ВАЊА

Нема фотографија

(Фото) Објавени нови фотографии од возилото со кое е киднапирана Вања, најавени и снимки

Српскиот политичар, Срѓан Ного, објави фотографија од возилото со кое е киднапирана убиената Вања Ѓорчевска, а најави дека утре ќе ги објави и сите снимки. Според датумот од фотографијата, извадена од снимка од безбедносна камера, таа е направена утрината кога Вања е киднапирана, во 07:34 минути. На втората фотографија направена од безбедносни камери на бензиска пумпа (нема датум), се гледа и ликот на мажот кој го управува автомобилот, а наликува на убиениот Панче Жежовски.„Ексклузивно ги објавувам снимките од киднапирањето на Вања Ѓорчевска од 27 ноември во 07:29 часот и 30 минути, како и сите други снимки од киднаперот снимени од камерите. И ексклузивно објавувам видео од „киднапирањето“ на Панчо Жежовски, фризер од Велес. Ќе дознаете како течела истрагата и кој всушност ги разрешил двата случаи, со нив го поврзал Љупча Палевски Палчи и обезбедил докази за апсењето на штипјанецот Влатко Кешишов, штипјанецот Велибор Манев и Бор Видевски од Велес. Очекувајте ексклузива во петок 05.01. во 16 часот. Следете ме“, напиша Ного на „Твитер“.Во следна објава ја споделува и фотографијата од возилото на бензиска пумпа.„Палчо или Панчо? Ексклузивно: снимка од Панчо Жежовски на бензинска со неговиот ‘киднапер’“, напишал тој.Ного, не споделува од каде му се фотографиите и снимките, ниту од која причина ги објавува. Непознато е ниту дали Обвинителството ги поседува овие снимки и слики. Познато е само дека по убиствата, осомничениот за организација и реализација, Љупчо Палевски-Палчо отиде за Белград, каде помина еден ден. Потоа беше и во Ниш. Од убиството на Вања, до напуштање на Македонија од страна на Палчо поминаа четири дена.Во овој случај, Љупчо Палевски-Палчо е осомничен дека бил планерот, организаторот и реализаторот на двете убиства. Велибор Манев, Боре Видевски и Влатко Кешишев се осомничени за киднапирање и убиство на двете жртви. Александар Ѓорчевски, татко на убиената Вања се сомничи дека му дал информации на Палчо поврзани со времето кога неговата ќерка ја напушта зградата и оди на училиште. Последниот осомничен е Стефан Димковски, кој беше уапсен за помагање на бегството на Палчо, бидејќи отишол до Белград да го земе Палевски и да го однесе во Турција.Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Велес и Скопје на 3 декември.

Македонија | пред 2 години

Палевски е во притвор во Бaликeсир, Турција испрати детали до Македонија

На Љупчо Палевски му е одреден привремен затвор во ,, Затворена казнено -поправна установа Бaликесир “-Турција.Во дописот од Републичкото Јавно Обвинителство Бaликесир- Турција, информираат дека на лицето Љупчо Палевски, кој со потерница беше уапсен за кривично дело,, Намерно убиство на дете”, согласно Законот 6706 член 14 , со цел да се обезбеди екстрадиција на лицето во наведената земја ( РСМ), согласно член 16 од Европската конвенција за екстрадиција на криминалци , му е одреден привремен затвор во траење од 40 дена.

Македонија | пред 2 години

Палевски и во екстрадиционен е претседател на „Десна“, најавените замрзувања на функциите не се реализираа

Првоосомничниот Љупчо Палевски-Палчо и натаму е претседател на партијата „Десна“, чиј основач е тој. Поминаа 25 дена откако партијата „Десна“ се огласи во медиумите и најави замрзнување на функциите за сите осомничени за убиството на Вања Ѓорчевска. Оттогаш, од нив има само молк, а во јавноста дискусија зошто политичкиот субјект е и натаму активен. Палевски и во екстрадиционен притвор е прв човек на партијата.Палевски на чело на оваа партија доаѓа од нејзиното основање на 5 јануари 2023 година. Историјатот на промени, покажува дека тој и извесен Љупчо Јовановски се потписници, а ова не е променето во Централниот регистар ниту по убиствата.„Десна“ најави, но не реализираше замрзнувањето на функциите.„Заради тоа, ние членовите на партијата, им стоиме на располагање на органите на прогонот, со цел на расветлување на кривично правниот настан и изведување пред Судот на сторителите на овие грозоморни случаи. П П Десна, согласно Статутот на партијата, ќе ги замрзне членството, функциите и активностите на обвинетите до крајот на процесот“, напишаа од партијата „Десна“ на 5 декември.Затворање на партијата може да побара Обвинителството. Досега, тоа не е направено. По вакво барање постапува судот кој ја носи конечната одлука, дали „Десна“ ќе остане политички субјект во Македонија.

Македонија | пред 2 години

Не била задушена - Вања е убиена со истрел од огнострелно оружје, покажува извештајот на Судска медицина

Истрел од огнострелно оружје е начинот на кој е убиена Вања Ѓорчевска, покажува извештајот од обдукцијата на Судска медицина, дознава „Скопје1“. Наодот кој се работеше 17 дена, ги демантира гласините по медиумите, но и коментарите од професорката по криминалистика дека девојчето било задушено во вреќата при грабнувањето. Ова би значело дека Вања била жива од местото каде е грабната до местото каде е пукано во неа. Непроменет останува утврдениот факт во истрагата, дека осомничениот Љупчо Палевски-Палчо пукал во Вања.По пукањето, Вања била закопана во атарот на селото Глуво, на место кое е мини-депонија. Според неофицијалните информации до кои дојде „Скопје1“ од Судска медицина, истрелот кон Вања бил во пределот на главата. Одговорот со какво оружје е пукано, ќе треба да го даде вештачењето на куршумот.Извештајот од Судска медицина, обвинителката која го истражува случајот го доби во петокот. Во него, се дадени одговори на низа отворени прашања поврзани со киднапирањето и убиството на Вања. Според официјалните податоци кои ги соопштија институциите врз основа на сознанијата и исказите од осомничените кои признаа вина, од киднапирањето до убивањето на девојчето, поминале два саати и 40 минути.Согласно доказите, меѓу кои е и обдукцијата на Вања Ѓорчевска, ќе се утврди натамошниот тек на истрагата. Ќе се издаваат дополнителни наредби за обезбедување на материјали, вештачења, испитувања на лица кои можеби имаат некакви сознанија. Меѓудругото, наодот може да биде и клучен за квалификацијата на кривичните дела за кои ќе се гонат сега осомничените.„Скопје1“ објави дека листинзи од телефонски оператори, телефонски и компјутерски уреди, отисоци – се само дел од работите кои дваесет дена се анализираат од истражните органи, во рамки на истрагата за убиствата на Вања Ѓорчевска и Панче Жежовски.За овој случај, од почетокот на истрагата на Обвинителството до сега, нема нови осомничени освен шестмината, од кои пет лица се во притвор повеќе од половина месец.Во овој случај, Љупчо Палевски-Палчо е осомничен дека бил планерот, организаторот и реализаторот на двете убиства. Велибор Манев, Боре Видевски и Влатко Кешишев се осомничени за киднапирање и убиство на двете жртви. Александар Ѓорчевски, татко на убиената Вања се сомничи дека му дал информации на Палчо поврзани со времето кога неговата ќерка ја напушта зградата и оди на училиште. Последниот осомничен е Стефан Димковски, кој беше уапсен за помагање на бегството на Палчо бидејќи отишол до Белград да го земе Палевски и да го однесе во Турција.Палевски-Палчо е во екстрадиционен притвор во Турција, додека останатите осомничени се во притвор.

Македонија | пред 2 години

Нема нови осомничени, a од телефоните, снимките и отисоците се доаѓа до одговори за убиствата на Вања и Панче

Листинзи од телефонски оператори, телефонски и компјутерски уреди, отисоци – ова се само дел од работите кои дваесет дена се анализираат од истражните органи, во рамки на истрагата за убиствата на Вања Ѓорчевска и Панче Жежовски. Се утврдуваат траекториите на движење на сите осомничени, како за помагањето, така и за киднапирањето и убиството на двете жртви.„Скопје1“ дознава дека снимките од надзорните камери, ги потврдиле дел од исказите на тројцата осомничени кои признаа вина - Велибор Манев, Боре Видевски и Влатко Кешишев. Базните станици кои ги ловат сигналите на телефоните, ќе треба само да бидат уште еден доказ за нивните тврдења поврзани со траекторијата на движење. Предмет на анализа се снимки од наздорни камери, кои беа одземени од страна на МВР при потрагата по Вања.Според нашите извори, се анализира и телефонот на Александар Ѓорчевски, татко на Вања Ѓорчевска, кој му е одземен од полицијата. Целта е да се утврди точноста на исказот кој го кажаа осомничените, дека тој му кажал на осомничениот, организатор и реализатор на убиствата, Љупчо Палевски-Палчо, информација кога Вања го напушта домот.За овој случај, од почетокот на истрагата на Обвинителството до сега, нема нови осомничени освен шестмината, од кои пет лица се во притвор повеќе од половина месец. Вчера беше изготвен и обдукциониот наод, кој освен начинот и времето на настанување на смртта кај Вања и Панче, ќе покажат и дали е најдена туѓа ДНК при обдукцијата.Во овој случај, Љупчо Палевски-Палчо е осомничен дека бил планерот, организаторот и реализаторот на двете убиства. Велибор Манев, Боре Видевски и Влатко Кешишев се осомничени за киднапирање и убиство на двете жртви. Александар Ѓорчевски, татко на убиената Вања се сомничи дека му дал информации на Палчо поврзани со времето кога неговата ќерка ја напушта зградата и оди на училиште. Последниот осомничен е Стефан Димковски, кој беше уапсен за помагање на бегството на Палчо, бидејќи отишол до Белград да го земе Палевски и да го однесе во Турција.Палевски-Палчо е во екстрадиционен притвор во Турција, додека останатите осомничени се во притвор.Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Велес и Скопје на 3 декември.

Македонија | пред 2 години

Вања е пронајдена мртва во Скопје

По преземени опсежни мерки и активности од страна на полициски службеници од СВР Скопје, денеска (03.12.2023) во околината на Скопје е пронајдено безживотното тело на малолетната В.Ѓ., која беше пријавена за исчезната на 27.11.2023, а во околината на Велес е пронајдено и телото на П.Ж.(74) од Велес, кој на 24.11.2023 беше пријавен за исчезнат. Во врска со двата случаи, осомничени се пет лица, од кои за три се бара мерка притвор, едно е надвор од државата, а едно лице во моментов е во полициска станица.Претходно, во врска со кривичните дела беше пронајдено опожарено возило „цитроен“ и по извршени вештачења обезбедени се материјални докази за инволвираност на лицата, за што по целосно документирање на случаите, во координација со Јавен обвинител ќе бидат поднесени соодветни кривични пријави. Од спроведените истражни дејствија утврдено е дека и двете убиства се извршени од истите лица, чиј мотив е „користољубие“. Исто така, од реализираните оперативни мерки е утврдено дека малолетничката В.Ѓ. е земена со возило од влезот на живеалиштето, а од обезбедените информации од распитот утврдено е дека била убиена истиот ден (27.11.2023) околу 10.00 часот.Веднаш по добивањето на пријавите за исчезнатите лица, преземени се мерки и активности за нивно пронаоѓање, а во СВР Скопје беше формиран и посебен Оперативен штаб, на чело со началникот на СВР Скопје. Извршени се претреси во домови и други простории на подрачјата на СВР Скопје, СВР Велес и СВР Штип, при што пронајдени и одземени се мобилни телефони, компјутери, возило и др., извршени се бројни разговори со семејствата, познаниците, пријателите и лица кои би можеле да имаат било каква информација, а во истражните дејства секојдневно беа вклучени неколку стотини полициски службеници кои работеа исклучиво на овие случаи.Увид на двете локации каде беа пронајдени телата на исчезнатите денеска извршија јавни обвинители од Основното јавно обвинителство Скопје и од Основното јавно обвинителство Велес. Издадени се наредби за обдукции на телата на жртвите и за соодветна идентификација. Исто така, издадени се наредби за прибирање и вештачење на сите траги и докази од двете локации.Во деновите по исчезнувањето на двете лица, јавните обвинители издадоа наредби за претреси на повеќе локации, обезбедување снимки од видео надзор, лоцирање врз основа на базни станици, анализа и вештачења на електронските уреди, вештачења на материјални траги и докази, вклучително и автомобилот поврзани со настанот. Сослушани се лица кои би можеле да имаат определени сознанија за настанот и врз основа на сите прибрани докази настанот е расчистен во однос на осомничените сторители и нивните мотиви. По комплетирање на доказите и наредените вештачења, обвинителството против сите осомничени ќе поведе соодветна постапка.

Македонија | пред 2 години

Нема фотографија

Стигнаа обдукциските наоди за убиените Вања и Панче, кои даваат одговори на низа прашања

По 17 дена, стигнаа обдукциските наоди од обдукциите на убиените Вања Ѓорчевска и Панче Жежовски, дознава „Скопје1“. Тие ќе треба да бидат проучени, а да ги дадат одговорите, како биле убиени двете жртви, кои претходно беа киднапирани. Веќе беше обзнането дека не станува збор за обична обдукција. Обдукциите беа работени од Институтот за судска медицина и криминалистика.Истовремено, се прават низа вештачења, проверки, во рамки на истрагата.Од шест осомничени лица за организација и реализација, но и помош при бегството на Љупчо Палевски-Палчо, само тројца признаа вина пред обвинител и полицијата, за вмешаност во убиствата на Вања и Панче. Тоа се Велибор Манев, Боре Видевски и Влатко Кешишев, кои освен пријатели на осомничениот Палчо, за извршување на убстивата, му биле и сопартијци од „Десна“. Тие беа и први уапсени, а оттука започна и откривањето на грозоморните чинови.За помагање во киднапирањето, осомничен е Александар Ѓорчевски, таткото на Вања Ѓорчевска, кој според Обвинителството дал информации за времето на движење на девoјчето. Статус на осомничен доби и лицето кое го возеше Палчо при неговото бегство, од Белград до Турција, Стефан Димковски.Сите осомничени се во притвор во затворот „Скопје“ во Шутка.Малолетната Вања и велешанецот Панче, кои беа пријавени за исчезнати на 27 и 24 ноември беа пронајдени мртви во близина на Велес и Скопје на 3 декември.За првоосомничениот, Љупчо Палевски-Палчо се чека да биде екстрадиран од Турција.

Македонија | пред 2 години

Се уште се бараат докази за убиството на Вања и Панче - низа прашања неодговорени

„Се прибираат докази“, ова е одговорот на Обвинителство на сите прашања поврзани со случаите за убиството на Вања Ѓорчевска и Панче Жежовски. Отааму го потврдија сознанието на „Скопје1“ дека извештајот од обдукцијата не им е доставен. Во телефонски разговор, Обвинителството за „Скопје1“ посочува дека иако го немаат официјалниот извештај, тие ги имаат сите информации од обдукцијата, бидејќи истите редовно се разменувале помеѓу обвинителката и Институтот за судска медицина.„Јавното обвинителство е во фаза на прибирање на сите докази. Извештајот од Институтот за судска медицина не е официјално доставен до обвинителството“, велат од Обвинителството.Неодговори останаа прашањата, дали има совпаѓања на трагите најдени на конфискуваните два пиштоли, со ДНК од некој од осомничените. Молк и дали има совпаѓање на ДНК-то на Љупчо Палевски-Палчо, со најденото ДНК на повеќе проверени локации. Не се знае ни дали Вања била убиена со огненото оружје или претходно била почината Од Обвинителството посочуваат дека на ова ќе се одговори кога ќе се заврши истрагата.Малолетната Вања и велешанецот Панче, кои беа пријавени за исчезнати на 27 и 24 ноември беа пронајдени мртви во близина на Велес и Скопје на 3 декември.За нивното убиство и помагање за бегство, засега се осомничени шест лица, од кои пет се во притвор, а првоосомничениот Љупчо Палевски се чека да биде екстрадиран од Турција.

Македонија | пред 2 години

Сите очи вперени во истрагата за Вања: обдукциониот наод уште не е доставен во Обвинителство

Истрагата за убиствата на Вања Ѓорчевска и Панче Жежовски се води зад затворени врати, а одговори нема ниту на прашањата кои се од јавен интерес. Министерот за внатрешни работи, Оливер Спасовски, укажа дека одговори треба да се бараат од Обвинителството, кое пак, не споделува никакви детали.„Скопје1“ дознава дека истражната институција се уште го нема добиено ниту обдукциониот наод за убиената Вања, а оттаму – ниту ја потврдуваат, ниту ја демантираат оваа информација. За обдукцијата, досега кажаа само дека не станувало збор за обична обдукција – туку специфична која треба да даде бројни одговори.Министерот Спасовски пред една недела кажа и дека се најдени два пиштоли, во рамки на претресите на локации поврзани со осомничените. Одговори што покажале вештачењата – нема. Познато е само дека двете оружја се најдени во околината на Скопје. Дали со некое од нив е пукано кон Вања и Панче – за јавноста е непознато.„Сите работи околу случајот и сѐ што е потребно се доставува до Обвинителството. Во текот на истрагата, сите информации ќе ги барате од таму“, посочи Спасовски.Засега е познато само дека не е исклучено истрагата да се прошири и на други лица. Целта на ова ќе биде за да се дојде до вистината односно мотивите. Досега, Турција достави дактилоскопски податоци, папиларни линии од првоосомничениот Љупчо Палевски-Палчо, и тие се доставени и ќе бидат предадени во јавното обвинителство и се очекува наскоро да стигне и материјалот за ДНК анализа.Малолетната Вања и велешанецот Панче, кои беа пријавени за исчезнати на 27 и 24 ноември беа пронајдени мртви во близина на Велес и Скопје на 3 декември.За нивното убиство и помагање за бегство, засега се осомничени шест лица, од кои пет се во притвор, а првоосомничениот Љупчо Палевски се чека да биде екстрадиран од Турција.

Македонија | пред 2 години

Спасовски се согласи со Агелер која кажа дека Вања ја плати цената на неказнивоста, па покажа со прст кон правосудството

Критиката од амбасадорката на САД, Анџела Агелер, која кажа дека институциите биле свесни дека осомничените биле криминалци, но не ги санкционирале, а цената ја плати Вања – допрела до министерот за внатрешни работи Оливер Спасовски. Тој се согласува со ова, но смета дека МВР не е единствено криво за неказнивоста. Покажа со прст и кон другите институиции за кои посочи дека мора да бидат консолидирани.„Јас тоа го зборувам многу често до сега и во медиумите. И кога говорев за неказнивоста за сите кои ја пљачкаа државата, го уништуваа народот и беа главни во општеството без да носат одговорност. Сето тоа е нешто што мора да си го разбереме и прифатиме како состојба која треба да се менува. Менувањето на системот мора да се прави брзо и ефикасно“, рече Спасовски, коментирајќи ја амбасадорската изјава.Прашан за тоа како постапувало МВР, а како Обвинителството, рече дека статистички треба да се гледаат работите.„Во однос на постапувањата може да се извади статистиката. Ве уверувам во однос на постапувањето на МВР. Во однос на другите институции мора тие да си направат анализи“, посочи Спасовски.Во одговорите, Спасовски посочи дека за осомничениот Љупчо Палевски-Палчо, МВР постапувало. Но додаде и дека и останатиот дел од системот морал навремено да реагира со судењата и извршување на санкциите.„Јас и одговорив претходно, целиот систем мора да биде консолидиран во однос на истрагите, во однос на судењата и извршувањето на санкциите. Така да, да не ни се случува кога МВР ќе приведува, за кратко време да ги видиме дома или без соодветни мерки, неизвршување на санкции. Тоа се конкретни работи. Системот го сочинуваме сите ние“, додаде Спасовски.Амбасадорката на САД, Анџела Агелер, во емисијата „Стадион“ на Канал 77, упати остри критики до македонските институции за убиството на 14-годишната Вања Ѓорчевска. Таа посочи дека институциите биле свесни дека осомничените биле криминалци – но, не ги санкционирале. Таа посочи: „Вања ја плати цената“.Дозволете да ви кажам искрено, како што претходно денес реков, системот не успеа да и помогне на таа млада девојка. Се работи за криминалци за кои се знаело дека се криминалци, дека се насилни и не се во затвор. Не биле претходно апсени и затворени. Не биле апсени и гонети за нивните претходни злосторства, не морале да ја платат таа цена, па цената ја плати една млада девојка. Вања ја плати цената“, рече амбасадорката Агелер за „Стадион“.

Македонија | пред 2 години

„Се знаело дека се насилни криминалци, но не биле во затвор - цената ја плати Вања“, Агелер повика институциите да се запрашаат што можеле да направат за ја спасат убиената девојка

Амбасадорката на САД, Анџела Агелер, во емисијата „Стадион“ на Канал 77, упати остри критики до македонските институции за убиството на 14-годишната Вања Ѓорчевска. Таа посочи дека институциите биле свесни дека осомничените биле криминалци – но не ги санкционирале. Таа посочи: „Вања ја плати цената“.„Дозволете да ви кажам искрено, како што претходно денес реков, системот не успеа да и помогне на таа млада девојка. Се работи за криминалци за кои се знаело дека се криминалци, дека се насилни и не се во затвор. Не биле претходно апсени и затворени. Не биле апсени и гонети за нивните претходни злосторства, не морале да ја платат таа цена, па цената ја плати една млада девојка. Вања ја плати цената“, рече амбасадорката Агелер за „Стадион“.Таа додаде дека институциите треба да се погледнат себеси и да се запрашаат дали можеле да ја спасат Вања.„Апасолутно е срцепарателно. Апсолутно е срцепарателно. Сега не е време за политизација, туку време за институциите да фрлат еден безмилосен поглед на себе и да се прашаат: ‘Што можевме да сториме за да ја спасиме оваа млада девојка и сите други деца во земјава?’, ‘Зошто дозволуваме криминалците слободно да се движат и да вршат злодела врз кого било во државата?’. Ова е трагедија“, додаде таа.

Македонија | пред 2 години

Многу (дез)информации, но нема да се преиспитува дали инспекторите на МВР навремено постапиле во случајот со Вања

Министерот Оливер Спасовски нема да испитува во своите редови дали инспекторите навремено постапиле, согласно протоколите за пронаоѓање на убиената 14 годишна Вања Ѓорчевска. Од МВР за секое прашање поврзано со убиството на Вања и велешанецот Панче Жежовски испраќаат шаблонски одговор, преку кои ги препраќаат новинарите на друг „шалтер“ – Основното јавно обвинителство-Скопје, кое прими кривична пријава за случајот.Сепак, само Одделението за внатрешна контрола во МВР има надлежност да утврди како течела постапката за пронаоѓање на Вања, како и дали од припадниците на МВР е постапено согласно протоколите. Но ваква обврска– нема да имаат.„Во врска со вашите прашања ве известуваме дека сите преземени мерки и активности и обезбедени докази од страна на СВР Скопје, во врска со случајот за кој прашувате, се дел од веќе поднесените кривични пријави кои се доставени до ОЈО Скопје, за што МВР ја извести јавноста. За сите понатамошни прашања упатуваме во Обвинителството, по чии насоки постапува полицијата“, посочува МВР за „Скопје1“.Од Министерството за внатрешни работи не одговорија конкретно ниту на прашањето дали е точно тврдењето на опозициската ВМРО-ДПМНЕ дека возилото на убиениот Панче Жежовски било возено низ Скопје уште на 24 ноември. Низ јавноста има и низа други шпекулации, како што се тие дека инспектор издавал информации од истрагата.

Македонија | пред 2 години

Палчо може да бара и азил, а ќе добие и адвокат по службена должност доколку сам не си најде

Љупчо Палевски-Палчо, осомничен како организатор и реализатор на убиствата на Вања Ѓорчевска и Панче Жежовски може да бара азил во Турција. Дека оваа можност постои, потврдуваат и од македонското Министерство за правда.Тие посочуваат дека тој ќе добие и адвокат по службена должност, доколку не си ангажира сам. Преку него, ќе може да комуницира со турските институции кои ќе одлучуваат за неговата екстрадиција во Македонија.„Азил се бара кога ќе влезе во државата, а не кога ќе ве апсат за нешто“, велат на брифингот од Министерството за правда.На брифингот со новинарите, од Министерството за правда посочуваат дека не очекуваат да бидат известени доколку Палевски-Палчо се жали по однос на барањето за екстрадиција кое е опција и му стои како можност.Претходно, тие ја објаснија процедурата за екстрадиција.

Македонија | пред 2 години

Која е постапката за екстрадиција на Палчо: се собираат документи, рокот за испраќање е 40 дена

На брифинг, Министерството за правда ја објаснуваше постапката за екстрадиција на Љупчо Палевски-Палчо, осомничен како организатор и реализатор на убиствата на Вања Ѓорчевска и Панче Жежовски. Тие посочуваат дека се постапува по известување дека лицето е барано по потерница e најдено, што веќе го добија. По ова следува процедурата за прибирање на списи, па се изготвува барање за екстрадиција кое треба да го поптише министерот Кренар Лога.„Потоа, комплет списите се праќаат до централниот орган на државата каде што е барано лицето, најчесто тамошното Министерство за правда“, посочија оттаму.За Палевски, известување било примено денес во 9:20 минути.„Направени се контакти со Републичкото јавно обвинителство и ОЈО Скопје, за да се комплетираат за да се комплетираат списите како би можело Министерството да постапува. Имаме рок од 40 дена сметано од вчера за да го доставиме барањето за екстрадиција – нема да чекаме да измине рокот. Ќе постапиме најбрзо што може. Во координација сме со сите засегнати институции за да постпаиме веднаш. Ова е за нас приоритет“, велат од Министерството за правда на брифингот.Тие посочуваат дека јавноста треба да има во предвид дека Министерството треба да ги прими списите, да се изготви барањето, да е преведена документацијата на турски јазик, па да ја испратат по ДХЛ.

Македонија | пред 2 години

Палчо за вчера планирал прослави, а доби турски зандани

На еден датум, Љупчо Палевски-Палчо планирал две прослави. Едната по повод неговиот роденден кога наполни 59 години, а втората за првиот роденден на партијата „Десна“. 12 декември е тој датум. Планот не се реализираше, бидејќи Љупчо Палевски-Палчо доби статус на осомничен за планирање и реализација на убиствата на Вања Ѓорчевска и Панче Жежовски. Истовремено, тројца негови сопартијци се гонат за помагање при киднапирањето и убиството, а еден за помош при негово бегство.„’Десна к’оја се подготвува да прослави прва годишнина на 12 Декември оваа година, јасно става до знаење дека треба и мора да се преуреди законот за користење на симболи и знамиња на начин што не само местото, туку ќе ја уреди и количината на нивно користење, секако и димензиите на сите знамиња кои се употребуваат во државава“, стои во една од објавите на партијата, објавена на 29 ноември, два дена откако беше убиена Вања.Наместо прослава, Палчо, 12 декември го дочека во турски занадани. Исто како и сопартијците Велибор Манев, Боре Видевски, Влатко Кешишев и Стефан Димковски – кои се во притвор во затворот „Скопје“ во Шутка. За сите заедно, Обвинителството тврди дека има и материјални докази кои покажуваат и докажуваат како ги киднапирале Вања и Панче за подоцна да ги убијат. За Димковски, Обвинителството е децидно дека му помогнал на Палчо при бегството.Палевски-Палчо е во екстрадиционен притвор кој ќе му трае 40 дена, додека останатите обвинети во 30-дневен притвор.Сите моменти од истрагата за убиствата на Вања и Панче, можете да ги проследите тука.

Македонија | пред 2 години

Нема фотографија

Убиства на Вања и Панче: Материјалните докази ги потврдуваат исказите на осомничените, од кои дел признаа вина

Шефот на Основното јавно обвинителство Скопје, Гаврил Бубевски, денеска рече дека во моментов се испитуваат материјални докази во врска со истрагата за убиствата на Вања Ѓорчевска од Скопје и Панче Жежовски од Велес, кои ја потресоа јавноста.„Истрагата, во однос на дејствијата е на тоа ниво на кое ви кажав и минатиот пат, а се испитуваат нормално материјалните докази. Можам само да ви кажам дека материјалните докази зборуваат со истиот јазик со којшто зборуваа осомничените. Толку“ – рече Бубевски.Тој не сакаше да даде конкретен одговор ниту за тоа дали мотивот останува ист – користољубие.На новинарско прашање дали автомобилот е снимен на „Сејф сити“ или на некои други камери, Бубевски напомена дека прибавени се материјалните докази.„Тие се анализираат, се прави целокупна ретроспектива на сè што се случувало и сето тоа, повторно ќе кажам, ќе биде предмет на описот на обвинителен акт“ – рече Бубевски.Малолетната Вања и велешанецот Панче, кои беа пријавени за исчезнати на 27 и 24 ноември беа пронајдени мртви во близина на Велес и Скопје на 3 декември.За нивното убиство и помагање за бегство, засега се осомничени шест лица, од кои пет се во притвор, а првоосомничениот Љупчо Палевски се чека да биде екстрадиран од Турција.Сите моменти од истрагата за убиствата на Вања и Панче, можете да ги проследите тука.

Македонија | пред 2 години

Народниот правобранител во затворот во Шутка, проверува дали им се почитуваат правата на осомничените за убиствата на Вања и Панче

Тим на Народниот правобранител влезе во затворот „Скопје“ во Шутка, за да провери дали им се прекршени правата на осомничените лица за киднапирање и убиство на Вања Ѓорчевска и Панче Жежовски, како и на лицата осомничени за помагање при извршувањето и бегството на осомничениот Љупчо Палевски-Палчо, дознава „Скопје1“. Тимот кој влегол во затворот, се интересира за состојбата на ќелиите во кои осомничените се сместени, нивната здравствена состојба, како и во каква состојба го издржуваат притворот.„Скопје1“ побара објаснување од Народниот правобранител, Насер Зибери, зошто се решиле на надзор токму кај осомничените за двете убиства. Прашања испративме и до неговиот тим, од каде чекаме нивен став на прашањето – дали е оправдан впечатокот дека надзори вршат само кај притвореници од високопрофилни случаи, како и високопрофилни притвореници. Оттаму најавија и очекуваме одговор. [дополнување - одговори на прашањата]Проверките дали во затворот им се почитуваат правата на Велибор Манев, Боре Видевски и Влатко Кешишев, како и на осомничените за помагање, Александар Ѓорчевски и Стефан Димковски, доаѓа по само осум дена откако тие завршија во притвор. Тројца од нив, односно, Манев, Кешишев и Видевски признаа вина и што правеле при киднапирањата и убиствата. Обвинителството побара, судот одобри притвор поради опасност од бегство и влијание врз сведоци. Сите моменти од истрагата за убиствата на Вања и Панче, можете да ги проследите тука.

Македонија | пред 2 години

Без најава се правеле проверките за правата на осомничените во случајот за убиството на Вања, Народниот правобранител смета дека не ја попречува истрагата

Истрагата не е попречена, проверките во затворите се редовни, не постапуваме селективно. Ова е ставот на Народниот правобранител, Насер Зибери, откако негов тим беше во затворот „Скопје“ во Шутка да види дали се почитуваат правата на притворениците осомничени во случајот „убиствата на Вања Ѓорчевска и Панче Жежовски“. Оттаму за „Скопје1“ посочуваат дека без најава извршиле проверки и разговори со притворените лица осомничени во постапката.„Народниот правобранител-национален превентивен механизам има надлежност редовно да го испитува постапувањето кон лицата лишени од слобода и да дава препораки на релевентните органи со цел подбрување на постапувањето и условите во местата за лишување од слобода. Прземемањето на овие дејствија е континуитет во работата на народниот правобранител и тоа како по поединечни преставки, така и по сопствена иницијатива. Притоа Народниот правобранител воопшто не постапува селективно и нееднакво и без никакво влијание од страна, посебно што станува збор за сензитивна група на лица ( лишени од слобода) и што институцијата е едниствената која има вакви надлежности. При својата работа народниот правобранител во ниту еден сегмент не ја попречува истрагата што кон овие лица ја водат надлежните органи, ниту пак ја прејудицира нивната одговорност /неоодговорнсот за делата кои им се ставаат на товар“, велат од Канцеларијата на Народниот правобранител за „Скопје1“.Тие тврдат дека преземаат мерки при секоја пријава или по допрен глас.„Неспорен е заклучокот дека народниот правобранител во никој случај при преземањето на неговите дејствија не се раководи од тоа дали лицата на кои им е ограничена слободата на движење се познати на јавноста.Впрочем и Годишните извештаи на народниот правобранител во делот казнено-поправни и воспитно поправни установи, како и на Националниот превентивен механизма се темелат на утврдени состојби согласно овие континуирани посети. Во овој сегмент воопштно не е спорно дека народниот правобанител за превемање на вакви декствја во изминатиот временски период повод му биле, покрај барањата на адвокатите или блиските лица лишени од слобода и информациите објавени во јавноста“, додаваат оттаму за „Скопје1“.Како што веќе објавивме, од утрово, тим на Народниот правобранител е во затворот „Скопје“ во Шутка. Целта била да се утврди дали се почитуваат правата на притворените лица кои се осум дена во притвор.

Македонија | пред 2 години

Радикалните протести за Палчо останаа само најава, но се нижат заговорите и обвинувањата

Големите и радикални протести пред Амбасадата на САД, како и блокирањето на улици во Скопје – остана само најава во групата за поддршка на осомничениот Љупчо Палевски, именувана како „Правда за Палчо, правда за Вања, правда за Панче, правда за Македонија“. Профилот „Тони Десна“ кој ја креираше групата – не е активен со објави од четвртокот (7 декември). Во саботата, немаше никој на најавениот протест, а во групата, продолжија заговорите за наводно „местење“ на Палчо.И покрај трите признанија од осомничените кои ги дале пред МВР и обвинител, а за нивните улоги во киднапирањето и убивањето на Вања Ѓорчевска и Панче Жежовски, во групата тие се посочуваат како невини лица.„Невини луѓе ќе лежат за СДСМ и ВМРО“, пишува во една од објавите.Ако се анализираат објавите, може да се донесе заклучок дека досега, скоро сите се поставени од профили кои немаат име и презиме, туку псевдоними. Ретки се тие кои не се лажни, а поставуваат објави. Еден од тие ги обвинува медиумите дека шират хистерија, споредувајќи ги известувањата за убиствата со промената на државното име.„Толку голема хистерија по медиумите да се правеше кога се променуваше името на државата, името никогаш немаше да се промени! Кој ги плаќа и колку се платени медиумите за да ја продуцираат оваа хистерија?“, стои во една од објавите.Главните тези кои се поставуваат во групата се дека Палевски не е убиецот, како и дека станува збор за монтиран случај.Претходно, во групата имаше објава во која се посакуваше смрт за министерот за внатрешни работи, Оливер Спасовски. МВР кажа дека се работи на расчистување на тој случај.

Македонија | пред 2 години

Анализите од најдените пиштоли, движењето на „цитроенот“ пред убиството на Вања, шпекулациите за инспекторот - остануваат тајна

Министерот за внатрешни работи, Оливер Спасовски, не одговори на ниту едно прашање поврзано со убиствата на Вања Ѓорчевска и Панче Жежовски. Тој пред медиумите наместо информации, одговараше шаблонски: „Информациите ќе ги добие Обвинителството“.Меѓу прашањата беше и дали се готови анализите на двата пиштоли, како и дали од нив е пукано кон Вања и Панче, на што одговорот беше: „Сите информации ќе бидат доставени до Обвинителството“.Неодговорено остана прашањето на која траекторија се движел „цитроенот“ со кој е киднапирана Вања пред да се случи грозоморниот чин, но и кога и кој го донел возилото во Скопје.„Со поднесувањето на кривичните пријави, овие детали се анализираат од ОЈО. Не би можел да споделувам информации, не треба истрагата да се води во медиумите“, кажа Спасовски.Прашан дали инспектор издавал информации за истрагата како што се тврди во јавноста, тој посочи: „Во овој период се изнаслушавме многу информации, политиканства, сѐ што произлегува од овој аспект. Го потврдувам тој став дека тоа не е добро. За било каква нелегална активност, од било кого, од инспектор или кој и да е, ќе има одговорност. Но не би сакал на ниво на шпекулации да зборам за ова“.Прашан дали неговите изјави кои ги даваше во јавност, а во кои го карактеризираше Љупчо Палевски-Палчо како „монструм“, ќе му помогнат на осомничениот да ја одложува екстрадицијата, Спасовски посочи: „Тоа е потврда на ова што го кажав – сите шпекулации и сѐ што ќе изнесам во јавност може да штети на истрагата“.

Македонија | пред 2 години

Во живо: Спасовски одговара на прашања за убиените Вања и Панче

Министерот за внатрешни работи, Оливер Спасовски, одговара на новинарски прашања поврзани со убиството на Вања Ѓорчевска и Панче Жежовски.Следете во живо:

пред 2 години

Судска медицина се уште не го доставила обдукцискиот наод за Вања, паѓаат во вода шпекулациите и заговорите за малтретирање

Обдукцискиот наод се уште не е готов, а меѓу обвинителот кој ја води устрагата за убиствата на Вања Ѓорчевска и Панче Жежовски се разменуваат информации. Ова значи дека паѓаат во вода шпекулациите за наводни малтретирања на двајцата убиени. Тоа ќе се знае кога наодот ќе биде готов.“Основното јавно обвинителство Скопје е во постојана комуникација и размена на податоци со Институтот за судска медицина. Обдукцискиот наод се уште не е изготвен и доставен до обвинителството”, велат од Обвинителството.Тие додаваат:“Дејствијата на сите инволвирани се предмет на истрага во моментов за што секојдневно се прибираат вербални и материјални докази кои меѓусебно се споредуваат. Јавното обвинителство апелира во текот на истрагата да не се шират непроверени информации кои можат да наштетат на постапката, но и дополнително да ја вознемират јавноста”.

Македонија | пред 2 години

(Видео) Со дојави, тргнувања и застанувања – рутата на бегството на Палчо почнува со дознавањето дека е најден „цитроенот“

Долг е патот кој го минува Љупчо Палевски-Палчо од Скопје до Баликесир. Почнува во моменти кога тој не е ниту осомничен, завршува со меѓународната потерница и неговото апсење. Преплетен со престои на повеќе места, контактирања, организирања. Тргнувал, се предомислувал, се враќал. Ова го покажува неговата тракеторија на движење до која дојде „Скопје1“. Доколку бил решен од Белград да стигне до Баликесир, без паузи, но со кратки застанувања на местата каде што престојувал, тоа ќе го направел за околу 20 часа. Но, всушност, патувањето му траело три дена. „Скопје1“ дојде до неофицијални информации дека Палчо точно знаел што се случува со истрагата во Македонија по првите апсења на МВР, уште пред тоа да го дознае јавноста. Но, не и пред тоа. Министерот Оливер Спасовски веќе потврди дека имал контакт со лица во Македонија, а „Скопје1“ дознава дека тоа се луѓе кои биле членови на неговата партија „Десна“.„Скопје1“ преку извори во институциите дојде до траекторијата на движење на Палевски-Палчо, но и преку користење на податоците објавени од МВР и Обвинителството.Министерството за внатрешни работи, на 27 ноември, денот кога исчезна Вања Ѓорчевска, го наоѓа опожарен автомобилот на Панче Жежовски, но не и исчезнатиот велешанец. Јавноста за изгорениот „цитроен“ со кој според истрагата Вања била киднапирана, дознава на 29 ноември. Веста осамнува во медиумите. Во моментите кога Палчо го започнува бегството, нема статус на осомничен, факт што го потврди и министерот за внатрешни работи, Оливер Спасовски.На 30 ноември (четврток), за време на самитот на ОБСЕ, Палевски-Палчо ја напушта Македонија. Го контактира неговиот адвокат за да го однесе до Белград. Му кажал дека тоа е поради лекарски прегледи. Но, уште тогаш планирал дека следната можна дестинација е Турција, па истото, според адвокатот кој даваше изјава за медиумите, му го најавил нему. Адвокатот се враќа, Палчо останува во хотел. Преноќува во Белград.Следниот ден (01 декември, петок), додека во Македонија се уште трае потрагата по Вања Ѓорчевска организира нова логистика за транспорт, па го повикува осомничениот Стефан Димковски, кој е во притвор под сомнение дека му помогнал на Палевски во бегството. Димковски заминува за Белград и го зема Палевски. Прво одат кон Ниш, па од таму за Бугарија. Поминуваат покрај Софија, па Пловдив и Хасково и стигнуваат до границата „Капи куле“.„Го носев во болница“, кажа Димковски за „Скопје1“, кратко при спровод во Кривичен суд каде му се одреди притвор.Во саботата (02 декември), ден пред Обвинителството и МВР да соопштат дека Вања била пронајдена убиена, Палевски е во Турција. И во оваа земја имал логистика, разговарал и организирал.Македонија, како и целиот Балкан, беше во шок кога како бомба во неделата (03 декември) оддекна веста дека Вања е најдена мртва, но и дека првоосомничен е Љупчо Палевски-Палчо. Заедничкото соопштение на МВР и Обвинителството беше објавено вечерта, но извори на „Скопје1“ тврдат дека Палевски уште во текот на денот знаел дека тој е осомничениот бидејќи уапсени се неговите сопартијци, за што, тој има изворни информации.Во понеделникот (04 декември) се одржува прес-конференцијата на Спасовски и Бубевски, на која се споделува и информацијата дека Палевски не само што е осомничен, туку полицијата открила дека тој е планерот и реализаторот на двете убиства. Тој пак, според оперативните информации на МВР преку нивни извор, оваа вест ја дочекува во Баликесир, Турција. За цело време се знае неговата траекторија на движење. Истиот ден, вечерта, се распишува и меѓународна потерница по него.Последниот ден на слобода за Палевски е 05 декември (вторник). Кривичната пријава, на повеќе од 100 страни стасува од МВР до Обвинителството. Палевски е следен, се открива дека се движел сам по автопат, за што, министерот за внатрешни работи, Оливер Спасовски, посочи дека е обид за симулација дека го напушта Баликесир.За оваа намера, според МВР, најмил такси возач и тргнал, симулирајќи дека оди за Истанбул. Но, тоа според истрагата, не била намерата – туку да се осигура дека не е следен и дека нема да биде фатен. Истиот ден подоцна, забележан е како се движи пеш на автопат. Тука е и уапсен.Палевски е во екстрадиционен притвор. Македонија експресно ги подготви документите за да се побара негова екстрадиција. Министерството за правда за еден ден преведе над 100 страници документи, меѓу кои е и кривичната пријава од МВР со сите докази доставени до Обвинителството. Се очекува предметот да биде преземен од турските власти веќе утре и да се постапува по него. 

Македонија | пред 2 години

Ковачки тврди: „Безбеден Град“ го лоцирало возилото со кое била киднапирана Вања во Маџари и кај хотелот Палас

Оливер Спасовски е должен да и одговори на македонската јавност зошто на 4 декември за време на неговата прес-конференција, излажа дека возилото на Панче со кое е киднапирана Вања, не било регистрирано во системот на камери „Безбеден Град“ пред 27 ноември, односно пред денот на убиството, вели Драган Ковачки, пратеник од ВМРО-ДПМНЕ.„Неколку дена по ред го прашуваме министерот Спасовски, а истиот одбива да одговори за очигледниот и фатален пропуст на МВР чија последица е киднапирањето и убиството на девојчето Вања.Јавно го прашуваме министерот Спасовски дали возилото е регистрирано на камерите пред 27 ноември, односно на 24 ноември во 6:30 на влезот во Скопје кај Маџари на мостот кај Агросервис?Понатаму, дали возилото е забележано од камерите на „Безбеден Град“ на истата локација и следниот ден, на 25 ноември во 21:15 часот?Конечно, дали возилото е забележано на камерите кобниот ден на 27 ноември во 7:42 наутро кај Александар Палас и Злокуќани и како е можно да тоа возило неконтролирано да помине низ најобезбедуваната локација во Македонија во тој момент, а можеби и во регионот поради непосредните подготовки на Советот на ОБСЕ.Оливер Спасовски е должен да одговори како е можно возило кое е пријавено дека е исчезнато 5 дена пред киднапирањето на Вања, а за кое тој тврдеше дека не знаеле, да помине покрај 40 камери на „Безбеден Град“ , Министерството за одбрана и на други субјекти?“, рече Ковачки на прес-конференција.

Македонија | пред 2 години

Нема фотографија

(Видео) Четириесетина камери по трасите низ кои е носена убиената Вања – колку од нив искористи МВР?

Истражните органи ги открија почетната и крајната точка од каде Вања е киднапирана, однесена и убиена. „Скопје1“ возеше низ тие траси, за да се види – колку точно камери можеле да го снимат движењето на возилото „рено канго“, но и на „цитроенот“ во кој според истрагата, била ставена Вања.Преку Дебар Маало, на „Илинденска“, па Качанички пат (Јадранска магистрала), па улица „1“ во Визбегово, Оризари, до Глуво. Над 40 камери – дел се од „Безбеден град“, останатите од приватни објекти. Останува отворено прашањето - дали биле прегледани во понеделникот кога исчезна или денови подоцна.Камерите се речиси на секој чекор во првите километри. Ги има и по споредните улици низ кои поминувале киднаперите и убијците, заедно со Вања.Повеќе во видео-сторијата.

Македонија | пред 2 години