На 2 март 2026 година во 22:30 часот на улицата „Пиринска“ во Прилеп, полициски службеници од ОВР Прилеп го лишиле од слобода Х.А. (38) од Прилеп.При преземените мерки кај него била пронајдена прашкаста материја.По целосно документирање на случајот, против него ќе биде поднесен соодветен поднесок.
Македонија | пред 2 седмици
На 2 март 2026 година во 01:45 часот во СВР Битола било пријавено нарушување на јавниот ред и мир во казино на улицата „Филип Втори Македонски“.Според информациите, М.С. (38) од Битола со метален предмет оштетил апарат за игри на среќа во објектот.Од полицијата информираат дека се преземаат мерки за целосно расчистување на настанот.
Македонија | пред 2 седмици
Белгиските власти го прошируваат списокот на земји во кои би можеле да префрлат дел од затворениците поради сериозната пренатрупаност на затворските капацитети, јавуваат медиумите повикувајќи се на Бугарската телеграфска агенција.По прелиминарните разговори со Албанија и Косово, на списокот се додадени и Македонија, Естонија, Босна и Херцеговина, Србија, Црна Гора и Литванија. Станува збор за можност за трансфер на осудени лица, пред сѐ странски државјани, во објекти надвор од Белгија.Според официјалните податоци, повеќе од 600 затвореници во Белгија спијат на под поради недостиг од простор. Во земјата во моментов има околу 13.000 затворени лица, иако официјалниот капацитет на затворите изнесува 11.000 места. Од вкупниот број, 4.400 се лица со нерегулиран престој.Белгиската влада нагласува дека ќе разгледува договори за трансфер само доколку се обезбедат пристојни услови за издржување на казната и целосно почитување на човековите права. Во извештаите се наведуваат и потенцијални проблеми во некои од земјите што се разгледуваат, вклучително и недостиг од основни услови, несоодветно греење и ограничено време што затворениците го поминуваат надвор од ќелиите.Министерката за азил и миграција, Анлин Ван Босујт, во интервју за Еуроњуз во Брисел изјави дека Белгија ја разгледува „секоја можна опција“, вклучително и изнајмување затворски капацитети во странство за странски државјани осудени за кривични дела.Таа неодамна ги посетила Албанија и Косово за да ги испита можностите за ваква соработка, како дел од поширок пакет антимиграциски мерки што ги подготвува белгиската влада.
Македонија | пред 2 седмици
Претседателката Гордана Сиљановска-Давкова утре ќе биде домаќин на генералниот секретар на НАТО, Марк Руте, кој пристигнува во својата прва официјална посета на земјава откако застана на чело на Алијансата. Според најавите, Руте ќе оствари средби со државниот врв и ќе присуствува на армиска показна вежба.Работната агенда ќе започне во Кабинетот на претседателката, каде што Руте ќе биде пречекан со највисоки државни и воени почести. Предвидена е тет-а-тет средба меѓу Сиљановска-Давкова и генералниот секретар, по што ќе следи пленарен состанок меѓу македонската делегација и делегацијата на НАТО. Во попладневните часови е закажана заедничка прес-конференција на која ќе бидат соопштени деталите од разговорите.Покрај средбата со шефицата на државата, Руте ќе има интензивна агенда и со останатите носители на извршната и законодавната власт. Планирани се официјални разговори со премиерот Христијан Мицкоски и со претседателот на Собранието Африм Гаши.Како дел од безбедносниот сегмент на посетата, генералниот секретар ќе присуствува и на специјална показна вежба на Армијата, што се оценува како симболична потврда на соработката меѓу земјава и Алијансата.Ова е прво доаѓање на Марк Руте во Скопје во својство на генерален секретар на НАТО. Тој претходно престојуваше во Македонија во ноември 2021 година, тогаш како премиер на Холандија. Последната посета на прв човек на Алијансата во земјава беше во 2023 година, кога во официјална посета престојуваше неговиот претходник Јенс Столтенберг.
Македонија | пред 2 седмици
Израелски одбранбени сили соопшти дека ликвидирала високи функционери на иранското разузнавање, меѓу кои и Сајед Јахја Хамиди, заменик-министер за разузнавање задолжен за прашања поврзани со Израел.Во новото соопштение, израелската војска наведува дека бил убиен и Џалал Пур Хосеин, раководител на одделот за шпионажа во иранското Министерство за разузнавање, заедно со други, како што се наведува, „режимски функционери“. Не се прецизира кога, каде и на кој начин биле извршени нападите.ИДФ дополнително информира дека седиштето на иранското Министерство за разузнавање во Техеран било погодено „пред кратко време“. Засега нема официјална потврда од иранска страна за овие наводи, ниту детали за евентуалните последици од нападот.Овие тврдења доаѓаат во период на засилена воена ескалација меѓу Израел и Иран, при што двете страни разменуваат сериозни обвинувања и соопштенија за погодени стратешки цели.
Свет | пред 2 седмици
Иранското воено раководство соопшти дека противвоздушната одбрана на земјата соборила три американски борбени авиони, наведувајќи дека леталата биле погодени од огнот на домашните одбранбени системи.Во соопштението се тврди дека бројот на урнати американски летала се искачил на три, без да се наведат дополнителни детали за типот на авионите или местото на наводното соборување. Од утринските часови, регионалните медиуми и социјалните мрежи споделуваат снимки на кои, наводно, се гледа пад на авиони и катапултирање на пилоти. Засега нема независна потврда за овие тврдења.Паралелно со овие наводи, Министерството за одбрана на Кувајт информираше дека неколку американски борбени авиони утринава се урнале на територијата на земјата, но дека сите пилоти ја преживеале несреќата. Според кувајтските власти, членовите на екипажот успешно се катапултирале и биле пренесени во болница на преглед, при што било утврдено дека се во стабилна состојба.Засега не е јасно што довело до падот на американските летала во Кувајт. Инцидентот се случил во период на интензивна иранска ракетна и артилериска активност насочена кон копнени цели, а кувајтското Министерство за одбрана соопшти дека истрагата за „причините за инцидентот“ е во тек.
Свет | пред 2 седмици
Кремљ соопшти дека Русија е во постојан контакт со иранското раководство поради, како што наведе, „отворената агресија“ врз Техеран и изрази длабоко разочарување од развојот на настаните.Рускиот претседател Владимир Путин во неделата го осуди убиството на иранскиот врховен верски водач ајатолахот Али Хамнеи, оценувајќи го како „цинично“. Во меѓувреме, руското Министерство за надворешни работи ги обвини Соединетите Американски Држави и Израел дека Блискиот Исток го турнале „во бездна на неконтролирана ескалација“.Портпаролот на Кремљ, Дмитриј Песков, изјави дека Москва ја анализира ситуацијата и ги извлекува сопствените заклучоци по одлуката на Вашингтон да започне напади врз Иран, и покрај, како што рече, претходно ветувачките преговори.„Кога станува збор за разговорите меѓу Соединетите Американски Држави и Иран, со посредство на Оман, можеме да изразиме длабоко разочарување бидејќи, и покрај извештаите за значителен напредок, ситуацијата сепак ескалираше во отворена агресија“, изјави Песков пред новинарите.Тој додаде дека се очекува Путин во текот на денот да оствари меѓународен телефонски разговор поврзан со состојбата во Иран, но не откри со кого ќе разговара.„Можам само да кажам дека сме во постојан контакт со иранското раководство и разговараме за ситуацијата во таа земја. Истовремено, продолжуваме со дијалог со раководствата на земјите погодени од конфликтот, вклучително и државите од Персискиот Залив“, нагласи Песков.
Свет | пред 2 седмици
Генералниот директор на Меѓународна агенција за атомска енергија, Рафаел Гроси, изјави дека засега нема индикации дека биле оштетени иранските нуклеарни постројки по неодамнешните американски и израелски напади.Во обраќање пред Управниот одбор на агенцијата, Гроси нагласи дека нема докази оти биле погодени „нуклеарните инсталации, вклучително и нуклеарната електрана Бушер, истражувачкиот реактор во Техеран или други објекти од нуклеарниот горивен циклус“. Тој посочи дека ИАЕА се обидува да стапи во контакт со иранските регулаторни власти во нуклеарната сфера, но дека „досега нема одговор“.Гроси повика на „најголема можна воздржаност во сите воени операции“, имајќи ги предвид нуклеарните објекти во Иран и во други земји од регионот, меѓу кои Бахреин, Ирак, Кувајт, Оман, Катар и Саудиска Арабија. Според него, секое воено дејствување во близина на такви постројки носи сериозен ризик од пошироки последици.Во меѓувреме, иранскиот амбасадор при ИАЕА, Реза Наџафи, за Би-Би-Си изјави дека во неделата бил погоден нуклеарниот комплекс во Натанз, но не изнесе дополнителни детали за евентуалната штета или последици. Официјална потврда за обемот на евентуалните оштетувања засега нема, што дополнително ја зголемува неизвесноста околу состојбата на теренот.
Свет | пред 2 седмици
Полициски службеници од ОВР Гостивар на 1 март 2026 година во 17:10 часот на автопатот Тетово–Гостивар го лишиле од слобода З.Н. (72) од селото Вруток.При сообраќајна контрола било утврдено дека управувал патничко возило „мерцедес“ со гостиварски регистарски ознаки со брзина од 174 километри на час, на делница каде максимално дозволената брзина е 80 километри на час.Возилото е одземено, а по целосно документирање на случајот против него ќе следува соодветна пријава.
Македонија | пред 2 седмици
На 1 март 2026 година било пријавено дека на локалниот пат Тетово – село Фалише се случила сообраќајна несреќа помеѓу патничко моторно возило „мерцедес“ со тетовски регистарски ознаки и трактор.Според информациите од МВР, возилото го управувал малолетник од селото Групчин, додека тракторот бил управуван од С.А. (73) од Тетово.Во несреќата со телесни повреди се здобил 73-годишниот тракторист, а повредите биле констатирани во Клиничкиот центар во Тетово. По целосно расчистување и документирање на случајот, против малолетникот ќе биде поднесена соодветна пријава.
Македонија | пред 2 седмици
На 1 март 2026 година во 16:15 часот на регионалниот пат во селото Брвеница, полициски службеници од СВР Тетово го лишиле од слобода Б.В. (35) од Тетово.При редовна сообраќајна контрола било запрено патничко возило „опел корса“ со тетовски регистарски ознаки, кое го управувал Б.В. По извршените проверки било констатирано дека управувал возило без да поседува возачка дозвола.Возилото е одземено, а по целосно документирање на случајот против него ќе следува соодветна пријава.
Македонија | пред 2 седмици
Полициски службеници од СВР Тетово на 1 март 2026 година во 12:22 часот на булеварот „Маршал Тито“ во Тетово го лишиле од слобода Х.А. (21) од селото Долна Лешница.При сообраќајна контрола со радар било утврдено дека управувал патничко возило „ауди“ со тетовски регистарски ознаки со брзина од 113 километри на час, на делница каде максимално дозволената брзина изнесува 50 километри на час.Од Министерството за внатрешни работи информираат дека по целосно документирање на случајот против него ќе биде поднесена соодветна пријава.
Македонија | пред 2 седмици
Полициски службеници од СВР Тетово на 1 март 2026 година во 12:25 часот го лишиле од слобода А.С. (47) од Гостивар, откако бил затекнат како управува моторно возило и покрај тоа што имал активна забрана за управување со возило од Б категорија.Како што информира полицијата, при контрола на крстосницата од булеварот „В.С. Бато“ со улицата „Фуштанска“ во Тетово, било сопрено патничко возило „рено“ со гостиварски регистарски ознаки, кое го управувал приведениот. По преземените мерки било утврдено дека тој управувал возило и покрај изречената забрана.Возилото било одземено, а по целосно документирање на случајот против 47-годишникот ќе биде поднесена соодветна пријава.
Македонија | пред 2 седмици
Иранската Револуционерна гарда ги предупредила граѓаните да не излегуваат на улица на протести, оценувајќи дека секое собирање ќе се смета за соработка со „непријателот“, покажуваат пораки испратени од разузнавачката единица на Корпусот на исламската револуционерна гарда, до кои дојде Би-Би-Си.Според содржината на пораките, евентуалните протести се квалификуваат како „улични немири“ што се „планирани од непријателот“, а се предупредува дека „секое движење што ја нарушува безбедноста се смета за пример на директна соработка со непријателот“. Во посебна текстуална порака, граѓаните биле повикани да пријавуваат „антибезбедносни“ инциденти преку телефонски број што го обезбедува Револуционерната гарда.По смртта на ајатолахот Али Хамнеи, Би-Би-Си верификуваше видеа од повеќе ирански градови на кои се гледаат групи граѓани кои слават на улиците. Паралелно со тоа, ирански медиуми известуваат за собири на ожалостени граѓани во Техеран и други градови, што укажува на длабока поларизација во јавноста.Во меѓувреме, интернетот и натаму е недостапен за поголемиот дел од населението, што значително ја отежнува проверката на информациите и создава нејасна слика за случувањата во земјата. Дел од граѓаните сепак успеваат да се поврзат преку алтернативни методи, вклучително и преку сателитската интернет-услуга „Старлинк“, што овозможува ограничен проток на информации надвор од државната контрола.
Свет | пред 2 седмици
Министерството за енергетика на Саудиска Арабија соопшти пожарот во рафинеријата Рас Танура е ставен под контрола, откако објектот бил погоден при пресретнување на два дрона во негова непосредна близина.Рафинеријата Рас Танура, со која управува државната нафтена компанија „Сауди Арамко“, претрпела „мала материјална штета од паднати остатоци“, се наведува во соопштението што го пренесе Саудиската новинска агенција. Според властите, огнот бил „веднаш ставен под контрола“ од страна на итните служби, при што нема повредени ниту жртви.Видео-снимки потврдени од Би-Би-Си прикажуваат пожар и густ чад што се издига над рафинеријата, која важи за еден од клучните објекти за преработка на нафта во кралството и има стратешко значење за глобалниот пазар на енергенси.Саудиска Арабија со години е домаќин на американски и западни воени сили, а во саботата владата во Ријад издаде соопштение во кое ги осуди, како што ги нарече, „отворените и кукавички ирански напади“.Според саудиските власти, нападите биле „успешно пресретнати“ и биле насочени кон регионот Ријад и Источната провинција, каде се наоѓа и дел од клучната нафтена инфраструктура на земјата. Тензиите во регионот дополнително се засилија во услови на поширок воен конфликт што ја потресува Блискиот Исток и ги вклучува Соединетите Американски Држави, Иран и нивните регионални сојузници.
Свет | пред 2 седмици
Американскиот претседател Доналд Трамп остана невообичаено воздржан по најавата за почеток на големи воени напади врз Иран, наместо да ѝ се обрати на нацијата од Овалната соба, како што тоа традиционално го правеле неговите претходници при објавување на воени интервенции.Сместен во своето луксузно одморалиште Мар-а-Лаго во Флорида, Трамп одлучи почетокот на операцијата да го соопшти преку осумминутно видео објавено на неговата социјална мрежа „Трут Соушл“. Видеото беше објавено во саботата во 2:30 часот по локално време, а следната видео-порака се појави дури во неделата попладне.При враќањето во Вашингтон во неделата, Трамп одби да одговара на прашања од новинарите кои патуваа со него во претседателскиот авион „Ер Форс Уан“, вклучително и на дописници на меѓународни агенции. Не одржа ниту прес-конференција со која би ја образложил одлуката за влегување во нов вооружен конфликт на Блискиот Исток.Целата администрација на Трамп остана подеднакво тивка од почетокот на операцијата „Епски гнев“, што отвори прашања за начинот на спроведување на најголемата американска интервенција во регионот во изминатите две децении. Ниту раководството на Пентагон, ниту Стејт департментот не излегоа со јавни обраќања, а ниту еден член на владата не се појави во традиционалните неделни информативни емисии за да ја брани офанзивата.Оскудните информации што стигнаа до јавноста произлегоа од серија кратки телефонски интервјуа на Трамп со американски медиуми, но тие честопати беа противречни. Во едно интервју тој изјави дека војната би можела да трае четири недели, во друго – пет. Спомена дека постојат тројца кандидати кои би можеле да управуваат со Иран по смртта на врховниот верски водач, за потоа да тврди дека сите најсилни кандидати веќе биле убиени.Белата куќа во еден момент демантираше извештај дека претседателот ќе одржи директно телевизиско обраќање, според моделот на поранешниот претседател Барак Обама, кој во 2011 година од Ситуациската соба ја објави ликвидацијата на Осама бин Ладен.Наместо тоа, Трамп објави фотографии од импровизирана ситуациска просторија во Мар-а-Лаго, на кои заедно со тимот за национална безбедност изгледа уморно, носејќи исти бели бејзбол капи.Иако викендот не играше голф, што инаку е негова честа практика за време на престојот во Флорида, Трамп присуствуваше на две донаторски вечери на Републиканската партија во својот клуб. Сепак, и таму се задржа кусо, без подолги јавни настапи или дополнителни објаснувања за започнатата воена операција.
Свет | пред 2 седмици
Израелските медиуми пренесуваат дека Германија сериозно ја разгледува можноста да се придружи на американско-израелската кампања против Иран доколку режимот не престане со нападите врз земјите во регионот. Извори од германската политика и војска го пренеле ова за израелското радио Army Radio.Според тие извори, веќе е во тек планирање на можна воена акција заедно со Соединетите Американски Држави, од учество во бомбардирање до обезбедување воена и воздушна поддршка, што го потврдиле официјални лица од германското министерство за надворешни работи и членови на Комитетот за надворешни работи на Бундестагот.Синоќа, Франција, Германија и Обединетото Кралство во заедничко соопштение ги осудија иранските напади во регионот и предупредија дека се подготвени да ги заштитат своите интереси и интересите на сојузниците во Персискиот Залив, доколку е потребно, со преземање „одбранбени мерки“ против Иран.Германскиот министер за надворешни работи, Јохан Вадефул, изјави дека американско-израелската војна против Иран може да влијае и врз Германија и Европа и дека Иран претставува значајна закана за Германија и Европа. „Германските војници се подготвени за одбранбени мерки, но ништо надвор од тоа не е планирано“, додаде Вадефул.
Свет | пред 2 седмици
Иранскиот нуклеарен полигон во Натанз бил погоден за време на американските и израелските воени операции, изјави денеска иранскиот амбасадор при Меѓународната агенција за атомска енергија.„Вчера повторно беа нападнати ирански мирољубиви и заштитени нуклеарни постројки“, изјави Реза Наџафи пред новинарите на состанокот на Управниот одбор на Меѓународната агенција за атомска енергија (ИАЕА).На прашање кои објекти биле погодени, тој одговори: „Натанз“.САД и Израел во јуни извршија напади врз ирански нуклеарни постројки, во рамки на ескалацијата на тензиите со Техеран. Вашингтон бара Иран да се откаже од збогатување ураниум на своја територија, оценувајќи дека таа активност може да биде чекор кон развој на нуклеарно оружје.International Atomic Energy Agency со месеци бара од Техеран да појасни што се случило со залихите од околу 440 килограми збогатен ураниум по израелско-американските напади во јуни, како и да овозможи целосно продолжување на инспекциите.Агенцијата инсистира на непречен пристап до трите клучни постројки што беа бомбардирани минатата година – Натанз, Фордо и Исфахан – со цел да се утврди обемот на штетите и статусот на нуклеарниот материјал.Техеран тврди дека неговата нуклеарна програма има исклучиво мирољубива намена, додека западните земји предупредуваат дека нивото на збогатување ураниум ги надминува цивилните потреби и ја продлабочува меѓународната загриженост.
Свет | пред 2 седмици
Неколку експлозии одекнале во воздухопловната база на Кралските воздухопловни сили на Обединетото Кралство на Кипар.Силни детонации биле слушнати во британската база Акротири кај Лимасол околу полноќ по локално време, откако наводно била прогласена „безбедносна закана“, пренесува Дејли мејл.Засега не е познато дали експлозиите се директно поврзани со настаните околу Иран, но тие следуваат откако британскиот премиер Кир Стармер ѝ даде дозвола на Соединетите Американски Држави да користат британски бази за „одбранбени“ удари врз ирански ракетни позиции.Според медиумските извештаи, непосредно пред полноќ во британските бази на Кипар била прогласена безбедносна закана, а персоналот бил предупреден да се врати во своите домови и да остане внатре до понатамошно известување.На вработените им било наложено да се оддалечат од прозорците и да се засолнат зад или под масивен мебел, додека не добијат дополнителни инструкции, објави Сајпрус мејл.Обединетото Кралство официјално не учествуваше во нападите врз Иран во кои загина ајатолахот Али Хамнеи. Сепак, во неделата британски борбени авиони соборија ирански дрон кој бил насочен кон Катар, во рамки на одбранбени операции во регионот.
Свет | пред 2 седмици
Студенти и граѓани денеска во Ниш порачаа дека нема да се откажат од борбата за „праведна и подобра Србија“ и дека ќе „пумпаат“ сè до распишување избори. Протестот под мотото „Државата тоа сме ние“ започна во 16 часот со собирање пред Апелациониот суд и кај кружниот тек кај трговскиот центар „Делта планет“, по што следуваше марш до централниот градски плоштад, пишува Бета.рс.Студентот Илија Тасиќ од Филозофскиот факултет во Ниш оцени дека граѓаните предолго слушаат празни ветувања и сведочат на бришење на границата меѓу партијата и државата. Според него, институциите се претвораат во партиска сопственост, а јавните ресурси се третираат како плен. „Живееме во систем во кој лојалноста се наградува, а знаењето се казнува“, истакна Тасиќ.Тој најави и трибина на 3 март во Косовска Митровица за иднината на тамошниот универзитет, за кој рече дека му се заканува згаснување поради законот донесен од приштинските власти.Земјоделецот Небојша Томиќ од околината на Прокупље обвини дека власта со години ја уништува земјоделската политика, поради што младите ги напуштаат селата, а сточарството е погодено од, како што рече, неконтролиран увоз и намалени откупни цени на млекото. „Не бараме милостина, туку услови да работиме“, порача тој.Адвокатот Владaн Манчиќ оцени дека законските слабости се намерно создадени за да овозможат корупција и избегнување на Законот за јавни набавки, посочувајќи на големи проекти што се реализираат преку меѓудржавни договори. Доктор Дејан Христов предупреди дека здравствениот систем се соочува со недостиг од кадар и системски проблеми, се додава Бета.рс.На протестот беа истакнати транспаренти „Државата тоа сме ние“ и „Сите сме тука“. Дел од учесниците носеа кукла со ликот на претседателот на Србија, Александар Вучиќ, прикажан како распнат на крст.Собраните одржаа 16-минутен молк за загинатите во падот на настрешницата на Железничката станица во Нови Сад. Протестот заврши по 19 часот со настап на „Блокадниот хор“, а присуствуваа граѓани и студенти од повеќе градови низ Србија.
Свет | пред 2 седмици
Светските пазари се подготвуваат за нагло зголемување на цената на нафтата, откако ескалацијата на конфликтот меѓу САД, Израел и Иран, како и блокадата на Ормутскиот Теснец, предизвикаа силни турбуленции на енергетските берзи.Според податоците на брокерската куќа ИГ, американската сурова нафта би можела да поскапи за околу 9 проценти веднаш по продолжување на тргувањето, што би ја искачило цената на барелот над 73 долари – највисоко ниво од јуни 2025 година. Аналитичарите на Барклис предупредуваат дека во случај на „значително нарушување на снабдувањето“ цената може да достигне и 80 долари по барел. Од Ројал банк оф Канада одат чекор понатаму, оценувајќи дека нафта над 100 долари не е нереално сценарио доколку кризата се продлабочи.Клучниот удар врз пазарот дојде по одлуката на Иран да го забрани преминот на бродови низ Ормутскиот Теснец – стратешка поморска точка низ која поминува околу 20 проценти од светската трговија со нафта и енергенси, во вредност од приближно 500 милијарди долари годишно. Преку теснецот се транспортираат и хемикалии и ѓубрива, што значи дека блокадата може да има ефект и врз земјоделството и глобалните цени на храната.Дополнителна неизвесност создаде и нападот врз нафтен танкер, по што најмалку 150 пловила што превезуваат сурова нафта, течен природен гас и деривати останаа закотвени на отворено море.Во обид да го смират пазарот, осум земји од групата ОПЕК плус, меѓу кои Саудиска Арабија и Русија, се договорија да го зголемат производството за 206.000 барели дневно од април. Сепак, аналитичарите предупредуваат дека капацитетот за значително дополнително зголемување е ограничен, а извозот и натаму зависи од безбедноста на пловидбата низ Заливот.Покрај нафтата, раст бележат и благородните метали. Златото поскапе за повеќе од 2 проценти, доближувајќи се до 5.400 долари за унца, додека среброто скокна за над 3 проценти. Инвеститорите бараат „безбедни засолништа“, што е типична реакција во услови на геополитичка нестабилност.Ефектите веќе се чувствуваат и на регионалните берзи. Повеќето пазари во Заливот забележаа пад, при што саудискиот индекс изгуби 2,5 проценти, додека Кувајт привремено го суспендираше тргувањето поради „вонредни околности“.Експертите предупредуваат дека скокот на големопродажните цени на нафтата директно ќе се одрази врз малопродажните цени на горивата, што значи дека граѓаните ширум светот, вклучително и во Европа, би можеле наскоро да се соочат со поскапи бензин и дизел, но и со поширок инфлаторен притисок доколку кризата потрае.
Свет | пред 2 седмици
Американскиот претседател Доналд Трамп вети дека ќе се одмазди за смртта на тројцата американски војници загинати во судирите со Иран и најави дека се можни нови загуби.„За жал, веројатно ќе има уште пред крајот. Така е тоа“, изјави Трамп во видео објавено на неговата социјална мрежа Трут соушл. „Америка ќе ја одмазди нивната смрт и ќе им нанесе најтежок удар на терористите кои ѝ објавија војна, во суштина, на цивилизацијата“, додаде тој.Американската војска соопшти дека тројца војници загинале, а петмина се тешко ранети, што претставува први официјално потврдени жртви во рамки на операциите против Иран.Трамп нагласи дека САД спроведуваат „масовна операција“, не само за да ја гарантираат безбедноста во сегашноста, туку и за идните генерации. „Тоа е должност и товар на слободниот народ“, изјави претседателот.Американско-израелските напади врз Иран ги оцени како „исправни“ и „неопходни“ за елиминација на, како што рече, „крвожеден терористички режим вооружен со нуклеарно оружје“. „Борбените операции продолжуваат со полна сила и ќе продолжат сè додека не ги постигнеме сите наши цели“, порача тој.Претседателот повторно упати повик до Револуционерна гарда на Иран и до иранската воена полиција да го положат оружјето и да добијат „целосен имунитет“, во спротивно, како што рече, ќе се соочат со сигурна смрт.Во краткото обраќање, Трамп уште еднаш ги повика граѓаните на Иран да го соборат режимот, порачувајќи: „Америка е со вас.“
Свет | пред 2 седмици
Европската Унија вечерва повика на „максимална воздржаност“ и целосно почитување на меѓународното право во контекст на ескалацијата со Иран, изјави високата претставничка за надворешна политика на ЕУ, Каја Калас.Во соопштение објавено во име на сите земји членки, таа нагласи дека е неопходна заштита на цивилите и целосно почитување на принципите на Повелбата на Обединетите нации и меѓународното хуманитарно право.Соопштението следуваше по итната видеоконференција на министрите за надворешни работи на ЕУ, свикана откако Соединетите Американски Држави и Израел извршија воени напади врз Иран, по што Техеран возврати со одмазднички дејствија кон Израел, американските сили и земји од Персискиот Залив.„Нападите на Иран и нарушувањето на суверенитетот на низа земји во регионот се неопростиви. Иран мора да се воздржи од неселективни воени напади“, се наведува во соопштението на ЕУ.Унијата исто така изрази загриженост за можните нарушувања во протокот на нафта и синџирите на снабдување, оценувајќи дека конфликтот не смее да доведе до поширока ескалација што би го загрозила Блискиот Исток, Европа и пошироко, со непредвидливи економски последици.Во текстот се истакнува дека мора да се избегнат пречки на клучните поморски патишта, како што е Ормутскиот Теснец.Соопштението претставува компромис меѓу различните ставови во рамки на Унијата, која брои околу 450 милиони жители, во однос на воените акции на американскиот претседател Доналд Трамп и израелскиот премиер Бенјамин Нетанјаху.Германскиот канцелар Фридрих Мерц изјави дека сега не е време за држење лекции на партнери и сојузници, додека шпанскиот премиер Педро Санчез ги отфрли американските и израелските акции, оценувајќи дека тие придонесуваат кон понесигурен и понепријателски меѓународен поредок.Зад затворени врати, дипломатски извори наведуваат дека Европа има ограничено влијание врз развојот на конфликтот, иако неговите последици би можеле значително да се одразат врз континентот.
Свет | пред 2 седмици
Американскиот претседател Доналд Трамп изјави дека воената операција против Иран ќе продолжи „со полн интензитет“ сè додека не бидат постигнати сите поставени цели.„Борбените операции продолжуваат со полна сила и ќе продолжат сè додека не ги оствариме сите наши цели“, рече Трамп во видеообраќање објавено пред неколку минути.Тој додаде дека е можно да има уште американски жртви. „За жал, веројатно ќе има уште. Така е тоа“, изјави претседателот.Трамп нагласи дека Соединетите Американски Држави ќе се одмаздат за загинатите војници и ќе зададат „најстрог удар“ врз, како што рече, терористите кои водат војна против „речиси целата цивилизација“.Во истото обраќање, тој упати директен повик до Револуционерна гарда на Иран и до иранската воена полиција да го положат оружјето.„Повторно ги повикувам Револуционерната гарда и иранската воена полиција да го положат оружјето и да добијат целосен имунитет или да се соочат со сигурна смрт. Тоа ќе биде сигурна смрт и нема да биде убаво“, изјави Трамп.Изјавите доаѓаат во момент на силна ескалација на конфликтот, додека меѓународната заедница повикува на воздржаност и дипломатско решение.
Свет | пред 2 седмици
Американскиот претседател Доналд Трамп во ново видеообраќање ги оцени американско-израелските удари врз Иран како „исправни“ и „неопходни“, со образложение дека целта е елиминација на, како што рече, „крвожеден терористички режим вооружен со нуклеарно оружје“.„Овие неподносливи закани повеќе нема да продолжат“, изјави Трамп.Тој повторно повика на промена на режимот во Техеран, обраќајќи им се директно на граѓаните на Иран.„Ги повикувам сите ирански патриоти кои копнеат по слобода да го искористат овој момент, да бидат храбри“, рече Трамп. „Бидете смели, бидете херојски и вратете си ја вашата држава. Америка е со вас.“Изјавата доаѓа во услови на продлабочена ескалација на конфликтот и засилени воени операции во регионот, додека дипломатските напори за деескалација засега остануваат неизвесни.
Свет | пред 2 седмици
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
