ГЛАВНИ-ВЕСТИ

Нема фотографија

Облачно со врнежи од дожд и ветер до 90 километри на час

Денеска времето во целата земја ќе биде облачно со врнежи од дожд, а на планините и во местата повисоки од 500 м.н.в. со врнежи од снег. Ќе дува силен северен ветер, кој на места ќе достигнува брзина и над 90 км/час. Попладне врнежите ќе престанувааат, а до крајот на денот облачноста ќе се намали.Дневните температури ќе бидат во Скопје 5, Маврово -1, Охрид, Берово и Битола 4, Кавадарци 8, Крива Паланка 3 и Дојран 11 Целзиусови степени.Утре ќе има преодна стабилизација со пониски утрински температури, а во четврток се очекуваат нови врнежи од дожд. Од петок ќе биде стабилно, за време на викендот сончево и значително потопло.

Македонија | пред 7 години

Снег на Попова Шапка и Ѓавато, внимателно возење

На ден 12.03.2019 ќе се започне со изведување на градежни активности (поставување сообраќајна сигнализација и осветлување) на патен правец Велес - Катланово пред и во тунелот, во времетраење од 10 дена.Ве информираме дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. Во моментов на автопатот се вршат проверки од безбедносен карактер. Апелираме до сите возачи да не го користат автопатот.Сообраќајот на државните патишта се одвива по влажни коловози, a на некои повисоки места во североисточните и западните делови од државата со наместа остатоци на кашест снег на коловозот по интервенција на дежурните екипи на Македонијапат. Врнежи од снег со среден интензитет и засилен северен ветер се бележат на Попова Шапка, во Гостивар и на планинскиот превој Ѓавато, а со послаб интензитет во Маврово, Тетово, Крива Паланка, Страцин и на планинските превои Стража и Плетвар. Намалена видливост поради појава на магла од 50 - 60 метри има на патниот правец Тетово – Попова Шапка.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.

Македонија | пред 7 години

Митре Милошески, кандидат за градоначалник од ВМРО ДПМНЕ за Охрид

После подолги преговори, натегања, анализи, анкети, ВМРО ДПМНЕ одлучи, д-р Митре Милошески е кандидат за градоначалник за Охрид, дознава Скопје 1 од извори во партијата.Изборот на градоначалник на Охрид, Дебар и Ново село  ќе се одржат на 21 април заедно со редовните претседателски избори.  Охрид ќе избира нов градоначалник после прераната и ненадејна смрт на градоначаникот,  48 годишниот Јован Стојаноски, кој беше на чело на општина Охрид повеќе од 1 година. 

Македонија | пред 7 години

Нова иницијатива: Штом се удоволија желбите за џамијата, бараме и возобновување на црквата Св. Димитрија

Нова иницијатива во Охрид. Охриѓани на социјалните мрежи најавуваат дека ќе покренат иницијатива за конечно возобновување на црквата Свети Димитрија на главниот плоштад во Охрид. Ваква иницијатива како што дознаваме утре ќе предложи и една од политичките партии со десничарска ориентација која е дел од владејачката коалиција.Денеска и познатиот адвокат Мишел Наумовски и неговиот брат бизнисменот Антонио Наумоски јавно кажаа дека  даваат отворена поддршка за оваа иницијатива. Тие велат дека и финансиски се подготвени да помогнат за изградбата на овој верски храм. Покрај Наумовски иницијативата ја поддржаа и други бизнисмени, кои велат дека за брзо јавно ќе проговорат на оваа тема.Контактиравме и со директорката на заводот за заштита на спомениците на културата и народен музеј Охрид Елеонора Новаковска. Таа  за Скопје 1 вели дека до овој момент ваква иницијатива не е стигната до заводот, но како што кажа доколку стигне ќе се формира комисија која ќе ја разгледа истата.Инаку обновата на Црквата Свети Димитрија е заборавена тема од пред десет години, кога се направи обид да се возобнови овој православен храм , чии темели се под плоштадот во Охрид и се прецизно лоцирани во 1961 година.Денес на плоштадот стои импровозирана црквичка со икони, а тука на тоа место секоја година се слави празникот Свети Димитрија.Темелите на објектот укажуваат дека се работи за стара ранохристијанска црква која била изградена во VI век, и постоела до доаѓањето на турците, кои во XIII – XIV ја срушиле и врз темелите изградиле џамија, која постоела до 1947 година.Во 1961 година археолозите, Вера Битракова и Елена Чипанова при истржувањето на темелите утврдиле дека тука била црквата, а пронајдена била и иконата на Св. Димитрија и средишниот мермерен столб.Во 2005 година се поркена иницијатива за возобновување на црквата но тоа не успеа заради успешен отпор од страна на тогашните власти и Исламската верска заедница. Инаку според проектот за изградба, основата на црквата е со димензии: 17,5 м во должина, 12,5 м во широчина, на две висини и плус петте куполи и камбанарија со градски саат. Ваквата димензионираност се базира на преданијата за изгледот на старата црква.Денес тука е изграден времен параклис, каде луѓето палат свеќи и донираат пари за обнова на црквата. Патрониот празник Митровден се слави со голема општонародна веселба на плоштадот.Црквата во повеќе наврати била ограбувана.  

Македонија | пред 7 години

(ФОТО) Филипче лично се заложи за здравјето на Милош – херојот кој со магаре оди на училиште

На деветгодишниот Милош, утрово му беа направени потребните здравствени прегледи. Драго ми е што резултатите од електрокардиографијата и ехокардиографијата се во граница на нормала и тој е добар, во стабилна здравствена состојба. Се договоривме за една година повторно да дојде на преглед. Милош ќе расте во здраво дете и ќе биде наш иден спортист, вели министерот за здравство Венко Филипче. *Фотографиите се одобрени од родителИнаку деветгодишниот Милош е детето кое во 21 век со магаре оди на училиште или пешачи по три часа. Милош е  роден со болно срце. Веднаш го однеле на операција во Бугарија. Од тогаш досега, девет години не направил никаков преглед, бидејќи и за тоа требаат пари, велат неговите родители. Денеска на иницијатива на министерот на Милош му беше направен комплетен преглед. 

Македонија | пред 7 години

,,ТРУСТ”: 4 години и 8 месеци затвор за Кочан, 2 години условна казна за Авировиќ

Четири години и осум месеци затвор за бизнисменот Сеад Кочан, а условна казна за Василије Авироивиќ. Оваа е правосилната пресуда на Апелациониот суд за случајот на СЈО „Труст“.  Според пресудата, делумно се уважени жалбите на обвинетите, бидејќи според првостепената пресуда Кочан беше осуден на шест години, а Авировиќ беше осуден на три години затвор.Инаку двајцата се осудени за добивање на незаконски тендер од 2011 година распишан од државната фирма „Електрани на Македонија“ (ЕЛЕМ) за ископување јаловина и јаглен од рудникот Суводол во Битола.Судскиот процес траеше точно осум месеци и имаше повеќе од 20 рочишта. Кочан и Авировиќ, односно „Трансмет“ и „Силекс неметали“, според СЈО со лажни документи добиле тендер од ЕЛЕМ вреден 17,3 милиони евра. 

пред 7 години

Во моментот се хоспитализирани 19 возрасни и 18 деца со морбили

Согласно најновите податоци од Универзитетската клиника за инфективни болести и фебрилни состојби, во текот на вчерашниот ден биле прегледани тројца пациенти со симптоми на морбили, од кои двајца возрасни пациенти се амбулантски прегледани и пуштени на домашно лекување, а една пациентка е хоспитализирана на клиниката. Станува збор за 29-годишна пациентка од Скопје, без податок за вакцинален статус.На Инфективната клиника во моментот се хоспитализирани 19 возрасни и 18 деца со морбили, односно вкупно 37 пациенти со морбили. Еден пациент се наоѓа во потешка состојба на одделот за интензивно лекување.Согласно податоци од Институт за јавно здравје, во периодот од 02.03 до 08.03.2019 година се пријавени вкупно 83 сомнителни случаи на мали сипаници, додека од почетокот на епидемијата во Скопје, вкупно се регистрирани 493 случаи на мали сипаници.Од почетокот на епидемијата, вкупниот број вакцинирани лица во Скопје е речиси 10 илјади лица, додека вкупен број вакцинирани лица на возраст до 14 години со МРП вакцина од почетокот на епидемијата во државата изнесува 15.151 лице. Високиот одзив на вакцинацијата ќе придонесе за кревање на колективниот имунитет.Инаку, во текот минатата недела во Институтот за јавно здравје се пријавени 2.678 случаи со симптоми на грип, што е за 16,5% намалување во споредба со една недела пред тоа. Вкупниот број заболени од грип оваа сезона изнесува вкупно 15.201 лица.

Македонија | пред 7 години

Велешанец под истрага за силување на поранешната сопруга

Основното јавно обвинителство Велес донесе Наредба за спроведување на истражна постапка против едно лице на возраст од 32 години поради постоење на основано сомневање дека сторил кривично дело – Силување од чл.186 ст.1 од Кривичниот законик.Имено, осомничениот на 09.03.2019 година, ја присилил на обљуба својата поранешна сопруга. Тој ја чекал оштетената во влезот од зградата каде таа живее и кога ја отклучила влезната врата од својот стан, ја фатил за раката и насилно ја внесол во дневната соба. Потоа ја турнал на креветот, ја влечел за коса и ја стегал за вратот, велејќи и дека ќе има сексуален однос со неа „милум или силум“. Кога оштетената одбила да се соблече, осомничениот и ја скинал кошулата и извршил обљуба врз неа, совладувајќи го нејзиниот отпор изразен во удари со нозете по градите и рамената.Имајќи предвид дека по извршеното кривично дело осомничениот го напуштил своето живеалиште и бил отсутен се до следниот ден, можноста поради заедничкото дете да стапи во контакти со оштетената и да влијае врз истата или да го повтори кривичното дело, до судија на претходна постапка на Основен суд Велес е доставен предлог за определување на мерка притвор против осомничениот. Предлогот на надлежниот јавен обвинител е прифатен, па на осомничениот му е изречена мерка притвор во траење од 30 дена. 

пред 7 години

Се роди најголемото бебе во Македонија

На Универзитетската Клиника за Гинекологија и Акушерство – Скопје, минатиот месец, се родило најголемото бебе во државава.Станува збор за момченце, тешко 5.700 г. и 55 см должина, објавија од гинекологија.Породувањето го водел лекарски тим. При приемот на пациентката направена е комплетна евалуација и проценка од докторите за големината на плодот како и карличните мерки на пациентката.Мајката одбрала породувањето да биде по природен пат.

Македонија | пред 7 години

Овозможени дијагностички генетски анализи на наследни болести на сметка на Фондот за здравствено осигурување

Министерството за здравство и Фондот за здравствено осигурување овозможи анализите за молекуларна дијагностика на наследни болести да бидат опфатени во листата на услуги покриена со средства на ФЗО. Станува збор за седум услуги побарани од Медицинскиот факултет (одделите  факултет и МАНУ.-Со оваа новина овозможуваме рана и брза дијагностика на наследните болести и на малигните заболувања. На овој начин ќе помогнеме за рана детекција на болестите, што ќе значи и побрза реакција во поглед на методите на лекување. Порано за овие испитувања плаќаа самите пациенти, а отсега ќе плаќаат само партиципација за услугата. Овие испитувања се високоспецифични и секако за нивно спроведување треба да се има соодветен упат од клиниките, откако нема да може да се дојде до дијагноза со стандардните процедури, изјави министерот за здравство, д-р Венко Филипче.Методите НГС (Next Generation Sequences) се спроведуваат во МАНУ од 2012 година и со нив се овозможува дијагностика на голем број болести, вклучително и на ретките болести. Со нив таргетирано се секвенционира панел со 4.800 гени поврзани со ретките и со малигните болести.-На овој начин ја намалуваме потребата за испраќање на пациентите во странство за дијагностика, а во исто време се забрзува времето на реакција кај пациентите, додаде Филипче.Анализите кои ќе се финансираат од ФЗО досега ги чинеа пациентите од 45 до 100 илјади денари.

Македонија | пред 7 години

(ФОТО) Лудувал со 140, изгазил куче и се пофали на ФБ колку моќна кола има!

На социјалните мрежи може да се најде се и сешто. Се фалат кој што јадел, каде бил излезен, што купил, сме виделе се и сешто, но една објава страшно ги револтира корисниците на социјалните мрежи.„Друштво сакам да дадам еден голем респект за моето BMW 530. На автопат Велес – Скопје со брзина од 140 километри, удрив куче од оние овчарскине , го разделив на неколку дела. Што е најбитно колата не се помрдна. Е тоа ти е друштво BMW!Да беше било што друго сега немаше да пишувам.Како и да е респект за BMW. И за крај ќе ,и треба преден браник па пишите ако знаете каде да си купам“,стои во објавата.После оваа објава излишен е секаков коментар. Но, сепак дали некој од надлежните ќе превземе нешто да го пронајде сторителот на овој грозоморен чин, останува времето да покаже.  

Македонија | пред 7 години

Пендаровски не знае дали го следат, а не сака да каже дали сеуште се сомнева на странски служби

Кандидатот за претседател од СДСМ, Стево Пендаровски не кажува дали уште се сомнева во тоа дека странски служби го следеле и фотографирале низ улиците. Според него, тоа е завршена работа која е препуштена на МВР, од каде треба да се одгатне мистеријата. Пендаровски вели дека се чувствува безбедно, но чувството кога приметил дека го следат било непријатно. Тој не сакаше да коментира ништо, само рече дека нови следења во изминативе денови. Пендаровски не сакаше да ги коментира неговите противкандидати, откако беше запрашан кои позитивни особини ги гледа кај Силјановска. Тој се надева дека нема да има валкана кампања од противниците.

пред 7 години

(ФОТО) Повторно гори трската кај струшкото крајбрежје

Повторно гори трската кај струшкото крајбрежје. Во објавата на Фејсбук страницата VOX Struga пишува дека на местото забележале двајца пожарникари кои не преземаат ништо за гаснење на пожарот.https://www.facebook.com/voxstruga.mk/posts/421342121958373 Исто така палење на трската имаше и во текот на изминатиот викенд. Од еко-здружението Охрид-SOS на својот Фејсбук профил напишаа дека било известено Министерството за внатрешни работи, но оттаму добиле одговор дека не биле надлежни за проблемот.https://www.facebook.com/OhridSOS/posts/2296871803924797  

Македонија | пред 7 години

Запалила сува трева, па огинот се проширил и ја зафатил викендицата

На 10.03.2019 околу 14.20 часот во СВР Штип било пријавено дека на место викано „Амушкови чешми“, атар на Пехчево, настанал пожар пред викендицата во која престојувала К.М. од Пехчево.Според пријавеното, таа запалила сува трева и смет, а поради временските услови пожарот се проширил и ја зафатил викендицата, а зафатил и поголема површина со борова шума.  Притоа, К.М. се здобила со повреда на левата рака и и била укажана лекарска помош.Пожарот бил локализиран од екипа на Територијалната против пожарна единица Берово, екипа од Шумско стопанство „Равна река“, екипа од Дирекцијата за заштита  и спасување и други лица кои се затекнале на местото. Извршен бил увид на местото.

Македонија | пред 7 години

23 сообраќајки во Скопје, едно лице со тешки телесни повреди

Во текот на изминатите денови (08, 09 и 10.03.2019 година) на подрачјето на Секторот за внатрешни работи Скопје преземени се мерки и активности и констатирано е дека 82 возачи управувале возила со брзина поголема од дозволената. Од сообраќај се исклучени 73 возачи од кои: 25 возачи затоа што управувале возила под дејство на алкохол, 39 возачи управувале возила без да се стекнат со право за управување на моторно возило и девет возачи затоа што биле возачи-почетници.Исто така, исклучени од сообраќај се и 40 возила бидејќи 37 биле нерегистрирани и три возила биле технички неисправни. Санкционирани се седум возачи поради поминување на крстосница на црвено светло, осум возачи поради недавање првенство на минување на пешаци, еден возач поради неправилно престигнување, 19 возачи поради неносење сигурносен појас за време на управување на моторно возило и 22 возачи поради користење на мобилен телефон при управување на возило.Во текот на изминатите денови издадени се 253 мандатни платни налози и 157 возила се подигнати со специјално возило "пајак". Изминатите денови се случиле 23 сообраќајни незгоди во кои едно лице се здобило со тешки телесни повреди, а 19 лица поминале со телесни повреди.

Скопје | пред 7 години

(ФОТО) Граѓани до пратениците: Шовинисти не можат да штитат од дискриминација

Со протест пред Собранието претставници на граѓански организации и здруженија денеска со побараа законот за заштита и спречување на дискриминација итно да биде донесен на денешната седница.„Денес сме собрнани за побараме итно донесување на законот за заштита од дискриминација на собраниска седница. Овој закон повеќе од 8 месеци е заглавен во собранието. Иако СДСМ ветија дека ќе се усвои во најкус можен рок, сепак точката од дневен ред беше прескокната. Пратениците донесоа низа закони со кои се попречува правдата на шетата на граѓаните. Силно ја осудуваме реториката на ВМРО-ДПМНЕ која ја користат од говорницата. Тие поттикнуваат дискриминација и насилство кон маргинализираните заедници. Ги повикуваме пратениците од СДСМ и ДУИ итно да го усвојат законот за заштита од дискриминација денес и да застаната на страната на граѓаните“, изјави Елена Петровска, национална мрежа за борба протиб хомофобија и трансфобија.Повеќе од 100 граѓански организации го поддржаа овој закон и побараа негово итно донесување.

Македонија | пред 7 години

Пендаровски: Важно е да ги добијам гласовите од Албанците

Кандидатот за претседател на државата, Стево Пендаровски за „Јутарњи лист“, вели дека е „исклучително важно идниот претседател на Северна Македонија да ги добие гласовите на Албанците.„Тоа е од големо значење, прво поради големата албанска заедница која живее во нашата земја и која има бројни врски со Косово и со Албанија, како и поради регионалната соработка, што е предуслов за европска интеграција, а од нашите други три соседи, Бугарија и Грција се членки на ЕУ а Србија е на пат. Сè уште сме далеку од полноправно членство во ЕУ. Тоа ќе биде за нас голем дипломатски предизвик со офанзивно темпо да се спроведат реформите и да успееме да ги стигнеме Србија и Црна Гора на кои како приближен рок им е дадена 2025 година, вели Пендаровски, за Јутарњи лист.

Македонија | пред 7 години

Нема фотографија

Денеска ќе се расправа за интерпелацијата на Спасовски и законот за дискриминација

Собранието на Република Македонија за денеска има закажано продолжение на 86-тата седница на која се наоѓа интерпелацијата за работата на Министерот за внатрешни работи, Оливер Спасовски која беше поднесена од страна на опозицијата. Оваа седница е закажана за во 12 часот.Исто така за денес е закажано и продолжението на 90-тата седница на Собранието на која едниствена останата точка е Законот за дискриминација, кој се донесува по скратена постапка.Со новиот закон се подобрува законската регулатива и се врши нејзино усогласување со  правото на Европската Унија и меѓународните стандарди во однос на заштитата од дискриминација. Со неговата примена се очекува да се обезбеди поефикасна заштита од дискриминација.

Македонија | пред 7 години

Села со реакции за средбата меѓу Мицкоски и Заев

Додека во владата синоќа се одржуваше состанок помеѓу премиерот Зоран Заев и водачот на опозицијата, Христијан Мицкоски, лидерот на Алијансата за Албанците, Зијадин Села реагираше на својот Фејсбук профил, пишувајќи за неправдата кон другите партии, особено кон албанските."Кога се потребни гласови на Албанците, средба со сите лидери на политичките партии. Кога станува збор за државата, состанок само со партнер за државата - Мицкоски. Затоа, НЕ заедничко општество за сите, туку држава за сите ", пишува Села.

Македонија | пред 7 години

Денес температура до 23 степени, утре врнежи од снег

Во текот на денот времето ќе биде сончево и топло со мала до умерена облачност и слаб до умерен ветер претежно од западен правец. Попладне од север и од запад облачноста ќе се зголеми и во вечерните часови ќе има врнежи од дожд, а на повисоките планини и понекаде на повисоките места особено на запад од снег. Температурата ќе се движи од 1 до 23 степени.Во Скопје слично време со температура од 5 до 20 степени.Во вторник до средината на денот ќе преовладува облачно време на пониските места со врнежи од дожд. На планините и на некои повисоки места особено на запад врнежите ќе бидат од снег и ќе се формира снежна покривка. Ќе дува умерен до засилен северен ветер, а дневните температури ќе бидат во значително опаѓање. Од среда времето ќе биде променливо облачно со благ пораст на температурата, а во четврток со услови за слаби локални врнежи.

Македонија | пред 7 години

Заев: Јанева и нејзиниот тим треба да продолжат со работата во рамките на јавното обвинителство

Темите за кои разговаравме беа претседателските избори и идниот тек на реформските закони кои се многу важни за граѓаните и датум за почеток на преговри со ЕУ, изјави премиерот Зоран Заев по средбата со лидерот на ВМРО-ДПМНЕ, Христијан Мицкоски.„На едни вакви разговори зборевме за сите елементи за фер, демократки избори. Разговаравме за теми важни за опозицијата. Разговараме за тоа што законот го предвидува, но разговаравме и за сите мониторинг мисии. Отворивме иницијатива да ги дополниме местата со мониторинг. Верувам во делот на предизборите, кампањата и изборниот процес. Она што го договоривме е штабовите да имаат комуникација“, изјави премиерот Заев.Во однос на предлог законот за СЈО, Заев рече дека Катица Јанева и нејзиниот тим треба да продолжат со работата во рамките на јавното обвинителство, а „бомбите“ имаат свој лимит и крај, но не и материјалните докази.„Драго ми е што опозицијата прифати да имаме работни групи за законот за јавно обвинителство. СЈО треба да се вгради во јавното обвинителство и да му седаде шанса овој капацитет да продолжи на чело со Јанева и целиот тим. Очекувам низ разговорите на работни групи да се постигнат услови, иднината на јавното обвинителство да има иднина на опстојвање. Ова е значаен дел од реформите. Во делот на она што значи иднина на јавното обвинителство, вградено во СЈО во системот на обвинителство на Република Македонија тоа треба да го направиме во соодветен период. Ние треба до крајот на месец март да изградиме заеднички ставови и да ги изгласаме реформските закони“, рече премиерот.

Македонија | пред 7 години

Мицкоски: СЈО го изгуби кредибилитетот за да ја добие нашата поддршка во иднина

На средбата зборувавме за обезбедување на фер и демократски претседателски избори и за реформските закони од агендата за добивање на преговори за пристапување кон ЕУ, изјави лидерот на опозициската ВМРО-ДПМНЕ, Христијан Мицкоски, по средбата со премиерот Зоран Заев.„Разменивме факти и аргументи од наша и од владина страна. Македонија мора да продолжи да се движи во вистинска насока. Република Македонија мора да стане достоинствено место за живеење за сите граѓани. Го пренесов и чувството кое постои помеѓу полистичките неистомисленици, дека имаме чусвтво на политички прогон. Главно, ова беше корисна средба за релаксирање на односите и за дефинирање на околностите за кредибилна претседателска трка на која убедени сме дека ќе победиме. Ги дадовме нашите забелешки за вештачките варботувања во државната администрација, во локалната и државната управа дека сето тоа не води во насока на рекласкирање на претседателаките избори, за трансфери од буџетот кои ненаменски се користат за промотивни активности. Ова не оди во правец на релаксирање на односите за кредибилен изборен циклус. Укажавме на неправилностите од референдумското изјаснување. Многу нешта во однос на првиот и вториот круг од претседателските избори зависат од Владата“, рече Мицкоски.Исто така тој истакна дека тие имале голем број на забелешки во врска со предлог-законот за обвинителство.„Во четвртокот го добивме предлог тектот на законот за јавното обивнителлство. Немавме можност да влеземе во супстратот, но според нас овој специјален јавен обвинител не може и не смее да ја добие довербата бидејќи не само што не ја оправдаа довербата на граѓаните, туку напротив во многу наврати сета таа доверба ја злоупотребија. Ние сме за отварање развговори во врска со содржината на законот и се договоривме од утрешниот ден па натаму да ги формираме тие работни гурпи, да отпочнат една дабата, да го прошириме опфатот, да отвориме нешто што овие граѓани ги фрустрираше изминатите години и да ги затвориме еднаш засекогаш“, изјави претседателот на ВМРО-ДПМНЕ.

Македонија | пред 7 години

ВИДЕО: Пожар во скопски Петровец

Огромен пожар се шири кај скопската населба Петровец. Во моментов, само едно противпожарно возило е на терен, а има густ чад. Огнот има зафатено голема површина.[embed]https://www.facebook.com/janeski.ognen/videos/1211446112342440/[/embed]Новинарот Огнен Јанески соопшти дека од Противпожарната единица за ТВ24 рекле дека пожарите не се опасни бидејќи горела сува трска.Сепак новинарот со право посочи дека загадувањето што ќе се пренесе во воздухот од ваквите палења е ужасно и големо.Повеќе од 20 пожари предизвикани од запалени стрмништа денеска имало во скопско.

Скопје | пред 7 години

Илјадници паркинзи низ Скопје, а паркирањето е проблем

Седум катни гаражи, околу 10.000 зонски паркинг-места, над 2.000 места за паркирање во т.н. затворени паркиралишта со рампа, уште толку паркинг-простор на приватни субјекти - а паркирањето во Скопје сè уште е тежок, па и скап потфат. Некаде паркирање може да се најде за 30 денари, но најчесто тоа чини 40 или 50 денари само за еден час.Нема ниту гаранции на некои од паркиралиштата дека во случај на оштетување на автомобилот сопственикот ќе биде обесштетен, при што на некои паркинзи има 24-часовен видеонадзор, а на некои воопшто нема безбедносни камери. Згора на сè, во делови од Дебар Маало сè уште има улици на кои не е расчистено кој стопанисува со паркингот, односно кому треба да му се плати.Иако изминуваат речиси 10 години откако функционира зонското паркирање и иако никнуваат катни гаражи како печурки по дожд, паркирањето сè уште е еден од најголемите проблеми со кои секојдневно се соочуваат граѓаните. Проблеми имаат и тие што стопанисуваат со паркинзите, а ги има неколку.Колку управувачи, толку политикиЈП „Градски паркинг“, ЈП „Паркинзи на Општина Центар“ и  Акционерско друштво за изградба и стопанисување со станбен и деловен простор (АДССДП) стопанисуваат со најголем број паркиралиштата, кои се од неколку типа. Секој од нив има своја политика за паркирањето. И во однос на цените, и во однос на стратегијата за управување со паркинг-просторите, а се разликуваат и во однос на инфраструктурата, бидејќи соодветните закони им го дозволуваат тоа. Законски, тоа го дозволуваат и Законот за локална самоуправа, Законот за Град Скопје, како и Законот за јавни претпријатија.Меѓу другото, во нив стои дека Град Скопје и општините имаат право „на изградба, одржување и користење на јавни паркиралишта од значење за градот Скопје, утврдени со урбанистички план“, како и дека „општините и градот Скопје основаат јавни претпријатија под услови и начин утврдени со закон“.Во делови од Дебар Маало сè уште постојат места каде што паркинзите се преклопуваат. Поточно, за една зона за паркирање се плаќа, на пример, на ЈП „ПОЦ“, а може да налета пајак на „Градски паркинг“ доколку паркирањето не е уредно платено. Со таква ситуација се соочил Даниел Николовски од Аеродром.Договорил службен состанок во кафуле во Дебар Маало. Се паркирал на зонски паркинг обележан од „ПОЦ“ и пратил СМС-порака за да плати за услугата. Кога завршил со состанокот и тргнал накај паркингот, автомобилот не бил таму.Целата сторија на Независен.мк

Скопје | пред 7 години

Вечерва подметнати пожари во струшка Радожда

Вечерва пламени јазици ја уништуваат трската е во селото Радожда на источниот брег на Охридско Езеро кое исто така е дел од општината Струга.Веќе еден месец Охридско Езеро на територијата на општина Струга е изложено на намерно подметнување пожари и масовно уништување на живиот свет во езерото и на брегот со цел да се уништи целата природа ( која е под заштита на УНЕСКО и под заштита на законите на Република Северна Македонија кои никој не ги почитува ).Јавна тајна е дека тоа се прави за потоа тука да се изградат дивоградби ( угостителски објекти и сместувачки капацитети ) кои некој смислил да ги легализира со законот кој го најави Владата, а со кој  треба да се легализираат новите довиградби.УМРЕ ДРЖАВАТАГраѓаните на Северна Македонија секојдневно коментираат дека повеќе не функционира ни еден дел од системот на владеење и се погласно се коментира дека чесните луѓе се оставени сами на себе.Полицијата до сега нема откриено ни еден потметнувач ( инвеститор во објектите ) ниту има превземено било какво дејствие по лудилото кое се случува пред очите на сите.

Македонија | пред 7 години