Реализирани 12 нови проекти во Југозападниот плански регион

Министерот за локална самоуправа Сухејл Фазлиу денеска во општините Охрид и Дебрца присуствуваше на промоцијата на проектите кои што се реализирани со средства од Програмата за рамномерен регионален развој на Министерството, наменети за развој на Југозападниот плански регион.Со средствата од буџетот за 2018 година во општина Дебрца, н.м. Волино, е изведена целосна реконструкција и енергетска ефикасаност на јавен објект за потребите на месното население, а во Охрид е обезбедена енергетска ефикасност на детската градинака Развигорче и е ревитализирана пешачката патека во Стариот град.„Владата останува доследна на своето ветување за континуирано зголемување на буџетските средства за корисни проекти во планските региони, во селата и во подрачјата со специфични развојни потреби. Во однос на 2017 година, средствата за 2019-та се зголемени за 100 насто. Ваквата тенденција ќе продолжи и во наредните години. Покрај градење на демократски вредности, развојот е приоритет, во функција на задоволување на реалните потреби на граѓаните“, рече министерот за локална самоуправа Сухејл Фазлиу.Фазлиу истакна дека со средства од Програмата за рамномерен регионален развој на Министерството за локална самоуправа оваа година се реализирани 12 проекти во Југозападниот плански регион во вкупна вредност од околу 38 милиони денари.„Како што гледаме, станува збор за инфраструктурни проекти, многу корисни за граѓаните. Главно проектите се насочени кон подобрување на енергетската ефикасност и реконструкција на јавни објекти, како што се училишта и детски градинки, локална патна инфраструктура или техничка документација. За следната година во буџетот се планирани плус 50 насто средства, или, за проекти за рамномерен регионален развој во осумте плански региони нови 7 милиони евра“, рече министерот Фазлиу.

Македонија | пред 7 години

Внукот што си ја уби баба си сам се пријавил во полиција

Дваесетгодишно момче од скопско Драчево доцна попладнево ја убил својата 66 годишна баба. Убиецот сам се пријавил во полиција.Како што соопшти Основното јавно обвинителство – Скопје, дежурен јавен обвинител раководи со увидот на лице место каде што било пронајдено безживотно тело.-Според првичните информации, станува збор за насилна смрт, а извршителот сам се пријавил и е задржан во полициска станица. Станува збор за момче на возраст од 20 години, внук на починатата, се наведува во соопштението на ОЈО.По наредба на јавниот обвинител во моментов се подигаат материјални траги пронајдени на лице место, а телото на починатата ќе биде предадено на обдукција.

Скопје | пред 7 години

Царинската управа и НБРМ ќе ја интензивираат соработката и дигиталната царина

Средба на првите луѓе на Цринската управа и народната банка на Р Македонија, Ѓоко Танасоски и д-р Анита Ангеловска-Бежоска.Директорот на царинската упрва Танасоски и гувернерот на Народната банка на Република Македонија, д-р Анита Ангеловска-Бежоска разговарале за тековната соработка меѓу двете институции, со акцент на новините што ги воведува Царинската управа со воведувањето на новиот систем за обработка на царинските декларации, во контекст на нивното користење како извор за изготвување на надворешните статистики.Поради воведените новини во работењето на двете институции, оценето е дека постои потреба од изготвување нов меморандум за соработка и нов протокол за размена на податоци.„На средбата беше изразено задоволство од придобивките од досегашната успешна соработка помеѓу двете институции“, вели Танасоски.

Скопје | пред 7 години

ДУИ: Граѓаните на Дебар да бидат трпеливи, нов градоначалник на следните вонредни локални избори

По смртта на Ружди Лата, Дебар сè уште нема нов градоначалник. ДУИ ги повикува дебраните да бидат трпеливи до следните вонредни локални избори.„Ружди Лата беше еден од подобрите градоначалници, високопочитуван во својата средина и веројатно еден од најзаслужните за развојот на општина Дебар. Токму затоа и неговите сограѓани, во два наврата, му ја дадоа довербата да ја предводи нивната општина како градоначалник на Дебар. За жал, неговата прерана смрт го спречи да го доврши својот втор мандат и да ги реализира проектите за кои доби доверба. Граѓаните на општина Дебар ќе мора да бидаат трпеливи до наредните предвремени локални избори во оваа општина за повторно да изберат градоначалник по сопствена волја и убедување и да ја совладаат коалицијата создадена помеѓу малите опозициски парти од албанскиот блок и ВМРО-ДПМНЕ“, велат од ДУИ.Политиката, додаваат од партијата, понекогаш ги надминува моралните стандарди и во согласност со политичките агенди понекогаш ќе мора да ја прифатиме и оваа неморална одлука на малите опозициски парти од албанскиот блок и ВМРО-ДПМНЕ во смртта на Ружди Лата да го пронајдат сопствениот политички успех.„На граѓаните на Дебар сакаме да им порачаме да почекаат неколку месеци кога по сила на законот на избори малите опозициски партии од албанскиот блок заедно со ВМРО-ДПМНЕ ќе мора да ја проверат довербата за оваа нивна авантура, токму со вас – граѓаните на општина Дебар“, велат од ДУИ.

Македонија | пред 7 години

Вработени во Министерството за локална самоуправа биле ангажирани како експерти и добиле 36.000 евра

Управата за финансиска полиција до Основното јавно обвинителство поднесе кривична пријава против четири лиотца, и тоа Љ.Ш. и С.Ф., министер за локална самоуправа во период од 2015 до 2017 година, М.М.П. во својство на државен советник за европски интеграции во Министерството и Б.Р во својство на одговорно лице за спроведување на ИПА-оперативната програма меѓу Македонија и Бугарија.„Пријавените Љ.Ш. и С.Ф. во својство на министер за локална самоуправа во периодот од 2015 до 2017 година заедно со третопријавената М.М.П. и четвртопријавената Б.Р. со пропуштање должен надзор несовесно постапиле во вршењето на своите овластувања и должности на начин што во проектот на ИПА-фондовите наменети за техничка помош на Министерството за меѓугранична соработка помеѓу Македонија и Бугарија склучиле, потпишале и исплатиле четири договори за дело за користење интелектуално консултантски улсуги помеѓу Министерството и М.М.П. и Б.Р., кои се во редовен работен однос во Министерството, а како наводно дополнително ангажирани лица преку Младинската агенција ДОО – Скопје незаконски примиле 2.198.243 денари и го оштетиле буџетот на Министерството“, соопшти Финансиската полиција.Со цел да го прикријат делото четворицата пријавени дале налог на Младинската агенција ДОО – Скопје во фактурите, наместо да бидат наведени личните податоци, тие да бидат само нумерички изразени, и тоа третопријавената М.М.П. како експерт бр. 12, а Б.Р. како експерт бр. 13 за што М.М.П. изработила и потпишала и до Младинската агенција ДОО – Скопје доставила список со експерти за исплата на кој начин ги прикрила личните податоци и статусот како вработени во Министерството при исплата на паричните средства.„Горенаведеното се потврдува и со ревизорски извештај за незаконски исплатени парични средства на ангажирани вработени лица како експерти во вкупен износ од 2.198.243 денари, кои од страна на Министерството за локална самоуправа се вратени на ИПА-фондовите, со што му е нанесена штета на буџетот на Министерството“, велат од Финансиската полиција.

Македонија | пред 7 години

Филмот „Фантастична жена“ за Меѓународниот ден на човекови права во кино Милениум

По повод Меѓународниот ден на човековите права, со акцент на проблемите и предизвиците со кои се соочуваат трансродовите луѓе, вечерва во градското кино Милениум во Скопје доаѓа „Фантастична жена“, овогодишниот добитник на Оскар за најдобар филм од странско говорно подрачје од продуцентите на филмовите „Џеки“ (Jackie), „Под лупа“ (Spotlight) и „Тони Ердман“ (Toni Erdmann) и Себастијан Лелио, режисерот на филмовите „Глорија“ (Gloria) и „Непослушност“ (Disobedience).Премиерната проекција во Република Македонија на овој чилеански филм е во организација на Здружението за културен и медиумски активизам КВИР СКВЕР од Скопје во партнерство со дистрибутерската куќа „Fox Vision“ од Белград (Република Србија), градското кино Милениум и Младинскиот културен центар од Скопје, невладината организација „Pride Sports“ од Манчестер (Обединето Кралство), британската и германската амбасада во Скопје, и невладините организации „Субверзивен Фронт“ и „Стар-Стар“ од Скопје. Билетите се бесплатни.„Брилијантен и сурово директен“ (VARIETY), „Фасцинантен и мистериозен“ (THE PLAYLIST), „Ненадминлив“ (THE HOLLYWOOD REPORTER), „Вонсериски“ (SCREENDAILY), „Бравурозен филм“ (THE GUARDIAN) се само некои од филмските критики за ова ремек-дело.Според редовниот годишен извештај на „Transgender Europe“ од мониторингот на убиства на транс-луѓе објавен во 2018-та, помеѓу 1 октомври 2017 година и 30 септември 2018 година, пријавени се 369 убиства на транс и родово-различни луѓе на глобално ниво. Од пријавените убиства низ целиот свет, мигрантите и сексуалните работници го сочинуваат мнозинството од жртвите.Вкупно 2.982 транс и родово-различни луѓе биле пријавени за убиени во 72 земји помеѓу јануари 2008 и септември 2018 година. Мигрантите сочинуваат голем број од пријавените убиства во Европа. Од 139 пријавени убиства во Европа, една третина од жртвите биле мигранти. А, од пријавените убиства на транс и родово-различни луѓе чии професии биле познати, на ниво на целиот свет, 62 отсто биле сексуални работници.Трансродовите луѓе се луѓе чиј родов идентитет или родова експресија се разликува од родот што се претпоставувал за нив кога биле родени, базирано на биолошкиот пол (анатомијата на репродуктивниот систем на една индивидуа и секундарните полови карактеристики). Родовиот идентитет на некои луѓе, нивното внатрешно спознавање за тоа кои се е различен од оној првично претпоставен кога биле родени. Повеќето од овие луѓе се опишуваат себеси како трансродови.

Магазин | пред 7 години

Магла на Попова Шапка, Стража и Маврово

Сообраќајот на државните патишта се одвива тековно по влажни коловози.„Слаб снег провејува на П.Шапка. Намалена видливост до 50 м поради магла има во Маврово,П.Шапка и на планинскиот превој Стража. На одредени патни правци кои поминуват низ клисури и усеци можна е појава на поситни одрони“, информираат од Македонија ПатОттаму апелираат на внимателно возење и прилагодување на брзината спрема условите на патот.

Македонија | пред 7 години

(ВИДЕО) Заев: Убеден сум дека ќе обезбедиме двотретинско мнозинство за уставните измени

Премиерот Зоран Заев денеска во Општинскиот мултимедијален центар „Киро Глигоров” во Штип, учествуваше на четвртата јавна дискусија за нацрт-амандманите за измени на Уставот, согласно Договорот од Преспа.Премиерот Зоран Заев пред многубројните присутни ги презентираше нацрт – амандманите укажувајќи на потребата за донесување на уставните измени за  конечно исполнување на повеќе децениското очекување за отворање  на реалната перспектива Македонија во НАТО и во ЕУ.Подвлекувајќи ја инклузивноста на процесот и отвореноста за нови предлози,  премиерот Заев повтори дека Договорот со Грција е пријателски, фер и правичен и на Македонија ќе обезбеди стабилност, безбедност и  подобар економски стандард.„Дека договорот е правичен докажува и критичкиот осврт на опозицијата и во Македонија и во Грција, кои до сега не смогнаа сили да го решат овој долгогодишен проблем, иако тврдат дека ги подржуваат евроатлантските интеграции на нашата земја. Но, денеска имаме поддршка од народот, кој покажа дека почитува лидерство и лидерски одлуки и затоа за мене тоа е важно“, рече премиерот Заев, додавајќи дека со нацрт-амандманите се предвидува додавката Северна, која реално е географска одредница, но истовремено ја задржува нашата идентификација како македонски народ, кој говори македонски јазик.Во своето излагање премиерот Заев  подвлече дека во нацрт – амандманите се вградени предлози на пратениците и посочи на одлуката, уставните измени да стапат на сила само доколку Грција ги ратификува Договорот од Преспа и Протоколот за наше членство во НАТО.„Убеден сум дека преку инклузивниот процес, со внесување на сите одржливи сугестии, Република Македонија може да обезбеди двотретинско мнозинство во Парламентот, бидејќи одговорноста е наша и тоа им го должиме на нашите деца, да го заокружиме процесот и да се посветиме на економскиот, образовниот, правниот развој на нашиот систем“, истакна премиерот Заев.На јавната дискусија во Штип, премиерот Заев одговараше на прашања на граѓани подвлекувајќи дека сите дилеми околу тоа дали имплементацијата на Договорот од Преспа ќе го почитува грчката,  зависат само од нашите одлуки:„Ние одлучуваме за сè. Од нас зависи и Договорот со Грција и она што треба понатаму да го градиме за да ги оствариме посакуваните придобивки“, рече премиерот и додаде дека за него, како премиер, е најважно да го одржува пријателството со соседите да ги негува европските стандарди и изрази убедување дека тоа ќе биде остварено заедно со сите земји-членки на ЕУ. 

пред 7 години

Царината заплени девизи, стоматолошки материјали, фалсификати, храна

Во текот на минатите две недели, царинските службеници открија повеќе обиди за криумчарење разна стока, при што привремено се задржани  девизи, автоделови, ремени за прицврстување стока, електромотор, мобилни телефони, стоматолошки материјали, свежо овошје и зеленчук, употребувана скијачка облека и фалсификати.Задржана е следната стока:– 80.000 евра и 7.500 американски долари, откриени на Меѓународниот  Аеродром Скопје, при контрола на багаж и личен претрес на еден македонски и еден турски државјанин.Во првиот случај, за контрола бил селектиран  македонски државјанин кој имал намера да отпатува со лет за Истанбул. На прашање на царинските службеници, патникот изјавил дека носи пари но не го кажал износот. При личен претрес на патникот, во џеб од неговата јакна, во џеб од панталоните, во паричник и во долната облека, како и при преглед на куферот на патникот, во книга и  во несесер, биле пронајдени вкупно 82.000 евра во апоени од по 500 евра. Согласно законските прописи, на патникот му биле вратени 2.000 евра, износ што резидент може слободно да го изнесе од државата, додека 80.000 евра биле привремено задржани, а за сторениот девизен прекршок ќе биде поведена прекршочна постапка.Покрај тоа Царината заплени:– 19 парчиња  автоделови (предни и задни бришачи, светилки, патосници, дисплеј и ветробрани),  1 велосипед tacx blu matic, 1 ланец за велосипед и 1 пар очила uvex sport, откриени од страна на мобилните царински тимови, при контрола на товарно комбе со македонски таблички, извршена на патниот правец Крива Паланка – Куманово. Производите, за кои возачот не поседувал документи за потекло и платени увозни давачки, биле пронајдени на и под совозачкото седиште на возилото. Истите се привремено задржани, а против возачот ќе биде поднесено барање за поведување прекршочна постапка.– 3 килограми восок Cerewax, 50 плочки восок ARCAS LC, 364 вештачки заби од марките NT OPTIMA, Mega Plus и ERAY, 500 милилитри течност за моделирање Vision Modelling Liquid, 30 стругалки, 500 месингани колчиња и 1 сајла за мотор, откриени од страна на мобилните царински тимови, при контрола на бугарски автомобил, управуван од македонски државјанин, пријавен за влез во државата на граничниот премин Ново Село. Производите, пронајдени под предните седишта на возилото, се привремено задржани, а против возачот ќе биде поднесено барање за поведување прекршочна постапка.– 839 килограми свежи калинки и тиквички, откриени при контрола на стока наменета за увозник од Скопје, пријавена за увозно царинење во царинската испостава Гевгелија. Непријавените производи се привремено задржани, а против увозникот е поднесено барање за поведување прекршочна постапка.– 54 парчиња употребувана скијачка облека (јакни, панталони и ракавици), 167 освежувачи на воздух за возила и 374 парчиња врвци за чевли, откриени од страна мобилните царински тимови, при контрола на бугарски автомобил, управуван од македонски државјанин, пријавен за влез во државата на граничниот премин Деве Баир. Непријавените производи, пронајдени во 2 патни торби и 4 кеси, сместени во багажникот и во кровниот багажник на возилото, се привремено задржани, а против возачот ќе биде поднесено барање за поведување прекршочна постапка.– 1 уред за дијагностика на возила со ознака на заштитена трговска марка, откриен во царинската испостава Аеродром Скопје – отсек за стоково царинење, при контрола на ДХЛ пратка од испраќач од Сингапур, наменета за физичко лице од Скопје. Поради сомневање дека уредот повредува права од интелектуална сопственост, истиот е привремено задржан и согласно законските прописи ќе биде поведена постапка за утврдување на неговата оригиналност.

Македонија | пред 7 години

Нема фотографија

Уапсени двајца гостиварци затоа што си ја киднапирале роднината

Двајца гостиварци се приведени и задржани во полициска станица под сомнеж дека противправно лишиле од слобода нивна роднина.Според СВР Тетово, 30-годишната гостиварката Џ.С. синоќа околу 21 часот пријавила дека е противправно лишена од слобода во соба на мотел во Гостивар. По пријавата, приведени и задржани се нејзините роднини 32-годишниот А.А. и 40-годишниот Б.О. , двајцата од Гостивар. Тие со осомничени поради нивна инволвираност во противправното лишување од слобода.Се преземаат мерки и активности за целосно расчистување на случајот и под какви околности се одвивал настанот.

Македонија | пред 7 години

(ВИДЕО) Мицкоски: Владата води катастрофална економска политика

Добро за нас претставува особена чест и задоволство што ќе можеме и денес овдека во Сојузот на Стопански Комори да се практично запознаеме, да можеме и дел од проектите кои што ги предвидува ВМРО-ДПМНЕ но и економската програма која што ја подготвува ВМРО-ДПМНЕ да ја презентираме пред раководството на Сојузот на Стопански Комори, пред претседателката Арсовска, изјави Христијан Мицкоски.„Изминатиот период сведоци сме на една катастрофална политика од областа на економијата која што ја води СДСМ, Владата на СДСМ и таканаречениот економски тим кој што предвидуваше многу програми кои што за жал доживеаја комплетно фијаско во нивната имплементација.Мора да учиме од грешките, мора да учиме од она што не чини, да влечеме искуство од сето тоа и се разбира да го корегираме и да го подобруваме.Така што ВМРО-ДПМНЕ е подготвен. ВМРО-ДПМНЕ има изготвено економска програма која што знаеме дека ќе одговори на најголемиот дел од реалните потреби и проблеми на граѓаните.Така што добро е секогаш да се слушне мислењето од реалниот бизнис и реалната економија. За да можеме и тој дел исто така да го подобриме онаму каде што се разбира ќе добиеме критика околу или одредена сугестија, или совет околу определени економски политики кои што ги подготвуваме“, изјави лидерот на ВМРО-ДПМНЕ, Христијан Мицкоски. 

Македонија | пред 7 години

ССК: Структурните економски реформи да бидат национален приоритет

Економијата и спроведувањето на неопходните структурни економски реформи во земјата кои се препорака од Европската Унија, да се национален приоритет и да постои утврдена стратегија која ќе се имплементира долгорочно, како би се демонстирало движење во насока на подобрување на стабилноста и зголемување на правната сигурност во земјата, беа пораките упатени на денешниот состанок од претседателството на Сојузот на стопански комори на Македонија на средбата со делегација на ВМРО-ДПМНЕ, предводена од претседателот Христијан Мицковски.Претседателот на Сојузот, ја истакна важноста од развојот на малите и средни претпријатија како двигател на економијата во услови на предвидлив деловен амбиент и политичка стабилност, преку обезбедување на владеење на правото, како предуслов за остварување на одржлив економскиот развој. Порача дека некои прашања како економската благосостојба во земјата треба да имаат приоритет пред останатите интересни групи, за економски поразвиена Македонија со цел подобар животен стандард.„Повисок економски раст може да се постигне единствено со целисходна национална стратегија за развој на приватниот сектор, а во соработка со сите чинители во општеството, владини институции, невладиниот сектор, академската заедница, деловните организации, водени од заедничка цел, да делуваат на креирање долгорочна економска стабилност и просперитет за идните генерации. Сите политички чинители неопходно е континуирано да ги поддржуваат предложените мерки на деловната заедницата, особено за измени во легислативата кои се клучни за економскиот раст. На деловната заедницата и е потребен стабилен политички амбиент како би можеле да се релизираат предвидените инвестициски проекти со гаранција на инвестициите како одраз на зголемување на правната сигурност“, изјави Арсовска и додаде дека за стопанството најголем проблем е сивата економија, а веднаш потоа брзата промена на легислативата.Дополнително во контекст на донесување на национална стратегија за развој на приватниот сектор, беше истакната токму конзистентноста во спроведување на одредени мерки како приоритет, затоа што само со континуитет и професионален пристап може да се очекува некаков успех.На состанокот се дикустираше за активностите на Сојузот, состојбата во економијата по сектори со оглед на структурата на комората и предизвиците со кои компании се соочуваат во секојдневното работење, а беше истакната и важноста на приватниот сектор како двигател на економскиот раст кој генерира најголем број вработувања во земјата.

Македонија | пред 7 години

Нема фотографија

Со камион уништил инсталација и оставил без струја 100 семејства

Надворешната канцеларија за криминалистички работи  Гостивар поднесе кривична пријава против В.Х.(52) од село Вруток, гостиварско, за сторено кривично дело ,,уништување или оштетување на јавна инсталација“.На 08.11.2018 година околу 16,00 часот во село Долна Бањица, гостиварско, пријавениот управувајќи товарно моторно возило за пренос на бетон, сопственост на фирма при движење со истото оштетил кабел на јавната електрична инсталација, поради што настанал прекин на напојувањето со електрична енергија на  околу 100 домаќинства. 

Македонија | пред 7 години

Разбојници нападнале тинејџерка во Скопје

На 09.12.2018 година околу 17,50 часот во Скопје, на улица „Кеј Димитар Влахов“  две непознати лица со употреба на физичка сила извршиле разбојништво над 16- годишна девојка од Скопје и  одзеле мобилен телефон.Се преземаат мерки за расчистување на случајот.

Скопје | пред 7 години

Го измамил дека ќе го вработи во Германија и му земал 4000 евра

Надворешната канцеларија за криминалистички работи Делчево поднесе кривична пријава против Д.К.(31) од Неготино, за сторено кривично дело „измама”.Во период од  19.09. 2018 до 26.09.2018 година, со лажно претставување дека е директор кој раководи со проекти за вработување во Република Германија и дека ќе му обезбеди работа во Р. Германија, пријавениот довел во заблуда 42 годишно лице од село Моштица, Македонска Каменица и го навел во повеќе наврати на две трансакциски сметки на негово име да уплати парични средства, со што се стекнал со противправан имотна корист од 241.590 денари.

Македонија | пред 7 години

Нова измама со огревни дрва во Кисела Вода

На 09.12.2018 година во 21,30 часот К.Д.(73) од Скопје, пријавил дека на 08.12.2018 година околу 12,00 часот на улица “Сава Ковачевиќ“ од страна на непознато лице извршена му била измама.Имено лицето измамата ја извршил на тој начин што на 07.12.2018 година околу 11,30 часот дошол во дворот на пријавителот и му понудил дрва за огрев по цена од 2.500 денари од кубик при што оштетениот му кажал дека сака да купи пет кубика. Откако се договориле наредниот ден да се најдат и да одат во складот, на 08.12. на булевар “Борис Трајковски“ сторителот ја земал личната карта на К.Д., а исто така му земал и 12.500 денари за дрвата и му кажал да почека на автобуската постојка.По неколку минути сторителот повторно се вратил, му ја дал личната карта по што му рекол да оди пред фирма која била во близина кај еден од складовите и да ги почека дрвата. Откако никој не ги донесол дрвата, К.Д.  го пријавил случајот во полициска станица.Се преземаат мерки за целосно расчистување на случајот.

Скопје | пред 7 години

Нема фотографија

Продолжуваат акциите на гостиварската полиција – фатени две лица со марихуана

На 09.12.2018 година околу 20,40 часот на регионалниот пат Гостивар - Сушица, во близина на угостителски објект, лишени од слoбода се А.М.(26) село Балиндол, гостиварско и Б.Р.(25) од Гостивар. Кај нив пронајдена е и одземена марихуана.Се работи на расчистување на случајот.

Македонија | пред 7 години

(ВИДЕО) Костадинов: Заврши времето на системско прекршување на приватноста и основните човекови права и слободи

Денеска, на Меѓународниот ден на човековите права, како политичка опција, носител на промените, горди сме што дадовме придонес за заштитата на човековите права, за враќањето на слободата, демократијата и еднаквоста во општеството, изјави Костадин Костадинов на денешната прес-конференција.„Од „заробена“ држава, симбол за масовна злоупотреба и газење на основните човекови права, во која се случи масовно нелегално прислушување, монтирани судски процеси, уценети и заплашени медиуми и новинари, системски погазани права и слободи, денес Македонија е слободна држава во која се почитуваат и унапредуваат човековите права и слободи.Ја вративме слободата во Република Македонија. После деценија уназадувања, денеска, на Меѓународниот ден на човековите права со право можеме да кажеме дека граѓаните на Македонија се чувствуваат слободни, заштитени, еднакви и достоинствени.Обезбедена е целосна слобода на говор и слобода на јавно мислење.Од држава на замолчени, уценети и притиснати медиуми, денес во Македонија има слобода на говор, медиумите се ослободени од било каков притисок на власта, можат да известуваат и работат слободно и независно.Реформата во безбедносните институции обезбедени преку Собранието и надлежните инстицуции, формирањето на новата Оперативно-техничка агенција, е гарант дека заврши времето на нелегално следење на комуникациите на граѓаните“, изјави Костадинов.Тој додаде дека заврши времето на едно системско прекршување на приватноста и основните човекови права и слободи.„Во тек се реформи во правосудството, за еднаков пристап до правда, се гарантираат човековите права и слободи во институциите и во судскиот систем. Се унапредува и заштитува презумпцијата на невиност, а Македонија веќе не е земја на полициска тортура.Се унапредуваат и правата на децата. До крајот на годинава во социјалните установи ќе бидат сместени за 60 отсто помалку деца отколку во август минатата година.Со ратификацијата на Инстанбулската конвенција, овде во Собранието, државата и сите нејзини институции засилено ќе се се борат против домашното насилство и насилството врз жените.Активно се работи на реализација на ветувањето Македонија да биде држава без дискриминација.Подготвен е новиот Закон за спречување и заштита од дискриминација којшто обезбедува принцип на еднаквост во заштитата од дисриминација. Новиот Закон за спречување и заштита од дискриминација е во согласност со правото на ЕУ и меѓународните стандарди и за него е добиено позитивно мислење од Венецијанската комисија и од граѓанските организации.Остануваме посветени на градењето еднакво општество за сите граѓани. За таа цел, не само денеска, туку и останатите 365 дена во годината активно работиме на унапредување на човековите права и слободи, на еднаквоста и на владеењето на правото“, рече Костадинов.

Македонија | пред 7 години

Џафери-Ручи: Иднината на Западен Балкан е влез во големото европско семејство

На покана од претседателот на Собранието на Република Македонија, г. Талат Џафери, Делегација предводена од претседателот на Собранието на Република Албанија, г. Грамоз Ручи, е во официјална посета на Република Македонија. Претседателот на Собранието, г. Ручи, беше дочекан со високи државни почести, а првата средба на оваа официјална посета се оствари со домаќинот, претседателот на Собранието на Република Македонија, г. Талат Џафери. Посакувајќи му добредојде на својот хомолог, претседателот Џафери истакна дека за негопретставува особена чест да оствари средба со земја  пријателска Албанија, со која имаме одлични билатерални и мултилатерални односи и потенцираше дека парламентарното мнозинство се залага за добрососедска политика и евроатлантска интеграција. Притоа, ја поздрави поддршката што Република Албанија како членка на НАТО ѝ ја дава на Република Македонија и изрази надеж дека оваа поддршка ќе продолжи со зголемен интензитет особено во претстојните месеци кога се очекува финализирање на евроатлантската интеграција на Република Македонија со нејзино полноправно членство во НАТО.Во однос на евроинтеграциските процеси на двете земји, и двајцата претседатели истакнаа дека е потребна континуирана взаемна поддршка, бидејќи иднината на Западниот Балкан е влез во големото европско семејство на сите земји кандидати од овој регион. Двајцата соговорници разговараа за актуелните случувања во двата парламента, како и за предвидените парламентарни активности во наредниот период и заеднички констатираа дека двата парламента треба да ја зајакнат соработката на ниво на групи за соработка, комисии и на административно ниво.Претседателот Ручи истакна дека се посветува посебно внимание на малцинствата кои живеат во Албанија, а за тоа добар пример е македонското малцинство во Пустец. Исто така, претседателот Ручи посебен акцент стави на големите предизвици кои Република Македонија ги надмина со успех, како што е референдумот, Законот за јазици, Договорот со Грција, кои се пример и патоказ за една земја која умее да покаже дека е подготвена за полноправно членство во Европската Унија. За време на средбата се истакна дека двете соседни земји споделуваат заеднички интереси во многу области, и во таа насока од големо значење се економските, инфраструктурните и енергетските проекти, како што е изградбата на патот Ќафасан - Елбасан како дел од Коридорот 8, автопатот Елбасан – Дебар, како и железничката врска меѓу двете земји, проекти коишто се во завршна фаза.Двајцата соговорници се согласија дека оваа официјална посета е продолжение на одличната соработка на парламентарно ниво, при што ги охрабрија парламентарните групи за соработка на двата парламента да ги интензивираат односите. 

Македонија | пред 7 години

Кривична против двајца скопјани и еден Грк поради трговија и криумчарење на мигранти

Одделот за сузбивање на организиран и сериозен криминал до Основното јавно обвинителство за гонење на организиран криминал и корупција поднесе кривична пријава против лицата двајца скопјани, едниот на возраст од 28-години со иницијали А.А. и вториот на возраст од 41 година со иницијали Љ.Ш., како и против НН лице од Грција поради постоење основи за сомнение дека сториле кривични дела „организирање на група и потикнување на извршување на делата трговија со луѓе, трговија со дете и криумчарење на мигранти“ и „криумчарење на мигранти“, согласно КЗ на Република Македонија, велат од МВР.„Пријавените, заедно со лицата А.Н. и Л.С., кои претходно беа опфатени со кривична пријава, заради стекнување на противправна имотна корист, организирале криминална група, со цел вршење на кривични дела криумчарење на групи илегални мигранти од територијата на Грција на територија на Република Македонија. По ова, илегалните мигранти биле прифаќани од страна на членовите на криминалната група предводена од пријавените, ги превезувале кон Кумановско- липковскиот регион, каде времено се засолнувале, а потоа илегалните мигранти се криумчареле кон Србија“, соопштуваат од МВР.Од страна на Судија на претходна постапка на А.А. и Љ.Ш им е одредена и мерка притвор во траење од по 30 дена.

Македонија | пред 7 години

АХВ: Во Македонија нема Африканска свинска чума

Агенцијата за храна и ветеринарство го демантира известувањето пратено до собирачите на други шумски производи, испратено од ,,Македонски шуми,, ПСШ Демир Капија во кое неодговорно се тврди дека во Република Македонија е потврдена појавата на опасната заразна болест Африканска свинска чума кај диви свињи.„Бараме од одговорното лице во ова јавно претпријатие кое ја дезинформира јавноста и непотребно внесе страв и паника кај граѓаните официјално да ја демантира ваквата дезинформација.Како одговорна институција ја информираме јавноста дека во Република Македонија во моментов нема појава на болеста Африканска чума кај свињите, ниту во фармите, ниту кај популацијата диви свињи.Состојбата со болеста во соседството и во другите земји каде е потврдено нејзиното присуство од страна на Агенцијата за храна и ветеринарство будно се следи на дневна основа и доколку има нејзина појава и кај нас, Агенцијата навремено ќе реагира и ќе ја информира јавноста“, велат од Агенцијата за храна и ветеринарство.Оттаму апелираат до лицата кои собираат шумски производи, или други лица кои по било кој основ ќе најдат мрша од дива свиња, за тоа да го известат надлежниот официјален ветеринар од Агенцијата за храна и ветеринарство или најблиското ветеринарно друштво.„Во соработка со фармерите Агенцијата активно работи на зајакнување на биосигурносните мерки на свињарските фарми со цел спречување на појава и ширење на оваа болест кај нас, а во тек е и реализацијата на активностите за спроведување на попис на свињарските фарми.Бидејќи болеста е потврдена во соседна Бугарија, но и во други земји од Европа и регионот, на сила се решенијата за забрана за увоз од земјите каде е потврдено присуството на болеста. Донесено е и Решение за воведување на безбедносни мерки во однос на болеста Африканска чума кај свињите со кое на сточарите кои одгледуваат свињи им се наложи преземање на безбедносни мерки на фармите.За рано откривање, спречување и контрола на Африканска свинска чума во фармите и во природата и за подигнување на свеста за оваа болест, со поддршка на Организацијата за земјоделство и храна на Обединетите Нации – ФАО, Агенцијата за храна и ветеринарство во соработка со Министерството за земјоделство,шумарство и водостопанство од идната година ќе работи на реализација на проект за подигнување на свеста за болеста Африканска свинска чума кај ветеринарите, шумарските служби, свињарските фарми, фармерите и ловџиите“, велат од АХВ

Македонија | пред 7 години

(ВИДЕО) Шилегов од 300 на 800 денари ја зголеми цената на паркинг во Клинички

Советот на Град Скопје на денешната 22-ра седница ја усвои Одлуката за изменување и дополнување на ценовникот на услугите што ги извршува ЈП „Градски паркинг“. Со усвоените измени на оваа одлука ќе поскапе паркирањето за вработените во Клиничкиот центар, односно вработените во Клиничкиот центар наместо 300 ќе плаќаат 800 денари месечна карта за паркирање во комплексот на Клиничкиот центар.Градоначалникот Шилегов истакна дека се укинува повластената цена од 300 денари и се врши усогласување со цените што ги плаќаат граѓаните за услугите на ЈП „Градски паркинг“ во насока на регулирање на сообраќајниот хаос во рамките на Клиничкиот центар.https://www.facebook.com/p.shilegov/videos/369122350315467/- На Клиничкиот центар заради евтин популизам се издадени 1.500 месечни карти за кои вработените плаќаат повластени 300 денари во услови кога на паркингот има 670 места. За пациентите или корисниците на услугите на ЈП „Градски паркинг“ на Клиничкиот центар цената останува иста, изјави Шилегов.Шилегов потенцираше дека зголемувањето на цената на месечната карта за вработените ќе придонесе да се намали сообраќајниот хаос во рамките на Клиничкиот центар во ситуација кога се издадени 1.500 месечни карти за вработените, а граѓаните немаат каде да паркираат.

Скопје | пред 7 години

Кривична против Тодоров и Кралев, осомничени се дека го оштетиле Буџетот за 80.000 евра

Управата за финансиска полиција до Основното јавно обвинителство за гонење на организиран криминал и корупција поднесе кривична пријава против поранешните министри за образование Никола Тодоров и Панче Кралев и против И.Е. – поранешен советник за капитално инвестирање во Министерството и Н.Х. – овластен раководител на сектор во МОН под сомнение за злоупотреба на службената положба и овластување со што го оштетиле државниот Буџет за речиси 80.000 евра, пишува Фокус.„МОН во текот на 2009 година по претходно спроведена постапка за јавна набавка склучило договор за градење со изведувачот ‘Конструктор инжинеринг’ АД Сплит за реконструкција и адаптација на Домот на АРМ во Охрид за потребите на Универзитетот за информатички технологии. Првопријавениот Н.Т. како министер за образование и наука имал обврска да ги почитува законските процедури наведени во договорот и да го заштити Буџетот на МОН. Второпријавениот И.Е. како советник за капитално инвестирање имал обврска, согласно условите и роковите наведени во договорот, да ја следи реализацијата на договорот за градење и да го известува министерот за образование и наука за текот на изведбата како и за сите настанати проблеми при изведбата. Пријавените и покрај тоа што биле свесни и запознаени за ненавременото извршување на работите од страна на изведувачот во текот на 2009 година не презеле активности за активирање и наплата како и не побарале продолжување на рокот за важност на банкарската гаранција за добро извршување на работите пред истекот на нејзината важност, спротивно на Законот за јавни набавки и договорот со изведувачот – се наведува во соопштението од Финансиската полиција.

Македонија | пред 7 години

(ВИДЕО) „Анима мунди“: Скопјанец среде бел ден му го застрелал кучето на соседот

Во сабота среде бел ден скопјанец застрелал куче за кое се грижел неговиот сосед во Трубарево со цел да го убие и со образложение дека му ги бркало кокошките. Со пушка го застрлал и оставил кучето да умре, објави „Анима мунди“.https://www.facebook.com/AnimaMundiMacedonia/videos/510625749420889/„Погледнете го кучето – мало, сосем безопасно кутре кое одвај тежи 10 килограми, застрелано во глава и оставено да се влече и го испушти последниот здив. Неговата среќа во несреќа е што луѓето кои го вдомиле од улица и се грижат за него го слушнале истрелот, повикале полиција и веднаш излегле да го бараат, по што се обидуваат да го спасат. Снимката е вознемирувачка. Снимката е вознемирувачка, но неопходно е да се види со што се соочуваат животните секојдневно и во каква држава ние живееме, затоа што насилството врз нив не е исклучок, туку норма. Бараме најстрога кривична казна за сторителот на ова дело, затворска казна за него и секој друг кој ќе посегне со насилство врз животните. Очекуваме полицијата да постапи согласно пријавата од сопствениците и доказите кои ги затекнале на лице место, пушка која се користела и која освен по кучето е закана за безбедноста на секој поединец“, велат од „Анима мунди“.Оттаму додаваат дека се згрозени што злоставувањето на животните во нашата држава е зад секој агол и на секој чекор, за насилството се молчи или како по правило се неутрализира по важност.„Бараме итно Полиција за животни во Македонија или ополномоштена Служба за превенција/евиденција/санкција на насилството врз животните во Македонија составена од членови на здруженијата, љубители и активисти кои се единствени кои ваквите деликти ги истражуваат и пријавуваат, додека институциите постапуваат само реактивно, кога мораат – во спротивно одбираат да молчат. Тоа е концепт кој со години го предлагаме да влезе во Законот за заштита и благосостојба на животните, кој се игнорира а кој сега има вистинска можност да се дефинира во законот, бидејќи законот ќе претрпи ревизија и измени.Апелираме до граѓаните кои имаат сознанија за вакви или слични инциденти да пријавуваат во полиција или да не контактираат и ни го проследат секој можен доказ кој би помогнал да поднесеме тужби – на тој начин ќе придонесат ваквото грозоморие да запре.Следете го примерот на луѓето кои пријавија чија хуманост е спасот за ова куче“, стои во соопштението.

Македонија | пред 7 години

Нема фотографија

Убиство во Драчево: Внук си ја заклал бабата

Грозоморно убиство се случи попладнево во Скопје, во населбата Драчево.Според неофицијални податоци на Пресс24, внук попладнево ја заклал својата баба во Драчево.Засега не се знаат мотивите за убиството, ниту идентитетот на убиецот и жртвата.Случајот нема потврда од МВР.

Скопје | пред 7 години