КАРПОШ

Ѓорѓиевски: ЗЕЛС е обединет, ќе посредуваме меѓу Карпош, Струмица и централната власт

ЗЕЛС не е тој што предизвикува кризи, ЗЕЛС ги надминува кризите – ова го изјави претседателот на ЗЕЛС Орце Ѓорѓиевски после средбата со неговиот колега Стевче Јакимовски, градоначалник на општина Карпош, додека Костадин Костадинов, градоначалникот на општина Струмица не дојде на состанокот на кој беше поканет, иако беше најгласен против ЗЕЛС.Ѓорѓиевски додаде дека секогаш имало несогласувања помеѓу одреден градоначалник и министер, но логички е кога се работи да постојат и такви несогласувања.- Ние сме тие кои влегуваме во директна медијација на процесот и верувам дека ќе ги надминеме какви и да се разликите и колку и длабоки да се истите.ЗЕЛС останува обединет и понатаму. Во наредниот период ќе продолжиме со интензивна комуникација и со Струмица. Колегата Перо Костадинов кој е мој потпретседател и доаѓа од редовите на Социјалдемократскиот Сојуз, ќе се потруди во тој дел како колега, како припадници на иста политичка партија со Костадин Костадинов да седнеме заеднички на маса и верувам дека, како и Стевче што кажа дека нема да излезе од ЗЕЛС и остава простор на процесот да ги надминеме проблемите, истото ќе се случи и со општина Струмица - изјави претседателот на ЗЕЛС Ѓорѓиевски и додаде дека ќе застанат зад секој колега градоначалник без разлика од било која политичка партија да доаѓаат.Во текот на наредните неколку денови, ЗЕЛС ќе направи обиди за организирање средби помеѓу гореспоменатите градоначалници и претставниците на централната власт.

Македонија | пред 1 година

Сведоштво од Карпош: Млада девојка која шеташе милениче ја нападна глутница кучиња, ја соборија на земја!

Жителка на Карпош, во понеделникот објави сведоштво, каде според неа, млада девојка била нападната го глутница кучиња. Ова доаѓа во период кога скопјани посочуваат дека постојано се сведоци на чопор кучиња, а на социјалните мрежи има и куп снимки.„Добро вечер, утринава бев сведок на многу непријатен, страшен настан, на улица Вич, во Карпош 4, веднаш до градинката, млада девојка додека си го шеташе миленичето ја нападнаа глутница кучиња. Девојката се обидуваше да се одбрани, но беа премногу кучиња околу неа, успеаа да ја соборат на земја, за среќа на помош и притрча маж и успеа да и помогне. Бидете внимателни кога излегувате со вашите миленичиња, а и кога се движите низ населбата. Премногу улични кучиња има =во школскиот двор на училиштето Петар Поп Арсов, спроти градинката, во паркот кај Трите убавици, (улица Вич број 24, 26 и 28) секоја вечер има глутници од најмалку десетина кучиња. Живеам на повисок кат и не успевам добро да ги снимам глутниците кои секоја вечер се во паркот, има и спроти Тинексот на Парапунов... Се јавив во Лајка, ми рекоа прати маил, тоа и ќе го направам, но не ми дадоа голема надеж дека нешто ќе се промени, направи....“, пишува во сведоштвото.На ова, жителката посочи и: „Мажот кој и помогна на девојката не живее во населбата, туку работи тука, на реновирање на некој од становите во низот. Носеше униформа и вадеше алати од службено возило. Ве молам не ширете дезинформации, и не го користетет постов да си израмните сметки со некој. Девојката ја нападна глутница кучиња, не едно и немаше никој околу неа, се додека човекот не се стрча да и помогне“.Дел од граѓаните одговорност не лоцираат во ЈП Лајка задолжена за третирање на бездомните кучиња, туку во неодговорните сопственици.„Кога ќе престанат сопствениците да си ги испуштаат кучињата кога ќе им здосадат, кога ќе има казни за неодговорно сопствеништво и тоа по 500 евра најмалку за нечипирано куче, кога ќе се воведе задолжителна стерилизација на сите миленици барем додека не се реши проблемот, ни Лајка ни Анима никој не може да помогне. 20 се ловат, истиот ден 15 нови се пуштаат. Да не зборувам за цели исфрлени легла“, пишува друга жителка.Поплаки и од Карпош 3.„Кога ќе престанат сопствениците да си ги испуштаат кучињата кога ќе им здосадат, кога ќе има казни за неодговорно сопствеништво и тоа по 500 евра најмалку за нечипирано куче, кога ќе се воведе задолжителна стерилизација на сите миленици барем додека не се реши проблемот, ни Лајка ни Анима никој не може да помогне. 20 се ловат, истиот ден 15 нови се пуштаат. Да не зборувам за цели исфрлени легла“, пишува жителка на оваа населба.Аеродром навечер. Незгрижените улични кучиња се надлежност на ЈП Лајка, кое е под Град Скопје. Тие пак според програмата ги третираат и враќаат на улица. Кучињата се групираат, а граѓаните реагираат дека тоа им предизвикува страв да се движат слободно по улица. Други пак, на социјалните мрежи ги бранат кучињата што лаат и трчаат по луѓе велејќи: „Бранат територија“. Сепак, проблемот - останува.Првотимецот на ракометниот клуб Вардар Вуко Борозан е искасан од куќиња и има 15-тина конци по рацете, нозете и телото и е неизвесен за утрешниот дуел на скопскиот клуб со Порто во Европската лига, изнформираше денеска тренерот на Вардар, Владо Недановски.-Не знам што се случува во градот. Нападнат е од кучиња скитници кои го имаат искасано. Си ги бранел децата на прошетка, рече Недановски за (не)спортската повреда на црногорскиот ас.

Скопје | пред 1 година

Јакимовски по кривичната пријава: Oва е политички притисок врз мене како градоначалник

„Постапката е законска, ова е политички притисок врз мене како градоначалник“, вели Стевчо Јакимовски и додава дека тениските терени во Карпош се со чиста документација.Тој заедно со уште пет вработени во општината добија кривични пријави дека ја злоупотребиле должноста и легализирале времени објекти, што според Јакимовски не е точно, бидејќи тие имале одобрение за градба уште пред 30 години, односно биле дадени од државата на сопствениците на трајно користење преку надоместок.„Со оваа кривична пријава која МВР помпезно ја најави во јавноста доведени сме во ситуација да објаснуваме дека „воздухот е безбоен“. Што има Фершпед? Го има Александар Палас, а Александар Палас има спортски терени кои ги користи 30 години. Што направила општина Карпош?Ги легализирала спортските игралишта кои ги користи Александар Палас. Што е важно во овој случај да се знае? Важно е дека законот вели „се легализира се она за што се издава одобрение за градба“. Спортските терени на Александар Палас имаат одобрение за градба уште од 1999 година од Влада на ВМРО-ДПМНЕ и истите се изградени по таа скица и за тоа се платени комуналии.Тоа што друго е важно, е што овие објекти се сопственост на Александар Палас, но во тој период не биле запишани во Катастар, па се воделе како „сопственост со незапишани права“. Бидејќи дозволата им била истечена, во 2016 година одлучиле да ги впишат во Катастар користејќи го Законот за легализација и покренале постапка за негова легализација. За легализацијата општината му наплаќа по втор пат комуналии, сега 170.000 евра“, вели Јакимовски.„Важно е да се знае дека земјиштето не е државно, туку е дадено на користење на Фершпед од страна на државата со надоместок. Повторно тоа го направила влада на ВМРО-ДПМНЕ. МВР тврди дека објектите се времени, а јас морам да им кажам дека слабо ја познаваат оваа материја. Ако објектите се времени, на документот треба да стои „Решение за поставување на времен објект“, а овие терени не се времени затоа што на нив се прави градба. Тоа е исто како кога градите куќа, паркингот што го правите надвор се води како вон етажен упис во Катастарот.Исто така многу е важно да се знае дека законодавецот смислил повеќе нивоа на одбрана од евентуална можна грешка при процесот на легализација. Прво, геодетот што го правел елаборатот не можел да отпочне со изработка на геодетски елаборат ако кај него во правилникот не стојат ваков тип на објекти. Второ, кога легализираните објекти ги предаваме во Катастар тогаш прво предметот го гледа геодет и гледа дали е се согласно закон, а потоа го гледа нивен правник. Ако предметот има било каков проблем со законитоста Катастар ќе го даде на поништување, на доработка, или ќе побара носење на нови документи.На крајот, Градот Скопје ги пресметува комуналиите. Ако има било каков проблем Градот ќе сигнализира. Јас и моите колеги одговорно тврдиме дека овде постапката е спроведена согласно законските прописи и дека нема никаков правен пропуст и дека ова е само еден обичен обид политички да се влијае пред локалните избори. Тука не се цел на напад моите пет колеги кои се наведуваат, туку јас како градоначалник. Во исто време сакам да кажам овие мои колеги што работат за 30.000 денари апсолутно е нечовечки да им се валкаат нивните имиња, да се вознемируваат нивните семејства, да им се прават стресови како што им ги направија“, кажа градоначалникот на Карпош.Тој го повика Обвинителството побрзо да се расчисти случајот.„Ние сакаме што е можно побрзо да седнеме со обвинителството и да го расчистиме овој случај, а колегите кои што работеле на сите овие предмети инсистираат дека нема повеќе да работат на предмети за легализација додека овој предмет доставен од МВР до обвинителството да се расчисти, односно додека не се докаже вистината.На крајот уште една работа. Нели е чудно од 83 општини во Македонија, само во Карпош да има проблем со легализација. Нема проблем во Охрид, родното место на министерот за транспорт и врски, Нема проблем во Велес, родното место на министерот за внатрешни работи. Нема никаков проблем во Тетово, Чаир, Гостивар, Струга... Никаде нема проблем, само во Карпош. А истите овие луѓе од Карпош се обучувачи за спроведување на Законот за легализација, од Карпош другите луѓе бараат мислење при решавање на комплицирани објекти. Јас одговорно тврдам дека овие луѓе се професионалци, кои одлично си ја познаваат својата работа, и не заслужуваат од било кого ваков третман.На крајот, сакам да кажам дека ова е управна постапка. Ако било кој сметал дека општината погрешила, можел да достави до нас мислење дека предметот е несоодветно решен и дека треба да се поништи. Ние во тој случај ќе го разгледаме предметот и ќе донесеме одлука. Ако сметаме дека сме во право, ќе го отфрлиме барањето, ако сметаме дека сме погрешиле ќе ја поништиме постапката и оштетената странка во тој случај ќе си го бара своето право во второстепена владина комисија и Управниот суд. Тие не постапиле вака. Наместо да прават циркузи со кривични постапки, ако биле сигурни зошто не дошле да побараат поништување на предметот и да видиме на Управен суд дали нашето решение ќе опстане или нивното политичко мислење“, додаде градоначалникот на Карпош, Стевчо Јакимовски.

Скопје | пред 1 година

(Видео) Пустош: Карпош и „Паркови“ на Град Скопје ненадлежни - тревата исушена, наоколу ѓубре

Претпријатието „Паркови и зеленило“ одбива да се грижи за тревата под зградите кои се наоѓаат на булеварите, а во голем дел, тоа не сакаат да го прават ниту општините. Пример за тоа е спрегата на релација Општина Карпош-Град Скопје, односно Стевчо Јакимовски-Данела Арсовска.Зелените површини под зградите во Карпош 4 се целосно пожолтени, бидејќи во текот на цело лето, не виделе ниту капка вода. „Скопје1“ побара од новиот директор на ЈП „Паркови и зеленило“ да објасни зошто не се наводнуваат тревниците.„Тоа што е низ булеварите, тревата на средина - се под наша надлежност. Парковите што се под зградите, се под надлежност на општините. Ние организираме акции за да се проверат сите булевари“, вели в.д. директорот Јетон Бучи кој доаѓа од ДУИ.Општина Карпош исто така „крена раце“ пред тревата во нивната општина. Тие сметаат дека не треба да водат грижа ниту за наводнување, ниту за отпадот – па истиот, ниту го чистат градските комуналци, ниту општинските. Па така, по невремето кое го зафати Скопје пред скоро два месеци, гранките од дрвата стоеа на улиците, па на паркинзите и на крај останаа на тревниците. Сепак, Карпош, реши да ги собере иако и натаму се правдаа дека ако не ги најдат паднати после првата улица од тревникот – не треба да мрднат со прст.Сепак, и покрај пребарувајќи на сите онлајн-сервиси, не најдовме правилник кој го уредува ова прашање. Останува отворено прашање дали „надлежноста“ е законски уредена или станува збор за џентламенски договор.Кога Стевчо Јакимовски дојде за градоначалник на Карпош, небитно му беше чија е тревната површина или надлежноста за чистење. Тој посочуваше дека сѐ мора да биде средено, бидејќи граѓаните него и општината го критикуваат.

Скопје | пред 1 година

(Видео) Крај на забавниот парк кај „Борис Трајковски“ во Карпош: ноќеска влегла полиција и куп инспектори

Полиција влезе на просторот пред спортскиот центар „Борис Трајковски“, каде без никаква дозвола и оваа сезона е поставен забавен парк. Министерот за внатрешни работи, Панче Тошковски, најави отстранување на реквизитите поставени на диво, на приватен простор. На терен делувале и инспекторати.„Постапувајќи по допрен глас дека во Скопје, на подрачјето на Општина Карпош, поточно пред спортскиот центар Борис Трајковски без соодветни документи и потребни дозволи се поставени реквизити за забавен парк меѓу кои и панорамско тркало, на 20.05.2024г. Единицата за економски и компјутерски криминал при СВР Скопје во координација со службени лица од Државниот пазарен инспекторат, Управата за јавни приходи и градежен инспектор од Општина Карпош излезе на лице место и презема конкретни соодветни мерки и активности од делокругот на својата надлежност и овластувања.Имено, од страна на инспекциските служби по преземените мерки и активности и констатираната фактичка состојба изготвени се Записници за констатирана состојба додека од страна на овластен градежен инспектор од Општина Карпош поведена е постапка за констатираните неправилности, по што ке бидат преземени конкретни мерки во насока на отстранување на истите, престанување со вршење на активноста, како и дислоцирање на реквизитите“, вели Тошковск

Скопје | пред 2 години

(Видео) Насилно се мести панорамско тркало во Карпош од фирма регистрирана пред месец, алармира Град Скопје

„Ја известуваме јавноста дека правното лице Дизниленд Реквизити, фирма од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски“, велат од Град Скопје и додаваат: Град Скопје, во рамки на своите надлежности изврши надзор, превзема мерки и го казни правното лице, но тој сепак НАСИЛНО продожува да работи.Ги повикуваме надлежните институции и апелираме да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие.

Скопје | пред 2 години

(Фото) Тешка сообраќајка во Карпош 4: автомобилот преполовен, има повредени

Мотор и автомобил се судрија во Карпош 4, во близина на „Сити мол“ односно на булеварот „Партизански одреди“. Според првичните информации има повредени лица, но детали не се познати.На помош притрчале случајни минувачи за возачите и патниците. Автомобилот од силината на ударот, се свртел во спротивна насока.Несреќата е случена на потегот од Партизански одреди каде има обележан пешачки премин, а истовремено, се вози над дозволената брзина и неретко има трки. На ова место пред неколку денови имаше и протест со барање да се стават семафори, бидејќи често има жртви.Засега не е позната причината за несреќата. Полицијата го обезбедува местото и се очекува да започне увид.Повеќе детали се очекуваат од МВР.

Скопје | пред 2 години

Карпош уште го нема поништено решението за 17-катницата кај Воена болница

Конзерваторското мислење со кое се дозволуваше изградба на 17-катница кај Воена болница стана обичен лист хартија, бидејќи како што најави министерката за култура, Бисер Костадиноска-Стојческа, истото е поништено оти е незаконски издадено, спротивно на правилниците. Истовремено, градоначалникот на Карпош, Стевчо Јакимовски, сега треба да ја поништи и дадената градежна дозвола. Поништеното мислење стигнало во Општината, но став досега, дали и кога ќе им се одобрение дозволата за градење на инвеститорите - нема.На локацијата и натаму има градежни машини кои работат и го подготвуваат теренот за изградба. Градоначалникот на Карпош, Стевчо Јакимовски во средината на јануари ја потпиша градежната дозвола за изградба на спорната 17-катница среде болничкиот комплекс на Воена болница во Скопје. Инвеститорот на градбата „ЗСФ Ком“ веќе го огради градилиштето и на терен почнуваат градежни работи за изградба на зградата.Парцелата на која треба да се гради зградата се наоѓа непосредно до болницата „8 Септември“ која има статус на споменик на архитектноско наследство од времето на брутализмот и е заштитен објект како културно наследство. За добивање на градежна дозвола, според Законот за заштита на културно наследство, проектот мора да биде одобрен од Конзерваторскиот центар. Истиот центар, по едно негативно, даде позитивно мислење – кое сега треба да се укине.  

Скопје | пред 2 години

Незаконско е конзерваторското мислење за 17-катница кај Воена болница - треба веднаш да се поништи, а без него нема зграда

Незаконски било издадено конзерваторското мислење кое овозможи изградба на 17-катница за 2.000 жители кај Воена болница, констатирала работната група во Министерството за култура. Според министерката Бисера Костадиновска-Стојчевска, побарано е негово итно поништување. Немаше конкретен одговор дали ова ќе значи и итно стопирање на градбата и рече дека другите институции, меѓу кои е Општина Карпош, ќе треба да постапат.„Извештајот го добивме, и во тој извештај стои дека издаденото конзерваторско мислење не е според правилникот за заштита на културното наследство, го вративме во првостепено одлучување и очекуваме да биде поништено уште денеска“, рече Костадиновска-Стојчевска.Со ова се потврдија наводите на невладините организации о активистите кои рекоа дека конзерваторското мислење е незаконско и го опишаа како мафијашко.„Повикана е инспекција да отиде во Конзерваторскиот центар и да извршат надзор во однос на Законот за културно наследство. Тие инспектори, не излегуваа на терен од непознати причини, дури вчера беа во Конзерваторски центар-Скопје. Што донеле како мислење – не знам. Тоа што беше во наш домен, ние се обративме до Конзерваторскиот центар и очекувам денес како првостепен орган, кој го издал, да го поништи“, додаде министерката.Според нејзе, и другите институции треба да преземат чекори по поништувањето на мислењето.Парцелата на која треба да се гради зградата се наоѓа непосредно до болницата „8 Септември“ која има статус на споменик на архитектноско наследство од времето на брутализмот и е заштитен објект како културно наследство. За добивање на градежна дозвола, според Законот за заштита на културно наследство, проектот мора да биде одобрен од Конзерваторскиот центар. Истиот центар, по едно негативно, даде позитивно мислење – кое сега треба да се укине.Градоначалникот на Карпош, Стевчо Јакимовски во средината на јануари ја потпиша градежната дозвола за изградба на спорната 17-катница среде болничкиот комплекс на Воена болница во Скопје. Инвеститорот на градбата „ЗСФ Ком“ веќе го огради градилиштето и на терен почнуваат градежни работи за изградба на зградата.

Скопје | пред 2 години

Му сметало столпчето, па се паркирал врз него

Завчера службите на општина Карпош поставија столпчиња на паркингот во Лептокарија за да се овозможи простор за минување на пешаци. Вчера едно од столпчињата е урнато од несовесен возач. Сопственикот на возилото е пријавен во Пајак службата на Град Скопје.-Апелираме до граѓаните да се однесуваат совесно и одговорно и да не ја уништуваат урбаната опрема, објавија од Општина Карпош.

Скопје | пред 2 години

Непрописно одложен опасен отпад во Карпош

Еко-патролата на ЈП Комунална хигиена-Скопје констатираше непрописно одлагање отпад од автомобилски гуми од страна на непознати сторители на улицата Никола Парапунов во скопската општина Карпош.„Автомобилските гуми спаѓаат во категоријата опасен отпад и нивното одлагање на јавни површини претставува директно прекршување на Законот за јавна чистота. ЈП Комунална хигиена-Скопје нема надлежност засобирање и транспорт на овој тип на отпад. Апелираме до жителите на градот Скопје внимателно да ракуваат со опасниот отпад и да го одлагаат исклучиво кај колективните постапувачи, со што значително ќе придонесат за заштита на животната околина и јавното здравје.“ - истакна директорката на ЈП Комунална хигиена-Скопје, Косана Николиќ Мазнева.Воедно, ЈП Комунална хигиена-Скопје учествуваше во координирана акција со градските јавни претпријатија „Паркови и зеленило“ и „Улици и патишта“ за чистење на реонот на Милениумскиот крст на планината Водно.Екипите на ЈП Комунална хигиена-Скопје спроведоа метење и празнење на корпите за ситни отпадоци, како и подигнување на отпадот од Планинарскиот дом и околните угостителски објекти. Во рамките на акцијата беа собрани и транспортирани приближно три кубни метри мешан комунален отпад.

Скопје | пред 2 години

Уставниот суд ја укина одлуката за ДУП-от во Карпош со кој се предвидува изградба на бензинска пумпа

Уставниот суд на одлучи да ја укине одлуката за донесување на Деталниот урбанистички план за Градска Четврт 3 04, Блок 04.05 на Општина Карпош.Портпаролката на Уставниот суд Христина Беловска, денеска на брифинг со медиумите информираше дека Судот од утврдената фактичка состојба и анализирана документација, утврдил дека ДУП-от е неусогласен со ГУП-от, бидејќи се предвидува изградба на бензинска станица, која е објект со класа на намена Е, на место кое што е планирано за зеленило и изградба на објекти со класа на намена А и Б, односно објекти за домување и делумно комерцијални објекти.Поконкретно просторот каде се планира изградбата на бензинската пумпа е означен како коридор низ кој минува топловодна, гасоводна, фекална и водоводна инфраструктура.- Уставниот суд оцени дека со вака донесената одлука на Општина Карпош, се повредува начелото на владеење на правото, унапредувањето и хуманизацијата на просторот и заштитата и унапредувањето на животната средина и на природата, кои што се предвидени во Уставот. Но, исто така, направена е и повреда од членот 4 од Законот за урбанистичко планирање, бидејќи донесениот ДУП не е во согласност со ГУП-от, изјави Беловска.Уставниот суд за ова прашање одлучуваше по поднесена иницијатива од Наташа Шурбановска на 3 април 2022 година.Во однос на прашањето за евентуална отштета зошто не е изградена бензинската пумпа, кој гради и што гради, Беловска рече дека таквите прашања и информации не се земени предвид со оглед на тоа што надлежност на Уставниот суд е да одлучува дали некој закон е во согласност со Уставот и дали некој пропис, како што е одлуката за ДУП-от е во согласност со Законот и Уставот.

Скопје | пред 3 години

(ВОЗНЕМИРУВАЧКО ФОТО) Среде Карпош со огнено оружје убиенo маалско куче

Активистката за заштита на животните Тина Мицковска објави тажна, но истовремено и шокантна вест и вознемирувачко фото!Мирното куче Тоби е убиено од огнено оружје среде Карпош.-Маалскиот миленик Тоби од Млечен, мирно куче кое сите таму го чуваа и хранеа, денеска за жал го пронајдоа УБИЕН И ПУКАН со ПУШКА спроти Сидро. Некој монструм се дрзнал насред Карпош да пука со пушка во најмирно куче НАСРЕД БЕЛ ДЕН, помеѓу 8:30 и 09:00 утрово. До кога ќе се дозволува вакви психопати да шетаат слободно? Пред некое време во близина беше пукано и во нашиот маалски миленик Џамбо и ништо чудно да се работи за истата будала што може утре да пука и во човек. Доколку некој има некакви информации, ве молам споделете да помогнеме на МВР побрзо да се пронајде, порача Мицковска.Извини Тоби што живееше во суров свет, трчкај слободно сега горе, порача во својата објава Тина.

Скопје | пред 3 години

(ВИДЕО) Пиромани палат контејнери низ Карпош, ги гасне пожарна

Вечерва на повеќе локации во Карпош се запалени контејнери за отпад.Скопје1 на три локации забележа како гори отпад, а сите во дело на Влае и Капош 4.Една од локациите на која се наоѓаат контјнерите е близу бензинска пумпа, а пожарот го пријавиле вработените со оглед на опасноста дека истиот може да се прошири.Со оглед дека контејнерите се пластични, изгорени се во целост.

Скопје | пред 3 години

Не ги осудувам скандирањата против Бугарите, народот реагира зошто е потценуван, вели Јакимовски

Градоначалникот на Карпош, Стевчо Јакимовски, не ги осудува скандирањата против бугарскиот народ, на натпреварот кој се одржа во Скопје. Тој вели: Народот секогаш е во право!„За разлика од многу мои колеги јас НЕ ги осудувам вчерашните скандирања на фудбалскиот натпревар помеѓу Македонија и Бугарија, напротив тоа е реалната слика. Народот реагира затоа што изминатиот период е манипулиран и потценуван од страна на нашите политичари од актуелната власт и од опозицијата. Не, колеги политичари, не е народот грешка, народот постапува според своите емоции и чувства и не е тој виновен туку може да се виновни само оние кои го водат. Затоа јас ги поддржувам граѓаните и нивниот искрен емоционален, национален крик. Да живее Македонија, глава горе македонци!

Коментари | пред 3 години

Учениците во Карпош без ужинка поради урбаната мафија, не се носи одлука зошто не им гласаме ДУП, сведочи Вељановски

Роберт Вељановски, член на Советот на Општина Карпош посочува: „Поради интересите на урбаната мафија, учениците од основните училишта во Карпош останаа без ужинка“.Тој додава дека со вчерашното напуштање на продолжението на XIV Седница на Советот на општина Карпош, советниците на СДСМ ја официјализирале новата коалиција со градоначалникот на Карпош.„Им честитаме! Причината за напуштањето на седницата е немањето мнозинство за изгласување на ДУП З 09 или познат како ДУП за Млечен. На донесувањето на овој ДУП остро се спротивставуваат советничките групи на ВМРО-ДПМНЕ, Левица и Независни за Карпош. За сметка на урбаната мафија, на карпошани им се ускратени одлуки за (ги издвојуваме најважните):- Субвенционирање на ужинки за учениците во општинските основни училишта на општина Карпош за месеците септември, октомври, ноември и декември а учебната 2022/2023.- Давање согласност за промена на корисникот на електрични броила од Општина Карпош на основните училишта на територијата на општина Карпош.- Одобрување на финансиски средства за награди за полуматурантите-првенци на генерација од општинските основни училишта на територијата на општина Карпош за учебната 2021/2022.Советничката група на ВМРО-ДПМНЕ опстојува на предизборните заложби од програмата со која добивме доверба од граѓаните на Карпош!“, напиша Вељановски.

Скопје | пред 3 години

Ако купите стан во Карпош, ќе морате и гаража, без тоа нема упис во Катастар

Во Карпош ќе се бара секој жител кој купува стан, да си купи и гаражно место. Без тоа, нема да има упис во Катастар. Стевчо Јакимовски, градоначалник на Карпош најави дека ќе има кривични пријави за надзорите кои дозволуваат да се изведуваат проекти надвор од проектите кои се одобрени.„Секој што купува стан, мора да купи и гаражно место. Одобренијата ќе се даваат ако има квалитетно гаражирање, квалитенто спуштање на рампите. Ако вие не можете да се спуштите во гаражата, што ќе ви е таа. Нема веќе да се упишуваат становите во Катастар, ако немате гаража заедно со него. Во исто време, нашите службеници започнаа активност да одиме и да проверуваме сите одобренија кои се издадени, дали на лице место објектот е според проектот и дали гаражните места е според проектите“, кажа Јакимовски.

Скопје | пред 3 години

(ФОТО) Хаосот во Карпош од невремето не може да се среди и по еден ден од ветровите и дождовите

Општина Карпош преку социјалните мрежи информира дека екипите на комунална хигиена продолжуваат со расчистување на паднатите дрвја од вчерашното невреме.„По вчерашното невреме, Екипите на општинската служба за комунална хигиена и денеска продолжија со расчистување на паднатите дрвја и неколкуте кровни конструкции на повеќе локации низ општината.Од рано утрото се расчистуваше во Карпош 1 кај детското игралиште, во Лептокарија, на потегот меѓу булеварот Теодосиј Гологанов и Јуриј Гагарин, кај бензинската на Макпетрол на булеварот 8-ми Септември, во Тафталиџе 1 и други локации кои беа пријавени од граѓаните“, се вели во објавата.

Скопје | пред 3 години

(ВИДЕО) Во Карпош е хаос, откорнати дрвја, уништени автомобили, блокирани патеки

Краткиот дожд и ветер, направи хаос низ Скопје. Во Карпош е се уште е несредено. На пешачката патека во Карпош 4 има огромни гранки, кои за среќа не повредиле пешаци. Екипи кои ќе ги тргнат, засега не се дојдени.На социјалните мрежи се споделуваат фотографии од откорнат лимен кров на улицата „Јуриј Гагарин“.Оштетени се неколку автомобили.Според последните информации на Центарот за управување со кризи, силна нестабилност ги зафати и Пелагонија, Велес, Росоман и Градско. Невремето е проследено со интензивен пороен дожд и електрични празнења, како и силен ветер.На метеоролошката станица во Радарскиот центар Тополчани беше региструран удар на ветер од 150 километри на час.

Скопје | пред 3 години

Јакимовски не смее да издава градежни дозволи на Партизанска и Илинденска

На денешната седница на Советот на Општина Карпош на која не присуствуваа советниците од редовите на СДСМ и ГРОМ беше изгласана предлог одлуката против висококатницата во Карпош.„Со оваа одлука се задолжува Градоначалникот и соодветниот општински сектор да го стопираат издавањето на градежни дозволи и забрана за отпочнување на градба на просторот кој го опфаќа ДУП за Градска четврт З 05 Блок 08, како и изготвување на стручен елаборат за суспензија на применувањето за блок 08 од ДУП за градска четврт 3 05 помеѓу бул.Илинден, бул. 8 Септемри, бул.Партизански одреди и ул.Љубљанска, донесен со одлука на Совет 07-7546/4 од 06.11.2013, Општина Карпош со цел спроведување ревизија за истиот.„Ова е нов пораз на урбанистичката мафија во Општина Карпош. Истовремено жалам што зад интересите на Карпошани не застанаа советниците од редовите на СДСМ и ГРОМ со што практично ги прекршија своите предизборни ветувања дека ќе работат во интересите на жителите на Општината.“ изјави координаторот на советничката група на Левица, Мартин Димоски.

Скопје | пред 3 години

Се повеќе се слуша дека Стевчо ќе даде дозвола за 28 катница, поднесено е барање да се стопира издавањето дозволи, вели Ристов

„Покрај излагањето на ТВ од страна на Стевчо се погласни се гласините дека сепак ќе издаде дозвола за 28 катницата. Всушност тоа и била причината што тој ја злоупотребува администрацијата да оневозможи заседавње на Советот на Општина Карпош“, вели Бранко Ристов, претседател при Советот на Општина Карпош.„Поднесов решение за свикување седница со една точка на дневен ред "Предлог- Одлука за задолжување на градоначалникот и општината да стопираат издавање на градежни дозволи, забрана за започнување градба и спроведување ревизија на ДУП за градска четврт З 05 блок 08". Согласно комуникацијата со советнички групи и изјави во јавност одлуката би требало да помине глатко, со 15 гласови; Левица 4, Независни 2, ГРОМ 2, ВМРО- ДПМНЕ 7. Останува да преброиме кој си стои на збор а кој ќе тера лицемерен популизам.Повторното оневозможување да се одржи седница ќе биде јасен сигнал кои се всушност плановите на градоначалникот. Дополнително, оневозможувањето не само ќе биде кршење на закон туку и брутален анти демократски чин за попречување гласачите да бидат претставени од своите избраници“, вели Ристов.

Македонија | пред 3 години

Куп куќи станале згради во Карпош, општината со нови правила

Почнувајќи од денеска (среда 22.06.2022), Општина Карпош ќе се придржува кон новите правила во процесот на урбанистичкото планирање кои се однесуваат посебно на изградбата и одобренијата за градба во зони на индивидуално домување.Тие велат:„Одредбите кои ќе се однесуваат на паркирањето, важат и за колективно домување, при што се утврдува дека:1. Oпштина Kарпош нема повеќе да дозволува паркирање со помош на таканаречени платформи, туку исклучиво со рампи и тоа поврзани директно од сервисната улица кои ќе се спуштаат до гаражните места во објектот;2. Општина Карпош нема повеќе да одобрува проекти во кои паркирањето ќе биде прикажано со таканаречени „клацкалки“;3. Целокупното паркирање, за објекти од индивидуално и колективно домување мора да биде планирано под самиот објект. Доколку постои простор за гаражирање во рамките на самата парцела, тој простор нема да се земе во предвид, туку истиот ќе треба да биде резервиран за станарите кои имаат второ и трето возило, како и за гостите кои доаѓаат во предметниот објект. Овие одредби важат доколку во индивидуалниот објект за кој се бара градежна дозвола има повеќе од две станбени единици.Кај новите градби (особено за индивидуално домување), најголем проблем создаваат возилата кои не се паркираат во парцелата или објектот, туку истите остануваат на улиците и тротоарите и го загрозуваат животот на останатите граѓани од таа улица, (маало). Дополнителен проблем претставува второто и третото возило кое го поседуваат многу семејства, а со одобрението за градба не е предвиден простор за толку возила. Истото се однесува и за возилата на гостите кои доаѓаат во станбениот објект, кој во случајот е предмет на одобрение за градба.Во изминатиот временски период имавме вистинска наезда на претворање на индивидуалните градби, во станбени единици за колективно домување. Таа тенденција одеше дотаму, што се одобруваа дури и до 15 станови, и покрај тоа што се работи за индивидуално домување. Притоа, постоечката инфраструктурата и ширината на станбените улици, не можат да овозможат нормално функционирање и живеење ниту за граѓаните кои купуваат станови во тие објекти, ниту пак за останатите жители од тој реон.Од тие причини, локалната самоуправа одлучи да се придржува според следниве правила:1. Во урбанистички парцели кои се помали од 350м2 максимум ќе се дозволуваат до четири станбени единици.2. Во урбанистички парцели до 420м2 ќе се одобруваат максимум шест станбени единици.3. Урбанистички парцели кои се поголеми од 420м2 ќе може да планираат максимум осум станбени единици.Одредбите за паркирање под точка 1, 2 и 3 се однесуваат и за колективно домување односно целокупното паркирање мора да биде во објектот. Оттаму, евентуалниот простор кој би се нашол надвор од станбениот објект во самата урбанистичка парцела, да се предвиди за зеленило и евентуално за паркирање на второ и трето возило од самите станари, како и посетителите кои доаѓаат во објектот.Одредбите од овој правилник ќе бидат во важност од 22 јуни 2022 година и ќе се применуваат без исклучок.

Скопје | пред 3 години

Јакимовски им порача на жителите од Тафталиџе да не протестираат оти е топло

Градоначалникот на општина Карпош, Стевчо Јакимовски денес по втор пати ги посети граѓаните од Тафталиџе кои веќе неколку дена го блокираат булеварот Теодосиј Гологанов.„Денеска по втор пат ги посетив граѓаните од Тафталиџе кои веќе неколку дена го блокираат булеварот Теодосиј Гологанов во знак на револт што не се носи урбанистичкиот план кој се однесува нa нивното место на живеење.Имајќи ги предвид високите температури и со оглед на фактот дека поголем дел од граѓаните кои протестираат се возрасни лица, за да не си го загрозуваат сопственото здравје ги замолив да го прекинат протестот и повеќе да не ја блокираат улицата, со ветување дека службите веќе го подготвуваат и ќе биде пуштен на јавна анкета урбанистичкиот план за тој дел од општината.На јавната анкета граѓаните ќе можат да си го дадат своето мислење и да ги искажат своите забелешки.Истовремено во наредниот период ќе се заложам нивниот ДУП да го изнесам пред советниците и да биде позитивно решен“, вели Јакимовски

Скопје | пред 3 години

Општина Карпош: Сочувствуваме со проблемите на граѓаните кои живеат во субстандардни услови

Сочувствуваме со проблемите кои што ги имаат граѓаните кои го изразуваат својот револт, а живеат во Тафталиџе на улица Теодосиј Гологанов, велат од Општина Карпош.„Општината бара начин како да им помогне на овие жители кои се староседелци и живеат во субстандардни услови, а некои веќе и со срушени куќи, да можат за себе и за своето семејство да имаат пристоен дом како сите останати во Карпош.Живот со кров кој протекува, спални со мувла, со недоволна инсолација - осветлување, употреба на септички јами, енормни трошоци за затоплување зошто се работи за градби од средината на минатиот век, е под секое достоинствено човечко ниво, затоа час поскоро планерската куќа која го изработува ДУП-от и стручните служби од општина Карпош ќе излезат со предлог ДУП за јавна анкета за овој дел од општината“, се вели во соопштението.

Скопје | пред 3 години

Нема фотографија

Левица поднесе барање за ревизија на 26-катницата во Карпош и забрана за издавање градежни дозволи

Денес, советничката група на Левица во Општина Карпош, поднесе две предлог одлуки, кои се однесуваат на просторот на Деталниот урбанистички план З 05. Токму во рамките на овој ДУП, се наоѓа спорната парцела на која се предвидува 26-катница, а која беше дел од препукувањата помеѓу Јакимовски и ДПМНЕ, нформираат од Левица.„Бидејќи и двата политички субјекта најавуваа дека ќе иницираат постапка за спречување на изградбата на ова монструозно здание, а досега не го направија тоа, ние како советничка група се одлучивме на овој чекор.Овие две предлог-одлуки се однесуваат на иницирање на ревизија на овој Детален урбанистички план, како и забрана за издавање на градежни дозволи и стопирање на сите отпочнати градежни активности во рамките на овој урбанистички план.Поаѓајќи од потребите на Карпошани, но и од претходно најавеното, очекуваме за овие предлог-одлуки да гласаат ДПМНЕ и ГРОМ, со што ќе се обезбеди мнозинство за изгласување и конечно одвратување на бизнис интересите од Општина Карпош“, се вели во соопштението.

Скопје | пред 3 години