МИЦКОСКИ

Мицкоски апелира на трпеливост: Следуваат позитивни сигнали од Вашингтон

Премиерот Христијан Мицкоски изјави дека актуелните информации поврзани со визните ограничувања на САД кон Македонија се однесуваат исклучиво на емигрантските визи, а не на туристичките посети или студентските визи, и порача дека во наредните денови очекува позитивни вести за македонските граѓани во односите со Соединетите Американски Држави.Според Мицкоски, нема простор за вознемиреност кај јавноста, бидејќи станува збор за тесно дефинирана категорија визи, која не ги засега граѓаните што патуваат туристички или поради образование. Тој истакна дека комуникацијата со стратешките партнери продолжува и дека очекува разврска која ќе биде во интерес на државата и на граѓаните.Премиерот упати и критика до опозицијата, оценувајќи дека по претходните реакции и критики поврзани со Обединетото Кралство, сега неоправдано се отвораат и прашања за односите со САД.Тој нагласи дека Владата останува посветена на зачувување и унапредување на односите со стратешките партнери и повтори дека очекува „многу добри вести“ за македонските граѓани во блиска иднина.

Македонија | пред 2 месеци

СДСМ: Со Мицкоски и ВМРО нема поголеми плати ниту во Армијата

Две години по ред нема никакво зголемување на платите во Армијата на Република Северна Македонија, што е директна последица на неспособното и неодговорно владеење на ВМРО-ДПМНЕ и премиерот Христијан Мицкоски, соопштуваат од СДСМ.Од партијата потсетуваат дека во периодот кога СДСМ беше на власт, платите континуирано растеа во сите сектори, вклучително и во одбраната. Во текот на седум години, платите редовно се зголемуваа, а парите завршуваа кај граѓаните, а не во сомнителни шеми и криминални тендери.„Денес, со ВМРО-ДПМНЕ, парите завршуваат во криминални договори и коруптивни зделки. Владата на Мицкоски нема средства за повисоки плати во Армијата, нема пари за зголемување на минималната плата, ниту за раст на платите во јавниот сектор“, велат од СДСМ.Според партијата, криминалот и корупцијата, заедно со политиките на изолација што ги води актуелната влада, директно придонесуваат за влошување на економската состојба во земјата. Тоа значи помалку пари во буџетот, преполовени инвестиции и зголемена економска несигурност за граѓаните.Од СДСМ предупредуваат дека буџетската дупка е огромна и изнесува околу две милијарди евра, што дополнително ја влошува финансиската стабилност на државата.„Антиевропските политики и кампањите против ЕУ и САД ја туркаат државата во изолација. Поради ваквите политики, Македонија се доведува во иста група со најсиромашните и нестабилни земји во светот“, се наведува во реакцијата.Од партијата нагласуваат дека одбраната на државата е едно од најважните прашања и дека, како членка на НАТО, Македонија мора да има силна и стабилна одбрана, како и задоволни и мотивирани припадници на Армијата.

Македонија | пред 2 месеци

Мицкоски до Филипче: Опозицијата е незрела, безидејна и неодговорна

Сакавме процесот да биде инклузивен, и покрај тоа што имаме двотретинско мнозинство во Парламентот, така што, ако сакавме да се однесуваме незрело и неодговорно како што се однесуваат тие, можевме и без лидерска средба, вака премиерот Христијан Мицкоски одговори на одбивањето на лидерот на СДСМ да оди на лидерска средба.„Тема на лидерската средба не беше само Законот за влада. Ако ние се однесуваме неодговорно како што се однесува тој и генерално опозицијата, нам не ни е потребна лидерска средба, ние со 61 глас може да го смениме Законот за влада и да ја избришеме техничката влада, не ни е потребно мислењето на опозицијата. Но, сакавме процесот да биде инклузивен, и покрај тоа што имаме огромно мнозинство градоначалници, речиси двотретинско мнозинство во Парламентот, така што, ако сакавме да се однесуваме незрело и неодговорно како што се однесуваат тие можевме и без лидерска средба”, рече Мицкоски.Тема требало да бидат се и реформските закони, кои исто така треба да се донесат во Парламентот.„Да разговараме за Изборниот законик, Законот за Јавното обвинителство и за другите реформски закони од правосудството, како Законот за јавнообвинителска и судска служба, за Законот за Советот на јавни обвинители. Сакавме да разговараме и за народниот правобранител. Има многу закони кои ценев дека треба да се донесат во инклузивен процес”, одговори Мицкоски.Изборот на нов народен правобранител е заглавен, бидејќи мнозинството нема Бадентерово мнозинство.

Македонија | пред 2 месеци

Со измените на Кривичниот законик СДСМ и ДУИ си обезбедија самоамнестија, вели Мицкоски

Претседателот на ВМРО-ДПМНЕ, Христијан Мицкоски, оцени дека правосудниот систем во државата е делумно контаминиран како резултат на постапките на поранешната влада на СДСМ и ДУИ, посебно преку измените на Кривичниот законик, со кои, според него, е создадена правна основа за самоамнестија на поранешни функционери.Во гостување на телевизија Алфа, Мицкоски истакна дека најголемиот проблем произлегува од можноста одредени лица да се повикуваат на поповолен закон, што, како што рече, претставува директен удар врз правдата и владеењето на правото.„Генерално, луѓето во правосудството се чесни. Но има еден мал дел кој е контаминиран и кој, за жал, го контаминира целиот систем. Тоа се најчесто партиски послушници, рецидив од поранешната влада на СДСМ и ДУИ, кои жестоко се борат оние што ги поддржале да добијат бенефиции, позиции и слично“, изјави Мицкоски.Тој посочи дека распадот на довербата во правосудството, според него, произлегува од два клучни моменти. Првиот е начинот на избор на судии во Собранието во периодот кога ВМРО-ДПМНЕ била во парламентарна опозиција, а вториот – измените на Кривичниот законик донесени од владата на СДСМ и ДУИ непосредно пред заминувањето од власт.„Првото е изборот на судии во парламентот во 1996 година, кога ВМРО-ДПМНЕ беше во опозиција. Второто е сегашниот момент, кога владата на СДСМ и ДУИ практично пред заминување ги донесе измените на Кривичниот законик и избриша значаен дел од членот 353, тој фамозен член“, рече Мицкоски.Според него, бришењето на овој член имало две цели. „Првата беше да се амнестираат самите себе, а втората – да се амнестира некој што би можел да ѝ нанесе штета на тогаш најсилната опозициска партија, ВМРО-ДПМНЕ. Во првото успеаја, во второто не. ВМРО-ДПМНЕ денес е поголема од сите политички партии заедно“, истакна тој.Мицкоски нагласи дека поранешните функционери од СДСМ и ДУИ и понатаму ќе се повикуваат на поповолниот закон, без разлика на идните законски измени.„Тие секогаш ќе се повикуваат на законот кој за нив е поповолен – а тоа е сегашниот, со кој е избришан членот 353 став 5 и други делови од Кривичниот законик. Без разлика какви измени ќе направиме во иднина, тие ќе велат: се повикуваме на законот што важел во тој период. Токму тука е најголемиот проблем“, оцени Мицкоски.

Македонија | пред 2 месеци

Мицкоски со божиќна порака: Силна држава се гради од силни семејства

Претседателот на Владата, Христијан Мицкоски, упати божиќна порака до православните верници, во која ја нагласи важноста на семејството, верата и солидарноста како темелни вредности врз кои се гради стабилна и силна држава.Во пораката, Мицкоски истакна дека Божиќ е празник кој потсетува на суштинските вредности што со векови го обликувале македонскиот народ, нагласувајќи дека силата на општеството започнува во домот.„Божиќ е ден кога тишината зборува погласно од зборовите. Ден кога се потсетуваме на она што навистина нè држи заедно: семејството, верата, солидарноста и меѓусебната почит“, порача Мицкоски.Тој посочи дека стабилната држава се гради врз здрави семејства и дека иднината на општеството се чува преку грижата за најмладите. Според него, во време на брзи промени и бројни предизвици, Божиќ е повик за враќање кон вредностите што обезбедуваат опстанок и напредок – заемна грижа, солидарност и одговорност кон ближниот.„Грижата за семејствата е грижа за иднината на Македонија. Децата заслужуваат сигурност, внимание, воспитување и средина во која ќе растат со јасни вредности, чувство на припадност и надеж“, истакна премиерот, додавајќи дека обврска на институциите е да создаваат услови за достоинствен живот на секое дете и поддршка за секое семејство.Во пораката се нагласува и значењето на единството, со пораката дека само како заедница која се почитува, се слуша и си помага, државата може да одговори на предизвиците и да гради стабилна, праведна и сигурна иднина.На крајот, Мицкоски им посака мир во домовите, здравје и спокој во семејствата на сите православни христијани, завршувајќи со традиционалниот божиќен поздрав:„Христос се роди!“

Македонија | пред 2 месеци

Бугарското МНР му одговори на Мицкоски: Планот за заедниците не е спор меѓу Скопје и Софија

Прашањето на кој јазик треба да биде изготвен Акцискиот план за правата на заедниците е внатрешно прашање на Северна Македонија и не претставува тема на билатералните односи, соопштија од Министерство за надворешни работи на Бугарија, реагирајќи на изјавите на премиерот Христијан Мицкоски во врска со овој документ.Реакцијата од официјална Софија следува по тврдењата на Мицкоски дека Акцискиот план за правата на малцинствата и заедниците бил изготвен уште пред неколку месеци, со вклученост на европски експерт, но дека не бил прифатен од Бугарија. Премиерот викендов изјави дека единствената суштинска забелешка од Софија се однесувала на фактот што документот бил напишан на македонски јазик, што, според него, покажува дека проблемите што Бугарија ги има со земјава се подлабоки и не се поврзани со исполнувањето на Копенхашките критериуми за членство во Европска Унија.Во соопштението објавено на официјалната веб-страница на бугарското Министерство за надворешни работи се наведува дека документот ќе го спроведуваат институциите на Северна Македонија кон сопствените граѓани и дека, според таа логика, тој треба да биде напишан на јазик што е разбирлив и достапен за нив. Од Софија оценуваат дека одлуката на Скопје нацрт-планот да им го претстави на граѓаните на англиски јазик е тешко објаснива, особено ако целта е документот да биде реално и целосно применет.Бугарското МНР во исто време истакнува дека Акцискиот план за правата на заедниците е чекор што треба да следи по внесувањето на Бугарите во Уставот на Северна Македонија, што сè уште не е реализирано, а кое, според Софија, е предуслов за отворање на преговорите за пристапување во Европската Унија.Во реакцијата се поздравуваат и изјавите на премиерот Мицкоски дека во документот ќе бидат вградени сите други забелешки на бугарската заедница, при што од бугарската дипломатија наведуваат дека очекуваат тој да го исполни даденото ветување.Мицкоски, пак, претходно нагласи дека ниту една друга земја членка на ЕУ, ниту пак некое малцинство во Северна Македонија, не реагирало на содржината на Акцискиот план и дека единственото прашање што било проблематизирано е јазикот на кој е напишан документот. Тој истакна дека македонскиот јазик е мајчин и официјален јазик на државата, како и дел од меѓународната комуникација, и дека сите технички и политички барања биле испочитувани.Премиерот додаде дека во изработката на Планот биле вклучени и предлози од меѓународни експерти, меѓу кои и од Италија, а на барање од Брисел документот бил доставен до Бугарија и пред официјалниот рок, како гест на добра волја. Според него, актуелната ситуација уште еднаш покажува дека спорот не е поврзан со заштитата на малцинствата, туку со подлабоки политички несогласувања.Акцискиот план за правата на малцинствата и заедниците е еден од чекорите што Северна Македонија треба да ги реализира во рамки на пристапниот процес кон Европската Унија, а дебатата околу него повторно ги актуелизира сложените односи меѓу Скопје и Софија.

Свет | пред 2 месеци

Мицкоски: Тутунот се откупува по највисока цена до сега и затоа сите се задоволни, се очекува околу 200 милиони евра да завршат кај тутунопроизводителите

Претседателот на Владата Христијан Мицкоски одговарајќи на новинарски прашања се осврна на темата со откупот на тутунот. Тој посочи дека откупната цена е до сега највисока и затоа и откупувачите и тутунарите се задоволни.„Во моментов се откупени 23-24 милиони килограми тутун, а просечната цена е близу 420 денари, некаде околу 7 евра, што е највисока до сега. Гледате нема протести, нема блокади, нема ништо, туку напротив задоволни се и тутунопроизводителите и откупувачите. Кога на тоа ќе се додаде и субвенцијата тогаш доаѓаме до некои 500 денари по предаден килограм тутун. Тоа за мене е исклучително квалитетен род и би рекол исклучително квалитетен бизнис. На 24 милиони килограми, кога ќе ставиме 500 денари, добиваме околу 12 милијарди денари, околу 200 милиони евра ќе завршат кај тутунопроизводителите. И тоа е добро. Порано се откупуваа по 15-16 милиони килограми по цена од 120-130 денари, а денес е тоа 23-24 милиони килограми по цена од 420 денари по килограм, со субвенција 500. Навистина добра работа се прави“, изјави премиерот Мицкоски.

Македонија | пред 2 месеци

Мицкоски: Апсолутно стоиме зад потезите на САД за Венецуела, а тие што коментираат дека ова е преседан, молчеа за Македонија

Премиерот Христијан Мицкоски прашан за позицијата на нашата држава во однос на приведувањето на венецуелскиот претседател Николас Мадуро од страна на САД, рече:„Ние како Влада апсолутно стоиме до аргументите и потезите на нашиот стратешки партнер – Соединетите Американски Држави. Мене најмногу ме зaгрижува громогласната тишина на истите тие европски и светски земји во минатото кога меѓународното право се кршеше на грбот на Македонија и македонскиот народ.И како тогаш сите тие се оглувеа и никој од нив не го коментираше сето тоа. И како сега наеднаш, сите тие коментираат дали било тоа меѓународно право или не било меѓународно право итн., имајќи предвид дека познавам голем дел од тие што коментираат, а не се меѓународноправни експерти. Јас тоа би им го оставил на експертите по меѓународно право. Но, еднаш кога во животот ќе направите исклучок, тој потоа станува пракса и е прашање на време кога ќе се удри од вашиот грб”, рече Мицкоски.Мицкоски тврди дека преседанот бил направен уште кога се менуваше знамето на нашата држава за да биде земја членка на Обединетите нации, кога се менуваше Уставот, кога се менуваше уставното име, и кога се лажеа луѓето дека за рок од три-четири години ќе станеме земја членка на ЕУ.

Македонија | пред 2 месеци

Мицкоски: Во март следува ново зголемување на платите во здравството и образованието

Претседателот на ВМРО-ДПМНЕ во интервју за Вечер.мк истакна дека Владата останува цврсто посветена на подобрување на животниот стандард на граѓаните преку континуирано зголемување на платите и инвестиции во клучните сектори - образованието и здравството.Тој нагласи дека зголемувањето на платите во образованието и здравството се реализира согласно веќе потпишаните четиригодишни договори со репрезентативните синдикати.„Зголемувањето на платите во здравството и во образованието го правиме како резултат на договорите што веќе ги имаме потпишано со синдикатите, односно со репрезентативните синдикати, и тоа се договори за период од четири години, конкретно во образованието за 2025, 2026 и 2027, во зависност од од капацитетот на буџетот, усогласувањето, односно зголемувањето ќе биде меѓу 7,5% и 10%, а во 2028 меѓу 10% и 12,5%, што е четиригодишен договор потпишан со репрезентативните синдикати”, рече претседателот на ВМРО-ДПМНЕ, Христијан Мицкоски во интервју за  за „Вечер.мк“.Мицкоски потсети дека во текот на оваа година зголемување на платите добија и припадниците на Министерството за внатрешни работи, Министерството за одбрана, што е јасен показател за системски пристап кон унапредување на платите во јавниот сектор.„Слична формула имаме и со репрезентативните синдикати во здравството; ќе потсетам дека оваа година и припадниците на Министерството за внатрешни работи добија зголемување на платите, како и припадниците во Министерството за одбрана, односно во армијата, и така натаму, така што апсолутно се грижиме за стандардот на граѓаните и на вработените во рамките на нашите можности и така ќе продолжиме и во иднина, а го фасилитираме и социјалниот дијалог помеѓу работниците и работодавачите”, истакна Мицкоски.

Македонија | пред 2 месеци

Мицкоски: Пензиите се зголемуваат, а сиромаштијата се намалува

„Ставот на Владата е јасен, нашиот чекор што го направивме можеме да го аргументираме, а потврда дека сме направиле добар чекор се и објавите на Државниот завод за статистика кои деновиве излегуваат и се коментираат во јавноста околу лаекенските индикатори, односно нивото на сиромаштија, џини-индексот, нерамномерната распределба на доходот. Тука имаме добра вест, а тоа е дека се намалува стапката на сиромаштија, ако во 2021 година била 23%, сега е 21,9 во 2024, а во 2023 била 22,2%. Џини-индексот, односно нееднаквата распределба на приходите, ако биле 30,3 во 2023, во 2024 е 29,1 и е најдобар во регионот, па и кога ја гледаме нееднаквата распределба на доходот дури е над европскиот просек“, истакна претседателот на ВМРО-ДПМНЕ, Христијан Мицкоски во интервју за „Вечер.мк“.Мицкоски истакна дека одлуката на Владата за зголемување на пензиите ќе влијае позитивно врз намалувањето на стапката на сиромаштија со акцент на пензионерите и дополнително намалување на џини индексот.„И во 2024 година е овој индикатор, зголемувањето прво линеарно од 2.500 денари беше во ноември месец, што значи дека има мало или незначително влијание во овој параметар, а во 2025 веќе очекувам точно да се види дека нашата одлука за ваков тип на зголемување на пензијата ќе влијае многу позитивно врз намалувањето на стапката на сиромаштија со акцент на пензионерите и со дополнително намалување на џини-индексот, односно нееднаквата распределба на доходите, што за државата ќе значи многу бидејќи светските агенции го ценат кредитниот рејтинг на државата токму и врз основа на вакви параметри“, рече претседателот Мицкоски и додаде:„Така што мислам дека таа политика си го даде својот резултат и апсолутно стоиме позади исправноста на тие чекори. Постојат структури кои го предизвикаа Уставниот суд и ќе видиме како тоа ќе заврши, а јас не би сакал да ги коментирам одлуките на Уставниот суд“.

Македонија | пред 2 месеци

Мицкоски: За година и половина ги реализиравме сите цели, ја затекнавме државата со наследени проблеми, но воспоставивме одговорно и домаќинско управување

Претседателот на ВМРО-ДПМНЕ, Христијан Мицкоски  истакна дека Владата во изминатата година и половина ги реализирала сите зацртани цели, а во многу сегменти направила и повеќе од првично планираното, како резултат на реалните и итни состојби со кои се соочила државата.„Немаше нешто што планиравме, очекувавме да го направиме, а не го направивме. Мислам дека направивме и повеќе од тоа што очекувавме”, истакна Мицкоски во интервју за „Вечер.мк“.Тој нагласи дека и по година и половина од преземањето на одговорноста, Владата се уште се соочува со непријатни изненадувања, кои во најголем дел се резултат на, како што посочи, седумгодишното неодговорно управување на СДС и ДУИ.„Секој ден излегува некое ново  непријатно изненадување кое е последица, би рекол, во најголем дел од седумгодишното управување со владата на СДСМ и ДУИ, но исто така има и објективни, во помал број, изненадувања кои не сум ги очекувал. Но најголемиот број непријатни изненадувања или работи кои не сум ги очекувал се навистина од тоа време“, потенцираше Мицкоски.Мицкоски додаде дека Владата работи посветено и одговорно, со цел целосна стабилизација на состојбите и надминување на наследените проблеми, притоа водејќи се исклучиво од државниот и јавниот интерес.„Така што навистина во овие година и половина можам да кажам, еве гордо, дека сите цели кои ги имавме како влада ги реализиравме и, поради изнудените чекори што мораше да ги правиме, направивме и многу работи кои не ги планиравме дека ќе ги завршиме во овие година и половина”, посочи Мицкоски.

Македонија | пред 2 месеци

Во април ново линеарно зголемување на пензиите

Линеарно зголемување на пензиите ќе има и во април, најави премиерот Христијан Мицкоски, посочувајќи дека Владата останува доследна на политиката на континуирана поддршка на пензионерите како една од најранливите категории во општеството.„Во април ќе има линеарно покачување на пензиите. Продолжуваме со тоа“, изјави Мицкоски, нагласувајќи дека ваквиот пристап е директно поткрепен со последните статистички податоци за нивото на сиромаштија во државата.Според премиерот, стапката на сиромаштија кај пензионерите е еден од клучните индикатори што ја оправдуваат одлуката за линеарно, а не процентуално зголемување на пензиите, со цел да се постигне поголема социјална праведност.„Сакаме да го намалиме нивото на сиромаштија кај оваа група“, истакна Мицкоски, додавајќи дека Владата ќе продолжи со мерки што имаат директен и мерлив ефект врз животниот стандард на пензионерите.Најавата за априлското зголемување доаѓа во период кога Владата ја нагласува својата заложба за стабилен социјален систем, предвидливи политики и заштита на граѓаните со најниски приходи, во услови на економски предизвици и зголемени трошоци за живот.

Македонија | пред 2 месеци

Мицкоски заедно со граѓаните на плоштад „Македонија“, на дочек на Новата година

Претседателот на Владата, Христијан Мицкоски, синоќа заедно со граѓаните, ја дочека Новата 2026 година на плоштадот „Македонија“ во Скопје.Премиерот на социјалните мрежи објави порака со која им посака здравје, разбирање и успеси на сите граѓани, нагласувајќи ја важноста од заедништво и позитивна енергија во Новата година.„Заедно со нашиот народ на плоштадот Македонија да ја дочекаме Новата година. Да посакам добро здравје, разбирање и успеси за секој еден човек на нашата Македонија. Среќна Нова година!“, напиша Мицкоски.На дочекот на плоштадот, премиерот беше заедно со градоначалникот на Град Скопје, Орце Ѓоргиевски.

Македонија | пред 2 месеци

Мицкоски: Започнува инвестиција од 21 милион евра за набавка на нови електрични локомотиви со поддршка на ЕБРД

Претседателот на Владата, Христијан Мицкоски, денеска најави значајни инвестиции во железничкиот транспорт, оценувајќи дека железницата со децении била занемарувана, иако е од клучно значење за економијата, извозот и европската перспектива на државата.Мицкоски соопшти дека ќе се инвестираат 21 милион евра за набавка на до пет нови електрични локомотиви со резервни делови, преку договор за заем меѓу МЖ Транспорт и Европската банка за обнова и развој (ЕБРД). Како што посочи, на инвестицијата ѝ претходела детална анализа која покажала дека без модерни локомотиви железницата не може да ја исполни својата економска улога.Тој истакна дека состојбата во МЖ Транспорт била „катастрофална“, наведувајќи дека до неодамна претпријатието немало ниту една целосно функционална локомотива, а над 20 меѓународни товарни композиции биле блокирани во Гевгелија, што резултирало со изгубени договори и приходи.Според Мицкоски, состојбите почнале да се подобруваат од јули 2024 година, кога во функција биле ставени пет локомотиви, а до февруари 2025 година вкупно десет од постојните 46. Сепак, тој нагласи дека просечната старост на дизел локомотивите е над 60 години, а на електричните над 40, што, како што рече, е неодржливо од економски, безбедносен и еколошки аспект.Целта на новата набавка, според премиерот, е зголемување на транспортниот капацитет, приходите и финансиската стабилност на МЖ Транспорт, при што железницата повторно треба да стане двигател на извозот и логистиката. Посебен акцент беше ставен на еколошкиот аспект, со најавата дека фокусот на електрични локомотиви ќе придонесе за намалување на загадувањето и развој на одржлив транспорт.Мицкоски информираше и дека започнале градежните работи за Линија 1 – т.н. градски воз, со вредност од 360 милиони денари, како и дека изградбата на брза пруга на Коридор 10 останува стратешки приоритет, со средства обезбедени преку договорот за стратешко партнерство со Обединетото Кралство.

Македонија | пред 3 месеци

Алиу: Клиниката за гинекологија e симбол за нов живот, извршено реновирање и унапредување на условите за мајките и новороденчињата

Министерот за здравство, Азир Алиу заедно со претседателот на Владата, проф. д-р Христијан Мицкоски денеска ја посетија Универзитетската клиника за гинекологија и акушерство, каде е извршено реновирање на повеќе простории кои секојдневно ги користат илјадници пациентки. Вкупната инвестиција изнесува над 34 милиони денари.   - Гинеколошко-акушерската клиника е место каде што започнуваат нови животи, каде што се носат најтешки одлуки и каде што довербата во здравствениот систем мора да биде апсолутна. Затоа секоја инвестиција тука има посебна тежина и посебна одговорност. Од вкупната површина на клиниката, реновирани се 2 илјади квадратни метри, односно целото приземје кое го опфаќа влезниот хол, поликлиничкиот дел со амбуланти, HPV лабораторијата, биохемиската лабораторија, како и амбулантата за итни случаи. Ова значи подобра организација, побрза услуга и поквалитетна грижа , токму таму каде што е најпотребно, рече министерот Алиу.Тој посочи дека е особено значајна и новата настрешница од 420 квадратни метри на платото на Клиниката, што овозможува побезбедно и подостоинствено прифаќање на пациентките кои се транспортираат од други здравствени установи, а воедно со оваа инвестиција се покажува грижа, безбедност и почит кон секоја жена што доаѓа на клиниката во чувствителен момент.   - Оваа инвестиција е реализирана целосно со средства на самата Клиника. Тоа зборува за одговорно управување, визија и посветеност на раководството и вработените. Како Министерство за здравство, наша задача е да создаваме услови во кои здравствените работници ќе можат да ја дадат најдобрата можна грижа, а пациентите ќе се чувствуваат сигурно, почитувано и згрижено, заклучи министерот.

Македонија | пред 3 месеци

СДСМ: Мицкоски има виза за Британија и гради зграда од 45 ката во Белизе

Социјалдемократскиот сојуз на Македонија обвини дека ВМРО-ДПМНЕ води организирана и сензационалистичка кампања со цел дефокусирање на јавноста од, како што велат, вистинските проблеми – криминалните тендери и плановите за „мигранти за пари“.Од СДСМ посочуваат дека изминатите денови биле објавени десетици текстови со идентични наслови во порталите блиски до ВМРО, како и прилози на телевизии, со наводи дека д-р Венко Филипче поседува „златна виза“. Според партијата, станува збор за класичен пример на жолт печат и намерно пласирани лаги.„Оваа тема служи единствено за дефокус од сериозните прашања и од обидот за дестабилизација на СДСМ, преку координирани активности со лица кои јавно се декларираат како анти-СДСМ“, соопштуваат од партијата.СДСМ нагласува дека визата е обичен административен документ за влез или престој во друга држава, а не „злато“, како што се обидува да се прикаже во јавноста. Потенцираат дека д-р Венко Филипче е лекар и нема никаква поврзаност со градење згради, ниту со наводни инвестиции во Дубаи, ниту пак со поранешниот премиер Зоран Заев, кој, како што велат, веќе пет години е надвор од политиката.Од партијата порачуваат дека нема да одговараат на лажни вести и измислици, туку ќе продолжат со разоткривање на, како што велат, криминално-коруптивните шеми на ВМРО-ДПМНЕ.„Пред нас се избори и граѓаните ќе имаат јасен избор – изолација и хаос или европска, демократска и просперитетна Македонија. СДСМ ќе се бори власта да се врати во рацете на граѓаните, а не во канџите на бандитски структури“, велат од СДСМ.Од партијата додаваат дека нивната цел е изградба на функционален систем, по европски стандарди, и подобра иднина за граѓаните и нивните деца.„Борбата трае и нема да застанеме“, порачуваат од СДСМ.

Македонија | пред 3 месеци

(Видео) Мицкоски: Ако „УСЈЕ“ е проблем за граѓаните, дислокацијата не е проблем за Владата

Премиерот Христијан Мицкоски изјави дека Владата ќе постапи во рамки на своите ингеренции по заклучоците донесени од Советот на Град Скопје за цементарницата „УСЈЕ“, нагласувајќи дека и вонредните инспекциски контроли и евентуалната дислокација не претставуваат проблем доколку тоа е во интерес на граѓаните.„Се бараат вонредни инспекциски проверки и тие веќе се спроведуваат. Што се однесува до дислокацијата, ниту тоа не е никаков проблем за Владата. Сѐ што е проблем за граѓаните е проблем и за нас. Јас ги разбирам граѓаните, тие секогаш се во право – сите тука живееме и го дишеме овој воздух“, изјави Мицкоски.Тој додаде дека суштината на проблемот со загадувањето е резултат на децениска негрижа во обезбедувањето еколошки системи за затоплување, како далечинско греење и гасификација, посочувајќи дека Владата работи на проект во таа насока. Притоа, премиерот нагласи дека загадување има и во други градови каде што нема големи индустриски капацитети, што, според него, укажува дека причините се пошироки и посложени.Изјавата на Мицкоски доаѓа откако Советот на Град Скопје по маратонска седница што траеше 13 часа едногласно ја прифати иницијативата на Зелен хуман град за започнување постапка за дислокација на цементарницата „УСЈЕ“ од Кисела Вода, односно надвор од скопската котлина. Со донесените заклучоци, Градот се обврзува да поднесе официјално барање до Министерството за животна средина за целосна проверка на работењето на „УСЈЕ“ и останатите големи загадувачи, како и да побара низа ненајавени, вонредни инспекциски надзори од Државниот инспекторат за животна средина.Дополнително, општините во Скопје, пред сѐ Општина Кисела Вода, ќе треба внимателно да постапуваат при креирањето на идните урбанистички планови, а градоначалникот на Скопје ќе побара од Владата да отвори постапка за дислокација на „УСЈЕ“ и другите големи индустриски капацитети, согласно Законот за животна средина и Просторниот план.Од компанијата ТИТАН Усје ги отфрлија обвинувањата дека се еден од главните извори на загадување, тврдејќи дека работат согласно најдобрите достапни техники во Европската Унија и дека не ги надминуваат законски дозволените лимити. Според нивното интегрално соопштение, мерењата на емисиите, како од сопствените системи така и од независни лаборатории и Државниот инспекторат за животна средина, покажуваат дека вредностите се во рамки на дозволеното, а во дел од параметрите и повеќекратно пониски од законските граници.Заклучоците од седницата на Советот на Град Скопје ќе бидат доставени до Владата, Министерството за животна средина, Државниот инспекторат за животна средина и сите скопски општини, додека од „Зелен хуман град“ најавија дека внимателно ќе го следат секој чекор од процесот, со порака дека здравјето на граѓаните мора да биде приоритет број еден.

Скопје | пред 3 месеци

Мицкоски: Лага е дека има договор за мигранти, граѓаните да бидат спокојни

„Јавноста да биде спокојна. Сè додека е оваа влада, нелегална миграција, легална миграција, како резултат на пропаднати апликации за азил, како резултат на некакви си договори, нема да има. И тоа се гледа“, нагласи премиерот Христијан Мицкоски како одговор на пратеничко прашање во Собранието.„Многу пати коментиравме во јавноста дека е апсолутна лага и конструкција дека било кога сме разговарале воопшто на оваа тема во процесот за постигнување на договор за стратешко партнерство со Обединетото кралство, посочи премиерот Мицкоски, оценувајќи ја оваа тема како кампања за невистина на опозицијата за растурање на пердуви со цел да се тргне вниманието од внатрепартиските случувања во СДСМ, изборот на новиот состав на нивниот партиски Извршен Одбор.Тоа е филозофијата и пи-ар трикот што мислат дека ќе го направат. Мислам дека тоа не е игра на краток рок, туку игра на уназадување. Ако некој пледира да биде сериозна политичка опција, тогаш треба да има и сериозни позиции, а ова не се сериозни позиции, туку политички гимнастики кои немаат апсолутно никаква врска… Еве ќе дојдат и март и април, мигранти ќе нема, ќе дојде и јуни пак ќе нема мигранти, и тогаш што ќе се прави? На следните избори наместо 18, ќе имаат 12 пратеници“, оцени Мицкоски.Мицкоски притоа посочи и на празната сала во делот каде што треба да седи опозицијата, во која немаше пратеници, нагласувајќи дека ова е ден, седница за поставување на пратенички прашања, ден кога опозицијата треба да ја прашува владата, а пратениците кои ги чинат граѓаните меѓу две и три илјади евра месечно, пратениците од опозицијата ги нема.Ова е сликата на македонската опозиција денеска. Да видат граѓаните кој пледира да биде влада во Македонија.Мицкоски посочи дека и покрај стравувањето на СДСМ од предвремени избори, како одговорна Влада и мнозинство во Собранието, избори напролет нема да има, бидејќи следната година е полна со предизвици кои треба да се решаваат.На темата „мигранти“ Мицкоски ја поздрави Резолуцијата донесена во македонското Собрание.„Со тоа јасно и недвосмислено се става крај на оваа измислена тема мигранти, ги потврдува политиките на владата, а политиките на владата ги потврдија граѓаните на локалните избори коишто се случија пред неколку недели. Оваа влада како ретко која влада од независноста до денес, има обврска да ги штити интересите на граѓаните бидејќи има во историска смисла најголема доверба. И затоа мораме да се однесуваме одговорно колку и да имаме работа со неодговорна опозиција“, рече Мицкоски. „Мицкоски ја искоментира и претставката пред Уставниот суд за усвоената Резолуција во Собранието поднесена од СДСМ, нарекувајќи го како „чудно“ и невидено во светот, бидејќи не станува збор за закон или подзаконски акт, туку за Резолуција. Мислам дека местото не е таму. Местото е тука, во Парламентот. Тука се прави таа дебата, тука се бранат аргументите, тука граѓаните следат, но овие места на опозицијата се празни. И затоа кога утре ќе зборат за интересите на граѓаните, за стандардот на граѓаните, за подобра држава, граѓаните треба само оваа слика да ја видат, денес на пратенички прашања. Ова е сликата на опозицијата во македонското собрание“, одговори премиерот Христијан Мицкоски на прашање за темата за мигранти, притоа посочувајќи на празните места во Собранието а на кои ги немаше пратениците од опозицијата.

Македонија | пред 3 месеци

Мицкоски до ДУИ: Вие баравте да се укине балансерот

Пратеничката од ДУИ, Рина Ајдари на седницата за пратенички прашања таа кажа дека оваа Влада ја укинала алатката за правична застапеност и оти речиси две години, Албанците се без заштитени права и се објавуваат, како што рече, скандалозни конкурси за вработување само на Македонци.,,Испраќање невистини од говорницата нема да ви донесе политички поени туку дополнително ќе одите во негативна насока што не е добро за вас. Се што кажавте е неточно и невистина. Чесно и доблесно ќе беше да се извините пред граѓаните и да кажете дека ние од ДУИ на владина седница донесовме одлука со која препорачавме да се избрише алатката Балансер и чесно и доблесно ќе беше да кажевте дека сите оние судии во Уставниот суд коишто ја донесоа таа одлука се уставни судии избрани од претходното владино мнозинство на СДСМ и ДУИ или се предлог на поранешниот претседател на државата, господинот Пендаровски. Ова е вистината што сите почитувани граѓани треба да ја знаат. Се останато е невистина и обид за груба политичка манипулација, одговори премиерот Мицкоски.

Македонија | пред 3 месеци

Мицкоски: На сите оние кои денеска го прославуваат Рождеството Христово - Божиќ, им го честитам празникот со искрени желби за благосостојба, духовен мир и добро здравје

Претседателот на Владата и лидер на ВМРО-ДПМНЕ, Христијан Мицкоски, упати божиќна честитка до сите граѓани кои го прославуваат Рождеството Христово – Божиќ според грегоријанскиот календар.Во своето обраќање, Мицкоски им посака на граѓаните благосостојба, духовен мир и добро здравје, посочувајќи дека божиќните празници се време кога домовите треба да бидат исполнети со радост, љубов и Божји благослов.Тој истакна дека раѓањето на Спасителот е симбол на надеж, единство и топлина, особено во периоди кога, како што нагласи, е неопходна заедничка сила и поддршка. Мицкоски повика на солидарност и подадена рака кон сите на кои им е потребна помош, без разлика на разликите, со посебен акцент на најранливите категории граѓани.„Божиќ е празник на дарувањето, љубовта и разбирањето, а нашата историја нè научила дека заедно сме посилни и дека само обединети можеме да ги надминеме предизвиците“, порача Мицкоски.Во духот на божиќната порака за мир и добра волја меѓу луѓето, тој изрази желба за напредок, стабилност и перспектива на државата, нагласувајќи дека Македонија може да биде силна и успешна само доколку постои заедништво и меѓусебна почит.Мицкоски додаде дека должност на сегашната генерација е, со посветена работа и вера, да се избори за подобар живот и посветла иднина за сегашните и идните поколенија, преку изградба на стабилна, економски силна и праведна држава.„Нека Божиќната светлина ги осветли нашите заеднички цели кон подобро утре“, порача Мицкоски, посакувајќи им на граѓаните среќен и благословен Божиќ.

Македонија | пред 3 месеци

Мицкоски: Не им се лутиме на тие што заминаа, каменот тежи на своето место, Македонија има потреба од вас

Премиерот Христијан Мицкоски упати силна и емотивна порака до македонските иселеници кои се вратиле во татковината и започнале нови, успешни приказни, истакнувајќи дека нивното враќање не е симболично, туку суштинско за развојот на државата.Обраќајќи им се на луѓе кои, како што рече, ја знаат Македонија „и одвнатре и однадвор“, Мицкоски нагласи дека заминувањето од татковината не било прашање на желба, туку на нужда – потрага по подобри услови, сигурност и перспектива. „Ние не можеме да се лутиме на оние кои заминале. Ги разбираме нивната мака, нивната борба и нивните тешки одлуки“, истакна премиерот.Тој посочи дека, и покрај успехот во странство, човек секогаш останува „дојденец“, додека дома е свој на свое. „Само дома твоето име, твојот труд и твојата приказна имаат длабок корен и трајна вредност“, рече Мицкоски, потсетувајќи на народната мудрост дека „каменот тежи на своето место“.Премиерот нагласи дека знаењето и искуството стекнато во странство, со враќањето во Македонија, добиваат нова смисла и стануваат темел за отворање нови бизниси, работни места и идеи што носат свежа енергија во економијата. Според него, Македонија повеќе не е земја што стои во место, туку држава што се менува и се развива преку инвестиции во индустрија, енергетика и инфраструктура.„Нашата обврска како Влада е да создадеме услови – стабилност, правна сигурност и поддршка за инвестиции. Но државата не се гради само со институции, туку со умови, знаење и храброст“, порача Мицкоски.Во обраќањето беше испратена јасна порака и до македонската дијаспора ширум светот: „Ве разбираме, ве почитуваме и вратите се отворени“. Премиерот нагласи дека не се ветува лесен пат, но се нуди смисла и можност трудот да биде дел од нешто поголемо – придонес за заедницата и идните генерации.„Домот не е совршен, домот се гради. А нашата заедничка Македонија денес е токму тоа – дом што се гради и во кој има место за сите свои луѓе“, заклучи Мицкоски, оценувајќи дека повратниците се доказ дека враќањето е сила и најсилната порака до сите дека татковината сè уште ги чека своите.

Македонија | пред 3 месеци

СДСМ: Граѓаните на Скопје дишат отров, Мицкоски ги лаже

Скопје се најде на второто место меѓу најзагадените градови во Европа, а граѓаните секојдневно дишат отровен воздух исполнет со токсични материи опасни по здравјето, реагира СДСМ.„Наместо Владата да инвестира во конкретни проекти и политики за почист воздух и да преземе итни мерки за заштита на здравјето на граѓаните, приоритет на владата на Христијан Мицкоски се криминалните тендери и испумпување јавни пари“, велат од СДСМ.„161 тендер за една фирма, 9 милиони евра за друга – за тоа има пари владата на Мицкоски. За мерки против загадувањето и за чист воздух – нема“, посочуваат од СДСМ.Од партијата додаваат дека, по методите на Вучич и Никола Груевски, Мицкоски ги манипулира граѓаните со тврдења дека воздухот во Скопје бил почист од оној во Виена, што, како што велат, е очигледна лага.„По толку многу лажни изјави, јасно е дека на Мицкоски не може да му се верува. Затоа и ја донесоа противуставната Резолуција“, велат од СДСМ.Од опозициската партија прашуваат што е следно – дали ќе се забрани јавно да се зборува за загадениот воздух во Скопје, само затоа што Мицкоски тврди дека тој е чист.

Македонија | пред 3 месеци

СДСМ поднесе иницијатива до Уставниот суд за Резолуцијата против нелегалната миграција

Социјалдемократскиот сојуз на Македонија денеска достави иницијатива до Уставниот суд со која бара оценка на уставноста на Резолуцијата за потврда на политиките против нелегалната миграција, усвоена по предлог на актуелната власт.Од СДСМ сметаат дека со Резолуцијата се нарушуваат темелните демократски принципи и дека документот отвора сериозни уставни дилеми. Според партијата, актот предвидува ограничувања кои задираат во основните човекови слободи, меѓу кои слободата на изразување, правото на јавно дејствување и слободата на лично уверување.Премиерот Христијан Мицкоски, коментирајќи ја иницијативата на опозицијата, порача дека Уставниот суд е институцијата која треба да ја даде конечната оценка за законитоста и уставната основаност на Резолуцијата. Воедно, тој ја критикуваше СДСМ поради тоа што не учествувала на собраниската расправа.„Останува жал што СДСМ не беше присутна на седницата на која сите парламентарни партии можеа заеднички да заземат став против изградба на мигрантски кампови и против прифаќање мигранти или азиланти врз основа на какви било договори“, изјави Мицкоски.Резолуцијата беше изгласана во Собранието во текот на оваа недела, а опозициските пратеници не присуствуваа во салата за време на гласањето.

Македонија | пред 3 месеци

Мицкоски најави две нови странски инвестиции во вкупна вредност од 80 милиони евра

Претседателот на Владата на Република Северна Македонија, Христијан Мицкоски одговарајќи на новинарско прашање, дали има најава за нови инвестиции во државата, информираше дека веќе има потврда за две нови странски инвестиции во вкупна вредност од околу 80-тина милиони евра.„Па да, ние генерално, преговараме со многу компании коишто доаѓаат надвор од земјава, коишто ќе инвестираат во Македонија. Можам да потврдам дека веќе имаме потврда од две такви. Една турска, една германска, коишто вкупно ќе инвестираат околу 80-тина милиони евра. Извозот којшто двете заедно ќе го прават од Македонија ќе биде над 200 милиони евра и вкупно двете компании би требало да вработат некаде околу 1.000 вработени. Двете не се во автомобилската индустрија, туку во индустрија со висока технологија, што посебно нè прави горди“, изјави Мицкоски.Премиерот Мицкоски очекува бројот на странски инвестиции во државата значајно се зголемат до крајот на годината.„До крајот на годината очекувам уште најмалку три потврди, со што ќе го заокружиме овој циклус, а во следната година ќе продолжиме и на овој план да работиме, да ги поддржуваме домашните компании е наш приоритет, но, се разбира, и компании коишто доаѓаат од надвор, а коишто пројавуваат интерес да инвестираат тука, се добредојдени. Фокусот ни е малку да направиме диверзификација на тоа портфолио, да не биде само автомобилската индустрија, туку и ваков тип на инвестиции во висока технологија“, објасни премиерот.

Македонија | пред 3 месеци

Мицкоски: Нема никаква врска дека ќе се населуваат мигранти, ова е тема измислена од СДС за да се скријат внатрешните проблеми

„Не, нема вистина“, порача Христијан Мицкоски претседател на Владата на Република Северна Македонија во вечерашното интервју во Тема на денот на ТВ Сител за пишувањата на британските медиуми за мигрантски кампови во државата.Премиерот Мицкоски истакна дека не само што нема вистина, туку не може да го разбере неодговорното однесување на СДС кои што шират паника и страв кај граѓаните.„И не само што нема вистина, туку јас навистина не можам да ги сфатам овие политички гимнастики кои што ги прави опозицијата кај нас од аспект на сеење страв и паника кај граѓаните. Тоа е неодговорно однесување“, смета тој.Мицкоски потенцираше Владите на СДС биле промигрантски, бидејќи во 2017 година на владина седница усвоиле и донеле Национална стратегија, и преку Министерството за социјална политика и труд и испраќале дописи до општините и барале соодветни места и локации каде што би се изградиле потенцијални кампови.„Од друга страна ги разбирам затоа што ова е тема на која што тие мислат дека внатрешно ќе се мобилизираат, иако ако се вратиме наназад во минатото ќе забележиме дека практично политиката која што тие ја воделе и нивните Влади, е токму промигрантска, односно луѓе кои што воделе политика на интегрирање на мигранти. И тоа јасно го кажува националната стратегија од 2017тата година усвоена и донесена на владина седница од страна на тогашното министерство за социјална политика и труд, и врз основа на таа стратегија тие праќаат дописи во општините за да бараат соодветни места и локации каде што би се изградиле потенцијални кампови односно живеалишта на лица кои што се странски државјани и кои што би се интегрирале, читај мигранти“, вели Мицкоски и додаде:„Од прилика тоа е накратко целата филозофија. Но во ред. Еве јас како што реков не можам да ги разберам за нивното неодговорно однесување, бидејќи сеат страв и паника кај одредена група граѓани. А од друга страна ги разбирам поради проблемите внатрешни кои што ги имаат во рамки на структурата. Но исто така не можам да ја разберам нивната пи-ар стратегија бидејќи ова ќе им се удри толку силно од глава бидејќи ќе дојде март, април, ќе дојде јуни 2026, 2027, и ќе нема мигранти. И тогаш што правиме? На изборите повторно ќе треба да излезе во 2028 година пред граѓаните со јасен концепт што сме кажале, што сме направиле итн.“Премиерот Мицкоски испрати порака до граѓаните дека нема никаков договор за прифаќање на мигранти, ниту пак како што рече тој ќе има такво нешто додека е тој претседател на Владата.„Сакам да испратам порака до граѓаните, дека таков тип на прифаќање, на мигранти, легални, илегални, бидејќи гледам сега семантика бараат во зборовите, кои што се било каков дел од договор дали со Обединетото кралство, или било каков друг договор не постои, ниту пак додека сум јас претседател на Владата ќе постои“, нагласи Мицкоски.Во однос на поднесената Резолуција во парламентот од пратениците на ВМРО-ДПМНЕ, Мицкоски нагласи дека сето ова што го кажал до сега е содржано во таа Резолуција и ги повика пратениците од СДС да ја поддржат Резолуцијата.„Ние денеска во парламентот доставивме Резолуција со која што јасно кажуваме дека сето ова кое што сега го зборувам во воведот е содржано во Резолуцијата, и нормално со осуда за неодговорното однесување на опозицијата, па еве нека ја поддржат“, дециден е Мицкоски.

Македонија | пред 3 месеци