Одбројувањето почнува: Рокови, листи и речиси 10 милиони евра за локалните избори

Собранието најдоцна до сабота треба да ги распише локалните избори, кои ќе се одржат на 19 октомври. Вториот круг, каде што ќе биде потребен, е закажан за 2 ноември. Граѓаните ќе избираат градоначалници и советници во 80 општини, како и во Градот Скопје.Станува збор за најмасовниот изборен процес во државата, со оглед на бројот на учесници и обемот на изборната администрација.За разлика од претходните изборни циклуси, дијаспората овојпат нема да учествува во гласањето. Единствена можност за нашите државјани кои живеат надвор од земјата е да допатуваат и да го искористат правото на глас тука.Државната изборна комисија веќе неколку месеци се подготвува за изборниот процес. Веднаш по распишувањето, ќе се одржи јавна седница на која ќе биде објавен календарот со сите рокови и изборни дејствија, како и правата и обврските за учесниците во изборите, медиумите и избирачките органи.До крајот на август ќе биде спроведен случајниот избор на 21.000 административци кои ќе бидат ангажирани во избирачките одбори на околу 3.500 гласачки места. Во текот на септември, тие ќе поминат обука, а ќе добијат и прирачници за работа.Во исто време, партиите што добија најмногу гласови на последните избори – ВМРО-ДПМНЕ, СДСМ, ДУИ и Вреди – треба да предложат уште 14.000 членови за избирачките одбори. Причината за новиот состав е истечениот мандат на досегашните членови.Општинските изборни комисии остануваат во сегашниот состав, бидејќи нивниот мандат трае уште една година. Тие имаат клучна улога – од прием и потврдување на кандидатските листи, до одлучување по жалби и приговори поврзани со правото на глас.Еден од најважните рокови е увидот во Избирачкиот список, кој започнува 15 дена по распишувањето на изборите и трае 20 дена. За тоа време, граѓаните кои имаат право на глас ќе можат да ги проверат податоците и да поднесат барања за корекции – електронски или преку подрачните канцеларии. И сега е можно тоа да се направи, но конечниот ажуриран список ќе биде подготвен веднаш по распишувањето.Буџетот за локалните избори 2025 изнесува 9,76 милиони евра. Најголемиот дел од овие средства – околу две третини – се наменети за платено политичко рекламирање во медиумите. Дел од средствата ќе се користат и за надоместоци на членовите на избирачките одбори, како и за транспортот и логистиката поврзана со гласачкиот материјал. Дел од трошоците ги покриваат и општините, а изборната комисија најавува дека се преземаат мерки за рационализација и намалување на трошоците каде што е можно.

Македонија | пред 6 месеци

„Карикатурата нека биде комплетна“ – Софија Куновска остро за плановите за довршување на споменикот на Мајка Тереза

Поранешната советничка во Град Скопје од редовите на СДСМ, Софија Куновска, со остра критика за најавата дека ќе се довршува споменикот на Мајка Тереза на Плоштад Македонија. Таа смета дека не станува збор за културна политика, туку за евтин популизам и обид за лична кампања на сметка на јавните пари.Во објава на ФБ, Куновска пишува дека „културата не е бетон и бронза, туку инвестиција во ум, визија и идеи“, и предупредува дека Скопје нема да стане метропола со доградба на, како што вели, „заборавените скелети“.Споменикот на Мајка Тереза ќе се довршувалПосле години молк и занемарување, институциите одеднаш се сетија да го довршуваат споменикот на Мајка Тереза на Плоштад Македонија. Зошто? Затоа што, како што велат, „веќе биле потрошени пари“. Тоа е сè што имаат да кажат – не културна визија, не вредносна позиција, туку проста бирократска сметка.Ова не е културна политика. Ова е евтин популизам. Празно глумење грижа, зад кое се крие хроничен недостаток на идеи, интегритет и вистинска посветеност на културата.Културата не е споменик. Културата не е бетон, бронза и малтер.Културата не е трошок, културата е инвестиција.Во ум, во талент, во визија, во идеи со кои ќе се натпреваруваме со светот. Во нешто што ќе не препорачува за најдобри на светот.Скопје нема да стане метропола со доградба на заборавените скелети. Ќе остане завиткан во лепливата прашина, кич и урбана смрдеа ако и понатаму го водат луѓе без визија, без слух и без срам.Не е ова споменик за Мајка Тереза. Ова е споменик за нечија неспособност. За нечија лична кампања.Ако веќе решивте да доградувате, обновете ги и бродовите – нека биде карикатурата комплетнa, порача Куновска.фото: ФБ

Скопје | пред 6 месеци

Конески: Лицемерно е СДСМ да зборува за младите откако претходно 7 години ги заборавија, ВМРО-ДПМНЕ е партнер на младите

„Лицемерно е после ветувањето за студентските градови и домови низ државата, СДС да зборува за младите. Ниту со прст не мрднаа, ниту еден проект не реализираа за младите. Единствено одредени млади купуваа трговци центри, а останатите си заминуваа“ , вели Тодор Конески и додава:СДСМ ги остави младите и студентите понижени и посрамотени, откако им ветуваа брда и долини на истите. Од студентски градови и домови, до покачени стипендии и поддршка. Не само што ништо не исполнија, туку и дел од овие ветувања и ги укинаа.Затоа младите и не им даваат поддршка на СДСM и јасно ќе го повторат тоа на претстојните локални избори. Младите знаат кој е нивниот вистински партнер, а тоа е Владата предводена од ВМРО-ДПМНЕ.250 евра ваучери за електронски уреди за сите студенти, 10 илјади евра за отпочнување на сопствен бизнис, 10 илјади евра за млад земјоделец, во текот на мандатот ќе бидат реконструирани 9 студентски домови низ државата, реконструкција на ФИНКИ и на ФФК, како и спортската сала во кругот на УКИМ. Се покачуваат стипендиите за студентите, се прошири опсегот на субвенциониран студентски оброк, нов факултет во Штип и студентски дом, се дел од проектите кои Владата предводена од ВМРО-ДПМНЕ ги презема по само една година владеење, за поддршка и стимулирање на младите.Ова е само дел од огромната разлика која ја правиме во однос на младите. Ако претходно младите гледаа излез од оваа држава, сега имаат надеж дека може подобро и дека можат да останат и да творат тука.

Македонија | пред 6 месеци

Братоубиство во Кавадарци: го убил, закопал и покрил со шперплоча

Основното јавно обвинителство Кавадарци донесе Наредба за спроведување истражна постапка против едно лице за кое постои основано сомнение дека е сторител на кривично дело – Убиство од член 123 став 1 од Кривичниот законик.Осомничениот 43-годишник, на 27 јули во вечерните часови, го лишил од живот својот една година помлад брат, удирајќи го неколку пати со метален предмет по главата. Делото го извршил по вербална расправија во дневната соба во домот на оштетениот.Потоа во период од неколку дена презел повеќе дејствија за да го прикрие делото и да уништи трагите – ја избришал крвта од подот и предметите, а телото го пренел во помошна просторија во дворот на куќата, каде го закопал и го покрил со шперплоча и други предмети.Поради опасноста да се даде во бегство, но и да преземе и дополнителни дејствија за уништување на трагите, јавниот обвинител до судијата на претходна постапка од Основниот суд во Кавадарци достави предлог за определување мерка притвор за осомничениот.

Македонија | пред 6 месеци

Си го убил братот! Расчистена мистериозната смрт во Кавадарци, сестрата го пријавила делото

Министерството за внатрешни работи соопшти дека е расчистено тешко убиство во Кавадарци, при што 43-годишен маж е пријавен за убиство на својот брат. Телото на жртвата било пронајдено закопано во помошен објект во дворот од заедничкиот семеен дом, по пријава од нивната сестра. Осомничениот го признал делото во службен разговор со надлежните.Денеска (06.08.2025), ОВР Кавадарци до Основното јавно обвинителство Кавадарци, поднесе кривична пријава против С.И.(43) од Кавадарци поради постоење основи на сомнение дека сторил кривичнo делo „убиство“ по член 123 од Кривичниот законик. Тој се сомничи дека на 27.07.2025 во семејниот дом во Кавадарци со метален предмет нанел повреди на неговиот брат И.И.(42) од Кавадарци, од кои тој починал, по што телото го закопал во помошен објект во дворот од заедничката куќа.Имено, вчера (05.08.2025), нивната сестра В.О.(44) во 11:00 часот во ОВР Кавадарци го пријавила за исчезнат нејзиниот брат И.И.. Додека, во 13:00 часот пријавила дека во помошниот објект во дворот од куќата на нејзините браќа, каде што отишла со сопругот, забележале дека има ископ покриен со ровка земја, по што се посомневале дека е можно нејзиниот исчезнат брат да е закопан внатре.Веднаш по пријавата, на местото излегле јавен обвинител, полициски службеници и претставници од Институт за судска медицина Скопје, а од погребално претпријатие откопана е дупката и било пронајдено телото на И.И.. По наредба на јавен обвинител, телото на починатиот било дадено на обдукција и вештачење. Истиот ден во 14:40 часот, по извршени оперативни проверки и добиени сознанија и во координација со јавен обвинител, полициски службеници го лишиле од слобода С.И., по што го спровеле во јавното обвинителство, каде во службен разговор го признал делото.

Македонија | пред 6 месеци

МВР најавува казни за навивачи поради говор на омраза на натпреварите во Куманово и Скопје

Министерството за внатрешни работи испрати јасна порака дека нема да толерира говор на омраза на спортските трибини и најави ригорозни санкции за сите прекршувања на јавниот ред и мир. Во соопштението се посочува дека се веќе преземени конкретни мерки за инциденти регистрирани на спортски настани во Куманово и Скопје.Во продолжение соопштението од МВР во целост:МВР најстрого ќе го санкционира говорот на омраза, само за спортското навивање има место на трибинитеМинистерството за внатрешни работи во континуитет апелира до сите граѓани и членови на навивачки групи да ги бодрат своите спортски клубови, но да навиваат спортски, исклучиво во спортски дух, без говор на омраза, без било какви навреди по лична, етничка, верска или било која друга припадност што не соодветствува на спортски натпревари и е спротивно на законот.Во тој контекст, МВР уште еднаш нагласува дека во рамки на обезбедувањето на мирни и непречени спортски натпревари, како во минатото така и сега и во иднина, полицијата ќе биде крајно ригорозно по однос на било какви нарушувања на јавниот ред и мир, односно било какви навредливи скандирања и друг начин на ширење на говор на омраза.За потсетување, во врска со кошаркарскиот натпревар што се одржа на 02.08.2025 во Спортската сала во Куманово, во СВР Куманово веќе се повикани неколку осомничени лица со кои што е извршен службен разговор, и по извршени анализи во координација со ОЈО Куманово ќе бидат преземени конкретни законски мерки а едно лице е лишено од слобода и против него ќе следи соодветен поднесок.Што се однесува за фудбалскиот натпревар кој се одржа на арената Тодор Проески во Скопје на 05.08.2025, СВР Скопје врз основа на снимениот и документиран материјал презема мерки во координација со надлежен јавен обвинител. Имено, доставено е писмено известување до Обвинителството врз основа на веќе утврдениот материјал, по што МВР ќе постапува согласно своите надлежности во координација со ОЈО и за било какви утврдени законски прекршувања ќе следуваат соодветни поднесоци, за што јавноста благовремено ќе биде информирана.

Македонија | пред 6 месеци

Млад возач со ауди прегазил 11-годишно девојче во Скопје, со тешки повреди е пренесоно на клиниките

Сериозна сообраќајна несреќа се случила синоќа на булеварот „Христијан Тодоровски Карпош“ во Скопје, при што 11-годишно девојче било прегазено од патничко возило. Малолетнoто девојче се здобил со тешки телесни повреди и било пренесена на лекување во Комплексот клиники „Мајка Тереза“. Министерството за внатрешни работи информира дека увид на местото извршила екипа на СВР Скопје.На 05.08.2025 во 22:00 часот во СВР Скопје било пријавено дека на бул.„Христијан Тодоровски Карпош“ во Скопје, патничко возило „ауди“ со скопски регистарски ознаки, управувано од Ф.Ф.(23) од Скопје, удрило во 11-годишна малолетничка од Скопје. Во несреќата со тешки телесни повреди се здобила малолетничката, констатирани во Комплекс клиники „Мајка Тереза“ Скопје. Извршен бил увид од увидна екипа на СВР Скопје.

Скопје | пред 6 месеци

Тројца браќа и нивниот татко од Чаир нападнале полицајци по обид за пукање врз скопјанец

Насилен инцидент и обид за вооружен напад завршил со апсење на четири лица, меѓу кои и малолетник, на подрачјето на скопската општина Чаир. Министерството за внатрешни работи информира дека по претходна физичка пресметка, приведените се спротивставиле и на полициски службеници, напаѓајќи ги при интервенцијата.На 05.08.2025 околу 23:30 часот на подрачјето на Чаир, полициски службеници од СВР Скопје ги лишиле од слобода К.Р.(54), Бе.Р.(24), Б.Р.(24) и 14-годишник, сите од Скопје. Според пријавеното, околу 22.50 часот на подрачјето на Чаир, Бе.Р. и Б.Р. физички го нападнале Б.С. од Скопје, при што Бе.Р. извадил пиштол со намера да пука по што заминале од лице место. Откако биле пронајдени, двајцата со нивниот татко К.Р. и 14-годишниот брат физички ги нападнале полициските службеници, по што сите биле лишени од слобода. По целосно документирање на случајот, против нив ќе бидат поднесени соодветни пријави.

Скопје | пред 6 месеци

Застрелан 25-годишен скопјанец пред својот дом на Бит Пазар по расправија за сообраќај

Нерасчистени сообраќајни недоразбирања прераснале во вооружен инцидент во скопската населба Бит Пазар, при што 25-годишен маж бил застрелан пред својот дом. Министерството за внатрешни работи информира дека инцидентот се случил по полноќ, а повредениот бил пренесен во Ургентниот центар со прострелни рани во градниот кош и раката.-На 06.08.2025 околу 01:10 часот во СВР Скопје, од Ургентен центар при Комплекс клиники „Мајка Тереза“ било пријавено дека кај нив со повреди од огнено оружје бил донесен О.Е.(25) од Скопје. Според пријавеното, околу 00:30 часот пред дворот од негова куќа на подрачје на Бит Пазар, поради недоразбирање во сообраќајот, настанала расправија помеѓу него и соседот Ќ.Ч., по што соседот физички го нападнал. Како што е пријавено, после тоа Ќ.Ч. и лицата М.Ч., Ш.Ч., О.Ч. и Б.М. влегле во дворот на О.Е. и физички ги нападнале и неговиот татко и брат Д.Е. и М.Е., при што Ќ.Ч. извадил пиштол, пукал и го погодил О.Е. во градниот кош и раката. Увид извршила екипа на СВР Скопје и на местото биле пронајдени три чаури. По целосно расчистување и документирање на случајот, ќе бидат поднесени соодветни пријави.

Македонија | пред 6 месеци

Хелсиншки: Повиците за „Голема Албанија“ и „Илирида“ поттикнуваат омраза и раздор

Хелсиншкиот комитет за човекови права реагира поради националистичките пораки што одекнуваа од трибините на фудбалскиот натпревар меѓу Шкендија и Карабах, одигран на 5 август на Националната арена „Тодор Проески“ во Скопје. Комитетот ја осуди содржината на навивачките повици, оценувајќи дека тие не одразуваат спортски дух и дека поттикнуваат меѓуетнички тензии.„И покрај апелите од јавноста и институциите за фер и спортско навивање, од трибините се слушнаа повици за „Голема Албанија“, „Чамерија“ и „Илирида“ пораки кои се далеку од манифестирање на спортски дух и придонесуваат за поттикнување меѓуетнички поделби, ја нарушуваат меѓуетничката кохезија, а имаат потенцијал да предизвика и злосторства од омраза. Дополнително загрижувачки е фактот што ваквите извици не доаѓале само од навивачката група „Балисти“, туку биле извикувани од дел од публиката и тоа во присуство на високи државни функционери“, се вели во реакцијата на Хелсиншкиот комитет.Во соопштението се посочува дека на трибините присуствувале високи функционери, меѓу кои претседателот на Собранието Африм Гаши, вицепремиерот Изет Меџити, министерот за економија Валон Дурмиши, како и лидерите Али Ахмети и Арбен Таравари. Комитетот забележува дека никој од нив не реагирал на спорните скандирања.„Посебно дискутабилна е изјавата на претседателот на Собранието, кој од една страна вели дека не ги слушнал повиците додека бил присутен на натпреварот, а од друга страна јавно им честитал на навивачите нарекувајќи ги „достоинствен пример за националните вредности“. Овие контрадикторни ставови испраќаат опасна порака за толеранција на говорот на омраза и политичко навивање на спортски терени. Осудата на говорот на омраза од страна на политичарите е еден од клучните фактори против ширењето на оваа појава бидејќи говорот на омраза произведува уште повеќе говор на омраза, а има потенцијал да предизвика и злосторства од омраза“, стои во реакцијата.Хелсиншкиот комитет упати апел до Министерството за внатрешни работи и до надлежните институции итно да постапат по најавените мерки за санкционирање на овие инциденти.„Селективната примена на законите, во зависност од етничката или политичката припадност на сторителите е неприфатлива и дополнително ја нарушува довербата на граѓаните во институциите. Спортските натпревари мора да бидат место на взаемно почитување, фер игра и градење на соживот. За говорот на омраза и националистичките пораки нема место ниту на трибините, ниту во јавниот дискурс“, се наведува во соопштението од Хелсиншкиот комитет.

Македонија | пред 6 месеци

(Видео) Таско со лична исповед: „Осум месеци сум трезен, а се будев со треперливи раце“

Македонскиот рапер Христијан Тасковски – Таско отворено проговори за својата борба со алкохолизмот, откривајќи дека веќе осум месеци не консумира алкохол. Во искрената објава споделена на неговиот инстаграм-профил, тој ги опишува најтешките моменти, внатрешната борба, поддршката што ја добил од сопругата и патот до трезвен живот. Со својата порака охрабрува и други кои се соочуваат со истиот проблем: „Ако можев јас, можеш и ти.“

Македонија | пред 6 месеци

Девет години од катастрофалното невреме во Стајковци – ќе се постави спомен-плоча во чест на загинатите

Денес се навршуваат девет години од едно од најтешките невремиња што го зафати Скопје и неговата околина, кога поројните дождови и поплави однесоа 22 човечки животи. Најпогодени беа скопските населби Стајковци, Сингелиќ, Инџиково, Ченто и делови од Гази Баба.По тој повод, градоначалникот на Општина Гази Баба, Бобан Стефковски, најави дека ќе започне постапка за поставување на спомен-плоча, како траен симбол на сеќавање и почит за настраданите.„Во 2026 година ќе одбележиме 50 години од постоењето на општината и 10 години од трагичната поплава. Во таа чест, ќе покренам иницијатива за поставување спомен-плоча, како потсетник на загубените животи, но и на храброста, солидарноста и човечноста што граѓаните ја покажаа во тие тешки моменти“, изјави Стефковски, повикувајќи ги граѓаните, институциите и организациите да се приклучат.Во катастрофата животот го загубија 22 лица, меѓу кои и двегодишно дете. Многумина беа повредени, а бројни домови беа целосно уништени. Според податоците на Управата за хидрометеоролошки работи, на тој ден врнежите достигнале 93 литри на метар квадратен, а во само два часа биле регистрирани над 800 молњи.Владата тогаш прогласи кризна состојба, а Црвениот крст заедно со граѓаните организираше бројни хуманитарни акции за помош на погодените семејства.

Скопје | пред 6 месеци

Настава и за децата на Детската клиника – од септември почнува образовна поддршка за тешко болни ученици

Од септември, учениците кои се на долг болнички третман на Клиниката за детски болести во Скопје, вклучително и децата со малигни заболувања, ќе добијат можност да следат формално основно образование. Министерството за образование и наука веќе започна со обуки на наставници за работа со овие деца, а наставата ќе се организира и за оние кои се лекуваат дома.„Децата со канцер, покрај лекување во болница, се рехабилитираат во домашни услови. Наставникот определен за детето може да го посети во домот, доколку има услови и доколку дозволи здравствената состојба на детето, или онлајн да го совладуваат потребниот материјал. Покрај тоа што тие нема да ја изгубат годината, тие ќе бидат и мотивирани. Дали во клиника, дали во домашни услови или во центар за рехабилитација, наставата ќе се одвива, а со тоа и социјализацијата на овие деца“, изјави министерката за образование и наука Весна Јаневска.Истовремено, ќе се направи анализа дали и колку ученици повредени во пожарот во Кочани ќе имаат потреба од ваков вид настава во домашни услови.Со измените во законската и подзаконската регулатива, училиштата каде што се запишани болните деца се должни да ги вклучат во наставата – преку директно онлајн предавање, индивидуална или асинхрона настава, со користење на дигитални алатки. Целта е децата да немаат прекин во образованието и полесно да се вратат во училиштата по завршување на лекувањето.Во моментот на Клиниката за детски болести се лекуваат околу 20 деца, а нивното лекување трае до две години, од кои најмалку шест месеци во болнички услови.

Македонија | пред 6 месеци

Трагедија во Газа: Камион со хуманитарна помош се преврте, најмалку 20 загинати

Најмалку 20 лица го загубија животот кога камион натоварен со храна се преврте врз група цивили кои чекале ред за помош во централниот дел на Појасот Газа, соопшти Цивилната одбрана на палестинските власти.Несреќата се случила во областа Нусеират во текот на ноќта, кога стотици лица биле собрани во очекување на хуманитарна распределба. Портпаролот на Цивилната одбрана, Махмуд Басал, изјави дека возилото се превртело поради движење по оштетени и претходно бомбардирани патишта.Според Басал, израелската армија го насочила камионот да се движи по нестабилна рута, што резултирало со трагичниот инцидент.

Свет | пред 6 месеци

Додик индиректно најави дека нема доброволно да го напушти претседателското место по одземањето на мандатот: „А што ако одбијам?“

Милорад Додик, претседателот на Република Српска, повторно предизвика бурни реакции откако Секторот за избори на Централната изборна комисија на Босна и Херцеговина донесе одлука со која му се одзема мандатот, како последица на правосилната пресуда за едногодишна затворска казна и шестгодишна забрана за извршување јавни функции.Додик на социјалната мрежа Х (поранешен Твитер) објави две пораки, од кои едната гласеше: „А што ако одбијам?“, додека другата, уште поостра, гласеше: „Уште едно го**о од Сараево. Последно“. Со овие изјави Додик индиректно најави дека нема намера доброволно да го напушти претседателското место, и покрај правосилната пресуда на Судот на БиХ, според која нема право да ја извршува функцијата.Неговата одбрана, предводена од адвокатот Горан Бубиќ, најави поднесување жалба до Апелацискиот оддел на Судот на БиХ, како и барање за привремена мерка за одлагање на извршувањето на пресудата. Понатаму, се планира жалба и до Уставниот суд на БиХ.Во меѓувреме, Владата на Република Српска, која вчера одржа вонредна седница, донесе осум заклучоци, меѓу кои и отфрлање на пресудата и повик до сите политички партии да застанат зад Додик. Се најавува и нова седница на Народното собрание на РС.Иако правниот пат за одбрана е сè уште отворен, политичкиот отпор што го демонстрира Додик најавува нестабилност во претстојниот период. Привремен претседател би требало да биде потпретседателот Дамир Прњиќ, познат и како „Хрватот на Додик“, кој доаѓа од редовите на ХДЗ.

Свет | пред 6 месеци

Трампова администрација ѝ наредила на НАСА да ја прекине мисијата за следење на климатските промени?

Белата куќа, наводно, ѝ наредила на НАСА да обустави две клучни сателитски мисии за следење на климатските промени, објави американскиот NPR. Станува збор за мисиите Orbiting Carbon Observatories – сателити кои обезбедуваат исклучително вредни податоци за концентрациите на јаглерод диоксид и растот на растителната маса на глобално ниво.Овие сателити досега беа користени од страна на научници, но и од компании во енергетскиот и земјоделскиот сектор, за да добијат прецизни информации за влијанието на човековата активност врз емисиите на стакленички гасови.Еден од сателитите е прикачен на Меѓународната вселенска станица, додека вториот е самостоен. Ако дојде до укинување на мисијата, вториот сателит ќе биде изваден од својата орбита и ќе изгори при влегување во атмосферата.Според поранешниот вработен во НАСА, Дејвид Крисп – еден од научниците кои работеле на овие инструменти – во последните месеци му се обратиле активни вработени со многу специфични прашања кои, според него, „јасно укажуваат дека им е наложено да изготват план за гасење на мисијата“.„Нема никаква економска логика да се прекине мисија која дава извонредно квалитетни податоци, особено кога годишно чини само 15 милиони долари – минимален трошок во однос на годишниот буџет на НАСА од 25,4 милијарди долари“, вели Крисп за NPR.Извештајот на НАСА од 2023 година истакна дека податоците што ги обезбедуваат овие сателити се „исклучително прецизни и со висока научна вредност“.И други научници кои се потпирале на овие мисии добиле слични сигнали и прашања поврзани со нивната евентуална обустава.Со потенцијалното прекинување на мисиите, САД би останале без еден од најпрецизните извори за глобално следење на емисиите на CO₂ – во период кога климатските предизвици бараат зголемена, а не намалена научна ангажираност.

Свет | пред 6 месеци

Трамп без јасен став за анексијата на Газа – Нетанјаху најавува целосна окупација

Американскиот претседател Доналд Трамп избегна директно да одговори дали ја поддржува или се противи на најавената намера на Израел да го анектира целиот Појас Газа, јавува Reuters.„Што се однесува на останатото, не можам многу да кажам. Тоа главно ќе зависи од Израел“, изјави Трамп, додавајќи дека фокусот на неговата администрација е насочен кон зголемување на испораката на хуманитарна помош за палестинската енклава.Израелскиот премиер Бенјамин Нетанјаху, пак, во вторникот повтори дека целосното уништување на Хамас останува клучна цел. Во безбедносен состанок посветен на следната фаза од војната, која според израелски извори е „неизбежна“, тој изјави: „Потребно е целосно поразување на непријателот во Газа, ослободување на сите наши заложници и гарантирање дека Газа повеќе нема да претставува закана за Израел. Ниту од една од овие мисии не се откажуваме“.Израелскиот печат, повикувајќи се на анонимни официјални извори, јавува дека Нетанјаху во приватни разговори изразил подготвеност да нареди целосна окупација на Газа, и покрај внатрешниот отпор во редовите на израелската армија.Американскиот претседател Трамп, во меѓувреме, го нарече „страшно“ видеото на кое се гледа израелскиот заложник Евјатар Давид, објавено неодамна од страна на Хамас.Очекувањата во израелската јавност и медиумите се јасни – следува нов бран ескалација, со можен обид за целосна територијална контрола на Газа од страна на Израел.

Свет | пред 6 месеци

Изборната комисија му го одзеде мандатот на Додик – Република Српска пред вонредни избори и институционална криза

Централната изборна комисија на Босна и Херцеговина (ЦИК) едногласно донесе одлука за одземање на мандатот на Милорад Додик, актуелен претседател на Република Српска, откако Судот на БиХ донесе правосилна пресуда со која тој е осуден на една година затвор и шест години забрана за политичко дејствување.Судот пресуди дека Додик одбивал да ги спроведе одлуките на високиот меѓународен претставник Кристијан Шмит, што според измените во законите што Шмит ги наметна, претставува тешко кривично дело. Освен забраната да ја врши функцијата претседател, Додик нема да смее да обавува никаква јавна функција која има допир со јавни средства – што ги вклучува и партиските позиции финансирани од буџет.Адвокатот на Додик, Горан Бубиќ, најави дека ќе бара привремена мерка за стопирање на извршувањето на пресудата. Истовремено, Додик на мрежата X го постави провокативното прашање: „А што ако одбијам?“, со што уште еднаш ја подгреа неизвесноста околу мирната примена на одлуката.ЦИК е должен во рок од 90 дена да распише предвремени избори за нов претседател на РС. Додека меѓународната заедница повикува на почитување на владеењето на правото, раководството на Република Српска веќе најави дека ќе се „бори со сите средства, но не и со сила“ против изборите, повикувајќи граѓаните да не излезат на гласање.Во вакумот што би настанал, функцијата би ја презел потпретседателот Давор Прањиќ од ХДЗ, во јавноста познат како „Хрватот на Додик“, што дополнително ја усложнува ситуацијата.Иако не се исклучени протести на приврзаници на Додик, меѓународните мисии во БиХ се во состојба на зголемена готовност и се проценува дека Република Српска нема капацитет за сериозна институционална побуна или вооружен конфликт. Српската Влада го поддржа Додик и ја оцени пресудата како „неуставна и политички мотивирана“, а поддршка пристигна и од премиерот на Унгарија, Виктор Орбан.Но, внатрешнополитичкото единство е разнишано – опозициските партии во РС, меѓу кои и СДС и Народен фронт, го одбија повикот на Додиковиот СНСД за формирање на влада на национално единство. Партијата ПДП допрва треба да се изјасни.Одбраната на Додик најави дека ќе се жали до Уставниот суд на БиХ и подоцна до Европскиот суд за човекови права во Стразбур, но додека не се донесе поинаква одлука, тој е правосилно осуден и формално отстранет од функцијата.Иако институциите се подготвуваат за избори, клучното прашање останува: ќе се дозволи ли мирен трансфер на власта, или Додик ќе се обиде да ја блокира државата однатре?

Свет | пред 6 месеци

(Видео) Скандалозни скандирања на натпреварот Шкендија – Карабах: собранискиот спикер наместо да осуди, им честиташе на навивачите

Фудбалерите на Шкендија вечерва беа поразени со 1:0 од Карабах во рамките на третото квалификациско коло од Лигата на шампионите. Но, покрај спортскиот резултат, вниманието го привлекоа и инцидентите од трибините.Дел од навивачите на Шкендија игнорираа повиците за фер и спортско навивање и скандираа политички и територијално провокативни пароли како „Голема Албанија“, „Илирида“ и „Чамерија“.Очекувањата се дека Министерството за внатрешни работи ќе реагира по примерот со натпреварот во Куманово, кога беа санкционирани слични појави за време на кошаркарскиот меч со Романија.Натпреварот на трибините на Арената „Тодор Проевески“ го следеа влдини фунционери и вице премиерот Изет Меџити, претседателот на Собранието Африм Гаши, министерот за eкономија Дурмиши, но и опозиционерите Ахмети и Таравари.Наместо осуда, Гаши на „Фејсбук“ им честиташе на навивачите: „Особено им честитам на навивачите, кои беа подеднакво достоинствен пример за нашите национални вредности, внатре и надвор од стадионот“:

Спорт | пред 6 месеци

Обвинителството бара притвор за дилерот од Битола

Основното јавно обвинителство Битола донесе Наредба за спроведување истражна постапка против едно лице за продолжено кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 во врска со член 45 од Кривичниот законик.-Осомничениот од октомври 2024 се до почетокот на овој месец, неовластено продавал наркотична дрога на повеќе лица-сведоци. На 4 август полицијата извршила претрес во неговиот дом и други простории. Во мопедот паркиран пред домот и во објект во непосредна близина кој не се користи полициските службеници пронашле вкупно 16,21 грама марихуана и 10,44 грама амфетамин. Дрогата била спакувана во повеќе помали пакувања наменети за натамошна продажба и скриена во различни предмети. Јавниот обвинител, оценувајќи дека се исполнети законските основи, до судијата на претходна постапка достави предлог за определување мерка притвор за осомничениот, се наведува во сооштението.

Македонија | пред 6 месеци

ВМРО-ДПМНЕ бара оставка од Коцевски: „Обвинителот е дискредитиран и без легитимитет“

ВМРО-ДПМНЕ повторно го повика државниот јавен обвинител Љубомир Коцевски да поднесе оставка, оценувајќи дека е целосно делегитимиран и дискредитиран како личност што треба да ја брани правдата.Во партиското соопштение се наведува дека Коцевски ја изгубил довербата од јавноста, бидејќи, како што се посочува, не отвора предмети, не гони криминал и држи истраги „во фиока“. Оттаму додаваат дека довербата на граѓаните во правосудството е падната под 2 проценти, токму поради неговото однесување.„Коцевски е делегитимиран и од Собранието. Со негласањето на интерпелацијата од страна на СДС се докажа меѓусебната заштита помеѓу тие што го поставија – од Струмица и Мала Речица – и потребата од негово останување на функцијата за да ги заштити од одговорност функционерите на СДС и ДУИ“, наведуваат од ВМРО-ДПМНЕ.Од партијата прашуваат „со што се задолжил Коцевски кај СДС и ДУИ“ за да останува на функцијата и покрај делегитимирањето, како и „дали му значат повеќе личните интереси од правдата и владеењето на правото“.„Импресивно е како Коцевски балансира помеѓу улогата обвинител и верен потрчко на Заев и Филипче. Очигледно правдата е на одмор, а срамот кај Коцевски е отсутен“, се наведува во соопштението.Според ВМРО-ДПМНЕ, државниот јавен обвинител не постапува ниту по предмети со јавни докази за криминал и корупција, поради што, велат, треба да ја прими пораката од народот и од парламентот и да се повлече.„На Македонија ѝ се потребни реформи и целосна трансформација на правосудниот систем“, порачуваат од партијата.

Македонија | пред 6 месеци

Стартуваше обуката за идните пожарникари – интересот послаб од очекувањата

Во организација на Дирекцијата за заштита и спасување, започна обуката за кандидатите кои се пријавија на јавниот повик на Владата за ангажирање пожарникари, со цел јакнење на капацитетите за превенција и справување со пожари.Како што информира директорот на ДЗС, Стојанче Ангелов, сите кандидати кои го поминале процесот на селекција ги исполнувале бараните услови, а по завршување на обуката ќе бидат распределени таму каде што има најголема потреба.Претседателот на Противпожарниот сојуз посочи дека обуките, покрај во Скопје, се одржуваат и во уште 12 други градови низ земјава, каде се обучуваат вкупно 364 лица, кои по завршување на процесот ќе бидат испратени во општините од каде што доаѓаат.Оваа обука следува по владиниот оглас за нови 400 пожарникари, но интересот беше под очекувањата, во Скопје, каде беа потребни 80 пожарникари, пристигнале само 50 апликации. Ниската плата, која изнесува околу 24.000 денари, се смета за една од причините за слабиот интерес.

Македонија | пред 6 месеци

Мистериозна смрт во Кавадарци: 42-годишен маж пронајден мртов, се сомнева на убиство

Тело на 42-годишен маж било пронајдено во помошни простории од куќа во Кавадарци, при што првичните наоди упатуваат на можноста за насилна смрт. Телото било прекриено со земја и разни предмети, што ја зголемува сомнителноста околу причините за смртта.На терен излегол дежурен јавен обвинител од Основното јавно обвинителство Кавадарци, кој заедно со полициски екипи извршил увид и издал наредба за обдукција на починатиот.Според информациите, мажот живеел сам, а неговото семејство неколку дена безуспешно се обидувало да воспостави контакт со него.Од местото на настанот се подигнати траги и материјални докази кои ќе бидат подложени на вештачење, а надлежните органи преземаат дополнителни мерки и активности за целосно расветлување на случајот и откривање на можниот сторител.

Македонија | пред 6 месеци

Се разбудил по операцијата, но има проблеми со говорот: Српскиот министер Дарко Глишиќ во критична состојба

Министерот за јавни инвестиции на Србија, Дарко Глишиќ, се разбуди по сложената операција што ја претрпе по мозочниот удар, но и натаму се наоѓа во критична состојба, соопштија српските здравствени власти. Тој е свесен, но има сериозни проблеми со говорот.Глишиќ доживеа мозочен удар во текот на вчерашното утринско гостување во живо на ТВ Пинк. По итна интервенција во Клиничкиот центар на Србија, министерот за здравство Златибор Лончар изјави дека првите 24 часа се клучни за неговото закрепнување.„Интервенцијата траеше подолго од планираното, но успешно го решивме најголемиот проблем – блокадата на крвниот сад што води кон мозокот, поточно до говорниот центар. Истовремено имаше тромб и крварење, што дополнително ја усложни состојбата. Сега е на респиратор, на одделението за интензивна нега, каде што продолжува борбата за неговиот живот“, изјави Лончар.Тој нагласи дека се работело за исклучително комплексна процедура во која биле вклучени неколку медицински тимови. Дополнително, кај пациентот биле забележани и други проширени крвни садови со присуство на тромбна маса која исто така предизвикала крварење.„Причината за мозочниот удар е елиминирана, но телото сега треба да се избори со последиците. Не даваме прогнози – секој час е борба“, додаде Лончар.

Свет | пред 6 месеци

(Видео) Кој е убиецот од болницата во Бардовци: Слободно шетал, пиел по кафеани, снимал насилство

Убиецот Димитар Спасов, кој пред 13 години ја уби мајка му, сега усмрти осуденик со кој престојувал во психијатриската болница „Скопје“ во Бардовци. За морбидниот чин искористил стаклено шише, а до инцидентот, според информации на „Скопје1“ дошло по кавга за легло. Во кругот на болницата, убиецот е познат како проблематичен пациент, со кој тешко се справувале и вработените.Но и покрај ова, подолго време, Спасов бил гледан и низ Ѓорче Петров, што укажува дека тој слободно и без надзор ја напуштал установата. Иако бил чуван од полиција, истата била повлечена од правосудните органи, па тој слободно излегувал и се враќал во болницата. Низ скопските улици бил забележан со уште еден хоспитализиран пациент во Бардовци, кој исто така извршил убиство на член на неговото семејство.За насилното однесување, сведочат и снимките кои сам ги споделувал, каде повикува друго лице на физичка пресметка, за да му покажел, како што вели, како тој мава боксови.Друга снимка пак сведочи како на друг цимер му дава насоки да претепа хоспитализиран пациент. Се слуша „не го тепај, отепај го, по славина, по ребра, во глава“.Во установата пак, слободно консумирале и алкохол, што значи дека не им бил забранет. Според извори на „Скопје1“, имало и поплаки од него и неговото однесување. Вработени се жалеле дека добивале закани по нив, но и по нивните семејства, дека ќе им наштети доколку не му ги исполнат желбите.Дека функционирал слободно, сведочат и неговите профили на социјалните мрежи. Дури, седел и по кафеани, со ракија и салата пред него. Нема еден, туку два профили на „Фејсбук“.Овие објави и негови дејствија го отвораат прашањето за тоа дали неговиот третман требало и треба да продолжи во психијатриската болница, но и дали околината е безбедна доколку тој по првото убиство шета слободно, споделува насилни содржини, има пристап до социјални мрежи, а од неговото однесување има поплаки.За потсетување, Спасов ја уби сопствената мајка на 23 годишна возраст, која работела како хигиеничка. По убиството се огласи на „Фејсбук“ каде напиша „Фала ви на сите, г...а, еве ви ја, ја заклав, ја угушив“.Во психијатриската болница „Скопје“ во Бардовци, Спасов е сместен уште од 2012 година. Првата одлука за ваков третман ја донесе велешкиот суд, откако психијатри од Клиничкиот центар во Скопје го прогласија за непресметлив. Според вештите лица, Спасов во моментот на убиството на мајка му, бил во параноична халуцинирачка состојба.По убиството на пациентот, тој и натаму е во болницата, затворен во собата каде го изврши злочинот. Жртвата на Спасов, е лице со иницијали И.Т., чие тело е предадено на обдукција.

Скопје | пред 6 месеци