Најнови вести

7 год.

Основното јавно обвинителство Гевгелија истражува тешка кражба во винарска визба

Основното јавно обвинителство Гевгелија поведе постапка против шест лица, од кои за двајца за сторено кривично дело Тешка кражба од член 236 став 1 точка 1 во врска со член 22 од КЗ, а за четворица за кривично дело Прикривање од член 261 од Кривичниот законик.Во текот на постапката утврдено е дека четири лица, меѓу кои двајца од осомничените заедно со две засега непознати лица, по претходен договор, ноќта на 22.09.2018 година во Гевгелија во времето од 01.30 часот до 03.30 часот одзеле туѓи подвижни предмети. Тие сите влегле во кругот на винарската визба Друштво за производство на вино „РИГО Импекс“ ДОО Скопје. Додека двајцата осомничени чекале надвор, непознатите две лица се поткачиле на надворешната единица од клима уредот на висина од 2,5 метри, насилно го отвориле ПВЦ прозорецот од една од канцелариите на винаријата кој е на висина од 4 метри, влегле внатре, па преку отворена врата влегле во канцеларијата на благајникот по што со оксигенски заварувач се обиделе да ја отворат металната дводелна каса во делот на двете метални жапки од горната врата. Откако не успеале да ја отворат, ја извлекле металната каса од нејзиното лежиште и со оксигенскиот апарат од десната страна на металната каса отвориле отвор со дијаметар од 20 см и одзеле 640.000,оо денари.Осомничените потоа преку повеќе лица почнале поради оштетеност – нагорување на банкнотите од оксигенскиот заварувач да вршат нивна размена во НБРМ и во менувачница каде работелo едно од лицата. Со тоа, другите осомничени протуриле предмети за кои знаеле или можеле да знаат дека се прибавени со кривично дело -заменувајќи ги банкнотите со неоштетени банкноти, со што го сториле кривичното дело Прикривање.Постапувајќи по поднесената кривична пријава надлежниот јавен обвинител од Основното јавно обвинителство Гевгелија до Судија за претходна постапка во Основен суд Гевгелија поднесе Предлог за определување притвор за двајца од осомничените за кои е поведена постапка за сторено кривично дело Тешка кражба и за едно од лицата кои се гонат за кривично дело Прикривање. За другите осомничени кои исто така се гонат за Прикривање, надлежниот обвинител побара определување на мерки на претпазливост.Од страна на Судијата за претходна постапка при Основниот суд Гевгелија се донесени Решенија со кои на осомничените им се определени побараните мерки за обезбедување.

пред 7 години

7 год.

Средба на премиерот Заев со министерот за надворешни работи на Литванија, Линкевичиус

Претседателот на Владата на Република Македонија, Зоран Заев, денеска се сретна со министерот за надворешни работи на Република Литванија, Линас Линкевичиус.На средбата е изразена поддршка од Литванија за интеграциите на Македонија во ЕУ и во НАТО. Констатирано е дека ратификацијата на Договорот од Преспа, и со тоа затворањето на речиси три децениското прашање, е одраз на големо лидерство покажано од двете страни, како и дека претставува позитивен пример на градење пријателство, не само меѓу двете земји, туку и во Европа.Шефот на литванската дипломатија Линкевичиус кој е првиот министер за надворешни работи од земја членка на ЕУ, кој ја посетува Македонија по успешно заокружениот процес за реализација на Договорот од Преспа, најави активна поддршка во процедурите за Македонија да стане 30. земја членка на НАТО.Исто така изразена е и оценка за остварлив позитивен исход во јуни, кога Македонија очекува датум за почеток на преговорите со ЕУ. При тоа, нагласена е потребата за суштински напредок во имплементацијата на реформите, посебно во областа на правосудството и борбата против корупцијата.-Фокусирани сме на втората фаза од реформскиот процес и на постигнување видливи резултати во имплементацијата на реформите во делот на правосудството, борбата против корупцијата, ефикасна и професионална администрација и стабилизирање на целиот државен систем. По ратификацијата на Договорот од Преспа и од страна на јужниот сосед, очекуваме да бидеме 30. земја членка на НАТО, а по резултатите што дополнително ќе ги покажеме и во реформите на домашен план, дека ќе добиеме датум за почеток на преговори со ЕУ. Евро-атлантските интеграции за Македонија значат безбедност, стабилност и економски развој, но се голем придонес и во стабилноста на регионот, рече премиерот Заев.На средбата е разговарано за можноста за примена на искуства од Литванија во делот на ИТ бизнисот, синхронизацијата на потребите на релација бизнис - индустрија - образование, во делот на сајбер технологијата и информациите.Премиерот Заев и министерот за надворешни работи на Литванија, Линкевичиус заеднички констатираа пријателски односи меѓу Македонија и Литванија и отворени можности за развој на економската соработка.

Скопје | пред 7 години

7 год.

Заев и Ципрас официјално предложени за Нобеловата награда за мир за 2019 година

Претседателот на владата на Република Македонија, Зоран Заев, прими писмо од Уидед Бушамауи, добитничка на Нобеловата награда за мир во 2015 година, со кое го известува премиерот Заев дека и официјално испратила писмо до Комитетот за Нобеловата награда за мир со номинација тој и грчкиот премиер Ципрас да бидат кандидати за оваа награда, за 2019 година.Во писмото, со изрази на најдлабоко почитување, нобеловката Бушамауи ја искажува својата убеденост дека Договорот од Преспа, претставува модел за мирно и конструктивно решавање на билатералните и мултилатералните недоразбирања меѓу соседните држави, кој може да служи како пример за целиот Балкански регион и пошироко, и дека ратификацијата на договорот во двете земји сведочи дека дијалогот, позитивната енергија, космополитизмот, духот на решителност, цврстата определба како и чувството за добрососедство, се клуч за сите проблеми независно притисоците на националистите од двете страни на границите.„Во овој процес и во овој храбар и визионерски акт со кој се утврдува дијалогот, довербата и основата за една заедничка иднина на Република Северна Македонија и на Грција во рамките на меѓународните организации, вие господине премиере Заев, како и господинот Ципрас, одигравте клучна улога. Во таа смисла, си дозволувам да искажам големо почитување и восхит кон вас двајцата лидери – големи градители на мирот на Балканот“, пишува во писмото до премиерот Заев нобеловката Бушамауи, со кое го известува дека него, и премиерот Ципрас официјално ги предложила за кандидата за Нобеловата награда за мир за 2019 година.Писмо со идентична содржина, добитничката на Нобеловата награда за мир за 2015 година, Уидед Бушамауи, испратила и до грчкиот премиер Алексис Ципрас.

Македонија | пред 7 години

7 год.

Средба на премиерот Заев со амбасадорот Тимоние

Премиерот Зоран Заев денеска се сретна со францускиот амбасадор во Македонија Кристијан Тимоние, со кого разговараше за прашања поврзани со актуелната политичка ситуација во земјата, вклучувајќи го и усвојувањето на уставните измени во Парламентот во согласност со Преспанскиот договор и продолжувањето на реформите со цел интегрирање на земјата во евроатлантските структури.Амбасадорот Тимоние оценувајќи дека Македонија е на добар пат за остварување на нејзините стратешки цели, членството во Европската Унија и НАТО, му честиташе на премиерот Заев за лидерството кое доведе до Договорот од Преспа, кој е клучен за реализација на евроинтеграциските процеси.„Насочени сме да го искористиме историскиот момент и имаме највисока мотивација по добиената покана за почеток на пристапните преговори со НАТО и најавениот датум за почеток на преговорите со ЕУ, да ја внесеме Македонија во евроатлантското семејство, каде македонските граѓани ја гледаат својата иднина“, рече премиерот Заев, заблагодарувајќи му се на францускиот амбасадор за сета поддршка која неговата земја и ја дава на Македонија и нејзините граѓани за време на реализацијата на стратешките цели.Тој повтори дека Македонија ќе продолжи со политиката на градење на пријателство со сите соседи како единствен услов за стабилност и европска интеграција на целиот регион.На средбата, двајцата соговорници се согласија дека за граѓаните е многу важна посветеноста на Владата за продолжување на спроведувањето на реформите во правосудниот систем, јавната администрација и борбата против организираниот криминал и корупцијата со што се отвораат и перспективите за активен економски развој.Премиерот Заев и амбасадорот Тимоние разговараа и за конкретната француска поддршка, која се остварува во насока на соработка со француски експерти во областа на подготовките на македонската администрација за преговорите со ЕУ, со цел што побрзо отпочнување на преговорите на Македонија со Унијата.На состанокот се разговараше и за искористување на можноста за поголема динамика на економската соработка помеѓу Македонија и Франција.Во знак на почит за неговите залагања и во чест на одбележувањето на 25 години од воспоставување на дипломатските односи меѓу Македонија и Франција, амбасадорот Тимоние на премиерот Заев му врачи сребрена монета со ликот на „Жан Моне“, еден од татковците на Европа, симболично посакувајќи му среќа во напорите за заокружување на процесот на европска интеграција на Македонија.

Скопје | пред 7 години

7 год.

Нема фотографија

Ѓорчев побара вицепремиерите да се откажат од покачувањето на нивните плати

Во ваква економска состојба власта не треба да се води првенствено за сопствените привилегии и ги повикувам вицепремиерите Радмила Шекеринска, Оливер Спасовски, Кочо Анѓушев, Хазби Лика за кој слушнавме дека не оди на работа и Бујар Османи да се откажат од покачувањето на нивните плати за 8.000 денари. Срамота е, граѓаните не ве гласаа за ова, изјави пратеникот на ВМРО-ДПМНЕ, Владимир Ѓорчев на денешната собраниска седница.– Економските состојби во Република Македонија се целосно неадекватни за вакви забегани предлози на власта, неодговорни кои што кажуваат колку оваа власт е незаинтересирана за јавните финансии и не води сметка за животниот стандард за граѓаните и колку оваа власт на Зоран Заев и неговите пет вицепремиери кои што треба да си ги зголемат платите за 8,000 денари, како да им се малку досегашните 70.000 денари не водат сметка за животниот стандард за граѓаните туку за сопствените привилегии, вели Ѓорчев.Токму затоа тој побара предлогот за зголемување на платите на вицепремиерите како и точката со која се додава уште еден заменик директор во Агенцијата за поттикнување за развојот на земјоделието, да се повлечат од дневен ред, затоа што тоа го очекуваат и граѓаните на Република Македонија кои бараат повисок стандард, а не повисоки плати на функционерите и заменици директори во јавните претпријатија.

Македонија | пред 7 години

7 год.

(ВИДЕО) Страшно невреме ја погoди Анталија, оштетени се авиони, полициски хеликоптер и над 300 објекти

Петто по ред торнадо ја зафати Анталија на југот на Турција, најмалку 12 лица се повредени.Гувернерот на Анталија за турските медиуми истакнал дека официјално, оштетени се два авиони и полициски хеликоптер, и изрази надеж дека најлошото помина. Покрај то има многу откорнати дрвја, превртен автобус. Оштетени се повече од 300 објекти.Турскиот преседател Таип Ердоган пак за време на митинг во Анталија, рече дека штетата се проценува на околу 17 милиони евра.

Свет | пред 7 години

7 год.

Притворени крадци за тешка кражба во винарска визба во Гевгелија

Секторот за внатрешни работи Струмица до Основното јавно обвинителство во Гевгелија, поради постоење основано сомненеи за сторено кривично дело - “тешка кражба“ поднесе кривична пријава против лицата Н.В (46) и М.Р (49) од Скопје, а кривично пријавени се и лицата И.В (52), С.А (59), А.Х (25), Б.Ѓ. (53) сите од Скопје, и Б.И (53) од Прилеп поради постоење на основано сомневање дека сториле кривично дело “помагање“ а во врска со извршување на кривичното дело - “тешка кражба“.Имено, на 22.09. минатата година, во времето од 01.30 часот до 03.30 часот, Н.В. и М.Р. извршиле тешка кражба во просториите на винарска визба во Гевгелија. Тие влегле во кругот на винарската визба, а потоа влегле во внатрешноста на објектот, во канцеларијата на благајникот. Притоа, најверојатно со помош на оксигенски заварувач се обиделе насилно да ја отворат металната дводелна каса. Но, откако не успеале да ја отворат металната врата, ја извлекле од нејзиното лежиште и со оксигенскиот апарат направиле отвор, со дијаметар од околу 20 см. Од дејстувањето со оксигенскиот апарат и високата температува, видно биле оштетени, со нагорување, пластични папки со документација, кои биле во внатрешноста на горниот дел од металната каса, а биле нагорени и оставените парични средства во денари.Од металната каса тие успеале да одземат 640.000 денари, во различни апоени и 6.950 евра во различни апоени.По извршувањето на тешката кражба, М.Р. за соодветна награда, на четвртопријавениот С.А. му дал пет делумно нагорени банкноти од по 1000 денари да ги замени во Народна банка на Република Македонија, по што тој на 24.09.2018 година, во НБ на РМ поднел барање за нивна замена, и истите на 27.09.2018 година му биле заменети.Потоа на 05.11.2018 година, седмопријавениот Б.И, отишол во просториите на Народна банка на Република Македонија, со намера да изврши замена на 172 делумно нагорени банкноти од по 1.000 денари. Во просториите на банката при контакт со шестопријавениот Б.Ѓ, вработен во НБРМ, Б.И. бил упатен замената на банкнотите ја изврши преку менувачница во Скопје, при што Б.Ѓ. му овозможил контакт со петтопријавениот А.Х, вработен во менувачница, кој за соодветна награда, од 10 проценти, истиот ден ги земал 172 делумно нагорени банкноти а на пријавениот Б.И му исплатил 155.000 денари во готово без да му издаде документ. Исто така, Н.В. на 11.12.2018 година, на третопријавената И.В и дал 13 делумно нагорени банкноти од по 1.000 денари, со цел да ги замени во НБ на РМ. Таа веќе наредниот ден (12.12.), во 08.30 часот, пријавила 13 банкноти, од по 1.000 денари, за замена како делумно нагорени, но замената на банкнотите не е извршена. Набргу потоа, сторителите се идентификувани и пронајдени. На предлог на јавниот обвинител во Гевгелија, од страна на судија на претходна постапка при Основен суд Гевгелија на прво, второ и шесто пријавените им е одредена мерка притвор во траење од 8 дена, додека на трето, петто и шесто пријавените им е одредена мерка на претпазливост „задолжително јавување во суд“.

Македонија | пред 7 години

7 год.

До крајот на годината, 35 екоавтобуси во Скопје

Градоначалникот на Скопје, Петре Шилегов потпиша Договор со Европската Банка за обнова и развој (ЕБОР) за заем во вредност од 10 милиони евра за набавката на нови еко автобуси на гас во Скопје. За набавката на автобусите ќе бидат обезбедени и дополнителни 1,8 милиони евра од Јавното сообраќајно претпријатие и грант од 1,1 милион евра за техничка соработка при подготовката на проектот. Во проектот, со сопствени средства во износ од 1,8 милиони евра, учествува ЈСП.Градоначалникот на Скопје Петре Шилегов по потпишувањето на Договорот најави дека со првата набавка на нови автобуси во ЈСП по седум години целосно ќе се замени застарениот возен парк на ова претпријатие.– Моите очекувања се дека најдоцна до крајот на оваа година по скопските улици ќе може да се видат новите екоавтобуси кои ќе бидат на еколошко гориво на компримиран гас со ЕУРО 6 стандард на мотори, што значително ќе придонесе за намалување на загадувањето, имајќи во предвид дека со оваа набавка ќе можеме во целост да го замениме застарениот дел од возниот парк на ЈСП, рече Шилегов.Тој додаде дека новите автобусу , речиси и да не го загадуваат воздухот затоа што загадуваат само 10 проценти од тоа што го прават сега дизел моторите во ЈСП „Скопје, а потрошувачката ќе биде серозно намалена и се релативно евтини за одржување.Според директорот на ЈСП „Скопје“ Кристијан Чушков, новите автобуси ќе овозможат побрз и поефикасен превоз вои главниот град и ќе придонесат за подобрување на состојбата со квалитетот на воздухот.– На улиците ќе се вратат зглобните автобуси, кои имаат капацитет да превезуваат речиси двојно повеќе патници од двокатните, овозможуваат побрз проток на патниците низ возилото што влијае на скратување на времето потребно за задржување на постојките, што ќе овозможи и зголемување на фрекфенцијата на возилата. Во новите автобуси, ќе има можност и за валидација на најмалку две места во возилото. Сето ова, автоматски на граѓаните ќе им овозможи побрзо да стасуваат до крајните дестинации, отколку сега возејќи се со кинеските автобуси, рече Чушков.

Скопје | пред 7 години

7 год.

Османи: За време на Романското претседателство очекуваме конфирмација на одлуката за почеток на преговори

Заменик Претседателот на Владата задолжен за европски прашања, Бујар Османи кој е во работна посета на Република Романија оствари средба со Премиерката на Република Романија, Виорика Данчила.„Преземањето на шестмесечното претседавање со Советот на ЕУ од страна на Романија, доаѓа во еден од најтурбулентните периоди на Европа, во пресрет на предизвиците од претстојните избори, сѐ уште неразјаснетите околности под кои ќе се одвива БРЕГЗИТ итн.“ - истакна Османи на средбата, пренесувајќи и ги на Премиерката Данчила честитките во името на Владата на Република Македонија.„Дозволете да ги пренесам нашите уверувања дека, како земја - кандидат, ќе дадеме соодветен придонес во остварувањето на вашите приоритети како претседавач, имајќи предвид дека истите претставуваат вредности кои целосно се совпаѓаат со нашите државни приоритети“, истакна Османи, посочувајќи и на конвергенцијата, безбедноста и кохезијата, како приоритетни потреби за сите земји од регионот.„Искрена благодарност и за вашата иницијатива процесот на проширување да го одржите високо на агендата на вашето претседателство, како еден од фундаменталните елементи за обезбедување на вториот приоритет - безбедна Европа“ истакна Османи на средбата, изразувајќи уверување дека Република Романија, неповратно ќе се вгради во историјата на Македонија, како земја под чија палка земјава ќе добие датум за почеток на преговорите во јуни оваа година.За време на посетата, Османи ќе оствари средби и со повеќе претставници на владиниот и државен врв. Негов домаќин е Министерот делегиран за европски прашања, Џеорџе Чиамба, а ќе оствари средби и со Министерот за Надворешни работи Теодор Малешкану, како и со Министерката за Европски фондови, Рована Плумб. Во рамките на посетата на Романскиот Парламент, Османи веќе оствари средби и со Претседателката на Комисијата за Европски прашања, Габриела Крету, како и со Потпретседателот на Домот на Претставниците (Долниот дом), Флорин Лордаке.

Македонија | пред 7 години

7 год.

МТСП поднесе кривична пријава против непознат сторител, поради злоупотреба во пензискиот систем

Министерството за труд и социјална политика поднесе кривична пријава против непознат сторител откако вчера во јавноста ја обелодени аферата со вториот столб во пензискиот систем.Според анализата и документите на министерството, во пензискиот фонд се направени неправилности при распределувањето на придонесите на 12 илјади граѓани, идни пензионери.Тие откриле дека наместо во вториот столб, придонесите на дел од граѓаните во вредност од 19 милиони евра останале во првиот државен столб со што им е ускратено правото на повисока пензија.„ За таа намена на приватните пензиски друштва ќе им биде исплатена сума од 19 милиони евра обезбедени од од Буџетот на РМ. Овие средства ќе бидат распределени на оштетените осигуреници, односно на секој по околу 400 илјади денари,“ е наведено во соопштението.

пред 7 години

7 год.

Кина изгради 60 метарски прочистувач на воздух

Во Кина изграден џиновски прочистувач на воздухот. Објектот е поставен во центарот на градот Ксиан во Кина. Капацитетот на овој прочистувач е од 5 до 18 милиони кубни метри воздух во текот на еден ден.Има огромна способност за справување со ситните ПМ 10 честички кои штетно влијаат на здравјето на луѓето, и тоа за 10 до 10% на 10 километри квадратни површина.Сепак, оваа кула засега е сеуште во експирементална фаза. Истата била изградена во 2016 година, а досега ги надмина своите очекувања.

Свет | пред 7 години

7 год.

Обвинителот Бубевски поднесе кривична пријава против адвокатот Арслани

Обвинителот на Специјалното јавно обвинителство (СЈО), Гаврил Бубевски поднесе кривична пријава против адвокатот, Мефаиљ Арслани поради сомнение дека пријавениот сторил кривично дело „Загрозување на сигурноста “ од чл.144 ст.3 в.в ст.1 од КЗ.Обвинителот од СЈО Гаврил Бубевски поднесе кривична пријава против адвокатот Мефаиљ Арслани, за закани по животот, врз основа на изјави од колешката Фатиме Фетаи и од сведок.Кривичната доаѓа откако обвинителката Фатиме фетаи обелодени дека како што кажа таа Арслани упатил закани „ти си наша, ама на тој каурот ќе му ја расплачеме фамилијата“, што се однесувале на Фетаи и на Бубевски.Адвокатот Арслани негираше дека воопшто некогаш кажал закана и дека имал националистички настап со споменување термин „каур“.

пред 7 години

7 год.

Познатиот пејач на народна музика, Момо Николовски - тешко болен, се собираат парични средства за лекување

Познатиот пејач на народна музика, Момо Николовски - тешко болен. Семејството на социјалните мрежи апелира за помош и собирање на срества за лекување Тој боледува од абдоминален канцер и му треба помош за понатамошно лекување во Берлин или Истанбул.По емотивното писмо на неговата сопруга Валбурга Батева Николоска, на социјалните мрежи се споделуваат апели за помош на Николовски.„Ова е мојата љубов. Човекот на мојот живот. Моето вечно момче и мојата рајска музика во срцето. Цел живот со неговата песна развеселуваше, но и безброј пати помагаше на луѓе кои беа соочени со животни предизвици. Сега е неговиот ред. Сега е нашиот ред. Ни треба помош, оти звуците на љубовта не смеат да згаснат, сега, кога најмногу си требаме еден на друг. Не сакам да го дадам, нема да го дадам! Неговата топла душа е моето скришно, безбедно место, таму не живее темнината, таму има доволно светлина за сто животи и уште еден. Секогаш бев тука за вас и вие за мене. Барајте ме, вие кои знаете колку го љубам, но и вие другите, кои сакат некого и некој ве сака. Овој филм мора да заврши со среќен крај, со ваша и Божја помош, а во моја режија. Мече мое, судбино моја, продолжи да танцуваш со мене! Јас, ти и музиката..“, напиша таа.

Македонија | пред 7 години

7 год.

Пронајден женски леш на планинската патека која води од селото Горно Коњско, Охридско

На 27 јануари оваа година, околу 17 часот, во СВР Охрид, припадник на планинарска спасителна служба на Црвен Крст- Охрид, пријави пронајден женски леш. Безживотното тело, врз кое, според првичните сознанија немало траги на насилство, било забележано на планинската патека која води од селото Горно Коњско кон населбата „Лагадин“. На местото на настанот излезен е Јавен обвинител по чија наредба, увидот ќе биде извршен денеска.

Македонија | пред 7 години

7 год.

Тетовец уапсен на Табановце, се барал за издржување на казна затвор

На 27.01.2019 година во 12,40 часот на Граничниот премин-Табановце на влез во Р.Македонија при пасошка контрола било констатирано дека В.И.(21) од Тетово евидирал на СТОП листа и се барал по телеграма за издржување на казна затвор.Истиот бил предаден на полициски службеници од СВР-Куманово за понатамошна постапка.

Македонија | пред 7 години

7 год.

Нема фотографија

За време на викендот вкупно 25 сообраќајки во Скопје

Во текот на изминатите денови (25, 26 и 27.01.2018 година) на подрачјето на Секторот за внатрешни работи Скопје се случиле вкупно 25 сообраќајни незгоди од кои две со тешки телесни повреди, 11 сообраќaјни незгоди со телесни повреди и 12 со материјална штета. Во сообраќајните незгоди две лица се здобиле со тешки телесни повреди и 22 лица се здобиле со телесни повреди.Од преземените мерки и активности констатирано е дека 91 возач управувале возила со брзина поголема од дозволената. Од сообраќај се исклучени 90 возачи од кои: 38 возачи затоа што управувале возила под дејство на алкохол, 44 возачи управувале возила без да се стекнат со право за управување на моторно возило и осум возачи затоа што биле возачи-почетници.Исто така исклучени од сообраќај се и 27 возила бидејќи 26 биле нерегистрирани, а едно возило поради претовар. Санкционирани се 20 возачи поради поминување на крстосница на црвено светло, пет возачи поради недавање првенство на минување на пешаци, еден поради неправилно престројување, еден возач поради неправилно престигнување, 15 поради непоседување пропишана зимска опрема, шест возачи поради неносење сигурносен појас за време на управување на моторно возило и 15 возачи поради користење на мобилен телефон при управување на возило.Во однос на пешаците санкционирани се пет пешаци поради поминување на коловоз вон пешачки премин. Издадени се 114 мандатни платни налози и 71 возило се подигнати со специјално возило "пајак". 

Скопје | пред 7 години

7 год.

Нема фотографија

Сообраќајка во Скопје, три лица итно пренесени во болница

На 27.01.2019 година во 21,10 часот во СВР-Скопје било пријавено дека на улицата “Лазар Личеновски“ се случила сообраќајна незгода помеѓу патничко моторно возило “Опел aстра“, со скопски регистерски таблици, управувано од Е.З.(26) од Скопје, и патничко моторно возило “Фиат стило“ со скопски регистерски таблици, управувано од М.С.(37) од Скопје.По незгодата со возило на Итна медицинска помош М.С. бил пренесен во Градската општа болница “Свети Наум Охридски“ каде од страна на лекар констатирани му биле телесни повреди. Возачот Е.З. и сопатничката од истото возило Б.З.(21) од Скопје биле пренесени во Комплексот клиники “Мајка Тереза“, каде од страна на лекар кај Е.З. биле констатирани телесни повреди, а кај Б.З. биле констатирани тешки телесни повреди.На местото на настанот од страна на увидна екипа од СВР-Скопје бил извршен увид и се работи на целосно расчистување на случајот.

Скопје | пред 7 години

7 год.

Прогласена вонредна состојба во Вашингтон поради мали сипаници

35 заболени лица со мали сипаници, во Вашингтон, прогласена вонредна состојба.„Малите сипаници се многу заразна болест која може да биде смртоносна за малите деца. Појавата на жаришта ствара „екстремен ризик за јавното здравје кое може брзо да се прошири на други држави“, истакна гувернерот на американската држава Вашингтон, Џеј Инсли .Најголем број потврдени случаи – 34, забележани се во округот Кларк на јужната граница на Ваѓингтон, а од тој број потврдено е дека 30 не биле вакцинирани.Во 24 од 34 случаи се работи за деца на возраст меѓу една и 10 години, а во округот Кларк постојат уште девет случаи за кои постои сомнеж дека се заразени со сипаници.Во последните неколку години во САД дојде до пораст на бројот невакцинирани деца, заради што налдежните служби советуваат вакцинација против мали сипаници, заушки и рубеола.

Свет | пред 7 години

7 год.

Одложена седницата на која требаше да се одлучува по жалбата на Јанкуловска

Во Апелацискиот суд во Скопје е одложена седницата на која требаше да се одлучува по жалбата на ексминистерка за внатрешни работи Гордана Јанкулоска за предметот „Тенк“, во која беше осудена на затворска казна од 6 години.Причина за одлагањето е тоа што не дојдоа адвокатите на Јанкулоска, Боро Тасевски и Сања Алексиќ. Алексиќ имала здравствени проблеми, а Тасевски не беше присутен на седницата поради приватни причини.Судијката Цветанка Периќ им ги прифати поднесоците и судењето го одложи за 25 февруари.

пред 7 години

7 год.

28 дена од месец февруари - ве запознаваме со 28 ретки дијагнози

Во месецот со најмалку дена во годината, во месецот кој пациентите со ретки болести го викаат „свој“, месецот кој е редок по своите ретки 28 или 29 дена ќе се обидеме поблиску да Ве запознаеме со ретките болести во Република Македонија.Да ги дознаеме предизвиците и проблемите со кои се соочуваат. Како ја добиваат дијагнозата? Дали има некаков лек? Колку и дали воошто се пристапни и достапни лековите?...Супер радио, Лолеска Гордана и „Живот со предизвици“ овој февруари Ве запознаваат со ретките болести во Република Македонија со надеж дека преку овие 28 ретки дијагнози сите заедно ќе научиме нешто повеќе.28 дена од месец февруари Ве запознаваме со 28 ретки дијагнози.

Македонија | пред 7 години

7 год.

Апeлација денеска ќе одлучува за шестгодишна затворска казна за Јанкуловска

Апелациониот суд денеска ќе одлучува по жалбата на поранешната министерка за внатрешни работи Гордана Јанкулоска за случајот „Тенк“ за тоа дали ќе и ја намали првостепената шестгодишна затворска казна.На седницата на второстепениот суд ќе се расправа по жалбата на пресудата што ја поднесе Јанкулоска, а своите аргументи треба да ги кажат и обвинителите од СЈО. Откако членовите на судечкиот совет ќе ги слушнат двете страни, треба да донесат одлука, да ја потврдат првостепената пресуда, предметот да го вратат на повторно судење пред Кривичниот суд или да ја преиначат затворската казна.Поранешната министерка не присуствуваше на судењето кога ѝ беше изречена затворската казна, а во завршните зборови не можеше да ги задржи солзите кога ја спомна грижата за својот син.Судењето за случајот „Тенк“ почна со тројца обвинети, Јанкулоска, поранешниот премиер Никола Груевски и поранешниот помошник министер за внатрешни работи Ѓоко Поповски. Судењето за Јанкулоска беше издвоено откако остана бремена и процесот почна кон крајот на август, 45 дена по нејзиното породување. Таа беше прогласена за виновна за злоупотреба на службената положба и овластување.Претходно Кацарска го осуди поранешниот премиер на две години затворска казна токму во овој случај, но, откако Апелација ја потврди пресудата, тој избега и доби азил во Будимпешта.

пред 7 години

7 год.

sdsm-predlozhi-zakon-za-stechajci-i-izmeni-na-zakonot-za-socijalna-zashtita-635491

СДСМ: Исправена неправда кон 12.000 граѓани, решен уште еден проблем со пензии оставен од ВМРО-ДПМНЕ

Исправена неправда кон 12.000 граѓани, решен уште еден проблем со пензии оставен од ВМРО-ДПМНЕВладата предводена од СДСМ продолжува да ги решава проблемите настанати поради криминалните и неодговорни политики на ВМРО-ДПМНЕ. На околу 12.000 граѓани-осигуреници од уплатените придонеси воопшто не се распределувале средства во вториот пензиски столб, иако ги исполнувале законските услови за тоа, велат од СДСМ.„Со тоа директно им се скратува правото да остварат својата пензија во целост.По откривањето на овој скандал, владата предводена од СДСМ и Министерството за труд и социјална политика презедоа мерки за решавање на проблемот и исправање на неправдата кон овие лица.Обезбедени се 19 милиони евра со коишто на околу 12.000 граѓани ќе им бидат префрлени средствата што со години не биле уплаќани во вториот пензиски столб.Со тоа, се исправа неправдата кон граѓаните на кои им биле скратени парите за пензиите.Надлежните правосудни институции сега треба да го процесираат случајот и согласно законите да одредат кој се треба да понесе одговорност за овој скандал.Владата предводена од СДСМ и сите останати институции продолжуваат со спроведување на мерките што обезбедуваат повеќе пари и поквалитетен живот за сите граѓани“, се вели во соопштението.

Македонија | пред 7 години

7 год.

ВМРО-ДПМНЕ: Додека народот гладува и 500 илјади граѓани живеат во сиромаштија, функционерите на СДСМ се луксузираат

СДСМ си го покажаа своето вистинско лице. СДСМ покажа дека партиските состаноци и активности ги плаќаат граѓаните од свој џеб. СДСМ покажа дека се користат државни коли за партиски патувања и потреби. Државата е потчинета на партиските интереси на СДСМ, велат од ВМРО-ДПМНЕ.„Забеганоста нема крај. Додека народот гладува и 500 илјади граѓани живеат во сиромаштија, партиските функционери на СДСМ се луксузираат со државни ресурси а МЕПСО нарачува луксузен мебел од телешка кожа. Тоа се вика аздисаност.Зоран Заев и СДСМ бесрамно го спроведуваат планот да ја направат партијата држава, а државата партија.СДСМ прави класична злоупотреба на државните ресурси за сопствени и партиски цели.Наместо проекти и реформи за подобрување на животниот стандард, граѓаните на Република Македонија се сведоци на криминал, корупција, закани, уцени, непотизам, вработување на партиски војници, а сега уште и злоупотреба на државните ресурси.Има 4 милиони евра годишно за 700 нови вработувања под државна капа а само едвај 1.5 милиони евра за проблемот со загадувањето од кој дневно умираат по неколку луѓе.Народот не е должен да ги плаќа луксузирањата на неспособната и криминална влада на СДСМ, Зоран Заев и некадарните министри.СДСМ се свесни за својот слаб рејтинг и се исплашени од предвремени парламентарни избори.Но, за Македонија да оди напред, за граѓаните да живеат подобро мора овие црнила на криминалниот картел на власт да завршат. Зоран Заев мора да си замине час поскоро“, се наведува во соопштението.

Македонија | пред 7 години

7 год.

Словенечкиот министер за култура поднесе оставка по самоубиството на вработен

Словенечкиот министер за култура Дејан Прешичек, обвинет за мобинг, поднесе писмена оставка до премиерот Марјан Шарец.Прешичек неодамна се најде на удар во медиумите по обвинувањата за мобинг во Министерството за култура, а целата приказна кулминираше со самоубиство на еден од вработените.Според словенечките медиуми, човекот што извршил самоубиство е татко на три деца, боледувал од рак и постојано се жалел дека му се врши притисок од министерот и неговите најблиски соработници.Министерот во оставка, ги отфрли обвинувањата за мобинг, но признал дека го користел службениот автомобил за приватни цели, за што исто беше обвинет.Во писмото до премиерот , Марјан Шарец, министерот Прешичек пишува дека неоправдано бил изложен најавен линч и дека тој не е човек без чувства, како што го претставиле медиумите.РТ Словенија неофицијално извести дека премиерот нема да ја прифати оставката на министерот.

Свет | пред 7 години

7 год.

(ФОТО) Вевчанци имаат нова валута - 1 грдник?

Вевчанци во нивни стил, овој пат велат дека имаат нова валута - грдник. На социјалните мрежи се појави нивнот изглед.Инаку Вевчанци важат за доста шегобит народ. Тие одамна велат дека се „држава“ која има валута и пасоши, создадоа и свое годишно време Тие преку карневалот порачуваат дека се народ што има обичаи и традиција кои не изумираат.

Македонија | пред 7 години