Се буните сите, а пола Македонија е со бугарски пасош – Станишиќ во одбрана на Цеца по инцидентот

Победникот на музичкото шоу „Ѕвездите на Гранд“, Никола Станишиќ, се огласи по инцидентот на концертот на Цеца Ражнатовиќ во Велес, кога пејачката за време на настапот подигна бугарско знаме, предизвикувајќи бурни реакции во јавноста.„Се разбудив со мисла за оние кои повеќе не се со нас, на Задушница во нивно име да ги спомнеме... ама денот сакал поинаку,“ напиша Станишиќ во објава на социјалните мрежи.Тој откри дека, според него, жената која му помогнала претходниот ден во Велес – фанклуберка на Цеца – била изманипулирана и дека не верува дека пејачката го направила гестот намерно.„Жената која ми помогна да го отсонувам сонот вчера во Велес била изманипулирана и тоа од свој верен фан, девојка која доаѓа на сите нејзини концерти. Како и зошто, тоа е друго прашање,“ напиша Станишиќ.Тој апелираше јавноста да не ги меша уметниците со политиката, нагласувајќи дека музиката треба да обединува, а не да разделува.„Задачата на музиката е сите да нè сплотува — Македонци, Срби, Бугари, Грци… сите сме луѓе на светов! Не дозволувајте политиката да влијае на здравиот разум! И едно знам — Цеца не би го направила тоа намерно, тоа е сигурно,“ напиша тој.Во својата објава, Станишиќ потсети дека и самата пејачка претходно ја пеела песната „Бисер Балкански“ заедно со него, држејќи македонско знаме на сцената.„Луѓе, доста е! Престанете да ги користите уметниците во политички цели! Тие се тука да ви го разубават животот!“Својата реакција ја заврши остро, упатувајќи критика за како што вели, лицемерието во јавноста:„Се буните сите, а пола Македонија е со бугарски пасош. Срамота!“

Магазин | пред 4 месеци

Висок партиски функционер поднел оставка во пресрет на вториот изборен круг

Висок функционер на политичка партија поднел оставка на ден пред одржување на вториот изборен круг. „Скопје1“, почитувајќи ги законските правила, поради изборниот молк, не го објавува името на функционерот и партијата.По завршување на молкот ќе побараме став и од партијата и од функционерката.Неофицијално, причините се изборните резултати од првиот круг.

Македонија | пред 4 месеци

„Вучиќ се извини, студентите не се откажуваат“: Нови Сад повторно на нозе

Илјадници луѓе денеска се собраа во Нови Сад за да ја одбележат првата годишнина од уривањето на бетонската крошна на главната железничка станица, несреќа што однесе 16 животи и поттикна најмасовни протести во Србија во последните децении, јавува АФП.Граѓаните положуваат цвеќе и палат свеќи крај привремената ограда покрај урнатиот влез во станицата, точно една година по трагедијата од 1 ноември 2024 година.Главната комеморација започна во 11:52 часот, во истото време кога се случи несреќата, а 16 минути тишина беа посветени на сеќавањето за жртвите.„Чувствувам огромна болка и тага“, изјавила за АФП 45-годишната Светлана, опишувајќи го тешкото расположение меѓу присутните.Трагедијата во Нови Сад прерасна во симбол на длабоко вкоренетата корупција и институционалната неодговорност, што предизвика континуирани студентски и граѓански протести низ цела Србија. Она што започна како барање за транспарентна истрага, брзо се претвори во движење за оставки и предвремени избори.Студентите, кои повикаа на „најголем комеморативен собир досега“, пристигнуваа во Нови Сад уште од петокот. Илјадници пешачеа околу 100 километри од Белград, а дел и од Нови Пазар, оддалечен повеќе од 340 километри. Нивниот марш траеше 16 дена — по еден ден за секоја жртва.Граѓаните на Нови Сад ги пречекаа со факели, знамиња и аплаузи, а улиците беа преполни.„Дојдов да се поклонам пред најсилната сила во Србија – нашите студенти, нашата младина,“ изјави Ратко Поповиќ (47) од околината на Нови Сад.Студентот по медицина Лука Ковачевиќ за АФП изјави: „Нашата совест нè води. Таа нè тера да се бориме за правда и подобра иднина за оваа земја.“Политички потреси и извинување од ВучиќПротестите што следеа доведоа до оставка на премиерот и пад на Владата, но претседателот Александар Вучиќ остана на власт. Тој често ги нарекуваше демонстрантите „државни непријатели финансирани од странство“, а членовите на неговата партија СНС шират теории дека уривањето можеби било „намерно предизвикано“.Во телевизиско обраќање во петокот, Вучиќ упати ретка јавна изјава на извинување:„Ова се однесува и на студентите и на сите со кои не се согласував. Се извинувам за тоа,“ изјави тој, повикувајќи на дијалог.Владата ја прогласи саботата за ден на национална жалост, а патријархот Порфиријe служи литургија во Храмот „Свети Сава“ во Белград. Приврзаниците на Вучиќ најавија дека ќе се соберат пред храмот за да им оддадат почит на жртвите.Повик на воздржаност од ЕУДелегацијата на Европската унија во Србија реагираше со повик до сите страни да покажат смиреност:„На оваа тажна годишнина, апелираме на воздржаност, намалување на тензиите и избегнување на насилство,“ стои во соопштението.Иако протестите главно беа мирни, во август се случија судири со полицијата и приврзаници на власта, што дополнително ја зголеми тензијата во земјата.

Свет | пред 4 месеци

(Видео) Трагедија, гнев и отпор – Србија се поклонува пред жртвите од Нови Сад

Втората колона граѓани и студенти денеска тргна од Плоштадот на слободата кон железничката станица во Нови Сад, каде што ќе се одржи главниот дел од комеморацијата по повод една година од трагедијата во која загинаа 16 лица.Главната програма започнува во 13:30 часот и ќе трае околу два часа. Потоа, во 15:30, ќе биде емитувана документарната серија „Прекретница“, посветена на настаните и последиците од несреќата, додека во 16:30 е најавена прошетка до кејот и придружна изложба. Вечерниот дел на програмата ќе продолжи од 18:30 часот, а комеморативниот собир ќе заврши симболично – со 16 минути тишина во 19:52 часот, во чест на 16-те жртви.По падот на натстрешницата, жвотот го загубија:Сара Фириќ (6), Валентина Фириќ (10) и Ѓорѓе Фириќ (53) од Ковиљ,Милица Адамовиќ (6), Сања Ќириќ Арбутина (35) и Милева Карановиќ (76) од Каќ,Немања Комар (17) од Степановиќево, Милош Милосављевиќ (21) од Книќанин, Стефан Хрка (27) од Белград, Анѓела Руман (20) од Стара Пазова, Горaнка Раца (58) од Нови Сад, Ѓуро Швоња (77) од Степановиќево, Вукашин Раковиќ (69) од Буковац и Васко Саздовски (46), од Македонија.Подоцна, Ања Радоњиќ (24) од Параќин почина од повредите на 17 ноември, а Вукашин Црнчевиќ (18) од Змајево, ученик од Нови Сад, почина на 21 март оваа година. Единствената преживеана со тешки повреди е Теодора Мартинко.Година по трагедијата, Нови Сад и цела Србија ја паметат катастрофата, протестите, апсењата и полициската бруталност што следеа по уривањето на бетонската крошна над железничката станица. Настанот предизвика бран граѓански револт и повици за одговорност на властите.Денеска, илјадници граѓани патуваат од Белград кон Нови Сад за да присуствуваат на комеморацијата. На автопатот е забележана голема гужва и застој кај наплатната рампа Нови Сад-Југ, каде задржувањето на возилата утрово достигнува и до триесет минути, според податоците на „Патишта на Србија“.

Свет | пред 4 месеци

(Видео) Цеца по скандалот со знамето: Нема да се занимаваме со реакциите на социјалните мрежи

По инцидентот што се случи на концертот во спортската сала „Гемиџии“ во Велес, кога пејачката Цеца Ражнатовиќ подигна бугарско знаме, таа се огласи со изјава за „Бекстејџ“, објаснувајќи дека нејзиниот гест бил погрешно сфатен и дека немала намера да навреди никого.„Не е ништо необично што секогаш со радост го прифаќам секое знаме од мојата публика, затоа што тоа е мојата публика, мојот народ, моите луѓе. Нас нè поврзува љубовта кон песната, без разлика од каде кој доаѓа. Жал ми е ако тој гест некого повредил, тоа навистина не ми била намерата, а особено не да ги навредам или повредам домаќините. Верувам дека тоа го знаете“, изјави пејачката.Ражнатовиќ се заблагодари и на велешката публика за, како што рече, „прекрасната вечер, убавата енергија, љубовта и спомените што заедно ги создадовме“.Во однос на реакциите што се појавија на социјалните мрежи, таа додаде дека не сака дополнително да ги коментира: „Реакциите се случија во салата, меѓу мене и мојата публика. Ние знаеме како поминавме, што беше убаво, а што помалку убаво на концертот што траеше два часа. Тоа е она што е најважно.“„Нема да се занимаваме со реакциите на социјалните мрежи, затоа што сите ние што таа вечер бевме заедно во Велес знаеме што навистина се случи. Ништо и никој не може да застане помеѓу мене и мојата публика,“ порача Цеца.

Настани | пред 4 месеци

Почина осуденик од 27 април за претепувањето на Села, Ќосето прашува: Уште колку треба да умреме за да се наситите?

Почина Кире Ѓорѓиевски, осуден во предметот за „27 април“. Тој доби 13 години затвор за претепување на Зијадин Села, дело кое го негираше. Веста ја објави осудениот Горан Ангелов-Ќосето. Ѓорѓиевски бил и бранител од 2001 година.„Почивај во Мир Кире. И ти не дочека како братот Игор Југ да ја видиш слободата! Уште колку треба да умреме од 27 за да се наситите, уште колку додека ја чекаме правдата!!!“, напиша Ќосето.Ѓорѓиевски беше обвинет и осуден како човек кој што му ги задал најтешките удари на Села. Во 2017 година, кога издржуваше притвор, Ѓорѓиевски беше претепан од група затвореници. Иако се жалеше на казната од Кривичен, Апелација му ги потврди 13-те години робија.Пред Ѓорѓиевски, во февруари годинава, почина Игор Југ на 54 годишна возраст. Двајцата бараа слобода, откако повеќе од осум години ги минаа зад решетки.Од него, се простуваат пријатели преку социјалните мрежи.

Македонија | пред 4 месеци

Кос: Трагедијата во Нови Сад ја менува Србија и ја приближува кон европските вредности

Комесарката за проширување на Европската унија, Марта Кос, денеска по повод годишнината од падот на крошната на железничката станица во Нови Сад, изјави дека „таа трагедија ја менува Србија“.„Таа несреќа ги поттикна масите да се залагаат за одговорност, слобода на изразување и инклузивна демократија — истите вредности што ја водат Србија кон Европската унија“, порача Кос.Таа истакна дека сеќавањето на жртвите мора да биде потсетник за неопходноста од транспарентност и владеење на правото, но и доказ дека граѓанското општество во Србија има сила да бара промени.

Свет | пред 4 месеци

Вулин: „Третата светска војна започна со обединувањето на Германија“

Поранешниот министер и актуелен претседател на Надзорниот одбор на „Србијагас“, Александар Вулин, изјави дека Третата светска војна веќе трае подолго време и дека светот сега се наоѓа на работ на нуклеарен судир.Во интервју за руската новинска агенција РИА Новости, Вулин тврди дека почетокот на новиот глобален конфликт треба да се бара во моментот на обединувањето на Германија, кога, според него, започнала „ревизијата на исходот на Втората светска војна“.„Политиката на Западот нè доведе до работ на нуклеарна војна – не до Третата светска, која веќе долго време трае, туку до нуклеарна. Потребно е итно да се постигне нов глобален договор и да се признае дека еднополарниот свет е мртов. Само така ќе обезбедиме барем 50 години мир или живот без големи војни“, изјави Вулин.Тој додаде дека светот мора да се адаптира на „новиот баланс на сили“, каде повеќе не постои единствен глобален центар на моќ.Во истиот разговор, Вулин потсети на своите поранешни изјави дадени во рускиот град Казан, каде рече дека претседателот Александар Вучиќ се восхитува на Русија и дека тој и Владимир Путин се пријатели.„Србија се надева дека ќе стане дел од БРИКС – организација што нуди поголема слобода и не бара промена на политичкиот систем или приклучување кон санкциски режими“, истакна Вулин.Тој додаде дека Србија се чувствува добредојдена меѓу земјите-пријатели на БРИКС, бидејќи тие нудат алтернатива на западниот модел:„Првпат имаме избор. Мораме да научиме дека можеме сами да избираме. Ова е важно за нас.“Вулин потенцираше дека Србија ќе продолжи да негува пријателски односи со Русија, а за Вучиќ рече: „Мојот претседател навистина се восхитува на руската историја и култура и е цврст поддржувач на пријателството меѓу двете земји.“

Свет | пред 4 месеци

Пожар, штета и апсења: разобличена група што крадела кабли од јавни инсталации

Основното јавно обвинителство Скопје поднесе обвинителен акт против три лица осомничени дека како соизвршители сториле тешка кражба од објекти на јавни инсталации кои се од посебно значење за сигурноста на луѓето и имотот, дело казниво по член 236 став 4 во врска со став 1 точка 1 од Кривичниот законик.Обвинетите, заедно со други лица кои сè уште не се идентификувани, во периодот од март до почетокот на мај годинава краделе високоенергетски и среднонапонски кабли од подземните тунели на фабриката „Железара“ во Скопје, конкретно од објектот на „Полуконти – ИГМ“. Каблите биле во сопственост на АД ЕСМ – Подружница енергетика Скопје и Макстил АД Скопје, а вкупната штета се проценува на околу 440.000 евра.Според обвинението, сторителите преку отвори со скалила влегувале во подземните тунели, со апарат проверувале дали каблите се под напон, а потоа со батериска брусалка ги сечеле и ги складирале за транспорт.На 9 април, како резултат на нивните дејствија, избил пожар во трафостаницата ТС Југ, со што била предизвикана дополнителна материјална штета од над 100.000 евра, а била нарушена и дистрибуцијата на електрична енергија, што предизвикало штета од уште 60.000 евра.На 6 мај, тројцата обвинети повторно дошле до објектот со возило „Фолксваген голф“ за да ги однесат каблите, но еден од нив се повредил при удар со кабел. По укажаната лекарска помош во Ургентниот центар „Мајка Тереза“, тие се вратиле на местото на кражбата по оставените алати, каде биле затекнати и уапсени веднаш по излезот од кругот на „Железара“.Обвинителството поднесе и предлог до Основниот кривичен суд Скопје за продолжување на мерката притвор за сите тројца обвинети, со образложение дека постои опасност од бегство, можност за влијание врз сведоци и ризик од повторување на делото.

Македонија | пред 4 месеци

(Видео) Цеца со исвиркување избркана од сцената во Велес, откако подигна бугарско знаме наместо македонско

Концертот на српската пејачка Цеца Ражнатовиќ, одржан вечерва во спортската сала „Гемиџии“ во Велес, заврши со инцидент кој предизвика бурни реакции во публиката и на социјалните мрежи.Според видеата што кружат онлајн, за време на настапот Цеца во еден момент подигнала бугарско знаме, потег кој веднаш ја подели публиката. Дел од присутните ја исвиркале и реагирале бурно, додека други го напуштиле концертот во знак на протест.Настанот, кој беше најавен како музички спектакл, неочекувано доби политичка димензија и отвори нова лавина од коментари и полемики на социјалните мрежи, каде што дел од јавноста го осуди гестот како провокација, додека други го оправдаа како дел од сценскиот настап.Организаторите засега не се огласиле за инцидентот, а видеата од моментот на подигањето на знамето за кратко време станаа вирусни.

Македонија | пред 4 месеци

„Хотелот не краде струја, станува збор за лажна кампања на Јанко Бачев“, тврди извесен Јован Невеселов за веста од ЕВН

По објавите дека при техничка контрола во станбена зграда на улицата „Луј Пастер“ биле пронајдени три нелегални и изгорени кабли поврзани со хотел кој повторно бил приклучен на нелегален извор на електрична енергија, до медиумите пристигна демант од Јован Невеселов, закупец на деловен простор во објектот.Во демантот, Невеселов тврди дека станува збор за лажна вест и организирана кампања од страна на Јанко Бачев, кој, како што наведува, има намера насилно да ги избрка долгогодишните закупци од просторот.„Бачев сака насилно да ме избрка од просторот со лажна пријава. Јас не користам нелегална струја, туку електрична енергија од обновлив извор – фотонапонска централа монтирана на хотелот на сопственикот на објектот,“ наведува Невеселов.Тој дополнително тврди дека Јанко Бачев незаконски се вселил во државен имот со кој стопанисува АД за изградба и стопанисување со станбен и деловен простор, со што, според него, сторил кривично дело „самовластие“.„Со своето незаконско дивеење, тој насилно сака да ги избрка закупците кои таму се наоѓаат повеќе од 25 години. Затоа сега лажно пријавува дека крадеме струја, сакајќи на тој начин да ја узурпира целата зграда,“ пишува во демантот.Невеселов во дописот потсетува дека Бачев, како поранешен вработен во ДБК и лидер на минорна политичка партија, „со години се обидува преку притисоци и манипулации да ја присвои зградата“.Во демантот се наведува и дека по незаконско демонтирање на струјомерите, лице блиско до Бачев успеало од ЕВН да издејствува незаконска повторна монтажа на уред без согласност на сопственикот на објектот и надлежното државно претпријатие.„Останатите закупци, меѓу кои и јас, инвестиравме во енергија од обновливи извори и ја користиме легално. По повеќе од 30 лажни пријави до ЕВН, сега се објавуваат невистини за изгорени кабли. Тоа е крајно неточно, како и тврдењето дека хотелот крадел струја,“ заклучува Невеселов во својот демант.

Актуелно | пред 4 месеци

Ужас во Петровец: ја гушел и се обидел да ѝ ги врзе нозете со каиш, жената со скршени ребра

Јавен обвинител од Основното јавно обвинителство Скопје поведе постапка против 67-годишен жител на селото Петровец, осомничен за тешка телесна повреда при семејно насилство, кривично дело казниво по член 131 став 2 во врска со став 1 од Кривичниот законик.Според обвинението, на 28 октомври, во семејниот дом по кратка вербална расправија, мажот со умисла физички ја нападнал својата сопруга, удирајќи ја со раце и нозе по телото и главата, по што ја гушел и се обидел со каиш да ѝ ги врзе нозете. Жената на моменти губела свест, но успеала да се ослободи и преку прозорецот да побегне кај соседите за да побара помош.Од нападот се здобила со тешки телесни повреди, меѓу кои скршеници на три ребра и бројни хематоми.Обвинителството оценува дека постои опасност од бегство на осомничениот, но и висока веројатност да го повтори насилството, особено затоа што дел од нападот го извршил во присуство на своите ќерки и малолетната внука.Поради тоа, јавниот обвинител до судијата на претходна постапка од Основниот кривичен суд Скопје поднесе предлог за определување мерка притвор, со цел обезбедување на присуството на осомничениот и спречување нови насилни дејства.

Скопје | пред 4 месеци

СДСМ се огради од Маја Мојсова по фотографијата со кандидатот на ВМРО-ДПМНЕ

Социјалдемократскиот сојуз на Македонија остро ги демантираше шпекулациите дека му дава поддршка на кандидатот на ВМРО-ДПМНЕ, Сотир Лукровски, по појавувањето на фотографија на која тој е заедно со членката на СДСМ, Маја Мојсова.„СДСМ не дава никаква поддршка за Сотир Лукровски! Во целост ги демантираме шпекулациите дека фотографијата на Маја Мојсова со кандидатот на ВМРО-ДПМНЕ, Сотир Лукровски, претставува било каква форма на поддршка од СДСМ“, соопштија од партијата.Од СДСМ нагласуваат дека партијата апсолутно не го поддржува кандидатот на Мицкоски и ВМРО-ДПМНЕ, „против кој се бореше во првиот изборен круг“, и дека ќе побараат објаснување од Маја Мојсова за објавената фотографија.

Македонија | пред 4 месеци

(Видео) Судир меѓу Геровски и Цветковска околу случајот ‘Пулс’: Овие снимки што јас ги објавив, Сашка ги скрила

Одговорниот уредник на „Плусинфо“, Бранко Геровски, реагираше по гостувањето на Сашка Цветковска од Истражувачката лабораторија – ИРЛ во подкастот „Претрес со Ландов“, во кој таа изнесе тврдења поврзани со неговата работа. Во својата реакција, Геровски ја обвини Цветковска за изнесување невистинити информации, тврдејќи дека таа неточно изјавила оти поседува целосен фајл со доказите и снимките од случајот, а дека тој не ги поседувал.Геровски наведе дека Јавното обвинителство доставило целосен извештај со снимени материјали до Судот, и дека дел од тие снимки се наоѓаат и во негова сопственост.„Во интерес на јавноста, а секако и како доказ дека Сашка Цветковска селективно објавила дел од снимките а дел ги скрила - сега знаеме дека таа ги скрила. бидејќи вели дека го поседува целиот извештај! - јас објавив дел од снимките. Овие снимки што јас ги објавив, Сашка ги скрила. Анализата на содржината на тие снимки покажа зошто ги скрила. Е сега... Дали јас ги поседувам снимките што ги објавив или не? Во мојот коментар на бруталниот напад на ИРЛ врз мене, јавно повикав двајца новинари да дојдат кај мене и да им го покажам делот од извештајот што јас го поседувам. Она што не можам да го дозволам е тие да ги објават снимките во онаа форма во којашто ги имам, бидејќи содржат податоци што не смеат да се објават. Она што моите колеги можат да утврдат е дали ги поседувам снимките чија содржина ја објавив (поседувам и други, иако не сите), во онаа форма во која се доставени од ЈО до Судот. Со други зборови, поканив двајца мои колеги - а и натаму канам! - да утврдат кој овде ја зборува вистината, а кој лаже. Па сами нека кажат што виделе и што заклучиле“, напиша Геровски.Во реакцијата, тој нагласи дека е подготвен двајца новинари или претставници на новинарски здруженија да извршат увид во материјалите што ги поседува, со цел да се утврди точноста на неговите наводи.„Јавно ги поканувам двајца колеги да дојдат и да видат дел од извештајот што го имам. Можат да потврдат дали ги поседувам снимките што ги објавив, во формата во која биле доставени од Обвинителството до Судот“, напиша тој.Во завршницата на реакцијата, Геровски се осврна и на тврдењата во подкастот поврзани со финансиското работење на „Плусинфо“, наведувајќи дека сите податоци за бонитетот и деловните резултати на издавачот „Плусинфо издаваштво“ се јавно достапни на интернет, и ги повика заинтересираните да ги проверaт.Целиот поткаст со Цветковска:Тврдењата на Цветковска, главна уредничка на ИРЛ:

Коментари | пред 4 месеци

Се менуваат цените на горивата, има зголемувања

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,59% во однос на одлуката од 29.10.2025 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,480%, кај дизелот за 1,760%, кај екстра лесното масло за 5,965%  и кај мазутот зголемувањето е за 3,830%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,0496%Од 31.10.2025 година од 00:01 часот максималните цени на  нафтените деривати ќе изнесуваат:Моторен бензин       ЕУРОСУПЕР БС - 95                  73,50 (денари/литар)Моторен бензин       ЕУРОСУПЕР БС - 98                             75,50 (денари/литар)Дизел гориво            ЕУРОДИЗЕЛ БС (Д-Е V)            70,00 (денари/литар)Масло за горење      Екстра лесно 1 (ЕЛ-1)               69,50 (денари/литар)Мазут М-1 НС                                                                 36,057 (денари/килограм)Малопродажната цена на Екстра лесното масло за домаќинство на (ЕЛ-1) се зголемува за 2,00 ден/лит.Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Мазутот М-1 НС не се менуваат.Напоменуваме дека ова се максималните цени на нафтените деривати од 00:01 часот на 31.10.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 4 месеци

Здружението на пензионери од Општина Центар ја потврди поддршката за Горан Герасимовски во вториот круг од изборите

Здружението на пензионери на Општина Центар на средбата со кандидатот за нов мандат, Горан Герасимовски, ја потврди својата поддршка за него во вториот круг од локалните избори. Герасимовски, заблагодарувајќи им се на пензионерите, истакна дека нивната поддршка многу му значи.„Тоа е генерација која заслужува внимание, почит и помош, а јас како градоначалник, заедно со мојот тим, секогаш сме излегувале во пресрет. Им благодарам што го препознаа сето она што го правиме за нив, преку разни проекти и иницијативи. На средбата разговаравме и за идните планови, како и за можностите за унапредување на квалитетот на нивниот живот,“ истакна Герасимовски.На средбата се разговараше и за новата програма во која се предвидува изградба на дом за стари лица, во кој највозрасните ќе можат да домуваат по субвенционирана цена.Здружението изрази надеж дека одличната соработка со Општина Центар, а особено со градоначалникот Герасимовски ќе продолжи и во иднина.Пензионерите изразија задоволство од проектот „Сервис за стари лица“, како и од континуираната соработка со општината и нивната вклученост во креирање на политиките на локалната самоуправа.

Скопје | пред 4 месеци

Цензусот не е достигнат – изборите се повторуваат во четири општини

Поради непостигнат цензус во првиот круг од локалните избори, во четири општини – Гостивар, Врапчиште, Центар Жупа и Маврово и Ростуше – ќе се повтори гласањето за избор на градоначалници.Како што информира Државната изборна комисија (ДИК), во овие општини не била постигната потребната излезност од најмалку една третина (33,33%) од запишаните гласачи, што е предуслов за успешност на изборите според Изборниот законик.Според податоците, одзивот на гласачите изнесувал:во Гостивар – 33,31%,во Врапчиште – 25,18%,во Маврово и Ростуше – 30,31%,во Центар Жупа – 21,49%.Со оглед на тоа што излезноста во ниту една од овие општини не го достигнала законскиот праг, изборната постапка ќе се повтори во целост.Согласно член 132 став (2) од Изборниот законик, ако во првиот круг не излезе најмалку една третина од гласачите, изборите се повторуваат. Дополнително, член 132-а предвидува дека повторените избори се одржуваат во рок од најмногу 60 дена по објавувањето на конечните резултати, а при тоа не важи условот за излезност.Тоа значи дека целиот прв круг во овие четири општини ќе се спроведе повторно во наредните два месеци, по што ќе следи и втор круг доколку има потреба.Во меѓувреме, вториот круг од Локалните избори 2025 ќе се одржи во недела, кога гласачите ќе избираат градоначалници во 32 општини и во Градот Скопје, додека изборот на градоначалници во 44 општини беше завршен уште во првиот круг.

Македонија | пред 4 месеци

Трамп: Намалување на царините кон Кина во замена за стабилен извоз и соработка

Американскиот претседател Доналд Трамп соопшти дека постигнал договор со кинескиот лидер Си Џинпинг за намалување на царините кон Кина за 47 проценти, во замена за континуирани купувања на американска соја, одржување на извозот на ретки метали и задушување на нелегалната трговија со фентанил.Разговорите меѓу двајцата лидери се одржаа во јужнокорејскиот град Бусан и претставуваат нивна прва директна средба од 2019 година. Средбата, која беше дел од азиската турнеја на Трамп, според него, означува „нов почеток во трговските односи меѓу Вашингтон и Пекинг“.Трамп ја искористи можноста да го пофали „напредокот во трговијата“ и со Јужна Кореја, Јапонија и земјите од Југоисточна Азија, нагласувајќи дека САД се враќаат на глобалната сцена како „фер, но цврст преговарач“.Веднаш по објавувањето на деталите од договорот, глобалните финансиски пазари реагираа со осцилации – азиските индекси и европските фјучерси се движеа меѓу раст и пад, додека Волстрит и Токио претходно достигнаа рекордни вредности во очекување на исходот од разговорите.Овој договор, кој доаѓа по повеќегодишна трговска војна меѓу двете најголеми светски економии, се смета за обид да се стабилизираат синџирите на снабдување и да се врати довербата во глобалниот бизнис, објави Klix.ba.

Свет | пред 4 месеци

Зијадин Села ќе се врати во Владата?!

Еден од лидерите на ВЛЕН и новоизбран градоначалник на општина Чаир, Изет Меџити, изјави дека коалицијата „Национална алијанса за интеграција“ (НАИ), предводена од ДУИ, ќе биде распуштена по локалните избори и дека во редовите на интегративците следуваат структурни промени.Меџити, кој го порази Бујар Османи од НАИ уште во првиот изборен круг, ова го кажа во гостување на ТВ 21, коментирајќи ги политичките текови во албанскиот блок по изборите.Тој изјави дека во ДУИ и НАИ очекувале да придобијат дел од гласачкото тело по заминувањето на Арбен Таравари од ВЛЕН, но дека резултатите од првиот круг покажале спротивно.„Со заминувањето на Таравари пред шест месеци, мислеа дека имаат 90 отсто од гласачкото тело. Но, лидерите може да си заминат, членството останува. Тоа и се докажа. Тие не го очекуваа овој резултат и сега не станува збор за чувство на пораз, туку за чувство на загубена надеж. Очекувам НАИ да се распушти и да се создадат нови движења,“ изјави Меџити.Тој додаде дека дел од гласачите на НАИ веќе воспоставиле комуникација со ВЛЕН, со цел да му се приклучат на ова движење. „Добар дел од нив почнуваат да се движат кон ВЛЕН. Постојат комуникации,“ нагласи тој.Во однос на шпекулациите дека лидерот на едното крило на Алијансата за Албанците, Зијадин Села, би можел да се приклучи на Владата, Меџити рече дека не ја исклучува таа можност.„Не го негирам тоа. Можно е. Политичката сцена кај Албанците стана многу измешана, се случија турбуленции и мислам дека ќе има уште,“ изјави Меџити, пренесе МИА.

Македонија | пред 4 месеци

Будимпешта под ризик: американските санкции ја разнишуваат енергетската зависност од Москва

Унгарскиот премиер Виктор Орбан изјави дека на претстојниот состанок со Доналд Трамп ќе се разгледува агенда што би можела да доведе до мировен договор во Украина, пренесе Reuters.Орбан претходно најави дека со Трамп ќе разговара и за американските санкции кон руските нафтени компании, воведени минатата недела.Унгарија, како што потсетуваат медиумите, и понатаму во голема мера зависи од увозот на руска нафта и гас, за разлика од повеќето членки на Европската унија кои по почетокот на руската инвазија во 2022 година го намалија ослонувањето на руската енергија. Напротив, Будимпешта дури го зголеми увозот, пишува Bloomberg.Оваа зависност сега претставува ризик за енергетската безбедност на земјата, бидејќи новите американски санкции против „Роснефт“ и „Лукоил“ имаат цел да го притиснат рускиот претседател Владимир Путин да седне на преговарачка маса околу Украина.Унгарската влада тврди дека поради географската положба без пристап до море, нема реална алтернатива за снабдување со нафта освен преку Русија.Орбан претходно изјави дека Трамп направил грешка воведувајќи санкции на руската нафта, сметајќи дека тие можат да предизвикаат штета и на европските економии.

Свет | пред 4 месеци

(🔴Во живо) „Претрес“ на Сашка Цветковска: Што кријат пораките од „Пулс“, за олихархијата, платениците, матните-бизниси

„Платеници, нарачани, странски проекти, грантови...“ – епитети за тие кои ги објавија „скриените“ пораки за трагедијата „Пулс“ каде се договараат скапи поклони во замена дискотеката да работи. Како стигнаа до пораките, што друго има во нив, а не знаеме?Од модуларната болница во Тетово до Кочо Анѓушев и моќниците..  Гостинка е Сашка Цветковска, новинарка и главна уредничка на ИРЛ, медиум што многумина го нарекуваат „страшило на корупцијата“, а други – „опасна организација“.СЛЕДЕТЕ ВО ЖИВО:

Студио | пред 4 месеци

Додик по укинувањето на санкциите: Благодарен сум на Трамп, вистината за Република Српска победи

Поранешниот претседател на Република Српска, Милорад Додик, се огласи откако Соединетите Американски Држави ги укинаа санкциите против него, изразувајќи благодарност до американскиот претседател Доналд Трамп за, како што рече, „исправување на големата неправда“. Одлуката ја нарече „морална рехабилитација на вистината за Република Српска“.Во објава на социјалните мрежи, Додик се заблагодари на Трамп и неговите соработници што „ја исправиле неправдата нанесена на Република Српска, нејзините претставници и нивните семејства“, обвинувајќи ги, притоа, администрациите на Барак Обама и Џо Бајден дека ја создале.„Одлуката за укинување на санкциите не е само правна, туку и морална рехабилитација на вистината за Република Српска и за сите кои ѝ служат чесно. Повторно се покажа дека сè што беше кажано против нас беше лага и пропаганда – основа врз која беше изграден нередот што го создаде Кристијан Шмит, неред што сега мора да се расчисти“, напиша Додик.Тој испрати и порака до, како што рече, „оние кои сите овие години ликуваа и веруваа во туѓи лаги“. „Можам да им простам сè, освен годините што ги изгубија верувајќи дека Република Српска ќе падне. Денес е јасно – таа никогаш нема да падне,“ порача Додик.

Свет | пред 4 месеци

Украина пред најтешка зима досега: нападите на Русија ја рушат енергетската мрежа

Руските сили систематски ги напаѓаат украинските термоелектрани на јаглен, складиштата за гас и трафостаниците, со цел – како што пишува германскиот весник Bild – „да ја замрзнат Украина оваа зима“. Секој нов напад, според извештаите, дополнително ги отежнува напорите на украинските власти да обезбедат доволно електрична енергија и топлина за населението во претстојниот студен период.Според податоците на Bild, оштетени се 55 до 60 проценти од украинската гасна инфраструктура. Весникот го цитира извршниот директор на државната енергетска компанија „Нафтогаз“ Сергиј Корецки кој предупредил дека „Русите нема да застанат“ и повикал граѓаните да ја сведат потрошувачката на енергија на минимум.Весникот дополнително наведува дека, во случај на целосен колапс на енергетската мрежа, Украина се соочува со „ладна катастрофа“. Неименувани украински функционери изјавиле дека „претстојната зима ќе биде најтешка досега“.Германскиот министер за надворешни работи Јохан Вадефул ги повика западните сојузници да ја зголемат поддршката за Украина. Во исто време, германската министерка за економија Катерина Рајхе најави дополнителни средства за Фондот за енергетска поддршка на Украина. Германија досега придонела со 390 милиони евра, а се планираат уште 60 милиони евра помош.Украинскиот претседател Володимир Зеленски соопшти дека грејната сезона во Украина започнала вчера, додека земјата активно бара дополнителна противвоздушна одбрана, енергетска опрема и финансии за увоз на гас. Според проценките, Украина мора да има најмалку 13,2 милијарди кубни метри гас во складиштата за да ја преживее зимата и разгледува можности за увоз од САД и Норвешка.

Свет | пред 4 месеци

Овој викенд без ‘Марш на ангелите’ – ден за молитва и почит кон жртвите од ‘Пулс’

Здружението на граѓани „16 март 2025 Кочани“ соопшти дека поради Задушница, оваа сабота, 1 ноември, нема да се одржи „Марш на ангелите“, традиционалниот собир во чест на жртвите од трагедијата во дискотеката „Пулс“.„Овој ден е посветен да им запалиме свеќа, да се помолиме за нивниот вечен мир и да им оддадеме достојна почит на сите наши најмили што не се меѓу нас. Следниот марш ќе биде најавен дополнително“, стои во соопштението објавено на Фејсбук.Родителите на починатите млади минатата сабота го одржаа 28. „Марш на ангелите“, повикувајќи повторно на правда и вистина за случајот кој ја потресе целата земја. Тие потсетија дека институциите и натаму молчат, дека системот кој требаше да ги штити, не реагирал и дозволил пред нивните очи да се создаде „шупа однадвор, а замок на монструм внатре“.

Македонија | пред 4 месеци

Ново бомбардирање во Газа – Израел тврди дека го гаѓале складиштето на Хамас

Израелската војска изврши нов воздушен напад врз појасот Газа, што повторно ја разгоре загриженоста околу кревкото примирје со Хамас. Според соопштението на Израелските одбранбени сили (IDF), мета на нападот била „терористичка инфраструктура“ во областа Бејт Лахија, на северот од Газа, објави Sky News.Од IDF соопштија дека локацијата служела како складиште за оружје „наменето за непосреден напад врз израелските војници“. „Нашите сили во јужното командно подрачје остануваат распоредени во согласност со договорот за прекин на огнот и ќе продолжат да делуваат против секоја закана што може да биде итна“, изјави портпаролот на израелската армија.Очевидци од градот Газа изјавиле дека чуле силна експлозија и виделе густ столб чад над областа. Според болничките извори, нападот се случил само неколку часа по претходните израелски воздушни удари, во кои загинале најмалку 104 лица, меѓу нив и 46 деца.Премиерот Бенјамин Нетанјаху ги наредил нападите откако израелски војници, според воени извори, биле нападнати со огнено оружје во градот Рафа на југот од Газа. Израелската армија потврди дека еден војник загинал од „непријателски оган“ во текот на вторникот попладне.Движењето Хамас ги отфрли израелските обвинувања, тврдејќи дека нема никаква вмешаност во пукањето во Рафа и повтори дека останува посветено на примирјето. Ескалацијата дојде само еден ден по предавањето на делови од телата што, според израелските власти, припаѓаат на заложник чијашто судбина се утврдуваше во изминатите месеци од конфликтот.По новите напади, израелската војска соопшти дека ќе продолжи да го почитува прекинот на огнот, но дека ќе „одговори со сила на секое негово прекршување“.Американскиот претседател Доналд Трамп изјави дека, и покрај новото насилство, прекинот на огнот и натаму е на сила и дека „ништо нема да го загрози“. Според него, Хамас ветил дека ќе се придржува кон договорот.

Свет | пред 4 месеци