Скопјанец пријавил дека во плико имало шок бомба

Плик со шок-бомба било пронајдено пред стан во зграда на улицата Франклин Рузвелт во Скопје.Според информациите на МВР, синоќа, Р. С. (64) пријавил во полиција дека пред неговиот стан од страна на сосетката бил пронајден плик, во кој, според пријавеното, имало шок-бомба.Извршен е увид од полициски службеници од СВР Скопје и се преземаат мерки за расчистување на настанот.фото: Архива

Скопје | пред 5 години

Ѓорчев: Заев со својата безидејна влада и по цена на човечки животи само поради коалициони договори сака да го спроведе пописот

Во денешното издание на “Што не е јасно” на Алфа телевизија, членот на ИК на ВМРО-ДПМНЕ, Владимир Ѓорчев истакна дека пописот мора да се пролонгира за некое време кога ќе се нормализира здравствената ситуација во Македонија.-Ова е “Апсурдистан”. Ова е слепата улица на една безидејна влада која што решила и да умира народот тие да си ги направат своите инаети, своите политички договори. Дали Зоран Заев поради ветување на коалициониот партнер дека ќе направи попис, спротивно на ЕУРОСТАТ и Обединетите нации, треба да имаме дополнително уште две илјади или две илјади и петстотини мртви. Едноставно не е безбедно. Ете Србија со 2 милиони вакцинирани го откажа пописот, Албанија го откажа, Бугарија во декември го откажа пописот, Хрватска, Германија и така натаму. А нашиве некадарници, со скандали во набавка на вакцини, со најголема смртност, со трет бран, со недоволно попишувачи, на инает и по цена на човечки жртви ќе го спроведуваат пописот, истакна Ѓорчев.Тој смета дека тоа е една неразумна политика. Во името на јавното здравје разумно е да се пролонгира пописот, затоа што состојбата во моментот во Македонија не е нормална.-Затоа барам и апелирам до градоначалниците на СДСМ кои што за некој месец ќе ја побараат довербата на граѓаните, да изберат помеѓу диктатот на Зоран Заев и јавното здравје и животите на нивните граѓани, посочи Ѓорчев.фото: Архива

Македонија | пред 5 години

Утре средба Заев - Џафери, се бара решение за за деблокирање на законите што заглавија во Собранието

Средба утре меѓу премиерот Зоран Заев, претседателот на парламентот Талат Џафери и лидерот на ДУИ, Али Ахмети, ќе биде последниот обид да се најде решение за деблокирање на законите што заглавија во Собранието. Средбата се очекува да се одржи пред седницата за пратенички прашања, а Заев не ја исклучува ниту можноста за прогласување вонредна состојба, објави Алсат.Во меѓувреме, лидерот на македонската опозиција, Христијан Мицкоски, излезе со понуда до власта. Пред седницата за пратенички прашања да биде закажана седница со четири точки на која тие се подготвени да создадат кворум.„Одлуката за продолжување на рокот за постоење на кризна состојба и измени на законите за финансиска поддршка на работодавачите, финансиска поддршка на физички лица кои вршат самостојна дејност погодени од корона кризата и измените на Законот за данокот на личен доход. Ќе потенцирам уште еднаш, иако поддршката од Владата е мала и недоволна за фирмите и граѓаните, сепак истата ќе биде поддржана од пратениците на ВМРО-ДПМНЕ“, рече Христијан Мицкоски, Претседател на ВМРО-ДПМНЕ.Запрашан за ваквата понуда на Мицкоски, Заев рече дека прифаќа сè што е во интерес на граѓаните и што нуди брза можност за деблокирање на законите.Текстот во целост на: Алсат.

Македонија | пред 5 години

Во куќа во Гази Баба пронајдено починато двомесечно бебе

Во Полициска станица Гази Баба, Итната медициска помош вчера пријавила дека во куќа на ул.„Зендел Џемаил“ има починато бебе – информираат од Министерството за внатрешни работи.Извршен е увид на местото на настанот од полициски службеници од Полициска станица Гази Баба, при што било констатирано дека станува збор за починато двомесечно бебе, од малолетна мајка од Скопје.Од лекар од Итна медициска помош била констатирана смрт, а по наредба на Јавен обвинител телото на бебето е предадено за обдукција во Институтот за судска медицина.фото: Архива

Македонија | пред 5 години

Две девојки на 23 и 24 годишна возраст починаа во последните 24 часа по компликации од ковид-19

Две девојки на 23 и 24 годишна возраст починаа во последните 24 часа по компликации од ковид-19. Во изминатото деноноќие, според најновиот извештај од Институтот за јавно здравје и Министерството за здравство починаа 17 пациенти на возраст од 23 до 90 години.Дваесет и тригодишната девојка имала хронично заболување, велат од Министерството за САКАМДАКАЖАМ.МК. За 24-годишната девојка, оттаму ни рекоа дека била позитивна на ковид-19 и една недела се лекувала во домашни услови со антибиотик, по препорака на матичен лекар.Досега во земјава по компликации од ковид-19 починаа 3.545 лица.Текстот во целост на: САКАМДАКАЖАМ.МК.

Македонија | пред 5 години

„Меѓународниот сојуз“: Пензионерката Лилјана Тодоровска раскажа се по ред, а одбраната ја обвини дека лаже

Пензионерката Лилјана Тодоровска, која ги има авторските права за проектот за старски домови, попладнево имаше емотивно сведочење на судско рочиште за „Меѓународниот сојуз“.Тодоровска почна да раскажува од зачетоците на нејзиниот проект, кој посочи дека е стар десетина години. Раскажа дека во 2012 година проектот ѝ го презентирала на тогашната власт, која го пофалила проектот и ѝ дала инструкции, но никогаш не дошло до соработка со инвеститор. Во 2017 година, по промената на власта, имала средба со тогашната министерка за труд и социјална Мила Царовска, со која лично се познавала, а таа ѝ посочила дека ќе се основа „Меѓународен сојуз“ и ја упатила таму, објави 360stepeni.mk. „Јас потпишав договор за соработка помеѓу мене како автор на проектот и Сојузот, но ја потпишав само последната страница. На моето барање да го видам договорот, Јасна ми рече ‘Лиле, 8 саат навечер е, да си одиме дома утре ќе го видиш’“, рече Тодоровска.Ѝ било кажано дека хонорарот ќе ѝ биде даден кога инвеститорот ќе ги уплати парите. На нејзината сметка легнале пари, но таа кажа дека не знае која сума. Со возачот, Мандиќ и Блажевска биле да ги подигнат парите, но неуспешно зашто станувало збор за сума од над 10 000 евра и требало да подлежат на проверка.„По неуспешното прво подигање на парите, јас Јасна и Христина отидовме во ‘Меѓународниот сојуз’. Таму имаше голема врева дека заради моите кредити не можеле да се подигнат парите. Јас останав сама кај секретарката, тие беа во канцеларија. По долго време, се појави господинот Кирацовски, ме гушна и ми рече ‘мајче, не се секирај, ова мора да помине пред финансиска полиција’“, рече Тодоровска.Додека таа сведочеше, обвинетите често префрлаа дека не ја кажува вистината, а адвокатот на Јовановски и Блажевска, Сашко Дукоски, во изјава за медиумите сведочењето го нарече брутално лажење.Текстот во целост на: 360stepeni.mk. фото:  360stepeni.mk. 

Македонија | пред 5 години

Ивона ја направи Владата руска салата, вели новинарката Јоци

Зема Ивона ја напраи Влада'а руска салата. Ех, бе, СДСМ. Гласајте вие по штабови и прајте селфија.Ивона, ве напраи ремпере - носи 105 новинари во земја која не е членка на НАТО. Акцентот е на ,,новинари" кои формираат јавно мислење во куп медиуми во Македонија, напиша на ФБ новинарката Јорданка Иваноска Јоци.Јоци во објавата додава:Така е тоа, ќе наполниш бус со 105 новинари и ќе ги однесеш у Врање како од шега, хехехе.....Гарант у бус ја пееле онаа песнана ,,има нека тајна српска веза". Така ваљда одеше песната... мислам... хехехе...А, беее...катастрофа сте СДСМ.Ве изработи Ивона ко нива. Џабе ви е власта, се бавите сами со себе, со ега, со суети, со дворски игри, проценти, не гледате подалеку од носот, не соработувате на ниво на задача.....Сето ова, док земјава е таргет на ,,ковид напади" и страда невин народ.Да не заборавивте дека Ивона е другарка на Наташа на Орце, стипендистка на БЦ во Солун и школа на Латас кој е мастермајнд за вашине шо јадат буреци у аналитички центар?Хехехе...тапа џонсон сте!Опрајте се. Ако уопште знаете како...извор: Јорданка Иваноска Јоци

Македонија | пред 5 години

Јоци: Му го изреметивте и му го расипавте цел одмор на Рашкоски во Мехико, он за сите нас зема таму да си ужива, док ние во карантин скапуваме

Значи, стварно сте лоши. Му го изреметивте и му го расипавте цел одмор на чоеков во Мехико. Он за сите нас зема таму да си ужива, док ние во карантин скапуваме.Ене, и оној Љупче од Дубаи исто - работел 18 часа, имал право на одмор. Де, беее...јаката штикла!Па, Грујо работеше 24/7 и еве го - сега си ,,одмора" во азил, а уше малку и у Идризово, напиша новинарката Јорданка Ивановска Јоци на својот Фб профил.Јоци во објавата додава:Место да го оставеа да си ги поужива оние 80.000 евра, ова новинариве никакви и злобни, зеле да му ѕвонат на Рашково, па и во спална за малку ќе му влезеа.Мислам, дечки - претеравте.Премиерот рече чоекот е чист и стварно не знам зошто не му верувате.Малку почит да покажевте? Рашко откри дека мачки го гребеле мерцедесот на Грујо.Малку ли е тоа да го частиме буџетски пари сењоров и сењорината му?Веќе ја частевме сењора Катица, широки сме во срцата, напиша на својот ФБ профил новинарката Јорданка Ивановска Јоци.извор: Јорданка Ивановска Јоци

Македонија | пред 5 години

Денеска нови 1347 случаи на Ковид 19 и починати 17 лица

Во последните 24 часа се направени 4.096 тестирања, а регистрирани се 1347 нови случаи на КОВИД-19 во:Скопје – 643, Куманово – 90, Прилеп - 85, Велес – 61, Охрид – 56, Битола – 50, Кавадарци – 47, Тетово – 40, Гостивар – 35, Гевгелија – 34, Штип – 30, Струмица – 25, Неготино – 19, Кочани – 15, Кичево – 13, Радовиш – 12, Пробиштип –8, Струга, Крива Паланка, Ресен, Делчево, Виница и Валандово – по 7, Свети Николе, Дебар и Македонски Брод – по 6, Берово, Богданци, Демир Капија и Демир Хисар – по 4, Крушево и Пехчево – по 3, Кратово - 2.Регистрирани се 451 оздравени пациенти од:Скопје - 245, Прилеп – 40, Кавадарци – 23, Гевгелија – 19, Штип – 17, Неготино - 16, Кочани – 12, Тетово и Велес - по 11, Гостивар и Струмица – по 10, Куманово – 9, Битола – 7, Демир Капија – 5, Берово – 4, Пробиштип и Богданци – по 3, Кратово – 2, Ресен, Дебар, Крушево и Македонска Каменица – по 1.Пријавени се вкупно 17 починати лица, на возраст од 23 –90 година и тоа: 8 пациенти од Скопје, од Прилеп – 2, и по едно починато лице е пријавено од Штип, Кочани, Куманово, Охрид, Кичево, Крива Паланка и Виница. Од пријавени, 16 лица се починати во болнички услови, а едно лице во домашни услови.Направени се 4.096 тестови преку: ИЈЗ-941, ЦЈЗ Скопје-116, ЦЈЗ Битола-116, Клиника за инфективни болести и фебрилни состојби-0, Судска медицина-13, лабораторија болница Козле-0, УК Пулмологија со алергологија–1, ГОБ 8-ми Септември-0, Институт за микробиологија – 74, Жан Митрев (Филип Втори)-221, Авицена-329, Биотек-334, Систина-255, лабораторија Лаор–219, Синлаб-97, Ремедика-42, ЈЗУ и ПЗУ (рапид тест) – вкупно 1355.Досега во земјата се направени вкупно 599.782 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 122.227, бројката на оздравени пациенти е 102.652, на починати е 3.545, а бројот на активни случаи изнесува 16.030.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 54599, активни 8116Прилеп 6656, активни 963Куманово 6395, активни 633Тетово 6071, активни 487Гостивар 4311, активни 397Кавадарци 4198, активни 672Велес 4142, активни 535Битола 4054, активни 515Штип 4030, активни 308Охрид 3897, активни 643Струмица 3089, активни 274Струга 2593, активни 179Кочани 2126, активни 202Кичево 1909, активни 114Неготино 1809, активни 430Гевгелија 1661, активни 326Свети Николе 1204, активни 77Крива Паланка 1024, активни 118Ресен 946, активни 134Радовиш 850, активни 93Дебар 825, активни 30Делчево 819, активни 90Берово 779, активни 96Пробиштип 645, активни 73Виница 571, активни 44Валандово 472, активни 82Крушево 412, активни 129Богданци 379, активни 66Демир Капија 330, активни 75Кратово 318, активни 25Демир Хисар 318, активни 47Македонски Брод 283, активни 30Пехчево 209, активни 14Македонска Каменица 197, активни 4Дојран 106, активни 9 фото: Архива

Македонија | пред 5 години

Општина Охрид и оваа година ќе го поддржи организирањето на Фестивалот на нов европски филм „Бич филм фестивал“

Општина Охрид и оваа година ќе го поддржи организирањето на Фестивалот на нов европски филм „Бич филм фестивал“ кој четврта година по ред ќе се одржува во Охрид, напиша на својот ФБ профил градоначалникот на Охрид, Константин Георгиески.Во продолжение на објавата на градоначалникот се додава:На средбата која денес ја остварив со организаторите на фестивалот беше разговарано за содржината и замислата за реализација на овогодинешната програма, а беше презентирана и кратка историја на изминатите фестивалски изданија.Од страна на „Бич филм фестивал“ на Општина Охрид и беше врачена благодарница за придонесот во рамки на успешната реализација на фестивалот.Општина Охрид во континуитет ќе продолжи да ги поддржува манифестациите кои ја збогатуваат културната понуда на нашиот град.извор: ФБ Константин Георгиески

Македонија | пред 5 години

Заев: Иновациите движат напред, македонските „зелени машини“ се извезуваат во светски рамки

„Овие времиња на економски предизвици за голем број компании значат и поголема иновативност и прилагодување на новите трендови. Инвестициите во човечки и машински ресурси несомнено придонесуваат за зголемување на продуктивноста и квалитетот, што на крај резултира со подобра конкурентност и подобар пласман на производите“, истакна премиерот Зоран Заев од велешката компанија „Брако“ на промоцијата на инвестициите во вредност од 8 милиони евра во производствени погони, хали и машини како и на првото македонско хидрогенско возило за чистење улици и јавни површини кое веќе се извезува.На обиколката на производствените погони, присутни беа и заменик-претседателите на Владата Фатмир Битиќи и Љупчо Николовски, како и министрите за економија Крешник Бектеши, за локална самоуправа Горан Милевски и за животна средина и просторно планирање Насер Нуредини.Премиерот Заев истакна дека е горд што повеќе од 60 инженери, кои што се дел од „Брако“ и „Грин машинс“, стојат зад напредното технолошко, целосно еколошко возило, со кое што компанијата, а со тоа и нашата земја е конкурентна на светскиот пазар.„Современата трансформација на компанијата, резултира со создавање на производи што се продаваат на глобалниот пазар, како „Грин машинс“. Особено е значајно тоа што целиот нивен развој се одвива токму тука, во Велес, што значи тие се производ на Северна Македонија, од првичната идеја до конечната реализација. Ова што го создава „Грин машинс“ докажува дека фосилните горива и нивната примена во секојдневниот живот полека стануваат дел од историјата. За вакви извонредни иновации слушаме од сите страни на светот, а мене ми е особено мило што такво едно еколошко решение е создадено токму во Северна Македонија“, изјави Заев и додаде дека Владата е тука да ги поддржи компаниите да ја зајакнат својата структура, да го зголемуваат извозот, да бидат иновативни и да произведуваат производи со поголема додадена вредност.Кочо Анѓушев, сопственик и претседател на бордот на директори на „Брако“ рече дека иднината на македонската индустрија се производите со поголема додадена вредност.„За да се произведуваат такви извозно ориентирани продукти што можат да се продаваат во целиот свет, потребно е компаниите да го поседуваат највисокото ниво на технологија и да имаат агресивен маркетинг. Токму ова веќе 20 години го применуваме во „Брако“, а овие возила се резултат на овој принцип на работа. Навистина сум горд што денес можеме да ги промовираме овие возила, пред сѐ, возилото на водороден хидрогенски погон кое што е комплетно развиено како најнова технологија што е иднина во светот. Исто така, горди сме што во „Брако“ во Велес се произведе машина за чистење и метење улици, со големина и капацитет што се први во светот“, рече Анѓушев.Македонските „зелени машини“ за чистење на јавни и отворени површини, се извезуваат во Лондон, во Холандија, Австрија, Германија, Вашингтон и на други места во светот. видео: Влада

Македонија | пред 5 години

Детски е од функционер платен со наши пари да забранува коментирање на негови постови, вели Божиновски

Вицепремиерот за борба против корупција ми забранил да коментирам.  Делува сосема наивно, детски дури, од функционер платен со наши пари (меѓу кои нешто ситно и од мене) да забранува коментирање на негови постови. Нормално коментарите никогаш не биле говор ба омраза или закани затоа што покрај шо е казниво е и недостоинствено. Исто ко и забраната, напиша на својот ФБ профил Божидар Божинивски.Божиновски во објата додава:Делува наивно, но според плановите и не е. Не само за мене туку за сите. Намалена им е толеранцијата на критика, а уште го немаат извадено асот од “Агенда 21” за борба против лажни вести, наизглед племенита борба, а во пракса цензура. Денес е еден министер со забрана за еден човек. Утре ќе е цела влада со забрана за сите. До крајот на годината ќе е отворена цензура на медиуми, социјални мрежи.До денес “фејк њуз” беше дека Љупчо бил во Дубаи. Денес призна, како релевантен извор, дека бил.За жал не учат ништо од историјата и од тоа што го поминаа, кога немаше каде да писнат и да им се слушне глас па сега од позиција на моќ ќе сакаат да го прават истото. Забораваат дека моќта не е вечна и дека еден ден пак на маргините ќе зборуваат во празно. Само тогаш без маски на некои слободотворци туку како опортунисти кои својата историска шанса ја потрошиле за лично богатење.П. С. Ако смета статусот министре пиши, ќе го тргнам.извор: ФБ Божидар Божиновски

Македонија | пред 5 години

Притвор за двајца албански државјани осомничени за тешки кражби во Гостивар​

Гостиварското обвинителство поведе постапка против двајца државјани на Република Албанија, за кои постои основано сомнение дека сториле продолжено кривично дело – Тешка кражба од член 236 став 1 точка 1 во врска со членовите 22 и 45 од Кривичниот законик.Осомничените, како соизвршители, со употреба на штрафцигер, преку подрумските простории, насилно влегле во две куќи во гостиварско, од каде одзеле телевизор, таблет, рачни часовници, накит и други вредни предмети.На 22 март полициски службеници извршиле претрес во напуштена куќа во која престојувале осомничените, кои биле затекнати и лишени од слобода, а биле пронајдени и противправно одземените предмети од кривичните дела.Постапувајќи по поднесениот предлог на јавниот обвинител, судијата на претходна постапка од Основниот суд Гостивар на осомничените им определи мерка притвор во траење од осум дена. фото: Архива

Македонија | пред 5 години

Повикот и бојкотот на Пописот е кривично дело, можна е затворска казна до пет години

„Пописот е граѓанска обврска утврдена со закон. Учеството во Пописот е задолжително и претставува одговорност на секој граѓанин кон државата. Повикот и бојкотот на Пописот е кривично дело, тоа е исто што и организирање отпор и непослушност кон законити одлуки и мерки на државен орган опфатени со членот 387 од Кривичниот законик, предвидува парична казна или затвор до 3 години за оној, што ќе организира други на отпор и на непослушност. Ако пак поради делото не е спроведено или значително е отежнато спроведувањето на законита одлука или мерка, или ако делото го стори како водач на група сторителот ќе се казни со затвор од 1 до 5 години“, е истакнато на редовната прес-конференција на портпаролите на Владата на Република Северна Македонија, Душко Арсовски и Муамет Хоџа, која ја одржаа заедно со Јасмина Ѓоргиева од Државниот завод за статистика.На прес-конференцијата информираа за заклучоците и одлуките донесени на вчерашната 57-ма седница на Владата, како и за тековните активности поврзани со Пописот 2021.Портпаролот Арсовски информираше дека за теренскиот дел е обезбеден потребниот број на попишувачи и почнува обуката на реонските инструктори, при што нагласи дека здравствените протоколи со кои е предвидено да се спроведува Пописот гарантираат највисоко ниво на заштита и за попишаните и за попишувачите.Во однос на активностите во дијаспората е информирано дека самопопишувањето на нерезидентното население забележливо се зголемува и досега се самопопишале 137.114 македонски државјани кои живеат во странство, а претставничката на ДЗС Ѓоргиева соопшти дека најголем е бројот во Швајцарија, Германија и Италија, како и дека е забележан и раст во САД и Канада.Портпаролот Арсовски посочи дека податоците од Пописот се доверливи и заштитени по највисоките стандарди и со учеството во оваа статистичка операција секој придонесува државата да има релевантни и точни податоци, а не претпоставки, за да може да се креираат политики за натамошен развој.Портпаролот Хоџа информираше за заклучоците и одлуките донесени на вчерашната 57-ма владина седница, на која Владата ја разгледа и ја усвои Информацијата за спроведување на Планот за управување со светското природно и културно наследство на Охридскиот Регион и Владата ги задолжи Министерството за култура, Министерството за животна средина и просторно планирање, Министерството за транспорт и врски, Државниот инспекторат за животна средина, а им укажува на Управата за животна средина, Управата за заштита на културното наследство, на општините Охрид, Струга и Дебрца, во взаемна и постојана комуникација и со стручна помош да ги решаваат проблемите со светското природно и културно наследство на Охридскиот Регион, се со цел на зачувување на неговата исклучителна универзална вредност.Во контекст на подобрувањето на гасната инфраструктура Владата го разгледа и прифати текстот на усогласениот Договор меѓу Владата на Република Северна Македонија и Владата на Република Грција за изградба на интерконекцијата за пренос на природен гас. Со овој договор за заедничка изградба на интерконекторот со Грција ќе се овозможи гасно поврзување на Централна и на Југоисточна Европа со цел унапредување на диверзитетот и конкурентноста на снабдувањето со природен гас и обезбедување на сигурноста во снабдувањето на регионот.Видео: Влада

Македонија | пред 5 години

Каевски: Пратениците од ВМРО-ДПМНЕ, Алијанса и Левица да застанат на страната на граѓаните или да ги вратат платите што ги добиваат од Собранието

Опозицијата во Собранието не се откажува од блокадите и деструкциите, свесно и намерно кочи се што е во интерес на граѓаните, во интерес на државата и нејзиниот развој. Видовме дека на пратениците од ВМРО-ДПМНЕ, Левица и Алијанса воопшто не им е важно тоа што илјадници граѓани чекаат државна помош која токму тие ја блокираат, а слушнавме и како некои пратеници бесрамно и безобразно им порачуваат на граѓаните да се стрпеле некој месец без плата, истакна Дарко Каевски, пратеник на СДСМ.Каевски додаде:Законот за административни службеници, Законот за високо образование, Законот за внатрешни работи, Законот за работни односи, измените и дополнувањата на Законот за здравствена заштита, Законот за културно наследство, Законот за нов Клинички центар, финансирањето на новиот еколошки јавен превоз во Скопје, се само дел од законите кои опозицијата предводена од ВМРО-ДПМНЕ на секој начин ги кочи и блокира.На пратениците од опозицијата овде во Собранието не им е важен ниту развојот на Скопје, не им е важна заштитата на животната средина, не им е важен јавниот сообраќај во главниот град.Затоа го кочат и Законот со кој треба да се обезбедат средства за реализација на бас рапид транзит, односно за воведување на нов, еколошки и ефикасен систем на јавен превоз во Скопје.Зошто пратениците од опозицијата се против ваков важен капитален проект, кој е долгогодишна цел на сите досегашни градски администрации?Зошто пратениците на опозицијата не сакаат да се модернизира јавниот превоз?Очигледно дека не постојат логични објаснувања освен фактот што пратениците на ВМРО-ДПМНЕ, Левица и Алијанса свесно сакаат Собранието да не функционира, свесно да предизвикуваат штети врз граѓаните и државата.Ако веќе решиле да се однесуваат така, ред е и да ја вратат платата што ја добиваат од граѓаните, од Собранието, затоа што не си ја работат својата работа, не работат за интересите на граѓаните кои ги гласале и кои преку Буџетот ги плаќаат.Ваквиот неодговорен однос на ВМРО-ДПМНЕ и опозицијата во Собранието е препознаен од граѓаните и затоа тие повторно ќе бидат казнети.Како парламентарно мнозинство ќе ги искористиме сите деловнички и законски можности за да можат сите законски решенија во интерес на граѓаните да бидат донесени.видео: СДСМ

Македонија | пред 5 години

Премиерот најави масовната имунизација кон крајот на месецов или почетокот на следниот

Премиерот Зоран Заев очекува кон крајот на месецов или почетокот на следниот да започне масовната имунизација во земјава.  Тој денеска изјави дека кон крајот на месецов, се очекуваат првите количини преку Ковакс системот, а следната недела и вторите дози од руската вакцина „Спутник“ со која се вакцинираат здравствените работници.„ Она што го знаеме по сите информации е дека на крајот на март ги очекуваме првите количини од Ковакс системот. На 30-ти доаѓа министерот за одбрана на Кина и веруваме дека ќе донесе попрецизна информација кога ќе стигнат и кинеските вакцини. Мислам дека кон почетокот на следната недела ќе стигнат и вторите дози од „Спутник“ кои се користат за здравствените работници, изјави Заев по посетата на фабриката „Брако“ во Велес.Премиерот додаде дека САД,  можеа од 850 илјади вакцини, дневно да одвојат две илјади вакцини или 20 илјади за регионот којшто не е во ЕУ, а е кандидат за членство.„Србија се снајде и со своите позиции – НАТО неутрална, направи чекори порано. Ние сите други направивме чекори подоцна и денес сме во иста ситуација. Но, во сложена и комплицирана ситуација се и САД и земјите членки на ЕУ. Буквално и таму атмосферата е иста додека трае процесот на вакцинација“,  истакна Заев.фото: Архива

Македонија | пред 5 години

Против пет лица поведени постапки за нарушување на полицискиот час​

Основното јавно обвинителство Скопје поднесе предлози за издавање казнен налози против четири лица за кривично дело – Непостапување според здравствените прописи за време на епидемија согласно член 206 став 1 од Кривичниот законик.Обвинетите биле затекнати како се движат на различни локации низ градот за време на полицискиот час, определен како мерка за превенција и сузбивање на ширењето на заразна болест.За четворицата обвинети јавните обвинители му предложија на Основниот кривичен суд Скопје да изрече парични казни од по 10 дневни глоби, со поединечна вредност на дневната глоба од 20 евра во денарска противвредност.За еден скопјанец, пак, Основното јавно обвинителство Скопје поднесе Обвинителен предлог за кривично дело – Фалсификување исправа од член 378 став 1 од Кривичниот законик.Делото било сторено така што обвинетиот на 17 март бил затекнат како се движи на улицата „Цветан Димов“ за време на полицискиот час, при што употребил лажна исправа – дозвола за движење на вработен поради континуитет на работниот процес. Имено, тој во наведеното правно лице извршувал работни активности само во периодот од 08-16 часот.​ Фото: Архива

Македонија | пред 5 години

ВИДЕО: Заев возеше чистач за улици, но не ја вклучи метлата

Премиерот Зоран Заев денеска ја посети компанијата од индустриската дејност „БРАКО“ во Велес. Тој прв го возеше првото македонско хидрогенско возило за чистење на улици и јавни површини.видео: ТВ 21

Македонија | пред 5 години

Жугиќ: ДКСК да го испита случајот со набавка на дронско снимање на Шилегов од партнерот на Царовска преку Град Скопје

Функционерите продолжуваат да си делат тендери помеѓу себе. Па така Петре Шилегов му дал тендер во вредност од еден милион денари на партнерот на Мила Царовска со цел снимање со дрон на зелените површини на територија на Градот Скопје. Договорот е потпишан од Петре Шилегов како градоначалник, истакна Јелена Жугиќ, советник во Советот на Град Скопје од ВМРО- ДПМНЕ.Жугиќ додаде:Прашање, дали во случајот со тендерот за летање на дрон на партнерот на Царовска играле улога и некои други фактори?Факт, година дена живееме во за жал нескротлива пандемијата.Факт, непотребните расходи треба и мора да се сведат на минимум со цел да се даде акцент пред се на она што е потребно за борба против пандемија.Прашање, дали овој тендер за летање со дрон е неопходен за борбата со вирусот, како и избраната фирма добитник?!Во една паралелна реалност, драги мои сограѓани, сите сме вакцинирани, Градот Скопје секојдневно на граѓаните им донира маски, ракавици, средства за дезинфекција, за тестирање не се чека повеќе од пет минути, болничките капацитети се празни и нормално Шилегов како приоритет избра со милион денари да лета дрон над скопското зеленило, скопска идила. Убаво звучи оваа паралелна реалност, но за жал, таа за нас со оваа влада апсолутно е недостижна.Да се вратам на суровата реалност и од името на советниците на ВМРО-ДПМНЕ и коалицијата во Советот на Град Скопје да упатам јавен повик до државната комисија за спречување криминал да отвори предмет и да го испита во целост тендерот за летање со дрон, истакна Жугиќ.видео: ВМРО ДПМНЕ

Скопје | пред 5 години

Апасиев: Со обидот за цензура на вести, владиниот портпарол дефакто признава дека блефираше во најавата за кривични казни за непопишување

Владиниот портпарол Душко Арсковски, вчера во два наврати се обидел да изврши цензура врз ТВ Канал 5, откако претседателот на Левица, Димитар Апасиев имаше изјава во вчерашните вести во 15 часот, кадешто по најавите за кривични казни за непопишување од страна на Арсовски, образложи дека во Законот единствено предвидено кривично дело е - уништување на пописен материјал, а сѐ друго е само блеф на Владата, се вели во соопштението од Левица.Во продолжение на соопштението се додава:Имено, Арсовски два пати се јавил во телевизијата, обидувајќи се да изврши притисок и цензура врз редакцијата. Како што изјавија од Канал 5, тие при подготовката на прилогот, телефонски го контактирале Арсовски, при што од него било побарано изјава во која ќе објасни - врз основа на кој член и од кој Закон, ќе се одговара кривично за повикување на Бојкот на пописот, на што тој одговорил дека нема што да објасни дополнително и дека останува на завчерашната изјава, на која патем ширеше лаги и заплашувања, дека оние кои ќе го бојкотираат пописот со неотворање врата, ќе бидат кривично гонети.За тоа дека Арсовски блефираше на неговата прес-конференција завчера, стои фактот дека тој во вториот телефонски повик до телевизијата реагирал на тоа - зошто бил пренесен неговиот став, без притоа да даде дозвола за цитирање!?Ако се земе предвид дека, Арсовски е поранешен новинар, ова експлицитно потврдува дека тој сакал да изврши цензура, бидејќи и самиот знае дека обврска на новинарите е да ги пренесуваат ставовите на јавните функционери и институциите што тие ги претставуваат, со цел јавноста да биде информирана.Овој случај експлицитно потврдува дека Владата предводена од СДСМ со закани и насила, без почитување на Устав и закони, се обидува да спроведе попис во услови кога и светски медиуми ја прогласија Македонија за трета држава по смртност во светот. Кривична одговорност мора да има, но, за сите оние чинители кои активно пропагираат попис за време на светска пандемија, со што вршат кривично дело „Тешки дела против здравјето на луѓето" од член 217 од Кривичниот законик, што е квалифициран облик на кривичното дело „Ширење заразна болест" од член 205 од КЗ. фото: Архива

Македонија | пред 5 години

При претресот во становите на експремиерот Никола Груевски биле пронајдени и пиштоли

При претресот во становите на експремиерот и азилант, Никола Груевски биле пронајдени и пиштоли, дознава неофицијално „А1он“. Според извори од истрагата, во станот биле затекнати четири пиштоли, кои биле одземени од истражителите. Освен нив, одземена е и документација која треба да и помогне на истрагата за предметот познат како „Плацови на Водно“. Засега, непознато е дали Груевски имал дозвола за поседување на оружјето.Засега, нема ниту потврда ниту негирање за оваа информација. Обвинителката Вилма Русковска за „А1он“ вели дека не знае што било затекнато во станот, како и што било одземено.Како што веќе објавивме, во становите на Груевски биле пронајдени и уметнички дела, како и макети за проектот „Скопје 2014“. Претресите се правеа вчера по наредба од обвинителката Лиле Стефанова која го води случајот „Плацови на Водно.Текстот во целост на: „А1он“.

Македонија | пред 5 години

Заев се пофали со раст на просечната плата за 2,7 % или 732 денари за една година

Исплатената просечна месечна нето-плата по вработен во јануари 2021 година изнесувала 28.272 денари, што е за 2,7 проценти повисока од истиот месец лани, или зголемување од 732 денари за една година, објави денеска премиерот Зоран Заев.-Согласно податоците на Државниот завод за статистика, ваквото зголемување се должи пред сѐ, на зголемувањето на просечната плата во секторите: Дејности на здравствена и социјална заштита (12,4%), Уметност, забава и рекреација (8,4%) и Информации и комуникации (8,3%). Според статистика, просечната исплатена нето-плата за јануари е највисока во секторот Информации и комуникации и изнесува 53.928 денари. Просечната месечна исплатена бруто-плата по вработен за јануари изнесува 42.204 денари, објави денеска на својот Фејсбук профил премиерот Зоран Заев.Владата, пишува во објавата на Заев, во консултација со сите чинители во општеството, синдикати, комори, организации на работодавачи, креира амбиент за раст на просечната и на минимална плата-Посветени сме на реализација на стапките на економски раст и покачување на платите до 30 проценти, напиша Заев. извор: ФБ Зоран Заев

Македонија | пред 5 години

Николоска: Пописот е важен за идниот развој на државата, повиците за бојкот се кривично дело

По скоро 19 години државата спроведува попис согласно стандардите на Евростат и Обединетите нации.Преку оваа најмасовна и најсложена операција кончено, ќе добиеме релевантни, сеопфатни податоци кои ќе ги дадат правците за креирање ефикасни јавни политики за развој.Со податоците од пописот добиваме патокази за остварување на одржливи политики кои во себе носат економска, социјална и образовна димензија.Сето ова е важно за идниот развој на нашата држава, истакна Фаница Николоска, пратеничка на СДСМ.Николоска додаде:Пописот е најважна државничка работа и затоа е особено важно сите граѓани да учествуваат во него. Со учество на пописот секој поединец придонесува кон градење држава базирана на податоци, а не на претпоставки.Пописот е граѓанска обврска утврдена со закон. Учеството во пописот е задолжително и претставува одговорност на секој граѓанин кон државата.Истовремено, тече процесот на попишување на нерезидентното население, односно на нашите иселеници во дијаспората.Досега 137.111 македонски државјани во странство се самопопишале преку веб апликацијата, а процесот на самопопишшување ќе трае до 21 април.За поздравување е тоа што се зголемува интересот за попишување во дијаспората и очекуваме дека ова темпо ќе продолжи и во следниот период.Сите од нашата дијаспора, од сите краеви на светот, да се приклучат кон овој патриотски чин и да помогнат да добиеме јасна слика за нашите луѓе во странство.Обидите за бојкот, за минирање на пописот не се само незаконски, тие се антидржавни.Повиците за бојкот и одлагање на пописот што често ги слушаме од политичките партии ВМРО-ДПМНЕ и Левица се повици за пропаѓање на пописот. Тоа се антидржавни ставови кои не носат ништо добро, создаваат конфузија меѓу граѓаните и носат сериозна штета за државата. Бојкотот на пописот е кривично дело.Крајно време е да покажеме зрелост, одговорност и да му се придружиме на светот. Да не бидеме црна дупка на статистичката мапа и по цели 19 години да спроведеме попис согласно сите меѓународни стандарди.Секој од нас е повеќе од бројка, секој од нас треба да учествува во пописот.видео: СДСМ

Македонија | пред 5 години

Костадинов побара од пратениците да ги вратат платите бидејќи според него тие не си ја завршиле работата за која се плаќаат, еве што му одговори Таравари

Како прво, го потсетуваме пратеникот Костадинов дека Коалицијата Алијанса за Албанците и Алтернатива си ја извршува работата точно како што ја има добиено довербата од граѓаните. Еден од примарните и главни ангажмани на нашата Програма “Држава за сите” беше и промената на амандманот на законот за државјанство за овозможување признавање на правото на државјанство по автоматизам за граѓаните родени во Северна Македонија, граѓаните коишто живееле легално најмалку пет години во СМ, или пак што склучиле брак со граѓанин на оваа држава, според сите одредби на Европските права. Вчера со одбивањето на било каков компромис, или хармонизирање на двата нацрт закони во парламентарна процедура, СДСМ всушност покажа дека тие се главните одговорни за блокирање на Собранието, му одговори Арбен Таравари на Костадинов, кој вчера на прес онференција побарал од пратениците да ги вратат платите бидејќи според него тие не си ја завршиле работата за која се плаќаат.Таравари уште додаде:Како второ, нам ни е драго дека пратеникот се загрижил за даночните обврзници. Ако тој е искрен со неговата загриженост, ние го повикуваме да наместо загриженоста за платите на пратениците да се заангажира за враќање во касата на државата на сите узурпирани и украдени милиони од страна на политичарите од неговиот политички субјект заедно со коалиционите партнери, обваќајки ги и милионите од аферата Маѓар Телеком, рекетираните милиони од бившите другари внатре и околу СЈО, милионите на М-НАВ за случајот Леонардо и многу други злоупотреби со народните пари во текот на четиригодишното владеење на оваа коалиција којашто ги има срушено сите рекорди во светските ранг листи на корупција.На крај, го постетуваме пратеникот дека не е тој што ја проценува работата на неговите колеги , туку е народот којшто сега веќе без никакви разерви ја поддржува коалицијата Алијанса за Албанците- Алтернатива, бидејќи нашата борба е праведна и универзална. Го повикуваме пратеникот да си ги извршува неговите должности давајќи предлози за решение за деблокирање на Собранието, кое што нема да произлезе со усмерување на прстот кон опозицијата. Во демократија товарот на пронаоѓање на решение во интерес на граѓаните пред се и припаѓа на владата. Повелете, ги слушаме вашите предлози, истакна Таравари.фото: Архива

Македонија | пред 5 години

Сведокот Кухар против Боки 13 за измама од 250 илјади евра: Многу им верував на луѓето со кои зборував за инвестиција во Австрија

Дипломираниот инженер Јованка Стојановска – Кухар, на прво обвинетиот Бојан Јовановски, во случајот „Меѓународен сојуз” му дала околу 250 илјади евра со цел на инвестиција. Сведокот Кухар, на денешното рочиште против обвинетиот Јовановски, кажа дека наведената сума ја собрала од продавање на три стана од кој еден во Словенија, овјави А1ОН.– Едниот стан го продадов во Скопје, 100 илјади евра, другиот исто во Скопје, 50 илјади евра и третиот во Словенија, го продадов 100 илјади евра, кој беше на малолетниот син. Од тие пари ми врати 80 илјади евра. Парите ги дадов на доверба. Многу им верував на луѓето со кои зборував за инвестиција во Австрија, рече сведокот Кухар.Во Кривичниот суд Скопје, таа додаде дека најголемото разочорување го имала кога Бојан Јовановски, бил притворен, односно била загрижена за потписите врз договорите, на кои не ги потпишале сите страни. Текстот во  целост на: А1ОН

Македонија | пред 5 години