Најнови вести

1 нед.

Левица: Од калкулации до амнезија – Мицкоски го поништи сопствениот став и ноншалантно им ги препушти калкулациите на граѓаните за да се снајдат за преживување

Левица реагира на новото поскапување на горивата за 7 денари по литар, оценувајќи го како директно продлабочување на притисокот врз животниот стандард на граѓаните, особено во економија каде секое поскапување на енергенсите се прелева во цените на храната, транспортот и основните услуги. Според партијата, обидите на Мицкоски ваквата состојба да ја прикаже како минлива или незначајна претставуваат политички маневр за замаглување на одговорноста.„Очигледно е дека растот на цените не допира до оние на власт, затоа што тие не ги чувствуваат последиците од сопствените политики. Додека граѓаните пресметуваат дали да наполнат резервоар или да скратат од основните потреби, тие се возат на трошок на народот – со службени возила, платени горива и патни трошоци финансирани од државната каса“, посочуваат од Левица.Партијата додава дека Мицкоски и функционерите на ДПМНЕ ја игнорираат реалната економска категорија – куповната моќ, бидејќи платите во Македонија се значително пониски од регионалните, што го прави товарот од цените на горивата несразмерно поголем за македонските граѓани.Левица истакнува дека наместо навремена интервенција преку намалување на акцизите, регулирање на маржите или таргетирани субвенции, Владата избира да гледа од страна и да чека цените дополнително да пораснат, оставајќи граѓаните сами да ги сносат последиците.„Во таква поставеност, поскапувањето е директна последица на политичка одлука да не се делува. Владата не е набљудувач на кризата, туку активен фактор што дозволува таа да се прелее врз секој дом и секој работник“, заклучуваат од Левица.

Македонија | пред 1 седмица

1 нед.

(Видео) Хаваи погодени од најсилни поплави во последниве 20 години

Хаваи се погодени од најсилните поплави во повеќе од 20 години, откако обилни дождови паднаа на веќе натопена почва, предупредија официјални лица, најавувајќи дека за викендот се очекуваат нови врнежи.Блатните води го преплавија северниот дел на островот Оаху, светски познат по сурферските дестинации, носејќи куќи и автомобили. Евакуирани се 5.500 луѓе северно од Хонолулу, а властите предупредуваат на можен пробив на 120-годишната брана Вахијава.Гувернерот Џош Грин изјави дека штетата од невремето може да надмине една милијарда долари, вклучувајќи оштетување на аеродроми, училишта, патишта, куќи и болница на островот Мауи. Белата куќа веќе вети федерална поддршка.Засега нема информации за загинати или исчезнати лица, а десетина луѓе се хоспитализирани поради хипотермија. Спасувачките екипи трагаа по отсечени жители, но нивните напори беа отежнати од граѓани кои со лични дронови снимале поплавени подрачја, изјави портпаролот на Хонолулу, Иан Шеуринг. Градоначалникот Рик Блангијарди оцени дека десетици, можеби и стотици куќи се оштетени и дека штетата е катастрофална – најтешка од 2004 година. Националната гарда и пожарникарите евакуираа 72 деца и возрасни од младински камп на повисока локација како претпазливост.Официјалните лица објаснија дека огромната количина дожд што паднала за кратко време на веќе натопена почва е главната причина за катастрофата. Делови од островот Оаху добиле 20 до 30 сантиметри дожд за една ноќ, додека на највисокиот врв Кааља паднале речиси 40 сантиметри во 24 часа, соопшти Националната метеоролошка служба.Прогнозата за следните денови не е поволна – се очекуваат дополнителни 15 до 20 сантиметри дожд. Стручњаците предупредуваат дека интензитетот и честотата на обилните дождови на Хаваи се зголемени поради глобалното затоплување предизвикано од човечката активност.Властите ја следат браната Вахијава, која е во лоша состојба и е „во непосредна опасност од рушење“. Нивото на вода во акумулацијата се намали, но новите врнежи можат да го зголемат ризикот. Земјената брана е изградена во 1906 година за потребите на индустријата за шеќерна трска, обновена е по рушењето во 1921 година, а државата ја класифицира како „високо ризична“.Компанијата Dole Food, по неколку предупредувања и казни за недостатоци, понуди да ја донира браната на државата со цел таа да го финансира поправката. И покрај законот донесен во 2023 година, преносот на сопственоста сè уште не е завршен.Според компанијата, браната функционира како што е предвидено и нема најава за оштетување. Хаваи има 132 регулирани брани, повеќето изградени како дел од системите за наводнување за индустријата за шеќерна трска.

Свет | пред 1 седмица

1 нед.

САД распореди дронови и 200 војници во Нигерија

Американската војска распореди беспилотни летала MQ-9 и околу 200 војници во Нигерија, кои обезбедуваат обука и разузнавачка поддршка на нигериските сили во борбата против исламските милитанти на северот на земјата, потврдија американски и нигериски официјални лица за Reuters. Војниците не учествуваат директно во борбени операции, а дроновите се користат исклучиво за собирање разузнавачки информации, а не за воздушни напади.Овој потег следува по воздушни напади на милитантите на северозападот на Нигерија кон крајот на 2025 година и покажува засилен американски ангажман во спречувањето на побуни поврзани со Исламска држава и Ал-Каеда кои се шират во Западна Африка. Американската војска претходно имаше база за беспилотни летала во соседен Нигер, со околу 1000 војници кои надгледуваа милитанти во регионот на Сахел, но базата беше затворена во 2024 година по барање на нигериската хунта.Нападот на бомбаш самоубиец на североистокот на Нигерија оваа недела покажува дека 17-годишната побуна сè уште е способна за напади на урбани средишта. Во меѓувреме, милитантите ја засилиле активноста на северозапад, блиску до границата со Бенин и Нигер, каде долготрајната криза со бандитизам може да прерасне во нова оперативна зона за исламските екстремисти.Еден американски официјален претставник за одбрана изјавил дека дроновите и војниците се распоредени на барање на Нигерија за собирање разузнавачки податоци, оценувајќи дека се соочуваат со „заедничка безбедносна закана“. Генерал-мајор Самајла Уба, директор за одбранбени информации во нигерискиот Главен штаб, потврди дека САД користат капацитети од аеродромот во Баучи на североистокот на земјата.„Оваа поддршка е продолжение на работата на неодамна воспоставената американско-нигериска разузнавачка единица која континуирано доставува оперативни податоци до нашите команданти на теренот“, изјави Уба за Reuters. „Американските партнери имаат исклучиво неборбена улога и поддржуваат операции што ги водат нигериските сили.“Дроновите MQ-9, познати како Reaper, можат да летaат на голема висина повеќе од 27 часа и се користат за собирање разузнавачки податоци, но имаат капацитет и за воздушни удари. Американските сили помагаат во идентификација, следење и одговор на терористички закани.САД, кои со години соработуваат со нигериската војска преку обука и продажба на оружје, потврдија дека на Божиќ извршиле воздушни напади на северозападот на земјата за да ги сопрат нападите врз христијанското население, иако нигериската влада и експертите за конфликти ја оспориле координираната протухристијанска наводна кампања.Уба потврди дека милитантите од Боко Харам и ISWAP остануваат постојана закана и дека со текот на времето ја прилагодуваат својата тактика, барајќи погодни цели и напади кои привлекуваат внимание.

Свет | пред 1 седмица

1 нед.

Иранска агенција: Натанз повторно нападнат од САД и Израел

Иранската новинска агенција Тасним објави дека утрово иранското постројување за збогатување ураниум во Натанз повторно било цел на американско-израелски воздушни напади.Според иранските власти, по извршената проверка на локацијата не е забележано истекување на радиоактивен материјал и нема опасност за населението кое живее во близина на комплексот.Натанз е најголемиот нуклеарен комплекс во Иран и главно постројување за збогатување ураниум, лоцирано околу 220 километри југоисточно од Техеран. Објектот и претходно бил погоден во текот на конфликтот, при што во првите недели од борбите повеќе згради биле оштетени, според сателитски снимки.Тогаш Меѓународна агенција за атомска енергија соопшти дека не се очекуваат радиолошки последици, а подоцна беше потврдено дека биле бомбардирани и влезовите во подземниот дел од постројката. Натанз беше цел и за време на 12-дневниот конфликт меѓу Иран и Израел во јуни 2025 година, по што следуваа и напади од американските сили.Според претходни проценки, при вакви удари не се очекува значително ослободување на радијација надвор од самата локација, иако постојат ризици поврзани со опасните материјали во објектот.Американскиот претседател Доналд Трамп во повеќе наврати изјави дека една од клучните цели на војната е уништување на капацитетите на Иран за производство на нуклеарно оружје. Засега нема дополнителни официјални информации за обемот на штетите од најновиот напад.Новиот удар доаѓа во момент кога конфликтот не покажува знаци на смирување. Израел соопшти дека Иран продолжува со ракетни напади, додека Саудиска Арабија претходно пресретнала повеќе ирански дронови над источниот дел од земјата, каде се наоѓаат клучни нафтени постројки.

Свет | пред 1 седмица

1 нед.

Судот пресече во корист на Њујорк тајмс: Пентагон незаконски го ограничува пристапот на новинарите

Федерален судија во САД ја блокираше политиката на администрацијата на Доналд Трамп за ограничување на пристапот на новинарите до Пентагон, оценувајќи дека делови од мерките се незаконски.Судијата Пол Фридман пресуди дека новите правила нелегално ги ограничуваат прес-акредитациите и ги потврди наводите на Њујорк тајмс, кој поднесе тужба против Пентагон и министерот за одбрана Пит Хегсет.Весникот тврдеше дека ограничувањата ги прекршуваат уставните права на новинарите, вклучително и слободата на говор и правото на правично постапување. Судот оцени дека политиката е спротивна на Првиот и Петтиот амандман од Уставот на САД.Новинарите на „Њујорк тајмс“, заедно со други медиуми, претходно ја напуштија зградата на Пентагон во знак на протест против новите ограничувања.Од Пентагон засега нема официјален коментар, додека од „Њујорк тајмс“ наведуваат дека целта на мерките била да се замолчи известувањето кое е неповолно за администрацијата на Трамп.

Свет | пред 1 седмица

1 нед.

Загина ирачки офицер во напад со дрон во Багдад

Еден ирачки офицер загина откако дрон, лансиран од „одметнички групи“, погодил област во близина на седиштето на Ирачка национална разузнавачка служба во Багдад, соопшти службата.Според информациите, нападот се случил во утринските часови, кога дронот се урнал во комплексот на разузнавачката служба во населбата Мансур.Претходно, претставникот на ирачката безбедносна медиумска служба, Саад Маан, изјавил дека инцидентот се случил околу 10:15 часот по локално време.Надлежните засега не соопштуваат дополнителни детали за напаѓачите, но истрагата за случајот е во тек.

Свет | пред 1 седмица

1 нед.

Американската агенција за борба против дрога го означила колумбискиот претседател како „приоритетна мета“

Колумбискиот претседател Густаво Петро е означен како „приоритетна мета“ од Американска агенција за борба против дрога, додека федерални обвинители во Њујорк истражуваат наводни врски со трговци со дрога, објави Associated Press.Според документите, името на Петро се појавува во повеќе истраги од 2022 година, делумно засновани на искази на доверливи информатори. Се истражуваат можни контакти со Синалоа картел и наводи дека неговата политика за „целосен мир“ била користена за погодности кон трговци со дрога кои ја финансирале неговата кампања. Во материјалите се споменува и наводно користење на полициски структури за шверц на кокаин и фентанил.Во САД, обвинители во Њујорк испитуваат осомничени трговци за можни врски со претседателот, вклучително и наводи за барање поткуп за да се спречи нивна екстрадиција. Сепак, засега нема потврда дека Петро е директно поврзан со кривични дела, а истрагите се во рана фаза.Петро ги отфрла сите обвинувања и тврди дека никогаш не прифатил средства од наркокартели. Колумбиската амбасада во Вашингтон ги оцени извештаите како неосновани и без фактичка поткрепа.Паралелно, под истрага се и членови на неговото семејство. Неговиот син, Николас Петро, е обвинет за незаконско финансирање на кампањата, додека братот Хуан Фернандо Петро се поврзува со наводни преговори со затворени наркотрговци.Случајот повторно го отвора прашањето за долгогодишната поврзаност меѓу политиката и трговијата со дрога во Колумбија, обележана и со влијанието на наркобосот Пабло Ескобар во минатото.

Свет | пред 1 седмица

1 нед.

СДСМ: Уште еден предмет за новиот обвинител - бизнис мрежата на Мицкоски

Опозициската СДСМ обвини дека открила бизнис мрежа во енергетскиот сектор поврзана со лидерот на ВМРО-ДПМНЕ, Христијан Мицкоски, во која, според партијата, се испреплетуваат политиката и бизнис интересите.Од партијата тврдат дека станува збор за „енергетски октопод“ кој, како што наведуваат, се протега преку регионални и офшор структури, вклучително и компании како „Rudnap Group“, и лица поврзани со владини институции.„Сè е поврзано. Сите алки се на место. Се затвора кругот од производство и увоз на струја, преку финансии, до носење одлуки за цените“, соопштија од СДСМ.Според нив, мрежата се протега и во повеќе домашни институции, меѓу кои Развојната банка, РЕК Битола и Регулаторната комисија за енергетика, каде, како што велат, се поставени лица блиски до Мицкоски.СДСМ упати и критики до Јавното обвинителство, посочувајќи дека три месеци нема реакција на, како што велат, сериозните индиции за криминал.„Време е за постапување. Очекуваме итна реакција за бизнис шемите во енергетиката. Да не чекаме уште три месеци. Време е за правда“, порачаа од партијата.

Македонија | пред 1 седмица

1 нед.

Иран одбива примирје: Техеран бара траен крај на војната со гаранции

Иран нема да прифати прекин на огнот, туку бара целосен и траен крај на војната со САД и Израел, изјави министерот за надворешни работи Абас Арагчи во интервју за јапонска новинска агенција.Тој нагласи дека Техеран не гледа решение во привремено примирје, туку инсистира на долгорочни гаранции дека конфликтот нема да се повтори. „Ова не е нашата војна, туку војна што ни е наметната. Станува збор за незаконит и неоправдан чин на агресија“, изјави Арагчи.Според него, Иран ќе продолжи со, како што рече, „самоодбрана“ сè додека тоа е потребно, нагласувајќи дека земјата нема намера да запре со активностите без јасен и конечен исход.„Не прифаќаме примирје затоа што не сакаме да се повтори сценариото од минатата година. Војната мора да заврши целосно и трајно, со гаранции дека ваква ситуација нема повторно да се случи“, порача шефот на иранската дипломатија.Изјавата доаѓа во момент на засилени тензии на Блискиот Исток, каде што конфликтот меѓу Иран, САД и Израел се продлабочува, а дипломатските обиди за деескалација засега не даваат резултат.

Свет | пред 1 седмица

1 нед.

Руски напад со дронови ја остави речиси цела Черниговска област без струја

Поголемиот дел од северната украинска област Чернигов остана без електрична енергија по руски напад со дронови, соопшти регионалниот гувернер Вјачеслав Чаус. Екипите се на терен и работат на санирање на штетите, додека властите предупредуваат на сериозни последици врз функционирањето на регионот.Според локалните власти, главниот град Чернигов е целосно без струја. Областа, која се граничи со Русија и Белорусија, пред почетокот на војната имала близу еден милион жители, што ја прави една од клучните во однос на инфраструктурата и безбедноста.Русија во текот на војната систематски ја таргетира украинската енергетска инфраструктура, што резултира со чести и долготрајни прекини на електричната енергија низ целата земја, особено во зимските месеци. Овие напади дополнително го отежнуваат секојдневниот живот на граѓаните и функционирањето на институциите.Во меѓувреме, финансиската поддршка од Европската Унија, која е клучна за стабилизација на системот, се соочува со политички блокади. Иако беше договорен пакет помош вреден 90 милијарди евра, неговата исплата е стопирана поради вето од унгарскиот премиер Виктор Орбан.Од Брисел се бараат алтернативни механизми за обезбедување средства за Киев, додека украинските власти предупредуваат дека навремената финансиска поддршка е клучна за одржување на државниот систем и одбраната, во услови на продолжената војна.

Свет | пред 1 седмица

1 нед.

Дронови ја нападнаа американската база „Виктори“ во Ирак, НАТО сојузниците започнуваат со повлекување

Најмалку четири дронови ја нападнале американската воена база „Виктори“ во близина на Багдад, при што во текот на ноќта и раните утрински часови одекнале силни експлозии. Засега нема официјални информации за жртви, но според првичните податоци, еден од дроновите погодил заден влез од базата и предизвикал пожар.Друг дрон паднал во рамките на комплексот, додека трет, според извештаите, испукал граната од ракетен фрлач – потег што се оценува како сериозна ескалација на нападите врз американските сили во регионот. Се претпоставува дека беспилотните летала биле лансирани од подрачјата Абу Граиб и Дора, што дополнително ја зголемува загриженоста за безбедноста околу ирачката престолнина.Нападите не се изолирани само на Багдад. Слични инциденти се регистрирани и во северниот дел на Ирак, како и во Ербил, што укажува на ширење на конфликтот надвор од главните жаришта. Во меѓувреме, американските сили возвратиле со напади врз позиции на ирачките Народни мобилизациски сили, со што се отвора двонасочен фронт на теренот.Во ваква ескалирачка безбедносна ситуација, дел од НАТО сојузниците започнале повлекување на своите сили од Ирак. Според дипломатски и безбедносни извори, доминира ставот дека станува збор за поширок регионален конфликт во кој тие не сакаат директно да се вклучат, особено поради зголемените ризици за нивните војници и ниската поддршка во домашната јавност.

Свет | пред 1 седмица

1 нед.

Зошто токму сега Иран „удри“ по Диего Гарсија: тивка промена во Лондон и гласна порака од Техеран

Извештаите за неуспешен ирански ракетен напад врз британската воздушна база Диего Гарсија го подигнаа нивото на загриженост во западните безбедносни кругови, но временскиот момент не изгледа случаен. Нападот доаѓа веднаш по дискретна, но суштинска промена во политиката на Обединетото Кралство: на САД им се отвора простор да користат британски територии за операции насочени кон иранските воени капацитети, под образложение на „колективна самоодбрана“ и потребата да се обезбеди пловноста во Хормушкиот Теснец.Клучниот сигнал од Лондон беше испратен доцна во петокот, преку соопштение од Даунинг стрит, во кое се наведува дека договорот за користење британски бази од страна на американските сили во рамки на колективната самоодбрана на регионот ги опфаќа и „одбранбени операции“ за оневозможување ракетни позиции и капацитети од кои се напаѓаат бродови во Хормушкиот Теснец. Во пракса, тоа се чита како зелено светло американските сили да ги користат базите Ферфорд и Диего Гарсија за удари по ирански цели што се поврзуваат со заканите кон поморскиот сообраќај.Реакцијата од Техеран беше брза и политички остро интонирана. Иранскиот министер за надворешни работи Абас Аракчи јавно порача дека британската влада, игнорирајќи го расположението на сопствениот народ, „ги става во опасност животите на Британците“ со дозволувањето британските бази да се користат за агресија врз Иран, нагласувајќи дека Иран ќе го користи „правото на самоодбрана“. Нападот врз Диего Гарсија, иако опишан како неуспешен, се вклопува токму во таа рамка – демонстрација дека секоја инфраструктура што се доживува како платформа за удари може да стане легитимна цел во логиката на одвраќање.Паралелно со политичката промена, Обединетото Кралство испрати и ограничено засилување на воени планери во американското Централно заповедништво (CENTCOM) во Тампа, Флорида. Иако британски офицери таму има и во редовни ротации, дополнителното присуство и пошироките овластувања за американската употреба на британските бази сугерираат поактивно британско учество во креирањето план за обезбедување на теснецот – а тоа автоматски ја зголемува изложеноста на Британија на ирански одговори.Во Лондон следуваа и внатрешни политички триења. Опозициските партии побараа за „проширувањето на мисијата“ да се гласа во парламентот, со аргумент дека зголемувањето на оперативната улога не смее да помине тивко, без демократска контрола. Токму оваа тензија – меѓу дискретната дипломатска формулација и реалната воена импликација – го прави моментот особено чувствителен.Нападот врз Диего Гарсија истовремено открива и неколку практични ризици. Прво, Иран демонстрира дека и понатаму располага со капацитет да се обиде да дејствува на големи далечини: од јужниот брег на Иран до Диего Гарсија има приближно 4.000 километри. Второ, секоја балистичка траекторија на таква дистанца носи индиректна опасност за цивилниот воздушен сообраќај – особено за летовите што го заобиколуваат иранскиот воздушен простор, но се движат низ региони каде би можеле да минуваат проектили. Трето, обезбедувањето на Хормушкиот Теснец тешко може да се изведе без поширока коалиција, а со секој нов учесник расте и бројот на потенцијални цели, вклучително и преку асиметрични закани и стравувања од „спијачки ќелии“ во државите што се перципираат како дел од планот против Техеран.Диего Гарсија, како најголема база во архипелагот Чагос во Индискиот Океан, има симболична и оперативна тежина: географски е далеку од фронтовските линии, но токму затоа се смета за „безбедна платформа“ за стратешки операции. Ако Техеран сака да испрати порака дека нема целосно безбедни заднински позиции за оние што учествуваат во притисокот врз Иран, тогаш изборот на Диего Гарсија добива јасна логика – нападот не мора да биде успешен за да ја постигне целта на одвраќање и политичко предупредување.

Свет | пред 1 седмица

1 нед.

Пожар во фабрика за оружје во Чешка: се истражува тероризам, компанијата ги демантира наводите за врска со Израел

Голем пожар избувна во хали на компанијата ЛПП Холдинг во Пардубице, Чешка, по што одговорност за инцидентот презеде анонимна група, тврдејќи дека станува збор за акција поврзана со наводна соработка со израелската воена индустрија.Според локалните медиуми, неколку минути пред избувнувањето на пожарот, редакции добиле електронска порака од група која се претставува како „Earthquake Faction“, во која се наведува дека нападот бил извршен за да се „прекине улогата во израелските воени операции“.Во пораката се тврди дека фабриката била дел од заеднички проект со израелската компанија „Елбит Системс“, која е еден од главните снабдувачи на израелската армија.Чешките власти случајот го третираат како можно терористичко дело. Министерот за внатрешни работи свика кризен штаб, а истрагата ја презеде Националниот центар за борба против тероризам, со вклучување и на безбедносно-разузнавачките служби.Сепак, од компанијата ЛПП Холдинг ги демантираат клучните тврдења. Велат дека иако во минатото постоеле планови за соработка со израелската компанија, тие никогаш не биле реализирани.„Во нашата фабрика никогаш не се произведувале израелски дронови. Планираната соработка не се оствари поради откажување на тендерот“, изјавија од компанијата.Според нив, објектот во Пардубице работи на развој и производство на оптичка опрема, термовизиски уреди и технологии за ноќно гледање, главно во соработка со украински партнери.Истрагата моментално разгледува повеќе можни сценарија – од намерно подметнат пожар, преку екстремистички напад, до потенцијално странско влијание. Засега нема официјална потврда за мотивите, а властите предупредуваат да не се шират непроверени информации.Во пожарот нема повредени, но материјалната штета е значителна.

Свет | пред 1 седмица

1 нед.

Путин до Иран: Москва останува „лојален пријател и сигурен партнер“

Рускиот претседател Владимир Путин упати порака до иранското раководство, нагласувајќи дека Русија ќе остане „лојален пријател и сигурен партнер“ на Техеран, во време на засилени тензии и воени случувања на Блискиот Исток.Како што соопшти Кремљ, Путин испратил честитки по повод иранската Нова година, до врховниот лидер Мојтаба Хамнеи и претседателот Масуд Пезешкијан.„Во овие тешки времиња, Москва останува одан пријател и сигурен партнер на Техеран“, се наведува во пораката на рускиот претседател.Москва воедно оценува дека нападите на САД и Израел врз Иран го довеле целиот регион на раб на ескалација и придонеле за глобална енергетска криза. Путин претходно го осуди и убиството на иранскиот врховен лидер, нарекувајќи го „циничен чин“.Сепак, и покрај ваквите пораки, реалниот обем на руската поддршка за Иран останува нејасен. Според дел од иранските извори, Техеран досега не добил значајна конкретна помош од Москва во текот на најтешката криза од Исламската револуција во 1979 година.Во меѓувреме, во јавноста се појавија информации дека Русија наводно понудила договор на САД – да престане со споделување разузнавачки информации со Иран, доколку Вашингтон ја прекине поддршката за Украина. Овие наводи беа демантирани од Кремљ.Иако Русија и Иран имаат прогласено стратешко партнерство, тоа не вклучува клаузула за заемна воена одбрана. Москва исто така повеќепати нагласи дека не поддржува развој на нуклеарно оружје од страна на Иран, поради ризик од поширока нуклеарна трка на Блискиот Исток.

Свет | пред 1 седмица

1 нед.

Тешка спасувачка акција во Струмица: шест пожарникари спасија повредена девојка

Пожарникари-спасители од Територијалната противпожарна единица Струмица утрово интервенирале во сложена спасувачка акција за извлекување на повредено женско лице од провалија под локалитетот Цареви Кули, на местото викано Црвен Дол.Станува збор за исклучително тежок и непристапен терен, каде шест пожарникари интервенирале со две теренски противпожарни возила. Во акцијата била употребена специјализирана алпинистичка опрема, како и носила за безбедно извлекување на повредената.По успешно завршената интервенција, девојката била извлечена од провалијата и предадена на екипа на Итната медицинска помош.На местото на настанот биле присутни и полициски службеници од СВР Струмица.

Македонија | пред 1 седмица

1 нед.

Дивеење низ Штип: 21-годишник фатен со 105 км/ч во населено место

Полицијата санкционирала млад возач од Штип кој управувал возило со повеќе од двојно поголема брзина од дозволената во населено место.Од МВР информираат дека вчера во 17:20 часот на булеварот „Гоце Делчев“ во Штип, со помош на специјално возило-пресретнувач, е измерена брзина од 105 километри на час кај патничко возило „голф“ со штипски регистарски ознаки.На оваа локација максимално дозволената брзина е 50 километри на час.Против возачот С.И. (21) од Штип се преземени соодветни мерки и тој ќе се соочи со законски предвидените санкции.Од МВР најавуваат дека сообраќајните контроли со пресретнувачи ќе продолжат и во наредниот период низ државата, со цел зголемување на безбедноста во сообраќајот.Воедно, апелираат до граѓаните да ги почитуваат сообраќајните правила и прописи, потенцирајќи дека одговорното однесување е клучно за побезбедни патишта.

Македонија | пред 1 седмица

1 нед.

„Од лошо – полошо“: СДСМ со остри критики за економските политики

Опозициската СДСМ обвинува дека македонската економија бележи сериозен пад, посочувајќи на најновите податоци за индустриското производство и странските инвестиции.Според партијата, индустриското производство во јануари годинава е намалено за 9,4% во однос на истиот период лани, додека на месечно ниво падот изнесува 13,9%.СДСМ наведува дека негативните трендови се забележуваат и кај странските директни инвестиции, кои, според податоците од Народната банка, се намалени за 61% во 2025 година, односно за 729 милиони евра помалку во споредба со претходната година.„Овие бројки го покажуваат дебаклот на економските политики на Владата предводена од Христијан Мицкоски“, велат од СДСМ.Оттаму додаваат дека веќе има затворање на погони, намалено производство и губење на работни места, како и пад на бројот на вработени во индустријата, што, според нив, директно влијае врз животниот стандард на граѓаните.Воедно, посочуваат дека задолженоста на граѓаните и компаниите кон банките достигнала 9,1 милијарди евра.СДСМ ја обвинува власта дека наместо конкретни економски мерки, прави „дефокус“ во јавноста и избегнува справување со реалните проблеми.„Потребни се итни мерки за стабилизација на економијата, намалување на цените и поддршка на индустријата која тоне“, порачуваат од партијата, повикувајќи на свикување вонредна владина седница.

Македонија | пред 1 седмица

1 нед.

Емиратите потврдија ново пресретнување на ирански проектили и дронови: ноќни експлозии и тревога во Рас ал Хаима

Обединетите Арапски Емирати соопштија дека нивните одбранбени сили во текот на ноќта повторно пресретнале ирански проектили и беспилотни летала, по што во повеќе области по полноќ биле слушнати силни експлозии. Според наводите, детонациите биле поврзани со дејствување на противвоздушната одбрана по закани што пристигнувале од правец на Иран.Локалните жители, како што се опишува, и понатаму остануваат во состојба на висока подготвеност. Напнатоста дополнително се засилила откако од иранска страна било испратено предупредување дека емиратот Рас ал Хаима би можел наскоро да биде цел на напад.Во објавените информации се наведува дека на дел од населението му било кажано да се повлече по однапред определени рути, со цел да се избегне приближување до потенцијално ризични зони и да се олесни работата на службите за безбедност и заштита.Засега не се соопштуваат дополнителни детали за бројот и видот на пресретнатите цели, ниту за евентуални материјални штети или повредени. Надлежните служби остануваат во зголемена готовност, а јавноста е повикана да ги следи официјалните упатства и да избегнува движење во области каде што се спроведуваат безбедносни мерки.

Свет | пред 1 седмица

1 нед.

Нов план: воздушни удари ги блокирале влезовите во иранските подземни ракетни бази

САД и Израел, според новинарско истражување, спровеле координирана воздушна кампања со цел да оневозможат значителен дел од иранската муниција и ракетни лансери така што ги бомбардирале влезовите во подземни објекти – пристапи што водат кон мрежи од тунели вкопани во планини.Во анализата на сателитски снимки на 32 ирански ракетни бази, најчесто биле погодени токму точките што ја држат инфраструктурата „жива“: влезови во тунели, површински згради и патни јазли преку кои се движи логистиката. Според наодите, најмалку 77% од вкупно 107 идентификувани влезови во тунели биле бомбардирани.Сателитските снимки, како што се наведува, регистрирале и најмалку 15 уништени ракетни лансери во рамките на базите. Стручњаци оценуваат дека целта на ваквото дејствување не е нужно целосно уривање на подземните „градови“, туку практично „зазидување“ – односно закочување на пристапот и намалување на способноста за брзо извлекување, полнење и повторно распоредување на лансерите.Еден од аргументите што се истакнува е дека Иран ги градел овие комплекси во планини токму за да издржат директни удари и да ја сочуваат оперативноста на ракетните и дронските капацитети. Во таа логика, бомбардирањето на пристапните точки се гледа како обид да се добие ефект без да се навлезе во најтврдокорниот дел од инфраструктурата.Во меѓувреме, според проценките изнесени во истрагата, иранските лансирања на ракети и дронови се намалиле за повеќе од 90% од почетокот на војната. Сепак, се предупредува дека Иран и натаму може да одржува ограничени, но значајни напади врз стратешки цели, меѓу кои се посочува и ризикот за пловидбата низ Ормускиот Теснец.

Свет | пред 1 седмица

1 нед.

Крај на интернетот каков што го знаеме: Од 2027 ботoвите ќе бидат побројни од луѓето

Интернетот се движи кон историска пресвртница во која автоматизираните системи ќе ја преземат главната улога во сообраќајот на мрежата. Според проценките изнесени од извршниот директор на технолошката компанија „Клаудфлер“, Метју Принс, активноста што ја генерираат ботови и т.н. AI агенти би можела да ја надмине активноста на човечките корисници веќе во наредниот период, а од 2027 година да стане доминантна.Принс на конференција во Остин оцени дека експанзијата на генеративната вештачка интелигенција го менува самиот ритам на интернетот: додека човек обично посетува неколку веб-страници за да пронајде производ или информација, AI агентите можат да „поминат“ низ илјадници страници во секунда, собирајќи податоци и споредувајќи понуди, извори и детали во име на корисникот.Во периодот пред големиот подем на генеративната AI, ботовите сочинувале околу една петтина од интернет-сообраќајот, а значаен дел од тоа биле легитимни пребарувачи и индексирачи. Но, „гладта“ на новите модели за огромни количини податоци, како и растот на автоматизираните алатки што постојано комуницираат со веб-содржини, според Принс ќе ја промени статистиката драматично и трајно.Тој го спореди овој премин со претходните големи технолошки пресвртници – на пример, преминот од десктоп кон мобилен интернет – и предупреди дека ќе бидат потребни и нови инфраструктурни решенија. Поголемиот обем автоматизирани барања, според оценките, ќе донесе силен притисок врз серверите ширум светот и би можел да го надмине оптоварувањето што мрежата го доживеа во пандемијата.Како можен одговор, Принс најави дека интернетот ќе мора да се прилагоди со создавање милиони привремени, изолирани дигитални средини во секунда – „џебови“ во кои AI-кодот ќе извршува задача и потоа ќе исчезнува. Во таков модел, клучна ќе стане способноста за брза проверка на доверливоста на автоматизираните посетители, заштита од злоупотреби и оптимизација на ресурсите за да не се гушат услугите што ги користат луѓето.Се отвора и пошироко прашање: ако мрежата се наполни со роботи што разговараат со други роботи, колку ќе биде лесно да се разликува корисно од манипулативно, легитимно од штетно, вистинска потреба од „празно“ генерирање сообраќај. Дебатата што допрва ќе се разгорува не е само техничка – туку и општествена – бидејќи од неа ќе зависи како ќе изгледа пристапот до информации, трговијата и безбедноста на интернет во годините што доаѓаат.

Магазин | пред 1 седмица

1 нед.

Нов удар кон сојузниците: Трамп ги критикува Австралија и НАТО

Американскиот претседател Доналд Трамп изјави дека е изненаден од одлуката на Австралија да не испрати воени бродови за деблокада на Ормутскиот теснец, кој во моментов е клучна точка на глобалната енергетска криза.„Бев многу изненаден. Треба да се вклучат. Ние секогаш им излегуваме во пресрет“, изјави Трамп во Вашингтон, коментирајќи ги позициите на Австралија, Јапонија и Јужна Кореја.Тој не прецизираше на кое конкретно „одбивање“ се однесува, но претходно оваа недела остро ги критикуваше овие земји поради нивната одлука да не учествуваат во воените операции во Персискиот Залив, поврзани со конфликтот со Иран.Во серија изјави, Трамп отиде чекор понатаму, критикувајќи ги и сојузниците од НАТО, кои ги нарече „кукавици“ затоа што не се вклучуваат во обезбедувањето на Ормутскиот теснец – една од најважните светски нафтени рути.Во меѓувреме, од Канбера стигна одговор. Австралискиот премиер Ентони Албаниз изјави дека неговата земја обезбедила сè што било побарано од неа и дека не добиле директно барање од Трамп за испраќање воени бродови.Затворањето на Ормутскиот теснец веќе има сериозни последици на глобалниот пазар, со нагло зголемување на цените на горивата и растечки притисок врз економиите ширум светот.

Свет | пред 1 седмица

1 нед.

(Видео) Експлозии одекнаа во Техеран, напади во повеќе делови од градот

Во текот на ноќта и утринските часови во саботата, во иранската престолнина Техеран се слушнале повеќе силни експлозии, јавуваат локални и меѓународни медиуми.Според првичните информации, најмалку три експлозии биле регистрирани во источниот дел на градот, а детонации се слушале и во неколку други населби, меѓу кои Екбатан и Олимпиското село.Нападите доаѓаат откако Израел претходно соопшти дека на првиот ден од Новруз и Рамазан Бајрам извршил повеќе удари врз цели во Техеран.Засега нема официјални информации за евентуални жртви или материјална штета, а надлежните институции сè уште не излегоа со детално соопштение.Ситуацијата останува напната, а се очекуваат дополнителни информации во текот на денот.

Свет | пред 1 седмица

1 нед.

Дури и од мајмун крадат: Луѓе ги украле половина од поклоните купени за Мики и неговиот роденден

Војо Иванов, зоо-неговател во Зоолошката градина во Скопје објави дека посетители украле дел од подароците наменети за мајмун, кој ги добил по роденденска прослава.Иванов на социјалните мрежи информираше дека бил организиран роденден за мајмунот Мики, но наместо настанот да помине во позитивна атмосфера, повеќе од половина од подароците завршиле кај посетителите.„Правевме роденден на мајмунот Мики. Повеќе од пола поклони му ги украдоа гости (луѓе!!!) – на мајмунот!!! Толку имам да кажам“, напиша Иванов.Случајот предизвика реакции во јавноста, особено поради фактот што станува збор за настан организиран за животно, а подароците биле наменети за негова грижа и збогатување на средината во која живее.Засега нема информации дали Зоолошката градина ќе преземе конкретни мерки или дали ќе има санкции за посетителите.

Скопје | пред 1 седмица

1 нед.

Три сценарија за крај на војната во Иран: исцрпување, „лажна победа“ или договор

Војната меѓу САД, Израел и Иран влезе во фаза во која дипломатските канали се речиси исцрпени, а ескалацијата станува главна алатка на сите страни. Анализите на меѓународните медиуми посочуваат дека конфликтот би можел да заврши во три основни сценарија – секое со сериозни глобални последици.Во меѓувреме, цената на војната веќе е висока: милијарди долари воени трошоци, илјадници жртви и раст на цените на енергенсите, со реален ризик за глобална економска криза.Првото сценарио е долготрајна и исцрпувачка војна, која би завршила со капитулација на Иран. Ова подразбира продолжени воздушни и можни копнени операции, економско уништување и постепено слабеење на иранската држава. Според дел од аналитичарите, Израел веќе ги остварува своите воени цели, особено со ударите врз клучни инфраструктури и безбедносни структури. Сепак, ваквиот исход носи ризик од регионална експлозија – напади врз нафтени постројки, затворање на Ормутскиот теснец и директно вклучување на повеќе држави.Второто сценарио е политички, а не воен крај – еднострано прогласување победа од страна на САД. Во оваа варијанта, администрацијата на Доналд Трамп би можела да оцени дека целите се постигнати (ослабен нуклеарен и воен капацитет на Иран) и да се повлече од конфликтот. Тоа би значело „контролирано излегување“ без целосно решавање на кризата. Но, ваквиот исход остава отворени прашања – особено околу нуклеарните капацитети на Иран и стабилноста на регионот, што може да доведе до нови конфликти во иднина.Третото сценарио е договор и деескалација. Тој може да биде или сеопфатен регионален договор или постепен процес на намалување на тензиите. Во игра се идеи за нов безбедносен рамковен договор на Блискиот Исток, кој би вклучувал гаранции за ненапаѓање и нуклеарна транспарентност. Сепак, проблемот е што довербата меѓу страните е речиси целосно уништена, а поделбите меѓу регионалните актери – особено во Заливот – дополнително ја комплицираат ситуацијата.Дополнителен фактор е и непредвидливоста на самиот конфликт. Иран веќе покажа дека ќе одговара асиметрично – со напади врз енергетска инфраструктура и поморски рути, додека САД и Израел ја задржуваат технолошката и воздушната супериорност. Оваа комбинација создава ризик од неконтролирана ескалација.Во вакви услови, ниту едно сценарио не нуди брз и стабилен крај. Наместо тоа, светот се соочува со долгорочна нестабилност, во која исходот ќе зависи од политичките одлуки, но и од способноста на страните да избегнат целосен регионален колапс.

Свет | пред 1 седмица

1 нед.

Кој од власта стои зад новиот корупциски скандал во земјоделието?, прашува СДСМ по апсењето на директорот Анкиев

СДСМ обвини дека последниот случај со апсењето на директорот на Државниот инспекторат за земјоделство, Васе Анакиев, претставува сериозен показател за, како што велат, системска корупција во институциите под раководство на Владата.Од опозициската партија посочуваат дека Анакиев е лишен од слобода под сомнение за примање поткуп од 50.000 евра, оценувајќи дека станува збор за „уште еден доказ“ за, како што наведуваат, организирано делување на власта.СДСМ потсетува дека неодамна беше отворен и друг случај поврзан со земјоделскиот сектор, во кој директор на Агенцијата за финансиска поддршка во земјоделството беше исто така осомничен за примање мито во ист износ.Според партијата, ваквите случаи имаат директни последици врз земјоделците и врз функционирањето на системот. Тие наведуваат дека поради корупциски скандали била суспендирана ИПАРД 3 програмата вредна 130 милиони евра, како и дека се намалени субвенциите и откупните цени.„Прашањето е кој друг од власта е вмешан? Не може толку многу корупција да има на пониските ешалони, а врвот да не знаел“, наведуваат од СДСМ.Од партијата бараат темелна истрага која ќе ја утврди одговорноста „од првиот до последниот“, нагласувајќи дека институциите треба да постапуваат неселективно.

Македонија | пред 1 седмица