Министерот Алиу апелира: Граѓаните да пријават евентуални неправилности во врска со кардиолошките интервенции

Министерството за здравство информира дека сите граѓани имаат можност да пријават сознанија за евентуални неправилности во врска со вршењето кардиолошки и кардиоваскуларни интервенции, преку алатката Пријавете неправилност, достапна на веб страницата на МЗ на следниот линк: https://zdravstvo.gov.mk/mk-MK/kontakt/prijavete-nepravilnost .- Транспарентноста во секој процес е наш приоритет, така што кон секоја пријава на каква било неправилност во здравствениот систем пристапуваме со максимална одговорност и постапуваме согласно законските процедури. Токму затоа потсетувам дека преку оваа алатка на веб страницата на Министерството, граѓаните можат да пријават и сознанија за евентуални неправилности во врска со кардиолошките интервенции. Министерството за здравство останува посветено на унапредување на здравствениот систем, а наш приоритет е здравјето и безбедноста на пациентите, истакна министерот за здравство, Азир Алиу.Пријавувањето е доверливо и по секоја пријава се постапува согласно законските процедури.Потсетуваме дека веќе отпочна со работа интерната комисија задолжена за изготвување прелиминарна анализа на кардиолошките и кардиоваскуларните интервенции во здравствените установи во државата. Наодите од анализата на интерната комисија ќе бидат во најскоро време доставени до стручната комисија составена од странски експерти.Истовремено, Министерството за здравство испрати допис до јавните здравствени установи да достават податоци за вкупниот број извршени процедури и операции за периодот јануари 2022 – август 2025 година за извршени интервентни кардиолошки процедури, како што се коронарографии и стентирања, васкуларни ангиографии и кардиохируршки/васкуларни операции.

Македонија | пред 5 месеци

Огромен скандал во Данска, откриени тројца Американци кои тајно работеле за Трамп: „Се подготвувале да го преземат Гренланд“

Данската влада ги отповика американските вршители на должност во земјата откако локалните разузнавачки служби открија дека најмалку тројца американски државјани работеле на „операции за влијание“ во Гренланд за да ја оддалечат земјата од Данска и да ја приближат до САД, објави DR.Разузнавачките служби, објави DR, открија мрежа во која најмалку три лица биле вклучени во операциите. Тие исто така објавија дека ги знаат нивните имиња и дека се блиски до претседателот Доналд Трамп, но одлучија да не ги објавуваат нивните идентитети за да ги заштитат своите извори. Сè уште не е познато дали работеле по директни наредби од Белата куќа или независно.Министерот за надворешни работи Ларс Леке Расмусен изјави дека „секој обид за мешање во внатрешните работи на Кралството е неприфатлив“.Создаде мрежа на контактиСе вели дека еден од мажите го посетил Гренланд за да присуствува на состаноци таму и да состави список на потенцијални сојузници и противници на плановите на Трамп за преземање на територијата. Тој, исто така, како што објавува ДР, ги повикал жителите на Гренланд да пријават случаи што би можеле да се искористат за прикажување на Данска во лошо светло во американските медиуми.Другите двајца мажи наводно работеле на изградба на мрежа на контакти со политичари, бизнисмени и лидери на заедницата за да ги спроведат плановите на Трамп. Парламентарната претставничка Аја Кемниц, исто така, коментираше за информациите.- Неприфатливо е што се обиделе да се инфилтрираат во гренландското општество на таков начин. На Гренланд е сам да одлучи каква иднина сакаат - рече таа.„Сериозен удар за односите“Расмусен рече дека состанок со импичираниот вршител на должноста ќе се одржи подоцна денес. Тој во моментов е највисок американски дипломат во Копенхаген, бидејќи нема амбасадор. Тој истакна дека целта на состанокот е да им се стави до знаење на Соединетите Американски Држави дека доколку има официјално мешање во политиката на Гренланд, тоа е кршење на меѓународните правила.Лидерот на Радикалната партија, Мартин Лидегард, исто така, го коментираше случајот. Тој оцени дека ова е сериозна и непријатна ситуација, „особено ако се покаже дека работеле по официјална наредба“.- Тешко е да се докаже, но исто така е тешко да не се сомневаме во тоа. Ова значи дека не можеме да ѝ веруваме на американската администрација. Тоа е сериозен удар за односите меѓу САД и Данска, но секако и на Гренланд и САД - рече Лидегард.

Свет | пред 5 месеци

Потресна објава на мајката на загинатата Ивона во „Пулс“: „Имам само солзи и молитви – чувај ми ја Ивона, мамо“

Стојка Иванова Антова, мајка на младата Ивона која го загуби животот во страотниот пожар во кочанскиот клуб „Пулс“ каде загинаа 62 лица, со емотивен статус го одбележа роденденот на својата мајка. Во објавата таа ја спои својата двојна болка – за мајката и за ќерката, кои, како што напиша, денес ги замислува заедно на „небото“.„Денеска е твојот роденден, мајко моја, а јас немам свеќи да запалам, ни торта да ти подарам. Имам само солзи и молитви – да стигнат до небото каде што си ти,“ напиша Антова.Таа со длабока тага потсети дека сега нејзината мајка е заедно со Ивона – „двете најголеми љубови“ што ѝ ги одзел животот. „Ве замислувам заедно – ти ја прегрнуваш мојата Ивона, ја милуваш по косата и ѝ велиш: ‘Не грижи се, мама ќе стигне еден ден…’“Антова додаде дека болката и празнината никогаш нема да исчезнат, но љубовта останува како мост меѓу нив. „Еден ден пак ќе бидеме заедно – и тогаш ќе ги прославиме сите родендени што ги пропуштивме. Ни на небото, ни на земјата нема сила што ќе ја скрши мојата љубов кон вас,“ напиша таа.Објавата ја пренесе дел од тагата и болката што сѐ уште ја носат семејствата на жртвите од трагедијата во „Пулс“, која остави неизбришлив белег врз целата јавност.

Македонија | пред 5 месеци

(Видео) Експлодира главниот нафтовод што ја снабдува Москва

Главниот нафтовод што ја снабдува Москва со нафтени производи експлодираше во Рјазанскиот регион на Русија, дознава Укринформ од извор во Службата за одбранбено-разузнавање на Украина (ДИУ).Според нив, вчера се случила силна експлозија на нафтоводот Рјазан-Москва, еден од главните правци за снабдување на рускиот главен град со нафтени производи.„Силна експлозија на дел од нафтоводот“Пожарникари и амбулантни возила биле испратени во рок од неколку часа за да го изгаснат пожарот, објавува Укринформ.Жителите пријавиле дека полицијата и други екипи се во областа на селото Божатково во Рјазанскиот регион, работејќи на отстранување на последиците од експлозијата и пожарот.Според украинските медиуми, од 2018 година, овој нафтовод е пренаменет за снабдување со бензинско гориво на Транснефт, кој исто така обезбедува гориво за руската армија.Поради инцидентот, протокот на нафтени производи кон Москва е суспендиран на неодредено време.

Свет | пред 5 месеци

Лефков: Сопругата на Апасиев лажела во својата биографија

Пратеникот на ВМРО-ДПМНЕ, Миле Лефков, денеска на прес-конференција изнесе обвинувања за сопругата на лидерот на Левица, Димитар Апасиев, во врска со нејзиниот ангажман во програмата „Еразмус+“.„Сопругата на Димитар Апасиев, која земала пари од владата на СДС преку програмата Еразмус+, лажела за својот ангажман на настанот во Грција за кој земала пари,“ изјави Лефков.Тој посочи дека во својата биографија Тамара Јованов Апасиева навела дека на овој настан во Грција била „лектор и учесник“, но, како што рече, официјалните документи покажуваат друго – дека таа била само учесник, а не и лектор.„Зошто сопругата на Апасиев имала потреба да лаже во својата биографија, и да си препише работи кои не ги правела?“ праша Лефков.Тој додаде дека останува нејасно дали ова било направено за да се земат повеќе средства или за, како што рече, „неосновано да се збогати биографијата“.„Димитар Апасиев, кој се претставува за јак правник, треба да каже дали тоа што неговата сопруга лажела во својата биографија е фалсификат или измама,“ изјави Лефков.Тој праша и што сè, според него, може да лажат Апасиев и неговата сопруга ако, како што вели, лажат дури и во една биографија.„Како може народот да му верува на Апасиев, кој пред камери едно зборува, а зад камери трупал европски пари од СДС во џеб?“ изјави Лефков.

Македонија | пред 5 месеци

(Видео) Филипче беше прашан чија е јахтата и дали Заев му дава насоки: Не сум ниту имотник во Дубаи, ниту сопственик на зграда во Дубаи, немам авиокомпанија

Претседателот на СДСМ, Венко Филипче, ги отфрли обвинувањата дека поседува недвижнини и луксузни добра во странство, нарекувајќи ги „конструкции и лажни вести пласирани од ВМРО-ДПМНЕ“.„Прво ме обвинуваа дека сум имал куќа во Нерези, па еден ваш колега снимаше – тоа не е вистина. Па дека имам поклон џип – исто така не е вистина. Па дека имам зграда во Дубаи и авиокомпанија – исто така не е вистина. Па дека имам јахта сега – што исто така не е вистина,“ изјави Филипче.Тој оцени дека станува збор за систем на политички ПР кој ВМРО-ДПМНЕ го гради преку свои медиуми и кампањи на социјалните мрежи.„Тоа не е само политички, туку општествен феномен – обид да се спушти комуникацијата под елементарно цивилизациско ниво, во калта. Јас тоа нема да го дозволам,“ рече Филипче, додавајќи дека иницијаторите на овие приказни се „кукавици, и политички и во секој друг поглед“.„Обично мантрата е – ‘ти си лопов, криминалец’. Но тоа не ме обесхрабрува, туку ме охрабрува да продолжам да се борам за државата,“ порача тој.На новинарско прашање околу јахтата за која беше прозван, Филипче кратко одговори: „Добро, ви одговорив на прашањето“.Тој додаде и политичка порака кон опозицијата: „Додека ВМРО-ДПМНЕ е на власт, противниците на Македонија мирно спијат. Тоа нема да го дозволиме, ќе ја вратиме државата на вистинскиот пат“.Филипче нагласи и дека поранешниот премиер Зоран Заев веќе не е активен во политиката. „Моите одлуки ги градиме заедно со раководството и тие се автентични одлуки на новото политичко раководство на СДСМ,“ истакна тој.

Македонија | пред 5 месеци

ВМРО-ДПМНЕ: Кандидатурата на Мециновиќ е договор на Левица со СДСМ и ДУИ

ВМРО-ДПМНЕ ја обвини Левица дека со кандидатурата на пратеникот Амар Мециновиќ за градоначалник на Скопје влегла во политички договор со СДСМ и ДУИ, со цел да се спречи победа на Орце Ѓеорѓиевски во првиот изборен круг.„Јасно е дека кандидатурата на Амар Мециновиќ е дил на Левица за помош на ДУИ и СДС, со математика Орце Ѓеорѓиевски да не победи уште во првиот круг. Затоа Левица не можеше да најде ниту еден друг кандидат и никој друг не се нафати за кандидат за градоначалник на Скопје, па затоа го кандидираа пратеникот Амар Мециновиќ,“ стои во соопштението на партијата.Од ВМРО-ДПМНЕ потсетија и на ставовите на лидерот на Левица, Димитар Апасиев, кој бараше од пратениците на ВМРО-ДПМНЕ што се кандидираат за градоначалници да поднесат оставки од собраниските функции.„Го прашуваме Мециновиќ, со оглед на тоа што Апасиев го бараше истото од нашите пратеници, дали и тој ќе си поднесе оставка од пратеничката функција бидејќи е кандидат за градоначалник на Скопје,“ се додава во реакцијата.

Македонија | пред 5 месеци

„Скопје е запуштено, загадено, валкано и депресивно“ - деканот на Градежен ја објави кандидатурата!

„Нашето Скопје е запуштено, загадено, валкано и депресивно. Повеќе од кога и да е му треба јасна визија ослободена од корупција, култура наместо популизам и компетенција наместо импровизација. Скопје моли за шанса од оние што искрено го сакаат,“ изјави денеска професорот и декан на Градежниот факултет, Горан Марковски.Со ова обраќање тој и официјално ја објави својата кандидатура за градоначалник на Скопје, настапувајќи како независен кандидат поддржан од платформата „Независни заедно“.Марковски симболично ја започна својата кампања од Камениот мост, кој го нарече симбол на поврзување, заедништво и истрајност.Тој нагласи дека независните кандидати и граѓанскиот активизам се клучни за вистинска демократија, посочувајќи: „Без независни личности нема здраво општество ниту силни институции.“

Скопје | пред 5 месеци

Слушнав како премиерот дава насоки на градоначалници, тоа доведе Скопје да стане прљав град, нашите градоначалници ќе работат чесно, рече Филипче

Претседателот на СДСМ, Венко Филипче, остро ја критикуваше состојбата во главниот град.„Го слушав премиерот како дава насоки на градоначалниците. Сметам дека тоа доведе до тоа да Скопје стане еден страшно прљав, едноставно неубав град за живеење со нивната градоначалничка Данела Арсовска, од која во текот на мандатот се обидоа да се дистанцираат. Јасно е дека не им успеаја диловите, па затоа се скараа,“ изјави Филипче.Тој нагласи дека СДСМ ќе понуди поинаков пристап кон локалната власт и управувањето со општините.„Јас ќе ветам само една работа – дека градоначалниците ќе работат чесно, а дека јас лично и целата партија стоиме како гаранција за тоа,“ додаде Филипче.

Македонија | пред 5 месеци

Ќе коалицира ли СДСМ со ДУИ на локалните избори

Претсдателот на СДСМ, Венко Филипче, рече дека во првиот круг на локалните избори, нема да имаат коалиции со албански партии. Прашан дали разговараат со ДУИ за соработка, Филипче не негираше дека тоа може да се случи по првиот круг.„Во однос на коалициите, во првиот круг на изборите настапуваме со нашата коалиција, а во однос на вториот круг на изборите, ќе разговараме и со другите партии од албанскиот блок“, рече Филипче.Тој рече дека до почеток на следната недела, ќе ги презентираат кандидатите и за останатите општини, кои досега не се презентирани.„Избрани се најдобрите кандидати, кои кога ќе ја презентираат програмата, ќе можат да ја остварат. Ние настапуваме со наши кандидати, тие кои се најдобриот избор. Имаме големи планови за развој на големите општини и мирко планови за да се решат малите проблеми“, додаде тој.Посочи дека му е жал што власта не успеала да собере мнозинство во Собрание за да се донесат измените на Изборниот законик.„Сериозно ги загрозува независните листи, бидејќи може да им се случи, да се случи хаос. Власта не се обиде да собере бадентерово мнозинство“, посочи Филипче.

Македонија | пред 5 месеци

Премиерот нема што да прави, освен да обвинува за дестабилизација, рече Филипче и кажа дека немаат такво сценарио

Лидерот на СДСМ, Венко Филипче остро ги искритикува политиките на Владата, а потоа рече дека обвинувањата кои доаѓале од премиерот Христијан Мицкоски кој кажал дека има сценарија за дестабилизација направени од СДСМ и ДУИ се само оправдување на неуспесите.„Ништо од тоа не е вистина. До сега требаше да се случи некаква дестабилизација, бидејќи премиерот подолго време најавува. Тој нема никаков успех кој може да го презентира, нема добра политика, гледаме што се случува во економијата, запрен е патот кон ЕУ, тонеме во поделби во општеството како заслуга на политиката, нема напредок во земјоделството... Премиерот нема што да прави, освен да обвинува за дестабилизација. Такво сценарио нема, ниту планираме да има“, рече Филипче.Тој ја нарече власта на ВМРО-ДПМНЕ „антидржавна“ и „ненародна“.

Македонија | пред 5 месеци

Украинскиот блогер Сергеј Стерненко: „Ако Зеленски предаде територија, ќе стане политички – а потоа и буквален – мртовец“

Украинскиот воен блогер, активист и снабдувач со дронови Сергеј Стерненко преживеал четири обиди за атентат во последните седум години. Последниот напад, на 1 мај оваа година во Киев, го извршила 45-годишната Људмила Чимерска, која испукала најмалку три куршуми кон него. Еден куршум му го пробил бедрото, но тој успеал да преживее благодарение на телохранителите и брзата интервенција.Стерненко, кој има повеќе од два милиони следбеници на YouTube и над 850 илјади на Телеграм, е едно од најпознатите имиња меѓу младите Украинци. Тој е националист, поранешен лидер на улични протести, адвокат и клучен недржавен снабдувач на украинската армија со дронови. Од почетокот на руската инвазија, преку донации собрал над 100 милиони евра за набавка на беспилотни летала.„Знаев дека Русите ќе се обидат да ги убијат познатите Украинци. Да сум на нивно место, би направил исто,“ изјави тој за Times.Стерненко остро ја отфрла можноста Украина да отстапи територија како дел од мировен договор со Москва.„Ако Зеленски даде земја што не е окупирана, тој ќе биде леш – најпрво политички, а потоа и вистински. Тоа би била бомба под нашиот суверенитет,“ тврди блогерот.Според него, компромис со Русија е невозможен: „Ќе има само еден победник – Русија или Украина. Ако руската империја опстане во сегашна форма, таа секогаш ќе сака да се шири. Борбата ќе трае сè додека Русија не ја напушти украинската земја.“Иако е меѓу најпопуларните гласови во Украина, Стерненко често е во судир и со украинскиот политички естаблишмент, критикувајќи ја корупцијата во институциите. Неговите противници го обвинуваат дека избегнува фронтова служба, што тој решително го негира.Руски служби, пак, го гледаат како приоритетна цел, пред сè поради дроновите што ги обезбедува за армијата.Стерненко се вклучил во протестите на Мајдан уште како 18-годишник. Бил сведок на убиствата и насилството во Киев во 2013–2014 година, по што се приклучил на уличните судири во Одеса. Како лидер на локалната подружница на „Десен сектор“, бил сведок на крвавите настани на 2 мај 2014 година, кога во пожар во Домот на синдикатите загинаа 42 луѓе.„Главната цел тогаш беше да ја ослободиме Одеса од корупцијата и од прорускиот криминален уплив,“ вели Стерненко.Во мај 2018 година бил нападнат пред својот стан во Одеса. За време на тепачката, со нож убил еден од напаѓачите. Судиите пет години ја испитуваа неговата верзија за самоодбрана, а тој тврдеше дека е жртва на политички прогон од проруското судство. Во декември 2023 случајот беше затворен, а судот дури му го врати и ножот.„Свесен сум дека мојот животен век е ограничен. Затоа морам да направам нешто корисно за својот народ и за Украина,“ порачува Стерненко, човекот што во Украина важи за симбол на отпорот, но и за мета – и дома, и во Москва.

Свет | пред 5 месеци

Јанчев до Силјаноски: „Постои епитетот музичка ѕвезда и не може секој да го носи-нека каже колку публика може да донесе“

По критиките на пејачот Спасен Силјаноски за изборот на музичките гости на годинешниот Тиквешки гроздобер, градоначалникот на Кавадарци, Митко Јанчев, изјави дека манифестацијата одамна го надминала локалниот карактер и прераснала во настан од регионално значење.„Нека повели пејачот кој го стави на исто рамниште гроздоберот со ‘роштиљада’ и да каже во кој дел од програмата би се вклопил, а што е уште поважно, колку публика би донел во градот? Од каде би била таа публика, со оглед на тоа што на настанот во годините наназад доаѓаат гости не само од цела Македонија, туку и од соседни земји?“ – изјави Јанчев за Инфомакс.Тој потсети дека сите кавадаречки музичари кои ги споменал Силјаноски гостуваат редовно на гроздоберот, а општината секогаш им укажувала почит. „Сите кавадаречки музичари кои ги спомнува, гостуваат не само на овој, туку и на секој гроздобер кој се одржал во минатото и секогаш биле максимално испочитувани од општината, бидејќи ние во Кавадарци знаеме како да го цениме и поддржиме своето,“ додаде тој.Јанчев нагласи дека настанот има две сцени и секој изведувач настапува таму каде што може да ја исполни публиката. „Кога сме кај големата сцена на која годинава ќе настапи српската еворвизиска победничка Марија Шерифовиќ, и за време на чиј настап се очекуваат најмалку 50.000 посетители, нека одговори пејачот дали тој може да гарантира дека ќе донесе барем една петина од таа бројка,“ порача градоначалникот.Тој додаде дека гроздоберот не е само забава, туку има и сериозно економско значење за Кавадарци, бидејќи секоја поголема музичка ѕвезда носи повеќе гости и поголема корист за локалното население.„Затоа и постои епитетот музичка ѕвезда, и не може секој да го носи. Кога за настап на некој музички гостин дури и се организира превоз од други градови, кога доаѓа река од народ од сите краеви, а на плоштадите нема место да се фрли игла, недостојно е да се потценуваат тие ѕвезди со евтини, наводно патриотски приказни кажани поради чист популизам. Уште еднаш го повикувам пејачот кој се дрзна да ја навредува традиционалната кавадаречка манифестација, да дојде во општината и да ми даде одговор на прашањата кои еве и јавно му ги поставив,“ изјави Јанчев за Инфомакс.

Македонија | пред 5 месеци

Во чест на Иле - хуманитарна трка на Голак за човекот кој цела ноќ возеше повредени од дискотеката „Пулс“

На планината Голак на 6.септември ќе се одржи хуманитарна трка во чест на возачот на Итната медицинска помош, Иле Гоцевски, кој почина еден ден по големата трагедија во кочанската дискотека „Пулс“.Тоа ќе биде комбинација од планинско трчање и брзо одење на патека долга 11 километри.Настанот се организира во чест на човекот кој пожртвувано цела ноќ, 11 пати превезуваше повредени од Кочани до Скопје, со цел да спаси што повеќе животи.

Македонија | пред 5 месеци

Герасимовски на советничката листа ќе стави претставник од граѓанските организации, побара тие да предложат име

Градоначалникот Горан Герасимовски, на средбата со претставници од граѓанските организации, побара од нив да предложат кандидат за советник кој ќе ги застапува нивните права и интереси во идниот општински совет.„Одиме чекор напред, од вас, но и од други групи на граѓани да побараме предлози за да направиме една советничка листа којашто нема да биде само партиска, туку ќе биде и граѓанска. Сакаме да вклучиме што повеќе луѓе од различни позиции, од невладини организации, од здруженија, за да дадат свој допринос во начинот на функционирање и креирање на политиките на општината, се со цел подобрување на условите за живот на нашите граѓани“, рече Герасимовски.Герасимовски истакнува дека Општината покажала треба да биде на граѓаните, а не на политичките партии.Герасимовски потенцира дека Советот функционира одлично и се прифаќаат сите предлози и идеи кои се во интерес на центарци.Покажавме дека општината треба да биде на граѓаните, а не на политичките партии. Во советот функционираме одлично без разлика на советничките групи, од која политичка партија доаѓаат. Сите оние добри проекти без разлика од кого потекнуваат, преку буџетските форуми преку анкетите, преку многуте дискусии и состаноци кои ги имаме ги прифаќаме без разлика од кого доаѓаат“, вели Герасимовски.

Скопје | пред 5 месеци

(Видео) Четири возила гореа во пожар кај трговскиот центар „Зебра“ во Капиштец

Синоќа во близина на трговскиот центар „Зебра“ во скопската населба Капиштец избувна пожар во кој беа зафатени четири автомобили.Според информациите од Министерството за внатрешни работи, прво било опожарено службено возило марка „Фиат“, по што огнот се проширил и ги зафатил уште три автомобили паркирани во близина.Изгореле „Шевролет Авео“ со охридски регистарски таблички, сопственост на М.И. (21) од Охрид, „Фиат Пунто“ со скопски регистарски таблички, сопственост на Е.Т. (20) од Скопје, како и „Сузуки“ со скопски регистарски ознаки, сопственост на С.М. (54) од Скопје.Надлежните органи спроведуваат увид за да се утврдат причините за пожарот и можната одговорност.

Скопје | пред 5 месеци

Лефков со жестока порака до Апасиев: „Те расипаа квадратите и кешот“

Пратеникот Миле Лефков јавно му одговори на лидерот на Левица, Димитар Апасиев, обвинувајќи го за двојни стандарди и лицемерие во политиката. Во својата изјава, Лефков порача дека „Димче не е тоа што беше“ и дека „го расипале кешот и квадратите деловен простор“.„Разбирам дека вистината боли, па затоа Апасиев наместо да одговори на фактите – бега во навреди,“ наведе Лефков, посочувајќи дека суштинскиот проблем е во тоа што лидерот на Левица јавно проповеда анти-ЕУ ставови, додека неговото најблиско семејство користело европски средства преку програмата „Еразмус“.Лефков потсети дека како член на Комисијата за европски прашања во целиот претходен мандат се спротивставувал на злоупотребите на европските фондови од страна на СДСМ и ДУИ, но дека Апасиев за тоа време не присуствувал на ниту една комисија.„Во тоа време активно си користеле ЕУ финансии по дома,“ додаде тој.Тој понатаму го спореди Апасиев со „самопрогласениот Енвер Хоџа на интернет подземјето“, обвинувајќи го дека мобилизира троловски армии за да шири лаги и клевети.„Такви двојни стандарди не се политика – тоа е лицемерие на квадрат,“ изјави Лефков, додавајќи дека Апасиев не може да ја „плука Европа“ и истовремено да живее од европски пари.„Разобличен си, лажго кој нарачува најдолни клевети. Порано беше покреативен, ама те расипаа квадратите и кешот другар,“ заврши Лефков во својата реакција.

Коментари | пред 5 месеци

Тинејџерот што го планираше нападот на Тејлор Свифт во Виена не оди во затвор!

Шестнаестгодишникот кој помогнал во планирањето на неуспешниот напад на концертот на Тејлор Свифт во Виена минатата година избегна затвор. Мохамед А. доби условна казна од 18 месеци според законот за малолетници во Берлин.Сириецот, за кого обвинителите велат дека бил радикализиран од онлајн пропагандата на Исламска држава (ИСИЛ), имал 14 години кога му помогнал на потенцијален напаѓач да преведе упатства за правење бомба од арапски јазик и го поврзал со член на ИСИЛ.Три распродадени концерти на Тејлор Свифт на стадионот Ернст Хапел во Виена беа откажани од организаторите во август минатата година откако полицијата откри дека нападот бил планиран.Тинејџерот се изјасни за виновен во целост. Во времето на неговото обвинение, тој беше идентификуван само како Мохамед А. во согласност со германските закони за приватност. Под условна казна, осудените мора да исполнат одредени услови за да избегнат да бидат испратени во затвор.Дојава од ЦИАТројца други осомничени, кои во тоа време биле тинејџери, се приведени од австриските власти во врска со заговорот. Главниот осомничен, идентификуван како Беран А., е под истрага. 20-годишникот, кој е во притвор, беше уапсен пред концертите по дојава од ЦИА.Американското разузнавање во тоа време објави дека организаторите на нападите се надевале дека ќе убијат голем број посетители на концертот.Истражителите велат дека Беран А. исто така планирал да изврши напад во Дубаи во март 2024 година. Извештаите сугерираат дека тоа било дел од координиран заговор што вклучувал три истовремени напади од страна на ИСИЛ, но се предомислил во последен момент.

Свет | пред 5 месеци

Трамповата администрација суспендираше вработени по критики – обвинувања за „лов на вештерки“

Неколку вработени во американската Федерална агенција за управување со вонредни ситуации (FEMA) се најдоа суспендирани откако потпишале отворено писмо со критики кон раководството на агенцијата. Веста ја соопшти невладината организација „Stand Up for Science“, која го објави писмото. Случајот потсетува на јулскиот преседан, кога Агенцијата за заштита на животната средина (EPA), 139 свои службеници ги суспендираше поради писмо во кое се оспоруваше политиката на претседателот Доналд Трамп.„Stand Up for Science“ потврди дека дел од потписниците на т.н. „Декларација за Катрина“ биле суспендирани од работа. Иако точниот број не е познат, Вашингтон пост јавува дека кабинетот на администраторот на FEMA испратил известување до неколкумина дека се ставени во статус „надвор од должност“, иако продолжуваат да примаат плата и бенефиции.Во писмото, кое го потпишале над 190 сегашни и поранешни вработени во агенцијата, се изразува загриженост од „неспособноста и неискуството“ на високите функционери во администрацијата на Трамп, што – според нив – може да доведе до „катастрофални последици слични на оние од ураганот Катрина“.„Ова е уште еден пример за одмазда од страна на федералната влада врз вработени поради нивни активности на укажување, што е и незаконски чин,“ се наведува во соопштението на организацијата.Белата куќа не даде официјален коментар, но случајот дополнително ја зголеми тензијата околу функционирањето на FEMA, каде што само оваа година околу 2.000 лица – речиси една третина од вкупната работна сила – ја напуштиле агенцијата преку отпуштања, оставки или предвремени пензии.Дополнително, администрацијата на Трамп планира намалување на федералните грантови за околу една милијарда долари, што според експертите ќе ја ослабне способноста на агенцијата да реагира при идни кризи.Писмото пристигна само неколку дена пред одбележувањето на 20-годишнината од ураганот Катрина (2005), кој предизвика масовни поплави во Њу Орлеанс и уништи голем дел од брегот на Мексиканскиот залив, оставајќи над 1.800 жртви.Иако по таа трагедија Конгресот донесе законски реформи за зголемена одговорност на FEMA, потписниците на „Декларацијата за Катрина“ предупредуваат дека политиките на Трамп ја поништуваат таа реформска рамка.

Свет | пред 5 месеци

Убиство во Кавадарци: До смрт натепан 43-годишен човек пред влез на казино

Неколку лица до смрт претепале 43 годишен кавадарчанец, утрово околу пет часот. Според првичните информации, тие го затекнале сега усмртениот на задниот влез од локално казино, што што почнале да го удираат.Брзо потоа интервеинрала полицијата, како и Брзата помош за десет минути - но не успеала да го спаси 43-годишниот маж. Екипата констатирала смрт.Во краток рок, поради сомнение за инволвираност во нападот, полицијата ги лишила од слобода Д.Б. (26), М.Ѓ. (35) и Д.С. (27), сите од Кавадарци. Тие биле приведени и задржани во полициската станица.На местото на настанот увид вршат јавен обвинител од Основното јавно обвинителство Кавадарци и полициски екипи. Се прегледуваат и снимките од надзорните камери на казиното. По целосно расчистување и документирање на случајот, против сторителите ќе биде поднесена соодветна кривична пријава.

Македонија | пред 5 месеци

Европа во нов „нерамноправен договор“ со Трамп – опасност од економска и политичка зависност

По поразот во Првата опиумска војна, династијата Ќинг во 1842 година беше приморана да потпише договор што ја вовлече Кина во повеќе од еден век странско угнетување и колонијална контрола врз трговската политика. Тој документ влезе во историјата како првиот од таканаречените „нерамноправни договори“. Денес, скоро два века подоцна, сè поголем број европски политичари и аналитичари стравуваат дека Европската унија се наоѓа во слична позиција – пред нова рунда принудни договори со САД, под палката на Доналд Трамп.Минатиот месец, претседателката на Европската комисија Урсула фон дер Лајен пристигна во голф-резортот на Трамп во Шкотска за да потпише трговски договор кој предизвика шок во европските престолнини. Со прифаќањето на 15-процентна царина на поголемиот дел од европската стока, критичарите предупредија дека Брисел направил „политички пораз“, „чин на подреденост“ и „идеолошка капитулација“. Наместо дистанца од непредвидливиот американски претседател, Европа се соочи со грубо будење.Додека мастилото на договорот едвај се исуши, Трамп повторно го зголеми притисокот – најави нови царини поради европските дигитални регулативи што ги тангираат американските технолошки гиганти.„Ако ЕУ не се усогласи, САД ќе престанат да извезуваат витална технологија за микрочипови“, порача тој. Ова предупредување дојде само неколку дена по уверувањата дека дигиталниот суверенитет на ЕУ е загарантиран.Ситуацијата потсетува на 19. век: Трамп располага со воена и технолошка моќ што Европа нема. Унијата е длабоко зависна од американската технологија и од воената поддршка во соочувањето со Русија, па Вашингтон може да диктира услови.„Не станува збор само за трговија, туку за безбедност и за Украина,“ изјави еврокомесарот за трговија Марош Шефчович, јасно алудирајќи дека договорот е резултат на европската слабост.Експертите предупредуваат дека Европа две децении не вложувала во сопствената безбедност и сега ја плаќа цената.„Игнориравме сигналите уште од првата администрација на Трамп и се вративме на спиење. Се надевам дека тоа не е повторно случај,“ изјави Сабине Вејанд, главната директорка за трговија во Европската комисија.Јасно е дека царинската стратегија на Трамп не е завршена и дека Унијата ќе се соочи со нови понижувања и нерамноправни исходи во преговорите оваа есен. Единствениот начин Европа да го намали ризикот од трајна зависност е да изгради сопствен капацитет во одбраната, технологијата и финансиската стабилност – пред „неррамноправните договори“ да станат новата реалност на 21. век.

Свет | пред 5 месеци

(Видео) Возеше и слушаше говори од Ердоган, но згреши и беше си ја плати казната...

Турскиот министер за транспорт, Абдулкадир Уралоглу, доби парична казна за пребрзо возење откако самиот објави видео од своето „летање“ на автопат.Уралоглу во неделата навечер на социјалната мрежа X сподели снимка на која се гледа како управува возило на автопатот Анкара–Нигде, додека во позадина се слушаат народни песни и говори на претседателот Реџеп Таип Ердоган. На видеото се забележува момент во кој автомобилот се движи со 225 километри на час, што е значително над дозволеното ограничување од 140 километри на час. Пораката што ја придружуваше снимката гласеше: „#ТурцијаЗабрзува“. Неколку часа подоцна, министерот повторно се огласи, овојпат со признание дека направил грешка. „Ненамерно накратко го надминав ограничувањето на брзината,“ напиша тој, додавајќи дека е казнет со 9267 турски лири (околу 190 евра).Уралоглу објави и копија од прекршочната казна, нагласувајќи дека во иднина ќе биде „многу повнимателен“ и дека „почитувањето на ограничувањата на брзината е обврска за сите“. Случајот предизвика бројни реакции на социјалните мрежи, каде граѓаните иронично забележаа дека токму министер задолжен за транспорт мора да биде пример во сообраќајната култура.

Свет | пред 5 месеци

Завојуваа Лефков и Апасиев, откако пратеникот од ВМРО-ДПМНЕ ја спомена сопругата на лидерот на Левица

Лидерот на Левица, Димитар Апасиев, со остра критика кон Миле Лефков, кој вчера на прес обвини дека неговата сопруга Тамара Јованов Апасиева добивала финансии преку европската програма „Еразмус+“ со поддршка на тогашната влада на СДСМ.Апасиев вели дека средствата се европски, а не буџетски пари и дека нападите од страна на ВМРО-ДПМНЕ претставуваат обид за дискредитација. „Сопругата учествувала во европски академски проекти со сопствен капацитет, а не преку политички договори,“ напиша тој во својата реакција.-ВМРОВЦИ, ВИ СЕ СМЕЕ ЦЕЛА АКАДЕМСКА ФЕЛА.ДПМНЕ, со сиот памет, преку полуписмениот Миле Лефков (кој btw уште е борчлија кај газда Деко од дискошталата во Кочани за гага пиење) – денес одржале прес-конференција на која ја спомињале жена ми за учество во европски Еразмус проекти, ваљда на Универзитетот во Јанина (Грција) – платени не со македонски/буџетски, туку со европски пари!?Ах бре торлак. Да речеш дека СДСМ давала пари на Тамара за академска работа е исто ко да речеш дека ВМРО сега ни го плаќа породилното за детево, оти директорот е од вашата партија!? Ама багра вмровска – толку конта, толку разбира.А шта се тиче до жена ми – она, куриња, е по мада-фака од многу ваши штабски професорчиња спопикани по факултетиве со купените дипломи. Службено прошетала цела Европа и пола свет! Била визитинг професор во Шпанија и Бања Лука, течно говори три светски јазика (ниво C1), има објавено преку сто трудови (многу со импакт фактор), автор е на рецензирани книги и учебници по маркетинг и е член на мал милион уредувачки одбори на симпозиуми, конференции и научни списанија низ цел свет. Не е ова од вашите „селски учителки“ шо си ги фаќате за швалерки откако ќе ги вработите, ви текнуе.Затоа, ој таму легнете си со жените и не паламудете ногу низ етеров, оти само покажувате дека немате врска од академска работа. Затоа, го молам присутниот вмровски џган, да не се бламира поише и у иднина да не не' става в уста.p.s. А на Милета, кажете му дека „ЕраЗмус“ на латински се пишуе со С., напиша Апасиев.Лефков вчера порача дека токму од Националната агенција за Еразмус+, кога со неа управувал кадар на СДС, сопругата на Апасиев добивала средства. „Додека Апасиев пред камерите глуми противник на СДС, зад затворени врати неговиот семеен круг бил дел од системот кој го водела власта на СДС, добивал финансии и уживал привилегии,“ изјави Лефков.Тој додаде дека останува прашањето дали станува збор за политички договор меѓу СДС и Левица и дали Апасиев е „купен“ со парите од Еразмус+ за да одработува за СДС.

Македонија | пред 5 месеци

Трамп воведе 50% царини за увоз од Индија, обвинувајќи ја за финансирање на руската војна

Американскиот претседател Доналд Трамп воведе царини од 50% на поголемиот дел од увозот од Индија, обвинувајќи ја владата во Њу Делхи дека со купување евтина руска нафта индиректно го финансира воениот ангажман на Москва во Украина.Новата мерка, која стапи во сила во средата на полноќ, ќе погоди извоз на Индија вреден 87,3 милијарди долари годишно. Иако дел од клучните производи, како паметните телефони, засега се изземени од тарифите, индустрии како текстилот, накитот и морските плодови се соочуваат со драматичен пад на нарачките и обемот на производство.Индиската влада останува решителна во намерата да продолжи со увоз на руска нафта. Премиерот Нарендра Моди ги повика граѓаните да купуваат домашни производи, додека шефот на дипломатијата, Субраманијам Џајшанкар, оцени дека барањата од Вашингтон се „неоправдани и лицемерни“.Економските аналитичари предупредуваат дека царините би можеле да го намалат економскиот раст под 6%, а индиските берзи веќе бележат значителни падови. Федерацијата на извозници од Индија соопшти дека бројни производители на облека и текстил за американскиот пазар веќе ја стопирале производството.Трамп претходно воведе идентични мерки и кон Бразил, но не презеде слични чекори против Кина, иако и таа во големи количини увезува руска нафта. Во меѓувреме, Индија ги зајакнува врските со Москва и најавува приближување кон Пекинг.„Трамп ги загрози годините напорно градено партнерство,“ изјави висок индиски трговски функционер за британскиот Guardian. „Најголемата жртва е довербата, а обновата на односите тешко дека ќе се случи додека тој е на власт.“Според експертите, најголеми добитници од новите царини ќе бидат конкурентите од југоисточна Азија – особено Виетнам и Камбоџа – кои веќе ги преземаат американските купувачи со поевтина стока.

Свет | пред 5 месеци

(Видео) Сообраќајка на патот кон Волково – оштетен „Голф“, патот блокиран

Утрово на улицата Волковска, која ги поврзува Ново село со Волково, се случила сообраќајна несреќа. Според снимките што ги испратија очевидци, во несреќата учествувало возило марка „Голф“, чиј преден дел од страната на возачот е целосно уништен.Во моментов нема официјални информации за состојбата на повредените ниту за причините поради кои дошло до судирот. Сообраќајот на овој дел од патот е целосно блокиран, па возачите се пренасочуваат преку локалните патишта.Очекувањата се дека МВР ќе даде повеќе детали по завршување на увидот на местото на несреќата.

Скопје | пред 5 месеци