СТЕФАН БОГОЕВ

Стефан Богоев недостапен, телефонот исклучен

Телефонот на поранешниот директор на Царинската управа, Стефан Богоев, е исклучен, а тој е недостапен за коментар, што дополнително ги засилува неофицијалните информации дека е меѓу лицата опфатени во денешната акција на Управата за финансиска полиција и Основното јавно обвинителство за гонење организиран криминал и корупција.Како што веќе објави Скопје1, според првичните неофицијални информации, во акцијата се опфатени четири лица осомничени за злоупотреби поврзани со тендерска постапка во Царинската управа. Меѓу нив, според истите информации, е и Богоев, поранешен потпретседател на СДСМ и поранешен градоначалник на Општина Карпош.Од Основното јавно обвинителство за гонење организиран криминал и корупција за Скопје1 потврдија дека се спроведува акција, но без да откријат идентитети.Според досегашните информации, осомничените се поврзуваат со наводни злоупотреби, финансиски малверзации и незаконитости при спроведување постапка за јавна набавка во период кога Богоев бил директор на Царинската управа.Надлежните институции засега не соопштуваат повеќе детали за предметот, а се очекува во текот на денот Финансиската полиција и Обвинителството да излезат со официјални информации за акцијата и за сомнежите што се предмет на истрагата.

Македонија | пред 2 часа

Обвинителство за апсењето на Богоев: Акцијата уште трае, не може да се споделат повеќе детали

Основното јавно обвинителство за гонење организиран криминал и корупција, во координација со Управата за финансиска полиција, спроведува акција поради постоење основано сомнение за сторени кривични дела од коруптивна природа.„Под координација на ОЈО ГОКК, Управа за финансиска полиција спроведува акција поради постоење на основано сомнение за сторени кривични дела од коруптивна природа. Акцијата уште трае. Како што знаете додека се постапува не може да се споделат повеќе детали“, информираат од ОЈО ГОКК.Според информациите на „Скопје1“, меѓу четирите лица опфатени со денешната акција е и поранешниот директор на Царинската управа, Стефан Богоев, кој неофицијално е приведен.Првичните информации упатуваат дека предметот се однесува на сомнежи за местење тендер и незаконитости во постапка за јавна набавка поврзана со Царинската управа. Осомничените се товарат за злоупотреби, финансиски малверзации и други незаконитости поврзани со спроведувањето на тендерската постапка.

Македонија | пред 2 часа

Неофицијално: Финансиската полиција го приведе Стефан Богоев, истрага за тендер во Царина

Поранешниот директор на Царинската управа, Стефан Богоев, е меѓу четирите лица опфатени во денешната акција на Управата за финансиска полиција, дознава Скопје1. Неофицијално, тој е приведен.Акцијата се спроведува во координација со Основното јавно обвинителство, а според првичните информации, се однесува на сомнежи за местење тендер и незаконитости во постапка за јавна набавка поврзана со Царинската управа.Според информациите, осомничените се товарат за злоупотреби, финансиски малверзации и други незаконитости поврзани со тендерската постапка.Надлежните институции засега не откриваат повеќе детали за предметот, а во текот на денот се очекуваат официјални информации од Финансиската полиција и Обвинителството за конкретните сомнежи и за опфатот на истрагата.

Македонија | пред 3 часа