(Видео) Иран се заканува со жесток одговор: „Америка ќе плати цена – нема повеќе место за неа на Блискиот Исток“

Иранската армија упати остро предупредување до САД по последните американски воздушни напади врз ирански цели, оценувајќи дека Вашингтон сега станува директна мета во потенцијален проширен конфликт.„Америка ќе се соочи со сериозни последици и решителни воени операции“, порача портпаролот на Генералштабот на иранската армија, Ебрахим Золфакари, во видеопорака објавена денеска.На крајот, тој директно му се обрати на Доналд Трамп на англиски:„Трамп, коцкару – можеби ти го започна овој војна, но ние ќе бидеме тие што ќе ја завршиме.“Иранскиот генерал Амир Хатами во текот на ноќта порача дека САД ќе добијат „одлучен и силен одговор“, исто како и секогаш кога, според него, „починувале злосторства“.„Ги влечат САД во директен судир со Исламската Република – и ние сме подготвени да ја браниме независноста на нашата земја со сета сила“, рече Хатами.Во видео-снимка од состанокот, покрај него седат и највисоките команданти на иранската армија – од противвоздушната одбрана, морнарицата, воздухопловството, па сè до копнените сили.Во меѓувреме, високите ирански функционери испраќаат серија стратешки пораки:Али Шамхани на платформата X порача дека „дури и ако постројките се уништат, играта не е завршена“, бидејќи Иран ја има „материјата, знаењето и политичката волја“.„Изненадувањата ќе продолжат!“, предупреди тој.Али Акбар Велајати, советник на врховниот лидер Али Хамнеи, отиде уште подалеку:„Секоја земја што ќе им дозволи на САД да користат нејзина територија за напади врз Иран ќе биде легитимна цел. За Америка повеќе нема место на Блискиот Исток“, рече тој.Ситуацијата на Блискиот Исток драматично ескалира, а Техеран јасно става до знаење дека оваа фаза од конфликтот вклучува директна конфронтација – не само со Израел, туку и со Соединетите Држави. $bp("TargetVideo_50663832", {"id":"26456","width":"762","height":"429","video":"2155283","autoplay":0,"shared":true});

Свет | пред 10 месеци

Трамп отворено за Иран: „Зошто да не дојде до промена на режимот?“

Американскиот претседател Доналд Трамп во неделата го доведе во прашање опстанокот на актуелниот ирански режим, откако САД извршија воздушни напади врз стратешки ирански воени цели за време на викендот.„Не е политички коректно да се користи изразот промена на режимот, но ако сегашниот ирански режим не е во состојба ПОВТОРНО ДА ГО НАПРАВИ ИРАН голем – зошто да не дојде до промена на режимот??? МИГА!!!“, напиша Трамп на својата платформа Truth Social, алудирајќи на својот познат слоган „Make America Great Again“.Изјавата доаѓа во ек на ескалацијата меѓу Иран, Израел и САД, и го засилува реторичкото притискање на Техеран, кое традиционално претставуваше ризик за нови геополитички тензии на Блискиот Исток.

Свет | пред 10 месеци

Нетанјаху: Израел е на чекор до постигнување на своите цели во Иран

Израелскиот премиер Бенјамин Нетанјаху изјави дека земјата е „многу блиску“ до остварување на својата мисија за елиминација на двете главни закани од Иран – балистичките проектили и нуклеарната програма.„Ова е режим што отворено сака да не' уништи. Затоа ја започнавме оваа операција – за да ги отстраниме двете директни закани за нашето постоење“, изјави Нетанјаху за израелските новинари во неделата.Тој нагласи дека Израел нема да дозволи да биде вовлечен во долготрајна „војна на исцрпување“, но дека нема ниту предвреме да ја заврши операцијата.„Ќе дејствуваме онолку колку што е неопходно – ни помалку, ни повеќе. Кога ќе ги постигнеме целите, операцијата ќе заврши, а борбите ќе престанат“, рече премиерот.Според него, иранскиот подземен нуклеарен објект во Фордо бил „сериозно оштетен“ во американските воздушни напади со специјални бомби за пробивање бункери, но обемот на уништувањето сè уште се утврдува.Во однос на иранскиот ураниум обогатен до 60% – што е речиси до нивото од 90% потребно за нуклеарно оружје – Нетанјаху рече дека Израел внимателно го следи тој процес.„Тоа е клучна компонента на нивната програма. Не единствена, не доволна самата по себе, но многу важна. Имаме интересни информации за тоа, но нема да ги споделам во овој момент“, додаде тој.Иран, пред израелските напади од 13 јуни, имаше рафинерирано ураниум до 60% чистота – ниво кое е значително над дозволените 3,67% според нуклеарниот договор од 2015 година, од кој САД се повлекоа во 2018 под администрацијата на Доналд Трамп. Техеран најави дека ќе се брани „по секоја цена“.

Свет | пред 10 месеци

(Видео) Кризата ја турка цената на нафтата кон нови рекорди – страв од затворање на Хормуз

Цените на нафтата на светските пазари пораснаа за повеќе од 2,5 проценти изминатата недела, а трендот на раст продолжи и во понеделникот, откако САД изведоа воздушни напади врз ирански нуклеарни постројки, што ги засили стравувањата од прекин на испораките од Блискиот Исток.Во понеделникот наутро, цената на нафтата достигна највисоко ниво во последните пет месеци. На лондонската берза, барел се тргуваше по 77,01 долар – скок од 3,6%, додека на американскиот пазар барелот поскапе за 2,7%, на 73,84 долара. Од почетокот на ескалацијата, цената на нафтата во Лондон е зголемена за повеќе од 13%, а во САД за над 10%.Ескалацијата на конфликтот меѓу Израел и Иран, во кој сега се директно вклучени и САД, ја зголеми неизвесноста на енергетските пазари. Американските воздушни сили во саботата нападнаа три нуклеарни постројки во Иран, со цел, според Вашингтон, да се спречи можноста Техеран да произведе нуклеарно оружје.Во одговор, Иран изврши масовно ракетирање врз цели во Израел, што предизвикува сериозни грижи за понатамошна регионална ескалација – особено околу клучната точка: Хормушкиот теснец.Хормуз е најважниот светски нафтоводен коридор, преку кој дневно поминуваат околу 18 милиони барели сурова нафта и деривати – што претставува околу 20% од глобалната понуда. Вашингтон побара од Кина да изврши притисок врз Иран да не го блокира теснецот.„Ако Иран почне селективно да го попречува транспортот преку Хормуз, цената на барелот би можела лесно да скокне над 100 долари“, предупредува аналитичарот Вивек Дар од Commonwealth Bank of Australia.Пазарите се на раб на нов нафтен шок – војната на Блискиот Исток сè повеќе го диктира глобалниот економски курс.

Свет | пред 10 месеци

Петмина загинати, десетици повредени во ноќниот руски напад врз Киев: Погодени станбени згради и метро-станица

Најмалку петмина загинаа, а повеќе од десет лица се повредени во најновиот руски напад со ракети и дронови врз Киев и околината, што се случи во текот на ноќта, соопштија денеска украинските власти. Нападот предизвикал големи пожари, урнати згради и оштетувања на инфраструктурата, вклучувајќи и влез во метро-станица што се користи како засолниште.„Рускиот стил е ист – удирање таму каде што може да има луѓе“, изјави началникот на киевската воена управа, Тимур Ткаченко.Во најтешко погодената населба Шевченкивски, уништен е влезот на цел станбен блок, каде според министерот за внатрешни работи, Игор Клименко, загинале четири лица, а има и затрупани под урнатините.Во поширокиот регион на Киев, загинала 68-годишна жена, а најмалку осум лица се повредени, потврди гувернерот на областа, Микола Калашник.Според украинската државна служба за итни случаи, нападот оштетил шест од десетте градски окрузи, а фотографиите од теренот прикажуваат спасувачи кои евакуираат луѓе од запалени објекти. Меѓу спасените има и бремена жена.Во киевската населба Свјатошински е оштетен влезот во метро-станица, како и блиската автобуска постојка. Метро-станиците во Киев со месеци се користат како бомбо-засолништа.Ова е нов во серијата масовни напади врз главниот град – само минатата недела во најсмртоносниот напад досега, загинаа 28 лица, а над 150 беа повредени. Украинските власти велат дека тогаш биле погодени речиси 30 цели во повеќе бранови.Москва засега не ги коментирала нападите. И Русија и Украина негираат дека целат врз цивили, но во двегодишниот конфликт илјадници цивили – главно Украинци – ги загубија животите.

Свет | пред 10 месеци

Трамп повторно проговори за нападот врз Иран

По американскиот воздушен напад врз три ирански нуклеарни објекти, политичката и безбедносна тензија на Блискиот Исток нагло ескалира. Операцијата наречена „Полноќен чекан“, во која САД користеа бункер-бомби GBU-57 и стратешки бомбардери B-2, беше оценета како „историски воен успех“ од американскиот претседател Доналд Трамп, но и како „чин со трајни последици“ од страна на Техеран.Во објава на својата мрежа Truth Social, Трамп остро го нападна републиканскиот конгресмен Томас Меси, кој го критикуваше нападот како „неуставен“.„И покрај спектакуларниот успех, овој конгресмен се противи на нешто што беше изведено со совршена прецизност. MAGA не се занимава со мрзеливи политичари, а Меси е токму тоа“, напиша Трамп.Покрај Меси, и конгресменот Ворен Дејвидсон од Охајо изрази сомнеж во уставната оправданост на нападот, велејќи дека не гледа „разумна основа“ за ваков потег.Според министерот за одбрана на САД, Пит Хегсет, нападите биле насочени кон нуклеарните локации во Фордоу, Натанз и Исфахан, со цел да се „уништат или значително забават“ иранските нуклеарни капацитети. Во операцијата биле употребени:14 GBU-57 „бункер-бомби“, специјално развиени за пробивање на бетон и карпи длабоко под земја.B-2 бомбардери, во своја прва борбена употреба по 2001 година.Круизни проектили од подморници, насочени кон објектот во Исфахан.Според Пентагон, нападот бил високоризична и технички сложена мисија, но целосно успешно изведена.Иранското раководство потврди дека се нападнати трите локации и дека се врши проценка на штетата. Според новинската агенција IRNA, е оштетено подрачјето околу Фордоу, но засега нема официјална бројка за внатрешните последици. Црвениот полумесечина потврди дека најмалку 11 лица се повредени.Меѓутоа, министерот за надворешни работи на Иран, Абас Арагчи, изјави дека дипломатијата е суспендирана, и оти „одговорот ќе следува согласно легитимното право на самоодбрана“.„САД разбираат само јазик на закана и сила. Овој напад ќе има трајни последици“, предупреди Арагчи.Американските власти, пак, инсистираат дека целта на акцијата не е промена на режимот, туку неутрализација на иранскиот нуклеарен потенцијал.„Ние не сме во војна со иранскиот народ, туку со програмата која претставува закана за нашите национални интереси и за нашиот сојузник Израел“, изјави министерот Хегсет.Потпретседателот Џеј Ди Венс истакна: „Ова беше прецизен, целен удар. Не сакаме војна, сакаме безбедност.“Израелскиот премиер Бенјамин Нетанјаху ги поздрави нападите како „смела одлука што ќе ја запомни историјата“, велејќи дека претседателот Трамп „успеа да го спречи најопасниот режим во светот да стигне до најопасното оружје“.Израел на 13 јуни започна сопствена кампања на воздушни напади врз Иран, обвинувајќи го за развој на нуклеарно оружје. Техеран постојано негира и тврди дека неговата нуклеарна програма е исклучиво за цивилни цели.Генералниот секретар на ОН, Антонио Гутереш, изрази „длабока вознемиреност“ и повика на итна деескалација.„Светот не смее да се најде во нов глобален конфликт поради ескалација на еден регионален спор“, предупреди тој.Меѓународната агенција за атомска енергија (IAEA) соопшти дека првичните мерења не покажале излевање радијација, но истражувањата продолжуваат.

Свет | пред 10 месеци

Навреди, шлаканици и закани – татко во Драчево повредил своја 4-годишна ќерка

Основното јавно обвинителство Скопје покрена постапка против 28-годишен маж од Скопје, осомничен за семејно насилство врз неговата малолетна ќерка, родена во 2021 година. Настанот се случил во нивниот семеен дом во населбата Драчево.Според обвинителството, додека мајката приготвувала јадење, девојчето си играло со своите две сестри. Во моментот кога се качило на креветот за да земе играчки, таткото започнал да ја навредува, па ѝ удрил неколку шлаканици по лицето. Од ударите, девојчето добило набиеница на главата и огреботини на лицето. Осомничениот продолжил со вербални закани, вклучително и со зборовите дека ќе ја убие.Јавниот обвинител укажува дека мажот и претходно манифестирал агресивно однесување во семејството, поради што постои сериозен ризик од повторување на насилството. Тоа, според Обвинителството, претставува закана за нормалниот психофизички развој и воспитување на децата.Имајќи го предвид и ризикот од бегство и обид за избегнување на одговорност, до судијата на претходна постапка поднесен е предлог за определување мерка притвор.Осомничениот се гони за кривично дело „Телесна повреда“ по член 130 став 2 во врска со став 1 од Кривичниот законик.

Скопје | пред 10 месеци

Филипче: СДСМ останува на страна на граѓаните, Владата изгуби контакт со реалност

Во обраќање кон сите разочарани и скептични граѓани, Венко Филипче упати јасна порака – СДСМ не е иста со ВМРО-ДПМНЕ. Оваа борба не е само за власт, туку за вредности, вистина и еднаквост.– Сакам да им се обратам на оние кои велат „сите се исти“ или „во СДСМ нема промена“. Не сме исти. Не се исти оние кои вртат глава кога ќе се пожалите на тешка живеачка и оние кои понудија решенија за повисоки плати и пониски цени. Не се исти оние кои ветуваа правда, а испорачаа селективна правда – и оние кои секојдневно нудат решенија и реформи со кои секој политичар или функционер еднакво ќе одговара пред законот. Не се исти оние кои понудија решенија за траен развој на Македонија интегрирана во Европа – и оние кои решија да фрлат сè на буниште заради сопствените политички и бизнис интереси. За крај, не се исти оние кои кога беше најтешко во изминатите седум години искрено стоеја пред вас и ги решаваа проблемите – и оние кои за секој проблем ја обвинуваат опозицијата или манипулираат дека проблемот не постои, истакна Филипче.Тој нагласи дека СДСМ стои на истата страна каде што стоел и пред 80 години – на страната на луѓето.– Затоа, денес, како и пред 80 години, кога хероите на АСНОМ ја запишаа основата на македонската државност, СДСМ стои таму каде што отсекогаш стоел – на страната на граѓаните.Се бориме за Македонија на еднакви луѓе, со еднакви шанси. За слободна земја, каде правото важи за сите, а достоинството не се мери со партиска книшка. Се бориме за идентитетот кој не се злоупотребува за евтин политички профит, туку се чува, се унапредува и се промовира во светот. СДСМ е гласот на оние кои не се слушнати. Потпора на оние кои се оставени по страна. СДСМ е партија што не калкулира со вистината, туку ја брани и кога таа е тешка и болна. Нашата борба е борба вредности, за Македонија која е праведна, солидарна и слободна. СДСМ е таму каде што секогаш сме биле – меѓу луѓето. Со корени длабоко втемелени во историјата, но со поглед кон иднината, заклучи Филипче.

Македонија | пред 10 месеци

Фрчкоски: Досега немало влада со полошо владеење

Професорот Љубомир Фрчкоски, во рамките на трибината на СДСМ, под слоганот „Македонија понижена – една година влада на ВМРО-ДПМНЕ“, истакна дека со ВМРО-ДПМНЕ се случува парадокс.Имено, ВМРО-ДПМНЕ е ретко силна партија, со оглед на пратениците и позициите во парламентот, но парадоксот е дека таа практично не владее на надворешен, но и на внатрешен план. Не носи одлуки, нагласи Фрчкоски.Тој истакна дека политиката дефинира две акции, од кои една е реашавње на конфликти а втората е операционализација на опцијата за развој, за благосостјба на граѓаните.Во тие две акции ВМРО-ДПМНЕ не функционира, нагласи Фрчкоски, додавајќи дека ВМРО-ДПМНЕ не решава конфликити, не прави чекори кон хармонизација во таа антагонистичка политичка сфера, туку отвора конфликти, преку прогони, прогонува политички противници, менува, произведува некакви судири, создава меѓуетнички тензии, функционира она што премиерот го вика „нас со Албанците ќе ни треба второ полувреме“, а опцијата за развој ја менуваат со хистерична пропаганда, со хистеричен ПР, прават потемкини села на развој, што на крајот на краиштата завршува со генерално назадување.Ние назадуваме во сите линии, политичките елити се послаби, образованието назадува, НГО секторот е растурен и назадува, не функционира, медиумите се во страшна ситуација. Во сите точки назадуваме во ситуација кога регионот напредува. Ние го немаме тој луксуз, ние не можеме да го издржиме тоа назадување долго, практично ќе имплодираме внатре по меѓуетнички основи по една линија, меѓутоа и по социјални основи. Ние генерално осиромашуваме и тоа е една ситуација, која не може долго да се издржува, рече Фрчкоски.Во однос на неспособноста на власта, Фрчкоски нагласи дека досега немало влада со полош рејтинг во првата година од владеењето.Тоа е најлош старт, независно силата во парламентот. Резултатот од тоа не значи дека она лесно ќе падне, нема да се случи промена додека нема издржана алтернатива, додека луѓето не видат дека тоа е возможна алтернатива, и дека таа е таа, рече Фрчкоски, додавајќи дека тоа значи дека опозицијата има една неверојатна крупна улога да се консолидира и тоа не може да се прави само со критика на власта, туку и преку поврзување со своите линии и значајни историски потези што партијата или групацијата на партии ги направила, а не дистанца од нив.Ние не смееме да се срамиме од тоа како е направен договорот од Преспа, како се водени преговорите со Бугарија, независно од тоа што мислиме, како тоа се одразило на изборните резултати. Не е важно тоа, треба да се издржи јасно на тие позиции на кои СДСМ историски ја изгради оваа држава, рече Фрчкоски.Тој смета дека се возможни понуди за големи коалции, бидејќи не е јасно како ќе излезе со БугаријаИмам впечаток дека на некој начин ќе свијат грб секако по таа линија и некаков контакт ќе бараат. Тука е процена, која е многу важна да се направи. Поддршка од опозицијата на тој принципиелен став со Бугарија треба да има. Бидејќи решението, независно како ќе го цените францускиот предлог е исклучително во национален интерес на Македонците, тука да нема дилема никаква. Кој го правел, како го правел. Тој е направен во две точки кај јазикот и кај националниот идентитет апсолутно 100% во наш интерес, рече Фрчкоски.Тој посочи дека владата е тотално без никаков план и тоа е застрашувачки.Значи вие имате една структура, во која ние сме прирепок на Орбан, Вучиќ и линијата до Солун и коридорот 10, за кој нашиот министер се радува дека ќе го изгради. Може да биде во наш интерес некаков, но не повеќе од коридорот 10. Тоа е затоа што Кинезите отвраат дел во солунското пристаниште и на Орбан му е важно таа линија да функционира заради Кинезите. Ние сме последен прирепок на таа линија. Нашите се радуваат како деца, што функционираат во тоа оро. Таква една неспособна, да ја оцени сопствениот интерес политика, ние не сме сретнале досега. И тоа скапување е голем ризик, не може да не радува тоа, таквата неспосбност на владата која не функционира. Прогони и ПР симулакрум дека нешто се пррави, ништо друго, се е празно поради тоа, истакна професорот Љубомир Фрчкоски, на трибината на СДСМ, под слоганот „Македонија понижена – една година влада на ВМРО-ДПМНЕ“.

Македонија | пред 10 месеци

Аврамовска Мадиќ: За една година МВР од заштитник на граѓаните стана партиски инструмент на ВМРО ДПМНЕ

Во време кога граѓаните очекуваат стабилност, безбедност и професионализам од институциите, Министерството за внатрешни работи e синоним за скандали, злоупотреби и партиска послушност, за една година наместо заштитник на граѓаните, МВР е претворено во партиски инструмент на ВМРО-ДПМНЕ, потенцираше Викторија Аврамовска Мадиќ, член на Извршниот одбор на СДСМ, на денешната трибина во организација на СДСМ, под слоганот „Македонија понижена – една година влада на ВМРО-ДПМНЕ“.На панелот посветен на правдата и безбедноста, односно на полтиките на владата на ВМРО ДПМНЕ за овие два клучни сектори, Аврамовска Мадич се осврна на истрагата за трагедијата во Кочани и потенцираше дека од страна на владата во ниту еден момент не се виде дека се преземаат мерки што ќе обезбедат безбедна и сеопфатна истрага, што ќе обезбедат инструмент за вакво масовно убиство никогаш повторно да не се повтори.„Има ли поголем доказ за сервилноста кон партијата на полицијата од оној дека ниту еден полициски службеник не беше виновен за кобната ноќ, се додека протестите на граѓанската иницијатива од Кочани, семејствата и родителите на жртвите не го искажаа својот гневот на улица. Секојдневие ни стана СКАНДАЛ - МВР“, рече Аврамовска Мадиќ.Говорејќи за неселективна правда и за односот на власта кон полициските службеници кои се во нејзина закрила кои наместо заштитници на граѓаните, се претворени во сервис на патијата, Аврамовска Мадиќ нагласи дека дека владата е мајка за ВМРО ДПМНЕ и коалицијата, но за сите други останати е маќеа.„За какви заштитници зборуваме дали се полициски заштитници или полициски соучесници?Ќе зборуваме за бодигардот на премиерот дека тепаше полицаец пред угостителски објект во Скопје а министерот го заштити и го ослободи од одговорност. Зборуваме за заштитници кои бодигардот на премиерот беше фатен во скандал со 50.000 евра за издавање на службена тајна. Другиот бодигард на претседателот на Собранието не само што направи скандал на меѓународен аеродромот, туку тој истиот наместо нас да не заштити, тој полициски службеник ја нападна својата колешка полицајка“, рече Аврамовска Мадиќ.При тоа таа посочи дека не може да се говори за професионализација на безбедносните инстутиции, кога власта ги партизира - Не може да говориме за професионализација на институциите кога првите најважни началници едниот на Биро за јавна безбедност кој наместо да се грижи за нашата безбедност е незаконски назначен, а другиот началник има фалсификуван документ сертификат.Во своето обраќање Аврамовска Мадиќ предупреди дека ВМРО ДПМНЕ и коалицијата, немаат сменето ниту еден закон, ниту правилник за да се справат со корупцијата, додека свесно ја враќаат државата во едно мрачно време на изолација и страв.„Не верувавме дека е можно во 2025 година да ни се врати заробеното општество, заробениот ум. Секојдневно констатираме дека државата се врати назад, во времето на заробена и изолирана држава, без пријатели во регионот и светот. Безбедна држава е Европска држава. На каков пат беше Македонија. Членство на НАТО , СДСМ обезбеди само со 2 години владеење. Немаше непотизам, немаше селективност, имаше живот за сите. Сега, селективноста ја руши довербата во институциите и потврдува дека се уште живее духот на тефтерчињата“, рече Аврамовска Мадиќ.

Македонија | пред 10 месеци

Радеска: ВМРО-ДПМНЕ го урниса здравството, го деградира белиот мантил и пациентите

Оваа власт потполно го урниса здравствениот систем и тоа само во една година. Ние имаме нефункционален здравствен систем со заостанати реформи и апсолутен политички марктинг, истакна д-р Елена Радеска, од комисијата за здравство на СДСМ, во рамките на трибината под слоганот „Македонија понижена – една година влада на ВМРО-ДПМНЕ“.Радеска нагласи дека ВМРО-ДПМНЕ во предизборната програма имаше напишано 13 страни проекти за здравство, кои останаа само на хартија.ВМРО-ДПМНЕ им ветуваше вработување на младите специјализанти, но тоа заврши сосем нетранспарентно, ветуваше децентрализација на здравствто, но го стори спротивното, во однос на недостигот на лекови и терапии добро ни е познато дека имаше недостиг на инсулин, а онколошките пациенти сé уште имаат проблем и ја чекаат својата терапија, рече Радеска, додавајќи дека тоа зборува само за прикривање на проблемите и никакво идејно решение.Радеска потсети дека ВМРО-ДПМНЕ ветуваше огромни проценти за зголемување на платите во здравството но за жал дадоа само 2.500 денари порамнување.За разлика од владата на СДСМ, кога министер за здравство беше претседателот Венко Филипче, имавме историско покачување на платите на лекарите специјалсти, здравствените соработници и средно медицинскиот персонал, исто така и реформа со која може да се пофалиме, а ВМРО-ДПМНЕ ја преипишува на свое конто е платата на специјализантите, прв пат вреднувани за својот труд, рече Радеска.Таа посочи дека во време на СДСМ се направи систем за трансплантација на ткива, на органи и матични клетки, а сега има една или две трансплатнации, се пушти во употреба хибридната сала на државна кардиохиругија, а сега таа клиника, за жал, е со одборени денови на постоење, сега има недостиг од терпаии, а за време на СДСМ се донесоа иновативни терпации за болни од мултипла склероза, за цистична фиброза.ВМРО-ДПМНЕ се потруди да го деградира белиот малнтил и пациентите. Тоа беше и во владеењето на Никола Тодоров, а да бидам искрена не очекувам ништо поразлично ни сега, особено со изборот на министер, кој е доктор по инфоратички науки, порача д-р Елена Радеска, од комисијата за здравство на СДСМ, од трибината на СДСМ под слоганот „Македонија понижена – една година влада на ВМРО-ДПМНЕ“.

Македонија | пред 10 месеци

Филипче: Во администрација се вработува само со списоци, сите останати граѓани се понижени и дискриминирани

Владата на ВМРО-ДПМНЕ и ЗНАМ не само што не ја рационализираше администрацијата, туку ја претвори во продолжена рака на партиските штабови. Вработувањата се политички награди, не резултат на квалитет и труд. Ова го истакна Венко Филипче на трибината „Македонија понижена – Една година Влада“.– Ветуваа ред и рационализација во администрацијата. Ветуваа мерит-систем. Што добивме? Нови министерства, илјадници нови партиски вработувања, листи за вработување по штабови кои се споделуваат на социјалните мрежи, рече Филипче.Тој нагласи дека партизацијата на институциите е официјализирана, а партиската книшка е главна квалификација за работа во државата.– Нивните функционери отворено кажуваат дека вработувањата во болниците и секаде на друго место се само по партиска заслуга. Тоа го кажуваат гордо, без срам – како да е нормално, посочи Филипче.Според него, администрацијата денес не е сервис на граѓаните, туку огледало на системот на ВМРО-ДПМНЕ.– ВМРО-ДПМНЕ ја претвори администрацијата во огледало на нивниот систем: хаос под контрола, сервилност наместо компетентност, заклучи Филипче.

Македонија | пред 10 месеци

Димковски: За една година 136 професионалци си заминаа од Министерството за земјоделство, земјоделството тоне

За ВМРО ДПМНЕ е својствено да лажат, лажеа пред избори за нови мерки, за повеќе пари за субвенции, лажат и сега, ги манипулираат земјоделците, а земјоделството тоне, потенцираше претседетелот на Комисијата за земјоделство,шумарство и водостопанство на СДСМ, Трајан Димковвски, на денешната трибина во организација на СДСМ, под слоганот „Македонија понижена – една година влада на ВМРО-ДПМНЕ“. Димковски посочи дека за една година владата на ВМРО ДПМНЕ покажа тотална безидејност во делот на политики за развој на земјоделството и мерки за поддршка на земјоделците.„ВМРО ДПМНЕ ниту знае што прави со државата, ниту со земјделството. Ветуваа загарнтирани цени, сигурен откуп, повисоки субвенции. Но работите не се одвиваат така. Што направија, го сменија новиот модел што го воведуваме за субвенционирање кој беше базиран на исплата по учинок. Три години работевме на овој модел за да се воведе за да се исплати авансно. Најавуваа големи реконструкции на водоводни системи изградби, а денес гледаме дека тутунот се суши во прилепско. Ги скратија субвенциите за лозарството. Ги суспендираа програмите за мали земјоделци, што ги воведе СДСМ. Субвенциите за мерките што ги скратија опфаќаат околу 20.000 земјоделци. Ветуваа агенција за државно земјоделско земјиште, и тоа ветување им избледе“, рече Димковски.Но, не само во делот на мерките за земјоделство, Димковски потенцираше дека и ресорното министерството за земјоделство врши непромислени измени на законите, кои се прават под диктат на партијата и според партиските потреби.„Може да потенцираме само две работи зошто тоа би се правело- едната силно политичко влијание во владата на ВМРО ДПМНЕ на поединци. Сите измени беа потпишани од пратеници, тоа укажува дека Министерството за земјоделство нема никаков капацитет да подготви ниту три реченици или да предложи на еден член за измена во одредени закони“, рече Димковски.Катастрофалната состојба во ресорот земјоделство, како што рече Диимковски, доведе тоа да луѓе го напуштат министерството со што слабее капацитетот на институцијата.„Во последната година 136 луѓе го напуштија министерството. Со тоа се ослабна капацитетот, имаме борба за бркање на неистомисленици, мобинг деградација на вработените“, рече Димковски.Говорејќи за лошите земјоделски политики на ВМРО ДПМНЕ, Димковски потенцираше имаме комплетно потфрлување со ИПАРД европските фондови, како и со земјишната политика бидејќи не е објавен ниту еден оглас за распределба на земјоделското земјиштето.

Македонија | пред 10 месеци

Пријавил напад од лажни полицајци во Центар – 26-годишен маж од Крива Паланка бил претепан

На 21 јуни 2025 година, во 16:30 часот, во СВР Скопје бил пријавен сериозен инцидент на подрачјето на Центар. К.М. (26) од Крива Паланка пријавил дека околу 15:30 часот, додека управувал патничко возило, бил сопрен од три лица кои се претставиле како полициски службеници.Според неговата пријава, едно од лицата го нападнало физички и му упатило сериозни закани. Случајот е пријавен во полиција, а надлежните органи преземаат мерки за идентификација и расчистување на случајот.

Скопје | пред 10 месеци

Со психолошки терор и уцени, 28-годишен штипјанец му извлекол четврт милион денари на младо момче

Полициски службеници од СВР Штип го привеле 28-годишниот Ф.Ј. од Штип, под сомнение дека во периодот од октомври 2024 до 20 јуни 2025 година, со закани и психичка присила оштетил 21-годишен сограѓанин, одземајќи му вкупна сума од 275.000 денари.Според пријавата, осомничениот систематски го уценувал младото лице – го терал да аплицира за брзи кредити во неколку финансиски друштва, да се задолжува кај трети лица, го принудил да го продаде својот мобилен телефон, како и да земе пари од неговиот татко.По преземените дејства, случајот е пријавен кај јавен обвинител, а против Ф.Ј. ќе биде поднесена соодветна кривична пријава по целосно документирање на доказите.

Македонија | пред 10 месеци

Пет лица се испотепале кај Момин поток

На 20.06.2025 околу 14.00 часот во СВР Скопје било пријавено дека на ул.„Јадранска Магистрала“, кај клучката Приштина, по претходно недоразбирање во сообраќајот, бил нарушен јавниот ред и мир со физичка пресметка помеѓу М.В.(32), Ш.В.(46), двајцата од село Добрино, скопско и М.В.(25) од Скопје, од една страна и Р.М.(19) и А.М.(25), двајцата од Скопје, од друга страна.По документирање на случајот, против лицата се поднесени соодветни поднесоци.

Скопје | пред 10 месеци

Над 70% од граѓаните живеат со под 500 евра плата месечно, тоа е понижување, вели член на СДСМ

Како млад човек, јас најпрво што очекував е дека за една година Македонија навистина ќе стане горда држава. Но, за жал, наместо горда, станавме понижени – и тоа е факт. И денес зборуваме за тоа. Кога СДСМ се бореше за зголемување на минималната плата, ВМРО-ДПМНЕ се бореше за вработување на роднини во институциите. Денес, Македонија е претпоследна во Европа според висината на минималната плата. Единствената држава зад нас е Албанија, а таа напредува кон ЕУ со сите кластерски поглавја – факт потврден од европските претставници, рече Агрон Демири, член на СДСМ, од трибината „Македонија понижена – Една година Влада“.Тој потенцираше дека минималната плата во Македонија изнесува 360 евра и дека овие 360 евра се резултат на политики кои СДСМ ги спроведуваше чекор по чекор.– И денес, со настапи и предлози во законодавниот дом, продолжуваме да се бориме за повисока плата, но за жал – политичка волја од ВМРО-ДПМНЕ нема. 70% од вработените во Македонија живеат со плата под 500 евра. Сите ние дома правиме калкулации – со 500 евра не можеш да преживееш месец дена, ни за основна кошничка, – истакна Демири.Тој потенцираше дека македонските граѓани од ДПМНЕ не може да очекуваат зголемување на минималната плата, кога поддржуваат гувернер кој не верува во нејзино зголемување.СДСМ поднесе предлог во Собранието за покачување на минималната плата и не се работи за недостаток на пари, туку за недостаток на волја.Куповната моќ на граѓаните е опадната за над 20%. Цените растат, платите мируваат. Според податоци, трошоците за живот во последните 12 месеци пораснале за 3,3%, додека реалната куповна моќ е падната за над 20%. Ова не се бројки – ова е секојдневието на нашите граѓани.– Во 20 минути можеме да зборуваме само за 0,1% од штетата која ВМРО-ДПМНЕ ѝ ја нанесе на економијата. А фактите говорат: преку ноќ донесуваат закони во свој интерес, а ја задолжија државата со над 7 милијарди евра за само една година – сума која го надминува државниот буџет. „Како ќе ги вратиме тие пари? Ќе ги врати ли мојот внук?“ – потенцираше Демири.Годинава беше година на молк – прво за економијата, потоа за сè. Но ние, СДСМ, не молчиме. Зборуваме со бројки, со аргументи, со факти. СДСМ не се плаши – ни од ВМРО-ДПМНЕ, ни од никој. Тука сме да се бориме – за достоинство, за еднаквост, за подобра економија.

Македонија | пред 10 месеци

Димитријевиќ: За една година ВМРО-ДПМНЕ ја понижи, осиромаши и изолира Македонија

По една година од Владата на ВМРО-ДПМНЕ, ветената горда Македонија е само празен слоган во еден докажано лажен ПР-наратив на ВМРО-ДПМНЕ, гол, популистички памфлет зад кој се крие суровата реалност на нашата држава – Македонија е понижена, порача генералниот секретар на Социјалдемократскиот сојуз на Македонија, Александар Димитријевиќ, на денешната трибина во организација на СДСМ, под слоганот „Македонија понижена – една година влада на ВМРО-ДПМНЕ“.Димитријевиќ во своето обраќање посочи дека за една година колку што ВМРО-ДПМНЕ е на власт, работниците се понижени работници, граѓаните осиромашени, економијата задолжена, се случија еколошки катастрофи, институциите се партизирани институции, правдата е селективна, на улиците се случуваат секојдневни пресметки, има политички реваншизам, нарушен е соживотот, а државата е изолирана. ВМРО-ДПМНЕ, како што кажа Димитријевиќ, со лаги дојдоа на власт, со лаги владеат цела година.„Ветуваа дека работниците ќе бидат горди со европски плати. Но, за една година работниците не само што не се горди, туку нивниот труд е понижен како никогаш во историјата на нашата држава. Македонија е претпоследна во Европа по минимална плата. Со бедни 360 евра минимална плата, македонскиот работник е второ најсиромашен во Европа. Животниот стандард е на дното. Не употребија ниту еден механизам за ставање под контрола на цените кои вртоглаво растат на дневно ниво, а платите стагнираат“, рече Димитријевиќ.Тој потенцираше дека на ВМРО-ДПМНЕ им е поважен сопствениот комодитет и луксуз, па затоа и велат дека државата напредува, што е далеку од реалната катастрофална состојба во државата„Лесно им е од нивна перспектива да нè убедуваат дека државата оди напред и дека добро се живее, дека сме биле четврта економија во Европа. А реалноста е погубна – БДП кое расте само на хартија, сиромашни граѓани со долгови, закочени капитални инвестиции, скапи задолжувања со заеми кои ја туркаат државата во должничко ропство“, рече Димитријевиќ.Говорејќи за лошите политики на ВМРО-ДПМНЕ, Димитријевиќ нагласи дека за една година ВМРО-ДПМНЕ уништи сè што беше изградено и во секоја област во државата се случува распад„Наместо ефикасна администрација – за една година, имаме гломазно партизирана администрација, со нови министерства за партиски вработувања. Во образованието, наместо револуција како што ветуваа, донесоа хаос. Наставниците демотивирани и понижени, децата збунети, реформите запрени. Во надворешната политика – евроинтеграцискиот процес е закочен. Свесно ја ризикуваат иднината на цели генерации. Сè е разорено, деградирано и претворено во политички инструмент за лични интереси“, рече Димитријевиќ, додавајќи дека СДСМ како вистинска државотворна партија нема да отстапи од борбата да ја вратиме државата на вистинскиот пат.

Македонија | пред 10 месеци

ВРЕДИ: Со законот за правична застапеност, го враќаме достоинството на Албанците кои не се декор во оваа држава

Владиниот коалициски партнер ВРЕДИ се пофали дека со Законот за правична и соодветна застапеност на Албанците и другите заедници во државната и јавната администрација, кој ќе биде донесен на владина седница, ќе биде затворена историската рана, со што ќе го напарават она што ДУИ не го направила 22 години.„Речиси три децении, Албанците во оваа земја беа недоволно застапени, угнетени и свесно занемарени од институциите кои требаше да им служат на сите подеднакво. 30 години, институционалната дискриминација стана систем, додека гласот на Албанците се слушаше само како број на гласови, а не како сила која го заслужува местото што го заслужува. Но, времето на неправдата завршува. Во текот на претстојната недела ќе се пишува историја во Владата на Република Северна Македонија. ВЛЕН, со храброст и одговорност, заклучува една од најсуштинските точки од Охридскиот договор, Законот за правична и соодветна застапеност на Албанците и другите заедници во државната и јавната администрација, кој ќе биде донесен на владина седница“, велат од ВРЕДИ.Во партиското соопштение велат дека ова не е политички чин, туку чин на правда.„Овој закон, врз основа на Амандманот VI од Уставот, ја прави соодветната застапеност законска и институционална обврска, а не повеќе лична желба или лажно броење од страна на партии кои лажат цел народ. Институциите ќе бидат обврзани да обезбедат фер застапеност, без дискриминација, почитувајќи ја компетентноста, интегритетот, транспарентноста и инклузивноста. Она што ДУИ не го направи 22 години со неограничена моќ, ВЛЕН го постигнува во првите месеци од владеењето. Тие го продадоа Охридскиот договор, ние го спроведуваме по закон! Со оваа одлука, ВЛЕН ја враќа рамноправноста во темелите на државата и ги носи Албанците таму каде што отсекогаш заслужувале да бидат, во центарот на институциите, а не на периферијата на статистиката. Со оваа историска одлука, ВЛЕН не прави само реформа, туку го враќа достоинството на Албанците“, велат од ВРЕДИ.Нагласуваат дека Албанците не се декор во оваа држава, туку се нејзиното јадро и темелот врз кој се градеше соживотот.

Македонија | пред 10 месеци

Херцог: Нападот на САД врз иранските нуклеарни постројки е историски чекор

Израелскиот претседател Исак Херцог за западни медиуми го оцени американскиот напад врз ирански нуклеарни постројки во Фордо, Натанз и Исфахан како историски и храбар потег.Херцог рече дека со воздушните напади на САД е нанесен тежок удар врз иранската нуклеарна програма, но дека и понатаму се лансираат ракети кон Израел од Техеран.Тој истакна дека официјално не било испратено барање до САД за напади, ниту бил извршен притисок врз американската администрација. Според него, одлуката ја донела Белата куќа, имајќи ја предвид глобалната безбедност.

Свет | пред 10 месеци

Вработените во Клинички ќе добијат паркинг во „Лимак“, за да има повеќе слободни места на клиниките за пациентите

Над 2.500 вработени во Комплексот клиники Мајка Тереза, ќе можат да користат 300 паркинг места во комплексот „Лимак“. Ова е решение за привремено да се растерети паркинг просторот на Клиниката. Според Азир Алиу, министер за здравство, за ова Минситерството за здравство ќе плати нула денари односно паркинг просторот ќе си го плаќаат вработените кон ЈП Паркинзи-Скопје, а тие ќе си имаат договор со „Лимак“.„Дел од инфраструктурата на Лимак ќе биде на располагање на Министерството за здравство. Ќе има табли каде можат да паркираат вработените“, рече Алиу.Тој најави и интерактивни табли за пациентите полесно да се снајдат на Клинички центар. Прашан колку ќе чини софтверското решение и интерактивните табли, рече дека ќе пробаат програмирањето да биде бесплатно, а за интерактивните табли уште не знае колку треба да се плати.„Во моментов имам 700 мапирани места, а се паркираат 2.000 до 3.000 паркинг возила. Се паркираат на зеленило, на пат. Ќе имаме интерактивни табли за полесно да се снаоѓаат граѓаните и возачите, за полесно да стигнат до некоја клиника. Ќе имаме апликација која ќе се симне и ќе ве насокчи кон потребната точка“, додаде тој.

Македонија | пред 10 месеци

(Видео) „Обвинителството повторно го уби Љупчо“ – семејството разочарано по одлуката да нема обвинение

Јавното обвинителство по втор пат го уби нашито син, велат од семејството на Љупчо Лешко, разочарани од одлуката на обвинителот, да не поведе постапка против сопственикот на објектот каде младиот диџеј загина. Тие се убедени до струјниот удар по кој Љупчо загинал, дошло поради неисправна инсталација. Обвинителството, според решението да не се поведе постапка, вина гледа кај нивниот мртов син - бидејќи влегол во базенот и потоа излегол и ја допирал миксетата. Семејството на загинатиот пак, укажува, дека таму имало и други деца кои исто така се жалеле на пецкање од струја од почетокот на забавата, притоа, нивниот син не бил единствен мокар таа вечер, а со оглед дека имало и дожд.„Морам да ви кажам дека е најголемиот срам за едно јавно обвинителство и една јавна обвинителка. Зошто го велам тоа.. Вие да признавате недоследности во самиот извештај, а сепак да донесете негативна одлука за тоа дали да се поведе постапка или не (се мисли на обвинение), мислам дека нема во ниту една држава, ниту во Јужана Кореа, Сомалиа, Белорусија. Зошто го велам тоа, бидејќи во решението, во повеќе наврати, јавната обвинителка зема само површни мислења, зема во предвид делови од изјави од сведоци кои на неа и одговараат а не целосно, наведува дури и лаги што исто така ќе го докажам, а сепак признава и на недоследности кои ги содржел објектот и повторно, како што кажав, донесува негативно мислење односно одлука. На што го темелам ова кажување - јавната обвинителка како причина за струјниот удар на мојот син се држи само површно на извештајот на Судска медицина кој докажува дека причината е струен удар, но докажува дека и мојот син имал хронични срцеви проблеми, како и дека најголема причина е тоа што мојот син бил мокар. Но во извештајот од Судска медицина, пишува дека, 'создадени се услови да дојде до струен удар', но тоа не значи што бил мокар, е главната причина. Но јавната обвинителка така го толкува тоа, сакајќи да ја прикрие сопствената неспособност, а откако по 11 месеци не дојде до резултати“, вели Раде Лешко, татко на загинатиот Љупчо.Тој кажа и што стои во вештачењата кои ги правело Обвинителството.„Демек ќе се вадиме сега дека вештачењето било изведено во темни услови, односно дека немало светло вечерта (кога загинал Љупчо), за да се извршат анализи на евентуални неправилности при напојувањето. Значи јавната обвинителка признава дека нејзиниот вештак не си ја извршил работата како што треба, да изврши анализи на евентуални неправилности во напојувањето или заземјувањето.. ама не признава дека заборавила односно не наложила запечатување на објектот, за 11 месеци, таму да не се вршат наводни уништувања на докази“, додаде Лешко.Таткото, меѓудругото на вештаците им рече: „Да ви се плукнам во дипломите што ги имате, неписмени ни едни!“.Во видеото, таткото елаборира во делот на доказите и решението:

Македонија | пред 10 месеци

Инспекциска „војна“ во Кочани: Крстевски обвинува за дивоградби, АХВ го обвинува за глумење инспектор

Вршителот на должноста градоначалник на Кочани, Венко Крстевски, објави видео на Фејсбук во кое врши "контрола" на угостителски објект што, според него, претставува дивоградба со сериозни безбедносни пропусти. Тој обвинува дека во пицеријата „Филитеа“ се пуши во затворен простор, има нелегално приклучена струја, само еден санитарен јазол за два пола, како и две кујни, од кои едната без тоалет.Крстевски седна во локалот на покана од сопственикот Орце Николов, кој реагираше на наводната селективност на институциите и тврди дека објектот го наследил, а претходно Општината му наплатила користење на просторот. „Во Кочани има 700 дивоградби, нека тргнат по ред“, рече Николов. Крстевски му возврати: „Ова е дивоградба од 2013, но ти свесно си го гледал тоа.“Градоначалникот повика институциите – АХВ, Пазарен инспекторат, ЕВН – итно да постапуваат и предупреди дека „не смее да се дозволи да се повтори трагедија како ‘Пулс’“, алудирајќи на пожарот од март во кој загинаа 62 лица.Реакција од АХВ: „Градоначалникот не е инспектор, ги загрозува процедурите“Агенцијата за храна и ветеринарство остро го осуди настапот на Крстевски, обвинувајќи го за нарушување на професионалните стандарди и ширење дезинформации. Тие тврдат дека не издаваат HACCP дозволи, како што тој лажно сугерира во видеото, туку вршат контрола според законот и регистрираат оператори со храна.АХВ посочи дека Крстевски нелегитимно влегол во кујна без санитарна книшка и заштитна опрема, со што можел да ја контаминира храната. „Ниту националните, ниту европските прописи не дефинираат фуги на плочки“, наведуваат од агенцијата, додавајќи дека санитарен јазол за персоналот бил обезбеден од угостителот.Овој случај се случува во сенката на трагедијата од 16 март, кога во пожар во дискотеката „Пулс“ загинаа 62 лица, а над 200 беа повредени. Локалот работел без дозволи, без систем за евакуација и со затворен излез – по што јавноста остро бара институционална одговорност.Крстевски во видеото вели дека „во Кочани има институционална криза“ и дека „ќе поднесе пријави против сите кои не постапуваат“. На крајот, тој и сопственикот на пицеријата се согласија дека мора да се најде решение што ќе обезбеди безбедност за сите.

Македонија | пред 10 месеци

Нуклеарен удар или провокација? Трамп слави победа, Иран подготвува одговор

Со масовен воздушен напад во раните утрински часови, американските сили погодија три клучни ирански нуклеарни локации – Fordow, Natanz и Isfahan. Претседателот Доналд Трамп изјави дека објектите се „целосно уништени“, нарекувајќи ја операцијата „многу успешна“.Fordow – симболичната цел на ударотПосебно внимание беше посветено на објектот Fordow, кој се наоѓа длабоко во планините во близина на градот Кум и е тешко достапен за конвенционално оружје. Израел долго време немаше технолошки капацитет да го неутрализира овој објект самостојно, но САД ја презедоа таа задача.Иранските претставници веднаш реагираа, тврдејќи дека штетата во Fordow е „површинска“ и дека клучните структури останале недопрени. Според иранската новинска агенција Tasnim, пратеникот Манан Раиси изјави: „Штетата е минимална и лесно обновлива. Изјавите на Трамп се лажни и манипулативни.“Евакуација пред нападот и отсуство на радијацијаИранските власти тврдат дека пред нападите ги евакуирале чувствителните материјали и персоналот од трите објекти. Хасан Абедини, заменик директор на државната телевизија, изјави дека обогатениот ураниум бил претходно преместен, а со тоа се избегнало потенцијално радиоактивно загадување.Реза Кардан од Иранската организација за атомска енергија додаде дека „нема знаци на радијација или загадување околу погодените локации“ и ги повика граѓаните да останат смирени.Техеран: „Нечуван чин – ќе одговориме“Министерот за надворешни работи на Иран, Абас Арагчи, предупреди дека нападот претставува „тешко кршење на меѓународното право“ и изјави дека Иран задржува право на одмазда според Повелбата на ОН. „Нападите ќе имаат трајни последици“, рече тој.Претседателот Трамп веднаш возврати, предупредувајќи дека „секој ирански одговор ќе биде дочекан со сила далеку над онаа што ја видовме вечерва.“Регионална ескалација: Хусите повторно закануваат САДЈеменската група Хуси (Ansar Allah), која има блиски врски со Иран, остро реагираше. „Ова не е крај на војната – туку нејзин почеток“, изјави нивниот политички претставник Мохамед ал-Фарах. Тој порача дека времето на „удри па бегај“ е завршено.Хусите, кои контролираат значителни делови од Јемен, веќе најавија можни напади врз американски бродови во Црвеното Море, што би можело дополнително да ја загрози глобалната трговија и безбедноста во регионот.Анализа: Иран има начини да одговориПрофесорот Стивен Зунес од Универзитетот во Сан Франциско вели дека Иран располага со „широк спектар на опции“ – од напади врз американски бази и сили на Блискиот Исток, до напади врз бродови во Персискиот Залив.„Во домет на ирански проектили и дронови се околу 40.000 американски војници. Сите тие, заедно со флотата во Заливот, се потенцијални цели“, изјави тој, предупредувајќи на опасноста од растечка глобална нестабилност.

Свет | пред 10 месеци

Хусите до Трамп: Времето на ‘удри па бегај’ заврши

Хусите предупредуваат: „Уништувањето не значи мир – туку нова фаза на војна“Јеменската група Хуси (Ansar Allah) испрати остро предупредување до Вашингтон по американските напади врз ирански нуклеарни објекти, оценувајќи дека потезите на претседателот Доналд Трамп не водат кон деескалација, туку ја отвораат вратата за поширок конфликт.„Јасно е дека Трамп сака крај на војната“, изјави Мохамед ал-Фарах, член на политичкиот кабинет на Хусите. „Но, уништувањето на нуклеарен објект не е крајот – туку почетокот. Времето на ‘удри па бегај’ заврши“, рече тој.Хусите, кои контролираат значаен дел од Јемен, вклучувајќи ја и престолнината Сана, претходно најавија дека ќе ги нападнат американските бродови во Црвеното Море доколку САД се приклучат на Израел во нападите врз Иран.Од почетокот на војната во Појасот Газа, групата активно цели бродови со израелска поврзаност, предизвикувајќи сериозни прекини во глобалните синџири на снабдување. Иако претходно беше постигнато примирје со посредство на САД, по повеќекратните напади на коалицијата предводена од Вашингтон, Хусите сега повторно се закануваат со ескалација – овојпат насочена директно кон американските интереси.

Свет | пред 10 месеци