(Видео) Најмалку 22 жртви во Непал поради обилни дождови и поплави

Обилните врнежи од дожд во Непал предизвикаа серија свлечишта и надојдени поплави, при што во последните 36 часа загинаа најмалку 22 лица, а повеќе од десетмина се водат како исчезнати, соопштија тамошните власти.Полицијата потврди дека 18 лица загинале во одделни свлечишта во источниот округ Илам, кој се граничи со Индија. Три лица загинале од удар на гром во јужниот дел на земјата, а едно лице загинало во поплави во округот Удајапур.„Во тек се спасувачки акции за исчезнатите,“ изјави портпаролката на Националната агенција за управување со ризици од катастрофи, Шанти Махат, за агенцијата Ројтерс.Свлечиштата и надојдените реки блокирале автопатишта и урнале мостови, поради што стотици патници останале заглавени на патиштата. Домашниот авионски сообраќај е нарушен, додека меѓународните летови во главниот град Катманду се одвиваат нормално, потврди портпаролот на аеродромот Ринџи Шерпа.Во југоисточниот дел на земјата, реката Коши излегла од своето корито и достигнала опасно ниво, предупредија локалните власти. Протокот на вода бил повеќе од двапати над нормалата, а сите 56 отвори на браната Коши се отворени за да се намали нивото на водата.Главниот град Катманду е делумно изолиран – неколку локални реки излеале и поплавиле улици и домови, а некои населби се целосно отсечени од остатокот на земјата.Свлечишта и поплави се чест феномен во планинскиот Непал за време на монсунскиот период, кој трае од средината на јуни до септември. Секоја година, стотици луѓе ги губат животите во вакви несреќи.Метеоролозите предупредуваат дека дождовите ќе продолжат најмалку до понеделник, а властите преземаат дополнителни мерки за евакуација и помош на населението погодено од катастрофата.

Свет | пред 6 месеци

Мојсоска од Струга: Оние кои го амнестираа ДУИ сега шират манипулации за коалиција на Левица со ДУИ

Чест ми е што сум единствен кандидат од парламентарниот блок од македонските партии и што Левица покажа дека има потенцијал и има капацитет да се тркаме и со големите играчи“, рече пратеничката и кандидат за градоначалник на Струга, Јована Мојсоска. На својата официјална промоција пред стружани посочи дека градоначалничката трка ја трча со надеж и апел дека борбата не може да е однапред прогласена за изгубена.„Ова е порака дека Струга не може секогаш да е паричка за поткусурување меѓу големите играчи, дека не може политиките во Струга да се решаваат во Скопје на лидерски маси, дека Македонија е подалеку и од Групчин, и дека овој дел од Македонија не треба да биде заборавен, и да биде предмет за нечии коалициски апетити“, истакна Мојсоска.Во однос на црната кампања и обвинувањата дека Левица соработува со ДУИ, Мојсоска одговори дека за разлика од ВМРО-ДПМНЕ, Левица никогаш не амнестирала заедно со ДУИ, ниту пак дозволила функционери како Артан Груби да избегаат неказнето.Според неа овие избори ќе бидат најбрутални.„Апел на овие избори ќе биде дека не можеме 35 години нашиот глас да го продаваме за работно место, за работа во државна администрација. Таквите политики што сега ќе ги гледаме каде ќе уценуваат и купуваат гласови, стигна до тоа во Македонија секоја година да ни се случува една колективна трагедија од системски пропусти“, изјави Мојсоска.Таа истакна дека корупцијата, партизацијата и нефункционалниот систем чинат човечки животи, а борбата против овие појави е нејзината најголема мотивација и причината поради која е дел од Левица. „Верувам дека нема ништо поскапо од човечкиот образ“, порача Мојсоска.

Македонија | пред 6 месеци

Зелен Хуман Град со порака: „Стоп на геноцидот во Газа!“ – протест се одржа во Скопје

„Стоп на геноцидот во Газа! Излези денес на протестот и кажи гласно – не во мое име!“ – со оваа порака движењето Зелен Хуман Град ги повика граѓаните да се приклучат на вчерашниот собир во знак на поддршка за палестинскиот народ и осуда на насилството во Газа.„Имаме должност да не молчиме за суровата реалност со која се соочуваат нашите браќа и сестри од Палестина,“ порачаа организаторите. Тие потсетуваат дека, според Канцеларијата за човекови права на Обединетите нации, 70% од жртвите во Палестина се жени и деца, а УНИЦЕФ ја опиша Газа како „детска гробница“.Во нивното соопштение се наведува и поширока критика кон системите што, според движењето, ја одржуваат глобалната нестабилност.„Ниту една војна на светот не е изолирана или случајна. Тие произлегуваат од истиот систем во кој империјализмот ги исцртува границите и поттикнува ривалства, додека капитализмот профитира од продажба на оружје, повторна изградба на уништените градови и експлоатација на ресурси – без оглед на цената во човечки животи,“ стои во повикот.„Окончувањето на конфликтите не значи само прекин на огнот, туку и укинување на системите во кои војната е профитабилна, а мирот неисплатлив. Секој од нас заслужува мир, заштита и иднина,“ завршува пораката на Зелен Хуман Град.

Скопје | пред 6 месеци

Мистериозен „хакирачки напад“ без последици? МВР истражува кој праќа пораки за хакирање на Мицкоски и Тошковски

Помина една недела откако од електронска пошта именувана како „Косова Приштина“ до медиумите беше испратен мејл со наводи за хакерски напад врз мејловите на највисоките државни функционери, меѓу кои премиерот Христијан Мицкоски и министерот за внатрешни работи Панче Тошковски.Во пораката, испратена и до „Скопје1“, се тврдеше дека ќе има „специјално хакирање во живо“ за време на Дигиталниот самит што се одржа на 1 и 2 октомври во Скопје. Дополнително, во јавноста почнаа да кружат и листи со наводни кориснички сметки и лозинки на државни институции – меѓу нив Министерството за надворешни работи, Министерството за образование, Министерството за транспорт и врски и Општина Гостивар.Во мејлот до медиумите беа доставени и наводни лозинки и кориснички податоци за е-поштата на премиерот Мицкоски и министерот Тошковски.Сепак, ниту една институција досега не пријавила конкретни последици од ваков напад.Од МВР за „Скопје1“ изјавија дека секторот за компјутерски криминал презема активности за утврдување на вистината.„До овој момент во секторот за компјутерски криминал при МВР нема поднесена пријава за таков случај. Секторот по допрен глас презема мерки за откривање на сторителите и расчистување на случајот,“ соопштија од Министерството.Не е познато дали наведените податоци претставуваат вистински безбедносен пробив или пак станува збор за обид за спин во пресрет на ИТ-самитот во Скопје.

Македонија | пред 6 месеци

Додик во Сочи со Путин: време е Русија и САД да создадат комисија за Балканот

Поранешниот претседател на Република Српска, Милорад Додик, се сретна со рускиот претседател Владимир Путин во Сочи, каде го повикал да не го заобиколува Балканот во дијалогот со американскиот претседател Доналд Трамп и да помогне во изнаоѓање трајни решенија за регионот, јавува руската агенција ТАСС.Додик во интервју по средбата, која се одржа во рамки на форумот „Валдај“, предложил формирање на посебно тело за стабилизација на регионот.„Го замолив претседателот Путин да обрне внимание на прашањата што би можеле да имаат значајна улога во преговорите што Русија ги води со САД. Доколку се постигне договор меѓу двете сили, важно е Балканот да не остане надвор од тој процес. Најисправно би било Русија и САД, во рамките на еден заеднички договор, да создадат комисија за Балканот која би помогнала да се изработат трајни решенија и да се воспостави стабилност во регионот,“ изјави Додик.Тој додаде дека со Путин разговарал и за економска, културна и спортска соработка, нагласувајќи дека во сегашните услови двете страни треба да го планираат развојот на меѓусебните односи. Како пример, Додик го спомна учеството на кошаркарски клуб од Република Српска во руската ВТБ лига.Посебен акцент ставил на, како што рече, „стратешката поддршка на Русија во Советот за безбедност на Обединетите нации“, особено во однос на темите што се поврзани со Босна и Херцеговина.Осврнувајќи се на неодамнешните инциденти со дронови во Европа, Додик ги оцени како „дел од глобалната провокација на Западот против Русија, што трае со децении“.„Сите овие обвинувања дека Русија е агресор и дека претставува закана за Европа се лага. Русија е најблиску до концептот на просперитетна и богата држава. Нејзината специјална воена операција беше одговор на долгогодишните провокации и обиди на Западот да ја искористи Украина како инструмент против Москва,“ изјави Додик, додавајќи дека, според него, „тие планови пропаднаа“.

Свет | пред 6 месеци

(Видео) Русија повторно ја нападна Украина – Полска крена борбени авиони во готовност

Рано утринава Русија продолжи со воздушни напади врз Украина користејќи дронови и ракети, при што беа погодени повеќе региони, вклучително и западниот дел на земјата. Поради близината на нападите до нејзината граница, Полска соопшти дека ги активирала своите борбени авиони и противвоздушните системи за заштита на националниот воздушен простор.Според гувернерот на Запорожје, Иван Федоров, во таканаречениот „комбиниран напад“ животот го загубила една жена, а уште девет лица се повредени. На неговиот канал на „Телеграм“ беа објавени фотографии од местото на настанот, на кои се гледа делумно урната стамбена зграда.Украинската служба за итни интервенции (ДСНС) објави видео со последиците од нападот, додека целата земја утрово, од четири часот, беше под предупредување за воздушен напад. Според украинското воздухопловство, станува збор за масовни руски ракетни и беспилотни напади.Полска реагираше веднаш, потврдувајќи дека нејзините и сојузничките авиони дејствуваат во рамките на воздушниот простор на НАТО.„Полските и сојузничките авиони се активни над нашето небо, додека противвоздушните и радарските системи се ставени во највисок степен на готовност“, соопшти полското оперативно командување на платформата Х.Членките на НАТО на источниот фронт се во состојба на висока подготвеност, откако во септември Полска собори неколку сомнителни руски дронови во својот воздушен простор. Во меѓувреме, појавите на дронови и воздушни инциденти, како оние во Копенхаген и Минхен, предизвикуваат сериозни нарушувања во европскиот воздушен сообраќај.Летонскиот аеродром во Вилнус исто така беше затворен неколку часа во текот на ноќта, по дојави за можен прелет на повеќе балони кон пистата.Во последните денови, руската армија ја засили својата офанзива како што паѓаат температурите, особено насочувајќи се кон украинските енергетски објекти. Според украинските власти, оваа недела Русија ја спроведе најобемната кампања против гасната инфраструктура, додека саботните напади оставија околу 50.000 домаќинства во регионот Чернихив без електрична енергија.

Свет | пред 6 месеци

Трагедија во Индонезија: 36 ученици загинаа при уривање на верско училиште

Бројот на ученици чии животи згаснаа по уривањето на зградата на исламскиот интернат во Индонезија се искачи на 36, соопшти денеска Агенцијата за управување со катастрофи. Пред само два дена бројката изнесуваше 16.Потрагата по исчезнатите продолжува веќе седми ден по ред. Спасувачите сè уште ги бараат телата на 27 ученици, најмногу тинејџери на возраст од 13 до 19 години, за кои се претпоставува дека се заробени под урнатините.Од Агенцијата информираат дека потрагата и евакуацијата се завршени околу 60 проценти и дека очекуваат расчистувањето на сите остатоци и завршувањето на операцијата до понеделник. На терен се распоредени кранови и друга тешка механизација за отстранување на урнатините.Несреќата се случи минатиот понеделник во градот Сидоарџо, во покраината Источна Јава, кога се урна зградата на верската училишна установа „Ал Хозини“. Зградата се срушила во моментот кога стотици ученици се собирале за попладневната молитва. Според првичните информации, темелите не можеле да ја издржат тежината на дополнително надградената конструкција на четвртиот кат.Во петокот, спасувачките тимови добија дозвола од родителите на учениците да употребат тешка механизација, откако претходните денови не биле пронајдени никакви знаци на живот. Тие копале тунели низ урнатините, повикувајќи ги учениците по име и користејќи сензори за движење, но без успех.

Свет | пред 6 месеци

Биткоинот достигна рекордна вредност од 125.000 долари – највисока во историјата на криптовалутата

Биткоинот, најголемата и најпозната криптовалута во светот, првпат во својата 17-годишна историја ја надмина вредноста од 125.000 американски долари, поставувајќи нов историски рекорд.Според податоците на платформата CoinGecko, вредноста на биткоинот скокнала на нов максимум во текот на азиското тргување, со промет од речиси 50 милијарди долари во последните 24 часа.Како што растел интересот и купувањето на инвеститорите, во само еден час биле изгубени околу 100 милиони долари во обиди за обложување на пад на вредноста на биткоинот, покажуваат податоците на CoinGlass. Во последните 24 часа, над 200 милиони долари од тие „кратки позиции“ морале да бидат затворени – што значи дека инвеститорите кои очекувале пад биле принудени да купуваат биткоин за да ги покријат загубите. Таа масовна присилна купопродажба дополнително ја зголемила цената.Растот е поттикнат од комбинација на поволни глобални економски услови и сè поголем интерес од институционални инвеститори. Според повеќе аналитичари, побарувачката за биткоин веројатно ќе продолжи да расте, и покрај сигналите за забавување на крипто-пазарот од почетокот на неделата.Само во последната недела, вредноста на биткоинот се зголеми за околу 14 проценти. Според CNBC, скокот се должи на интересот на инвеститорите кои бараат „сигурно засолниште“ за своите средства, откако американските законодавци не успеаја да постигнат договор за федералниот буџет, што доведе до блокада на владините служби.„Овојпат затворањето на владата има реално влијание“, вели Џеф Кендрик од Standard Chartered Bank. „Во претходното затворање за време на Трамп, биткоинот беше во поинаква фаза и не реагираше значајно, но денес неговото движење е многу поврзано со ризиците што ги носи американската економија.“Од Standard Chartered предвидуваат дека биткоинот наскоро ќе достигне вредност од 135.000 долари, доколку се задржи трендот на раст.Покрај криптовалутите, инвеститорите вложуваат и во злато како сигурна актива – цената на благородниот метал порасна за 0,5% и достигна 3.876 долари по унца. И индексите на берзите, како S&P 500 и Nasdaq, забележаа раст од 0,5% и 0,27% соодветно, што укажува на зголемена активност на пазарите и покрај геополитичките неизвесности.

Свет | пред 6 месеци

Вредноста на доларот падна на светските пазари поради застојот во државните служби и очекувањата за ново намалување на каматите

На меѓународните финансиски пазари минатата недела вредноста на американскиот долар опадна во однос на кошницата светски валути, под влијание на привремениот прекин во работата на сојузните служби и очекувањата дека Федералните резерви ќе продолжат со намалување на каматните стапки.Индексот на доларот, кој ја мери вредноста на американската валута во споредба со шест водечки светски валути, падна за 0,5 проценти и изнесува 97,71 поен.Доларот ослабе и во однос на еврото за 0,3 проценти, при што курсот на еврото достигна 1,1740 долари. Во однос на јенот, падот беше уште поизразен – за 1,4 проценти, па вредноста на доларот се спушти на 147,45 јени.Според аналитичарите, прекинот во работата на американските државни служби, предизвикан од неможноста на републиканците и демократите во Конгресот да постигнат договор за финансирање, дополнително ги засилил стравувањата за состојбата на економијата.„Недостигот на макроекономски извештаи нè остава без реална слика за состојбата во економијата. Доколку прекинот потрае, загриженоста на инвеститорите ќе се зголемува“, изјави аналитичарката Џајати Бхарадвеј од TD Securities.Дополнителен притисок врз доларот вршат и очекувањата дека американската централна банка ќе продолжи со намалување на каматните стапки, откако најновите податоци покажуваат забавување на пазарот на трудот – главниот аргумент за последното намалување на каматите за 0,25 процентни поени.Инвеститорите предвидуваат дека до крајот на годината Федералните резерви би можеле уште двапати да ги намалат каматите – во октомври и во декември. Дел од гувернерите го поддржуваат овој пристап, додека други сметаат дека не треба да се брза, бидејќи инфлацијата сè уште е повисока од целните 2 проценти.

Свет | пред 6 месеци

Ако Заев земал куферче со пари од Борисов, сега какво куферче бугарски пари земал Филипче за актуелниот трик наречен црвени линии, велат од ВМРО-ДПМНЕ

“Лагите, триковите се карактеристика за раководството на СДС, поточно на актуелниот претседател Венко Филипче и неговиот струмички гуру Зоран Заев”, велат од ВМРО-ДПМНЕ и додаваат:Филипче сега зборува за некакви црвени линии кон Бугарија, но тој како и неговиот другар Заев се веќе прочитани.Повеќе од очигледно е дека црвените линии на Филипче се само еден подарок од СДС за Бугарија, или уште едно попуштање кон Бугарија. Или, уште една бонбона бизнис од СДС за Бугарија.Се сеќаваме на кажувањата на поранешниот премиер на Бугарија, Бојко Борисов дека финансиски ја помогнал СДС и тоа директно, поточно преку куферче пари за менторот на Филипче, Заев.Прашањето сега е, ако Заев земал куферче од Борисов, сега какво куферче земал Филипче?ВМРО-ДПМНЕ нема да дозволи распродавање на ништо што е од Македонија, или тоа  што за Филипче е добро, за граѓаните и за Македонија значи само едно, ново предавство.За црвените линии на Филипче кои значат само уште еден бонбона бизнис од СДС за официјална Софија, сега има пречка, а тоа е  ВМРО-ДПМНЕ.Затоа, сега вистинскиот избор е ВМРО-ДПМНЕ.

Македонија | пред 6 месеци

Нова порака од Ќосето: Народот не заслужува никој да мрдне со прст за него, осум години скапувам за да ме викаат предавник

Горан Ангелов – Ќосето, еден од осудените за настаните од 27 април 2017 година во Собранието, испрати нова порака од затвор преку социјалните мрежи. Во неа, тој вели дека веќе осум години издржува казна „за Македонија“, оддалечен од своите деца, кои, според него, „пораснале без него“.Ангелов се жали дека е нарекуван „предавник“ од македонски граѓани, иако, како што пишува, се жртвувал и во воениот конфликт од 2001 година, јавно замерувајќи се и со Бугари и со Албанци.„8 години скапувам за Македонија, 8 години децата не си ги видел, пораснале! И Македонците, ради некој клип исечен, монтиран, додаван – замислете си, Македонците ти пишуваат ‘предавник’, а ти сè уште лежиш за тие што немаа храброст да сторат нешто“, напиша Ќосето.Тој додава дека е свесен за својата жртва, но смета дека народот „не заслужува со рака да мрдне човек за него“. Во пораката посочува дека „црното добро му стои“, а негативната кампања против него ја гледа како „реклама“.Ангелов е еден од осудените на повеќегодишна затворска казна поради насилниот упад во Собранието на 27 април 2017 година.

Коментари | пред 6 месеци

„Скопје умира во тивок сообраќаен хаос“

Режисерот Вардан Тозија остро реагира на урбанистичките политики во Скопје и предупредува дека градот се гуши во тивка смрт, предизвикана од неконтролираното градење.„Сметал сообраќајниот метеж. Стрпете се, ова е само почеток. Низ Центар, клучната транзитна точка на Скопје, стотици нови гипс-картонски диво-згради се креваат насекаде. Десетици илјади грла ќе се истоварат во тие бедни кутии. Повеќето без обезбедени паркинг места, секако,“ вели Тозија.Тој нагласува дека новите згради значат дополнителен сообраќаен колапс кој секој жител ќе го почувствува во секојдневието.„Сите, не само Центарци, ќе трошат барем половина час повеќе во смогот за да си дојдат во својот дом. Ако некого го интересира, тоа се отприлика дополнителни 120 дена поминати во автомобил или градски превоз во тек на само 20 години. На 600 илјади жители, тоа се 72 милиони денови украдени од вашите деца, родители, брачни партнери, болни, стари, пријатели,“ посочува тој.„Ете така се убива еден град, засекогаш. Оваа тивка смрт ни ја подари еден потпросечен гад, неговиот грст центарски советници и дузина усмрдени инвеститори. Големите партии не смеат да писнат, мора сите да го поддржат овој месија на црниот капитал. Убиството има различни лица, треба само малку да се подразмисли,“ заклучува Тозија.

Коментари | пред 6 месеци

Купил пиштол од Скопје, го викнал на кафе и го убил во Штип - планот го знаеле уште три лица ама не реагирале - поднесено обвинение за убиството

Основното јавно обвинителство Штип поднесе обвинителен акт против пет турски државјани осомничени за убиството на Енес Оздемир, кое се случи во мај годинава.Еден од нив се товари за директно извршување на кривичното дело „убиство“ и за неовластено поседување оружје, додека тројца обвинети ќе одговараат за помагање при извршување на делото. Петтата обвинета, пак, се товари за помагање на сторителот по извршување на тешкото кривично дело.Според обвинението, првообвинетиот, 21-годишен турски државјанин без регулиран престој во Македонија, на почетокот на мај во Скопје нелегално купил полуавтоматски пиштол марка „FEG“, калибар 9 мм, со избришани ознаки. На 8 мај преку мобилна апликација се договорил да се сретне со жртвата во кафе-бар во центарот на Штип. По краток разговор, обвинетиот извадил пиштол и испукал неколку куршуми, нанесувајќи му шест прострелни повреди на Оздемир, од кои починал.Тројцата сообвинети, иако знаеле за намерата на извршителот, му обезбедиле сместување, логистика и превоз до Штип, а му помогнале и во набавката на оружјето. По убиството, сите заедно се обиделе да се вратат во Скопје, при што петтата обвинета со свој автомобил се обидела да му овозможи бегство на убијцата, кој излегол од возилото пред патарината „Миладиновци“. Таму подоцна бил фатен и приведен од полицијата. Останатите четворица биле запрени на патарината и лишени од слобода.Обвинителството побара продолжување на мерката притвор за четворица обвинети, додека за петтата остануваат претходно определените мерки на претпазливост.

Македонија | пред 6 месеци

„Фала на ЈП Комунална хигиена Скопје што ни ги бутна контејнерите и замина, ова според нив е исчистено“, реагира жителка на Аеродром

Скопјани и натаму реагираат бидејќи градот тоне во смет. За Комунална хигиена, празнењето на контејнерите е завршена работа кога во прашање е сметот... додека тоа што е околу нив - сметаат дека не е нивна обврска.Жителка на „Џеваир“ во Аеродром сведочи дека Комунална хигиена освен што оставила смет, според неа, го бутнале и контејнерот кој го корева робот.Како никогаш претходно, проблемот со сметот во главниот град се случува откако со него раководи Данела Арсовска, а со претпријатијата раководат нејзини кадри.

Скопје | пред 6 месеци

Потресно сведоштво од Скопје: Мајка без струја и без работа, се бори да ја спаси ќерката од анорексија

Силвана Бркулјан на социјалните мрежи сподели искуство кое ја потресе јавноста – средба со жена од Скопје која, во борба за опстанок, побарала помош за најосновни работи: две банани и батерии.„20 часот, истура дожд. Автомобилите ги прскаат пешаците, дува ветер. Стојам на семафор кога една жена, слаба и видно потресена, се доближи и ме праша: Можам ли да ве замолам нешто? Потоа рече: Можете ли да ми купите две банани и дебели батерии во Стокомак?“, пишува Бркулјан.Таа прифаќа, и двете заминуваат кон продавницата. На патот, жената признава дека батериите ѝ се неопходни бидејќи ѝ е исклучена струјата – единственото светло во домот ѝ е сијалица што работи на батерии.Најпотресно е сведоштвото за ќерката:„Ќерка ми боледува од анорексија. По долга борба конечно почна да се опоравува и сега има 36 килограми. Но храната која ѝ е потребна е скапа и специфична. Јас останав без работа, маж ми нè напушти. Барам работа, макар и неколку часа дневно, но никој не сака да ме ангажира. Морам да бидам покрај неа цело време затоа што има проблеми со дишењето и тахикардии“, изјавила жената.Иако во маркетот Бркулјан ја замолила да земе сè што е потребно за болното дете, жената се ограничила на минимални количества, со благодарност и видлива воздржаност.На излезот од продавницата, вработена потврдила дека жената веќе неколку пати доаѓала и барала работа, но била одбиена бидејќи може да работи само неколку часа дневно.„Не ми се заблагодарувајте за леб и за лек,“ ѝ рекла Бркулјан, а жената возвратила:„Се заблагодарувам за вниманието. Не знаете колку понижувања доживувам секој ден.“Бркулјан заклучува дека го споделува сведоштвото со единствена цел – да се најде помош за оваа мајка и нејзината ќерка.

Коментари | пред 6 месеци

(Видео) Син на британски милионери уапсен во Бангкок – во куфер му пронашле 9 килограми дрога, му се заканува смртна казна

Тајландската полиција уапси 23-годишен британски државјанин под сомнение дека се обидел да прошверцува голема количина наркотични средства.Џорџ Вилсон од Бакингемшир бил приведен во хотел во Бангкок, каде што, според полицијата, во неговиот куфер биле пронајдени 9,1 килограм кристален метамфетамин – дрога позната и како „ајс“. Пакувањата биле сокриени во алуминиумски кеси со ознаки за чај.Тајландската метрополитенска полиција соопшти дека против него е поднесена обвинителна пријава за поседување наркотични средства од прва категорија со намера за продажба. Во Тајланд ваквото кривично дело се казнува со доживотен затвор или дури со смртна казна.Официјално е наведено дека полицијата претходно добила дојава за можна примопредавање на дрога во хотелот кој го следеле, по што била спроведена рација и Вилсон бил уапсен. Снимките од апсењето прикажуваат како тој негира дека знаел што има во куферот.Британското Министерство за надворешни работи потврди дека е во контакт со тајландските власти по апсењето на својот државјанин, но засега нема дополнителни информации. Семејството на уапсениот и неговите адвокати сè уште не се огласиле.Медиумите во Британија јавуваат дека Вилсон потекнува од исклучително богато семејство, чии родители се занимаваат со организација на големи концерти и поседуваат имот вреден милиони евра.

Свет | пред 6 месеци

Десетина летови пренасочени, хаос на аеродромот во Минхен

Двете писти на аеродромот во Минхен синоќа беа затворени по вторпат за помалку од 24 часа, откако службите повторно пријавија забележани дронови над аеродромското подрачје. Германската контрола на летање, како мерка на претпазливост, ги ограничи летовите и ги запре сите слетувања и полетувања до понатамошно известување, соопшти управата на аеродромот.Според податоците од системите за следење на летови, најмалку два авиона кои летаа кон Минхен кружеле во близина на аеродромот, а најмалку десет планирани пристигнувања биле пренасочени по 20:35 часот. Од аеродромот посочија дека, доколку летовите не се обноват истата вечер, бројот на патници кои ќе останат заглавени би можел да биде поголем од претходниот ден, кога околу 3.000 лица преноќија на терминалите.Германскиот министер за внатрешни работи, Александер Добриндт, најави законски измени со кои ќе се олесни постапката полицијата да побара ангажирање на вооружените сили за неутрализирање дронови што ја загрозуваат безбедноста на воздушниот сообраќај.

Свет | пред 6 месеци

Израел ја намалува офанзивата во Газа, Хамас подготвен да ослободи заложници

Израелските власти и наложија на армијата да ги намали офанзивните активности во Газа, откако беше соопштено дека земјата се подготвува за „итна имплементација“ на првата фаза од планот на американскиот претседател Доналд Трамп за иднината на палестинската енклава, јавуваат израелските медиуми.Оваа одлука следува по реакцијата на Хамас, кој објави дека е подготвен да ги ослободи сите израелски заложници, како што е предвидено во планот. Сепак, организацијата најави дека ќе бара дополнителни преговори за деталите на ослободувањето, како и за клучните прашања поврзани со управувањето со Појасот Газа и можноста за разоружување на милитантната група.Трамп претходно постави рок до недела вечерта за Хамас да постигне договор, нарекувајќи го тоа „последна шанса“ за оваа палестинска организација.

Свет | пред 6 месеци

Трамп сака Нобелова награда за мир, експертите велат дека нема шанси

Американскиот претседател Доналд Трамп јавно изјави дека сака да ја добие Нобеловата награда за мир, чиј добитник ќе биде објавен следниот петок, на 10 октомври. Но, експертите предупредуваат дека неговите шанси се мали во споредба со оние кои тивко и посветено работат на решавање на „заборавените“ конфликти во светот.Трамп оваа недела рече дека би било „навреда“ за Соединетите Држави доколку не ја добие наградата, тврдејќи дека завршил „шест или седум војни за неколку месеци“, иако аналитичарите тоа го сметаат за големо претерување. Според историчарите во Осло, каде што се носат одлуките за наградата, Трамп воопшто не се вклопува во идеалите на Нобел, бидејќи неговата политика „Америка на прво место“ е спротивна на принципот на мултилатерална соработка.„Тоа е незамисливо“, вели Оеивинд Стенерсен, норвешки историчар кој ја проучува Нобеловата награда.„Наградата за мир е поврзана со заштита на меѓународната соработка, а Трамп постојано ја руши“.Оваа година се номинирани 338 поединци и организации, но нивните имиња се тајна половина век. Меѓу потенцијалните фаворити се локални мировници во Судан, регионот Сахел и Африканскиот рог, кои работат под ризик да ги спасат своите заедници. Споменати се и меѓународни организации како „Комитет за заштита на новинарите“ и „Репортери без граници“, особено по смртоносната година за новинарите, особено во Појасот Газа.Според аналитичарите, меѓу можните добитници е и Јулија Навална, вдовица на рускиот опозициски лидер Алексеј Навални. Минатата година наградата ја доби јапонската организација „Нихон Хиданкјо“, која ги претставува преживеаните од атомските бомби и се бори за забрана на нуклеарно оружје.Покрај наградата за мир, вниманието е насочено и кон Нобеловата награда за книжевност, која ќе биде објавена на 9 октомври. Во литературните кругови фаворит е швајцарскиот писател Кристијан Крахт, кој важи за најзначаен современ автор на германското јазично подрачје.Претходно ќе бидат соопштени добитниците во научните категории: медицина (понеделник), физика (вторник) и хемија (среда), а сезоната на Нобелови награди ќе заврши на 13 октомври со економијата.Наградата се состои од диплома, златен медал и паричен износ од околу 1,2 милиони долари.

Свет | пред 6 месеци

Ситуацијата е критична: Итно да се врати напојувањето во нуклеарната централа Запорожје

Главниот директор на Меѓународната агенција за атомска енергија (МААЕ), Рафаел Гроси, изјави дека со Русија и Украина се разговара за предлози за враќање на надворешното електрично напојување во нуклеарната централа Запорожје, најголемата во Европа.Централата со шест реактори е под контрола на руските сили од првите недели на инвазијата. На 23 септември беше исклучена од надворешно напојување по десетти пат од почетокот на војната. Иако централата не произведува електрична енергија, горивото во реакторите се лади со помош на дизел-генератори за итни случаи.Гроси нагласи дека враќањето на напојувањето е од клучно значење, додавајќи дека двете страни изразиле подготвеност да извршат неопходни поправки на своите делови од мрежата, но дека за тоа мора да се создадат услови техничарите да можат безбедно да работат.Ситуацијата дополнително ја усложнуваат меѓусебните обвинувања. Рускиот претседател Владимир Путин ја предупреди Украина дека игра „опасна игра“ со нападите во близина на централата, додека украинскиот министер за надворешни работи Андриј Сибиха ја обвини Москва дека намерно ја прекинала врската со цел централата да ја приклучи на руската мрежа. Украинскиот претседател Володимир Зеленски, пак, изјави дека токму Русија стои зад нападот со кој било прекинато напојувањето во објектот.

Свет | пред 6 месеци

(Видео) Рама се пошегува на сметка на Трамп, а снимката стана светска атракција

Албанскиот премиер Еди Рама стана тема на светските медиуми откако за време на Самитот на Европската политичка заедница во Копенхаген се пошегува на сметка на американскиот претседател Доналд Трамп.Трамп, во повеќе наврати, погрешно тврдел дека помогнал во решавањето на „сукобот меѓу Азербејџан и Албанија“, мешајќи ја Албанија со Ерменија. Рама, алудирајќи на таа грешка, во друштво на францускиот претседател Емануел Макрон и азербејџанскиот претседател Илхам Алиев, на шеговит начин рече:„Треба да ни се извиниш што не ни честита за мировниот договор што претседателот Трамп го постигна со нас.“Макрон ја прифати шегата и веднаш одговори: „Жалам за тоа, момци“, што предизвика смеа кај тројцата лидери.По бројните медиумски извештаи, Рама се огласи на мрежата X, истакнувајќи дека неговата изјава била извадена од контекст.„Навистина е неверојатно како денес функционираат медиумите и како таканаречената ’виралност’ може лесно да ја искриви реалноста. Реченица кажана во добро расположение, во дух на пријателство, одеднаш стана светска атракција на целиот самит, додека вистинската суштина падна во втор план,“ напиша Рама.Тој додаде дека моментот бил „лесна забелешка, пријателски миг“ во друштво со Алиев и Макрон, и дека „не е проблем ако се прошири, но претворањето во политички отров е неправедно“.Интересно, Рама во продолжение истакна и дека има почит кон Трамп:„Вистина е дека претседателот Трамп се покажа како лидер кој ја врати зборот ’мир’ во речникот на Западот по многу години. И да, за исклучително кратко време постигна мир таму каде што други се обидоа, но не успеаја, и тој и понатаму истрајно го бара.“Рама заврши со став дека сè било „ништо повеќе од пријателска шега меѓу луѓе кои, всушност, се големи почитувачи на претседателот Трамп“.

Свет | пред 6 месеци

„Ахмети зборува за историја, а си купува трговски центри“ – порака од Мицкоски

Претседателот на ВМРО-ДПМНЕ и премиер, Христијан Мицкоски, на вечерашниот митинг во Битола изјави дека СДСМ настапува на изборите со слоганот „се бориме за нашиот дом“, но како што рече, токму тие пред година и три месеци го „уништија домот“.„Кога дојдов во Владата, првите одлуки беа враќање на плати кои тие не ги исплатиле и исплата на субвенции што со години ги задржувале. Секој ден ми доаѓаше човек што сведочеше за рушвет, тоа трае и денес. Се сеќавате – половина милион наши сограѓани живееја со 150 денари на ден, инфлацијата беше двоцифрена, а стандардот урнат,“ порача Мицкоски.Тој додаде дека во тоа време „ДУИ биле господарите на економијата, одлучувале за тендери и купувале трговски центри, бензински пумпи и деловни простории“, потсетувајќи и на случаите со „играње фудбалчиња во канцеларија“.Мицкоски се осврна и на критиките од Венко Филипче за зголемувањето на пензиите. „Намерно пропушта да каже дека за година и пол пензиите се зголемени за 5000 денари. Разликата е што тие земаа од пензионерите, а ние испорачавме ветено. За Филипче тоа не се пари, бидејќи е навикнат на јахти и веселби во Дубаи, ама за пензионерите значи многу,“ рече лидерот на ВМРО-ДПМНЕ.Во говорот тој го спомна и лидерот на ДУИ, Али Ахмети. „Тажно е што зборува за историски лекции, а неговиот народ се иселува поради криминалното владеење. Во Владата го зголеми своето семејно портфолио со трговски центар во главниот град, неговите луѓе купуваа скапи деловни простории. Но, не кажува ни збор како ќе ги задржи Албанците дома. Тој игра на етничка карта, а ние пишуваме нова книга – за развиена Македонија каде младите ќе се враќаат,“ порача Мицкоски.

Македонија | пред 6 месеци

Филипче: Економијата е во пад, ништо од балканскиот економски тигар на Мицкоски

Претседателот на Социјалдемократскиот сојуз на Македонија, д-р Венко Филипче, на граѓанската трибина „Се бориме за нашиот дом“, што се одржа во Струга, упати остра критика за економската политика на ВМРО-ДПМНЕ, која доведе до секојдневни негативни економски показатели.Филипче посочи дека Владата на ВМРО ДПМНЕ не исполни ниту едно ветување за подобрување на економијата и на животниот стандард на граѓаните.„Христијан Мицкоски ветуваше дека македонската економија ќе била „балкански тигар“, ветуваше повисоки плати, повисоки пензии, нови вработувања. Што гледаме денес? Платите се топат, сметките за струја, за парно растат. Животот на граѓаните е претворен во секојдневни калкулации што да купат, дали да купат или да платат сметките, односно како да го преживеат месецот“, рече Филипче.Тој додаде дека инфлацијата и натаму ја јаде куповната моќ, а ветената минимална плата од 500 евра сè уште не е реалност.„Барањата за минимална плата од 500 евра остануваат неисполнети. Само за Мицкоски платите биле доволно високи. За неговиот пулен Трајко Славески оваа сегашна плата и таа била многу. Регионот веќе оди напред, државите преземаат мерки за да си ги заштитат граѓаните. Албанија најави минимална плата од 520 евра, ние останавме на 400 евра“, рече Филипче.На трибината, Филипче посочи дека секојдневно економските параметри поради лошите политики на власта се негативни. Странските инвестиции се преполовени, статистиката регистрира пад на индустриското производство, за 2,6% е намален бројот на вработени во индустријата. Сето ова , како што кажа Филипче е доказ дека ВМРО ДПМНЕ ја доведе економијата до колапс, што е далеку од нивните ветувања. Со ВМРО ДПМНЕ и на локално и на централно ниво, државата нема иднина, порача  претседателот на СДСМ, Венко Филипче.

Македонија | пред 6 месеци

Мицкоски: Никој не верува дека СДСМ може да имаат црвени линии, тоа може да биде само уште еден подарок за Бугарија

Претседателот на ВМРО-ДПМНЕ, Христијан Мицкоски на денешниот митинг во Могила во рамки на кампања за локалните избори 2025 година се осврна на политичките пораки кои доаѓаат од политичкиот противник СДСМ, за кој рече на овие предизборни митинзи одвај успеваат неколкумина да се соберат.Мицкоски посочи дека ова раководство на СДСМ партијата ја сведе под биолошкиот минимум и дека после овие избори кај нив ќе следува реконструкција и промени за да дојдат нови млади ликови кои ќе бидат конструктивна опозиција.„Ќе издвојам две политички пораки кои тие во оваа кампања во овие неколку дена ги артикулираат на нивните собири, нивните митинзи. За волја на вистината едвај се собираат. Оваа раководство во СДСМ ја доведе партијата под биолошкиот минимум, под 150 илјади гласа и мислам дека на овие избори ќе се борат жестоко да освојат помеѓу 120 и 130 илјади гласа. Но тој е нивен проблем. Очекувам после овие избори да има таму катарза, реконструкција и нови млади сили коишто ќе донесат нова енергија, кои ќе бидат конструктивна опозиција и ќе работиме заедно на основа на идеи, аргументи, проекти и визија, а не на црна кампања“, рече Мицкоски.Мицкоски се осврна на пораките коишто опозицијата ги испраќа овие предизборни денови, потенцирајќи дека правата е со нивниот документ за некој таканаречени црвени линии, за кој никој не верува дека тие можат да ги имаат.„Првата порака кои тие ја испратија на оваа кампања, па и пред тоа, беше изготвениот документ кои тие го нарекоа резолуција на СДСМ со така наречени црвени линии. Зарем некој денеска, во Македонија може да верува дека СДСМ може да биде патриот и да има црвени линии? Но зад тој документ се крие, прво тоа што ги уриваат тешко повратените минимални, но повратени национални и државни позиции кои владата ги направи изминатите 15 месеци. И второ, тие имаат уште еден подарок за нашиот источен сосед, а тој подарок кој е? Вели претседателот на СДСМ вели еве уште еднаш да ја свиткаме кичмата, без да добиеме ништо, нашите во Пиринска Македонија не нè интересираат“, посочи Мицкоски.Мицкоски истакна дека втората порака која од СДСМ ја испраќаат на овие избори е безмилосна заштита на нивните аргати и лакеи во обвинителството и судството.„Јас испратив една порака и реков дека ние немаме намера да ги поддржуваме тие малкумина корумпирани аргати и лакеи на СДСМ и ДУИ во судството и обвинителството и рековме и овие плати кои ги земаат не ги заслужуваат. Тие не почекаа ни еден ден да помине, уште истиот ден се изредија во првите редови ги бранат ли ги бранат“, рече Мицкоски додавајќи дека МВР спреми со докази голем број предмети, но судството и обвинителството ги чуваат во фиока.Затоа, Мицкоски посочи дека со масовно гласање за број 9 и за ВМРО-ДПМНЕ се прави вистинскиот избор, за твојот човек, за твоето место и за твојата иднина, за да се стави конечно ред и да дојде правда во државата.

Македонија | пред 6 месеци

Вучиќ: „Сите се подготвуваат за војна – тоа значи дека ќе ја има“

Претседателот на Србија, Александар Вучиќ, на свеченото отворање на новата брза железничка пруга меѓу Белград и Суботица изјави дека светот влегува во многу опасен период и дека, според него, „сите се подготвуваат за војна“.„Ќе биде сè потешко во светот. Ќе биде потешко и кај нас, затоа што луѓето мораат да знаат дека сите се подготвуваат за војна. А кога се подготвуваат за војна, тоа значи дека таа и ќе се случи. Јас ви велам – ќе ја има,“ рече Вучиќ, пренесе Telegraf.Според српскиот претседател, глобалните сили веќе не се заинтересирани за разговори и дипломатија, туку исклучиво за конфронтација.„Не ги интересираат разговори и преговори. Ги копаат своите ровови и го чекаат почетокот, а знаат дека војната секогаш ќе дојде. Чекаат и се подготвуваат,“ изјави тој.Изјавата на Вучиќ доаѓа во момент на засилени геополитички тензии во Европа и светот, каде што честопати предупредува дека Србија мора да биде подготвена на сите сценарија.

Свет | пред 6 месеци