Најнови вести

7 год.

sdsm-predlozhi-zakon-za-stechajci-i-izmeni-na-zakonot-za-socijalna-zashtita-635491

СДСМ: Граѓаните дознаа за шемите на Мицкоски со Груевски за хидроцентралите

„Антинародното раководство на ВМРО-ДПМНЕ и антизападниот Христијан Хидро Мицкоски се фатени во лага, граѓаните ги дознаваат шемите со Никола Груевски и дознаваат како се стекнати хидроцентралите.Јавноста вчера дозна дека компанијата “Енерготек ДОО Скопје“ каде дел од сопственоста има Мицкоски, има удел од 99% во конзорциумот „Минка-Енерготек“.Истиот тој конзорциум во 2015 година, додека антизападниот Мицкоски бил советник кај неговиот ментор Груевски, токму од Владата на Груевски добива земјиште од речиси 33 илјади квадратни метри за изградба на хидроцентрала.Очигледна е спрегата на антизападниот пион Мицкоски со криминалите на Груевски и таа секојдневно излегува на површина. Затоа Хидро Мицкоски продолжува да биде заштитник на криминалите на неговиот Груевски.Јавноста ќе ги дознае сите детали за спрегата на Мицкоски со неговиот ментор и носител на криминалот, Груевски“, се наведува во соопштението испратено од СДСМ.

Македонија | пред 7 години

7 год.

Судијката која ја потврди казната за Груевски, одби притвор за Мијалков Судски Совет ќе ја гласа за во Врховен суд?

Судскиот совет ќе избира судии во Врховен и Управен суд. Исходот на избор според извори на dosie.mk ќе биде Цветанка Периќ која ќе замине во Врховен суд и Елизабета Васовска , која ќе оди во Управен суд.Изборот на судијките е скоро 100 проценти сигурен. За изборот на судиите знаат и повисоки структури во власта и тоа преку албанскиот блок во Судскиот совет и повисоката власт.Судијката Периќ беше во совет на Апелациониот суд за случајот Тенк, за кој поранешниот премиер Никола Груевски е осуден на две години затвор и веќе има упатен акт. Во оваа фаза на постапката тој јавно реагираше и бараше изземање токму на судијката Периќ изнесувајчи сознанија дека е под жесток притисок да ја потврди пресудата за тој да оди во затвор. Таа одговори дека немала притисоци и нејзиното изземање не беше прифатено.Како причина за барањето за изземање, адвокатот Стерјо Зиков ја наведе постапката во Судскиот совет која се води против Периќ.„Познато е дека против Периќ се води постапка во Судскиот совет за пресуда според нас спротивна на законот. Оваа постапка може да влијае врз одлуката на претседателката на советот и затоа бараме нејзино изземање“, рече Зиков пред да биде одбиен предлогот.Судијката Периќ е и дел од судиите кои определија притвор за Горан Грујевски кој во моментов е во Грција , а Македонија се обидува да добие негова екстрадиција.Судијата Периќ е и судијата која одби жалба на СЈО за барање притвор за Сашо Мијалков. Таа и советот во Апелација потврдија дека нема потреба од притвор туку само задржување на пасошот како мерка дека обвинетиот ќе се појавува на судски рочишта.Вториот кандидат е долгогодишен стручен соработник во Судскиот совет и до сега многу пати конкурирала за избор на судија.

Македонија | пред 7 години

7 год.

44958790_10214818312785721_8845382913005453312_n

(ФОТО) ,,Скопје 2014“ се распаѓа, се одлепува ,,тоа што личи на мермер“ од фасадите

Поголем дел од фасадите на зградите од проектот ,,Скопје 2014“, се направени од малтер што личи на мермер, како што може да се слушне и во една од т.н. бомби.Минувачи фотографирале парчиња од фасада на Агенција за медиуми, која се наоѓа близу хотелот ,,Бристол“.Еден од снимените разговори од прислушувањето, се однесува токму на тоа. Имено, Никола Груевски, премиерот, му се јавува на Миле Јанакиески, министерот, да му каже со каква фасада да се прават зградите:Никола Груевски беше главниот идеолог, архитект, градежен инженер и финансиер, но од народни пари, на преплатениот и неквалитетно изведен проект ,,Скопје 2014“.Сега, владините служби не знаат како да е справат со секојдневните обврски и трошоци за санирање и одржувае на зградите и спомениците. Зградите , како што е оваа на фотографијата, но и сите други , Археолошки музеј на пример, прокиснуваат на секој поголем дожд, подрумите се полни со влага и вида, фасадите се распаѓаат.Проектот ги чинеше граѓаните на Македонија фантастични 800 милиони евра.АКО.мк

Скопје | пред 7 години

7 год.

Разбојници украле околу 680.000 денари од Брза пратка

Секторот за внатрешни работи Скопје, до надлежното Основно јавно обвинителство во Скопје, поднесе кривична пријава против А.Р.(33) од Скопје поради постоење основи на сомнение дека извршил кривично дело „разбојништво“ и против Л.А.(18) од Скопје поради постоење основи на сомнение дека извршила кривично дело „помагање“, при што се стекнале со противправна имотна корист од околу 680.000 денари.„На 16.10.2018 година околу 07.10 часот пријавените со мотоцикл дошле пред просториите на фирмата Брза пратка на булевар „Јане Сандански“. Кога пристигнала вработената и ја отклучила влезната врата, А.Р. влегол по неа и со закана со пиштол и ги одзел парите кои таа претходно ги извадила од банка и мобилниот телефон. По добиената пријава, од страна на полициски службеници веднаш се преземени мерки и активности за расчистување на случајот“, велат од МВР.На 27.10.2018 година, врз основа на судска наредба, бил извршен претрес во домот на пријавениот А.Р. на улица „Тодор Чангов“, каде била затекната и Л.А.. При претресот бил пронајден пластичен пиштол и предмети поврзани со кривичното дело.Двајцата биле лишени од слобода, а извршено е и препознавање на пријавените од страна на оштетената. 

Скопје | пред 7 години

7 год.

Османи: За некои може да се разговара за помилување, но не и за директните насилници од 27 април

Доколку некои биле колатерална штета во настаните за 27 април, тогаш може да се разговара за нивна амнестија, тие треба да бидат предмет на дискусија на собраниското тело за помирување. Идејата за помирување е благородна, но никако не планираме да промовираме неказнивост", изјави вицепремиерот Бујар Османи на ТВ Телма.Тој вели дека директните насилници не смеат да бидат предмет на помилување, како и нарачателите доколку може да се дефинираат, бидејќи тоа е многу комплицирано, изјави синоќа Османи.Вчера пратеничката група на ВМРО-ДПМНЕ го достави до Собранието најавуваниот предлог-закон за амнестија кој треба да ги опфати сите лица кои се осомничени, обвинети или осудени за кривични дела поврзани со настаните од 27 април и минатогодишните насилства во Собранието. Опозицијата бара законот да се донесе по скратена постапка и дека очекуваат поддршка од сите парламентарни партии. Според ВМРО-ДПМНЕ, овој предлог закон е подадена рака за помирување и сега е на потег СДСМ да покаже дека стои зад она што го говори.

Македонија | пред 7 години

7 год.

ВИДЕО: Албански медиуми објавија снимка од престрелката во која беше убиен Грк

Албанските медиуми објавија видео на кое тврдат дека се наоѓа Гркот што беше убиен од албанската полиција во село во близина на границата меѓу Грција и Албанија.Видеото, како што објави албанската телевизија „Репорт ТВ“, е снимено од еден објект и низ прозорецот се гледа Гркот со „калашников“ во рацете, а се слушаат и истрели.Припадници на албанската полиција вчера убија Грк недалеку од границата на двете држави бидејќи тој претходно отворил оган кон нив.Константинос Кацифас (35) со „калашников“ пукал кон албански полицајци што сакале да го тргнат грчкото знаме поставено на воените гробишта кај селото Буларат, недалеку од границата со Грција, јавија албанските медиуми.Инцидентот се случил во моментот кога жителите на ова село, од кои мнозинството Грци, го одбележувале влегувањето на Грција во Втората светска војна во 1940 година. По пукањето, Кацифас избегал во шумата во близина. Полицајците успеале да го стигнат по што почнала престрелката, во која тој бил убиен.

Свет | пред 7 години

7 год.

Нема фотографија

Делови од Скопје без струја

Од „ЕВН Македонија“ АД соопштуваат дека поради технички зафати во дистрибутивната мрежа, без електрична енергија во текот на денот ќе останат делови од Скопје.Во периодот од 9:00 до 15:00 часот без струја ќе бидат корисниците од дел од село Морани во општина Студеничани.Понатаму во периодот од 8:30 до 14:30 часот струја ќе немаат ниту корисниците од фирмите „Фокус“, „Дарко Алексов и Славе Андреев“, „Синтек“, бензинската пумпа „Мустафа и Неат“, фурната „Валдрим Насуфи“, „Медикус Хелп“ и дел од некои други фирми на Качанички Пат во општина Карпош.Како што информираат од ЕВН, без струја во периодот од 9:30 до 13:30 часот ќе бидат и корисниците од село Средно Коњари во општина Петровец, додека, пак, во периодот од 8:55 до 12:00 часот без струја ќе бидат и дел од корисниците од село Булачани, населба Кучевишка Бара, село Љуботен, населба Радишански Пат, село Виниче, село Црешево, село Раштак, населба Љуботенски Пат, село Страчинци, населба Радишани, село Радишани и село Смиљковци, во општините Бутел и Гази Баба.

Скопје | пред 7 години

7 год.

Нема фотографија

Променливо облачно и ветровито, температура до 24 степени

Времето во Македонија ќе биде променливо облачно и ветровито, попладне со локални врнежи од дожд кои во западните подрачја ќе имаат пороен карактер со услови за појава на грмежи. Ќе дува умерен до засилен јужен ветер поради што ќе има транспорт на прашина од Африка и наместа појава на обоен дожд.Утринската температура ќе се движи од 10 до 17, а дневната од 17 до 24 степени.Во Скопје слично време, променливо облачно, попладне со повремени врнежи од дожд, а ќе дува и умерен до засилен јужен ветер. Утринската температура ќе се спушти до 16, а дневната ќе се искачи до 24 степени.Од среда следува период на умерено облачно и топло време со температури кои ќе бидат над просекот за овој период од годината.

Македонија | пред 7 години

7 год.

Нема фотографија

Во Скопје вчера осум сообраќајки, пајакот подигнал 66 возила

Еден сопатник и еден возач се потешко повредени, а шестмина се здобиле со полесни повреди во осум сообраќајни незгоди што се случиле изминатото деноноќие на подрачјето на Град Скопје. Во три сообраќајни незгоди е причинета материјална штета.Според билтенот на СВР Скопје, 21 возач се движеле со поголема брзина од дозволеното, а тројца возачи возеле под дејство на алкохол. Дваесет возачи возеле пред да се стекнат со правото за управување на моторно возило, а од сообраќај биле исклучени и четворица возачи почетници.Исклучени од сообраќај биле и 16 нерегистрирани, едно технички неисправно возило и осум нерегистрирани.Изминатите 24 часа сообраќајната полиција издала 87 казни за непрописно паркирање, а со специјалното возило „пајак“ подигнати се 66 возила.Полицијата санкционирала и четворица возачи кои поминале крстосница на црвено звето, двајца возачи кои не дале првенство на минување на пешаци на обележан пешачки премин и еден за неправилно престројување.

Скопје | пред 7 години

7 год.

Венеција под вода, туристите евакуирани

Повеќе од 70 проценти од историскиот центар на Венеција попладнево е поплавен, кога брановите достигна 156 сантиметри.Поради поплавите туристите се евакуирани од плоштад Сан Марко, а сообраќајот на водните таксисти беше привремено прекинат. Само превозот до поодалечените острови остана во функција.Венеција, која е изградена на неколку острови, со високата вода се справува со подигање платформи за да им овозможи на луѓето да одат. Поединци и трговци обично ги зајакнуваат влезните врати на зградите за да спречат влегување на водата во долните катови.Градоначалникот на Венеција Луиџи Брунаро изјави дека на дното на лагуната се изградени многу бариери за да се спречат поплавите. Имплементацијата на проектот траеше долго и беше обележана со превирања и корупциски скандали.Прогнозите за денеска беа дека брановите ќе бидат 160 сантиметри над нултата точка на Пунта дела Салуте, на јужниот влез на Каналот Гранде и плоштадот Сан Марко. Ова ќе биде најголемата поплава во крајбрежниот град од 1979 година.Најголемата поплава што го поплави градот во модерната ера беше во ноември 1966 година – бран од 194 сантиметри. Тогаш Фиренца беше уништена од поплави.Во многу делови на Италија, каде што имаше поројни дождови и силни ветришта со денови, службите за цивилна заштита се постојано на терен.

Свет | пред 7 години

7 год.

Нема фотографија

Бранови од седум метри го погодија хрватското крајбрежје

Силен ветер, што предизвика бранови на отворено море високи и до седум метри го погоди јадранскиот брег на Хрватска. Поради невремето во прекин се траект линиите од копното кон островите Вис, Хвар, Шолта, Брач, Корчула и Ластово. Ветерот дувал со брзина од 50 до 60 километри на час.

Свет | пред 7 години

7 год.

Нема фотографија

Тркалезна маса за водоснабдување и отпадни води

Здружението на даватели на комунални услуги на Република Македонија – АДКОМ денеска организира тркалезна маса на тема „Поттикнување на дијалог во секторот водоснабдување и отпадни води во Република Македонија преку евидентирање на клучните предизвици со кои се соочуваат засегнатите страни и препораки за нивно надминување“.На траклезната маса ќе присуствуваат претставници од јавните комунални претпријатија, министерствата, инспекторати, Регулаторната комисија, Швајцарска развојна агенција, Делегација на ЕУ во РМ, Германско друштво за меѓународна соработка.Секторот за водни услуги поминува низ реформски процес кој беше инициран со потребата да се усогласи националното законодавство со соодветните Директиви на ЕУ или пак од потребата за подобрување на ефикасноста на работењето на јавните комунални претпријатија (ЈКП) и обезбедување долгорочна, пред сè, техничка и финансиска одржливост на квалитетни услуги за корисниците.Според организаторот, во овој сектор потребно е вклучување и ефективна координација на голем број засегнати страни во државата. Секторот се одликува со слаби технички и финансиски перформанси и за нивно подобрување потребно е да се обезбедат соодветни човечки, технички и финансиски капацитети, како на централно така и на локално ниво.

Скопје | пред 7 години

7 год.

Меркел потврдува: Јас се повлекувам од политиката по 2021 година

Ова е мојот последен мандат како канцелар на Германија.Германската канцеларка Ангела Меркел го потврди ова на прес-конференција, цитирана од светските агенции.Претходно извори од Христијанско-демократската унија објавија дека Меркел повеќе нема да се кандидира за лидер на партијата и за германски канцелар. Отсекогаш сакав да ги напуштам политичките станици со достоинство “ , рече канцеларката. Таа додаде дека нема да заземе политички позиции по истекот на нејзиниот мандат во 2021 година.Меркел ја напушти лидерската позиција на христијанските демократи по 18 години влада Јас ја преземам одговорноста за тоа што се случува со минатогодишните сојузни избори “, продолжи таа.Одлуката на канцеларот доаѓа по последниот удар врз нејзината партија. Демохристијаните победија на локалните избори во Хесен, но поддршката за нив се распадна од 38 на 27 отсто. Денес е време да се отвори ново поглавје , истакна таа.

Свет | пред 7 години

7 год.

Николоски: Формираме политичко обединување наречено „Македонска платформа„

Потпретседателот на ВМРО-ДПМНЕ Александар Николоски во денешното гостување во емисијата „Јади бурек“ откри нов вид на политичко обединување наречено „Македонска платформа“ која ќе има за цел зачувување на Република Македонија.Тој додава дека покрај политичката битка потребно е и една силна општествена битка од голем број на граѓани кои што и мислат добро на Република Македонија преку сите голем број на формални и неформални групи на здружување.– Македонска платформа ќе значи еден нов вид на политичко обединување во Република Македонија која што нема да се стандардни познати коалиции помеѓу една голема и 20-тина помали политички партии, туку е една форма на обединување на сите слободномислечки индивидуи, формални групи во смисла на невладини организации или здруженија на граѓани, неформални групи во смисла збир на луѓе, кои што мислат добро на Република Македонија, со кои што не мора целосно да се слагаме за се, но имаме неколку јасни основни принципи и постулати – вели Николоски.

Македонија | пред 7 години

7 год.

Нема фотографија

Заев: Амнестија е неприфатлива, национално помирување ќе се прави во Собранието

Барањето за амнестија од ВМРО-ДПМНЕ е неприфатливо, националното помирување ќе се прави во Собранието, изјави денеска премиерот Зоран Заев по средбата со осумте пратеници кои гласаа „за“ процесот кон пристапување на уставните измениЗаев истакна дека се разговарало за три од четири нивни барања, а во дебатата нашле и конкретни насоки за делот за зајакнување на македонскиот идентитет.Kажа дека до петок ќе има уште една средба со осуммината пратеници кои ги поддржаа уставните измени, како и дека продолжуваат консултациите за нацрт-амандманите со другите пратеници од мнозинството, но и од БЕСА и Алијанса на Албанците. -Заедно со министерката Рената Десковска направивме консултација со новата пратеничка група. Констатирам дека изнајдовме конкретни насоки во делот на гаранцијата дека процесот ќе биде завршен од страна на Грција. Македонскиот идентитет ќе биде зацврстен, рече Заев.Додаде дека една од точките што денеска ја имале на консултирањето била токму четвртата точка од барањето, а тоа е создавање на координативното тело на Парламентот кое треба да зборува за помирувањето кое треба да се случи.Заев посочи дека денеска се обработени и сите детали при што остануваат следни чекори за формирање на таквото координативно тело кое што треба да биде водено од претседателот на Собранието, да има тројца членови во координативното тело од новата пратеничка група и во него да бидат сите пратенички групи, каде со формирањето на тоа координативно тело ќе бидат разработени сите аспекти на самото национално помирување за кое заемно постои интерес да го спроведеме.-Ги разработивме сите детали. Заедно со правните тимови ќе ги вградиме трите барања“, истакна премиерот.

Македонија | пред 7 години

7 год.

Нема повеќе бугарски пасоши под рака, службеници се сомничат за злоупотреби

Бугарските власти соопштија дека почнале истрага за голема малверзација на државни службеници што продавале потврди за бугарско потекло на државјани од земји што се надвор од Европската Унија врз основа на што добивале бугарски пасоши и државјанства.Бугарските медиуми наведуваат дека претежно државјани на Македонија, Украина и на Молдавија плаќале по 5.000 евра за лажна потврда, со што доаѓале до бугарски документи. Постои сомнеж дека на тој начин неделно се издавале од 30 до 40 пасоши, а сè уште не се знае кога почнало ова нелегално дејствување.„Службениците се осомничени за корупција, злоупотреба на службената положба и фалсификување документи“, соопшти Обвнителството за гонење организиран криминал.Бугарските медиуми наведуваат дека меѓу 20-те приведени е и шефот на државната Служба за Бугарите во странство, која има клучна улога при натурализација на странски државјани. Оваа служба издава потврди за бугарско потекло на странците кои ќе докажат дека барем еден од нивните предци бил или е Бугарин.Бугарија годишно во просек издава околу 10.000 бугарски документи на странци. Веќе долго време во земјата се води расправа за критериумите за докажување бугарско потекло. Некогаш за тоа било доволно да се даде изјава, но од 1 мај 2017 година Софија бара документи што го докажуваат бугарското потекло на родителите или на некој од бабите или дедовците на подносителите на барањата.Службата што ги издава потврдите е блиска со националистичките партии што сега се во владејачката коалиција на конзервативниот премиер Бојко Борисов, објавија бугарските медиуми.

Свет | пред 7 години

7 год.

44941004_378336159375229_2915014661940183040_n-1

(ФОТО) Реакции: Безбедноста на сите кои минуваат низ булевар Србија е загозена

Минатиот месец 61-годишна жена загина, а нејзината тригодишна внука се здоби со тешки телесни повреди минувајќи го булеварот Србија во Општина Аеродром.Веднаш по овој настан се започна со поставувањето на семафори. Преминот и тротоарот на булеварот беа раскопани и се започна со поставувањето на кабли, но останаа само ископаните дупки. Жителите на општината се жалат дека повеќе од три недели стојат ископаните дупки на тротоарот, па пешаците мораат да се движат по улица, со што се загрозува нивната безбедност.https://www.facebook.com/permalink.php?story_fbid=378336192708559&id=313588822516630&__xts__[0]=68.ARCKTtCr_A40neIXIqu7E39lcIqTK2ZcHGOJCTkpH8BWLYdPT5KMpqPSApV1LKEuI7Kdo7_cxXIyb6_KYdKWmE22aDdRs487Ltcr-YYOV9jIXgYKsyoVSEvzaJnMDdVOhucqlKgcbblLlZe7j-4ER8EjfGoCeO4VgYbMLt_uazbzPfYmjoPZbS4mdWRPt5BtQspXTyvRpLIcv9YbGtYOvorp&__tn__=-R„Булевар Србија, Аеродром - Лисиче. Кај пешачкиот премин кој се води како доста ризичен и небезбеден.Град Скопје ќе поставува семафори. Браво.Но повеќе од 3 недели стојат дупкиве вака отворени со цел еден кабел да се протне.Ниту пешаци можат да поминат, ниту мајки со деца, ниту инвалидизирани лица. Безбедноста на сите е загрозена.За 3 недели голема улица се реконструира.Град Скопје земете ја работата во раце. Ова не треба да е лице на градот.“

Скопје | пред 7 години

7 год.

70 годишна дирекеторка на јавно претпријатие местела тендери

Директор на Јавното претпријатие Хидросистем „Злетовица“ – Пробиштип иницирал постапка за јавна набавка за градежни активности, без претходно изготвена документација и одобрение за градба. На тендерот била избрана фирма од Кочани, која добила од претпријатието над 13 милиони денари.Според информациите на МВР, полицијата поднесе кривична пријава против С.М. (70) од село Тополовиќ, Кратовско, поради постоење основи на сомнение за сторено кривично дело злоупотреба на службената положба и овластувањето.Во текот на 2012 година пријавениот како директор во Јавното претпријатие Хидросистем „Злетовица“ – Пробиштип, преку Министерството за земјоделство, шумарство и водостопанство иницирал постапка за јавна набавка за градежни активности во наведеното јавно претпријатие, без претходно изготвена проектна документација и одобрение за градба. Притоа, за изведувач на градежните активности била избрана фирма од Кочани, која стекнала противправна имотна корист од 13.150.062 денара.

Македонија | пред 7 години

7 год.

Силен ветар однесе пет жртви во Италија

Пет лица ги загубија животите денеска во Италија, при инциденти предизвикани од налетите на силен ветер, пишува Курир.мкДве млади лица загинале недалеку од Рим, кога дрво паднало врз автомобилот со кој патувале. Во сличен инцидент, едно лице загина во град Терачина, на сто километри југоисточно од Рим.Четвртата жртва на невремето е 21-годишен човек во Неапол, врз кој паднало дрво додека одел по улица.Жена загинала во Савона во регионот Лигурија, кога била погодена од предмет носен од силниот ветар.Италијански медиуми јавија за десетици дрвја искорнати од корен насекаде низ Рим, поради што многу паркови се затворени.Во училиштата беше прекината наставата, а локалните власти ги повикаа граѓаните да не ги напуштаат своите домови ако немаат голема потреба.Во поголемиот дел од Италија во сила беше предупредувањето за поројни дождови и силни ветрови.

Свет | пред 7 години

7 год.

Битолчани: Ги гласавме за да ни дадат стари автобуси

На Фејсбук страната „Битолски факти” објавени се фотографии од старите автобуси на ЈСП Скопје, од кои дел како донација завршија во Битола за да ги возат учениците.https://www.facebook.com/bitolskifakti/posts/1131475003670912 

Македонија | пред 7 години