Болницата во Тетово е пуштена без дозвола, тврди ВМРО-ДПМНЕ

Оставки на Заев, Филипче и Хасани, болницата е пуштена без дозвола за употреба. Болницата во Тетово не смеела воопшто да биде пуштена во употреба, а не пак да се преполни со пациенти во тешка состојба, велат од ВМРО-ДПМНЕ.„Одговорност затоа што неисправен објект е пуштен во употреба треба да понесат не само директорите на болницата, туку и Хасани и Филипче и Заев. Филипче е и потписник на тендерот за изградба на модуларните болници.Објектите на модуларните болници наместо со материјали кои имаат голема резистентност на оган се изградени со високо запаливи материјали кои видовме дека горат за неколку минути.Доколку болницата била направена од материјали кои при изложување на оган не горат и до десетина минути сега немаше цела држава да биде завиена во црно“, се вели во соопштението.

Македонија | пред 4 години

(ФОТО) Бебе Реџа се сети на детството во Гостивар

Пејачката Бебе Реџа на Инстаграм објави фотографија со нејзината прабаба, направена во Гостивар, кога таа имала 4 години.„Јас и мојата прабаба во Македонија“, напиша популарната пејачка.Пејачката со албанско потекло е родена во Њујорк, а нејзините родители се од Дебар и Гостивар. Таа има американско и македонско државјанство и во јавноста често зборува за нејзиното потекло. 

Магазин | пред 4 години

Два дена во центарот на Скопје „Статуафест“

На улица „Македонија“ во центарот на Скопје денеска и утре од 18:30 до 21.30 часот ќе се одржува петтиот уличен уметнички фестивал за живи статуи „Статуафест – Скопје на улица“, во организација на Зружението на граѓани ТимТеатросК, со поддршка од Театар за деца и младинци и под покровителство на Град Скопје.Организаторот најави дека годинава, како и минатата година, на фестивалот ќе настапуваат исклучиво домашни артисти зашто основна цел на театарската компанија за улична уметност е да создаде пообемна домашна продукција каква што ја има насекаде по светските фестивали.– Некои од артистите ви се веќе познати, оние кои биле на „Статуафест“ ќе имаат можност да ги препознаваат, но се разбира се појавуваат и дебитанти што нам ни е од огромна важност бидејки интересот за овој вид уметност расте од година во година. Се разбира, артистите овојпат ќе бидат во сосема различни улоги, соопшти Здружението ТимТеатросК.Темата на годинашниот „Статуафест – Другото лице на улицата“ е „Скопје на улица“. Како што наведува организаторот – во преносна смисла „Статуафест“ ќе биде огледало на самите нас односно „што се прават скопјани во текот на едно деноноќие движејки се забрзано или, пак, бавно низ улиците на нашиот град“.

Магазин | пред 4 години

Вечерва почнува 36-тото издание на „Макфест“

Триесет и шестото  издание на Фестивалот на музика „Макфест“ ќе се одржи денеска и утре.Првата вечер е посветена  на изведувачи кои првпат се појавуваат на сцената на „Макфест“, додека втората е замислена како финале.Оваа година дваесет и шест песни ќе бидат изведени на сцената на Аква бела ресорт. На првата фестивалска вечер ќе се претстават 12 изведувачи. Следната вечер се предвидени 14 нови композиции а ќе се изведат и 5-те најдобро пласирани нумери од првата фестивалска вечер.Публиката во шоу програмата првата вечер ќе ја забавуваат „Тумбао салса бенд“, додека втората вечер ќе настапат Дац и Александар Митевски.

Магазин | пред 4 години

Кон: Доцна е за ковид-пропусници, време е за затворање

Србија размислува за воведување ковид-пропусници, но епидемиологот Предраг Кон вели дека поминало времето кога ковид-пропусниците би дале ефект. Во овој период кога во Србија секојдневно се заразуваат над 7,000 луѓе, епидемиологот вели дека е време за затворање, односно за ограничување на несуштинските активности и скратување на работното време.Тој вели дека мерката со воведување на ковид-пропусници е задоцнета, но таа мерка ќе дала резултати доколку била воведена пред неколку месеци.Кон спомена дека за време на летниот период, кога се одржуваа и настани од културата и концерти, имаше некаква контрола, бидејќи беше задолжително тестирањето на ковид, но сепак, колку тие во практика се спроведувале не може точно да се знае.– Ние дискутиравме за воведување ковид-пропусници уште во мај и тоа на барање на локалната самоуправа од Белград, но тогаш се зборуваше дека тоа е неуставно и дискусијата заврши. Сега единствено би можело да се воведе таква пропусница за несуштинските активности како забави, прослави. Но, сега единствената алтернатива на ковид-пропусниците е затворање, односно ограничување на тие несуштински активности, скратување на работното време. Практично, сè она што го имавме како рестриктивни мерки, освен воведување на полицискиот час – рече епидемиологот Кон.Кризниот штаб на Србија размислува за воведување ковид-пропусници, но сè уште нема детали.Во последните 24 часа, во Србија се потврдени 7.602 нови случаи на коронавирус. Има 31 починат.

пред 4 години

СДСМ: Каматата веќе не смее да биде поголема од долгот

Собранието ги усвои дополнувањата на Законот за облигациони односи по предлог на парламентарното мнозинство од СДСМ. На овој начин исправивме уште една голема неправда кон граѓаните и компаниите, велат од СДСМ.„Дополнувањата на Законот, кои во сила стапуваат веќе следниот месец, пропишуваат каматата на неплатениот долг да престане да расте кога ќе достигне износот на главнината, односно каматата повеќе не смее да биде повисока од износот на долгот.Тоа значи дека ако одреден граѓанин или фирма имале долг од пред десеттина години, на сума од 1.000 денари, каматите што се таложеле со години и кои на крајот ќе треба да ги плати, нема да бидат повисоки од 1.000 денари.Со овие измени ставаме крај на ситуациите кога за долг од на пример 500 денари должникот мораше да плаќа 5.000, 8.000 па и 10.000 денари по основ на камати.Законското решение ќе важи и за граѓаните и за компаниите, и ќе се однесува на долгови од секаков карактер, на пример за застарени сметки за струја, вода, телекомуникациски услуги, обврски кон банки и слично.СДСМ како одговорна партија продолжува да реализира мерки и политики кои обезбедуваат подобри услови за работа на компаниите и повисок животен стандард за граѓаните“, се вели во соопштението.

Македонија | пред 4 години

На улица другари, а во рингот – противници, Перо Камиказа се сликаше со Бени Шаќири

Кандидатот за градоначалник на Скопје од Левица, Петар Георгиевски-Камиказа, на Фејсбук објави фотографија со својот противкандидат од ДОМ и од ЛДП, Бени Шаќири.„Ние снимаме спот со моторите, кога оп, и другиот кандидат за градоначалник. Се кадросавме и си рековме: На улица како и секогаш другари, а во рингот – противници. Нека победи подобриот“, напиша Георгиевски на Фејсбук.

Скопје | пред 4 години

Следуваат поплави во Македонија, градоначалниците да ги засукаат ракавите, вели Стојанче Ангелов

Директорот на Центарот за управување со кризи (ЦУК), Стојанче Ангелов, вечерва во емисијата „Клик плус“ на ТВ21 предупреди дека согласно проценките, за еден месец ќе имаме големи поплави.– Заедно со луѓето од проценка на ризик и загрозување заклучивме следуваат поплави во Македонија за неколку недели, можеби и за еден месец, затоа што вообичаено е после вакви суши да има поплави. Тоа не значи дека сигурно ќе има, но затоа јас сега ги предупредувам градоначалниците да засукаат ракавите и да ги исчистат каналите. Пред пожарите ги предупредив градоначалниците дека можат да се потпрат само на два хеликоптера во случај на пожар, бидејќи авионите не беа во функција. Тоа е суровата реалност – рече Ангелов.

Македонија | пред 4 години

ВМРО-ДПМНЕ: Има ли криминалец другарче на Заев што е во затвор?

Рашковски наместо во притвор, на прошетки, има ли криминалец другарче на Заев што е во затвор?, прашува ВМРО-ДПМНЕ.„Рашковски е фатен до гуша во криминал. Сите информации говорат дека инфлагранти местел тендери. Му беше фатена комуникација од која произлегува дека прикрива докази, а тој наместо во притвор или затвор се шета на слобода. Ваков третман немаат други притвореници, само притворените луѓе на Заев, кои очигледно не се знае ниту дали се во притвор.Дома наместо во затвор е и Катица Јанева, а низ државата дивее и осудениот за рекет.Наместо во притвор во домашен е и поранешниот командир на полициската станица во Прилеп кој беше фатен заедно со шоферот на Заеви како шверцува дрога.На слобода е и шверцерот Боро Марлборо, а од затвор на редовна линија им бегаат затвореници.Ден Дончев кој беше фатен со туце пари отиде во Австралија, а одговорност нема за ниту еден криминалец.На народот му е преку глава од криминалците на Заев, одговорност мора да има за сите. Наскоро сите криминалци ќе се соочат со правдата, а тогаш и Заев ќе одговара кој и зошто ги пуштал на слобода“; стои во соопштението.

Македонија | пред 4 години

Пендаровски: 42 –то издание на „Браќа Манаки“ треба да покаже дека фестивалот е жив, витален и опстојува покрај сѐ

Претседателот Стево Пендаровски вчера, во Пациото на НУ Завод и музеј Битола, присуствуваше и се обрати на 42. Издание на фестивалот на филмска камера „Браќа Манаки“.Како покровител на оваа значајна манифестација, претседателот Пендаровски истакна дека благодарение на фестивалот, Битола и Република Северна Македонија се присутни на светските филмски мапи и се посакувана дестинација за кинематограферите и останатите филмски работници од сите светски меридијани.Обраќањето на претседателот Пендаровски ви го пренесуваме во целостДраги гости и пријатели,Јасно е дека живееме во време/невреме што ги забави, дури и замрзна нашите животи, во кои сликите од различните модели на комуникација, на едно симболично, но, и на фактичко ниво, престанаа да бидат подвижни.Сведочиме за прекин на нашите внатрешни и заеднички нарации како можност за подобар живот. А таквата состојба не му е својствена на човекот, напротив, таа му создава празнини кои тешко се пополнуваат. Дури и повеќе, во таа желба за враќање на динамиката на животот, на нашите „подвижни слики“, филмската уметност особено во овие пандемиски времиња, е екстензијата која води кон прекинатите човечки, емоционални варијации на животот. Како што во една прилика забележа Тарковски: „Целта која ѝ е доделена на филмската уметност не е, како што често се претпоставува, да служи само како допадлив пример за разонода. Целта на филмската уметност, и воопшто на уметноста, е да ја подготви личноста за соочување со сите искушенија, па дури и со смртта, да ја изора и вознемири нејзината душа, давајќи ѝ можност да се врати кон доброто и благородното, кое некаде по пат, низ животот го изгубила.“Почитувани,Чест ми е што сум покровител на фестивалот на филмската камера „Браќа Манаки“, еден од најзначајните културни настани во нашата земја, бездруго значаен и на меѓународно ниво. Имено, посветен на кинематограферите, фестивалот може да се пофали со оригиналност, богата историја и чиста љубов кон седмата уметност – бидејќи е посветен токму на сликите, на визуелниот јазик на животот.Благодарение на фестивалот, Битола и Република Северна Македонија се присутни на светските филмски мапи и се посакувана дестинација за кинематограферите и останатите филмски работници од сите светски меридијани.Минатата година, ги немаше филмските проекции, полната кино сала и возбудата што ја носи фестивалот, кој е своевиден празник за градот Битола како град домаќин, но и за целата наша држава. Недостасуваше гостите да прошетаат низ Широк сокак и да ги откриваат тајните на градот на конзулите кој во своите филмови го овековечија првите сниматели на Балканот, Јанаки и Милтон Манаки.Годинава и покрај тоа што како и целиот свет сѐ уште се бориме со пандемијата, имаме фестивал во целосен формат, за што најискрено им честитам на организаторите, на сите поддржувачи и фанови на фестивалот и секако на драгите гости кои дојдоа во Битола.42 –то издание на „Браќа Манаки“ треба да покаже дека фестивалот е жив, витален и опстојува покрај сѐ, како што мораме и во секој друг сегмент од животот да продолжиме понатаму со оптимизам и надеж и покрај сите тешкотии и проблеми кои не притискаат секојдневно.Драги пријатели,Ќе дозволите да повторам една работа што ја кажав и минатата година. Токму деновите поминати во карантин, во изолација, во нашите домови, нѐ потсетија колку подвижните слики се неопходни за нашите животи. Исто така не натераа да ја видиме разликата помеѓу малите екрани и магијата на големото платно. Да се надеваме дека нашите животи ќе се вратат во нормала, ќе има се помалку ограничувања, а сѐ повеќе можности за животни радости и за дружење со уметноста.Ви посакувам добро здравје и посакувам успешно 42-ро издание на „Браќа Манаки“, за кое сум уверен дека ќе донесе врвни филмски остварувања и уметничка естетика. 

Македонија | пред 4 години

Сончево и натпросечно топло

Времето денеска ќе биде сончево и натпросечно топло со мала до умерена облачност. Ќе дува слаб до умерен, а во западните делови засилен ветер од западен правец (на места со брзина над 70 км/час).Во текот на ноќта во северозападните делови ќе има услови за локален пороен дожд. Минималната температура ќе биде во интервал од 8 до 16, а максималната ќе достигне од 29 до 37 степени.Во Скопје сончево со мала до умерена облачност и со слаб до умерен југозападен ветер. Минималната температура ќе се спушти до 14, а максималната ќе достигне 34 степени.Утре ќе има локален развој на нестабилна облачност проследена со пороен дожд, грмежи и засилен ветер, а температурата особено во северните делови ќе се намали за неколку степени. Услови за краткотраен пороен дожд ќе има и в недела претпладне. Потоа продолжува стабилно време со нешто пониски дневни температури.

Македонија | пред 4 години

Калеска Ванчева: Самото поднесување на оставките покажува дека постои етика и морална одговорност

Пратеничката на СДСМ Снежана Калеска Ванчева во емисијата Патот кон на Алсат телевизија истакна дека за несреќата во болницата во Тетово, не може да се каѓе дека здравствениот систем потфрлил, особено не во една ваква рана фаза, кога се уште не е завршена истрагата.Таа додаде дека многу важно е каков е одговорот на државата, каков е одговорот на институциите кога се случуваат тие несреќи дали се презема, се она што може да се преземе за да се превенираат во иднина одредени несреќи.Не постои човек во државата што со нетрпение не го очекува резултатот од истрагата, да видиме дали се работи за системска грешка, дали се работи за човечка грешка или за нешто друго. Тоа е одговорот што мора да го бараме низ институциите, што имаат одговорност за такво нешто, истакна Калеска Ванчева.Таа рече дека кога се случи несреќата веднаш се формираше кризен штаб, а по еден ден стигнаа писмени оставки, кои се доставуваат до мандатарот, односно до премиерот.Самото поднесување на оставките и она што е наведено во нив отсликува дека не можеме да говориме за непостоење на етика и морална одговорност. Тие ја чувствуваат таа одговорност и затоа ја поднеле таа оставка, тоа врвен морален чин истакна Калеска Ванчева.Но сега Владата, односно претседателот на Владата е тој што треба да процени дали во овој момент е висок приоритет фокусот да биде даден на моралната и етичката одговорност и да заминат од функциите и да бидат поставени други луѓе или фокусот треба да биде даден на она што значи спроведување брза ефикасна сеопфатна истрага, којашто ќе ги даде резултатите, рече Калеска Ванчева.Таа нагласи дека опозицијата ја манипулира јавноста, а постапката за оставките е јасно опишана во Уставот, законите и деловникот на Собранието.Опозицијата прави политизација, кога на ваква трагедија се обидуваат максимално да излечат политички поени и не е тоа прв пат, се прави политизација од се, а тоа особено го гледаме од почетокот на пандемијата со коронавирусот, порача пратеничката на СДСМ Снежана Калеска Ванчева.

Македонија | пред 4 години

Николоски: Заев е главата на мафијата, ако падне главата, ќе падне цел систем

Потпретседателот на ВМРО-ДПМНЕ, Александар Николоски на гостувањето во емисијата „Заспиј ако можеш“ што се емитува на телевизија Алфа се осврна на повеќе теми, како и на актуелната со ситуацијата во Тетово каде изгоре модуларната болница.„Ќе бев изненаден да си заминеше од функцијата Венко Филипче затоа што тој стана моторџија кога почна да се дружи со Заев. Тоа полтронство нема крај. Начинот на функционирање не само на Владата на Заев, туку и на целиот круг на Заеви е на криминално-мафијашка основа и таму се знае ако падне еден, паѓа системот, така е во мафијата, така е и кај нив“, рече Николоски.Според него оставки во оваа влада нема да има, падот ќе се им се случи по локалните избори.„Тие не го сфатија случајот во Тетово сериозно, веднаш отидоа таму, направија пиар, па имаше притисок и ај Филипче ќе даде оставка. Ама ништо од оставката. Тие се спремни на се, само не и да ги чепнат луѓето од најтесниот круг. Така што овде оставки нема да има. Нив им треба да превеслаат уште 6 работни дена, потоа Собранието не заседава почнува кампања. Очекувам овие денови да сечат ленти, да ветуваат проекти, вработувања, но не им поминува тоа веќе кај граѓаните“, кажа Николоски.Коментирајќи ја изјавата на Заев дека нема намера да даде оставка, Николоски рече: „Заев е главата на мафијата, ако падне главата, системот ќе падне цел систем. Заев одговори нервозно дека нема да си оди од функцијата затоа што знае дека паѓа. Кој по ваков случај ко овој со модуларната болница во Тетово која изгоре останува на фотеља“.Николоски посочи дека истрагата ја води тетовско обвинителство, а тоа е како да си во штаб на ДУИ.„Еве десеттина дена поминаа, а нема ништо во јавноста. Нормално е да изразуваме сомнеж за истрагата“, рече Николоски.Според него интересна ќе е истргата за модуларните болници.„Тука има прашања по неколку основи. Прво, дали согласно закон, проектот за ковид центри го правела лиценцирана компанија со А лиценца или тн. проектна единица во минситерство за здарсвтво, ние имаме сознанија дека е второто што е спротивно на закон. Второ, никој не покажа дека имаат атест за квалитет на материјали, трето, противопажерен систем немало, четврто, за евакуација план немало, и петто, сите знаеме кој ги градеше болниците“, кажа Николоски.

Македонија | пред 4 години

Уште еден музичар влегува во трката за градоначалничка функција

Горан Алачки влегува во игра за избор на градоначалник. Тој е уште еден музичар кој на претстојните избори ќе се обиде да добие градоначалничка функција, кандидиран од Интегра-Македонска конзервативна партија, за Општина Берово.„Во Берово наш кандидат е маестро Горан Алачки. Се враќа во Берово, тој живее таму и сака од Берово да направи еден поинаков лик, една поинаква средина. Тој е интернационално познат насекаде на планетата земја, нема континент каде што не ја раширил македонската традиционална музика. Тоа е човекот кој што гори со своето срце за својот народ и за својата татковина, а сега тоа ќе го покаже на дело и за беровчани од каде што како концентрични кругови ќе се шири таа визија и таа творечка енергија низ целата источна Македонија“, изјави лидерот на Интегра, Љупчо Ристовски.

Македонија | пред 4 години

(ВИДЕО) Работа од соништата: Вработен во УЈП си задрема во канцеларија

Вработен во Управата за јавни приходи денеска е снимен како спие на работното место, објави порталот Pacensure.com.На видеото се гледа како службеникот задремал седејќи на работната маса.Според порталот, службеникот спиел повеќе од дваесет минути, додека пред неговата канцеларија странки чекале да бидат услужени.

Скопје | пред 4 години

Милошоски: Поради тендерите во здравство Заев се обидува да го задржи Филипче за министер

Пратеникот Антонио Милошоски на гостување во емисијата „10 минути“ што се емитува на телевизија 21 се осврна на оставката на министерот за здравство Венко Филипче, а во врска случајот во Тетово каде изгоре модуларната болница, како и за претстојните локални избори и соработката на ВМРО-ДПМНЕ со Алиајнса за Албанците и Алтернатива.„Од она што ние го имаме како информација, оставката на Филипче не е доставена до Собранието. Заев очигледно игра улога на одолговлекувач на оставката. Самиот Заев има селективен пристап кога станува збор за неговите соработници. Пред година и половина оставка поднесе тогашниот заменик министер за образование Петар Атанасов и истата беше многу брзо или за ден-два процесуирана во Собранието и констатирана“, рече Милошоски.Милошоски изрази и сомневање зошто Заев се однесува така или не ја доставува оставката до Собранието.„Цениме дека министерството за здравство како институција која што располага со голем фонд и многу тендери е причината зошто Заев прави обиди да го задржи Венко Филипче на местото од кое што тој самиот поднесе оставка“, вели Милошоски.Милошоски информираше и за соработката што ВМРО-ДПМНЕ ја има за претстојните локални избори со Алијанса за Албанците и Алтернатива.„Коалициските партнери Алијанса за Албанците и Алтернатива даваат поддршка за независниот кандидат Данела Арсовска која ја поддржа и ВМРО-ДПМНЕ. Таа има сериозна предност пред се зошто има добра биографија како менаџер, образование и може да направи многу повеќе за сите жители без разлика во која скопска општина живеат“, рече Милошоски.Пратеникот истакна примери каде тие ќе поддржат кандидати на Алијанса за Албанците и Алтернатива, а каде ВМРО - ДПМНЕ ќе ја добие поддршката од нив.„ВМРО-ДПМНЕ донесе одлука да дадеме поддршка уште во прв круг за нивните кандидати или кандидати на Алијанса и Алтернатива во општини во кои тие имаат шанси да добијат, како Чаир, Сарај, Тетово, Гостивар, Струга и други општини, а Алијанса и Алтернатива да дадат поддршка онаму каде ние како колиција предводена од ВМРО-ДПМНЕ имаме шанси. Тоа се општини како Гази Баба, Ѓорче Петров, Бутел, Јагуновце и други“, кажа Милошоски.

Македонија | пред 4 години

Се бара Михаил, изугбен е во Дебар Маало!

Изгубен е Михаил во Дебар Маало.Вози мал зелен велосипед и облечен е во теѓет маичка и сиви тренерки.Да помогнеме да се најде. Кој ќе го види, да се јави на 071352433 или на 072577007.ДОПОЛНУВАЊЕ: Михаил е најден!

Скопје | пред 4 години

Михаил е најден

Малиот Михаил беше најден од страна на полицијата. Тој беше изгубен во Дебар маало, а апелот беше објавен на социјалните мрежи.„Во 17.05 часот е пронајдено детето за кое од В.К. денеска во 16.03.часот беше пријавено дека се изгубило на подрачје на ПС Центар во Скопје. Детето е предадено на родителите“, информираа од МВР.

Македонија | пред 4 години

28 пациенти починаа, 557 нови случаи на коронавирус

Министерството за здравство информира, согласно податоците од Институтот за јавно здравје:Во последните 24 часа се направени 3.885 тестирање, а регистрирани се 557 нови случаи на КОВИД-19:Скопје – 268, Куманово – 39, Велес – 29, Кавадарци, Кичево и Струмица – по 19, Тетово и Штип – по 17, Прилеп – 16, Радовиш – 15, Кочани – 12, Битола и Охрид – по 10, Кратово – 8, Свети Николе – 7, Гевгелија, Гостивар и Ресен – по 6, Валандово и Неготино – по 5, Делчево, Крива Паланка и Струга – по 4, Виница и Пробиштип – по 3, Македонски Брод – 2, Дебар Македонска Каменица, Пехчево и Берово - по 1.Регистрирани сe 572 оздравени пациенти од: Скопје – 281, Куманово – 39, Битола – 33, Тетово – 27, Струмица – 24, Кавадарци и Кичево – по 21, Гостивар – 20, Прилеп – 14, Радовиш – 12, Дебар – 11, Штип – 10, Ресен и Крива Паланка – по 9, Пробиштип – 7, Велес и Кочани – по 5, Неготино и Валандово – по 4, Гевгелија, Свети Николе, Делчево и Виница – по 3, Охрид, Богданци, Кратово и Македонска Каменица – по 1.Пријавени се 28 починати лица: 11 починати лица од Скопје (81г, 78г, 78г, 77г, 76г, 75г, 74г, 72г, 72г, 65г и 58г), по 3 починати лица од Струмица (85г, 78г и 74г) и Тетово (77г, 69г и 69г), по 2 починати лица од Гостивар (78г и 63г) и Куманово (68г и 45г), по едно починато лице од Битола (74г), Кичево (78г), Валандово (83г), Кавадарци (74г), Гевгелија (87г), Охрид (59г) и Струга (62г).Од пријавените 28 лица, 26 се починати во болнички услови, а 2 лица се починати во домашни услови.Направени се 3.885 тестови преку: ИЈЗ-270, ЦЈЗ Скопје-53, ЦЈЗ Битола-61, ЦЈЗ Прилеп-41, ЦЈЗ Тетово–60, ЦЈЗ Куманово-46, Клиника за инфективни болести и фебрилни состојби-0, Судска медицина-0, лабораторија болница Козле-18, УК Пулмологија со алергологија – 16, ГОБ 8-ми Септември-0, Институт за микробиологија–158, Жан Митрев (Филип Втори)-77, Авицена-213, Биотек-240, Систина-114, лабораторија Лаор-170, Синлаб-14, Ремедика-18, Плодност–37, Генеа-15, Никоб лаб-451, ВФВ Медикал-50, Ели Медика-52, Ројал Медика –15, ЈЗУ и ПЗУ (рапид тест) – вкупно 1.696.Досега во земјата се направени вкупно 1.238.106 тестирање на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 185.450 бројката на оздравени пациенти е 166.099, на починати е 6.367, а бројот на активни случаи изнесува 12.984.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 80304, Активн 5764Куманово 10900, Активн 901Тетово 10698, Активн 1069Прилеп 8859, Активн 272Гостивар 7903, Активн 598Битола 6897, Активн 237Велес 5994, Активн 275Охрид 5751, Активн 625Кавадарци 5686, Активн 188Струмица 5546, Активн 498Штип 5504, Активн 229Кичево 3855, Активн 489Струга 3740, Активн 650Кочани 3105, Активн 125Гевгелија 2342, Активн 67Неготино 2287, Активн 38Свети Николе 1807, Активн 118Ресен 1492, Активн 110Радовиш 1461, Активн 114Дебар 1435, Активн 160Крива Паланка 1337, Активн 50Берово 1188, Активн 53Делчево 1102, Активн 63Виница 997, Активн 43Пробиштип 886, Активн 42Валандово 777, Активн 31Богданци 540, Активн 19Крушево 518, Активн 15Кратово 520, Активн 62Македонски Брод 458, Активн 31Демир Хисар 420, Активн 12Демир Капија 406, Активн 4Пехчево 309, Активн 11Македонска Каменица 287, Активн 17Дојран 139, Активн 4

пред 4 години

Молк од Курти откако беше прашан дали ќе ги екстрадираат обвинетите за „Монструм“

Министрите за правда на Македонија и Косово се во директен редовен контакт и тие соработуваат во однос на прашањето за случајот „Монструм“, изјави косовскиот премиер Албин Курти одговарајќи на новинарско прашање кога и дали Косово ќе ги испорача Африм Исмаиловиќ и Алил Демири, осудени во отсуство на доживотна казна затвор за убиство на четирите деца и рибарот на брегот на Смилковското Езеро во 2012 година.Курти на заедничката прес-конфернеција со премиерот Зоран Заев рече дека неговата влада од минатото наследила трагични случаи и тешки предмети.„Но, има и други предмети, кои, според мое убедување, не се разјаснети до крај и за кои уште ја немаме целосната вистина. Заедно со премиерот Заев разговаравме дека имаме потреба, не само за поддршка, туку и за меѓународна помош, како би имало правда за двете земји, но и за жртвите, како правдата би дошла до крајот и да се најде вистината“, изјави Курти.

Македонија | пред 4 години

Храната и натаму ќе поскапува: Први на удар ќе бидат маслото за јадење и лебот

Храната и натаму ќе поскапува. Први на удар ќе бидат маслото за јадење, кондиторските производи, лебот. Сите производни трошоци растат. Само цената на струјата што ја плаќаат индустриските капацитети за една година е зголемена за 100%. Цените на транспортот заради пандемијата растат уште повеќе. Цената на пченицата која ќе влијае на крајната цена на брашното и лебот за една година е зголемена за 20%. Кај суровината за маслото, сончогледот зголемувањето е уште поголемо.Премиерот Битиќи во Тема на денот на Сител вели дека пандемијата се одрази на животниот стандард на граѓаните. Но мерките кои ги презеде Владата во послендите години влијаеа ударот да не биде толку силен што според него се глчеда и од односнот на минималната плата и потрошувачката кошничка.И НБРМ евидентира раст на цените над очекувањата, а тој тренд се очекува да продолжи зарди неизвесноста на странските пазари.

Македонија | пред 4 години

Боки 13 бил однесен на преглед во болница кога го сликале сред Центар

Осудениот Бојан Јовановски ака Боки 13 бил носен на контролен преглед во Градската болница од страна на полицајци за спровод. Според извори на „Скопје1“, нему прегледи му се прават секој месец, по наредба односно одобрение на Кривичниот суд. Овој месец, по едно одложување поради тоа што беше заразен со коронавирусот, тој денеска бил спроведен од двајца полицајци.За потсетување, Боки 13 беше фотографиран спроти Зеленото пазарче, како чека на пешачки премин. Позади него стојат двајца полицајци кои го придружуваат. Најверојатно поради големите гужви и посебниот сообраќаен режим, полицајците за спровод не можеле да го однесат Боки 13 до влезот на болницата.

Македонија | пред 4 години

ФОТО: Боки 13 фотографиран сред Скопје спроти Зелен пазар

Во фармерки и џинс комбинација сосе чизми каубојки, Боки 13 е забележан како се шета низ центарот на Скопје. Тој е во придружба на двајца полицајци кои го следат. Инаку, тој ја издржува затворската казна за „Рекет“, по правосилноста на пресудата од АпелацијаФотографијата осамна на социјалните мрежи, а Бојан е сликан спроти Зелен пазар на влезот на паркингот на Градска болница. Тој е во придружба на двајца полицајци. За потсетување, Бојан беше осуден на 9 години затвор за предметот „Рекет“, но тој сега е во домашен притвор.https://twitter.com/milanzng/status/1438455144753082375?s=19&fbclid=IwAR1E5n8_D3odbSu3HLj6UsDsPnB_3czvYQ_nPSf9WMLgwWYsXhRM2XgakGk

Македонија | пред 4 години

Од утре почнува Охрид Ултра-Треил

Охрид Ултра-Треил® е меѓународен спортски настан во природа кој се одржува еднаш годишно во Националниот Парк Галичица и Преспанско-Охридскиот регион, Македонија. Третото издание на овој настан во планинско ултра-трчање опфаќа 4 трки со дистанци од 100км, 60км, 40км и 21км и е закажано на 17-19 септември 2021 година.На нашиот настан, ќе учествуваат 450 натпреварувачи oд 20 земји и ќе има вклучено преку 60 волонтери во самата организација. Планинското трчање е најбрзо растечкиот спорт во природа во светски рамки. Целта на нашиот настан, покрај можноста за секоја особа – а ќе имаме и професионални атлети и аматери како натпреварувачи, е да ги испроба своите граници и да ги запознае убавините кои ги нуди Галичица и охридскиот крај, како дијамант на природната средина во нашата земја.Трката која е носител на настанот – Охрид Ултра-Треил® е долга 100 км со 4,800 метри искачување и учесниците ја започнуваат својата авантура на полноќ врвејќи низ сокаците со калдрма во стариот дел од Охрид, минувајќи низ неколку села во пониските делови на планината Галичица кон живописниот манастирски комплекс Св. Наум на јужната страна на брегот од Охридското Езеро. Овие тркачи e oчекувано да поминат меѓу 12 и 26 часа, меѓу фаворитите и последниот тркач – за успешно комплетирање на патеката.Таму, во рана зора, во спокојот на изворите на реката Црн Дрим, им се придружуваат учесниците на втората планинска трка „Галичица Ултра“- на едно патешествие од 60 км со 3,200 метри искачување. Заедничката маршрута го следи главното било во срцето на планината и Националниот Парк Галичица и преку козји патеки и макадамски патишта открива пејсажи кон двете езера Преспанското и Охридското – кои обземаат истовремено.Третата трка „Самотска Треил“ од 40км и 2,000 метри искачувањезапочнува од селото Пештани и преку селото Елшани се приклучува на главниот срт на планината Галичица низ заедничка маршрута со учесниците на двете подолги трки. Последната и најмала трка „Летница Треил“ – стартува од селото Велгошти и нуди панорамски погледи на градот Охрид и Охридското Езеро и ги предизикува учесниците на брза трка од 22 км со 1100 метри искачување. Тие, се соединуваат со останатите планински тркачи и заедно сите финишираат во Охрид на платото пред хотелот Палас на кејот Македонија.Би сакале да ве известиме дека официјалното соопштение за медиуми кое ќе ги содржи победниците од сите трки заедно со група фотографии од трката и подиумот ќе биде дистрибуирано во недела, 19.09 по комплетирањето на сите настани. Доколку сакате да добиете повеќе информации за самиот настан или имате прашања за неговата природа, во било кој момент можете да го контактирате Иван Кантарџиски кој ќе биде задолжен за комуникациите со јавност и е достапен на kantardziski.ivan@gmail.com или на +389 71 567 872.Линк со фотографии:https://drive.google.com/drive/folders/12GtKcBOSw1vPT9Yh0hopAXBiH6R83aDY?usp=sharing

Охрид | пред 4 години

Нема фотографија

ВИДЕО: Поради хаосот во Скопје, жена не можела да стигне на погребот на татко ѝ

Жена не може да стигне на погреб кај татко ѝ затоа што се блокирани улиците во Скопје, објави порталот ЗаСе.мк.– Чекам 20 минути, никој не сака да ми направи простор за да поминам. Сите полицајци ми велат „чекајте две минути“. Јас само ги замолувам да ми направат простор автомобилите, да се ослободам и да си одам на погреб кај татко ми. Баш ми е гајле кој поминува, низ солзи вели таа.Имено, денес скопјани се соочија со невиден сообраќаен хаос поради пречекот на косовската делегација.

Скопје | пред 4 години