ГЛАВНИ-ВЕСТИ

Во Скопје за 24 часа: Полицијата исклучи 19 возачи без положен возачки испит

Седум лица се здобиле со лесни телесни повреди во пет од вкупно 10 сообраќајки во текот на вчерашниот ден. Во пет била причинета материјална штета.Од СВР Скопје информираат дека вчера сообраќајната полиција санкционирала 35 возачи кои се движеле со брзина поголема од дозволената, шест возачи поминале на крстосница на црвено светло, тројца возачи не дале првенство на минување на обележан пешачки премин, двајца возачи за неправилно престројување, двајца возачи за неправилно престигнување,  еден возач не дал првенство на минување на возила во зона на крстосница, еден возач за не носење заштитен шлем, шест возачи за не  користење сигурносен појас и 15 возачи кои користеле мобилен телефон за време на управување на моторно возило.Од сообраќај биле исклучени 19 возачи пред да се стекнат со право на управување на моторно возило и шест возачи почетници, како и 22 нерегистрирани возила.Санкциониран е и еден пешак кој поминал коловоз вон пешачки премин.Затекнати биле 100 возила непрописно паркирани, а со помош на  специјалното возило „пајак“, отстранети биле 66 возила. 

Скопје | пред 6 години

Пандов: Го немам ажурирано членствoто во ВМРО-ДПМНЕ, сакам да бидам независен

Поранешниот пратеник на ВМРО-ДПМНЕ, Александар Пандов, во вечерашното гостување на „Клик плус“ на ТВ21 откри дека го нема ажурирано членството во партијата.-Не сум нашол за сходно дека треба да го ажурирам. Подобро се чувствувам во оваа позиција, да бидам независен. Членството во партија ве обврзува. Јас секако дека потекнувам изворно и целото мое политичко битисување претходно било во ВМРО-ДПМНЕ, ги делам најголем дел од  ставовите со ВМРО-ДПМНЕ. Не сум во ниту едно тело на партијата и моето настапување е крајно независно. Таа позиција ми прави да се чувствувам послободно – рече Пандов.

Македонија | пред 6 години

Љумани си поднесе оставка, Министерство за култура не сака да му го продолжи мандатот

По само една година од формирањето на Албанскиот државен ансамбл во Македонија, неговиот директор Фатос Љумани си поднел оставка откако дознал дека Министерството за култура нема да му го продолжи мандатот, јавува ТВ 21.Државниот секретар Ваљмир Азири изјавил дека за време на мандатот на Љумани тој не успеал да направи ништо особено, додека пак директорот во оставка бил разочаран од комуникацијата со ресорот и дека не можел да ги користи средствата иако буџетот за една година бил околу 1 милион евра. Институцијата се формираше пред една година, а лани го одржа првиот концерт во ноември.„Имајќи предвид дека од назначувањето на директорот, односно екс-директорот, помина една година и имајќи ги предвид реакциите кои пристигнуваат од незадоволните страни поради работата на екс-директорот на Ансамблот, и имајќи предвид дека една тукушто формирана институција со буџет од 1 милион евра, не успеа да реализира ништо, мислевме дека е неопходно ние како Министерство за култура да направиме чекор и да назначиме нов директор“, изјавил Асани.Новиот директор ќе биде назначен по претседателските избори. Од Министерството за култура велат дека конкурсот за вработување на 40 лица во ансамблот ќе биде објавен на 10 мај.

Македонија | пред 6 години

Нема фотографија

Сончево со температура до 19 степени

Времето денеска ќе биде сончево со мала до умерена облачност. Ќе дува умерен до засилен ветер од североисточен правец. Дневната температура ќе се движи од 8 до 19 степени.Во Скопје ќе биде сончево со температура од 17 степени.Во следните денови ќе преовладува сончево време со мала до умерена облачност, а до утре ќе дува умерен до засилен северен ветер. Утринските температури на места ќе се спуштат под нулата, а дневните ќе бидат во пораст. Зголемување на облачноста со локален дожд се очекува од вторник попладне.

Македонија | пред 6 години

Мијалков оди во куќен притвор

Сашо Мијалков излегува од затворот во Шутка и оди во куќен притвор откако Апелација ја уважи жалбата. Тој е неправосилно осуден на три години затвор за предметот на СЈО „Титани 2“.Апелациониот суд, исто така информира дека, постапувајќи по предметот „Титаник 2“ донел одлука со која жалбите на обвинетите Бедредин Ибраими, Сашо Мијалков и Анета Стефановска се делумно уважени. Повисокиот суд проценил дека за Мијалков и Ибраими треба да биде изречена поблага мерка, односно мерка куќен притвор, а за Стефановска јавување, но во судот во Битола, наместо во скопскиот кривичен суд. Апелација, како неосновани ги отфрли жалбите на Влатко Сајковски и Сашо Срцев и за нив, на сила остануваат веќе изречените мерки.Инаку Мијалков и Ибраими беа спроведени во притвор во затворот во Шутка веднаш по изрекување на пресудата на 8 март.

пред 6 години

Германците му удрија шамар на Заев

По лошите оценки од германскиот бизнис сектор, Владата се крена на нозе. Вицепремиерот Анѓушев засилен со министрите Драган Тевдовски и  Крешник  Бектеши и директорот на ТИРЗ, Александар Младеновски, утрово на итен состанок со првиот човек на Германската комора, Патрик  Мартенс, тој да им каже што толку ги налутило германските фирми, што ниту една од 200 во земјава не го оцениле како добро нејзиното работење и посветеност на економијата.Во изјавата по средбата Мартенс се обиде да го ублажи впечатокот од лошите резултати на анкетата со тоа што посочи дека инвеститорите имаат добра соработка со Владата, а податокот  дека 78 отсто од компаниите се изјасниле дека ќе инвестираат годинава говори за нивното мислење за земјата.– Ние ја чувствуваме Владата како партнери заедно треба да работиме да го задржиме нивото што го имаме. Дискутиравме за анализата со вицепремиерот Кочо Анѓушев и се договоривме заедно да работиме на отстранување на негативните работи кои влијаеја бизнисмените да дадат вакви оценки за бизнис климата – рече Патрик Мартенс, од делегација на Германското стопанство во Македонија .Тој повтори дека меѓу германските компании има голем интерес за инвестирање во земјава поради пазарот и добрата работна сила.Дека не е  се толку лошо, Германците го пофалиле законот за финансиска поддршка, дури 78 отсто од компаниите ќе инвестираат и годинава, 41 процент ќе го зголемат извозот, а 39 ќе имаат нови вработувања.Мартенс не посочи која е германската компанија што не не избрала. Сепак, призна дека за да одлучат да дојдат, на германските фирми им треба стручна работна сила, а големите играчи кои бараат од пет до шест илјади работници, таква овде веќе не можеле да најдатЗа вицепремиерот Анѓушев пак негативните бројки од анкетата се патоказ како да работат подобро.-Сакав да разберам кои се главните причини за таквите бројки кои што беа и негативни. Главните причини се однесуваат во делот на тоа дека сакаат малку попредвидлива политика во економијата, со други зборови да на време бидат информирани за промените во даночната политика, во делот на минималната плата, а воедно искажаа одредени потреби во делот на царинските тарифи во нашата држава да бидат прилагодени на европските – изјави Кочо Анѓушев, вицепремиер.Економскиот тим на владата секој квартал има редовна средба со германските инвестироти. Анѓушев најави дека на наредната ќе учествува и премиерот Заев.  

Македонија | пред 6 години

Изведувал градежни работи и узурпирал земјиште во заштитен појас на крајбрежјето

Надворешната канцеларија за криминалистички работи Струга поднесе кривична пријава против Б.К.(51) од село Радолишта, струшко, поради постоење основи на сомнение за сторени кривични дела „узурпација на недвижности” и ,,оштетување или уништување на добра под привремена заштита или културно наследство или природни реткости“.На 10.08.2018 година во Струга, пријавениот противправно започнал да изведува градежни работи и узурпирал земјиште во заштитен појас на крајбрежјето на Охридското Езеро, при што, спротивно на Законот за заштита на природата, ангажирал лица за чистење и сечење на трска и затрупување на земјиштето.

Македонија | пред 6 години

ОЈО Скопје поднесе Обвинителен предлог за лицето кое изврши кражба во црква

Надлежен јавен обвинител од Основното јавно обвинителство Скопје поднесе Обвинителен предлог против едно лице за сторено кривично дело  – Тешка кражба од член 236 став 1 точка 1 од Кривичниот законик.Обвинетиот кражбата на 150.000,00 денари ја извршил ноќта меѓу 22 и 23 март годинава. Како што веќе извести обвинителството, обвинетиот насилно ја отворил влезната врата на црквата „Св. Петар и Павле“ во Ѓорче Петров и влегол внатре. Со намера противправно да присвои финансиски средства, тој со погоден предмет делувал на дрвената каса, ја отворил и од неа одзел 120.000 денари. Потоа се упатил кон внатрешната продавница во склоп на црквата, исто така насилно ја отворил и од фиоката одзел уште 30.000 денари.Основното јавно обвинителство Скопје  имајќи го предвид фактот дека се работи за сторител кој досега е осудуван за истородни и други кривични дела, како и дека постои опасност да се даде во бегство за да го избегне кривичниот прогон,  едновремено со обвинението до судот достави и посебен предлог за продолжување на мерката притвор за обвинетото лице. 

пред 6 години

Според новите анкети Пендаровски води со 8 до 10 отсто пред Силјановска

Претседателскиот кандидат Стево Пендаровски во првиот круг ќе води со предност од 8 до 10 % пред противкандидатката Гордана Силјановска Давкова и во вториот круг ќе влезе со предност од околу 90.000 гласови. Ова го покажуваат теренските анкети спороведени по барање на СДСМ, велат за ДВ партиски извори, објави Дојче Веле.Од опозициската ВМРО-ДПМНЕ не биле достапни за DW на македонски да одговорат какви се резултатите од анкетите спроведени по нивно барање.Извори од СДСМ велат дека не коментираат други анкети. По нивно барање досега се спровеле повеќе истражувања на јавното мислење преку различни агенции, а добиените споредбени резултати целосно се совпаѓале. Сите тие истражувања на јавното мислење биле спреведени теренски, според методот „лице в лице“ на примероци од најмалку 1.200 испитаници. Резултатите покажале дека Пендаровски во првиот круг ќе води со предност од 8 до 10% пред Силјановска и дека во вториот круг ќе влезе со предност од околу 90.000 гласови. Според тие истражувања, гласовите на Албанците во првиот круг ќе се поделат помеѓу Пендаровски и Река, во вториот круг гласачите на Река во најголем број би гласале за Пендаровски, а дел би апстинирале. Околу 80% од гласачите на ДУИ се изјасниле со сигурност ќе гласаат за Пендаровски уште во првиот круг, јави Дојче Веле.

Македонија | пред 6 години

Силјановска: Дали е власта тотално неспособна, па нејзиниот кандидат за претседател е загрозен?

„Демокрација“ од Словенија објави интервју со кандидатката за претседател на Македонија, Гордана Силјановска Давкова во кое таа истакна дека ЕУ е далечна цел за Македонија и дека препораки за почеток на преговори Македонија нема да добие ни на следниот самит.„Во НАТО ќе влеземе, но тоа е полесниот дел од задачата, бидејќи зависи од геополитички околности. ЕУ е далечна цел со оглед на кршењето на сите Копенхашки критериуми во текот на изминатите две години. Затоа, препорака за почеток на преговори, Македонија нема да добие ни на следниот самит. Со поразот на оваа власт, ќе се фокусираме на реформите потребни за членство во ЕУ со поддршка на нашите партнери од регионот како Словенија“, вели Силјановска.„Во времето кога Македонија поднесе тужба пред Меѓународниот суд на правдата во врска со ветото на Грција на самитот на НАТО во 2008, имаше силни притисоци и критики, но ние го добивме спорот. Штета е што владата на Заев не знаеше да ги искористи тие аргументи“, вели Силјановска.Исто така таа запраша дали власта е тотално неспособна, па нејзиниот кандидат за претседател, Стево Пендаровски е загрозен.Пендаровски е човек кој израснал во безбедносните структури, од портпарол до национален координатор за НАТО, советник за национална безбедност, итн., и релативно доцна стана дел на академската фела. Интересен беше стартот на неговата (пред)кампања кога изјави дека е следен од некакви тајни служби, што мене лично ме наведе да прашам: дали има пилот во авионот? Дали е власта тотално неспособна, па нејзиниот кандидат за претседател е загрозен? Или станува збор за политичка пресметка? Јас само потсетувам дека за амбиентот за фер и демократски избори е одговорна актуелната влада“, вели Силјановска

Македонија | пред 6 години

Нема фотографија

Пет сообраќајки во Скопје во изминатите 24 часа

Во текот на изминатиот ден (27.03.2019) на подрачјето на Секторот за внатрешни работи Скопје преземени се мерки и активности и констатирано е дека 51 возач управувал возило со брзина поголема од дозволената.Од сообраќај се исклучени 13 возачи од кои 12 управувале возило без да се стекнат со право за управување на моторно возило и еден бил возач почетник.Исто така, исклучени од сообраќај се и 11 возила бидејќи девет возила биле нерегистрирани и две возила биле технички неисправни.Санкционирани се двајца возачи поради неправилно престројување, четворица поради неправилно престигнување, еден возач поради недавање првенство на минување на пешаци на пешачки премин, еден возач поради неносење заштитен шлем при управување на мотоцикл, 13 возачи поради неносење сигурносен појас за време на управување на моторно возило и 14 возачи поради користење на мобилен телефон при управување на возило.Во текот на изминатиот ден издадени се 114 мандатни платни налози и 76 возила се подигнати со специјално возило "пајак".Изминатиот ден се случиле пет сообраќајни незгоди во кои четири лица се здобиле со телесни повреди.

Скопје | пред 6 години

Мукоски: Не сум размислувал за враќање во ВМРО-ДПМНЕ

Пратеникот Крсто Мукоски во изјава за „Независен“, соопшти дека не размислувал за враќање во ВМРО-ДПМНЕ.„На средбата воопшто не стана збор за наше враќање во партијата, ниту пак, претходно сме разговарале за тоа“, истакна Мукоски.Мукоски е дел од групата на осум пратеници од ВМРО-ДПМНЕ, кои беа беа исклучени бидејќи гласаа за уставните измени.

Македонија | пред 6 години

Нема фотографија

Зекири: Побарав да се влезе во ИВЗ затоа што имаме дoкaзи за злоyпотреба од поглаварот

Пратеникот и потпретседател на СДСМ, Мухамед Зекири во дебата со пратеникот на ВМРО-ДПМНЕ, Антонио Милошоски на МРТ повторно го критикyваше поглаварот на ИВЗ, Сулејман Реџепи. Тој истакна дека поседуваат дoкaзи за злoупотреба на ИВЗ од актуелниот поглавар.„Антонио Милошоски и македонската јавност знаат многу добро, кога јас лично како пратеник на пратенички прашања го поставив прашањето дека државата мора да влезе и да проверува во верските заедници. Почнувајќи јас како припадник на исламската верска заедница побарав да се влезе во ИВЗ, затоа што верниците муслимани имаат и имаме дoкaзи за злоyпотреба на таа институција од сегашниот поглавар“, изјави Зекири.

Македонија | пред 6 години

Богојевски: Лажните вести се еден од столбовите на „груевизмот“

Петар Богојевски, активист на ВМРО-ДПМНЕ вели дека карактеристиките на „груевизмот“ во Македонија е обидот масовно да се изманипулира вистината и таа успешно да се продаде на граѓаните.-Она што остана одлика на „груевизмот“ е обидот масовно да се изманипулира вистината. Ние успеавме во времето на Груевски да прикажеме во Македонија дека сме трети по развој во Европа, пред Германија. До толку бевме усовршени, што успеавме да ги убедиме дека сме пред Германија, за наеднаш сега да сме последни во Европа. Такви осцилации во економски развој е невозможно. Тоа како пример покажува дека она што значи пропаганда – пласираните лажни вести е еден од столбовите на „груевизмот“, изјави Богојевски во емисијата „Печат на неделата“ на 1тв.

Македонија | пред 6 години

Богоевски за истрагата на судиите: А, што мислеа дека ќе им останат становите и парите?

Пратеникот Павле Богоевски на Фејсбук ја коменира најновата истрага на антикорупциската комисија за имотот на судии:„Поранешниот Претседател на Кривичниот суд, Панчевски -преку кого (не) поминуваа сите случаи на СЈО и на злоупотреба на претходната власт, се жали дека Антикорупциска го клевети со истрагата на имотот на судиите.Вели дека до сега бил повикан на разговор само за злоупотребите на АКМИС системот, но не и за дело на корупција (па поради тоа не смеело ниту да се збори за негова евентуална корупција).Знаеме дека ги местеа случаите кај нивни судии за да предметите завршат како што тие сакаа, тоа ни Панчевски не го спори.Во истрагата на Антикорупциска треба да се утврди кој колку ќарил за тоа.А, што мислеа, дека ќе им останат становите и парите што ги наплатија за уништувањето на судството???Има уште многу работа на ова поле. Верувам дека ова е само почетокот во истражувањето на богатењето кај минатите (и сегашни) функционери“, пишува Богоевски.

Македонија | пред 6 години

Роберт Милески: Фирмите на Заев годишно прават обрт од најмалку 300 милиони евра

Бизнисменот и активист Роберт Милески на својот Фејсбук профил објави статус каде му честита на Заев по вчерашниот дуел каде тој призна дека неговите фирми плаќаат 10 милиони евра данок годишно.„Инаку една работа морам да му ја честитам на Заев. На синоќешниот дуел изјави дека неговите фирми плаќаат 10 милиони евра данок годишно. Според тоа, само добивката му е 100 милиони евра годишно, а со проста екстраполација тоа значи дека неговите фирми прават обрт од најмалку 300 милиони евра годишно.Јас во Македонија на времето успеав да правам добивка од една солидна плата за мене и уште двајца луѓе. И тоа со тешки маки“, стои во Фејсбук статусот на Милески.

Македонија | пред 6 години

Денес променливо облачно време, утре пораст на температурите

Времето во земјава ќе биде променливо облачно време, повеќе облачност ќе има во јужните делови каде што ќе има услови за слаб локален дожд, а на планините слаб снег.Утринската температура ќе се движи од минус еден до пет степени, а дневната температура од седум до 16 Целзиусови степени.Во Скопје ќе биде променливо облачно време со дневна температура до 16 степени. Во Маврово дневната температура ќе биде 7 степени, Охрид 11, Битола 12, Кавадарци 15, Крива Паланка 13, Берово 9, Дојран 15.Од утре времето ќе биде сончево со мала до умерена облачност. Ќе дува умерен до засилен ветер од североисточен правец. Дневните температури ќе бидат во пораст – Скопје 17, Маврово 8, Охрид 12, Битола 15, Кавадарци 17, Берово 10, Крива Паланка 15, Дојран 18.

Македонија | пред 6 години

Заев денес на средба со Касами и Села

Заев се очекува да се состане со претседателот на движењето Беса, Билал Касами, со почеток во 9 часот, додека со почеток во 10 часот се очекува да се сретне со лидерот на Алијансата за Албанците, Зијадин Села.Toj ќе се сретне со лидерите на албанските опозициски партии со цел обезбедување поддршка за новиот Закон за јавно обвинителство и решавањето на статусот на СЈО преку истиот.Денес во 18 часот работните групи на Владата и на опозициската ВМРО-ДПМНЕ во Министерството за правда ќе имаат трета средба за изнаоѓање решение за законот за јавно обвинителство.

Македонија | пред 6 години

ВМРО-ДПМНЕ преку сметки за донации собира пари за кампањата на претседстелските избори, но и за избори на градоначалниците.

Овој повик е јавно објавен на социјалните мрежи, од страна на партијата. Впишани се трансакциските сметки и банката каде може да се уплатат средствата.Под објавата, граѓаните критикуваат.“Не ви е срам бе арамии, деца умираат оти немаат пари за операција, вие пари берите за избори, апаши”, е еден од коментарите.Досега не се памети, опозициската партија јавно да објави сметки за донации.СЈО веќе води постапка за финансирањето на ВМРО-ДПМНЕ, под кодно име “Талир”. За перење пари, првоосомничен е лидерот, Никола Груевски. Според СЈО, тој знаел дека партијата се финансира спротивно на законот, но сторил кривично дело „Злоупотреба на службена положба“ и дозволил ВМРО да се финансира со незаконски капитал. Осомничени се вкупно 14 лица.

Македонија | пред 6 години

Кучиња нападнаа четиригодишно дете на плоштадот во Охрид

Денес околу 12 часот и 30 минути на централниот плоштад во Охрид глутница кучиња скитници нападнаа дете и мајка.Детето кое е на четири годишна возраст го спасиле таксистите кои ги мавале кучињата со клоци, по што со такси детето е превезено до Брза Помош во Охрид.Извршен е преглед врз детето при што констатирани се повреди на грбот и половината.Информацијата за Скопје1 ја потврдија од Брза Помош во Охрид од каде не информриаа дека детето е редовно вакцинирано и има примено вакцина против тетанус, па од тие причини не е упатено на натамошен третман.

Македонија | пред 6 години

Заев по дуелот со Мицкоски - Нормален ми е притисокот

Премиерот Зоран Заев се пофали дека притисокот му е 120 со 80 попладнево на Фејсбук, по вчерашниот ТВ дуел со лидерот на ВМРО-ДПМНЕ Христијан Мицкоски. Заев денеска во Штип со министерот за здравство Венко Филипче ги посетија штандовите на кои студентите ги презентираа програмите за новата студиска година. На еден таков штанд, на премиерот и му беше измерен притисокот.Инаку Претседателот на Владата на Република Северна Македонија, Зоран Заев денеска присуствуваше и се обрати на свечената академија по повод 12 години од основањето на Универзитетот „Гоце Делчев“, што се одржа во Центарот за култура „Ацо Шопов“ во Штип.Пред свето обраќање кон присутните студенти, академици, ректори, проректори, декани, професори од другите приватни и државни универзитети, претставници на државни институции и граѓанскиот сектор, премиерот Заев ги разгледа штандовите на факултетите на УГД Штип, поставени пред Центарот за култура, заедно со ректорот, проф. Д-р Блажо Боев и градоначалникот на Општина Штип, г. Благој Бочварски.Во своето обраќање, премиерот Заев ги истакна определбата и заложбите на Владата не Република Северна Македонија за јакнење на квалитетот и подобрување на материјалната поддршка на високото образование и науката.

Македонија | пред 6 години

Жител на Јурумлери осомничен за кражба на 150.000 денари од црква

Основното јавно обвинителство Скопје отвори постапка против едно 36-годишно лице осомничено дека сторило кривично дело – Тешка кражба, предвидено и казниво согласно член 236 став 1 точка 1 од Кривичниот законик.Осомничениот, ноќта меѓу 22 и 23 март годинава, насилно ја отворил влезната врата на црквата „Св. Петар и Павле“ во Ѓорче Петров и влегол внатре. Потоа со погоден предмет делувал на дрвената каса, ја отворил и од неа одзел 120.000 денари. По ова, тој се упатил кон внатрешната продавница во склоп на црквата, исто така насилно ја отворил и од фиоката одзел уште 30.000 денари. Веднаш по кражбата, осомниченото лице го напуштило местото на настанот.Особено имајќи го предвид фактот дека се работи за сторител кој досега е осудуван за истородни и други кривични дела, надлежниот јавен обвинител ценеше дека постои опасност осомничениот да се даде во бегство за да го избегне кривичниот прогон, па до судот достави предлог за определување мерка притвор за осомниченото лице.

Скопје | пред 6 години

(ВИДЕО) Папата Францискo ги налути верниците, не дозволи да го бакнат неговиот прстен

Папата Францискo е снимен како ја трга раката кога верниците се наведнуваа да го бакнат неговиот прстен. Снимката е направена за време на еднодневна посета на базиликата Лорето во близина на Анкона, на источниот брег на централна Италија.По оваа снимка која се шири на социјалните мрежи поглаварот на Римокатоличката црква наиде на критика од конзервативните верници, кои веруваат дека папата сака да ја искорени оваа традиција во иднина.Додека некои медиуми известуваат дека папата тој ден ги одбил сите верници кои се обиделе да го бакнат неговиот прстен, Би-би-си пишува дека сè се одиграло малку поинаку.На снимката се гледа дека откако однесувањето на папата се променува, се променува и движењето на луѓето во редот се забрзува.Ватикан не открива зошто Папата толку не сакаше некој да го бакне прстенот, но негов помошник, под услов за анонимност, рече: ,,Понекогаш му се допаѓа, понекогаш не. Тоа е навистина толку едноставно “.Папскиот прстен, познат и како Рибарски прстен, е вграден во католичката традиција и е предмет на некој необичен протокол.Кога еден папа умира, прстенот веднаш се уништува за да се осигура дека при изборот на новиот Папа никој нема да се обиде да фалсификува официјални документи.

Свет | пред 6 години

(ФОТО) Гори охридскиот брег кај Андон Дуков

Голем пожар кај Андон Дуков. Во моментов со огнената стихија се борат пожарникарите од противпожарната служба од Охрид. На терен се со две возила. Тие се обидуваат да го локализираат пожарот и да го спречат да ги зафати објектите.Гори нискостеблеста вегетација, но и големите дрвја кои ги има многу во овој дел на Охрид.В.д градоначалникот Константин Георгиски во моментов е лице место кај пожарот Андон Дуков.Локалните служби се екипираат за да им се олесни рабоатата на противпожарната служба. Цистерната од ЈП Охридски комуналец врши дотур на вода во против пожарните возила, за да не се губи време во полнење со вода на истата.Со огнената стихија се борат пожарникарите од противпожарната служба од Охрид. Тие се обидуваат да го локализираат пожарот и да го спречат да ги зафати објектите. Но, покрај нискостеблеста вегетација, и големите дрвј изгореа и бараки.Очевидци раскажуваат дека жива изгорела и живина во кокошарници.   

Македонија | пред 6 години

Нема фотографија

Седум сообраќајки во текот на вчерашниот ден, четири лица се повредени

Четири лица се здобиле со лесни телесни повреди во четири од вкупно седум сообраќајки во текот на вчерашниот ден. Во три била причинета материјална штета.Од СВР Скопје информираат дека вчера сообраќајната полиција санкционирала 40 возачи кои се движеле со брзина поголема од дозволената, седум возачи поминале на крстосница на црвено светло, четворица возачи за неправилно престројување, двајца возачи за неправилно престигнување,  двајца возачи не дале првенство на минување на возила во зона на крстосница, 11 возачи за не носење заштитен шлем, осум возачи за не  користење сигурносен појас и 44 возачи кои користеле мобилен телефон за време на управување на моторно возило.Од сообраќај биле исклучени еден возач кој го управувал возилото под дејство на алкохол, 22 возачи пред да се стекнат со право на управување на моторно возило и двајца почетници, како и пет технички неисправни и 18 нерегистрирани возила.Затекнати биле 104 возила непрописно паркирани, а со помош на  специјалното возило „пајак“, отстранети биле 88 возила.

Скопје | пред 6 години