ФФМ

ФФМ до Шкендија: Барањето алиби за загубените бодови е веќе прочитано сценарио, слободно обратете се во УЕФА

Фудбалската федерација на Македонија (ФФМ) експресно одговори на денешното соопштение на ФК Шкендија, нарекувајќи ги нивните обвинувања за судењето „добро познат метод за барање алиби“ по секој неуспех на теренот.ФК Шкендија денеска се јави со добро познатото соопштение, кога ќе се загубат бодови, виновни се судиите, федерацијата или тревата на теренот.Интересно е што токму оваа сезона во Прва МФЛ клубот од Тетово е статистички еден од најзаштитените, без практично ниту една сериозна судиска грешка на нивните натпревари. Тоа е факт кој одамна не е тајна, го знаат и фудбалската јавност и клубовите.Но тоа очигледно не претставува проблем додека резултатите одат во нивна корист. Како лани на пример, кога токму скандалозните судиски одлуки на натпреварот со Тиквеш им овозможија да стигнат до титулата. Тоа и „птиците“ го знаат. Тогаш, се разбира, немаше соопштенија, ниту загриженост за „интегритетот“ на натпреварувањето.Денеска, по ремито со Брера, повторно се бара алиби. Истите тие судии, кои наводно се проблем денес, „дозволија“ Шкендија да победи во последната минута во Кратово пред десетина дена, како и против Вардар минатото коло. Но тогаш, очигледно, сè било во ред.Во своето соопштение Шкендија го споменува и натпреварот Силекс – Вардар, иако е симптоматично што токму Силекс, како директен учесник на тој натпревар, воопшто не се пожали на судењето.Интересно е и што од Тетово немаше ниту збор реакција кога на нивниот стадион судиите беа гаѓани со скалпел и погодени со метални пари и запалки. Тогаш, очигледно, немаше потреба од соопштенија и загриженост за судиската заштита.Очигледно е дека ова соопштение е режија на добро познатиот двоец во клубот, Љуљзим Имери и Бесник Ибраими. Двоецот кој на последните три средби со раководството на федерацијата повеќе се интересираше за интересите на другите клубови отколку за сопствениот.Шкендија како клуб, со сериозен спонзор и инвестиции како Еколог, заслужува многу поодговорно и посериозно раководење, а не ваков стил на комуникација кој се сведува на притисоци, алиби и постојани обиди за создавање теории на заговор.Ароганцијата во управувањето со клубот и постојаниот „поглед од горе“ кон сите други во лигата не водат кон успех, туку кон сосема спротивното.Кога веќе најавуваат дека ќе се обратат до УЕФА, слободно. Ќе помогнеме и во таа намера и ќе ја доставиме целата статистика и видео анализа од натпреварите на Шкендија, па нека се види колку навистина е „оштетен“ клубот од Тетово.Ова раководство на ФФМ нема намера да подлегнува на вакви обиди за притисок, ниту на соопштенија кои се појавуваат секогаш кога некој ќе загуби бодови. Таквите методи одамна се прочитани во македонскиот фудбал и нема да променат ништо.ФФМ ќе продолжи да го штити единствено интегритетот на натпреварувањето, без привилегирани и без недопирливи. Правилата важат за сите, без исклучок. Секој инцидент ќе биде санкциониран. Како за сите, така и за вас. Во тоа бидете уверени“, велат од ФФМ.

Спорт | пред 1 седмица

Инциденти на мечот Шкендија – Пелистер: Фрлен скалпел кон судиите, четвртиот судија погоден со паричка и запалка

Фудбалската федерација на Македонија соопшти дека согласно официјалниот судиски извештај од натпреварот од 20. коло во Првата македонска фудбалска лига меѓу Шкендија и Пелистер, биле евидентирани повеќе сериозни безбедносни инциденти.Во 57. минута, при прекин на играта поради измена на играчи, од трибините биле фрлани предмети кон техничкиот простор. Четвртиот судија бил погоден со паричка и запалка во пределот на раката, по што натпреварот кратко бил прекинат и продолжен по проценка на главниот судија.Во извештајот се наведува дека кон официјалните лица биле фрлани и опасни предмети, меѓу кои и скалпел, што претставува сериозна закана за безбедноста на службените лица и учесниците во натпреварот.По завршувањето на средбата, надворешно лице влегло на теренот и упатувало закани кон главниот судија и неговиот асистент. Во тој момент дел од публиката повторно почнала да фрла предмети кон теренот, по што судискиот тим, кој веќе се упатил кон соблекувалните, бил принуден да се врати на теренот од безбедносни причини.Во подтрибинскиот простор, истото лице ги чекало судиите пред нивната соблекувална и повторно трчајќи кон нив упатувало закани. Главниот судија побарал од присутните службени претставници лицето да биде отстрането. Според наводите во извештајот, директорот на клубот Цуцули изјавил: „Оставете го, тој е син на газдата“.Понатаму се наведува дека од делегатот на натпреварот било побарано настанот да биде евидентиран во записникот, по што лицето се упатило кон излезот со цел да избегне идентификација.Фудбалската федерација на Македонија информира дека сите настани се службено констатирани и ќе бидат предмет на разгледување и постапување од страна на надлежните дисциплински органи, согласно важечките прописи, при што нема да има отстапување во примената на правилата.

Спорт | пред 2 седмици

ФК Вардар казнет по натпреварот ФК Башкими – еден меч без публика и 5.000 евра глоба

На вонредна седница на Дисциплинската комисија при Фудбалската федерација на Македонија, меѓудругото е одлучено, ФК Вардар да биде казнет со еден меч играње без публика и глоба од 5000 евра поради лоша организација на мечот од 19. коло од ПМФЛ.„На вонредна седница на Дисциплинската комисија при Фудбалската федерација на Македонија, донесени се следните одлуки:Поради слаба организација на натпреварот ФК ВАРДАР – ФК БАШКИМИ, навредливо и националистичко скандирање од страна на навивачката група на ФК Вардар и користење на недозволени пиротехнички средства, клубот ФК ВАРДАР се казнува со забрана на присуство на публика на еден натпревар и парична казна во износ од 5.000 евра.Дисциплинската комисија констатира дека одлуката на делегатот на натпреварот за изрекување опомена поради националистички скандирања е исправна, како и одлуката на судијата за привремен прекин на натпреварот“, велат од ФФМ.

Спорт | пред 3 седмици

(Видео) ФФМ инвестираше во модерен ЛЕД екран долг 210 метри

Фудбалската федерација на Македонија (ФФМ) го подигна стандарот на стадионите со новата инвестиција – сопствен ЛЕД екран долг 210 метри.Целта на оваа инвестиција е да го подобри искуството за публиката, да ја зголеми видливоста на партнерите и да создаде модерен спортски амбиент.„До сега, рекламите на стадионите во Македонија се поставуваа само на дрвени табли. Со оваа инвестиција правиме голем исчекор кон современите стандарди. Сè е изведено без изнајмување, со јасна визија“, објаснува првиот човек на ФФМ, Масар Омерагиќ.Тој истакна дека исполниле уште едно ветување, како и дека ова претставува уште еден конкретен чекор кон професионализација и стандарди какви што заслужуваат репрезентацијата, публиката и фудбалот во Македонија.„Фудбалот на 1 место. Напред Македонија“, порача Омерагиќ во објавата на Фејсбук.

Спорт | пред 1 месец

(Видео) Доживотно суспендирани двајца играчи на Беса

Фудбалерите на Беса Слупчане, Орхан Демири и Ердин Арифи, добија доживотна суспензија поради инцидентот во кој физички го нападнаа голманот на Аеродром, веднаш по натпреварот од Третата лига – Север.Дисциплинската комисија при Фудбалската федерација на Македонија донесе и дополнителни санкции кон клубот од Слупчане. Покрај доживотната забрана за настап на двајцата играчи, суспендиран е и домашниот терен на Беса, па клубот следните десет натпревари ќе мора да ги игра на неутрален стадион.Дополнително, клубот е задолжен да плати парична казна, чии износ не е официјално објавен.„Фудбалската федерација на Македонија најостро го осудува секој облик на насилство на фудбалските терени и ќе продолжи со доследна примена на дисциплинските прописи, со цел заштита на интегритетот на натпреварите и безбедноста на сите учесници во фудбалот“, стои во соопштението од ФФМ.

Спорт | пред 4 месеци

Масар Омерагиќ избран за нов претседател на ФФМ

Масар Омерагиќ избран за нов претседател на ФФМ, одлучија делегатите. Тој е избран со акламација од сите делегати и доаѓа на местото од Муамед Сејдини кој се повлече од функцијата.Омерагиќ е поранешен фудбалер на Слога Југомагнат, Балкан, Вардар… освојувач на шампионски трофеи од домашното првенство, а долгогодишен стопанственик и фудбалски работник.

Македонија | пред 1 година

Мухамед Сејдини е минато за ФФМ: поднел оставка, откако тоа и Пандев го побара од него

Мухамед Сејдини заминува од претседателската функција во ФФМ. Ова им било соопштено и на членовите на Управниот одбор кој заседава вечерва. Фудбалерите за повлекувањето биле известени по натпреварот со Фарски Острови.Официјална потврда се очекува и од ФФМ, по завршувањето на Упраниот одбор. В.д. претседател, неофицијално, треба да биде Лазар Ракаџиев, додека не се избере нов прв човек на ФФМ.За јавноста, Сејдини е познат и по обвинувањата дека нарачал промена на химната со која се бодрат репрезентативците за Европското првенство, а каде се споменувало: „Мрме на чело на црвена армија, те слави Македонија“. Барањето на Сејдини било да го нема селекторот во песната.Од него, при крајот на септември, оставка побара и најдобриот стрелец во историјата на македонскиот фудбал и долгогодишен капитен, Горан Пандев.– Имам порака до Мухамед Сејдини. Пред точно шест години во Гибралтар му дадов поддршка затоа што имаше визија, сакаше да соработува. Но, тој Мети и овој сега, не се исти личности. Неколку месеци пред Европското првенство тој фати друг курс, почна да се дружи и да слуша совети од погрешни личности. Го изгуби компасот и затоа сега ни се случува колапс. Да си оди како човек, а не како кукавица и тоа што поскоро без разлика на тоа што мандатот му истекува во март. Одењето ќе биде добро за фудбалот, но и за него лично, затоа што луѓето кои сега му се соработници и советници го водат и него и фудбалот во пропаст – изјави Пандев во интервју за порталот Спортспорт.

Магазин | пред 1 година

Немаскирани лица го претепаа Сејдини, претседател на ФФМ

Претседателот на ФФМ, Муамед Сејдину, бил претепан.“На 27.09.2024 околу 18.40 часот М.С. (55) од Кичево, пријавил дека пред угостителски објект во Скопје бил физички нападнат од неколку лица, кои при нападот немале маски на главите, по што се оддалечиле”, велат од МВР.Се преземаат мерки за пронаоѓање на напаѓачите и за расчистување на случајот.

Македонија | пред 1 година

Се огласија од ФФМ: Мирлинд Даку јавно да се извини за своето однесување

Фудбалската федерација на Македонија го осуди однесувањето и навредите упатени кон македонскиот народ од страна на албанскиот фудбалер Мирлит Даку.,, Ја изразуваме нашата длабока загриженост и недвосмислена осуда во врска со националистички скандирања од Мирлинд Даку, репрезентативец на Албанија, насочени против македонската држава по завршување на вчерашниот натпревар Хрватска - Албанија од Европското првенство. Однесувањето е неприфатливо и спротивно на основните вредности на спортскиот дух и меѓусебното почитување што ги промовира фудбалот.Спортот, особено фудбалот е основа за здржување на луѓето од различна национална припадност и средина за соработка и почит. 
Националистичката реторика, сепак, ги поткопува овие принципи, поттикнувајќи поделба и непријателство меѓу навивачите и општествата.Принципите на политичка неутралност се вградени во регулативите на меѓународните асоцијации како што се ФИФА и УЕФА. Фудбалската федерација на Македонија за ваквото скандалозно однесување ќе прати официјален допис до УЕФА. Го повикуваме фудбалерот на Албанија, Мирлинд Даку јавно да се извини за своето однесување , препознавајќи ја штетата што ја предизвика. Исто така, ги повикуваме релевантните институции да го истражат овој инцидент и да преземат соодветни дисциплински мерки за зајакнување на стандардите на однесување што се очекуваат од сите спортисти.Нашата посветеност за промовирање единство, почит и фер игра во спортот останува на прво место.”, пишуваат од ФФМ.

Спорт | пред 1 година

Претседателот на Фудбалскиот сојуз на Украина и поранешен познат фудбалер Андриј Шевченко престојува во Скопје каде ги следи натпреварите од Елитната фаза на Европското првенство до 19 години.Ова на Фејсбук го објави претседателот на Фудбалската федерација на Македонија (ФФМ), Муамед Сејдини, заедно со фотографиите со Шевченко со која го следеше натпреварот помеѓу младинските селекции на Северна Македонија и Украина.Сејдини му го одзеде дресот на македонската фудбалска репрезентација на Шевченко и напиша: „Андреј е наш драг гостин. Заедно споделуваме искуства на честите состаноци на УЕФА. Ви благодариме за гостопримството и добрата организација на турнирот“.Младата репрезентација на Северна Македонија до 19 години загуби со 2:0 од Украина во натпреварот од првото коло на мини квалификацискиот турнир што се одржува во Скопје, додека Швајцарија ја победи Летонија со 1:0.Во второто коло младинците на Северна Македонија ќе ги одмерат силите против Швајцарија, додека Украина ќе игра против Летонија.

Спорт | пред 2 години

(Видео) Бојан Миовски: Убаво е чувството кога одново сме заедно

Македонската А репрезентација го оддржа вториот тренинг во турска Анталија како подготовка за контролните натпревари против Молдавија и Црна Гора. Репрезентацијата денеска ќе биде во комплетен состав со приклучувањето доцна попладне на Бојан Димоски.Нашиот напаѓач, Бојан Миовски смета дека овој период е одличен за подготовка на тимот и се надева на позитивни резултати против Молдавија и Црна Гора.„Секогаш е одлично чувството кога одново сме во репрезентативниот дрес. Убаво е да се видиме после подолг временски период и гледаме позитивно на натпреварите кои ни следуваат“.„Доколку целта е да играме на големо натпреварување треба да играме со одлични репрезентации и на контролни натпревари. Молдавија и Црна Гора, а потоа и Хрватска во јуни се одличен тест за нас, треба да дадеме се од себе, да ги слушаме насоките на селекторот, да се фокусираме на стратегијата и се разбира, да се воигруваме за следниот циклус“.„Секогаш давам 200 % за клубот и репрезентацијата, секако ќе ми биде многу драго да почнам да погодувам и во националниот дрес, различно е чувството кога даваш гол за репрезентацијата и се надевам и се надевам дека ќе ја искористам шансата ако ми се укаже“.

Спорт | пред 2 години

Пандев до министерот Османи: Смешен си господине и жален

Поранешниот капитен на Македонија, Горан Пандев испрати порака до министерот за надворешни работи, Бујар Османи, откако тој им вети дека ќе додели дипломатски пасоши на сите фудбалери ако обезбедат место на Мундијалот.Александар Трајковски, Енис Барди и селекторот Благоја Милевски добија пасоши од Министерството за надворешни работи на Република Македонија, откако ја надвладаа Италија сред Палермо со 1-0.Пандев, кој настапува за Парма, на својот Инстаграм профил напиша:„Смешен си господине и жален, гледај си политика и пушти ги хероите да уживаат, за нив треба споменици а не пасоши“, напиша Пандев.

Коментари | пред 3 години