СДСМ

Филипче: Единствено што прави СДСМ е барање поддршка на семејствата и откривање на вистината за Кочани

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја истакна определбата на СДСМ за целосно расчистување на случајот, нагласувајќи дека партијата и натаму ќе продолжи со институционални и демократски механизми да се бори за откривање на целата вистина за трагедијата во Кочани и за поддршка на семејствата.„Затоа побаравме и анкетна комисија, и надзорна комисија на расправа во Собранието. Во текот на вчерашниот ден во Собранието го доставивме и формално тоа барање, што значи дека ќе ги искористиме сите демократски механизми да се истражи секој детал од оваа трагедија”, порача д-р Филипче.Тој упати и порака до родителите и целата јавност, потенцирајќи дека СДСМ од првиот ден дејствува искрено и во интерес на семејствата.„И затоа порачувам и на родителите, и на целокупната јавност, сè што правиме од почетокот до непосредно после трагедијата е барање за поддршка на семејството и откривање на вистината за овој случај”, додаде д-р Филипче.Лидерот на СДСМ категорично ги одби клеветите и обвинувања за водење на некрофилска политика, изнесени од страна на премиерот Мицкоски во неговото вчерашното интервју, истакнувајќи дека напорите на СДСМ за доследно, транспарентно и институционално да се бори за целосно расчистување на случајот и за правда за семејствата не е некрофилска политика.„Нема да се откажеме од намерата да останеме цврсто во одбраната на јавниот интерес, ќе ги искористиме сите демократски алатки кои што ни се нудат, и како политичка партија, и преку Собранието, и преку расправите кои што ги побаравме за да вистината конечно излезе на виделина”, порача претседателот на СДСМ, д-р Филипче.

Македонија | пред 4 месеци

(Видео) Филипче: Судењето за Кочани е тест за целото општество, мора да се води кристално чисто

Претседателот на Социјалдемократскиот сојуз на Македонија, Венко Филипче, на денешната прес-конференција, нагласи дека судењето за трагедијата во Кочани е тест за целото општество и затоа мора да се води транспарентно.„Барам и очекувам процесот да се води отворено, транспарентно, пред очите на целата јавност“, рече Филипче.Тој додаде дека родителите на жртвите заслужуваат да ја знаат вистината и правда мора да има.„Ова им го додолжиме на родителите, ова им го додолжиме на сите граѓани, ова го должиме на целото општество. Ова е еден голем тест за зрелоста во нашето општество“, рече Филипче.На прес-конференцијата Филипче посочи дека СДСМ ќе ги искористи сите демократски механизми да се истражи секој детал од оваа трагедија, и тоа е причината поради која што пратеничката група на СДСМ побара Анкетна комисија во Собранието.

Македонија | пред 4 месеци

Водњанскиот комплекс во СДСМ

Исклучувањето од партија на член на СДСМ, а член на новиот Советот на Карпош е само задоцнета реакција, пишува во колумна на ФБ, Љубомир Костовски, уредникот на Глобус магазин.Тој ја анализира состојбата во СДСМ, а особено кадровската политика.Колку ли само погрешни активисти се ставени на погрешни мести и ја помагаат ерозијата на партијата! Затоа што се „активисти“... СДСМ се уште пати од тој - го викаме така во Скопје како одлика на старите времиња - водњански комплекс. Биографиите на избраните функционери со малку меморија лесно не враќаат кон старите елити, кон „водњанците“ кои палеа и гасеа, па морало тоа да продолжи во генерациите после нив. Не може да доаѓаат на функции деца израснати крај базени во дворовите, со никакви егзистенцијални проблеми во животот, кои кон партиското членство гледаат само „капиџик“ за продолжување на таквиот свој живот. Тие први ќе ве предадат. Да не говориме за разно-разни пријателски совети кои ќе стават директно на добитна комбинација за пратеничка во Парламентот (кутрата вдовица имала маж од Струмица) или професорка со познато моминско презиме од Штип (силната штипска струја си го зема „својот дел“ во кадровкото екипирање) ама таа претходно веќе променила стотина партии. И ете обете кога падна партиска одлука за повлекување на пратениците од Собранието си останаа таму! И станаа независни. Денес едната е во крајно десна партија!!Да не говориме за постојаните лизгања во коалицирањето со ЛДП на пример и слични ситуации кои однапред воделе во катастрофални загуби при изборите, ама по правило. Таквите ситуации треба да се видат и со заврзани очи - се дава крилја на партија со минорни потенцијали на што се трошат сопствени гласови а никогаш се немало добиено реванш. Ама никогаш од 1994 година наваму! Ја споменувам таа година како показател дека сегашната елита во Комората цели 31 година од тогаш беше главен кочничар на процесите во земјава како начин да се одржи затворениот криг на „елитизмот“ и натаму попречува било каква социјална програма и толку години откако се збогати во една од највалканите приватизации во земјава.Во право беше Заев кога по своето повлекување по изгубените локални избори 2021 година рече дека урбана мафија вложила во тие избори 200 милиони евра. Па ќе вложи и сега, па ќе го гради „Скопје на Вардар“ алијас „Београд на води“ во преостанатиот зелен дел од кејот и секој вложен денар ќе го однесе како иден супер профит на сигурна сметка. За да финансисра , меѓу другото, и некои други избори. Е таа групација го купила и советникот во Карпош, тој им е битен. Да не говорам за „политичкото неискуство“ на кандиатката - лекарка во Карпош, која инаку многу ја ценам како стручњак, а која „кутрата“ направила огромен кикс сликајќи се со својот против-кандидат во помирлив тон. Знаеме кој стои зад новиот градоначалник на Карпош и каде земаше плата, како и тоа дека од таму, од таа каса многу лекари потоа лесно добиваат поткрепа во патувања до разни семинари во странство. Се се гледа толку лесно. Ама треба да се гледа и согледа она што дури и слепците би го виделе, пишува Костовски.

Коментари | пред 4 месеци

СДСМ бара надзорна расправа и Анкетна комисија за независно испитување и одговорност за трагедијата во Пулс

Лидерот на СДСМ и пратеник Венко Филипче објави дека пратениците на СДСМ и Коалицијата ги поддржуваат барањата на семејствата на загинатите и повредените во Кочани и утре ќе поднесат предлог до Собранието за надзорна расправа и формирање посебна Анкетна комисија за целосно и независно испитување на трагедијата во „Пулс“.„На денешната координација на пратеничката група на СДСМ и раководството на партијата оценивме дека ова се неопходни чекори за проверка на постапувањето на сите институции, утврдување на политичка одговорност, како и подготовка на понатамошни мерки и решенија за вакви трагедии никогаш повеќе да не се случат во Македонија. Ги повикувам сите пратеници од сите политички партии да ги поддржат овие иницијативи во македонското Собрание”, напиша Филипче.

Македонија | пред 4 месеци

Филипче: Еден од најлошите извештаи на ЕУ е поразителна слика за власта на Мицкоски

Претседателот на СДСМ и претседател на Националниот совет за евроинтеграции, Венко Филипче, на денешното обраќање на седницата каде се разгледуваше Извештајот на Европската комисија, порача дека документот претставува силна и јасна опомена но и доказ за катастрофалните политики на владата на Мицкоски.„Ова е еден од најлошите извештаи кои што државата го добила од Европската Комисија. Полош е само тој во 2015 година, кога сме оценети како заробена држава“, предупреди Филипче.Според него, иако од 2015 наваму државата вложуваше силни напори да се врати на правиот пат, сегашната влада нема никаков интерес за евроинтегративниот процес и повторно не води кон назадување.„И сега трендовите не се поразлични, владата се обидува да ги покрие, да врши влијание на сите независни институции кои што се надвор од извршната власт. Најмногу, најсилно, најексплицитно, на судската власт, јавен и јасен притисок што за прв пат предизвика од 1991 година јасна реакција од судската фела. Преседан, би рекол, општествен не само во државата“, истакна Филипче на денешната шеста седница на Националниот совет за евроинтеграции.Филипче исто така посочи дека наведеното во извештајот не се само за политички формулации во документот, туку реалност која граѓаните ја чувствуваат секој ден.„За жал во многу области во кои што порано бележавме успеси, сега има, и тоа се дефинира или како ограничен напредок, или нема напредок, или дури на назадување. Ама тоа не е нешто што само стои на хартија, тоа е нешто што граѓаните, посебно бизнис секторот го чувствуваат, секој ден се повеќе и повеќе“, рече Филипче.Тој исто така предупреди дека Европската унија, која минатата година имаше само еден услов за отворање преговорите, а тоа беше решавањето на спорот со соседите по ваков извештај може да воведе и нови услови.„Ако до минатата година имаше само еден услов за почеток на преговорите, а тоа е решавање на билатералниот спор со еден од соседите, после еден таков извештај, не сум сигурен дека понатаму нема да имаме и други услови да се отпочнат преговорите“, предупреди претседателот на СДСМ.Филипче заклучи дека извештајот е огледало во кое се гледа вистината за власта на Мицкоски кој ја изолира државата, ги блокира реформите и ја оддалечува Македонија од европската перспектива.

Македонија | пред 4 месеци

Манасиевски: Реформите и напредокот на СДС се во втор план на Филипче, приоритет му се желбите на Заев

Валентин Манасиевски од ВМРО-ДПМНЕ, упати остри критики кон раководството на СДС, обвинувајќи го претседателот на партијата Венко Филипче дека нема фокус на реформите и напредокот, туку на спроведување на, како што рече, „плановите што му ги диктира Зоран Заев“.Манасиевски оцени дека, според него, „дуото Филипче–Заев“ не се откажувало од контролата врз партијата, дури и по цена на нејзино нарушување.„Заев сè уште ги држи конците во СДС, а Филипче возвраќа на секој негов потег,“ изјави Манасиевски.Тој истакна дека изборот на Александар Трајановски за потпретседател на СДС не бил резултат на неговите квалитети, туку на неговата лојалност кон сегашното раководство.„Трајановски е лојален човек на Филипче и Заев. Со оваа одлука, Заев уште еднаш ја потврдува својата позиција како претседател од сенка,“ нагласи Манасиевски.Според него, граѓаните не очекувале ништо од актуелното раководство на СДС, а за да постои силна, кредибилна и одговорна опозиција, потребни биле темелни и итни реформи.„Реформите мора да започнат со оставка на Филипче,“ порача Манасиевски.

Македонија | пред 4 месеци

СДСМ: Недозволив молк за најстрашниот скандал со операциите, дали власта се обидува да го заташка?

Рената Младеновска, членка на Извршниот одбор на СДСМ се осврна на како што рече, откривањето на еден од најстрашните скандали во македонското здравство со непотребни операции на срце направени во приватни клиники.„Наместо експресна реакција, власта со денови молчи.Се крие од јавноста кој од докторите дал индикации за операциите. И сè уште нема поднесено ниту една кривична пријава.Не може злоупотреба на здравствената професија за профит на поединци вака да се третира.Што се чека? Како некој да се обидува да го заташка овој монструозен случај.Дали некому му се дава време да ги сокрие трагите, да „исчисти” документи?Ова е тежок скандал кој мора да биде третиран со максимална транспарентност и максимална одговорност.Јавноста ја заслужува целата вистина. Секој што учествувал во овој монструозен синџир мора да одговара”, бара СДСМ.

Македонија | пред 4 месеци

Петров: Доста се делби, сите со одговорност да се приклучат и да помогнат на СДСМ

Еден од поранешните видни членови на СДСМ, екс генерален секретар и градоначалник, Андреј Петров во интервју за Сител ТВ оцени дека СДСМ мора да учи од грешките и преку отворена дебата и обединување на членството да се врати на старите патеки.Негов став е СДСМ да ги вклучи младите генерации и да ги врати разочараните членови.„Во ситуацијата мислам дека на СДСМ му требаат квалитетни луѓе внатре. Она што не му треба и на СДСМ и на опозицијата се понатамошни делби. Треба да има ентузијазам во раководството на СДСМ, треба да има храброст, без храброст ништо не се прави. Треба да има доволно политичко искуство, доволно желба за соработка, да нема конфликтни ситуации внатре. Да има стратешка идеја за државата . Партијата мора да ја отвори дебатата внатре, во дебатата ќе се препознаат добрите кадри. Раководството мора да расчисти со тоа мора да ја разбие тезата дека одработува за ВМРО – ДПМНЕ“, рече Петров.Според него, погрешен чекор е ако СДСМ смета на тоа да влезе во Влада со ВМРО-ДПМНЕ, како пто пишуваа дел од медиумите.

Македонија | пред 4 месеци

ВМРО-ДПМНЕ: Промена во СДСМ е можна само со оставка на Филипче

Владеачката ВМРО-ДПМНЕ и денеска со соопштение ги анализира состојбите во СДСМ„Најавите на Венко Филипче за промени во партијата засега почнаа и завршија со неговиот партиски другар, Александар Трајановски. Од најавите за нови кадри и реформи на Филипче не бидна ништо, тешко и дека ќе бидне, бидејќи следејќи ги настаните во партијата сè се врти по тоа како диктира Зоран Заев. За СДС едно е јасно промени и реформи во партијата може да има само ако оставка даде Филипче, реагираат од ВМРО-ДПМНЕ преку писмено соопштение испратено до медиумите.Според нив се додека сè се врти околу вилите, хотелите, јахтите, забавите во Обединетите Арапски Емирати и Грција промени нема.„И самиот Трајановски е дел од оваа слика, или виден летово во Грција на луксузно минати викенди во јахти заедно со Филипче и Заев.Трајановски не е промена и реформа за СДС. Промена и реформа единствено е оставка на Филипче и тргање на партијата од диктатот на Заев”, стои во реакцијата на ВМРО-ДПМНЕ.

Македонија | пред 4 месеци

Денеска пауза, утре продолжува комисиското „кроење” на буџетот за 2026

Пратениците денес ќе одмораат а седницата на Комисијата за финансирање и буџет каде се разгледува Предлог Буџетот за 2026 година, ќе продолжи утре, во 12 часот.Власта и опозицијата имаат спротивставени мислеа. Пратениците од власта го бранат Буџетот како одржлив и развоен со вклучена социјална компонента.„За 2026 година се предвидува 3,8 отсто раст на БДП, што не е случајно, туку следува по трите квартали постојан раст. Стапката на инфлација е детерминирана на 2,5 отсто како резултат на рамотежата во делот на цените на храната, од една страна и цените на енергенсите, од друга. Ова значи дека имаме континуиран економски раст, стабилизирање на инфлацијата, добро менаџирање на јавните пари и креирање буџет во функција на решавање на проблемите на граѓаните. Главните двигитали ќе бидат зголемената активност кај градежништвото и домашната потрошувачка. Стапката на невработеност е предвидено да биде 10,1 отсто, а платите и пензиите ќе растат”, рече Емил Спасовски од ВМРО-ДПМНЕ.Пратеничката на СДСМ, Сања Лукаревска, предложениот буџет го оцени како неконзистентен, нереален и директно штетен за економијата и граѓаните.Таа нагласи дека буџетот не содржи никакви политики за зголемување на платите, ниту мерки за справување со сè поголемата сиромаштија.

Македонија | пред 4 месеци

Костадиновска Стојчевска: За 91% е намален буџетот за инспекторатот за македонски јазик

Со предлог буџетот за 2026 година има намалување на буџетот на инспекторатот за македонски јазик за 91 %, кој е заснован врз основа на законот за македонски јазик, која сите заедно го донесовме во 2024 година, истакна пратеничката на СДСМ Бисера Костадиновска Стојчевска во своето обраќање пред собраниската комисија за финансирање.Таа додаде дека и покрај тоа што владеачкото мнозинство при ребалност вети дека ова нема да случи.Кога со ребаланост се намалија средствата рековме дека нема да дозволиме тој да не профункцира, за потоа да донесете измени во законот со кои инспекторатот се намали на ниво на одделение, отсек во министерството за култура, за сега да добие 91% намален буџет, нагласи Костадиновска Стојчевска, додавајќи дека и нема услови за работа на инспекторатот, а нема ниту огласи за вработување лектори.Костадиновска Стојчевска истакна дека не се доделени никакви средства адаптација на основното училиште во Љубојно во центар за промоција на македонски јазик, каде нема никакво придлижување.Буџетот за реконструкцијата на објектот Музеј на Македонија е намален 33%, а да ве потсетам таму се на ревитализација иконите вратени по првата реституција, и тоа 21 икона украдени во 2013 година, а откако ќе се ревитилазираат треба да бидат изложени во тој музеј, рече Костадиновска Стојчевска.Тоа кажува за приоритетите на министерството за култура, рече пратеничката на СДСМ Бисера Костадиновска Стојчевска пред собраниската комисија за финансирање.

Македонија | пред 4 месеци

Лукаревска: Во Буџетот нема мерки за раст на платите

Пратеничката на СДСМ, Сања Лукаревска, на комисиската расправа , предложениот буџет го оцени како неконзистентен, нереален и директно штетен за економијата и граѓаните.Таа нагласи дека буџетот не содржи никакви политики за зголемување на платите, ниту мерки за справување со сè поголемата сиромаштија.„Цените растат, граѓаните должат повеќе, а примаат исто. Наместо да живеат подобро, тие повторно плаќаат повеќе“, рече Лукаревска.Таа посочи дека Владата нема стратегија за раст на доходот и нема никакви алатки за да ја сопре инфлацијата, која и понатаму е висока.„Нема развој, нема реформи, нема повисоки плати, нема мерки за сиромаштијата, има само задолжување, кратење и непродуктивно трошење. Ова е буџет на хартија, без капацитет да донесе подобар живот“, порача пратеничката.Лукаревска потенцираше дека буџетот што го предлага Владата не е развоен, иако така се претставува пред јавноста.„Само 9% од вкупните расходи се за капитални инвестиции, додека огромни 91% одат на тековни, непродуктивни трошоци. А,  намалувањето на капиталните расходи за 7 милијарди денари покажува дека оваа влада нема капацитет за развој, ниту намера да инвестира во иднината“, посочи Лукаревска.Таа предупреди дека Владата крати пари токму таму каде што најмногу треба да се инвестира: во животната средина, каде има намалување од 14,1%, што е опасно во услови на загаден воздух и недоволна инфраструктура за отпадни води,  во правосудството, со намалување од 48,9% во програмата за владеење на правото, спротивно на сите препораки на ЕУ, во енергетиката, каде нема исполнети реформи, во образованието и науката, со сериозни намалувања додека училиштата немаат учебници и неопходни ресурси.Лукаревска посочи дека Владата планира огромно ново задолжување од 1,7 милијарди евра нов долг, односно 950 милиони евра преку еврообврзница, 350 милиони евра од странски извори и 400 милиони евра дома.„Јавниот долг ќе надмине 62%,  ниво кое меѓународните институции го сметаат за ризично за ваква економија. Владата ја турка државата во финансиска нестабилност“, нагласи Лукаревска.Таа укажа и на забелешките на Европската комисија, кои се целосно игнорирани.„Европската комисија јасно укажува на нереални политики, одложена фискална консолидација, инвестиции ‘на хартија’, слаба реализација на капитални проекти и непродуктивни трошоци. Наместо да ги поправи овие слабости, Владата ги продлабочува“, додаде Лукаревска.

Македонија | пред 4 месеци

Манасиевски: Наместо свеж кадар и реформи, Филипче прибира негови лојални луѓе по насока на Заев

Валентин Манасиевски денеска остро реагираше на одлуката на СДС да го именува Александар Трајановски за потпретседател на партијата, оценувајќи дека со тоа „се потврдува континуираното влијание на Зоран Заев врз партиските процеси“.„Наместо свеж кадар, реформи и фокус на напредок, Филипче по насока на неговиот ментор Заев го постави Александар Трајановски на една од највисоките функции во партијата,“ изјави Манасиевски.Тој оцени дека ваквиот избор покажува дека, како што вели, „Заев и натаму ги држи конците во СДС и ја води партијата од сенка“. Според него, именувањето на Трајановски, кој претходно ги загуби локалните избори, не е насочено кон обновување на партијата, туку кон „зачувување на истиот круг на луѓе“.Манасиевски потсети и на, како што рече, „јавноста добро познатиот близок однос меѓу Филипче, Трајановски и Заев“, алудирајќи на нивни заеднички летувања и приватни дружења. „Ова трио не го интересира народот, туку луксузот“, додаде тој.Во својата изјава Манасиевски оцени дека СДС „продолжува да тоне“ затоа што, според него, истите имиња и понатаму ја водат партијата. „Наместо реформи и освежување, повторно се поставуваат кадри кои се продолжеток на Зоран Заев“, истакна тој.На крајот, Манасиевски порача дека, според неговото мислење, „вистинските реформи во СДС ќе бидат можни само доколку Филипче се повлече од партиското раководство“.

Македонија | пред 4 месеци

Битиќи: Со овој буџет државата оди кон сериозна криза

Пратеникот на СДСМ, Фатмир Битиќи, во гостување во емисијата „Трилинг“ на ТВ 24 ја истакна сериозната состојба со новиот буџет, предупредувајќи дека со вака поставениот економско-фискален модел државата може да се соочи со сериозна криза, веќе за две години.„Веќе ги гледаме последиците од моменталниот економско-фискален модел: каматните плаќања преминуваат во сериозна буџетска ставка и веќе достигнуваат околу 2% од БДП, односно околу 300 милиони евра. Тоа во структурата на буџетот од 6,7 милијарди е околу 4%. Капиталните инвестиции се само 9,7%, а ако продолжат новите задолжувања, моето предвидување е дека за две години ќе плаќаме околу 4% од БДП само за камати и провизии. Приходите, пак, не растат доволно. Ако продолжи ова темпо, за две години ќе имаме сериозна криза“, истакна Битиќи.Тој потсети на фактот дека СДСМ имаше јасна визија за економски раст и стабилност, во економската понуда која партијата ја имаше на парламентарните избори лани.„Ние зборуваме за минимална плата од 500 евра за првата година , и навистина сега ќе го имавме тоа,  а до крајот на  мандатот планирани беа 800 евра и императив од 900 евра при влез во ЕУ, затоа што нашите проекции беа дека до 2030 би станале членка на ЕУ. Кои се проекциите на сегашната влада? Еве денес слушаме изјава од министерот за економија, вели: ‘Не се секирајте, во март ќе имате 2 илјади денари повисока минимална плата’“, посочи Битиќи.Тој предупреди и на ризиците од неодговорно управување со јавните средства и можната загуба на европски финансиски поддршки, посочувајќи дека случајот со Платежната агенција ја открива ранливоста на системот и непочитувањето на европските стандарди:„Ако планираните инвестиции од 30 милиони евра не се реализираат, последиците се огромни. Можно е ЕУ целосно да го прекине или укине финансирањето, што би значело годишно губење од 120–130 милиони евра“, рече Битиќи.

Македонија | пред 4 месеци

Тренчевска: Владата крати пари за најранливите во Буџетот, социјалната заштита под удар

Пратеничката на СДСМ, Јована Тренчевска, во своето обраќање пред собраниската Комисија за финансирање и буџет истакна дека предлог-буџетот за 2026 година кој го предлага Владата не само што не обезбедува фискална консолидација, туку ја продлабочува фискалната нестабилност и создава сериозни ризици за економијата и граѓаните.Наместо реални реформи и стабилност, буџетот нуди нереални проекции, енормно задолжување и директно прекршување на фискалните правила утврдени со Законот за буџети.„Владата проектира дефицит од 3,5% спротивно на законскиот лимит од 3%, што претставува уште едно нарушување на фискалната дисциплина, а проекциите за раст и инфлација воопшто не се во согласност со податоците на Народната банка и ММФ. Тоа потврдува дека буџетот се темели врз нереален оптимизам и лажна слика за стабилност“, нагласи Тренчевска.Таа потсети дека иако буџетот е наречен „развоен“, капиталните инвестиции се намалени за речиси 7 милијарди денари во однос на 2025 година, а реализацијата на капиталните расходи „до овој момент изнесува само 46%, што ја разобличува предизборната реторика за ‘градежна офанзива’“.Тренчевска особено нагласи дека најголемиот удар во буџетот е направен врз Министерството за социјална политика, демографија и млади.„Иако формално буџетот изгледа зголемен, суштинската анализа покажува дека средствата за најважните програми се драстично скратени. Се кратат надоместоците за лицата со попреченост, за децата, за болните и изнемоштени, за примателите на гарантирана минимална помош, за детските и образовните додатоци, за старите лица и за сите ранливи категории. Намалувањето изнесува скоро 2 милијарди денари“, истакна Тренчевска.Таа додаде дека Владата кратела и средства за социјални услуги, деинституционализација, заштитни друштва и блок-дотации за градинките, што директно ќе ја влоши состојбата на терен.„Во 2026 година нема да има ниту зголемување на правата од социјална и детска заштита, и покрај ветувањата и амандманите што Владата ги користеше за предизборни цели“, рече пратеничката на СДСМ.Тренчевска предупреди дека проектираниот трансфер кон Фондот за пензиско осигурување достигнува повеќе од 62 милијарди денари, односно 1 милијарда евра – највисок досега.Ова, според неа, „ја разголува несериозноста на владините политики кои го зголемија дефицитот на фондот за само 16 месеци од 32,5 на 45%“.„Со ваквото зголемување се нарушува стабилноста на фондот и се доведуваат во неизвесност сегашните и идните пензионери“, посочи Тренчевска, додавајќи дека оптималниот сооднос за стабилен пензиски систем е 3:1, а овој сооднос ќе продолжи да паѓа со оглед на најавените затворања на компании и отпуштања на околу 1.000 работници, како и отпуштањата во текстилната индустрија„ истакна пратеничката на СДСМ, Јована Тренчевска.

Македонија | пред 4 месеци

Николовски: Скандалот се продлабочува, Трипуновски доделил земјиште на ќерката на приведениот Стоилев

Пратеникот од СДСМ и поранешен министер за земјоделство, Љупчо Николовски, во емисија изнесе, како што рече, уште еден скандал поврзан со директорот на Платежната агенција, а во кој се открива поврзаноста на акуелниот министер за земјоделство, Цветан Трипуновски и директорот на Платежната агенција Стоилев. Николовски посочи дека првиот договор што го потпишал министерот за земјоделство Трипуновски, за доделување земјоделско земјиште бил на ќерката на директорот на Платежната агенција.„Прв договор кој што го има потпишано министрот Трипуновски за доделување на земјодолско земјишто на почетокот на јули минатата година, кога дојде на функцијата министер е со ќерката на актуелниот директор на Платежната агенција кој денеска е во притвор, тоа е Ана Стоилева. Тоа говори за уште поблиските односи кои што ги има со оваа светиниколска врска. Ова јавно го кажувам, а по допрен глас може да се постапува“, рече Николовски.Тој додаде дека Платежната агенција откако Трипуновски е министер за земјоделство е партизирана.

Македонија | пред 4 месеци

Николовски: Трипуновски наместо да ја дефокусира јавноста да си поднесе оставка за скандалот со ИПАРД

Пратеникот од СДСМ и поранешен министер за земјоделство, Љупчо Николовски, во интервјуто за емисијата „Аргумент +“ на ТВ 24, посочи дека актуелниот министер за земјоделство Цветан Трипуновски по скандалот со ИПАРД програмата, нема кредибилитет да ја врши функцијата и треба да си поднесе оставка.„Трипуновски, сака да ја дефокусира јавноста и да ја избегне одговорноста и оставката која, што  впрочем и  мора да ја поднесе, заради тоа што нема кредибелитет да ја врши функцијата, заради тоа што се обиде да го скрие целокопниот случај. Прво велеше дека нема опасност за ИПАРД фондовите, и   кога објавивме дека има одлука за суспендирање, мораше да ја потврди. Грам грижа не покажа за сите оние земјоделци кои што набавуваат механизација, оние кои што градат, кои што земале кредити, кои што ги користат овие средства. Тој со денови, молчеше или прикриваше одредени работи, велеше дека нема врска со Платежната агенција, па излезе дека негов близок соработник меѓу опфатените опфатените“, рече Николовски.Николовски во интервјуто посочи дека и Европската комисија во извешрајот укажува на слабостите во Платежната агенција.„Европската комисија точно потенцира во поглавјето 11 кластер 5, во делот на земјоделство, конкретно во делот за ИПАРД дека се потребни антикорупциски мерки, нешто што за прв пат е нотирано. Тоа беше доволен аларм, но за жал се случи тоа за што алармирав повеќе пати и од собраниската говорница - сега штетите се големи“, рече Николовски.Тој додаде дека во моментов поради скандалот со ИПАРД под суспензија се 130 милиони евра кои не може да користат, односно тоа се  453 договори, од кои што 180 договори се во тек на реализација.„Луѓето ги очекуваат парите, влегле во инвестиции, тоа се многу хотели, фарми, објекти, преработувачки капацитети, мали бизниси во руралните средини, за кои што видовме дека воопшто нема загриженост, како што видовме министерот Трипуновски рече дека  воопшто не биле битни бројките.  Ако земеме во предвид дека сите овие проекти се реализираат од многу компании, подинвеститори, добавувачи - штетите и последиците од овој корупциски скандал во кој што се наоѓа државата, Платежната агенција, се огромни“, рече Николовски.Во интервјуто Николовски посочи дека втор пат кога ВМРО-ДПМНЕ е на власт се случува суспензија на средствата од ИПАРД и додаде дека како претседател собраниската комисија, стои на располагање на помогне со  конкретни акциски планови, да не се повтори ИПАРД 1 кога беа тотално изгубени парите и имаше најниска реализација на ИПАРД.

Македонија | пред 4 месеци

СДСМ: „Ако е утврдена одговорност – зошто се кријат имињата на клиниките и лекарите?“

На прес-конференција, портпаролката на СДСМ, Богданка Кузеска, упати силна критика кон министерот за здравство Азир Алиу, обвинувајќи го дека начинот на кој го презентирал прелиминарниот извештај за непотребни кардиоваскуларни операции во приватни клиники создава сериозни сомнежи за прикривање на одговорност.Кузеска потсети дека самиот министер јавно изјавил оти комисијата „утврдила“ најмалку десет случаи на непотребни интервенции, но истовремено тврдеше дека извештајот не е финален – токму поради тоа имињата на клиниките и лекарите не се соопштуваат.„Како може нешто да биде утврдено, а да не биде финално? Што се чека за ’финалната фаза‘? Што ќе се менува и што се договара додека јавноста чека?“ – праша портпаролката, додавајќи дека таквото однесување остава простор за манипулации и можни договори зад затворени врати.СДСМ смета дека со тоа се испраќа погрешен сигнал дека можни виновници се штитат, а не се обезбедува транспарентност во исклучително сериозен скандал кој ја потресе јавноста.„Ако има лица кои погрешиле – мора да се именуваат. Ако има клиники што вршеле непотребни операции – мора да бидат објавени. Сѐ друго значи сомнеж, сенка, амнестија,“ рече Кузеска.Партијата нагласи дека огромното мнозинство медицинари работат чесно и професионално, но дека министерот, со тоа што не ги објавува наодите, всушност ги става сите под сомнеж и го руши угледот на здравствениот систем.СДСМ бара итно и целосно објавување на извештајот во фазата во која се наоѓа, без селекции и преправки, вклучително и:имињата на клиниките што ги извршувале спорните операции,сите членови на комисии, консилиуми и управители кои носеле одлуки за упатување и оперирање пациенти,активација на Јавното обвинителство, ДКСК и Финансиската полиција поради сомнежи за коруптивни практики и незаконско профитирање,како и обезбедување правна и психолошка поддршка за пациентите и нивните семејства.„Само целосна транспарентност може да ја зачува довербата во здравството. Сѐ друго е удар врз системот,“ заклучи Кузеска.

Македонија | пред 4 месеци

Каде биле извршени непотребните операции на срце и кој е одговорен? СДСМ за скандалот во здравството

СДСМ реагира со остар став по обелоденувањето на податоците дека 10 пациенти биле подложени на операции на срце без медицинска потреба. Од партијата велат дека скандалот е крајно загрижувачки и бараат итна и целосна транспарентност — вклучително и објавување на тоа во кои клиники и од кои лекари биле направени спорните интервенции.Од СДСМ потсетуваат дека министерот за здравство Азир Алиу веќе утврдил дека станува збор за десет случаи на непотребни операции или непотребно упатување на операции, но сè уште не објавил кои здравствени установи и кои доктори се одговорни за ваквите постапки. Според партијата, тоа е „апсолутно недозволиво“.Тие оценуваат дека објаснувањето на министерот — дека имињата нема да се откриваат затоа што извештајот не е конечен — отвора простор за манипулација со факти, како и за промена на наодите под притисок. Во реакцијата се поставува прашањето дали министерот намерно одложува соопштување за да може да „преговара или разговара“ со оние што ги извршиле интервенциите.СДСМ предупредува дека е нелогично истовремено да се тврди оти е докажано дека операциите биле непотребни, а извештајот да се означува како „прелиминарен“. Ако наодите се веќе утврдени, велат од партијата, нема ниту една причина тие да не бидат објавени — додека истрагата може да продолжи понатаму.Во писмената реакција се оценува дека однесувањето на Алиу е „крајно несериозно“ и дека создава сомнеж дека нешто се прикрива, што дополнително ја нарушува довербата во здравството и ги става здравствените работници под неоправдан притисок.СДСМ бара итно објавување на досегашниот извештај на комисијата, како и прецизно објавување на:клиниките каде се извршени спорните операции,сите поединечно инволвирани во донесување одлука за операција на пациентите,наодите за секој случај за кој, според министерот, е веќе утврдено дека не требало да биде опериран.Партијата смета дека секое понатамошно одложување ќе создаде сомнеж дека се врши манипулација со конечната верзија на извештајот, со што неоправдано се етикетира целиот здравствен систем, наместо да се лоцира индивидуалната одговорност.Реакцијата е потпишана од Центарот за комуникации со јавноста на СДСМ.

Македонија | пред 4 месеци

СДСМ тврди: „Скандалот со ИПАРД води до врвот на власта, вмешан кумот на Мицкоски“

На денешната прес-конференција, портпаролката на СДСМ, Богданка Кузеска, обвини дека аферата со корупција во ИПАРД-фондовите не е изолиран случај, туку дел од системска злоупотреба што, според неа, води директно до врвот на власта и до луѓе блиски до премиерот Христијан Мицкоски.Кузеска посочи дека, според информации добиени од свиркачи во Министерството за земјоделство, поранешниот директор на Агенцијата за финансиска поддршка во земјоделството, Илија Стоилев, бил активен функционер на ВМРО-ДПМНЕ и близок пријател на Игор Миќев, познат како „Панкерот“, за кого тврди дека е во кумовска врска со Мицкоски.„Свиркачите укажуваат дека токму кумот на Мицкоски, преку својата позиција и влијание, вршел притисоци врз службеници за распределба на субвенции и концесии, а неговата сопруга – кумата на премиерот – вработена во Агенцијата, давала одобрение за исплата на средствата од ИПАРД-програмата,“ изјави Кузеска.Таа побара од Обвинителството итно да ја прошири истрагата и да утврди дали, како што вели, дел од провизиите завршувале кај лица поврзани со ВМРО-ДПМНЕ.„Мицкоски треба директно да одговори дали неговите кумашини Игор и Цветанка Миќеви се под истрага, и дали постоела шема за испумпување пари преку Агенцијата за финансиска поддршка. Земјоделците, кои се најголемите жртви на овие злоупотреби, заслужуваат одговори,“ порача Кузеска.Од СДСМ потсетија дека партијата и претходно укажувала на, како што рекоа, рекет, мито и злоупотреби во институциите надлежни за распределба на европските средства, барајќи од надлежните органи да утврдат дали ИПАРД-фондовите биле користени и за партиско финансирање.

Македонија | пред 4 месеци

Филипче го зајакнува тимот, д-р Александар Трајановски е предлог за нов потпретседател на СДСМ

Кандидатот за градоначалник на општина Аеродром од редовите на СДСМ, трауматологот д-р Александар Трајановски, ќе биде номиниран за нов потпретседател на партијата, најави денеска лидерот на СДСМ, Венко Филипче.Филипче ја соопшти оваа одлука пред вечерашниот состанок на Извршниот одбор, на кој, како што истакна, ќе бидат презентирани дел од плановите за кадровски и политички промени во рамките на партијата. Тој повика на трпение и разбирање од членовите и симпатизерите, нагласувајќи дека процесот се спроведува внимателно и со јасна стратегија.– Д-р Трајановски е човек исклучително посветен на партијата, имаше одлична и препознатлива кампања и привлече големо внимание во јавноста. Сметам дека ова е значајно кадровско зајакнување на раководното ниво на СДСМ – изјави Филипче.Александар Трајановски е специјалист ортопед и трауматолог, поранешен директор на Универзитетската клиника за трауматологија, ортопедски болести, анестезија, реанимација и интензивно лекување и Ургентен центар (ТОАРИЛУЦ). Тој е актуелен член на Извршниот одбор на СДСМ и долги години активен во партиските структури.Оваа кадровска промена следува по оставката на дотогашната потпретседателка Ана Чупеска, која ја поднесе пред вториот круг од локалните избори.На денешната прес-конференција, Филипче ги отфрли шпекулациите дека нудел функции на поранешни градоначалници и бил одбиен, нарекувајќи ги „кафански муабети“ без основа.– Во партијата нема никакво раслојување. Напротив, постои силно чувство на единство и заедничка цел – нагласи лидерот на СДСМ.

Македонија | пред 4 месеци

Димковски: Изјавата на Мицкоски дека лично барал запирање е доказ за непознавање на системот на ИПАРД

Изјавата на премиерот Христијан Мицкоски дека лично побарал да се запрат исплатите од ИПАРД програмата, е најдобар доказ за целосно непознавање на системот на дистрибуција и управување со европските фондови, оцени претседателот на Комисијата за земјоделство, шумарство и водостопанство на СДСМ и поранашен министер, Трајан Димковски.-Да укажеме дека Македонија е една од неколкуте земји кои користат вакви европски кохезиони фондови за развој и тие си имаат свои процедури за трошење на своите пари и, токму ова значи дека при ваков скандал веднаш по автоматизам се носи времена прекин за користење на парите. После временото стопирање на користење на средствата незнаејки до каде ќе оди истрагата и што се ќе излезе на виделина допрва ќе видиме, но ова времено запирање може да прерасне и во целосна суспензија на ИПАРД програмата, вели Димковски.Тој потсети дека дека само пред две години во една наша соседна држава имавме суспендирање на ИПАРД програмата при што веднаш беше разрешен министерот за земјоделство, така во овој случај доколку нема морална одговорност мора да има разрешување на министерот од страна на премиерот.-При ваков скандал кој ви се случува во ресорот, а вие како министер да кажувате дека Агенцијата не е дел од министерството, а сите програми за спроведувањеи исплата во Платежна агенција и исплата ги носи министерството, да блиски луѓе од кабинет ви бидат опфатени во истрагата и притворени. Се поставува прашањето дали сегашниот министер може да влијае на истрагата и во најмала рака заради јакнење на довербата на политичарите спрема граѓаните треба да си поднесе оставка, вели Димковски

Македонија | пред 4 месеци

Николовски: Мега-скандалот со ИПАРД се потврди, ќе поднесе ли сега конечно Трипуновски оставка

Пратеникот од СДСМ и поранешен министер за земјоделство, Љупчо Николовски, укажува на сериозноста на состојбата со ИПАРД програмата, по официјалната потврда дека е донесена одлука за суспендирање на сите исплати од ИПАРД 3 програмата, истакнувајќи дека Владата со денови ја држела јавноста во незнаење.„Се потврдува она што го говорам неколку дена – дека е донесена одлука за суспендирање на ИПАРД, а Владата и Министерството за земјоделство се обидуваа да ја сокријат. Суспензија имало два пати и тоа само кога ВМРО-ДПМНЕ е на власт, во 2011 и сега во 2025 година“, вели Николовски.Тој оценува дека ова е тежок удар врз македонското земјоделство и доказ дека партизацијата, клиентелизмот и корупцијата ја разориле довербата во институциите.„Суспензијата е, пред сè, срам за Владата и доказ дека партизацијата, корупцијата и девијантните појави се широко распространети во Агенцијата – нешто на што укажував од самиот почеток“, порача Николовски.Според него, ИПАРД програмата во времето на СДСМ била најуспешната европска приказна во земјоделството, со рекордни 2.369 реализирани и контролирани инвестиции и целосна искористеност на европските пари. Николовски бара одговорност од актуелната власт.„Сега Владата треба да одговори: Кој ќе понесе политичка одговорност за овој мега-скандал? Кој ќе одговара за штетите што ќе ги претрпат земјоделците и инвеститорите? Ќе поднесе ли конечно Цветан Трипуновски оставка или ќе продолжи да се преправа дека ништо не се случило? Со кој кредибилитет ќе излезе пред земјоделците?“, вели тој.Николовски посочува дека оние кои се гонат за корупција се луѓе директно поставени од Владата и блиски соработници на Трипуновски, што дополнително ја потврдува политичката одговорност на ВМРО-ДПМНЕ за овој случај.„Време е конечно со чесни, посветени и професионални луѓе, а не со партиски поставени кадри, да се изгради системот и да се врати довербата“, нагласи Николовски.

Македонија | пред 4 месеци

Манасиевски: „До нас стигнаа информации дека Филипче има проблем со формирањето на тимот“

Членот на Централниот комитет на ВМРО-ДПМНЕ, Валентин Манасиевски, денес на прес-конференција рече дека лидерот на СДС, Венко Филипче, дека по изборниот пораз не успева да формира ново партиско раководство.„Измина една недела од изборниот дебакл на Филипче и СДС, со којшто партијата спадна на 120.000 гласови и стана трета политичка сила во Македонија, а петта во Скопје“, изјави Манасиевски, додавајќи дека, иако Филипче најавил реформи, досега ништо не е реализирано.Според него, причина за тоа е што „никој не сака да му се нафати“ на Филипче и да прифати функција во новото раководство на СДС.„До нас стигнаа информации дека Филипче има проблем со формирањето на тимот, бидејќи луѓе кои важеле за големи поддржувачи и активисти на СДС одбиваат да бидат дел од неговото раководство“, рече Манасиевски.Тој праша дали дел од поранешните истакнати членови не сакаат да соработуваат со Филипче затоа што не го сметаат за свој претставник.„Ова што му се случува на СДС не му го посакуваме никому. Партијата имаше историја, кредибилитет и квалитетен кадар, но Заев, Ковачевски и Филипче ја доведоа до колапс поради ароганцијата и предавствата што ги направија“, изјави Манасиевски.Тој порача дека се потребни итни реформи во СДС и оставка на Венко Филипче. „На ВМРО-ДПМНЕ ѝ е потребна силна опозиција, а не партија без кредибилитет со Филипче на чело“, додаде Манасиевски.

Македонија | пред 4 месеци

Филипче ја доведе СДС до степен на трета партија во државата – време е за негова оставка, вели Андоновска

Викторија Андоновска од ВМРО-ДПМНЕ, изјави дека структурните реформи кои Венко Филипче и СДСМ ги најавуваа како „нов почеток“ – никаде не се видливи, и дека со тоа партијата дополнително тоне во политичка криза.„Филипче ја доведе СДС до степен на трета партија на државно ниво и петта во Скопје, а најавените реформи се само празни зборови,“ изјави Андоновска.Таа нагласи дека во СДСМ владее безидејност и дезориентираност, што уште повеќе ги поткопува „веќе разнишаните темели на партијата“.„Крајно време е СДС да се реформира. Оставката на Филипче е неизбежна доколку партијата сака да продолжи да постои на политичката сцена,“ порача Андоновска.Според неа, во СДСМ има „чесни и трудољубиви активисти“ кои, како што вели, не можат да дојдат до израз поради влијанието на Филипче и неговиот ментор Зоран Заев.„Македонскиот политички систем има потреба од опозиција со интегритет и визија. Затоа СДС мора конечно да се ослободи од прангите на Филипче и Заев,“ заврши Андоновска.

Македонија | пред 4 месеци