КАРПОШ

Ќе се реконструираат детски игралишта и урбана опрема во Карпош

Општина Карпош започна пролетна акција за реконструкција и реновирање на детските игралишта и урбаната опрема на својата територија.Во рамки на акцијата ќе се врши обнова на детските игралишта, реконструкција и замена на оштетените клупи и корпи за ситен отпад, како и уредување на останатата урбана опрема што е во надлежност на општината.Од локалната самоуправа информираат дека, според предвидената динамика, во наредниот период сите игралишта и урбани содржини ќе добијат подобар изглед и ќе бидат побезбедни за користење.„Игралиштата ќе бидат безбедно место за игра на најмалите жители, како и простор за релаксација на сите карпошани“, соопштија од Општината.Заменик-градоначалникот Неделчо Крстевски секојдневно ја следи работата на екипите кои работат на терен низ општината.Од Општина Карпош велат дека активностите се дел од заложбите за обезбедување побезбедна и поуредена средина за граѓаните.

Скопје | пред 1 ден

Општина Карпош почна вонредна пролетна дератизација

Општина Карпош денеска ја започна втората пролетна, интервентна дератизација на својата територија, како дел од редовните активности за одржување на јавната хигиена и заштита на животната средина.Со акцијата ќе бидат опфатени околу 5.000 шахти, а ќе се спроведе и дезинфекција, дезинсекција и дератизација во сите основни училишта и детски градинки на подрачјето на општината.Од локалната самоуправа информираат дека ваквите активности се реализираат двапати годишно – во пролетниот и есенскиот период, со цел превенција од појава и ширење на штетни глодари и инсекти.„Општина Карпош ја презема оваа иницијатива секоја година на пролет и на есен, како превенција од штетните глодари и инсекти, во насока на одржување на здравата животна средина“, соопштија од Општината.

Скопје | пред 2 дена

Градоначалникот на Карпош не дал оставка, туку е на боледување - политички глодари се ситат на неговото здравје, вели Мицкоски

Премиерот Христијан Мицкоски тврди дека градоначалникот на Карпош, Сотир Лурковски, не поднел оставка, туку користи боледување поради здравствени проблеми.Одговарајќи на новинарско прашање по обвинувањата од СДСМ и поранешниот градоначалник Стевчо Јакимовски, Мицкоски рече дека во моментов општината има законски избран заменик-градоначалник кој времено ги извршува надлежностите.„Не знам од каде ви е заклучокот дека градоначалникот на Карпош дал оставка, градоначалникот е на боледување. Моментално имаме законски избран заменик градоначалник, кој го заменува додека е на боледување“, рече Мицкоски.Тој додаде дека Лурковски има здравствени проблеми, но одби да навлегува во детали.„Поради одредени здравствени проблеми... Иако имаше такви политички глодари кои излегоа и се ситеа на здравствената состојба на тој човек. Јас нема да ги коментирам тие политички глодари“, изјави премиерот.Мицкоски му посака брзо закрепнување на градоначалникот и рече дека очекува тој наскоро да се врати на функцијата.„Посакувам брзо опоравување на градоначалникот и побрзо да се врати. А до тогаш, ќе го заменува заменик-градоначалникот. За здравствената состојба ниту сум овластен ниту сакам да ја коментирам“, додаде тој.Претходно, од СДСМ Карпош обвинија дека Лурковски се повлекува од функцијата поради, како што тврдат, несогласувања и сомнежи поврзани со работењето на општината.Поранешниот градоначалник Стевчо Јакимовски, пак, тврдеше дека не станува збор за боледување, туку за „бегство од Карпош“, посочувајќи на обиди за промени во Централниот регистар, потписници во Трезор и раздолжување на службено возило.

Скопје | пред 1 седмица

„Формално боледување, неформално оставка и бегство од Карпош“, вели Јакимовски за Лурковски

Ексградоначалникот на Карпош, Стевчо Јакимовски, излезе со серија обвинувања кон актуелниот градоначалник Сотир Лукровски и ВМРО-ДПМНЕ, тврдејќи дека зад официјалното образложение за „боледување“ се крие фактичко заминување од функцијата.Јакимовски реагира откако од Општина Карпош соопштија дека Лукровски не поднел оставка, туку е привремено отсутен поради здравствени причини, додека неговите надлежности привремено ќе ги извршува членот на Советот, Неделчо Крстевски.„Ова не е боледување. Ова е бегство од Карпош. Ова е незаконско купување време“, напиша Јакимовски.Тој прашува зошто, ако станува збор само за боледување, од Општината барале Лукровски да биде избришан како одговорно лице во Централниот регистар и на негово место да биде впишан заменикот.„Нормално, ваквата глупост службениците од Централниот регистар ја одбиле, со јасно образложение: Општина Карпош има актуелен градоначалник“, тврди Јакимовски.Дополнително, тој посочува и на, како што наведува, обид за промена на потписници во Трезор, како и раздолжување на службеното возило што го користел Лукровски.„Ако е боледување, не се брише градоначалник од Централен регистар. Ако е боледување, не се менуваат потписници како човекот да заминал засекогаш. Ако е боледување, не се раздолжува службено возило“, наведува Јакимовски.Според него, оставката на Лукровски се најавувала со месеци и за тоа, како што тврди, бил запознаен и лидерот на ВМРО-ДПМНЕ и премиер Христијан Мицкоски.„Формално — боледување. Неформално — оставка. Партиски — купување време. Правно — импровизација“, пишува Јакимовски.Тој ја обвини владејачката партија дека со „правни акробации и партиски маневри“ се обидува да ја прикрие состојбата во Општина Карпош.Од Општина Карпош претходно соопштија дека институцијата функционира непречено и апелираа за почитување на приватноста на градоначалникот и неговото семејство.

Коментари | пред 1 седмица

(Фото) Дете каснато од кучиња во Карпош 4, мајката со критика до општината: За сликање први сте, а за наша заштита и грижа ве нема никаде

Мајка од скопската населба Карпош 4 реагира по инцидент во кој нејзиното дете било нападнато од чопор кучиња скитници во близина на основното училиште ОУ „Петар Поп Арсов“.Во објавата, таа наведува дека детето било нападнато од околу пет кучиња, при што, како што вели, имало каснување на ногата. Според неа, среќна околност е што повредата не била посериозна.Мајката остро реагира на, како што вели, недоволната реакција на надлежните институции и Општина Скопје, посочувајќи дека проблемот со кучињата скитници во населбата е долготраен.„Општината малку повеќе да се ангажира околу кучињата скитници пред секоја зграда. За сликање први сте, а за наша заштита и грижа ве нема никаде“, стои во нејзината реакција, во која ја критикува локалната власт.

Скопје | пред 1 седмица

(Фото) Објавено решението со кое градоначалникот на Карпош ги предава сите ингеренции на член на советот

Градоначалникот на Општина Карпош, Сотир Лукровски го назначи советникот Неделчо Крстевски за свој заменик.Според решението кое е објавено во Службен весник на Општина Карпош, Неделчо Крстевски ќе го менува градоначалникот во периодите кога тој е отсутен, а е назначен и за овластен потписник на сите сметки и финансиски документи на општината. Во документот се наведува дека тој ги има истите права и обврски како и градоначалникот.Претходно во јавноста се појавија информации дека градоначалникот поднел оставка, по што од општината тоа го демантираа. Од Општина Карпош соопштија дека информациите за оставка се неточни и дека градоначалникот во моментов е на боледување.„Општина Карпош ги демантира наводите дека градоначалникот Сотир Лукровски си има поднесено оставка. Тој во овој момент користи боледување и е привремено отсутен поради здравствени причини, за што замолуваме за разбирање“, соопштија од општината.

Скопје | пред 1 седмица

(Видео) МВР со детали за пожарот во Карпош: изгореа „ауди“ и „пежо“, оштетен и семафор

Две патнички возила целосно изгореа утринава во скопската населба Карпош, а од пожарот е оштетен и семафор, информираат од Министерството за внатрешни работи, додека истрагата за причините е во тек.Според официјалните информации, на 26.04.2026 околу 05:00 часот во СВР Скопје било пријавено дека на улиците „Орце Николов“ и „Никола Тесла“ биле опожарени патничко возило „ауди“ со гевгелиски регистарски ознаки, сопственост на К.К. (58), како и патничко возило „пежо 307“ со гевгелиски регистарски ознаки, сопственост на К.К. (25). Повредени лица нема.„Се преземаат мерки за расчистување на случајот“, соопштија од МВР.Претходно беше објавено дека пожарот избувнал на паркинг во близина на Технолошко-металуршкиот факултет, каде биле паркирани десетици возила, што создало ризик од поголема материјална штета. Благодарение на брзата интервенција на пожарникарите, огнот бил локализиран и спречено било негово проширување кон останатите автомобили и околните објекти.Станари од околните згради сведочат дека пред да го забележат пожарот слушнале звуци налик на пукање и почувствувале силен и непријатен мирис, по што излегле надвор и го виделе огнот.Во непосредна близина на местото на настанот се наоѓа и Амбасадата на Унгарија, но засега нема информации дека објектот бил загрозен.

Скопје | пред 3 седмици

(Видео) Голем пожар во скопски Карпош утринава: изгореа два автомобили, сомнежот е дека намерно се запалени

Два автомобили целосно изгореа утринава околу 5 часот на паркинг во близина на Технолошко-металуршкиот факултет во Скопје, при што благодарение на брзата интервенција на пожарникарите беше спречено ширење на огнот кон други возила и објекти.Според сведоштва на станари од околните згради, пред да го забележат пожарот, слушнале звуци налик на пукање и почувствувале силен и непријатен мирис.Пожарот избувнал на паркинг простор каде биле паркирани десетици автомобили, што дополнително ја зголемило опасноста од поголема материјална штета. Огнот зафатил две возила кои целосно изгореле.Жителите од околината изразуваат сомнеж дека пожарот можеби е подметнат, но засега нема официјална потврда за причините.Во непосредна близина на местото на настанот се наоѓа и Амбасадата на Унгарија, но нема информации за евентуално загрозување на објектот.Надлежните служби извршиле увид, а полицијата треба да утврди како дошло до избувнување на пожарот.

Скопје | пред 3 седмици

(Видео) Кучиња трчаат по луѓе во Карпош, избегнат напад во последен момент

Граѓани алармираат за појава на глутница кучиња во населбата Карпош, во близина на Скопје Сити Мол, каде, според нив, животните веќе два дена бркаат минувачи и создаваат чувство на небезбедност.Според сведоштва на жители, вчера се случил инцидент кога глутницата се стрчала кон девојка која шетала домашно милениче. Потенцијалниот напад бил спречен во последен момент, откако возач со автомобил интервенирал и ги оттурнал кучињата.Жителите тврдат дека ова не е изолиран случај и дека кучињата агресивно реагираат кон луѓе, особено кон оние кои шетаат миленици.„Веќе два дена трчаат по луѓе, страв е да се помине“, велат дел од граѓаните.Случајот повторно го отвора прашањето за контролата на бездомните кучиња во главниот град и реакцијата на надлежните институции, особено во делови со зголемена фреквенција на граѓани.

Скопје | пред 1 месец

Полициска акција во Карпош и Кисела Вода – приведени лица и десетици казни

Полицијата во ноќна акција во скопските општини Карпош и Кисела Вода изврши контроли во казина и угостителски објекти, при што беа констатирани повеќе прекршоци и изречени соодветни санкции.Акцијата била спроведена во периодот од 20:00 до 03:00 часот, со цел одржување на стабилна безбедносна состојба.„На 27/28.03.2026 во периодот од 20:00 часот до 03:00 часот, на подрачјето на општина Карпош и Кисела Вода полициски службеници од СВР Скопје извршија контроли во повеќе угостителски објекти и казина и презедоа повеќе мерки за одржување на стабилна безбедносна состојба“, информираат од МВР.Во Карпош биле контролирани шест угостителски објекти и две казина, при што едно лице било лишено од слобода за поседување дрога, три лица биле приведени за утврдување идентитет, а била изречена и една мерка по Законот за прекршоци против јавниот ред и мир.Дополнително, биле изречени 37 мерки по Законот за безбедност на сообраќајот на патиштата, а две возила биле подигнати со специјално возило „пајак“.Во Кисела Вода, пак, полициски службеници заедно со инспектори од Државниот пазарен инспекторат извршиле контроли во седум казина и седум угостителски објекти.„Во шест казина констатирани се прекршоци од Закон за пушење, Закон за лична карта како и Закон за приватно обезбедување, а кај еден угостителски објект е констатирано дека нема одобрение за летна тераса, а кај еден угостителски објект е констатиран прекршок за пречекорено работно време“, соопштуваат од МВР.За сите утврдени прекршоци се изречени соодветни мерки, а од полицијата најавуваат дека ваквите контроли ќе продолжат и во наредниот период.

Скопје | пред 1 месец

Општина Карпош со нов проект - фитнес и самоодбрана за жени и мажи

Од идната среда (1 април) во општина Карпош стартува реализацијата на проектот „Фитнес и самоодбрана за жени и мажи“. Овој проект е дел од програмските активности од областа на еднаквите можности меѓу жените и мажите за 2026 година, а реализатор на активноста е полицискиот боречки клуб „Базбедност“ од Скопје.Тренинзите ќе ги води искусен тим од стручни кадри, предводен од д-р Страшо Глигоров, доктор на науки од областа на кинезиологија и проф. д-р Јонче Ивановски, декан на Факултетот за безбедност – Скопје. Програмата е осмислена на начин да им овозможи на учесниците не само физичка кондиција, туку и практични знаења за лична безбедност и самоконтрола.Во рамки на овој проект, покрај трензините во спортската сала, предвидени се и активности на отворено: четири тренинзи на Кејот на реката Вардар и во Градскиот парк, како и четири спортско-рекреативни искачувања на планината Водно.Тренинзите ќе се одржуваат во спортската сала на ООУ „Петар Поп Арсов“ двапати неделно – секој понеделник и среда од 21 до 22 часот.Пријавувањето започнува од денеска (24 март) на следниов телефонски број 070/358-398.

Скопје | пред 1 месец

Општина Карпош субвенционира купување на нови велосипеди

Општина Карпош од 23.03.2026 година започнува со акција за субвенционирање на купувањето нови велосипеди, трицикли и карго велосипеди. Субвенцијата изнесува 30% од цената на велосипедот, со максимален финансиски износ до 5.000 денари.„Право на учество во акцијата имаат сите полнолетни жители на Општина Карпош кои ќе купат нов велосипед или трицикл од денот на објавување на повикот. Целта на оваа мерка е да се поттикне користењето на еколошки транспорт и подобрување на квалитетот на живот во општината“, информираат од Општина Карпош.Линк до ЈАВЕН ПОВИК https://shorturl.at/xdFaAБАРАЊЕ за субвенција за купување на нови велосипеди,трицикли и карго велосипеди https://shorturl.at/3XA5D

Скопје | пред 1 месец

Акциска контрола во Карпош: Шест лица приведени

Шест лица се лишени од слобода во акциска контрола што ја спроведе полицијата на подрачјето на скопската општина Карпош, соопшти Министерството за внатрешни работи.Акцијата била реализирана во текот на ноќта меѓу 13 и 14 март во близина на спортски центар, при што полициски службеници од Единицата за недозволена трговија при СВР Скопје извршиле проверка на идентитет и преглед на вкупно 33 лица.Во рамки на контролата лишени од слобода се Љ.П. (42), С.Н. (45), Љ.А. (43) и И.Ц. (37), сите од Скопје, како и М.С. (33) од Неготино и Е.Л. (21) од Република Албанија.При прегледот кај нив била пронајдена и одземена бела прашкаста материја, грутчеста материја, марихуана и друга прашкаста материја.Од МВР информираат дека по целосно документирање на случаите против приведените лица ќе бидат поднесени соодветни пријави.

Скопје | пред 2 месеци

ЈП „Лајка“ ќе заловува бездомни кучиња во Карпош

Локалната самоуправа ќе воспостави меѓуопштинска соработка со Град Скопје, за заловување и собирање на бездомни односно нерегистрирани и регистрирани кучиња, кои ќе бидат затекнати на јавните површини на подрачјето на Карпош.Поддршка за оваа Одлука дадоа советниците од Општина Карпош, кои во рамки на денешната 10-та седница одлучуваа по 13 точки кои се најдоа на дневниот ред. Поврзано со оваа Одлука, Градот Скопје ќе учестувува во меѓуопштинската соработка со обезбедување трајно и квалитетно вршење на заедничката надлежност на целото подрачје на главниот град, преку Јавното претпријатие „Лајка“ – Скопје, како и со сопствени финансиски средства за таа намена. Во случајов, Општина Карпош ќе учествува во меѓуопштинската соработка со предвидени финансиски средства во износ од 2.000.000 денари поединечно за таа намена. За реализација на оваа Одлука, градоначалникот на Општина Карпош ќе склучи договор со градоначалникот на Град Скопје и директорот на јавното претпријатие во форма и содржина пропишана со Законот за меѓуопштинска соработка, во кој детално ќе се уредат прашањата за начинот и условите за вршење на заедничката надлежност, начинот на исплата на финансиските средства и други прашања од значење за меѓуопштинската соработка.Во рамки на денешната седница, советниците едногласно ја поддржаа Предлог – Одлуката со која Советот даде согласност, Општина Карпош да аплицира на Јавниот повик насловен како „Повелба на градоначалници на Југоисточна Европа – Зелени шампиони 2026 година“. Крајниот рок за аплицирање на Јавниот повик е 24 март 2026 година, а инаку станува збор за проект за имплементирање на мерки од областа на енергетската ефикасност и обновливи извори на енергија, во рамки на спортската сала „Наум Наумовски - Борче“.Воедно, Општината ќе аплицира на споменатиот Јавен повик чија крајна цел е поставување на комбиниран фотоволтаичен систем (фотоволтаици и соларни панели), на покривот на спортската сала „Партизан“, за добивање на електрична и топлинска енергија за потребите на култниот спортски објект.Советот го усвои и Годишниот извештај за извршување на Буџетот на Општина Карпош за 2025 година, како и Годишната сметка на Буџетот на локалната самоуправа за 2025 година. Во таа насока беше усвоена и Завршната сметка на Општина Карпош за 2025 година, која е изработена врз основа на Законот за буџетите и  Законот за финансирање на единиците на локалната самоуправа.Според образложението на овој документ, вкупните приходи на консолидираниот буџет се предвидени во износ од 1.872.582.953 денари и се релизирани вкупни приходи во износ од 1.533.995.339 денари или поточно 82% на реализација. Додека пак, приходите на општинскиот буџет се предвидени во износ од 1.061.771.953 денари, а се реализирани приходи во вкупен износ од 779.791.945 денари, или вкупно 73% на реализација во однос на Буџетот.Со истата динамика, советниците ја поддржаа и Предлог – Одлуката за измена на распоредот на средствата на Буџетот на Општина Карпош за 2026 година. Во Предлог – Одлуката за  измена на распоредот на средствата  на Буџетот на Општина Карпош за 2025 година се предлага да се извршат измени во расходниот дел на Буџетот.За таа намена, измени се вршат во колоната на Буџет  во програмата  EOO- Oпштинска администрација каде што се врши намалување на  контата Привремени вработувања  во износ од 3.000.000 денари, и се намалуваат средствата  во износ од 4.800.000 денари, на конто  Плаќање по судски решенија.Исто така  се намалуваат средствата и во програма ВАА - Капитални расходи за детски градинки на конто Реконструкција на други објекти во износ од 4.800.000 денари. Се намалуваат средствата и во програма ФАО-Уредување на градежно земјиште, на конто надомест за одземен имот во износ од 2.400.000 денари. Средствата во програмата ВАА-Капитални расходи за детски градинки се зголемуваат во износ од 15.000.000 денари, на конто Купување на друг мебел, а зголемувањето на средствата е заради  купување на нов мебел за потребите на новоизградената детска градинка „Мајски Цвет“ во Тафталиџе 1.Со поддршка на Советот беше усвоена Одлуката за формирање на Локален Совет за превенција на Општина Карпош,  како советодавно и координативно тело кое ќе остварува соработката и ќе го зајакне влијанието на јавноста во работата на полицијата. Целта на Локалниот Совет за превенција се состои во изградба за заеднички препораки за подобрување на јавната безбедност на подрачјето на општина Карпош, како и градење на доверба и партнерски односи во превенирањето на појавите што влијаат на јавната безбедност и безбедноста на сообраќајот на патиштата.Со Локалниот Совет за превенција заседава градоначалникот Сотир Лукровски, а на покана од Општината учествуваат претставници од локалната и централната власт, како и од различни владини и невладини организации и други релевантни субјекти, кои по потреба се вклучуваат во работата на Советот.Консензус беше постигнат и за Предлог – Одлуката за давање согласност за користење на Малата сала, која е составен дел од спортската сала „Наум Наумовски Борче“ – Партизан. Во случајов, корисниците имаат право да го користат објектот, во точно утврдените (бараните) термини и само за извршување на дејностите за кои што е наменет објектот (боречки спортови, фолклор, модерни танци, аеробик, пилатес и сл.). За истата цел беше поддржана Одлуката задавање согласност за користење на повеќенаменската сала, која е дел од спортскиот објект „Наум Наумовски Борче – Партизан“. И во овој случај корисниците имаат право да ја користат салата, во точно утврдените (бараните) термини и само за извршување на дејностите за кои што е наменет објектот (кошарка,фудбал,одбојка и ракомет). Позитивно мислење доби и Предлог – Одлуката за давање согласност за користење на хол за пинг понг, кој исто така е дел од спортската сала „Наум Наумовски Борче“. Висината на надоместокот за користење на делот од салата „Партизан“ за намена пинг – понг за времетраење од 60 минути (еден термин) ќе изнесува 300 денари со вклучен ДДВ.Советниците дадоа „зелено светло“ за Предлог – Одлуките со кои Општина Карпош ќе додели парични средства во вид на финансиска помош, за лекување на двајца нејзини жители. Согласност доби и Предлог – Решението за изменување и дополнување на Решението за разрешување и именување на член во Управниот одбор на детската градинка „Орце Николов“., информираат од Општина Карпош.

Скопје | пред 2 месеци

Карпош ги отстранува отпадните возила на сопствениците кои не постапиле по инспекциските налепници

Во соработка со колективниот постапувач - Друштво за управување со отпад „ГРЕЕН РОАД “ДООЕЛ Скопје, Општина Карпош продолжи со акцијата за подигнување на стари отпадни возила без регистарски таблички, кои се наоѓаат на територијата на локалната самоуправа.Согласно позитивните законски прописи, Општината со соодветна налепница ги информира сопствениците за нивната законска обврска да ги дислоцираат возилата од односната локација. По истекување на рокот, Општина Карпош во корелација со овластениот колективен постапувач, го извршува дислоцирањето на возилата.Повторно апелираме до сите граѓани кои поседуваат ваков тип на возило и на кое веќе е залепена налепница и е спроведена инспекциска постапка од страна на официјалните инспекциски служби од Општина Карпош, да ги отстранат своите возила. Доколку не го сторат тоа, возилата ќе бидат отстранети на трошок на сопствениците и ќе бидат транспортирани во собирен центар-депо, каде што ќе бидат оставени седум дена, а потоа ќе бидат однесени на рециклирање. Акцијата ќе продолжи се до конечно подигнување и отстранување на сите отпадни возила од територијата на локалната самоуправа“, велат од Општина Карпош.

Скопје | пред 2 месеци

(Видео) Канализација се излива во Горно Нерези, алармираат Независни за Капош

Граѓанската иницијатива „Независни за Карпош“ алармира за сериозен проблем со канализацијата во Горно Нерези, каде прекината или недоизведена цевка доведува до отворен излив кој ја загадува околината. Тие велат дека општината продолжува да издава одобренија за градби без да реши основни инфраструктурни проблеми како водоснабдување и канализација.Ова е прекината или недоизведена цевка за канализација во падините на Горно Нерези.Општината упорно издава одобренија за градби како рурален дел, со урбанистички проекти, не земајќи во предвид дека водоснабдувањето и канализацијата се нерешени во овој дел.Така доаѓаме до оваа слика на отворен излив на канализација, делот над Вила Ина кој интензивно ја загадува околината.На неколку наши барања за приоритет на изведба и решавање на канализација и водоснабдување за Горно Нерези, немаме одговор.Со темпото со кое во минатиот период се издадени одобренија за градба во тој дел, а без никаква инспекциска контрола, ова е редовна слика и на други делови.Реакција е потребна веднаш и сега“, велат од граѓанската иницијатива Независни за Карпош.

Настани | пред 2 месеци

Општина Карпош исчисти неколку мини депонии во Злокуќани и Бардовци

Општинските служби задолжени за одржување на чистотата во Карпош, интензивно и секојдневно работат на расчитување и одржување на јавните површини.Во текот на минатата недела службите го чистеа теренот во урбаните заедници Злокуќани и Бардовци на повеќе локации при што е подигната значајна количина на шут и ѓубре од неколку мини депонии. При секојдневните активности за чистење беа опфатени и дел од улиците и јавниот простор во овие населени места сè со цел хигиената и чистотата да бидат на задоволително ниво за нашите жители.Ваквите акции за чистење на јавниот простор во Општина Карпош се дел од секојдневните работни активности на службите за одржување на хигиената и во наредниот период етапно ќе се чистат и останатите површини на наша територија“, информираат од Општина Карпош

Скопје | пред 2 месеци

Сосетка со тешки обвинувања по трагедијата во Карпош: 150 стана не успеавме да те сочуваме од монструмот кој секојдневно те малтретираше и тепаше

По трагедијата во Карпош, каде што по пад од зграда животот го загубија мајка и малолетно девојче, на социјалните мрежи се огласи Тања Спировска, која се претставува како нивна сосетка, изнесувајќи сериозни обвинувања за долготрајно семејно насилство и институционален пропуст.„Почивајте во мир, Ивана и Кате. 150 стана не успеавме да те сочуваме од монструмот кој секојдневно те малтретираше и тепаше. Сите сме виновни во оваа приказна и ние и сите институции исто така“, напиша таа.Во објавата таа посочува конкретно лице како причина за трагедијата, повикувајќи јавноста да не ја обвинува мајката и наведувајќи дека, според нејзиното мислење, тоа бил „последниот излез од мракот во кој што била“.Објавата содржи и тешки навреди и повици на насилство кон лицето што го споменува, што дополнително ја разгоре јавната дебата на социјалните мрежи.Надлежните институции засега водат истрага за околностите под кои се случил настанот. Од Обвинителството претходно соопштија дека се преземаат мерки за утврдување на причините, како и разговори со лица што би можеле да имаат сознанија за случајот.Јавноста повикува на целосно расветлување на настанот и утврдување на евентуална одговорност, доколку се потврдат наводите за претходно пријавувано насилство.МВР и Обвинителството до овој момент немаат доставено податоци за тоа дали и колку пријави имало од страна на сега починатата девојка.

Коментари | пред 2 месеци

Семејно насилство треба да се казнува повеќе од обичното насилство, под итно реформа на Центрите за социјална работа, вели Апасиев

По трагедијата во скопската населба Карпош, каде што животот го загубија мајка и малолетно дете, пратеникот и лидер на Левица, Димитар Апасиев, побара построги казни за семејното насилство и радикална реформа на центрите за социјална работа.„Како што дрска кражба се казнува повеќе, а не помалку од обична; како што убиство со умисла се казнува повеќе, а не помалку од убиство на миг; така и СЕМЕЈНО НАСИЛСТВО треба да се казнува повеќе, а не помалку од обично насилство – оти една од основните функции на семејството е заштитната! А каква ‘заштита’ имаш ако дома маж ти те тепа секој ден?“, напиша Апасиев.Тој во објавата дополнително посочи дека, според него, е неопходна „под итно радикална реформа на заостанатите центри за социјална работа“, оценувајќи дека тие се исполнети со „неспособни и нестручни партиски кадри“.Трагедијата предизвика силни реакции во јавноста, а случајот е предмет на истрага од надлежните институции.

Коментари | пред 2 месеци

ООУ „Владо Тасевски ќе добие современо спортско игралиште

Во тек се градежните активности за целосна реконструкција на постојното спортско игралиште во училишниот двор на ООУ „Владо Тасевски“, во урбаната заедница „Кузман Јосифовски-Питу“ (во населбата Козле).Реконструкцијата ќе опфати вградување на нов тампон, асфалт и рабници. Зафатнината на игралиштето изнесува 600 метри квадратни, а изведувач на работите е фирмата ДПГТТУ „Филип Инженеринг“ ДООЕЛ. Вредноста на проектот е 1.842.452 денари.Во зависност од временските услови, се очекува спортското игралиште да биде пуштено во употреба кон крајот на март или почетокот на месец април.Ова училишно спортско игралиште, долги години беше во незавидна состојба и со реконструкцијата, учениците од основното училиште „Владо Тасевски“ ќе можат да ги извршуваат своите физички активности на квалитетено надворешно спортско игралиште, но и помладите генерации од населбата Козле ќе добијат современ спортски терен на кој ќе може да спортуваат и да се рекреираат.Општина Карпош и во иднина ќе вложува финансиски средства во реконструкција, ревитализација и осовремување на спортските игралишта во рамките на училишните дворови во основните општински училишта, се со цел, учениците и младите да имаат модерни, квалитетни и функционални спортски терени кои ќе ги користат за спорт и спортски активности“, информираат од општина Карпош.

Скопје | пред 2 месеци

(Видео) „Кој знае – прави, кој не знае – брои“: Јакимовски објави кои проекти ќе беа готови за 100 дена

Ексградоначалникот на Карпош, Стевчо Јакимовски објави видео на Фејсбук во кое вели дека доколку победел на локалните избори, немало да брои 100 дена, туку завршени проекти.„Градинката „Мајски Цвет“ во Тафталиџе 1 веќе ќе беше вселена.„Пролет“ кај Канела ќе беше во завршна фаза – а децата на 1 мај ќе влегуваа во нов простор, не во ветувања.Спортската сала во ООУ „Димов Хаџи Димов“? На 8 март ќе сечевме лента.Улиците Петар Чаулев, Козле 3, Софиска, Џумајска, Јуриј Гагарин, Загребска, Атинска, Бранислав Нушиќ, Трифун Бузев – ќе беа завршени.Канализациите во Бардовци и на Ловќенска ќе беа решени.Потпорниот ѕид на Загребска ќе беше безбеден, а не тема за оправдувања.Проектите за катни гаражи во Карпош 1 и Карпош 2 ќе беа готови, со распишани тендери.Значи, не е прашањето во деновите. Прашањето е во посветеноста.Кој знае – прави. Кој не знае – брои.А денот се познава по утрото.Како што почнаа овие 100 дена – така ќе изгледаат и следните 1.000. – вели Јакимовски.

Скопје | пред 2 месеци

Скопје нема да биде „на вода“, не очекувајте комплекс покрај Вардар

По многуте шпекулации дека на кејот на Вардар кај Карпош ќе никнат згради, од кои ќе се направи комплекс „Скопје да вода“, Општина Карпош тврди дека станува збор за измислици.„Груба лага и манипулација се тврдењата за некакви проекти налик на искуства од други држави во регионот. Ниту сме планирале ваков тип на урбанизација ниту планираме. Свесното извртување на факти и пласирањето на ноторни лаги е опасна игра со јавноста која остро ја осудуваме.Во име на транспарентноста и отворената комуникација која Општина Карпош ја води со граѓаните, по низата шпекулации и лажни вести кои се проширија, должни сме пред севкупната јавност да ги посочиме следните факти: Работиме на средување на урбанистичкиот хаос кој го наследивме во Општина Карпош Сите започнати постапки од претходното раководство, преку надлежната комисија за урбанизам се дадени на ревидирање и повторно разгледувањеСето ова е преземено со цел да се заштити интересот на граѓаните, развојот на зелениот простор во општината, хуманото уредување на просторот во рамки на законската регулатива.Карпош ќе се развива според потребите на карпошани и во директна консултација со карпошани. Новото раководство на општината ќе работи само и исклучиво во интерес на граѓаните на Општина Карпош.За сите информации кои произлегуваат од постапката за донесување на детален урбанистички план во иднина, преку анкети и сооштенија, навремено и транспарентно ќе бидат информирани граѓаните и пошироката јавност“, велат од Општина Карпош.

Скопје | пред 2 месеци

(Видео) Маж бегаше од глутница кучиња која повторно се појави во Карпош 4, жителите стравуваат за безбедноста

Глутница бездомни кучиња повторно се движи низ населбата Карпош 4, и тоа во реонот кај Скопје Сити Мол, Тафталиџе 1 и Тафталиџе 2, како и во близина на мостот „Влајко“. Ова следува откако претходно, по поплаки од жителите, интервенираше ЈП Лајка со заловување на кучиња од овој дел на општината.Жителите изразуваат загриженост, особено поради снимка на која се гледа како дел од кучињата се движат кон минувач на пешачката патека спроти трговскиот центар и лаат, по што тој со трчање бега. Дополнителен ризик, според нив, претставува фактот што во овој реон често се шетаат граѓани со своите домашни миленици, при што постои страв од можен напад.Се појавија и сомневања дека кучињата повторно се донесени од друга локација, иако за тоа засега нема официјална потврда од надлежните институции.Од Општина Карпош е побарано формирање кризен штаб и преземање конкретни мерки за трајно решавање на проблемот. Барањето го иницираше советничката група „Независни за Карпош“. Во текот на денешниот ден се очекува повторна интервенција на ЈП „Лајка“ на терен.

Скопје | пред 3 месеци

„Лајка“ ги заловува кучињата во Карпош кои наводно биле донесени од Албанија

Јавното претпријатие „Лајка“ информира дека викендов биле добиени повеќе пријави од граѓани за појава на поголема глутница кучиња без ушни маркици на територијата на Општина Карпош. Од утринските часови, екипите на претпријатието се на терен на посочената локација, каде што се спроведува безбедно и хумано заловување на животните, во согласност со законските процедури и стандардите за благосостојба.Од „Лајка“ посочуваат дека само во изминатите два месеци од истата локација биле заловени вкупно 19 кучиња. И покрај тоа, повторната и континуирана појава на нови животни на истото подрачје, според претпријатието, отвора сериозен сомнеж дека одредени лица или субјекти организирано вршат дислокација на бездомни кучиња во Скопје, наместо да применат законски и хумани решенија во општините од кои потекнуваат.Ваквата практика, како што нагласуваат од ЈП „Лајка“, е недозволива, нехумана и потенцијално опасна. Кучињата се изложуваат на дополнителен стрес, глад и ризик од повреди, а истовремено се зголемува и заканата по јавната безбедност. Дополнително, ваквото постапување директно го нарушува системот за контрола на популацијата на бездомни животни и ги обезвреднува напорите за стерилизација, вакцинација и одговорно управување.Од претпријатието упатуваат апел до надлежните институции за засилен надзор и соодветно санкционирање на ваквите појави, а до граѓаните – навремено да пријавуваат секој сомнителен транспорт или напуштање на кучиња. Само преку заедничка одговорност и доследно почитување на законот, потенцираат од „Лајка“, може да се обезбеди хуман, одржлив и системски пристап кон решавање на проблемот со бездомните кучиња.Претходно, Анима Мунди посочија дека се сомневаат дека кучињата се донесени од Албанија.

Скопје | пред 4 месеци

Голомразица во Нерези, екипи на терен

Општина Карпош информира дека поради временските услови и појавата на голомразица на коловозните ленти, вечерва била извршена интервенција на патниот правец од Долно кон Горно Нерези.Општинските служби фрлиле сол со цел да се подобри безбедноста во сообраќајот и да се спречат евентуални незгоди поради лизгавиот коловоз.Од Општина Карпош велат дека се подготвени за претстојните зимски временски услови и дека заедно со екипите на економскиот оператор ќе постапуваат навремено и одговорно, согласно состојбата на терен.Општината апелира до граѓаните и возачите на зголемена внимателност при движењето, особено во повисоките делови каде што постои ризик од појава на голомразица.

Скопје | пред 5 месеци