеше двете највисокопрофилни истраги против Доналд Трамп по неговиот прв мандат.Истрагата треба да утврди дали Смит го прекршил федералниот закон што им забранува на вработените во државна служба да го користат својот службен статус за политички цели. Поводот за истрагата доаѓа по барање поднесено од републиканскиот сенатор Том Котон, кој го обвини Смит дека ги злоупотребил своите овластувања со цел да му наштети на Трамп во трката за Белата куќа.„Станува збор за политички актер под маска на јавен службеник. Затоа барав итна истрага за ова невидено мешање во изборите во 2024 година“, напиша Котон на социјалната мрежа X.Иако OSC нема овластување да покрене кривични постапки, нејзините наоди може да влијаат врз понатамошни политички и правни последици.Џек Смит, кој поднесе оставка во јануари откако Трамп повторно ја обезбеди републиканската номинација, досега не дал јавен коментар. Тој го обвини Трамп во два одвоени предмети – за злоупотреба на доверливи документи и за обид за уривање на резултатите од претседателските избори во 2020 година, што кулминираше со нападот на Капитол на 6 јануари 2021 година.Ниту еден од случаите не стигна до судење – тие беа одложени поради правни предизвици и пресудата на Врховниот суд, кој на поранешните претседатели им признава широк имунитет од кривично гонење.Смит во јануари објави извештај во кој стои дека доказите против Трамп се доволни за осудителна пресуда, но дека, согласно долготрајната пракса на Министерството за правда, не се гони актуелен претседател.Во меѓувреме, Трамп – кој ги негира сите обвинувања – го користи развојот како дел од својата кампања, претставувајќи се како жртва на „политички монтирани“ процеси. Истрагата против Смит дополнително ја заострува политичката атмосфера пред изборите во ноември.

Свет | пред 5 месеци

Трамп: Не сум добил барање за помилување на Гилејн Максвел – ништо не знам за тоа

Американскиот претседател Доналд Трамп изјави дека не добил никакво барање за помилување на Гилејн Максвел, поранешната соработничка на Џефри Епштајн, која моментално издржува 20-годишна затворска казна поради учество во сексуално злоставување на малолетнички.„Имам овластување да ја помилувам, но никој не ми побарал да го направам тоа“, рече Трамп во интервју за Newsmax. „Не знам ништо за случајот.“Изјавата доаѓа откако Максвел неодамна беше преместена во затвор со минимални безбедносни услови во Тексас, една недела по состанокот со заменик-државниот обвинител Тод Бланш. Тој, според информации, разговарал со неа за други можни лица вмешани во злосторствата на Епштајн.Преместувањето на Максвел ја поттикна јавноста и дел од конзервативната база на Трамп, како и демократите во Конгресот, да бараат поголема транспарентност од Министерството за правда, особено околу потенцијалните нови инволвирани личности и тајните документи од истрагата.Максвел е прогласена за виновна во 2021 година за регрутирање девојки за сексуална злоупотреба од страна на Епштајн. Таа се изјасни за невина и побара од Врховниот суд да ја поништи пресудата. Нејзините адвокати изјавија дека таа би го поздравила евентуалното помилување од Трамп, но не е поднесено официјално барање.Епштајн, кој се изјасни за невин, беше пронајден мртов во својата ќелија во Њујорк во 2019 година, додека чекаше судење за трговија со луѓе и сексуално искористување. Американските власти сега бараат дозвола за објавување на сведочењата пред големата порота, кои би можеле да откријат нови детали за мрежата на злоупотреба и соработниците на Епштајн.

Свет | пред 5 месеци