СЗО

Експерти на СЗО бараат прогласување на климатската криза за глобална здравствена вонредна состојба

Група водечки меѓународни експерти собрани околу Светската здравствена организација (СЗО) апелираа до ООН да ја прогласи климатската криза за глобална вонредна состојба за јавно здравје, што е највисокото ниво на предупредување што СЗО може да го издаде.Единаесетчлената паневропска комисија оцени дека климатските промени претставуваат „сериозна и непосредна закана“ за здравјето на луѓето ширум светот, посочувајќи на зголемување на бројот на смртни случаи поради топлотни бранови, ширење на заразни болести, загадување на воздухот, недостиг на храна и зголемување на проблемите со менталното здравје.Експертите веруваат дека таквата декларација би поттикнала координиран меѓународен одговор сличен на оној што беше спроведен за време на пандемијата на ковид и епидемијата на мајмунски сипаници. Во исто време, Комисијата остро ги критикуваше субвенциите за фосилни горива, наведувајќи дека тие придонесуваат за околу 600.000 предвремени смртни случаи во Европа годишно, како и дека во некои земји ги надминуваат националните буџети за здравство, објави Гардијан.Поранешната премиерка на Исланд, Катрин Јакобсдотир, и професорот Ендру Хејнс, рекоа дека климатските промени мора да се третираат како здравствена криза со цел да се поттикне побрзо дејствување од страна на владите. Препораките на комисијата беа поддржани од регионалниот директор на СЗО за Европа, Ханс Клуге, и неколку научни институции.СЗО веќе предупредува дека климатските промени ги загрозуваат основните предуслови за здрав живот, вклучувајќи чист воздух, безбедна вода и стабилно снабдување со храна.

Медиасет | пред 1 седмица

(Видео) СЗО предупредува на можен раст на случаите со хантавирус: Инкубацијата трае и до осум недели

Светската здравствена организација предупреди дека во наредниот период може да има зголемување на бројот на случаи со хантавирус, поради доцното потврдување на заразата на крузерот „МВ Хондиус“.Генералниот директор на СЗО, Тедрос Аданом Гебрејесус, на прес-конференција изјави дека првиот случај бил регистриран уште на 6 април, додека инфекцијата како заразна била потврдена дури околу 24 или 25 април.Според него, во тој период патниците имале бројни меѓусебни контакти, што ја зголемува можноста за понатамошно ширење на вирусот, и покрај превентивните мерки што подоцна биле воведени.„Би очекувале повеќе случаи“, изјави Гебрејесус, додавајќи дека инкубацискиот период на хантавирусот трае меѓу шест и осум недели.Хантавирусот најчесто се пренесува преку глодари, а во ретки случаи е можна и трансмисија од човек на човек.

Свет | пред 1 седмица

СЗО: Хантавирусот не е нов ковид, ризикот е низок

Генералниот директор на Светската здравствена организација (СЗО), Тедрос Аданом Гебрејесус, пристигна на Тенерифе за лично да ја смири јавноста по појавата на случаи на хантавирус на крузерот „МВ Хондиус“.Тој порача дека ризикот за локалното население е многу низок и дека ситуацијата не треба да се споредува со пандемијата на ковид-19.Крузерот, кој плови од Јужна Америка, се очекува да пристигне во пристаништето Гранадиља во недела наутро. Досега се потврдени шест случаи на зараза меѓу патниците, вклучувајќи и еден од трите смртни случаи што се случиле за време на патувањето.Според СЗО, се работи за сојот „Андес“, кој најчесто се пренесува преку глодари, но може да има и ограничена меѓучовечка трансмисија. Симптомите вклучуваат висока температура, замор, болки во мускулите и стомакот, повраќање и отежнато дишење.Гебрејесус во обраќање до јавноста истакна дека на бродот во моментот нема патници со активни симптоми и дека ситуацијата е под медицински надзор. На пловилото се наоѓа експерт на СЗО заедно со холандски лекари кои спроведуваат постојани прегледи.Шпанските власти соопштија дека патниците ќе останат на бродот додека не бидат организирани нивните летови за репатријација кон повеќе европски и светски дестинации, меѓу кои Велика Британија, САД, Франција, Германија, Белгија и Ирска.И покрај локалните протести и политички реакции, Гебрејесус ја пофали одлуката на шпанските власти, оценувајќи ја како чин на солидарност и одговорност, нагласувајќи дека Тенерифе е избран поради соодветната медицинска инфраструктура за справување со ситуацијата.

Свет | пред 2 седмици

СЗО потврди нов случај на хантавирус: Бројот на заразени расте

Потврдени се шест случаи на хантавирус од осум сомнителни случаи пријавени по избувнувањето на заразата на крузерот „MV Hondius“ во Атлантскиот Океан, соопшти Светската здравствена организација.Имено, СЗО во соопштението наведе и дека преостанатите два од осум сомнителни случаи се сметаат за „веројатни“.„До 8 мај вкупно се пријавени осум случаи, вклучувајќи три смртни исходи (стапка на смртност од 38 отсто). Шест случаи се лабораториски потврдени како инфекција со хантавирус, а сите се идентификувани како последица на вирусот Андес, за кој е познато дека се пренесува меѓу луѓето“, се наведува во соопштението на СЗО.СЗО напомнува дека четири пациенти моментално се хоспитализирани. Еден е на интензивна нега во Јоханесбург во Јужноафриканската Република, два се наоѓаат во различни болници во Холандија, а еден во Цирих, во Швајцарија.СЗО појасни дека лицето кое се лекува во болницата во Диселдорф, во Германија, било тестирано негативно и „повеќе не се смета за случај“.Крузерот MV Hondius, кој патувал од Аргентина кон Зелено’ртските Острови, е во центарот на меѓународно внимание откако СЗО објави дека три патници починале и дека се сомнева дека биле заразени со хантавирус.

Свет | пред 2 седмици

Генералниот директор на СЗО во Русија: „Вакцините против рак и ХИВ имаат шанси за успех“

Вакцините за третман на рак и HIV се ветувачки и имаат реални шанси за успех, изјави Батир Бердикличев, шеф на канцеларијата на Светската здравствена организација (СЗО) во Русија.– Веруваме дека mRNA вакцините за терапија на рак претставуваат иновативна и ветувачка платформа. Раните клинички испитувања покажуваат дека овие вакцини можат да го стимулираат имунолошкиот систем и да дадат позитивни резултати кај одредени видови рак – истакна Бердикличев за TASS.Тој посочи дека науката за вакцините се развива исклучително брзо во многу земји, но дека повеќето досегашни податоци се сè уште претпоставки или се однесуваат на мали групи пациенти.– Потребни се поголеми и долгорочни испитувања за да се потврди ефикасноста на mRNA вакцините кај различни видови рак. Во моментот, СЗО нема одобрени вакцини за лекување на рак – додаде тој.Во однос на HIV, истражувањата за вакцини се сè уште во развој и тестирање. Меѓутоа, во 2025 година, СЗО препорача употреба на нов лек, ленкапавир, како инекции два пати годишно за дополнителна превенција на HIV инфекција, што значително ја олеснува заштитата кај изложените лица.

Свет | пред 3 месеци

САД се повлекува од Светската здравствена организација

САД денес се повлекуваат од Светската здравствена организација (СЗО), една година откако претседателот Доналд Трамп нареди таа да се повлече од агенцијата на ОН со седиште во Женева, што нејзиниот генерален директор ја нарекува „загуба и за САД и за остатокот од светот“.Според договорот меѓу САД и СЗО, повлекувањето стапува на сила денес откако ќе истече задолжителниот едногодишен рок за известување. Теоретски, еден од условите за повлекување утврдени во договорот не е исполнет бидејќи САД не ги платиле своите претходни придонеси во целост како што е договорено.Сепак, СЗО нема начин да побара пари или да одбие да се повлече, истакнува агенцијата ДПА.„Се надевам дека САД ќе ја преиспитаат својата одлука и ќе се вратат во СЗО“, рече генералниот директор Тедрос Аданом Гебрејесус во Женева, додавајќи дека овој потег е загуба за сите.

Свет | пред 4 месеци

Владата и СЗО потпишаа петгодишна Стратегија за соработка во областа на здравството 2026–2030 година

Министерот за здравство Азир Алиу, заедно со претседателот на проф. д-р Владата, Христијан Мицкоски и д-р Аким Али, шеф на Канцеларијата на СЗО во нашата држава, денес потпишаа петгодишна Стратегија за соработка меѓу Владата и СЗО 2026–2030 година. На настанот со онлајн вклучување се обрати и директорот на Светската здравствена организација за Европа, Ханс Клуге.-Денешниот ден отвора ново поглавје во соработката со Светската здравствена организација, заеднички ја потпишавме нашата прва петгодишна Стратегија за соработка - документ кој е создаден заедно со сите институции и партнери и кој ќе ги насочи реформите во здравството до 2030 година. Стратегијата се фокусира на модернизација на примарната здравствена заштита, целосна дигитална трансформација, унапредување на здравствената заштита на мајките и децата, еколошкото здравје и климатската отпорност, согласно „зелената агенда“ на Владата. Исто така со оваа стратегија е опфатена и заштитата на ранливите групи, планирање на човечки ресурси во здравството, јавното здравје, здравствената безбедност и подобра подготвеност при кризни состојби. Стратегијата ни овозможува јасен план, партнерство и поддршка за заедничко реализирање на клучните реформи, посочи по потпишувањето министерот АлиуТој ја истакна одличната меѓусекторска соработка и поддршката од другите сектори. Оваа Стратегија го обединува целиот владин систем околу целите за здравје и благосостојба на населението.-Посебно сакам да се заблагодарам на СЗО и на сите министерства и партнери за нивниот придонес. Со оваа Стратегија го поставуваме темелот за посилно, помодерно и поправедно здравство за сите граѓани. Сето ова е симболична потврда на силната политичка волја, националната посветеност, и партнерството меѓу Владата и СЗО за спроведување на клучните здравствени реформи, истакна Алиу.

Македонија | пред 5 месеци

СЗО предупредува: Смртноста од високите температури драстично се зголемува, климатската неакција веќе убива милиони луѓе годишно

Нов глобален извештај на Lancet Countdown on Health and Climate Change 2025, изработен во соработка со Светската здравствена организација (СЗО), предупредува дека продолжената зависност од фосилни горива и неуспехот да се адаптираме на потоплиот свет веќе имаат разорни последици по здравјето на луѓето.Светската здравствена организација и нејзините партнери повикаа заштитата на човечкото здравје да стане централниот двигател на климатската акција. Новиот извештај на Lancet Countdown 2025 покажува дека 12 од 20 клучни индикатори за здравствени ризици достигнале рекордни нивоа, што укажува дека климатската неакција веќе чини човечки животи, ги оптоварува здравствените системи и ја поткопува глобалната економија.„Климатската криза е и здравствена криза. Секој дел од степенот на затоплување носи загубени животи и егзистенции“, изјави д-р Џереми Фарар, помошник-директор на СЗО за унапредување на здравјето и превенција на болести.„Овој извештај јасно покажува дека неакцијата убива луѓе сега, во сите земји. Но, климатската акција е и најголемата можност за здравствен напредок – почист воздух, поздрава исхрана и поотпорни здравствени системи можат да спасат милиони животи денес и да ги заштитат идните генерации.“Меѓу клучните наоди:Зголемен број жртви од топлотни бранови: смртноста поврзана со високи температури е зголемена за 23 отсто од 1990-тите, со просечно 546 000 смртни случаи годишно.Глад и несигурност: сушите и топлотните бранови во 2023 година оставиле дополнителни 124 милиони луѓе со умерена или тешка прехранбена несигурност.Економска загуба: изложеноста на топлина во 2024 година предизвикала губење на 640 милијарди работни часови, што е еквивалентно на 1,09 трилиони американски долари.Фосилните субвенции ја надминуваат климатската поддршка: владите потрошиле 956 милијарди долари на субвенции за фосилни горива – трипати повеќе од годишната сума ветена за поддршка на климатски ранливите земји.Извештајот нагласува дека брзото укинување на фосилните горива во корист на чиста енергија и ефикасна потрошувачка останува најмоќниот механизам за забавување на климатските промени и спасување животи.

Свет | пред 6 месеци

СЗО: Менингитис, дијареја, респираторни заболувања, болестите се „надвор од контрола“ во Газа

Светската здравствена организација (СЗО) предупреди дека заразните болести во Газа денес се „надвор од контрола“, а само 13 од 36-те болници на територијата делумно функционираат.„Без разлика дали станува збор за менингитис, дијареја, респираторни заболувања, зборуваме за огромна количина на работа“, рече Ханан Балки, регионален директор на здравствената организација на ОН.Истовремено, СЗО соопшти дека ги зголемила залихите на медицинска опрема за здравствените установи откако стапи на сила прекинот на огнот во Газа.„Оваа недела, повеќе од 220 палети со основни лекови и медицински потрошен материјал беа испратени од нашиот јужен магацин до партнерите што ги поддржуваат болниците низ Газа“, се вели во соопштението на платформата Икс.Светската програма за храна на ОН денес објави дека од почетокот на прекинот на огнот, во Газа доставувала просечно 560 тони храна дневно, но дека тоа е сè уште под потребните количини.Во бруталната војна што ја водеше Израел, загинаа речиси 68.000 луѓе во Газа, претежно жени и деца, наведува палестинското Министерство за здравство.

Свет | пред 7 месеци

По повеќе од три години преговори, СЗО има договор за подготовка при идни пандемии

Членките на Светската здравствена организација (СЗО) постигнаа договор за подготовка на светот за идни пандемии по повеќе од три години преговори, соопштено е утрово.Правно обврзувачкиот договор има за цел да ја зајакне светската одбрана од новите патогени откако пандемијата на коронавирус уби милиони луѓе меѓу 2020 и 2022 година. Предлогот ги наведува мерките за спречување идни пандемии и зајакнување на глобалната соработка. Ова вклучува, меѓу другото, воспоставување пристап до патогени, системи за споделување информации и градење на истражувачки капацитети во различни делови на светот.Договорот, исто така, предлага глобален синџир на снабдување и логистичка мрежа со акцент на поголема отпорност и подготвеност на здравствениот систем.„По повеќе од три години интензивни преговори, земјите-членки на СЗО направија голем чекор напред во нивните напори да го направат светот побезбеден од пандемии“, се вели во соопштението на здравственото тело.Договорот нашироко се смета за победа на глобалната здравствена агенција, во време кога мултилатералните организации како СЗО се погодени од остри кратења на странското финансирање од САД. САД учествуваа во раните преговори, но ги напуштија разговорите оваа година откако новиот претседател Доналд Трамп издаде извршна наредба во февруари за повлекување на САД од СЗО и преговорите.Предлогот ќе биде разгледан на состанокот за политика на Светското здравствено собрание во мај, соопшти СЗО.„Ова е историски момент и покажува дека со или без САД, земјите се посветени на соработка и моќта на мултилатерализмот“, изјави за Ројтерс Нина Швалбе, основач на глобалниот здравствен тинк-тенк Spark Street Advisors.

Свет | пред 1 година

Нема фотографија

СЗО предупредува: Зголемен ризикот од сексуално преносливи болести

Светската здравствена организација денеска предупреди за зголемен ризик од сексуално преносливи инфекции, како и несакана бременост поради намалената употреба на контрацептивни средства кај младите.Според извештајот на СЗО, речиси една третина од адолесцентите (30 проценти) изјавиле дека не користеле кондом или контрацептивни таблети за време на сексуалниот однос, односно, помеѓу 2014 и 2022 година, уделот на сексуално активни млади луѓе кои користеле кондомот за време на секс паднал од 70 на 61 отсто кај младите мажи и од 63 на 57 отсто кај девојчињата.Регионалниот директор на СЗО за Европа, Ханс Клуге оцени дека овие податоци се загрижувачки, но не и изненадувачки.„Сеопфатното сексуално образование соодветно на возраста продолжува да се занемарува во многу земји, а онаму каде што е достапно, во последниве години е изложено на сè поголем напад поради лажните премиси дека поттикнува сексуално однесување“, рече Клуге.Извештајот објавен денеска вклучува и препораки за креаторите на политиките, воспитувачите и здравствените работници, кои опфаќаат широк спектар на теми, вклучително и сеопфатно сексуално образование, кое треба да се спроведува во секое училиште.Главниот автор на извештајот Андрас Келто од Универзитетот во Голвеј (Ирска) рече дека образованието мора да биде повеќе од само давање информации и предложи да се отворат „безбедни простори“ за младите да разговараат за сите прашања поврзани со интимните односи, пренесува Еурактив.„Владите, здравствените и образовните власти и граѓанските организации треба да им помогнат да ги развијат клучните животни вештини, вклучително и транспарентна комуникација и носење одлуки без осудување“, додаде тој. Покрај едукацијата на тинејџерите, потребна е финансиска и политичка поддршка за да се развијат силни програми за образование за побезбеден секс, додаде СЗО.Студијата од 2022 година нарачана од Комитетот за правата на жените и родовата еднаквост на Европскиот парламент (FEMM), исто така, ја истакна потребата да се инвестира во наставниците и персоналот што работи во училиштата. Според комисијата на ФЕММ, институциите на ЕУ треба да обезбедат средства за промоција на сексуалното образование и размена на најдобри практики меѓу земјите-членки.Како што е наведено, пример е Каталонија, каде училиштата воведоа пилот програма за сексуално и емоционално образование за сите деца на возраст од 3 до 15 години. „Имаме докази, алатки и стратегии за да ги подобриме резултатите од сексуалното здравје на адолесцентите. Она што ни треба е политичка волја и ресурси за да го оствариме тоа“, рече Маргрет де Луз од Универзитетот во Утрехт, еден од коавторите на извештајот.Се додава дека сексуалното образование е задолжително во 19 земји од Европската унија, а во многу е групирано заедно со образованието за сексуалната ориентација и родовите улоги, велат од Европската комисија.

Свет | пред 1 година

СЗО: Децата умираат од глад - бараме од Израел да отвори повеќе премини кон Газа

Шефот на Светската здравствена организација (СЗО) денеска изјави дека само повеќе копнени премини во Газа можат да помогнат да се спречи гладувањето во густо населената палестинска енклава. Децата умираат како резултат на неухранетост и болести, како и поради недостаток на чиста вода и канализација, рече генералниот директор Тедрос Аданом Гебрејесус.„Иднината на цела генерација е во голема опасност“, рече тој. Петмесечната војна создаде критичен недостиг на храна кај 2,3 милиони Палестинци во Газа, што во некои области сега го надминува нивото на глад, според Обединетите нации.„Неодамнешните напори за испорака на храна по воздушен и морски пат се добредојдени, но само повеќе копнени премини ќе овозможат испорака од големи размери за да се спречи гладот. Уште еднаш бараме од Израел да отвори повеќе премини и да го забрза влезот и испораката на вода, храна, медицински залихи и друга хуманитарна помош во и во Газа“, рече Тедрос.Агенциите за помош на ОН соопштија дека „огромните пречки“ за пренесување на помошта во северна Газа ќе бидат надминати само со прекин на огнот и отворање на граничните премини што Израел ги затвори откако Хамас го започна својот напад на 7 октомври.Тедрос рече дека барањата на СЗО за снабдување на енклавата честопати биле блокирани или одбиени. Израел вели дека не ја ограничува хуманитарната помош за Газа и ја обвинува бавната испорака на помош поради недостаток на капацитет или неефикасност меѓу агенциите на ОН.Поголемиот дел од помошта што пристигнува во Газа по копнен пат ја оплаќа Израел на Керем Шалом, царинска станица на границата меѓу Египет, Израел и Газа, а потоа ја носи преку јужниот град Рафах, главниот патнички премин меѓу Египет и Газа.

Свет | пред 2 години

Повеќе од половина милијарда луѓе се заразени со Ковид од почетокот на пандемијата, 6,2 милиони починаа

Светската здравствена организација соопшти дека од почетокот на пандемијата, бројот на заболени од Ковид надмина 500 милиони, а бројот на починати е речиси 6,2 милиони.Според СЗО, до синоќа се регистрирани 500.186.525 случаи, како и 6.190.349 смртни случаи ширум светот, пренесе ТАСС.Во претходниот ден бројот на новозаболени бил 948.865, а починале 4.175.Статистиката на СЗО се базира на официјални податоци од земјите.Најмногу случаи се регистрирани во САД - близу 80 милиони, потоа 43 милиони во Индија, 30 во Бразил, 26,5 милиони во Франција и 23,1 милиони во Германија.

пред 4 години

294 нови позитивни случаи на КОВИД-19, починати 6 лица

Министерството за здравство информира, согласно податоците од Институтот за јавно здравје дека во последните 24 часа:Направени се 2.430 тестови, а регистрирани се 294 нови случаи на КОВИД-19: Скопје – 149, Битола – 36, Прилеп – 20, Кавадарци – 17, Велес – 11, Охрид – 10, Куманово – 8, Струга – 7, Кичево – 6, Неготино, Ресен и Делчево – по 4, Штип и Кочани – по 3, Тетово, Крива Паланка, Дебар и Берово – по 2, Струмица, Свети Николе, Виница и Демир Хисар – по 1.Од вкупниот број на позитивни (294), регистрирана е 41 реинфекција.Регистрирани сe 235 оздравени пациенти од: Скопје – 149, Битола – 25, Кавадарци – 14, Куманово – 8, Прилеп – 6, Гевгелија – 5, Струмица и Кичево – по 4, Гостивар, Кочани и Делчево – по 3, Тетово, Велес и Охрид – по 2, Ресен, Валандово, Виница, Крушево и Македонкса Каменица – по 1.Во текот на изминатите 24 часа, се регистрирани две починати лица од: по едно починато лице од Скопје (70г) и Ресен (78г). Сите лица се починати во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени 4 починати лица, од Скопје (1), Кичево (1), Штип (1) и Кочани (1), на возраст од 74 до 82 години. Пријавените лица се починати во период од 22.03. до 25.03.2022 година. Од пријавените лица едно е починато во болнички услови, а 3 лица се починати во домашни услови.Од вкупниот број на починати лица ( 6 ), кај сите лица се регистрирани коморбидитети.Направени се 2.430 тестови преку: ИЈЗ-287, ЦЈЗ Скопје-64, ЦЈЗ Битола-75, ЦЈЗ Прилеп-36, ЦЈЗ Тетово-2, ЦЈЗ Куманово-72, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –5, ГОБ 8-ми Септември-0, Институт за микробиологија–203, Жан Митрев (Филип Втори)-52, Авицена-86, Биотек-61, Систина-48, лабораторија Лаор-64, Синлаб-5, Ремедика-9, Плодност-22, Генеа-4, Никоб Лаб-190, ВФВ Медикал-51, Ели Медика Плус-24, Ројал Медика–7, Спектра-ММ-6, Рапид Лаб–6, Жан Митрев Струмица–3, Нова Лаб Дијагностика–3, Рамус-10, ЈЗУ и ПЗУ (рапид тест) – вкупно 1.035.Досега во земјата се направени вкупно 1.960.264 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 305.717, бројот на оздравени пациенти е 294.662, на починати е 9.220, а бројот на активни случаи изнесува 1.835.Дистрибуција по градови Заболени (вкупно), Активни случаи (вкупно)Скопје 143364, Активни 1007Куманово 16544, Активни 47Битола 14777, Активни 168Прилеп 13981, Активни 103Тетово 13413, Активни 39Кавадарци 10473, Активни 81Велес 9678, Активни 43Гостивар 9529, Активни 15Охрид 8717, Активни 73Струмица 7992, Активни 19Штип 7966, Активни 13Кичево 5556, Активни 41Кочани 5046, Активни 26Струга 4694, Активни 14Гевгелија 4361, Активни 16Неготино 3658, Активни 14Ресен 2674, Активни 13Свети Николе 2614, Активни 2Радовиш 2514, Активни 11Крива Паланка 2405, Активни 2Делчево 1941, Активни 31Дебар 1670, Активни 12Берово 1638, Активни 7Валандово 1474, Активни 3Виница 1378, Активни 7Пробиштип 1263, Активни 5Богданци 1019, Активни 7Кратово 960, Активни 3Крушево 919, Активни 7Демир Хисар 826, Активни 1Македонски Брод 736, Активни 1Демир Капија 586, Активни 1Македонска Каменица 523, Активни 1Пехчево 485, Активни 1Дојран 343, Активни 1

пред 4 години

СЗО: Бројот на починати од ковид изминатата недела е зголемен за 43 отсто

Бројот на нови случаи на коронавирус во светот во текот на изминатата недела е за 14 отсто помал од претходната недела, додека бројот на починати е зголемен за 43 отсто.Во соопштението на Светската здравствена организација се наведува дека повеќе од 10 милиони луѓе биле заразени со коронавирус минатата недела, додека повеќе од 45.000 пациенти починале, пренесува Тас.СЗО објаснува дека поголемиот пораст на бројот на смртни случаи се должи на промената на дефиницијата за смрт од ковида-19 во Чиле и САД и променетите извештаи од Индија и регионот на Југоисточна Азија.Според СЗО, од почетокот на пандемијата, коронавирусот е потврден кај речиси 482 милиони луѓе, додека повеќе од шест милиони починале.

пред 4 години