Милошевиќ бил погребан без мозок- каде е мозокот?

Британскиот BBC ја откри најголемата и најчуваната тајна хашка мистерија.  Oд мртвото тело на поранешниот српски претседател  Слободан Милошевиќ во Хаг бил изваден мозокот! Телото на  поранешниот претседател на Србија Милошевиќ било погребано без мозок.Дека телото на Слободан Милошевиќ во Србија било пренесено без мозок, открил Кристијан Шартије , кој во времето на смртта на Милошевиќ бил официјален портпарол на Трибуналот.-Се сеќавам дека мртвото тело на Милошевиќ во март во 2006 година  беше вратено во Србија без мозок. Не знам што било потоа, дали мозокот е вратен на семејството цел или во делови., или пак останал во Институтот или е уништен, изјавил Шартије за BBC, а Флоренс Артман, која во 2006 година била портпаролка на Карла дел Понте, главната тужителка на Трибуналот , со својата изјава само ја продлабочила мистеријата.Инаку, телото на Слободан Милошевиќ по аутопсијата во затворен ковчег му било предадено на неговиот син Марко, кој долетал од Москва за да го преземе. Според BBC во тоа време се појавиле и теории дека смртта на Милошевиќ е лажирана и дека тој тајно бил пренесен во Москва,а во Србија бил испратен празен ковчег.-Поради строгите холандски закони за приватност не можевме да провериме дали во Хаг останал само мозокот или тоа се случило и се некој други делоти од телото. Ваква информација можеле да добијат само холандските или српските државни органи или членовите на најтесното семејство, изјавила портпаролката на Дел Понте, Флоренс за британскиот јавен сервис.BBC се обратиле и до Холандскиот форензичен институт , од каде што не успеал да добие одговор на прашањето што се случило со мозокот на Милошевиќ. Со образложение од надлежните од Институтот дека „не им е дозволено да даваат информации за поединечни случаи“. Но и со кратко објаснување дека Институтот„ воопшто говорејќи има право да задржи одредени примероци поради понатамошно испитување“.      

Свет | пред 7 години

Нема фотографија

(ВИДЕО) Приведени две лица, се трага уште по четири лица учесници во инцидентот

Дознаваме дека полицијата сеуште нема сознанија кој пукал и од какво оружје. Приведени се две лица, за кои постои сомневање дека се учесници во инцидентот кој се случи вечерва во Тетово. Во моментов се врши увид на мастото на инцидентот и се трага по автомобилите во кои биле двете групи кои меѓусебно отвориле оган.  Полицијата трага и по другите лица кои го нарушувале јавниот ред и мир.Инаку инцидентот во центарот на Тетово се случил околу 21:30 кога засега неидентификувани возила, биле дел од престрелка.  Од два автомобили со автоматски пушки групите отвориле оган во центарот на градот. Според првичните информации има ранети лица, а еден од учесниците во престрелката е висок функционер на ДУИ и заменик директор на УЈП.Портпаролот на тетовската полиција Фатмир Реџепи за локалните медиуми соопштил дека дошло до судир помеѓу две групи, кои во возила од движење отвориле оган меѓусебе. Дел од куршумите завршиле во околните локали во центарот на градот.Засега нема потврда за повредени лица, но според неофицијални информации се работи за двајца повредени.https://www.facebook.com/TetovaaSot/videos/319648321957493/

Македонија | пред 7 години

(ВИДЕО) Земјотрес од 7.2 степени, ја отвори земјата на Аљаска

Силен земјотрес од 7,2 степена ја погоди Алјаска. Направени се бројни оштетувања, отворен и распукан е асфалтот, а поранешната гувернерка Сара Пејлин објави дека настрадал и нејзиниот дом.Меѓу најпогодените е и зградата на локалната телевизија каде се целосно уништени студијата и опремата. Епицентарот на земјотресот со јачина од 7,2 степени по Рихтер беше на 12 километри од главниот град Енкориџ во 8,29 часот по локално време.По силниот земјотрес биле почуствувани уште најмалку осум земјотреси со послаб интензитет. Годишно Аљаска ја погодуваат околу 40 000 земјотреси , повеќе отколку во сите други 49 држави во САД заедно.

Свет | пред 7 години

Нема фотографија

(ВИДЕО) Мајките си ги бараат децата-паниката е огромна, велат жителите на Тетово по пукањето

По инцидентот кој се случи вечерва во центарот на Тетово, се создаде огромна паника кај населението. Тетовчани велат дека веднаш ги побарале своите деца , затоа што е петок и тинејџерите се излезени. Граѓаните кои биле сведоци на жестоките пукотници од автоматското оружје на два автомобила кои се движеле во центарот, велат дека вакво нешто до сега не виделе и тие неколку минути било страотно за нив и нивните најблиски.[embed]https://www.facebook.com/TetovaaSot/videos/319648321957493/[/embed]„Мајките си ги бараат децата. Навистина беше страшно. Се слушаа истрели во центарот на градот. Случајните минувачи се криеа како умееа. Сите кои беа сведоци на инцидентот, но и  родителите чии деца се излезени оваа вечер, се стресени“, коментира жител на Тетово за „Скопје 1“.Инаку настанот се случил околу 21:30 кога засега неидентификувани возила, биле дел од престрелка.  Од звтомобилите со автоматски пушки групите отвориле во центарот на градот. Според првичните информации има ранети лица, а еден од учесниците во престрелката е висок функционер на ДУИ и заменик директор на УЈП.Портпаролот на тетовската полиција Фатмир Реџепи за локалните медиуми соопштил дека дошло до судир помеѓу две групи, кои во возила од движење отвориле оган меѓусебе. Дел од куршумите завршиле во околните локали во центарот на градот.Засега нема потврда за повредени лица, но според неофицијални информации се работи за двајца повредени.Неофицијално засега се уаспени две лица.  

Македонија | пред 7 години

Нема фотографија

(ФОТО) Функционер на ДУИ учествувал во пресртелка во Тетово

Пред околу еден час во центарот на Тетово, поточно во близина на локалниот ресторан „Делфин“ имало пукање, а учесник во настанот е и функционер од ДУИ, поранешен вработен на висока позиција во УЈП, неофицијално дознава „Скопје 1“.Пукотниците од огнено оружје се слушале во строгиот центар, а лица од автомобили во движење пукале едни кон други. Дел од куршумите завршиле во угостителскиот објекти. Престрелката била со калашников, велат жителите на Тетово за „Скопје 1“.Неофицијално, во престрелката има и ранети. Според нашите информации, моментално се прави увид од страна на полицијата.

Македонија | пред 7 години

Заев откри дека се прислушкувало и во скопскиот Суд

Системи за следење на комуникaциите освен во Јавното обвинителство биле ставени и на централата за внатрешна комуникација во Основен Суд Скопје 1, рече премиерот Зоран Заев. Тој вели дека според информациите со кои располага во моментот кога се монтирале централите во институциите биле вградени и уреди за прислушување.Државниот обвинител Љубомир Јовески на денешниот брифинг обелодени дека Јавното обвинителство е цели две години снимано, а дека постојат 2 хард-диска во просториите кајшто е сместена телефонската централа кои се со снимени телефонски комуникации од 30 септември 2016 до денес.„Кога новите опреми во институциите се монтирале за внатрешната комуникација биле ставени вакви хард-дискови за снимање. Некаде биле ставени во употреба, некаде не биле ставени во употреба. Знам дека уште при самата промена на раководители, тоа го забележале и го пријавиле и истрагата е почната уште од тогаш. Сите детали ќе може да ги дадат истражните органи. Но, мене ми е важно да се направи јасна дистинкција дека тоа е правено некаде 2016 година, дали летото или септември. Тоа го дигна алармот уште тогаш и во сите други институции каде имаат системи за внатрешни комуникации, таканаречени централи. Еве истрагата е на крај и се надевам овие денови ќе се дознаат нови детали“, рече Заев.Тој кажа дека за истрагата бил информиран во моментот кога бил информиран и министерот за внатрешни работи Оливер Спасовски и дека истрагата почнала уште пролетта.„Истрагата ќе покаже кој тоа го користел, кој тоа го злоупотребил. Верувам дека ги имаме сите наоди. Тоа само покажува колку била упропастена Македонија, тоа се сериозни работи и нема играчка за вакви работи, се работи за приватноста на луѓето“, рече Заев.Тој кажа дека се следела комуникацијата внатре и во интерната комуникација што и како работатат јавните обвинители и јавните истражители.„Тоа е само уште една потврда колку е руинирана Македонија и колку е важно да го вратиме правниот систем, колку е важна борбата против корупцијата и севкупниот криминалитет во Република Македонија. Ги охрабрувам институциите да продолжат со вакви храбри изјави и вакви храбри истраги, сѐ додека не станеме нормална земја. Без владеење на правото и без одредување на одговорноста не може да очекуваме никаква перспектива. Остануваме сериозни борци за правната држава и борба против криминалот и сѐ она што се случува во Македонија од периодот на режимот, кој се надоврзува и досега и никој не може да каже до каде стигнало големото уво да се следи сѐ и сешто во Македонија. Се надевам дека истражните органи ќе ги дадат сите одговори пред граѓаните“, рече Заев.Според упатени во технологијата, не станува збр за никаква опрема за прислушкување туку за обична IP телефонска централа која, меѓу другото, има опција и за снимање разговори. Вакви IP телефонски централи има во бројни фирми и сите поддржуваат снимање разговори, затоа што има потреба за тоа (снимање на разговори со корисници за пример).„Проблемот е во тоа што некој ја активирал таа функционалност, а не смеел, а не дека е набавена којзнае каква опрема за прислушкување“, велат упатени во технологијата.На обвинувањата од опозицијата дека уредите за прислушување биле монтирани во време на Пржинската влада кога технички министри за внатрешни работи и за труд и социјала беа Оливер Спасовски и Фросина Ременски, премиерот рече дека во времето кога се набавени телефонските централи во Јавното обвинителство и во Основен суд Скопје 1 се знае кој раководел со нив и дека бегање од одговорноста нема.„Истрагата ако покаже дека тоа е со нивно знаење, а тоа се тие што ги потпишуваат набавките на тие централи ќе си понесат одговорност. ВМРО-ДПМНЕ која дава вакви изјави беше главниот поддржувач на ваквите начини на работење и владеење во државата. За мене како претседател на Владата е важно да понесе одговорност секој оној кој што се дрзнал и да помисли, а не па да вгради вакви системи на следење, со кои се нарушува приватните комуникации на граѓаните, без оглед дали се приватни надвор од работа или се службени комуникации“, рече Заев.

Македонија | пред 7 години

Нема фотографија

Македонија ќе произведува ГМО храна!

Од следната година ќе се дозволи производство на Генетски модифицирана храна во земјава. Агенцијата за храна најави измени на Законот за безбедност на храна во кој точно ќе се дефинира како храна која содржи, е составена или произведена од генетски модифицирани организми може да се пласира на пазарот. Откако ќе се донесе законот сите операторикои ќе одлучат да произведуваат ГМО храна ќе мора предходно да ги поминат строгите законски и подзаконски процедури на одобрување. Законот ќе дозволува праг на толеранција до 0,9 отсто и доколку содржи повеќе од тоа задолжително ќе мора да се декларира дека има Генетски модифицирани организми во неа, објави 24 инфо.мк.Директорот на Агенцијата за храна Зоран Атанасов вели дека во моментов, врз основа на член 55 од Законот за изменување и дополнување на Законот за безбедност на храната („Службен весник на Република Македонија“ број 187/13) во Република Македонија е забрането производство, ставање во промет и увоз на храна и производи од храна кои содржат ГМО или се составени од ГМО, се до пристапувањето на Република Македонија во Европската Унија.– Меѓутоа, врз основа на светските економски трендови за слободно движење на безбедната и здрава храна, а со цел овозможување на подобри услови за македонските оператори со храна за трговска размена со другите земји со што ќе се обезбеди позитивен економски ефект за Република Македонија, Агенцијата за храна и ветеринарство подготви текст на Закон за изменување и дополнување на Законот за безбедност на храната. Во моментот, текстот е на финално усогласување со Секретаријатот за законодавство, пред негово проследување до Влада на РМ- вели Атанасов.Според него во измените на законот, предвидено е погоре наведената одредба за забрана на храна и производи од храна кои содржат ГМО или се составени од ГМО во Република Македонија да се избрише, со што ќе се дозволи производство, ставање во промет и увоз во Република Македонија на ГМО храна под строго одредени услови, пропишани во подзаконски акти, со кои ќе се обезбеди заштита на јавното здравје и животната средина. Ова ќе се овозможи со воведување на соодветни стандарди пред ставање во промет на ГМО храна и производи од храна кои содржат ГМО или се составени од ГМО.– Измените на законот се всушност усогласувања со регулативите за безбедност на храна во Европа.Со Законот точно ќе се утврдат прописите за регистрација и одобрување за ГМО бидејќи истите се многу строги. За тоа се свесни и компаниите што сакаат да дојдат до таков производ. Кога аплицираат во Европската агенција за безбедност на храната, тие знаат низ какви долги процедури на испитување и истражување мора да поминат. Прагот, пак, на толеранција во ЕУ за генетска модификација на некој производ или организам е 0,9 отсто- вели Атанасов.Според него практично се враќа стариот член во законот кој дозволуваше производство и влез на ГМО храна во Република Македонија.– ГМО веќе не е табу тема. Постојано се дискутира за ова. Скоро секаде во светот ја има прифатено ГМО храната и јас не гледам причина зошто Македонија да не го направи тоа, посебно што нема научни докази дека е штетна по здравјето на луѓето. Сепак, право на потрошувачите е да изберат што ќе консумираат- вели Атанасов. Првиот човек на Агенцијата објаснува дека при мониториг на храна откриено е присуство на ГМО во ориз од домашно потекло кој е поништен. При увоз се контролира секоја пратка со храна, а лабораториски е потврдено присуство на ГМО во пратка на пченка и во пратка на соини производи по што дадена е опција на увозниците пратките да се вратат или препратат.На прашањето дали е намален увозот на небезбедна храна во земјава директорот вели дека во земјава не се увезува небезбедна храна.– Се вршат контроли на храната при увоз и при промет во внатрешноста. Доколку при контролата при увоз се открие небезбедна храна истата се врака назад на место на потекло или се уништува- вели Атанасов.Извор: 24инфо.мк

Македонија | пред 7 години

Што пишуваат медиумите за бегството на Груевски?

Капитал пишува за тоа дека странските компании во Македонија не користат суровини од домашните фирми. Глобус анализира за бегството на Груевски, а Фокус за способноста на власта да инсталира режим како оној на Груевски.Капитал - Странските компании набавуваат малку суровини од македонските фирмиЕдна од темите на насловната страница на новото издание на Капитал е посветено на истражувањето на економскиот институт Фајнанс тинк кое покажува дека странските компании во земјава кои отворија фабрики во Македонија набавуваат малку суровини од македонските фирми. Во анализата се открива дека само 10 проценти од обврските на странските компании се остваруваат со домашните фирми, а таа соработка најмногу се сведува на набавка на одредени услуги и дека тие речиси и не набавуваат суровини за нивните производи од домашниот пазар. Како главни пречки за поголема соработка се идентификувани недоволниот технолошки развој и подготвеност на домашните компании, имплементацијата на стандарди и сертификати и недоволниот производствен капацитет, пишува покрај другото Капитал.Глобус - Тромавите институции го овозможија бегството на ГруевскиПокрај економските теми, неделниците продолжуваат да ја анализираат состојбата на македонските институции чија тромавост и неснаоѓање го овозможија бегството на Никола Груевски во Унгарија. Во една од колумните на он-лајн магазинот Глобус авторот наведува дека бегството на Груевски е медиум преку кој елитата и народот бараат промени со кои ќе се гарантира статус квото. Општеството е уништено до таа мерка, продолжува Глобус, што не е во состојба да пружа позначајни отпори на евентуалните промени, затоа и беше дозволено да биде уништено, но е обезличено и деморализирано до мерка која го прави неупотребливо како енергија на неопходните промени. Колумнистот смета дека власта на Заев е слаба и во кадровска и во идејна смисла и во смисла на политичките релации во Собранието, и нејзините практики се многу проблематични, но во оценките што претендираат да бидат реални мора да се земе предвид контекстот на една инцестуозна и деформирана средина, темелно изобличена во текот на режимот на ВМРО, но тоа, се разбира не смее да биде алиби за ничија неспособност, вели авторот. Точно е дека аждајата на груевизмот е жива, но општеството одбива да конституира власт која ќе му го зарие копјето на тој аждер во главата. Не ја препознава потребата, не го сака ризикот, нема кој тоа да му го објасни затоа што медиумите се центри за заглупувување. И во таа смисла, резултатите на Заев и неговата екипа се импресивни, вели авторот на колумната и му препорачува на премиерот да ја спушти чувствителноста кон критиките на јавноста, да го истера мандатот до крај, да направи одредени кадровски промени, во сите потези на внатрешен план да биде уште похрабар. Вториот фикс, според колумнистот во Глобус, е да стори сè да го врати, како што вели, „малото шаткасто чудовиште“ оти тоа е можеби последната голема шанса за реконсолидација на Македонија и на македонското општество.Фокус - СДСМ не е способен да инсталира авторитарен режим како оној на ГруевскиИсто така во колумна, уводничарот во Фокус објаснува, за нештата да бидат појасни, дека по година ипол владеење е сигурен дека СДСМ не е способен да инсталира авторитарен режим како оној на Груевски. „За ВМРО-ДПМНЕ на Мицкоски, кој сè уште го величи, наместо да го осудува груевизмот“, пишува колумнистот, „не би можел да гарантирам“, вели. Сепак, наведува колумнистот во Фокус, Заев ќе биде одговорен ако некогаш „злото се повтори“.Извор: Радио слободна Европа

Македонија | пред 7 години

Земјотрес од 7 степени ја погоди Аљаска, објавено предупредување за цунами

Земјотрес со јачина од 7 степени, ја погоди Аљаска . Епицентарот бил на 12 километри од Анкориџ, најголемиот град на Аљаска.  Кратко после потресот е објавено и предупредување за цунами на јужното крајбрежје.На социјалните мрежи се појавија снимки и фотографии од оштетени објекти, паднати дрвја и скршени излози во продавници.Засега нема информации за повредени лица. 

Свет | пред 7 години

Нема фотографија

Без вода дел од Маџари и Хиподром поради дефект

Денес поради промена на шибер од Ф-150мм на ул.Модест Мусоргски раскрсница со Благоја Стефковски во населба Маџари, прекинато водоснабдување ќе имаат корисниците од ул.Модест Мусоргски и Блaгоја Стефковски, а со намален притисок населбите Маџари и Хиподром до санирање на дефектот.

Скопје | пред 7 години

Нема фотографија

Манфред Шуберт врвен германски и светски експерти за енергетика вели: „Никако депонија на сливно подрачје“

На сливното подрачје на Охридското Езеро е крајно недозволиво, да се гради регионална депонија. Тоа би претставувало “самоубиство”, истакнал Манфред Шуберт дипломиран инжинер, Извршен Директор на фирмата Umwelttechnik & ingenieure GmbH во градот Хановер, Сојузна Република Германија, на средбата со Градоначалникот на општина Дебрца, Зоран Ногачески.Инаку Umwelttechnik & ingenieure GmbH веќе 21 година ја презема одговорноста за животната средина и технологијата. Работните полиња на фирмата се планирање и расчистување на третман на отпад и постројки за отстранување на отпад, постројки за производство на електрична енергија и слично. Оваа фирма до сега има реализирано преку 860 мали и големи проекти, национални и меѓународни проекти.Ногачески и Шуберт разговареле долго за проектот на Министерството за животна средина и просторно планирање за регионално управување со отпад во Југозападниот плански регион, при што градоначалникот го запознал Шуберт (кој важи за еден од врвните, не само германски, туку и светски експерти за енергетика) со предложените решенија и технологија за третманот на комуналниот цврст отпад.„Г-динот Манфред истакна дека технологијата на механичко-биолошки третман , која ни се предлага е технологија од пред 30-40 години, која е напуштена и не одговара на денешните стандарди. Посебно ми потенцираше дека во денешно време е недозволиво ниту 1 % метан да оди во воздухот, а не 30 % како што е случајот при механичко-биолошкиот третман на отпадот. Исто така, изрази неразбирање и за тоа зошто за констатираното количество на отпад од 56.000 т /годишно се предлага толку голема депонија, од околу 20-22 ха. На мојата забелешка дека се предлага постројката да биде лоцирана во сливно подрачје на Охридското Езеро изненадувачки констатираше дека тоа е недозволиво и би претставувало, како што самиот рече “самоубиство”“, раскажува Ногачески.Тој додава дека средбата ја искористил да поразговараат и за можностите за инвестиции во соларната енергија во општина Дебрца.Среќен сум што остануваме отворени за понатамошна соработка, Манфред Шуберт .Го поканив да ја посети општина Дебрца, а кое со задоволство го прифати, вели Ногачески.

Македонија | пред 7 години

Саша Богдановиќ се пофали на ФБ - Нема да има катна гаража, ќе има зелена оаза

„Сакам да ги известам граѓаните и јавноста дека денес донесов Решение за огласување на ништовност, односно поништување на одобрение за градба на инвеститорот АНГО ДООЕЛ Скопје за катна гаража на улицата 11-ти Октомври веднаш до Собранието на РМ и спасивме една мала зелена оаза во Центар“, истакна градоначалникот на Општина Центар, Саша Богдановиќ.„Борбата за воведување на ред во урбаниот хаос ќе ја продолжам со Ваша поддршка, поддршка од граѓаните за хуман, организиран и урбанистички испланиран Центар“, напиша Богдановиќ.

Скопје | пред 7 години

Горан Ѓошевски - Леви: Ивона и Латас правеа селфи пред кабинетот на Вељаноски на 27 ми април

Ивона и Латас си правеа селфи пред Кабинетот на Вељаноски, рече обвинетиот ЛевиЛатас и Ивона правеле селфи пред кабинетот на Трајко Вељаноски за време на настаните од 27 април. Ова денес во својот исказ го кажа обвинетиот Горан Ѓошевски-Леви одговарајќи на прашањата на судијката Добрила Кацарска.Tој беше прашан од Кацарска на кому и зошто делел вода во Собранието, како и за познанства со лицата кои биле во Собраниети. На ова Леви одговори дека во толпата имало и лица кои ги познавал меѓу кои и Ивона Талевска и Латас." Меѓу лицата кои ги познавав беа и Ивона и Латас кои си правеа селфи пред кабинетот на Вељаноски", одговори Леви.

Скопје | пред 7 години

Џафери: Законот за ратификација на договорот со Грција ќе биде испратен без потпис од Иванов

Ќе има ли годишно обраќање на претседателот Ѓорге Иванов? Засега неизвесно е дали претседателот Ѓорге Иванов ќе го одржи редовното годишно обраќање во Собранието на Макеоднија. Терминот не е договорен, а како што информира на средба со новинарите собранискиот спикер Талат Џафери, од кабинетот на Иванов досега не е испратено писмо за одредување термин за негово обраќање пред пратениците.Џафери вели дека Иванов нема обврска да се обрати во Парламентот туку дека тоа е негово право. Во декември Собранито има планирано три седници, евентуално четири до пет, вклучувајќи и за обраќање на Иванов, доколку побара.Мандатот на Иванов истекува на 2 мај наредната година, а претседателските избори ќе бидат распишани највератно на крајот на јануари или почетокот на февруари, информира Џафери.Во врска со Договорот од Преспа, за кој законот за ратификација нема потпис од претседателот на државата, и не е доставен во Службен весник, Џафери рече дека ќе биде испратен без потпис на Иванов, но не прецизираше кога.

Скопје | пред 7 години

„Да, тоа е гаф“ - Шилегов се покаја

Скопскиот градоначалник, Петре Шилегов откако се најде на мета на критики, откако се појави ведеото како тој игра на својот мобилен телефон додека во Собранието се расправа за загадувањето, во изјава за „Независен“ признава дека оваа постапка е гаф и им се извинува на граѓаните.„Да, тоа е гаф. Но, тоа не е мојот однос ниту кон проблемот на загадувањето, ниту кон граѓаните ниту кон Собранието. Затоа им се извинувам на граѓаните. Тоа е мојот однос кон Влатко Ѓорчев, кон паушалните изјави лицемерните и лажни политички пароли паушалниот поглед на проблемите на Ѓорчев и ДПМНЕ се причината што овој град е таму каде што е. До моето доаѓање на оваа позиција тие го водеа градот и живееме во последиците на паушалните политики и говори и пристап кон градот. Ѓорчев и ДПМНЕ од мене не заслужуваат повеќе“.

Скопје | пред 7 години

Нема фотографија

Министерството за здравство демантира дека Филипче „насилно“ ги натерал студентите да го чистат Клинички

Министерството за здравство ги демантира написите во некои медиуми во кои стои дека министерот Филипче, наводно „насила ги натерал студентите да го чистат Клинички центар, место да одат на час“.„Должни сме на јавноста да и објасниме дека станува збор за акција, организирана во сабота, за време на викенд, во која ќе учествуваат околу 40 волонтери на Црвен Крст, волонтери од невладината организација „Волонтерски центар–Скопје“, како и вработените во кабинетот на министерот Филипче,  лекари и здравствени работници од клиниките, кои работат во кампусот, во чест на 5 декември, Светски ден за поттикнување на волонтерството.Сите останати граѓани, кои го делат нашиот ентузијазам и  нашата идеја, можат да ни се приклучат во акцијата.Приоритет на министерот Филипче, како и на Министерството за здравство се децата и младите, затоа во ниту еден контекст не дозволуваме на каков било начин да се злоупотребуваат, особено од медиумите“, стои во соопштнието. 

Македонија | пред 7 години

Александрова и Канческа - Милевска гласале за уставни измани во замена за слобода за Мијалков

Од неофицијални извори дознаваме дека ќе бидат амнестирани пратениците Мукоски, Василевски, Арнаудов. Се барало и преиначување на осудителната пресуда за синот на Владанка Авировиќ кој доби три години затворска казна, како и затварање на процесот „Тендери“ кој го води СЈО против Елизабета Канческа – Милевска во кој е инволвиран и Мијалков.Од она што го дознаваме, Јанчев и Тодоров ги понудиле Панчо Минов и Даниела Рангелова како „златна резерва“ доколку затреба.Барањата на Александрова и Елизабета Канческа – Милевска, со цел гласање на уставните измени била слободата на Сашо Мијалков, но и исполнување на претходно договореното.

Македонија | пред 7 години

Груевски ќе земе цела плата за ноември, од јануари ќе започне нејзино намалување

Избеганиот осуден експремиер Никола Груевски кој доби азил во Угарија ќе земе цела пратеничка плата за ноември, а намалена плата од Собранието ќе земе од наредниот месец. На денешниот брифинг со новинарите, претседателот Талат Џафери рече дека на Груевски намалена плата поради неоправдано отсуство од седниците според евиденцијата ќе земе од наредниот месец, а не од ноемвриската плата, пишува СДК.Досега во Собранието, пратеничката група на ВМРО-ДПМНЕ секогаш со допис го известувала претседателот на Собранието дека Груевски  е оправдано отсутен од седница.Според собранискиот Деловник, ако пратеник не го оправда отсуството од седница три дена едноподруго, му се одбива 5 отсто од плата за секој ден отсуство. На осудениот пратеник Груевски платата за секој ден неоправдано отсуство од Собранието ќе му се намалува за 5 отсто.Собранискиот Деловник вели дека пратеникот кој е спречен да присуствува на седницата на Собранието, е должен за тоа да го извести претседателот на Собранието до почетокот на седницата. Претседателот на Собранието го повикува и го информира пратеникот кој три пати едноподруго не присуствувал на седниците, а не го известил претседателот на Собранието за своето отсуство. За секое натамошно неоправдано отсуство, претседателот на Собранието го опоменува пратеникот и за тоа ја известува Комисијата за прашања на изборите и именувањата и координаторот на пратеничката група.На пратеникот кој отсуствува најмалку три пати едноподруго од седниците на Собранието, а за тоа не го известил претседателот на Собранието, му се одбива 5 отсто од платата за секој ден отсуство, за што одлука донесува Комисијата за прашања на изборите и именувањата. За присуство на седниците, се води евидентен лист, за кој се грижи генералниот секретар на Собранието, кој на крајот од работниот ден му се предава на претседателот на Собрание. За редовноста на пратениците, претседателот на Собранието го известува Собранието, на секои шест месеци.Груевски се јави од Будимпешта на 13 ноември и кажа дека бара азил од унгарските власти. На 20 ноември доби азил. Претходно, македонската полиција го бараше дома, кај мајка му и во гаражата кај партиското седиште во центарот на Скопје. Тој на 9 ноември требаше да се пријави во затворот во Шутка на издржување на двегодишна затворска казна за „Тенк” на СЈО за набавката на мерцедесот од 600.000 евра.

Македонија | пред 7 години

Нема фотографија

Во понеделник два часа без вода Сарај, Глумово, Матка...

Поради контрола на трафостаница, прекин на водоснабдување или намален притисок понеделник на 03.12.2018 година, од 09:00 до 11:00 часот ќе имаат жителите на населените места Сарај, Глумово Матка, Љубин и Арнакија.

Скопје | пред 7 години

Општина Гази Баба започна акција за отстранување на хаварисаните возила од јавните површини

Општина Гази Баба започна акција за отстранување на хаварисаните возила од јавните површини. Општинскиот инспекторат, акцијата ја започна од населбата Автокоманда, населено место од каде пристигнаа најголемиот број на поплаки од граѓаните кои бараа да се дислоцираат хаварисаните возила. Граѓаните кои имаат свое возило кое не е во возна состојба на јавните паркинзи, ќе имаат рок од 15 дена да ги дислоцираат возилата, а ќе бидат и означени со посебни налепници.Доколку и понатаму возилата не бидат дислоцирани, инспекторите ќе постапуваат согласно законските мерки и отстранувањето на возилото ќе биде на трошок на сопствениците.Градоначалникот Борис Георгиевски е оптимист дека оваа акција успешно ќе се спроведе и дека граѓаните ќе соработуваат бидејќи дел од оние кои веќе добија опомена, сами ги отстранија возилата.Првата фаза покрај Автокоманда ќе ги отпфати и Железара и Ќерамидница, а втората населбите Триангла, Хиподром и Ченто.Целта на оваа акција е да се ослободат узурпираните паркинг места од хаварисани возила, а кои ја загрозуваат безбедноста во сообраќајот, велосипедистите, пешаците и животната средина.

Скопје | пред 7 години

Средба на министерот Спасовски со чешкиот министер за внатрешни работи

Министерот за внатрешни работи на Република Македонија Оливер Спасовски и министерот за внатрешни работи на Чешката Република Јан Хамачек денеска во Прага го потпишаа Протоколот меѓу Владата на Република Македонија и Владата на Чешка Република за спроведување на Спогодбата за преземање на лица со незаконски престој (Протокол за реадмисија), со што се овозможува  регулирање на процедурите за преземање на лица со незаконски престој меѓу двете држави, но и дополнително се зајакнува соработката со цел поефикасна борба против илегалната миграција.На денешната средба министрите Спасовски и Хамачек ја потенцираа добрата соработка меѓу двете држави. Министерот Спасовски се заблагодари на Чешката Република и Министерството за внатрешни работи за несебичната поддршка и помош за македонската полиција во справувањето со миграциската криза, еден од најголемите предизвици за Република Македонија, со кој можевме да се справиме само преку заемна соработка меѓу државите од регионот,  поткрепена со силната поддршка на државите од Вишеградската група и Европската Унија.Чешката Република направи многу за да и помогне на Република Македонија и тоа преку доделени донации за справување со последиците од миграциската криза, како и за зголемување на капацитетите на македонската полиција, но и со присуство на контингентите на чешките полициски службеници, кои учествуваат во заедничките активности со македонските полициски службеници за зајакнат надзор и контрола на нашата јужна граница.

Македонија | пред 7 години

РСБСП: Има ли крај на сообраќајниот метеж во градот? Како можеме сами да си помогнеме?

Сообраќајниот метеж стана редовна слика на улиците и патиштата во Македонија.  Во лето, во зима, за празници, за делници. Секој ден, преку цела година, повеќе или помалку - иста слика. Движењето во урбаните средини, полека но сигурно, станува мачно, фрустрирачки, за некои дури и депресивно и одбивно.Постојат многу причини зошто е тоа така. Прво што нѝ паѓа на памет е јавниот превоз.  Подобар, побрз, поквалитетен јавен превоз ќе ни донесе помалку возила на улиците и патиштата. Не смееме да ја заборавиме и сообраќајната инфраструктура која е направена да ги задоволи потребите пред сѐ на моторизираниот сообраќај, додека потребите на пешаците и велосипедистите остануваат занемарени.Лошите сообраќајни и лошите животни навики, го прават сообраќајот невозможен, густ и небезбеден.Сообраќајниот метеж го отежнува секојдневното движење и секојдневниот транспорт на патници и стоки. Поточно, сообраќајниот метеж значи загуба на време, загуба на пари, загадување на животната средина, а неретко и причина за голем број повредени и загинати лица во сообраќајни незгоди.Не намалувајки ја важноста на јавниот превоз и сообраќајната инфраструктура, РСБСП со совети како и зошто да се намали сообраќајниот метеж и како безбедно да се движите во услови на густ сообраќај:Пешачете или возете велодсипед. Движете се побрзо и побезбедно. Најголем дел од релациите што секојдневно ги поминуваме, во урбана средина, се на растојание до 5 километри. Истражувањата покажуваат, на кратко растојание, во урбана средина, побрзо и побезбедно ќе се движите доколку го оставите автомобилот и тргнете пешки или со велосипед.Повеќе лица во едно возило. Анализирајќи ја секојдневната слика, можеме да заклучиме дека, во Република Македонија најчесто се превезуваат едно или две лица во автомобил. Доколку ја промените таа навика и почесто се групирате по повеќе лица во едно возило, сообраќајниот метеж значително ќе се намали, а патувањето ќе биде побезбедо, побрзо и поефтино.Оставете го автомобилот и заштедете пари. Оставете го автомобилот и на тој начин ќе заштедите на скапо гориво и уште поскап паркинг простор.Јавниот превоз нека биде ваш прв избор. Наместо алтернатива, користењето јавен превоз нека биде ваш прв избор. Истражувањата покажуваат дека патувањето со јавен превоз е побезбедно и поефтино, отколку користењето на автомобил. Покрај тоа, јавниот превоз нуди можност за одмор, дружење и создавање нови познатства.Намалете ја брзината и држете безбедно растојание. Сообраќајниот метеж изнудува грешки од возачите. Затоа намалете ја брзината и држете безбедно растојание, со цел да бидете во можност да избегнете несакани ситуации.Останете смирени и не возете слалом. Нервозата, нетрпеливоста и слалом возењето, дополнително го зголемува сообраќајниот метеж и го загрозува безбедното одвивање на сообраќајот.Не користете звучни сигнали непотребно. Звучниот сигнал создава нервоза и паника кај останатите учесници во сообраќајот и создава притисок кој води до непромислено однесување во сообраќајот.Останете концентрирани. Долгото чекање и застојот во сообраќајот доведуваат до пад на концентрацијата кај возачот. Некои возачи, во ваква ситуација, се склони кон користење мобилен телефон и други помагала. Оставете го мобилниот на страна и останете фокусирани во сообраќајот.Не ја блокирај крстосницата! И покрај тоа што, во одредени ситуации, можеби семафорот свети зелено или има знак за првенство на минување, ваша обврска како возач, доколку нема реална можност да се движите, е да застанете. Доколку вашето придвижување значи дополнително или целосно блокирање на крстосницата и сообраќајот, не заборавајте дека, ваша обврска како возач е да создадете услови сообраќајот безбедно да тече. Подобро да почекате неколку секунди или минута-две, отколку целосно да го блокирате сообраќајот.Секогаш почитувајте ги правилата и прописите во сообраќајот. Сообраќајниот метеж не ви дава за право да поминете на црвен семафор или да не го почитувате правилото за првенство на минување. Непочитувањето на сообраќајните правила, ја загрозува безбедноста во сообраќајот и го зголемува сообраќајниот хаос.Промената на лошите животни и сообраќајни навики може значително да го намали сообраќајниот метеж и да го направи секојдневното движење полесно и побезбедно.  Вреди да се размисли, вреди да почнеме да се менуваме. Вози одговорно!    

Македонија | пред 7 години

Стоилковски: Не запира бранот на црни вработувања и партизација на администрацијата

Не запира бранот на црни вработувања и партизација на администрацијата по црниот  тефтерот на криминогената власт, на општинските организации на СДСМ, список креиран според тоа кој има поголеми партиски заслуги. Тоа не е европска туку црна вредност на Зоран Заев, тоа не е патот кон Европската Унија, туку пат на уништување на државата од оваа криминогена власт, ова денеска на прес-конференција го истакна Наум Стоилковски од ВМРО-ДПМНЕ.-Серијалот на прес конференции за црна партизација на администрацијата, го продолжуваме со партизацијата на ЈП Македонски шуми, каде тече мрачниот систем на оваа криминогена власт по теркот „Ќе смениме се од хигиеничар до министер и така имаме намера да владееме“, најавен и реализиран од Зоран Заев. Само годинава на буџетот на ЈП „Македонски шуми“ вметнати се најмалку 30 партиски членови на СДСМ и тоа од роднини на Кавадаречкиот генералниот директор на Македонски шуми, до синови, ќерки и внуци на директори на подружници и сектори на истото Јавно претпријатие, роднини, деца, внуци на градоначалници, на референти, на други раководни лица, но со една заедничка линија- партиската определба. Оваа акција е спроведувана подружниците во Кавадарци, Гевгелија, Демир Капија, Берово  , Македонски Брод, Скопската дирекција, Свети Николе, Струмица, Демир Хисар, Штип, Пехчево, Крива Паланка, Делчево, Радовиш, Кратово, Охрид и на многу други места. Ова е дел од проектот за партиски вработувања според црни списоци правени во општинските организации на СДСМ за пополнување на администрацијата, нејзина целосна партизација со вработувања во општините, училиштата, градинките, и Јавните претпријатија Комунална хигиена и Македонски шуми. Црната мрежа за партиски вработувања е правена само и само по припадноста и залагањата за партиските политики на СДСМ, потенцира Стоилковски.Тој додава дека црната партизација на администрацијата во ЈП Македонски шуми е продолжение на полнење на администрацијата со мајки, сестри, тетки, вујни, деца на актуелни пратеници и функционери во извршната власт, во локалната власт, на градоначалници, на видни членови и звучни имиња од социјалдемократскиот табор.-Врз вакви зафати се темели црниот план за економски раст на СДСМ. Врз вакви мрачни зафати се планира буџет на државата, распределбата на пари за општините за отплаќање на нивните долгови. Наместо на рационализација на администрацијата на централна и локална власт, во служба на граѓаните, криминогената власт преку црни тефтери ја полни администрацијата со партиски подобни кадри. Оваа црна политизација е пример за непотизам, ова е пример за партизација на администрација, нејзино максимално обременување и пат кон неефикасност. Тука во овој мрачен систем нема место за професионалци. Оваа криминогена власт која што ја зацрни РМ нема место за граѓани без партиска книшка на СДСМ. Во Животот според СДСМ во државата има работа само и само за партиски војници и роднини на партиските функционери. Одговори на прашањата за црната партизација на администрацијата мора да има. Одговорност за овој мрачен период на Република Македонија мора да има. И ќе има, многу скоро, истакна Стоилковски.

Македонија | пред 7 години

Почнува изградбата на патот во Долно Лисиче

Денеска во Долно Лисиче градоначалникот на Општина Аеродром, Златко Марин, заедно со министерот за транспорт и врски, Горан Сугарески, директорот на Јавното претпријатие за државни патишта, Зоран Китанов и градоначалникот на Општина Кисела Вода, Филип Темелковски, го најавија почетокот на реконструкцијата на регионалниот пат Јурумлери – Драчево, кој поминува низ Долно Лисиче.„Драго ми е што со реализација на овој проект регионалниот пат во Долно Лисиче ќе биде целосно реконструиран и долгорочно ќе се реши повеќегодишниот проблем со несоодветна инфраструктура за локалното население“, изјави градоначалникот Марин.Целта на проектот, на кој активно се работи, е трајно да се реши проблемот на локалното население и на сите што го користат патот Јурумлери – Драчево.„Овој проект има исклучитено значење и предвидува градежни активности и материјали што се според високи меѓународни стандарди“, изјави министерот Сугарески.Приоритет е даден токму на оваа делница, затоа што, како што рече директорот Китанов, е многу фреквентен пат и е прв од 12-те најоштетени делници што ќе се реконструираат во претстојниот период. За оваа намена обезбедени се 14 милиони евра од Светска банка.„За првпат преку Светска банка се прави ваков проект за реконструкција, преку кој се навлегува и во долниот тампон на патот, а не како класична рехабилитација со гребење и постирање асфалт“, појасни Китанов.

Скопје | пред 7 години

Нема фотографија

Решенијата за подобро здравје на граѓаните се и во локалната самоуправа, граѓанскиот и бизнис сектор

Во салата на Советот на Град Скопје денеска (30.11.2018 година, петок), се одржа работилницата на тема „Мрежа на здрави градови“ на која учествуваа Никола Наумоски, раководител на Секторот за поддршка на градоначалникот, координаторот на проектот ИНХЕРИТ, проф.д-р Драган Ѓорѓев и координаторот на Проектот за здрави населби, Џон Хауи. На работилницата се дискутираше за факторите кои влијаат на здравјето на граѓаните, особено факторот животна средина.- Европската мрежа на Здрави Градови е дел од Светската Здравствена Организација. Во оваа мрежа се вклучуваат оние градови кои се подготвени да го постават здравјето на граѓаните како приоритет во работата на градските управи. Според Европската мрежа на Здрави градови, на здравјето на граѓаните секогаш битно влијааат и дополнителни фактори како што се условите на домување, состојбата на животната средина, образованието, јавните услуги, социјалната заштита итн. Токму поради ова, решенијата за подобрување на здравјето се бараат и надвор од здравствениот сектор. Мрежата на Здрави градови смета дека решенијата за подобро здравје на граѓаните се и во локалната самоуправа, граѓанскиот сектор и бизнис секторот – изјави Наумоски.Тој додаде дека градовите кои се дел од оваа мрежа работат и се вклучени во глобалниот развоен Проект за Здрави градови кој претставува фазен проект и секоја негова фаза трае пет години. Проектот почнал во осумдесетите години од минатиот век и досега се завршени пет фази. Во Европа денес постојат преку 90 проектни градови кои здружено работат на реализација на шестата фаза од проектот, а на глобално ниво проектот вклучува над 3.000 градови.- Поаѓајќи од ставот за преземање на сеопфатни локални стратегии за здравје и одржлив развој на заедницата заснован на принципот „Здравје за сите”, Градот Скопје се вклучи во Мрежата на здрави градови поставувајќи си цели и задачи за обезбедување на подобри услови за живот на своите граѓани – нагласи Наумоски.Градот Скопје во насока на обезбедување здрава животна средина и здравје на луѓето во изминатиов период, реализира активности, кои се поврзани со сите области на животот на неговите граѓани: подобрување на квалитетот на воздухот преку преземање на нови 27 мерки во делот на загревањето на домаќинствата и зградите на јавните институции, во делот на сообраќајот, чистотата и зазеленувањето на градот и индустријата. Се приклучивме на Планот за чист воздух на Владата на РМ, за чија реализација ќе се примени систематски пристап во намалувањето на емисиите од сите идентификувани сектори во стратешки испланирани и распоредени мерки, кои ќе имаат за цел намалување на загадувањето на воздухот до 2020 година во Скопје до 50 %; приспособување и ублажување на влијанијата на климатските промени; заштита на постојните и изнаоѓање на нови извори на водоснабдување; заштита на почвите од загадување и санирање и рекултивација на поранешните депонии; заштита од ерозија; поефикасно управување со отпадот преку воспоставување нов систем за подигање, транспортирање и депонирање; збогатување на зелениот фонд на градот преку подигање на нови парковски површини, изградба на зелени коридори, зелени покриви и засадување нови школувани садници на подрачјето на целиот град; за една година се подигнати за 50% повеќе зелени површини споредено со минатата година. Оваа есен приоритет во акцијата за зазеленување се дрворедите, односно реконструкција на постојните и подигање нови. Реконструирани се повеќе паркови, а во наредниов период ќе се подигнат и нови; заштитата на природата преку грижата за уредување на заштитените подрачја; унапредување на условите за јавен превоз и велосипедски сообраќај преку набавување на 40 автобуси на гас и проширување на мрежата на велосипедски патеки (само за една година направени се 12 км велосипедски патеки), како и субвенции за велосипеди и електротротинети; обезбедување бесплатен превоз на инвалидизирани лица и елиминирање на бариерите за нивно непречено движење; социјалната и здравствена заштита што опфаќа обезбедени услови и услуги за стари и изнемоштени лица, бездомници, лица со интелектуална или телесна попреченост и помош во обезбедување подобри здравствени услуги; во областа на образованието е извршена замена на азбестните покриви; поставени се енергетско ефикасни фасади, реконструирани се сите објекти на средните училишта, а во тек е поставувањето прочистувачи на воздухот во секоја училница со што ќе се обезбеди подобрување на условите за престој и учење на средношколците. Обезбеден е бесплатен превоз и унапредени се условите за спорт и физичка култура како во образовните објекти, така и на јавните површини; подигнување на јавната свест преку одбележување денови од еколошкиот календар, организација на Европска недела на мобилност, акции за чистење, уредување и пошумување, промовирање физички активности за различни старосни групи, соработка со Црвен крст за мерење притисок и шеќер на граѓаните и сл.Здравите градови имаат три важни стратешки начела, тоа се: Мултисекторски пристап, односно прашањето на здравјето не е само проблем на здравствениот сектор, туку и на сите сродни и развојни сектори во општеството; Активно учество на граѓаните, во смисла на организирање самопомош, заемна помош и можност за одлучување за здравјето, што може да го овозможи локалната самоуправа и како трето, но не помалку важно начело - Грижата за здравјето на опкружувањето (биолошко, физичко и социјално опкружување), како право и должност на граѓаните да живеат во естетски и еколошки квалитетно опкружување.- Почитувајќи ги овие постулати, Градот Скопје заложбите за здрав град ги реализира во тесна соработка меѓу сите негови сектори, активна и непосредна соработка со граѓанскиот сектор, како и со здравствениот сектор заради обезбедување подобри животни услови за сите свои граѓани. Ова, повеќе од причина што Здрав град не е оној кој има постигнато одреден здравствен и еколошки статус, туку град што е свесен за важноста на здравјето на неговите граѓани, неговата состојба и секогаш настојува тоа го подобри. Тоа е оној град кој постојано создава и ја подобрува физичката и социјалната средина и ги проширува ресурсите на заедницата, кој им овозможува на луѓето меѓусебна поддршка во вршење на сите функции и развој на нивниот максимален потенцијал. Тоа е град што е посветен на здравјето и работи на создавање на истото - посочи Никола Наумоски во своето обраќање на работилницата.

Скопје | пред 7 години