ОХРИД

Пецаков: И после 31 години, ние како Македонци, повторно сме пред предизвик, за да го зачуваме нашиот национален и идентитетски корен

Изминаа 31 година, кога сонот на многу генерации Македонци стана реалност, а нашата Татковина, Република Македонија ја прогласи својата независнот, вели градоначалникот на Охрид, Кирил Пецаков.„Во историски контекст краток период за една држава, но доволно долг за да ја потврдивме нашата цврста определба за демократска и просперитна Македонија.За жал и после 31 години, ние како Македонци, повторно сме исправени пред предизвик, кој треба и мора да го совладаме, за да го зачуваме нашиот национален и идентитетски корен.Овој ден, сигурен сум, ќе не обедини сите во вечниот стремеж за подобра Македонија. Уверен сум дека граѓаните на Охрид како непресушен вруток на македонската историја, култура и духовност ќе го дадат својот несебичен придонес за просперитетна иднина на сите граѓани.Да ни е среќен и вековит празникот“, додава тој.

Македонија | пред 3 години

Исплатен долгот од околу 20 милиони денари на сите училишта во Охрид

Градоначалникот на Охрид, Кирил Пецаков информираше дека е исплатен долгот од околу 20 милиони денари на сите училишта.„Воведовме нова мерка за првачињата, а тоа е 3000 денари за секое запишано прваче во основните училишта во Општина Охрид.Ја покачуваме висината на стипендиите за учениците од основните училишта. Сега тие ќе изнесуваат 2 000 денари.Предвидовме стипендии и за учениците од средните училишта. И тука ја покачивме вредноста и сега висината на овие стипендии ќе изнесува 2 000 денари.Стипендии се предвидени и за студентите. Тие ќе изнесуваат 3 000 денари.Воведовме новитет оваа година за студентите - „Образовен додаток“. Мерката е наменета за студенти од Општина Охрид кои студираат надвор од Охрид, а потекнуваат од семејства со социјален ризик. На овие студенти еднократно ќе им се доделат по 6000 денари.Продолжуваме со доделување на стипендии за лица со ретки болести и посебни потреби. И тука износот за учениците е зголемен и ќе изнесува 2000 денари, а за студентите, магистрантите и докторантите ќе изнесува 3000 денари.Го зголемуваме надоместокот за наставниците ангажирани во продолжен престој од 10 000 денари на 15 000 денари за пола работно време.Исто така новитет во оваа учебна година ќе биде вреднување на остварениот успех на учениците на натпревари во знаење. Покрај традиционалното доделување на признанија, од оваа година ќе има и парични награди за учениците и нивните ментори.И тоа, за прво место на државен натпревар во знаење ќе се доделува по 10 000 денари за ученикот и менторот, за второ место по 7 000 денари, за трето место по 4 000 денари.За освоено прво место на меѓународни натпревари ќе се доделува по 18 000 денари за ученикот и неговиот ментор, за второ по 15 000 денари и за трето по 12 000 денари.За првпат од оваа учебна година ќе се додели награда за „Првенец на генерација“ во основните и средните училишта. Наградата ќе изнесува 10 000 денари.Во две основни училишта започнува реализацијата на пилот проект „Италијански јазик во основното образовани“ каде факултативно ќе се изучува италијанскиот јазик.Во изминатиов период општинската комисија за трансформација ја заврши својата работа и за сите оние кои ги исполнуваа потребни законски услови побаравме да им бидат трансформирани работните места. Со ова го отргнуваме партискиот реваншизам од образованието.За учениците со посебни образовни потреби во основните и средните училишта кои имаат потреба од тутори или медијатори ќе им бидат обезбедени.Покрај финансиските стимулации за учениците во значајна мера ги подобривме и условите во училиштата. Се вршеше молерисување на училишните згради, се санираа тоалети, се вршеше промена на старата и дотраена дограма, се уредуваа дворовите, се вршеше промена на водоводна и одводна мрежа. Комплетно ја завршивме реконструкцијата на СОСУ „Св. Кирил и Методиј“, а во следниот период ќе пристапиме кон партерно уредување на дворот. Се набавија машини за чистење на подовите за средните училишта и се набавија смарт табли за ОЕМУЦ „Св. Наум Охридски“.Во текот на оваа учебна година продлжуваме со градежните зафати на училиштата. Очекувам до крајот на учебната година да нема санитарни јазли во школите кои не се реконструирани. Продолжуваме со набавка на училишна опрема и помагала, компјутери, смарт табли, клупи, книги за библиотеките. Изготвуваме проекти за инсталација на нови системи за греење и уште многу други проекти.‼ Тука нема да застанеме, квалитетно и модерно образование е нашиот врвен приоритет“, додаде Пецаков.

Македонија | пред 3 години

Во Охрид се одржа комеморација по повод смртта на Благоја Силјаноски

Во организација на Општина Охрид и новинарите на Охрид, во големата сала денес се одржа комеморација по повод смртта на Благоја Силјаноски.За Благоја зборуваа Градоначалникот на Општина Охрид, Кирил Пецаков и новинарот Милчо Јованоски.– Почитувани семејство Силјаноски,Примете го моето искрено сочувство.Благоја Силјаноски, целиот свој животен век го поминал афирмирајќи го Охрид на овој или оној начин. По завршувањето на основното училиште во родното село образованието го продолжува во охридската гимназија, потоа во Скопје и Прилеп каде што ги завршува последипломските студии и го одбранува магистерскиот труд здобивајќи се со звањето магистер по економски маркетинг.Работниот век го започнал во Радио Охрид, каде што работел од 1970 до 1975 година, како новинар, уредник и коментатор, а од 1975 година преминува во РТВ Скопје (сегашна МРТВ) како раководител на регионалниот дописен центар во Охрид. Извстувајќи за секојдневните активности во градот, но и репортажи за подобро запознавање на Охрид.Од 1990 до 1996 година, беше прв претседател на Собранието на Oпштина Охрид во самостојна суверена и независна Република Македонија. Во овој период бил и претседател на Заедницата на единиците на локалната самоуправа на Македонија, и ја предводел македонската делегација на Заедницата во Комитетот на локалните и регионалните власти при Советот на Европа во Стразбур, Франција. Во 1994 година, на слободните демократски парламентарни избори беше избран за пратеник од педесет и првата изборна единица во Собранието на Република Македонија.Покрај професионалните ангажмани, Благоја со литературно творештво се занимава од раните детски години кога пишува поезија за деца и објавува во повеќе детски списанија и во периодични весници. Со проза почнал да се занимава подоцна, пред крајот на работниот век. Досега ги објавил романите: Талкање – Винтрекс (2003), Бистем (2004), Векослов за светиот град (2004), Охридската инфарктштрасе (2005), Чемерни судбини (2005), сите во издание на НИД Микена од Битола. По романот „Стуткани сништа“ од 2007 година ја издава публицистичко – туристичката проза „Мирисот на патината“ посветена на Охрид. „Деволски краснопис “ е последно негово печатено дело во 2008 година.Добитник е на престижната награда „7ми Ноември“, сега „Свети Климент Охридски“ – Патрон на Охрид. За Благоја има и може да се зборува уште многу.Наша задача како млади генерации, обавувајќи ги истите или слични функции треба да ни биде следење на патот трасиран од нашите претходници. Почитување и афирмирање на позитивните вредности кој што ги оставиле нашите предци за како светилник водилка ние да ги оставиме за идните генерации. Верувам дека и Благоја ја имал и ја практикувал истата задача.Како што нашиот мудар народ рекол „Не можеш да умреш доколку е вечен споменот твој“. Нека биде вечен споменот на Благоја Силјаноски.Слава му! – рече градоначалникот Пецаков.Посмртните останки на Благоја Силјаноски ќе бидат изложени во капелата на Градските гробишта во Охрид во недела, 4 септември, од 12.00 до 12.30 часот.

Македонија | пред 3 години

Кирил Пецаков присуствуваше на пригодната свеченост за првооделенците по повод почетокот на новата учебна година

Градоначалникот Кирил Пецаков присуствуваше на пригодната свеченост за првооделенците по повод почетокот на новата учебна година, која се одржа во ООУ „Григор Прличев“ во Охрид. Во своето обраќање пред присутните градоначалникот рече:– Драги момчиња и девојчиња, драги наши првачиња, добре дојдовте во царството на буквите и бројките, царството на песничите и цртежите, царството на најубавите приказни и незаборавните игри.Особено ми е мило што имам можност да ги видам вашите весели очиња, да ја почувствувам радоста на вашиот прв училишен ден и да ви упатам најубави желби за успешен почеток. Неизмерно сум среќен што денес сум тука заедно со вас, во моето училиште, каде што пред 30 години и јас бев прваче како вас.Верувам дека сте возбудени и сигурно се прашувате што ли ќе се случува на овој ден. Се сеќавам колку трема имав и јас на мојот прв училишен ден, кога за прв пат се сретнав со другите првачиња, со кои во текот на годините што следуваа, делевме клупа, знаење и многу убави моменти, кои засекогаш се паметат. Тука ќе научите да читате и да пишувате, да броите и да сметате, но најважното нешто ќе го научите ќе биде способноста да споделувате, да бидете вешти и посветени.Училиштето ќе биде вашиот втор дом, место каде ќе ви биде убаво и каде што ќе се чувствувате сигурно, бидејќи вашите учителки ќе се грижат за вас исто како што тоа го прават и вашите родители. Тука ќе ги стекнете вашите први пријатели и ќе ги запознаете вашите први симпатии. Од денес па натаму, секој ден ќе ви биде поубав и поинтересен од претходниот и секој нов ден ќе откривате нови тајни и ќе станувате побогати со знаења.Бидете мирни, внимателни на часовите и решавајте ги училишните задачи. Само така ќе бидете примерни ученици кои ќе бидат пофалени и наградени со добри оценки. Вашиот училишен успех ќе ви овозможи да остварите високи цели со кои ќе бидете гордост на сите нас.Почитувани родители и ценети наставници „Најдобар начин да ги направите децата добри е да ги направите среќни“ рекол познатиот светски писател Оскар Вајлд, па токму затоа сакам да ви порачам да бидете трпеливи и секогаш позитивни, бидејќи само со таков пристап ќе може да бидете сигурни дека ќе ги пренесете вистинските пораки за човечност и добро воспитување.Како локална самоуправа во континуитет вложуваме во училишната инфраструктура и даваме поддршка за остварените успеси, а оваа година на мое големо задоволство за прв пат преку проектот „Нашите првачиња“ обезбедивме скромна помош за овие нови ученици.Радувајте се првачиња! Бидејќи овој ден е ваш ден, бидете ни секогаш здрави и насмеани и имајте многу многу петки!, истакна градоначалникот Пецаков.По повод првиот училишен ден, градоначалникот беше гостин и на пригодната свеченост во ООУ „Ванчо Николески“ во село Лескоец, каде што исто така ги поздави присутните.

Охрид | пред 3 години

Пецаков горд на Пејчиновски: Марко е најмладиот што го преприлвал Охридско Езеро, со рекорд кој никој не го постигнал

„Денеска остварив средба со младиот пливачки херој Марко Пејчиновски, кој изминатиот викенд исплива 64 километри во водите на Охридското Езеро, на релација Охрид – Струга – Свети Наум – Охрид“, напиша Кирил Пецаков, градоначалник на Општина Охрид.Тој посочи:Фасциниран сум од храброста и посветеност на овој исклучителен млад охриѓанец и не постојат доволни силни зборови со кои може да се упати најсоодветна честитка за неговите легендарни подвизи во пливањето, на кои се горди сите охриѓани.Како и до сега Општина Охрид ќе дава поддршка на младиот Марко со надеж дека и во иднина ќе продолжи да биде спортски пример за неговите врсници и идол за идните генерации.Со Марко разговаравме за условите за развој на индивидуалното пливање и водените спортови во Охрид при што беше потенцирано дека е потребно што поскоро да се создадат услови за тренинзи во затворен простор, што е од особена важност во зимските месеци.Марко Пејчиноски има 16 години и е најмладиот пливач кој го препливал Охридското Езеро од Охрид до Свети Наум во двата правци. Со последниот пливачки подвиг, Марко ги заврши најавените 10 препливувања на разни релации на Охридското Езеро, во вкупна должина од 250 километри, што е своевиден рекорд, кој до сега не го постигнал ниту еден пливач.

Охрид | пред 3 години

Во Охрид започна четвртото издание на Балкански поетски камп за млади „Ванчо Николески”

Со поздравно обраќање на градоначалникот, Кирил Пецаков денеска во Охрид започна четвртото издание на Балкански поетски камп за млади „Ванчо Николески”.На младите поети и поетеси од земјава и странство градоначалникот Пецаков им посака пријатен престој во Охрид во кој се кријат многу мотиви за идна творечка инспирација.– Огромно е задоволството да се биде меѓу младите поети и поетеси од Македонија и неколку балкански земји чии напишани стихови со воодушевувење сакаме да ги прочитаме или слушнеме, а кои се гаранција за нивниот иден авторски успех во светски рамки. Особено се радувам на ваквите настани затоа што со нив се збогатува културната понуда на Охрид и се разменуваат ставови и искуства на млади пишувачи на убавиот збор од повеќе земји.Во време на дигитално општество, кога социјалните мрежи стануваат доминантни на комуникациски план станува реткост да се прочита проза или поезија од пишуван труд. Пишувањето и читањето се особено значајни во процесот на социјален развој на единката и затоа секогаш треба да се преферираат и негуваат.На сите вас учесници на Балканскиот поетски камп ви посакувам пријатен престој во Охрид со желба да доловите барем дел од неговите убавини. Посетете ги нашите убави манастири и цркви, одете на Плаошник или влезете во Самоиловите крепости. Доколку ве послужи времето одете на некоја од бројните плажи,а ноќта минете ја крај охридското езеро. Сигурен сум дека тука кај нас ќе најдете многу мотиви за вашите наредни поетски творби– рече градоначалникот Пецаков.Учесниците на настанот ги поздрави и претседателот на Друштвото на писателите на Македонија, професор д-р Христо Петревски.Учесниците на балканскиот поетски камп е предвидено да присуствуваат на одделни манифестации на Меѓународниот семинар за македонски јазик и литература, при УКУМ, како и на поетскиот фестивал „Струшките вечери на поезијата“. Тие ќе ја посетат општина Дебрца и Вевчани.Младите поети и поетеси се од Македонија, Украина, Албанија, Бугарија. Виртуелно вклучување на настанот ќе имаат поети од Хрватска и Србија.Инаку, кампот се одржува под покровителство на Светската академија на поезијата, при УНЕСКО, додека претседателот на Македонија , Стево Пендароски, испраќа посебно Послание до учесниците.

Охрид | пред 3 години

Размена на ученици меѓу Охрид и Приједор во БиХ, Пецаков со детали за соработката

„Денеска остварив средба со делегација на Општина Приједор од Босна и Херцеговина предводена од Претседателот на градскиот Совет, Мирсад Дуратовиќ и раководителот на општинскиот сектор за култура, Монја Касаловиќ.На средба се разгледуваа можностите за зајакнување на соработката меѓу Охрид и Приједор во повеќе општествени сфери пред се туризам, култура и образование“, обзнани Кирил Пецаков - Градоначалник на Општина Охрид.Тој додаде:„Заеднички беше заклучено дека само со посредство на туристички оператор може да се донесат поголем број на босански туристи на охридската ривиера кои годинава се побројни во однос на претходните.Се разгледуваа и можностите за размена на ученици, односно средношколци од Охрид да зимуваат во Охрид, а ученици од Приједор да летуваат во нашиов град.На состанокот се разгледуваа можностите за организирање „Охридска вечер“ во Приједор односно туристичка и културна промоција на Охрид во Босна и Херцеговина како и заедничко настапување пред меѓународни фондови“.

Охрид | пред 3 години

Во Охрид ќе има фестивал на виното, ќе настапуваат супер македонски ѕвезди

Од 8ми до 10ти Септември на улица „Кеј Македонија“ спроти хотелот „Палас“ ќе се одржи „Охридски фестивал на виното“.„За добра забава ќе бидат задолжени охридските бендови „Камелеон“ и „Бекдор бенд“ , а свој настап ќе има и Ѓоко Танески. На фестивалот ќе настапат и Дј Винофест, Фолтин, Александар Јосифовски, Ареа, Наум Петрески, Нина Јанева и Супехикс.Дополнително за добро расположение ќе придонесат и македонските винарии кои убавите музички звуци ќе ги надополнат со квалитетно македонско вино.Охриѓани и гостите заслужуваат да имаат вакви убави културни манифестации.

Актуелно | пред 3 години

Започна 13. издание на Охридскиот хорски фестивал

Градоначалникот на Охрид, Кирил Пецаков вечерва го отвори 13тото издание на Охридскиот хорски фестивал„Вечерва имав чест да присуствувам на свеченото отворање и да го прогласам за отворено 13тото издание на Охридскиот хорски фестивал.Охридскиот Хорски фестивал заедно со фестивалот Охридско Лето и Балканскиот фестивал на народни песни и ора полека но сигурно го зазема приматот на културната мапа на Охрид и Македонија. Неговото значење е огромно не само на културен туку и на научно образовен, туристички и економски план затоа што од година во година расте бројот на посетители и гости кои доаѓаат во Охрид со желба да ја слушнат духовната музика и да бидат дел од ова случување кое се одржува неколку ноќи на различни локации во градот.Посакувам успешно фестивалско издание и реализација на секоја содржина што сте ја предвиделе. Секако да одвоите време и за себе, да се прошетате низ убавиот Охрид кој е идеален склоп од традиционалното и модерно време. Посетете ги културно историските знаменитости, влезете во барем една од 365- те охридски цркви. За миг „заминете“ неколку столетија во минатото со посета на Античкиот театар и бидете дел од царска Македонија кога ќе стапнете на Самуиловите крепости. Ноќите минете ги крај нашето убаво езеро слушајќи го неповторливиот шум на брановите или посетете некое од бројните кафулиња на охридската ривиера“, додава тој.

Македонија | пред 3 години

(ФОТО) Се расчистува Охрид по силното невреме кое го зафати попладнево

По поројните дождови екипите на ЈП Охридски Комуналец веднаш искочија на терен„По нестабилното време кое го зафати охридскиот регион во попладневните часови, проследено со поројни дождови и силен ветер, дежурните екипи на Ј.П.„Охридски Комуналец" веднаш излегоа на терен.Се интервенираше на критичните места каде од обилните врнежи се наталожија наноси од песок, земја и др., а посебен акцент се стави на охридската чаршија, градското шеталиште, како и во стариот дел од градот“, информираат од претпријатието.

Македонија | пред 3 години

Пецаков им порача: Џабе ви се бурните реакции, помина времето на задкулисни игри во јавните претпријатија

„Секогаш кога народот ти дава доверба, чесно и коректно е да работиш во нивни интерес, а не да ја манипулираш нивната доверба. За жал советничката Виолета Аврамоска тоа погрешно го протолкувала. Како луѓе избрани од народот за да не ја манипулирате нивната доверба потребно е да се запознаете во целост со Законите на Република Македонија, правилниците, уредбите и постапките кои се водат во инститцуиите“, вели Кирил Пецаков - Градоначалник на Општина Охрид.Тој додава:1. Поставувањето на Предлог-програмата за управување со градежно земјиште во сопственост на општината е Законска обврска и таа се носи еднаш годишно. Значи поставувањето на оваа точка на дневен ред не е скандал и воедно тоа не значи дека програмата ќе се рализира во целост. Тоа претставува законска обврска на Локалната самоуправа.2. Што се однесува на цената по метар квадратен, таа ја утврдува Владата на Република Македонија со Уредба за висина на цената на градежното земјиште во сопственост на Република Македонија. Во табеларниот приказ кој е во составен дел на Уредбата детално се прикажани ПОЧЕТНИТЕ цени на државното земјиште за отуѓување. Тоа значи дека Општина Охрид нема никаква надлежност за утврдување на цената на градежното земјиште.3. Доколку советникот Ванчо Костоски, кој три месеци е со престој во Соединетите Американски Држави, сака да води дневна локална политика треба редовно да ги чита службените маилови, па така ќе видеше дека станува збор за техничка грешка на службите за кои веќе е испратена исправка и немаше да изнесува факти истересени од ракав.Сакам да им порачам на охриѓани дека помина времето на криминално работење, задкулисни игри и раководење на јавните претпријатија со несоодветни дипломи. Можеби токму затоа се бурните реакции на одредени советници.

Охрид | пред 3 години

Пецаков до играчите на Ракометниот клуб Охрид: Продолжете да бидете убава слика за градот!

Градоначалникот Кирил Пецаков, денес, оствари средба со играчите, стручниот штаб и управата на Ракометниот клуб Охрид.На средбата градоначачникот Пецаков им посака успех во претстојната сезона и да продолжат да бидат една убава слика на градот. Претседателот на клубот изрзи благодарност за поддршката што Општина Охрид ја на клубот и во знак на благодарност капитенот на клубот Крсте Андоноски му врачи дрес на градоначалникот со неговот име.На крајот од средбата сите заедно посакаа повторно да се сретнат во овој состав за да прослават успех во натпреварувачката сезона.Повеќе

Охрид | пред 3 години

Атлетскиот клуб „Охрид ТрчаТ“ донираше атлетска опрема за основните училишта

Атлетскиот клуб „Охрид ТрчаТ“, денеска, донираше атлетска опрема за сите основни училишта во градот, информира градоначалникот на Охрид Кирил Пецаков.„Донацијата се состои од сет атлетски реквизити (40 маркери, 2 топки за одделенци, 4 хулахопи, 25 мали топчиња и две мали пречки) кои ќе бидат донирани за секое училиште.Атлетските реквизити ќе бидат наменети за најмалите ученици и ќе се од особено значење за професорите по физичка култура во делот на реализација на наставата по физичко образование со посебен акцент на атлетиката“, додава тој

Македонија | пред 3 години

Пецаков презадоволен: Се обезбедуваат учесници, бизнисмени нудат помош, маратон ќе има

Се прават напори да се обезбедат што повеќе учесници на Охридскиот пливачки маратон. Општина Охрид испраќа покани, најверојатно ќе има околу 20 пливачи, а се очекуваат одговори и од други спортисти. Кирил Пецаков, градоначалник на Охрид, кажа дека заинтересираност за помош има и од бизнисмени кои понудиле средства. Според него, со толкав обем на заинтересираност, која ако опстане, другата година нема да треба институционални средства.„Наградниот фонд од 10.000 евра ќе го покрие Агенцијата за млади и спорт, а за другите трошоци, Советот на Охрид ќе донесе одлука за доделување на 2 милиони денари од Општина Охрид. Тие ќе се префрлат на охридски клуб и ќе се организира маратонот. Уште пред два дена се известени пливачите за условите кои ќе бидат обезбедени и за условите кои ќе ги имаат од пристигнувањето во Охрид. Имаме позитивни одговори. Бројката се уште не се знае, ќе имаме околу дваесетина пливачи. Настрана од овие работи кои ги обезбедивме како институции, најголемата среќа за мене е што во текот на вчерашниот ден, многу охриѓани кои се успешни бизнисмени се понудија да помогнат“, кажа Пецаков.Тој додаде дека по вчерашната координација со клубови и организатори на други манифестации, дошло до заклучок дека маратонот ќе се одржи.„Неизмерна е среќата што Охридски пливачки маратон ќе има. Верувам дека секој охриѓанец го има истото чувство. Маратонот не е обична спортска манифестација, тој е многу повеќе од тоа. Тоа е чувство, сентиментално вкоренето во секој охриѓанец. Радосен сум бидејќи маратон ќе има, иако пред се исправија големи пречки. Водени од помислата дека маратонот опстоил 60 години, можеби и во потешки времиња од овие денеска, во него животен труд вложиле плејада охриѓани. Маратонот е традиција, а традициите се работи кои ги одржуваат луѓето во тешките мигови“, рече Пецаков.

Охрид | пред 3 години

Пецаков го спаси охридскиот пливачки маратон, ќе го организира општината

Градоначалникот Кирил Пецаков донесе одлука Општина Охрид да го организира овогодинешното издание на Охридскиот пливачки маратон. Ова дојде по координативниот состанок кој беше одржан утрово. Пецаков за „А1он“ ја потврди информацијата.Маратонот ќе биде поддржан и од спонзори, како и Агенцијата за млади и спорт. По долги години традиција и организација на маратонот од страна на Македонската пливачка федерација, ова ќе биде првпат, целата организација да ја прави Општина Охрид. На овој начин се спасува одржувањето на манифестацијата, бидејќи Федерацијата е со блокирана сметка и не можеше да го организира маратонот.Првиот човек на Охрид, Пецаков, уште вчера посочи дека е срамота да не се одржи манифестацијата која е белег на Охрид.„Општина Охрид беше целосно подготвена за техничката организација затоа што маратонот е голем промотор на нашиот град во светски рамки.Срамната одлука за неодружување на најголемата меѓународна спортска манифестација во Македонија доаѓа во годината кога се слави 60 години од првиот вистински маратон“, напиша Пецаков.

Охрид | пред 3 години