(Видео) Сведоштво на девојка која се спасила од дискотеката во Кочани

Девојка повредена во големиот пожар во дискотеката „Пулс“ во Кочани, сведочеше за големата трагедија.„Наеднаш изби голем пожар, сите почнаа да трчаат надвор, сите гледаа да си ги спасат животите. Никој не беше свесен, испогорени тела. Сите се под стрес. Сестра ми е изгубена, не можеме да ја најдеме во никоја болница. Чекаме резултати дали ќе ја најдеме“, вели девојката.Девојката има повреди, мал оток на лицето и коленото, паднала при излегување и била изгазена.

Македонија | пред 1 година

Загинатите во Кочани се на возраст од 14 до 25 години, од повеќе градови

Починатите лица во пожарот во дискотеката „Пулс“ во Кочани се на возраст од 14 до 25 години, од Скопје, Штип, Кочани, Пробиштип, кажа денеска директорката на Болницата во Кочани, д-р Кристина Серафимовска. Кај нив се хоспитализирани 20 пациенти од 18 до 23 години.Директорката кажа дека првиот повик дека има пожар го добиле во 2:48, за 30 минути се екипирала цела болница. Стигнале 70 пациенти, биле со изгореници и со труења од јаглерод моноксид.„Носеа починати лица, но имаше и што починаа на прием. Бидејќи немаме доволно возила, се јавив кај сите болници во Источна Македонија, а почнаа и да пристигаат возила за Брза помош од Скопје и Велес. Се транспортираа потешко повредените до Штип и во Скопје“, кажа д-р Серафимовска.Во раните утрински часови во дискотеката „Пулс“ во Кочани избувнал пожар во кој починаа 51 лице и беа потешко повредени повеќе од сто лица.Причината за пожарот, според првичните информации кои ги соопшти Тошковски се дека настанал од искри од приотехнички средства, кои биле употребени за светлосен ефект на концертот на групата ДНК.Во моментот на активирање на прскалките, најверојатно искрите го зафатиле таванскиот дел кој е од лесно запалива материја и за кратко пожарот се проширил низ цела дискотела и се создал густ чад.Дел од починатите лица има во повеќе болници во Северна Македонија, кои по нивна идентификација ќе бидат однесени на обдукција. Повредените, од кои има и потешко повредени, освен во кочанската се сместени во повеќе клиники.Сочувство стига од сите страни, но се нуди и помош.Приведен е сопственикот на дискотеката во Кочани, лиценцата на дискотеката била до 24 март

Македонија | пред 1 година

Приведен е сопственикот на дискотеката во Кочани

Сопственикот на дискотеката во Кочани во која се случи трагедија е приведен. Во пожарот во кој загинаа, според досегашните информации загинаа 51 лице и има стотина повредени.е приведен.Станува збор за приватната дискотека ,, Пулс”, која била популарна меѓу младите во Кочани, работела повеќе години, а приведениот сопственик според МИА, бил постојано во сопственичката структура на објектот.Лиценцата за работа на дискотеката и истекувала на 24 март.

Македонија | пред 1 година

Има доволно количини на крв и крвни компоненти

ЈЗУ Институт за трансфузиона медицина на РСМ располага со доволни количини на безбедна крв и крвни компоненти од сите крвни групи.„Благодарение на континуираната поддршка од нашите хумани крводарители нашата институција успешно ги задоволува барањата за сите пациенти. Во моментот нема потреба од вонредно дарување крв! Институтот за трансфузиона медицина изразува длабоко сочувство и жалење до семејствата на жртвите во трагичната несреќа во Кочани. Ние продолжуваме да бидеме тука за сите потреби и да го дадеме својот придонес во обезбедување на медицинска помош за оние кои имаат потреба“, објавија „Крводарители Македонија“.

Македонија | пред 1 година

(Видео) Татко си ја бара едната ќерка, другата паднала и газеле врз неа, но се спасила

Родител на две девојки кои биле вчера во дискотеката во Кочани, се уште ја бара едната ќерка, додека другата е хоспитализирана.„Дојдовме тука да ја бараме, во Кочани ја нема, во Скопје ќе ја бараме“, вели таткото Бобан Тасев за МИА.Тој сведочи дека едното девојче кое го нашол и е хоспитализирано паднало при евакуацијата, а врз неа газеле други лица што се обиделе да се спасаст.Девојчињата се Лепа и Марија Тасева на 20 и 25 години.

Македонија | пред 1 година

Се запалила завеса, па кровот и паднала конструкција - нови детали за дискотеката каде загинаа 51 лице

Страшна била глетката кога настанал пожарот во дискотеката „Пулс“ во Кочани. Сведоци посочуваат дека од објектот имало само еден излез, а пожарот брзо се ширел. Тие опишуваат дека станува збор за излез кој е 90 х 90, а присутните почнале да се гушат и се направило стампедо.Според сведоштвата, од пиротехниката се запалила декоративна завеса поставена на кровот, а потоа и цела кровна конструкција. Паднал и таванот, додека присутните се обиделе да се евакуираат.Дискотеката функционирала долги години. Се менувале сопствениците, но во сопственичката структура постојано имало едно лице кое сега е повредено. Дел од организаторите се во полициските станици, а меѓу нив има и тешко повредени.Неофицијалните информации се дека објектот, кој е сместен во куќа, имал и дозвола за извршување на оваа дејност. На некои од прозорите имало и решетки, кои биле отстранувани од жителите, кои спасувале гости.

Македонија | пред 1 година

Објавени списоците на пренесените повредени во скопските болници

Објавен е список на пренесени повредени лица од дискотеката „Пулс“ во Кочани во скопските болници.Список од „8 Септеври“:[caption id="attachment_324288" align="alignnone" width="341"] Канал 5[/caption]Список од Клинички центар:[caption id="attachment_324289" align="alignnone" width="407"] Канал5 ТВ[/caption]

Македонија | пред 1 година

Еврокомесарката Кос: Длабоко сме натажени од трагичниот пожар во Кочани

Марта Кос, еврокомесарката за проширување изрази сочувство и длабока тага поради трагедијата во Кочани.„Длабоко сме натажени од трагичниот пожар во Кочани, Северна Македонија, кој однесе животи на премногу млади луѓе”, напиша Кос во објава на Икс.Изразувајќи сочувство за загинатите до семејствата, Кос наведува дека нејзините мисли се со жртвите, нивните најблиски и целата заедница за време на оваа страшна трагедија.

Македонија | пред 1 година

(Видео) Ова е објектот кој неофицијално имал и лиценца да биде дискотека, а каде загинаа 51 лице

Засега нема официјални одговори дали дискотеката „Пулс“ имала лиценца за ноќен клуб, иако некои од медиумите брифираат дека лиценца била издадена која важи до 24 март. Останува отворено прашањето, кој дозволил во куќа во населено место, да има дискотека.Жители кои ја посетувале сведочат дека станува збор за простор кој има тесен простор за влез и излез, каде имало стампедо кога настанал пожарот.Клубот е сместен во објект кој изгледа како куќа, а дел од прозорците биле со решетки.

Македонија | пред 1 година

(Видео) Панчо од ДНК кој настапуваше во Кочани има изгореници по лицето и е на кислородна поддршка

Владимир Блажев-Панчо од групата ДНК има изгореници на лицето и на раката и е на кислородна поддршка по пожарот кој сношти изби во дискотелата „Пулс“ во Кочани каде што тој настапуваше, вели за САКАМДАКАЖАМ.МК неговата сетра Јадранка Николовска.„Засега знам дека е вон животна опасност, има изгореници на лицето и на раката и е на кислородна поддршка и е во Клиничкиот центар во Скопје. Уште не знам каде е и како е Андреј и останатите членови на бендот. Немам сила да зборувам повеќе“, ни рече Николовска низ солзи.

Македонија | пред 1 година

Амбасадорката Агелер понуди помош во име на САД по трагедијата во Кочани каде загинаа 51 лице

Амбасадорката Агелер изрази сочувство за трагедијата во Кочани и понуди помош Ангела Агелер, амбасадорката на САД во земјава , изрази најдлабоко сочувство на семејствата на настраданите во пожарот во дискотеката „Пулс“ во Кочани.Таа во име на САД му понуди помош на премиерот Мицкоски.„Срцето ми се кине за многуте жртви во синоќешниот пожар во ноќен клуб во Кочани. Нашето најдлабоко сочувство за жртвите и нивните најблиски во ова страшно време, а на повредените им посакуваме брзо закрепнување. Загубата на толку многу млади животи во една заедница е страшна трагедија. На премиерот Христијан Мицкоски му понудив помош и сите ресурси на Амбасадата на САД, како и нашите молитви за сите оние кои страдаат денес“, напиша Агелер на социјалните мрежи.

Македонија | пред 1 година

Министерот Филков: Секој што потфрлил за трагедијата во Кочани -ќе одговара

Министерот за правда Игор Филков, изрази најдлабоко сочувство за десетиците млади животи кои загинаа во пожар во дискотека во Кочани и најави одговорност за сите инволвирани и виновнин во оваа трагедија, во која според последните информации загинаа 51 лице и има многу повредени лица.„Десетици млади животи згаснаа во пожар што никогаш не смееше да се случи. Ова не е само трагедија – ова е аларм што бара одговорност! Нема зборови за оваа болка… но мора да има правда! Секој што потфрлил – ќе одговара.Ова не смее да се повтори никогаш повеќе! Нека почиваат во мир овие млади души“, вели Игор Филков,министер за правда.

Македонија | пред 1 година

(Видео) Над 50 загинати и 100 повредени во трагедијата во Кочани

Во трагедијата, досега, има загинато 51 лица, а над 100 лица се повредени.„Пожарот настанал како последица на искри од пиротехнички средства кои биле употребени за светлосен ефект за концертот. Во моментот на активирање на прскалките, најверојатно искрите го зафатиле таванскиот дел кој бил од лесно запалива материја, а пожарот брзо се проширил и се создал густ чад. За кратко стигнале Брза помош и противпожарни бригади, од соседните градови. А веднаш се активирани и хеликоптери на МВР“, рече министерот за внатрешни работи, Панче Тошковски.

Македонија | пред 1 година

Се огласи премиерот Христијан Мицкоски

„Со длабока тага ја примив веста за страшната трагедија во Кочани. Ова е тежок и многу тажен ден за Македонија! Загубата на толку многу млади животи е ненадоместлива, а болката на семејствата, на најблиските и пријателите е неизмерна“, објави премиерот Христијан Мицкоски и додава:Во овие моменти на длабока тага, нашите мисли се со оние што ги загубија своите сакани. На повредените им посакувам брзо закрепнување, а на семејствата на загинатите – сила да ја издржат оваа незамислива загуба. Народот и Владата ќе направат сè што е во нивна можност барем малку да ја ублажат нивната болка и да им помогнат во овие најтешки мигови.Ги повикувам сите надлежни институции – здравствените служби, полицијата, локалните власти – да преземат итни мерки за помош на повредените и поддршка на погодените семејства. Владата е целосно мобилизирана и ќе направи сè што е потребно за справување со последиците и утврдување на причините за оваа трагедија.Во текот на денот, по согледување на околностите од надлежните институции ќе и’ се обратам на јавноста со повеќе информации за преземените чекори.Во овие времиња на длабока тага, кога нашите срца се скршени од болка поради оваа ужасна трагедија, повикувам на заедништво, сплотеност, хуманост и одговорност.Бог да биде со семејствата на жртвите и повредените и со народот на Македонија!

Македонија | пред 1 година

Поради огромната трагедија во Кочани СДСМ ги одложи внатрепартиските избори за претседател

„Поради огромната трагедија што се случи во Кочани СДСМ ги одложи внатрепартиските избори за Претседател на партијата. Општинските организации на СДСМ ќе се вклучат во помошта за настраданите во пожарот“, велат од СДСМ и додаваа:Изразуваме длабоко сочувство до семејствата, роднините и пријателите на загинатите во огромната трагедија што се случи во Кочани. На повредените им посакуваме брзо и целосно закрепнување.Во овие тешки моменти, нашите мисли и молитви се со сите засегнати од оваа страшна несреќа.

Македонија | пред 1 година

(Видео) Дел се приведени, а дел од организаторите се тешко повредени - детали од МВР

Неколку лица кои се поврзуваат со дискотеката „Пулс“ во која досега загинаа 51 лице, се приведени. Ова го соопшти министерот за внатрешни работи, Панче Тошковски.„Дел од лицата се приведени и се врши разговор, дел кои биле организатори се дел од оние кои се тешко повредени во рамки на оваа катастрофална несреќа“, посочи Тошковски.„Сите клиники и болници каде има починати, дадени се напатствија да бидат известени фамилиите и сите кои треба да ги добијат тие информации. И секако мора да се постапи по насока на обвинител и да се изврши обдукција. Починати лица имаме во повеќе болници во Македонија“, рече Тошковски, кој не можеше да сподели на која возраст се загинатите.На терен постапуваат обвинители од повеќе Обвинителства.

Македонија | пред 1 година

Обвинителството на терен: Бројот на жртвите се утврдува

Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени во пожарот се утврдува. Сѐ уште се преземаат дејствија и се врши увид, соопштина од обвинителството.Јавниот обвинител на Република Северна Македонија, како и основните јавни обвинители на ОЈО Скопје и на ОЈО-ГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување.

Македонија | пред 1 година

Трагедијата во Кочани ударна вест во регионот

Невидената и најголема трагедија во Македонија, е ударна вест во сите регионални медиуми. Пишуваат за бројот на жртви, можните причини, а веста предизвика шок.

Свет | пред 1 година

Филипче: Не е време за поделби, туку за обединување во тагата, како лекар стојам на располагање

Сочувство за трагедијата во Кочани изрази пратеникот и лидер на СДСМ, Венко Филипче.Со тешко срце ја примив веста за страшната трагедија во Кочани. Ова е црн ден за Македонија. Загубата на толку многу млади животи е ненадоместлива болка за семејствата, за нивните пријатели, за сите нас.Во овој момент на длабока тага, сакам да изразам најискрено сочувство до семејствата кои изгубија најблиски и да им посакам брзо закрепнување на повредените. Во вакви моменти, единствено што е важно е солидарноста и поддршката.Ги повикувам сите институции, здравствените работници, но и целото општество да се обединиме во помошта за настраданите и нивните семејства. Како лекар, стојам на располагање за секој вид помош што можам да ја дадам во оваа тешка ситуација.Сега не е време за поделби, туку за обединување во тагата и во напорите да помогнеме. 🖤

Македонија | пред 1 година

Еден од членовите на групата „ДНК“ е домашно лекување, другите се во болница

Членовите на аренби дуото ДНК, бендот и придружните вокали кои ноќеска настапувале во дискотеката во „Пулс“ во Кочани во која изби пожар и загинаа најмалку 50 лица, се дел во болница, дел на домашно лекување, јавува САКАМДАКАЖАМ.МК повикувајќи се на информации од семејстватаСпоред нив, музичарите се однесени во болница, дел во Скопје, дел во Штип.Еден од членовите на бендот е на домашно лекување во Скопје. Откако се случил пожарот, бил однесен во болницата во Кочани, каде што примил инјекција со кортикостероид, а потоа пријатели со автомобил го однеле дома во Скопје.

Македонија | пред 1 година

(Видео) Роднина на повредена малолетничка: Мртви тела лежат по холот на болницата во Кочани, мора да прескокнуваш за да видиш каква е сестра ти

Роднина на повредено девојче кое е на возраст од 16 години, сведочи за ужасните моменти кои ги затекнал во болницата во Кочани. Таа била меѓу првите кои излегле од дискотеката, но има сериозни изгореници.„Јас бев на лице место во болницата, ова беше нешто страшно. Мртви тела лежат по холот по болницата, да мора да прескокнуваш мртви тела да влезеш да видиш како е сестра ти. Ја видовме на кратко, па кажаа дека префрлаат во Скопје поради тешките повреди“, вели роднина на повредената девојка.Тој посочи дека вратата на дискотеката, влезот, е мал.„Тоа е една мала врата, мал пролаз, сигурно не можеле сите да излезат. Видов над 100 повредени во болница, мислам ни еден клинички центар не може да прими толкава бројка“, вели родинината.

Македонија | пред 1 година

(Видео) Уапсени 22 лица, 56 повредени, со тракторите се спречи крвопролевање, вели Вучиќ

Неколку десетици луѓе во алкохолизирана состојба ја напаѓаат полицијата, затоа ве доведовме овде, во Палатата Србија“, рече Вучиќ.„Оддржан е голем протест, со негативна енергија, гнев, а нема жртви или тешки повредени, вкупно 44 лица се во Ургентниот центар, 11 во клиничката болница Звездара, едно во Земун, вкупно 56 лица, нема сериозни повреди“, рече Вучиќ.Уапсени се 22 лица за кривични дела против имотот, напади врз полицајци и други лица.„Три служби, од армијата која процени дека има 80.000 луѓе до полицијата која процени 108.000. Голем број луѓе пристигнаа од внатрешноста на земјата, изненадувачки голем број луѓе дојде од внатрешноста, и од север и од централна Србија“, рече Вучиќ.Тој додаде дека е особено горд на работата на полицијата. „Не само што им честитам, туку како претседател сум горд на тоа колку одговорно ја завршија својата работа“, вели тој.„Оштетени се повеќе од 100 трактори. Да не беа тракторите ќе беше тешко да се спречи крвопролевањето. Тракторите се таму за да го запрат бранот, гужвата, да спречат конфликт со децата во паркот Пионирски“, рече Вучиќ, додавајќи дека сите што учествувале во уништувањето на тракторите ќе бидат приведени.

Свет | пред 1 година

Трагедија во Кочани - десетици жртви и повредени во пожар во дискотека

Катастрофален и трагичен пожар се случи ноќеска околу 03.00 часот во Диско клубот Пулс во Кочани.Стравични сцени и драматична борба за спасување на повредени и преживеани се случуваше во раните утрински часови.Бројот на жртви засега никој него знае, се спомнуваат десетици. Оваа информација е непотврдена и се чекаат институциите! Во гаснењето на пожарот и спасување на младите пристигнаа против пожарни екипи од сите градови на околината,како и возила и медицински екипи.Се претпоставува дека оваа страшна трагедија која не е забележана во историјата на Кочани, се случила од светлосните ефекти во диското за време на концерт на групата ДНК. Повеќе информации во текот на денот. 

Македонија | пред 1 година

Бројот на жртви се утврдува - први информации за пожарот во дискотека во Кочани

„Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени се утврдува. Се уште се преземаат дејствија и се врши увид.Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување“, велат од Обвинителството.

Македонија | пред 1 година

(Видео) Над 30 жртви, десетици повредени - при бегањето имало стампедо, починале од гушење, дел биле заглавени

Над 30 жртви, претежно млади лица, има од пожарот во дискотеката „Пулс“ Кочани. Ова се неофицијалните информации кои се добиваат од вклучени во истрагата од институциите, по страшната трагедија. Точниот број и натаму се утврдува.  Има и многу повредени лица кои се однесени низ болниците во државата.Ваква трагедија, Македонија не памети. Според првичните информации, пожарот избувнал околу три часот изутрина. По првиот чад, гостите тргнале кон излезот, каде се створило стампедо и хаос.Огнот брзо се ширел. Дел од гостите биле жртви на огнот, а дел се угушиле од чадот. Противпожарните бригади и Брзата помош реагираше брзо. Внатре, според неофицијални бројки, имало стотици гости.Досега се огласија само од Обвинителството.„Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени се утврдува. Се уште се преземаат дејствија и се врши увид. Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување“, велат оттаму.На терен е и министерот за внатрешни работи, Панче Тошковски, заедно со директорот на БЈБ, Александар Јанев и директорот на ЦУК, Стојанче Ангелов.Детални и официјални инфорамции очекуваме од институциите.

Македонија | пред 1 година