Иницијатива за флаер – дете со маска, симбол на протестот против загадувањето од Вардариште!

Сериозното загадување од депонијата Вардариште повторно го крена Скопје на нозе, а граѓаните на Аеродром почнаа да се самоорганизираат со повици за блокади и протести. Новото во нивните активности е што за прв пат направија и флаер за да ја зголемат видливоста на акцијата.На флаерот, кој е граѓанска иницијатива, е прикажано дете со гас-маска – порака колку е опасен воздухот и колку сериозно го доживуваат проблемот. Под слоганот „Стоп за екоцидот во нашиот крај! Бараме итно делување!“ се најавуваат секојдневни протести од 18 до 19 часот, на булевар АСНОМ и булевар Србија, пред мостот „Киро Глигоров“.Граѓаните кои го изработија постерот велат дека не им е целта да преземат нечие организаторство, туку да помогнат што повеќе луѓе да дознаат и да излезат на улица. „Ситуацијата нè засега сите нас и мора да се делува“, појасни еден од нив во објава на Фејсбук група, додавајќи дека планираат флаерот да го испечатат и да го залепат по влезови.Протестите се реакција на честото палење на депонијата Вардариште, за кое жителите тврдат дека предизвикува енормно загадување што го чувствува целиот град, а најмногу населбите во близина.

Скопје | пред 5 месеци

Партиите да седнат и да се договрат како ќе настапуваат надвор од државата, нема потреба од нова декларација со „црвени линии“, порача шефицата на државата

Претседателката Гордана Сиљановска-Давкова смета дека нема потреба од нова декларација за црвените линии на државата за евроинтеграциите што најголемата македонска опозициска партија СДСМ најави дека ќе ја поднесе. Сиљановска-Давкова денеска од Охрид им порача на сите политички партии да седнат во Парламентот и да се договорат како ќе настапуваат надвор од државата.– По толку бели линии, сега да зборувате за црвени линии, е апсурдно. Ние имаме декларација, и тоа не само една, туку неколку декларации имаме донесено во Собранието и не беа почитувани. Дури и референдумски резултат не почитувавме, а камоли црвени линии. Не разбирам што значи црвена линија во овој поглед, особено не ја разбирам аргументацијата дека доколку сепак посегне соседот по вето, ние тогаш ќе ги прекинеме преговорите, рече Сиљановска-Давкова.Според претседателката, најважно е политичките партии и од опозицијата и од власта да постигнат консензус за тоа како ќе се однесуваат надвор.– Ако така се однесуваа по средбата на која сите и се израдувавме во Владата, мислам дека и ЕУ поинаку ќе се однесуваше. Ако лидерите на опозицијата и лидерите на сите партии зборуваа во еден глас дека мислиме вака и вака, дека ова е најдобро решение, сигурно поинаку ќе се однесуваа кон нас. Ама да слушате аргументација – предложија уставни измени со одложено дејство, не им ги прифатија. Првиот човек на Европската унија Кошта за измените со одложено дејство рече дека се извонреден потег. Зарем мисли некој дека ние ќе предложиме уставни измени со одложено дејство ако за тоа нема уставен основ. Па и првите уставни измени беа со одложено дејство, па и Преспанските беа со одложено дејство, истакна Сиљановска-Давкова.

Македонија | пред 5 месеци

Таткото на Васил Јованов не се чувствува виновен

Пред Основниот кривичен суд во Скопје денеска се појави Зоран Јованов, татко на Васил Јованов, кој изјави дека не се чувствува виновен и оти не му е јасно што конкретно му се става на товар. Против него се води постапка за „загрозување на безбедноста на сообраќајот со опасно дејствие или средства“, поради трагичниот настан во кој неговиот син, возејќи без дозвола и под дејство на алкохол, удри пешак кој почина.Обвинителот Александар Марковски нагласи дека преку попустливост како родител, Јованов создал услови за опасна состојба.„Очигледно е дека татковата љубов кон единствениот син довела до премногу толерантен однос, а тоа резултирало со несреќен исход“, изјави Марковски. Тој додаде дека обвинителството ќе настојува да покаже дека токму таквото однесување на таткото придонело за ризичната ситуација што ја создал Васил Јованов.Марковски посочи и дека иако обвинетиот е офицер во Армијата и досега не бил во судир со законот, во оваа постапка не се оценува неговата професионалност, туку неговите постапки како родител.Одбраната, пак, преку адвокатот Сашко Дуковски, оцени дека обвинението нема правна основа и најави дека ќе бара детално објаснување за секој доставен доказ.„Ова е правен преседан кој досега не е забележан во македонската судска пракса – да се обвинува татко за дела на својот полнолетен син“, рече Дуковски, додавајќи дека ќе инсистира на појаснување на правната заснованост на сите докази.На почетокот од денешното рочиште, Тодор Кулаков – таткото на загинатата Фросина Кулакова, побара од судијката Снежана Марковска да се изземе од предметот, велејќи дека процесот е „наместен“. Поради тоа беше отстранет од судницата. Дуковски реагираше дека ќе го напушти судењето доколку Кулаков повторно му се обрати директно.Против Зоран Јованов се води постапка според изменет обвинителен предлог – наместо првичното „предизвикување општа опасност“, обвинението е преквалификувано во „загрозување на безбедноста на сообраќајот со опасно дејствие или средства“.Несреќата се случи во јануари годинава, кога Васил Јованов, возејќи автомобил под алкохол и без возачка дозвола, удри во пешачката Фросина Кулакова, која почина на самото место.

Македонија | пред 5 месеци

(Видео) Тикток-тепачка од Влае стана вирален хит: насилството прераснува во забава?

Тепачка помеѓу два лика кои креираат видеа за „Тикток“ е една од најпопуларните содржини во Македонија. Снимката е направена во скопско Влае, каде извесени Лара и Кт си упатуваат навреди, па продожува со физичка пресметка. Снимката за едне ден има над 10 илјади лајкови.Дали е сатирична содржина или реална кавга - знаат само авторите. Снимката е толку популарна, што доби десетици „римејк“ верзии.[caption id="attachment_347295" align="alignnone" width="1045"] Screenshot[/caption]Објавувањето на содржини каде се гледа насилство во Македонија често станува вирално. Па така, изминативе денови сведочевме на случај каде девојче било нападнато, снимката станала вирална на „Тикток“, а тоа се плашело да каже на родителите, за да нападот не се повтори. Родителот ја видел снимката онлајн по што пријавил во полиција.„Тикток“ и другите социјални мрежи, имаат свои механизми за заштита од ширење на вакви

Скопје | пред 5 месеци

(Видео) Моментот на американската акција против венецуелска нарко-банда: убиени 11 лица

Војската на САД изврши напад во јужниот дел на Карипското Море врз брод што тргнал од Венецуела, при што беа ликвидирани 11 членови на криминалната група „Трен де Арагва“. Информацијата ја потврди американскиот претседател Доналд Трамп, кој од Белата куќа изјави дека на пловилото било пронајдено „големо количество дрога“.Според државниот секретар Марко Рубио, кој се огласи на социјалната мрежа X, нападнатиот брод бил управуван од „позната нарко-терористичка организација“. Тој ја оцени акцијата како „тежок удар“ врз криминалните структури во регионот.Вашингтон неодамна најави засилено присуство на својата морнарица во венецуелските води со цел да се спротивстави на латиноамериканските нарко-картели. Иако не е спомната никаква копнена интервенција, официјален Каракас реагираше со испраќање војска на крајбрежјето и кон границата со Колумбија. Претседателот Николас Мадуро, воедно, ги повика граѓаните да се приклучат на цивилната милиција.Мадуро ја обвини американската администрација дека преку приказни за трговија со дрога сака да создаде алиби за негово соборување. Како аргумент, тој и неговите соработници често се повикуваат на извештај на Обединетите нации, според кој само пет отсто од колумбиското кокаинско производство поминува преку Венецуела.Инаку, Колумбија е водечки светски производител на кокаин, со пристап и кон Тихиот Океан и кон Карипското Море, додека Боливија, иако исто е во регионот, нема излез на море.

Свет | пред 5 месеци

СДСМ: Итна декласификација на документите за случајот со АНБ

СДСМ денеска побара итна декласификација на целата документација поврзана со случајот што, според партијата, власта се обидела да го претстави како наводна афера за прислушкување.Портпаролката на СДСМ, Богданка Кузеска, на прес-конференција истакна дека јавноста мора да ја дознае вистината, особено поради контрадикторните изјави на лидерот на ВМРО-ДПМНЕ, Христијан Мицкоски, и директорот на АНБ, Зоран Христовски.„Мицкоски вели дека бил прислушуван, Христовски тоа го демантира и зборува за прибирање информации за таргетирани лица. Кој овде лаже? Единствен начин да се расчисти е веднаш да се декласифицираат сите документи и да бидат достапни на јавноста,“ рече Кузеска.Таа обвини дека, доколку тоа не се случи, ќе стане јасно дека станува збор за уште еден „неуспешен обид за манипулација“ од страна на власта и предизборна злоупотреба, слично како и во случаите со, како што наведе, „наводни дестабилизации, дронови, обиди за поткуп и други измислени приказни кои завршија без докази“.Според СДСМ, ВМРО-ДПМНЕ ја злоупотребува безбедносната служба за партиски цели, со што, како што рече Кузеска, се обидува да го одвлече вниманието од реалните проблеми.„Власта со години не обезбедува поголеми плати, не ги исполнува ветувањата и секојдневно ја тресат скандали. Граѓаните веќе не веруваат во лажни афери и празни приказни. Само целосна транспарентност ќе покаже дали има реален безбедносен проблем или уште една евтина манипулација,“ изјави портпаролката на СДСМ.

Македонија | пред 5 месеци

Вучиќ од Пекинг: „Кина секогаш била со Србија, зошто е проблем што се среќавам со најмоќните луѓе?“

Српскиот претседател Александар Вучиќ, кој од 2 до 4 септември престојува во Кина по покана на претседателот Си Џинпинг, изјави дека Србија никогаш нема да ја заборави поддршката од Пекинг и одговори на критиките за неговата посета.„Каква штета направив со ова (доаѓањето во Пекинг)? Не требаше да се сретнам со најмоќните и најважните луѓе во светот? Не треба да соработуваме со овие земји. Дали знаете дека Узбекистан има 45 милиони жители? Дали знаете како расте Баку? … Зборувам за Кина. Дали направив некаква штета со разговорот со претседателот на Кина?“, изјави Вучиќ.Тој нагласи дека Кина „отсекогаш стоела на страната на Србија, особено во најтешките времиња“ и додаде дека српскиот народ тоа нема да го заборави.За време на посетата, Вучиќ ќе има средби со претседателот Си Џинпинг, со претседателот на кинескиот парламент, како и со најмалку 14 компании – дел што веќе инвестираат во Србија и дел нови со кои Белград досега немал соработка.Српскиот претседател најави и билатерални разговори со претседателите на Узбекистан, Шавкат Мирзијоев, и на Азербејџан, Илхам Алиев.Вучиќ е во Пекинг по повод одбележувањето на 80-годишнината од победата во Втората светска војна.

Свет | пред 5 месеци

Повик за лични асистенти за учениците од Општина Центар - плата 15.000 денари

Општина Центар и оваа учебна година ќе ангажира лични асистенти за ученици со посебни образовни потреби во рамки на проектот „Образование за сите“.Согласно соопштението, на јавниот повик за работа може да се пријават лица со завршено средно образование, но предност при селекцијата ќе имаат кандидати кои поседуваат високо образование од областа на наставата, психологијата, педагогијата, дефектологијата или социјалната работа, како и оние кои имаат претходно искуство во работа со деца со попреченост.Избраните кандидати ќе работат по 20 часа неделно и ќе добиваат месечен надоместок од 15.000 денари.Градоначалникот Герасимовски истакна дека личните асистенти се клучни за успешен инклузивен образовен процес.„Нашите асистенти им помагаат на учениците полесно да се адаптираат и функционираат во училишната средина. Тоа многу значи, не само за децата, туку и за родителите и наставниците, рече Герасимовски, кој истакна дека Општина Центар е единствената во Скопје која, и покрај сите предизвици, продолжува самостојно, од свој буџет, да го спроведува овој проект.Оваа година имаше огромен интерес и од страна на образовните асистенти кои сакаат да бидат ангажирани во образовниот процес на децата со посебни потреби. Тие имаат едногодишни договори и се ангажирани на полно работно време за плата повисока од 37.000 денари.

Скопје | пред 5 месеци

Ѓоковиќ повторно испиша историја: највозрасен тенисер со полуфиналиња на сите гренд слемови во една година

Новак Ѓоковиќ уште еднаш ги помести границите во тенисот и обезбеди полуфинале на УС Опен, совладувајќи го Тејлор Фриц со 3:1 (6:3, 7:5, 3:6, 6:4). Во борба за финале, српскиот ас ќе игра против Карлос Алкараз, кој исто така доминантно стигна до завршницата.Со овој успех, Ѓоковиќ стана најстариот тенисер што во една сезона успеал да игра во сите четири полуфиналиња на гренд слем турнирите. Тој подвиг добива уште поголема тежина ако се потсетиме дека токму Новак во 2008 година стана и најмладиот тенисер со вакво достигнување.Тековната сезона за Ѓоковиќ е полна со историја:На Австралија опен го елиминираше Алкараз во четвртфиналето, но поради повреда се повлече во полуфиналето против Александар Зверев.На Ролан Гарос беше сопрен од Јаник Синер во полуфиналето.На Вимблдон повторно Синер беше подобар, а потоа и ја освои титулата.На УС Опен, Ѓоковиќ стигна до своето четврто полуфинале оваа година.Интересно е дека и Рафаел Надал во 2008 година ги комплетираше сите полуфиналиња, но како што е една година постар од Новак, рекордот останува кај Србинот. Роджер Федерер, пак, својата серија ја комплетираше дури во 2005 година, кога стигна до полуфинале во Мелбурн и Париз.Со 24 гренд слем титули во својата богата колекција, Ѓоковиќ покажува дека уште има сила да освои нови трофеи. Дали во Њујорк ќе дојде и до 25-тиот?

Спорт | пред 5 месеци

Русија ќе ѝ помогне на Кина да ја престигне Америка во нуклеарна енергија

Русија ќе и помогне на Кина да ја престигне Америка и да стане најголем светски производител на нуклеарна енергија, изјави за руската државна телевизија Алексeј Лихачов, директор на државната нуклеарна корпорација „Росатом“.Соединетите Американски Држави моментално управуваат со најголемата мрежа на нуклеарни реактори во светот, со речиси 97 гигавати (GW) инсталиран капацитет. Кина, пак, интензивно инвестира во изградба на нови реактори и според податоците на Американската управа за енергетски информации, во април 2024 година имала оперативен капацитет од 53,2 GW.„Кина има амбициозни планови за развој на атомската енергија. Целта е да се стигнат и надминат САД по инсталиран капацитет, што значи да се достигне повеќе од 100 гигавати,“ изјави Лихачов.На прашањето дали Русија ќе и помогне на Кина во реализацијата на оваа цел, тој одговори: „Се разбира. Ќе помогнеме. Веќе помагаме.“Русија досега помогнала во изградбата на четири нуклеарни реактори во Кина и моментално работи на изградба на уште четири. Според Лихачов, амбициозните планови на Пекинг бараат големи количини ураниум и нуклеарно гориво, па затоа Кина ќе треба да развие нова генерација реактори со затворен нуклеарен горивен циклус, базирани на руската технологија.

Свет | пред 5 месеци

Трамп вика дела Путин и Си кројат заговор против САД, одговор стигна од советник на рускиот претседател

Советникот на рускиот претседател, Дмитриј Ушаков, ги демантираше тврдењата на американскиот претседател Доналд Трамп дека Владимир Путин, Ким Јонг Ун и Си Џинпинг договараат заговор против САД.Трамп на својата мрежа Truth Social напиша порака во која со иронија им посака „убав и траен ден на прослава“ на кинескиот претседател и „народот на Кина“, а воедно упати поздрав и до Путин и Ким, додавајќи: „додека кроите заговор против САД“.Ушаков, одговарајќи на новинарско прашање, изјави: „Сакам да кажам дека никакви завери не се прават, никој не подготвува никакви планови, завера воопшто нема, а уште помалку некој од тројцата лидери размислувал за такво нешто“.Тој додаде дека во Москва добро ја разбираат улогата на Соединетите Американски Држави во денешните меѓународни односи. „Сите се свесни за улогата што ја имаат САД, актуелната администрација на претседателот Трамп и самиот претседател Трамп“, рече Ушаков.

Свет | пред 5 месеци

(Видео) Вардариште трети ден чади и труе – жителите на Аеродром и Гази Баба излегуваат на протест

Депонијата „Вардариште“, која викендов беше зафатена од голем пожар, и денеска продолжува да чади. И утрово граѓаните се гушеа во отровните испарувања од старата депонија, за што сведочат фотографии и снимки направени од жител на Аеродром, кој вели дека ваквата состојба трае веќе три дена. За денеска е најавен и протест.„На 03.09.2025 во 18 часот, на раскрсницата на булевар АСНОМ со булевар Србија! Дојдете да покажеме колку сме!“, напиша еден жител, во граѓанска група на „Фејсбук“.Иако повеќе децении граѓаните апелираат за изнаоѓање трајно решение за „Вардариште“, депонијата и натаму претставува извор на загадување. Последниот пожар ја стави под лупа на инспекцијата и полицијата, но и во фокусот на актуелните и кандидатите за градоначалници, кои вчера го посетија просторот со нова низа ветувања.Жителите на Ново Лисиче и Аеродром најавуваат дека секојдневно ќе излегуваат на улица со протести, сè додека не се најде итно и трајно решение за депонијата, која со години е симбол на негрижа и политички манипулации.

Скопје | пред 5 месеци

Распишана потерницата по 18-годишниот Македонец, кој се обиде да убие член на мафијашки клан

Вишото државно обвинителство во Подгорица издаде наредба за спроведување истрага и предлог за притвор против 18-годишниот македонски државјанин Андреј Танасковски, кој е осомничен за обид за убиство на Марко Љубиша Кан (56) од Будва. Според полициските податоци, Кан е висок член на криминална група од Будва, која е тесно поврзана со Шкаљарскиот криминален клан.Според Обвинителството, Танасковски на 7 август, на базенот од хотелскиот комплекс „Маестрал“ во Будва, испукал неколку проектили кон Кан, при што му нанел тешки телесни повреди.„Наредбата е доставена за понатамошно одлучување до Вишиот суд во Подгорица, до истражниот судија“, информираат од Обвинителството.Полицијата на 15 август објави дека случајот е решен, идентификувајќи го Танасковски како директен сторител. За него е распишана потерница.

Свет | пред 5 месеци

(Видео) Училиштето каде пред неколку години Џамбазов пречека само едно прваче, годинава има четири нови дечиња

Училиштето „Денче Дејаноски“ во Маврови Анови, основано во далечната 1957 година, годинава го пречека 1 септември со четири нови првачиња – две девојчиња и две момчиња. Овој мал, но значаен момент е надеж за селото кое во последните години се соочуваше со пад на бројот на ученици.Пред неколку години, училишното ѕвонче ѕвонеше само за едно дете – малечкиот Матеј. Тогаш првиот училишен час стана симболичен настан, на кој присуствуваа неговата мајка, учителката, но и актерот Игор Џамбазов. Денес Матеј е преселен во Струга и таму продолжува со школувањето.Во ова училиште сега учат вкупно 28 ученици, распоредени од прво до деветто одделение. За локалната заедница, новите првачиња се знак на надеж дека образованието и детската радост ќе продолжат да живеат и во ова мало планинско место.

Македонија | пред 5 месеци

Лавров: За мир со Украина мора да се признаат „новите територијални реалности“

Рускиот министер за надворешни работи, Сергеј Лавров, изјави дека Москва очекува продолжување на преговорите со Украина, но само доколку во нив се признаат „новите територијални реалности“ и се воспостават нови системи на безбедносни гаранции.„За мирот да биде одржлив, новите територијални реалности мора да се признаат и формализираат во меѓународно-правна смисла,“ рече Лавров во интервју за индонезискиот весник Компас.Тој индиректно се осврна и на прашањето за приклучувањето на Украина кон НАТО, нагласувајќи дека Киев треба да има „неутрален, несврстан и ненуклеарен статус“.Украина возврати дека Русија нема право да одлучува за нејзините меѓународни сојузи, додека НАТО останува на ставот дека Москва не може да има вето врз членството на земјите во Алијансата.Лавров додаде дека шефовите на руската и украинската делегација се во директен контакт и изрази очекување дека разговорите ќе продолжат.

Свет | пред 5 месеци

(Видео) Вештачката интелигенција влезе на бојното поле: Украина прва во свет почна да користи AI дронови

Украина разви нова стратегија во користењето на дронови, комбинирајќи вештачка интелигенција и напреден софтвер што им овозможува на леталата меѓусебна координација. Според „Вол Стрит Журнал“, украинската армија веќе речиси една година спроведува напади со „роеви дронови“ – технологија која досега беше само предвидување за иднината на војувањето.Секоја операција обично вклучува еден извидувачки дрон и два бомбардери кои самостојно одлучуваат кога ќе ја извршат задачата. Новата технологија овозможува истовремено да се користат повеќе дронови со помал број оператори, што значително ја зголемува ефикасноста и ги штеди ресурсите. „Не е потребен пилот за секој дрон – еден оператор може да управува со повеќе летала“, објаснува Сергиј Куприенко, директор на компанијата „Swarmer“, која стои зад развојот на софтверот.Украинските единици досега ја примениле оваа технологија повеќе од сто пати, а досега се изведени напади и со групи од осум дронови. Во тестови, софтверот покажал дека може да координира и до 25 летала, а наскоро се планираат и поголеми експерименти со повеќе од сто.Иако сè уште не станува збор за „полн рој“ со стотици дронови, аналитичарите сметаат дека Украина е првата земја која ја применува оваа технологија рутински во воена акција.Меѓутоа, експертите предупредуваат и на етичките дилеми – дали машините треба да имаат самостојна одлука за напад врз војници и цивили. Од „Swarmer“ уверуваат дека конечната команда за напад секогаш ја дава човек, иако дроновите самостојно се прилагодуваат на условите на теренот.Со оваа стратегија, Украина ја зацврстува својата водечка позиција во современото војување со дронови, а глобалната трка во развојот на вакви технологии дополнително се интензивира.

Свет | пред 5 месеци

„Не е Данче ова системска победа за секоја жена и мајка, туку редок случај на казна оти си јавна личност“

Инфлуенсерката под псевдонимот Ина Многуфина реагираше на социјалните мрежи по повод судскиот епилог во случајот со нападот врз градоначалничката на Скопје, Данела Арсовска. Таа смета дека казната што ја доби напаѓачот не претставува системска победа за жените, туку исклучок поради тоа што жртвата е јавна личност и функционер. Реакцијата доаѓа откако Арсовска, пресудата ја нарече „системска победа за секоја жена и мајка“.„Не е Данче ова системска победа за секоја жена и мајка. Ова е редок случај на казна поради тоа што си јавна личност и градоначалник и поради тоа што јавноста реагираше. Невидливите жени немаат се уште победа. Најчесто системот ги товари насилниците со условни, понекогаш по поише пати. Пред некој месец една жена жртва, оперирана од канцер, си го дочека насилникот дома, иако на рочиште 3 минути и ги читаа повредите, постапката за забрана за приближување беше поспора од неговиот пат до жртвата.Системот има уште многу да работи, а во тоа можат да помогнат жените кои успеваат да стигнат до битни функции и да направат нешто за другите жени, да влијаат и да се залагаат на друго ниво во нивниот мандат. Ама тоа некако не се дешава. Далеку сме од системска победа, ова е победа за заштита на институцијата и твоја како носител на функција. И тоа е добро, но да си дочекаат сите за нивните насилници. Вклучувајќи го и оној вчера во Кавадарци што ја тепал жена му од 68 години на сред улица. Затоа се силат, пошо казните за невидливите се невидливи“, напиша Ина Многуфина.

Коментари | пред 5 месеци

Севернокорејски војници се бореле во Курската област, Ким Џонг Ун: „Ќе направиме сè што можеме за да ѝ помогнеме на Русија“

Рускиот претседател Владимир Путин му се заблагодари на севернокорејскиот лидер Ким Џонг Ун за учеството на севернокорејските војници во борбите против украинските сили, истакнувајќи ја нивната „храброст и жртва“.„На ваша иницијатива, како што е добро познато, вашите специјални сили учествуваа во ослободувањето на Курската област. Вашите војници се бореа храбро и јуначки“, рече Путин на средбата со Ким во Пекинг, одржана на маргините од одбележувањето на 80-годишнината од капитулацијата на Јапонија во Втората светска војна.Според проценките на јужнокорејската разузнавачка служба, околу 2.000 севернокорејски војници загинале во борбите на страната на Русија во западниот дел на земјата. „Сакам да нагласам дека никогаш нема да ја заборавиме жртвата на вашите вооружени сили и семејствата на вашите војници“, додаде Путин, изразувајќи благодарност во име на рускиот народ.Ким Џонг Ун, пак, изјави дека е подготвен да направи „сè што може за да ѝ помогне“ на Русија, нагласувајќи дека соработката меѓу двете земји значително се зголемила по потпишувањето на договорот за партнерство во јуни 2024 година.Состанокот во Пекинг го потврди сè поблиското партнерство меѓу Москва и Пјонгјанг во услови на продолжен воен конфликт во Украина и зголемени тензии со Западот.

Свет | пред 5 месеци

Трамп го обвини Си за заговор против САД заедно со Путин и Ким!

Американскиот претседател Доналд Трамп се налути на Си Џинпинг, обвинувајќи го за заговор против САД заедно со рускиот лидер Владимир Путин и севернокорејскиот лидер Ким Џонг Ун.„Пренесете ги моите најтопли поздрави на Владимир Путин и Ким Џонг-ун додека заговорнички делувате против Соединетите Американски Држави“, напиша Трамп на својата мрежа „Трут соушал“.Изјавата на Трамп доаѓа во момент кога Си Џинпинг, пред 26 светски лидери, вклучувајќи ги Путин и Ким, зборуваше за „незапирливата“ Кина, која „никогаш нема да дозволи да биде заплашена од насилници“.На парадата беа прикажани новата генерација оружја, вклучувајќи нуклеарни проектили, ласерски системи и поморски дронови.Кина се обидува да се позиционира како можна противтежа на САД откако царините на Трамп го потресоа глобалниот економски и политички поредок.Иако некои набљудувачи присуството на Путин и Ким го толкуваат како порака до Западот кој ги изолираше, Трамп изјави дека не гледа на парадата како предизвик за САД.Истовремено, Трамп рече дека е „многу разочаран“ од Путин, бидејќи не успеале да постигнат мировен договор за Украина за време на нивната средба во Алјаска минатиот месец. - Ќе преземеме нешто за да им помогнеме на луѓето да живеат во Украина, најави тој, без детали.Кина, иако не ја осуди руската инвазија, е обвинувана од Западот дека ѝ помага на Москва преку набавка на нафта и испорака на материјали со двојна намена. Пекинг ги отфрла овие обвинувања.

Свет | пред 5 месеци

Филипче: СДСМ бара итна декласификација на документите од случајот со АНБ

СДСМ бара итна декласификација на целата документација од случајот кој власта во јавноста го презентираше како афера за прислушкување, наведува претседателот на СДСМ, д-р Венко Филипче.„СДСМ бара итна декласификација на целата документација од случајот кој власта во јавноста го презентираше како афера за прислушкување.За ова има јасна постапка по која АНБ може да ги обелодени сите информации и документи. Случајот треба да биде достапен на јавноста за да се суди дали и кој ја злоупотребил функцијата во службите за безбедност.Доколку АНБ ова не го направи, ќе биде јасно дека ова ќе биде уште еден неуспешен обид за манипулација. Исто како што беа случаите за неколку дестабилизации, за следење со дронови, за обиди за поткуп од странски компании на премиерот и слични приказни за кои никогаш ништо не се дозна ништо повеќе.ВМРО-ДПМНЕ си игра со безбедносниот апарат и го користи за дневна политика исто како што тоа го прави со сите други сериозни национални прашања.Ова е одлика на инфантилни политичари и популистички партии, чиј единствен интерес е како да го оттргнат вниманието од проблемите со кои се соочуваат граѓаните.Добро е што веќе никој не им верува на овие потрошени стратегии од времето на Никола Груевски, кои сега се рециклираат во услови кога Владата нема никаков резултат.“ стои во објавата.

Македонија | пред 5 месеци

Бомбаш - самоубиец изврши напад на политички митинг во Пакистан: Најмалку 13 луѓе загинаа

Најмалу 13 лица се убиени, а 35 повредени по експлозија на политички митинг во југозападен Пакистан организиран од Националната партија на Белуџистан (БНП).Адвокатот Саџид Тарин, вршител на должноста претседател на БНП, изјави дека според прелиминарните информации, 13 работници на БНП се убиени. „Ова беше самоубиствен напад, бидејќи полицијата ја пронајде главата на бомбашот“, им рече тој на новинарите во Квета.Дневниот весник „Зора“ го цитираше д-р Васим Баиг од локалната болница во Квета кој потврдиа дека се примени 13 тела.Покраината жариште на насилствоСепак, полициската станица Саријаб соопшти дека досега има детали за 11 мртви и 35 повредени. Политичкиот митинг беше цел во близина на стадионот Шахвани во областа Саријаб откако настанот заврши вчера вечерта. БНП е националистичка партија предводена од Ахтар Менгал, поранешен главен министер на покраината Белуџистан.Менгал и другите лидери, вклучувајќи го и лидерот на Партијата Пахтунхва Мили Авами (ПкМАП), Мехмуд Кан Ачакзаи, Асгар Кан Ачакзаи од Националната партија Авами (АНП) и поранешниот сенатор Мир Кабир Мухамед Шаи од Националната партија, не беа повредени.Провинцијата богата со минерали, вклучувајќи ја и Квета, долго време е жариште на насилство, а безбедносните сили се борат со бунт со низок интензитет.фото: Х

Свет | пред 5 месеци

Чулев: Реформите кои ги правеше Оливер Спасовски се покажаа неуспешни, затоа ни се случуваат злоупотреби во разузнавачко-безбедносниот сектор

Во „Тема на денот“ во централниот Дневник на телевизија Сител, гостуваше Наќе Чулев, поранешен министер за внатрешни работи и поранешен директор на АР, кој истакна дека со незаконското користење на капацитетите на Агенцијата за национална безбедност е направена штета врз правата и слободите на граѓанинот, истакнувајки дека Јавното обвинителство може многу лесно да ја лоцира одговорноста за сета злоупотреба врз основа на поднесени известувања и дигитална форензика.„На тој начин е нанесена сериозна штета врз правата и слободите на граѓаните, нанесена е штета врз угледот на државата, разнишана е довербата во институциите од безбедносниот систем. Агенцијата за разузнавање и Агенцијата за национална безбедност работат по стрикни утврдени правила и принципи на работење, така да многу е лесно да се детектира каде е одговорноста. Во Агенцијата за национална безбедност треба да се утврди дали навистина постоела законска основа за одредено лице да биде таргет на службата, во медиумите преструеја информации дека се работи за следење на комуникации, меѓутоа не е само следење на комуникации доколку одредено лице е таргет на службата освен следење на комуникации има и физичко следење 24/7, така да, доколку ЈО сака вистински да ја утврди и лоцира одговорноста помеѓу раководителите и вработените, тогаш тоа може врз основа на известувања кои што се поднесени до сега, но и врз основа на дигитална форензика“, рече Чулев.Чулев посочи дека реформите кои се донесени во времето кога Оливер Спасовски бил раководител на безбедносно разузнавачкиот систем се покажале како тотално неуспешни, укажувајќи дека токму од тие причини сето ова е поттик за нови реформи кои ќе конципираат транспарентна и одговорна разузнавачка служба.„Реформите коишто ги правеше Оливер Спасовски после сите овие злоупотреби на системот очигледно се неуспешни, бидејќи не ги штитат интересите на државата и граѓаните, туку ги штитат интересите на одредени поединци и политички структури. Наместо реформите да вродат со плод, во смисла на поголема заштита на интересите на државата и на граѓаните тие доведоа да сегментите од разузнавачко безбедносниот сектор и самите продуцираат бројни безбедносни скандали и корупциски афери за што бевме сведоци , реформите се неуспешни затоа пак ни се случуваат злоупотреби во рамките на разузнавачко безбедносниот сектор. Од тие причини ова е добар поттик за да се спроведат вистински реформи коишто ќе конципираат една модерна разузнавачка служба којашто ќе биде одговорна, одржлива и транспарентна“, вели Чулев.

Македонија | пред 5 месеци

Семејството на смртно прегазената Теодора револтирано: „Како може тепање и убиство да имаат иста казна – две години затвор?“

Ева Ристовска, сестрата на трагично загинатата Теодора од Тетово, остро реагираше по денешната судска пресуда, каде што лицето кое ја нападна скопската градоначалничка Данела Арсовска, доби идентична казна – две години затвор, исто како и Менсур Пајазити, возачот кој ја усмрти Теодора на пешачки премин.„Како може тепање и убиство да имаат иста казна – две години затвор? Каде е правдата? Судство, правда или корупција – срам да ви е! Со вакви судии немаме ни суд, ни правда“, напиша Ристовска.Теодора беше усмртена на пешачки премин во Тетово, а нејзиното семејство веќе подолго време апелира дека правдата е недостижна и дека казната за возачот е понижувачка и неправедна.

Коментари | пред 5 месеци

Кривична пријава за полицаец кој нападна советничка и инспектори на град Скопје, кои утврдиле дека на диво се приклучил на канализциска мрежа

Кривична пријава за полициски службеник кој нападна советничка и инспектори на град Скопје, кои утврдиле дека на диво се приклучил на канализациона мрежаОдделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење организиран криминал и корупција Скопје - Специјализирано одделение за истражување и гонење на кривични дела сторени од лица со полициски овластувања и припадници на затворската полиција поднесе кривична пријава против Б.М., полициски службеник во Одделението за криминалистички работи Чаир при СВР Скопје поради постоење основи на сомнение дека сторил кривично дело „спречување службено лице во вршење службено дејствие“ по член 382 став 1 од Кривичниот законик.На 05.07.2025 инспектори на град Скопје утврдиле дека во општина Шуто Оризари има див приклучок на канализациона мрежа од страна на полицискиот службеник Б.М., а тој им се заканувал на присутните, употребил физичка сила кон советничката на град Скопје И.В. и ги спречувал инспекторите од град Скопје да снимаат со своите мобилни телефони со цел да ја документираат затекнатата состојба на терен, со што го попречувал инспекцискиот надзор.Одделот за внатрешна контрола, криминалистички истраги и професионални стандарди против полицискиот службеник Б.М. ќе поднесе предлог за поведување на постапка за кршење на работниот ред и дисциплина и ќе изрече задолжителни мерки одземање на службеното оружје и муниција и отстранување од работното место до завршување на дисциплинската постапка.

Скопје | пред 5 месеци

АНБ служи за политички пресметки, државата изорана од странски служби, вели Пешевски

Адвокатот Драган Пешевски остро ја критикуваше работата на Агенцијата за национална безбедност (АНБ), оценувајќи дека институцијата не ја извршува својата примарна улога – заштита на државата.„Агенцијата за национална безбедност не се грижи за безбедноста на државата (исто и претходникот ДБК) туку служи за политичките пресметки меѓу куртовци и муртовци, трошејќи наши, државни пари, а во меѓувреме како држава сме изорани од странски разузнавачки служби. Не е ни чудо што сме на нивото кое сме, ако може да се карактеризира како некакво си ‘ниво’“, напиша Пешевски.Ова доаѓа по најновите информации за нелегално, незаконско, неетичко следење и прислушување на премиерот Христијан Мицкоски, разрешената обвинителка Вилма Русковска, новинарите Кристијан Ландов и Љупчо Златев.

Коментари | пред 5 месеци