Трајко Славески е предложен за нов гувернер

Претседателката Гордана Сиљановска Давкова го предлага ексминистерот за финансии, Трајко Славески за гувернер на Народната банка.За Славески сега треба да се изјаснат пратениците.Славески е актуелен претседател на Советотот на Град Скопје.Информацијата се уште не е официјално потврдена од Кабинетот на претседателката.Инаку, „Скопје1“ проба да добие став од Славески - но до овој момент немаме одговор. Молк и од Собранието.Инаку, Славески за Сиљановска,  зборуваше и во поткастот „Претрес“:

Македонија | пред 1 година

Нема чисти чаршафи за креветите на Клинички центар

Во очекување на нов министер за здравство, проблемите во секторот се таложат. На Онкологија и натаму гужви поради акутниот проблем со кадар.Но она што дополнително ја шокираше јавноста е информацијата на Канал 5 дека од денеска ќе нема чисти чаршафи за болничките кревети во комплексот „Мајка Тереза“.Причина е бојкотот и револт во пералната во рамките на клиничкиот центар, бидејќи немаат земено плата од декември.„Од декември немаме земено плата, чекаме секој ден. Денеска протестираме и не примаме чаршафи, само зелени зошто тоа треба за операции и не можеме така да оставиме“, велат вработени од пералната за Канал 5.Од Јануари 2024 година со пералната управува приватната фирма СкопСтер.

Македонија | пред 1 година

Молитви во тегла за продажба: Измамници профитираат на сметка на жртвите од Кочани

Струмичката епархија на МПЦ-ОА предупредува на измамничка шема во која е злупотребено името на епископ Јаков, а дополнително измамниците ја користат трагедијата на семејствата на загинатите од кочанската дискотека. Од Епархијата алармираат дека станува збор за грозоморна измамничка шема преку која лица под профилот Библиска Македонија продаваа „молитви во тегли“ и книги.Осомничена е фејсбук-групата „Библиска Македонија“.-До нас стигнаа информации од оштетените граѓани, дел од нив роднини и родителите на загинатите деца во пожарот во Кочани, коишто, скршени од болка и барајќи утеха, подлегнале на лагите кои им ги пишувале луѓето кои се кријат зад профилот Библиска Македонија и порачувале од спорните реквизити. Целосно ја имаме во предвид ранливоста на оштетените, кои од небрежност, не сакајќи поверувале на оваа измамничка шема, која е сѐ, само не во духот на православното христијанство, соопштија од Епархијата.-Грозоморна измама, затоа што некои ликови, кои се претставуваа како христијани, се дрзнале преку лаги и измами, не само да прават обид за дискредитација на Преосветениот владика, а со тоа и на МПЦ ОА, туку и да заработуваат користејќи ја болката на оштетените. Грозоморна затоа што на луѓето кои барале утеха им продавале „ветер и магла“ и со тоа стекнувале бесправна материјална корист. Тука нема ништо човечко, а камо ли христијанско.Ниту Митрополитот Струмички г. Наум, ниту неговиот викарен Епископ г. Јаков дале било кому благослов да се продава каква било книга. Луѓето блиски до Црквата и Струмичката Православна Епархија знаат дека сите епархиски изданија, книги, весници, молитвеници итн, верниците и добронамерниците ги добиваат на подарок од владиците, потенцираат од Епархијата.Случајот е пријавен во полиција, информираат од таму.

Македонија | пред 1 година

Латас ѝ врати на обвинителкатa Ристоска, ама не и се извини

Новинарот Драган Павловиќ-Латас и врати со одговор на обвинителката Ленче Ристоска која го обвини дека ја клевети. Тој не се извини, како што побара Ристоска.„Ленче Ростовска, обвинтелката на СЈО, најавува дека ќе ме тужи за клевета по мојата изјава дека незаконски, како и другите обвинители од СЈО, земала 100.000 евра потпишани од Катица Јанева. Како и дека нема стаж од десет години ви правосудството. Тоа лошо и влијаело на кандидатурата за судија во Европскиот суд за човекови права во Стразбур. ОК, ете прилика да се реафирмира целото работење на СЈО преку нејзиниот случај и нејзината тужба. Ленче Ристовска, со Фатиме Фетаи и Катица Јанева кариера и пари направија со клеветење неосудени луѓе. Парите кои незаконски ги земале се утврдени со ревизија, со заклучок на Антикорупциска и за тоа има кривична пријава од Вишото обвинителство оценета како основана и се држи во фиока од нејзините колеги од СЈО кои сега го водат скопското обвинителство. Да се реафирмира соработката на СЈО во кое таа беше во врвот, дел од ‘трите грации’ со Љупчо Палевски Палчо кој ги имаше нивните телефонски разговори и уценуваше луѓе. Има моја кривична пријава за тоа во СЈО која ‘трите грации’ не ја процесуираа.Да се реафирмира информацијата за тоа дали и како Ленче Ристовска била дел од ВМРО заедно со Димче Апасиев, зошто и по која цена потоа и двајцата се ставија во служба на прогон токму на ВМРО“, врати Латас.Тој додава: „Да се реафирмира нејзиниот статус и позиција кај сегашниот државен јавен обвинител Коцевски.Да се преобјават сите интересни детали од пресови и изјави на ‘трите грации’ и Ленче Ристовска од СЈО со клевети и подметнувања спротивно на презумцијата на невиност. Да се реафирмираат изјавите дека платите на обвинителите во СЈО биле дупло и кусур поголеми од другите обвинители бидејќи тие биле неспособни, неписмени и корумпирани… Кога тираните од УДБА решиле да ги тужат прогонетите на Голи оток, прогонетите едвај чекаат на јавна сцена конечно да се соочат. И дочекаа“.Претходно:

Коментари | пред 1 година

Таравари откако крена раце од Владата, отиде кај Рама за да каже дека тој е најевропскиот премиер

По напуштањето на „Вреди“, а потоа и на Владата, Арбен Таравари отиде во Албанија да муабети со тамошниот премиер Еди Рама. Насмеан позади европско и албанско знаме, без македонското каде ја тера неговата политичка кариера, оцени дека седи со најевропскиот премиер.„Со најевропскиот премиер во моментов“, напиша Таравари.За коментар, беше прашан и премиерот Христијан Мицкоски.„Видете, уште вчера знаевме дека таа средба ќе се случи. Претпоставувам една од темите на која се разговара е случувањта во регионот, некои регионални теми, поблиската соработка меѓу двете земји. Ете така би ги коментирал“, рече Мицкоски. 

Свет | пред 1 година

(Видео) Елитна руска единица уништува моќни украински фрлач „Химарс“

Снимка го долови моментот кога украинскиот ракетен фрлач „Химарс“ беше уништен од елитна руска единица беспилотни летала на само 10 км од фронтовската линија минатиот месец, објавува „Телеграф“.На матната снимка, направена во близина на градот Часив Јар, во Донецк, се гледа како американскиот ракетен систем се движи по прашлив пат додека руски дрон му се приближува од воздух.Емитувањето беше прекинато неколку секунди пред ударот, но одделни снимки покажуваат експлозија кратко потоа, потврдувајќи дека еден од највредните ракетни системи во Украина е уништен.Нападот наводно го извршил „Рубикон“, елитна руска единица за борба со беспилотни летала од која украинските војници сè повеќе се плашат.„Рубикон“ беше користен во бруталната руска офанзива за повторно освојување на источниот град Курск претходно оваа година, а сега е пренаменет за лов на највредната опрема на Украина на бојното поле: американски ракетни системи со долг дострел.„Химарс“ (Високомобилен артилериски ракетен систем) е американски повеќецевен ракетен систем кој одигра клучна улога во војната во Украина. Неговата мобилност, прецизност и дострел им овозможија на украинските сили да извршат прецизни напади врз руските логистички центри, командни места и складишта за муниција длабоко зад линиите на фронтот.

Свет | пред 1 година

(Вознемиувачка фотографија) Деца свирепо измачувале штрк во Гевгелија

Здружението за заштитна на животните, Анима Мунди денеска обвини за нов насилен случај врз животни, односно свирепо мачење на штрк во Гевгелија. Како што информираат, штркот бил измачуван од страна на група деца. Според сведочења на очевидци, кои велат дека постојат и видео-снимки од безбедносни камери, се потврдува дека се работи за свесен и суров чин на насилство врз диво и кревко младо животно, што завршило со сериозни повреди.-Овој настан не смее да помине незабележано, ниту неказнето. Насилството врз животните мора јасно да се препознае и третира како психопатологија и сериозна социјална девијација. Децата кои извршиле ваков чин се жртви на општествената незаинтересираност и игноранција, но и потенцијален ризик за себеси и околината доколку не бидат веднаш опфатени со психолошка и воспитна интервенција. „Анима Мунди“ со години укажува дека хуманоста, сочувството и грижата кон животните и природата мора да се негуваат од најрана возраст – во образовните институции, во медиумите, но најмногу дома. Само преку едукација, системска промоција на етички вредности и одговорно родителство, можеме да изградиме општество во кое вакви акти на суровост ќе станат незамисливи, велат од здружението и бараат итна реакција од надлежните институции.Според објавите на социјалните мрежи, малолетниците со велосипеди намерно го повредиле штркот.Закони за заштита на животните во земјава има, но не се спроведуваат. Бездомните животни секојдневно се изложени на нехуман третман. Тепање, убивање, труење, малтретирање на уличните животни е секојдневие. Активистите обвинуваат, но, надлежните институции не преземаат ништо.

Македонија | пред 1 година

Арсовска помина цел мандат во изговори заради нејзината неспособност, вели Марковска Илиевска

На денешната седница на Советот на Град Скопје се обрати советничката од редовите на ВМРО-ДПМНЕ, Анета Марковска Илиевска која на самиот почеток истакна дека ВМРО-ДПМНЕ ќе ја поддржи одлуката за промена на средствата во буџетот, платите и придонесите за вработените во противпожарникарната единица.„Ја поздравувам предлог одлуката за измена на распоредот на средства во буџетот на Град Скопје за 2025 година, особено за ставките плати и придонеси за вработените во противпожарната единица и градот Скопје. Сведоци сме на недостатокот на пожарникари и проблемите при извршување на работните задачи, па со оваа одлука ќе се овозможи вработување на нови пожарникари, кој број беше до сега преполовен од потребниот и пожарна Скопје, се надевам, ќе биде на ниво коешто доликува и од помош на Скопјани, па и пошироко“, истакна Марковска Илиевска.Советничката се обрати до градоначалничката Арсовска и посочи да престане да манипулира со јавноста и прстот, заради нејзината неспособност, да го вперува кон ВМРО-ДПМНЕ.„Затоа, од тука апелирам Арсовска да престане да манипулира со јавноста и со вработените велејќи им дека ВМРО-ДПМНЕ опструира, не гласа одлуки бидејќи помина цел мандат во изговори заради неспособноста да се справи со предизвиците и сеуште продолжува, за жал. Скопјани, бидете спокојни, следува обнова на Скопје од капитални до локални решенија а ова раководство ќе остане запамтено во историјата како најнеспособното“, децидна е Марковска Илиевска.(Соппштение ВМРО-ДПМНЕ)

Скопје | пред 1 година

Нема фотографија

Нов скандал, шеми со станови на Максим Димитриевски и неговиот кум во Куманово, вели СДСМ

„Општина Куманово е само алатка за остварување на приватните бизнис интереси на градоначалникот Максим Димитриевски и неговиот кум Драган Митевски“, вели СДСМ и додава:По скандалот со продажбата на земјиштето кај поранешен ЧИК, излегува нов сомнителен случај – нов скандал, шеми со станови вредни околу 140.000 евра.Одиме по ред.Во 2010 година, Максим Димитриевски купува 10.000 м² земјиште за 10.000 евра. Односно по едно евро за квадрат.Тогаш не е градоначалник, но токму ова земјиште подоцна, кога станува градоначалник, е клучна алатка за оваа сомнителна шема.Во меѓувреме компанијата „Евгенија план ДОО увоз-извоз Куманово, добива дозвола за градење и гради зграда. Но, подолг период од непознати причини, оваа компанија не можела да добие технички прием.Димитиевски станува градоначалник, компанијата не добива дозвола за технички прием, сè до моментот кога кумот на Димитриевски купува два стана во зградата од по 97 кавдрати. Потоа, техничкиот прием е одобрен.Еве го купопродажниот договор за двата стана од по 97 квадрати на кумот на Максим од август 2022 година.Само неколку месеци потоа, истата 2022, еден од тие станови кумот му го префрла на Масксим Димитриевски со размена на недвижност. Ама не за реалната цена од околу 70.000 евра, туку за 2.500 евра.Како е можно стан во Куманово од 97метри кавдартни да го добие Димитриевски за само 2.500 евра?Преку размена за една четвртина од ливадата купена во 2010 година, за едно евро по квадрат.Значи Димитриевски се стекнал со стан во Куманово од 97 кавдарти вреден 70,000 евра за само 2.500 евра.Овој скандал отвора сериозни прашања за можна корупција, перење пари и судир на интереси кои мора да бидат расчистени целосно.-Дали станува збор за перење пари?-Дали е ова дел од коруптивна шема поврзана и со техничкиот прием на згрдата?-Дали градоначалничката функција е злоупотребена за приватен профит?СДСМ бара итна истрага од надлежните институции. Куманово заслужува чесно раководство, а не станбени афери и злоупотреби!Јасно е дека Димитриевски не работи за Куманово, туку за себе и за блискиот фамилијарен круг. Но, Куманово не е негова семејна компанија.

пред 1 година

Обвинителката Ленче Ристоска бара извинување од Латас: Мета сум на неосновани напади и клеветнички изјави

Обвинителката Ленче Ристоска, која беше дел од СЈО, сега е обвинителка за врски во Агенцијата на Европската Унија за соработка во кривична правда, а сака да биде судија во Стразбур, бара извинување од новинарот Драган Павловиќ-Латас. Таа на нејзиниот профил на „Фејсбук“ рече дека тој кажал клевети за неа.„Поради мојата апликација, мета сум на неосновани напади и клеветнички изјави. Денес упатив барање за јавно извинување до Драган Павловиќ-Латас, за клевети искажани во емисијата ‘Само вистина’ емитувана на Канал 5 на 16.05.2025 година, во која лажно тврди дека неовластено сум земала износ од 100.000 евра според Агенција за борба против корупција и дека немам ни стаж. Имајќи предвид дека Државната комисија за спречување корупција за мене никогаш немала поведено било каква постапка поврзана со примањата кои ги имам остварувано како обвинител во СЈО, како и дека сум дел од правосудниот систем од 2009 година, барав јавно извинување за ваквите клевети“, напиша обвнителката Ристоска.Таа посочува дека реагира оти постапката е во сензитивна фаза, а нападот ќе и направи штета на интегритетот.„Причината поради која сметам дека е неопходно да реагирам е што постапката за избор на кандидатите е во сензитивна фаза и Владата на Република Северна Македонија се уште се нема произнесено по предлогот на комисијата, па ваквиот интенциозен јавен напад, освен штета по мојот интегритет, може да нанесе директна штета во однос на мојата позиција во понатамошниот тек од постапката. Конечно немам апсолутно никаков проблем со тоа некој да смета дека има други кандидати кои ја заслужуваат позицијата судија во Европскиот суд за човекови права повеќе од мене, но во духот на праксата на Европскиот суд за човекови права неопходно е изјавите и коментарите кои се даваат во јавноста да бидат базирани на точни и проверени информации, со цел поттикнување на објективна и издржана јавна дебата“, додаде Ристоска.На темата за нејзината кандидатура, пишуваше и „Скопје1“. Во наредните денови следуваат анализи и на другите кандидати.

Македонија | пред 1 година

Дали Филипче заедно со Заев имале акции во индиска авиокомпанија и оттаму им се средствата за 50-катница во Дубаи?, прашува Манасиевски

„Продолжува молкот на Филипче во делот на одговор на нашите прашања за потеклото на златната виза и пресудата на модуларната болница“, вели Валентин Манасиевски, член на ЦК на ВМРО-ДПМНЕ и додава:Филипче и СДС секојдневно се повеќе тонат во скандали, кои се поврзуваат со криминал и корупција.Филипче не одговори за потеклото на златната виза, ниту одговори дали е задоволен од пресудата за модуларната болница?Филипче најверојатно и на денешното поставено прашање ќе продолжи да молчи и да не одговара, но сепак јавноста заслужува одговори.Дали Филипче заедно со Заев, поседувал акции во индиска авиокомпанија, а придобивките од истите ги вложиле во градење на висококатница во Дубаи?Дали Филипче од овие акции кои ги поседувал, каде што се поставува и прашањето од каде му нему пари за купување на толку скапи акции, има добиено милионски суми во евра?Доколку Филипче продолжи да молчи, дали тоа значи дека се потврдуваат нашите тези?Филипче да престане да молчи и да излезе во јавноста и да даде одговори.

Македонија | пред 1 година

Палевски опоменат дека ќе го отстранат од судница оти не го почитува редот, Обвинителството се противи на новите докази доставени од Ѓорчевски

Адвокатите на Велибор Манев и Влатко Кешишев немаат докази кои ги предлагаат во дополнение на доказната постапка.Адвокатот на Боре Видевски, Бојан Манев, предлагжи да биде изведен како доказ обезбедениот видео материјал, со наредба од ОЈО Велес.„ОЈО Велес има издадено наредби за две камери од бензинските станици Лукоил и Макпетрол кои можат да послужат како доказ, издадена од 29.11.2023 година и од 00:00 22.11.2023 до 00:00 23.11.2023 година“ рече бранителот на Видевски.Манев не достави копии од наредбата, па судот ги праша поединечно дали секој од обвинетите и нивните бранители сакаат да ја видат. Никој не побара копија, а Палевски му рече на судијата дека ја знае.„Ве молиме, да провериме дали таков видео запис е обезбеден по наредбата за да може да се произнесеме“, рече обвинителката Ана Стојковиќ Димитриевска.Обвинетиот Љупчо Палевски беше опоменат да го почитува редот во судницата и да не зборува без одобрение од судот, да не го нарушува редот во судницата и да ги почитува укажувањата од судијата му укажа судијата Ивица Стефановски.„Во спротивно, ќе бидете отстранети од судницата, ова е последна опомена“, рече судијата Стефановски.Судот прифати да се изведат видео снимките од бензиската пумпа.„Се прифаќа предлогот на Бојан Манев, да се презентираат видео записите од бензинската пумпа, доколку истиот ги обезбеди овие докази, односно видео записи“, рече судијата.Судот му укажува на бранителот Бојан Манев дека доказот треба да го обезбеди, а судот ќе му овозможи технички услови да го презентира, доколку не го обезбеди нема да биде презентиран како доказ.„Исто така предлагам до судот, како доказ да се изведе видео записот обезбеден со наредба од 04.12.2023 година на Основен суд Велес, која се однесува на обезбедени камери од 22.11.2023 до 24.11.2023. Ова го барам на околноста, дека на споменатата улица се наоѓа точно, на рутата на движење на „реното кангу“. Доколку се движело или одело кон куќата на Велибор Манев, мора да помине низ таа улица, тоа го знам бидејќи потекнува од Велес“ рече Манев.Нови докази до судот достави и Александар Ѓорчевски, татко на убиената Вања, обвинет за помагање.„Во дополнение на доказна постапка се изведуваат: Потврда број од 14.04.2025 година на Здружение Хопс Скопје, со која одбраната докажува дека корисник на телефонскиот број е Дарко Костовски, доктор, психијатар од Градска болница „8-ми Септември“. Фактура број на име Дарко Костовски како сопственик, а со ова одбраната докажува дека Александар Ѓорчевски, во критичниот период од 27.11.2023 до 03.12.2023 има остварено телефонска комуникација и овие докази се во корелација со веќе изведените докази, рече Владимир Туфегџиќ, адвокат на Александар Ѓорчевски.На ова се противеше Обвинителството.„Се противиме на овие докази“, рече обвинителката Жаклина Крстевска Јосифовска за дополнителните докази на Ѓорчевски.

Македонија | пред 1 година

(Видео) Дунавка Трифуновска: Јас го сакам кешот!

Во последната епизода на Нешто Конкретно темата беа Парите, Мажите и Жените а гостите коментираа на вечната дилема:За мир во куќа кој треба да биде финансисер а кој финансиски менаџер но и зошто жената треба да крие пари од мажот?Разноликоста на гостите донесе одлични коментари но и поука дека Кога ќе настане кавга за пари жената е секогаш во право!Бизнисменот и Финансиски ментор пак Зоран Витанов даде свое видување од призмата на парите па рече: Држете ја жената до себе а парите подалеку од себе но како маж заклучи и Не е глупав мажот што на љубовницата и купува кола тоа се вика КОМПЕНЗАЦИЈА!Нашата позната манекенка пак Дунавка Трифуновска кажа дека секогаш бира кеш пред картица и дека верува во љубовни приказни помеѓу мажи кои на љубовниците им купуваат скапи коли, подароци и патувања.- Јас на работите не гледам така сурово!Пејачката од Куба Јасмин Лопез пак, која е мажена за македонец и живее во Скопје повеке од 10 години, имаше интересни заклучоци но направи разлика и помеѓу Македонија и Куба па рече: Во Куба мажот оди со тебе по продавници и тој одлучува што треба да купиш па додаде Македонските мажи кога имаат ти даваат се

Магазин | пред 1 година

Претреси во Скопје за две ликвидации, ги тресат групите „Беланоца-Барон“

Под раководство на предметниот обвинител што постапува во предметот под кодно име „Бункер“, единиците на МВР од рано утринава вршат претреси на пет локации во Скопје.„Акцијата е резултат на обезбедени докази во рамките на истражната постапка што се спроведува против членовите на криминалната група „Беланоца-Барон“. Со повеќе информации обвинителството ќе излезе во текот на денот“, велат од Обвинителството за гонење организиран кримианл и корупција.Неофицијално, се спроведуваат претреси на повеќе локации поврзани со лица осомничени за тешки кривични дела, меѓу кои и убиствата на Амар Исмани и Орхан Бајрами – Оки.

Македонија | пред 1 година

Синдикалната кошничка поскапува-народот осиромашува а власта не презема ништо, вели СДСМ

„Поразителни се последните податоци, за само еден месец, синдикалната кошничка е поскапена за 1.217 денари. Само за храна и пијалоци, трошоците се зголемени за 954 денари. Денес, на едно четиричлено семејство му требаат речиси 64.000 денари месечно – само за преживување“, велат од СДСМ и додаваат:Ова е директна последица на неспособноста на власта која не презема ништо. Дебакл на економските политики на владата на ВМРО-ДПМНЕ и ЗНАМ.Цените растат, платите стојат, мерки – нема!Додека граѓаните се борат со скапотијата и бројат денари за да обезбедат леб до крајот на месецот, владата троши за октоподи, школки и лосос. Само во април и мај, СОЗР склучила милионски договори вредни 2.2 милиони денари за луксузна храна – додека народот преживува со кредити и одрекувања.Ова не е политика, ова е грабеж!СДСМ бара веднаш владата да ги прифати мерките за:-Покачување на минимална плата на 500 евра-Зголемување на платите во јавниот и приватниот сектор-Укинување на ДДВ за храна за реално намалување на цените.СДСМ останува на страната на граѓаните. Ќе се бориме за достоинствен живот, за реални плати и економија што работи за народот, а не за министрите.

Македонија | пред 1 година

Ново рочиште за убиствата на Вања и Панче - ќе се изведуваат нови докази

Во Основниот кривичен суд во Скопје денеска продолжува главната расправа за бруталните убиства на Вања Ѓорчевска (14) од Скопје и Панче Жежовски (74) од Велес, кои беа ликвидирани.На минатото рочиште, дополнителни докази изведуваше Обвинителството помеѓу кои имаше снимки од безбедносните камери кај Велибор Манев кои, според Обвинителството, покажуваат дека обвинетите однапред се подготвувале за убиство, а не само за киднапирање на Вања Ѓорчевска. На снимката што беше прикажана во судот, видлив е моментот кога Манев става лопата во возилото „Рено Кангу“.Во обвинението стои дека Љупчо Палевски, Боре Видевски, Велибор Манев, Влатко Кешишов и Александар Ѓорчевски, се обвинети дека заедно испланирале грабнување на 14-годишната Вања со цел да присилат член на нејзиното потесно семејство да даде парични средства за откуп. Грабнувањето на оштетениот Панче Жежовски во Велес, пак, според обвинението, било со намера да го присилат да им го даде сопственото возило „Цитроен“ за да го користат за грабнување на детето во Скопје.Малолетната Вања и велешанецот Панче, беа пријавени за исчезнати на 27 и 24 ноември, а на 3 декември 2023 година беа пронајдени мртви во близина на Скопје и Велес.

Македонија | пред 1 година

Се зголемува процентот на амбасадори од редот на кариерните дипломати - изменет Законот за надворешни работи

„Усвоени измените на Законот за надворешни работи – суштински чекор за професионализација на дипломатијата и подобрување на условите за македонските дипломати во странство“, вели министерот за надворешни работи, Тимчо Муцунски.Тој додава:„Собранието вчера ги усвои измените на Законот за надворешни работи, предложени од Министерството за надворешни работи и надворешна трговија.По повеќе од една деценија се прават суштински измени, со кои се воспоставува јасна законска рамка за реализација на два клучни приоритети:професионализација на дипломатската служба и воспоставување на надлежностите на Министерството во областа на надворешната трговија и инвестициите.Измените предвидуваат зголемување на процентот на амбасадори од редот на кариерните дипломати, продолжување на мандатот на упатените дипломати на четири години (наместо досегашните три), како и уредување на процедурата за именување амбасадори и улогата на Собранието во таа постапка. Дополнително, воведена е можност за назначување специјален државен претставник во странство, доколку постои посебен интерес за државата.Со измените се овозможува Министерството системски да ги преземе обврските поврзани со креирање политики за надворешна трговија и инвестиции – сегмент кој досега не беше институционално прецизиран со ниту еден друг закон.Ова претставува важен чекор кон професионализација на дипломатијата, подобрување на условите за работа на македонските дипломати во странство, како и соодветно позиционирање на Министерството за надворешни работи и надворешна трговија во делот на надворешната трговија и инвестициите.

Македонија | пред 1 година

Русија испраќа 20.000 натурализирани граѓани во војната во Украина

Руските власти испратија најмалку 20.000 натурализирани граѓани на фронтот во Украина поради тоа што не се регистрирале за воена служба, изјави Александар Бастрикин, претседател на Истражниот комитет на Русија, на 20 мај, според државната новинска агенција ТАСС.Изјавата доаѓа во време на зголемен притисок врз мигрантското население на Русија, додека Кремљ се обидува да го надомести недостигот од војници на фронтот.„Веќе 20.000 „млади“ руски граѓани, кои од некоја причина не сакаат да живеат во Узбекистан, Таџикистан и Киргистан, се на фронтот“, рече Бастрикин на Меѓународниот правен форум во Санкт Петербург.Тој додаде дека им наредил на воените истражители, полицијата и Националната гарда редовно да спроведуваат рации во населбите каде што живеат мигранти, со цел да ги пронајдат оние кои избегнуваат воена регистрација. Бастрикин претходно тврдеше дека многу странски државјани „полека ја напуштаат Русија“ за да избегнат регрутација, а присилното испраќање на натурализирани граѓани на фронтот го опиша како „трик“ за да се задоволат уставните обврски, а воедно се насочени кон мигрантите.Според западни разузнавачки извори цитирани од „Волстрит џурнал“, Русија се обидува да регрутира помеѓу 30.000 и 40.000 војници месечно.Откако делумната мобилизација во 2022 година предизвика бран незадоволство и повеќе од 261.000 граѓани избегаа од земјата, Кремљ избегнува ново масовно воведување на задолжителна воена служба. Наместо тоа, спроведува интензивни кампањи за регрутирање и нуди финансиски стимулации.На 31 март, претседателот Владимир Путин потпиша декрет за пролетна мобилизација на 160.000 мажи, најголемото повикување во последните 14 години. Иако регрутите официјално не треба да се испраќаат во борбени зони, организациите за човекови права и семејствата на војниците објавија дека многумина се принудени да потпишат договори што ги носат на украинското бојно поле.Во летото 2024 година, рускиот парламент донесе закон со кој им се дозволува на властите да им го одземат државјанството на натурализираните граѓани доколку не се регистрираат за воена служба.

Свет | пред 1 година

(Фото) Штекли однесен на контроли на Клинички, четири месеци е во притвор, непознато до каде е истрагата

Осомничениот Раде Трајковски-Штекли се пожалил на здравствени проблеми во затворот „Скопје“ во Шутка, поради што денеска бил однесен на контроли во Клиничкиот центар „Мајка Тераза“. На што се пожалил Штекли, не се открива, но познато е дека испитувања му биле правени на Клиниката за неврологија. Неофицијално, тој добил согласност од Кривичен суд за да биде однесен на прегледи. По прегледите, бил вратен во ќелија.Истрагата за него трае веќе четири месеци. „Скопје1“ побара одговори од Обвинителството за гонење организиран криминал и корупција, дали се собрани сите докази и до каде е постапката. Оттаму очекуваме одговор. Освен Штекли, под истрага беа уште 14 лица за кои медимумите пишуваа дека се дел од неговата банда.Кога беа уапсени, беше соопштено дека се правеле претреси на 21 локација во Скопје и Гевгелија. Потоа се најавија вештачења на уреди, за кои не е познато дали се завршени. Одземени беа речиси 10.000 евра, четири возила, 12 мобилни телефони, пиштол, семки и растителна материја со зелена боја за кои има сомнеж дека се наркотични, предмети за производство и пакување на дрога.Штекли и останатите се гонат за неовластено производство и пуштање во промет наркотични дроги.Штекли изминатите години беше мета на два одделни напади врз него, со цел ликвидација. Двата се случија во трговскиот центар „Ист гејт“. Потоа, во неговиот дом беше фрлена експлозивна направа, за која протече и снимка во јавноста. На крајот, заврши како осомничен во случајот кој го води Обвинителството за гонење организиран криминал и корупција.

Македонија | пред 1 година

Мицевски: За прв пат во историјата на Македонија се усвои Закон за работно ангажирање на лица, на барање и на работниците и работодавачите

„Изгласан е Законот за работно ангажирање на лица“, вели пратеникот Никола Мицевски од ВМРО-ДПМНЕ и додава:Работно ангажирано лице согласно овој закон, може да биде:- лице кое не е во работен однос;- вработено лице;- самовработено лице;-лица помлади од 18 години кои согласно општите прописи од работните односи ги исполнуваат условите за засновање на работен однос;- студенти;- корисник на семејна и старосна пензија, со исклучок на корисници на семејна пензија по основ на неспособност за работа и самостоен живот и- странец кој има регулиран престој согласно закон.Согласно овој закон лицата кои ќе бидат ангажирани по овој однос нема да ги загубат стекнатите права по другите односи.На овој начин ќе имаме граѓани кои ќе можат дополнително да заработат, држава која ќе наплати повеќе давачки и работодавачи кои ќе можат да ангажираат повеќе работници !За прв пат во историјата на Република Македонија се усвои еден ваков закон кој од зачетокот на независноста е барање на работниците и работодавачите !

Македонија | пред 1 година

Во четврток во Лондон, Николоски ќе го потпише Договорот за стратешко партнерство: Сметам дека се работи за историски момент

Вицепремиерот и министер за транспорт Александар Николоски на денешната пресконференција објави дека Владата го усвоила Договорот за стратешко партнерство со Обединетото Кралство и најави дека истиот Договор веќе во четврток, делегација предводена од вицепремиерот Николоски ќе биде потпишан во Лондон.Во продолжение интегралното обраќање на вицепремиерот Николоски:“Една од одлуките на седница е Владата на Република Македонија да го прифати Договорот меѓу Владата на Република Македонија и Владата на Обединетето Кралство во врска со партнерство за реализација на инфраструктурни проекти, односно Договорот Влада со Влада.Целта нa Договорот е да воспостави партнерство за поддршка на реализација на инфраструктурни проекти во секторите здравство, транспорт, технологија, енергетика, дигитална трансформација и други критични сектори во Република Македонија.Првичната група на проекти се веќе споменати во јавноста во делот на здрaвството и во делот на транспортот. Исто така многу значајно за мене е да се разменуваат знаења и практики користејќи експертиза од Владата на Обединетото Кралство и од британски деловни субјекти за подршка на реализација на проекти но исто така и на трансформација на јавната администрација и приватниот сектор со експертиза од бизнис заедницата од Обединетото Кралство но и од владините агенции.Ќе се разменуваат знаења во здравството, транспортот, технологијата, енергетиката и клучните критични сектори, а за изградба на капацитетите на Владата на Македонија ќе се користи експертиза од Обединетото Кралство. Оваа соработка ќе биде во согласност со важечкото законодавство, правилата и политиките на секоја од двете земји. Учесниците ќе работат заедно да ги истражат можностите за мобилизирање на средства за финансирање на проекти и што е многу значајно, Владата на Обединетото Кралство го потврдува интересот и капацитетот преку Инструмнтот за финансирање на извозот или УКЕФ, со што става на располагање 5 милијарди фунти или 6 милијарди евра за реализација на проекти во Македонија. Нагласувам ова ќе биде проектно финансирање и финансирање кое ќе оди исклучиво со реализација на проекти. Ова е рамка која не значи дека целосно ќе се искористи но е рамка што е располагање и која што можеме да ја користиме.Она што сум горд е што добивме и официјална покана од Владата на Обединетото Кралство и покана до мене, за да се потпише овој Договор Влада со Влада на 22 мај, тоа е овој четврток и можам да Ве информирам дека Владата ме овласти да го потпишам овој договор. Ќе предводам владина делегација која што покрај мене, ќе бидат и потпретседателот на Владата и министер за животна средина Изет Меџити, понатму министерката за образование Весна Јаневска, директорот на ЈП за Железничка Инфраструктура Синиша Ивановски и останати соработници и мислам дека ќе имаме два плодни дена за соработка. Утре имаме средби со министерот за внатрешни работи на Обединетото Кралство и министерот за одбрана, имаме и средби со претставници од Инструментот за финансирање. Во четврток е главната церемонија, а исто така во четврток ќе имам средба и со директорот на Рајанер од каде што очекувам да произлезат и нови летови кон Скопје.Сметам дека се работи за историски момент, за датум кој ќе остане во аналите на македонската историја, 22 мај ќе биде датум кој долго ќе се споменува во македонската историја затоа што се работи за досега најобемен дооговр кој Македонија го постигнала со било која држава. Тоа не е било која држава, тоа е втората светска сила, држава со која имаме одлична соработка во рамки на НАТО Алијансата, дел е од западната цивилизација, става на располагање најмногу средства и за мене е наважен политичкиот момент бидејќи влегуваме во партнерство со клучен западен сојузник што јасно ја дефинира политиката на Владата, но исто така и позицијата на Македонија како прозападно ориентирана држава и држава која ги почитува евроатланските вредности. Исто ми е драго што Обединетото Кралство објави дека постигнале договор со ЕУ, што значи дека во еден пакет ги имаме трите клучни сојузници на Македонија, тоа е ЕУ, Обединетото Кралство и САД”- истакна вицепремиерот Николоски.

Македонија | пред 1 година

Салиу го тужи Латас за клевета, на следното рочиште ќе се соочат во судница

Новинарот Фуркан Салиу го тужи новинарот Драган Павловиќ-Латас за навреда и клевета. Адвокатот на Латас бара тужбеното барање да биде одбиено, додека пак, адвокатот на Салиу останува при наводите во тужбата и бара Латас да биде огласен за виновен дека сторил клевета. Целиот процес се покрена откако новинарот Фуркан Салиу беше уапсен на фудбалски натпревар, а во неговото возило било најдено расклопено оружје за кое поседувал дозвола. Во изјава на ТВ Канал 5, Латас кажал: „За мене, многу поголемо дело е носењето пиштол со себе и тоа пиштол со наполнет шаржер...“. За Салиу ова е клевета и бара правна одговорност.„Останувам при наводите за тужбеното барање. Предлагам по изведување на доказите, тужбеното барање да се усвои“, рече адвокатот на Салиу.Од друга страна, адвокатот на Латас рече дека неговиот клиент нема никаква вина за навреда и клевета.„Останувам во целост на наводите и доказите кон одговорот на тужба како и при наводите и доказите кои дополнително беа доставени во текот на расправата. Врз основа на сето наведено, предлагам тужбеното барање на тужителот да биде одбиено како неосновано“, рече адвокатот на Латас.Судијата Андреј Димовски правеше увид во доказите, меѓу кои беше опомена пред тужба, принт-скринови од објави по медиуми и на сајтот на МВР, наслови од весникот „Вечер“ каде пишува Латас, отпусно писмо од „Жан Митрев“ на тужениот.На оваа главна расправа, немаше распит на странки. Во судницата беше присутен Салиу, но не и Латас. На следната расправа закажана за нешто повеќе од еден месец, двајцата треба да одговараат на прашањата од бранителите и судот односно да се сослушаат како странки.

Македонија | пред 1 година

Оставка поднел национален координатор за имплементација на нови технологии, откако Таравари излезе од Влада

Националниот координатор за имплементација на нови технологии, г. Блерант Рамадани, поднесе неотповиклива оставка од својата функција.„Денес донесов одлука да се повлечам од функцијата Национален координатор за имплементација на нови технологии – одговорност која ја извршував со посветеност, интегритет и визија за развојот на нашата земја. Искажувам благодарност до Алијансата за Албанците за довербата, до Премиерот за укажаната можност, како и до сите институционални соработници и партнери за поддршката и професионализмот. Оставката не претставува крај, туку чекор на размислување и подготовка за нови предизвици. Останувам посветен да придонесувам таму каде што мојот ангажман може да донесе вредност“, вели Блерант Рамадани.

Македонија | пред 1 година

Измените на Изборниот законик со кои на сите граѓани на кои им е преку глава од партиите им се отежна учеството на сите избори, се неуставни, велат од „Шанса за Центар“

Граѓанската иницијатива „Шанса за Центар“ смета дека е успех што Уставен суд ги укина спорните одреби од Изборниот законик со кои се отежнуваше учеството на избори, преку независни листи.„Независните успеаа. Уставен суд пресече! Измените на Изборниот законик со кои на сите граѓани на кои им е преку глава од партиите им се отежна учеството на сите избори, се неуставни“, велат од „Шанса за Центар“ и цитираат:„Уставниот суд на денешната седница ги укина членовите 17 и 18 од Изборниот законик, со кои партиите без никаква јавна консултација го кренаа прагот за собирање потписи за независните кандидати и листи што планираат да учествуваат на избори.„Во предлог-рефератот судијата известител изрази сомнеж за новите измени од уставна гледна точка, односно дека со нив се повредени темелните вредности на Уставот, правната сигурност и предвидливост, начелото на владеењето на правото. Исто така постои сомнеж дека е нарушен политичкиот плурализам како темелна вредност на уставниот поредок уреден со членот 8 став 1 алинеја 5 од Уставот.“

Македонија | пред 1 година

Срамно и бедно е Лефков да тврди дека со закон за помош на семејствата во Кочани се рушел правниот поредок, вели Тренчевска

Пратеничката од СДСМ, Јована Тренчевска, остро реагира на срамната и небулозна изјава на Миле Лефков, кој по два месеци молк излезе со став дека со предлог-законот за поддршка на семејствата на жртвите од трагедијата во Кочани се рушел правниот поредок.„Преслушај се уште еднаш, Лефков, верувам ќе се засрамиш од вакви изјави.“ – реагира Тренчевска.„Закони за интервенција во случаи на вакви трагедии постојат насекаде во светот. Тоа е суштината на законодавството – да се создадат механизми за брза реакција и институционална поддршка за семејствата кои се соочуваат со ваква голгота. Да потсетиме, постои и Закон за бранителите кој предвидува конкретни поволности за одредена категорија граѓани – и никој тогаш не зборуваше за „рушење на правниот поредок“. - пишува на својот Фејбук профил Тренчевска.Таа вели дека очигледно е дека ВМРО-ДПМНЕ нема ниту чувство за срам, ниту одговорност. Лефков ја отвори вратата, а сега сите по ред од ДПМНЕ ќе ја повторуваат истата мантра.„Ништо не научивте од трагедијата во Кочани. Не само што не понудивте решение, туку не успеавте ниту да се соочите со болката на семејствата, ниту да му помогнете на градот. Наместо поддршка – навреди. Наместо одговорност – политички игри. Дното одамна е пробиено“ - завршува Тренчевска.

Македонија | пред 1 година