Исплатата на пензиите ќе започне на 29 март

Владата ја разгледа и усвои информацијата за исплата на пензиите за март 2021 година и го задолжи Фондот на пензиско и инвалидско осигурување да ги достави податоците за пензиите до деловните банки најдоцна до 26.3.2021 година, на кои им се препорачува да обезбедат пензионерите да може да располагаат со мартовските пензии преку мрежата на банкомати и во трговската мрежа од 29.3.2021 година.Банките готовинската исплата на пензии треба да ја организираат во четири групи според следниот распоред составен според висината на пензијата:– за пензиите со висина до 11.000 денари исплатата да се изврши на 29.3.2021 година (понеделник);– за пензиите со висина од 11.001 до 14.000 денари исплатата да се изврши на 30.3.2021 година (вторник);– за пензиите со висина од 14.001 до 18.000 денари исплатата да се изврши на 31.3.2021 година (среда);– за пензиите со висина над 18.001 денар исплата да се изврши на 1.4.2021 година (четврток).фото: Архива

Македонија | пред 5 години

Намалена казната затвор за убиството на Саздо - казната била превисока

Основниот суд во Скопје денес изрече пресуда со која од 19 години затвор, ја намали на 16 години казната за Бесир Бела и Скендер Демири, за убиството на Никола Саздовски-Саздо. Преиначувањето на пресудата за МКД.мк го потврди законскиот застапник на семејството на оштетениот, адвокатот Ванчо Шехтански кој додава дека причина за намалување на казната од 3 години е тоа што, Судот сметал дека обвинетите биле млади лица и претходно изречената казна од 19 години била превисока.За денеска  во 12 часот е закажано и рочиштето за третиот обвинет во овој предмет, Јетон Љужа кој беше во бегство, па фатен од полицијата. На утрешното рочиште Љужа треба пред судот да ја каже својата верзија за настанот.Обвинетите Бесир Бела и Скендер Демири, првично беа осудени на затвор од по 19 години за убиство на свиреп начин. Настанот меѓу обвинетите и Никола Саздовски се случи во јуни 2018 години во автобуската постојка во населбата Автокоманда.фото: Архива 

Македонија | пред 5 години

Сите Ковид центри во Скопје се преполни, а во Македонија се спрема попис - не е смешно, умираат луѓе со име и презиме

Сите Ковид центри во Скопје се преполни.Слободни места се бројат на прсти и покрај тоа што освен инфективна клиника и 8ми Септември се отвори цела интерна клиника, Козле, хирургија, траума, пластична, очно, ушно, нервно ТБЦ итн.И да има кревети (а нема) , недостасува персонал, а бранот е далеку од пикот.Западна Европа и регионот иако со подобри епидемиски параметри и вакцинација се во локдаун, а во Македонија се спрема попис.Не е смешно.Умираат луѓе со име и презиме, а не само бројки, се вели во објава на ФБ.извор: ФБ Златко Јованоски

Македонија | пред 5 години

Нема фотографија

Викендов почнува летното сметање на времето

Летното сметање на времето почнува од недела, информираат од владината служба.Од таму додаваат дека Владата на седница ја донела одлуката за утврдување на летното сметање на времето, кое во 2021 година почнува на 28 март во 2 часот.Извор/фото:Агенции

Македонија | пред 5 години

Апасиев: Петнаесет илјади чуми да ве фатат, багро една

Година и кусур после епидемија, при прогласена кризна состојба на целата територија на Републиката, сред најсмртоносниот трет бран на вирусот - Владата (штитејќи нечии бизнис-интереси) упорно одбива да воведе РЕГУЛИРАНИ ЦЕНИ на приватните болници, со цел намалување на екстрапрофитите во услови на здравствена криза, напиша на својот ФБ профил пратеникот Димитар Апасиев.Апасиев во објавата додава:Па така, имате сцени кога полумртви, дехидрирани и исцрпени наши сограѓани, кои со висока температура, гушење и јаки симптоми на ковид не биле примени на државните клиники - буквално чекаат во кола, на паркингот пред приватните болници, додека нивните роднини не покажат 15.000 ЕУР депозит на сметка! Петнаесет илјади чуми да ве фатат, багро една корумпирана ратно-профитерска.p.s. И ова, Филипче го вика организиран „здравствен систем“!?извор: ФБ Димитар Апасиев

Македонија | пред 5 години

Груевски: Ниту имам скриен имот, ниту сум зел партиски пари, Власта врши притисок и закани врз лица да ги натера да бидат лажни сведоци

По претресите во четири станови кои се поврзуваат експремиер Никола Груевски, од Будимпешта преку својот ФБ профил се огласи Груевски. Тој објави дека двата стана кои ги изнајмиува, а за кои „А1он“ објави дека според договорот не плаќа закуп, се во сопственост на лице со кое тој нема поврзаност. Груевски смета дека немало потреба од претрес во 06 часот изутрина, време кога неговите деца и сопруга биле во станот, освен ако целта не била нивно вознемирување. Тој негира дека е вистински сопственик на становите кои се изнајмени.Груевски на својот ФБ профил на ФБ напиша:Во врска со денешните натписи во медиумите за претрес во моето живеалиште во Скопје и пронајдени наводни нови станови сакам да информирам што всушност реално се случува.Денес, репресивните органи на власта, речиси две и пол години по моето заминување од Македонија и добивање азил во Унгарија, во 06 часот изутрина упаднаа во станот каде живеат моите две деца и сопругата со цел да извршат претрес.Немале потреба да прават такви вознемирувања на моето семејство и особено на децата, бидејќи што и да побарале ќе им било дадено. Освен ако тоа вознемирување не било една од целите.Како што на јавноста одамна и е познато јас низ годините наназад користев два стана во сопственост на мојата мајка купени на кредит пред дваесетина години. Покрај тоа, во одреден период имав извршено и закуп на два други стана на истиот кат каде живеев а од кои имав потреба, и кои се со помала квадратура, за што поседувам договор за закуп од сопственик со кој немам никаква поврзаност.Непостои ништо друго надвор од тоа. Не постои никаков скриен имот,стан или земјиште. Ниту сум купил, ниту платил, ниту продал било какво земјиште, стан или друг движен и недвижен имот, што впрочем може да се провери и во катастерот.Надвор од ова, мојата мајка не поседува никаков стан во Ареодром. Поседува стан во Капиштец купен на кредит во 1984 година.Непостои некаков мој стан на име на моја секретарка како што денес напишаа дел од медиумите.Напамет не ми паднало да земам пари од партијата или чланарини од членството за да купувам имот. Впрочем ако целта ми била да живеам во голема удобност имав можност како премиер заедно со семејството да се преселам и десетина години да живеам во многу поголема, побезбедна и поудобна државна вила, што не го направив.Подолг период власта врши притисок, уцени и закани врз лица да ги натераат да бидат лажни сведоци дека нешто што е нивно или нечие, било мое. Употребуваат најбрутални методи од најниски лични уцени и тешки закани по нивната слобода, семејство и имот, па до одредување притвори и други нечовечки методи.Целта им е да ме обвинат за некаков скриен имот а со тоа и за перење пари, за “да докажат” некакви перење пари кое непостои.Освен што е потребно да докажат дека нешто наводно поседувам а кое не е пријавено, за да ме обвинат со квалификација “перење пари”, согласно Законот, потребно е да докажат и од каде се парите за истото да се купи. Оттука немајќи што друго да кажат или смислат, одат на тоа дека сум користел партиски пари, што е безочна лага и невистина. Тоа го прават затоа што не знаат што друго да смислат за да ја затворат лажната конструкцијата за која имаат исклучително политички мотиви и која е дел од политичкиот прогон против мене и обид за мое оцрнување и преставување во очите на јавноста тоа што не сум. И веројатно тука нема да запрат.Покрај ова, во услови на секојдневни криминални афери на власта, неработење, национални предавства и неуспеси, тотално потфрлање со справувањео со пандемијата и (не)набавката на вакцини, пописот кој го започнаа со закон од кој е јасно дека се остава простор за големи манипулации, прогонот го користат и како алатка за дефокусирање на јавноста од реалните проблеми и неуспеси на власта, напиша Груевски на ФБ. извор: ФБ Никола Груевски

Македонија | пред 5 години

МРТ одлучи: Гарванлиев ќе не претставува на Евросонг -боите од бугарското знаме во спотот биле само перцепција

Комисијата за одговорност од македонската радио телевизија денеска донела одлука дека нема ништо спорно во тоа Васил Гарванлиев да ја претставува земјава на Евросонг.Од таму велат дека боите од бугарското знаме во спотот биле само перцепција, а државјанството е лична слобода.Јавниот сервис нема право да дискредитира никого по основа на верски, национални или други определби и дека има целосна слобода да одреди за претставник пејач независно од неговото државјанство. Праксата покажала дека речиси на секој Евросонг има такви случаи, велат од МТВ.Во јавноста се крена врева, поради два кадра на спотот кои беа протолкувани како спорни.Според извештајот на работната група, станува збор за поинаква перцепција, поради која уметничкото дело на Жанета Вангели коешто се наоѓало во тие два кадра, предизвикало асоцијација на знаме на туѓа држава. По реакциите од јавноста, спотот бил повлечен и преработен. Во врска со вториот контроверзен момент, изјавите на Гарванлиев дека имал двојно државјанство, работната група посочува дека станува збор за дел од интервју дадено пред повеќе од една година коешто сега добило публицитет. Согласно со правилата на ЕБУ – Јавниот сервис нема право да дискредитира никого по основа на верски, национални или други определби и дека има целосна слобода да одреди за претставник пејач независно од неговото државјанство. Праксата покажала дека речиси на секој Евросонг има такви случаи, објаснуваат од МРТ.Од таму додаваат дека евентуалното откажување од настап на Евросонг би предизвикало финансиски и други импликации по МРТ и драстично би го нарушило угледот и на Јавниот сервис и на државата во меѓународни рамки.фото: Архива

Македонија | пред 5 години

Груевски договорте за закуп за новите станови ги направил без да плаќа кирија

Полицијата направи претреси во четири стана што се поврзуваат со експремиерот и азилант, Никола Груевски, со наредба од обвинителката Лиле Стефанова за случајот познат како „Плацови на Водно“. Според информации на „А1он“, два од становите што се споени се оние каде што живееше Груевски на улицата Бихаќска, а се водат на мајка му Надежда. Другите два стана се во истата зграда, на истиот кат, а според имотниот лист се водат на секретарка, која работи кај познат бизнисмен, близок до Груевски.Пред да избега во Будимпешта, Груевски во 2018 година склучил договор за закуп со формално-правната сопственичка на становите. Според неофицијални информации, договорот за закуп е направен за Груевски да ги користи становите без да плаќа кирија. Становите претходно се замрзнати за да не може да се отуѓуваат.Текстот во целост на: „А1он“

Македонија | пред 5 години

(ФОТО) 105 македонски медиумски работници ја примија вакцината „АстраЗенека“ во Врање

Во отсуство на масовна вакцинација 105 македонски медиумски работници, новинари, сниматели, фоторепортери, возачи, во српскиот град Врање, се вакцинираа со вакцината на АстраЗенека, која беше обезбедена преку УНС-Здружението на новинари на Србија и кабинетот на претседателот, Александар Вучиќ, а со посредство на МАН -Македонска асоцијација на новинари.Вакцинацијата се реализира во Домот за јавно здравје во Врање кој целосно ги ставил на располагање своите капацитети за вакцинација на медиумските работници од земјава. Истата поминала во најдобар ред и побрзо од очекуваното изјави за Глас на Америка, Ивона Талевска, претседател на МАН.„Заедно со претседателот на здружението на новинари на Србија, Бранимир Радомировиќ повикавме на масовна вакцинација на населението, бидејќи тоа е единствен начин да се заштитиме од ковид 19. Сите вакцини се одлични, а најдобра е онаа која ќе ја имаме на располагање. Затоа важно е да се вакцинираат не само медиумски работници туку и целото население. Преговараме за дополнителна квота за други медиумски работници од земјава да бидат вакцинирани“, изјави за ВОА, Талевска.„Решението не е само ние да се вакцинираме, туку треба да бидат заштитени и нашите соседи. Тоа е единствен начин сите да сме здрави“, изјавил, Бранимир Радомировиќ, претседател на УНС – Србија.извор: VOA Глас на Америкафото: VOA Глас на Америка

Македонија | пред 5 години

На Владина седница се одлучуваше за поранешниот ресторан „Парк“ во Охрид, Општината има два дена да достави информација за одобрението за градба за локацијата

Министерството за култура, по последните случувања со градежните активности на локација, ресторан-дискотека Парк, предложи Информација до Владата за потребата за интегриран, координиран и синхронизиран пристап за заштитата на Охридскиот регион меѓу надлежните институции.Согласно дискусијата, Владата ја усвои Информацијата поднесена од Министерството и донесе серија заклучоци за постапување, како и за зајакнување на работата на институциите од сите области, вклучително и од културата.Имајќи предвид дека сите стручни дејствија кои се содржани во Планот за управување со светското природно и културно наследство на Охридскиот регион се имплементираат преку НУ Завод за заштита на спомениците на културата и музеј-Охрид и Управата за заштита на културното наследство,Владата донесе заклучоци со кои овие дејствија на Заводот ќе се реализираат во соработка и со претходно мислење од Националниот конзерваторски центар-Скопје.Со цел, координирано одвивање на активностите за заштита на културното наследство во Охридскиот регион, Управата за заштита на културното наследство актите ќе ги издава по претходно мислење на Министерството за култура.Заради обезбедување на стручност, Министерството за култура ќе формира комисија составена од докажани експерти за заштита на културното наследство која ќе дава стручна помош за мислењата и за актите изготвени од Управата за заштита на културното наследство.Околу актуелните случувања на локацијата на поранешниот ресторан Парк, а во насока на заштита на крајбрежјето на Охридското езеро, Министерството за транспорт и врски во рок од два дена ќе формира стручна комисија која ќе изврши увид во работата за Општина Охрид за процесот на издавање/спроведување на одобрението за градење на локацијата и за своите наоди да ја извести Владата на нејзината наредна седница;Исто така задолжена е Општина Охрид да превенира градежни работи на посочената локацијата и во рок од два дена до Владата да достави Информација за важноста на одобрението за градба за локацијата на ресторан-дискотека Парк.Владата ги задолжи сите надлежни министерства и инспекторати, во взаемна и постојана комуникација и преку давање на стручна помош да ги решаваат проблемите со светското природно и културно наследство на Охридскиот егион.Владата им укажа на општините Охрид, Струга и Дебарца, одобренијата за градба да ги издаваат со извод од ДУП и од Планот за управување со Охридскиот регион.Општините Охрид, Струга и Дебрца до донесувањето на новите урбанистички планови кои ќе бидат усогласени со Планот за управување, изградба на објекти или преземање на мерки на непосредна заштита со кои се нарушува интегритетот на културното наследство на Охридскиот регион, задолжително да се врши со издавање на заштитно-конзерваторски услови. фото: Архива

Македонија | пред 5 години

Претреси во становите на Никола Груевски и Миле Јанакиески во рамките на предметот „Плацеви на Водно“

По барање на Основното јавно обвинителство за гонење на организиран криминал и корупција денеска е извршен претрес во повеќе објекти. Претресот е во рамки на истражните дејствија во предметот во јавноста познат како „Плацеви на Водно“.Основното јавно обвинителство за гонење на организиран криминал и корупција продолжува во континуитет да презема дејствија во насока на целосно расчистување на предметот.​фото: Архива

Македонија | пред 5 години

Денеска починати 30 лица и нови 1056 случаи на Ковид 19

Во последните 24 часа се направени 3.728 тестирања, а регистрирани се 1056 нови случаи на КОВИД-19 во:Скопје – 590, Битола – 57, Прилеп - 42, Велес – 36, Кавадарци – 35, Куманово – 34, Охрид – 30, Тетово – 28, Струмица – 21, Гостивар – 19, Неготино – 18, Струга и Кичево – по 16, Штип, Кочани, Гевгелија и Берово – по 13, Делчево – 9, Свети Николе – 8, Радовиш и Пробиштип – по 7, Кратово – 6, Крива Паланка и Ресен – по 5, Валандово и Демир Капија – по 4, Крушево, Демир Хисар и Македонска Каменица – по 2, Пехчево – 1.Регистрирани се 727 оздравени пациенти од:Скопје - 457, Прилеп – 58, Куманово – 27, Гевгелија – 26, Гостивар – 22, Тетово и Струмица – по 21, Велес – 17, Штип – 13, Битола и Кочани – по 12, Крива Паланка – 8, Кичево, Ресен и Богданци – по 5, Валандово – 4, Пробиштип – 3, Радовиш, Крушево и Пехчево – по 2, Свети Николе, Неготино, Делчево, Виница и Демир Хисар – по 1.Пријавени се вкупно 25 починати лица, на возраст од 29 – 87 година и тоа: 7 пациенти од Скопје, од Прилеп и Битола – по 4, од Кавадарци – 3 починати, и по едно починато лице е пријавено од Куманово, Тетово, Велес, Гостивар, Кочани, Струга и Охрид.Сите пријавени се починати во болнички услови и со коморбидитети.Направени се 3.728 тестови преку: ИЈЗ-454, ЦЈЗ Скопје-103, ЦЈЗ Битола-71, Клиника за инфективни болести и фебрилни состојби-0, Судска медицина-13, лабораторија болница Козле-13, УК Пулмологија со алергологија–5, ГОБ 8-ми Септември-0, Жан Митрев (Филип Втори)-189, Авицена-267, Биотек-461, Систина-311, лабораторија Лаор–195, Синлаб-159, Ремедика-34, ЈЗУ и ПЗУ (рапид тест) – вкупно 1452.Досега во земјата се направени вкупно 595.686 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 120.882, бројката на оздравени пациенти е 102.201, на починати е 3.528, а бројот на активни случаи изнесува 15.153.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 53958, активни 7728Прилеп 6571, активни 920Куманово 6305, активни 553Тетово 6031, активни 458Гостивар 4276, активни 372Кавадарци 4151, активни 648Велес 4081, активни 485Битола 4004, активни 472Штип 4000, активни 296Охрид 3841, активни 588Струмица 3064, активни 259Струга 2586, активни 172Кочани 2111, активни 200Кичево 1896, активни 102Неготино 1790, активни 427Гевгелија 1627, активни 311Свети Николе 1198, активни 71Крива Паланка 1017, активни 112Ресен 939, активни 128Радовиш 838, активни 81Дебар 819, активни 25Делчево 812, активни 83Берово 775, активни 96Пробиштип 637, активни 68Виница 564, активни 38Валандово 465, активни 75Крушево 409, активни 127Богданци 375, активни 65Демир Капија 326, активни 76Кратово 316, активни 25Демир Хисар 314, активни 43Македонски Брод 277, активни 24Пехчево 206, активни 11Македонска Каменица 197, активни 5Дојран 106, активни 9 Фото: Архива

Македонија | пред 5 години

(ФОТО) Пронајдено оружје во импровизирана работилница во Куманово, приведено едно лице

Денеска (23.03.2021) по лициски службеници од Одделот за криминалистичка полиција- Сектор за недозволена трговија со дрога, оружје и опасни материи во координација со ОНТДО при СВР Куманово, по претходно издадена судска наредба, извршија претрес во дом и други простории на А. Ќ. (59) и притоа во импровизирана работилница и во домот се пронајдени пиштол, два гасни пиштоли, три воздушни пушки, ловна пушка карабин кал. 8х57мм, ловна пушка кал. 16 мм, 180 патрони, 88 куршуми, карабин, цевка од воздушна пушка, кутија со делови од пушки и пиштоли.А.Ќ. е приведен и против него ќе биде поднесена соодветна кривична пријава до надлежното обвинителство. фото:МВР

Македонија | пред 5 години

Османи: Мотото „Ние сме НАТО“, не е веќе само обична парола, ова е реалност и ние сме навистина НАТО

Во рамките на денешното учество на Министерскиот состанок на НАТО, Министерот за надворешни работ Бујар Османи испрати пораки за првото присуство на Република Северна Македонија, на масата на Алијансата како полноправна членка. „Да се биде рамноправен со 30-те најмоќни во светот не е само лична сатисфакција, туку гордост за сите наши граѓани. Не е тоа само симболична разлика туку суштина на нашиот напредок како држава: наместо како досега, кога за нашите прашања се разговараше на состаноци на кои информациите ги дознававме од нашите колеги, сега сме присутни на масата, директно да учествуваме и да го претставиме нашиот став за сѐ она што се случува во светот “, истакна Османи, упатувајќи и на првиот јубилеј, првата годишнина од нашето членство во НАТО на 27 март.„Навистина убава можност, тука од Брисел, од седиштето на НАТО, да потсетиме дека со членството во НАТО не само што се смени нашата улога на меѓународната политичка и безбедносна арена, туку и суштински се засили улогата на Алијансата во целиот регион. “, истакна Османи, посочувајќи на подготвеноста на земјата и кадровски и технички и политички да одговори на предизвиците на членството во Алијансата.„Мотото ‘Ние сме НАТО’, не е веќе само обична парола, ова е реалност и ние сме навистина НАТО. Бидете горди, во овие моменти ја исцртуваме нашата идна историја, го остваруваме сонот на голем број генерации пред нас, создавајќи безбедна, стабилна и просперитетна иднина за генерациите после нас.“, заклучи ОсманиСеверноатлантскиот Совет на Министрите за надворешни работи на земјите – членки на НАТО се одржува денес и утре во Брисел, за прв пат после една година со физичко присуство поради пандемијата КОВИД19фото: Министерство за надворешни работи

Македонија | пред 5 години

Турска државјанка обвинета за употреба на фалсификуван бугарски пасош на скопскиот аеродром

Јавен обвинител од Основното јавно обвинителство Скопје поднесе Обвинителен предлог против 19-година државјанка на Република Турција за кривично дело – Фалсификување исправа согласно член 378 став 3 во врска со став 1 од Кривичниот законик.На 16 март, на Меѓународниот аеродром Скопје, при обид да ја помине пасошката контрола за летот кон Лондон-Лутон, таа употребила фалсификувана бугарска патна исправа. Употребениот пасош се разликувал од оригиналниот примерок на патна исправа издадена од Република Бугарија по однос на повеќе заштитни знаци. При проверка на личниот багаж на обвинетата било утврдено дека таа поседува оригинална турска лична карта од која бил утврден нејзиниот идентитет .​фото: Архива

Македонија | пред 5 години

Обвинение за скопјанецот кој изврши семејно насилство врз своите родители, двајцата завршиле со телесни повреди

Основното јавно обвинителство Скопје поднесе Обвинителен предлог против 49-годишно лице кое се товари дека сторил продолжено кривично дело – Телесна повреда од член 130 став 2 во врска со став 1 и во врска со член 45 од Кривичниот законик.Во семејниот дом на улица „Њуделхиска“, на 18 март, обвинетиот со умисла извршил две временски поврзани дејствија кои претставуваат повеќекратно сторување на истото кривично дело. При вршење семејно насилство тој телесно ги повредил неговите родители. Манифестирајќи агресивно однесување затоа што не добил парични средства за роденден, обвинетиот започнал со клоци да удира на вратата од собата на неговите родители и насилно влегол внатре. Најпрвин го нападнал неговиот татко, удирајќи го со тупаници по главата и кубејќи му еден прамен од косата. Потоа со употреба на физичка сила ја нападнал и сопствената мајка, која пристапила во одбрана на сопругот, удирајќи ја со клоци во главата и во левиот колк. Од ударите двајцата родители се здобиле со телесни повреди.Надлежниот јавен обвинител до Судот достави предлог за продолжување на претходно определената мерка притвор за обвинетиот, бидејќи постои опасност од бегство и можност тој да го повтори делото.​фото: Архива

Скопје | пред 5 години

Спортската сала во Ново Лисиче доби нова подлога и ЛЕД-светилки

Салата во спортскиот центар „Ново Лисиче“ доби нова ергономска подлога и нови штедливи ЛЕД-светилки.Новата подлога ќе придонесе за побезбедно спортување на граѓаните кои го користат спортскиот центар како место за тренинг и релаксација.„Спортот е еден од најважните фактори на нашето општество, а Аеродром гордо го носи епитетот – спортска општина. Ние како Општина го негуваме спортскиот дух на аеродромци и посветено работиме на обезбедување современи услови во салите и на отворените игралишта“, рече градоначалникот на Општина Аеродром, Златко Марин.Општина Аеродром и во наредниот период продолжува со реконструкција на спортските и детските игралишта.фото: Општина Аеродром

Скопје | пред 5 години

Не ве нервира ли, боли, гневи секој ден да гледате апели за помош? На системот не му е гајле за ништо?

Не ве нервира, боли, гневи секој ден да гледате апели за помош? Апели за помош на обични луѓе ко нас кои не можат да платат лекување во болници на олигарси со сомнително стекнат имот (нежно за криминалци е ова). Дека на системот не му е гајле за ништо? Дека цел живот работа и здравствено не вредат ни неколку дена здив продолжен? Дека најголемиот олош кој со години краде, лаже, пљачка може да се лечи, а поштен народ е оставен на немилост?Ако не сте гневни не пратите! А има и такви кои им е професија да не пратат, тие се најлошите термити во општеството, Напиша на својот ФБ профил Божидар Божиновски.извор: ФБ Божидар Божиновски

Македонија | пред 5 години

Зошто социјалните служби не реагираат на време, граѓаните бараат помош од хуманитарни организации - семејството од Ерџелија ќе добие нов дом

Трошната куќа на Виолета Давиткова (46) од Ерџелија, Свети Николе ќе биде урната од темел, бидејќи поради лошата состојба во која се наоѓа, не може да биде поправена и безбедна за живот. Во дворот на семејството ќе се изгради нов дом, каде жената со своите болни син и сопруг ќе има достоинствен живот, објави ФОКУС. Давиткова излезе во јавност минатата недела, кога раскажа за тешкиот живот со синот кој долги години е во кревет и на кого му е потребна 24-часовна нега, но и за сопругот кој пред десеттина години доживеал два мозочни удари, по што не бил работно способен.Набргу по нејзиниот крик за помош, се огласи хуманитарецот Александар Горгиевски од Штип, кој информира дека на почетокот на април домот на Давиткови комплетно ќе биде срушен, а на истото место ќе се изгради ново живеалиште за фамилијата.Зошто социјалните служби ги дозволиле пропустите и не се реагирало на време, туку најчесто се чека загрозени семејства со тешки здравствени или материјални проблеми да бидат доведени до работ, па дури откако ќе ја споделат маката со јавноста, да се преземат чекори? Дали оние луѓе во тешка состојба кои нема да се огласат во медиумите, остануваат невидливи за институциите и се препуштени самите на себе?Текстот во целост на:  ФОКУС. 

Македонија | пред 5 години

Уапсен е лекар од Гостивар - издавал лажни ПЦР тестови

Доктор од Гостивар е лишен од слобода, откако изготвил и наплатил два лажни ПЦР тестови, објави МВР. Истиот добил и кривична пријава, а откако бил задржан во полициска станица, ќе биде изведен пред Јавен обвинител.Од СВР Тетово информираа дека претпладнево Одделение за внатрешни работи Гостивар до Основното јавно обвинителство Гостивар поднесе кривична пријава против Е.М.(45) од гостиварско Чегране. За него полицијата има основи на сомнение дека сторил кривично дело „злоупотреба на службена положба и овластување“, казниво по член 353 од Кривичниот законик.Е. М. се сомничи дека на 7 и 9 овој месец, како лекар во гостиварската општа болница „Ферид Мурад“ на две лица им изготвил лажни негативни „ПЦР-тестови“. За тоа им наплатил 3.000, односно 1.500 денари или вкупно 4500 денари. Потврдите за негативен ПЦР тест им биле потребни за патување во странство, наведуваат од СВР Тетово.Лекарот вчера бил лишен од слобода и задржан во Полициската станица Гостивар. Тој денес со кривичната пријава ќе биде изведен пред Јавен обвинител.фото: Архива

Македонија | пред 5 години

Костадинов: Пратениците од ВМРО-ДПМНЕ, Алијанса и Левица да ги вратат платите што ги земаат, срмано кочат закони и не одат на работа

Целата опозиција овде во Собранието прави се за да се блокираат сите процеси важни за граѓаните и иднината на државата. ВМРО-ДПМНЕ, Алијанса и Левица се на спротивната страна од интересите на граѓаните кои им ја дале довербата. За опозицијата во Собранието не е важно здравјето на нивните колеги, не им е важно здравјето на граѓаните, истакна Костадин Костадинов, портпарол на СДСМ и пратеник.Костадинов на прес конференцијата додаде:ВМРО-ДПМНЕ заедно со неформалните коалициски партнери Алијанса и Левица, заеднички учествуваат во блокирање на законите кои обезбедуваат реализација на економски мерки од четвртиот и петтиот пакет.Срамно, безобразно и понижувачки е пратеник да им вели на граѓаните да се стрпеле некој месец без плата, за истиот тој пратеник да дојде овде во Собранието да не се појавува на седници и да зема месечна плата неколкукратно поголема од минималната плата.Срамно е тој и неговата пратеничка група заедно со ВМРО-ДПМНЕ да ја кочат работата на Собранието додека илјадници граѓани погодени од кризата чекаат соодветна помош од државата.Ова, почитувани е доказ за бесрамноста на опозицијата во Собранието, доказ дека ним не им е воопшто грижа ниту за граѓаните, ниту за државата.Пратениците од сите политички партии имаат обврска пред граѓаните да си ја работата работата, за што земаат плата. Ако сакаат ВМРО-ДПМНЕ Алијанса и Левица да блокираат нека ги вратат платите овој месец, затоа што освен блокади ништо друго и не сработеа.Покрај законите кои се однесуваат на економските мерки, опозицијата кочи и десетици закони кои се важни за развој и напредок на државата и институциите.Законот за административни службеници, Законот за високо образование, Законот за внатрешни работи, Законот за работни односи, измените и дополнувањата на Законот за здравствена заштита, Законот за културно наследство, Законот за нов Клинички центар, финансирањето на новиот еколошки јавен превоз во Скопје, се само дел од законите кои опозицијата предводена од ВМРО-ДПМНЕ на секој начин ги кочи и блокира.Во услови кога државата, целото општество се уште се соочуваат со коронавирусот, опозицијата се противи на продолжување на кризната состојба.Кризна состојба на целата или на дел од територијата се прогласува уште од 2015 со мигрантската криза и досега никогаш не била оспорена или проблематизирана.Со кризна состојба, меѓу другото, дадени се овластувања Армијата да учествува заедно со граничната полиција во обезбедување на границите, особено границите на кои има редовни појави на нелегален транзит на мигранти.Судејќи по претходните лажни вести, следејќи ја логиката на ВМРО-ДПМНЕ, значи ли ова дека оваа партија и Алијанса сакаат во нашата држава да се населат мигранти, да се градат бегалски кампови?Ваквиот неодговорен однос на ВМРО-ДПМНЕ и опозицијата во Собранието е препознаен од граѓаните и затоа тие повторно ќе бидат казнети.Како парламентарно мнозинство ќе ги искористиме сите деловнички и законски можности, сите законски решенија во интерес на граѓаните да бидат донесени, реформите во интерес на државата да продолжат.видео: СДСМ

Македонија | пред 5 години

Истрага за загадување и угинување на жив свет во Дебарско езеро

Државниот инспекторат за животна средина (ДИЖС) информира дека на 20 март до надлежниот инспектор во Гостивар била доставена информација од полицијата за излевање на темна супстанца во Дебарско Езеро, која предизвика угинување на жив свет во езерските води.Со цел навремено обезбедување доказен материјал, Инспекторот дал насоки на полицијата за правилно земање на мостри од Езерото и од соодветни локации долж канализациската мрежа. Мострирањето, односно земањето примероци, било спроведено во текот на денот.– На 22 март Инспекторот беше на терен со началникот на Одделението за внатрешни работи во Дебар, го подготвија и го предадоа предметот до Основното јавно обвинителство во Дебар, соопшти ДИЖС.Оттаму информираат дека Јавното обвинителство итно ќе издаде налог за анализа на земените мостри од страна на акредитирана лабораторија, што ќе овозможи откривање на сторителот, односно изворот на загадувањето.За делото опишано во Кривичниот законик во член 218 „загадување на животната средина и природата“, предвидена е казна затвор во траење од четири до десет години или парична казна.фото: Архива

Македонија | пред 5 години

Арсовски:СДСМ можеа да изгласаат помош на стопанството кога гласаа доверба - одолговлекуваат затоа што Буџетот е празен

Не ја кочат работата на Собранието напротив пратениците на ВМРО-ДМНЕ се проактивни за многу теми кои што се од интерес на граѓаните. Можам само да потенцирам дека доколку сакаше власта односно СДСМ односно Зоран Заев да биде изгласан петтиот сет на мерки и да се помогне на стопанството тоа можеа да го направат дента кога се гласаше доверба на владата на Зоран Заев. Бидејќи две недели порано беше претставен петтиот сет на мерки и можеа тогаш да го изгласаат. Но, зошто не го направија тоа? Тоа не го направија бидејќи и самите не им одговараа да биде изгласан петтиот сет на мерки затоа што немаат пари во Буџетот. Секое одолговлекување и одлагање на гласањето на овој закон за петтиот сет на мерки каде што треба да им се даде инекција на стопанството и да им се помогне, не им одговара да се изгласа овој закон  единствено на СДСМ и на власта како што реков затоа што немаат пари во Буџетот, истакна портпаролот на ВМРО ДПМНЕ, Димче Арсовски одговарајќи на новинарско прашање дали ВМРО-ДПМНЕ дека ги кочат законите и работата на Собранието вклучително највеќе донесувањето на петтиот сет  економски мерки?Арсовски уште додаде дека ВМРО-ДПМНЕ никогаш не било против помош на стопанството, но во моментов единствено таков закон не им одговара да се донесе на СДСМ, повторно ќе потенцирам затоа што немаат пари во буџетот. Доколку сакаа истиот закон ќе можеа да го изгласаат дента кога ја гласаа таканаречената „ доверба на владата на Зоран Заев“.фото: Архива  

Македонија | пред 5 години

Нема фотографија

Реконструиран објектот Кукушка – клон на градинката „13 ноември“

Обезбедување современи, одржливи и квалитетни услови во детските градинки се врвни приоритети и заложби на Општина Центар.Изминатиот период целосно се реконструираше објектот Кукушка – клон на градинката „13 Ноември“ и обезбедени се нови функционални и безбедни просторни услови за престој на децата. Обновени се детските занимални и внатрешниот ентериер, ходниците, ѕидните површини и поставен е комплетно нов еколошки ламинат. Реконструирана е топловодната мрежа, фасадата на градинката и поставени се нови бехатон плочки во дворот на градинката.„Како локална самоуправа продолжуваме да вложуваме во квалитетно предучилишно образование и најсовремени услови за престој во детските градинки на територијата на Центар, а оваа година започнуваме нова капитална инвестиција и изградба на нова детска градинка во населба Пролет“ – изјави градоначалникот Саша БогдановиќМинатата година во градинките на територијата на Општина Центар се спроведоа неколку активности за обезбедување подобри услови за децата. Целосно се реконструирани објектите Пепелашка и Палешка – клонови на општинската градинка „ Раде Јовчевски Корчагин“, изведени по европски стандарди за квалитет и целосно е обновен стариот и оштетен под во матичниот објект на површина од 378 метри квадратни. Детските занималните во објектот Јасмин – клон на градинката „13 Ноември“ се комплетно реконструирани и поставени се нови дизајнирани шкафчиња, прилагодени за секојдневните потреби на децата. Поставени се и нови гумирани подлоги на детските игралишта во општинските градинки, кои имаат за цел да обезбедат зголемена безбедност и подобри услови за игра и рекреација кај децата, додека во месец декември минатата година пуштено е во употреба новото детско игралиште во објектот Наум Наумовски Борче – клон на градинката „Кочо Рацин“ во соработка со HIPP Македонија.Во однос на заштита на животната средина, центарската градинка „Кочо Рацин“ – објект Панорама е првата градинка каде се поставени топлотни пумпи за еколошко разладување и загревање на просториите и денес Општина Центар е општина, каде што нема повеќе објекти кои користат мазут или нафта за загревање кои се под нејзина ингеренција.фото: Општина центар

Скопје | пред 5 години

Нов европски филмски предизвик – освој најмногу поени и отпатувај на црвениот тепих во Кан

На 8 март започна новиот европски филмски предизвик #EuropeanFilmChallenge за сите филмофили и љубители на инди киното, а ќе трае до 17 мај. Учесникот со најмногу освоени поени ќе отпатува на црвениот тепих во Кан, на Канскиот Филмски Фестивал 2021.Европскиот филмски предизвик (European Film Challenge) е иновативна дигитална платформа што ја поврзува најголемата заедница на љубители на европскиот филм и ја промовира европската кинематографија.Предизвикот бара од учесниците во временски периот од 10 недели, да изгледат 10 европски филмови на репертоарот во кино салите, во рамки на локалните филмски фестивали, на телевизија или на некоја од легалните видео – стриминг платформи.Љубителите на филмот можат да се вклучат во предизвикот со регистрација на https://europeanfilmchallenge.eu/mk/, а исто така постојано да ги следат социјалните медиуми, Facebook и Instagram и да уживаат во неделите кои следуваат, со многу нови и стари европски филмски остварувања, препораки, содржина од зад камерите и игри. Секој внесен филм на платформата на учесникот во предизвикот му носи различни поени. Своето искуство, учесниците треба да го споделат со фотографија од својот билет, или со фотогарфија како гледаат филм дома, сами, со најблиските или со друштвото. Фотографиите треба да ги споделат на социјалните мрежи под хаштагот #EuropeanFilmChallenge, со што стануваат поенцијални победници на овој предизвик.   На крај учесникот со најголем број поени ќе добие можност да ја доживее еуфоријата на Канскиот Фестивал.Во случај овој фестивал да биде откажан поради ситуацијата со вирусот Ковид-19 или доколку постојат рестрикции за патување победникот ќе добие Home Cinema Experience пакет.European Film Challenge е млада филмофилска заедница на вљубениците во европскиот филм желни да го доживеат киното од првите редови преку содржини од зад сцената, филмски препораки и ексклузивен пристап до европските филмови и фестивали – Берлинале, Кански филмски фестивал и Венеција филм фестивал.Проектот во Македонија го имплементира Центарот за социјални иновации Блинк 42 – 21 заедно со европски партнери во 9 држави преку поддршка на програмата на МЕДИА- Креативна Европа и Европската филмска индустрија.Ќе играме? #EuropeanFilmChallengeизвор:  IDEA LAB

Магазин | пред 5 години