(Видео) Весна Петрушевска на операција, по борбата со ракот

Актерката Весна Петрушевска утрово отиде на нова операција на Клиниката за пластична хирургија. Ова доаѓа по нејзината борба со ракот.„Најважно од се е да има добар анестезиолог и добар доктор. А јас тоа сѐ имам. Нема, нема - операција. 'Што правиш бе Весне?', еве на операција. 'Што правиш друго', па режирам. 'Друго?', учам. 'Друго нешто?' Ништо. Излезете прошетајте, супер е денот. Отидов јас да проверам таму..“, вели Петрушевска пред да отиде на операција.Претходно, таа во „Претрес“ зборуваше за операцијата.„Сега сум добра, но мора да се заврши последниот дел. Таа една реконструкција, која трае и ако ја правиш како што треба како по книга.. Јас сето тоа ќе го правам во Македонија. Кај д-р Јасмина, директорката на Пластичка хирургија.. Морам да ја направам, ме боли раката, ја влечам десната страна, а не смеам со неа ништо да дигам.. Од здравствени причини, тој циклус на таа реконструктивна мора да ја поминам.. Тоа не е така..“, рече Петрушевска во „Претрес“.Според последните информации, операцијата на Весна е завршена и таа е во добра состојба.?t=762

Македонија | пред 1 година

МВР со инспекции влезе во три објекти во Тетово: има пет уапсени, еден со кокаин

На 04/05.04.2025 во времето од 23 до 02 часот на подрачјето на СВР Тетово, полициските службеници од СВР Тетово во содејство со Државен пазарен инспекторат, Државен инспекторат за труд и Дирекција за заштита и спасување спроведоа акциска контрола во три угостителски објекти.„Притоа, во еден угостителски објект бил лишен од слобода Р.Е.(32) од Тетово, кај кого при преглед бил пронајден и одземен кокаин. Исто така, во трите угостителски објекти биле приведени Е.И.(32) од Боговиње, А.Ј.(55) од Тетово, Ш.Л.(27) од с.Порој и Е.А.(35) од с.Мала Речица, кај кои биле пронајдени остри предмети.Тие биле задржани во полициска станица и по документирање на случаите ќе им бидат изготвени соодветни поднесоци по член 215 од КЗ и член 80 од Закон за оружје.Од страна на другите институции кои биле вклучени во акциската контрола биле констатирани низа неправилности при што од страна на ДПИ на два објекта ќе им бидат доставени решенија за затворање.

Македонија | пред 1 година

Мајка на маршот во Кочани: Едно прашање, кој го уби мојот ангел, кој го уби мојот херој, кој ги пеплоса тие ангелски лица?

По еден час молк, марширање, солзи и лелек, мајка на загината девојка од пред судот во Кочани постави прашање. Таа упати порака до правосудните институции, дека ќе чека одговор, кој и го скрати животот на нејзината ќерка која не успеа да се спаси од дискотеката „Пулс“, каде загинаа 60 лица, а почина и возач на Итната медицинска помош по 30-пати возење и разнесување на повредени.„Едно прашање, кој го уби мојот ангел, кој го уби мојот херој, кој ги пеплоса тие ангелски лица?“, рече мајка на загината девојка.Река од граѓани, облечени во црно, ги оплакуваат нивните согрѓани, роднини, пријатели.

Македонија | пред 1 година

Директорот на Фондот за здравство: Венко Филипче е против Венко Филипче, а СДСМ против СДСМ!

Директорот на Фондот за здравство, Сашо Клековски вели дека Венко Филипче е против Венко Филипче, а СДСМ против СДСМ!„Исклучително ретко, ако воопшто коментирам за затекнатите состојби по повеќегодишното владеење на СДСМ и ДУИ или пак нивни изјави сега кога се во опозиција. Но изјавите на Венко Филипче за потребата од лидерска средба бараат коментар.Венко Филипче ќе изјави дека „областите каде што треба системски пристап се - образование, здравство, правосудство, животна средина, партизација и политизација“ и „треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.“Прво за општото. Македонија има Национална развојна стратегија 2024-2044 година (www.nrs.mk), за која има закон, која претставува сеопфатен документ за економскиот, социјалниот, еколошкиот и културниот развој на нашата држава во наредните две децении. Процесот во името на Владата го координираше Фатмир Битиќи, тогашен вицепремиер, а беа вклучени МАНУ, УНДП и многу институции, експерти и граѓански организации. На крај во Собранието стратегијата ја изгласаа и пратениците на СДСМ и на ВМРО-ДПМНЕ. Дали сега Венко Филипче ја негира стратегијата што ја водеше Владата на СДСМ и ДУИ, ја гласаа пратениците и од власта и од опозицијата?Второ за здравството. Не сакам да говорам за неброените скандали, за уништеното здравство кое остана по повеќегодишното владеење на СДСМ и ДУИ, вклучувајќи и личното на Венко Филипче. Македонија има Стратегија за здравтвото во Македонија 2021 - 2030 година. И како врв на иронијата предлагач на стртатегијата е Венко Филипче, тогашен министер за здравство. Дали сега Венко Филипче тврди дека таа стратегија не е стратегија или дека не се консултирани експерти, граѓански организации и ВМРО-ДПМНЕ, тогашната опозиција. И стратегијата не само што ја има, туку и се спроведува за што може да сведочи презентација на резултатите од 28 јануари 2025 година, со учество на сите чинители од здравството!Политичкиот дијалог е возможен само ако се заснова на факти и аргументи!“, напиша Клековски.

Македонија | пред 1 година

(Видео) Тешка несреќа на обиколницата близу Волково: автомобил превртен, полицијата на терен

Тешка сообраќајна несреќа се случи на обиколницата Волково спрема Сарај, ова утро. Автомобил „БМВ“ е превртен и целосно уништен.Засега не е позната состојбата на лицата кои биле во него, односно лицето кое го управувало.Местото го обезбедува полицијата.

Скопје | пред 1 година

(Видео) Со Тошковски на чело МВР е во хаос, бодигарди аздисуваат на улиците како на див запад!, велат од СДСМ

„Со Панче Тошковски на чело на МВР хаос се случува по македонските улици, безбедноста е загрозена, нема никаков ред и поредок. МВР се сведе на тоа да не може ниту еден џип неправилно паркиран да санкционира“, вели Богданка Кузеска, портпаролка на СДСМ и додава:Скандалот во Дебар Маало по којзнае кој пат го потврди нефункционирањето на МВР ама го покажа и каубојското аздисување на бодигардите на функционерите на власт.Двајца полициски службеници, обезбедувачи на претседателката на државата лажно тврделе дека погрешни паркираното „порше“ на Срѓан Керим е службено.Тие барале „поршето“ на Керим да не биде кренато од пајакот, тие поттикнале неказнивост.Да не беше реакцијата на младите и овој случај ќе беше заташкан. Но по бурните реакции МВР беше принудена да поведе дисциплински постапки.Но, факе е дека во последниве 9 месеци, како на лента се редат скандал по скандал со телохранители на највисоките државни функционери:Од обезбедувањето на премиерот Мицкоски, едниот оддавал државни тајни другиот нападна полицаец попречувајќи акција против дрога.Обезбедувањето на Гаши направи инцидент на скопскиот аеродром, извади пиштол, турна и нападна полицаец.Сега обезбедувањето на претседателката вмешана во скандалот во Дебар Маало.Ова не се изолирани инциденти – ова е системски распад на безбедносниот апарат! Полицајци кои треба да не чуваат – работат за интересите на криминалци, моќници и тајкуни.На чело на сите нив е Панче Тошковски – како министер кој го дозволи овој распад во МВР.Сите овие инциденти отвораат сериозни прашања за целосна нефункционалност за безбедносниот апарат, за можната поврзаност на луѓе од власта со криминални структури.Нема ред и поредок, нема одговорност.Вака не може! Одговорност мора да има и таа мора да започне со најодговорниот а тоа е министерот Панче Тошковски.

Македонија | пред 1 година

(Видео) Молк, плач, пораки: семејствата на загинатите порачаа дека коруптивниот систем им ги уби децата

Со фотографии од загинатите, семејствата и роднините, со молчење и плачење тргнаа на марш за 60-те загинати во дискотеката „Пулс“. Тие порачаа дека е време да запре селективната правда, а на властите им порачаа дека коруптивниот систем ги уби нивните деца.Без да кажат збор, нивните пораки ги испратија преку транспаренти на кои пишува: „Ова не е несреќа, ова е убиство“, „Коруптивниот систем ги уби нашите деца“, „Марш за 59-те ангели“.Од плоштадот во Кочани тие поминаа покрај кафулето на сопственикот на дискотеката „Пулс“ таму застанаа и молчеа во чест на загинатите. Оттука, одат кон Општина Кочани, седиштето на МВР во градот, како и Основниот суд.

Македонија | пред 1 година

Неготинец украл возило, па пијан и без возачка возел и кршел наплатни рампи на автопат

На 04.04.2025 во 23.15 часот на автопатот А1, на бензинска пумпа во близина на Неготино, полициски службеници од Полициската станица за граничен надзор Михајлово го лишиле од слобода М.Д.(26) од Неготино.„Имено, тој украл патничко возило „ауди“ со битолски регистарски ознаки, сопственост на С.Д.(38) од Неготино, кое според пријавеното било паркирано во двор на чичко на пријавителот во Неготино, и потоа со возилото на автопатот, во правец кон Велес, скршил рампа на наплатна станица „Виничани“, а по кратко време повторно скршил рампа на наплатната станица „Виничани“, но во правец кон Неготино.Преземени се мерки од страна на полициски службеници, по што М.Д. бил принуден да го запре возилото. Од извршените проверки било констатирано и дека го управувал возилото пред да се стекне со право на управување и со 1.54 промили алкохол во крвта.Тој бил задржан во полициска станица, известен бил јавен обвинител и по документирање на настаните против него ќе бидат поднесени соодветни поднесоци за сторените прекршоци и кривични дела по член 297 А и 383 став 1 од КЗ“, велат од МВР.

Македонија | пред 1 година

Преку петиција се бара ослободување на обезбедувачите во „Пулс“: Одговорноста е кај сопственикот, тие добивале наредби и немале избор

Петиција креирана на страницата „peticija.mk“, а преку која се бара ослободување на обезбедувачите на дискотеката „Пулс“ кои се осомничени во случајот, се споделува на социјалните мрежи. Преку неа, креаторите посочуваат дека тие ги слушале наредбите од сопственикот на дискотеката и не се одговорни за настаните. Ова доаѓа откако обезбедувачите добија притвори бидејќи спроед Обвинителството, вината што во дискотеката имало и малолетници, но и поголем број на гости од дозволеното е нивна вина.Ставајќи се во нивна кожа, не можеме ни да замислиме како им е во притвор, знаејќи дека ги ризикувале своите животи за да спасат над 80 невини души. Ние разбираме дека ситуацијата била многу комплицирана и тешка за сите вклучени, но овие лица не биле согласни со тоа да пуштаат малолетни лица во дискотеката. Тие дури и самите на неколку пати пријавувале дека внатре има малолетници (според јавното сведошто на еден од обезбедувањето), но за жал не се превземале никакви мерки. Наредбите биле такви што тие немале избор, освен да продолжат со работа, за да не го изгубат своето работно место. Со оглед на тоа што ги следеле наредбите на сопственикот на дискотеката, не може да се сметаат за одговорни за овие настани. Тие биле принудени да работат во тие услови, и треба да се земе во предвид нивната храброст и посветеност, како и нивната желба да спасат животи во ситуација кога и самите тие беа во опасност“, стои во дел од петоцијата.Потоа, се вели дека им се прави неправда.„Треба да биде јасно дека одговорноста за целата ситуација лежи на сопственикот на дискотеката, кој треба да одговара за сите незаконски активности во својата установа. И да не заборавиме, иако официјално се тврди дека шанкерот бил управител на фирмата, тоа не го прави виновен за сето случено, бидејќи неговата улога била во согласност со наредбите и условите кои им биле наметнати. Односно се работи за една наивна и невина душа, која не била свесна за последиците. Ние го повикуваме судот да ја разгледа ситуацијата од хуман и праведен аспект, и да донесе одлука која ќе ја одразува вистината и правдата. Овие лица заслужуваат да бидат ослободени, да продолжат со животите свои и да се фокусираат на понатамошното помагање и спасување на животи. Поддржете ја оваа петиција за ослободување и дозволете им на овие херои да ја продолжат својата борба за животите на другите“, додаваат во петицијата.Обезбедувачите се дел од обвинетите, покрај сопственикот на дискотеката, ексминистерот за економија и државниот секретар во министерството, ексдиректорите и вработени во Пазарна инспекција, полицајци, ексградоначалници на Кочани. 

Македонија | пред 1 година

Претреси и апсења во струмичко

На 04.04.2025 во 15 часот во село Колешино, струмичко, полициски службеници од СВР Струмица го лишиле од слобода В.К.(65) од село Колешино.Врз основа на судска наредба бил извршен претрес на три локации кои ги користи лицето, при што на катастарска парцела во село Борисово, струмичко, биле пронајдени неколку вреќи и повеќе најлонски пакувања исполнети со зелена растителна материја, вреќа со остатоци од растителна материја, семки од растение, вага, како и други предмети со остатоци од растителна материја.Одземената растителна материја е со тежина од околу три килограми. При претрес на домот на лицето биле пронајдени и две воздушни пушки, за кои не поседувал соодветна документација.PНа катастарската парцела биле затекнати и Џ.Д.(56) и Д.Т.(60), двајцата од село Банско, струмичко, во момент кога Д.Т. ја чистела пронајдената растителна материја, и биле лишени од слобода.В.К. бил задржан во Полициската станица Струмица, а за настанот бил запознаен јавен обвинител од Основното јавно обвинителство Струмица. По документирање на случајот ќе биде поднесена соодветна пријава.

Македонија | пред 1 година

„Марш за ангелите”, протестен марш во Кочани за 60 загинати

Под мотото Марш за ангелите“ во 12 часот и 5 минути, ќе се одржи протестен марш во Кочани.Овој марш треба симболично да ја покаже задоцнетата институционална реакција, а го организираат семејствата на 60 те починати во трагичниот пожар. Собирно место е во Паркот на Револуцијата, по што граѓаните ќе се упатат кон Трговскиот центар, а оттаму кон зградата на Општина Кочани, Полициската станица и Основниот суд и Обвинителството.„Маршот на семејствата на покојните не е за поддршка на обезбедувањето, единствено и исклучиво за почит спрема покојните и барање на правда“, стои во известувањето.Оние кои не го прифаќаат таквото укажување не мора да се приклучуваат.Другиот протестен марш под називот „Ваш профит – наши животи“ е закажан за во 15 часот и 59 минути и ќе има слична маршрута до институциите како и претходниот. Притоа, во најавата што беше објавена на социјалните мрежи, не е наведено кој го организира, само дека ќе се одржи викендов.

Македонија | пред 1 година

Мицкоски: Трагедијата во Кочани да ни биде потсетник дека човечноста, солидарноста и заедништвото се најсилното оружје што го имаме

Премиерот Христијан Мицкоски се обрати на редовниот годишен состанок на Постојаниот комитет на Парламентарното собрание на НАТО, кој денеска се одржува во Собранието на Република Северна Македонија.Нагласи дека треба да се размисли за воведување на механизми каде нема да се дозволи билатерални спорови да бидат пречка за остварување на колективната и заедничка цел.Во продолжение говорот на премиерот Мицкоски:„Пред само неколку недели, нашата нација беше погодена од трагедија која остави длабоки рани во срцата на нашите граѓани. На 16 март, во пожар во ноќен клуб во Кочани, животите ги загубија 59 млади луѓе, а над 150 беа повредени. На огромна жал вчера животот го загуби и Александар Карадаковски. Лекарите се бореа до последниот момент да го спасат неговиот живот. Битката продолжува.Оваа несреќа не само што ни покажа колку е кревок животот, туку и ја истакна важноста на солидарноста и меѓусебната поддршка.Во тие тешки моменти, сведочевме на вистинска солидарност од нашите сојузници и партнери. Девет европски држави понудија помош на нашата земја веднаш по трагедијата во Кочани. Европската унија, пак, преку механизмот за цивилна заштита, координираше медицински евакуации на повредените до специјализираните болници во регионот.Оваа трагедија ни покажа дека солидарноста не е само збор, туку дело што ги поврзува народите. Таа е темелот на нашата Алијанса-принцип што не води во заедничките напори за зачувување на мирот и безбедноста.Солидарноста значи дека кога еден од нас страда, сите страдаме.Кога еден е во неволја, сите притрчуваме на помош.Во изминатите пет години од нашето членство во НАТО, активно придонесувавме кон колективната безбедност и стабилност на Алијансата.Нашите вооружени сили учествуваа во НАТО мисиите во Косово и Авганистан, демонстрирајќи ја нашата посветеност кон заедничките цели. Ја зголемивме одбранбената потрошувачка со јасен план да постигнеме резултат којшто ќе биде поголем од 2% од нашиот БДП, со што ја зајакнавме способноста да придонесеме кон колективната одбрана. Преку организација на вежби за цивилна подготвеност и придонес во НАТО Фондот за одговор на пандемии, покажавме дека сме подготвени да преземеме одговорност и во мир и во криза.Во изминатите пет години, значително ја подобривме интероперабилноста на нашите вооружени сили со оние на другите сојузници.Преку учество во заеднички вежби, нашите војници стекнаа искуство и знаење што ја подобри нивната ефикасност во мултинационални операции. Интеграцијата во НАТО системите за воздушна и ракетна одбрана овозможи подобро споделување на информации и координација т.е. суштинска компонента на модерната безбедност.Во духот на нашата заложба за целосна интеграција, спроведуваме темелни реформи во одбранбениот сектор.Работиме на подобрување на стратешкото планирање, цивилната контрола врз армијата, модернизацијата на опремата и транспарентноста во управувањето со одбранбените ресурси.Обуките се одвиваат според НАТО-доктрини, а новите институционални механизми нè прават поотпорни на хибридни закани. Сето тоа е одраз на нашата политичка волја и консензусот дека безбедноста и интегритетот на државата се врвен приоритет.Иако сме горди на постигнатото, свесни сме дека патот не завршува тука.Хибридни и сајбер закани, дезинформации, климатски кризи-сите тие бараат постојана адаптација и координација.Продолжуваме да инвестираме во човечки капитал, дигитална отпорност и капацитети за брза реакција. Но најважно од сè-остануваме доследни на вредностите кои нè обединуваат: демократијата, слободата, владеењето на правото и солидарноста.Регионалната соработка е клучна за стабилноста на Балканот. За нас тоа претставува одговорност и прилика да биде мост-меѓу народи, меѓу институции, меѓу визии.Преку иницијативи како Јадранската повелба и билатерални партнерства со соседните држави, вложуваме во безбедност што не познава граници.Веруваме дека Балканот може и треба да биде пример за решавање на разлики преку дијалог и заемна почит.Нашата татковина во многу наврати ја докажа својата солидарност со останатите држави во светот. И во својот трнлив пат до целта направи многу отстапки, многу одрекувања, и многу од нив наидоа на дебата кај граѓаните, некои внесоа оправдано сомневање, но истраавме и ја покажавме својата лојалност кон вредностите кон кои и понатаму веруваме.Од друга страна не секогаш го добиваме она што го очекуваме, и таквата лојалност спрема нашите заложби се исполнувала.Тоа е чувството кое го има секој еден кон нас и секој еден граѓанин.Мислам дека е важно да се знае ова, ниту пак треба да се скрие ова горко чувство кај секој еден Македонец, каде и да се наоѓа во светот.Пријатели си помагаат, но и пријатели искрено си ги кажуваат своите чувства и забелешки. Сметам дека треба да се размисли и за воведување на механизми каде нема да се дозволи билатерални спорови да бидат пречка за остварување на колективната и заедничка цел. Ако ние сите заедно ја чуваме куќата, тогаш и заедно имаме право да си ги кажеме нашите проблеми, разочарувања и очекувања. Ние ќе останеме лојален партнер, и заедно и посветено ќе работиме кон остварувањето на колективните цели.Сосема на крај,Предизвиците се менуваат, но нашата заедничка решителност мора да остане цврста.Нека трагедијата во Кочани ни биде потсетник дека човечноста, солидарноста и заедништвото се најсилното оружје што го имаме.Нека ова ни биде дополнителна обврска, да бидеме подобри, поблиски и побезбедни, заради граѓаните кои ни ја дале честа да ги водиме.“

Македонија | пред 1 година

Птичјиот грип причина за уништување 500 илјади кокошки во Албанија

За само еден месец, откако во соседна Албанија се појави птичјиот грип уништени се неколку живинарски фарми, кои главно се наоѓаа во областа Рашбул, кај Драч.Според официјалните податоци на Министерството за земјоделство, досега од птичји грип Х5Н1 угинале 497.986 кокошки.Министерството за земјоделство излезе со соопштение дека заразените кокошки се уништени преку процесот на палење.Досега се уништени над 975 илјади контаминирани јајца, бидејќи биле во магацините каде што била заразената живина.Како последица на тоа во земјата се чувствува голем недостаток од јајца, а цената на пазарот вртоглаво расте.

Свет | пред 1 година

Полицајците кои се обезбедувачи кај Сиљановска тврделе дека „поршето“ на Срѓан Керим е службено, сега добија дисциплинска постапка

Обезбедувачи од кај претседателката Гордана Сиљановска-Давкова претставиле дека „Поршето“ кое непрописно беше паркирано во Дебар маало е службено возило. Ова го констаитраше внатрешната истрага во МВР, од каде посочија дека е покрената дисциплинска постапка. Тие исто така, отишле во депото на ПОЦ, за да го подигнат возилото, кое го управувал ексдипломатот Срѓан Керим. Во јавноста и медиумите се пишуваше дека Керим седел со сопругот на претседателката Гордана Сиљановска-Давкова, нешто што досега, никој не го потврди, ниту негираше.„Од страна на Одделот за внатрешна контрола, криминалистички истраги и професионални стандарди на МВР извршени се проверки по објавена видео снимка на социјалната мрежа фејсбук на 04.04.2025. На видеото се гледа како група граѓани бараат од полициски службеник, кој постапува со специјално возило „пајак“, да го подигне возилото „порше каен“ со скопски регистарски ознаки, поради тоа што било паркирано на велосипедска патека, односно на коловоз.Полициски службеници од ОВККИПС извршија проверки во ОБПС Скопје и утврдија дека од нивна страна е постапувано по прекршок за погрешно паркирање сторен од возач на патничко возило „порше каен“.По извршен увид во службената документација, констатирано е дека полицискиот службеник С.Н. од ОБПС Скопје, на 22.03.2025 постапувал по Наредба за вршење дејност бр. 3626 од 21.03.2025 година за непрописно паркирани возила. Од страна на граѓанинот С.Н., на телефонскиот број 192 било пријавено дека на ул. “Орце Николов”, во близина на ресторан, непрописно било паркирано возилото „порше каен“.Полицискиот службеник С.Н., со специјално возило „пајак“ и двајца вработени од ЈП за јавни паркиралишта на Општина Центар, се упатиле на наведеното место, каде што било затекнато возилото и револтирана група граѓани кои барале возилото да биде подигнато. На местото на настанот, од угостителски објект излегле две лица кои се легитимирале како полициски службеници и изјавиле дека возилото е службено. Полицискиот службеник С.Н. им наредил веднаш да го отстранат возилото и да го паркираат на соодветно место, по што влегол во кабината на „пајак“ возилото со цел да провери дали возилото навистина е службено.Откако утврдил дека возилото не е службено и дека сè уште не е отстрането, на вработените од ЈП Јавни паркиралишта им дал наредба да го подигнат возилото, по што истото било пренесено во депото. Таму, од страна на полицискиот службеник Х.Ѓ. е составен записник за сторен сообраќаен прекршок по чл. 63 став 6 од ЗБСП, како и прекршочен платен налог, во кој е наведено дека сторител на прекршокот е С.К. (76) од Скопје. Сопственик на возилото е М.Т. (48) од Скопје.Двете лица кои се претставиле како полициски службеници и тврделе дека возилото е службено, со патничко возило „форд мондео“ се упатиле кон депото. Полициските службеници од ОВККИПС извршиле проверки за возилото „форд мондео“ и констатирале дека истото го управувале полициските службеници Т.Д. и И.С., распоредени во Одделението за лично обезбедување на Претседателот на РМ.Со овие полициски службеници е извршен службен разговор, при што е констатирано дека сториле потешко прекршување на работниот ред и дисциплина. Од страна на ОВККИПС до Одделот за дисциплински и судски постапки ќе биде поднесен предлог за утврдување на дисциплинска одговорност“, велат од МВР.

Македонија | пред 1 година

Кешишев ја „одмотува“ мрежата со негови тврдења за Вања; Туфегџиќ: Се разговарало ли за грабнување на повеќе лица, пред грабнувањето на Вања?

Судењето за убиствата на Вања Ѓорчевска и Панче Жежовски, продолжија со испрашување на обвинетиот Влатко Кешишев. Прв започна адвокатот Бојан Манев, бранител на обвинетиот Боре Видевски, кој во Обвинителство призна вина, а пред судот посочи дека ниту учествувал, ниту знае нешто за убиството на двете лица.Адвокатот на Боре Видевски, Бојан Манев: Од каде тргнаа и по која рута се движеа за време на убиството на Панче Жежовски?Обвинетиот Влатко Кешишев: Во Велес јас ги чекав кај пругата, кај црниот паркинг. После саат време мислам дојдоа кај мене, ставивме гориво во ‘цитроенот’ потоа влезе Вилибор со мене во ‘кангуто’ за да ми кажува по кој пат да возам. По нас доаѓаа Палчо и Боре со цитроенот. По стариот пат Велес-Скопје, стигнавме до самиот пункт, Вељо излезе од ‘кангуто’ и појде со нив, со ‘цитроенот’ до јамата. Ги чекав околу пола саат и потоа дојде Велибор, седна покрај мене во ‘кангуто’ и ми кажа каде да возам. Се спуштивме покрај самиот пункт да излезе на автопатот и ми кажуваше каде да возам. Се приклучивме на стариот пат за Катланово, по нас доаѓаа Палчо и Боре со цитронот. На растојание. Бидејќи имаа комуникација со моторолите. И стигнавме до првата населба, Маџари мислам се вика и ми кажаа: ‘на паркингот’. И тогаш стигнаа Палчо и Боре се паркираа позади нас. Палчо ги избриша возачот и мењачот во ВД 40, потоа влезе во кангуот покрај него беше Боре, а позади бевме јас и Вељо.Адвокатот на Боре Видевски, Бојан Манев:  Кога стигнавте во Велес каде се наоѓа тој паркинг плац и дали ги поминувате бензиските пумби?Обвинетиот Влатко Кешишев: Ние не влеговме во Велес, последниот тунел каде што е пред Велес, по индустриска зона и таму стигнавме до тој плац, каде што е блиску до пругата. Но не сме влегле во Велес.Адвокатот на Боре Видевски, Бојан Манев:  Во својот исказ кажа дека после убиството на Вања он ги фрлал лопатите. Може ли да појасни каде ги фрлал?Обвинетиот Влатко Кешишев: Од кога излеговме од местото, се приклучивме на асвалтот, имаше едно 500 метри од патот. Ми кажа мене Палчо да ги фрлам во еден дол со капини. Јас ги фрлив, мене ми рекоа.Адвокатот на Боре Видевски, Бојан Манев:  Дали пред убиството на Вања биле во обиколка на зградата каде што живее девојчето?Обвинетиот Влатко Кешишев: Не сум бил на обиколка, првиот пат кога се проба, вториот пат кога се изврши сум бил, инаку не сум бил во обиколка а не знам дали биле они.Адвокатот на Боре Видевски, Бојан Манев: Дали знае колку влеза има зградата?Обвинетиот Влатко Кешишев: 2, од каде да знам.Потоа, прашања поставуваше и адвокатот Владимир Туфегџиќ, бранител на обвинетиот Александар Ѓорчевски, татко на убиената Вања.Адвокатот Владимир Туфегџиќ: Кажавте дека една година пред грабнувањата и настаните во Велес и Скопје сте биле присутни во штабот во Скопје каде се правеле планови за грабнување со кои не сте се согласувале, дали во ваше присуство имало разговори за повеќе лица кои требало да бидат грабнати пред да се донесе одлука за грабнување на особата во зградата во Скопје?Обвинетиот Влатко Кешишев: Знаев дека првиот пат кога ја ископавме дуппката дека ќе биде наметнета за киднапирање на луѓе, на човек, после тоа немаат разговарано за други работи до тоа што се случи во Панче. Да имав слушано муабети, не се правдам, не ме интересираше. Помина долго време од кога се правеше тој муабет а немаше ништо. Јас не се правдам, не но го сфатив тоа здраво за готово, се додека не се случија тие работи.Адвокатот Владимир Туфегџиќ: Кога се вративте со ‘цитроенот’ од Велес во Скопје кога за прв пат слушнавте договарање на друга особа?Обвинетиот Влатко Кешишев: Мислам дека тоа беше првиот пат кога немаше успех. Потоа вториот пат, се случи тоа.Адвокатот Владимир Туфегџиќ: На 15.12.2023 ќе кажете пред јавен обвинител: ‘По ден ипол околу пладне дојдоа Велибор и Боре, го донесоа ‘кангуто’ и тогаш се договараа за грабнување на особа женска а на која не знам. Дали тоа е точно?Обвинетиот Влатко Кешишев: Не се сеќавам точно, не ескивирам и не лажам за тоа.Адвокатот Владимир Туфегџиќ: Колку состаноци имало за грабнување на особата од зградата во Скопје?Обвинетиот Влатко Кешишев: Па не знам колку точно, неколку пати кога доаѓашe Велибор во штабот, се почнуваше таа тема.Адвокатот Владимир Туфегџиќ: Kолку временски траеле овие состаноци?Обвинетиот Влатко Кешишев: Јас не бев присутен до крај, не се правдам ама не знам колку долго.Адвокатот Владимир Туфегџиќ: Дали сте слушнале некои од присутните da разговарале со таткото на особата што треба да се грабне?Обвинетиот Влатко Кешишев: Не тука во судница слушнав прв пат, од Велибор или не знам кој.Адвокатот Владимир Туфегџиќ: Што мислевте вие зошто треба да се грабне таа особа?Обвинетиот Влатко Кешишев: Не мислев ништо, бидејќи не го сфатив сериозно тоа додека не се случи.Адвокатот Владимир Туфегџиќ: Дали знаевте или слушнавте од кого треба да се бараат пари за грабнатото лице?Обвинетиот Влатко Кешишев: Не знам тоа беше договор меѓу нив.Адвокатот Владимир Туфегџиќ: Дали ја видовте сликата од особата која требаше да биде грабната?Обвинетиот Влатко Кешишев: Не, кога се вративме во штабот на ФБ ја видов сликата од детето, до тогаш немав видено никаква слика.Адвокатот Владимир Туфегџиќ: Кога за прв пат дознавте за таткото на детето?Обвинетиот Влатко Кешишев: Кога го доведоа во притвор слушнав дека разговарале со таткото на детето. Во притвор слушнав дека се вика Александар.Дали вие еслушнавте или видовте како Љупчо Палевски како разговара со Александар Ѓорчевски? Не го слушам ниту го пратам со кого разговара.Дали знаевте дека пред зградата нема камера? Не знам, не сум информиран.Адвокатот Владимир Туфегџиќ: Дали денот кога е грабнато детето имавте мобилни телефони или само радио станици?Обвинетиот Влатко Кешишев: Никој немаше телефон беа само трите радио станици.Адвокатот Владимир Туфегџиќ: Каде го оставивте мобилниот телефон пред да тргнете да ја грабнете особата од зградата во Скопје?Обвинетиот Влатко Кешишев: Сите телефони мислам беа во штабот.Адвокатот Владимир Туфегџиќ: Дали слушнавте дека некој кажал дека некој кажал дека девојчето е погрешка грабното и дека не требало да биде грабното?Обвинетиот Влатко Кешишев: Не бидејќи бев на 20-тина метри поставен за стража и немав слушнато разговори.Адвокатот Владимир Туфегџиќ: Дали некој во ваше присуство пред убиството се јавил на мајката и таткото на детето?Обвинетиот Влатко Кешишев: Не знам, не сум видел не сум слушнал.Адвокатот Владимир Туфегџиќ: Дали по убиството некој ги спомена мајката и таткото на детето?Обвинетиот Влатко Кешишев: Не сите ќутеа, и јас.

Македонија | пред 1 година

Палевски го испрашуваше Кешишев кој му рече дека се плаши од него: Дали во ранецот, Палевски го носел пиштолот?

Првообвинетиот Љупчо Палевски-Палчо, го започна распрашувањето на обвинетиот Влатко Кешишев. На претходното рочиште, Кешишев побара Палчо да биде изваден од судницата, оти тој би бил причина за да сведочи невистини. Палевски во имениот на Кешишев бил запишан како „царот“, а во неколку наврати има сведочено дека го слушал сѐ што ќе му кажел. И на ова рочиште, Кешишев рече: „Уште имам страхопочит кон тебе“.Палевски најмногу време посвети да поставува прашања за ранецот кој претходно го споменуваше Кешишов. Меѓу првите прашања до обвинетиот му беше: Зошто кога ќе се спомене ранецот, Кешишов зборува за пиштол со кој се извршени двете убиства.„Претпоставувам дека пиштолот е во ранецот. Ако беше во тебе, на телото, ќе се препознаеше, ќе се видеше преку маицата. Затоа и претпоставувам дека пиштолот бил со моторолите во ранецот“, рече Кешишев.Првообвинетиот Љупчо Палевски-Палчо: Кажавте дека ме познавате 2 години, па ве прашувам во тој период слушнавте закани, навреде и уцени од мене кон вас?Обвинетиот Влатко Кешишев: Не, никогаш.Првообвинетиот Љупчо Палевски-Палчо: Во истиот тој период сте слушнале на посетители, членови да им се зкаанувам, навредувам или оценувам?Обвинетиот Влатко Кешишев: Не секогаш на другите им даваше совети, немам слушнато во периодот додека бев таму.Првообвинетиот Љупчо Палевски-Палчо: Во истиот период, било кога сте слушнале закана кон Велибор Манев?Обвинетиот Влатко Кешишев: Не никогаш.Првообвинетиот Љупчо Палевски-Палчо: Дали ви се пожалил Велибор дека е уценет од мене?Обвинетиот Влатко Кешишев: Не.Првообвинетиот Љупчо Палевски-Палчо: Забележавте дека Велибор Манев не по своја волја презима и извршува дејствија?Обвинетиот Влатко Кешишев: Какви дејствија?Првообвинетиот Љупчо Палевски-Палчо:  Дејствија кои ги споменавте во вашиот исказ. Поконретно: Дали за време на настаните забележавте дека Велибор Манев не по своја волја извршува дејствија?Обвинетиот Влатко Кешишев: Не.Првообвинетиот Љупчо Палевски-Палчо:  Кажавте дека сте биле домаќин во штабот, Може ли било кој да изнесува било што од штабот без јас да дадам дозвола?Обвинетиот Влатко Кешишев: Не, прво требаше да се праша Палчо пред да се изнесе и изнесе. Зад негов грб ништо не се работело, без да знае он.Првообвинетиот Љупчо Палевски-Палчо:  Штабот кој го споменавте имаше 80 м2 на двата ката, каде сте забележале ранец во штабот?Обвинетиот Влатко Кешишев: Не сум видел, не се сеќавам.Првообвинетиот Љупчо Палевски-Палчо:  Во штабот освен мојот пиштол кој ми беше одземен во ваше присуство 6 месеци пред настаните, сте виделе друго оружје?Обвинетиот Влатко Кешишев: Не знам, не сум видел. Не знам каде стоел ранецот, но главно Палчо го носеше.Првообвинетиот Љупчо Палевски-Палчо:  На монтираните видеа на ОЈО, на незаконски начин презентирани во судот, на инсертите каде носите ранец и гориво, се гледа Љупчо Палевски или Влатко Кешишев и Велибор Манев?Обвинетиот Влатко Кешишев: На тоа што видов, се гледам јас и Велибор,  кога ми кажа да го извадам ранецот од ‘кангуто’ и да го внесам во гаражата.Првообвинетиот Љупчо Палевски-Палчо: Кога последен пат сте го виделе или носеле плавиот ранец?Обвинетиот Влатко Кешишев: Мислам дека само тогаш беше.Првообвинетиот Љупчо Палевски-Палчо: На месноста Дупки го носевте ли ранецот?Обвинетиот Влатко Кешишев: Не јас цело време бев во ‘кангуто’, не сум видел ниту носел ранец.

Македонија | пред 1 година

Тешки изгреници на главата и вратот, 90 отсто оштетени дишни патишта, откажани бубрези, се само дел од повредите на починатиот Карадаковски во „Пулс“

Александар Карадаковски, пациентот кој почина во Литванија како последица на пожарот во дискотеката „Пулс“ воКочани, имаше 29 години. Тој вториот ден по неговиот прием во болница, бил транспортиран во Литванија. Небојша Настов, директор на болницата „св. Наум Охридски“, рече дека тој имал тешки изгореници на главата, вратот, екстремитетите уште пред да биде испратен на лекување во странство.„Во текот на денот дојде до влошување на состојбата, попладнето беше потребна механичка вентилација односно интубација. Изгорениците не беа мали, вкупната површина беше 36 отсто, претежно на горните екстремитети, главата и вратот. Со длабочина од втор и трет степен. И заради оној дел од пламенот, од чадовите кои ги вдишал, дошло до оштетување на внатрешните дишни органи. Оштетено беше голем дел од дишното стебло, затоа се влошила состојбата. Тоа довело до подлегнување на повредите. Пациентот 24 часа по приемот, со медицински авион беше префрлен во Литванија. Мора да бидеме свесни дека поголемите изгореници и повреди, не секогаш ќе завршат добро“, рече Небојша Настов, директор на болницата „св. Наум Охридски“.Таравари рече дека раните од втор и трет степен отвориле простор за инфекции.„Испратен беше на 17 март, втор ден по трагедијата во Кочани. Имаше 29 години. Тој беше најтешкиот пациент. На 1 април му откажаа бубрезите, беше ставен на дијализа. Имаше температура, рани. Раните од втор и трет степен отвора простор за инфекции“, рече Таравари.Карадаковски беше и осомничен како управител на хартија, на фирмата „ММММ Кафе ДООЕЛ“ под која функционирала дискотеката „Пулс“. Обвинителството ја запре постапката, а тој стана жртва на пожарот.

Македонија | пред 1 година

(Видео) Година дена наназад пред убиствата на Вања и Панче се подготвувале грабнувања на луѓе, ова треба да нѐ загрижи, укажа Туфегџиќ и побара истражните органи да реагираат

Адвокатот Владимир Туфегџиќ го впери прстот во Обвинителството, оти не реагирале по сведочењата на дел од обвинетите во случајот за убиството на Вања Ѓорчевска и Панче Жежовски, дека грабнувања и убиства се планирале уште пред да се реализираат овие две. Во однос на обвинетиот Александар Ѓорчески, татко на Вања, вели дека и со исказот на обвинетиот Влатко Кешишев, кој рече дека за таткото првпат чул во притвор, се докажува дека тој нема никаква вина.„Уште еден сведок кажа дека година дена наназад пред случувањата во Скопје и Велес, се подготвувале грабнувања на луѓе и за такви активности кои сите нас треба да нѐ загрижат. Наместо Јавното обвинителство да тргнат во таа насока, ја дефокусираа истрагата со неоснованото обвинвање на Александар, а тоа е поради не поседување на унифицирани стандарди за постапување во ваков случај“, укажа Туфегџиќ.Тој додаде дека Обвинителството не постапило и по неговите пријави дека во странски држави се објавувале докази од постапката за убиството на Вања, алудирајќи на објавите од српскиот политичар Срѓан Ного.„Обвинителството не постапи ни по пријавите за тортура, ни по известувањето за објавување на дел од доказниот материјал од странска држава. Не добивме одговори на многу прашања. Се надевам дека ќе преземат нешто“, додаде тој.

Македонија | пред 1 година

Кочани пуштено низ вода: алармира независниот советник Крстевски

Венко Крстевски кој е независен советник во општина Кочани во два мандати, се огласи преку социјалните мрежи со барање веднаш да се избере ВД градоначалник. По оставката на Љупчо Папазов ден по катастрофалната трагедија, можна е блокада на институциите.Еве што напиша Крстевски:„КОЧАНИ ПУШТЕНО НИЗ ВОДА!Пред скоро три недели градоначалникот Љупчо Папазов поднесе оставка. Во секоја нормална држава кога првиот човек на градот поднесе оставка, алармите треба да се вклучат, посебно после ваква епохална катастрофа што го снајде Кочани.Бидејќи е таква ситуацијата може да се очекува наскоро блокади на институциите во нормалното функционирање, затоа што нема да има плата за пожарникарите, градинките, школите, библиотеката, нема трансфер на средства за КЈП Водовод по основ на програми, нема исплата на обврски спрема добавувачи, нема исплата кон спортски друштва и здруженија на граѓани.Заглавени се сите процедури и документи како уверение за социјална помош, оставинска постапка, купопродажни договори, договори за поклон, одобренија за градба итн. Нелегални објекти кои се безбедносна опасност продолжуваат да работат непречено.Имаше најави за СЕРИОЗНА дополнителна ФИНАНСИСКА ПОМОШ на Кочани од Централната власт, до сега со ОДЛУКА на Влада тие ПАРИ МОРАШЕ да бидат ОДОБРЕНИ, истите ветувања спласнуваат. Дали ќе биде ,,секое чудо за три дена” па така ќе се заборави и со овие ветувања?!Закочени се сите тековни проекти, а камо ли да се работи на реализација на нови, кои се повеќе од потребни.И посебен АПЕЛ до Владата, освен со поддршка на Општината по однос на проекти од унгарскиот кредит, НАЈИТНО да се пренаменат ФИНАНСИИ за Центар за рехабилитација со геотермални води, (иаме изгласно ДУП и соодветна маркица за објект до градскиот базент), да се одобрат финансиски средства за изградба на Пензионерскиот дом (имаме готов проект и документација (парите беа укинати од претходната власт)), да се изгради прифатилиште за уличните кучиња (за што имаме готов проект), задолжително регионално прскање против комарци (за да биде ефективно) и сериозна студија по истото прашање. Има уште многу идеи и проекти, но овие можат да се реализираат за неколку месеци.Јас сум моментално во Виена (Австрија), потребен ми е психолошки одмор, но сум само еден и независен советник во Општината, не одлучувам за изборот на В.Д. Градоначалник (кои сметам дека треба да е со широк консензус) и затоа ги повикувам Власта и најголемата опозиција (нивните лидери вчера имаа состанок во Владата) да помогнат на Кочани во најбрз рок да се избере градоначалник и да се помогне градот финансиски со проекти.“

Македонија | пред 1 година

Филипче: Прво одбиваат лидерска, а потоа обвинуваат за моноетничност, ги повикувам повторно сите заедно на средба

Јас повикав на средба со сите претседатели на политичките партии, и да ве потсетам, претседател на една албанска партија рече дека тоа би било губење на време, а сега нè обвинуваат за некаква моноетничка средба.Ова го истакна претседателот на СДСМ, Венко Филипче во одговор на новинарско прашање поврзано со обвинувањата од албанскиот блок на политички партии дека вчерашната средба во Владата со премиерот Христијан Мицкоски е план за моноетничка соработка.„Јас на тој состанок го претставував СДСМ, а премиерот Христијан Мицкоски ВМРО-ДПМНЕ и ние се состанавме како лидери на двете најголеми партии во македонскиот блок. Притоа, премиерот Мицкоски беше првиот којшто без забелешка и единствен кој ја прифати поканата за средба“, истакна денеска Филипче од Струмица.Тој уште еднаш упати јавен повик до сите политички партии за организирање на лидерска средба.„Апсолутно сметам дека треба да продолжиме во следниот период во насока на организација на средба на лидерите на сите поголеми политички партии. Ова нека биде уште еден мој повик до сите партии бидејќи јас тука не гледам никаква потреба да се делиме на македонски или албански блок кога станува збор за интересите на државата“, потенцираше претседателот на СДСМ.Филипче истакна дека никој нема право да го обвинува Социјалдемократскиот сојуз на Македонија за етнички или националистички политики или пристап имајќи предвид дека во извршниот одбор на СДСМ има Албанец, Македонка муслиманка, а во следниот период ќе има и Ромка.Претседателот на СДСМ повтори дека вчерашната средба со премиерот била конструктивна и на неа било договорено формирање на заеднички тела или групи кои ќе работат на подготовката на законите од реформската агенда, со фокус на правосудството, енергетиката и стратешките проекти во здравството, а кои треба да стигнат во Собранието.

Македонија | пред 1 година

Полицајците кои игнорирале противзаконско однесување ќе бидат казнети, најави Јанев директор на БЈБ

Директорот на БЈБ, Александар Јанев, најави санкција за секој полициски службеник кој нема да постапува согласно законите и кодексот за етичност и интегритет. Ова доаѓа по двата случаи кои беа објавени овие два дена. Првиот со полицаецот кој стои кај Градска болница додека возила поминуваат на две полни линии за да се приклучат на летните за спротивна насока, а вториот за полицаецот во Дебар маало со „Поршето“ на ексамбасадорот Срѓан Керим.„Не отстапуваме од нашата одлучност за чесно, професионално и со висок интегритет извршување на полициската должност. Максимално транспарентно и посветено се проверуваат сите околности на (не)постапувањето на полициските службеници во двете ситуации за кои јавноста оправдано реагира. Полицијата е тука да ги спроведува законите фер и без исклучоци, да ги брани правата на сите, без разлика на потекло или припадност. Никој, без разлика на неговата позиција, не е над законот! Никој не смее и нема да дозволиме да отстапува од кодексот и постапување со етичност и интегритет. Секое однесување што ја нарушува довербата на граѓаните треба и ќе биде откриено и санкционирано. Апелирам до сите чесни и совесни граѓани да се приклучат во откривање на секое несовесно, неодговорно или непрофесионално работење на кој било припадник на полицијата. Заедно, да ја изградиме полицијата како вистински сервис за народот, а не како сила која владее со него.

Македонија | пред 1 година

Филипче: 118 семејства ќе добијат дом

Претседателот на Социјалдемократскиот сојуз на Македонија, Венко Филипче, денеска заедно со градоначалникот на општина Струмица, Коста Костадинов, ја посетија локацијата во Струмица каде што е изградбата на социјалната населба и за која започнува втората фаза на реализација. Станува збор за еден од поголемите капитални проекти во оваа општина, во рамки на кој ќе се изградат вкупно 118 куќи со кои трајно ќе се реши проблемот за домување на социјално ранливите граѓани од турското маало во Струмица.„Ова ќе биде една цела нова населба, еден мини град, каде градежните работи се почнати од нула. На локацијата немаше ништо, а сега веќе има канализација, има струја, има улица и во следната односно последна фаза ќе почне изградбата на објектите. Ова ќе биде наслба во којашто ќе се сместат луѓе од ранливи категории кои сега живеат во супстандардни и небезбедни услови. Во овие 118 станбени единици со соодветни стандарди, квалитетот на животот на тие граѓани значајно ќе се подобри и дополнително ќе се решат инфраструктурните проблеми во близина на оваа населба, како што е водоснабдувањето“, рече Филипче.При тоа Филипче посочи дека овој и сите други проекти на локалната самоуправа на Струмица ги отсликуваат социјалдемократските вредности за еднаквост и грижа за сите граѓани.„Ова е само еден во низата на крупни проекти на општина Струмица. Ќе ги споменам новиот пазар, автобуската станица, електричниот јавен превоз со кој Струмица е прв град на Балканот со ваков превоз“, изјави Филипче, додавјаќи дека општина Струмица е пример како со дела се развиваат и имплементираат проекти кои суштински менуваат работи и го подобруваат животот на граѓаните.

Македонија | пред 1 година

Уште три повредени од „Пулс“ се во тешка состојба, Таравари: Многу се критично, се надеваме дека ќе оди на подобро

Министерот за здравство, Арбен Таравар, кажа дека и натаму, тројца пациенти се во критична состојба. За нив рече: „Да се надеваме дека ќе оди на добро, ама состојбата за нив е многу критична“.Таравари посочи дека другите пациенти се во добра состојба. Пет се испишуваат од скопските болници, а шест се враќаат назад од лекувањето во странство.„Од 14 пациенти, пет ќе бидат испишани да се лекуваат дома. Девет остануваат во болниците во Скопје. Денеска се враќаат шест пациенти, два од Бугарија, два од Шпанија, два од Унгарија. Стабилни се и добри. Ќе се лекуваат уште 24 часа во нашите болници и ќе бидат пуштени на домашно лекување. Надвор од државата остануваат 69 пациенти од кои три се во критична и нестабилна состојба. 118 пациенти се во домашни услови и добри се“, рече Таравари.

Македонија | пред 1 година

Обвинителството ја запре постапката за Карадаков, управител на „Пулс“ кој почина лекувајќи се во странство

Со минута молк во знак на почит кон настраданите во трагедијата во кочанската дискотека “Пулс”, во која бројот на жртвите денеска се зголеми на 60, започна денешниот состанок на стручниот колегиум на Јавното обвинителство во проширен состав.„Обвинителскиот тим кој постапува во предметот на Основното јавно обвинителство Кочани за утврдување кривична одговорност за трагедијата го запозна колегиумот со преземените дејствија до сега, со начинот и концептот на истражување и со стручните аспекти на предметот кои ги има предвид при истражувањето.Стручниот колегиум на Јавното обвинителство изрази целосна поддршка за досегашната работа на обвинителите, кои во моментов паралелно водат истражна и предистражна постапка од широк опсег со цел целосно испитување на одговорноста за овој настан. Сите капацитети на Јавното обвинителство се ставени на располагање на тимот за ефикасно завршување на истрагата.Со оглед на тоа што денешната 60-та жртва од катастрофалниот пожар во Кочани е лице кое претходно беше опфатено со наредбата за спроведување истражна постапка, во својство на управител на правно лице, Основното јавно обвинителство Кочани по прибавување на официјалната документација за настапената смртна околност ќе донесе наредба за запирање на истражната постапка за него“, велат од Обвинителството.

Македонија | пред 1 година

(Видео) Полицаецот од Дебар маало под истрага на внатрешна контрола, газдата на „поршето“ казнет

Во врска со видеото на социјалните мрежи на кое се гледа непрописно паркирано возило со скопски регистарски ознаки на територија на Дебар Маало во Скопје, Министерството за внатрешни работи ја информира јавноста дека конкретниот настан се случил на 22.03.2025.Тие додаваат: Имено, возилото е подигнато од страна на ПОЦ, а од страна на СВР Скопје преземени се мерки по член 63 став 6 од Закон за безбедност на сообраќајот на патиштата и на возачот на возилото С.К. издаден му е платен налог. Исто така ве информираме дека предметното возилото не е на полициски службеник. Во врска со постапувањето пак на полициските службеници при подигнувањето на возилото, веќе постапува Одделот за внатрешната контрола, криминалистички истраги и професионални стандарди при МВР и по завршување на целокупната постапка соодветно ќе ја известиме јавноста“.

Македонија | пред 1 година