МИЦКОСКИ

СДСМ: Затворањето на постмониторингот не е успех на Мицкоски ниту на неговата анти ЕУ кампања

СДСМ истакнува дека во периодот од 2017 до 2024 година, преку спроведување на реформски мерки, земјата бележела значителен напредок во областите на владеење на правото, слободата на изразување и граѓанските слободи. Анализата на меѓународните индекси, како што се „Freedom in the World“, „Rule of Law Index“ и „Human Rights Index“, покажува јасно подобрување на политичките права и заштитата на слободите на здружување и изразување.Според Freedom House, резултатите се зголемиле од 4/3 во 2017 година на стабилни 67–68/100 во 2023 година. Истиот тренд се потврдува и од World Justice Project, кој забележал подобрување на рангот на земјата, како и од V-Dem Human Rights Index, кој се зголемил од 0.78 на околу 0.82.Медиумските слободи, исто така, доживеале значителен напредок, со ранг на Reporters Without Borders од 111. место во 2017 година на импресивно 36. место во 2024 година. Сепак, според СДСМ, повторното доаѓање на ВМРО на власт во мај 2024 година веќе покажува знаци на влошување, со пад на индексите за медиумите на 42. место во 2025 година и критики за притисок врз новинарите и корупција.Парламентарното укинување на комисијата за постмониторинг дијалог од страна на Советот на Европа, според СДСМ, не претставува успех на актуелната власт, туку е последица на реформите спроведени во претходниот период. И покрај ова, надзорот над човековите права и демократијата ќе продолжи преку периодични извештаи и механизми на Советот на Европа и ЕУ.СДСМ апелира до граѓаните да се спротивстават на секое назадување и да ги поддржат демократските вредности, нагласувајќи дека само заедно може да се обезбеди подобра иднина за Македонија.

Македонија | пред 2 месеци

(Видео) „Јас не можам место СДСМ да победувам на избори“, Мицкоски за укинувањето на техничката влада

Претседателот на Владата на Република Северна Македонија, Христијан Мицкоски, одговарајќи на новинарско прашање за ставот на опозицијата дека општеството се уште не е зрело за укинување на техничката влада, истакна дека нема потреба лично да ги убедува противниците.„Не треба јас да ги убедувам. Ќе ви кажам две работи. Прво ги убеди Стразбур вчера со укинување на постмониторингот. Не треба јас да ги убедувам. Еве ако не му веруваат на Христијан, нека читат што пишува во извeштajот. И второ, дури ако тоа да е така, на следните избори повторно нека има техничка влада. Ако имаме редовни во 2028, јас ќе си дадам оставка во јануари 2028. Не е тоа проблем. Само да им удоволиме да следните избори има техничка влада. Па они нека повелат, нека се организират, нека победат, и потоа, на тие некои следни избори нема да има техничка влада. Што повеќе да направиме за опозицијата? (19:32) Јас стварно не знам што да направам повеќе. Јас не можам место нив да победувам на избори. (19:39) Тоа е, што можам јас повеќе да направам?“, рече Мицкоски

Македонија | пред 2 месеци

Мицкоски уверува: Решение за македонските транспортери до февруари, економијата е стабилна

Премиерот Христијан Мицкоски денес на новинарско прашање дали очекува позитивен исход од преговорите за македонските транспортири, односно едната недела македонската влада ќе биде на преговори со ЕУ и какви ќе бидат ставовите на владата?„Овој проблем со транспортерите е еден од многуте наследени проблеми од порано. Важно е дека имавме дипломатска офанзива, здружена со земјите од регионот. Важно е дека е препознаен проблемот. Важно е дека има неколку можни решенија и очекувам да се катализира решение со коешто ќе се надмине овој проблем, но тука не застануваат проблемите, следно е квотите за челикот. Така да проблеми има континуирано, проблемите се тука и ќе се решаваат. Што се однесува до транспортерите, мора да се надмина овој проблем за транспортерите и мислам дека одприлика се надзира решението и очекувам тоа во рамките на следниот месец, односно на месец февруари, да биде завршена работа“, изјави МицкоскиНа прашањето дали треба да стравуваме за македонската економија, со оглед на тоа дека вицепремиерот Николовски најави колапс, премиерот изјави дека економијата е стабилна.„Изјавата на Вицепремиерот беше повеќе во насока дека ќе бидат блокирани граничните премини и ќе нема размена трговска меѓу земјите. Тоа повеќе ќе имплицираше и кон нашиот јужен сосед. Вие знаете и во Хрватска владата реагираше. Инаку граѓаните и бизнисот да не се грижат. Успеавме да обезбедиме на мегународниот пазар доволно средство да ги вратиме долговите на претходната влада и со остатокот да имаме доволно средства за развој и македонската економија повторно да биде една од првите во регионот и во првите пет во Европа. Така што, економијата продолжува да расте и јас очекувам покрај рекордите што ги имавме во втората половина, 2024 и 2025, тој тренд да продоложи и во 2026 година“, изјави Мицкоски

Македонија | пред 2 месеци

Трендафилов го повика Мицкоски: Да дојде во ССМ, да се потпише Договорот со кој ги зголемува платите на сите вработени

Претседателот на ССМ, Слободан Трендафилов денеска го повика премиерот Христијан Мицкоски во понеделник во 9 часот да дојде во зградата на ССМ и таму да го потпишат Колективниот договор.„Да дојде во ССМ, да се потпише Договорот со кој ги зголемува платите на сите вработени за 40% како што пишува во соопштението на Владата. И исто така, минималната плата наместо од 2028 година да ја зголемиме од февруари 2026 година. Го чекаме“ рече Трендафилов.Првиот синдикалец најави и блокади од идната недела, а прва блокада ќе биде Собранието, додавајќи дека работниците бараат минимална плата од 600 евра сега, а не во 2028 година.

Македонија | пред 2 месеци

По безбеден град ќе има безбедна земја: Мицкоски најави новини

Мицкоски откри дека следна фаза, по „Безбеден град“, ќе биде проектот „Безбедна земја“„Следува следната фаза, „Безбедна земја“, со којшто границите ќе ги обезбедиме, ќе имаме систем за рано детектирање на пожари, да ги најдеме виновниците коишто прават таков тип на хибридни напади врз државата и врз граѓаните, веднаш да ги детектираме и извадиме пред лицето на правдата. Систем со којшто криминалците нема да ни бегаат преку граница откако ќе сторат криминал, туку ќе бидат веднаш препознаени, фатени, санкционирани и однесени таму каде што треба да бидат. Тоа е суштината на одговорна Влада. И тоа се храбри потези во политиката. Не се храбри потези уставни измени или на сила менување имиња. Ова е храбар потег, којшто ќе донесе квалитет во животот на граѓаните и ќе спаси човечки животи, тоа е храбар потег по цена и на политичка штета. Тоа се храбри и истовремено државнички потези“, потенцираше Мицкоски којшто упати и пораки до политичарите. „Ги молам сите политичари за одговорно однесување кога станува збор, особено за проектот „Безбеден град“. Тој нема никаква етничка припадност, целта е да спаси човечки живот и да го намали ризикот од сообраќајни незгоди со фатални последици“, посочи премиерот Христијан Мицкоски на собраниската седница за пратенички прашања.

Македонија | пред 2 месеци

Мицкоски: Македонците во Бугарија бараат ОМО „Илинден-Пирин“ да ги застапува нивните права – многу ли е тоа?

Премиерот Христијан Мицкоски во Собранието истакна дека на Македонците во Бугарија им се одземени сите права, а сега бараат само здружение кое би се борело за правата на македонската заедница во Бугарија.„Ќе повторам, се додека македонската заедница во Бугарија, мислам дека треба да го поддржите тој став, треба да го поддржите ставот за Македонците од Разлог, од Горна Џумаја, од Сандански, од Пирин треба да го поддржите затоа што во пописот во 56-тата година тие биле 200 илјади и биле мнозинство во Пиринскиот крај на Македонија. Биле две третини од вкупното население, а магично на пописот во 65-тата година бројката станува 9 илјади. Од двесте илјади на 9 илјади и тоа еден поранешен бугарски претседател го кажува како инженеринг на којшто е посебно горд.Им се одземаат правата на своја културна автономија, да општат на својот мајчин македонски јазик, да говорат на својот мајчин македонски јазик, да танцуваат на своите македонски песни, да ги почитуваат своите македонски обичаи. Е тие бараат сега само да имаат можност ОМО Илинден Пирин да биде организација која што ќе ги застапува правата на македонската заедница во Бугарија. Многу ли е тоа?“, запраша Мицкоски.

Македонија | пред 2 месеци

Уставни измени нема да има, ако не бидат исполнети минимум два услови, вели Мицкоски

Премиерот Христијан Мицкоски изјави дека Уставни измени нема да има, додека е тој претседател на Владата, ако не бидат исполнети минимум два услови.„Првиот услов, македонската заедница во Бугарија да ги добие загарантираните права, согласно меѓународното право и меѓународните конвенции и резолуции за човекови права.И вториот, додека не добиеме гаранции за нашиот идентитет македонски, мојот македонски јазик, дека нема повеќе да има билатерални вета и дека нема никој повеќе оваа држава којашто многу пати покажала и докажала дека сака да биде дел од европското семејство, понела жртва како ниту една држава и овој народ и овие граѓани, како ниту едни граѓани од Европа понеле жртва. Дека нема повторно да имаат нови омаловажувања, нови понижувања и нови опструкции од било кој, од субјективни причини“, додава Мицкоски.

Македонија | пред 2 месеци

Мицкоски: „Безбеден град“ спасува животи, не етнизира

Претседателот на Владата, Христијан Мицкоски одговарајќи на новинарско прашање на денешната седница истакна дека оваа влада ја гарантира правичната застапеност и новиот закон доби позитивна препорака од Венецијанска комисија што е обврзувачко во процесот кон ЕУ, а проектот „Безбеден град“ не етнизира, туку спасува човечки животи.„Што се однесува за правичната застапеност можам да кажам дека апсолутно се води сметка за правичната застапеност, јас сум личен гарант и тоа сум го кажал во минатото. Ниту како човек, ниту како политичар, ниту како претседател на Влада, нема да дозволам никој никого да мајоризира или минимизира. Односно, апсолутно можам да ве убедам дека квалитетот на луѓето без разлика од која етничка припадност доаѓаат треба да биде клучен и приоритет и тоа е темелна уставна вредност и дел од меѓународните резолуции и конвенции“, истакна премиерот Мицкоски одговарајќи на пратеничко прашање поставено од пратеникот Скендер Реџепи.Премиерот Мицкоски му порача на пратеникот Реџепи дека треба пошироко и објективно да ги гледаат работите, наместо да ги етнизираат прашањата мислејќи дека така ќе добијат политички поени.„Што се однесува до Законот за правична застапеност, тој е готов, ги доби последните позитивни мислења на Венецијанската комисија. Ќе ве потсетам, мислењето на Венецијанската комисија согласно последните измени во процесот на пристапување кон Европската Унија и согласно последните барања за промена на методологијата во процесот на пристапување се одлучувачки фактор. По истите се постапува и очекувам многу скоро овој закон да биде доставен пред вас пратениците и се надевам дека едногласно истиот ќе биде усвоен бидејќи има позитивна препорака на Венецијанската комисија и се надевам дека нема на тој начин пратениците да ги загрозат европските процеси на државата“, потенцираше премиерот Мицкоски.Во врска со одлуката на Уставниот суд, премиерот Мицкоски нагласи дека одлуки на Уставен суд нема да коментира, но факт е дека ова мнозинство во Уставниот суд е избрано во време на претходната влада, а не во оваа. Во однос на проектот „Безбеден град“, премиерот Мицкоски потенцираше дека погрешно е што и ова некои политичари се обидуваат да го етнизираат, затоа што истиот има за цел да спасува човечки животи.„Политичарите кои се во романтичен занес, мислат дека ако ги етнизираат и упокоените кои за жал го изгубиле својот живот поради сообраќајни незгоди, треба да се гледаат низ оптика на етничка припадност. Она што можам да кажам е дека повеќе нема да има голем број на жртви на сообраќајни незгоди по имплементирање на проектот „Безбеден град“. Оваа влада одлучи проектот да се стави во функција со цел да спаси човечки животи без да се води математичка статистика кој од која етничка припадност и да ја толкува методологијата со која за упокоените се определува етничка припадност. Овој проект има за задача да спаси што е можно повеќе луѓе“, истакна премиерот Мицкоски.

Македонија | пред 2 месеци

Филипче: Владата ја изолира државата, премиерот во Давос остана без поддршка

Претседателот на СДСМ, Венко Филипче, денеска оцени дека меѓународната позиција на државата е сериозно нарушена и дека актуелната власт со своите политики ја води земјата кон целосна изолација. Според него, изостануваат какви било конкретни резултати на надворешен план, а настапот на премиерот на Светскиот економски форум во Давос бил јасен показател за тоа.„Гледаме дека премиерот не можеше да обезбеди ниту еден состанок со ниту еден европски претставник на Форумот во Давос. Целосно маргинализиран, правеше селфија по ходниците, немаше ниту еден битен состанок“, изјави Филипче, алудирајќи на настапот на премиерот Христијан Мицкоски.Филипче нагласи дека ваквата состојба се рефлектира и во односите со клучните стратешки партнери на државата, особено со Соединетите Американски Држави, каде што, според него, нема видливи резултати ниту конкретна поддршка.„Соединетите Американски Држави со децении се наш стратешки партнер. И покрај фалбите на власта дека сме во некаков ‘периметар’, видовме дека немаме никаков бенефит. Суштината е дека сме изолирани. Гледајте како САД нè ставаат по страна. Оваа влада нема покана за ‘Одборот за мир’, а претседателот Трамп и новата администрација имаат фокус на други земји во регионот“, рече Филипче.Тој оцени дека ваквата состојба е резултат на, како што ја нарече, свесна политика на изолација, преку соработка со авторитарни режими, внесување сомнителен капитал и, според него, гушење на демократијата и слободата на говор.Филипче посочи дека владата на ВМРО-ДПМНЕ не ги исполнила ниту ветувањата поврзани со подобрување на преговарачката рамка со Европската Унија, што, според него, дополнително ја потврдува тезата за намерно изолирање на државата.„Со националистичка реторика и пропаганда дека сите се предавници, ветуваа подобра позиција со ЕУ. Што направија? Ја изолираа земјата. Сега гледаме дека премиерот не може ниту телефонски да ја добие претседателката на Европската комисија, Урсула фон дер Лајен. Овие луѓе добро знаат дека пред неколку години со вувузели ја исвиркуваа токму неа. Треба да им биде јасно на граѓаните дека ова е смислено сценарио за изолација на државата“, истакна Филипче.

Македонија | пред 2 месеци

Мицкоски за протестите на ССМ: Не се борат за плати, туку за политичка пресметка

„Секој има право да протестира“, вели Христијан Мицкоски претседател на Владата во интервју во емисијата „Клик Плус“ на ТВ21 за најавените протести на дел од синдикалните организации. Премиерот Мицкоски посочи дека тој нема ништо против повисоки примања, но смета дека целта на синдикатите е политичка пресметка, а не повисоки плати за работниците.„Ги видов барањата, тоа не е нешто кое што е ново. Апсолутно јас сум секогаш за повисоки примања. Секој треба да добие повисоки примања, тука нема дилема ниту пак некој има спротивно мислење, но тоа кое што треба да се каже и да се погледне на вистината во очи е фактот дека неколкумина кој што се дел од водството на овој синдикат се апсолутно заробени од страна на одредени политички амбиции и политички фигури. И сето ова кое што таму го прават има таква задача, таква цел. Не е целта тука хумана, па сега они излегуваат и повикуваат на протести за да еве работниците добијат повисоки плати, туку напротив“, рече премиерот.На прашањето дали смета дека утрешниот повик за протест на ССМ има политичка позадина, Мицкоски рече:„Апсолутно, зар некој треба да има дилема на протест на синдикатите кој што е најавуван пред неколку недели, а се случува неколку дена по одржувањето на Конгрес на една политичка партија. Мислам дека тука не треба никој да има дилема.“Мицкоски, вели дека раководството на ССМ смета дека со ваквиот начин ќе направат штета на Владата, но како што рече не станува збор за повисоки плати, туку станува збор за синдикално барање кое е заробено од политиката и одредени политичари од опозицијата.„Тие сметaат дека на овој начин ќе нанесат штета на Владата. Не е суштината повисоката плата на работниците, туку мислат дека ќе нанесат штета, бидејќи нивното претседателствување и начин на функционирање во синдикатот е од фамилијарна низа, еден на друг се пренесуваат. Еве погледнете да речеме родителите на дел од раководството на ССМ, каде биле порано претседатели, на кои синдикати, ќе ви стане јасно како функционира таа структура. Така што, апсолутно не станува збор за никакви права на работниците, не станува збор за  било што кое што е поврзано со повисоки плати на работниците, туку станува збор за синдикално барање кое е заробено од политиката и одредени политичари од опозицијата“, дециден е Мицкоски.

Македонија | пред 2 месеци

„Плитко алиби“ – премиерот Мицкоски за парите пронајдени во ѕид во домот на родителите на судија

Премиерот Христијан Мицкоски вечерва, во гостување на телевизијата „21“, се осврна на случајот со 350 илјади евра кои полицијата и истражителите на ОЈО ГОКК ги пронајдоа заѕидани во кујната на родителите на судијата на скопска Апелација, Ѓоко Ристов.Говорејќи за настанот, Мицкоски нагласи дека не сака да коментира од позиција на премиер, туку како граѓанин. Тој истакна дека не му е јасно зошто пари, за кои се тврди дека потекнуваат од легална продажба на нива, би биле чувани заѕидани во ѕид, кога постојат бројни вообичаени и законски начини за нивно чување.„Не сакам да се претворам во судија, ниту да критикувам. Но, како човек, навистина ми беше лошо за гледање. И да е точно дека станува збор за легално продадена нива и дека сѐ поминало низ законски процедури, не разбирам зошто тие пари би се нашле заѕидани во ѕид. Ако се чисти, има многу конвенционални начини да се чуваат. Нема повод, ниту причина тоа да се прави на ваков начин“, изјави Мицкоски.Тој оцени дека образложението за потеклото и начинот на чување на парите му делува неубедливо, но нагласи дека конечниот збор треба да го имаат надлежните институции.„Мислам дека алибито е малку плитко, но оставам судските органи да го кажат своето“, додаде премиерот.

Македонија | пред 2 месеци

Мицкоски за Давос: Не бев статиста – моите говори беа проследени со аплауз

Претседателот на Владата, Христијан Мицкоски, учеството на економскиот форум во Давос го оцени како историски успешно, нагласувајќи дека неговата улога била активна и суштинска. Тој потенцираше дека на форумот учествувал на три различни панели со луѓе од врвот на светскиот бизнис, чија вредност често се мери во трилиони долари.„Со мене на маса беше лавниот извршен директор на „Гленкор“, потоа господинот Џо Донован кој што беше поранешниот прв човек на „IT&T“ и сегашен член на бордот на „Локид Мартин“, австрискиот канцелар, директроката на Интерпол и така натаму.„На еден од панелите, говорници со мене, бидејќи јас не бев статиста таму, или по ходници да барам селфи со учесниците на Давос, туку бев активен учесник на три панели, и морам да кажам, штета што не можеме да ги објавиме моите говори, но сите беа проследени со аплауз од страна на присутните“, истакна премиерот.

Македонија | пред 2 месеци

Мицкоски: 300 компании ќе добијат грантови од 25 милиони евра за зелена трансформација

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на тоа дали ќе се обезбедат грантови за адаптирање на компаниите кон зелена трансформација и заштита на животната средина, изјави: „Да работиме, практично Инова агенцијата, околу овозможување и обезбедување грантови за компаниите, посебно во делот на енергетската трансформација. Имав и таму едно многу интересно обраќање. Да, за енергетската трансформација, но треба да сме многу внимателни. Затоа што не сум сигурен, а тоа се сложија и голем број од учесниците на тие панели, дека со таа енергетска трансформација, ние можеме на долг рок да генерираме базна енергија којашто е потребна на индустријата за потребите на самата индустрија. Тоа треба да се одвива чекор по чекор, затоа што секоја избрзана постапка може да направи штета по индустријата и по државата. Но, колку за информација за компаниите, некаде околу 300 компании се предвидени да бидат поддржани со овие грантови во вкупен износ од 25 милиони евра и наскоро ќе има и за тоа објава во јавноста и јавен повик.“

Македонија | пред 2 месеци

Филипче: Мицкоски беше турист во Давос, Македонија никогаш поизолирана

Претседателот на СДСМ, Венко Филипче, на 31. Конгрес на партијата остро го критикуваше премиерот Христијан Мицкоски, оценувајќи дека неговото присуство на Светскиот економски форум во Давос било „чист туризам“, додека државата, како што рече, се наоѓа во најдлабока дипломатска и социјална криза.Според Филипче, Мицкоски „глумел светски лидер“, но за пет дена не остварил ниту една значајна средба, додека во Македонија „народот се бори за корка леб, а државата пука по сите шавови“.„Додека народот се бори за корка леб, каде е премиерот? Во Давос. Прави селфија по ходници, без ниту една суштинска средба. Тоа не е хипербола – човекот беше турист. Скап туризам платен со народни пари“, рече Филипче.Тој оцени дека Македонија е во целосна дипломатска изолација, со блокиран европски пат и без јасна стратегија за меѓународно позиционирање.„Европа нè отпиша, а Америка не нè запишува. Наместо во периметарот на САД, со Мицкоски завршивме надвор од кружницата наречена Европа. Ова е дипломатско лудило и конфузија што не може да се оправда. Ова е предавство на националните интереси“, изјави Филипче.Во продолжение, лидерот на СДСМ посочи дека, според него, единствениот план на ВМРО-ДПМНЕ е Македонија да остане „заглавена во калта на Балканот“, без европски правила, судови и контрола.„Сакаат да ја претворат Македонија во карантин зона и тампон за туѓи проблеми, само за да добијат тапкање по рамо и кредит од шест милијарди евра. Ја продаваат безбедноста на домовите и на децата за ситни политички поени. Тоа е врвен чин на предавство на сопствениот народ“, нагласи Филипче.Тој додаде дека нема да дозволат државата да стане „логoр за туѓи геополитички поткусурувања“, додека младите масовно ја напуштаат земјата.Осврнувајќи се на предизборните ветувања на актуелната власт, Филипче рече дека наместо најавената „гордост“, Македонија е доведена „до питачки стап“.„ВМРО-ДПМНЕ тврдеше дека СДСМ била потчинета на Европа и дека тие ќе ја враќале гордоста. А што добивме? Влада целосно потчинета, уценета и купена со кеш и проекти од Александар Вучиќ и Виктор Орбан. Ја сведоа државата на последната дупка на Балканот, со премиер кој не смее потпис да стави без одобрување од своите газди“, изјави Филипче.

Македонија | пред 2 месеци

ДУИ нудела влез во Владата по секоја цена, Ахмети прифатил помалку министерства и без претседател на Собрание, вели Стојаноска

Пратеничката на ВМРО-ДПМНЕ, Дафина Стојаноска, изјави дека лидерот на ДУИ, Али Ахмети, бил подготвен на значајни отстапки само за да стане дел од новата влада, вклучително и прифаќање помал број министерства од коалицијата ВЛЕН и откажување од барањето Албанец да биде претседател на Собранието.Стојаноска посочи дека Ахмети во јавноста тврди оти пред една година со претседателот на Владата, Христијан Мицкоски, договорил предвремени избори, но, како што нагласи, не ја кажува целосната вистина за средбата што се одржала во нејзината канцеларија. Според неа, на таа средба Ахмети нудел влез во Владата без барање за претседателско место во Собранието и со прифаќање едно министерско место помалку од она што го барала коалицијата ВЛЕН, само за да биде дел од истата влада.„Ние останавме истрајни во она што беше јасна порака од народот – дека ДУИ мора да оди во опозиција. Затоа, пред да кажува невистини, нека размисли добро и нека биде подготвен дека ние ќе кажуваме вистини“, изјави Стојаноска.Таа додаде дека останува отворено прашањето дали ваквите јавни изјави на Ахмети имаат за цел да ја спречат ерозијата во сопственото членство и кај досегашните поддржувачи на ДУИ.

Македонија | пред 2 месеци

Премиерот во Давос: Гасни интерконектори, хидроцентрали и енергија како магнет за инвестиции

Република Македонија интензивно ги зајакнува преносните капацитети за електрична енергија и природен гас како дел од пошироката стратегија за развој на вештачката интелигенција и привлекување странски директни инвестиции, изјави претседателот на Владата, Христијан Мицкоски, на панел-дискусија во рамки на Светски економски форум во Давос.Одговарајќи на прашања поврзани со вештачката интелигенција, потребата од центри за податоци и конкурентноста на Македонија во однос на Хрватска и Словенија, Мицкоски истакна дека државата паралелно ги унапредува електроенергетските и гасните преносни мрежи. Тој информираше дека во моментов се гради гасен интерконектор со Грција, а наскоро започнува и изградбата на гасен конектор кој ќе ја поврзе земјата со Србија.Според премиерот, за развој на центри за податоци и високи перформанси во вештачката интелигенција е неопходно сигурно и одржливо снабдување со електрична енергија. Во таа насока, Владата планира значително зголемување на капацитетите за природен гас – од сегашна потрошувачка од околу половина милијарда кубни метри годишно, кон капацитет од осум милијарди кубни метри годишно. Ова, како што нагласи, ќе овозможи изградба на илјадници мегавати инсталиран капацитет во гасни електрани, кои ќе обезбедуваат стабилна електрична енергија за нови центри за податоци.Мицкоски потенцираше дека Владата е подготвена да го преземе целиот институционален ризик поврзан со овие проекти, нагласувајќи дека токму ваквиот пристап претставува клучен поттик за потенцијалните инвеститори.Покрај гасните и електроенергетските проекти, премиерот информираше дека во моментов се развиваат три крупни проекти за производство на електрична енергија од хидроцентрали, со вкупна вредност од околу две милијарди евра. Како што рече, овие проекти имаат стратешко значење не само за Македонија, туку и за целиот регион.Станува збор за изградба на три големи брани кои ќе создадат значајни резервоари со чиста вода за пиење, што, според Мицкоски, добива особено значење во контекст на климатските промени. Проектите се дел од каскаден систем на Црна Река, а низводно од него се наоѓа Тиквешкиот регион, познат како еден од најплодните земјоделски региони во Европа.Говорејќи за темата на вештачката интелигенција, премиерот посочи дека честопати таа се користи како популарен термин без вистинско разбирање на нејзината суштина. Тој потсети дека уште пред 16 до 17 години, во рамки на својот докторски труд, работел со алгоритми на фази логика за контрола на манипулативни роботи, оценувајќи дека тоа биле раните почетоци на она што денес се нарекува вештачка интелигенција.Мицкоски нагласи дека фокусот на Владата е ставен на енергијата како темел за технолошки развој, економски раст и позиционирање на Македонија како сериозен и стабилен партнер за високо-технолошки инвестиции.

Македонија | пред 2 месеци

СДСМ обвинува: Орбановата 4iG со политичка поддршка на ВМРО влегува на македонскиот пазар

Мицкоски во Давос ја покажа изолацијата, немаше средба со високи европски и светски лидери. Во видеа кои сам си ги снимаше видовме само средби со неколку негови партнери меѓу кои и со сопственикот на унгарската 4iG, вели опозициската партија СДСМ.„Ова уште еднаш го потврдува она што СДСМ цело време го говори, за политичката и бизнис спрега Орбан-Мицкоски и како влијае врз Македонија.4iG е унгарска ИТ и телекомуникациска компанија која прерасна во голем играч во телекомуникацискиот сектор, вклучително и во мобилните оператори. Таа е сопственик на Vodafone Hungary (денес под брендот One Hungary), кој беше купен во 2023 година во партнерство со унгарската држава. 4iG поседува 51%, а државата 49%. Компанијата стана „национален шампион“ во Унгарија, со ширење и во други држави.4iG е длабоко поврзана со Виктор Орбан и неговата бизнис-империја. Тој лично интервенирал во преговорите за аквизиции, како на пример при купувањето на Invitech во 2021 година, кога во Лондон ги убедил кинеските сопственици да ја продадат компанијата на 4iG, со поддршка на унгарската дипломатија.Унгарската влада обезбеди масивна поддршка: повеќе од 189 милиони евра тајни државни инвестиции преку фондови како iG COM, олеснувања во регулаторните постапки (на пример изземање од антимонополски контроли) и финансирање преку државни банки за купувањето на Vodafone.Компанијата е дел од планот на Орбан за изградба на провладин бизнис во стратешки сектори, како што се телекомуникациите, со цел да се намали влијанието на странските компании и да се зголеми контролата врз информативните мрежи.Оваа поддршка ѝ овозможи на 4iG брз раст – од мала ИТ фирма до конгломерат со интереси во одбраната (партнерство со Rheinmetall и купување државни удели во воената индустрија во 2025 година).Медиумите во ЕУ ова го гледаат како начин Орбан да пренасочува државни средства кон своите сојузници, во согласност со неговата политика од 2010 година наваму.Сега е појасно зошто оваа врска потсетува на врските на Мицкоски и неговите ортаци кои добиваат тендери.Исто така, појасна е и бизнис позадината на „тендер коалицијата““, се вели во соопштението.

Македонија | пред 2 месеци

Мицкоски од Давос, лобира за стратешки енергетски проекти: „Бошков мост“, „Чебрен и Галиште“

Премиерот Христијан Мицкоски од Светскиот економски форум во Давос порача дека Македонија активно лобира за реализација на клучни стратешки енергетски проекти, нагласувајќи дека „Бошков мост“, „Чебрен“ и „Галиште“ веќе го привлекле интересот на меѓународни инвеститори.Мицкоски информира дека денот го започнал со билатерална средба со претседавачката на Советот на министри на Босна и Херцеговина, Борјана Кришто, по што следувале низа разговори со претставници на мултинационални компании со значајна улога во глобалниот бизнис. Во фокусот на дискусиите биле темите што доминираат на овогодишниот самит во Давос – вештачката интелигенција, развојот на дата-центрите и зголемените потреби од електрична енергија.Според него, разговорите со водечки компании во управувањето со дата-центри ги отвориле прашањата за идниот раст на производството на електрична енергија и потребата од зајакнување на енергетската инфраструктура. Во тој контекст, Мицкоски ги истакнал проектите за производство на струја, како и инвестициите во подобрување на преносните капацитети и интерконекторите за електрична енергија и гас, кои Владата ги смета за приоритетни.На панел-дискусија во Давос, премиерот за првпат пред меѓународната публика ги презентирал проектите „Бошков мост“, „Чебрен“ и „Галиште“, оценувајќи дека тие се од суштинско значење за енергетската иднина на државата. Тој изрази уверување дека проектите предизвикале голем интерес, посочувајќи дека по завршувањето на панелот биле остварени директни контакти со потенцијални инвеститори.„Ги поканив да дојдат во Македонија, да ги презентираме нашите потенцијали и инвестициските можности. Убеден сум дека овие проекти ќе бидат успешни, ќе додадат вредност во економијата и ќе придонесат за подобар квалитет на живот на граѓаните“, изјави Мицкоски.Премиерот најави дека престојот во Давос продолжува со уште еден панел посветен на промоција на инвестициските можности на Македонија пред нова група инвеститори, изразувајќи оптимизам дека и тој ќе резултира со конкретни интереси и партнерства.

Македонија | пред 2 месеци

Мицкоски: Над 100 милиони евра инвестиција за третиот мобилен оператор

Премиерот Христијан Мицкоски информираше дека остварил средба со сопственикот на компанијата „Фор-ај-џи“ (4iG), која ја доби дозволата за трет мобилен оператор во Македонија, при што биле разгледани плановите за идниот развој на телекомуникацискиот пазар.„Она што тој ме информираше е фактот дека во следниот период ќе инвестира повеќе од 100 милиони евра во развој на третиот мобилен оператор“, изјави Мицкоски, посочувајќи дека компанијата веќе ги уплатила средствата потребни за добивање на лиценцата.Според премиерот, новиот оператор ќе донесе директни придобивки за граѓаните. „Граѓаните добиваат нова компанија која ќе нуди мобилни услуги и која, сигурен сум, ќе влијае позитивно врз намалувањето на цените на услугите кои мобилните оператори ги нудат во Македонија“, нагласи тој.Во рамки на престојот во Давос, Мицкоски учествувал и на панел со светски лидери и претставници на мултинационални компании, каде што се разговарало за идните глобални предизвици, меѓу кои и вештачката интелигенција.„За сериозна примена на вештачката интелигенција потребни се сигурна енергетска стабилност и ИТ инженери кои ќе ја користат таа технологија за потребите на општеството и граѓаните“, истакна премиерот.Тој порача дека Македонија нема да остане надвор од овие процеси. „Македонија нема да седи на страна, туку ќе биде активен учесник во сите процеси кои ќе го обликуваат развојот во следните децении“, додаде Мицкоски.Премиерот најави дека престојот во Давос продолжува со бројни билатерални средби и во текот на наредните денови.

Македонија | пред 2 месеци

Трет ден од Светскиот економски форум во Давос, Мицкоски со порака: Македонија мора храбро да влезе во глобалната енергетска трка

Започна третиот ден од Светскиот економски форум во Давос, каде што Македонија ја претставува премиерот Христијан Мицкоски, кој вчера порача дека земјата не смее да остане на маргините на глобалните енергетски и економски промени и дека е неопходно храбро редефинирање на развојниот курс.По низата средби и дискусии, фокусот, како што истакна Мицкоски, бил ставен на енергетиката како клучен двигател на идниот економски раст. Тој учествуваше на панел за енергетика со американскиот секретар за енергетика Крис Рајт и водечки претставници на светската енергетска индустрија, при што се разговарало за идниот развој на производството на електрична енергија и можностите за вклучување на Македонија во тој процес.Мицкоски нагласи дека глобалната побарувачка за електрична енергија ќе расте забрзано и дека Македонија мора активно да ги отвори замрзнатите енергетски проекти како Чебрен, Галиште и Бошков Мост, како и да го искористи потенцијалот за инвестиции во обновливи извори на енергија, за кои веќе постои интерес од меѓународни инвеститори.Во текот на денот во Давос се одржуваат повеќе панели и обраќања на светски лидери, меѓу кои и најавеното обраќање на американскиот претседател Доналд Трамп. Форумот, кој трае до 23 јануари, годинава обединува околу 3.000 учесници од 130 земји и се одржува под мотото „Духот на дијалогот“.

Македонија | пред 2 месеци

Мицкоски во Давос на средби со глобални корпорации, фокус на енергетиката и новите технологии

Премиерот Христијан Мицкоски, придружуван од висока владина делегација, учествува на 56. годишен состанок на Светскиот економски форум (WEF) во Давос, Швајцарија. На форумот во швајцарскиот зимски центар кој годинава се одржува под мотото „Во духот на дијалог“, ќе има 3.000 учесници, вклучувајќи 65 шефови на држави и влади и повеќе од 850 извршни директори на водечки светски компании.– Следните денови ќе имаме бројни состаноци коишто очекуваме значително да влијаат на подобрување на економската состојба и привлекување на голем број на инвестиции. Учесник ќе бидам на три панели на коишто ќе ги презентирам можностите за инвестирање во Македонија, истовремено ќе оствариме и бројни билатерални средби со многу компании од светот. Очекувам плодни резултати, успешни состаноци и успешна посета во Давос – објави премиерот Мицкоски на својот Фејсбук профил.Мицкоски ќе оствари серија билатерални средби со претставници на водечки светски корпорации и финансиски институции, презентирајќи ги поволностите за инвестирање во македонската економија, со посебен фокус на енергетиката и технологијата.На панел дискусиите поврзани со одржливиот развој, во кои ќе учествува македонската делегација, како што информираат од владината прес-служба, ќе ги презентира стратешките планови за енергетска трансформација и инфраструктурно поврзување на регионот.

Македонија | пред 2 месеци

Пендаровски му возврати на Мицкоски: Уставниот суд ги потврди одлуките за вонредната состојба

Поранешниот претседател на државата, Стево Пендаровски, реагираше на денешната изјава на премиерот Христијан Мицкоски, оценувајќи дека станува збор за неосновани обвинувања со кои, како што вели, се прикриваат лошите резултати од досегашното владеење.Пендаровски посочи дека првично немал намера да му посветува внимание на Мицкоски, но поради јавноста решил да појасни неколку, како што нагласи, клучни факти кои, според него, очигледно не му биле разјаснети на премиерот.Тој потсети дека Уставниот суд уште пред повеќе од пет години, со мнозинство гласови, потврдил дека одлуките за прогласување на вонредна состојба биле во целосна согласност со Уставот и законите.Во однос на уредбите со законска сила, Пендаровски нагласи дека истите ги носела и ги спроведувала Владата, а евентуалните злоупотреби, доколку постојат, можат да ги проверат надлежните институции кои, како што рече, денес се под целосна контрола на актуелната власт.Поранешниот претседател додаде и дека сите одлуки за прогласување на вонредна состојба биле доставени до Собранието веднаш по завршувањето на таа состојба, согласно уставните и законските процедури.Пендаровски оцени дека и покрај овие појаснувања, Мицкоски најверојатно ќе продолжи со, како што рече, неосновани обвинувања и клевети, нагласувајќи дека тоа, за жал, е единствениот модел на политичко дејствување на кој, според него, е навикната актуелната власт.

Македонија | пред 2 месеци

Мицкоски се сомнева дека и Пендаровски има кривична одговорност, повика и на истрага за тврдењата на Жан Митрев

Лидерот на ВМРО-ДПМНЕ и премиер Христијан Мицкоски изјави дека нема што директно да коментира за тврдењата на кардиохирургот Жан Митрев, според кои поранешниот премиер Зоран Заев и поранешниот министер за здравство Венко Филипче вршеле притисок врз него со цел одземање на приватната клиника.Мицкоски оцени дека ваквите наводи треба да бидат предмет на постапување на Јавно обвинителство по допрен глас, додавајќи дека тие не го изненадуваат, имајќи го предвид, како што рече, начинот на кој функционирала власта во тој период. Според него, станува збор за време кога, под изговор на вонредни околности и вонредна состојба, биле носени уредби со сила на закон, за кои, како што тврди, постојат бројни сведоштва дека биле злоупотребувани.Во таа насока, Мицкоски посочи и на улогата на тогашниот претседател на државата Стево Пендаровски, нагласувајќи дека дел од уредбите донесени во периодот на вонредна состојба сѐ уште не се разгледани и усвоени од Собрание на Република Македонија. Според него, токму Собранието треба да се произнесе за нивната уставност и законитост, за да се утврди дали постои евентуална одговорност.Мицкоски истакна дека во јавноста постојат сериозни сомневања оти одлуките донесени од Пендаровски во тој период биле спротивни на Уставот и законите, што, доколку се потврди, отвора прашање за институционална и кривична одговорност. Тој нагласи дека сега останува да се види дали обвинителството ќе реагира и ќе отвори постапка по овие наводи.Изјавата на Мицкоски доаѓа во контекст на засилените политички реакции по јавните настапи на Жан Митрев, кои повторно го отворија прашањето за односот меѓу извршната власт, обвинителството и приватниот сектор во периодот на владеењето на СДСМ и управувањето со кризата за време на вонредната состојба.

Македонија | пред 2 месеци

Жерновски: Мицкоски ја стави државата на црната листа на САД

Членот на Извршниот одбор на СДСМ, Андреј Жерновски, денеска на прес-конференција остро ги критикуваше политиките на Владата, оценувајќи дека одлуката на Соединетите Американски Држави за суспендирање на обработката на визи за македонските граѓани претставува сериозен политички сигнал и дипломатско предупредување.Жерновски изјави дека премиерот Христијан Мицкоски „го надминал Никола Груевски“ и, како што рече, „за жал ја ставил целата држава на црната листа на САД“. Според него, мерката не може да се третира како техничка пауза, туку како јасна порака дека Вашингтон внимателно ја следи состојбата во земјата и детектира сериозни проблеми.Тој нагласи дека митот за наводно „одлични и специјални односи“ со САД се распаднал, оценувајќи дека Македонија е ставена во ист контекст со земји од т.н. трет свет, што, според него, претставува тежок удар за меѓународниот углед на државата. Жерновски потенцираше дека земјата ја плаќа цената на погрешните политики кои водат кон затворање и изолација, што директно ја зголемува недовербата на граѓаните во институциите.Во своето обраќање, тој посочи дека недостигот од економска перспектива и реформска насока ги тера младите да ја напуштаат државата, бидејќи не гледаат иднина во сопствената земја. Според Жерновски, одлуката на САД е порака дека постои сериозна недоверба во капацитетот на институциите и дека се очекуваат реформи кои, како што рече, Владата не ги спроведува.Жерновски повтори дека СДСМ подолг период предупредува дека политиките на, како што ја нарече, тендерската коалиција ВМРО-ЗНАМ го загрозуваат стратешкото партнерство со САД и процесот на интеграција во Европската Унија. Тој како проблематични ги посочи и надворешнополитичките активности на најблискиот соработник на Мицкоски во Владата, Иван Стоилковиќ, поврзувајќи ги со групи блиски до рускиот претседател Владимир Путин.Дополнително, Жерновски предупреди дека во јавноста сè почесто се појавуваат поранешни дипломати и политички актери блиски до ВМРО-ДПМНЕ кои, како што рече, отворено ги напаѓаат Соединетите Американски Држави и го доведуваат во прашање стратешкото партнерство. Според него, паралелно се води и активна анти-ЕУ кампања, преку намерно продуцирање судири со Грција и Бугарија, со повторно отворање на затворени прашања, со цел да се оправда меѓународната изолација.На крајот, Жерновски оцени дека мерката на САД претставува јасен дипломатски аларм и индикатор за позицијата на Македонија на меѓународната мапа. Тој порача дека СДСМ ќе продолжи, како што рече, јасно и гласно да ја разоткрива „опасната агенда“ на власта и да се спротивставува на политиките кои го загрозуваат стратешкото партнерство со САД и европската иднина на државата.

Македонија | пред 2 месеци

Законот за прекршоци ќе помине со двотретинско мнозинство без Бадентер, „Сејф сити“ стартува од февруари, Ахмети не условува, вели Мицкоски

Премиерот Христијан Мицкоски изјави дека на лидерската средба било договорено безусловно да се поддржат измените на Законот за прекршоци, со што ќе се овозможи старт на системот „Сејф сити“. Тој појасни дека иако од Али Ахмети биле спомнувани наводни поднесени амандмани, подоцна било констатирано дека такви не постојат, по што било договорено координаторите на пратеничките групи да одржат посебен состанок.Според Мицкоски, очекувањата се Законот за прекршоци да биде усвоен на следната собраниска седница со двотретинско мнозинство, без примена на Бадентеровиот принцип. Тој најави дека проектот „Сејф сити“ би требало да започне со имплементација од февруари, при што најпрвин ќе следува фаза на нивелирање, која може да трае неколку месеци, а потоа и влегување во следната оперативна фаза.Прашан за евентуалните услови на лидерот на ДУИ, Али Ахмети, за поддршка на законските измени, Мицкоски истакна дека не очекува политички калкулации кога станува збор за прашања што директно се поврзани со заштита на човечки животи. Тој додаде дека е можно да има средба со Ахмети, но дека засега не е утврден конкретен датум.Премиерот повтори дека „Сејф сити“ е проект од суштинско значење за безбедноста во сообраќајот и јавниот простор и дека очекува политичка зрелост и одговорност од сите парламентарни субјекти за негово конечно ставање во функција.

Македонија | пред 2 месеци