(Видео) „Со болка ве викам да дадеме поддршка!“ - трет обид за да почне правораздавањето за смртоносното прегазување на Теодора

Во Тетово утре ќе има трет обид да започне судењето за смртоносното прегазување на Теодора Ристовска, која во 2022 година на 22 години го загуби животот. Нејзината сестра, Ева Ристовска, ги повика медиумите и јавноста да присуствуваат на рочиштето, бидејќи смета дека само така може да се дојде до правда.„Со болка, но и со надеж во срцето, повторно ви се обраќам. Уште еднаш ве повикувам сите – пријатели, познаници, секој што верува во правдата – да ѝ дадеме поддршка на Теодора! УТРЕ ВО 12 ЧАСОТ, ПРЕД ОСНОВЕН СУД ТЕТОВО, да застанеме заедно да ја побараме ПРАВДА ЗА ТЕОДОРА. Теодора не е сама! Нашето присуство ќе ѝ покаже дека не е заборавена, дека сме со неа – со срце, со мисла и со целата наша сила. Нејзиниот глас неможе да се слушне но ние сите заедно можеме за Теодора!ЗА ПРАВДА ЗА ТЕОДОРА!“, напиша Ева Ристовска.По минатото рочиште, кое исто така се одложи со изговор дека обвинетиот е на лекување во тетовската болница, таткото и сестрата на Теодора низ солзи посочија дека само сакаат правда.По сообраќајната несреќа во август 2022 година, првото судење почна скоро една година подоцна во јули 2023, а во ноември 2023 по признавање на вина на возачот, бил осуден на три години и шест месеци затвор.Изјавата при последното одложување:

Македонија | пред 1 година

(Видео) Потресно: Три години бараат правда за смртно прегазената ќерка, процесот се суди одново и никако да започне

По вторпат се одложи почетокот на повторното судење за сообраќајната несреќа во која животот го загуби 22-годишната Теодора Ристовска. Семејството е разочарано порачаа дека ќе се борат за правдата.„Срамота за државата, нека размисли државата. Ќерка од 22 години ја изгубив, ја убија. Четврта година на Машински факултет. За правда јас плачам, не плачам за друго“, рече таткото на Теодора Ристовска.Ева Ристовска, сестра на загинатата Теодора, рече дека се сомневаат во манипулација со правниот процес, преку неоправдано одложување на рочиштата.„Длабоко сме згрозени како семејство од фактот дека обвинетиот точно на денот на судењето повторно се води како „болен“. Ова предизвикува сомнеж за манипулација со правниот процес и неоправдано одложување на рочиштата.Не можеме да разбереме како лице обвинето за убиство сè уште се наоѓа на слобода. Од самиот почеток, тој се повикува на здравствени причини како причина за одлагање на судењето. На првото рочиште од претходните судења се водеше како психички нестабилен, а сега, повторно, поради други здравствени причини, се одложува судењето.По смртта на мојата сестра, ова лице продолжи да работи во образовна институција како професор, иако случајот сè уште беше во постапка Основен суд, Апелационен суд и Врховен суд. Додека ние ја бараме правдата, тој го продолжи својот живот како ништо да не се случило. Дополнително, веднаш по нејзината смрт, тој слободно управуваше со автомобил, иако претходно тврдеше дека е психички нестабилен. Ова не само што покажува непочитување кон Теодора и нашето семејство, туку ѝ претставува сериозен ризик за јавната безбедност. Како можеш дома да ги гледаш своите деца, знаејќи дека си одзел нечиј туѓ живот? Како немаш грижа на совест и најмалку сочувство за болката што ја предизвика? Бараме од надлежните институции да преземат соодветни мерки и да спречат понатамошно одложување на правдата. Ова не смее да биде уште еден случај во кој системот дозволува одолговлекување и неказнивост!“, напиша Ристовска.

Македонија | пред 1 година

(Видео) „Весне го заборавија, никој не го пушта“, Весна се расплаче за Тоше по зборовите на родителите

Актерката и режисерка, Весна Петрушевска, блиска пријателка на Тоше, низ солзи сподели детали од средбите со семејството Проески. Таа посочи дека многу и е драго што се видела со Никола, таткото на Тоше, пред тој да почине. Рече дека родителите жалеле што песните на нашата музичка ѕвезда, кој е музичка икона ширум Балканот и светот, не се емитуваат на радијата и телевизиите.„Многу ми е драго што го видов Никола неколку месеци пред да почине. Тој беше болен од рак, па бидна подобар, па се држеше, крепеше. Мајка му ме послужи со неговата омилена гибаница, затоа што беше тоа време на Божиќ и ми дава шоља јогурт со ликот на Тоше... Не можев да се напијам“, за првпат раскажа Петрушевска во „Претрес со Ландов“.До неа, седел таткото на Тоше.„Ми вели: 'Едвај чекам да си одам од овде', јас му велам: 'де бе чичко Никола, има време, не зезај сега, ти се избори со милион други работи', а мајка му вели:'Не го пушта оној горе, не го пушта, го држи него, ме држи мене.. Што ќе ни е нас живот.. Сега од оваа година почнавме да го слушаме (на радија, ТВ), Весне го заборавија, никој не го пушта'.. И тоа е точно. Ретко кога ќе го слушнеш, не можеш да го видиш на телевизија“, додаде Петрушевска.Таа рече: „Јас го немам прежалено...“.Цел разговор:

Македонија | пред 1 година

(Видео) Снег ја покри Србија

Пролетта календарски пристигна, но зимата не се предава. Неколку сантиметри снег, и покрај најавите од метеоролозите ја изненадија Србија.Снежна покривка има на Златар, Тара, Јавор, Златибор, а нејзината висина е неколку сантиметри. Снег во моментов вее на овие планински падини, како и во Сјеница, Чајетина и Нова Варош, јавува агенцијата Рина.,,Најголем дел од снегот остана на планините околу 1100 метри надморска височина, така што нашите екипи најмногу работеа над Суви Бор на Златар кон Сјеница и над Тара на патот Кремно – Бајина Башта. Главниот пат низ Златибор е посипан со сол, а на коловозот нема снег”, велат надлежните.Температурата во овој дел на Србија утринава се движи околу нула степени, а како што велат метеоролозите, покрај априлскиот снег наскоро ќе пристигне и априлски мраз.Снег има и на територијата на општина Топола, Краљево, а во раните утрински часови падна и во Белград, но и кај Пријепоље, каде рано утрово имаше голем одрон на релација Ивање – Сопотница, поради што сообраќајот едвај се одвиваше. $bp("videoBox-2084331", {"id":"34612","width":"600","height":"338","video":"2084331","autoplay":0,"shared":true});

Свет | пред 1 година

(Видео) Мицкоски до Ахмети: Вратете се на џогирање на падините на Водно, ќе ви се разбистри умот за да дадете квалитетна идеја

Премиерот Христијан Мицкоски тврди дека ДУИ се уплашени оти треба да одговараат, па ги делат граѓаните. Им порача да се посветат на џогингот и зелената агенда, но остава на нив да одлучат. Според него, ДУИ предизвикува етнички тензии и во јавноста наметнува етнички предзнак на многу прашања, оти се водат истраги против нивни функционери.„Јас би ги повикал да се вратат на зелената агенда што ја промовираа пред неколку години, кога џогираа на падините на скопско Водно, можеби при таков еден џогинг, ќе им се разбистри умот и ќе дадат една квалитетна идеја“, рече Мицкоски.За обвинувањата од Али Ахмети, Мицкоски рече: „Навистина толку успеси има оваа Влада, што беспредметни е да се коментираат изјавите на Али Ахмети. Не ги делиме граѓаните, имаме мултиетничко општество кое не го делиме. Ние ги делиме граѓаните на лојални и чесни кои почитуваат Устав и закони и оние кои не почитуваат“.

Македонија | пред 1 година

Спасовски: Обвинителство да оформи предмет против градоначалникот на СДС во Крива Паланка, Митовски, кој свесно ширеше паника за наводно загадената вода

„Обвинителство да оформи предмет против градоначалникот на СДС во Крива Паланка, Сашко Митовски, кој свесно ширеше паника за наводно загадената вода“, вели Емил Спасовски, пратеник на ВМРО-ДПМНЕ и додава:Манипулацијата на Сашко Митовски не помина, водата во Крива Паланка нема цијанид 100-тици пати над дозволеното, дали сега ќе се извини?Сашко Митовски пред сè сега треба да им се извини првин на жителите на Крива Паланка, а потоа и на граѓаните на цела држава, за паниката која ја ширеше.Државниот инспекторат за животна средина излезе со јасни наводи, водата во Крива Паланка нема цијанид 100-тици пати повеќе од дозволеното.Недозволиво е неговата желба за ситни политички поени да треба низ колективна паника да ја чувствува цела Македонија.Очекуваме ЈО да преземе дејствија и да го санкционира градоначалникот Митовски.Ширењето на паника, мора да биде санкционирано.Крива Паланка и Македонија не смеат да бидат заложници на Сашко Митовски и СДС.

Македонија | пред 1 година

Муцунски за грчки весник: По несреќата во Кочани, погласни од зборовите беа непосредните и искрени постапки на солидарност од цела Европа

Министерот за надворешни работи и надворешна трговија, Тимчо Муцунски, во интервју за грчкиот дневен весник „Та Неа“ зборуваше за билатералните односи меѓу двете земји, поддршката по трагедијата во Кочани, како и за регионалната стабилност и безбедност и заедничките предизвици и приоритети во рамките на НАТО Алијансата.Муцунски истакна дека трагедијата во Кочани е една од најтешките со кои се соочила државата во поновата историја, нагласувајќи дека европското единство повторно излезе на површина, а Механизмот за цивилна заштита на ЕУ се покажал како клучен инструмент за справување со последиците од оваа катастрофа. Тој во интервјуто ја повтори благодарноста до грчката влада и до грчкиот народ.„Грчките болници ги примија првите пациенти евакуирани од нашата земја и продолжуваат да им обезбедуваат врвна нега. Поддршката во вакви моменти претставува силен одраз на вистинско пријателство меѓу нашите две земји – однос што мора да продолжиме да го негуваме и градиме“, истакна Муцунски.Осврнувајќи се на билатералните односи, министерот ја истакна средбата со неговиот грчки колега Јоргос Герапетритис на маргините на Генералното собрание на ОН во септември 2024 година, како значаен чекор во зајакнувањето на дипломатскиот ангажман.„Постои голем потенцијал за проширување на соработката – во трговијата, инфраструктурата и енергетското поврзување. Но, мора да ги продлабочиме и врските во областа на економијата и културата, каде што меѓусебното разбирање и заедничкиот развој можат да создадат долгорочна доверба и просперитет.Поттикнување на деловни партнерства, туризам, студентски размени и културни програми може уште повеќе да ги приближи нашите народи. Како НАТО-сојузници и непосредни соседи, имаме заеднички интерес за зајакнување на регионалната стабилност и просперитет – особено преку целосна регионална интеграција во Европската Унија“, вели Муцунски.Говорејќи за односите помеѓу двете држави, Муцунски во интервјуто оценува дека македонската влада е цврсто посветена на одржување одлични односи со сите наши соседи, а трагедијата во Кочани уште еднаш покажала колку е важна оваа соработка.Во делот посветен на актуелната геополитичка состојба и партнерството во рамките на НАТО, министерот го нагласува значењето на единството меѓу сојузниците во услови на зголемени безбедносни предизвици.„Единството останува темел на нашата заедничка стабилност и безбедност. Како членки на НАТО, сите носиме индивидуална и колективна одговорност за одржување на кохезијата и одбрана на вредностите што нѐ издвојуваат од авторитарните режими. НАТО и понатаму игра централна улога во обезбедувањето на безбедноста – не само за нашите две земји, туку и за поширокиот евроатлантски простор. Убеден сум дека оваа улога ќе остане клучна и во годините што доаѓаат. Соочени со сè покомплексни безбедносни предизвици, мора да пристапиме со единство. Колективната одбрана, отпорноста и одвраќањето се клучни за заштита на сите земји-членки. САД остануваат наш клучен сојузник и стратешки партнер. Ова партнерство се покажало многупати уште од нашата независност. НАТО обезбедува платформа за справување со суштински безбедносни прашања и за сите членки – вклучително и САД – да водат значајни консултации“, истакнува министерот во интервјуто.Муцунски зборува и за претстојниот НАТО самит во Хаг, нагласувајќи дека земјите-членки ќе имаат можност да ја оценат моменталната состојба и да донесат одлуки по клучни прашања – инвестиции во одбраната, поддршка за Украина, регионални партнерства и стратешки предизвици.„Убеден сум дека НАТО ќе биде подготвен да одговори на моментот и ќе продолжи да биде столб на нашата заедничка безбедност – посилен и пообединет во времето што доаѓа“, заклучува Муцунски во интервјуто за „Та Неа“.

Македонија | пред 1 година

(Видео) Син на ексградоначалник е лицето по кое се трага, а пукаше со пиштол и пушка, додека други го снимале

Лицето кое пукаше во воздух, прво со пиштол, па со автоматска пушка е Абдула Ќамили, син на поранешниот градоначалник на Општина Долнени, Џемал Ќамили од ДУИ.  Ова е неофицијална информација, а истото може да се заклучи и ако се споредат иницијалите испратени од Министерството за внатрешни работи. Абдула Ќерими, кој пука на снимката, не бил пронајден во неговиот дом и по него се трага. Неговиот татко, ексградоначалникот Џемаил е уапсен.Оваа акција доаѓа откако протече снимка од Абдула Ќерими, како пука во воздух. Непознато е дали тој ја споделил или негови блиски. Бидејќи сомневањата се дека снимката е направена во дворот на ексградоначалникот, одземен е уред поврзан со видео надзорот во нивниот дом за да се утвдат деталите.МВР потоа направи претрес и најде три парчиња оружје, сите поседувани со дозвола од ексградоначалникот. Дома си имале репетирачки карабин, полуавтоматски пиштол, како и ловна пушка.Тие поседувале и соодветна муниција. Па така, запленети се 395 куршуми различен калибар, 17 парчиња ловен патрон.Моментално, истрагата против таткото кој е ексградоначалник и синот кој пукал се води за предизвикување на општа опасност и недозволено изработување, држење и тргување со оружје или распрскувачки материи.Снимката на социјалните мрежи стана вирална вчера.

Македонија | пред 1 година

(Фото) „Камен пијани“: двајца возачи поради возење под дејство на алкохол

Полициски службеници од ОВР Кавадарци ги лишиле Х.К.(22) и А.М.(35) поради сомнение за сторено кривично дело „Безобзирно управување со моторно возило, предвидено во член 297 А од КЗ, а поради управување на возило под дејство на алкохол.Имено, кај Х. К. е констатирано дека возилото го управувал со 2.65 промили алкохол во крвта, додека кај А. М. констатирано е дека истиот го управувал возилото со 3.34 промили алкохол во крвта.Лицата се задржани во ОВР Кавадарци, известен е Јавен обвинител од ОЈО Кавадарци и по целосно документирање на случајот ќе биде поднесен соодветен поднесок.

Македонија | пред 1 година

ВМРО-ДПМНЕ: Левица и Апасиев аскетизмот го замениле со хедонизам

Од ВМРО-ДПМНЕ обвинуваат дека Димитар Апасиев и Левица се демаскирани, нивните лаги и манипулации излегуваат на површина. Аскетизмот, велат, ако воопшто некогаш го имале, го замениле со хедонизам.„Левица и Апасиев кои што декларативно, само за собирање на политички поени, беа против извршителите, сега, на дело, се соработници и од нив купуваат имот одземен од македонски граѓани или фирми”, велат од ВМРО-ДПМНЕ.„Тие се фатени живи во сомнителна зделка на деценијата, во која конфискуван имот од извршител во центарот на Скопје го купиле за три пати пониска цена од пазарната. Само Димитар Апасиев и Левица можат да купат преку извршител одземен имот од некој граѓанин или фирма кои не можеле да го враќаат кредитот и тоа по багателна цела. Освен ова, уште поспорен е и ставот на Левица дека извршителот немал ништо со купопродажните преговорите, туку дека тие се договориле со банката и објектот го земале со хипотекарен кредит. Оттука, легитимно се покренуваат дилеми и се поставуваат прашањата за евентуални договори под маса на сите засегнати страни, Левица и Апасиев, банката и извршителот. Како на пример, ако договарале со банката, како истите ја постигнале таа цена, кога во овој дел од градот, односно централното градско подрачје, цената за метар квадратен е за три пати повисока? Дали има некој скриен договор или друга услуга која не е заведена во договорот?Додека Апасиев и Левица купуваат одземен имот за три пати пониска цена од пазарната од извршители, кои конфискуваат имоти од граѓани во финансиски потешкотии, граѓаните ја немаат таа среќа да се договорат со некоја банка ниту за приближно таква ниска цена. За сето ова јавноста очекува и заслужува одговори, а надлежните органи треба да покренат сеопфатна истрага во која темелно ќе го истражат случајот“, велат од партијата.

Македонија | пред 1 година

Вучиќ во 20:00 часот ќе го соопшти новиот премиер

Претседателот на Србија, Александар Вучиќ, вечерва во 20:00 часот од Палатата Србија ќе се обрати до нацијата во врска со формирањето на новата влада.Како што соопшти неговиот кабинет, Вучиќ ќе го предложи кандидатот за премиер до Народното собрание, согласно уставните надлежности, откако ги сослушал ставовите на избраните парламентарни листи.Рокот за избор на нова влада истекува на 18 април на полноќ.Лидерот на СНС и екс премиер, Милош Вучевиќ, изјави дека изборот е сведен на двајца кандидати. Вучиќ рече дека не сакал да има пресудно влијание врз изборот, но ја истакнал важноста на задачите што стојат пред новата влада.Тој најави и претставување на движењето „За народот и државата“ на митингот во Белград на 12 април.

Свет | пред 1 година

(Видео) Стотици илјади Американци на улиците му порачаа на Трамп: „Тргни ги рацете!“

Околу 1.200 протести наречени „Тргни ги рацете!“ вчера се одржаа низ Соединетите Американски Држави, поради политиката на претседателот Доналд Трамп. Ова беше најголемиот протест откако Трамп повторно ја презеде функцијата во јануари оваа година. Демонстрации се одржаа во сите 50 држави, а учествуваа и демонстранти од Канада, Обединетото Кралство, Франција, Германија, Мексико и Португалија.Демонстрантите се собраа да го изразат своето противење на различните аспекти на политиката на Трамп, вклучително и наметнување високи тарифи, намалување на правата на трансродовите лица, депортирање имигранти, ограничување на правата за абортус и планови за намалување на социјалното осигурување и здравствената заштита за ветераните. Тие го критикуваа и влијанието на моќните елити и недостигот на транспарентност во финансирањето на политичките кампањи.Многу од протестите се фокусираа на соработката на Трамп со Илон Маск, кој го предводи новоформираното Министерство за ефикасност на владата. Улогата на Маск предизвика загриженост за потенцијално нарушување на приватноста и злоупотреба на податоците. Еден од најголемите собири се одржа во Националниот трговски центар во Вашингтон, каде според проценките на организаторите се собраа над 100.000 луѓе. Протестите опфатија различни организации како што се Indivisible, MoveOn и Greenpeace, додека учесниците носеа транспаренти со пораки како „Рацете подалеку од нашата демократија“ и „Повторно лажете погрешно“. Протести против политиката на Трамп се одржаа и во европските градови како Берлин, Франкфурт и Лондон. Во Берлин, демонстрантите го критикуваа влијанието на Маск врз американската политика, додека во Париз, околу 200 луѓе носеа транспаренти со пораки како „Спаси се на тиранинот“ и „Спаси ја демократијата“.

Свет | пред 1 година

САД веќе губеше војни со царини: Може ли да ја добие сега?

Американскиот претседател Доналд Трамп воведе неочекувано високи царини практично за целиот свет - 10% за сите земји и дополнителни царини за земјите со кои САД имаат трговски дефицит, кои се искачуваат на високи 54%. Соопштението предизвика бурни реакции, кои очигледно ќе прераснат во голема царинска војна.Борис Подобник, продекан за наука на загрепската школа за економија и менаџмент и раководител на Гласот на претприемачите, вели дека е јасно дека сите ќе бидат жртви на таква војна, вклучително и САД.„Како и во секоја војна, тешко е да се предвиди која страна ќе има колку жртви. Очигледно е дека Трамп верува дека САД ќе страдаат помалку од другите“, додава тој.Но, што вели историјата за обичаите, протекционизмот и царинските војни? Што е различно денес и дали Трамп овој пат има шанса?Тарифите историски биле едно од клучните оружја на економските политики. Тие беа користени за заштита на домашното производство, поттикнување на индустријализацијата и намалување на зависноста од увоз.Но, нивната ефикасност зависеше од контекстот, целите и начинот на имплементација. Во некои случаи тие помогнаа да се изгради силна домашна индустрија, додека во други предизвикуваа трговски војни и големи економски проблеми.Јужна Кореја е пример за земја која ги користеше тарифите како алатка за индустриски развој. Во текот на 1960-тите и 1970-тите години го ограничи увозот на готови производи, но во исто време го поттикна увозот на технологија и суровини потребни за производство.Заштитените домашни компании, како Samsung и Hyundai, на тој начин имаа време да се развијат и да ја зголемат конкурентноста. Но, клучот за успехот беше тоа што тарифите беа привремени - како што компаниите станаа поконкурентни, владата ги изложи на зголемена меѓународна конкуренција.Кина спроведува слична стратегија од доцните 1970-ти. Како што кинеските компании стануваа посилни и научија да се натпреваруваат, земјата почна да се отвора сè повеќе и повеќе - влезот на Кина во Светската трговска организација во 2001 година беше пресвртна точка. Иако тарифите не исчезнаа целосно, пазарот стана многу поотворен.Од Подобник истакнуваат дека и во двата случаи клучот бил во „стратешкото планирање и контрола“.САД имаат долга историја на користење тарифи, но подеднакво долга листа на мешани резултати. Два историски примери покажуваат колку може да биде катастрофална царинската политика кога се користи неправилно.Тарифниот акт Мекинли од 1890 година беше еден од највисоките во американската историја. Со него просечните царински стапки се зголемија на околу 48,4%. Тој драстично ги зголеми царините за голем број увозни производи со цел да ја заштити американската индустрија, особено производителите на железо, челик, текстил и шеќер. Сепак, резултатот беше бран одмазднички тарифи од други земји, како што се Канада и некои европски земји, што предизвика пад на извозот во САД, пораст на цените за американските потрошувачи, влошување на земјоделската криза и на крајот пад на поддршката за Републиканската партија на изборите.Законот Смут-Хејли од 1930 година, донесен во средината на Големата депресија, ги зголеми тарифите за повеќе од 20.000 увезени производи и ја зголеми просечната царина на повеќе од 59%, највисока во историјата на САД.Целта беше да се заштитат американските производители за време на Големата депресија, но законот предизвика трговска одмазда од повеќе од 25 земји, што дополнително ја влоши светската економска криза и го намали американскиот извоз за повеќе од 60%.Последиците беа драматичен пад на глобалната трговија, дополнително забавување на американската економија и зголемување на невработеноста. Економистите сè уште го наведуваат овој закон како пример за тоа како протекционизмот може да ја влоши рецесијата.Трамп веќе користеше царини за време на неговиот прв мандат, и тоа многу агресивно, особено како дел од таканаречената трговска војна со Кина, но и кон други партнери како ЕУ, Канада и Мексико. Потоа воведе царини за кинеска стока вредна повеќе од 360 милијарди долари, при што царините се движеа од 10% до 25%. Тој, исто така, воведе царини од 25% за челик, 10% за алуминиум од речиси сите земји, вклучувајќи ги и традиционалните сојузници, и за европските автомобили.Главната цел на Трамп со новите царини е да го намали трговскиот дефицит на САД, да го врати производството во САД, да ги заштити домашните индустрии, особено челикот и алуминиумот и да ги зголеми инвестициите на странските компании во САД.Но, Подобник вели дека проблемот со новите тарифи е што тие не се дел од кохерентна индустриска стратегија.„Тие беа воведени брзо, широко и без договор со сојузниците“, посочува тој.Тој вели дека дополнителен проблем е тоа што Трамп сега навистина нема сојузници бидејќи ги смета и Европејците за непријатели.„За да успеат санкциите или тарифите, треба да бидете доволно големи и силни за штетата што ќе ја наметнете на вашиот противник да биде поголема од штетата што ви ја предизвикуваат вашите противници. И поради Трамп, САД сега се сами, додека Кина е поважна од Америка за светската трговија, особено за извозот на стоки“, објаснува тој.Тој верува дека царините можеби ќе можат да обноват дел од индустријата на долг рок, но предупредува дека САД добиваат барем инфлација на краток рок, ако не и недостиг и пад на производството.„Прашањето е дали Американците се подготвени да направат таква лична жртва за да ја вратат индустријата. Во демократските земји гласачите обично не се, па експериментот тешко може да трае долго“, заклучува Подобник.

Свет | пред 1 година

СДСМ денеска бира нов лидер, Филипче единствен кандидат

Опозициската СДСМ денеска одржува редовни внатрепартиски избори за претседател на партијата. Единствен кандидат за оваа функција е актуелниот партиски лидер Венко Филипче.Гласањето е започнато на 78 избирачки места во општинските организации на СДСМ ширум државата.Избирачките места ќе бидат отворени до 20:00 часот, а за спроведувањето на изборниот процес е задолжена Централната изборна комисија.На Избирачкиот список, се запишани 23.712 активно регистрирани членови.Обезбедени се сите потребни услови за непречено спроведување на изборниот процес, вклучително и избирачки материјал, паравани, кутии и ознаки, велат од партијата.

Македонија | пред 1 година

Врнежлива пролет, можни излевања на реки и свлечишта

Динамична пролет со нестабилни и врнежливи периоди во првата половина и потопол период со зачестени грмотевични бури во втората половина, предвидуваат професорите Владо Спиридонов и Ивица Милевски од Природно-математичкиот факултет во Скопје.По најавеното заладување со врнежи од дожд и снег на планините и можен утрински мраз во некои пониски делови од државата, двајцата професори веќе во втората половина од месецов, односно за Велигденските празници, очекуваат стабилизација на времето, но на крајот на април повторно да биде променливо со можни врнежи и грмежи.Во нивната анализа за МИА, за временските услови, хидролошките ризици и можните гео-непогоди оваа пролет се посочува дека во мај температурите ќе бидат еден до два степена над просекот, но поради зголемената водена пара во атмосферата, периодите на стабилно и топло време ќе бидат прекинати од краткотрајни, но интензивни нестабилности.Периодот од 7 до 14 април се очекува да се задржат пониски температури од просечните за овој период. Врнежите исто така бележат позитивно отстапување за овој период. Од половината на месецот, вклучувајќи ги и Велигденските празници, постепено подобрување на временската слика, со повеќе сончеви периоди и температури во рамките на просечните. Сличен тренд ќе бележат и врнежите со таа разлика што во седмицата од 14-21 април за нијанса повеќе врнежи во југозападниот дел додека наредниот седмодневен циклус во југоисточните делови. За периодот на месец мај - до почетокот на летото (21 јуни), се предвидуваат температури од 1 до 2 °C повисоки од просечните, со врнежи во рамките на просечните вредности, се вели во анализата.Во јуни се очекува понатамошно загревање и зголемена атмосферска нестабилност, со можност за силни невремиња, град и ненадејни поплави.Повисоките температурни аномалии за мај и јуни, укажуваат на постепено загревање на Европскиот континент, што поради зголемената водена пара во атмосферата како резултат на климатските промени, ќе создаде услови за интензивирање на конвективните процеси. Ова ќе доведе до развој на грмежни бури, кои понекогаш можат да бидат поорганизирани грмотевични групации (кластери), линии на нестабилност во средни размери, управувани од синоптичко-динамички системи и да создадат неповолни временски појави, како ненадејни поплави, силни ветрови, молњи и појава на град со потенцијално големи деструктивни влијанија, се нагласува во анализата.Двајцата професори укажуваат дека поради променливиот карактер на времето и можните хидролошки ризици, неопходна е зголемена подготвеност на институциите и јавноста за навремено реагирање на потенцијалните неповолни временски појави.Продолжените врнежи што ја зафатија државата во изминатите денови, како и прогнозираните до крајот на април и во месец мај значително ќе ја заситат почвата со влага, создавајќи „вишок на водена маса“. Во таа смисла, наредните недели, граѓаните, локалните и централните власти треба да бидат подготвени за зголемен ризик од поплави, свлечишта, одрони, засипување на патишта со нанос и други непогоди, се наведува во анализата.Зголемено површинско задржување и појава на речни поплави, се очекува особено во рамничарските, котлински делови. Такви се речните долини на Вардар (Долни Полог, Катлановско, Велешко, Гевгелиско-Валандовско), Пчиња (особено низводно од Пелинце), Крива Река (помеѓу Крива Паланка и с. Ранковце), Брегалница (со некои нејзини притоки како Желевица, Злетовска Река низводно од с.Злетово и др.), Струмица, Црна Река низ Пелагонија и сл.Со оглед на прогнозите за дополнителни врнежи, веќе во наредните денови се очекува поплавување кое се очекува да биде од слаб, до умерен карактер. Воедно, вештачките акумулации, кои претходно беа значително испразнети, ќе се наполнат, а можно е и значително зголемување на нивото на Охридското Езеро, велат двајцата проферори.Продолжителните врнежи кои во одредени периоди и делови на државата ќе имаат пороен карактер, според Спиридонов и Милевскии, ќе го зголемат ризикот од свлечишта и одрони, особено на стрмните падини и поголемите засеци на патиштата.Во западниот дел на државата пак, на стрмните планински страни и кон нивните подножја, до средината на април, можни се појави на снежни и комбинирани (снежно-одронски) лавини. Најранливи се стрмните терени со нестабилна подлога, неотпорни карпи (шкрилци, песочници, глини) и претходно активни свлечишта. Особено критични точки се патните правци: Маврово-Дебар-Струга, Охрид-Ресен-Битола, Струмица-Берово-Делчево, Скопје-Велес, Куманово-Кратово, Кочани-Делчево, Крива Паланка-Деве Баир, како и долж засеците на повеќе локални патишта, посочуваат професорите за МИА.Според Спиридонов и Милевски, неопходни се навремени превентивни и мерки за заштита, како што се перманентна проценка на ризикот од поплави, согласно краткорочните и среднорочните прогнози за врнежите и состојбата на теренот, редовна комуникација и координација меѓу институциите и соодветните научно-истражувачки институции, превентивни активности од ЦУК, ДЗС и локалните власти, изработка на национален катастар на ризични подрачја и развој на ГИС систем со детален мониторинг и сценарија за потенцијални природни непогоди.

Македонија | пред 1 година

(Видео) Од прилепско протече снимка од лице кое пука со пушка и пиштол, полицијата им влезе со претреси: се трага по лицево од снимкава

На 05.04.2025 врз основа на споделен видеозапис на социјалната мрежа Facebook, а поради постоење на основи за сомнение за сторено кривично дело по член 288 и 396 од КЗ на РСМ, полициски службеници од ОВР Прилеп во содејство со полициски службеници од СВР Битола извршија претрес во с.Црнилиште Општина Долнени, во домот на Џ. Ќ.(51).При претресот пронајдени се три парчиња оружје кои ги поседува со дозвола и тоа, полуавтоматска ловна пушка, репетирачки карабин и полуавтоматски пиштол, како и 395 куршуми различен калибар, 17 парчиња ловен патрон и еден ресивер поврзан на видеонадзор инсталиран во домот.Пронајдените предмети се одземени поради сомнение за извршено кривично дело по член 288 од КЗ.Утврдено е дека лицето оружјето го поседувал со дозвола и истото привремено е одземено по што ќе следи постапка за одземање на дозволата за оружје. Џ. Ќ. е лишен од слобода, а се преземаат мерки за пронаоѓање на неговиот син А.Ќ. и за расчистување на случајот.

Македонија | пред 1 година

Рацете подалеку од нашата демократија-протести против Трамп

Многу граѓани се против политиките на Доналд Трамп, тие во делови од САД одржаа околу 1.200 протести под името “Настрана рацете”.Демонстрации се одржаа во сите 50 сојузни држави, а учествуваа и демонстранти од Канада, Обединетото Кралство, Франција, Германија, Мексико и Португалија.Се демонстрираше против повеќе одлуки на Трамп, вклучувајќи ја и последната со високите царини.Незадоволство има и од ограничувањето на правата на трансродовите лица, депортирањето имигранти, ограничувањето на правото на абортус и идеите за намалување на социјалното осигурување и здравствената заштита за ветераните. Особено незадоволство беше изразено и од силното влијание на моќните елити, особено соработката со Илон Маск.Според демонстрантите, Трамп и Маск спроведуваат насилно превземање и напад на американските права и слободи.Еден од најголемите собири се одржа во Националниот трговски центар во Вашингтон, каде според проценките на организаторите се собраа над 100.000 лица.Како што јавуваат светски медиуми, на некои од собирите има обраќање и на високопозиционирани политичари на демократите, на лидери на синдикатите, лидери на ветерански организации и невладини организации.Протести против политиката на Трамп се одржаа и во европските градови Берлин, Франкфурт и Лондон. Во Берлин, демонстрантите го критикуваа влијанието на Маск врз американската политика, додека во Париз, околу 200 луѓе носеа транспаренти со пораки како „Спасете се од тиранијата“ и „Спасете ја демократијата“.

Свет | пред 1 година

15-годишно дете силувало пет годишна братучедка - одреден притвор

Уапсен е 15-годишник, осомничен за силување на петгодишна братучедка, доби притвор.Основното јавно обвинителство Гостивар до судијата за деца во гостиварскиот суд поднесе барање за поведување подготвителна постапка и предлог за определување мерка притвор за 15-годишно дете во судир со законот за кое постои сомнение дека сторило продолжено кривично дело – Силување дете кое не наполнило 15 години од член 188 став 1 во врска со член 45 од Кривичниот законик.Осомничениот, во неколку наврати, искористувајќи отсуство на родителите, намамувал петгодишно девојче во куќа и вршел обљуба врз него.Судијата за деца денеска го прифати предлогот и определи притвор за детето во судир со законот.

Македонија | пред 1 година

СДС не може да престане да лаже, сопственикот на возилото е казнет, а за полицајците има дисциплинска постапка, вели ВМРО-ДПМНЕ

„СДС не може да престане да лаже, сопственикот на возилото е казнет, а за полицајците има дисциплинска постапка“, реагира ВМРО-ДПМНЕ и додава:СДС не може да престане да лаже.Сопственикот на џипот е санкциониран, исто така има и дисциплинска за полициските службеници.Ја разбираме потребата на Кузеска да се докажува пред Венко Филипче кој на отворена сцена си бира нов портпарол, но барем Богданка да си го сочува достоинството и да престане да лаже. МВР излезе со информација дека сопственикот на џипот е казнет, а има и дисциплинска постапка за полицајците.Ова беше незамисливо во време на СДС, тогаш, ќе потсетиме, полицаецот се удираше во пајакот само да не го казнат високиот функционер на ДУИ.Законот, докажуваме, дека важи за сите.

Македонија | пред 1 година

(Видео) Четири повредени, три со тешки повреди на обиколницата во Скопје

Три лица се тешко повредени од несреќата која се случи на скопската обиколница, на потегот од Волково кон Сарај. Според информациите од МВР, автомобил „БМВ“ се превртел, а тешки повреди имаат возачот и неговите двајца сопатници.„Со телесни повреди се здобил еден сопатник, на кој му е укажана помош во ГОБ '8 Септември'“, велат од МВР.Засега е нејасно како се случила несреќата. Известен е јавен обвинител и во тек е увид на местото на настанот.

Скопје | пред 1 година

Непроменета е состојбата на повредените од „Пулс“ кои се во критични, докторите и натаму се борат за нивните животи

Министерството за здравство информира дека во моментот 69 пациенти се на лекување во странство и нема промена во нивната состојба, во споредба со претходните денови. Непроменета е и состојбата на пациентите во критична состојба.Во моментот, во установите во Скопје се лекуваат 15 пациенти и тоа:- Во Хируршка клиника ,,Св Наум Охридски"-6,-На Клиника за пластична хирургија -4 пациенти пристигнати синоќа од странство,-На Клиника за токсикологија има двајца пациенти (еден од претходно кој е префрлен од Хируршка клиника ,,Св. Наум Охридски" и еден кој ноќеска е дојден од Шпанија) и еден пациент е хоспитализиран на Клиника за пулмологија.-Во Систина се лекуваат двајца пациенти.Сите пациенти кои се третираат во нашите установи се во стабилна состојба.Министерството за здравство и понатаму внимателно ја следи состојбата на повредените пациенти и останува во постојана комуникација со медицинските тимови во земјава и странство, посветено на обезбедување најдобра можна нега за повредените од несреќата во Кочани.

Македонија | пред 1 година

(Видео) Весна Петрушевска на операција, по борбата со ракот

Актерката Весна Петрушевска утрово отиде на нова операција на Клиниката за пластична хирургија. Ова доаѓа по нејзината борба со ракот.„Најважно од се е да има добар анестезиолог и добар доктор. А јас тоа сѐ имам. Нема, нема - операција. 'Што правиш бе Весне?', еве на операција. 'Што правиш друго', па режирам. 'Друго?', учам. 'Друго нешто?' Ништо. Излезете прошетајте, супер е денот. Отидов јас да проверам таму..“, вели Петрушевска пред да отиде на операција.Претходно, таа во „Претрес“ зборуваше за операцијата.„Сега сум добра, но мора да се заврши последниот дел. Таа една реконструкција, која трае и ако ја правиш како што треба како по книга.. Јас сето тоа ќе го правам во Македонија. Кај д-р Јасмина, директорката на Пластичка хирургија.. Морам да ја направам, ме боли раката, ја влечам десната страна, а не смеам со неа ништо да дигам.. Од здравствени причини, тој циклус на таа реконструктивна мора да ја поминам.. Тоа не е така..“, рече Петрушевска во „Претрес“.Според последните информации, операцијата на Весна е завршена и таа е во добра состојба.?t=762

Македонија | пред 1 година

МВР со инспекции влезе во три објекти во Тетово: има пет уапсени, еден со кокаин

На 04/05.04.2025 во времето од 23 до 02 часот на подрачјето на СВР Тетово, полициските службеници од СВР Тетово во содејство со Државен пазарен инспекторат, Државен инспекторат за труд и Дирекција за заштита и спасување спроведоа акциска контрола во три угостителски објекти.„Притоа, во еден угостителски објект бил лишен од слобода Р.Е.(32) од Тетово, кај кого при преглед бил пронајден и одземен кокаин. Исто така, во трите угостителски објекти биле приведени Е.И.(32) од Боговиње, А.Ј.(55) од Тетово, Ш.Л.(27) од с.Порој и Е.А.(35) од с.Мала Речица, кај кои биле пронајдени остри предмети.Тие биле задржани во полициска станица и по документирање на случаите ќе им бидат изготвени соодветни поднесоци по член 215 од КЗ и член 80 од Закон за оружје.Од страна на другите институции кои биле вклучени во акциската контрола биле констатирани низа неправилности при што од страна на ДПИ на два објекта ќе им бидат доставени решенија за затворање.

Македонија | пред 1 година

Мајка на маршот во Кочани: Едно прашање, кој го уби мојот ангел, кој го уби мојот херој, кој ги пеплоса тие ангелски лица?

По еден час молк, марширање, солзи и лелек, мајка на загината девојка од пред судот во Кочани постави прашање. Таа упати порака до правосудните институции, дека ќе чека одговор, кој и го скрати животот на нејзината ќерка која не успеа да се спаси од дискотеката „Пулс“, каде загинаа 60 лица, а почина и возач на Итната медицинска помош по 30-пати возење и разнесување на повредени.„Едно прашање, кој го уби мојот ангел, кој го уби мојот херој, кој ги пеплоса тие ангелски лица?“, рече мајка на загината девојка.Река од граѓани, облечени во црно, ги оплакуваат нивните согрѓани, роднини, пријатели.

Македонија | пред 1 година

Директорот на Фондот за здравство: Венко Филипче е против Венко Филипче, а СДСМ против СДСМ!

Директорот на Фондот за здравство, Сашо Клековски вели дека Венко Филипче е против Венко Филипче, а СДСМ против СДСМ!„Исклучително ретко, ако воопшто коментирам за затекнатите состојби по повеќегодишното владеење на СДСМ и ДУИ или пак нивни изјави сега кога се во опозиција. Но изјавите на Венко Филипче за потребата од лидерска средба бараат коментар.Венко Филипче ќе изјави дека „областите каде што треба системски пристап се - образование, здравство, правосудство, животна средина, партизација и политизација“ и „треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.“Прво за општото. Македонија има Национална развојна стратегија 2024-2044 година (www.nrs.mk), за која има закон, која претставува сеопфатен документ за економскиот, социјалниот, еколошкиот и културниот развој на нашата држава во наредните две децении. Процесот во името на Владата го координираше Фатмир Битиќи, тогашен вицепремиер, а беа вклучени МАНУ, УНДП и многу институции, експерти и граѓански организации. На крај во Собранието стратегијата ја изгласаа и пратениците на СДСМ и на ВМРО-ДПМНЕ. Дали сега Венко Филипче ја негира стратегијата што ја водеше Владата на СДСМ и ДУИ, ја гласаа пратениците и од власта и од опозицијата?Второ за здравството. Не сакам да говорам за неброените скандали, за уништеното здравство кое остана по повеќегодишното владеење на СДСМ и ДУИ, вклучувајќи и личното на Венко Филипче. Македонија има Стратегија за здравтвото во Македонија 2021 - 2030 година. И како врв на иронијата предлагач на стртатегијата е Венко Филипче, тогашен министер за здравство. Дали сега Венко Филипче тврди дека таа стратегија не е стратегија или дека не се консултирани експерти, граѓански организации и ВМРО-ДПМНЕ, тогашната опозиција. И стратегијата не само што ја има, туку и се спроведува за што може да сведочи презентација на резултатите од 28 јануари 2025 година, со учество на сите чинители од здравството!Политичкиот дијалог е возможен само ако се заснова на факти и аргументи!“, напиша Клековски.

Македонија | пред 1 година