Поминаа 10 месеци од трагедијата во Нови Сад, се оддава почит за 16-те загинати

Во Нови Сад денеска се одбележуваат 10 месеци од уривањето на бетонската настрешница на влезот на железничката станица, несреќа во која загинаа 16 лица, а едно лице беше тешко повредено.Во 11:52 часот, точното време на несреќата, граѓаните се собраа на железничката станица и оддадоа почит со 16 минути молчење. За вечерва, од 19 часот, средношколците најавија собир на универзитетскиот кампус под мотото „Средношколците се сеќаваат – сите сме под настрешницата“. Поддршка за иницијативата стигна и од студентите кои продолжуваат со блокади на факултетите.„Средношколците се сеќаваат, ние се придружуваме,“ соопштија студентите во својот повик.Катастрофата предизвика масовни протести низ Србија и доведе до блокади на универзитети во повеќе градови. Сепак, судската постапка сè уште не е започната, бидејќи истрагата на обвинителството беше стопирана по барање на еден од осомничените – поранешниот министер за градежништво, транспорт и инфраструктура, Горан Весиќ – за изземање на обвинителите во Нови Сад и на државната обвинителка Загорка Доловац.Во меѓувреме, Обвинителството за организиран криминал на 1 август соопшти дека шест лица се уапсени во рамки на истрагата за финансиските текови поврзани со проектот за модернизација на железничката линија Нови Сад – Суботица – државна граница (Келебија).Меѓу уапсените се и поранешниот министер Томислав Момировиќ, кој ја водеше ресорот од октомври 2020 до октомври 2022 година, како и Анита Димоски, поранешна вршителка на должноста помошник-министер и раководителка на Секторот за железници и интермодален транспорт во периодот од ноември 2020 година.

Свет | пред 5 месеци

Ветувања за паркови, реалноста – чад и смрдеа од Вардариште

Со години наназад, на сите локални избори, без разлика на политичката партија или кандидатот, проблемот со дивата депонија „Вардариште“ беше дел од кампањите со ветувања дека конечно ќе се реши. Дури и беа најавувани големи проекти – на местото на депонијата да се изградат зелени паркови и рекреативни зони.Хронологија: кој што ветуваше (и кога)2014 – Град Скопје (раководството на Коце Трајановски): се најавува „нова намена“ на Вардариште – запечатување, ремедијациски технологии, собирање гас и постројка за енергија; во буџетот се издвојуваат 2 милиони денари. Истовремено е изготвена и физибилити-студија за санација на поранешната градска депонија.2018–2021 – предизборни циклуси и нереализирани планови: медиумски прилози потсетуваат дека студијата од 2014 останала на хартија и дека Вардариште често се појавува во предизборна реторика како „ќе биде средено/оплеменето“. Во октомври 2021 се објавува текст со наслов дека Вардариште се користи како „предизборен трик“ – студијата одамна постои, а реализацијата изостанува.Јули 2021 – Петре Шилегов (тогашен градоначалник на Скопје): јавно вели дека Градот нема средства за целосна санација според студијата; најавува само „примарна заштита“ додека се бара модел за финансирање. (Констатација за недостиг од пари, а не ветување со нови рокови).2021 (кампања) – Данела Арсовска и Тимчо Муцунски: во Аеродром се најавува голем парк од ~100.000 м² на локација каде „ќе се реализира проектот мега парк“; паралелно се ветува итно чистење на дивите депонии и справување со загадувањето во овој појас.Јануари 2023 – Бобан Стефковски (градоначалник на Гази Баба): конкретно ветување – „спортски и рекреативен центар на Вардариште“.Јануари 2024 – Данела Арсовска (градоначалничка на Скопје): Град Скопје објавува дека „за првпат по 60 години“ започнува целосно чистење и санација на Вардариште; најавен е и концепт „мега-парк и спортски комплекс“.Но, утринската слика во општина Аеродром покажува сосема поинаква реалност. Жителите повторно се гушат од густ чад и непријатна миризба што се шири од деловите на „Вардариште“ кои и натаму тлеат. Наместо паркова и зеленило, жителите добиваат загаден воздух и секојдневна загриженост за сопственото здравје.Проблемот со депонијата не е нов – тој трае со децении, а институциите постојано го префрлаат одговорноста една на друга. Иако јавноста очекуваше дека барем по толку изборни циклуси ќе се најде трајно решение, денес единствената вистина е дека чадот од „Вардариште“ сè уште го загадува поширокото подрачје на главниот град.Граѓаните на Аеродром сè погласно бараат одговори – дали некој навистина ќе го реши овој проблем, или и наредните избори повторно ќе донесат само нова тура на празни ветувања. 

Скопје | пред 5 месеци

Смрт во притвор: институциите со спротивставени информации, семејството со тешки обвинувања

Смртта на притвореникот Мирсад Пушка во затворот „Скопје“ во Шуто Оризари повторно го отвори прашањето за условите и здравствената заштита во казнено-поправните установи. Иако Министерството за внатрешни работи информираше дека тој побарал медицинска помош и дека лекарите се обиделе да го реанимираат, семејството тврди дека Пушка со месеци бил оставен без потребната терапија за неговите сериозни заболувања, меѓу кои и канцер.Адвокатот и роднина на починатиот, Асмир Алиспахиќ, јавно обвини дека системот не обезбедува ни основни услови за живот, а камо ли за соодветен третман на болни лица.Директорот на КПУ „Скопје“, Бобан Утковски, изјави дека Пушка бил носен на медицински прегледи, но никогаш не бил хоспитализиран. Од Кривичниот суд, пак, потврдуваат дека имале податоци за неговите дијагнози, но не и за канцер, а токму ден пред смртта бил поднесен предлог за измена на притворот.Пушка беше обвинет во предметот „Синдром“ за злоупотреби при издавање инвалидски пензии. Неговата смрт ја отвора дилемата: дали државата е способна да обезбеди човекови услови и права за најранливите – дури и кога се обвинети?

Македонија | пред 5 месеци

Путин: Западот ја предизвика оваа криза

Рускиот претседател Владимир Путин денеска на самитот на Шангајската организација за соработка во кинескиот град Тјанџин, зборувајќи за офанзивата на неговата земја во Украина, повторно го обвини Западот дека е виновен за започнувањето на конфликтот.„Оваа криза не започна со нападот на Русија врз Украина, таа е резултат на државниот удар во Украина кој го поддржа и предизвика Западот,“ изјави Путин, мислејќи на протестите на Мајдан во 2014 година, по кои прорускиот претседател Виктор Јанукович ја напушти власта. Тогаш Москва го анектираше Крим и им даде поддршка на проруските сепаратисти во источна Украина, што доведе до избувнување на граѓанска војна.„Вториот причинител на кризата се постојаните обиди на Западот да ја вовлече Украина во НАТО,“ додаде Путин.Тој зборуваше пред своите главни сојузници, меѓу кои кинескиот претседател Си Џинпинг – домаќин на самитот, индискиот премиер Нарендра Моди и иранскиот претседател Масуд Пезешкијан. „Многу ги цениме напорите и предлозите на Кина, Индија и другите наши стратешки партнери кои сакаат да придонесат за решавање на украинската криза,“ нагласи Путин.Иако американскиот претседател Доналд Трамп постојано повикува на договор меѓу Москва и Киев, разговорите остануваат без резултат. Путин одбива прекин на огнот и бара Украина да отстапи дел од територијата и да се откаже од западната поддршка – услови кои Киев целосно ги отфрла.На маргините на самитот, Путин денеска треба да се сретне со претседателите на Турција и Иран, како и со индискиот премиер, додека утре во Пекинг ќе одржи билатерална средба со Си Џинпинг.

Свет | пред 5 месеци

САД ги укинуваат визите за речиси сите Палестинци

САД ги суспендираа визите за речиси сите носители на палестински пасоши, објави „Њујорк тајмс“ во неделата.Ограничувањата се построги од оние што претходно ги објави администрацијата на претседателот Доналд Трамп, со што ќе им биде оневозможено на Палестинците да патуваат во САД за медицински третман, колеџ и работа, објави весникот, повикувајќи се на неименувани претставници.Стејт департментот пред две недели објави дека ќе ги суспендира визите за поединци од Газа додека не спроведе „целосна“ ревизија, што беше осудено од пропалестинските групи.

Свет | пред 5 месеци

(Видео) Повеќе од 600 загинати и илјадници повредени во силен земјотрес во Авганистан, Талибанците бараат меѓународна помош

Природна катастрофа го погоди источен Авганистан, каде што силен земјотрес од 6 степени по Рихтер усмрти најмалку 610 лица, а повеќе од 1.300 се повредени, соопшти Министерството за внатрешни работи на властите предводени од Талибанците.Епицентарот бил лоциран на 27 километри од Џалалабад, петтиот по големина град во земјата, и околу 140 километри од Кабул. Според Геолошкиот завод на САД, потресот е регистриран на длабочина од 8 километри во 19:17 часот по Гринич.Куќи и згради се урнати во повеќе населени места долж авганистанско-пакистанската граница. Локалните власти предупредуваат дека бројот на загинати би можел дополнително да се зголеми. Спасувачките операции се отежнати од свлечишта и тесни планински патишта, а дел од погодените области сè уште се недостапни. Авганистанската привремена администрација распореди хеликоптери за евакуација и транспорт на повредените.Жртви се пријавени во областите Нур Гал, Савки, Ватпур, Маноги и Чапа Дара во провинцијата Кунар, изјави официјален претставник за агенцијата Анадолија.Владата побара меѓународна поддршка во справувањето со последиците, додека регионот продолжува да го тресе серија на афтершокови.Земјотресот дојде само неколку дена по поплавите кои ги зафатија провинциите Нангархар и Кунар, во кои загинаа најмалку пет лица. Локалното население го опишува потресот како еден од најсилните во последните години.

Свет | пред 5 месеци

Стартува новата учебна година, сите учебници се обезбедени и ВИ влегува во образовниот процес

Денеска официјално започна новата учебна година за 245.000 ученици ширум државата – 177.800 во основното и 67.200 во средното образование. Наставата ќе трае до 10 јуни, а за матурантите ќе заврши порано, на 15 мај.Министерката за образование, Весна Јаневска, изјави дека сите ученици годинава ќе учат со обезбедени учебници, вклучувајќи ги и оние по странските јазици.Паралелно, стартува и новиот електронски дневник со подобрени перформанси, кој ќе им овозможи на наставниците полесно и во секое време да внесуваат податоци.„Вештачката интелигенција влегува во наставниот процес. Подготвен е прирачник за наставници и ученици со конкретни насоки за етичка и ефикасна примена на новите алатки“, нагласи министерката.Со години присутниот проблем со недостиг на образовни асистенти, според Јаневска, ќе се ублажи со нови ангажмани. Во основните училишта ќе бидат распределени 1.346 асистенти, а во средните – 130.Новина оваа учебна година е и формалното образование за децата кои се на долготрајно болничко лекување. Тие, зависно од здравствената состојба, ќе може да следат настава онлајн заедно со своите соученици или индивидуално со наставник.

Македонија | пред 5 месеци

Додик ќе бара поддршка од Путин за отцепување на Република Српска

Поранешниот претседател на Република Српска, Милорад Додик, најави дека во октомври, при неговата планирана посета на Русија, директно ќе побара од рускиот претседател Владимир Путин поддршка за отцепување на РС од Босна и Херцеговина.Во изјава за BBC на руски јазик, објавена во неделата, Додик призна дека и претходно се обидувал да го убеди Путин во оваа идеја, но тој секогаш ја поддржувал Дејтонската спогодба и територијалниот интегритет на БиХ. „Многу нешта се променија од тогаш. Ќе се обидам да го убедам да го поддржи нашиот став за независност на РС. Не знам дали ќе успеам, но дефинитивно ќе разговараме за тоа,“ изјави Додик.Неговиот мандат престана по сила на закон откако Судот на БиХ го осуди на една година затвор поради непочитување на одлуките на високиот претставник. Сепак, тој одбива да го напушти претседателскиот кабинет во Бања Лука и организираше одлука на ентитетскиот парламент за одржување референдум на 25 октомври. На тој референдум, гласачите ќе се изјаснат дали треба да се почитува пресудата на Судот и одземањето на неговиот мандат.Додик веќе порача дека овој референдум е само „загревање“ за идни изјаснувања и повтори дека, според него, БиХ „не заслужува право на постоење“, па е логично Србите во РС да бараат независен статус.Во интервју за рускиот портал „Спутник“, тој најави дека од Путин ќе побара Русија во Советот за безбедност на ОН со вето да спречи продолжување на мандатот на европската воена мисија во БиХ – „Алтеа“.

Свет | пред 5 месеци

Силен земјотрес го погоди Авганистан

Силен земјотрес со јачина од 6,0 степени според Рихтеровата скала во неделата навечер ја погоди планинската област Хиндукуш на североистокот на Авганистан, во близина на границата со Пакистан, соопштија американските сеизмолози.Епицентарот на потресот, кој се случил во 23:47 часот по локално време, бил на релативно мала длабочина од 10 километри и на 42 километри од градот Џалалабад, соопшти Американскиот геолошки завод.Засега властите не известуваат за жртви или материјална штета.Авганистан често е погоден од земјотреси, особено во регионот Хиндукуш, кој се наоѓа во зоната каде што се сретнуваат евроазиската и индиската тектонска плоча.

Свет | пред 5 месеци

Телефонскиот број 192 во Скопје привремено не функционира

Секторот за внатрешни работи Скопје ги информира граѓаните дека поради технички причини телефонскиот број 192 моментално не е во функција.Од МВР апелираат сите граѓани кои имаат потреба да пријават случај или да достават информација, да го користат бесплатниот број за итни повици 112 или телефонските броеви на полициските станици во нивните населби.Надлежните уверуваат дека се преземаат мерки бројот 192 што е можно побрзо да биде повторно ставен во функција.

Скопје | пред 5 месеци

(Видео) Голем пожар во Маџари, во близина на Кванташки и на бензиска станица

Голем пожар изби во Маџари, наспроти Кванташкиот пазар, во близина на бензиска пумпа. Засега не е познато што е опожарено, а црниот чад се гледа од различни делови на Скопје, дури и од Карпош.Повеќе имформации се очекуваат за подоцна.

Скопје | пред 5 месеци

Се превртел автомобил на автопатот Гоце Делчев, повредени четири лица меѓу кои малолетници

На 30 август 2025 година во 13:15 часот во СВР Скопје било пријавено дека на автопатот Гоце Делчев, во насока од Свети Николе кон Скопје, во близина на клучката Коњари, се превртело патничко возило „Хонда“ со скопски регистарски таблички управувано од З.Н. (36) од Скопје.Во несреќата со тешки телесни повреди се здобила малолетна сопатничка, а возачот, неговата сопатничка С.Н. (36) и уште еден малолетен сопатник добиле телесни повреди. Повредите биле констатирани во Комплексот клиники „Мајка Тереза“.Увид на местото на несреќата извршила екипа од СВР Скопје.

Македонија | пред 5 месеци

Камион излета од патот кај Зајас, возачот повреден

На 30 август 2025 година во 18:00 часот во ОВР Кичево било пријавено дека на магистралниот пат Гостивар–Кичево товарно возило „Ман“ со кичевски регистарски таблички, управувано од Д.А. (38) од селото Зајас, излетало надвор од коловозот.Во несреќата со тешки телесни повреди се здобил возачот, а повредите биле констатирани во Медицинскиот центар во Кичево. Увид на местото на несреќата извршила екипа од ОВР Кичево.

Македонија | пред 5 месеци

Се трага по 34-годишник и малолетничка - двајцата пријавени дека ги снемало во текот на вчерашниот ден, во одделни случаи

Министерството за внатрешни работи информира дека на 30 август 2025 година биле пријавени две исчезнувања на лица од Скопје. Околу 10:30 часот, во Полициската станица Бит Пазар, од Јавната установа Завод за рехабилитација за деца и младинци – Скопје било пријавено дека од домот каде престојувал се оддалечил нивниот штитеник Р.А. (34).Истиот ден, околу 15:00 часот, И.А. (60) од Скопје во Полициската станица Бит Пазар пријавил дека од домот се оддалечила неговата 15-годишна ќерка А.М., која и претходно имала вакви оддалечувања, но секогаш била враќана назад.Од МВР велат дека се преземаат мерки за пронаоѓање на двете лица.

Скопје | пред 5 месеци

Притвореник почина во затворот во Шутка

На 30 август 2025 година околу 15:30 часот во СВР Скопје, вработен во КПУ Затвор Скопје пријавил дека притвореното лице М.П. (54) од селото Долно Коњари побарал лекарска помош.На местото интервенирала екипа од Итната медицинска помош, а во 15:58 часот лекар констатирал смрт без видливи траги на насилство.

Скопје | пред 5 месеци

Од нас нема да слушнете едно пред камера, а друго зад затворени врати, вели Муцунски и упати критика кон Филипче

„Од нас нема да слушнете едно пред камера, а друго зад затворени врати. Тоа е суштината на довербата – да бидеме исти и во зборовите и во делата. Тука е и најголемата противречност кај Венко Филипче: од една страна зборува за уставни измени, од друга страна за откажување од преговорите ако има ново вето. Таков пристап не носи сигурност, туку неизвесност за правецот во кој треба да оди државата,“ изјави министерот за надворешни работи, Тимчо Муцунски.Тој потсети дека изминатите години се покажало што значат политиките на брзи потези и празни ветувања, оценувајќи дека СДСМ и ДУИ отворале надеж со секое ветување, а ја поништувале со секој притисок. „Заедничките документи што се носеа во Собранието не донесоа сила, туку слабост – беа дерогирани веднаш штом ќе се појавеше предизвик,“ рече Муцунски.Министерот нагласи дека патот на сегашната влада е поинаков и се базира на решенија кои носат траен напредок. „Подобро е да покажеме трпение и мудрост, отколку да направиме потег кој утре ќе биде уште поголем товар за државата. Тоа е државнички пристап: да мислиме на денес, на утре и на задутре,“ истакна тој.Муцунски додаде дека европската иднина за актуелната влада не е празна фраза, туку борба против корупцијата, модерна администрација, дигитализација, инвестиции во патишта, инфраструктура и нови можности за граѓаните. „Ние веруваме дека резултатите дома создаваат почит надвор. Токму затоа сме решени да обезбедиме европска иднина која ќе биде достојна, одржлива и прифатлива за сите. Тоа го заслужува македонскиот народ,“ порача Муцунски.

Македонија | пред 5 месеци

Пад на приходите на рускиот нафтен гигант за повеќе од 68% поради ниските цени на нафтата

Нетo приходот на рускиот нафтен гигант „Роснефт“ се намали за повеќе од 68% во првата половина од годинава, достигнувајќи 245 милијарди рубљи (околу 2,6 милијарди евра), јави Ројтерс повикувајќи се на извори од индустријата.Причината за падот, како што се наведува, е намалувањето на цените на нафтата поради зголеменото производство од страна на Саудиска Арабија и другите држави-членки на Организацијата на земји извознички нафта (ОПЕК+).„Првата половина од годината ја одбележа пад на цените на нафтата, пред сè поради прекумерното производство. Главна причина е активното зголемување на производството на земјите од ОПЕК, вклучително и Саудиска Арабија, ОАЕ, Ирак и Кувајт,“ изјави првиот човек на „Роснефт“, Игор Сечин.Според индустриски извори, Русија на состаноците на ОПЕК+ изразила загриженост дека зголемувањето на производството се одвива побрзо од очекуваното.

Свет | пред 5 месеци

Аxios: Белата куќа ја обвини Европа дека ја продолжува војната во Украина

Според пишувањето на американскиот портал Axios, високи претставници на Белата куќа сметаат дека дел од европските лидери го продолжуваат војната во Украина, убедувајќи го украинскиот претседател Володимир Зеленски да почека подобар договор со Москва.Фрустрацијата во Вашингтон расте поради отсуство на напредок од разговорите меѓу Владимир Путин и Доналд Трамп што се одржаа пред две недели на Алјаска. Американските претставници веруваат дека некои европски државници ја поттикнуваат Украина да очекува нереални територијални отстапки од Русија.„Европјаните не смеат да го продолжуваат овој војна и да поттикнуваат неразумни очекувања, а истовремено да очекуваат Америка да ја сноси цената,“ изјавил висок претставник на Белата куќа за Axios.Медиумот не прецизира кои земји се на мета на критиките, но наведува дека тоа не се Обединетото Кралство или Франција, кои заедно ја предводат таканаречената „коалиција на подготвените“, лабаво партнерство на западни земји што и ветуваат поддршка на Украина.

Свет | пред 5 месеци

Зеленски: Украина планира нови удари длабоко во Русија

Украинскиот претседател Володимир Зеленски најави дека Киев подготвува нова серија напади врз цели длабоко во руската територија.„Украина планира нови удари длабоко во Русија. Ќе ги продолжиме нашите активни операции токму на начин кој е неопходен за одбраната на Украина,“ изјави Зеленски.Тој додаде дека „силите и ресурсите се подготвени“ и дека „се планирани нови длабоки удари“, по средбата со врховниот украински командант Олександар Сирски.

Свет | пред 5 месеци

(Видео) Цеца во Крива Паланка собра трипати повеќе публика од било кој нејзин настап годинава

Балканската музичка ѕвезда Светлана Ражнатовиќ – Цеца, во изминатите месеци настапувала во шест држави, но ниту еден настап не го надминал бројот на публика во Крива Паланка. Таму, според проценките, нејзините песни ги слушале рекордни 50.000 посетители – за трипати повеќе од кој било друг нејзин концерт ова лето.Статистиките направени според медиумсите извештаи покажуваат дека втор град по бројност на посети е Ниш каде имала 15.000 посетители, а потоа следува Бања Лука во Босна и Херцеговина (БиХ) со 13.167 посетители. На трето место е Будва во Црна гора со 10.000 посети, а потоа следува Брчко (БиХ) со 7.000 публика, па Дизелдорф во Германија со 6.000 посетители.Статистиките направени според медиумските извештаи покажуваат дека втор по посетеност бил настапот во Ниш со 15.000 посетители, а потоа следувала Бања Лука со 13.167 луѓе. На трето место е Будва со 10.000 посетители, па Брчко со 7.000 и Дизелдорф со 6.000 посетители. Концертите во Врање, Нова Гора и Требиње собрале по 5.000 посетители, додека најмал настап имала во Смедерево.Рекордниот концерт во Македонија се случи во период кога на социјалните мрежи се водеше жестока полемика помеѓу македонскиот пејач Спасен Силјановски и градоначалникот на Кавадарци, Митко Јанчев околу настапите на српските ѕвезди во Македонија. Јанчев беше обвинуван дека на „Тиквешки гроздобер“ повикал повеќе турбофолк изведувачи од соседството наместо македонски пејачи, за што се правдаше дека само тие можат да привлечат многубројна публика. Силјановски реагираше со остри критики и доби широка поддршка од јавноста.

Магазин | пред 5 месеци

Потресни пораки од семејството на докторот Исјановски: „Те сакам бескрајно, тато“; Се прости и Перо Антиќ

Семејството на докторот Виктор Исјановски, кој почина во Грција, со неверување, се прости од својот сопруг и татко. Споделувајќи ја објавата, неговата ќерка Мила Исјановска напиша „Ќе те сакам бескрајно тато!“. Емотивна порака објави и неговата сопруга Милка, која напиша „Нема живот без тебе, чекај ме љубов моја, една и единствена“.И кошаркарот Перо Антиќ, кој ја споделил и последната фотографија со Исјановски од таверна во Грција, објави порака, со фотографија од плажа „Почивај во мир, братче мое“.Исјановски, вечерта пред да почине бил во друштво на Антиќ и Владимир Ристов – Камењар. Дружбата била во грчка таверна и ништо не навестувало на ваква трагедија.[caption id="attachment_346959" align="alignnone" width="880"] Последната јавно споделена фотографија[/caption]Исјановски, јавноста најмногу го памети по неговата улога за време на пандемијата на ковид-19, кога го раководеше Здравствениот дом – Скопје и со сите расположливи ресурси ја водеше борбата против вирусот.

Коментари | пред 5 месеци

Кешбекот згасна – пирамидата падна: Митровски до Витанов „Ги превесла луѓето“, тој пак врати: „Не критикувајте, не разбирате!“

По банкротот на „Лајконет“, на тапет на јавноста постојано е нејзиниот промотер, Зоран Витанов, помал акционер во „Мај Ворлд“, која е сопственик и на „Лајконет Австрија“. Дел од оние кои вложиле во оваа пирамидална шема, вчера обзнанија дека не можат да пристапат ниту до апликацијата преку која работеле. Витанов пак, имал преписка на „Фејсбук“ преку коментари, со адвокатот Јанаки Митровски.„Зоран ти си цар. Ги превесла луѓево и сега си ги бушиш. Така и треба за лековерци кои веруваат дека можат да си купат јахта во Монако со cashback (поврат на средства)“, напиша Митровски.На ова вратил Витанов: „Ако не се лажам, вие сте адвокат. Не критикувајте нешто што не сте го разбрале. Пред да претпоставите измама, претпоставете си го сопственото незнаење“, на што Митровски реплицирал „Никаде не пишав измама“, а Витанов продолжил „Одлично. Тоа сакав да слушнам“.Витанов, остро искритикува и новинари, обвинувајќи ги дека дезиформираат.„Кога нешто не разбираш, не обвинувај – прашај; знаењето гасне сомнежи, незнаењето раѓа навреди. Запомнете: 1)злобните и завидливите шират невистини, 2)будалите веруваат, а 3)најглупавите ги пренесуваат понатаму. Кога адвокати клеветат по социјални мрежи, наместо да го процесираат тоа што го зборуваат, кога новинари свесно шират лаги за вас, а не ви се јавиле да ве прашаат, јасно е дека свесно манипулираат, а вас ве обвинуваат за манипулација. Крадецот вели држете го крадецот! Дали сега ви е јасно зошто хигиената во општеството ни е таква, особено менталната? За ваша информација, само двајца (2!), новинари ми се јавија лично да ме прашаат пред да објават “Фактор” и “Пари”! Сите други пишуваа, објавуваа слики, дезинформираа, а воопшто не ме контактираа!!! Внимавајте да не влезете во групата на 1)Злобни 2)Будали 3)Најглупави“, напишал Витанов.Членовите на „Лајконет“ во Македонија веќе не можат да ги користат поволностите на кешбек системот, ниту пак имаат пристап до своите сметки, бидејќи вчера и „МајВорлд“ и „Лајконет“ Македонија ги затворија своите веб страни и ја деактивираа апликацијата. Според првичните информации, страниците се затворени на барање на надлежните институции во Австрија, бидејќи преку нив, и покрај активниот стечај, сè уште се вршело рекламирање за компанијата.[caption id="attachment_346985" align="alignnone" width="697"] Screenshot[/caption]

Коментари | пред 5 месеци

(Фото) По критиките за фонтот и обвинувањата за сквернавење на македонскиот јазик - Општина Битола ќе ја замени плочата на споменикот од Турунџев

По низата реакции во јавноста за изгледот на спомен-плочата посветена на револуционерот Александар Турунџев, Општина Битола соопшти дека ќе биде изработена нова плоча со современ македонски фонт, целосно усогласен со правописните норми.Забелешките од граѓаните беа насочени кон тоа дека буквите изгледаат како да се напишани со туѓа ортографија. Според стручната лингвистичка анализа, сепак, станувало збор за декоративно типографско решение, во кое одредени форми визуелно наликуваат на латинични знаци, што создаде впечаток на погрешно напишани зборови.„Имајќи ја предвид чувствителноста на прашањето и значењето на јазикот и писмото како дел од националниот идентитет, Општина Битола ќе изработи нова спомен-плоча со современ македонски фонт. Целта е да се избегне забуна и да се обезбеди јасна и прецизна јазична форма, како што прилега за јавните обележја што ја чуваат историската меморија,“ стои во соопштението.Општината додава дека останува посветена на негување на јазичната исправност, културната традиција и достоинственото чествување на хероите што се вградиле во слободата на Македонија.

Македонија | пред 5 месеци

Путин со клучна дипломатска офанзива во Кина: Пари за војната и демонстрација на сила

Владимир Путин денеска започнува четиридневна посета на Кина, која според руските и западните анализи е од суштинско значење за продолжување на неговата војна во Украина и за зајакнување на меѓународниот легитимитет во услови на западни санкции.Москва се обидува да ја сопре негативната тенденција – трговијата со Кина, која лани достигна рекордни 245 милијарди долари, во првата половина од 2025 година падна за 8,1% во однос на истиот период од претходната година. „Без кинеската технологија ниту една ракета или дрон не би биле направени, а економијата одамна ќе колабираше. Да сакаше Пекинг, оваа војна одамна ќе беше завршена“, изјави за Ројтерс еден руски извор.Освен економските, посетата има и силни дипломатски импликации. Путин добива високопрофилен меѓународен настап и покрај санкциите и налогот за негово апсење издаден од Меѓународниот кривичен суд. На самитот на Шангајската организација за соработка во Тијанџин ќе се сретне со повеќе од 20 светски лидери, меѓу кои кинескиот претседател Си Џинпинг, индискиот премиер Нарендра Моди, турскиот претседател Реџеп Таип Ердоган и иранскиот претседател Масуд Пезешкијан.Во агендата се предвидени разговори со Си во Пекинг, учество на воена парада на плоштадот Тјенанмен, како и потенцијален состанок со севернокорејскиот лидер Ким Јонг-ун. Кремљ најави и потпишување на три документи што го вклучуваат „Газпром“, со што Москва ќе ја зацврсти соработката со Пекинг во енергетиката.Путин и Си во февруари 2022 година прогласија „стратешко партнерство без ограничувања“, само неколку недели пред руската инвазија врз Украина. Сега, по повеќе од три години војна, Пекинг останува неговиот најважен сојузник и извор на економска и технолошка поддршка.

Свет | пред 5 месеци

Обвинителството спие и тогаш и сега, време е за прочистување на безбедносните служби, порача Ковачки

Пратеникот од ВМРО-ДПМНЕ, Драган Ковачки, како член на собраниската комисија за надзор на работата на АНБ и АР, реагираше на објавите за сериозни злоупотреби во Агенцијата за национална безбедност во време на претходното раководство.Ковачки изрази разочарување што, како што вели, за овие злоупотреби молчат претседателот и заменикот на собраниската комисија за надзор, јавниот обвинител, народниот правобранител, како и невладиниот сектор и здруженијата за човекови права. Според него, тоа уште еднаш покажува „кој ги влече конците во позадина“, иако станува збор за тешки прекршувања на Уставот и законите, како и на меѓународните конвенции.„Мора да имаме искрен и сериозен процес на прочистување од старите практики кои се користеле за оцрнување на опозицијата, за лично богатење и за партиски интереси. Одговорните лица мора конечно да бидат изнесени пред лицето на правдата – и извршителите, но и нарачателите,“ порача Ковачки.Тој обвини дека „остатоци од југословенските структури и нивни наследници“ сѐ уште попречуваат во извршувањето на должностите и повика службите да станат институции кои ќе ја штитат државата и граѓаните, наместо да се користат за политички притисоци.„Овие тешки злоупотреби се правени во период кога Македонија веќе беше членка на НАТО, а во исто време во Алијансата се брифирало дека лидер на опозицијата крои заговори,“ додаде пратеникот, посочувајќи дека ваквите постапки нанеле голема штета на угледот на државата.Ковачки обвини дека обвинителството „спиело и тогаш и сега“, а прашањето дали ќе има извинување за штетата нанесена на угледот и достоинството на поединци и институции останува

Коментари | пред 5 месеци