Младиот Марко Пејчиновски објави дека е пред нов предизвик - Ајронмен триатлон. По интензивни тренинзи тој ќе трча од Свети Наум до Струга, потоа ќе вози велосипед од Струга до Свети Наум, и на крај ќе плива од Свети Наум до Охрид.Ќе помине 107 километри. Вели дека со ваков подвиг сака да ги инспирира и останатите!
Македонија | пред 5 месеци
Украинските власти за прв пат официјално потврдија дека руските сили влегле во Днипропетровска област, административен регион во централна Украина кој досега беше поштеден од интензивни копнени борби.„Да, влегоа и борбите се во тек“, изјави Виктор Трегубов, портпарол на украинските сили во Днипро, четвртиот по големина град во земјата.Според независниот воен монитор DeepState, селата Запоришке и Новогеоргијивка паднале под руска контрола, а Москва таму „консолидира позиции и собира пешадија за понатамошен напад“. Нивната карта покажува дека и селото Дачне, за кое досега се водеа жестоки борби, сега е во таканаречената „сива зона“ без јасна контрола.Днипропетровска област се граничи со регионот Донецк, кој уште од 2014 година е под удар на руската агресија, а од 2022 година и полната инвазија на Украина претставува една од најкрвавите боиштa. Иако не е меѓу областите што Москва формално ги прогласи за анектирани, регионот со месеци е подложен на напади.
Свет | пред 5 месеци
Кандидатот за градоначалник на Град Скопје од редовите на Левица, Амар Мециновиќ, објави дека во неговиот тим се приклучува инженерот Дејан Димовски, кој има долгогодишно искуство како раководител за електромашинско одржување, техничко следење и мониторинг во ЈП „Водовод и канализација“.„Со оваа одлука, како што наведуваат од тимот на Мециновиќ, јасно се става до знаење дека еден од главните фокуси на Левица во Скопје ќе биде решавањето на хроничните проблеми со водоснабдувањето во градот, како и воспоставување на силни и ефикасни јавни претпријатија, целосно ослободени од влијанија на приватни интереси.Оваа објава доаѓа по претходните повици на кандидатот на Левица до Скопјани активно да се приклучат во движењето за подобро Скопје и заедничко решавање на проблемите од секојдневието. Како што изјави тој, уште во првите 24 часа од објавата на кандидатурата почнале да се приклучуваат активисти и експерти од различни области“, велат од Левица.
Скопје | пред 5 месеци
По повеќе од половина деценија од смртоносниот судир на Хималаите, индискиот премиер Нарендра Моди оваа недела ќе патува во Кина за да присуствува на самитот на Шангајската организација за соработка (ШОС), домаќин на кој е кинескиот претседател Си Џинпинг. Посетата се случува во момент кога американскиот претседател Доналд Трамп воведе 50% казнени царини на увоз од Индија, што дополнително го турка Њу Делхи кон стабилизација на односите со Пекинг.Самитот во Пекинг, кој ќе собере лидери од Русија, Пакистан, Иран и централноазиските држави, ќе биде најголемиот досега во рамките на ШОС. Присуството на Индија се смета за најјасен сигнал дека односите меѓу двете азиски сили повторно се затоплуваат. Според аналитичарите, политиката „Америка на прво место“ на Трамп и неговите закани со дополнителни царини заради индиската куповина руска нафта го натерале Моди да бара нов баланс во надворешната политика.Иако Вашингтон со години гради стратешко партнерство со Индија, вклучувајќи воени вежби и трансфер на технологии, приближувањето кон Кина може да ги наруши овие односи. „Индија повеќе не може да се преправа дека има силна американска поддршка“, оценува аналитичарката Јун Сан од тинк-тенкот „Стимсон“.Сепак, индиските власти нагласуваат дека ова не е оддалечување од САД, туку практична политика на „стратешка автономија“ – стабилизирање на односите со најголемиот сосед без да се напушти сојузништвото со Западот.Затоплувањето доаѓа по состанокот на Моди и Си на самитот на БРИКС во Русија минатата година, кога двете страни се согласија да се обноват директните летови и визите за туристи. Иако длабокото недоверие поради судирите во долината Галван од 2020 година останува, обете земји испраќаат сигнал дека ескалацијата не е во ничиј интерес.
Свет | пред 5 месеци
Високиот претставник за надворешна и безбедносна политика на ЕУ и потпретседател на Европската комисија, Жозеп Борељ преку видео порака го оцени во највисоки суперлативи кандидатот на Националната Алијанса за Интеграција за општина Чаир, Бујар Османи- неговото лидерство и посветеност.Обраќајќи им се на жителите на Чаир, Борел истакна дека е многу задоволен што имал можност да соработува со Османи.“Големо задоволство е за мене да говорам за човек со кој тесно соработував повеќе години. Како министер за надворешни работи на Северна Македонија и како претседавач на ОБСЕ, тој покажа лидерство, визија и длабока посветеност кон дијалогот и соработката”, рече Борел.Во својата порака Борел потенцира дека бил особено импресиониран од способноста на поранешниот шеф на дипломатијата Османи да слуша, да гради мостови и да наоѓа решенија. Особини кои, според Борел, се клучни не само во дипломатијата, туку и во локалното управување.“Знам колку силно верува тој во спроведувањето на ветувањата на Европа на локално ниво. Неговото искуство со европските институции ќе му помогне на Чаир да има корист од европските фондови и можности, за подобра инфраструктура, подобар образовен систем, повеќе работни места и подобри услуги”, истакна Борел.Тој потсети дека Европа познава Османи за лидер кој реализира.“Верувам дека жителите на Чаир ќе го препознаат како градоначалник кој слуша, кој обединува и кој носи напредок за секој жител. Го подигна гласот на својот народ на меѓународната сцена. Сега си подготвен да ја донесеш истата посветеност на улиците и во населбите на Чаир. Поздрав од Сантандер и ти посакувам успех во оваа важна мисија”, заклучи Борел.
Скопје | пред 5 месеци
Откако Министерството за внатрешни работи поднесе кривична пријава против градоначалникот на Делчево, Горан Трајковски, поради сомневање за злоупотреба на службената положба и овластување, тој изјави дека целата постапка за вработување во 2018 година била спроведена законски.„Селекцијата на кандидатите по јавниот оглас не ја врши општината, туку исклучиво Агенцијата за администрација преку Комисија формирана со решение на директорот. Таа комисија ја води целата постапка, од административната селекција, преку испитот и проверката на доставените докази, до интервјуто. По завршувањето на сите фази, јас сум законски обврзан да го изберам прворангираниот кандидат,“ истакна Трајковски.Тој нагласи дека во конкретниот случај избраното лице било единствено и прворангирано, па затоа донел Одлука за избор и Решение за вработување.„Сакам да нагласам дека нема никаква злоупотреба на службената положба. Постапив во согласност со законот и врз основа на завршената селекција спроведена од Агенцијата за администрација,“ додаде градоначалникот.Според пријавата на МВР, со незаконската одлука за вработување кандидат кој веќе ги исполнувал условите за пензионирање, Трајковски наводно му овозможил противправна имотна корист од 505.561 денари на име плата и истовремено ѝ нанел штета на Општина Делчево во висина од 762.318 денари по основ на плати и придонеси.
Македонија | пред 5 месеци
И по пет месеци од трагичниот пожар во дискотеката „Пулс“ во Кочани, пет лица сè уште се наоѓаат на болничко лекување. Двајца од нив се згрижени во здравствена установа во Турција, а тројца во домашни болници, објави „Фокус“.Од Фондот за здравствено осигурување за медиумот информираат дека двајца пациенти се лекуваат во Истанбул, при што едниот е во завршна фаза на третман и наскоро се очекува негово враќање во Македонија. Во земјава, еден пациент е згрижен на Клиниката за пластична и реконструктивна хирургија, а уште двајца се наоѓаат на болничко лекување во „Аџибадем Систина“.Од овие пациенти, двајца се во тешка состојба.-Од вкупниот број, двајца повредени се сè уште во тешка состојба, а нивниот општ здравствен статус внимателно се следи од медицинските тимови, додаваат од ФЗО.
Македонија | пред 5 месеци
Изборната трка за Општина Центар се очекува да биде една од најатрактивните и најнеизвесните на локалните избори. За партиите, оваа општина отсекогаш била престижна позиција, па затоа засега се уште се тактизира со кандидатурите.Сигурен кандидат од редовите на СДСМ е актуелниот градоначалник Горан Герасимовски, кој влегува во трка за уште еден мандат. Иако во партијата постои делумна поддршка за неговата кандидатура, не недостигаат и критики. Герасимовски пред четири години дојде на функцијата од директорската позиција во Државниот завод за индустриска сопственост, без претходно искуство во локалната самоуправа.ВМРО-ДПМНЕ, пак, според информации, ќе го отстапи Центар на својот коалициски партнер ЗНАМ. Се очекува кандидат да биде Мирослав Лабудовиќ, актуелен заменик-министер за енергетика, рударство и минерални суровини. Интересно е што Лабудовиќ доаѓа од редовите на СДСМ, што отвора можност трката да се претвори во дуел „СДСМ против СДСМ“. Во комбинација за оваа позиција биле и поранешниот градоначалник Саша Богдановиќ и екс претседателката на Градската организација на СДСМ Софија Куновска, која, неофицијално, условила да настапи како независен кандидат со поддршка од партиите, но не и како нивни формален избор.Големо внимание привлекува и кандидатурата на поранешната претседателка на ДКСК, Билјана Ивановска, која ќе ја претставува платформата „Независни заедно“. Таа веќе добива поддршка од дел од интелектуалната јавност, кои сметаат дека нејзиното антикорупционерско досие може да биде клучен адут во трката. Сепак, објавувањето на нејзината кандидатура беше засенето од полициска постапка – и на денот на објавата ѝ беше врачена кривична пријава, потег кој предизвика бурни реакции и осуди во јавноста.Левица сè уште не објавила со кој кандидат ќе настапи во Центар, а неизвесно е и позиционирањето на ЛДП. На претходните избори тие до последен момент решаваа дали ќе имаат свој кандидат или ќе поддржат друг фаворит, па слично сценарио е можно и овојпат.Аналитичарите сметаат дека во Центар најверојатно нема да биде избран градоначалник уште во првиот круг. Сепак, кои двајца кандидати ќе се најдат во вториот круг ќе биде јасно вечерта на 19 октомври, кога ќе се пресметаат силите на терен.
Скопје | пред 5 месеци
Млади туристи од Британија останаа комплетно изненадени по нивната авантура пловејќи по Вардар. На потегот од Желино кон Гостивар пловењето им беше оневозможено од, како што велат и самите „цунами од ѓубре во Вардар“.-Ќе се обидеме утре повторно од Скопје, буквално од тука, од ова место, не може да се продолжи по реката, велат тие во видеото што го снимија.фото: Инстаграм
Македонија | пред 5 месеци
Пет месеци по пожарот во дискотеката во Кочани, во кој животот го загубија 62 млади луѓе, мајката на Ивона Антова повторно ја сподели својата болка. Во емотивна порака објавена на социјалните мрежи, Стојка Антова пишува за изгубените соништа и планови на младите, за празнината што останала зад нив и за секојдневната борба на родителите кои чекорат низ живот исполнет со тага и неправда.„Ивона 16.03.2025 – Ден кога замре младоста, објави 4NEWS.mkТргнавте на концерт со насмевки и соништа во очите, со планови за утре. Но таа ноќ, со еден здив, ви ги згасна светлинките.Останаа 62 празни места, 62 тивки гласови, 62 незавршени животи.Наместо песна – тишина.Наместо радост – црнина.Наместо живот – вечен спомен.Ние, родителите, останавме со празни раце. Чекориме низ свет што веќе нема боја, влегуваме во домови во кои вие никогаш повеќе нема да влезете. Слушаме само ехо на чекори, сонуваме за прегратка што никогаш нема да ја почувствуваме.Нашите срца се скршени, душите осиромашени, а болката е вечна како и љубовта кон вас. Секој ден е борба да дишеме, а не да живееме, затоа што животот без вас е празна сенка.А моето единствено Ивонче… мојата радост, мојата гордост, мојата светлина – ја украдоа пред време.Нема збор што ја опишува празнината, нема сила што ја лечи оваа рана. Ќе остане засекогаш млада, убава, насмеана – а јас засекогаш мајка со празна прегратка и со душа што крвари.Вие, нашите ангели, засекогаш ќе бидете во нашите срца. Вашите имиња нема да замолкнат, вашите лица нема да избледат. Ќе живеете во нашите солзи, во нашите соништа, во секое утро без боја и секоја ноќ без мир. Не ве забораваме. Не можеме, ниту сакаме. Вие сте нашето „засекогаш“, напиша Стојка Антова, мајката на единствената ќеркичка Ивона Антова.Стојка е редовен учесник на Маршот на ангелите за правда за жртвите. Пред една недела, таа сподели албум со фотографии од Ивона и напиша:„Пет месеци како дишам… а не живеам, душата ми е мртва. Дишам… но секој здив ми е отров од неправда. Ми ја убија ќерката, ми го убија срцето, ми го украдоа светот. Нема утро без болка, нема ноќ без солзи. Секое утро ме потсетува на вашето зло, секој мрак ме гуши од празнината што ја оставивте. Пет месеци како моето срце куца, но е празно, студено и осамено. Без тебе, моја Ивонче, секое утро е темно, а секоја ноќ е бескрајна.“
Македонија | пред 5 месеци
Против полициски службеник од ПС „Меѓународен аеродром Скопје“ е поднесена кривична пријава за несовесно работење, откако не извршил пасошка контрола и овозможил влез во државата на патник кој се наоѓал на СТОП листата на МВР со мерка „апси“.-Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Македонија | пред 5 месеци
Министерот за здравство, Азир Алиу утрово одржа состанок со интерната комисија задолжена за изготвување прелиминарна анализа на кардиолошките и кардиоваскуларните интервенции во здравствените установи во државата. На состанокот присуствуваа и заменик министерот, Јовица Андовски и директорот на Фондот за здравствено осигурување, Сашо Клековски.Комисијата е формирана со цел собирање, обработка и анализа на податоци, со посебен фокус на периодот од 2022 до 2025 година во приватните и јавните здравствени установи.„Очекувам комисијата да испорача резултати, кои се објективни и произлегуваат од максимално професионално и независно спроведен процес. Резултатите од работата ќе бидат важни од аспект на реално утврдување на состојбите и поставување цврста основа за унапредување на менаџирањето во здравството“, порача пред членовите на комисијата министерот Азир Алиу.Интерната комисија е составена од врвни екперти во областа, правници и економисти, меѓу кои д-р Васил Папестиев од Клиника за кардиохирургија, д-р Билјана Зафировска и д-р Иван Василев од Клиника за кардиологија, д-р Мишел Андонов и д-р Илир Вела од Клиника за торакална и васкуларна хирургија, д-р Ненси Лозанче од Клиничка болница Битола, д-р Валон Асани од Клиничка болница Тетово, д-р Никола Христов од Клиника „Жан Митрев“, д-р Жарко Христовски од „Аџибадем Систина“, како и претставници од ФЗОМ (д-р Ана Митевска и д-р Жаклина Крстевска), Стефанка Петковска, правник и претставници од Министерство за здравство (д-р Александар Митов, Стојанчо Стојковски и Бахар Љама).Истовремено, Министерството за здравство испрати допис до јавните здравствени установи да достават податоци за вкупниот број извршени процедури и операции за периодот јануари 2022 – август 2025 година за извршени интервентни кардиолошки процедури, како што се коронарографии и стентирања, васкуларни ангиографии и кардиохируршки/васкуларни операции.Процесот ќе биде максимално транспарентен. Наодите од анализата на интерната комисија ќе бидат во најскоро време доставени до стручната комисија составена од странски експерти, а извештајот од интерната комисија ќе биде објавен на веб страницата на Министерство за здравство, посочуваат оттаму.
Македонија | пред 5 месеци
Против градоначалникот на Делчево Горан Трајковски (54) е поднесена кривична пријава за злоупотреба на службената положба, откако незаконски овозможил вработување на лице кое веќе ги исполнувало условите за пензија, со што била нанесена штета на општината од над 760 илјади денари.-Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради основи на сомнение за сторено кривично дело „злоупотреба на службената положба и овластување“, предвидено и казниво по член 353 став 3 во врска со став 1 од Кривичниот законик.Пријавениот Г.Т. како овластено службено лице градоначалник на Општина Делчево на 01.08.2018 по јавен оглас од 25.06.2018 за вработување на административен службеник, злоупотребувајќи ја својата службена положба и овластување со пречекорување на границите на службената должност донел незаконска одлука за избор на кандидатот В.М. од Делчево, кој уште во првата фаза од постапката за вработување, како и во моментот на донесување на решението за стекнување на статус на административен службеник ги исполнувал законските услови да се стекне со право на пензиско и инвалидско осигурување со навршени 64 години старост, што претставува основа за престанок на работен однос на административен службеник, а не основа за вработување согласно член 98 став 1 алинеа 3, а во врска со член 98 став 5 алинеја 9 и 10 од Законот за административни службеници.Со незаконското вработување пријавениот Г.Т. му овозможил на В.М. да се стекне со противправна имотна корист од 505.561 денари на име плата и да нанесе штета на Општина Делчево во износ од 762.318 денари по основ на исплатени придонеси и плата, наведува МВР.
Македонија | пред 5 месеци
Пешак на возраст од 82 години им подлегна на повредите откако вчера изутрина беше удрен на пешачки премин од 18-годишен возач, кој по несреќата го напуштил местото на настанот.-На 25.08.2025 во 09:20 часот во Кичево, полициски службеници од ОВР Кичево го лишиле од слобода Ф.Л.(18) од Кичево. Имено, околу 06:.55 часот на пешачки премин на бул.„Ослободување“, тој со патничко возило „цитроен саксо“ со кичевски регистарски ознаки, кое го управувал, урил во пешакот С.Ш.(82) од Кичево и го напуштил местото, но во 07.10 часот се вратил без возилото.Притоа, пешакот С.Ш. се здобил со тешки тешки телесни повреди и по укажаната помош во болницата во Кичево, поради сериозноста на повредите, бил пренесен во Комплекс клиники „Мајка Тереза“ во Скопје каде што во 21:00 часот починал.Лицето било задржано во полициска станица и по целосно расчистување и документирање на случајот, против него ќе биде поднесена соодветна пријава.
Македонија | пред 5 месеци
Граѓанската платформа „Независни заедно“ утре ќе го промовира својот независен кандидат за градоначалник на Град Скопје – проф. д-р Горан Марковски, декан на Градежниот факултет, познат интелектуалец и активист за безбедно и убаво Скопје.Поддржан од платформата составена од „Шанса за Центар“, „Зелените за Гази Баба“ и „Групација 389“, професорот Марковски ќе ја претстави својата кандидатура на прес-конференција пред споменикот на Гемиџиите кај Камениот мост, во среда, 27 август, во 9:30 часот.„Заедно да му дадеме шанса на градот, шанса да го водат стручни лица со храбро лидерство и визија за поубав град по мерка на човекот“, порачаа од иницијативата.Претставувањето е дел од поширока граѓанска акција чија цел е враќање на довербата во институциите и покажување дека промена е можна доколку заедницата настапува обединето и граѓанинот е ставен на прво место во политиката.Тој влегува во трката со Орце Ѓорѓиевски од ВМРО-ДПМНЕ, Каја Шукова од СДСМ, Амар Мециновиќ од Левица.
Скопје | пред 5 месеци
Еден од најдобите македонски пливачи, Евгениј Поп Ацев направи подвиг за успех. Вчера го преплива каналот Ла Манш, што е предизвик за секој пливач на долги патеки.Каналот Ла Манш е долг околу 34 километри по најтесната линија меѓу Довер (Англија) и Кале (Франција), но пливачите обично минуваат повеќе – често 35–40 км или повеќе, поради силните струи и промените на плимата кои ги носат надвор од правата линија.Асоцијацијата Ла Манш му упати искрени честитки за овој негов голем успех. Поп Ацев по трет пат го плива Ла Манш и овој пат успешно, првите два пати се откажа.-Големи честитки за Евгениј Поп Ацев од Македонија, кој денес успешно го преплива Англискиот канал за неверојатни 9 часа и 43 минути.Евгениј е трикратен светски шампион и член на Меѓународната куќа на славните во маратонско пливање, со 107 настапи на светски натпревари во кариерата од 2007 до 2021 година.Неверојатен подвиг – браво, Евгениј!, се вели во нивната објава на ФБ.Голема благодарност и до целата екипа на бродот која го овозможи овој подвиг.
Македонија | пред 5 месеци
Американскиот претседател Доналд Трамп најави дека ќе воведе царини од 200 проценти на увозот на кинеска стока доколку Пекинг не обезбеди сигурни испораки на магнети од ретки земни метали во САД.„Мора да ни ги дадат магнетите. Ако не ни ги дадат, ќе мора да воведеме царина од 200 проценти или нешто слично“, изјави Трамп во Белата куќа на средба со јужнокорејскиот претседател Ли Џае Миунг.Тој додаде дека ваквата мерка практично би ја сопрела трговијата со Кина, но дека тоа е прифатлив сценарио доколку биде потребно.Ретките земни метали се клучна суровина за современата технологија – се користат во производство на мобилни телефони, ветерници, електрични возила и воена опрема. Најважна улога имаат токму магнетите од овие метали. Кина е глобален лидер во производството и обработката на ретки земни метали, додека САД речиси целосно се потпираат на увоз.Во услови на трговски тензии, Пекинг претходно веќе го ограничи извозот на ретки метали и магнети. Новата закана на Трамп доаѓа спротивно од неговиот помирлив тон на почетокот на август, кога најави 90-дневно продолжување на трговското примирје со Кина.Двете земји во мај се согласија да ја прекинат размената на високи царини за да поттикнат дијалог околу трговијата, снабдувањето со ретки минерали и пристапот до чипови за вештачка интелигенција. Според „Волстрит журнал“, кинеска делегација предводена од главниот преговарач Ли Ченганг оваа недела ќе отпатува во Вашингтон за продолжување на преговорите.
Свет | пред 5 месеци
Лидерот на СДСМ, Венко Филипче, во објава на социјалните мрежи предупреди дека граѓаните пред еден од најтешките месеци во годината се соочуваат со сериозна економска криза.„Сè е поскапено, а платите стагнираат. ВМРО-ДПМНЕ и Христијан Мицкоски свесно ги туркаат граѓаните во сиромаштија. Ја прекинаа спиралата на раст на платите што ја започна СДСМ. Инфлацијата од 4,8% секој месец го јаде животниот стандард – граѓаните живеат полошо“, порача Филипче.Тој посочи дека во јуни реалната плата пораснала за само 3,8 проценти, за разлика од лани кога растот бил 11 проценти. Дополнително, за првпат по долго време е забележан пад на просечната плата во однос на претходниот месец.„Синдикалната потрошувачка кошничка за август изнесува над 65.000 денари. Дури и две минимални плати не се доволни за да се преживее месецот. Македонија се претвора во земја на сиромаштија и неизвесност“, нагласи претседателот на СДСМ.Филипче најави дека партијата ќе продолжи да се бори за повисоки приходи на граѓаните, предлагајќи покачување на платите во сите сектори, минимална плата од 500 евра и укинување на ДДВ за основните прехранбени производи.„Битката за поголем приход е битка за достоинствен живот“, заврши Филипче.
Македонија | пред 5 месеци
Актуелниот градоначалник на Општина Ѓорче Петров и кандидат за нов мандат, Александар Стојкоски, на отчетен настан пред граѓаните истакна дека општината во последните четири години доживеала историски најголем развоен подем.„Да се биде на чело на една општина како Ѓорче Петров, која во последниве години го доживува најголемиот подем во своето постоење, е огромна чест, одговорност и привилегија. Нашата заедничка приказна е приказна за труд, чесност и дела што оставаат трајна вредност“, рече Стојкоски.Тој посочи дека се реализирани 150 нови и реконструирани улици во вредност од 142 милиони денари, со план за дополнителни 100 улици до крајот на мандатот. Меѓу проектите што ги издвојува се новата спортска сала во Хром, осум спортски терени со модерна подлога, нова општинска зграда, реконструкцијата на улицата Радушка, нова детска градинка во Стопански двор, како и изградба на пречистителна станица и колектор во Орман.„За четири години целосно ги отплативме наследените 4 милиони евра долг и вложивме 300 милиони денари во капитални проекти, што е повеќе од било кога досега. Тројно го зголемивме буџетот, а тоа значи повеќе пари назад кај граѓаните – во образование, социјална заштита, спорт, култура и поддршка за ранливи категории“, нагласи градоначалникот.Стојкоски најави дека во наредниот мандат ќе се работи на изградба на нови детски градинки, проширување на училиштата, нови улици и модерна инфраструктура, истакнувајќи дека Ѓорче Петров ќе продолжи да се развива како „дом на сите негови жители“.
Скопје | пред 5 месеци
Фестивалот Burning Man во пустината Блек Рок, Невада, повторно беше погоден од екстремни временски услови, само две години по катастрофалните поплави кои го претворија местото во калливо езеро. Овој пат, силни песочни бури и ветрови со брзина над 70 километри на час накратко го парализираа настанот, оштетувајќи кампови, предизвикувајќи проблеми со сообраќајот и неколку полесни повреди кај учесниците.Официјално фестивалот започна во неделата, но уште во саботата вечерта силна бура погоди делови од пустината. Националната метеоролошка служба издаде итно предупредување за „ѕид од прав“ кој донесе сериозни пореметувања. Во понеделник наутро ситуацијата делумно се стабилизираше и повторно беа отворени влезовите и импровизираната аеродромска писта, но чекањата за влез траеја меѓу 6 и 8 часа. Организаторите предупредија дека временските услови остануваат нестабилни и дека попладнево е можно ново невреме. Сегашните проблеми потсетија на 2023 година, кога обилни дождови заробија десетици илјади учесници и целото подрачје го претворија во кал. Тогаш еден човек го загуби животот, а евакуацијата траеше денови. Истата бура овој викенд ја погоди и Феникс, каде песочниот облак предизвика целосен колапс на аеродромот. Беа откажани летови, делови од покривот на терминалот беа однесени од ветерот, а делови од градот останаа без струја. Метеоролозите предупредуваат дека станува збор за една од најинтензивните песочни бури во последните години, со удари кои соборуваа патокази и покривни конструкции.
Свет | пред 5 месеци
Албанскиот премиер почна безмилосна борба против дивоградбите во Албанија. На неколку локации досега, во Валона и Драч беа разурнати дивоградби со динамит и со тешка механизација. Денеска булдожерите уриваат куќи изградени во заштитено подрачје.Во наредниот период ќе бидат преземени дополнителни мерки за зајакнување на законската рамка, со цел никој од одговорните да не остане неказнет. Одговорност, како што соопштуваат пд кабинетот на Рама, ќе се бара не само од оние што нелегално градат, туку и од сите кои со години им давале заштита преку корупција и злоупотреби – било во инспекторатите, полицијата или на локално ниво.Денес, акцијата продолжи на ’ртот Родонит во општина Драч, каде што беа отстранети нелегални градби изградени на простор кој е природно богатство и треба да им припаѓа на сите граѓани и туристи.Институциите порачуваат дека оваа борба ќе се води до крај – за ред, законитост и заштита на природата, со јасна порака дека Албанија нема да дозволи дивоградби и корупција да го загрозуваат јавниот интерес.
Свет | пред 5 месеци
Американскиот претседател Доналд Трамп изјави дека војната на Израел против Газа треба да заврши во следните две до три недели, пренесе „Ал Џазира“.„Мислам дека во наредните 2–3 недели ќе има доста добар, конечен крај,“ изјави Трамп во понеделникот пред новинарите.Изјавата доаѓа во момент кога расте меѓународниот револт поради масакрите врз цивили, убиствата на новинари и медицински лица, како и гладот предизвикан од израелската блокада на опколената и постојано бомбардирана палестинска територија.Американскиот претседател претходно повеќепати најавуваше дека ќе стави крај на војната, но неговите зборови досега не резултираа со прекин на огнот или со олеснување на протокот на хуманитарна помош за населението во Газа.Администрацијата на Трамп продолжува да ѝ обезбедува на Израел милијарди долари во оружје и се противи на меѓународните иницијативи за признавање на палестинска држава.„Мора да заврши зашто помеѓу гладот и сите други проблеми – полошо од глад, смрт, од чиста смрт е тоа што луѓето се убиваат,“ додаде Трамп.Во февруари тој предложи иселување на сите Палестинци од Газа – план кој би претставувал етничко чистење и злосторство против човештвото.Истовремено, Трамп изгледаше како да не е запознаен со израелскиот напад врз болницата „Насер“ во кој загинаа 21 лице, меѓу кои и петмина новинари. На новинарско прашање за тој случај, одговори: „Не сум среќен за тоа. Не сакам да го видам тоа. Но мора да заврши целиот тој кошмар.“Потоа додаде дека се залага за ослободување на преостанатите израелски заробеници во Газа.
Свет | пред 5 месеци
Српската кошаркарска репрезентација важи за главен фаворит на претстојното Европско првенство, а според Новак Ѓоковиќ, тоа е и заслужен статус поради силниот состав кој по повеќе од две децении може да донесе злато на едно големо натпреварување.Најдобриот тенисер во светот пред неколку дена испрати поддршка за избраниците на тренерот Светислав Пешиќ, а сега повторно зборуваше за Евробаскетот, но и за една интересна идеја со Никола Јокиќ.„Не знам како би изгледало тоа, да бидам искрен. Го повикувам Никола кога сака, не знам колку сака и следи тенис, но би сакал со него да одиграм. Како и кошарка, секако“, изјави Ѓоковиќ.Тој додаде дека притисокот врз репрезентацијата на Србија е нешто сосема нормално и природно во вакви околности.„Тоа е составен дел од очекувањата пред едно големо натпреварување кога имаме толку силна екипа. Во мојот спорт сум во таква позиција скоро дваесет години, луѓето секогаш очекуваат да освојувам. Но, на крајот на краиштата, притисокот е привилегија, како што вели Били Џин Кинг. За тоа се бориш, за тоа сонуваш, треба да се собере храброст и да се игра најдобро кога е најпотребно. Овие момци тоа многупати го покажаа во минатото, сите се шампиони, почнувајќи од лидерот и капитенот Богдан Богдановиќ“, изјави Ѓоковиќ.Србија го започнува Европското првенство на 27 август со натпревар против Естонија.
Свет | пред 5 месеци
Американскиот претседател Доналд Трамп откри дека за време на неодамнешната средба на Алјаска со рускиот лидер Владимир Путин разговарале за нуклеарно разоружување. Информацијата тој ја сподели со новинарите во Белата куќа, пренесува Kyiv Independent.„Мислам дека денуклеаризацијата е многу голема игра“, изјави Трамп. „Но, Русија е подготвена тоа да го направи, а мислам дека и Кина ќе биде подготвена. Не смееме да дозволиме ширење на нуклеарното оружје. Мораме да го запреме нуклеарното оружје“, додаде, без да навлегува во детали од разговорите. Кремљ засега не се огласил во врска со неговата изјава.Според извештај на Федерацијата на американските научници (FAS) од март 2024 година, Русија располага со најголем нуклеарен арсенал во светот – вкупно 5.580 боеви глави, од кои околу 1.200 чекаат на демонтажа. Арсеналот опфаќа тактичко оружје за употреба на бојното поле, но и стратешко оружје со дострел до територијата на САД.Од почетокот на руската инвазија на Украина во февруари 2022 година, Москва повеќепати упатуваше нуклеарни закани кон Киев и Западот. Иако тие закани не се реализираа, загриженоста останува, а преговорите за контрола на вооружувањето меѓу Москва и Вашингтон не донесоа напредок.Состанокот меѓу Трамп и Путин на 15 август се одржа по период на засилени тензии. Неколку недели претходно, Трамп нареди преместување на две американски нуклеарни подморници во „соодветни региони“ како реакција на заканите на поранешниот руски претседател Дмитриј Медведев, кој предупреди дека поактивното вклучување на САД во војната може да доведе до директен судир со Москва.Трамп возврати нарекувајќи го Медведев „пропаднат поранешен претседател“ и предупреди дека „влегува на многу опасна територија“.
Свет | пред 5 месеци
Инфлуенсерката Ина Многуфина повторно реагираше на социјалните мрежи поради контрадикторните изјави за угостителскиот објект што се гради во рамки на кулата на Водно.Таа потсети дека кога започнала изградбата, најавите биле за „уникатна атракција“ со величествен поглед на Скопје и место за гастрономски специјалитети.„Пред неколку дена објавија дека ќе има ресторан кој ќе се врти, веројатно со надеж дека ќе паднеме во несвест од воодушевување, а нема да прашаме како ќе се оди до таму“, пишува таа и додава:„Денес, малку ресторанот се модифицира, па дознавме дека тоа е ресторан каде ќе има само пијалоци – веројатно прв од ваков тип во светот, бидејќи ресторан по дефиниција е место со храна и пијалоци, а ова што тие го кажаа е кафе-бар“.Ина заклучува дека пи-арот околу проектот е несериозен и збунувачки: „Најново е кафе-бар што ќе се врти, ќе има горе, ама ќе го викаме ресторан. Веројатно не знаат што сакаат да најават. Следиме.“
Коментари | пред 5 месеци
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања