Со 83 гласа “за” усвоено намалувањето на ДДВ на струја од 18 на 5 проценти

Собранието го изгласа намалување на ДДВ за струја од 18 на 5 проценти. Сите 83 пратеници гласаа „ЗА“ за законските измени.Од РКЕ ја поздравија искажаната политичка волја со која се прифати намалувањето на ДДВ то. Апелираат сега фокусот да биде проширување на листата на ранливите категории кои ќе бидат помогнати да ги подмируваат фактурите за струја.Намалувањето на ДДВ од 18 на 5 проценти за електричната енергија за опозицијата е обид на власта за манипулација на граѓаните пред избори бидејќи од следната година граѓаните ќе плаќаат драстично повисоки сметки за струја.И покрај тоа што поминаа законските измени, ДДВ ќе биде 5 отсто откако ќе влезе во службен весник. ДДВ то ќе биде 5 отсто до први јули догодина, кога и се очекува да се зголеми на 10 проценти, а веќе од 2023 ќе се врати на 18 отсто.

Македонија | пред 4 години

Џолев, во однос на критиките кон судството: Никаде не зборуваме за успесите, ние работевме и во пандемија, а во Грција судовите се под клуч

Претседателот на Кривичниот суд, Иван Џолев, во однос на критиките кон судството, рече дека не може да се исклучи фактот, дека во една судска постапка освен судија професионалец, учествуваат и судии поротници кои се претставници на граѓанскиот сектор со право на глас исто како и судијата. Тој својот став го сподели на јавната дебата „Истражување и анализа на состојбите со корупцијата во правосудството“ во организација на Државната комисија за спречување на корупцијата.– Никаде не зборуваме за успесите. Во едно време на пандемија, која трае две години, во нашиот сосед Грција судовите се под клуч. За разлика од нив, кај нас се суди и инсистираме да дојдеме до правдата и да се завршат предметите. Во овој период се завршија голем број предмети. Никаде нема пофалба, и не е убаво сами да се фалиме, рече Џолев. 

Македонија | пред 4 години

Мерко: Регионалната депонија која ќе биде помеѓу Битола и Прилеп, во Могила ќе го реши проблемот со сметот

Градоначалникот на Струга, Рамиз Мерко не знае дали ќе биде избран од партијата за нов кандидат за градоначалник за престојните локални избори. Тој вели:„Ова е можеби најлесното прашање и најтешкото прашање, затоа што ова не зависи од мене. Јас само можам да му се заблагодарам на бога и на граѓаните што се спасив од короната, сум во добра кондиција и не се оптоварувам со можноста да работам и натаму. Тоа зависи прво од граѓаните, дали ме сакаат и понатака, а од друга страна одлука ќе донесат и партиските органи“, вели Мерко.Лидерот на ДУИ, Али Ахмети, неодамна објави дека партијата сега е зелена, еколошка, зелена агенда, што подразбира живот во услови по пандемијата, отворање нови работни места. На прашањето. На прашањето дали и Струга ќе биде „зелена“, поточно еколошка Мерко вели:„Ние веќе го користиме името екологија, еколошка, еко ... во многу проекти кои веќе ги работиме. И пред два дена се догаваравме за еден капитален проект, ставивме и име на проектот. Во сите проекти вметнуваме екологија. Треба многу работи да ги прилагодиме на екологијата, односно да ја задржиме екологијата во тие средини“, вели првиот човек на Струга.Тој додава дека овој периот интензивно се работи на проекти во општината.„Имаме доста посети, работиме на многу проекти. Од нив дел се реализирани, дел во иднина ќе се реализираат. Има проекти и активности кои се во домен на централната власт и ние треба да делуваме за да ги придобиеме и да ги реализираме во интерес на граѓаните“, вели Мерко.На прашањето како еколошка Струга кога депонијата е на самиот влез од градот, градоначалникот вели:„Јас во една прилика реков дека „таму може да се оди и на пикник“ , навистина се трудиме да ја одржуваме на највисоко ниво. Многу пати сум рекол и повторно ќе повторам - сметот не е отров, посебно оној од домаќинствата. Ако сметот се потпалува е тогаш е опасен, затоа ова не го дозволуваме. Ние веќе изградивме пункт за пренос на сметот за почеток се договоривме со Дрисла, но тие ни откажаа. Соработуваме со Владата, во 2018 им дадовме и овластување ние општините да собираме смет и да транспортираме, а третирањето на сметот да го прави централната власт. Не велам дека не ни помогнале со средства, но треба да работиме во регионални депонии. Во контакт сум со министерот за животна средина Насер Нуредини, и тој да ни потврди дека регионалната депонија и за Југозападниот плански регион ќе биде помеѓу Битола и Прилеп, во Могила, така што се надеваме дека за брзо време сметот ќе го пренесуваме во таа регионална депонија“, вели Мерко.Разговорот со Мерко може да го проследите во продолжение.

Македонија | пред 4 години

(Видео) Крмов: Власта го шверцува законот за државјанство и нас не става пред свршен чин

„Како е можно еден Закон, до вчера да не носи Европско знамеце, сега одеднаш да стане со Европско знаменце, сега одеднаш да мора да се усогласуваат со некои си европски регулативи, значи такво нешто е невозможно. Тоа е потсмевање со целата јавност практично, посебно и со стручната јавност. Значи најголемиот проблем е тоа што Законот ја крши Европската конвенција за државјанства, којашто ние како држава ја имаме ратификувано. И ние имавме не знам колку гостувања, не знам колку пати зборувавме, покажавме и докажавме зошто ваков системски Закон не се носи во ниедна држава позади затворени врати, мора со јавна расправа, посебно во ваква држава каде што се етничките заедници толку поларизирани, истакна на денешната прес конференција пратеникот од Левица Борислав Крмов.Крмов додаде:На ваков начин шверцување на овај закон претставува кривично дело, и тоа кривично дело за сите потписници во целата фаза на законот како што ќе оди во процедура. Значи почнувајќи од Министерството за надворешни работи, таму ќе биде потписот на министерот Оливер Спасовски, понатаму потписот на премиерот Заев како предлагач од Владата, претседателот Џафери, кој што треба да го пушти во процедура на крај дури и претседателот Пендаровски, кој што треба да го потпише. Сите тие подлежат на кривична одговорност и треба да внимаваат што прават.Ние деновиве сме во изработка на Специјален закон, т.е. на дополнување на Кривичниот законик, кадешто оваа веќе толку зачестена злоупотреба на Европското знаменце ќе ја направиме и кривично дело, кое што ќе биде казниво до 5 години, тоа вчера го објави и претседателот Апасиев.“

Македонија | пред 4 години

Проект за заштита на старите урбани јадра

Општина Охрид е учесник во проектот на тема: Знаење, заштита и вреднување на старите урбани јадра во Република Северна Македонија и Албанија, во организација на Асоцијацијата Места и градови со исклучителни вредности во Франција, која во 2020 година беше еден од победниците на конкурсот „Готов проект“ на Министерството за надворешни работи на Франција со проектот предложен во партнерство со Република Северна Македонија и АлбанијаВо овој проект се вклучени 16 градови од трите држави со поддршка на придружни членки: Министерството за култура на Република Северна Македонија и Министерството за култура на Албанија, Заедницата на единиците на локална самоуправа, Асоцијацијата на архитекти на Македонија како и професионалци и експерти за културно наследство и урбанизам од земјите учеснички, и тоа следните градови :Франција (6): Ремс (Reims), Кале (Calais), Периге (Périgueux), Елбеф (Elbeuf), Ла Реол, (La Réole) и Болие-Ле-Лош (Beaulieu-lès-Loches)Северна Македонија (8): Битола, Охрид, Штип, Велес, Берово, Куманово, Кратово, и КавадарциАлбанија (2): Берат и ЕлбасанОвој двогодишен проект има зацртано три цели: знаење, заштита и вреднување на културното наследство, што пак, упатува на трансверзална работа за спојување на алатки за урбанизам на културното наследство со зголемување на свеста на граѓаните и избраните претставници, како и  промоција на локалитетите.Проектот вклучува соработка меѓу француските, македонските и албанските професионалци, подобрување на размената на искуства меѓу трите земји, иницирање на методи за заедничко работење во однос на културното наследство и јакнење на  професионалните компетенции на партнерите вклучени во проектот (студиски посети и стажирање, работилници, обуки, семинари). За постигнување на очекуваните резултати, француската Асоцијација ќе им даде поддршка на градовите од Северна Македонија и Албанија во креирањето алатки за управување, заштита и вреднување на културното наследство, што пак, ќе овозможи испитување на разни приоди за работа што можат подоцна да се продлабочат (инвентаризација на културното наследство, алатки и активности за медијација, сигналитика на културното наследство). Работните групи редовно ќе одржуваат состаноци што ќе овозможи континуирано следење на активностите со размена на идеи за завршните производи. Преку комуникациски активности ќе се постигне подобро запознавање со проектот и учесниците, зголемување на свеста на населението за културното наследство и поширока промоција.Проектот е конципиран и прилагоден според потребите во двете земји и подразбира вклучување на општините и разни партнери, јакнење на компетенциите на избраните претставници и на стручните лица, креирање алатки за заштита и вреднување на културното наследство како и подобрување на соработката на регионално, национално и меѓународно ниво.Значајна цел на овој проект е да придонесе во размената на искуства и експертиза, корисни за сите партнери учесници.  На тој начин, проектот ќе овозможи: отпочнување конкретни активности со воспоставување оперативни алатки што можат да послужат како база за поголеми проекти; зајакнување на компетенциите на професионалните лица во раководењето, заштитата и вреднувањето на културното наследство; споделување на искуствата во меѓународната мрежа со мултидисциплинарни тимови  и олеснување на реализацијата на проектите преку децентрализирана соработка; зајакнување на медијацијата на локалното население за културното наследство и  присуство на меѓународен план; олеснување на меѓународна мобилност на партнерите во проектот, со цел поголема размена на искуства за време на проектот помеѓу македонските, албанските и француските партнери; овозможување широки видици на учесниците во проектот за збогатување на нивната практична работа; искористување на можноста за промоција на меѓународно ниво на проект кој е победник на француското Министерство за надворешни работи.

Македонија | пред 4 години

Свикана 61-та седница на советот на општина Охрид

На 22 07 Советот на општи а Охрид ќе ја одржи 61-та седница. Предвидени се 8 точки од Дневниот ред и тоа:Усвојување на Записникот од 60-та  седница    Предлог – Одлука за давање согласност на одлуката за утврдување на работното време на вработените во јавната општинска установа за деца – детска градинка „Јасна Ристеска“ – Охрид.Предлог – Одлука за формирање групи во ЈОУДГ„Јасна Ристеска“ – Охрид, со помал односно поголем број деца од законски утврдениот број.Предлог – Одлука за давање согласност на одлуката за пренамена на финансискиот план на ЈОУДГ„Јасна Ристеска“ – Охрид за периодот од 2021 година.Предлог – Одлука за давање согласност на измените на годишниот план за вработување на ООУ„Григор Прличев“ – Охрид за 2021 година.Предлог – Одлука за давање согласност на годишниот план за вработување на ООУ„Григор Прличев“ – Охрид за 2022 година.Предлог – Одлука за изменување и дополнување на одлуката за прифаќање на иницијативата за експропријација на градежно земјиште бр.08-4086/68 од 28.04.2021 година.Предлог – Одлука за отстапување на времено користење простор и спроведување постапка за формирање на Младински центар – Охрид.Предлог – Одлука за долгорочно задолжување на општина Охрид.Седницата ќе се одржи во големата сала во зградата на Општина Охрид, со почеток во 11 часот.

Македонија | пред 4 години

Заев имаше средба со директорот на „Егзит“ и со познати американски спортисти - инвеститори заинтересирани за вложување во индустријата за медицински канабис во земјава

Претседателот на Владата на Република Северна Македонија Зоран Заев ги прими директорот на најголемиот музички фестивал во нашиот регион „Егзит“, Душан Ковачевиќ и гости од Соединетите Американски Држави, успешните спортисти во американски фудбал Ленс Бригс, Турк Мекбрајд и Дони Колдвел, како успешни производители на медицински канабис во САД.Откако претходно ги анализирале можностите за инвестиции во некои други светски региони, гостите на средбата истакнаа дека предностите за инвестиции во индустријата за медицински канабис што ги нуди Северна Македонија ја прават земја од посебен интерес за оваа дејност.Премиерот Заев ги презентираше можностите за отворање фабрики за медицински канабис во Северна Македонија, а инвеститорите презентираа искуства со најнапредна технологија и знаење кои што веќе ги користат во своите погони за одгледување на оваа билка во САД.На средбата со директорот на „Егзит“ и со американските бизнисмени стана збор за предизвиците со кои се соочува музичката и ивент индустријата во текот на пандемијата, при што се разгледуваа и можностите за организација на "Егзит" фестивалски активности и во нашата земја.

Македонија | пред 4 години

Продолжено работно време и работење во викенд за да се одговори на барањата на граѓаните за нови лични документи

Министерот за внатрешни работи Оливер Спасовски денеска го посети Одделението за управни работи-Скопје, при Одделот за граѓански работи, кое периодов работи со продолжено работно време, вклучително и во текот на викендите, со единствена цел, граѓаните кои имаат потреба од издавање на нови лични документи да можат навремено да си го остварат своето право.Имено, од 5 јули, по успешно спроведената завршна фаза на миграција на податоците на новиот, надграден систем, стартуваше издавањето на новите патни исправи и возачки дозволи, усогласени со Уставот, во делот на новото уставно име на државата, во кои се имплементирани и одредбите од Законот за јазици на Република Северна Македонија. Притоа, како што е веќе информирана јавноста, личните документи со името Република Македонија ќе важат до истекот на рокот на важење кој е наведен во документот, а најдоцна до 12 февруари 2024 година.Како што информираа од Одделението за управни работи, овој период секоја година, со исклучок на минатата, е зголемен интересот на граѓаните за добивање на документи, а оваа година, по олабавување на мерките против пандемијата, интересот е енормно зголемен, бидејќи граѓаните во претходниот период не ги обновувале документите, поради затворените граници како последица од Ковид кризата.Така, само во јуни биле издадени околу 42.000 патни исправи, околу 20.000 лични карти и околу 10.000 возачки дозволи, додека во периодот од 05.07.2021 до 14.07.2021, примени се вкупно 41.864 барања за лични документи, имајќи предвид дека дневно во последниве три месеци се регистрираат по околу 3000 телефонски и 1000 електронски закажувања за лични документи. Обрасци од сите лични документи има во доволен број, а издавањето на готовите документи продолжува со несмален интензитет за да им се излезе во пресрет на граѓаните.Инаку, Одделението за управни работи, работеше без прекин во услови на пандемија, за што министерот Спасовски на вработените им упати благодарност за посветеноста и најави реконструкција на објектот, со цел создавање на подобри услови за вработените, но и за граѓаните.

Македонија | пред 4 години

Нема фотографија

Забрането е колење животни на јавни површини, ќе има санкции – МВР со апел во пресрет на Курбан Бајрам

Во пресрет на претстојниот празник Курбан Бајрам, Секторот за внатрешни работи Скопје ги информира граѓаните дека Одделението за превенција деновиве ќе реализира повеќе работни состаноци со граѓанскиот сектор, на кои ќе се укаже на потребата од почитување на законската и подзаконска регулатива за продажба и колење на животни по повод празникот, вклучително и мерките за заштита од ширење на КОВИД-19.Секторот за внатрешни работи Скопје укажува дека годинава по повод празникот, продажбата на добиток, за кој мора да се поседува соодветна документација, ќе се врши исклучиво на Сточниот пазар во село Трубарево, додекa продажбата на други локации, како и колењето на животни на јавни површини, се забранети и ќе бидат санкционирани.Од страна на Одделението за превенција при Сектор за внатрешни работи Скопје во содејство со Агенција за храна и ветеринарство во општините Гази Баба, Чаир, Шуто Оризари и Ѓорче Петров ќе бидат поделени и флаери на граѓаните со цел нивно информирање и едуцирање.

Македонија | пред 4 години

СДСМ: Јанушев осомничен за штета од 5 милиони евра, нема промена во криминалната ВМРО-ДПМНЕ

Никаков нов концепт, никакви нови политики не може да понуди Христијан Мицкоски. Тој е опкружен со лица од режимот, лица кои се во судир со законите. Еден од нив е и Игор Јанушев сегашен пратеник а до неодамна прв соработник на Мицкоски како генерален секретар на ВМРО-ДПМНЕ, се вели во соопштението од СДСМ.Во продолжение на истото се додава:Против Јанушев е покренато обвинение за злоупотреба на службената положба при набавката на кинеските автобуси.Јанушев се сомничи дека го оштетил Буџетот за безмалку пет милиони евра, пари на граѓаните. Со ова обвинение се зголемува бројот на пратеници на ВМРО-ДПМНЕ кои се обвинети и кои се наоѓаат пред судовите. Да потсетиме за истото кривично дело Злоупотреба на службената положба, на обвинителна клупа е и Антонио Милошоски, човек за кого има и пресуди од германски судови.Криминал, деструкција, лажни вести и блокади, тоа е се што нудат Мицкоски и ВМРО-ДПМНЕ.Мицкоски е на браникот на криминалот на режимот и ништо друго, но бегање од правдата нема, секој што се огрешил пред законите мора да сноси одговорност.Можат да се пребојуваат со сите бои, но тоа нема да го сокрие фактот дека во ВМРО-ДПМНЕ предводена од Мицкоски нема никаква промена.Тоа на граѓаните им е одамна јасно, затоа немаат доверба во политиките на Мицкоски, затоа одново ќе го поразат ВМРО-ДПМНЕ на следните локални избори.Со вакви криминални структури, со деструкции и блокади, ВМРО-ДПМНЕ и Мицкоски ќе се соочат со нов пораз на претстојните избори, се вели во соопштението од СДСМ.

Македонија | пред 4 години

Апасиев до Џафери: Албански не разбирам, од денес овие материјали кои ни ги праќате ќе ви ги враќам

Пратеникот Димитар Апасиев од Левица повикувајќи се на член 3 став 4 од Деловникот, на денешната собраниска седница му укажа на претседателот на Собранието Талат Џафери дека ќе ги враќа материјалите ако повторно им бидат доставени двојазично, бидејќи тоа е противуставно и противделовнички.– Ние како Левица овие материјали од денеска ќе ви ги враќаме. Ова на албански јас не го разбирам. Барам во иднина на службите да има кажете дека јас не сум пратеник кој зборува јазик различен од македонскиот, да ми доставуваат материјали исклучиво на македонски јазик – рече Апасиев.Тој исто така го праша Џафери зошто двата закони што тие ги поднеле не се ставаат на дневен ред поднесени во мај и април, потсетувајќи го дека тој е должен во рок од три дена нив да ги достави до пратениците, со што започнува собраниската постапка. 

Македонија | пред 4 години

Пристина најсовремената терапија за лекување на пациенти со Ковид-19

Министерството за здравство информира дека денеска пристигна најсовремениот метод на терапија за пациенти заболени со вирусот Ковид 19, моноклонална „коктел терапија“ со антитела од лековите “CASIRIVIMAB и IMDEVIMAB”, одобрена за употреба од Европската агенција за лекови (ЕМА).Министерството за здравство по бројни преговори успеа да се приклучи кон Заеднички Договор за Рамковна спогодба на кој ексклузивно право имаат земјите-членки на Европската унија, за приоритетна достапност на моноклоналната „коктел терапија“. Рамковната Спогодба со производителот „Hoffman-La Roche, Ltd (Roche)“ – Швајцарија, ја склучија 19 земји членки на ЕУ, нашата држава и Норвешка. Во рамките на Проектот за итно справување со кризата предизвикана од вирусот Ковид 19, реализиран од страна на Светска банка, обезбедени се средства за оваа набавка. Примената на методот на лекување за нашите пациенти, со оваа терапија во моментов не прави единствена земја на Западен Балкан за чии граѓани е достапен овој лек. Терапијата се набавува за потребите на ЈЗУ Клиника за инфективни болести и фебрилни состојби и ќе се аплицира кај не-хоспитализирани пациенти кои се лекуваат од Ковид 19. Со ова се очекува да се намали потребата од хоспитализација на пациенти, соопштија од Министерството за здравство.Казиривимаб и Имдевимаб (порано познат како REGN-COV2 или REGEN-COV2) е коктел од две моноклонални антитела и се дизајнирани специјално за да ја блокираат инфективноста од „SARS-CoV-2,“ вирусот што го предизвикува заболувањето со Ковид 19.Денеска Министреството за здравство информира дека се регистрирани 26 нови случаи на ковид-19, а нема починати пациенти. Активни се 225 случаи.Вкупната бројка на КОВИД-дијагностицирани лица во нашата земја од почетокот на епидемијата изнесува 155.866, бројката на оздравени пациенти е 150.154, на починати е 5.487.На вакциналните пунктови во државата заклучно со вчера вакцинирани се вкупно 440.299 граѓани. Прва доза вакцина вчера примиле 5.401 граѓани, а вчера вкупно се вакцинирале 12.821 граѓани. Во државата вкупно се аплицирани 700.193 дози вакцини, а ревакцинирани се 259.894 граѓани.

Македонија | пред 4 години

На Џолев, медиумите му се криви што судиите се коримпирани

Претседателот на Основниот кривичен суд Скопје Иван Џолев ги обвини медиумите дека имаат и тие вина за перцепцијата кај граѓаните дека судството е корумпирано, со тоа што постојано пишуваат дека судиите се корумпирани, објави  САКАМДАКАЖАМ.МК.„Јас сметам дека граѓаните се корумпирани и никој не пишува за тоа. Лично ми приоѓаат да сум им завршел предмет, отворено пројавуваат намера да дадат и бакшиш или мито, не само кај мене, туку и кај други колеги. Јас им велам:’Ај ве молам!’ Сметам дека за тоа се виновни и медиумите, пишувајќи постојано дека судиите се корумпирани. Практично ги хранат граѓаните со такви информации и ги учат дека на тој начин треба да ја добијат правдата пред судот“, ги критикуваше претседателот Џолев медиумите на денешната дебата организирана од Антикорупциската комисија, за корупцијата во судството.На дебатата и судијата Владимир Туфегџиќ од Основниот кривичен суд кажа дека тежок проблем за судот и особено за судството е што најголемите корупциски предмети кои беа пред пресуда, до еден се вратија на почеток поради пензионирање на поротник. Предложи да се донесат законски измени на тие поротници да им се продолжи мандатот до завршување на судскиот процес од висок јавен интерес, предложи и други решенија и споредби со други земји.Текстот во целост на: САКАМДАКАЖАМ.МК.

Македонија | пред 4 години

Во земјава присутни два, три соја на вирусот Ковид-19, вакцинацијата важи за сите соеви, од есен можни нови рестрикции

Во земјава се активни 207 случаи на заразени со Ковид-19. Министерот за здравство Венко Филипче истакна дека се присутни два, три соја на вирусот, нагласувајќи дека превенцијата и вакцинацијата важат за сите соеви. Имено, вакцинацијата се одвива непречено на сите пунктови низ државата, интересот секојдневно се зголемува, а досега се вакцинирани 686.788 граѓани со една доза, а ревакцинирани се 252.338 граѓани.– Принципите на превенцијата се истите и без разлика кој сој на вирусот ќе дојде ќе останат исти – маската, дистанцата, дезинфекцијата на рацете и ние не можеме да живееме затворени. Граѓаните мора да го имаат ова на ум и да имаат на ум дека станува збор за нивното здравје и кога е во прашање вакцинацијата, но и кога се во прашање превентивните мерки, нагласи Филипче.Ако е голема гужва во ресторан, посочи, не мора сите да влеземе таму, треба да знаеме низ што поминавме и треба да знаеме дека не може се да ни каже државата што да правиме, ние мора да функционираме, а во исто време да водиме сметка за сопственото здравје и тоа е еден многу битен сегмент што ќе остане да важи следните веројатно години колку што ќе трае пандемијата, а тоа никој не знае во овој момент.извор/фото: агенции

Македонија | пред 4 години

Голем шумски пожар беснее над село Белица бродско

Од вчера попладне активен е голем шумски пожар над село Белица бродско. Од огнената стихија зафатена е борова шума и поради тешко пристапниот терен, постои опасност од негово проширување.– Веќе втор ден над село Белица бродско беснее голем шуски пожар. Опожарена е површина обрасната со борова шума и поради тешко пристапниот терен е, речиси невозможно да се интервенира од земја. Причината за овој пожар се уште не е утврдена, но се работи за човечки фактор или гром кој го поттикнал овој пожар, рече Живко Силјаноски, градоначалник на Општина Македонски брод.-Поради тешко пристапниот терен и големата одалеченост, невозможно е од земја да се интервенира на овој пожар. Затоа стапивме во контакт со Дирекцијата за заштита и спасување , тие да интервенираат од воздух со авионите со кои располагаат за гасење на пожари на тешко пристапни терени, додава градоначалникот.

Македонија | пред 4 години

Презентација на нацрт студијата за ревалоризација на Охридското езеро

Како дел од финалните активности за изработката на Студијата за ревалоризација на Охридското Езеро, денеска во Општина Охрид се одржа презентација на последната нацрт верзија на овој важен документ.Студијата се изработува од страна на Меѓународната Унија за Заштита на Природа IUCN ECARO како дел од активностите за донесување на Законот за ре-прoгласување на Охридско Езеро како Споменик на природата.На состанокот покрај претставниците на Меѓународната унија за заштита на природа (IUCN ECARO), Програмата на ООН за животна средина (UNEP), Министерството за животна средина и просторно планирање беа присутни и градоначалникот на општина Охрид, Константин Георгиески, градоначаникот на Општина Струга, Размиз Мерко и градоначалникот на општина Дебрца, Зоран Ногачески.На состанокот се дискутираше за теми поврзани со предложените граници и зони на Охридското Езеро, дозволени и забранети активности, формирање на Управувачко тело, како и запознавање со постапката за ре-прогласување на Охридското Езеро во категоријата Споменик на природата.Во процесот на изработка на Нацрт Студијата за ревалоризација на природните вредности на Охридското Езеро претходно била одржана Јавна консултација, како и низа состаноци со сите засегнати страни.

Актуелно | пред 4 години

Заштита на пчелите поради планираното прскање против комарци

Согласно Законот за заштита на населението од заразни болести (Сл. весник на РМ 66/2004, 139/2008 и 99/2009, 149/2014 и 150/2015), а врз основа на одлуката на Советот на Општина Охрид за спроведување на превентивна систематска дезинсекција на територијата на општина како општа противепидемиска мерка Општина Охрид го издава следното соопштение:Се известуваат граѓаните кои одгледуваат пчели на подрачјето на општина Охрид дека на ден 19.07.2021 год. (понеделник) ќе се спроведе теристичка (од земја) дезинсекција против комарци. Запрашувањето ќе се врши во период од 21 до 06 часот.Теренијалното запрашување ќе се врши на територија на град Охрид и крајбрежниот појас на потег од с. Подмоље до х.Парк и подножјето на планината Галичица (нас. Б.Извори), како и на потег од река Грашница, Коселска Река, крајбрежје од автокамп Љубаништа до комплекс Св.НаумСе молат пчеларите и пчеларските задруги да ги превземат соодветните мерки за заштита на на пчелите.Во случај на појава на неповолни временски услови (ветар, дожд) дезинсекцијата се одложува за следниот поволен ден.

Актуелно | пред 4 години

ФОТО: Владата го утна државното знаме

Владата го промовираше логото по повод јубилејот – 30 години од независноста на државата. Но, го погрешила знамето. Во делот на краците, од Владата додале еден крак плус.Сонцето, уставното име, меѓународниот МК код и бројот 30 се симболите обединети на традиционалната црвена основа со кои се потенцира нашата државност на дизајнот на логото што ќе се користи по повод јубилејот – 30 години од независноста на државата.– Дизајнот на логото е инспириран од македонската државност, од денот кога граѓаните одлучија да имаме независна Република Македонија и од се она што денес нашата Северна Македонија го носи со себе како демократска држава определена за мир, демократија, соработка и развој, информира денеска на прес-конференција портпаролот на Владата, Душко Арсовски.

Македонија | пред 4 години

Нема фотографија

Судскиот совет го разреши врховниот судија Рибарев и уште двајца судии од Штип

Тројцата судии се разрешени поради нестручно и несовесно вршење на судиската функција. 360stepeni.mk повикувајќи се на упатени извори  објави дека разрешените судии се Стојанче Рибарев од Врховниот суд и Сузана Здравева и Зоранчо Мицевски од Апелациониот суд во ШтипСудскиот совет денеска разреши тројца судии. Така одлучила „судската власт“ по расправата по извештаите кои ги прават комисии на известители. Според соопштението од Судскиот совет, сите се разрешени поради „нестручно и несовесно вршење на судиската функција“.– по 1(едно) барање разрешени се 2 (двајца) судии поради нестручно и несовесно вршење на судиската функција и времено се одалечени од вршење на судиската функција и– по 1(едно) барање разрешен е 1 (еден) судија поради нестручно и несовесно вршење на судиската функција и времено е одалечен од вршење на судиската функција, известија од Судскиот совет.Текстот во целост на: 360stepeni.mk 

Македонија | пред 4 години

Јанакиески: Не сум јас тој што треба да седи тука пред вас на оваа обвинителна клупа

Ексминистерот за транспорт и врски, Миле Јанакиески, кој е обвинет дека бил организатор на упадот во Собранието на 27 април, побара ослободителна пресуда. Јанакиески рече дека бил во притвор за околности за кои сега обвинителката Вилма Русковска кажала пред медиумите дека нема докази. Тој очекува да биде ослободен од сите обвиненија.За пораките разменети со ексминистерката за култура, Елизабета Канческа-Милевска, во кои таа бара свирчиња од Јанакиески, обвинетиот рече: „Па со свирчиња ли ги викна некој присутните пред Паркот на жената борец да влезат во Собранието?“„Обвинителниот акт и ваквото постапување на Обвинителството ја наметнува правната несигурност што во основа ја има правната дискриминација базирана на фикции, лажен исказ и претпоставки за вина, а сето тоа се прави како обид да се докаже дека јас сум виновен за дејствата што ми се ставаат на товар со обвинителниот акт. Не сум јас тој што треба да седи тука пред вас на оваа обвинителна клупа“, рече Јанакиески.„Главното прашање што се поставува денеска пред вас е ‘дали за овие 2,5 години слушнавте од Обвинителството: еве го доказот против Миле Јанакиески, еве го доказот дека Миле Јанакиески ги сторил дејствата што му се ставаат на товар?’ Ниту вие, ниту јас, ниту моите бранители ниту, пак, јавноста не слушна, ниту виде. Сето ова време се правеа манипулации и се зборуваше од страна на Обвинителството дека ‘Миле ги координирал комитетите за масовност на протестите’. И, одеднаш, по речиси 2 години судски рочишта, на крајот од постапката – тој дел исчезнува. Излегува обвинителката и вели: ‘Немаме докази’. Па оттука се прикажува нова приказна: ‘Миле ги организира пратениците и протестите’. Е, како е тоа направено? Се јавила Канческа-Милевска и барала свирчиња. Добро, и? Со свирчиња ли ги викна некој присутните пред Паркот на жената борец, кои го извршија актот на насилство да влезат во Собранието? Без поента се целата таа помпезност и презентирањето на тие пораки, кои, за жал, не може ни да се поврзат со обвинението, освен ако, како во случајот, некој си замислил некаква фикција нешто дека е така, па тоа евтино и се надевам безуспешно го продава пред судот и јавноста“, изјави Јанакиески.Во периодот кога се разменувани и пораките што Обвинителството ги презентирало, Јанакиески вели дека немало никакво насилство, ниту нетрпеливост, а во Собранието не се дискутирало за избор на претседател.извор: Макфакс

Македонија | пред 4 години

Денеска регистрирани 18 нови случаи на Ковид-19, нема починати лица

Министерството за здравство информира дека во последните 24 часа се направени 2.798 тестирања, а регистрирани се 18 нови случаи на Ковид-19: Скопје – 11 , Тетово – 6 и Свети Николе – 1 лице.Регистрирани сe 7 оздравени пациенти од: Скопје – 3, Битола, Струмица , Кичево и Берово – по 1 лице.Не се регистрирани починати пациенти.Направени се 2.798 тестови преку: ИЈЗ-142, ЦЈЗ Скопје-45, ЦЈЗ Битола-29, ЦЈЗ Прилеп-28, ЦЈЗ Тетово–18, ЦЈЗ Куманово–22, Клиника за инфективни болести и фебрилни состојби-0, Судска медицина-2, лабораторија болница Козле-0, УК Пулмологија со алергологија 9, ГОБ 8-ми Септември-7, Институт за микробиологија–29, Жан Митрев (Филип Втори)-54, Авицена-169, Биотек-147, Систина-79, лабораторија Лаор-119, Синлаб-146, Ремедика-7, Плодност–25, Генеа–2, Никоб лаб-461, ВФВ Медикал-57, ЈЗУ и ПЗУ (рапид тест) – вкупно 1.201.Досега во земјата се направени вкупно 917.179 тестирања на Ковид-19.Вкупната бројка на Ковид-дијагностицирани лица во нашата земја од почетокот на епидемијата изнесува 155.840, бројката на оздравени пациенти е 150.146, на починати е 5.487, а бројот на активни случаи изнесува 207.Според епидемиолошки анализи во моментов, дистрибуцијата по градови е следна:Скопје 68722, активни 74Куманово 8887, активни 12Прилеп 8328, активни 3Тетово 7312, активни 70Битола 6310, активни 4Велес 5474, активни 0Гостивар 5189, активни 8Кавадарци 5155, активни 2Охрид 5021, активни 11Штип 4961, активни 1Струмица 4123, активни 4Струга 2985, активни 4Кочани 2792, активни 0Кичево 2600, активни 11Гевгелија 2195, активни 0Неготино 2184, активни 0Свети Николе 1525, активни 1Ресен 1234, активни 0Крива Паланка 1227, активни 0Радовиш 1161, активни 0Берово 1032, активни 1Делчево 973, активни 0Дебар 942, активни 1Виница 886, активни 0Пробиштип 789, активни 0Валандово 667, активни 0Богданци 494, активни 0Крушево 490, активни 0Демир Хисар 400, активни 0Демир Капија 396, активни 0Кратово 377, активни 0Македонски Брод 359, активни 0Пехчево 269, активни 0Македонска Каменица 249, активни 0Дојран 132, активни 0фото: Архива

Македонија | пред 4 години

Владата го објави логото под кое ќе се слави 30-годишнината од независноста

Сонцето, уставното име, меѓународниот МК код и бројот 30 се симболите обединети на традиционалната црвена основа со кои се потенцира нашата државност на дизајнот на логото што ќе се користи по повод јубилејот – 30 години од независноста на државата.Логото по повод 30-годишнината од независноста на нашата држава ќе се применува на сите јавни настани на државните институции во претстојниот период и ќе биде достапен на сите граѓани, како дел од визуелизацијата на програмата за одбележување на – 30 години од референдумот за независност.– Дизајнот на логото е инспириран од македонската државност, од денот кога граѓаните одлучија да имаме независна Република Македонија и од се она што денес нашата Северна Македонија го носи со себе како демократска држава определена за мир, демократија, соработка и развој, информира денеска на прес-конференција портпаролот на Владата, Душко Арсовски.Одбележувањето на 30-годишнината од независнсота, посочи Арсовски, ќе биде со проекти кои ќе може да се проследат до месец септември, а кои се поддржани во рамки на петтиот пакет мерки, наменет за индустријата за организирање настани.

Македонија | пред 4 години

Промовиран првиот дигитален читач за лицата со оштетен вид и за други групи како функционална алатка за инклузивност и поголема самостојност

Претседателот на Владата на Република Северна Македонија Зоран Заев, заедно со првиот заменик-претседател на Владата и министер за политички систем и односи меѓу заедниците Артан Груби, како и со министерката за труд и социјална политика Јагода Шахпаска денеска присуствуваа на промоција на дигиталната алатка, аудио читач симболично наречен „Кико“.„Оваа апликација, која е лесно применлива за сите возрасти, користејќи го системот претворање „слика или текст во глас“, ќе овозможи непречена комуникација, непречено движење и целосно вклучување во општеството и достоинствен живот на нашите сограѓани. Исклучително е значајно што со Апликацијата Аудио читач „Кико“, лицата со оштетен вид за прв пат добиваат функционална, современа и соодветна алатка, која во секојдневниот живот ќе им помага и овозможува поголема самостојност и тоа во сите сфери“, истакна премиерот Заев и изрази задоволство што софтвер-апликацијата за првпат ќе им овозможи на над 3.000 слепи и лица со оштетен вид, пишаниот текст да го слушнат и разберат во аудио верзија.Премиерот Заев подвлече дека Владата целосно ја презеде обврската, како членка на Обединетите Нации, да работи постојано на имплементација на Конвенцијата на Обединетите нации за правата на лицата со попреченост.„Нашата земја во 2011 година, ја ратификуваше Конвенцијата на Обединетите нации за правата на лицата со попреченост и оваа Влада целосно ја презеде обврската, како членка на Обединетите Нации, да работи постојано на имплементација на Конвенцијата, притоа обезбедувајќи еднакви права и можности за достоинствен и независен живот на лицата со попреченост, како и на останатите граѓани“, истакна премиерот Заев и ја повика и бизнис заедницата, особено телекомуникациските компании, да изработуваат говорна поддршка за што е можно повеќе услуги.„Апликацијата „Кико“, може да послужи како основа, односно како база, врз која може да се надградуваат други програми, со чија помош, на лицата со попреченост ќе им се овозможи еднакво да учествуваат во градењето на едно здраво и напредно општество и на социјален и на економски план. Да работиме заедно, уште повеќе за надминување и на најмалите бариери во насока на обезбедување еднаков пристап до образование, вработување, здравствен, социјален и културен живот на еднаква основа, за сите граѓани на нашата земја“, подвлече премиерот Заев.Министерката за труд и социјална политика Јагода Шахпаска објасни дека апликацијата, освен лицата со оштетен вид, може да ја користат и лицата со тешкотии во учењето, лицата со дислексија и сите оние лица кои информациите најдобро или полесно ги разбираат во аудио формат.„Грижата за ранливите категории на граѓани, за нас како Влада и посебно како Министерство за труд и социјална политика е приоритет. Градиме политики и преземаме активности за да одговориме на нивните потреби. Мотото на лицата со попреченост „ништо за нас - без нас“ е основата на која се темелат нашите политики кои ги градиме заедно со лицата со попреченост“, рече министерката Шахпаска и додаде дека за разлика од порано, кога се слушаа роботски гласови, сега ауди-читачот звучи природно, лесно разбирливо, и е достапна во мобилна и десктоп верзија создадена согласно современите технолошки трендови.Постојаната претставничка на Програмата за развој на Обединетите нации, УНДП, Нарине Сахакјан истакна дека Конвенцијата ја потврдува максимата за уживање и почитување на сите човекови права и фундаментални слободи на сите, но посебно внимание посветува на заштитата на достоинството на лицата со попреченост.„Со денешното претставување на „Кико“, верувам дека сме чекор поблиску кон вистинско остварување на таа заложба. После повеќе од десет години напорна работа и посветеност во поддршката на националните партнери за исполнување на начелата од Конвенцијата на ОН за правата на лицата со попреченост, денеска „Кико“ претставува многу значајно достигнување во таа заложба“, рече постојаната претставничка на УНДП, Нарине Сахакјан.Претседателот на Сојузот на слепи лица Жарко Селковски, рече дека алатката е од големо значење бидејќи самостојно слепите лица може да работат, читаат, да праќаат мејлови и слично.„Ова помагало е бесплатно, прво од овој вид, брзо, јасно и чисто. Горд сум што секаде на моите колеги ќе кажуваме дека имаме говорна програма. Голема благодарност до Премиерот, Министерката, УНДП и заложбите за олеснување на нашиот секојдневен живот“, рече Селковски.Дигиталната апликација-аудио читач е креирана на иницијатива на Министерството за труд и социјална политика, Програмата за развој на Обединетите Нации, и во партнерство со Националниот сојуз на слепи лица.Апликацијата е бесплатна и достапна на македонски јазик, а во тек е изработка и на неговата албанска верзија, која ќе биде достапна за неколку месеци. Пристапот до апликацијата е едноставен. Доволно е да се пристапи на Google Play Store и да се симне апликацијата RHVoice. Откако ќе се инсталира оваа апликација потребно е да се одбере „македонски“ на листата со јазици, веднаш до називот „Кико“.

Македонија | пред 4 години

Претрес во Прилеп, пронајдени оружје и муниција

Денеска полициски службеници од Надворешната канцеларија за криминалистички работи од ОВР Прилеп, по добиена судска наредба извршија претрес во дом и други простории во с.Житоше кај И.А.(43). При претресот се пронајдени и одземени еден пиштол „Роси“ калибар 22 мм, пет куршуми 22 мм, 12 куршуми калибар 7,62 х 25 мм, еден сигнален пиштол и една рамка за пиштол „црвена застава“ М-57, за кои не поседувал дозвола.По документирање на случајот против И.А. ќе биде поднесена кривична пријава за „недозволено изработување, држење и тргување со оружје или распрскувачки материјали" по чл.396 од Кривичниот законик.

Македонија | пред 4 години

Нема фотографија

Недозволена љубов, причина за двојна трагедија во Штип - пронајдено проштално писмо

Двојна трагедија го потресе штипско-карбинскиот регион. Момче и девојка поради недозволена љубов во рок од 24 часа си ги одзедоа животите со бесење. Дваесет и пет годишното момче вчера на локалитетот „Баргала“, а утринава и неговата 21 годишна девојка од селото Аргулица, објави Сител.Портпаролот на СВР-Штип, Гордана Панајотова потврдува дека утринава во 9.20 часот полицијата добила повик од Итната медицинска помош за пронајдено женско тело во семејна плевна во селото Аргулица. Извршен е увид на местото, а јавен обвинител наредил и обдукција на починатата девојка.Момчето и девојката биле во врска, но, како,што велат дел од жителите, не им била дозволена, од едно од семејствата. Покрај телото на девојката утринава е пронајдено и проштално писмо.Текстот во целост на: Сител.

Македонија | пред 4 години