Филипче: Слушајќи го алармот на граѓаните предлагам концепт за нов општествен и политички дијалог

„После големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите 3 децении, тоа што се нарекува реформи, тоа што се нарекува транзиција, очигледно не го даде посакуваниот резултат“, претседателот на СДСМ, Венко Филипче и додава:Системот на многу места очигледно не фукционира како што треба. Јавните сервиси немаат перформанс каков што граѓаните заслууваат.За тоа вина имаме сите политички партии, СДСМ, ВМРО-ДПМНЕ, ДУИ, другите политички партии. Слушајќи го овој аларм и барање на граѓаните, слушајќи го и алармот што го покренуваат и компаниите и бизнисите, потребно е да се направи еден систем, една нова форма на политички дијалог, би рекол и општествен дијалог во којшто ќе се вклучат сите политички патии и други чинители во општеството. Да се изготват стратешки документи, ќе се направи стратегија а врз основа на која државата ќе функционира во следните повеќе од една деценија, деценија и пол или две децении. Многу повеќе од мандатот на која било влада и било која парија или коалиција да ја води таа влада бидејќи очигледно е дека во одредени области мораме да знаеме на кад одиме.Во таа смисла, ќе напомнам неколку области во коишто сметам дека е многу битно да се комуницира и да се направи еден ваков пристап.Прво е образованието. Ние немаме веќе деца да ги губиме со тоа што ќе одат во странство. Треба да го зајакнеме тој систем. Сме се обиделе и ние, се обидел и ВМРО-ДПМНЕ очигледно нема посакувани резултати.Понатаму здравството. Не може само да посакуваме да бидеме здрави, тоа навистина го заслужуваме да го имаме. Тој јавен сервис мораме да го подобриме и здравството и образованието треба да ги тргнеме од дневно политичките пресметки, надмудрувања, математики и тоа да биде навистина стратешки интерес на државата.Понатаму правосудното, неминовно е да се донесат реформската агенда во што пократок рок реформските закони во одреден систем во којшто ќе се постигне широк консензус не само политички туки и други фактори од делот на правосудството на коишто ова навистина им е експертиза.Понатаму, заслужуваме да живееме во чиста животна средина да дишеме, а не загаден, токсичен воздух. Македонија има огромни природни богатства мора да најдеме начин да ги заштитиме и да ја исчистиме животната средина.И последната работа, тоа што граѓаните најмногу ги иритира а тоа партизацијата и политизацијата. Мора да ги ослободиме институциите од канџите на политиката и паријата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво.Во таа смисла, добро е на овие теми да седнат лидерите на сите партии. Може за почеток на парламентарните партии. Ги видов реакциите, го видов и одговорот на премиерот и би му го образложил овој план и подетално на средба во следните денови.Се надевам дека после тоа, врз основа на ова што сега го образложив ќе се приклучат и другите политички партии и сметам дека е крајно време, премногу време е поминато за ние да зборуваме дека нешто треба да се промени и видовме како трагедијата во кочани на површина извади многу системски пропути и мислам дека е крајно време сите да седнеме и заедно да работиме за доброто на државата.Линк до видео:

Македонија | пред 1 година

Кешишев раскажа за планот за грабнувањето на велешанецот Панче: Копавме дупка, мислев се бара злато, па Велибор кажа дека е за киднапирање

Обвинетиот Влатко Кешишев во судница призна дека тој заедно со Велибор Манев, ја копале дупката во која подоцна беше фрлено телото на убиениот велешанец Панче Жежовски. Дупката ја ископале во 2022 година, активност за која Кешишев вели: „Во прво време помислив дека бараме злато, бидејќи не ми беше кажано ништо, така копавме, па се стемни, па се вративме назад“. Тој знаел и учествувал во киднапирањето, но посочува дека не знаел дека Жежовски е фрлен во дупката во чие копање тој учествувал.Целиот распит за грабнувањето и убивањето на Панче Жежовски:Адвокатот Игор Ефремов: Влатко дали се познаваш со останатите обвинети, ако да, со кои и од кога?Обвинетиот Влатко Кешишев: Се познавам со сите. Од штабот на Десна, ги запознав во Опера Хаус, кога почнав таму да работaм крајот на септември, кога се вратив од Хрватска. Со еден сопартиец од Штип зборевме дека треба да готвам за децата преку патот, има училиште, бидејќи најуваа дека „лок даун“. Спремивме мал шанк и се што е потребно да не влегуваат внатре и од таму да испорачуваме сендвичи за децата. Бидејќи немаше лок даун останав да готвам за Палчо, за мене и некој гостин ако побара. Палчо го запознавам на протест во Скопје и повеќе се запознававме во Опера Хаус. Таму ги запознав и Велибор и Боре.Адвокатот Игор Ефремов: Дали го познаваш Александар Ѓорчевски? Обвинетиот Влатко Кешишев: Епа го видов овде во судница.Адвокатот Игор Ефремов: Кои беа твоите обврски во партијата и кој ти ги даваше обврските?Обвинетиот Влатко Кешишев: Мојата обврска беше да готвам и да ги пречекувам гостите кои ќе доаѓаат во партијата за да даваат поддршка на партијата која тогаш беше Движење Трета. Служев, давав кафе, сок, вода така ќе ги пречекував сите.Кешишев рече дека не бил вработен, не примал плата од партијата но не се жали бидејќи тоа беше акција да се формира една партија. Кешишев имал понуди да работи на други места, а добар впечаток имал оставено и во Хрватска. Но сакал да работи за партијата. Адвокатот Игор Ефремов: Дали ги познаваш оштетените?Обвинетиот Влатко Кешишев: Не, ги видов на ФБ, до тогаш ги немав видено. Кога беше објавено за Панче, првиот пат, а за Вања видов кога се вративме видов на ФБ дека девојчето се бара. Адвокатот Игор Ефремов:  Дали имаш учествувано во копање на дупка во близина на Велес?Обвинетиот Влатко Кешишев: Да, тоа беше 2022 година, во недела дојде Велибор во работно одело, бевме сами јас и Палчо, бидејќи во недела спрема емисија за навечер. Тогаш не ми кажаа што е работата само ми кажаа да им помогнам, јас го послушав, отидовме заедно со Вељо, со неговата кола. Стигнавме кај местото Рудник, по стариот пат, од кај Катланово, таму имало стар пат за Велес и од таму се оди за Рудник. Кога стигнавме таму, Вељо извади лопати и влеговме во едни грмушки. Закриено место. И таму обележа еден круг Вељо и почна да копа, ништо не зборувавме. Јас ја исфрлав земјата. Во прво време помислив дека бараме злато, бидејќи не ми беше кажано ништо. Така копавме до 2 метри длабочина се пакувавме и се вративме назад. Не зборувавме ништо. Се сучуваше во недела, бидејќи Вељо беше само во недела слободен. Пак отидовме двајцата на истото место и почнавме пак да работиме, он да копа, јас да ја исфрлам земјата. Мислев дека се работи за злато. Нелакомо на тоа, само на тоа помислив.Дупката била наменета за киднапирање на лице му кажал Вељо, сведочеше Кешишев. Дупката стоеше отворена од 2022 година додека не случи со Панче, рече обвинетиот. Обвинетиот Влатко Кешишев за снимките од куќата на Велибор Манев: Бев вечерта со Палчо, датум не паметам, се работи за таа вечер. Палчо го носеше ранецот, и го стави на совозачкото седиште каде што седев јас помеѓу нозете и тој ми побара да го извадам. Претходно извадив кеса, внатре се гледаа токи-воки моторилите. Кесата ја однесов во гаражата каде пиевме кафе и се договараа што како. Мислам дека ранецот го вративме во возилото.На прашањето што разговарале таа вечер Кешишев кажа: „Се разговараше за Панче и како да се пријде до него во куќата. Околу половина час разговаравме. Потоа ги земаа токи-воки, тројцата и тргнаа кон Панче, кон куќата. Мене ме оставија да го земам „кангуто“ и да чекам долу на страна на патот. За да се вратат они“ рече Кешишев и дополни дека тој немал моторола и ги чекал околу 40-тина минути.Потоа се вратија, рече Кешишев, кажаа дека ништо не бива и се вративме назад во штабот во Скопје.„Вториот пат, сабајлето утре дента, тогаш успееја. Отидовме пак, мене ме оставија кај пругата. Палевски замина, како што се договорија кај Панче. Јас останав во ‘реното кангу’, бидејќи Палевски ми рече да не излегувам да го чекам да се врати“ рече Кешишев и кажа дека ги чекал околу еден час.„Се вратија со ‘Цитроенот’ со нив тројцата, они се спуштаа и се паркираа покрај ‘кангуто’, со цитроенот на Панче. Запаливме по една цигара и тогаш Палчо го фрли во фолот, каде што имаше капини. И се договоривме ние да одиме, до мене седна Вељо и ми покажуваше патот. Возевме 200-300 метри а во ‘Цитроенот’ беа Боре и Палчо. Вељо имаше моторола и му кажуваше дека патот е чист. И тогаш стигнавме до тоа место, Вељо излезе од  кангуто, отиде со нив, со ‘Цитроенот’, до дупката. Кога се вратија Вељо пак седна до мене и ми кажа да влеземе на стариот пат до Катланово. Од таму стигнавме до првата населба, Маџари или како се вика,не знам. Палчо му јави на Вељо да се паркираме на поголем паркинг, а тој се паркираше позади нас. Излегоа од колата и мислам дека ги избриша воланот и мењачот со ВД 40, и дојде во кангуто и до него седеше Вељо, а јас и Боре бевме позади во кангуто и стигнавме во штабот“.Кешишев не знаел дека Жежовски е во гепекот, тоа го слушнал додека разговарале останатите обвинети. По пат до Скопје не зборувавме ништо, Велибор зборуваше само со Палевски.„Не го видов Панче Жежовски бидејќи рекоа го ставиле во ќебе, во гепек. Од тоа што разговараа, дознав дека Панче е во гепекот. Кога дојдовме во штабот на партијата во Скопје, тогаш сфатив дека Панче всушност е убиен“, тврди Кешишов.„Во штабот дознав дека грабнатиот Панче е убиен и фрлен во дупката“ рече Кешишев.„Која беше целта во разговорите за грабнување на Панче Жежовски?“, беше прашан обвинетиот, на што одговори: „Целта пред се беше за возилото, човек кој живее сам кој нема да го бараат. Возилото да се грабне за друга намера“.

Македонија | пред 1 година

Цел свет ја чека одлуката на Трамп, европските берзи во минус

Цените на акциите паднаа на европските берзи од утрово, бидејќи инвеститорите останаа внимателни пред објавувањето на одлуката на американскиот претседател Доналд Трамп за реципрочни царини, што значително ќе влијае на пазарите.Индексот STOXX 600 на водечките европски акции во 9:30 часот беше во минус за 0,2 отсто. Истовремено, лондонскиот FTSE индекс ослабна за 0,21 отсто, на 8.616 поени, додека франкфуртски DAX се лизна за 0,55 отсто, на 22.415 отсто, на 22.415 отсто, на 5,7 отсто C, на 5,5 отсто, а парискиот индекс на 5,4 отсто C.Инвеститорите се претпазливи бидејќи Трамп ќе ги објави одлуките за реципрочни царини во среда попладне.На пазарите владее голема неизвесност бидејќи не се знае дали ќе се применуваат царини за увоз од сите земји или само за оние со кои САД имаат најголем трговски дефицит, дали стапката на царинење ќе биде иста за сите или за различни.И додека едни велат дека по најавата на Трамп ситуацијата ќе биде јасна, други не се сигурни во тоа.„Мислам дека нема да ја добиеме јасната слика што ја сакаат инвеститорите и деловните луѓе. Поминавме многу време зборувајќи за тарифите, но поважна е приказната за економијата, која не е со полна брзина“, рече Гарет Мелсон, стратег во Natixis Investment Managers Solutions.Можеби ситуацијата со царините ќе биде појасна во среда, но одговорот на прашањето како овие тарифи ќе се одразат на економијата ќе треба да се почека уште некое време.Повеќето аналитичари очекуваат пораст на инфлацијата и негативно влијание врз меѓународната трговија, а со тоа и врз економскиот раст.И бидејќи многу земји, вклучувајќи ги Кина, Канада и Европската унија, најавија контрамерки, инвеститорите стравуваат од ескалација на тарифната војна, што дополнително ќе ја влоши ситуацијата во глобалната економија.„Трамп го нарече 2 април „Ден на ослободувањето“, но малку е веројатно дека пазарите навистина ќе бидат ослободени од тарифната несигурност.Тргувањето на азиските берзи е исто така претпазливо. Индексот на азиско-пацифичките акции MSCI порасна за 0,1 отсто во 9:30 часот, Јапонскиот индекс Никеи порасна за 0,3 отсто, додека цените на акциите во Хонг Конг, Шангај и Австралија пораснаа меѓу 0,1 и 0,3 отсто. Во Јужна Кореја, пак, тие паднаа за 0,6 отсто.

Свет | пред 1 година

Советот на обвинители застана зад Коцевски и се спротистави на Владата - сметаат дека државниот обвинител треба да остане на функцијата

Претседателката на Советот на јавни обвинители, Душица Димитриеска, рече дека членовите даваат негативно мислење за разрешување на државниот обвинител Љупчо Коцевски. Таа не ги образложи причините и рече дека за тоа ќе биде запознаена Владата. Притоа јавноста беше исклучена од седницата, па не можеше да ја следи дискусијата која се водеше пред да се донесе ваков заклучок.„Разгледувајќи го предлогот на Владата по однос на разрешувањето на јавниот обвинител, донесе одлука со мнозинство и дава негативно мислење по однос на предлогот на Владата за разрешувањето“ рече Душица Димитриеска.„Јавноста беше исклучена по предлог на Советот, со цел заштита на угледот и интегритетот, како и заштита на податоците кои ги достави јавниот обвинител во предлогот“, рече Димитриевска.Прашана како јавноста да биде уверена дека нивната одлука е исправна кога не ја следела дискусијата, Димитриевска рече дека ќе може јавноста да чита записници.Димитриевска беше прашана и кои се аргументите поради кои Советот не се согласува со разрешувањето на Коцевски и одговори: „Во однос на тоа немам коментар. Советот ќе го изготви мислењето и ќе го достави до Владата“.Процедурата за разрешување на Коцевски ја започна Владата. Тие побараа мислење од Советот на обвинители, а членовите на Советот бараа став од Коцевски. Но и по негативното мислење од Советот – процедурата може да продолжи во Собранието. Конечниот збор можат да го имаат пратениците.Но, по трагедијата во Кочани, Мицкоски рече дека ќе се паузира со разрешувањето на Коцевски, со цел, да се спроведе квалитетна и темелна истрага за пожарот во дискотеката. Владата нема да го праќа мислењето од Советот на обвинители до Собрание.

Македонија | пред 1 година

Палевски отстранет од судница, оти Кешишев се плаши да сведочи пред него

Обвинетиот Влатко Кешишев се плаши од првообвинетиот Љупчо Палевски-Палчо, кој беше отстранет од судница. Адвокатот на Влатко Кешишев, Игор Ефремов, потсети дека Палчо веќе еднаш се обидел да изманипулира со Кешишев, давајќи му изјава за да ја препише, а потоа, да ја претстави како негова, во која стоеше дека Палчо не бил на местата каде се случија убиствата. Потоа, пред судот призна што се случило, односно кажа дека Палевски му ја дал изјавата при транспорт со насоки што да направи за следното рочиште.„Неговиот страв е оправдам, нема да ја зборува вистината во негово присуство“, рече Ефремов, а Кешиев рече дека и тој сака Палевски да не е во судницата додека дава одбрана.На ова реагираше Палевски, кој рече дека не е вистина дека тој му давал писма, кој тој требало да ги препише и да ги претстави како негови.„Ова е вторпат да се кажуваат лаги без доказ. Молам да бидам присутен зошто што ниту досега не сум бил укорен на судења. Мене ми е важно да го слушам“, рече Палевски.Адвокатот Јовица Страшевски, бранител на Палевски, сметаше дека ова е само драма и сметаше дека Палевски треба да остане во судницата додека Кешишев зборува.„Не треба судот да гог дозволи барањево. Пред блефирања, судот не треба да попушти“, рече адвокатот на Палевски.Судијата Ивица Стефановски реши дека Палевски треба да биде отстранет од судницата поради сомнежот дека Кешишев ќе се плаши да ја каже вистината. Палевски беше изнесен низ страничниот влез на судницата, од каде што и го спроведуваат кога го носат од затворот во Шутка каде издржува притвор.Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Македонија | пред 1 година

„Скопје директно го поврзуваме со Париз“, нова авионска линија Скопје-Париз (Орли)

Од денеска, Скопје и официјално директно се поврзува со Париз преку новата авиолинија Скопје - Париз. Утрово на Меѓународниот аеродором Скопје се реализираше првиот лет од Париз и тоа од аеродормот Орли до Скопје на авиокомпанијата Изиџет.Линијата ќе се реализира два пати неделно и истата е воведена како резултат на финансиската подршка што ја овозможи Владата преку Министерството за транспорт преку Програмата за воведување на нови дестинации.Согласно договорот, авиокомпанијата Изиџет оваа линија ќе ја оперира од денеска- 2 април па се до 31 декември 2027 година со однапред определен ред на летање.“Ова е уште една можност за подобра комуникaција и поврзување на Македoнија со европските земји и европските метрополи. Париз е атрактивна дестинација  за патување, но уште поважно е дека туристи ќе носиме во Македонија. Како Влада создаваме услови со кои привлековме нови авиокомпании во Македонија и резултатите веќе се видливи. Осум нови дестинации од аеродромот во Скопје и две од аеродромот во Охрид се воведени за многу краток период. Го променивме целосно моделот на субвенционирање и наместо за заминување, даваме финансиска подршка за патници во доаѓање затоа што целта е што повеќе луѓе да доаѓаат во Македонија а тоа значи дека ќе користат и други услуги во земјава и ова е стартегија која ја применуваме од самиот почеток и која ни дава конкретни резултати. Веќе преговараме со други авиокомпании и мислам дека сме на добар пат да постигнеме договор за нови дестинации, истакна вицепремиерот Николоски.Линијата Скопје-Париз е дел од договорот за финансиска подршка за воведување на нови авиолинии што го реализира Министерството за транспорт преку јавен повик за субвенционирање.Од Скопје, освен Париз, се воведуваат и линиите кон Дубаи, Штутгарт, Лион, Барселона, Женева и Амстердам, а од Охрид кон Истанбул и Басел.Согласно Програма за финансиска подршка 2025-2027 година донесена од страна на Владата, предвидени се 360 милиони денари за субвенции за воведување на нови авиолинии.Оваа Програма има за цел да да го унапреди авиосообраќајот, да се обезбедат нови дестинации преку поволни услови за патување за граѓаните како и развој на цивилното воздухопловство.

Македонија | пред 1 година

Војската во Мјанмар пукаше во хуманитарен конвој, избегната нова трагедија: „Не ни кажаа дека доаѓаат“

Војската на Мјанмар синоќа отвори оган врз конвој кој доставува помош во подрачјата погодени од земјотресот кој однесе повеќе од 3.700 животи.Националната ослободителна армија Таанг (TNLA), вооружена бунтовничка група, рече дека воените трупи пукале врз конвојот со девет возила користејќи тешки митралези додека минувал низ населбата Наунг Чо во северната држава Шан на пат кон Мандалај.TNLA рече дека конвојот ја информирал хунтата за својата рута и плановите за испорака на помош. Меѓутоа, војската тврди дека не била информирана дека конвојот ќе помине и дека отвориле оган бидејќи конвојот не застанал.Повредени нема, тврдат од хунтата и додаваат дека го истражуваат инцидентот.

Свет | пред 1 година

Има материјална штета во Батинци, но жителите не се во опасност од Маркова река, објави ДЗС

Нема опасност за жителите од излевањето на Маркова река, а водостојот е вратен во коритото. Ова го соопшти дирекцијата за Заштита и спасување (ДЗС), од каде велат дека има материјална штета врз жители на Батинци.[caption id="attachment_325922" align="alignnone" width="878"] Screenshot[/caption]„По првичната информација за излевањето на Маркова река во Општина Студеничани, село Батинци, екипата за процена на ризици на Дирекцијата за заштита и спасување одблиску на терен ја следеа состојбата“,  Директорот Џеват Селами беше во постојана комуникација со екипите на терен, градоначалникот на општина Студеничани, г-дин Азем Садики, директорот на А.Д. Водостопанство, г-дин Филип Филиповски, сѐ со цел да се обезбеди координиран и ефективен одговор.Еден тим за брз одговор интервенираше со пумпи за извлекување на вода, и истите ќе интревенираат по потреба во текот на денот.До сегашните информации ситуацијата е под контрола и нема опасност за жителите, освен моментално евидентирана материјална штета“, велат од ДЗС.

Скопје | пред 1 година

РЕШЕНИЕ ЗА ДОДЕЛУВАЊЕ НА УЧЕНИЧКИ, СТУДЕНТСКИ СТИПЕНДИИ КАКО И СТИПЕНДИИ ЗА ЛИЦА ЗАПИШАНИ НА МАГИСТЕРСКИ И ДОКТОРСКИ СТУДИИ НА ДРЖАВНИТЕ И ПРИВАТНИТЕ УЧИЛИШТА И УНИВЕРЗИТЕТИ ВО РЕПУБЛИКА МАКЕДОНИЈА А...

Врз основа на член 50 од Законот за локалната самоуправа (Сл.весник на РМ бр.5/2002), член 34 од Статутот на општина Охрид  (Сл. Гласник 8/07 и 1/08) и јавниот повик бр 09-1144/2 од 30.01.2025 год., Одлуката за спроведување на мерки за доделување на ученички, студентски стипендии како и стипендии за лица запишани  на магистерски и докторски студии на државните и приватните училишта и универзитети во Република Македонија а се однесуваат на лица со ретки болески и посебни потреби во општина Охрид за учебната 2024/2025 год., Градоначалникот на општина Охрид Кирил Пецаков го донесе следното:https://ohrid.gov.mk/%d0%be%d0%b4%d0%bb%d1%83%d0%ba%d0%b0-%d0%b7%d0%b0-%d1%81%d0%bf%d1%80%d0%be%d0%b2%d0%b5%d0%b4%d1%83%d0%b2%d0%b0%d1%9a%d0%b5-%d0%bd%d0%b0-%d1%81%d1%82%d1%80%d0%b0%d1%82%d0%b5%d0%b3%d0%b8%d1%81%d0%ba-2-3/?fbclid=IwY2xjawJZze5leHRuA2FlbQIxMQABHe-PqxBg5__IixC6O-2KbpJ-8zGNGu4CDUdVFv8zFaWkQUud2aP8iRZkoA_aem_wL0RkCXHc8d65ErTkWbrgQ

ОО | пред 1 година

ОДЛУКА ЗА СПРОВЕДУВАЊЕ НА СТРАТЕГИСКА ОЦЕНА ЗА ПЛАНСКИОТ ДОКУМЕНТ, УРБАНИСТИЧКИ ПРОЕКТИ ВОН ОПФАТ НА УРБАНИСТИЧКИ ПЛАН СО НАМЕНА Г2.1 – ЛЕСНА ГРАДЕЖНА ИНДУСТРИЈА СО ПРОИЗВОДСТВО НА ГРАДЕЖНИ ЕЛЕМЕНТИ И...

Врз основа на член 65 став(6) од Законот за животна средина („Сл.весник на РМ “ бр.53/05, 81/05, 24/07, 159/08, 48/10, 124/10, 51/11, 123/12, 93/13, 42/14, 44/15, 129/15, 39/16, 99/18, 89/22 и 171/22 ), Општина Охрид, на ден 28.03.2025 година, донесеhttps://ohrid.gov.mk/%d0%be%d0%b4%d0%bb%d1%83%d0%ba%d0%b0-%d0%b7%d0%b0-%d1%81%d0%bf%d1%80%d0%be%d0%b2%d0%b5%d0%b4%d1%83%d0%b2%d0%b0%d1%9a%d0%b5-%d0%bd%d0%b0-%d1%81%d1%82%d1%80%d0%b0%d1%82%d0%b5%d0%b3%d0%b8%d1%81%d0%ba-22/?fbclid=IwY2xjawJZzblleHRuA2FlbQIxMQABHRg97y_cGc6OO84PtaHgMa0HEhOV75Exex1qYhjc07wIsZb5iumHyjg0Lw_aem_qNdtK8xj_nD_ExD3Sfex2w

ОО | пред 1 година

Митовски: Еколошкиот инцидент во Крива Паланка некој сакаше да го скрие од јавноста

По објавата на општината за еколошкиот инцидент во Крива Паланка, сите оние несоодветни реакции на Државниот инспекторат и Министерството за животна средина и сите нивни штури изјави на Фејсбук, јасно укажуваа дека некој имаше намера ова да го скрие од јавноста, рече градоначалникот на Крива Паланка, Сашко Митовски, на гостувањето во дебатата на ТВ24.Тој се осврна на институционалното непостапување поврзано за случајот со рудникот „Тораница“, еколошкиот инцидент и загадувањето на Крива Река со цијанид и други опасни токсични материи.- Според резултатите од анализите на водата на Крива Река, вредноста на оловото е зголемена за 10 пати повеќе од дозволеното, а вредноста на цијанид е зголемена за 0,014, од дозволените 0,001. Факт е дека ова некој сакаше да го скрие од јавноста. И по 17 дена сè уште немам добиено официјално соопштение од рудникот „Булмак 2016“ за да ги информира граѓаните на Крива Паланка за што станува збор. Немаше јавно и транспарентно прикажување на сите записници од инспекцискиот наод и ова отвора сомнеж дека некој сака да го скрие. И најверојатно тоа е Државниот инспекторат и Булмак во заедничка корелација. Друго објаснување нема, рече Митовски.Тој посочи дека неговата одлуката за правење на анализите на водата се заснова единствено врз потребата на заштита на граѓаните.- Во една таква ситуација, како прв човек на општината, кога гледате дека системот и државните институции не функционираат, неопходно и неминовно беше да застанам во одбрана на моите сограѓани. Во соопштението од Државниот инспекторат за животна средина беше наведено дека се работи за технолошки води, но без соодветни анализи. И во целата постапка не се земени предвид сите инспекциски методи, а институциите директно излегоа во одбрана и заштита на рудникот Булмак 2016“. Сметаме дека државниот инспекторат е застанат директно во одбрана на приватната компанија, рече Митовски.Тој рече дека општина ги превзема сите превентивни мерки, со достава на соодветна кривична пријава до ОЈО, до бирото за јавна безбедност каде покрај сите членови од кривичниот записник, ќе се бара и целокупна кривична одговорност.

Македонија | пред 1 година

(Видео) Патот кон Драчево го регулира полиција, се очекува намалување на водостојот на Маркова река

Од ноќеска, околу 3 часот по полноќ, повлечена е водата од патот кон Драчево. Сообраќајот и натаму го регулира полиција.„Поради обилните врнежи од дожд на територија на град Скопје и излевање на Маркова река од речното корито, се уште е затворен за сообраќај во двете насоки локалниот пат с. Горно Лисиче – с. Долно Лисиче, како и влезот за с. Батинци во двете насоки. Од тие причини Единицата за безбедност на патниот сообраќај презема мерки за посебен режим на сообраќајот. СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници“, велат од МВР.Со информација излегоа и од УХМР.„Поради обилните врнежи од дожд, во текот на вчерашниот ден регистрирани се локални излевања на река Маркова на неколку места по течението на реката. Во текот на денот се очекува, постепено намалување на водостојот, стабилизирање на состојбата со водостојот и постепено повлекување на водата. Значително е висок водостојот на река Вардар по целото нејзино течение, од горниот дел во Полошката Котлина, во градот Скопје и низводно накај Велес во средниот и долниот дел од сливот во Демир Капија и Гевгелија. Во текот на денот се очекува и понатаму да остане висок водостојот посебно во средниот и долниот дел од сливот каде би се префрлил водниот бран. Висок е и водостојот на река Треска каде околу месноста Пласница е можно локално излевање на реката и поплавување на околните ливади. Во текот на денот се очекува постепено стагнирање на водостојот на река Треска, но тој да продолжи да биде висок. Исто така, висок е водостојот на река Струмица по целото течение на реката, а пред се поради врнежите во Косово и река Лепенец бележи зголемен водостој во текот на изминатава ноќ и изутринава кој во текот на денот се очекува да биде во намалување. Доколку денеска на одредени места врнежите бидат поројни можно е да се очекува брз и рапиден пораст на водостојот на помалите реки и суводолици.Предупредуваме на внимателно движење покрај реките и суводолиците во текот на денешниот ден“, велат од УХМР.

Скопје | пред 1 година

За само 6 месеци ги покачивме пензиите линеарно на над 330.000 пензионери за 5000 денари, велат од Владата

„За само 6 месеци, Владата ги покачи пензиите на над 330.000 пензионери за 5000 денари“, велат од Владата и додаваат:На сметките на пензионерите легна покачувањето на пензиите од 2500 денари. Со ова покачување, вкупното линеарно зголемување на пензиите достигнува 5.000 денари, откако првото зголемување беше со септемвриската пензија и сега со мартовската пензија.Ова е втор раст на пензиите за само 6 месеци.Имено, дека Владата се грижи за пензионерите покажува тоа што уште првата недела од мандатот донесе одлука за линеарно покачување на пензиите на сите пензионери за 5000 денари, со септемвриската и мартовската пензија.Ветивме и исполнивме. Владата ги покачи пензиите за 5000 денари, линеарно за секој пензионер.Владата покажа дека се грижи и работи одговорно и посветено.Пензионерите заслужуваат достоинствен живот и вистинска грижа за нивните потреби.Со ова како Влада го исполнивме едно од ветувањата за најстарата категорија на граѓани и обезбедивме поквалитетен живот за нив.Продолжуваме посветено да работиме за подобрување на животниот стандард на граѓаните.

Македонија | пред 1 година

(Видео) Додека градоначалничката на Скопје во заминување пишува на „Фејсбук“, ние спасуваме човечки животи на терен, и врати Ѓорѓиевски на Арсовска

Градоначалникот на Кисела Вода, Орце Ѓорѓиевски и одговори на градоначалничката на Град Скопје, Данела Арсовска, по прозивките дека се сликал кај Маркова река.„Додека градоначалничката на Скопје, во заминување и одговорност пишува на Facebook од удобна фотелја, ние спасуваме човечки животи на терен. И да не се грижи, повторно ќе бидат во функција и пожарна, водовод и сите ЈП - Скопје повторно ќе биде горд град! Остануваме на терен цела вечер, во овој момент ги одзатнуваме шахтите, вршиме мобилизација на нашите ресурси за жителите да немаат катастрофални последици!“, напиша Ѓорѓиевски објавувајќи видео.Под објавата, до моментот на објавување на овој текст имаше пет коментари.

Скопје | пред 1 година

Арсовска се јави за излевањето на Маркова река: коментарите на објавата ги имаше, па ги немаше...

Градоначалничката на Град Скопје, Данела Арсовска, преку статус на „Фејсбук“ посочи дека Противпожарната бригада на Скопје и екипи на ЈП Водовод и канализација работат активно на терен по излевањето на Маркова река. Таа ја искористи приликата и да го искритикува градоначалникот на Кисела Вода, Орце Ѓоргиевски оти се сликал додека бил на терен, но и Општина Студеничани кои според неа се виновни што каналите не се чисти. На објавата имаше и низа критики, но од момент во момент, коментарите ги снемуваше.„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно треба да ја превземаат во континуитет. Џабе се слика со лажен хероизам градоначалникот во заминување Орце Ѓеоргиевски, кој освен со сликање со друго не може да се пофали. Со превенција се спречуваат поплави, не со глумење спасител за проблемите кои градоначалникот на општината сам ги дозволил. Проблемот од Батинци поради неодржување на каналите се прелева кон Скопје, а Противпожарната бригада на Град Скопје и екипите на ЈП Водовод и канализација активно работат на терен. Само немаат време да се сликаат!“, напиша Арсовска.„Скопје1“ вечерва испрати прашања до Град Скопје, но и директно до Арсовска преку кои меѓудругото, и за атмосферската каначлизација која се гради и не е пуштена во употреба, односно дали преку неа се изливала вода од Маркова река. Оттаму не добивме одогвор, но испратија соопштение еден час по полноќ (апдејт).По објавувањето на статусот, Арсовска имаше низа коментари, меѓу кои и критики. Од 52 коментари колку што имаше до моментот кога ја следевме објавата, можеа да се прочитаат девет. „Фејсбук“ има опција да се сокријат коментарите без бришење, но дали е таа искористена или не - знае само објавувачот. По желба на профилот, во случајот на Арсовска, тие можат да се вратат и да се прикажуваат. Од принт-скриновите можете да видите што друго се коментираше.

Скопје | пред 1 година

Град Скопје: Немаме никаква надлежност за постапување по каналите и коритото на Маркова река

„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски надлежноста за одржување на одводните канали и коритото на реката Маркова Река е во директна надлежност на општина Студеничани и Министерството за животна средина и просторно планирање“, велат од Град Скопје и додаваат:Градот Скопје нема никаква надлежност за постапување на овие канали и коритото на реката.Градот Скопје во неколку наврати досега апелираше до надлежните во општината за потребата од чистење на каналите и коритото, но апелите за жал не наидоа на резултат од страна на одговорните.За дезинформациите ќе бараме и правна одговорност. Во овој момент екипи од Противпожарната бригада на Град Скопје, ЈП Водовод и Канализација и останатите претпријатија на градот Скопје се на терен и активно помагаат во спречување на дополнителни штети и санирање на веќе настанатите.

Скопје | пред 1 година

(Видео) Блокиран пристапот кон Драчево, граѓани сведочат дека мостот е во критична состојба

Полицијата го блокираше пристапот од Пинтија кон Драчево, откако Маркова река се излеа и на булеварот „Борис Трајковски“. И вториот приклучок кон Драчево, кој води преку Горно Лисиче, е исто така блокиран, јавуваат жители. На терен пак, се работи на расчистување на речното корито, како и санирање на состојбата. Иако не станува збор за висок водостој кој е излеан, сепак, полицијата превентивно реагира, бидејќи е ризично возила да поминуваат на патот.„Најсигурно и најбрзо на автопат, мене ме вратија од Горно Лисиче, колона до Пинтија, таму полиција не пушта. Автопат, Таор за 25 минути Моране“, вели лице кое чекало во колоната.Истовремено, жители на Батинци сведочат дека реката се излеала на повеќе места. Според нив, во критична состојба е мостот, каде исто така има и полиција. Ова засега не е потврдено од институциите.„Почна да се излева околу 17 часот. И се излеа на неколку места во Батинци, Љубош, се наоре спрема Марков манастир. И веќе сме плавени со метро и пол вода. Мостот е во критична состојба, а ако продолжи со ваков водостој, се плашам дека ќе биде срушен“, сведочи граѓанин.Претходно, градоначалникот на Кисела Вода, Орце Ѓорѓиевски кажа дека нема опасност по населението.

Скопје | пред 1 година

Филков му врати на Милошоски: Кусурот на Груевски, познат под прекарот „Џуџето од Небрегово“ сѐ уште нема навика да одговара пред граѓаните, очигледно е неинформиран и изолиран

Министерот за правда има слаби перформанси, смета пратеникот од ВМРО-ДПМНЕ Антонијо Милошоски. Оценувајќи ја работата на министерот Игор Филков, кој е од редовите на владиниот партнер на ВМРО-ДПМНЕ партијата ЗНАМ – За Наша Македонија, Милошоски вечерва во Телма рече дека изнесува свој личен став.На ова реагираше министерот за правда Игор Филков на изнесените наводи на Антонијо Милошоски. Ви ја пренесуваме во целост:„Кусурот на Груевски, познат под прекарот „Џуџето од Небрегово“, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале. Бидејќи очигледно е неинформиран и изолиран од партијата, го упатувам во неговата матична партија или пак во Владата – можеби конечно ќе го известат за постапките, роковите и статусот на законите!И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајлистички ставови, многу лаги и невистини. Ова е лош де-фокус на македонската јавност по двонеделниот „одмор“!Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”.Се обраќам и до пошироката македонска јавност која има право да биде информирана околу споменатите закони, но не само за нив, туку уште десетици што се во процедура како:1. Закон за спречување на корупција и судир на интереси (подготвен и објавен на ЕНЕР)2. Предлог закон Закон за судска служба - подготвен и објавен на ЕНЕР.3. Предлог закон за платите на јавните обвинители (МП го достави предлог законот до Влада во септември 2024 година, но тој беше одложен поради немање финансиска согласност од ресорното министерство. Законот ќе се реактивира, обезбедени се финасиски средства во 2025 година за негова имплементација.)4. Закон за јавно обвинителство (подготвен е и ќе се објави на ЕНЕР). Според реформската агенда овој закон заедно со законот за Совет на јавни обвинители треба да се бидат донесени најдоцна до декември 2025 година.5. Закон за Судски совет (треба да се донесе до јуни 2025, моментално е во завршна фаза, по преводот и ќе се испрати на мислење на Венецијанска комисија и Европска комисија)6. Измени на Изборен законик (формирарана е работна група, рокот за носење е јуни 2025)7. Предлог закон за платите на судиите (Според реформската агенда законот треба да се донесе до јуни 2025, работна група работи но потсетуваме декапратениците по скратена постапка извршија намалување на коефициентите за пресметување на платите на судиите во декември 2024 година)8. Предлог закон за кривична постапка (подготвен, одржани се јавни расправи, даден на превод, рок: декември 20259. Закон за државно правобранителство (формирана работна група, рок за носење е септември 2025)10. Предлог закон за судовите (формирана е работна група, се работи на законското решение)11. Предлог закон за судски буџет (формирана е работна група, се работи на законското решение)12. Предлог закон за Совет на јавни обвинители (формирана е работна група, треба да се донесе декември 2025)13. Предлог закон за јавнообвинителска служба (формирана е работна група, се работи на законското решение)14.Предлог закон за платите на јавните обвинители (формирана е работна група, се работи на законското решение)15.Нов Кривичен законик (подготвен, преведен на англиски јазик, рок за носење декември 2025)16. Закон за управување со движење на предметите во судовите (во 2024 година поведена е уставна иницијатива со која се бара делот објавување на правосилни одлуки да се преиспита од страна на Уставниот суд. Доколку со одлука на Уставниот суд се укине одредбата во делот правосилни, ќе се преоцени потребата од измeни на законското решение)."

Македонија | пред 1 година

Градоначалникот на Кисела Вода за Маркова Река: Механизацијата е на терен и нема опасност по населението, силно се работи на враќање на реката во своето корито

„Веднаш по добиената информација за излевање на Маркова Река поради обилните врнежи во општина Студеничани, од гостување на телевизија се упатив на најкритичните места да помогнеме на нашите соседи“, напиша Орце Ѓорѓиевски, градоначалник на Кисела Вода и додава:„Механизацијата е на терен и нема опасност по населението, силно се работи на враќање на реката во своето корито. Со колегата градоначалник на Студеничани Азем Садику сме на терен и будно ќе ја следиме ситуацијата да биде под контрола, во текот на целата ноќ. Спремни сме со сите расположливи сили да помогнеме. Во постојана комуникација сме и со колегата Дејан Митевски од Аеродром, така што и тој е подготвен да помогне во случај да тоа е потребно. Временските непогоди не можеме да ги спречиме, но можеме заеднички да делуваме да нема големи последици“.

Скопје | пред 1 година

(Видео) Се излеа Маркова река, поплавени дворови во Батинци, има штета, но нема потреба од евакуација

По обилните врнежи од дожд во изминатите денови, денеска се излеа Маркова река, а поплавени се дел од улиците и куќите во селото Батинци.„Во село Батинци има повеќе вода. Има изливи на неколку места од речното корито, има ангажирани машини за санација на состојбата. Не знаеме дали ќе продолжи уште, но има прекин на дождот. Куќите кои се близу до Маркова река, имаат вода во дворовите. Има материјални штети, но нема потреба од евакуација“, вели Азем Садики, градоначалник на Студеничани.Засега, нема проблеми во другите општини по дождовите кои го зафатија Скопје попладнево.

Скопје | пред 1 година

Вучиќ верува во воен сојуз со Унгарија

]Претседателот на Србија Александар Вучиќ изјави дека верува во формирање одбранбен сојуз на Србија и Унгарија.Министрите за одбрана, Криштоф Салаи Боровницки и Братислав Гашиќ, денеска во Белград потпишаа документ со кој се конкретизира договорот за стратегиска соработка на Унгарија и Србија во областа на одбраната од 2023.Вучиќ изрази уверување дека договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија.За 2025 Будимпешта и Белград договориле 79 одбранбени активности во кои спаѓаат заеднички обуки, хеликоптерски и други вежби, соработка во секторите на наменските индустрии, сајбер безбедноста, мировните операции, военото образование и медицината.,,Нè очекува многу заедничка работа во воената област. Сè што правиме значи поголема безбедност за граѓаните на двете земји. Благодарение на Орбан и на неговата влада имаме мир, бидејќи тие во 1999 година не дозволија копнена офанзива од нивната територија”, изјави Вучиќ.Србија од декември 2006 година е членка на програмата на НАТО Партнерство за мир.Од почетокот на конфликтот во Украина Србија не учествува во воени вежби ни со Истокот ни со Западот.

Свет | пред 1 година

Скандал во Франција или лажна вест: Македонската Смедеревка продавана како „Шаблис” и ,,Монтраше”

Вест која се третира и како скандал и како лажна вест се споделува во Македонија, но и на странските портали. Според одредени портали, скандал избил по информацијата дека македонската Смедеревка се продавала како француско вино.„Виното од познатите француски региони Шаблис и Монтраше било фалификувано. Наместо грозјето од овие региони било флаширана македонска Смедеревка. Интерпол откриле мрежа од седум фалсификатори на вино кои купувале вино од газда Ѓоко од Мрзенци, потоа дополнително го одлежувале во барик буриња за да развие француски карактер на вино за потоа да го пласираат под етикети на познати винарии од Бургундија“, стои во дел од вестите објавнеи и кај нас.Фалсификуваното вино се продавало како автентичен шардоне со француско географско потекло, по цени и поскапи од 250 евра за шише.Истовремено, „Дојче веле“ објави дека станува збор за лажна вест.„За само неколку часа главна вест во Македонија денеска стана информацијата дека македонско вино смедеревка се препродавала во Франција за 250 евра како врвно бургундско вино. Текстот објавен на српскиот портал „Вино и Фино“ (https://vinoifino.rs) привлече огромно внимание, за во еден момент да котира и како прва вест на агрегаторот за вести Тајм.мк. Го пренесоа голем број телевизии и портали, и тоа без да сменат ни точка, ни запирка... вкупно најмалку 20 различни медиуми. И никој притоа не се ни обиде да провери кои се француските медиуми кои пишувале на оваа тема, и дали воопшто постојат. Дали постои винарија „Газда Ѓоко“ во Мрзенци, или дали постои нејзиниот „цитиран“ газда Ѓоко Трпески. Не постојат, како што не постои ниту францускиот енолог Теле Репомаше (теле репом маше)... во превод од српски „теле мафта со опашката“. Дека се работи за првоаприлска шега на српскиот портал во телефонски разговор ни потврди и директорката на маркетинг Зденка Костиќ“, напиша „Дојче веле“.

Свет | пред 1 година

(Видео) Од Врбјани до Охрид ќе се вози по новиот автопат, ако пратениците донесат измени на Законот кој овозможува вклопување на објектите по трасата

Пратеникот Сашо Донев, образложи зошто Законот за реализација на инфраструклтирни проекти за изградба на патна делница Миладиновци - Штип и патна делница Кичево - Охрид треба да биде донесен од Собранието.„Она што го ветувавме како Влада, дека делницата од Охрид до Врбјани ќе стане реалност, ќе се асфалтира и ќе може да се користи до започнување на туристичката сезона во Охрид е реалност. И се надевам дека со ова законско решение ќе може, тие објекти по трасата од Охрид до Кичево да бидат вклопени, за да може да се доизгради автопатот. Најважно за граѓаните на Охрид и Струга, е дека ќе може делот од аеродромот до Охрид ќе може да се пушти и ќе ги нема тие гужви кога ќе почне туристичката сезона“, рече Донев.Со измените се овозможува приклучување на придружни и услужни објекти кои се наоѓаат на самата делница, делови на трасата да бидат пуштени во употреба до почеток на летото.„Нашето ветување за пуштање на автопатот во употреба од Охрид до Врбјани станува реалност“, посочи тој.

Охрид | пред 1 година

10 полицајци од ЕБР добија кривична за злоупотреби: наплаќале патни трошоци оти живееле надвор од Скопје, а не патувале до дома

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување’’ казниво по член 353 од Кривичниот законик.„Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари“, велат од МВР.Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност.

Македонија | пред 1 година

Пука ли ВРЕДИ по изборни шавови

Дали престојните локални избори и апетитите за поголем дел од изборниот колач, ги раскара партнерите во владината коалиција ВРЕДИ?Изјавите на лидерот на Алијансата на Aлбанците и министер за здравство, Арбен Таравари, дека е во комуникација со ДУИ, ги налути партнерите од ВРЕДИ.Демократското движење демантираше дека има каква било комуникација со ДУИ. Од партијата на Изет Меџити, преку соопштение оценуваат дека како партија и понатаму ќе бидат дел од ВРЕДИ.„Демократското движење нема и нема да има никаков вид соработка со корумпирана партија каде нејзините врвни функционери се ставени на црната листа на САД за корупција”, децидни се од Демократско движење.И Алтернатива демантира дека има комуникација со ДУИ.Движењето Беса негира дека нејзиниот лидер Биљал Касами комуницирал со Демократската унија за интеграција и Али Ахмети.Таравари предложил самостоен настап на секоја од четирите партии на советничките листи, а заеднички кандидати за градоначалници, што не било прифатливо за партнерите во коалицијата.Веста дека Таравари има проблем во коалицијата, како и дека сакал да ја напушти кружи во јавноста изминативе денови. Истовремено, тој демантираше и рече дека останува на функцијата и во Влада.

Македонија | пред 1 година