Најнови вести

5 ден.

Ученик донел пиштол во училиште во Србија, реагирала полицијата

Во основно училиште во Сјеница, Србија, ученик од седмо одделение донел пиштол во училиштето, потврдуваат неофицијални информации.Инцидентот се случил утрината околу 10 часот, а според информациите нема повредени и не било употребено оружјето.Раководството на училиштето веднаш реагирало и ги известило надлежните институции, по што полицијата излегла на терен и го презела случајот.Надлежните органи работат на утврдување на сите околности поврзани со инцидентот.

Свет | пред 5 дена

5 ден.

Пентагон подготвува воени опции против Иран

Пентагон подготвува можни воени опции против Иран, кои треба да му бидат презентирани на американскиот претседател Доналд Трамп, јави Ројтерс, повикувајќи се на американски претставник.На брифингот ќе учествуваат и министерот за одбрана Пит Хегсет, како и началникот на здружениот генералштаб Ден Кејн. Засега не се откриваат конкретните опции, но се очекува тие да бидат насочени кон притисок врз Техеран да влезе во преговори за прекин на конфликтот.Според Аксиос, подготвен е план за „краток и силен“ бран удари врз инфраструктурни цели во Иран, како и сценарио за преземање контрола врз дел од Ормуски теснец со цел повторно отворање за комерцијален бродски сообраќај.Иранскиот претседател Масуд Пезешкијан изјави дека евентуалната американска блокада на иранските пристаништа е „осудена на пропаст“ и ќе ја влоши нестабилноста во регионот.Дополнително, иранскиот функционер Мохсен Резаи предупреди дека Техеран нема да толерира поморска блокада и дека ќе возврати доколку таа продолжи.Врховниот лидер Моџтаба Хамнеи порача дека во Персискиот Залив и Ормускиот теснец се отвора „ново поглавје“, обвинувајќи го американското воено присуство за нестабилноста во регионот и најавувајќи дека Иран нема да се откаже од своите воени капацитети.

Свет | пред 5 дена

5 ден.

Заканите за бомби во Хрватска координирани преку гејмерски четови - полицијата уапси малолетници

Полицијата во Хрватска во изминатите 48 часа приведе најмалку три помлади лица поради сомнение дека испраќале заканувачки мејлови со лажни дојави за бомби, при што дел од осомничените се малолетници и се соочуваат со обвиненија за тероризам.Првично, тие биле третирани за кривично дело лажно пријавување, но по спроведените истраги во Загреб и Сплит, истражителите утврдиле дека станува збор за сериозно заплашување на населението преку масовно испраќање закани до државни институции.Во изминатите десетина дена биле испратени околу 220 мејлови до полициски станици, болници, училишта, градинки, медиуми и трговски центри.На подрачјето на Далмација уапсени се две лица, меѓу кои и средношколец, додека во Загреб е приведен и 15-годишник. Иако осомничените не се познавале меѓусебно, истрагата покажала дека биле дел од исти гејмерски онлајн групи, каде што се појавиле идеите за испраќање заканувачки пораки.Надлежните служби испитуваат дали во овие групи постоело влијание од трети лица кои можеби ги поттикнувале малолетниците да шират паника.Анализата на содржината на пораките покажала одредени сличности, но и обиди да се доведе во заблуда истрагата – во дел од мејловите се споменувала наводна терористичка ќелија, додека користените изрази сугерирале различно потекло на испраќачите.За делото за кое се товарат е предвидена казна затвор од една до осум години, а дали обвинителството ќе ја прифати оваа квалификација ќе биде познато во наредниот период.

Свет | пред 5 дена

5 ден.

ММФ предупредува: На Кина ѝ се заканува враќање на инфлацијата

Меѓународен монетарен фонд денеска предупреди дека Кина покажува први знаци на враќање на инфлацијата, по повеќегодишен период на дефлација, додека растот на цените на енергенсите предизвикан од глобални шокови повторно врши притисок врз економијата.Директорот за Азија и Пацифик при ММФ, Кришна Сринивасан, изјави за Блумберг дека одредени инфлаторни показатели во Кина веќе бележат раст, но сè уште не е јасно дали станува збор за траен тренд.Кина претходно долго време бележеше пад на производствените цени, но податоците за март покажаа прв раст по повеќе од три години, што укажува на можен крај на дефлаторните притисоци.Главен двигател на промените се растечките цени на енергенсите, кои се зголемија поради глобалните нарушувања на пазарот на нафта и гас.Периодот на дефлација во пракса значи дека потрошувачите го одложуваат купувањето очекувајќи пониски цени, што доведува до намалени приходи кај компаниите и притисок врз профитот, со што се забавува целокупната економија.Враќањето на блага инфлација во Кина не мора нужно да биде негативно, но проблемот е што таа произлегува од повисоки светски цени на енергенсите, а не од зајакната домашна потрошувачка, која и понатаму останува слаба.Повисоките цени на енергенсите истовремено можат да помогнат економијата да излезе од дефлација, но и да ги зголемат трошоците за производство и цените за потрошувачите.Кина се потпира на извоз на висока технологија и раст на побарувачката за производи поврзани со вештачка интелигенција за да ја ублажи слабата домашна потрошувачка.ММФ сепак предупредува дека без зајакнување на домашната побарувачка и стабилизација на пазарот на недвижности, закрепнувањето на кинеската економија нема да биде одржливо.

Свет | пред 5 дена

5 ден.

Полицаец возел пијан и предизвикал сообраќајка, па доби кривична пријава

Секторот за внатрешни работи Битола до Основното јавно обвинителство Битола поднесе кривична пријава против Ј.С.(49) од Битола, полициски службеник во ПО Новаци, поради сомнение дека сторил кривично дело „безобѕирно управување со моторно возило", предвидено и казниво по член 297-а став 1 од КЗ.Тој на 24.10.2025 во 17:42 часот, во период кога не бил на работа, на патот Битола-Новаци, под дејство на алкохол управувал патничко возило „хјундаи" со битолски регистарски ознаки, односно со 1,51 промили алкохол во крвта, при што предизвикал сообраќајна незгода.

Македонија | пред 5 дена

5 ден.

ЗНАМ: Заминувањето на Миле Цеков не е изненадување, се оддалечи од нашите принципи

Подолг период беше јасно дека пратеникот Миле Цеков политички и вредносно се оддалечува од принципите, програмските определби и државотворната визија на Движењето ЗНАМ за Наша Македонија. Затоа, неговата одлука да ја напушти пратеничката група и да делува каконезависен пратеник не претставува изненадување, велат од ЗНАМ.„Движењето ЗНАМ е создадено врз јасни принципи кои се темелат на чесност, одговорност, заштита на македонските национални интереси и борба за достоинствена и суверена Македонија. Тоа не се вредности од кои отстапуваме зависно од политичкиот момент,личните амбиции или дневнополитичките пресметки.Оттука, неговите обиди денес да се претставува како симбол на принципиелност, а притоа претходно да застапува позиции спротивни на државните и националните црвени линии, се крајно несериозни и неубедливи пред граѓаните.За човек кој јавно се залагаше за внесување на Бугарите во Уставот, природно е што повеќе не се препознава во политиките на Движењето ЗНАМ.Причините за оваа одлука се лично негови. Дали станува збор за политички калкулации, клиентелизам или нешто друго, ќе покаже времето.Но, Движењето ЗНАМ нема да отстапи од својата мисија и од довербата што ја доби од народот.На господинот Цеков му посакуваме успех во неговото понатамошно политичко делување како независен пратеник.Движењето ЗНАМ за Наша Македонија останува цврсто определено кон политиките на национално достоинство, стабилност, реформи и силна македонска држава“, се вели во соопштението.

Македонија | пред 5 дена

5 ден.

Филипче по одлуката на Цеков: Сите кои сакаат да се оградат од оваа криминална група – вратата на СДСМ е отворена за соработка

Претседателот на Социјалдемократскиот сојуз на Македонија, д-р Венко Филипче, во објава на социјалната мрежа Х, по веста дека пратеникот Цеков ја напушти пратеничката група на ЗНАМ и од денеска е независен пратеник, порача дека тендер-коалицијата на ВМРО и ЗНАМ почнува да се распаѓа.Во продолжение е целосната објава на Филипче:"Тендер-коалицијата почнува да се распаѓа!Пратеникот Цеков ја напушти пратеничката група на ЗНАМ и од денеска е независен пратеник.Добро е што внатре во ВМРО-ЗНАМ се наоѓаат луѓе кои ја гледаат вистината – дека оваа власт е чиста криминална организација која ја уништува државата.На сите кои сакаат да се оградат од оваа криминална група и да не бидат запаметени како соучесници во пропаста на Македонија – вратата на СДСМ е отворена за соработка.Доаѓа времето на вистината, правдата и одговорноста!", напиша Филипче.

Македонија | пред 5 дена

5 ден.

Избран понудувач за 150 електрични автобуси – Унгарски „Икарус“ и австриска ЕВН со најниска цена

Во однос на јавниот повик за набавка на 150 електрични еколошки автобуси и 75 станици за полнење на електрични автобуси, Ве информираме дека Комисијата составена од стручни лица, по направената евалуација утврди дека од вкупно четири понуди, три економски оператори не ги исполнуваат условите од јавниот повик и врз основа на поднесените понуди направи прелиминарен избор и поднесе предлог за избор за најповолен понудувач, велат од Министерство за транспорт.„Според направената евалуација за најповолен понудувач, избрана е заедничката понуда унгарската компанија "Електробус- Икарус" и на австриска "ЕВН" кои ги исполнија условите од јавниот повик.Унгарската компанијa производител на автобуси "Електробус - Икарус" и австриската компанија "ЕВН" , ги исполнија сите услови предвидени во јавната набавка за 150 нови електрични автобуси и 75 станици за полнење и воедно понудија најниска цена од 19 милиони 350 илјади денари или околу 314 илјади евра по автобус што е исклучително конкурентна цена на пазарот на електрични автобуси.Согласно Одлуката, компанијата "Икарус" треба да ги достави електричните автобуси, а компанија "ЕВН" станиците за полнење.Според техничките каректеристики, меѓу другото, електричните автобуси треба да бидат со најмалку максимална моќност од 300 kW, со капацитет од најмалку 66 патници, автоматски регулиран клима уред за ладење/греење. Избраниот економскиот оператор има обврска да врши тековно одржување и поправката на сите настанати технички неисправности и да обезбеди резервни делови во следните 10 години од денот на стапување на возилата во употреба. Автобусите треба да бидат одобрени согласно Европската директива 2018/858По склучување на Договорот, најповолниот понудувач е должен да изврши испорака на автобусите и станиците за полнење по следната динамика:-30 електрични автобуси и 15 станици за полнење да се достават во рок не подолг од шест месеци од денот на склучување на договорот- 60 електрични автобуси и 30 станици за полнење во рок не подолг од дванаесет месеци од денот на склучување на договорот-60 електрични автобуси и 30 станици за полнење во рок не подолг од осумнаесет месеци од денот на склучување на договоротПо донесување на Одлука за избор, утврден е рок за жалба од десет дена“, информираат од Министерство за транспорт.

Македонија | пред 5 дена

5 ден.

Златен меч, стаклена вазна, украсен брод, подароци пријавиле само државниот ревизор и спикерот Гаши, другите функционери молчат

Државната комисија за спречување на корупција го објави каталогот на подароци за избрани и именувани лица за 2025 година во согласност со законските обврски и принципите на транспарентност и отчетност во јавниот сектор.Сепак од пријавеното има вкупно 55 написи, од кои повеќето се објавени од главниот државен ревизор Максим Ацевски и претседателот на Собранието, Африм Гаши.Дали другите функционери не добиле никаков подарок или ,, заборавиле” да ја исполнат законската обврска.Ацевски пријави повеќе сувенири и тоа рамка со народна носија, украсна паричка, украсен чамец, керамички сувенир, декоративна стаклена вазна.Гаши го пријавил предметот „Златен меч“ како подарок, потоа златен меч во рамка, бисер поставен во златна школка, рачно насликана порцеланска вазна, скулптура „коњска глава“, златна и сребрена монета.Во делот за достава на подароци од вработени, пријавени се 12 артикли. Раководител на одделение во Дирекцијата за индустриски технолошки развојни зони пријавил подарок вино „Картал вранец“ – 0,75 л, тетратка и глувчешка подлога со логото на донаторот, додека советник во Државното обвинителство на Република Северна Македонија пријавил подарок книга во вредност од 300 денари.Државниот архив на Република Северна Македонија пријави подарок од три клима уреди во вредност од 68 илјади денари, додека Националната установа – Центар за култура „Браќа Миладиновци“ – Струга пријави подарок од декоративен предмет – акрил на дрво во вредност од 9.000 денари.

Македонија | пред 5 дена

5 ден.

Обид за пренос на непријавени девизи: Запленети 35.000 долари

Царински службеници на Меѓународен Аеродром Скопје при контрола на двајца македонски државјани – сопружници, пронајдоа 68 илјади австралиски долари.„Иако со себе носеле поголема сума на девизи, наместо да се упатат на црвениот канал, тие се упатиле на зелениот, наменет за патници кои немаат ништо за пријавување. Патниците се селектирани за детална контрола при што се пронајдени непријавените девизи.Согласно Законот за девизно работење, поединечно им се вратени девизи во противредност од по 10 илјади евра (вкупно 33 илјади австралиски долари), а преостанатите 35 илјади австралиски долари се запленети.Царинската управа во континуитет презема активности насочени кон спречување на нелегален прекуграничен пренос на готовина“, велат од Царинската управа.

Македонија | пред 5 дена

5 ден.

Се затвора култната сендвичарница „Седмица“ во Центар по цели четири децении

По повеќе од 39 години работа, се затвора познатата сендвичарница „Седмица“ кај Грчката амбасада, која им беше омилена на скопјани.Веста за затворањето се дозна и брзо се прошири на социјалните мрежи.Пред една недела беше објавено дека трите локали на „Седмица“, лани направиле вкупен промет од 5,3 милиони евра, а 99 проценти од него биле од продажба на готови производи. Компанијата секоја година бележи раст на приходите и на профитот.

Скопје | пред 5 дена

5 ден.

Пратеникот Миле Цеков му сврте грб на ЗНАМ: Не можам да бидам дел од власт и партија што не застанаа зад ветувањата

Пратеникот Миле Цеков објави дека ја напушта ЗНАМ и дека отсега во Собранието ќе дејствува како независен пратеник, Тој веќе не е дел од владејачкото мнозинство.Тој во своето обраќање до јавноста вели дека во политиката влегол со цел да им служи на татковината и граѓаните, но дека очекуваните промени не се реализирале.„Пред две години станав пратеник за да се обидам да ги променам работите, да побарам одговорност за криминалот и корупцијата и да се борам за промена на системот, како и да покажам дека има место во политиката за чесни и работливи луѓе. Но, за жал, тие промени не се случуваат.Ваквата одлука,произлегува од состојбите во државата поврзани со корупцијата, селективната правда и нефункционалноста на институциите, како и од социјално-економските предизвици со кои се соочуваат граѓаните”, вели експратеникот на ЗНАМ.Тој вели дека не прифаќа да живееме во држава со корупција и криминал, селективна правда и нефункционални институции, младите да си заминуваат поради системот, а работниците да живеат со најниска плата во регионот.,,Не прифаќам загаден воздух и загадена средина. Јазикот, идентитетот и културата се темелот на нашето постоење и тие не се за преговарање“, вели Цеков.Затоа, вели не може да биде дел од власт и партија што не ги дели вредностите во кои верува.,,Заминувам од политички субјект што формално е демократски, но суштински не ги исполни очекувањата на граѓаните. Заминувам од политика што не застана зад ветувањата. Подавам рака до сите што веруваат во истите вредности и се подготвени да работат за доброто на татковината и народот. Ова е нов почеток. Почеток на борба за правда и одговорност“, вели Цеков.

Македонија | пред 5 дена

5 ден.

Хамнеи: Единственото место за Американците во Персискиот Залив е на дното на неговите води

Врховниот лидер на Иран Моџтаба Хамнеи изјави дека „единственото место за Американците во Персискиот Залив е на дното на неговите води“. Изјавата била прочитана на иранската државна телевизија и е пренесена од меѓународни медиуми.Тој наведе дека од почетокот на конфликтот меѓу Иран, Соединетите Американски Држави и Израел на 28 февруари се отвора ново поглавје за регионот, особено во однос на Ормутскиот теснец. Според него, Иран ќе обезбеди безбедност во Персискиот Залив и ќе ги спречи, како што ги нарече, злоупотребите на странските сили на ова стратешко поморско подрачје.Исто така истакна дека нов модел на управување со Ормутскиот теснец би донел стабилност, напредок и економски придобивки за земјите од регионот.Во меѓувреме, дел од странските медиуми објавија дека постојат информации за наводно тешко повредување на Хамнеи, кој не се појавил во јавноста по назначувањето на функцијата, но овие тврдења не се официјално потврдени.

Свет | пред 5 дена

5 ден.

Поддршка за евроинтеграции: Хрватска го потврди партнерството со Македонија

Министерот за надворешни работи и надворешна трговија Тимчо Муцунски во рамки на работната посета на Хрватска остварил средба со хрватскиот министер за надворешни и европски работи Гордан Грлиќ Радман, на која биле потврдени добрите билатерални односи и заложбите за нивно натамошно унапредување, соопштија од Министерството.На средбата, како што соопшти Министерството, бил истакнат континуираниот политички дијалог меѓу двете земји во изминатите три децении, како и заемниот интерес за продлабочување на соработката во повеќе области, со посебен акцент на економијата, трговската размена и институционалната размена на искуства.Муцунски нагласил дека соработката со Хрватска се темели на заеднички европски вредности, пријателство и сојузништво во рамки на НАТО, при што биле потврдени и заложбите за продолжување на поддршката на Хрватска за процесот на проширување на Европската Унија со земјите од Западен Балкан.На средбата било разговарано и за потпишување на меѓувладин договор за стратешка соработка, кој треба да воспостави поинтензивна и структурирана рамка за идни заеднички активности, како и за актуелни регионални и меѓународни прашања.Двајцата министри се согласиле дека координацијата во рамки на НАТО останува важен приоритет за регионалната безбедност и стабилност, а биле разменети и мислења за внатрешно-политичките и економските состојби во двете држави.Во изјава по средбата, Муцунски посочил дека целта на идниот договор е да се зајакне практичната соработка и да се обезбедат конкретни придобивки за граѓаните преку користење на хрватското искуство во евроинтегративниот процес.

Македонија | пред 5 дена

5 ден.

(Видео) Левица: 1000 пати по 72 часа поминаа, а Аеродром се дави во ѓубре , од "напорно работиме" на Митевски во депонија се претворивме

Левица – Аеродром со објава на социјалните мрежи упати критика дека состојбата со комуналната хигиена во општината е сериозно влошена, наведувајќи дека и покрај повеќекратните најави за интервенции, проблемот со собирањето на отпадот сè уште не е решен.Во нивната реакција се посочува дека Аеродром се соочува со континуирано натрупување на ѓубре, при што, како што велат од партијата, не се гледаат резултати од претходните ветувања за нормализирање на состојбата. Тие додаваат дека наместо подобрување, теренот укажува на влошување на хигиената во урбаните делови на општината.Од Левица – Аеродром оценуваат дека изјавите за тековно работење не се потврдени со состојбата на терен, наведувајќи дека граѓаните се соочуваат со долготрајни проблеми со отпадот и недоволна реакција на надлежните служби.

Настани | пред 5 дена

5 ден.

Мицкоски бара лекарско уверение за раководството на СДСМ

Премиерот Христијан Мицкоски од собраниската говорници подели остри забелешки на сметка на СДСМ. Обвини дека опозициската партија во јавниот простор настапува со збунувачки пораки и тенденциозни тврдења чија цел, рече, не е политичка дебата туку одржување на внатрешна кохезија пред изборен пораз.Наведе примери со кои СДСМ ја лажеле јавноста, рече дека ширеле паника оти буџетот е празен и ќе нема плати и пензии, дека е зголемен долгот и буџетскиот дефицит и државата ќе банктотира.,,Не само што не банкротираше, туку според сите параметри е држава за пример во регионот”, рече Мицкоски.Мицкоски се осврна и на, како што рече, „токсичниот политички речник“ кој доаѓа од опозицијата, изразувајќи загриженост за нивото на јавна комуникација. Со иронија, тој дури предложи воведување лекарски прегледи за партиски функционери, алудирајќи на, како што го нарече, „психолошкиот притисок и состојба“ во која се наоѓа раководството на СДСМ.Премиерот предупреди и на можни идни политички потези од страна на опозицијата, тврдејќи дека би можеле да се обидат да го оспорат изборниот процес или да создадат оправдувања за резултатите на следните избори. Не ја исклучи ниту можноста за нивно дистанцирање од изборниот процес.

Македонија | пред 5 дена

5 ден.

Тренчевска: Оваа влада им заврте грб на работниците, ги осиромашивте за само две години

Пратеничката и потпретседателка на СДСМ, Јована Тренчевска, на денешната собраниска седница за пратенички прашања го обвини министерот за економија и труд Бесар Дурмиши дека Владата не презема доволно мерки за подобрување на животниот стандард на граѓаните и за заштита на работниците, посочувајќи дека минималната плата не е зголемена на 600 евра и дека нема пакет мерки за социјално ранливите категории.Таа истакна дека, според неа, македонските работници се соочуваат со пад на животниот стандард и дека нивниот труд не е соодветно вреднуван, особено во услови на зголемени цени на основните производи. Тренчевска оцени дека владините мерки се задоцнети и недоволни, наведувајќи дека поскапувањата на храната и енергенсите директно го оптоваруваат семејниот буџет.Во своето обраќање, таа се повика и на податоци за состојбата со државниот буџет, тврдејќи дека дефицитот е значително зголемен и дека реализацијата на приходите е ниска, што, како што рече, доведува до дополнително задолжување. Според неа, тоа е причина зошто не се прифаќа предлогот за минимална плата од 600 евра и зошто не се воведуваат пообемни антикризни мерки.Тренчевска го праша министерот дали причината за отфрлање на зголемувањето на минималната плата и за немањето нов пакет мерки за ранливите категории е недостиг на средства во буџетот и продлабочен дефицит, оценувајќи дека Владата не успева да одговори на економските предизвици.

Македонија | пред 5 дена

5 ден.

Хамнеи со остри пораки: САД нема да ја гарантира безбедноста на регионот

Врховниот лидер на Иран Моџтаба Хамнеи изјави дека во Ормутскиот теснец се отвора „ново поглавје“ по, како што го нарече, „срамниот неуспех“ на Соединетите Американски Држави. Пораката беше пренесена преку иранските државни медиуми по повод Националниот ден на Персискиот Залив.Тој нагласи дека американското воено присуство на Блискиот Исток е главен извор на регионална нестабилност, додавајќи дека странските воени бази не можат да обезбедат сопствена безбедност, а уште помалку да гарантираат стабилност за сојузниците во регионот.Според него, иднината на Персискиот Залив и Ормутскиот теснец ќе биде без американско влијание и ќе се темели на развој и просперитет на регионалните држави. Тој се повика и на историски настани, истакнувајќи дека регионот низ вековите бил предмет на надворешни интервенции.Хамнеи нагласи и дека Иран ќе ги зачува своите стратешки капацитети, вклучително нуклеарните и ракетните програми, кои ги опиша како национално богатство од клучно значење за безбедноста на земјата.

Свет | пред 5 дена

5 ден.

Тренчевска: Во Владата има министри со бугарски пасоши, дали ќе ги внесете Бугарите во Устав

Пратеничката и потпретседателка на СДСМ, Јована Тренчевска, на денешната собраниска седница за пратенички прашања упати директно прашање до Владата дали ќе бидат внесени Бугарите во Уставот, нагласувајќи дека тоа, според неа, е услов за напредокот на земјата кон Европската Унија. Таа истовремено обвини дека извршната власт избегнува јасни одговори за европскиот пат и наместо тоа користи политички квалификации и напади.Во своето обраќање, Тренчевска посочи дека јавноста не добила конкретен став од премиерот за клучните прашања поврзани со европските интеграции, туку дека биле упатени навреди и политички обвинувања кон опозицијата. Таа повтори дека процесот со уставните измени останува отворено прашање и дека, според неа, власта ја менува реториката во зависност од политичкиот момент.Таа исто така тврдеше дека во Владата има функционери со бугарски пасоши и праша дали тоа влијае врз одлуките поврзани со државните интереси. Дополнително, истакна дека, и покрај ветувањата пред изборите, не се реализирани најавите за промени во однос на Преспанскиот договор и дека државата, како што рече, се соочува со застој во реформите и евроинтеграциите.На крајот, Тренчевска побара јасен одговор од Владата дали Бугарите ќе бидат внесени во Уставот, оценувајќи дека граѓаните имаат право на недвосмислен став по ова прашање.

Македонија | пред 5 дена

5 ден.

Авион од Словачка слета на ливада во БиХ, има повредени

Две лица се повредени кога приватен авион, кој летал од Словачка, бил принуден да слета на ливада на планината Влашиќ во Босна и Херцеговина.Според достапните информации, леталото имало технички проблем, по што пилотот донел одлука за итно слетување околу 13:30 часот. Авионот полетал утрото во 9 часот од Словачка.Повредените патници се здобиле со полесни повреди. Станува збор за авион во сопственост на авио-клуб од словачкиот град Прешов, кој, според неофицијални податоци, се користи за обука на пилоти.

Балкан | пред 5 дена

5 ден.

Стојаноски: Опозицијата со лажни искази за реформската агенда, Владата тековно ги реализира европските стандарди

На денешната собраниска седница посветена на пратенички прашања, пратеникот од ВМРО-ДПМНЕ, Бојан Стојаноски, упати прашања до премиерот Христијан Мицкоски, обвинувајќи ја опозицијата за ширење неточни информации поврзани со реформската агенда и европските процеси.Стојаноски се осврна на изјави од СДСМ, посочувајќи дека биле погрешно интерпретирани ставови на европскиот известител, при што, како што рече, следел и демант кој ја разјаснил ситуацијата. Тој побара од премиерот коментар за, како што ги нарече, неточните настапи на опозицијата и нивното влијание врз меѓународниот углед на државата.„Претседателот на опозицијата изнесе тврдења кои беа демантирани во краток рок. Како тоа се одразува на имиџот на Македонија во меѓународни рамки?“, праша Стојаноски.Во второто прашање, тој се осврна на обвинувањата дека нема напредок во реформската агенда, барајќи одговор кои конкретни чекори ги презема Владата во реализација на обврските и проектите.„Како ја коментирате оценката дека нема напредок и кои мерки се преземени за исполнување на реформската агенда?“, истакна пратеникот.Третото прашање се однесуваше на економските политики на Владата и нивните ефекти врз граѓаните. Стојаноски побара појаснување за преземените мерки во услови на глобални економски предизвици, како и нивното влијание врз животниот стандард.Тој нагласи дека фокусот на политиките треба да биде насочен кон подобрување на економската состојба и животот на граѓаните, при што побара детално образложение за ефектите од владините економски мерки.

Македонија | пред 5 дена

5 ден.

СДСМ: Мицкоски нека се грижи за своето здравје – ние сме загрижени за здравјето на Македонија поради тебе

СДСМ со соопштение реагираше на изјавите на премиерот Христијан Мицкоски, оценувајќи дека тој повторно настапил со, како што наведуваат, непримерен и провокативен речник и наместо да се фокусира на проблемите на граѓаните, упатил лични и политички напади кон опозицијата.Од партијата посочуваат дека не се загрижени за неговото здравје, туку за, како што велат, состојбата на државата под негово раководство.Во соопштението СДСМ го обвинува Мицкоски дека користи „уличарски“ и навредлив речник, наведувајќи дека претходно ги нарекувал граѓаните со негативни квалификации. Партијата оценува дека таквиот настап не доликува на функцијата премиер и го опишува како, според нив, несоодветно политичко однесување.СДСМ додава дека граѓаните, како што велат, јасно гледаат каде е проблемот во државата и најавува дека ќе продолжи да реагира на, според нив, политиките на власта, со порака дека „доаѓа времето на вистината, правдата и одговорноста“.

Македонија | пред 5 дена

5 ден.

Мицкоски за реформската агенда: Очекувам многу скоро информација од Брисел со која од последни, повторно ќе сме фронтранери во регионот

Претседателот на Владата, Христијан Мицкоски, во одговор на пратеничко прашање се осврна на состојбата со Реформската агенда, при што порача дека очекува наскоро позитивни информации од Брисел и дека земјата, според неговите очекувања, повторно ќе биде меѓу водечките во регионот.Тој објасни дека дел од индикаторите од реформската рамка треба да бидат исполнети до крајот на јуни, кога завршува т.н. грејс период за обврските со рок јуни 2025 година. Според него, од вкупно 12 индикатори, 10 се во фаза на реализација.Во делот на енергетиката, Мицкоски посочи дека еден од индикаторите предвидува промена во начинот на набавка на електрична енергија, со што би се намалило државното учество во субвенционирањето на цената за граѓаните. Тој нагласи дека Владата нема намера да го реализира овој чекор, бидејќи, како што рече, тоа би довело до значително зголемување на цената на струјата за домаќинствата и ценовен шок.Во однос на законските измени во енергетскиот сектор, премиерот истакна дека се работи на подзаконски акти со експертска помош, со цел целосна функционалност на законот за енергетика.Во економскиот дел, Мицкоски наведе дека се прават измени на постоечки законски решенија, за кои оцени дека се повеќе технички отколку суштински, но неопходни за усогласување со препораките од Европската комисија.Тој додаде дека се работи и на формирање регистар на правни лица во кои државата има сопственички удел, како еден од индикаторите од реформската агенда.Во делот на правосудството, премиерот се осврна на измените на Законот за судскиот совет и на независноста во процесите на вработување и унапредување во судството и обвинителството, нагласувајќи дека дел од обврските се веќе исполнети или во завршна фаза.Според него, зголемувањето на платите во правосудниот сектор и усогласувањето со одлуки на Уставниот суд придонесуваат кон исполнување на дел од реформските критериуми.Мицкоски изрази очекување дека до крајот на грејс периодот ќе бидат исполнети најмалку седум до осум индикатори, а дел од нив и пред предвидените рокови. Тој додаде дека наскоро од Брисел се очекува информација со позитивна оценка за напредокот, при што, како што рече, Македонија од последно место во регионот би можела повторно да се позиционира меѓу водечките земји.

Македонија | пред 5 дена

5 ден.

Струен удар на градилиште во Чачак однесе човечки живот

Маж на 49-годишна возраст трагично го загубил животот при работа на градилиште во Чачак, откако, според неофицијални информации, бил погоден од струен удар.Според сведоштва од лице запознаено со случајот, несреќата се случила додека тој извршувал работни задачи на објектот. И покрај интервенцијата, повредите биле фатални.Од надлежните органи е најавено дека ќе се спроведе истрага за целосно утврдување на околностите под кои дошло до трагедијата.

Балкан | пред 5 дена

5 ден.

Мицкоски: СДСМ методолошки шират лаги со цел да обезбедат алиби како да се задржи актуелното раководството после следниот изборен пораз

Претседателот на Владата, Христијан Мицкоски, на седница во Собранието посветена на пратенички прашања изјави дека дел од опозицијата, предводена од СДСМ, методолошки шири невистини со цел да создаде алиби за идните политички случувања.Според него, опозициските настапи не биле насочени кон конструктивна дебата, туку кон создавање сензации и дезинформации, со цел да се влијае врз јавноста и да се оправдаат идни изборни резултати.Мицкоски посочи дека во изминатиот период опозицијата ширела паника за економската состојба, тврдејќи дека нема да има исплата на плати и пензии, како и дека државата е во финансиски ризик, што, како што рече, не се покажало како точно.Тој се осврна и на дебатата за евроинтеграциите, наведувајќи дека критиките од опозицијата не ја одразуваат реалната состојба и дека напредокот е потврден и од меѓународни партнери, вклучително и од Европската Унија.Премиерот додаде дека Владата ќе продолжи да се фокусира на реформите и на интересите на граѓаните, наместо на, како што рече, политички конструкции на опозицијата.

Македонија | пред 5 дена