стефан андоновски

Андоновски: Дигитализацијата e основна алатка за борба против корупцијата

Министерот за дигитална трансформација, Стефан Андоновски, вечерва гостуваше во Тема на денот во Дневникот на Сител ТВ. Андоновски говореше за проектот за 55.000 ваучери од 15.300 денари за студенти, за кој досега имаат аплицирано 37.970 студенти, а над 17.000 студенти веќе подигнале електронски уред.Министерот напомена дека овој проект освен што помага на оние кои најмногу им треба да добијат електронски уред, истовремено целата постапка е транспарентна и едноставна. Со ова, Андоновски смета дека корупцијата целосно се елиминира.„Оваа услуга покажува борба против корупцијата. Овој систем не познава кое дете од каде доаѓа, кој студент какви родители има, системот не подразбира дали сте син или ќерка на некој функционер за да добиете ваучер, туку тој систем доделува ваучери на секој кој ги исполнува условите”, истакна Андоновски.Дополнително, министерот истакна и дека изводот од матична книга на родени и уверението за државјанство се издаваат онлајн а со тоа директно се влијае на сузбивање на ситната корупцијата.„Веќе не плаќате 400-500 денари на некој службеник во некоја канцеларија за побрзо да го издаде вашиот документ. Кликнувате, 20 секунди и го добивате документот на меил”, заврши министерот Андоновски.

Македонија | пред 1 месец

Лажни се мејловите и пасвордите кои кружат на интернет од државни институции, лажна е заканата за голем сајбер напад, вели Андоновски

До повеќе медиуми во земјава беше испратена електронска порака со заканувачка содржина, во која се најавуваше „голем сајбер напад“ за време на Дигиталниот Самит на Западен Балкан 2025 што се одржа во Скопје. Во пораката бил наведен и список со наводни е-маил адреси и лозинки од државни институции и физички лица.Од Министерството за дигитална трансформација за „Скопје1“ велат дека заедно со засегнатите институции направиле детална анализа на содржината. Резултатите покажале дека огромен дел од наведените адреси биле лажни, со погрешно наведени имиња, домени и податоци кои требало да создадат впечаток на автентичност. Само помалку од 2% од објавените адреси потекнувале од стари, одамна затворени инциденти собрани од различни извори.„Со внимание го следиме целиот процес. Министерството за внатрешни работи презема мерки за справување со настанот, кој има и кривично-правна позадина“, стои во соопштението.Според министерот за дигитална трансформација Стефан Андоновски, станува збор за политички мотивирана сајбер закана чија цел била да се создаде страв и недоверба кај вработените во јавната администрација и кај граѓаните.„Оваа кампања користеше лаги, манипулации и измислици со цел да се наруши довербата во Владата и Министерството за дигитална трансформација, токму во период кога се одржуваше голем регионален настан“, изјави Андоновски, додавајќи дека за време на Самитот не бил забележан ниту еден безбедносен проблем на системите под надлежност на Министерството.Како дополнителна мерка, Владата на предлог на Министерството усвоила Информација за зајакнување на политиките за лозинки на службените е-маил адреси во сите институции. Со тоа, секоја институција е задолжена да воведе високо ниво на безбедност при креирање лозинки, доколку тоа досега не било направено.Воедно, Министерството најави сет обуки за унапредување на сајбер безбедноста во јавниот сектор, со цел превенција и поголема подготвеност во случај на реални сајбер напади во иднина.

Македонија | пред 3 месеци

Андоновски: МДТ ќе одвои околу 95 милиони денари за филмот за Тоше Проески

Министерот за дигитална трансформација, Стефан Андоновски, во утринското гостување на МТВ најави дека по иницијатива на премиерот Христијан Мицкоски, МДТ ќе одвои 95 милиони денари за снимањето на филмот за Тоше Проески. Министерот истакна дека ова е еден од најзначајните проекти кој ќе го одбележи животот на најголемата современа македонска ѕвезда."Идејата потекна од МРТВ и копродукции од Македонија и Балканот, но секако инспирацијата, иницијативата, главно ја предводеше претседателот на Владата Христијан Мицкоски, и во координација со министерството за култура и со министерството за финансии, во експресно брза постапка се обезбедија средства", истакна Андоновски.Ќе се снимаат игран филм, документарец и ТВ-серија посветени на нашиот Тоше Проески. Носител на проектот е Македонската радио-телевизија, копродукциски ќе бидат вклучени неколку национални телевизии од Балканот, а финансиските средства ќе бидат обезбедени од буџетот на Македонија преку Министерството за дигитална трансформација."Проектот ќе го ко-финансираме со повеќе од 95 милиони денари, во копродукциски формат и мислам дека ова ќе биде нешто на кое што ќе се гордееме наредните 2 години, прво во подготовката, во снимањето ќе биде искуство за сите нас. Се радувам на тоа што оваа Влада еден од првите чекори што ги прави во првите шест месеци е нешто вакво, да се одбележи, да се остави печат за идните генерации, славејќи ја најголемата македонска музичка икона - ангел чувар на македонската нација", заклучи Андоновски.

Македонија | пред 1 година

Андоновски ја отвори глобалната Сајбер Конференција во Цирих

Министерот за дигитална трансформација, Стефан Андоновски, денеска, за време на неговото учество на Глобалната Сајбер Конференција, која се одржува во Цирих, Швајцарија, говореше на отворањето на Конференцијата пред претставници на повеќе од 40 држави, експерти од индустријата и претставници на невладиојниот сектор.Министерот во своето обраќање ја истакна неопходноста од создавање на безбедно, сигурно и отпорно дигитално опкружување, што е во сржта на дигиталната трансформација, а воедно ги претстави и приоритетите на Македонија во оваа област. „Сајбер-безбедноста не е натпревар, туку колективна одбрана. Меѓусебната поврзаност во сајбер-просторот бара соработка базирана на доверба“, истакна министерот.Тој ја претстави и нацрт Стратегијата за сајбер-безбедност на Република Македонија за периодот 2024-2028 година, нагласувајќи го проактивниот пристап на кој е базирана. „Пристапот на Република Македонија, во однос на сајбер безбедноста е целосно проактивен. Нашата Стратегија за сајбер-безбедност 2024-2028 се темели на пет основни принципи кои ја рефлектираат нашата посветеност на дигиталната трансформација. Дигиталната трансформација не може да биде само прифаќање на нови технологии или одржување чекор со трендовите, туку станува збор за создавање системи кои се интелигентни, приспособливи и безбедни по дизајн. “, нагласи Андоновски.Гледајќи кон иднината, министерот ја истакна итноста од заеднички чекори за градење одржлив дигитален екосистем: „Соработката во сајбер-просторот нуди значајни можности. Но, овие можности ќе бидат реализирани само ако дејствуваме решително и веднаш. Мора да се даде приоритет на образованието и вештините за сајбер-безбедност, но и на меѓународните партнерства за да создадеме дигитален екосистем подготвен за иднината“.Во рамките на Самитот на кој присуствуваат повеќе од 400 учесници, министерот оствари повеќе билатерални средби со колеги и претставници од водечките компании и држави во сајбер-просторот.

Македонија | пред 1 година

Андоновски: Околу 6000 поднесени барања за дигитални услуги месецов, преку новата апликација за оружје, борбата против корупцијата останува во фокус

Министерот Стефан Андоновски во денешното гостување во утринската програма на јавниот сервис, нагласи дека новата апликација за дозвола за оружје која што на граѓаните им е достапна на националниот портал за услуги е резултат на борбата против корупцијата која е во фокус и добрата соработка со Министерството за внатрешни работи.„Преку новата апликација за оружје, целосно е променет процесот во МВР, сега наместо прво да плаќате за обука за поседување на оружје, па потоа да полагате, па да извадите лекарско и да аплицирате, сега постапката е обратна, прво аплицирате преку порталот, потоа МВР прави проверка дали сте подобни да поседувате оружје, а потоа ја поминувате постапката на лекарско уверение, тренинг и полагање. На овој начин, граѓаните ќе имаат помалку трошоци и нема да бидат во неизвесност со месеци, дали ќе добијат или нема да добијат соодветна дозвола.” истакна АндоновскиМинистерот заклучи дека оваа услуга е многу корисна за оние членови на ловечки друштва, бидејќи им се забрзува времето да ја добијат дозволата.Андоновски кажа и дека услугите се користат од страна на граѓаните, но сепак тука не застанува и тој очекува следната година бројката на услуги да се зголеми за 100.„Бројката на поднесени барања е зголемена на околу 6000 барања за месецов. Граѓаните го препознаваат порталот uslugi.gov.mk, и започнуваат да користат услуги од истиот. Инаку кога дојдовме во министертсвото имавме 125 услуги достапни на порталот, за сега да биде бројката околу 200 на порталот. Нашиот таргет за следната година е да имаме уште 100 услуги на порталот".Министерот додаде и дека во постапка е законот за сајбер безбедност со што ќе се заштити државата од сајбер напади.„Ние бевме единствена држава од регионот која што немаше закон за сајбер безбедност", напомена Андоновски и додаде. "Законот е во изработка, додека националната стратегија веќе е во владина процедура и очекувам до крајот на годината да биде донесена, а законот почетокот на 2025 година. Тој закон целосно ќе биде во согласнот со регулативата на ЕУ за сајбер безбедност и ќе ни даде точни одредници каде треба да се движиме во наредниот период". заврши министерот Андоновски

Македонија | пред 1 година

Андоновски: Дигиталната трансформација е технолошки двигател на посилна поврзаност и подобра иднина за Европа

Министерот за дигитална трансформација, Стефан Андоновски, во рамки на седмиот Дигитален самит во Талин, се обрати на сесијата Дигитални технологии и управување во Западен Балкан, која беше дел од панелот за Сајбер отпорност и партнeрство во земјите од Западен Балкан.Фокусот на панелот беше да се разменат мислења за примената на нови технологии во јавниот и приватниот сектор, ризиците од сајбер-напади, како и можностите за примена на најдобрите практики за подобрување на процесите на управување и давање на услуги кон граѓаните.Во своето обраќање, Андоновски истакна дека граѓаните мораат да бидат во срцето на процесот на дигитална трансформација.„Дигитализацијата е главниот двигател за иновации, конкурентност и раст во сите сектори. Отвора нови можности, помагајќи им на граѓаните и компаниите да го добијат најдоброто од меѓусебно поврзаниот свет.“, изјави Андоновски.Дополнително, во своето обраќање ја потенцираше важноста на партнерството со ЕУ, но и со останатите меѓународни партнери за зајакнување на сајбер-безбедноста и примената на иновативни технологии што пак ќе создадат поефикасни и транспарентни институции.„Државите од Западниот Балкан се наоѓаат во критичен момент, каде што нашата дигитална иднина се вкрстува со европската интеграција. Се наоѓаме во клучен момент во историјата, каде што технолошкиот напредок не се само поединечни промени во поединечни држави, туку сите овие процеси се катализатори за промена на парадигмата во тоа како го замислуваме и комуницираме со светот околу нас.“, дополни АндоновскиДигиталниот самит во Талин се смета за еден од најзначајните настани за дигитализација во Европа. Се одржува секоја година и привлекува околу 600 гости од над 60 земји, вклучувајќи претставници од Европскиот парламент, ЕНИСА, Светската банка, НАТО, ОН и водечки технолошки компании. Самитот опфаќа клучни теми поврзани со дигитализацијата, иновациите и сајбер-безбедноста.Оваа година, настанот вклучува 40 панел дискусии и сесии за размена на идеи и искуства кои ќе го обликуваат дигиталниот развој на иднината.Министерот Андоновски за време на престојот во Талин, се сретна и со Премиерот на Естонија, со министерката за правда и дигитални прашања на Естонија, Лииса-Ли Пакоста, министерката на Украина Ионан и со високи претставници на Академијата за е-управување на Естонија и Центарот за компетенции за сајбер безбедност во рамките на оваа реномирана Академија.

Македонија | пред 1 година

Андоновски: Нема да дозволиме корупцијата и приватниот интерес да надвладеат над сајбербезбедноста

Денеска, министерот за дигитална трансформација, Стефан Андоновски, учествуваше и се обрати на конференцијата „Business and Government: Aligning for a Secure Digital Future", организирана од Американската стопанска комора. На настанот, кој собра повеќе од 150 учесници од бизнис заедницата, владини институции, меѓународни организации, граѓанскиот сектор и ИКТ професионалци, министерот Андоновски ја истакна важноста на соработката меѓу власта и приватниот сектор во процесот на дигитализација.„Оваа конференција ни дава исклучителна можност да разговараме отворено и да ги усогласиме приоритетите на бизнис секторот со владините иницијативи, да дискутираме за модернизација на регулаторната рамка и да најдеме начини како заедно да го прошириме пристапот до електронските услуги," нагласи министерот Андоновски.„Како Влада нема да дозволиме корупцијата која го владееше јавниот сектор, мотивирана и од приватниот интерес на компаниите негативно да влијаат на системот на сајбербезбедност.“„Во изминатите три месеци скоро го дуплиравме бројот на достапни електронски услуги, а бројот на поднесени барања на порталот за е-услуги, uslugi.gov.mk е зголемен за над 150%.“, истакна Андоновски.Министерот додаде дека заедно, Владата и бизнис секторот можат да креираат дигитален екосистем, кој не само што ќе се прилагоди на денешните потреби, туку и ќе ги предвиди можностите на новото време. „Знам дека за многумина од вас времето е пари, а инвестициите бараат сигурност. Затоа, ќе создадеме околина каде вашите дигитални иновации ќе можат да растат и да се развиваат. Ќе поставиме јасни правила на игра, ќе обезбедиме модерна инфраструктура и ќе се погрижиме сите наши напори да одат во иста трансформативна насока“, истакна министерот во своето обраќање.Конференцијата „Business and Government: Aligning for a Secure Digital Future", е организирана од Американската стопанска комора со цел да се поттикне фокусирана дискусија за начините на кои бизнисот и власта можат да соработуваат за да ја забрзаат дигиталната трансформација и да преземат конкретни чекори кон дигитализација на институциите, бизнисите и општеството во целина.

Македонија | пред 1 година

Андоновски на 19-тата Годишна конференција на МАСИТ: Владата и ИКТ секторот во силно партнерство за дигитална Македонија

Министерот за дигитална трансформација, Стефан Андоновски, денеска имаше поздравен говор на 19-тата Годишна конференција на МАСИТ, настан што оваа година го одбележа и 20-годишниот јубилеј од основањето на Стопанската комора за информатички и комуникациски технологии. Во својот говор, министерот Андоновски го истакна значењето на партнерството меѓу Владата и ИКТ секторот.„Формирањето на Министерството за дигитална трансформација претставуваше многу повеќе од административна одлука на оваа Влада - тоа беше јасен сигнал за определбата на Владата да ја постави дигитализацијата како еден од своите стратешки приоритети“.Претставувајќи ги конкретните чекори што ги презема Министерството во насока на развојот на македонската ИКТ индустрија, министерот Андоновски потенцираше: „Оваа Влада е длабоко посветена на развојот на економијата базирана на знаење и иновации, каде што ИКТ секторот има клучна улога. Информатичките технологии и компании се столб на нашиот економски развој и модернизација. Нивниот придонес во БДП, извозот на услуги и создавањето на високоплатени работни места е од суштинско значење за нашата економија“.Министерот најави и серија конкретни мерки за унапредување на дигиталните вештини, информираше за текот на процесот на изработка на двата клучни стратешки документи, односно Националните стратеги за сајбер безбедност и информатичко – комуникациски технологии, како и за сите останати активности во рамките на надлежностите на министерството.„МАСИТ, како Стопанска комора за информатички и комуникациски технологии, веќе две децении е витален партнер во развојот на македонската ИКТ индустрија. На македонскиот ИКТ сектор му требаше силен институционален партнер, и денес, преку Министерството за дигитална трансформација, конечно го има“, нагласи Андоновски.Министерот ја истакна и важноста на вештачката интелигенција, посочувајќи дека темите “Вештачка интелигенција наспроти работната сила – преку адаптација до иновација” и “Практична примена на вештачката интелигенција во медицина, фармација и стоматологија” се од суштинско значење за нашата дигитална иднина, но и иднината на македонската економија и општеството воопшто.Тој посочи дека Министерството работи на креирање системски решенија за поддршка на компаниите во развојот и имплементацијата на решенија со помош на ВИ. „Иако предизвиците на патот се значителни, нашата решителност е поголема. Преку партнерство со МАСИТ и целиот ИКТ сектор, ја градиме дигиталната иднина на Македонија“, заклучи министерот Андоновски

Македонија | пред 1 година

Андоновски повика на соработка меѓу високото образование, науката и индустријата на настан на кој се промовираше македонскиот Дигитален иновациски хаб – ДигитМАК

Министерот за дигитална трансформација, Стефан Андоновски, денеска го отвори симпозиумот „Иднината на дигиталните иновации – симпозиум за соработка со академијата и индустријата", настан кој ги обедини клучните чинители од академската заедница и бизнис секторот.Во своето воведно обраќање, министерот Андоновски ја нагласи важноста на соработката меѓу академијата, индустријата и јавниот сектор во процесот на дигитална трансформација на земјата. „Патот кон просперитетна дигитална иднина лежи во негувањето на цврсти партнерства меѓу академијата, индустријата и јавниот сектор“, истакна министерот.„Ваквите иницијативи не се само корисни - тие се составен дел на нашата национална дигитална стратегија“. Министерот посебно го поздрави формирањето на македонскиот Дигитален иновациски хаб (DigitMAK), составен од конзорциум на Универзитетот „Св. Кирил и Методиј" во Скопје, Бизнис акцелераторот УКИМ, Стопанската комора и Фондацијата за менаџмент и индустриски истражувања.„Владата силно ја поддржува мисијата на ДигитМАК за имплементирање на целна стратегија за градење капацитети и обезбедување услуги со додадена вредност“, истакна Андоновски. Министерот ја нагласи клучната улога на академската заедница во оваа иницијатива: „Нашите универзитети и истражувачки институции се изворите на иновации, обезбедувајќи не само најсовремени знаења и истражувања, туку и негувајќи ја следната генерација на дигитални таленти кои ќе го движат технолошкиот напредок и економскиот раст на нашата нација".Андоновски исто така ја истакна важноста на дигиталните иновации за економскиот раст на земјата. „На денешниот глобален пазар, дигиталната иновација не е само опција; тоа е неопходност за економски раст и конкурентност," нагласи тој. „Со негување на силен дигитален екосистем, ние ги поставуваме темелите за зголемена продуктивност, создавање нови работни места и подобрена економска отпорност".Симпозиумот ќе опфати теми како што се претстојните отворени повици за предлог-проекти, европските иницијативи за корпоративни иновации и програмите на Европската банка за обнова и развој. Исто така, ќе биде претставен напредокот во рамките на проектот EuroCC2, кој има за цел да ги подобри европските способности за пресметување со високи перформанси и вештачката интелигенција

Македонија | пред 1 година

Андоновски го презентираше стратешкиот план на активности на Министерството за дигитална трансформација пред партнерските организации за следните четири години

,,Министерот за дигитална трансформација, Стефан Андоновски, во соработка со УСАИД организираше презентација на стратешките приоритети и идни планови на министерството за дигитална трансформација пред меѓународните партнери и меѓународната заедница.Министерот на потенцијалните проектни донатори на самиот почеток од средбата, им се заблагодари за континуираната поддршка која ја даваат на земјата, потенцирајќи ја важноста со која придонесуваат за развојот на државата.Андоновски со присутните ја сподели својата визија за Македонија, која ја гледа како земја во која дигиталните иновации го зајакнуваат секој граѓанин, ја поттикнуваат антикорупцијата, привлекуваат странски инвестиции и поттикнуваат одржливо и правично дигитално општество.Тој додаде и дека негова главна мисија е во 4-годишниот мандат да ја води македонската дигитална трансформација преку иновативни политики, стратешки инвестиции како и партнерства за соработка, зајакнување на граѓаните, бизнисите и институциите со дигитални алатки и знаење, поттикнувајќи технолошки напредно, инклузивно и општество без корупција.”, информираат од Министерството за дигитална трансформација.

Македонија | пред 1 година

Андоновски: Се бориме со напластена корупција во секоја област - тоа ги блокира иновациите и ги брка младите од државата

На гостувањето во емисијата “За или против" на Алфа ТВ, Министерот за дигитална трансформација, Стефан Андоновски, потенцираше дека Владата се бори со корупција во секоја област, која негативно влијае врз развојот на државата."Работиме на дигитално поврзување на податоците меѓу институциите, што ќе ја зголеми транспарентноста и ќе помогне во спречувањето на корупцијата. Наодите од неколку ревизорски извештаи укажуваат на сериозни пропусти во управувањето со процесот на дигитализација од страна на претходната Влада. Ваквата неефикасност не само што ги фрустрира граѓаните кои очекуваат подобри дигитални услуги, туку и ги оптоварува државните финансии без да обезбеди очекувана вредност за вложените средства. Сегашното Министерство за дигитална трансформација веќе презема чекори за адресирање на овие проблеми и се спроведува детална анализа на сите релевантни извештаи, се подготвува акциски план за надминување на утврдените недостатоци, со цел да се надомести изгубеното време и да се постигнат конкретни резултати за граѓаните. Нашата цел е да обезбедиме транспарентно и ефикасно користење на јавните средства во иднина со што ќе се намалат коруптивните дејствија и процеси." , истакна Андоновски.Министерот Андоновски напомена и дека една од главните задачи на министерството е да се заштитат децата во онлајн просторот, односно младите да имаат безбедност, едукација и правилен развој во онлајн сферата."Ако сакаме да превенираме, компонентата која е најважна, е да вложуваме во раната едукација и заштита на децата, а тоа можеме да го постигнеме со заеднички напори и сили и само со вклучување на сите во процесот. Ваквите активности и новитети, како што е Националниот центар и слично можат да бидат точката која тоа ќе го промени." , појасни Андоновски.Министерот за дигитална трансформација, говореше и за сајбер безбедноста, за чија цел, министерство подготвува национална стратегија."Ја зајакнуваме нашата способност за превенција, детекција и брз одговор на сајбер закани. Ова е континуиран процес на кој му посветуваме најголемо внимание. Сајбер безбедноста е клучен приоритет за нашата Влада. Преку овие мерки, ние градиме дигитално отпорна Македонија, способна да се справи со современите сајбер предизвици." , дополни Андоновски.Андоновски во емисијата додаде дека скандалите кои се случувале од изминатите раководства на поедини институции, треба да бидат решени и истакна дека процесите се во тек и јавноста на дневно ниво ќе се информира што се презема во секоја институција, а процесите ќе продолжат и понатаму, се до конечно ослободување."Кога ќе бидат решени процесите, на вистински начин ќе може да се поддржат иновациите, дигитализацијата, инвестициите и целокупниот напредок на општеството.", заклучи Андоновски.

Македонија | пред 1 година

Министерот Андоновски на состанокот на Работната група за критична инфраструктура: Се стремиме кон отпорна дигитална иднина за Македонија

Министерот за дигитална трансформација, Стефан Андоновски, денеска имаше воведно обраќање на осумнаесеттиот состанок на Работната група за сајбер безбедност на критичната инфраструктура (CICWG). Овој состанок е дел од Програмата за дигитализација и отпорност на критичната инфраструктура (CIDR), иницијатива поддржана од УСАИД, фокусирана на зајакнување на сајбер безбедноста во клучните сектори како енергетика, телекомуникации и финансии.„Во ера на забрзана дигитализација и растечки сајбер закани, министерството за дигитална трансформација презема решителни чекори кон зајакнување на националната сајбер безбедност“, истакна министерот во своето обраќање. Тој го нагласи успехот на Работната група за сајбер безбедност на критичната инфраструктура во зајакнувањето на сајбер безбедноста во критичните сектори како енергетика, телекомуникации и финансии. "Оваа програма е извонреден пример за тоа како меѓународната соработка може да донесе конкретни придобивки за нашата земја," рече Андоновски.Министерот ги истакна и предизвиците со кои сè уште се соочува земјата во областа на сајбер безбедноста. Тој ја нагласи потребата од поефикасна заштита на критичните информациски системи, подобрување на регулативата и усогласувањето со европските директиви. "Се уште сме на почетокот во градењето на отпорност кон сајбер нападите нс критичните сектори. Но, како што работиме на овие иницијативи, нашата нова Национална стратегија за сајбер безбедност ќе биде клучниот документ кој ќе ја трасира патеката за зајакнување на нашите капацитети," изјави Андоновски.Тој ја сподели визијата за создавање на безбедно, сигурно и отпорно дигитално опкружување кое ќе овозможи непречен развој на дигиталната економија и општество во Република Македонија.

Македонија | пред 1 година

Андоновски на панел дискусија за сајбер-безбедност во Вашингтон, САД

На покана на Глобалниот форум за сајбер-експертиза (GFCE), министерот за дигитална трансформација, Стефан Андоновски, учествуваше на панел-дискусија во Вашингтон, САД. Темата на панелот беше "Напредокот во воспоставувањето на национални сајбер-авторитети и развојот на вештини во земјите од Западен Балкан".GFCE е водечка платформа за меѓународна соработка во областа на сајбер-капацитетите, со над 200 членки од целиот свет, вклучувајќи влади, меѓународни организации, компании и академски институции. На панелот учествуваа и претставници од останатите земји од Западен Балкан, како и претставници од Стејт департментот на САД.Во своето обраќање, министерот Андоновски ги истакна неодамнешните чекори на Македонија во областа на сајбер-безбедноста, при што потенцираше дека неодамнешното основање на Министерството за дигитална трансформација е клучен чекор кон посигурна дигитална иднина за нашата земја кое ќе биде столбот на нашите напори за дигитализација и сајбер-безбедност.Министерот го нагласи значењето на сеопфатниот пристап во спроведувањето на мерките за сајбер-безбедност во регионот:"Вклучувањето на сите општествени чинители е клучно во нашите напори за подобрување на сајбер-безбедноста во целиот регион на Западен Балкан", истакна Андоновски. "Безбедноста во сајбер-просторот не познава граници и бара заедничко делување."Андоновски ги претстави и плановите за новата Национална стратегија за сајбер-безбедност 2024-2028. Стратегијата ќе се фокусира на усогласување со директивата NIS2 на ЕУ, заштита на критичната инфраструктура и развој на домашни сајбер-вештини."Технологијата носи големи можности, но и значителни ризици", објасни министерот. "Неопходно е да го уредиме дигиталниот свет за да ги заштитиме правата на граѓаните во оваа сфера."Андоновски зборуваше и за предизвиците со кои се соочува земјата, од еволутивната природа на заканите до тешкотиите во задржувањето на стручни кадри. И покрај тоа, тој изрази оптимизам:"Република Македонија е посветена на градење на цврста и со ЕУ усогласена рамка за сајбер-безбедност. Убедени сме дека со постојана посветеност, меѓународна соработка и современ пристап, можеме да изградиме безбедна дигитална иднина за нашите граѓани и да придонесеме за сајбер-безбедноста на целиот регион на Западен Балкан."Учеството на министерот Андоновски на овој значаен настан, организиран од страна на Глобалниот форум за сајбер-експертиза (GFCE), ја потврдува заложбата на Република Македонија за унапредување на сајбер-безбедноста и нејзината активна улога во регионалните и меѓународните напори за градење на отпорност во сајбер-просторот.

Македонија | пред 1 година

Министерот Андоновски во работна посета на Вашингтон, САД

На покана на Глобалниот форум за сајбер-експертиза (GFCE), министерот за дигитална трансформација, Стефан Андоновски, е во дводневна работна посета на САД. Во рамки на посетата, Андоновски ќе зборува на панел-дискусија на тема "Напредокот во воспоставувањето на национални сајбер-авторитети и развојот на вештини во земјите од Западен Балкан".GFCE е водечка платформа за меѓународна соработка во областа на сајбер-капацитетите, со над 200 членки од целиот свет, вклучувајќи влади, меѓународни организации, компании и академски институции. На панелот ќе учествуваат и претставници од останатите земји од Западен Балкан, како и претставници од Стејт департментот на САД.За време на престојот во САД, на покана на Универзитетот „Џонс Хопкинс“, Андоновски пред студентите по меѓународни студии ќе одржи предавање за "Дигиталната трансформација како алатка за борба против корупцијата и ЕУ интеграција".Во рамки на посетата, Андоновски ќе оствари и бројни билатерални средби и посета на успешни ИТ компании во САД.

Македонија | пред 1 година

Средба Андоновски - Гавковски: Договорена засилена соработка меѓу Македонија и Полска во дигиталната трансформација

Министерот за дигитална трансформација, Стефан Андоновски, за време на учеството на 33-тото издание на Економскиот форум во Карпач, Полска се сретна со домаќинот, Потпретседателот на Владата на Полска и Министер за дигитални прашања, Кристоф Гавковски. Двајцата министри разговараа за можностите за интензивна соработка меѓу Македонија и Полска во областа на дигиталната трансформација.За време на средбата, министерот Гавковски го презентираше полското искуство во однос на дигитализацијата на владините услуги и во тој контекст ја нагласи импресивната трансформација на Полска, особено во врска со употребата на отворени податоци. Министерот Андоновски се осврна на овие постигнувања како позитивни искуства, кои Република Македонија може да ги искористи од Полска, при развојот на сопствените дигитални услуги.Двајцата министри разговараа и за предизвиците поврзани со задржувањето на професионалците од ИТ секторот во државната администрација, при што размениja мислења околу можни решенија за задржување на висококвалификувани кадри во јавниот сектор, што е од клучно значење за успешна дигитална трансформација.Во контекст на можностите за надворешно финансирање, Андоновски и Гавковски ги разгледаа потенцијалните извори на финансиска поддршка, особено од Европската Унија, за поддршка на дигиталната агенда во двете земји. Вицепремиерот Гавковски ја истакна подготвеноста на Полска да помогне во максималното искористување на меѓународните фондови во изградбата на силен дигитален систем.„Македонија има амбиција да стане дигитален центар во регионот. Соработката со искусни партнери како Полска и приватните инвестиции во ИТ секторот, ќе ни помогнат да ги постигнеме овие цели, подобрувајќи ги услугите за граѓаните, зајакнувајќи ја економијата и градејќи подобар меѓународен имиџ на нашата земја", истакна министерот Андоновски.Двајцата министри се договорија да ја интензивираат соработката во областа на дигиталната трансформација во иднина, разменувајќи идеи и добри практики за модернизација на јавниот сектор. Гавковски го покани Андоновски да биде говорник на министерскиот состанокот за дигитална дипломатија на високо ниво кој ќе се одржи во мај, во рамки на полското претседателство со ЕУ. Беше договорена и мешовита владино-економска посета на Македонија која ќе значи отворање на македонската економија кон крупните полски инвестиции.

Македонија | пред 1 година