Мицкоски: Перјаницата, чии колумни ги споделува целото раководство на СДСМ, порачаа дека било штос моето распарчено тело да го спакувале во куфер

Во кампањата треба да направиме и еден рекапитулар на се она што е сработено во изминатиот период и да се нацртаат контурите на тоа што треба да се работи во периодот којшто следи и како владата ќе ја води државата, рече претседателот на ВМРО-ДПМНЕ, Христијан Мицкоски од народниот митинг во Росоман во рамките на изборната кампања за локалните избори со слоган „Вистинскиот избор! Со твојот човек! За твоето место! За твојата иднина!“.Мицкоски повтори дека на овие избори има две опции и тоа едната е да се вратиме назад и да се поддржи опцијата којашто ја поддржува коалицијата, некаде формална, некаде неформална, некаде полуформална, којашто се обединила поради две причини, а другата опција е ВМРО-ДПМНЕ и коалицијата којашто значи развој за државата.„Првата е жедта и непромислената желба за власт и втората е патолошката омраза кон ВМРО-ДПМНЕ. Сега, последно коешто го слушнавме од претседателот на СДСМ е тоа дека тие не не мразеле или, да бидам попрецизен, не ме мразеле, туку ме презирале. Што не се изнаслушав на оваа кампања, од тоа што ми испраќаа пораки преку нивните новинари и перјаници дека ќе ме спакувале во куфер, ќе го распарчеле моето тело и ќе го спакувале во куфер, па до тоа дека ме презирале“, рече Мицкоски.Мицкоски посочи дека на оваа изборна кампања не изнесе ниту една навреда за никого, за разлика од СДСМ и Венко Филипче, само кажувам дека изминатите седум години кога беа тие во владата имаа можност да покажат како се борат за својот дом.„А, ние видовме само грабеж, понижување, распродажба и омаловажување на својот народ, на својата држава и на своите граѓани. Тоа ако го чувствуваат тие како навреда, тогаш не знам навистина што да кажам. Вистината понекогаш боли. А толку внимавам, прво не личи на мојот карактер да навредувам, а второ ние ниту еден негативен спот не објавивме оваа кампања, цело време зборуваме за проекти, за план и за визија. Тие ја почнаа кампањата со црна кампања, со напади и ниски страсти како ќе ме спакувале распарчен во куфер и тоа би било штос во оваа кампања, така порача еден од нивните гуруа, чиишто колумни ги објавуваа и ги цитираат од раководството на СДСМ. Па се до последното што слушнав од човек којшто во суштина треба да е мој колега, редовен универзитетски професор, дека активистите на СДСМ мене ме презирале, не ме мразеле. Тоа е ниво повеќе, претпоставувам тука требаше да покаже мускули. Но во ред, нека му служи на чест“, порача Мицкоски.Од Росоман, претседателот Мицкоски порача дека граѓаните на 19 октомври ќе го кажат своето мислење, за што е сигурен дека тоа ќе биде референдумско заокружување на бројот 9 и огромна победа на ВМРО-ДПМНЕ и коалицијата.

Македонија | пред 3 месеци

Николоски: Сериозно работиме со новиот градоначалник на Росоман за формирање на една индустриска зона

Александар Николоски, потпретседателот на ВМРО-ДПМНЕ, се обрати од денешниот народен митинг одржан во општина Росоман во рамки на изборната кампања „Вистинскиот избор! Твојот човек! Твоето место! За твојата иднина!“, за претстојните локални избори.„Промените во државата се случија минатата година, после големата победа на парламентарните и претседателските избори, и веќе една година и три месеци Македонија пулсира и живее со Владата предводена од ВМРО-ДПМНЕ. Во неколку општини вклучувајќи ја и општина Росоман, тие промени ќе се случат на овие локални избори“, истакна Николоски.Тој се осврна и на поддршката која што Владата ја дава на локалните единици, а во случајот со општина Росоман кажа дека Владата предводена од ВМРО-ДПМНЕ, издвои 31,5 милиони денари, или околу 500 илјади евра за изградба на улици во Росоман, меѓутоа досегашниот градоначалник ја нема почнато постапката за истото.„Тоа ќе остане наследство за новиот градоначалник, кој што ова ќе го реализира и заеднички ќе работиме и на бројни други проекти кои што ќе ги реализираме во општината“, вели Николоски.Николоски зборуваше и за експресниот пат, кој беше пуштен годинава, а истакна дека веќе се работи на два проекти, заедно со ЈП Државни патишта.„Успеaвме на почетокот на оваа година да го пуштиме и експресниот пат, првата фаза која што одеше од Градско до Дреново и втората од Дреново до Фариш.  Тука е директорот на ЈП ,,Државни патишта“ и сакам да најавам дека со него веќе работиме на два проекти. Спојот со село Сирково, тоа сме го ветиле и тоа ќе го реализираме, и второто е проширување на спојот помеѓу Росоман и експресниот пат. Има еден спој, но тој треба да се прошири и да стане еден убав модерен пат, којшто  го спојува Росоман со експресниот пат и на тој начин да се стига побрзо и до Скопје, но и до Прилеп,  до Битола и Росоман да има многу поголема корист од самиот експресен пат, околу кој што може  да се развие и цела индустриска зона“, кажа Николоски и додаде:„Тоа е нешто на што треба да размислуваме на следниот период, имајќи ја предвид одличната локација, одличната поврзаност и со автопатот, и можноста компаниите директно да се приклучат на експресен пат. Мислам дека треба сериозно да работиме со новиот градоначалник на формирање на една индустриска зона, каде што ќе можат компаниите да вложуваат, а сигурен сум дека интересот ќе биде голем“.

Македонија | пред 3 месеци

Крстевски: Ќе го реконструираме стадионот во Росоман, ќе има проширување на локалните патишта до сите населени места

Кандидатот за градоначалник на општина Росоман, од редовите на ВМРО-ДПМНЕ, Ѓорѓи Крстевски, на денешниот митинг во рамките на изборната кампања под слоганот Вистинскиот избор! Твојот човек! Твоето место! За твојата иднина!, истакна дека време е за промени во Росоман за подобра иднина за да биде општина што се менува, што расте и се развива со реализација на бројни проекти како реконструкција на патиштата, на стадионот и проширување на сите локални патишта.„Со поддршка на ВМРО-ДПМНЕ и со тимот на чесни, работливи луѓе започнуваме ново поглавје за Росоман. Во следниот мандат, заедно ќе го направиме она што многумина рекоа дека е невозможно. Ќе воведеме проект зелена општина Росоман. Нема да има повеќе дечиња на листата на чекање во детската градинка, ќе ги прошириме урбанистичките опфати на населените места и ќе изработиме нови урбанистички планови. Ќе ги реконструираме полските патишта во сите населени места, ќе воведеме бесплатни саеми за земјоделците од општина Росоман со посета на регионалните саеми во Нови Сад, Пловдив и Солун“, вели Крстевски.Кандидатот за градоначалник на општина Росоман, Ѓорѓи Крстевски истакна дека ќе се реконструира стадионот, ќе се проектира нов локален пат од Росоман до Крушевица и многу други проекти во областа на образованието, спортот и културата.„Ќе го реконструираме стадионот во Росоман, со пешачка патека и реквизити за најмалите. Проектирање и изведба на нов локален пат од Росоман до клучка Крушевица, проширување на сите локални патишта до населените места, финансиски стабилно и современо Јавно комунално претпријатие со нова зграда и зголемена плата за вработените. Модерно и современо образование. Поставување на надзорни камери и отворање на полициско одделение во соработка со МВР, модерен и атрактивен локален туризам, развој на спортот и културата, ова не се само зборови, ова е план. План што ќе го спроведеме со работа, чесност и одговорност“, рече Крстевски.

Македонија | пред 3 месеци

Нацева: Реконструкција и изградба на улици во Тремник, подобра патна инфраструктура за жителите

Марија Нацева, кандидат за градоначалник на општина Неготино од редовите на ВМРО-ДПМНЕ, денес заедно со потпретседателот на ВМРО-ДПМНЕ, Александар Николоски извршија увид во неготинско село Тремник, каде во тек е реконструкција на улица.„Се наоѓаме во село Тремник, место каде што ние како Општина Неготино аплициравме со проект и јавен повик којшто го имаше објавено Министерство за транспорт и притоа добивме средства, се со цел да направиме асфалтирање на улицата која што жителите на село Тремник долги години ја очекуваа“, истакна Нацева.Нацева истакна дека општина Неготино претставува пример како во соработка со централната власт може да се напредува и да се реализираат проекти.„Претходно изградивме потесен цевковод, во соработка со Министерство за животна средина и просторно планирање, а сега продолжуваме интензивно со работа на терен каде што во следниот период ќе се асфалтира улица во должина од околу 850 метри“, заклучи Нацева.

Македонија | пред 3 месеци

Филипче: Мицкоски нема резултати, мисли дека може да ги лаже луѓето дека добро живеат

„Мицкоски година и пол мисли дека може да ги изманипулира луѓето дека живеат добро. Тоа е инстинктот на измамниците и манипулаторите, да лажат за сè, па дури и за она за кое не може да се лаже: дали некој живее подобро или полошо“, порача вечерва претседателот на СДСМ, Венко Филипче од трибината во општина Гази Баба.Тој истакна дека реалноста е дека на оваа неспособна власт ни уште две децении нема да ѝ бидат доволни, затоа што немаат ниту план, ниту капацитет.„Но, најважно од сè, немаат чесна намера. Не сакаат да им помогнат на граѓаните, не сакаат да ја видат реалноста која е тешка, едноставно, не ги интересираат граѓаните. Ги интересира само олигархијата и личните бизниси“, порача Филипче.Тој се осврна и на лагите со кои власта манипулира во јавноста.„Кога Мицкоски ќе каже дека сме петти, трети или четврти во економија, тоа не само што е огромна лага, туку е тешка навреда за секој кој живее и работи во оваа држава“, рече Филипче, укажувајќи дека ВМРО-ДПМНЕ ги осиромаши и изманипулира граѓаните.Филипче изнесе и конкретни податоци, потенцирајќи дека бројките се погубни, а економската перспектива е уште полоша. За само една година, индустријата падна за 3,5%. Странските директни инвестиции се преполовени , а инфлацијата е 4%, меѓу највисоките во Европа.„Цените растат без контрола. Веќе се откажаа од лажните кошнички. Не ни пробуваат да кажат дека нешто прават, ги оставија луѓето да живеат со скапотијата. Платите тапкаат во место, просечната плата паѓа три месеци по ред. И ова е вистинската дијагноза: овие луѓе за година и пол, опиени од успехот на изборите, заборавија дека економијата и економските политики, пред сè, треба да им служат на граѓаните“, потенцираше Филипче.

Македонија | пред 3 месеци

Филипче: Власта направи нов долг од 1,8 милијарди евра без никаков ефект

„Нема подобар живот туку нов долг од 1,8 милијарди евра“, им порача вечерва на граѓаните Претседателот на СДСМ, д-р Венко Филипче од граѓанската трибина „Се бориме за нашиот дом“ во Гази Баба. Филипче рече дека наместо што сработиле нивните градоначалници премиерот вели дека за реални проекти биле потребни децении.„Замислете направен е 1,8 милијарди евра нов долг за само 13 месеци без никаков ефект врз реалниот развој. 250 милиони евра од унгарскиот кредит кои беа наменети за стопанството, ниту 10% не се реализирани.Само неколку нивни фирми се офајдија. Ова се реалните податоци и бројки, драги пријатели. Ова е причината зошто се нервозни, зошто наместо да понудат кампања во која ќе промовираат што сработиле, направија кампања во која кажуваат дека за промени требале децении. Неспособни ниту да ги повторат барем нашите економски резултати, велат најдоброто допрва доаѓало. Сака Мицкоски да ни порача, не нè гледајте сега што правиме, немавме време“, рече Филипче.Филипче од Гази Баба исто така рече дека, за влада без план и визија за правецот на државата и две децении би биле малку.„Реалноста е дека на оваа неспособна власт ни уште две децении нема да ѝ бидат доволни. Нема да ѝ бидат доволни затоа што немаат план, ниту капацитет, но најважно од сè немаат чесна намера. Не сакаат да им помогнат на граѓаните, не сакаат да ја видат реалноста која е тешка, едноставно не ги интересираат граѓаните. Ги интересира само олигархијата и личните бизниси. И ова е вистинската дијагноза, овие луѓе за година и пол, опиени од успехот на изборите, заборавија дека економијата и економските политики, пред сè, треба да им служат на граѓаните“, рече Филипче од Гази Баба.

Македонија | пред 3 месеци

Филипче: Мицкоски сака негово судство, СДСМ нема да дозволи нови тефтерчиња од Белата палата

Претседателот на СДСМ, д-р  Венко Филипче, вечерва од Гази Баба каде се одржа граѓанска трибина „Се бориме за нашиот дом“ го обвини Христијан Мицкоски дека не сака реформи во правосудството туку го сака скроено по свој терк како во времето на Груевски и порача дека СДСМ нема да дозволи нови тефтеричња од белата палата.„Тоа е нивната намера, да закочат сè за да го вратат судството како во времето на Груевски. Не знае ВМРО-ДПМНЕ да владее ако има независни институции. Па кој ќе ја покрива нивната неспособност? Кој ќе нарачува пресуди кога ќе бидат во густо? Тоа е проблемот, на Мицкоски му треба судството под контрола за да може да сее страв, да се заканува, да уценува, исто како што беше во времето на неговиот ментор Груевски. Затоа избега од подадената рака на СДСМ за реформи. Му реков, ајде да ги донесеме реформите тоа го бараат граѓаните. Бараат независно судство, европски реформирано судство. Ајде да ја вратиме довербата во институциите. Јас не се плашам од независно судство, ама изгледа се плаши тој. Пола влада со кривични пријави, пола партија со матни бизниси. Затоа не сака“, порача Филипче.Филипче во Гази Баба исто така рече дека наместо правда и реформи, наместо судска фела и експерти, граѓаните добија само неправди по што испрати порака дека СДСМ нема да молчи ниту ќе дозволи партизација во судството.„Сега јасно му порачувам да престане да се заканува што ќе правел по изборите. Да не мисли дека ќе му молчиме ако решил да го партизира судството. Тоа нема да се дозволи. Или ќе има темелни реформи па нека одговараат сите што грешеле или нови судии од тефтерчињата од Белата палата нема да дозволиме“, потенцираше претседателот на СДСМ, д-р Венко Филипче од Гази Баба.

Македонија | пред 3 месеци

Мицкоски: СДС ќе доживеат дебакл на локалните избори, наместо програма и проекти нудат демагогија, навреди и црна кампања

Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во Гевгелија, во рамки на изборната кампања 2025 година, за претстојните локални избори, чиј слоган е ,,Вистинскиот избор! Твојот човек! Твоето место! Твојата иднина!“.Мицкоски кажа дека овие локални избори за противниците значат спас за нивните политички кариери и спас на нивните бизниси, но сепак ќе доживеат огромен дебакл.“Јасно е дека ова не се само локални избори, туку од вашиот глас зависи и тоа како ќе се развива државата и во кој правец ќе се движи. За нашите противници ова се избори каде тие сакаат да си ги спасат политичките кариери, но зад тоа стои намерата на човекот кој си ја приватизираше партијата и си управува час од Дубаи, час од Струмица, да си ги штити бизнисите и слободата. А за да се случи тоа, си најми изведувач, и клучот за ова нивно сценарио се состои во контролираното судство и обвинителство, чии резултати ги видовме вчера. За сомнеж за криминал од 100 милиони во РЕК, за Марковски одлучуваат куќен притвор. И затоа СДСМ и ДУИ не гласа за смена на Љупчо Коцевски, затоа што тоа е последниот бастион на длабоката држава со која ќе расчистиме после овие избори“ нагласи Мицкоски.Мицкоски истакна дека противниците се нервозни бидејќи повторно ќе доживеат дебакл на локалните избори, бидејќи немаат програма и проекти, а единствено што нудат се демагогија и навреди.„Токму за ова судство и обвинителство Филипче вчера кажа дека е професионално, иако досега видовме сè, само не професионализам. И знаат дека ова е последниот нивен крик и затоа се нервозни. На овие избори одат со гола демагогија и грст навреди и квалификации, наместо со програма и со проекти. И кажуваат дека се борат за нивниот дом, а нивниот дом не се вашите домови, туку се борат за заштита и спас на нивните украдени пари. И за да го направат тоа, знајте дека нема црвена линија која нема да ја распродадат и нема отстапка која нема да ја направат само за да стигнат до фотелја. Кога Филипче говори за црвени линии, тој говори за нов поклон и топка нафрлена кон Бугарија и ново газење на нашите македонски црвени линии. Тие добро знаат дека најголемата пречка за нивното лудило и отстапки сум јас, и оваа Влада во којашто се моите колеги, и затоа се фрустрирани и нервозни и затоа нивните апологети, како баби пред чешма, повикуваат на моја ликвидација, а тие од штабот на СДСМ не најдоа ни сила да се оградат од таквите нивни повици, што јасно ги покажува нивните мотиви. Но, од друга страна, барем народот гледа дека повиците за убиство, поклоните кон Бугарија и тезата дека судството со 2 проценти доверба се професионалци е понудата на оваа партија на овие избори е катаклизмична и затоа уверен сум дека на 19 октомври ги чека уште еден нов историски нов дебакл“ кажа Мицкоски.Мицкоски ги повика граѓаните на 19 октомври да гласаат за број 9 за подобра иднина.„Нашата борба не е само за една општина, не е само за еден град. Нашата борба е за секое семејство, за секое дете што сака подобро училиште, за секој млад човек што сака работа и останува тука, дома, во Македонија. Нашата борба е за достоинството на секој еден граѓанин. И затоа, оваа вечер ви велам  изборот е наш, и тој избор ќе ја одреди иднината. Не се плашете од предизвиците, не се двоумете пред лагите, затоа што нашата сила е во тоа што сме исправени, чесни и што знаеме за што се бориме. Ајде заедно да ја напишеме новата приказна на нашата татковина! Ајде да изградиме иднина за која ќе бидеме горди! Ајде да покажеме дека кога сме обединети, никој не може да нè запре“ истакна Мицкоски.

Македонија | пред 3 месеци

Сарамандов: Во Гевгелија ќе се реализираат две големи инвестиции кои ќе овозможат над 500 нови вработувања

Андон Сарамандов, кандидат за градоначалник за општина „Гевгелија“ од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, се обрати и ги истакна реализираните проекти за неговиот четиригодишен мандат, од областа на комуналната, патната инфраструктура, проекти за заштита на животната средина, образованието, спортот, културата.„Горд сум што Гевгелија се развива во успешна, модерна и урбана заедница. Реализиравме повеќе капитални проекти од областа на комуналната и патната инфраструктура, проекти за заштитата на животната средина, образованието, туризмот, спортот и културата. Горд сум што во тек на реализација се две инвестиции во Гевгелија, кои во наредниот период ќе овозможат над 500 нови вработувања, горд сум што Гевгелија се развива во успешна, модерна и урбана заедница. А, со макотрпна работа успеавме да ги реализираме ветувањата на кои се обврзавме пред нашите сограѓани во 2021 година“, истакна Сарамандов.Во врска со изборната програма Сарамандов истакна дека таа е јасна, конкретна и гарантира развој на општина Гевгелија, и наброи дел од приоритетните проекти за наредните четири години.„Таа е реална, јасна, конкретна и гарантира развој на општина Гевгелија. Заедно со членовите на Советот ќе ги реализираме ветувањата за доброто на сите наши сограѓани. Секундарен влез и излез во градот преку улицата „Борис Кидрич“, реконструкција на улицата „Маршал Тито“, изградба на Кеј на Вардар, изградба Нов „Парк на Мирот“ на потегот кај Сува Река, нов фудбалски стадион во урбан блок 5 - „Касарна“, Модерен Градски Плоштад. Во програмата се обврзуваме и на други суштествени проекти за нашите сограѓани кои ќе ги реализираме во наредниот период. Реконструкција и проширување на патниот правец Динќут – Горничет, реконструкција на Пионерски дом во Гевгелија, изградба на трета фаза од каналот Рауљ, изградба на подземни контејнери во централното градско подрачје, реконструкција и целосна обнова на младинскиот дом во Миравци, изградба на фекален колекторски систем со пречистителна станица во Негорци“, посочи Сарамандов.На крај Сарамандов ги повика граѓаните да го направат вистинскиот избор, да гласаат за број 9, за нови проекти, напредок, и сигурност во општина Гевгелија.„Мои гевгеличани, време е за вистинската одлука, време е за нови проекти и уште повеќе резултати. Да избереме напредок, сигурност и посветеност. Ве повикувам на 19 октомври масовно да излезете и да гласате за број 9 за Советничката листа на ВМРО-ДПМНЕ и коалицијата „Твоја Македонија“!, дециден е Сарамандов.

Македонија | пред 3 месеци

Николоски: Со најголемиот инфраструктурен проект, брзата пруга Скопје-Солун, Гевгелија ќе биде центар за туризам и бизнис во регионот

Александар Николоски, потпретседателот на ВМРО-ДПМНЕ, денес се обрати од народниот митинг во општина Гевгелија, кој се одржа во рамки на изборната кампања со слоган ,,Вистинскиот избор! Твојот човек! Твоето место! За твојата иднина“, за локалните избори закажани на 19 октомври годинава. Николоски зборуваше за проектите на кои се работеше изминатиов период во Гевгелија, а се осврна и на обиколницата околу Гевгелија, којашто целосно ќе ја промени општината, браната Коњско, како и најголемиот инфраструктурен проект, а тоа е брзата пруга Скопје-Солун.,,Во последниве една година и 3 месеци со Владата предводена од премиерот Мицкоски, работите се сменија, Гевгелија доби огромна поддршка. Гордо можеме да зборуваме за реализирана програма или програма која што е во тек“, рече Николоски.Николоски истакна дека се работи на реконструкција и реставрација на заштитената стара чаршија во Гевгелија.,,Интензивно работевме да се обезбеди цела документација со цел да имаме реставрација одобрена од сите надлежни институции и да стане еден повторно нов симбол на градот“, кажа Николоски.Тој зборуваше и за изградбата на обиколницата околу Гевгелија, Западниот булевар, кој целосно ќе ја смени општината и начинот на функционирање како и начинот на сообраќајот, а го спомена и проектот за браната Коњско.,,Булеварот ,,Свети Климент Охридски“, кој што беше поддржан од Владата, преку програмите коишто ги има во рамки на Владата. А исто така се проектите коишто ги почнуваме во овој момент, тука е секако браната Коњско, којашто го виде светлото на денот и е при крај на реализација токму откако беше избрана оваа Влада, затоа што нејзината изградба беше целосно запрена“, истакна Николоски и додаде:,,Во моментов се проектира патот од брана Коњско до Ново Коњско околу 10 километри. Се очекува, во 2027 година да е завршен, до тогаш треба да е наполнета и браната и да имаме уште едно вештачко езеро во Македонија. Така работи ВМРО-ДПМНЕ“.Николоски се осврна на патната делница од Смрдлива Вода до ски центарот ,,Кожув“, и истакна дека се работи да се врати туризмот таму, а спомена и три проекти кои започнуваат сега. Во неговото обраќање, тој зборуваше и за водоводни канализациони системи на којшто се работеше изминатиов период.,,Тука се и три проекти коишто сега почнуваат, коишто за мене се навистина драги, во Моин, во Прдејци и во Богородица, за целосна реконструкција на улиците таму. Тука се и бројни водоводни канализациони системи, и бројни други проекти коишто се работеа во изминатиов период, а уште многу следуваат во годиниве коишто се пред нас“, вели Николоски.Николоски го нагласи и најголемиот инфраструктурен проект, брзата пруга Скопје-Солун, која ќе биде втората најголема железничка станица во земјава после скопската.,,Најголемиот инфраструктурен проект, којшто, не само Македонија, туку цела југоисточна Европа ќе го види, тоа е брзата пруга Скопје-Солун. Втората најголема железничка станица после скопската ќе е гевгелиската железничка станица, до Скопје ќе се патува за час и 10 минути до Солун за половина час“, рече Николоски и додаде:,,Тоа ќе значи многу и за бизнисот, затоа што солунското пристаниште буквално ќе е на дланка за сите компании кои што извезуваат, а најавувам дека веќе е избран изведувач и за многу брзо време ќе почнеме и на проширување на постојниот граничен премин. Ќе се додадат дополнително ленти, со цел бизнисот, оние кои што се занимаваат со транспорт, полесно да може да функционираат“.Александар Николоски, потпретседателот на ВМРО-ДПМНЕ, денес се обрати од народниот митинг во општина Гевгелија, кој се одржа во рамки на изборната кампања со слоган ,,Вистинскиот избор! Твојот човек! Твоето место! За твојата иднина“, за локалните избори закажани на 19 октомври годинава. Николоски зборуваше за проектите на кои се работеше изминатиов период во Гевгелија, а се осврна и на обиколницата околу Гевгелија, којашто целосно ќе ја промени општината, браната Коњско, како и најголемиот инфраструктурен проект, а тоа е брзата пруга Скопје-Солун.,,Во последниве една година и 3 месеци со Владата предводена од премиерот Мицкоски, работите се сменија, Гевгелија доби огромна поддршка. Гордо можеме да зборуваме за реализирана програма или програма која што е во тек“, рече Николоски.Николоски истакна дека се работи на реконструкција и реставрација на заштитената стара чаршија во Гевгелија.,,Интензивно работевме да се обезбеди цела документација со цел да имаме реставрација одобрена од сите надлежни институции и да стане еден повторно нов симбол на градот“, кажа Николоски.Тој зборуваше и за изградбата на обиколницата околу Гевгелија, Западниот булевар, кој целосно ќе ја смени општината и начинот на функционирање како и начинот на сообраќајот, а го спомена и проектот за браната Коњско.,,Булеварот ,,Свети Климент Охридски“, кој што беше поддржан од Владата, преку програмите коишто ги има во рамки на Владата. А исто така се проектите коишто ги почнуваме во овој момент, тука е секако браната Коњско, којашто го виде светлото на денот и е при крај на реализација токму откако беше избрана оваа Влада, затоа што нејзината изградба беше целосно запрена“, истакна Николоски и додаде:,,Во моментов се проектира патот од брана Коњско до Ново Коњско околу 10 километри. Се очекува, во 2027 година да е завршен, до тогаш треба да е наполнета и браната и да имаме уште едно вештачко езеро во Македонија. Така работи ВМРО-ДПМНЕ“.Николоски се осврна на патната делница од Смрдлива Вода до ски центарот ,,Кожув“, и истакна дека се работи да се врати туризмот таму, а спомена и три проекти кои започнуваат сега. Во неговото обраќање, тој зборуваше и за водоводни канализациони системи на којшто се работеше изминатиов период.,,Тука се и три проекти коишто сега почнуваат, коишто за мене се навистина драги, во Моин, во Прдејци и во Богородица, за целосна реконструкција на улиците таму. Тука се и бројни водоводни канализациони системи, и бројни други проекти коишто се работеа во изминатиов период, а уште многу следуваат во годиниве коишто се пред нас“, вели Николоски.Николоски го нагласи и најголемиот инфраструктурен проект, брзата пруга Скопје-Солун, која ќе биде втората најголема железничка станица во земјава после скопската.,,Најголемиот инфраструктурен проект, којшто, не само Македонија, туку цела југоисточна Европа ќе го види, тоа е брзата пруга Скопје-Солун. Втората најголема железничка станица после скопската ќе е гевгелиската железничка станица, до Скопје ќе се патува за час и 10 минути до Солун за половина час“, рече Николоски и додаде:,,Тоа ќе значи многу и за бизнисот, затоа што солунското пристаниште буквално ќе е на дланка за сите компании кои што извезуваат, а најавувам дека веќе е избран изведувач и за многу брзо време ќе почнеме и на проширување на постојниот граничен премин. Ќе се додадат дополнително ленти, со цел бизнисот, оние кои што се занимаваат со транспорт, полесно да може да функционираат“.

Македонија | пред 3 месеци

Ацевски: Ѓорче е уништено од бетонизација, време е да ставиме крај

„По четири години владеење на ДПМНЕ, Ѓорче денес е безидејно бетонизирано, со запуштени јавни површини и без основна грижа за потребите на граѓаните. Четири годишни општински буџети и плус унгарски кредит од над 1 милијарда, точно 1.189.000.000 денари, се трошат оваа година во Ѓорче, а сè уште нема реализација на ниту еден капитален проект, рече кандидатот за Градоначалник на Ѓорче Петров, Костадин Ацевски.Тој потенцираше дека актуелниот градоначалник на Ѓорче ја однесе општината во амбис, а од ветеното нема ништо.„Не е решен проблемот со притисокот на водата. Нема алтернативно сообраќајно поврзување за Волково, Ново Село, Кисела Јаболка и Даме Груев со останатиот дел од општината и градот. Нема нови кружни текови. Ама затоа има нови згради. Сè повеќе и повеќе. Сè помалку паркинг, сè помалку слободни пешачки патеки, и сè помалку зелени површини. Знам дека сега се ветува сè и сешто. Граѓаните буквално се бомбардирани со ветувања кои ги слушаат со години“, потенцираше Ацевски.Од трибината во Ѓорче, Ацевски побара шанса од граѓаните за хуман развој на општината, каде што човекот ќе биде пред профитот, а интересите на граѓаните ќе бидат пред интересите на инвеститорите.„Барам шанса за Ѓорче да го вратиме на граѓаните. Шанса за да ја стопираме бетонизацијата. Да го стопираме издавањето на градежни дозволи за згради. Ќе ги анализираме урбанистичките планови и нема да дозволиме изградба на нови згради онаму каде што локациските и просторните услови не го дозволуваат тоа. Барам шанса да ја стопираме изградбата на нови згради во Хром и во централниот дел на Ѓорче“, порача Ацевски.Во својот план и визија, тој најави чисто, поврзано и развиено Ѓорче: каде ќе го решиме проблемот со хигиената, зелените површини ќе се одржуваат навремено и редовно и ќе се подигнат нови зелени површини. „Барам поддршка и за алтернативна сообраќајница од Волково преку Ново Село и Кисела Јаболка, покрај Лепенец, на улица Лепенечка и понатаму со надвозник кон Карпош и остатокот од градот“, рече Ацевски.Најави нови современи детски градинки и подобрување на условите во училиштата, младите да добијат активна улога во креирањето на локалните политики, и обврска кон социјално ранливите категории, создавајќи општина за еднакви можности.„Ќе работиме на секоја улица и во секое населено место. Ќе се бориме за секоја улица и за секое населено место. И сите ние, заедно, ќе покажеме дека Ѓорче може и мора подобро!“, порача Ацевски.

Македонија | пред 3 месеци

Филипче: Мицкоски од уста не ме вади, нема ниту едно дело па затоа мора да плука

Претседателот на Социјалдемократскиот сојуз на Македонија, д-р Венко Филипче, на граѓанската трибина во Ѓорче Петров, рече дека ВМРО-ДПМНЕ и Христијан Мицкоски немаат никакви резултати зад себе, па затоа се служат со лаги, спинови и напади врз опозицијата.„Го гледам Мицкоски, од уста не ме вади во оваа кампања. Човекот изгледа не може да сфати дека е на власт и дека треба да промовира што направил, а не да се занимава со опозицијата. Секој ден нова измислена афера по стариот терк, но сега веќе никој не му верува.  Кога немаш ниту едно дело, останува само да плукаш. На Мицкоски треба да му биде едно јасно: граѓаните не живеат од неговата пропаганда“, порача д-р Филипче.Претседателот на СДСМ истакна дека граѓаните веќе ја препознаваат неспособноста на актуелната власт и дека секојдневно се чувствуваат последиците од погрешните политики на ВМРО-ДПМНЕ.

Македонија | пред 3 месеци

Мицкоски до Филипче: Професионално ли е што судот на Марковски за стомилионски криминал му дава куќен притвор?

Претседателот на ВМРО-ДПМНЕ, Христијан Мицкоски,  се обрати од  народниот митинг одржан во општина Богданци, во рамки на изборната кампања 2025 која е под слоганот ,,Вистинскиот избор! Твојот човек! Твоето место! За твојата иднина!“, за претстојните локални избори закажани на 19 октомври. Мицкоски зборуваше на темата за судството и обвинителството во земјава. Според него, луѓето кои ги направија предавствата на државата, кои менуваа име и Устав, и кои изнесуваа милиони надовр од неа, повторно се обидуваат да го лажат народот, а нивната лагодност е во тоа што знаат дека имаат чувари во судството и обвинителството, и притоа лидерот на СДСМ се изјаснува во јавноста дека 2% доверба на граѓаните во судството за него е професионално. Тој додаде дека после локалните избори, потребен е ресет на системот.,,И кога ќе ме запрашаат од каде почнавте да работите овие 15 месеци како Влада, одговорот е тежок, затоа што велиме дека започнавме од самите темели. Толку тие беа разрушени, разјадени и ослабени што, по три децении независност и седум години катастрофално владеење, моравме повторно да почнеме од темелите на Македонија“, рече Мицкоски.Мицкоски нагласи дека кај истите луѓе кои ја распродаваа историјата на државата, менуваа Устав и изнесуваа милиони надвор од неа, има отсуство на срам и според него, покажува дека го потценуваат народот, а и повторно се обидуваат да го излажат.,,Навистина гледам дека тие исти луѓе кои седум години уриваа, кои менуваа име, Устав, распродаваа историја, крадеа, купуваа трговски центри, изнесуваа милиони, правеа дилови на грбот на народот, истите тие ги има фатено една колективна амнезија и без мува да ги лази излегуваат и коментираат, обвинуваат и лажат. Кај сите до еден кај нив има огромно отсуство на срам, и тоа отсуство на срам, говори дека не само што не научиле ниту една лекција, туку ја потценуваат интелигенцијата на народот и повторно сакаат да го излажат со истите фрази, со истите зборови“, кажа Мицкоски и додаде:,,Заев ветуваше живот, а овој сега неговиов наследник, Филипче, ветува среќа. Првиот ветуваше дека ќе ја заштити македонската жица од гитарата, вториот имал црвени линии со Бугарија. Првиот му ја води кампањата, а пак овој вториов слепо го следи. И нивната комоција се должи, освен на отсуството на срам, и на нивната желба за моќ, пари и богатење на грбот на народот. Просто е прашањетом, како со државна, докторска или градоначалничка, па и премиерска плата се стигнува до згради и златна виза во Дубаи? Милионски имот кој вртоглаво расте во годините кога тие се влада. Одговорот е преку криминал и неказнета корупција“.Според него, нивната лагодност се должи на тоа што тие знаат дека имаат чувари во правосудството, и за кое лидерот на опозициска СДСМ изјавува дека ова судство кое ужива само 2% доверба било професионално.,,Нивната лагодност се должи и на фактот што имаат чувар во обвинителството и судството, кои се пак последниот бастион на оваа наша длабока држава. Го слушав внимателно, вчера Венко Филипче како говори дека тоа судство и обвинителство е професионално. Замислете, ова судство и обвинителство со два процента рејтинг било професионално. Тоа што повеќе од 100 пријави ги држат во фиока, тоа што ќутат и тоа молчат за плацовите, вилите, за бизнисите со државни тендери, за вакцините од Кина, не ги прави професионални, туку напротив, ги прави криминални“, вели Мицкоски.Мицкоски додаде дека, сопственикот на омилената фирма на СДСМ и ДУИ, Марковски, на кој за сомнеж за криминал од сто милиони му е доделен куќен притвор, според него ова не е професионално туку криминално.,,И додека ова Филипче го говори, во истиот момент, во исто време судот на сопственикот на омилената фирма на СДСМ и ДУИ, Марковски, кој парче по парче направи во РЕК, за сомнеж за криминал од сто милиони, му доделија куќен притвор. Да го прашам Венко, професионално ли е што за сто милиони неговиот суд му дава само куќен притвор, а за некој што украл 10  ќебапи има притвор со месеци? Во ништо од ова нема професионално, туку само криминално“, посочи Мицкоски.Мицкоски нагласи дека после локалните избори годинава, на државата и е потребен целосен ресет, и само на тој начин ќе обезбеди иднина.,,И од тоа бегате упорно затоа што знаете дека после овие избори, лично ќе се позанимавам со правдата која за сите оние што се огрешиле е недостижна. И тоа мора да се смени, затоа што на Македонија повеќе од сè досега ѝ треба ресет на системот и не само во судството и обвинителството, туку ресет и во секоја пора од општеството. Ресет на вредностите кои ги газат и на сфаќањата кои мораат да ги променат. И само така сите ние, заедно, ќе обезбедиме иднина каква заслужуваме, целосно свесни дека ова е најважната битка на нашата генерација, која мораме да ја победиме“, заклучи Мицкоски.

Македонија | пред 3 месеци

Филипче: Коки е човек од народот, направи повеќе за Ѓорче од актуелниот градоначалник на ДПМНЕ

Претседателот на СДСМ, д-р Венко Филипче, од граѓанската трибина „Се бориме за нашиот дом“ во Ѓорче Петров испрати порака дека во Ѓорче луѓето препознаваат кој е работник, а кој манипулатор и кој вистински ја сака општината, а кој е дојден за функција.„Ѓорчевци се посебни луѓе, луѓе кои ценат труд, работа и искрена грижа за општината. Прво, сакам да кажам нешто за Костадин Ацевски, за Коки. Го следам Коки како работи во кампањата, но го следев и како работеше во сите изминати години за општината. Па, човекот и нашите партиски другари кои се без функција во општината имаат повеќе сработено од градоначалникот. Имаат повеќе искосено, повеќе клупи поправено, повеќе корпи за отпадоци поставено отколку ВМРО-ДПМНЕ и нивниот неспособен градоначалник. За овие луѓе не требаат зборови и ветувања, доволно е да ги видите нивните дела и знаете дека се вистинскиот избор. Тие веќе докажаа како знаат да работат, колку ја сакаат општината и граѓаните и каква граѓанска одговорност имаат“, рече Филипче.Притоа, тој потсети на проектите кои Владата на СДСМ ги реализираше во Ѓорче Петров, а тоа се: нова детска градинка во Волково, модернизирање на системот за јавно осветлување, уредување на зелената срцевина на Ѓорче корзото, новиот изглед на улиците во Ѓорче, Волково, Кисела Јабука, Александрија, Орман и Кучково за овој континуитет после четири годишниот застој Филипче побара масовна поддршка од Ѓорче Петров.„Сега е потребна борба. Има уште седум дена до изборниот молк. Седум дена во кои барам секој еден од вас да го вложи секој атом енергија и да ги промовира нашите добри кандидати и политики. На овие избори СДСМ излезе со чесна понуда. Со луѓе кои докажано знаат и умеат, луѓе кои се од народот и ќе работат за народот, луѓе кои нема да се затворат во своите кабинети откако ќе ги изберете. Понудивме луѓе кои секојдневно ќе ги гледате на улиците како го прават Ѓорче подобро и поубаво место за живеење токму како што и сега го прават“, порача Претседателот на СДСМ, д-р Венко Филипче.

Македонија | пред 3 месеци

Пеев: Имаме план за нова регионална патна врска Ѓавото-Грчиште и ќе го реконструираме системот за водоснабдување во Богданци

Марјан Пеев, кандидат за градоначалник на општина Богданци од ВМРО-ДПМНЕ за локалните избори закажани на 19 октомври годинава, се обрати од денешниот народен митинг во Богданци, во рамки на изборната кампања 2025 година со слоган ,,Вистинскиот избор! Твојот човек! Твоето место! За твојата иднина!Пеев посочи дека треба конечно да се стави крај на самоволието кое ги одредува општинските политики и кажа дел од проектите и плановите за Богданци.„Треба конечно да ставиме крај на самоволието кое ги одредува општинските политики. Во програмата имаме големи планови за општина Богданци. Итно ќе ги донесеме урбанистичките планови за Богданци и урбанистичка документација за села потребни за развој на општината. Ќе инвестираме во соларна фарма за производство на електрична енергија за потребите на пумпна станица во Ѓавото, ќе обезбедиме поврзување на сите населени места со Богданци преку субвенциониран општински линиски превоз, ќе инсистираме препораките од ИЗИИС да се исполнат и образовниот процес на основците да се врати во објектот на основното општинско училиште Петар Мусев Богданци, имаме сериозен план за подобрување на локалната инфраструктура преку патна поврзаност со нова регионална врска Ѓавото-Грчиште, реконструкција на систем за водоснабдување во Богданци, реконструкција и ревитализација на локални улици во сите населени места, обнова и изградба на детски и спортски игралишта, ќе ја доизградиме инфраструктурата во индустриските и туристичката зона, поддршката за младите, пензионерите и ранливите категории на граѓани нема да биде само декларативна туку и суштинска. Културните збиднувања и настани ќе ги издигнеме на повисоко ниво и ќе бидат достапни за сите“ кажа Пеев.Пеев ги повика граѓаните да гласаат за број 9 на 19 октомври за Богданци да стане посакувано и поубаво место за живеење.„Во наредните 4 години општина Богданци ќе стане посакувано место за живеење, планираме да изградиме професионална и ефикасна администрација и да донесеме низа стратешки документи битни за развој на општината. Имаме обврска секоја институција, секој јавен простор и секоја услуга во надлежност на општината да ја направиме достапна за сите. Нема да биде лесно затекнавме инфраструктурно руинирана општина но имаме многу проекти кои значат подобрување на квалитетот на живот во општина Богданци. Мнозинството граѓани знае да ја направи разликата помеѓу вредни, посветени луѓе со реални ветувања од една страна и луѓе кои имаат ветувано се и сешто без реализација. Направете го вистинскиот избор за општина Богданци. Заокружете број 9“ заклучи Пеев.

Македонија | пред 3 месеци

Николоски: Темната коалиција на СДСМ-ДУИ-Левица е во очај и тешка паника и затоа треба масовна излезност

Потпретседателот на ВМРО-ДПМНЕ, Александар Николоски, се обрати од народниот митинг одржан во општина Богданци, во рамки на изборната кампања 2025 година која е под слоганот ,,Вистинскиот избор! Твојот човек! Твоето место! За твојата иднина!“, за претстојните локални избори закажани на 19 октомври. Николоски зборуваше за опозициската структура, СДСМ-ДУИ-Левица, кои како што кажа, водат црна кампања за претстојните локални избори. Тој упати и прашање до претседателот на СДСМ, околу случувањата со ковид кризата во земјава, во време кога Венко Филипче беше министер за здравство. Николоски потсети на скандалозните тендери со вакцините, како и недостатокот на вакцини, а и на тоа дека Македонија за време на неговиот мандат се искачи на врвот на црните листи, поради неговото лошо менаџирање со здравствениот сектор.,,Целокупниот фокус на Владата е насочен кон подобрување на стандардот, кон подобрување на начинот на живот. Но, исто така, мора да знаеме дека на другата страна, имаме структура, имаме луѓе коишто поинаку размислуваат, кои што сакаат да не вратат назад. Тоа е темната коалиција на СДСМ-ДУИ-Левица, коишто водат најцрна можна кампања, откако сме виделе кампања во избори. Тие се во очај, во тешка паника, и затоа треба масовна излезност. За да ставиме точка, да не оставиме простор на ниеден од нив, да мисли дека овие процеси се повратни и да мислат дека било што можат да направат за повторно да дојдат во позиција да одлучуваат за иднината на Македонија“, рече Николоски и додаде дека оваа коалиција треба да исчезне по локалните избори:,,Таа коалиција на Али Ахмети, Венко Филипче и Димитар Апасиев, треба да исчезне после овие избори, со цел да можеме да се фокусираме на она што е најбитно, најзначајно, а тоа е економскиот раст и просперитет“.Николоски упати прашање до претседателот на опозициската СДСМ, Венко Филипче, во врска со состојбата за време на ковид пандемијата, кога Министерството за здравство беше под покровителство на Филипче. Прашањето се однесуваше на, како што вели Николоски, црната статистика, според која Македонија заврши на врвот на истата, поради лошиот менаџмент од страна на Филипче, што ги доведе граѓаните да чекаат донации од други земји, или да одат во тие во регионот.,,Со денови претседателот на СДСМ, Венко Филипче, одбегнува еден одговор, на едно многу едноставно прашање, а тоа е: Како дозволи како министер за здравство да Македонија во црните листи, за жал е на врвот, односно Македонија најлошо да се справи со корона кризата и зошто десетици, стотици семејства останаа завиени во црно, заради неговиот лош менаџмент во здравството, заради криминалните тендери со набавка на вакцини. Па кога истата шема беше откриена, од нас тогаш како опозиција, да нема никакви вакцини и да треба луѓето да одат во соседните држави, за да можат да си го спасат животот или да чекаме тука донации. Тука беа и набавките по три пати до десет пати повисоки цени на заштитна  опрема, што не донесе како држава на црната статистика во врвот. Може ли да даде одговори кога оди и вели салата правел или не знам што правел, како Македонија стигна до овие бројки“, вели Николоски.Според Николоски, одговорот на прашањето е едноставен: ,,Одговорот е многу едноставен и затоа бегаат, како што и во тоа време мислеа само на криминал и корупција“.

Македонија | пред 3 месеци

Стефковски: Програма со главен фокус на детска заштита, нула комуналии за изградба на индивидуални објекти за млади брачни парови

Бобан Стефковски, кандидат за градоначалник за општина Гази Баба, од редовите на ВМРО-ДПМНЕ, денес гостуваше во дебатната емисија „Локални избори 2025 - изборни соочувања“ на МРТ1 и кажа дека изминатите четири години одговорното, чесното и транспарентно работење резултираше со реализација на проекти во сите населени места, водејќи сметка за рамномерен регионален разој на општина Гази Баба. Стефковски истакна дека неговата програма опфаќа вкупно 505 проекти за наредниот период од четири години со главен фокус на детската заштита и изнесе дел од истите.„Покрај тоа што во моментов се градат градинки во Трубарево и Инџиково, предвидуваме изградба на детска градинка во Керамидница, Хиподром 2, Сингелиќ и Маџари. Изградба на спортски сали и подобрување на спортската инфраструктура предвидуваме во Ченто, Железара, Сингелиќ, Страчинци и да се обнови онаа фискултурна сала во студентскиот дом „Стив Наумов“. Изградба на фекална канализација во населените места Раштак, Виниче, Булачани, Брњарци и Ергеле. Потоа катни гаражи во Автокоманда и во Ченто“, рече Стефковски и додаде:„Она што ме радува, ветуваме еден проект за младите брачни парови, а тоа е нула комуналии за изградба на индивидуални објекти за младите брачни парови до 29 години, изградба на амбуланта во Автокоманда, субвенции на граѓаните за енергетско ефикасни фасади во колективните згради, за набавка на клими, сончеви колектори, велосипеди. И продолжување на модернизацијата на јавното комунално претпријатие како вистински сервис на граѓаните“.Стефковски се осврна и на оние проекти кои значат развој и унапредување на општината во делот на мобилност и инфраструктура ги додаде и капиталните проекти содржани во неговата програма, а кои се во насока на решавање на сообраќајниот метеж во општината Гази Баба.„Изградба на булевар Хрватска во првата фаза од Бутел до Железара и потоа во втората фаза од Железара до Автокоманда, доизградба на булеварот АСНОМ, клучка на булеварот Александар Македонски којашто ќе ја поврзе новата населба Хиподром 2 и индустриската зона Инџиково, комплетна реконструкција на регионалниот пат 1102 којшто води од Ергеле до Дрма, комплетна реконструкција на регионалниот пат којшто води од Хиподром 2 до Илинден и реконструкција на регионалниот пат Јурумлери- Драчево“, заклучи Стефковски.

Македонија | пред 3 месеци

Лукровски: Два мега паркови, Парк 1020 и Хајкинг Делта парк

Сотир Лукровски кандидат за градоначалник за општина Карпош од редовите на ВМРО- ДПМНЕ, денес гостуваше во емисијата „За или против“ на телевизија Алфа, при што истакна дека неговата кандидатура е мотивира од желбата за придонес кон општото добро во општината Карпош. Притоа, Лукровски ја сподели неговата визија за тоа како ја гледа општина Карпош во наредните четири години.„Карпош да биде разеленет, исчистен, да им овозможиме на луѓето да имаат паркинг места, со бизнис заедницата да поработиме тие се можност за нашите млади, за вработувања, за развивање на подобар Карпош, со сите групации на граѓани, спортисти, култура, да направиме еден Карпош каков што го паметиме пред години“, вели Лукровски.Лукровски сподели дека во неговата програма е предвидено формирање на јавно претпријатие Карпош план и појасни што ќе биде предмет на работа на истото. Исто така нагласи дека Карпош ќе се гради плански, транспарентно во соработка со граѓаните.„Планираме формирање на јавно претпријатие Карпош план кое ќе се занимава со изработка на сите оние ДУП-ови, ревизија на старите, со легализациите кои се голем проблем на граѓаните кои со години чекаат. Карпош ќе се гради, да го градиме плански, да го градиме транспарентно, да биде тоа еден инклузивен процес со граѓаните“, појасни Лукровски.Во делот на транспарентноста на општината, Лукровски ја презентираше и идеата за изработка на апликацијата „Мој Карпош“ која ќе им овозможи на граѓаните на Карпош пристап до навремени информации за тековни културни и спортски настани во општината, за вадење на документи, како и увид во трошењето на средствата на општината.„Планираме да направиме апликација „Мој Карпош“, преку која граѓаните ќе ја имаат општината на дланка. Со еден, два, три клика да можат да стигнат до сите информации, дали ќе биде тоа што се нуди во тековниот месец од културни настани, спортски, одредени информации за вадење на документи. Меѓудругото ќе можат во секое време преку финансиските извештаи да видат како општината ги троши нивните средства“, рече Лукровски.Во делот на зелената агенда, Лукровски како кардинални проекти ги најави и изградбата на двата мега паркови, Парк 1020 и Хајкинг Делта Паркот.„Два големи мега парка, паркот кој го нарековме 1020, во делот на течението на Лепенец од Бардовци ќе се протега покрај Злокуќани, према Влае, тука имаме негде околку 500.000м2 државна земја, голем парк со ботаничка градина, картинг стаза со европски стандарди, терен за голф, забавни содржини за најмладите. Во делот на Средно Водно, заедно со Градот, Хајкинг Делта Парк, од подножјето над последните куќи во Карпош, од 3 точки ќе се поаѓа во близина на црквата Свети Јован, па централно, па во Нерези, вело патеки, пешачки патеки. Три патеки кои на крајот ќе завршуваат во една, тој појас ќе го појачаме со 10.000 нови автохтони дрва, ќе допридонесеме за нова вегетација, ќе издградиме и летниковци“, заврши Лукровски.

Македонија | пред 3 месеци

Филипче: Време е за промени во Брвеница со Светлана Митреска Анџелскоска

Претседателот на Социјалдемократскиот сојуз на Македонија, д-р Венко Филипче, денес на граѓанската трибина во Брвеница, нагласи дека овие избори се одлучувачки за иднината на општината и за начинот на водење на локалната власт, повикувајќи на обединување околу планот и програмата на кандидатката за градоначалник на СДСМ, Светлана Митреска Анџелскоска.„Визијата за Брвеница која Светлана Митреска Анџелскоска сака да ја реализира е општина што ќе биде сервис на граѓаните, место каде младите ќе остануваат и ќе имаат шанса за развој, каде семејствата ќе се чувствуваат сигурно, а пензионерите достоинствено. Но оваа визија не може да се оствари без обединета сила на граѓаните, без глас што бара промена и чесност. Сега потребен глас за иднината на Брвеница“, порача д-р Филипче.Тој изрази разочараност од четиригодишното владеење на ВМРО-ДПМНЕ во Брвеница и нагласи дека најважните и клучни проекти за граѓаните од Брвеница не ги реализирал актуелниот градоначалник и дека непосредно пред кампањата почнал да ги раскопува улиците.„Ова не е локална власт што работи за граѓаните. Недовршена канализациска мрежа во сите населени места, улици ветени, а недоизградени. Ветувања за клучка кон автопатот, полициска станица, проширување на детската градинка, мини спортски полигони за пензионери – ништо од тоа не е реализирано. Брвеница остана со празни ветувања. Граѓаните гледаат дека локалната власт на ВМРО-ДПМНЕ се фали со проекти што не ги направила и се обидуваат пред избори да замачкаат очи дека нешто се работи. Ова е слика на локална власт која мисли на себе и партијата, а не на народот“, истакна д-р Филипче.Филипче  нагласи дека се што досега е вистински вложувано во Брвеница е направено од СДСМ, која секокгаш била на страната на граѓаните и со граѓаните, што го докажа на дело во времето на светски кризи, кога никој не беше оставен сам да се справува со предизвиците.„Сè што функционира денес во општината е благодарение на проектите обезбедени и поддржани од Владата на СДСМ. Инфраструктурни проекти, водовод и канализација, проекти во образованието и подобрување на јавните услуги сето тоа е резултат на грижата и посветеноста која СДСМ ја има кон граѓаните и секое населено место. И затоа на овие избори, единствено СДСМ нуди реални програми и чесни луѓе кои знаат да работат за граѓаните, а не за тесни партиски интереси“, рече тој.Лидерот на СДСМ порача дека Брвеница треба да биде општина што функционира, каде институциите се сервис на граѓаните, а не продолжена рака на партијата, со апел до присутните дека за тоа е потребно единство и обединување на сите околу вистинските вредности кои општината ќе ја развиваат.„Секој што ја сака Брвеница, секој што сака современа, чесна и просперитетна општина, денес треба да се приклучи во ‘Борба за нашиот дом’. Овие избори се многу повеќе од избор на градоначалник и советници – тие се избор меѓу два концепта: чесна работа и визија или празни ветувања, застој и партиски калкулации. Секој глас е важен, секој глас може да ја врати надежта и да ја осигура иднината на Брвеница“, нагласи Филипче.Тој ги увери граѓаните дека со поддршка на Светлана Митреска Анџелскоска и советничката листа на СДСМ предводена од Јовица Радески, Брвеница ќе добие локална власт што работи за граѓаните, ќе создаде услови за развој на младите и семејствата, ќе обезбеди достоинствен живот за пензионерите и ќе ги реализира капиталните проекти што се клучни за иднината на општината.„Светлана Митреска Анџелскоска и советничката листа на СДСМ се луѓе што нема да ве изневерат. Тие нема да заборават утредента по изборите на проблемите на граѓаните, туку ќе работат чесно, одговорно и посветено. Патриотизмот не е во големи зборови, туку во дела што ги градат заедницата, во посветеност на младите, пензионерите и секој граѓанин. Ова е нашата борба, ова е нашиот пат“, заклучи д-р Филипче.Клучните капитални проекти кои Светлана Митреска Анџелскоска која ги најави пред пристутните на денешната граѓанска трибина на СДСМ и Коалицијата „Се бориме за нашиот дом” во општина Брвеница, се пречистителна станица, изградба на Дом на културата и Дом за стари лица, проекти што ќе ја трансформираат Брвеница и ќе создадат услови за достоинствен живот. Освен капиталните проекти, нејзината визија предвидува системски промени во општината: зголемување на капацитетите на детската градинка, создавање простор за рекреативни и едукативни активности за младите, поддршка на младите брачни парови и семејствата со мали деца, мотивирање на жените да започнат сопствен бизнис, како и активно вклучување на младите во креирањето на локалните политики и економски развој.

Македонија | пред 3 месеци

Мицкоски: Тројната оска СДСМ-ДУИ-Левица функционира затоа што власта им е помила од се во животот

Христијан Мицкоски, претседателот на ВМРО-ДПМНЕ, денес имаше свое обраќање од народниот митинг одржан во општина Дојран, во рамки на изборната кампања 2025 која е под слоганот ,,Вистинскиот избор! Твојот човек! Твоето место! За твојата иднина!“, за претстојните локални избори закажани на 19 октомври. Тој зборуваше за како што вели, полуформалната коалиција на СДСМ-ДУИ-Левица за претстојните локални избори, тоа е истата таа коалиција од претходната власт која не остави никаков печат, освен грабеж и опустошување на државата.,,На овие избори имаме две опции. Трета опција нема. Едната опција е една, полуформална, на моменти неформална, а по својата длабока суштина, многу формална  коалиција, во која што членуваат политички партии кои што се здружиле поради две основни цели“, рече Мицкоски.Мицкоски истакна дека она што ја обединува желбата за власт кај оваа коалиција за претстојните локални избори е желбата за власт, по секоја цена, па дури и по цена на погазување на сопствените принципи, а како што вели тој, ја обединува и заедничката омраза кон ВМРО-ДПМНЕ.,,Првата е власта и желбата за власт. А, втората  е патолошката омраза кон ВМРО-ДПМНЕ. Тоа е коалицијата СДСМ-ДУИ и политичката партија Левица. Се осојузиле Венко, Али и Димче затоа што власта им е помила од се во животот, па дури и од сопствените принципи, но и патолошката омраза која што ја имаат кон ВМРО-ДПМНЕ е толку силна што успеа да ги премости сите нивни разлики, и политички и лични, само за да се обединат и да се обидат на овие избори да направат некаков резултат. Тоа е првата опција“, истакна Мицкоски.Како што вели Мицкоски, претходната власт, која коалицира повторно за овие локални избори, освен што ја опустоши и ограби државата, ја распродаде и потпишуваше секакви договори, не оставија никаков друг печат.,,Втората опција е коалицијата која што ја предводи ВМРО-ДПМНЕ. Кога ќе ги анализирате овие две опции, тогаш ќе дојдете до неколку заклучоци. Првиот заклучок е дека, оваа прва опција, оваа коалиција помеѓу Венко, Али и Димче, покрај тоа што се обединиле со една цел, а тоа е власт. Тие практично со својата порака на овие избори, а тоа е, ,,Се бориме за нашиот дом“, јасно не потсетуваат дека имаа 7 години влада во Македонија, 7 години можност, да се борат за нашиот  заеднички дом, нашата татковина Македонија. А, освен тоа што направија голем пустош, ја ограбија практично Македонија, ги опљачкаа граѓаните во Македонија, ја распродадоа Македонија, потпишуваа секакви договори, друг спомен, друга меморија од тие 7 години буквално никој не може да се сети“, вели Мицкоски.Мицкоски потсети и на говорот на еден од претходните претседатели на СДСМ од собраниската говорница, што посочува како СДСМ коалицира  со Левица одамна, и ова нема да им биде прв пат. Според него, ова е коалиција што државата ја враќа назад во времето.,,Ќе ве потсетам на она излагање на тогашниот претседател на СДСМ, и тогашен претседател на владата, Зоран Заев, во македонското Собрание, кога му се обраќаше на тогаш пратеникот и претседател на Левица, Димче Апасиев и кога му рече: ,,Нели се договоривме јас и ти пред изборите, јас да ти обезбедам ресурси, а ти да работиш против ВМРО-ДПМНЕ и Мицкоски, и ако освоиш пратеник, после изборите да коалицираме, и на тој начин да ја спасиме Македонија од ВМРО-ДПМНЕ и Мицкоски?“. тоа го кажуваше тогашниот претседател на Владата, кон својот сокриен коалиционен партнер, Димче Апасиев, пратеник во македонското Собрание и претседател на политичката партија Левица“, кажа Мицкоски и додаде:,,Затоа денес, било кој, ако има било каква дилема, дали оваа тројна оска функционира, не треба да има. Делата сами говорат, делата сами ни го оцртуваат патот по кој што тие би не воделе. Со еден збор, тоа е коалиција која што не враќа назад во времето. Времето на грабежот, времето на националните понижувања, времето на предавствата, времето кога граѓаните чувствуваа длабока болка, затоа што сите одеа напред, а ние не само што стагниравме, туку на моменти и се враќавме назад“.

Македонија | пред 3 месеци

Тентов: Дојран ќе добие целосна реконструкција и модернизација на хидросистемот

Илија Тентов, кандидат за градоначалник за општина „Дојран“ од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, се обрати и истакна дека Дојран веќе осум години тоне во стагнација, непотизам, и несовесно искористување на општинскиот буџет и дека е време за големи промени, за нова сила и нова енергија во општината.„Дојран единствено напредува кога ВМРО е на власт. За жал осум години во нашата општина имавме невидена стагнација, непотизам, несовесно искористување на општинскиот буџет за лични цели, видовме се и слушнавме сешто, Доста е! Време е за големи промени во нашиот Дојран, време е за нова сила, нова енергија, време е за работа, успеси, време е парите да се вратат кај народот. Конечно да живне туризмот онака како што доликува за Дојран, конечно да се погрижиме за нашето езеро, да ставиме крај на се она кое ја влече нашата општина надолу“, рече Тентов.Тентов наброи дел од проектите на изборната програма и го потенцираше најзначајниот проект за општината и тоа целосна реконструкција и модернизација на хидросистемот.„Прво и најважно – целосна реконструкција и модернизација на хидросистемот, второ – конечно решавање на проблемот со водоснабдувањето во Стар и Нов Дојран, трето – реконструкција на старата пречистителна станица, четврто – урбанистички план за Стар Дојран и Сретеново, петто – модерна улица и модерна пешачка патека со урбана опрема и канделабри до плажата во село Николиќ, шесто – субвенциониран превоз до сите населени места од општината и редовна линија Дојран-Гевгелија, седмо – градежна зона за млади брачни парови, осмо- довршување на црквата „Свети Никола“ во село Црничани, деветто- реконструкција и проширување на локален пат од главната магистрала до влезот на село Фурка и десетто- дежурна медицинска служба, 365 дена во годината“, истакна Тентов.Тентов на крај истакна дека станува збор за програма која е создадена за граѓаните, и ги повика да го направат вистинскиот избор, и да го заокружат бројот 9.„Се работи за програма што не е напишана во канцеларија, туку е создадена со вас, и за вас, заедно ќе изградиме локална самоуправа која не служи на поединци, туку на целиот народ. Да го направиме вистинскиот избор за Дојран да биде модерна, урбана општина која се развива напред, дадете поддршка на твојот човек! За твоето место! За твојата иднина! Заокружете го бројот 9“, рече Тентов.

Македонија | пред 3 месеци

Мојсоска: Домување за жртвите на семејно насилство е приоритет во програмата на Левица

„Иако локалната самоуправа има законски обврски и надлежности во заштитата од семејно насилство, фактите се дека општина Струга целосно заостанува во тој поглед. Податоците покажуваат дека сѐ повеќе жртви се охрабруваат да ги напуштат насилниците, но економската зависност е коренот на проблемот, поради кои жртвите остануваат да трпат семејно насилство“, истакна Јована Мојсоска во дискусијата одгранизирана од Националната мрежа против насилство врз жени и семејно насилство, во Струга. На настанот на која присуствуваше и Климе Карамитриески, носителот на советничката листа на Левица за Струга Мојсоска презентираше и дел од програмата на Левица во кој се предвидува изградба на шелтер центар за жртви на семејно насилство, финансиска поддршка за домување за жртви на семејно насилство како и предност при вработување на самохрани мајки и жртви на семејно насилство.На крајот од своето обраќање Мојсоска истакна: „ Мојата главна порака е дека игнорантноста и неспособноста на институциите не смее да кошта човечки животи“.

Македонија | пред 3 месеци

Мециновиќ: Градот мора да им служи на граѓаните не на партиите

На денешната прес-конференција на Левица, кандидатот за градоначалник на Скопје, Амар Мециновиќ, ги стави во фокус работниците од јавните претпријатија и плановите за дигитализација и транспарентност на градската управа. „Сакам најпрво да им се заблагодарам на работниците во јавните претпријатија кои пред неколку дена цела ноќ работеа на терен за да ја поправат големата хаварија на водоводот. Благодарение на нивната работа, утредента скопјани имаа вода. Но, премногу често ги забораваме токму оние што ја одржуваат нормалноста во овој град,“ истакна Мециновиќ.Мециновиќ рагираше и на изјавите на дел од неговите противкандидати кои најавуваат „чистки“ меѓу јавните работници. „И за разлика од моите противкандидати кои велат дека во првите седумдесет два часа ќе ги извадат за уши работниците за да го исчистат градот и да го исчистат сметот кој тие го имаат креирано заедно со другите градоначалници од другите општини, ние сметаме дека пред сѐ треба да се поправат условите за работа за овие работници, затоа што кога зборуваме за пополнување на дупки, за собирање на смет, градоначалникот ниту ќе земе лопата, ниту ќе земе метла. Тоа треба работниците да го направат, така што тие работници треба да имаат нормални услови за работа “, рече тој.Како централна тема, Мециновиќ ја најави иницијативата за дигитализација на услугите на Град Скопје преку јавен натпревар за млади програмери, без тендери и посредници. „Планираме да организираме натпревар меѓу програмери од Скопје кои ќе развијат апликација што ќе ги интегрира сите градски услуги: плаќање даноци, сметки, паркинг, јавен превоз, па дури и поднесување поплаки и барања до градот“, објасни тој. Во проектот ќе се вклучат Факултетот за електротехника и информациски технологии (ФЕИТ) и ФИНКИ, чии професори ќе ја оценуваат безбедноста и функционалноста на апликациите. „Победничкиот тим ќе добие награда од 50.000 евра и можност за трајно вработување во Град Скопје за да ја развива и одржува апликацијата,“ најави Мециновиќ.„Со ова, за првпат ќе покажеме дека може да се работи без тендер шеми и партиски вработувања. Нема да плаќаме милиони за нешто што можеме да го направиме со сопствен домашен потенцијал,“ додаде тој.Мециновиќ најави и неколку конкретни мерки за отворање на градската управа кон граѓаните: формирање партиципативно граѓанско тело што ќе го следи спроведувањето на одлуките на Советот на Град Скопје, воведување двосменско работење на шалтерите за да можат сите граѓани да добијат пристап до услугите, како и креирање на платформа „Мој советник“, на која ќе биде јавно достапно кој советник колку присуствува на седници и како гласа. „Градските власти живеат на небо. Да беа на земја, ќе ја видееја реалноста во која живеат Скопјани,“ изјави Мециновиќ.Кандидатот на Левица подвлече дека приоритет во неговиот мандат ќе биде реформа на условите за работа во јавните претпријатија. „Работниците треба да гласаат за одлуките што се однесуваат на нивните услови. Тие се срцето на градот, а не политичарите,“ нагласи тој. Мециновиќ обвини дека двете најголеми партии, ВМРО-ДПМНЕ и СДСМ, со години намерно ги туркаат претпријатијата во колапс за да ја оправдаат нивната приватизација. „Сега се најавува приватизација на ‘Комунална хигиена’ и ‘Дрисла’, а има и индиции за ЈСП. Ако не застанеме, на крај и водоводот ќе ни го приватизираат. Ќе ни ја земат и водата,“ предупреди тој.„Ние не веруваме во приватизација, веруваме во јакнење на јавниот сектор, во финансиска консолидација и во враќање на довербата на граѓаните“, додаде Мециновиќ. На крајот од прес-конференцијата, тој порача дека Скопје мора да ја искористи сопствената научна и човечка сила. „Ова не е научна фантастика. Нашите програмери, нашите работници, нашите граѓани – тие го градат градот. Треба само да им се даде можност. Затоа што градот мора да им служи на граѓаните, а не на партиите“, порача Мециновиќ.

Скопје | пред 3 месеци

Андоновски: Бесплатни WI-FI зони за граѓаните во повеќе од 60 општини низ Македонија

Министерот за дигитална трансформација, Стефан Андоновски, денес во посета на Ѓорче Петров, заедно со градоначалникот на општината, Александар Стојковски го најави проектот за нови бесплатни WI-FI зони низ државата, со што се става акцент на граѓаните, со тоа што ќе можат да користат бесплатен интернет во овие зони, а првата ваква зона ќе биде токму паркот во Ѓорче Петров.„Поставуваме бесплатни WI-FI зони за граѓаните, Ѓорче Петров е една од првите општини каде што ова ќе се реализира, со проект поддршка од ЕУ, преку планот за Западен Балкан, односно WI-FI за Западен Балкан. Освен во Ѓорче Петров, имаме апликации во повеќе од 60 општини низ државата“, најави Андоновски.Овој проект кој е во соработка со ЕУ во интерес на државите од Западен Балкан е од големо значење и поддршка на сите држави кои партиципираат, затоа што ќе се зголеми пристапноста до интернет и ке се подигне дигиталната писменост.Андоновски најави исто така дека во Скопје ќе има десетина вакви зони, кои како што рече тој, младите ќе бидат најголеми корисници на овој проект.„Во Скопје ќе имаме повеќе од 10 локации каде што ќе бидат поставени овие WI-FI зони, каде граѓаните, особено младите ќе имаат пристап до бесплатен интернет овозможен од овој проект во соработка со ЕУ'', рече Андоновски.Градоначалникот Стојковски изрази задоволство од досегашната соработка со Министерството за дигитална трансформација и најави целосно дигитализирање на општинските услуги, бидејќи како што рече дигитализацијата нуди подобри и поефикасни услуги за граѓаните.

Македонија | пред 3 месеци

Шукова: Системска поддршка за жените и семејствата, прифатилишта и родово одговорно буџетирање за еднакво Скопје

Денеска кандидатката за Градоначалничка на Град Скопје од редовите на СДСМ, Каја Шукова, оствари средба со Националниот совет за родова рамноправност (НСРР), предводен од претседателката Савка Тодоровска, како и со членките на мрежата на НСРР.Средбата помина во конструктивна атмосфера исполнета со идеи и искуства, каде во фокусот беа предизвиците и можностите за унапредување на положбата на жените во градот. Шукова истакна дека Скопје има огромен човечки потенцијал, особено во жените кои секојдневно придонесуваат во јавниот, економскиот и општествениот живот на градот.„Жените во нашиот град имаат исклучителни капацитети, знаење, храброст и одговорност за извршување на јавни функции. Како градоначалничка ќе се залагам за системска поддршка на жените и семејствата преку обезбедување сервиси за семејства, прифатилишта за жени жртви на семејно насилство и воведување родово одговорно буџетирање како приоритет. Само град што се грижи подеднакво за сите е град што напредува,“ изјави Шукова.Средбата заврши со заедничка согласност дека Скопје има потреба од поинклузивни и солидарни политики град каде секој глас се слуша, а секоја жена има можност да придонесе и да успее.

Скопје | пред 3 месеци