ТОП

„Бујар Османи е 20 години на функции без проекти за Чаир“ - Вреди порачува, „Чаир ќе избере човек кој ги познава проблемите и ги решава“

Коалицијата „Вреди“ обвини дека Бујар Османи и ДУИ стравуваат од пораз во Чаир и дека, како што наведуваат, граѓаните нема да поверуваат во нивните „лажни приказни“.„Османи е свесен дека неговата политичка кариера без конкретни резултати и проекти овој пат ќе заврши. Тој не е кандидат кој работел за Чаир, ниту пак помогнал на жителите на општината во изминатите 20 години. Секогаш бил присутен само кога имал личен политички интерес,“ стои во соопштението.Во него се додава дека Османи не придонел ниту за други албански општини. „Фактите се јасни: беше осомничен во предметот ‘Пациент’ и доби амнестија за незаконски набавки. Треба да одговори кому му должи за таа амнестија. Како министер за здравство има повеќе негативни извештаи од Државниот завод за ревизија за незаконско трошење милионски суми. Како министер за надворешни работи потроши 120 милиони денари за Самитот на ОБСЕ без соодветна документација, а заедно со Артан Груби го поддржа влезот на МТЕЛ и на српските казина во земјава,“ наведува „Вреди“.Во соопштението се истакнува дека Чаир не заслужува кандидат кој две децении живее од политички функции, без работа за граѓаните. „На 19 октомври Чаир ќе избере човек кој ги познава проблемите и ги решава, а не политичар кој се појавува само за да си ја пополни биографијата. Османи нека објасни зошто, иако целата своја кариера бил министер, не обезбеди ниту еден проект за албанските општини и не придонесе за изградба на улици, булевари, градинки или училишта во Чаир и западниот дел на државата,“ се вели во реакцијата.

Скопје | пред 7 месеци

Изгаснати пожарите во Сарај, екипите остануваат во готовност

Пожарите во општина Сарај, кои зафатија ниска вегетација кај Горно Свилари и од Радуша кон селото Дворце, се целосно изгаснати во раните утрински часови, а на терен останува надзор за спречување повторно разгорување.-Пожарите во општина Сарај, едниот кон Горно Свилари (ниска вегетација) и вториот од Радуша кон с. Дворце (ниска вегетација), се изгаснати во раните утрински часови од страна на БППЗ на Град Скопје.На терен интервенираа 5 екипи со 5 противпожарни возила, како и 2 специјализирани возила на ДЗС за гаснење на пожар на отворен простор. Во моментот нема активен отворен оган, а се забележуваат само точкасти чадења во внатрешниот согорен дел, кои не претставуваат опасност од ширење на пожарот.Состојбата се следи активно од страна на Главниот штаб, и доколку дојде до ново разгорување, интервенирањето ќе биде правовремено и целосно, информира ЦУК.

Скопје | пред 7 месеци

Пијан возач со мерцедес прегазил девојче во Македонска Каменица и избегал, приведен е по два часа потрага

Возач во алкохолизирана состојба со „мерцедес“ синоќа прегазил 13-годишно девојче во Македонска Каменица и побегнал од местото на несреќата. Полицијата го лоцирла и привела за помалку од два часа, информира Министерството за внатрешни работи.Несреќата се случила на 12 август, околу 23 часот, на улицата Каменичка, кога автомобил со италијански регистарски таблички удрил во малолетничката. Таа се здобила со тешки телесни повреди и била пренесена во Клиничката болница во Штип.По кратка потрага, возачот бил пронајден во 2.10 часот на 13 август. Алкотестот покажал присуство од 1,99 промили алкохол во крвта. Тој е приведен и задржан во полициската станица до целосно документирање на случајот.Против него ќе биде поднесена кривична пријава за безобѕирно управување со моторно возило.

Македонија | пред 7 месеци

Нова наредба на Трамп: Националната гарда распоредена во Вашингтон, ќе го контролира „криминалот“!

По наредба на американскиот претседател Доналд Трамп, во Вашингтон се распоредени припадници на Националната гарда, како дел од неговиот план за справување со, како што оцени, „целосно неконтролираниот“ криминал во главниот град на САД. Војниците се позиционирани кај споменикот на Вашингтон и во областа на Националниот мол, со задача да обезбедуваат логистичка, транспортна и административна поддршка на локалната полиција, потврди портпаролот на американската армија, полковник Дејв Батлер.Федералното распоредување на Националната гарда е дозволено во вонредни околности, но нивните надлежности се ограничени на заштита на федерален персонал и објекти, освен ако претседателот не прогласи бунт – што во овој случај не е направено. Според „Еј-Би-Си Њуз“, присуството на трупи има и симболична улога како потврда на одлуката на Трамп. Вojниците ќе имаат пристап до оружје, но нема да го носат.На прес-конференција, Трамп објави дека ја презема контролата врз полицијата во Вашингтон и ја активира Националната гарда, наведувајќи дека „нешто излегло од контрола“ и додавајќи: „Наскоро ќе го ставиме под контрола, како што направивме на јужната граница. Ова е Ден на ослободувањето за Вашингтон и ќе го вратиме нашиот главен град.“Околу 100 припадници на Гардата веќе ја презедоа должноста, а дополнителни сили се очекуваат во текот на неделата. Мандатот на Трамп за контрола врз полицијата во Вашингтон ќе трае 30 дена, по што Конгресот ќе одлучува за понатамошните чекори.Полковник Батлер додаде дека Гарда сè уште нема конкретна оперативна задача освен поддршката на полицијата, и дека мобилизацијата на преостанатите 800 членови ќе се одвива во текот на следната недела.Националната гарда е воена формација под двојна контрола – федерална, од страна на претседателот, и државна, под надлежност на гувернерот. Во случај на федерализација, како сега, гувернерот нема контрола врз трупите и само претседателот може да одлучи за нивното повлекување или пренасочување.

Свет | пред 7 месеци

УЈП со засилени контроли во градежниот сектор – на удар продажбата на станови, фиктивни цени и непријавени вработувања

Управата за јавни приходи најави интензивирање на даночните контроли во градежниот сектор, со цел откривање на „ризични состојби“ во работењето на дел од компаниите.На мета на инспекциите ќе бидат продажбата на станови по истекот на пет години од изградбата, договори со нереално ниски продажни цени, непријавени вработени и ангажмани, големи разлики меѓу реалниот обем на изградба и пријавените приходи, издавање фактури без прибелешки во јавните книги, како и неправилна примена на механизмот за пренос на даночната обврска (reverse charge).Како дел од Планот за подобрување на усогласеноста во градежниот сектор, кој стартуваше во јануари годинава, УЈП веќе испрати 318 персонализирани известувања до компании со повик да извршат корекција на одбивката на влезниот ДДВ во случаи кога продажбата се врши по пет години од изградбата.Законот предвидува дека првиот промет на станови во рок од пет години од изградбата се оданочува со повластена стапка од 5% ДДВ, додека продажбата по тој рок е ослободена од ДДВ, но без право на одбивка на претходно платениот данок.Од УЈП апелираат градежните компании доброволно да се усогласат со законските прописи за да избегнат казнени мерки и дополнителни контроли, со што, како што нагласуваат, ќе се обезбеди фер конкуренција и заштита на буџетските приходи.

Македонија | пред 7 месеци

(Видео) Радикален Ислам се шири во Идризово – бројките растат, вели Пандов

Директорот на Управата за извршување санцкии, Александар Пандов, во поткастот „Претрес со Ландов“ призна дека се шири радикален Ислам во шестото крило во Идризово. Тој посочи дека засега немаат решение, бидејќи нема ќелиски систем, а затворениците престојуваат во една просторија.Прашан како ќе го реши проблемот, рече: „Како...она што е интересно со тие ликови, тие во најголем дел од нив се исклучително примерни затвореници. Меѓутоа повторно доаѓаме до оној проблем – ти немаш начин како да ги изолираш. Тие се во група со поголем број затвореници. Немаме ние ќелиски систем, каде на крајот од денот, двајца такви радикали, ќе ги сместиш во разни ќелии и тоа е тоа“.Пандов додава: „Жален е податокот што наместо другите да исфрлат од овие радикализмот, напротив, овие го шират и помеѓу останатите затвореници“.Директорот вели дека бројките на приврзаници – растат.

Македонија | пред 7 месеци

Историски преседан: Путин за првпат во американска воена база, на средба со Трамп

Американските и руските лидери, Доналд Трамп и Владимир Путин, во петок ќе одржат прв билатерален состанок по повеќе од четири години, а местото на средбата е преседан – активна американска воена база на Алјаска.Како што објави CNN, изминатиот викенд американските организатори биле во трка со времето да најдат локација што ги исполнува безбедносните и техничките услови за ваков високоризичен самит. Поради туристичката сезона, изборот бил ограничен, па конечната одлука паднала на базата Joint Base Elmendorf-Richardson во Анкориџ.Ова ќе биде првпат руски претседател да влезе во американска воена база – дури и во периоди на релативно подобри односи по Студената војна, средбите се одржувале на неутрален терен или во цивилни објекти.Алјаска била избрана поради правните пречки за патување на Путин во Европа – налозите за апсење од Меѓународниот кривичен суд го исклучиле континентот од можните дестинации. Москва предложила Обединети Арапски Емирати, но Белата куќа сакала состанокот да се одржи на американско тло.Трамп јавно изјави дека на средбата оди „да ја испита ситуацијата“ без високи очекувања, додека аналитичарите предупредуваат дека самото прифаќање на состанок на вакво место е симболична дипломатска победа за Путин.Планирано е дел од разговорите да се одвиваат без присуство на советници, само со преведувачи – формат што во минатото предизвикувал политички контроверзии во САД. Самитот доаѓа во време на неизвесност околу можен мировен предлог од страна на Москва, а по неговото завршување Трамп ќе ги информира европските лидери и украинскиот претседател Володимир Зеленски за исходот.

Свет | пред 7 месеци

Ковидот замина од насловите, но не и од секојдневието - има болни! Нови доминантни соеви – Stratus и Nimbus

Иако Ковид-19 веќе одамна исчезна од дневните наслови, вирусот сè уште е присутен и тоа во форма што лесно се потценува. Симптомите често се прикриени или наликуваат на други сезонски заболувања, што го прави препознавањето потешко. Последниот извештај на Институтот за јавно здравје и тоа за првата недела од јуни покажува дека во Македонија се потврдени три нови случаи од 140 тестирани материјали, со просечна стапка на позитивност од 1,3 отсто.Епидемиолошката состојба е оценета како стабилна, но со предупредување дека намаленото тестирање и ограниченото известување го отежнуваат реалното следење на вирусот. Од почетокот на 2025 година во Македонија се евидентирани вкупно 49 заболени, со две починати лица едно во јануари и едно во април. Во истиот период тестирани се 5.631 примерок, а просечната позитивност е 0,9 отсто.Нови доминантни соеви – Stratus и NimbusИако бројките во Македонија се ниски, глобалната епидемиолошка слика покажува дека вирусот продолжува да се прилагодува. Моментално, здравствените власти ги следат двата доминантни соја – Stratus и Nimbus – кои во изминатите месеци брзо го зголемија своето учество меѓу новите случаи.Од мај до август, процентот на инфекции предизвикани од овие варијанти постојано расте, што укажува на висока преносливост. Според д-р Шерон Нахман од Stony Brook Children’s Hospital, и Stratus и Nimbus се „еднакво добри“ во инфицирање на домаќинот, но засега не се поврзани со потешка клиничка слика во споредба со претходните варијанти. Она што е забележливо е промената во симптомите – кај многу заразени се јавуваат интензивно гребење и болка во грлото, засипнатост и чувство дека „не можат да зборуваат или голтаат“. Овие симптоми, иако непријатни, најчесто не доведуваат до хоспитализација.Експертите предупредуваат дека двата соја имаат повеќе точки на мутација во однос на оригиналните варијанти од 2020, 2022 и 2023 година. Поголемиот обем на пренос значи и поголема можност за нови мутации, па есенската и зимската сезона може да донесат нов бран со различни соеви.Ковид во Македонија – сега болеста не предизвикува паника кај пациентитеФармацевтите велат дека статистиката не ја открива целата слика. Од една скопска аптека за Скопје1 велат дека во последните недели имале пациенти со скриени ковид симптоми, кај дел од нив и со сериозни компликации. Меѓу нив бил и лекар кој по инфекцијата развил перикардит – воспаление на срцевата обвивка.„Иако ретко се тестираат во лабораторија, има значителен број луѓе кои купуваат тестови за домашна употреба. Ако тестот е позитивен, некои се одлучуваат и за лекови како ивермектин,“ велат од аптеката.Додаваат дека значителен дел од новите случаи се лица кои се вратиле од одмор, најчесто од Албанија, а освен со ковид, како што велат, има и пациенти со други заразни болести и кожни проблеми.Во изјава за Скопје1, двајца пациенти кои од пред неколку дена се позитивни на ковид-19 раскажуваат како денес ја доживуваат болеста и како се справуваат со симптомите.„Сега веќе не е како во 2020-та, не се плашам воопшто. Искрено, мислев дека имам обичен стомачен вирус, имав дијареја и болки во стомакот, но и температура. Не ми падна на памет дека може да е ковид, сè додека не се појави кашлица“, вели Борче А, од Скопје, кој минатата недела се вратил од одмор.Вториот соговорник пак, кој на 15 август треба да патува, вели дека симптомите биле класични:„Температура, болки во грлото, омалаксаност...Купив тест од аптека и испадна дека сум позитивен. Се надевам дека ќе оздравам до петок за да можам са патувам, а совен тоа ивермектинот добро ми делува. Ковидот за мене е како дел од секојдневието, како што зборуваа многу епидемиолози, тој постојано ќе биде присутен – непријатно е, но не е онаа паника од порано.“Ивермектин – лек што предизвика полемикиИвермектин е антипаразитен лек кој со децении се користи за третман на инфекции предизвикани од различни паразити – како што се цревни нематоди и кожни паразитни заболувања, вклучувајќи шуга – и кај луѓето и кај животните. Развиен во доцните 1970-ти години, овој лек се смета за едно од значајните откритија во медицината, а доби и признание одСветската здравствена организација (СЗО) поради својата ефикасност против одредени тропски заболувања. За време на пандемијата на ковид-19, ивермектинот привлече внимание поради првични лабораториски истражувања кои сугерираа можен антивирусен ефект врз SARS-CoV-2.Ова доведе до широка, но често неконтролирана употреба во некои земји, иако голем број клинички студии и анализи, вклучително и од СЗО, Европската агенција за лекови (EMA) и Американската FDA, утврдија дека нема доволно докази за неговата ефикасност во превенцијата или лекувањето на ковид-19.Здравствените власти предупредуваат дека неправилната употреба на ивермектин, особено во повисоки дози од препорачаните, може да предизвика сериозни несакани ефекти – како оштетување на црниот дроб, невролошки симптоми и интоксикација.

Македонија | пред 7 месеци

Густ чад и силен ветер го отежнуваат гаснењето на пожарот во Јасен! „Пожарите се подметнати“

Густ чад го оневозможува гаснењето од воздух на пожарот во ловиштето „Јасен“, кој четврти ден се обидуваат да го стават под контрола екипи со хеликоптери, ер трактори и припадници на Армијата и МВР. Во текот на ноќта успеаја да изгаснат една од линиите над патот и да спречат огнот да навлезе во боровата шума.Според директорот на Дирекцијата за заштита и спасување, Стојанче Ангелов, пламените јазици зафаќаат стрмни и тешко пристапни делови, каде што на одредени места човечкиот пристап е невозможен. Утрово повторно се активира дел од пожарот на сртот, каде што се испратени екипи за да го запрат ширењето.„Од долната страна на патот, од капијата на ‘Јасен’ кон езерото Козјак, состојбата е многу лоша. Има густ чад и видливоста е мала, особено за леталата, па затоа не можеме да дејствуваме од воздух. На терен, покрај екипите на АРМ и МВР, има и тимови од ‘Јасен’ и ‘Национални шуми’, повеќе специјални возила и цистерни, а од вчера помагаат и пожарникари од Кавадарци со две возила,“ изјави Ангелов.Освен во „Јасен“, активен пожар има и во општина Сарај, од селото Радуша кон Дворце, каде што гори ниска вегетација. Во моментот не е закана, но може да се прошири кон планината Жеден. Во атарот на селото Крапа, во Македонски Брод, гори ниска вегетација и нискостеблеста шума.Во последните 24 часа се регистрирани 33 пожари на отворен простор, од кои три сè уште се активни, два се под контрола, а 28 се изгаснати. Ангелов посочува дека дел од пожарите се подметнати, бидејќи бројот од вчера повторно е многу висок, а дополнителен проблем претставува и силниот ветер.

Македонија | пред 7 месеци

Охридскиот рамковен договор – политичкиот документ што ја запечати мирната иднина на Македонија!

Охридскиот рамковен договор, со кој во 2001 година беше прекинат вооружениот конфликт во Македонија, претставува еден од клучните политички документи во поновата историја на државата. Потпишан е точно пред 24 години на денешен ден, во претседателската резиденција на Водно од тогашниот претседател Борис Трајковски, премиерот Љубчо Георгиевски, лидерите Бранко Црвенковски, Имер Имери и Арбен Џафери, како и од специјалните претставници на Европската унија и на САД, Франсоа Леотар и Џејмс Пердју. Преговорите што му претходеа започнаа во Скопје, а продолжија во Охрид, со вклучување на бројни советници и експерти.Од неговото спроведување досега се донесени повеќе од 130 закони и измени, од кои најголем дел – 59 се поврзани со недискриминација и правична застапеност, а 40 со идентитет, култура, образование и децентрализација. За таа цел беше формиран Секретаријат за спроведување на договорот, кој во 2019 година прерасна во Министерство за политички систем и односи меѓу заедниците.Во документот меѓу основните принципи стои:„Целосно и безусловно се отфрла употребата на насилство за остварување политички цели. Само мирни политички решенија можат да ја загарантираат стабилната и демократска иднина на Македонија. Суверенитетот и територијалниот интегритет на Македонија, и унитарниот карактер на државата се неповредливи и мора да се сочуваат. Не постојат територијални решенија за етничките прашања. Мултиетничкиот карактер на македонското општество мора да се сочува и да најде свој одраз во јавниот живот. Една современа демократска држава, во природниот тек на својот развој и созревање, мора постојано да обезбеди нејзиниот Устав целосно да ги исполнува потребите на сите нејзини граѓани во согласност со највисоките меѓународни стандарди, коишто и самите постојано се развиваат. Развојот на локалната самоуправа е од суштествено значење за поттикнување на учеството на граѓаните во демократскиот живот, и за унапредување на почитувањето на идентитетот на заедниците.“Договорот опфаќа прекин на непријателствата, децентрализација, недискриминација и правична застапеност, посебни собраниски процедури, образование и употреба на јазиците, изразување на идентитет и мерки за имплементација, а е дополнет со три анекси: А – уставни амандмани, Б – измени во законодавството и Ц – мерки за градење доверба и завршни одредби.

Македонија | пред 7 месеци

Скопјанец фрлал камења кон полициски хеликоптер што гаснел пожар

Полицијата приведе 55-годишен скопјанец, осомничен за загрозување на безбедноста на воздушниот сообраќај. Според МВР, на 6 јули годинава, додека полициски хеликоптер полнел вода од Вардар за гаснење пожар кај Блаце, осомничениот И.А. влегол во плиткиот дел на реката и почнал да мавта, а потоа и да фрла камења кон леталото.Пилотите биле принудени да ја прекинат операцијата и да сменат место на полнење, бидејќи биле „ставени во крајно безбедносно загрозување“. По спроведената истрага, И.А. е пронајден и уапсен, а против него ќе биде поднесена кривична пријава.

Македонија | пред 7 месеци

И детето пукало од автоматска пушка во Тетово - се бараат притвори, Обвинителството соопшти детали

Основното јавно обвинителство Тетово отвори истрага против четири лица – тројца возрасни и едно дете – за бруталното пукање на 10 август на улицата „Благоја Тоска“ во Тетово, при кое загина едно лице, а тројца беа тешко повредени, меѓу кои и дете.„Јавен обвинител од Основното јавно обвинителство Тетово донесе Наредба за спроведување истражна постапка против едно лице кои е осомничено дека сторило кривично дело - Убиство по член 123 став 2 точка 3, потоа Неовластено изработување, држење, посредување и тргување со оружје и експлозивни материи по член 396 и Тешки дела против општата сигурност од член 292 став 1 во врска со член 288 став 3 во врска со став 1 од Кривичниот законик.За истите дела со него како соизвршител е осомничено и едно дете за кое е поведена постапка согласно Законот за правда за децата.Наредба за спроведување истражна постапка е донесена и против две лица кои се осомничени дека како соизвршители сториле кривично дело - Убиство (во обид) по член 123 став 2 точка 3 во врска со член 19, потоа Неовластено изработување, држење, посредување и тргување со оружје и експлозивни материи по член 396 и Тешки дела против општата сигурност од член 292 став 1 во врска со член 288 став 3 во врска со став 1 од Кривичниот законик.На 10 август, на улицата „Благоја Тоска“ во Тетово, првиот осомничен и детето во судир со законот, родено во 2010 година, со умисла, како соизвршители и со употреба на огнено оружје – автоматски пушки кои на граѓаните им се забранети, лишиле од живот едно лице, а го довеле во опасност и животот и телото на други лица, вклучувајќи и еден од останатите осомничени. Со автоматските пушки тие испукале повеќе куршуми кон автомобил ’Голф’ со кои го погодиле сега покојниот, кој бил на возачкото седиште. Два проектили завршиле во градниот кош на совозачот кој се здобил со тешки телесни повреди со конкретна опасност по животот. Еден проектил завршил во десната натколеница на дете родено 2012 година кое се затекнало во непосредна близина, по што осомничениот заедно со детето во судир со законот се оддалечиле од лице-место.Иако бил ранет од престрелката, вториот осомничен и уште едно лице извадиле огнено оружје – пиштоли и почнале истовремено да пукаат кон возилото кое се оддалечувало и притоа погодиле друго лице кое се здобило со тешки телесни повреди во торакалниот дел, а куршуми завршиле и во возило на жена чија сигурност исто така била загрозена. За сите осомничени, вклучувајќи го и детето во судир со законот, јавниот обвинител предложи определување мерка притвор”, велат од Обвинителството.

Македонија | пред 7 месеци

Вработените на урологија се откажале од службени телефони, а парите ги искористиле за купување на 18 клима уреди и две машини за перење

Вработените на Клиниката за урологија се откажале од субвенциите за службени мобилни телефони во вредност од 500.000 денари, а средствата биле искористени за купување две машини за перење алишта и 18 клима уреди за болничките соби.„За нас, овој проект не е само реновирање на болнички ѕидови – ова е реновирање на системот, на вредностите, на односот кон пациентите и професионалноста во здравството. Посветени сме да создадеме Клиника која нуди достоинствен престој, современо лекување и човечка грижа. Благодарен сум на целиот тим што застанавме зад овие промени, со заедничка посветеност. За помалку од една година, Клиниката за урологија стана пример, како со тимска работа и со вистински вредности, може да се создаде модерен и ефикасен здравствен систем, достапен тука, дома – изјави директорот д-р Башким Шабани.Универзитетската клиника за урологија денеска ја промовираше новата, целосно реновирана болничка инфраструктура.

Македонија | пред 7 месеци

Грчката професорка Јоаниду: Не постои ниту еден Грк кој во странство би се претставил како Македонец

Професорката на Одделот за балкански, славистички и ориентални студии при солунскиот Универзитет „Македонија“, Александра Јоаниду, во интервју за „Дојче веле“ на македонски јазик вели дека реакциите во Грција околу македонскиот јазик „попуштиле“ и дека табуата околу „македонското прашање“ полека се разградуваат.„Можеби поради Преспанскиот договор, а можеби и затоа што на луѓето им е преку глава од темата. Сѐ уште има поединци кои реагираат жестоко, но тие се сѐ повеќе на маргините на општеството“, изјави Јоаниду, која со години ги проучува македонските говори во северозападна Грција.Таа потсети дека на ланската конференција за македонскиот јазик во Солун, нејзиниот тим истакнал дека името на јазикот и идентитетот се потврдени и од Грција и од меѓународната заедница преку Преспанскиот договор.„Смешно е и апсурдно да се бара да не се споменува македонскиот јазик. Не постои ниту еден Грк кој во странство би се претставил како Македонец, ниту пак постои грчки јазик кој се нарекува ‘македонски’“, нагласи таа.Во однос на Македонците во Грција, Јоаниду оцени дека Преспанскиот договор е „амбивалентен“ затоа што го избегнува признавањето на етнички и јазично различното население во земјата.„Правото на самоопределување е основно човеково право. На грчките државјани со македонска етничка свест и јазик не смее да им се забрани да се нарекуваат Македонци и да го зборуваат македонскиот јазик“, изјави професорката.

Свет | пред 7 месеци

Повреден работник во Визбегово, итно бил пренесен во болница

Педесет и седумгодишен скопјанец е повреден додека извршувал работни задачи во приватна фирма во селото Визбегово, скопско. Настанот бил пријавен од приватна болница во Скопје, а на местото излегле полиција и трудов инспектор, соопшти МВР.-На 11.08.2025 околу 09:45 часот во СВР Скопје, од приватна болница во Скопје било пријавено дека кај нив со повреди бил донесен И.М.(57) од Скопје. Според пријавеното, тој со повредите се здобил додека извршувал работни задачи во приватна фирма во с.Визбегово, скопско. Известен бил трудов инспектор, а полициски службеници излегле на местото на настанот.

Скопје | пред 7 месеци

Уапсени две лица од Росоман поради закани кон градоначалникот Митко Јанчев

Двајца жители на Росоман се уапсени откако, според пријавата, упатиле закани кон градоначалникот на Кавадарци и неговото семејство. При претрес во нивните домови биле одземени мобилни телефони. Случајот го истражува полицијата во координација со јавен обвинител, соопшти МВР.-На 12.08.2025 во 02:20 и 02:50 часот во Росоман, полициски службеници од ОВР Кавадарци ги лишиле од слобода М.Д.(33) и Т.П.(34), двајцата од Росоман, постапувајќи по претходна пријава дека му се заканувале на градоначалникот на општина Кавадарци М.Ј.(43) и на неговото семејство.Подоцна, со судска наредба, биле извршени претреси во нивните домови, при што биле пронајдени и одземени мобилни телефони. Двајцата биле задржани во полициска станица, известен бил јавен обвинител и по целосно расчистување и документирање на настанот, против нив ќе бидат поднесени соодветни пријави.

Македонија | пред 7 месеци

Нема фотографија

Повредено тримесечно бебе во сообраќајка кај Куманово, се судриле „фиат“ и „ауди“ со бугарски таблички

Тримесечно бебе и уште тројца возрасни лица се повредени, а еден возач е тешко повреден во сообраќајна несреќа што се случила на регионалниот пат Куманово–Свети Николе. Во судирот учествувале „фиат“ и „ауди“ со бугарски ознаки, а полицијата извршила увид на местото на настанот, соопшти МВР.-На 11.08.2025 во 11:10 часот во СВР Куманово било пријавено дека на регионалниот пат Куманово-Свети Николе се случила сообраќајна несреќа помеѓу патничко возило „фиат“ со кумановски регистарски ознаки, управувано од Н.С.(50) од Куманово и патничко возило „ауди“ со бугарски национални ознаки, управувано од М.П.(24) од Куманово.Во несреќата со тешки телесни повреди се здобил возачот Н.С., а со телесни повреди се здобиле возачот М.П., две негови сопатнички М.П.(25), К.П.(22) и тримесечно бебе, сите од Куманово, констатирани во Општа болница Куманово. Извршен бил увид од увидна екипа од СВР Куманово, наведува МВР.

Македонија | пред 7 месеци

(ФОТО) Дивоградба во заштитената охридска чаршија доби фасада и покрај забраната!

Објект изграден без дозвола во заштитеното градско јадро на Старата охридска чаршија, кој претходно беше предмет на вонредна контрола од Државниот инспекторат за градежништво и урбанизам, во меѓувреме добил нова фасада, реагираат од граѓанската иницијатива СОС Охрид.Инспекцискиот надзор утврдил дека објектот се наоѓа во заштитена зона и дека инвеститорот изведувал градежни активности без одобрение, со што се прекршени одредби од Законот за градење. Министерството за транспорт тогаш информираше дека ќе бидат поднесени пријави согласно законските прописи.Од институцијата потсетија дека заштитата на старото градско јадро е со цел да се спречат оштетувања, неповратни измени, уништување или деградација на споменичната целина.Сепак, и покрај поставените жолти ленти на локацијата – како и кај старата градска куќа на улицата „Димитар Влахов“ – градежните работи продолжиле. „Постојат субјекти кои очигледно се над законот, а институциите не реагираат. Зошто тогаш постојат, ако не преземаат ништо за да запрат вакви постапки? Како граѓаните да имаат доверба во системот кога секојдневно гледаат вакви примери?“, прашуваат од СОС Охрид.

Охрид | пред 7 месеци

Малолетници од 15 и 17 години дел од групата уапсена за убиството во Тетово

Двајца малолетници се меѓу четворицата уапсени за убиството кое се случи Тетово, а при кое има уште тројца повредени. Од МВР псоочуваат дека тие се на возраст од 15 и 17 години. Попладнево, тие се изведени и пред судија на претходна постапка при тетовскиот суд.На 11.08.2025 во периодот од 12:50 до 15:00 часот во с.Гајре, тетовско, согласно судска наредба, а во врска со вооружената престрелка која се случи на 10.08.2025 во Тетово, бил извршен претрес на повеќе локации во с.Гајре, тетовско, при што биле пронајдени предмети кои се од интерес на истрагата.При претресите биле лишени од слобода две женски лица, А.М.(41) и Е.М.(19), како и двајца малолетници на 15 и 17-годишна возраст, сите од с.Гајре. Се преземаат мерки и активности за целосно расчистување на случајот и за пронаоѓање на други лица кои биле инволвирани во престрелката”, велат од МВР за “Скопје1”

Македонија | пред 7 месеци

МВР: Сузбиени 14 криминални групи и спречени 6.000 обиди за илегален влез

Според податоците на Министерството за внатрешни работи, во периодот од 1 јули 2024 до 30 јуни 2025 година се сузбиени 14 организирани криминални групи во кои учествувале 201 лице и 18 правни лица. Во истиот период откриени се 64 случаи на криумчарење мигранти, спречени се 6.000 обиди за илегално транзитирање, а разоткриени се и случаи поврзани со фалсификување пари, тероризам, проституција, висока корупција, недозволена трговија со дрога и криумчарење во соработка со меѓународни криминални мрежи.Соопштението од МВР ви го пренесуваме во целост:Сузбиени 14 организирани криминални групи во кои учествувале 201 лица во период од една година, продолжуваме со бескомпромисната борба против илегалната миграција и организираниот криминалСправувањето со илегалната миграција е еден од врвните предизвици и приоритети во работата на Министерството за внатрешни работи, за што говори и статистиката на преземени дејствија и резултати во периодот од 1 јули 2024 до 30 јуни 2025 година.Во овој период сузбиени се 14 организирани криминални групи, во кои учествувале 201 физички лица и 18 правни лица. Откриени се 64 случаи на криумчарење мигранти, на околу 430 лица. Спречени се 6.000 обиди за илегално транзитирање, што претставува намалување за речиси 50% во однос на претходниот период.Во соработка со Европската агенција ФРОНТЕКС, Министерството за внатрешни работи спроведува континуирани операции за контрола на границите и справување со безбедносните ризици. Покрај миграцијата, откриени се и случаи поврзани со фалсификување пари, тероризам, проституција, висока корупција (во вредност од над 16 милијарди денари), недозволена трговија со дрога, како и нови случаи на криумчарење мигранти поврзани со меѓународни криминални мрежи.Министерството за внатрешни работи, како што посочуваат, продолжува со бескомпромисната борба против илегалната миграција и организираниот криминал, како еден од стратешките приоритети за заштита на безбедноста и правниот поредок. Преку силната меѓународна соработка и решителните домашни акции МВР испраќа јасна порака дека за криминалот нема простор во нашето општество!

Македонија | пред 7 месеци

Стоматолозите и МЗ во судир околу лиценците, апликациите сега одат директно во Министерството

Стоматолозите и Министерството за здравство влегоа во жесток спор околу лиценците за работа. Министерот Азир Алиу вели дека од денес апликациите одат директно во Министерството поради неправилности во Комората, додека од таму тврдат дека контроли немале утврдено никакви пропусти.Од денеска стоматолозите ќе можат да поднесуваат барања за лиценци директно во Министерството за здравство, соопшти министерот Азир Алиу. Тој увери дека постапката ќе се одвива со ист рок како досега, а можно е и побрзо завршување.Алиу потсети дека на 8 август, по препорака на стручна комисија, Министерството ѝ ги одзеде надлежностите за лиценцирање на Стоматолошката комора поради утврдени неправилности во нејзината работа. Според него, доколку ваквиот чекор не бил преземен, во септември или октомври половина од стоматолозите во државата ќе останеле без лиценци.„Од денеска сите барања ќе се примаат кај нас. Потпишав решение со кое Секторот за стоматологија, заедно со вработените од Комората, ќе ги процесира сите апликации. Нема да има застој, ќе се работи по ред и закон. Сè е потпишано врз основа на документи и факти“, изјави Алиу по промоцијата на реновираната инфраструктура на Клиниката за урологија.За задолжителните обуки кои стоматолозите мора да ги поминат за да добијат лиценца, министерот информира дека се водат разговори со стоматолошките факултети во Скопје и Тетово, кои наскоро ќе подготват програма и материјал. Обуките ќе бидат хибридни – со физичко присуство во факултетските простории и онлајн за оние што не можат да присуствуваат.„Пристапот ќе остане ист, но во согласност со законот. Стоматолозите може да бидат спокојни – од денес имаме јасна методологија и алгоритам за работа“, додаде Алиу.Од друга страна, претседателот на Стоматолошката комора на Македонија, Маријан Денковски, вчера ги демантираше тврдењата за неправилности. Тој наведе дека во изминатиот период Комората била предмет на повеќе надзори и контроли од Министерството за здравство, Државниот санитарен и здравствен инспекторат, Управата за јавни приходи и други институции, при што, според записниците, не биле утврдени неправилности, ниту во делот на јавните овластувања.„Доколку е направена грешка, подготвени сме да ги прифатиме последиците, но ако се потврди дека нема финансиски или други криминали, очекуваме јавно извинување до членовите на Комората и до јавноста“, изјави Денковски.Комората најави вонредни седници на Извршниот одбор и Собранието, по кои ќе излезе со официјален став.

Македонија | пред 7 месеци

Тетовскиот ГУП ќе го изработи косовска компанија, но со пари од домашни фирми

ГУП-от за Тетово ќе го изработува фирма од Косово, а за тоа ќе платат приватни компании кои документот ќе ѝ го донираат на општината – ова, според граѓанската иницијатива „Тетово сака парк“, било соопштено на јавната презентација на планот. Процесот, велат од иницијативата, ќе го спроведуваат општински службеници со контроверзно минато.Оттаму детално во објава на ФБ ги појаснија сите детали:Општина Тетово на ден 01.08.2025 година организираше јавна презентација на процесот за изработка на нов Генерален урбанистички план на Тетово. Презентацијата се одржа во пикот на сезоната на летни одмори и во очи на најголемиот државен празник Илинден, а Општината ја информираше јавноста за одржување на таков настан само два дена претходно. Нашиот повик за одложување се разбира дека не вроди со плод.Бидејќи никаде не е објавена официјална информација, од нашите претставници присутни на настанот дознаваме дека ГУП-от ќе го изработува фирма од Косово. На средбата била споделена ваква информација, како и тоа дека изработката ќе биде финансирана од приватни фирми. Одговорни за спроведување на процесот од страна на Општина Тетово се претседателката на комисијата за урбанизам Ревиде Рамани-Мурсели и раководителот на секторот за урбанизам Рилинд Селмани.Рамани-Мурсели е позната по скандалот во кој со злоупотреба на својата службена положба му дозволила на сопругот да изгради и легализира викендичка на Попова Шапка на туѓо земјиште.Селмани е познат по изјавата дека не е спорно тоа што никнуваат згради и со по четири дивоизградени катови и не е спорно што тоа е кривично дело за кое се лежи затвор - важно е што Општината отпосле ќе го сменела ДУП-от и дополнително ќе им издала соодветно одобрение на таквите дивоградби. Потсетуваме дека плановите се подзаконски акти кои немаат и не можат да имаат ретроактивно дејство.Прашуваме зошто се незаменливи непознатата фирма од Косово, Ревиде Рамани-Мурсели и Рилинд Селмани? Како е избрана косовската фирма и зошто не е објавен склучениот договор? Колку за тоа и кому сѐ ќе биде платено? Кои форми донираат изработка на ГУП и кој е нивниот интерес? Зошто ГУП не го изработува државната Агенција за планирање на просторот, имајќи предвид дека тоа беше неколку години во нејзината работна програма?Потсетуваме и на јавното соопштение на Општина Тетово од 31 јули, во кое Општината тврди дека фирмата на која за смешни пари градоначалникот Касами го продаде јавниот паркинг кај Градскиот пазар донирала 200 000 евра за изработката на ГУП. Правдајќи го продавањето, признаваат корупција!

Македонија | пред 7 месеци

Разрешената директорка на демирхисарската гимназија на информативен разговор во полиција

Разрешената директорка на Гимназијата во Демир Хисар, Маја Лозановска, денеска се појави на информативен разговор во демирхисарската полициска станица. Таа беше разрешена на 4 август по одлука на градоначалникот, и по налог на Просветниот инспекторат, поради утврдени неправилности во работењето.Од МВР соопштија дека против Лозановска имало пријава и постоеле основи за сомневање за кривично дело „одземање печат и службени документи“. На 8 август, полицијата изврши претрес во нејзиниот дом во потрага по печатот на училиштето, во период кога таа била на боледување. Поради изјавата на полицискиот началник дека и на носилки ќе ја донесе на разговор, иако имало налог само за претрес, МВР покрена дисциплинска постапка против него.Постојат и информации дека пред претресот било извршено обивање на училишните простории, за што Лозановска побарала да се изврши увид со полициска придружба.

Македонија | пред 7 месеци

Уапсен виничанец кој се обидел да убие сограѓанин пред кафеана, му нанел четири убодни рани со нож

Во Кочани е уапсен 32-годишен жител на Виница, осомничен за обид за убиство на 7 август пред угостителски објект во Виница.-Полициски службеници од СВР Штип/ОВР Виница по претходно обезбедени оперативни сознанија, вчера вечер (11.08.2025) во 21:15 часот во Кочани го лишија од слобода Н.В. (32) од Виница, поради основано сомнение за сторено кривично дело „Убиство во обид“ на 07.08.2025 пред угостителски објект во Виница.Имено, Н.В. по претходна вербална расправија со нож му нанел четири убодни рани на Д.С. од Виница, по што се дал во бегство.Известен е надлежен ЈО и по целосно документирање на случајот ќе следува соодветен поднесок.

Македонија | пред 7 месеци

(ВИДЕО) Црна Гора немоќна во борбата со пожарите, бара странска помош-загрозени се и плажите!

Шумските пожари кои беснеат на повеќе локации во Црна Гора, меѓу кои и во близина на Подгорица, ја натераа владата да побара помош однадвор. Активирани се меѓународните механизми за поддршка, вклучувајќи го Евроатлантскиот центар за координација на одговор на катастрофи при НАТО, како и Механизмот на Европската унија за цивилна заштита. Паралелно се бара и билатерална помош од други земји.Пожарите веќе зафатија големи површини и предизвикаа оштетувања на објекти и домови. Неколку пожарникари се повредени, а властите признаваат дека расположливите ресурси не се доволни за справување со кризата. Огнот се шири на тешко достапни места, при високи температури, силен ветер и суша, поради што е побарана и воздушна поддршка. Загрозени се дури и плажите преполни со туристиВо моментов активни жаришта има во општините Подгорица, Будва, Бар, Никшиќ, Шавник и Бијело Поље. Најсериозна е состојбата кај местото Пипери, каде што пламенот се приближува до куќи, а неколку домаќинства веќе се евакуирани. Главниот патен правец Подгорица–Никшиќ е затворен за сообраќај.„Воздушните капацитети на Црна Гора работат со полн интензитет, но поради обемот на пожарите и техничките ограничувања не можат да одговорат на сите потреби“, соопшти владата, додавајќи дека временската прогноза предвидува продолжување на неповолните услови.Премиерот Милојко Спајиќ вети поддршка за граѓаните кои претрпеа штета, со цел надминување на последиците и надомест на загубите. Тој се заблагодари на Хрватска, Србија, Словенија, Европската унија и НАТО за нивната помош.Во акцијата за гаснење учествуваат и канадер од Хрватска и хеликоптер од Србија.фото. Инстаграм

Свет | пред 7 месеци