ТЕТОВО

Покренато обвинение: Три лица и болницата се криви за пожарот во тетовската модуларна болница каде 14 лица загинаа

Ексдиректорот на тетовската болница Флорин Бесими, раководно лице на висока полиција и доктор кој се грижел за ковид болните во кобното време се обвинети за пожарот во тетовската модуларна болница, каде 14 лица загинаа. Обвинителствто бара тие да одговараат, па поднесе обвинителен предлог. Заедно со нив е обвинето и правното лице, односно болницата.„Двајцата првообвинети се товарат дека сториле по едно кривично дело – Тешки дела против општата сигурност по чл.292 ст.4 в.в. со чл.288 ст.4 в.в. со ст.2 од Кривичниот законик, третиот обвинет сторил кривично дело – Непостапување според здравствените прописи за време на епидемија по чл.206 ст.1 од Кривичниот законик, додека обвинетото правно лице сторило кривично дело – Предизвикување општа опасност по.5 в.в. со ст.4 в.в. со ст.2 и кривичното дело – Непостапување според здравствените прописи за време на епидемија согласно чл.206 ст.2 в.в. со ст.1 од Кривичниот законик“, велат од Јавното обвинителство.Досега јавно беа обелоденети само детали од извештајот којшто го изготвија македонските крим-техничари кои на 10 октомври го доставија својот извештај до обвинителите коишто ја водат истрагата. Македонските крим-техничари утврдија дека пожарот во модуларната болница во Тетово настанал како последица од електрична куса врска преку висок преоден отпор во приклучниот кабелна дефибрилатор со кој се вршела реанимација на пациент во една од болничките соби. Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат.Ова беше единствениот конкретен податок којшто укажуваше која била иницијалната каписла за избувнувањето на пожарот. Неколку месеци подоцна својот извештај го доставија и германските експерти коишто вршеа вештачење во странски лаборатории. Деталите од документот не беа објавени во јавноста, но делови од него, според обвинителите, се поклопуваат со сознанијата на македонските крим-техничари.Вечерта на 8 септември во тетовската модуларна болница за ковид-пациенти се случи една од најголемите трагедии во историјата на државата. Потврдена беше смртта на 14 лица кои биле директни жртви на огнената стихија. Најмалку 12 лица беа повредени.

Македонија | пред 3 години

ТВ Клан: Причина за давењето на младиот тетовец е силна струја

Силната морска струја што често се јавува на црногорското крајбрежје на Јадранското Море е причина за давењето на 21-годишниот тетовецот Енис Халили, објави „Клан Македонија“. Енис заминал да работи за време на летната сезона во туристичкото место Утјеха, на потегот меѓу Улцињ и Бар.Соседот на Енис, Беким Рамадани, се повика на вестите од црногорските портали.– Влегол во вода околу 17 часот и веројатно поради силни струи во водата се удавил. Сопственикот на објектот каде што бил вработен, им се јавил на родителите за да им каже дека изгубиле контакт со момчето. Подоцна спасувачките екипи успеале да го пронајдат и да го извадат мртвото тело околу 19 часот – изјави Рамадани за несреќниот случај од саботата.Родителите на Енис заминале во Црна Гора за да го подигнат посмртните останки.– Тоа е животот. Во потрага по подобра егзистенција, се случи трагедија на еден млад тетовец. Енис велеше дека ќе оди таму, дека ќе работи, дека многу ќе се труди за да си обезбеди подобар живот – вели Рамадани.Како што соопшти македонското МНР по добиените официјални информации од властите на Црна Гора, првичниот увид утврдил дека станува збор за давање, зашто на телото на починатиот немало траги на насилство.

Македонија | пред 3 години

Македонецот кој се удави во Црна Гора е од Тетово

Момчето кое се удави во Црна Гора е од Тетово.Maкедонското Министерството за надворешни работи(МНР) ја потврди веста објавена во црногорските медиуми дека 22-годишно момче од Македонија починало во Црна Гора.„Министерството за надворешни работи доби известување од надлежните институции на Црна Гора дека наш државјанин, Е.Х. роден 2000 година во Тетово, му е констатирана смрт во туристичкото место Утјеха“, велат од МНР.Во тек е обдукција за цел целосно расчистување на случајот од надлежните црногорски институции.

Македонија | пред 3 години

Притвор и психијатриско лекување за двајцата напаѓачи на полицајци во Тетово

За двајца жители на тетовско Гајре кои вчера нападнале полицајци определени се мерки притвор и психијатриско лекување, информираат од СВР Тетово откако денеска до Основното јавно обвинителство Тетово поднеле кривична пријава против А.М.(40) и Л.М.(39). Со кривичната пријава двајцата биле изведени пред судија во претходна постапка на Основниот суд Тетово, кој на А.М. му определил мерка притвор од осум дена, додека на Л.М. мерка за безбедност- задолжително психијатриско лекување и чување во здравствена установа.-Двајцата од тетовско Гајре се пријавени поради основи на сомнение дека сториле кривични дела: напад на службено лице при вршење работи на безбедноста, казниво по член 383 став 2 од Кривичниот законик и противправно лишување од слобода согласно член 140 став 1 од КЗ, а Л.М. и за кривично дело неовластено изработување, држење, посредување и тргување со оружје и распрскувачки материи” казниво по член 396 од Кривичен законик, информираат од СВР Тетово.Четириесетгодишникот кој доби притвор ќе биде спроведен во КПУ Затвор “Скопје” во Скопје за издржување на мерката. Двајцата се приведени вчера откако жители на Гајре и Шипковица ги пријавиле за напад, изнуда и кражба.

Македонија | пред 3 години

Владата донесе решение за распуштање на Советот на Општина Тетово

Владата на денешната седница донела решение за распуштање на Советот на Општина Тетово согласно исполнувањето на еден од условите во членот 75 од Законот за локална самоуправа, според кој општинските совети ќе бидат распуштени доколку не ја донесат завршната сметка и Буџетот до 31 март како што е предвидено со законската одредба, информираат владините служби.За ова решение, како што додаваат од таму, согласно законот, Владата ќе го извести Собранието на Република Северна Македонија по што ќе следува спроведување на постапката за организирање вонредни избори за Советот на Општина Тетово согласно законските одредби.Досегашниот претседател на Советот на Општината Бесар Дурмиши претходно имаше побарано што поскоро да се донесе одлука и датум за нови избори за Советот на Општина Тетово.

Македонија | пред 3 години

Сопственикот на „Пофикс“ Тетово ја откри причината за пожарот

Сопственикот на „Пофикс“ Тетово им се заблагодари на сите кои помогнаа во гаснењето на пожарот кој вчера ја зафати фабриката.Како што денеска истакна тој, причината за пожарот е водата, поточно дождот кој ден пред да се случи ова го поплави Тетово.„Материјалните штети се многу големи. Но, ниту еден работник нема да ја изгуби работата, бидејќи тие се нашето семејство“, рече тој.

Македонија | пред 3 години

„И торнадо во Тетово, ајдее“, „Во Тетово деновиве уште четирите јавачи на апокалипсата што не се појавија“, низа реакции по несреќите

По низата несреќи од пожарот во модуларната болница, потоа, поплавите, сега и запалената фабрика - Тетово го поминува најлошиот период. Поради високото ниво на загаденост на воздухот, вчера и денеска тетовци треба да носат маски за да се заштитат - па многумина тоа го прокоменетираа како „обратна пандемија“, бидејќи жителите носат маски надвор, а ги вадат во маркет.Има и низа коментари и шеги, откако пожарот во „Македонија табак“ е изгаснат.https://twitter.com/BaceVol4o/status/1531337006546141189?s=20&t=gkN5pUH6MU8YcYLgjnoF9Qhttps://twitter.com/sedo_pero/status/1531276279470862338?s=20&t=gkN5pUH6MU8YcYLgjnoF9Qhttps://twitter.com/najdenGermanec/status/1531330409547571200?s=20&t=gkN5pUH6MU8YcYLgjnoF9Qhttps://twitter.com/HarbinAmetaj/status/1531323754978107394?s=20&t=gkN5pUH6MU8YcYLgjnoF9Qhttps://twitter.com/nebojsa6/status/1531308723670597633?s=20&t=gkN5pUH6MU8YcYLgjnoF9Qhttps://twitter.com/Kontakarion/status/1531299750418456577?s=20&t=gkN5pUH6MU8YcYLgjnoF9Qhttps://twitter.com/IvoPop_/status/1531294619077689344?s=20&t=gkN5pUH6MU8YcYLgjnoF9Qhttps://twitter.com/jepirovski/status/1531293158771916801?s=20&t=gkN5pUH6MU8YcYLgjnoF9Qhttps://twitter.com/Torko_Mk/status/1531280160057696256?s=20&t=gkN5pUH6MU8YcYLgjnoF9Qhttps://twitter.com/DacoWasHere/status/1531214589433610241?s=20&t=gkN5pUH6MU8YcYLgjnoF9Qhttps://twitter.com/Mister__No/status/1531276274689351680?s=20&t=gkN5pUH6MU8YcYLgjnoF9Qhttps://twitter.com/KashlicOfficial/status/1531274976208293889?s=20&t=gkN5pUH6MU8YcYLgjnoF9Qhttps://twitter.com/KashlicOfficial/status/1531274796473929732?s=20&t=gkN5pUH6MU8YcYLgjnoF9Qhttps://twitter.com/Tetoevsky/status/1531263985500180483?s=20&t=gkN5pUH6MU8YcYLgjnoF9Qhttps://twitter.com/Igor_rujo/status/1531258929434566656?s=20&t=gkN5pUH6MU8YcYLgjnoF9Qhttps://twitter.com/SevernaNikogas/status/1531256729907888128?s=20&t=gkN5pUH6MU8YcYLgjnoF9Qhttps://twitter.com/batozoki/status/1531253538944335873?s=20&t=gkN5pUH6MU8YcYLgjnoF9Q

Коментари | пред 3 години

Аларматно во Тетово, Ангелов тврди дека подобро се справуваме со пожари од Америка

„Гледав пред некој ден сличен ваков пожар во Америка и беа поспори од нас“, рече Стојанче Анегелов, директорот на Центарот за управување со кризи (ЦУК) денеска во Тетово одговарајќи на новинарско прашање зошто порано не била донесена одлука за интервенирање од воздух.Според Ангелов побрзи сме од Американците во справување со пожари.Директорот на ЦУК кажа дека од воздух не се интервенирало поради тоа што објектот имал покрив, а под покривот имало плоча.Се уште на терен состојбата во Тетово е алармантна.

Македонија | пред 3 години

Пожарот во Тетово го загади воздухот, да не се излегува надвор без потреба!

Пожарот во Тетово го загади воздухот, да не се излегува надвор без потреба!“Поради големиот пожар кој избувна претпладнево во фабрика на влезот во градот, квалитетот на воздухот е значително влошен. Апелираме граѓаните да не излегуваат без потреба од своите домови. Најпогодени се оние со белодробни, васкуларни и срцеви заболувања, кои денеска треба да останат дома и да ги следат известувањата за квалитетот на воздухот. Оние граѓани, кои имаат потреба да бидат надвор, задолжително да носат заштитни маски, по можност Н95. Во домовите чувајте ги затворени прозорците и вратите и чувајте го Вашето здравје”- стои во апелот на општина Тетово. Исто така и СВР Тетово апелираше граѓаните денеска да бидат внимателни.

Македонија | пред 3 години

По поплавите, Тетово донесе заклучок да формираат и Вибер група за координација

Денес во општина Тетово се одржа седница на кризниот штаб во врска со состојбата настаната од поројните дождови што го зафатија регионот на Република Македонија, што предизвика значителна штета и во општина Тетово.„Во дискусијата, градоначалникот на Тетово, Билал Касами, заедно со останатите членови на кризниот штаб на општина Тетово ги донесоа следните заклучоци:1. Барање помош од Владата во однос на справувањето со ситуацијата и надоместување на штетите,2. Барање помош и од град Скопје за чистење на улиците,3. Воспоставување контакт број за пријавување на штетите од страна на граѓаните,4. Воспоставување континуирана комуникација со Центарот за управување со кризи, полицијата и Дирекцијата за заштита и спасување во врска со преземањето на мерки на претпазливост за избегнување на поголеми штети.5. Барање до Владата за интервенција, односно чистење на речните корита.6. Да се формира вибер – група во која ќе се координира кризниот штаб во однос на превентивните мерки кои треба да се преземат во случај на кризи,7. Да се интервенира во делот на атмосферската канализација (долгорочно)8. Да се провери исправноста на водата за пиење.“, се вели во соопштението.

Актуелно | пред 3 години

„Белград на вода, Тетово под вода“, „Фалеа уште гондоли“, реакции по поплавите во Тетово

Улиците, подвозници и пониските дворови во Тетово се речиси целосно поплавени, а и подрумите и приземјата на повеќе куќи.Ова предизвика голем број реакции на социјалните мрежи, а ова се дел од нив.https://twitter.com/mancesterovec7/status/1530902438504439810?s=20&t=0LMOAg-TvjR90mFshVv3VAhttps://twitter.com/rmcfmk/status/1530916344962629638?s=20&t=ofdpA8kqqALr0wEpYyEqaQhttps://twitter.com/AntoskiNinoslav/status/1530886076675592192?s=20&t=lfO_qjUWeVmgAlMCm2zz5ghttps://twitter.com/malerott/status/1530918028539486209?s=20&t=5niGdniJCZvfbvzsolhHMAhttps://twitter.com/Shpendi_kasapot/status/1530906540085071873?s=20&t=gZOBNG2AtYism-eDbBRicAhttps://twitter.com/SolarNik/status/1530966033464545280?s=20&t=gZOBNG2AtYism-eDbBRicAhttps://twitter.com/Beliotpesjak/status/1530964389800583169?s=20&t=gZOBNG2AtYism-eDbBRicAhttps://twitter.com/stoniranoezhe/status/1530929140672626693?s=20&t=gZOBNG2AtYism-eDbBRicA 

Коментари | пред 3 години

(ФОТО) Поплавена Уметничката Галерија во Тетово

Денешните врнежи од дожд како и град предизвикаа поплава и во Уметничката Галерија во Тетово. Поплавени беа и внатрешноста како и дворот. Од таму информираа дека вработените ја отстрануваа надојдената вода во просториите на галеријата.„Денешните врнежи придружени со град , предизвикаа значителни штети во просториите на Уметничката Галерија во Тетово.Директорот на Галеријата, г-дин Илир Куртиши, заедно со техничкиот персонал се упатија кон Галеријата за да ги санираат штетите предизвикани од дождот. Не изостана и присуството на државниот секретар г-дин Валмир Азири.Се надеваме дека денешниот ден нема да се повтори и Галеријата наскоро ќе започне со работа“, информираа од установата.

Македонија | пред 3 години

(ВИДЕО) Тетово се претвори во Венеција, фрапирачки снимки од градот

Секој нов дожд ги потсетува тетовчани на поплави, велат од Левица.„Стари улици, нови улици, збиени згради каде нема место за паркирање, нема место за пешаци, нема приод за амбулантни возила ниту за пожарни а камоли за луѓе на колички.Буквално целата инфраструктура на Тетово е неплански катастрофално направена.Тротоарите се пропаднати. А за време на дожд се поплавуваат улиците.Граѓаните на Тетово и покрај тоа што уредно си платиле комуналиите, уште многу ќе почекаат да го добијат соодветно за платеното.После секој дожд, ова е сликата на Тетово“, се вели во објавата.

Македонија | пред 3 години

Земјотрес почувствуван во Македонија

Земјотрес со Рихтерова локална магнитуда ML 2,4 степени  е регистриран денеска во 20 часот и 17 минути, на 25 километри југозападно од Тетово во пограничното епицентрално подрачје Тетово-Гостивар.Земјотресот бил на длабочина од 2 километри.На земјотресот му претходеле уште два со јачина од 2.6 и 2.2 степени според Рихтер.

Македонија | пред 3 години

(ВИДЕО) По дождот Тетово доби езеро, жителите прашуваат каде се пастрмките

Дожд доцна попладнево го зафати Тетово.Врнежите предизвикаа поплавување на дел од улиците во градот, што направи проблеми во нормалното одвивање на сообраќајот.На социјалните мрежи граѓаните објавија видеа од поплавените улици.Ситуацијата во Тетово тамошните жители ја опишуваат како во градот да има „Тетовско езеро“, а други пак веќе прашуваат каде се пастрмките.

Македонија | пред 3 години