Д-р Пановски: Тешко дека ќе го спречиме индискиот сој да влезе во земјава, но прашањето е дали ќе се вакцинираме во што поголем број и колку ќе штитат тие вакцини

Тешко дека ќе го спречиме индискиот сој да влезе во земјава, но прашањето е дали ќе се вакцинираме во што поголем број и колку ќе штитат тие вакцини, вели микробиологот д-р Никола Пановски во интервју за Фактор.Тој предупредува дека во следните месеци мора да имаме масовна вакцинација за наесен да не се доведеме повторно во ситуација која би го блокирала здравствениот систем.– Од вакцините ќе имаме многу поголема придобивка отколку без нив, а многу важен факт е тоа што голем број од македонското население го прележа вирусот, па тоа значи дека и индискиот сој кај нас нема да се шири многу брзо. Секако, тој ќе се шири, но нема да има случаи со тешки симптоми и тешка форма на болеста. Најважно е сега да се вакцинираме во што поголем број. Без 15.000 нововакцинрани дневно ништо не правиме – вели Пановски.Според него, засилување на индискиот сој се очекува да се случи наесен кога луѓето ќе почнат да се прибираат внатре. 

Македонија | пред 4 години

Ахмети: Зелената агенда нѐ приближува до НАТО, ние се мериме со нив, не со СДСМ и ВМРО- ДПМНЕ

Зелената агенда нѐ приближува до НАТО, рече лидерот на ДУИ, Али Ахмети во емисијата „Клан дебата“ . Тој додаде  дека големите сили излегле со иста агенда, полагајќи многу внимание на животната средина.-Ова ребрендирање нè приближува до НАТО затоа што и НАТО излезе со зелена агенда. Исто така по нас и Г7 се ребрендира, а и Еди Рама по нас излезе со таква агенда. Тоа значи дека ние се мериме со нив, не се мериме со СДСМ и со ВМРО- ДПМНЕ. Зачувувањето на животната средина нема идеолошка дефиниција, лево или десно, рече Ахмети.

Македонија | пред 4 години

По 24 години хирургот што се борел за животот на принцезата Дајана, ги откри деталите од кобната ноќ

Принцезата Дајана, почина пред 24. години во сообраќајна несреќа во Париз Д-р МонСеф Дахман, кој таа вечер ја примил принцезата Дајана во критична состојба, конечно проговори за кобната ноќ. Тој детално ја опиша ноќта кога, по несреќата, беше донесена во Ургентниот центар во Париз. Кога тешко повредената принцеза итно била пренесена во Ургентниот центар, тој бил на смена.Принцезата од Велс пристигна во Ургентниот центар во критична состојба, бидејќи претрпе срцев удар на местото на несреќата, рече тој за Daily Mail.-Спиев во просторијата за одмор, кога дежурниот анестезиолог ме разбуди и рече дека имаме итен случај. Не знаевме која е повредената личност, само ни рекоа дека пристигнува жена која имала сообраќајна несреќа. Не го знаевме нејзиниот идентитет. Во критична состојба , рече тој.Принцезата Дијана беше на носилката, а целиот персонал на Ургентниот центар веднаш ја разбра сериозноста на ситуацијата.-Итно ќе реагиравме доколку некоја друга млада жена беше на носила и преживееше ваква несреќа, но тука беше принцеза. Еден од практикантите само замолкна во аголот, ја опиша атмосферата што владееше кога сфатија кој е пациентот.Принцезата веднаш беше испратена на рентген каде беше откриено дека има многу опасно внатрешно крварење. Во тој момент, бидејќи нејзината крвна група сè уште не беше утврдена, таа доби единица нулта крвна група. Околу два часа по полноќ , доживеа уште еден срцев удар, раскажа тој.Нејзината состојба бараше итна операција, немаше време да се префрли во операционата сала, па беше направена на лице место, а потоа доктор Даман открил дека и е оштетено срцевото ткиво.-Направив се што можев за да диши, нејзиното срце не работеше правилно затоа што не добиваше доволно крв. Помина половина час и знаевме дека ни треба чудо. Се повика најдобриот француски кардиохирург, тие го разбудија и го крена од кревет да дојде , раскажува тој.Срцето на принцезата престана да чука непосредно пред да ја оперираат, но таа вештачки се одржуваше во живот. Не можешло да се врати.-Пробавме масажа на срце, дефибрилатор, и дадовме адреналин. Но, нејзиното срце повторно не почна да чука, рече тој.И покрај тоа, тимот ги продолжил напорите да ја одржи принцезата во живот уште еден час.-Се боревме, испробавме сè, кога работите во ваква ситуација, не забележувате дека времето поминува. Болницата Пити-Салпетриер е еден од најдобрите ургентни центри во Франција. Успеавме да спасиме луѓе во многу полошо состојба од таа. Бевме горди. Но, не успеавме да ја спасиме неа, рече тој за Daily Mail.Наодите на еминентниот британски патолог, д-р Ричард Шепард исто така потврдија дека францускиот медицински персонал сторил сè што е во нивна моќ и дека тие се исклучително професионални. Дека ниту една друга стратегија не би помогнала во ваков случај. 

Магазин | пред 4 години

(ФОТО) Георгиески, Мерко и Џаколи на одбележувањето на Денот на Охридското Езеро, разговараа за исполнувањето на препораките на УНЕСКО

Преку јасно дефинирана стратегија, координирани активности, меѓуопштинска и меѓугранична соработка, можеме да обезбедиме долгорочна заштита и одржлив туристички развој на крајбрежјето на Охридското Езеро, напиша на својот Фб профил градоначалникот на охрид, Константин Георгиески.Градоначалникот во објавата додава:Заедно со градоначалниците Рамиз Мерко и Илир Џаколи на одбележувањето на Денот на Охридското Езеро во Поградец разговаравме за сите актуелни прашања и сите мерки кои треба да се преземат за заштита на природата и исполнување на препораките на УНЕСКО.Сите општини од брегот на езерото, треба подеднакво да се вложат и да преземат конкретни чекори кои ќе бидат во полза на целокупниот процес за зачувување на ова бесценето природно наследство.

Македонија | пред 4 години

Албанија: Притвор за македонскиот возач во чиј камион се најдени 324 килограми кокаин

Судот во Драч му одреди мерка притвор на македонскиот државјанин Назиф Ајровски (40), возач на камионот во кој албанската полиција откри 324 килограми кокаин.Откако најпрво рочиштето беше одложено поради недостиг на официјален преведувач, судијата Реџеп Бектеши попладнево го потврди апсењето во делот на кривичното дело „недозволена трговија со наркотични средства“ и му одреди мерка на безбедност „затворски притвор“, пренесува Топ чанел.Во досието на Обвинителството, тој се посочува дека е човекот кој ја превезувал дрогата, но и дека соработувал со други лица за да истата стигне до Италија.Дрогата – кокаин во вкупна количина од 324 килограми и 400 грама, пакувана во 300 пакетчиња, е откриена на 18 овој месец во 22:30 часот во камион со македонски регистарски ознаки SK3720AT, бела боја, натоварен со метални плочи управуван од Назиф Ајровски од село Дебреште, Прилеп, Македонија.На албанска територија преку преминот Ќафасан влегол претпладнето на 16 овој месец а задржувањето по патот го објасни дека бил приморан бидејќи се загревал моторот. Тој тврди дека немал никакви сознанија за дрогата, стои во досието на кое се повикува агенцјата Балкан веб.Дрогата е открена со скенер на втората линија на контрола пред возилото да влезе во траектот кој пловел на релација Драч-Анкона а требало да се растовари во Џенова.Кокаинот бил во пакетчиња со логоата на Чикаго булс, Пари Сен Жермен, Кензо и Диор.Продолжува соработката со македонската полиција со цел целосно расветлување на случајот, во кој основано се сомнева дека се вклучени повеќе лица.

Македонија | пред 4 години

(ФОТО) Силно невреме со град со големина на орев го погоди Пелагонискиот регион

Силно невреме попладнево го зафати Пелагонискиот регион, проследено со град со големина на орев. Дожд, грмежи, ветер и град зафати повеќе македонски градови, а најпогодени се Крушево и Прилеп.УХМР инаку најави пороен дожд низ повеќе градови во земјава за попладневните часови, а во дел од нив веќе започна невремето.Ако поројните врнежи што се прогнозираат за попладнево се случат за краток временски период, можна е појава на брзо истекување на водите по малите водотеци и суводолиците во планинските делови и региони, а доколку врнежите ги погодат градските средини можни се локални урбани поплавувања во зависност од капацитетите на атмосферските канализации и почитувањето на прописот атмосферските води да не се влеваат во канализациските мрежи, предупредува Секторот за хидрологија на УХМР.– Иако кај поголемите реки не очекуваме големи покачувања на водостоите, предупредуваме на внимателно движење покрај водотеците и суводолиците поради можна појава на опасни води, појава на свлечишта и одрони, наведува УХМР.Синоптичарите за попладнево најавија локална појава на нестабилност, која поради големата енергија во атмосферата ќе биде во форма на невреме со интензивен пороен дожд, силни електрични празнења, силен ветер и изолирана појава на град.– Во рамки на Секторот за хидрологија се извршени согледувања на одредени прогностички модели и насоки за поројни поплави, достапни на хидролозите од УХМР. Од овие модели може да се утврди дека се можни врнежи на целата територија на државата со различен интензитет. Според моделот за врнежи ICON се очекува врнежи да има на западот, додека моделот NNM најавува врнежи во централните и источните делви од земјата и поинтензивни врнежи на северот и југот. Според FFGSystem-от (Сл.3) за поројни поплави, поројни врнежи се можни во делови од Шар Планина, Скопска Црна Гора, Осоговските Планини, Солунска Глава, Ниџе и Баба Планина и тоа во Тетовско, Скопско, Битолско, Кумановско, информира УХМР. фото: ФБ

Македонија | пред 4 години

Холанѓанка која живее во Македонија ги опишува македонците: Тие постојано се жалат дека немаат пари, сепак сите кафулиња се секогаш полни

Холанѓанка Лиза, која живее во Македонија година и пол на својот блог ги сподели своите импресии и искуства од живеењето овде, објави newz24live.com.-Во Македонија живеам веќе 1,5 година и ги познавам Македонците повеќе од пет години, така што можам да кажам дека постојат неколку работи кои се малку чудни за мене, вели таа.Еве како таа ги доживува Македонците:– Македонците користат ракија за се! За пиење секако, но ви се затнал носот „шмркнете” ракија. Убод од комарец? Ставете ракија. Ги чистете прозорите од колата? Користете ракија. Имате мала рана? Ставете ракија на неа.– Македонците секогаш ќе ве прашаат колку ве чинело нешто? Имате нов часовник? Ах, колку пари е? Нова кола? Колку ве чинела. Тоа изгледа е многу важно прашање овде.– Се е во врска со храната. Главно прашање на денот е „што има за ручек или вечера?” Исто така, тие обожаваат да зборуваат за храна.– Поради некоја причина, сосема нормално е да се има теписи насекаде, во секоја големина и форма. Дури и во кујната можете да најдете теписи.-Тие постојано се жалат дека немаат пари, сепак сите кафулиња се секогаш полни.– Промаја е студен воздух во куќата и според постарите генерации, ова дефинитивно ќе ве разболи и е многу лошо за вас, така што затворајте ги прозорците и вратите!– Тие не разбираат кога ќе им кажете дека сте најадени. Особено бабите во оваа земја ќе ве преполнат со храна и нема да прифатат „не” за одговор.– Тие целосно се менуваат кога влегуваат во автомобилот. Македонците во основа се многу љубезни луѓе, но возат како да ќе се самоубијат. Јас дури не ни претерувам за ова.– Тротоарите се користат за паркирање, наместо за одење. И никогаш не возете на десната страна, бидејќи е наменета за автобуси и коли кои застануваат овде. Или пак, возат наназад на булевар… да, и ова е возможно во Македонија.Текстот во целост на: newz24live.com.

Македонија | пред 4 години

МВР: Од среда до недела нема да биде во функција системот за прием и издавање на лични документи

Министерството за внатрешни работи на Република Северна Македонија, ги информира граѓаните дека поради миграција во нов систем, од 23. 06. 2021 година (среда) започнувајќи од 21 часот, заклучно со 27. 06. 2021 година (недела-до 21 часот) нема да биде во функција системот за прием и издавање на лични документи (лична карта, пасош и возачка дозвола).Од тие причини се известуваат граѓаните кои имаат закажано термин за аплицирање за личен документ во ИТНА постапка во деновите 23, 24 и 25 јуни 2021 година, да дојдат во просториите на Министерството каде што имаат закажан термин за личен документ на 22. 06. 2021 година во текот на целиот работен ден или на 23. 06. 2021 година до 12 часот.Граѓаните кои имаат закажан термин за 23, 24 и 25 јуни 2021 година, во РЕДОВНА постапка, правото за поднесување на барање за личен документ, ќе можат да го остварат во било кој термин на исто место каде што имаат закажано во периодот од 28. 06. 2021 година заклучно со 02. 07. 2021 година.Воедно ги информираме граѓаните готовите лични документи да ги подигнат до 23. 06. 2021 година до крајот на работното време, бидејќи на 24 и 25 јуни нема да биде овозможено издавање на истите.

Македонија | пред 4 години

Маричиќ- Брнз: Силна поддршка за реформите во судството

Министерот за правда Бојан Маричиќ се сретна со амбасадорката на САД Кејт Брнз, со која дискутираа за модалитетите за соработка во рамки на неодамна објавениот Меморандумот за воспоставување на борба против корупцијата на САД. Дополнително беше разговарана и Извршната наредба издадена од Претседателот Бајден, за лица кои дејствуваат против демократските вредности, а доаѓаат од Западен Балкан.Министерот Маричиќ ја потенцираше важноста на континуираната поддршка на САД и ја искористи средбата да ги презентира досегашните реализирани активности во рамки на Стратегијата за реформа на правосудниот сектор и ги најави и следните чекори во областа на борба со корупцијата кои почнуваат наскоро, меѓу кои и Проектот на ОБСЕ и ЕУ за мониторингот на случаи на висока корупција.Извршната наредба издадена од претседателот Бајден наиде на огромна поддршка бидејќи во актот акцент е ставен и на борбата против корупцијата, што е клучен приоритет и на Министерството за правда и на Владата на Република Северна Македонија.„ Останува нашето партнерство, продолжува соработката и обостраната заложба во бескомпромисната борба против корупцијата, беа согласни министерот Маричиќ и амбасадорката Брнз.

Македонија | пред 4 години

100 санкции за непрописно вградени „фолии“ и светлосни извучни уреди во возила

Во периодот од 14.06 до 20.06.2021 Министерството за внатрешни работи спроведе акциска контрола на територијата на Република Северна Македонија по однос на неисполнување на пропишаните услови во однос на затемнувањето на стаклата на возилата и неовластено вградување и користење на уреди за давање на посебни светлосни и звучни знаци во возилата.При контролата санкционирани се 100 учесници во сообраќајот, од кои 99 за прекршокот на неисполнување на пропишаните услови во однос на затемнувањето на стаклата и еден за неовластено вградување и користење на уреди за давање на посебни светлосни и звучни знаци во возилата.

Македонија | пред 4 години

Средношколците бараат одговор од инспекторатот зошто се наплаќале свидетелства спротивно на закон

Сојузот на средношколци бара од државниот просветен инспекторат јавно да ги објави извештаите за спроведените инспекции во четирите средни училишта кои наплаќале за свидетелства.„Ги поздравуваме инспекциите, но навистина не’ интересира методологијата на извештаите, односно како дошле до овие заклучоци“, изјави новиот лидер на Сојузот, Лука Павиќевиќ, пред МОН.Како што посочи, Сојзуот го исконтактирал инспекторатот за извештаите уште на 14 јуни, но се уште немаат добиено одговор.Од средношколскиот сојуз упатија порака и до училиштата: „Вратете им ги парите на учениците, оти само така можете да го решите овој проблем. Срамно е да се наплаќаат свидетелства, особено во година со неквалитетна онлајн настава“.

Македонија | пред 4 години

Двајца починати и тројца новозаразени – 11 општини се без активни случаи

Министерството за здравство информира дека согласно податоците од Институтот за јавно здравје во последните 24 часа, од направени 1.601 тестирања, регистрирани се три нови случаи на ковид-19, сите во Скопје. Пријавени се две починати лица во болнички услови, еден од Скопје (76г) и еден од Куманово (75г). Регистрирани се 15 оздравени пациенти, шест во Скопје, по две оздравени лица во Прилеп, Битола и Кичево и по еден во Тетово, Неготино и Виница. Во десет градови нема активни случаи на ковид-19.Направени се 1.601 тестови преку: ИЈЗ-30, ЦЈЗ Скопје-15, ЦЈЗ Битола-0, ЦЈЗ Прилеп-0, ЦЈЗ Тетово–0, ЦЈЗ Куманово–7, Клиника за инфективни болести и фебрилни состојби-1, Судска медицина-2, лабораторија болница Козле-0, УК Пулмологија со алергологија-0, ГОБ 8-ми Септември-0, Институт за микробиологија–0, МАНУ-0, Жан Митрев (Филип Втори)-88, Авицена-137, Биотек-177, Систина-132, лабораторија Лаор-0, Синлаб-1, Ремедика-0, Плодност–0, Генеа–0, Никоб лаб-94, ВФВ Медикал-7, ЈЗУ и ПЗУ (рапид тест) – вкупно 910.Досега во земјата се направени вкупно 856.274 тестирања на ковид-19.Вкупната бројка на ковид-дијагностицирани лица во нашата земја од почетокот на епидемијата изнесува 155.627, бројката на оздравени пациенти е 149.877, на починати е 5.477, а бројот на активни случаи изнесува 273.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 6.8643, Активни 102Куманово 8.878, Активни 34Прилеп 8.326, Активни 24Тетово 7.241, Активни 23Битола 6.304, Активни 8Велес 5.472, Активни 4Гостивар 5.181, Активни 8Кавадарци 5.153, Активни 0Охрид 5.016, Активни 14Штип 4.960, Активни 1Струмица 4.117, Активни 5Струга 2.981, Активни 1Кочани 2.792, Активни 3Кичево 2.591, Активни 20Гевгелија 2.195, Активни 2Неготино 2.184, Активни 0Свети Николе 1.523, Активни 0Ресен 1.234, Активни 0Крива Паланка 1.226, Активни 6Радовиш 1.161, Активни 2Берово 1.029, Активни 0Делчево 973, Активни 1Дебар 941, Активни 1Виница 886, Активни 4Пробиштип 789, Активни 0Валандово 666, Активни 1Богданци 494, Активни 0Крушево 490, Активни 1Демир Хисар 400, Активни 3Демир Капија 396, Активни 0Кратово 377, Активни 4Македонски Брод 359, Активни 1Пехчево 268, Активни 0Македонска Каменица 249, Активни 0Дојран 132, Активни 0фото: Архива

Македонија | пред 4 години

Филипче: Нема потреба за нови рестрикции поради индискиот сој

Министерот за здравство Венко Филипчe вели дека во овој момент не се планираат дополните рестрикции поради опасноста од новиот делта (индиски) сој. Според министерот мал е ризикот лицата кои се целосно имунизирани, да заболат од индискиот сој.„Само две земји во Европа не одат кон олабавување, Велика Британија која го забави процесот на олабавување на мерките и Португалија која единствена има некаква дополнителна рестрикција, сите други земји, вклучувајќи ги и тие од регионот, одат кон попуштање на рестриктивните мерки. Ние тоа го дискутиравме минатата недела, во рамките на Берлинскиот процес имаше состанок со министрите за здравство од сите земји на Западен Балкан и сите констатираа дека епидемиолошката ситуација стивнува и спласнува. Во ваква ситуација, во овој временски период кој е пред нас, не планираме никаква рестрикција или некои дополнителни мерки поради тоа што не гледаме некаков ризик. Но, мора да потенцирам, будно ја следиме состојбата не само кај нас туку и во околните земји, затоа што многу често за временска разлика од една до две недели се случуваат промени во епидемиолошката ситуација во сите земји во регионот“, истакна Филипче.„Ако детектираме дека има ризик од заразување во ноќните клубови и локалите, тогаш повторно ќе воведеме посебни мерки“, рече Филипче, додавајќи дека немаме прецизни информации за тоа каков е ризикот од заболување со индискиот сој, истакна министерот.

Македонија | пред 4 години

Нема фотографија

Поскапуваат горивата

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати во просек за 1,5 %.Според одлуката на регулаторна, малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1) се зголемуваат за 1,00 денар/литар, додека малопродажната цена на ЕУРОДИЗЕЛ (Д-Е V) се зголемува за 0,50 денар/литар.Малопродажната цена на Мазутот М-1 НС се зголемува за 0,772 ден/кг и сега ќе изнесува 36,009 ден/кг.По најновото зголемување на цените максималните цени на нафтените деривати ќе изнесуваат:Моторен бензин ЕУРОСУПЕР БС – 95 69,50 (денари/литар).Моторен бензин ЕУРОСУПЕР БС -98 71,50 (денари/литар).Дизел гориво ЕУРОДИЗЕЛ БС (Д-Е V) 62,00 (денари/литар).Масло за горење Екстра лесно 1 (ЕЛ-1) 62,00 (денари/литар).Мазут М-1 НС 36,009 (денари/килограм). 

Македонија | пред 4 години

Митева: Градежната "офанзива" на Шилегов брои 9,5км или реконструкција на само по 1км градски улици во општините

Најавената градежна офанзива на Шилегов брои верувале или не вкупно 9,5км.Петре, Град Скопје не е кафана па да ја разработиш за два месеци во летниот период. Град Скопје бара посветеност, бара работа која никогаш не запира и Град Скопје заслужува развој, а не стагнација и предизборна еуфорија, истакна Марија Митева, портпарол на ВМРО-ДПМНЕ.Митева додаде:Залудни се овие напори кои ги вложуваш во предизборието, скопјани имаат одлична меморија и не ги забораваат овие четири години на неработење, не ги забораваат ниту изливите на нервоза и ароганција како и уништувањето на зеленилото.Како што најавува Шилегов, оваа градежна офанзива ќе се одвива во сите 10 општини, што значи во секоја општина ќе се реконструира по само 1км од градските улици. Навистина, скопјани се фрапирани од ова твое "засилено" темпо.Она што го отсликува Шилегов е инфраструктурната стагнација, погрешните политики, како и лошите проекции за иднината и развојот на градот.Голем број на круцијални проекти останаа нереализирани, како што се тунелот под Кале, Универзалната сала, велосипедските патеки, спортските капацитети, спектакуларно најавуваниот зип лајн и така натаму, но тоа се само дел од предизборните лаги на Шилегов на кои многу скоро ќе им дојде крај.Ние ги знаеме проблемите со кои се соочува Град Скопје, на нас останува истите да ги исправиме!Промените ќе започнат токму од Град Скопје, со заминувањето на Шилегов!

Актуелно | пред 4 години

Левица: Царовска додека автократски воведува дигитализација не умее ниту свидетелства да испорача

Деновиве, додека министерката Царовска е на турнеја низ државава во посета на празни училишта и наместени трибини, по којзнае кој пат на виделина излегува нејзината неспособност да се справи со менаџирањето,дури на основните обврски во ресорното министерство, се вели во соопштението од Левица.Во продолжение на истото се додава:Имено, веќе е јасно дека свидетелства нема и ќе нема во догледно време. Изгледа битката за тендер се бие преку грбот на учениците! Во меѓувреме, Бирото за образование ги известило училиштата дека свидетелствата заучениците во основните и средните училишта ќе бидат готови до 31 август годинава, при што не се знае точно на кој датум. До денес нема ниту главни книги и дипломи за учениците од завршните класови.Поради превид во календарот на активности, дојде до конфронтација меѓу директорот на ДСУЛУД „Лазар Личеноски“ со дел од вработените. Имено, во МОН не зеле во предвид дека 18-ти јуни е неработен ден, а во оваучилиште се организира приемен испит. Слепо послушниот директор избрал поскоро да ги прекрши правата на своите вработени, отколку да реагира во врска со нелогичните и неисполнливи рокови!Првата наставна година на министерувањето на Царовска почна со неоправдано скратување на наставата за еден месец поради платформа која ниту не профункционира, продолжи со скандалозната инстант Концепција зареформи и Законот за учебници, кои граѓаните ќе ги исплатат во форма на кредит од над дваесет милиони евра, а завршува со протести на родители, необезбедување неопходна документација, непочитување на правата навработените во училиштата и создавање атмосфера на нарушени меѓучовечки односи.Од перспектива на фактот дека министерката не е во состојба да изменаџира навремена испорака на свидетелства и функционален календар за работа на училиштата, најавата за дигитализација потсеќа на уште еден пропаднат проект на министерката, повторно на товар на учениците и нивната наобразба.

Македонија | пред 4 години

Кржаловски: ВМРО-ДПМНЕ не направи доволна дистанца од тоа што се случуваше претходните 10 години, а ни СДСМ не успеа да докаже дека многу корупција имало

За мене главно е дека оценката на граѓаните е релативно лоша и тоа заради застојот во ЕУ преговорите и блокадата од Бугарија која веќе година дена се влече и нема најава за скоро решавање и затоа ентузијазмот кој се појави пред две години со Преспанскиот договор силно спласнува (според резултатите од анкетата на ИРИ) и тоа се рефлектира на падот на рејтингот на владејачките структури особено СДСМ и Заев, но тоа автоматски не значи промоција на опозицијата и сметам дека тоа се должи на тоа што опозицијата премногу „спие на тоа уво“ дека „овие сами ќе паднат“, што е природно да се очекува, но сепак опозицијата треба да понуди нешто, да артикулира ставови по одредени прашања, а не да остава цело време нејасни ситуации, од референдумот навака да нема ставови по битни прашања. Граѓаните очекуваат попрецизни насоки како опозицијата би ја водела државата ако дојдат на власт. За сега сметам дека предноста на СДСМ е релативно голема, иако се работи за релативно големо незадоволство од повеќето градоначалници. Ќе биде интересна комбинацијата на рејтингот на партијата со градоначалниците, изјави во Утрински брифинг Александар Кржаловски, директор на македонскиот центар за меѓународна соработка (МЦМС), објави  slobodenpecat.mk-Мојот прв впечаток е дека нема некоја разлика од „Македонија за сите“ до „Едно општество за сите“. Сметам дека тоа оди на концептот кој се потврдува со фудбалската репрезентација на Македонија, дека не може со една етничка заедница да се добијат избори. Мора да се опфатат сите граѓани и претпоставувам дека тоа е промена во политиката на ВМРО-ДПМНЕ. Дали ќе упали, ќе видиме дали ќе стекнат доверба заради претходното искуство. Околу корупцијата, мислам дека сите овие години ВМРО-ДПМНЕ не направи доволна дистанца од тоа што се случуваше претходните 10 години, а ни СДСМ не успеа да докаже дека многу корупција имало, не се најдоа многу од тие милијарди кои што ги збореа“, вели Кржаловски.извор:   slobodenpecat.mk

Македонија | пред 4 години

Д-р Даниловски: Со индискиот сој можат да се заразат и вакцинираните, но ризикот е мал

Сите вакцини штитат од индискиот сој на Ковид, но можно е и некој вакциниран да се зарази со него и да го донесе во Македонија, вели Даниловски во интерјву за Сител.Сепак, според епидемиологот тој ризик е минимален, со оглед на тоа дека на граница треба да се приложу негативен ПЦР тест или доказ за вакцинација."Не знаеме колкав е процентот за такво нешто, но заразувањето со индискиот сој е можно и кај вакцинираните. Сепак мислам дека ризикот е мал, со оглед на тоа што на граница треба да приложите негативен ПЦР тест или доказ за вакцинација" вели д-р Даниловски.За тоа дали учениците треба да ја почнат наредната училишна година со физичко присуство, докторот вели дека треба."Епидемиолошката слика го дозволува тоа. Конечно и дефинитивно треба да се вратат во училиштата", изјави Даниловски.

Македонија | пред 4 години

Георгиески: Охридското Езеро е нашиот најскапоцен дар од природата кој треба внимателно да го чуваме и вистински да го вреднуваме

Охридското Езеро е нашиот најскапоцен дар од природата кој треба внимателно да го чуваме и вистински да го вреднуваме.Привилегија е да се поседува една ваква уникатна убавина која е препознаена и запишана како светско природно наследство. Наша должност и обврска е да го заштитиме и да го оставиме како аманет за идните генерации.Нека е честит и вековит 21-ви јуни Денот на Охридското Езеро, напиша на својот ФБ профил градоначалникот на Охрид, Константин Георгиески.

Македонија | пред 4 години

МВР со детали за сообраќајната несреќа во која загинаа две лица

Две лица загинаа вчера во сообраќајната несреќа што се случи на експресниот пат Штип-Кочани, во близина на населбата „Три чешми“.Според деталите од полицијата, во несреќата учествувале возило „тојота корола“, со битолски регистарски ознаки, управувано од А.И.(39) од Битола и патничко возило „хонда ЦВ“, со велешки регистарски ознаки, управувано од А.М.(40) од Велес. Од екипа на Итна медицинска помош кај двајцата возачи била констатирана смрт на местото на незгодата.Во незгодата со повреди се здобил и сопатникот од возилото „тојота корола“, Б.К.(30) од Кочани, констатирани во Клиничката болница Штип. Извршен бил увид од увидна екипа од СВР Штип и Јавен обвинител, по чија наредба телата на почнатите биле дадени на обдукција.

Македонија | пред 4 години

247 санкционирани возачи во Скопје, 106 за брзо возење

Министерството за внатрешни работи во текот на вчерашниот ден (20.06.2021) продолжи со засилените акциски контроли во областа на сообраќајот.На територијата на град Скопје изречени се вкупно 247 мерки, меѓу кои за возење повеќе од дозволената брзина 106 санкции, 13 прекршоци што го чинат возачите на мотоцикли, три санкции за возачи почетници, 12 санкции за управување без возачка дозвола.Исто така, изречени се 45 санкции за возење под дејство на алкохол, 10 санкции за управување на технички неисправни и нерегистрирани возила, три санкции за некористење сигурносен појас, четири санкции за минување на затворен сигнал (црвено светло), 22 санкции за непрописно паркирање.Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 4 години

Aзески: Ми беше чест што бев почесен конзул на Црна Гора

По повод одлуката на Министерството за надворешни работи на Црна Гора, Бранко Азески да не биде повеќе почесен конзул на оваа земја, претседателот на Стопанската комора на Македонија ја даде следнава писмена изјава.„Црна Гора е независна и суверена држава, која согласно Уставот е дефинирана како граѓанска, демократска, еколошка и држава на социјална правда, заснована на владеење на правото. Иако независноста на Црна Гора е обновена на 3 јуни 2006 година, со истапувањето од државната заедница со Србија, таа претставува една од најстарите европски држави. На овие простори се простирала латинската провинција Превалис, средновековната држава Зета, а денес современата држава Црна Гора, која претставува своевидна раскрсница на која се испреплетени повеќе историски случувања, народи и култури (илирска, словенска, византиска, турска), како и религии (христијанска и исламска), кои оставиле свои траги до денешен ден.Голема благодарност до сите оние со кои соработував на оваа важна мисија за бизнисите на нашите две држави. На Црна гора ѝ посакувам брз развој и просперитет, ана компаниите поголем профит“, се вели во изјавата на Азески кој функцијата почесен конзул на Црна Гора ја извршуваше од 2 јуни 2016 година.Владата на Црна Гора го отповика почесниот конзул затоа што се обидел да ги омаловажи и компромитира највисоките власти во Црна Гора презентирајќи свои лични забелешки и предвидувања во врска со работата на Владата, објави весникот Дан. Според одлуката потпишана од премиерот Здравко Кривокапиќ, Министерството за внатрешни работи дошло до сознанија дека Азески, при извршувањето на должноста почесен конзул, ја користел секоја можност да изрази сомнеж за угледот на Црна Гора и за кредибилитетот на нејзините тела.

Македонија | пред 4 години

14-годишно момче од Македонија било каснато од поскок кај Ниш

Момчето Ц.М. (14) од Македонија утрово беше каснато од змија во клисурата Јелашничка кај Ниш, така што на лицето му се појави оток. Тој реагираше брзо, така што лекарите му ја дадоа потребната терапија и сега е добро. Со полициски џип бил пренесен на Детската клиника, каде му била укажана помош.– Малолетен пациент денес беше примен на Детската клиника со повреда од каснување од змија на лицето. Има оток на лицето, левиот образ кој е саниран. Доби антивиперинум и немаше компликации, добро реагираше – изјавија за „Курир.рс“ од Клиничкиот центар во Ниш.Момчето Ц.М. беше дел од тимот од Македонија кај клисурата Јелашничка, каде по шести пат се одржа авантуристичка трка, организирана од општина Нишка Бања во соработка со Спортскиот клуб „Tribe“ од Белград.

Македонија | пред 4 години

Мицкоски за Спасовски: Нервозно ме нападна, ме навредуваше се посрамоти и си отиде

Лидерот на ВМРО-ДПМНЕ, Христијан Мицкоски преку социјалните мрежи одговори на прозивките од потпретседателот на СДСМ, Оливер Спасовски кажани на трибината „Најдоброто за нашата општина“. Откако Спасовски рече „Ниедна боја не може да ги прикрие криминалот и корупцијата на ВМРО-ДПМНЕ“, Мицкоски кажа дека бил нервозно нападнат и навреден.„Дојде во Гостивар, се посрамоти и си отиде. Министерот кој потпиша македонски пасоши на балкански нарко босови, а нема за македонските граѓани, нема регистарски таблички, осуденици му бегаа од затвори, се прислушкуваа обвинители и судии, шверцуваа цигари градоначалници, шверцуваа дрога и мигранти полициски началници и што ли уште не, зборува за реформи! Ова е нашата реалност што ја нудат овие луѓе. Криминал, корупција, срам и порази. Јас нема да зборувам на нивото како овој човек. Времето на политичките изманици и циркузанти помина. На народот му се потребни решенија“, напиша Мицкоски.Тој додаде дека за неколку месеци, граѓаните ќе одлучат во каква Македонија сакаат да живеат.„Мојот сон е Македонија за сите луѓе. Сон кој ќе стане јаве за неколку месеци од денес. Многу чесна работа и откажувања. Безмилосна борба со криминалците и корумпираните во политиката, одговорност…, стоп за срамот и поразите, понуда на победи и успеси. Драги пријатели, ова е нашата понуда, мојот сон за Македонија, а релноста е понудата на Заев и Спасовски“, додаде Мицкоски.

Македонија | пред 4 години

Денеска се регистрирани 8 нови случаи на Ковид 19

Министерството за здравство информира, согласно податоците од Институтот за јавно здравје:Во последните 24 часа се направени 3.265 тестирања, а регистрирани се 8 нови случаи на КОВИД-19 од:Скопје - 3, Струмица – 2, Куманово, Велес и Кичево – по 1.Регистрирани се 72 оздравени пациенти од:Скопје – 23, Куманово, Прилеп и Кичево– по 7, Гостивар и Охрид – по 6, Битола – 5, Тетово – 4, Радовиш – 3, Штип – 2, Струмица и Дебар – по 1.Не се регистрирани нови починати лица.Направени се 3.265 тестови преку: ИЈЗ-77, ЦЈЗ Скопје-33, ЦЈЗ Битола-75, ЦЈЗ Прилеп-52, ЦЈЗ Тетово–14, ЦЈЗ Куманово–50, Клиника за инфективни болести и фебрилни состојби-0, Судска медицина-4, лабораторија болница Козле-0, УК Пулмологија со алергологија-0, ГОБ 8-ми Септември-5, Институт за микробиологија–23, МАНУ-0, Жан Митрев (Филип Втори)-265, Авицена-295, Биотек-393, Систина-129, лабораторија Лаор-320, Синлаб-32, Ремедика-0, Плодност–92, Генеа–130, Никоб лаб-334, ВФВ Медикал-10, ЈЗУ и ПЗУ (рапид тест) – вкупно 932.Досега во земјата се направени вкупно 854.673 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 155.624, бројката на оздравени пациенти е 149.862, на починати е 5.475, а бројот на активни случаи изнесува 287.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 68640, Активни 106Куманово 8878, Активни 35Прилеп 8326, Активни 26Тетово 7241, Активни 24Битола 6304, Активни 10Велес 5472, Активни 4Гостивар 5181, Активни 8Кавадарци 5153, Активни 0Охрид 5016, Активни 14Штип 4960, Активни 1Струмица 4117, Активни 5Струга 2981, Активни 1Кочани 2792, Активни 3Кичево 2591, Активни 22Гевгелија 2195, Активни 2Неготино 2184, Активни 1Свети Николе 1523, Активни 0Ресен 1234, Активни 0Крива Паланка 1226, Активни 6Радовиш 1161, Активни 2Берово 1029, Активни 0Делчево 973, Активни 1Дебар 941, Активни 1Виница 886, Активни 5Пробиштип 789, Активни 0Валандово 666, Активни 1Богданци 494, Активни 0Крушево 490, Активни 1Демир Хисар 400, Активни 3Демир Капија 396, Активни 0Кратово 377, Активни 4Македонски Брод 359, Активни 1Пехчево 268, Активни 0Македонска Каменица 249, Активни 0Дојран 132, Активни 0 Фото: Архива

Македонија | пред 4 години