ЗАГАДУВАЊЕ

(Видео) Станува збор за намерно подметнат пожар, чадот е токсичен, се прави смена на пожарникари

Директорот на Дирекцијата за заштита и спасување, Стојанче Ангелов, изјави дека пожарот кој денеска избувна во Трубарево најверојатно е намерно подметнат и го нарече „хибриден напад врз државата“. View this post on Instagram A post shared by Скопје1 / Skopje1.mk (@skopje1mk)„Според мене се работи за намерно подметнат пожар, повеќе од сигурно намерно подметнат пожар, бидејќи не е едноставно да се запали ваков објект. Да се случат волку тешки пожари, кои предизвикуваат големо загадување... се работи за намерно подметнат пожар,“ изјави Ангелов.Тој посочи дека во објектот имало голема количина пластика која предизвикала густ црн, а веројатно и токсичен чад. „Веднаш до нивните објекти има уште два објекти во кои има поголема количина на пластичен отпад, а се делумно зафатени од пожарот. Нашата прва цел е да не се дозволи ширење на пожарот, затоа сите ресурси кои ги имаме во Скопје се насочени тука,“ додаде тој.На терен се распоредени три БТР и еден „Хермелин“, скоро сите возила на скопската Противпожарна служба, како и полициски и армиски хеликоптер, заедно со авион „Ер Трактор“ на ДЗС.„Во овој момент нема повредени лица. Повикани се дополнителни противпожарни камиони, за смена на пожарникарите кои се дел и внатре во чадот со заштитни маски или специјални боци со кислород,“ информираше Ангелов.

Скопје | пред 4 месеци

Додека едни палат, а други пишуваат соопштенија, граѓаните дишат отров

Скопје уште еднаш се гуши во канцероген чад. Во населбата Трубарево избувна огромен пожар во магацини каде што бил складиран опасен отпад – електронски уреди, батерии, пластика, гуми. Наместо итен системски одговор и заштита на граѓаните, јавноста повторно доби партиски соопштенија, пресметки и меѓусебни обвинувања.Од пожарот се ослободуваат тешки метали и токсични супстанци кои во воздухот стигнуваат директно до домовите на скопјани. Граѓаните во Трубарево веќе со години предупредуваат на несовесното управување со отпадот, а сега нивните стравови се потврдија. Политичарите ја користат трагедијата за дневна пропаганда.Мециновиќ: „Колку богатство може да ве насити?“Пратеникот и кандидат за градоначалник на Скопје, Амар Мециновиќ, на социјалните мрежи остро реагираше на „лицемерието на властите и стручните кругови“ кои со години ја префрлаат вината за загадувањето врз сиромашните.„Одете во Трубарево да видите како изгледа кога гори електронски отпад до градинка,“ порача тој, посочувајќи дека системски регулации и инспекциски надзори воопшто не постојат.Претседателот на СДСМ, Венко Филипче, пак, предупреди дека државата се соочува со „еколошка и безбедносна катастрофа“.„Скопјани дишат канцерогени материи, а институциите се нефункционални,“ порача тој, нагласувајќи дека ова не се изолирани инциденти, туку системски хаос.Од ВМРО-ДПМНЕ со најостар тон го обвинија владејачкото дуо СДСМ–ДУИ дека свесно ги оставиле депониите без контрола и дека зад пожарите стојат политички интереси. „Граѓаните добро знаат: вистинската еколошка катастрофа се вика СДС–ДУИ,“ порачаа од партијата, барајќи итна истрага.Додека чадот од Трубарево се шири над Скопје, партиите се натпреваруваат во меѓусебни обвинувања.Во меѓувреме, додека едни палат, а други пишуваат соопштенија, граѓаните дишат отров.

Скопје | пред 4 месеци

Ѓорѓиевски: Пожарите околу Скопје се подметнати за создавање вештачка криза

Кандидатот за градоначалник на Скопје од ВМРО-ДПМНЕ, Орце Ѓорѓиевски, остро реагираше поради честите пожари на депониите околу главниот град. Тој ја изрази својата загриженост за здравјето на граѓаните и побара институциите итно да постапат.„Го повикувам Министерството за внатрешни работи и Јавното обвинителство да ги превземат сите неопходни мерки за откривање на сите кои се замешани во свесното и намерно потпалување на сите депонии околу главниот град. И ги повикувам да постапат брзо. Институциите треба и мора да делуваат, а здравјето на граѓаните да биде заштитено,“ изјави Ѓорѓиевски.Тој истакна дека постојат основани сомнежи дека пожарите се подметнати со цел создавање на вештачка криза во пресрет на локалните избори. „Никогаш во последните неколку децении не ни се случувало ова, да се палат ридови и сите ѓубришта во радиус од 20 километри околу главниот град. Овие пожари се со цел да се предизвикаат политички пожари. За жал, граѓаните и ние скопјани сме жртви,“ додаде тој.Ѓорѓиевски најави дека негов приоритет по изборите ќе биде воспоставување на систем кој ќе обезбеди чисто и безбедно Скопје, без пожари и загадени депонии. „Имам План за чисто и здраво Скопје. Имаме комунални претпријатија со илјадници вработени, а немаме кој да се грижи за комуналниот ред. На овој напад против животната средина и против здравјето на граѓаните мора да му се стави крај,“ порача кандидатот на ВМРО-ДПМНЕ.

Скопје | пред 4 месеци

Треба да се знае кога горат литиум-јонски батерии најтоксична супстанца која се ослободува е хидроген флуорид, алармира Шанса за Центар

Во рециклаторен центар, соработник на организацијата „Нулта отпад“, избувна пожар во кој, според информациите, се зафатени и литиум-јонски батерии од апарати и возила, како и друг електронски отпад, велат од Шанса за Центар.„Гори рециклаторен центар, соработник на НУЛТА ОТПАД, инаку оваа компанија е овластена за преземање на литиум јонски батерии од апарати и возила, како секаков електронски отпад. Треба да се знае кога горат литиум- јонски батерии најтоксична супстанца која се ослободува е хидроген флуорид (HF), која може да предизвика тешки нарушување на здравјето доколку е во затворен или полузатворен простор. Спореде европската агенција за хемикалии (ECHA) HF е класифициран како многу токсичен, корозивен и опасен за здравјето дури и при ниски концентрации. Покрај HF, при горење на батериите гори и електролитот кој е внатре како и пластиката и амбалажата во која се спакувани. Од нив дополнително се ослободува јаглерод диоксид (CO₂), јаглерод моноксид (CO), соединенија што содржат хлор, азот, сулфур и ред други соединенија кои не се нетоксични.☠️Кога гори електронски отпад во кој многу често има печатени плочки, пропратна пластика и други материјалот како олово (Pb), кадмиум (Cd), хром (Cr), никел (Ni), бакар (Cu) и цинк (Zn) со горењето се создаваат соединенија кои ги содржат овие елементи. Дополнително литиум-јонските батерии при горење развиваат многу високи температури (од 800- па до 1600 степени зависно од јачината) дури прават и мини експлозии. Се надеваме дека пожарникарите се соодветно заштитени“, велат оттаму.

Коментари | пред 4 месеци

(Видео) Пожар во Трубарево: ангажирани пожарникари, хеликоптери и Ер Трактор

Голем пожар денеска избувна во населбата Трубарево, општина Гази Баба, при што густ црн чад за кратко време се прошири и зафати неколку околни објекти.„Во 13:38 часот, преку бројот за итни повици 112 беше пријавен пожар во штала наменета за складирање на отпадни електрични материјали. Веднаш воспоставив координација со Центарот за управување со кризи и ги информирав надлежните служби за состојбата на терен,“ изјави директорот на ЦУК, Мухамед Али. View this post on Instagram A post shared by Скопје1 / Skopje1.mk (@skopje1mk)Од ЕВН било побарано итно исклучување на електричната енергија за да се овозможи безбедно гаснење на пожарот, вклучително и со употреба на воздухопловни средства.На терен се ангажирани шест возила од Територијалната противпожарна бригада на Град Скопје со повеќе од десет пожарникари, како и специјализирани возила на Дирекцијата за заштита и спасување. Во интервенцијата учествуваат еден хеликоптер на МВР, еден хеликоптер на Армијата на Република Северна Македонија и еден Ер Трактор на Дирекцијата за заштита и спасување. Дополнително, испратени се и екипи на итната медицинска помош.Али нагласи дека состојбата внимателно се следи и дека координацијата на сите служби продолжува додека пожарот целосно не биде ставен под контрола.

Скопје | пред 4 месеци

ВМРО-ДПМНЕ ги обвини СДСМ и ДУИ дека намерно ги палат депониите за да создадат хаос во Скопје

ВМРО-ДПМНЕ обвини дека коалицијата СДС–ДУИ стои зад намерното палење на скопските депонии „Дрисла“ и „Вардариште“, со цел да создаде страв и хаос кај граѓаните.„Криминалците од СДС–ДУИ, задушени од народниот пораз, решија да го задушат и Скопје, само за да го спречат доаѓањето на правдата,“ велат од партијата.Во реакцијата се наведува дека „злосторничкото здружение прибегнало кон најопасни и криминални методи“ и дека палењето на депониите претставува свесно уништување на здравјето на скопјани.„Со години СДС и ДУИ управуваа со ‘Дрисла’ и ‘Вардариште’. Тие ги поставуваа директорите, тие ветуваа фабрика за селекција на отпад и чист воздух. Единствено што оставија зад себе е смет, диви депонии и труење на луѓето,“ додаваат од ВМРО-ДПМНЕ.Оттаму посочуваат дека скопските градоначалници од нивните редови во изминатите години реализирале проекти за чистење и уредување на јавните површини и за воспоставување систем на селекција на отпад, а Владата започнала ревизија на еколошките политики и подготовка на нови проекти за модернизација на „Дрисла“ и затворање на дивите депонии.„Како тоа баш пред локални избори почнаа да ‘горат’ депониите? Како тоа токму сега ‘Дрисла’ почна да загадува? Дали постои организирана структура зад ова?“ прашуваат од ВМРО-ДПМНЕ.Партијата повика Министерството за внатрешни работи и Јавното обвинителство да спроведат итна истрага и да ја утврдат одговорноста. „Граѓаните добро знаат: вистинската еколошка катастрофа се вика СДС–ДУИ,“ стои во соопштението.

Скопје | пред 4 месеци

(Видео) Ужасни снимки од објектот кој гори на влез од Скопје

Гори објект лоциран во Илинден, кај клучката за влез во Скопје, дознава „Скопје1“. Според првичните информации зафатени се повеќе простории од истиот, а непознато е како е опожарен. Неофицијално, станува збор за место каде се складирала пластика. Овие информации засега не успеавме да ги потврдиме.Од снимките на „Скопје1“ може да се види дека околу него има и отпад како што се расфрлани гуми. Засега не е забележано присуство на Противпожарни екипи.Повеќе информации се очекуваат од институциите. Чадот се гледа од повеќе делови на Скопје. View this post on Instagram A post shared by Скопје1 / Skopje1.mk (@skopje1mk)

Скопје | пред 4 месеци

(Видео) Во Илинден гори пластика, поплаки дека се слушаат звуци налик на екскплозии - први официјални информации

Пожарот во Илинден избувнал во „Ф Групација“, складиште за отпад, меѓу кое има и пластика. Ова го соопшти директорот на Дирекцијата за заштита и спасување, Стојанче Ангелов. Истовремено, директорот на Центарот за управување со кризи, Мухамед Али посочува дека горат пластични работи. View this post on Instagram A post shared by Скопје1 / Skopje1.mk (@skopje1mk)„Преку бројот за итни повици Е-112 добиена е пријава за голем пожар во Општина Гази Баба, поточно во с. Трубарево, каде што гори фабрика за пластични работи БППЗ на Град Скопје. Пожарникарите се на лице место каде што интервенираат во гаснењето на пожарот, состојбата се следи“, додава Али. View this post on Instagram A post shared by Скопје1 / Skopje1.mk (@skopje1mk)Граѓани посочуваат дека се слушаат звуци налик на експлозии.Како избувнал пожарот засега не е познато.

Скопје | пред 4 месеци

(Видео) Тежок за гаснење е пожарот во складиштето за отпад, упатени хермелини кон локацијата

Повеќе часа гори складиштето на „Ф Групација“ во Трубарево, каде меѓу другото, се складирале и електронски уреди.Според директорот на Дирекцијата за заштита и спасување, Стојанче Ангелов, посочи дека пожарот е сериозен и тежок за гаснење. View this post on Instagram A post shared by Скопје1 / Skopje1.mk (@skopje1mk)

Скопје | пред 4 месеци

(Видео) Нов голем пожар: црн облак од чад над Скопје, се гледа од секој дел на градот

Нов голем пожар избувна во Скопје, неофицијално, во близина на Илинден.Облакот од црн чад се гледа од сите делови на градот. Засега не е познато што е запалено, односно што гори.Повеќе информации се очекуваат од Центарот за управување со кризи и Дирекцијата за заштита и спасување. View this post on Instagram A post shared by Скопје1 / Skopje1.mk (@skopje1mk)

Скопје | пред 4 месеци

Онколошка пациентка со остра порака: Не сте преживеале канцер, затоа ви е океј да терате предизборни кампањи

Академскиот сликар и онколошки пациент Анжелика Колева со емотивна и остра порака преку социјалните мрежи се обрати до властите и јавноста за проблемот со загадувањето и системската негрижа. Таа вели дека луѓето кои носат одлуки не се соочиле со тежината на канцер и затоа им е лесно да се занимаваат со предизборни кампањи наместо да преземат итни мерки за заштита на граѓаните.„Не сте преживеале канцер, затоа ви е океј да терате предизборни кампањи наместо да ангажирате сѐ што е војска и полиција да ги чува депониите. Не сте чекале ред на Онкологија за хемотерапија, затоа ви е океј да дишеме ваков воздух на смрт што мириса“, напиша Колева.Таа посочи дека додека семејствата на пациентите се тресат пред оперативни сали, властите гледаат „сонце на чисто“, а нивните деца учат на безбедно во странство, додека туѓите деца се трујат дома. Колева потсети и на трагедијата во Кочани, како и на проблемите во Онкологија, теми кои, според неа, брзо исчезнале од вниманието на јавноста.„Ова е растроена нација, психички оболена за лајкови и интеракција на мреживе. Народот е непотресен за ништо – освен за продолжен викенд да врзе. Составот на државата е од партиски полтрони и ништо повеќе од тоа. Во состојба сте да се угушите самите себеси“, додаде Колева.На крај, таа саркастично порача: „Ставајте маските… да се заштитите де! Каков народ – таква држава. Толку!“

Коментари | пред 4 месеци

(Видео) Жителите на Аеродром со блокада: „Загадувањето е визуелно, но умирањето е реалност“

Протестите против загадувањето во скопската населба Аеродром продолжија и денеска, со блокада на крстосницата меѓу булеварите „Србија“ и АСНОМ, пред мостот „Киро Глигоров“. За разлика од претходните денови, денеска беше забележано зголемено присуство на граѓани, од кои многумина пристигнаа со велосипеди или со своите деца.Децата беа најбројни и најгласни, носејќи транспаренти кои самите ги изработиле. На дел од нив пишуваше: „1 од 9 деца умираат од загаден воздух“, „Дојди на блокади – аир (air) да видиш“... View this post on Instagram A post shared by Скопје1 / Skopje1.mk (@skopje1mk)Возрасните граѓани исто така носеа пораки насочени кон властите: „Изборите ви се угушија“, „Загадувањето е само визуелно? Умирањето е реалност!“.Протестот, кој трае неколку дена по ред, е реакција на жителите поради силното загадување што, според нив, доаѓа од депонијата „Дрисла“ и дивата депонија во Вардариште.Организаторите порачаа дека нема да сопрат додека не се најде трајно решение за проблемот и најавија нов марш и за утре во 18 часот.

Скопје | пред 4 месеци

(Видео) Цели населби исчезнаа утринава во загадениот воздух, Скопје не се гледа!

Граѓаните утринава снимале видеа од Ченто, Ново Лисиче и Радишани кои јасно покажуваат колку е алармантна состојбата со воздухот во главниот град. На снимките се гледа дека чадот и смогот целосно ја прекриваат котлината – во Ново Лисиче видливоста е речиси нула, а од Радишани - Скопје едноставно исчезнува во густата сива маса.' View this post on Instagram A post shared by Скопје1 / Skopje1.mk (@skopje1mk)Проблемот со „Дрисла“ и „Вардариште“ не е решен. Депонијата „Дрисла“ со години е симбол на пожари и загадување, а и покрај бројните ветувања за модернизација, граѓаните повторно живеат со последиците. Петицијата која моментално кружи бара таа да остане во јавно владеење на Град Скопје и да се претвори во современ центар по примерот на Љубљана. View this post on Instagram A post shared by Скопје1 / Skopje1.mk (@skopje1mk)Во меѓувреме, за „Вардариште“ веќе има обвинение, а случајот се претвори во политичко бојно поле. Единствената добра вест е дека ќе има 24 часовен надзор од приватана агенција за обезбедување. Партиите се препукуваат кој е виновен за состојбата и кој со години ја запоставувал депонијата, наместо да се најде решение за трајно затворање или санација.Граѓаните реагираат со протести, блокади и јавни собири, барајќи итни мерки. Но, наместо конкретни решенија, јавноста повторно слуша само меѓусебни обвинувања меѓу политичарите – кој е крив, а кој не е. View this post on Instagram A post shared by Скопје1 / Skopje1.mk (@skopje1mk)

Скопје | пред 4 месеци

„Скопје - Чернобил“ - Дрисла ги отру граѓаните

Жителите на Аеродром, Ново Лисиче, Кисела Вода, Пинтија и Драчево синоќа повторно дишеа чад и мирис на изгорена пластика. На социјалните мрежи споделуваа фотографии од апликации за мерење на загаденоста, каде параметрите покажуваа високи нивоа на штетни честички.„Дрисла секоја вечер... Пола планини изгореа, депониите горат, а скопјани се борат за воздух“, напиша една скопјанка, додавајќи дека изгледа како властите да живеат во друга реалност.Други пак се пожалија дека „постојано гасат пожари со граници, буквално за сè“, барајќи армијата и полицијата да бидат постојано ангажирани за заштита на здравјето и безбедноста. „Нè гушат секој ден, а ние плаќаме за тоа. Најдете ги виновниците!“, Пишува на социјалните мрежи.Револт предизвика и појавата на чад од Дрисла откако веќе со денови гори Вардариште. „Малку беше Вардариште, па и Дрисла почна да гори! И тоа случајно?! Итно обезбедување на депониите со полиција и камери!“, апелираше граѓанка, додавајќи дека ако институциите не реагираат, жителите сами ќе се организираат.Некои коментари отидоа и подалеку: „Чернобил, реактор 4 во 1986 – Скопје, депонија Дрисла 2025. Ист ефект, друга ера“, стои во една објава.Во меѓувреме, премиерот Христијан Мицкоски денеска изјави дека според мерењата, нема алармантно зголемени параметри на штетни честички. „Тоа е визуелно така, но кога се испитувани параметрите, не се така алармантни. Лошо е да се прави тоа, и има причина зошто се прави. Кому му одговара ова сега? Кога ќе дадете одговор на тоа прашање, ќе знаете кој и зошто го прави“, рече премиерот.И додека Владата повикува на смиреност, скопјани се чувствуваат оставени сами да се борат за здив чист воздух.

Скопје | пред 4 месеци

Вардариште и денеска гори – жителите на Аеродром трет ден по ред блокираат безуспешно

Старата депонија Вардариште повторно е зафатена од пожар, ширијќи густ чад кон населбите во Скопје и претставувајќи сериозна закана за здравјето на граѓаните.Жителите на општина Аеродром веќе три дена го блокираат пристапот до депонијата, во обид да спречат дополнителен истовар на отпад и да го насочат вниманието кон проблемот. И покрај нивните протести, институциите не преземаат мерки, па загадувањето продолжува да расте.Граѓаните се оставени сами на себе, додека токсичниот чад се шири низ Скопје, загрозувајќи го здравјето на илјадници жители.Граѓаните предупредуваат дека ќе останат на блокадите сè додека не се обезбеди трајно решение за Вардариште – депонија која со години претставува симбол на еколошката криза во главниот град.

Скопје | пред 4 месеци