Претрес во Кавадарци, пронајдена дрога, уапсено едно лице

На 18.02.2026 во 07:15 часот полициски службеници од ОВР Кавадарци го лишија од слобода И.Л.(44) од Кавадарци.При претрес во неговиот дом и помошни простории, извршен со наредба од Основен суд Кавадарци, полициски службеници пронашле и одзеле марихуана, жолта грутчеста материја, жолта прашкаста материја и семки од растението канабис.За настанот е известен јавен обвинител и по целосно документирање на настанот, против него ќе биде поднесена соодветна пријава.

Македонија | пред 2 месеци

Имал забрана за возење и лажел дека ја изгубил возачката, па поднел барање за нова

ОВР Струга поднесе кривична пријава против Л.Р.(25) од струшката населба Тефериќ, поради постоење основи на сомнение за сторено кривично дело „давање лажен исказ“.Според пријавата, осомничениот во Отсекот за управни работи во Струга лажно пријавил дека ја изгубил возачката дозвола, иако во тој период имал активна забрана за управување моторно возило.Со лажната пријава поднел барање за издавање нова возачка дозвола, по што случајот бил откриен од надлежните служби. Против него е поднесена соодветна кривична пријава.

Македонија | пред 2 месеци

Измамен возач во Скопје, платил 800 евра за лажен златен накит

На 18.02.2026 во 15:30 часот во СВР Скопје, 32-годишник од Скопје пријавил дека бил измамен за сума од 800 евра.Според пријавеното, додека управувал патничко возило, застанал на знак од непознато лице кое побарало пари за гориво за да стигне до одредено место. Двајцата се договориле лицето да му продаде личен златен накит.Откако оштетениот заминал во златарница за да го провери накитот, бил известен дека истиот не е изработен од злато, по што сфатил дека бил измамен.Полицијата презема мерки за расчистување на случајот.

Скопје | пред 2 месеци

Младеновска: Власта тера луксуз и тендери, а крати 3 милиони евра за болните од ретки болести

Додека власта се расфрла со луксуз, брои летови со владиниот авион, патувања на море и милионски тендери, крати пари каде што не смее. Следни на удар на оваа забегана и корумпирана власт се болните од ретки болести, вели Рената Младеновска – члена на Извршниот одбор на СДСМ.„Парите од програмата за ретки болести се скратени за 180 милиони денари, односно околу 3 милиони евра.Нема 3 милиони евра за пациентите, ама има за авион, за 161 тендер за една фирма, 51 тендер за друга, 74 за трета, има 1,2 милиони евра за фирмата блиска до ЗНАМ и тендер преку пошта.Нема за плати, нема за земјоделци, нема за болни.И тоа додека бројот на пациенти со ретки болести расте, владата буџетот го намалува.За Владата тоа можеби е само бројка во табела. Но, за пациентите – тоа е терапија што може да доцни, лек што може да недостига, третман што може да се прекине.Регистарот за ретки болести брои 1.093 пациенти. 240 од нив се деца до 14 години.Ова не се бројки, туку тажни човечки судбини, дечиња, родители кои собирале пари, оделе од болница во болница, живееле во страв дали терапијата ќе стигне навреме.За овие семејства секој ден е борба. За нив, здравјето не е политика – туку живот.Кај ретките болести, доцнењето значи влошување, а понекогаш и неповратна штета.Со вакви кратења за 3 милиони евра, Владата директно ги доведува во ризик овие пациенти. Ова е неправда која мора веднаш да се исправи.СДСМ бара итно и неодложно зголемување на парите за програмата за ретки болести, најмалку на нивото од минатата година, со дополнителни средства согласно зголемениот број пациенти.Време е да се прекине луксузот на власта и да се поддржат најранливите“, вели таа.

Македонија | пред 2 месеци

Приведен 17-годишник, нападнал двајца скопјани во автобус на ЈСП

На 17.02.2026 во 07:30 часот, полициски службеници од СВР Скопје привеле 17-годишник од Скопје, постапувајќи по претходна пријава дека во автобус на ЈСП на подрачјето на Кисела Вода во Скопје со уште неколку лица физички ги нападнале Д.Б.(18) и Б.Ј.(18), двајцата од Скопје.Се преземаат мерки за расчистување на случајот.

Скопје | пред 2 месеци

Пијан скопјанец нападнал две лица, поранешната партнерка со закани ја внел во автомобил и ја тепал

На 18.02.2026 во 22:50 часот во Скопје, полициски службеници го лишиле од слобода П.Г.(50) од Скопје, постапувајќи по претходна пријава дека пред маркет на подрачјето на Ѓорче Петров физички ги нападнал В.С.(40) од Скопје и С.В.(51) од Крива Паланка.Според пријавеното, по нападот тој со закани ја внел во патничко возило неговата 44-годишна поранешна партнерка и физички ја нападнал.По извршените проверки било констатирано дека П.Г. бил под дејство на алкохол, односно дека имал 1,15 промили алкохол во крвта.По целосно документирање на случајот, против него ќе биде поднесена соодветна пријава.

Скопје | пред 2 месеци

(Видео) Портпаролката Митева ја предизвика јавноста да ја оцени дебатата со Жерновски

Портпаролката на Владата, Марија Митева, преку јавна објава повика граѓаните да посветат внимание на актуелните политички дебати. Во видеото кое таа го сподели вели дека ќе се воочи разликата помеѓу политичарите. Таа сподели дел од дебатата со Андреј Жерновски, член на Централниот одбор на СДСМ.„Знам дека многумина од Вас поради вакви дебати одбираат да не следат политика, но верувајте ми дека ова видео го заслужува Вашето внимание... Одвојте време, изгледајте го до крај, за да потврдиме уште еднаш дека со гооодини во Македонија многумина со празни флоскули без суштина и никакво познавање се дел од политичкиот пејсаж и врз основа на тоа се креира генерална перцепција за учество во политиката и градење доверба. Но, наша обврска е да покажеме разлика! *Имам една дилема: дали мојот соговорник му се обрати со "брат" на новинарот на самиот почеток?“, напиша Митева.

Настани | пред 2 месеци

(Видео) Неверојатен финиш: Ажгалијев ја помина целта движејќи се наназад

Казахстанскиот лизгач Абзал Ажгалијев (33) стигна до победа во четвртфиналната трка на 500 м на Олимписките игри на неверојатен начин.За време на речиси целата трка Ажгалијев беше на последното место, но непосредно пред целта се случи чудо.Откако еден натпреварувач се лизна во кривина и бутна друг, пред целната рамнина останаа само Ажгалијев и Италијанецот Пјетро Сигел.Италијанецот, кој во моментот на сударот на ривалите водеше, избегна пад, но сепак се сврте бидејќи и неговата клизалка беше закачена во инцидентот.Тој успеа да остане на нозе и низ целта да влезе движејки се наназад.

Спорт | пред 2 месеци

Македонија и Словачка потпишаа Меморандум за економска соработка

Министерот за надворешни работи и надворешна трговија, Тимчо Муцунски, денеска во Скопје, заедно со министерот за финансии на Словачката Република, Ладислав Каменицки, го отвори Економскиот бизнис форум помеѓу Република Северна Македонија и Словачката Република, на кој присуствуваа голем број домашни и словачки компании. Настанот, организиран од двете министерства со вклученост на повеќе економски институции, беше одлично посетен од претставници на стопанските комори и бизнис-заедницата. Присутните имаа можност за директни средби и вмрежување со словачките компании од секторите енергетика, градежништво, здравство и медицина, туризам, ИКТ, трговија и други услужни дејности. Во своето обраќање, министерот Муцунски истакна дека форумот претставува потврда не само на политичката блискост меѓу двете држави, туку и на заедничката верба во силата на економското партнерство. „Економската дипломатија не е дополнување на надворешната политика – таа е нејзино јадро. Силните политички односи мора да бидат придружени со силни економски темели“, нагласи Муцунски, изразувајќи благодарност до словачките партнери и компании за нивното присуство, кое, како што посочи, претставува знак на доверба. Тој истакна дека Северна Македонија нуди стабилност, отвореност и предвидливост како основа за инвестирање, при што континуираното усогласување со европското законодавство претставува заложба за транспарентност и правна сигурност. Посебно ги нагласи потенцијалите во автомобилската индустрија, производството на компоненти, ИКТ-секторот, обновливите извори на енергија и агробизнисот. Министерот посочи дека достигнувањата на Словачка во автомобилското производство, иновациите и енергетската транзиција создаваат природна основа за продлабочување на партнерството преку заеднички инвестиции, интеграција на синџирите на снабдување и трансфер на технологии. Во рамки на форумот беше потпишан и Меморандум за соработка меѓу Агенцијата за странски инвестиции и промоција на извозот на Северна Македонија и словачката агенција SARIO, со што се отвора дополнителен простор за директна институционална соработка и заедничка промоција на економските потенцијали. Муцунски истакна дека Владата останува цврсто посветена на поддршка на бизнис-заедницата преку дипломатската мрежа, институциите за промоција на инвестиции и механизмите за олеснување на трговијата, со цел идентификување нови можности и отстранување на административните пречки. Форумот, како што беше оценето, претставува конкретен чекор кон продлабочување на економската соработка и создавање нови можности за инвестиции, иновации и одржлив раст во интерес на двете држави.

Македонија | пред 2 месеци

(Видео) Познато во каква состојба е детето кое падна од жичарница на Јахорина

Детето кое паднал од жичарница на Јахорина е надвор од животна опасност, соопштиле утрово од болницата во Источно Сараево за „БН ТВ“. Лекарите потврдиле дека детето е стабилизирано и згрижено.„Детето е згрижено, претрпе фрактура на бутната коска, што е сериозна физичка повреда, и е испратено во матичната установа во Нови Сад на понатамошно лекување“, изјавиле од болницата за „БН ТВ“.Медиумите пренеле дека инцидентот се случил вчера, кога детето висело од жичарницата, а потоа паднало на земја од висина од неколку метри. Скијачи кои се нашле на местото го забележале настанот и реагирале.Од Полициската управа во Источно Сараево досега не го коментирале случајот. Од Олимписки центар Јахорина најавиле дека наскоро ќе објават официјално соопштение во врска со инцидентот.

Свет | пред 2 месеци

Колку долго принцот Ендру може да биде во полициски притвор?

По апсењето на Ендру Маунтбате-Виндзор, се поставува прашањето колку долго поранешниот принц може да остане во полициски притвор.Според Дени Шо, експерт за полициски прашања кој зборуваше за BBC Radio 5 Live, законскиот максимум изнесува 96 часа.Сепак, за притворот да трае толку долго, потребни се повеќе продолжувања одобрени од повисоки полициски службеници и од Магистратскиот суд. Во пракса, вакви ситуации се ретки. Во повеќето случаи осомничениот се задржува 12 или 24 часа, по што обвинителството одлучува дали ќе подигне обвинение или лицето ќе биде ослободено додека истрагата продолжува.Шо појасни и за условите во кои се наоѓа Ендру. Тој ќе биде сместен во стандардна ќелија во притворската единица, со основни услови – кревет и тоалет – каде ќе чека полициско сослушување. Како што нагласи, „нема да има никаков посебен третман“.

Свет | пред 2 месеци

Колку долго полицијата може да го задржи Ендру Маунтбатен-Виндзор?

Ендру Маунтбатен-Виндзор може да биде задржан во полициски притвор најмногу 96 часа, но само доколку полицијата обезбеди повеќекратни последователни одобренија од повисоки службени лица и од судот. Ова за Би-Би-Си Радио 5 Лајв го изјави аналитичарот Дени Шо, објаснувајќи ги процедурите што важат во вакви случаи.Според британската пракса, вообичаено е осомничените лица да бидат задржани 12 или 24 часа, по што се покренува обвинение или се пуштаат на слобода додека истрагата продолжува.Маунтбатен-Виндзор, според достапните информации, се наоѓа во стандардна притворска ќелија опремена со кревет и тоалет, каде што го очекува испрашувањето. Шо нагласи дека во постапката нема да има никаков посебен третман поради неговиот статус.Сè уште не е познато точно кога е извршено апсењето, ниту на која локација се наоѓа во притвор, додека јавноста внимателно го следи развојот на случајот што предизвика силен интерес во Обединетото Кралство.

Свет | пред 2 месеци

Принцот Ендру прв висок член на британското кралско семејство уапсен во модерната историја

Ендру Маунтбатен-Виндзор, познат како војвода од Јорк, е првиот висок член на британското кралско семејство во модерната историја кој е уапсен, што претставува редок и значаен преседан за монархијата.За последното апсење на висок член на британското кралско семејство пред актуелните случувања потребно е да се врати сè до времето на кралот Чарлс Први. Чарлс Први бил уапсен во 1647 година за време на Англиската граѓанска војна од сили лојални на парламентот, вклучително и Новата моделска војска. Тој бил притворен, а потоа му било судено за велепредавство поради одбивањето да прифати ограничување на кралските овластувања, што завршило со негово погубување во 1649 година.Сестрата на Ендру, принцезата Ана, во 2002 година беше прогласена за виновна и парично казнета според Законот за опасни кучиња, откако нејзиното куче каснало две деца, но во тој случај не беше приведена.Полициската акција следуваше по објавувањето на електронска преписка на Министерството за правда на Соединетите Американски Држави, од која произлегува дека поранешниот војвода споделувал извештаи за службени посети на Хонг Конг, Виетнам и Сингапур.Една електронска порака од ноември 2010 година покажува дека Маунтбатен-Виндзор ја препратил пораката само пет минути откако ја примил од тогашниот специјален советник Амир Пател. Друга порака, испратена на Бадник истата година, содржела доверлив извештај за инвестициски можности поврзани со обновата на авганистанската покраина Хелманд, адресиран до Џефри Епстајн.Британските институции засега не соопштуваат дополнителни информации за текот на постапката, додека случајот предизвикува силен одек во јавноста поради историската тежина и симболиката што ја носи.

Свет | пред 2 месеци

Жена со автомобил удри во бандера, со тешки повреди пренесена на Клинички

На 18.02.2026 во 07:00 часот во ОВР Гостивар е пријавено дека на регионалниот пат Гостивар-с.Градец, поточно во с.Дебреше, гостиварско, патничко возило „цитроен“ со гостиварски регистарски ознаки, управувано од 35-годишната А.А.Ш. од с.Дебреше, удрило во бандера.Во несреќата со тешки телесни повреди се здобила А.А.Ш., констатирани во Комплекс клиники „Мајка Тереза“ Скопје.Извршен бил увид од увидна екипа од ОВР Гостивар.

Македонија | пред 2 месеци

Тетовчанец измамен за 4.200 евра, му ветиле социјална помош и социјален стан

На 18.02.2026 во 15:00 часот во СВР Тетово, 55-годишник од село во општина Желино пријавил дека бил измамен од С.Р. од с.Камењане, општина Боговиње.Според пријавеното, во текот на 2024 година пријавениот му ветил на оштетениот дека ќе му посредува за добивање социјална помош и социјален стан, за што во неколку наврати му исплатил вкупно 4.200 евра. По некое време услугите не биле извршени, а парите не му биле вратени, по што сфатил дека бил измамен.Се преземат мерки за расчистување на случајот.

Македонија | пред 2 месеци

Жерновски: Портпаролката Митева потврди дека Мицкоски управува со судовите

Денеска сакаме да отвориме една многу битна тема. Вчера се случи нешто што досега не е видено во Македонија, тоа е да претставник на владата и тоа портпарол со скандалозно признание фактички потврди она што СДСМ цело време го кажува тоа дека судската власт во нашата држава е директно под контрола на извршната власт, вели Андреј Жерновски – член на Извршниот одбор на СДСМ„Вчера имавме доказ пред граѓаните јавно на една дебата дека Мицковски го контролира судството.Портпаролката на владата има податоци за мојот процес против МНР, процес којшто сеуште не е завршен. Она имаше податоци за тоа каква е пресудата. Значи јас пресудата не ја дознав од адвокатите, не ја дознав од судот, туку ја дознав од владата на нашата држава којашто ги има податоците не само за предметот, туку каков е и текот на самиот процес.Ова се зборовите. „Само немојте како изгубената жалба против претседателката Силјановска“, односно „моите информации„, ја цитирам портпаролката, “говорат декави е изгубена жалбата“.Тоа значи дека владата на Мицковски има информации од судот за самиот процес. Ова всушност значи дека процесиците во судството, особено против владата, против органите, против министерствата, пресудите се донесени пред да биде воопшто разен самиот предмет. Ова е еден голем скандал ќе потенцирам.И ние нема да застанеме тука, ќе го отвараме до крај, затоа што очекуваме понатамошна истрага за тоа кој судија или кој од владата ги има овие информации. Даваме нон-стоп примери за тоа што се случува со судството.Ова вчера беше само една потврда за тоа што СДСМ го зборува цело време, но да повториме. Го сменија јавниот обвинител под притисок. Сопруга на градоначалник на ВМРО-ДПМНЕ е назначен за член на Судскиот совет. А вчера и завчера имавме можност да видиме дека и советникот на премиерот Мицкоски за правни работи станува сега и член на Уставниот суд.Треба ли уште докази за тоа што СДСМ го тврди цело време? Се разбира, Мицковски од собраниската служба им кажува што да прават, како да прават и на крај какви да бидат пресудите.Зошто служи сето ова? Зошто ја држиме денешната прес-конференција? За да укажеме дека овака се заплашуваат граѓаните, се заплашува опозицијата постојано и тоа со обвинителство, со тужби, со пресуди.Тоа за нас од опозицијата е секојдневие, а сега стана секојдневие и за оние што ги претставуваат синдикатите. Дозволете на крајот да ви кажам дека од името на СДСМ дека ова е модел кој со нас ни е многу добро познат. Ова е модел за заплашување и пресметка со опозицијата, но сега и пресметка со граѓаните.Не е само опозицијата во прашање. Безбедносни служби се користат и за следење на неистомисленици. Тоа ние од СДСМ најдобро го знаат.Пак ќе кажам сега го знаат и они од синдикатот. Служби за безбедност, обвинителство, судство. медиуми. Звучи познато, се разбира тоа се методите на секое владеење на ВМРО-ДПМНЕ. Исто како во времето на оној на којшто морам да му го споменам името и на којшто режим повторно почна да не потсетуваат овие денови. Тоа е режимот на Груевски.Затоа и авионот нонстоп оди до Будимпешта кај Груевски. Не е битно кој е пилотот. Битно е што контролорот на летање на владиниот авион е Никола Груевски. Така да од сега кога ќе слушнете Груевски како вели она на М веќе не мисли ниту на Мерцедес ниту на Мајбах. Денеска она на М е Мицкоски.За крај сакам да им порачам на граѓаните да не се заплашуваат од овие притисоци бидејќи ќе победиме. Режимите во едно се разликуваат и во едно се слични. Слични се во тоа што фактички тој режим исто завршува. Различен е стилот, различен начинот. Некои се поотворени, некои се позатворени, но исто завршуваат. Завршуваат победени од граѓаните“, додаде тој.

Македонија | пред 2 месеци

Вршеле јавен превоз без лиценца, казнети пет возачи во Тетово

На 18.02.2026 во периодот од 16:00 до 20:00 часот, полициски службеници од СВР Тетово на ул.„Маршал Тито” во Тетово спроведоа контрола за санкционирање на возилата кои вршат јавен превоз без поседување лиценца.Притоа, запрени се патничко возило „ауди“ со тетовски регистарски таблички,управувано од Б.К.(57) од Тетово, патничко возило „шкода“ со тетовски регистарски таблички, управувано од М.А.(70) од с.Седларево, патничко возило „форд“ со тетовски регистарски таблички, управувано од Н.Б.(67) од с.Мала Речица, патничко возило ,,сеат“ со тетовски регистарски таблички, управувано од Ј.Х.(57) од с.Синичане, патничко возило „рено“ со тетовски регистарски таблички, управувано од Л.М.(72) од Тетово и патничко возило „цитроен“ со тетовски регистарски таблички, управувано од Д.Ј.(66) од Тетово. притоа е констатирано дека вршеле јавен превоз без да поседуваат соодветна дозвола и по целосно документирање на случаите против нив ќе следуваат соодветни пријави.

Македонија | пред 2 месеци

Обилни врнежи во западните делови, се очекува да наврнат над 15 l/m²

Под влијание на циклонска активност, во текот на ноќта и утре ќе има врнежи од дожд во пониските, дожд и снег на повисоките места , а на планините од снег.Врнежите ќе бидат пообилни во западните делови каде се очекува да наврнат над 15 l/m² воден талог. На планините висината на снежната покривка ќе се зголеми од 10 до 15 см.Потоа во следните денови времето ќе биде претежно стабилно со ниски утрински температури. За време на викендот ќе дува умерен до засилен северен ветер, а во сабота наместа ќе има услови за провејување на слаб снег.Во Скопје, во текот на ноќта и утре ќе има повремени врнежи од дожд. Потоа ќе биде стабилно со пониска утринска температура.

Македонија | пред 2 месеци

(Видео) Објавени први фотографии од апсењето на Ендру

Поранешниот британски принц, Ендру Маунтбате-Виндзор, беше уапсен утрово на имотот Сандрингем, а објавени се и првите фотографии и снимки од апсењето.Полицијата соопшти дека Ендру е уапсен поради сомневање за злоупотреба на јавна функција.Портпаролот нагласи дека полицајците извршиле претрес на куќата во Норфолк, како и на објектот каде што живеел со години.Апсењето на Ендру се случило на неговиот 66-ти роденден. Апсењето се случило околу еден час по доаѓањето на полицијата во Сандрингем, кога шест полицајски џипа го опколиле имотот на кралот Чарлс нешто по 8 часот наутро.Сведоци велеле дека група од осум лица била облечена во цивилна облека, „но изгледало како да се полицајци“.Ендру Маунтбате-Виндзор, остана без сите титули и беше иселен од палатата во Виндзор поради врските со Џефри Епстин.

Свет | пред 2 месеци

Романтичниот балет „Жизел“ на сцената на Националната опера и балет на 27 февруари

Еден од балетските бисери на класичниот репертоар – „Жизел“ од Адолф Адам ќе се изведе на сцената на Националната опера и балет на 27 февруари со почеток во 19.30 часот.Диригент е Едуард Амбарцумјан (Ерменија), кореографијата е по Жан Корали, Жил Перо, Мариус Петипа и Леонид Лавровски, во адаптација на Ирена Пасариќ (Хрватска). Костимограф е Александар Ношпал, сценографијата е на Александар Ношпал и Михајло Стојановски, концерт-мајстор е Климент Тодороски, а дизајнот на светло е на Милчо Александров.Во насловната улога – Жизел настапува примабалерината Марија Кичевска Шокаровска, во улогата на Алберт – Балаж Лочеи, како Мирта настапува Илијана Данилов, а во улогата на Хиларион – Бобан Ковачевски, заедно со солистите, балетскиот ансамбл и оркестарот на Националната опера и балет.Едно од најпознатите дела од класичниот балетски репертоар, „Жизел“ ја раскажува приказната за љубовта, измамата и прошката, која во вториот чин се одвива во светот на вилите. Лиричната музика и препознатливата кореографија го прават балетот постојано присутен на светската и домашната сцена.Премиерно изведен во Париз во 1841 година, балетот „Жизел“ се смета за врв на романтичниот балет, особено по прочуениот „бел чин“ – еден од најпрепознатливите симболи на класичната балетска естетика.

Магазин | пред 2 месеци

Британскиот премиер по апсењето на Ендру: Никој не е над законот

Премиерот на Велика Британија, Кир Стармер, изјави дека уапсениот Ендру Маунтбате-Виндзор треба да соработува со властите во Велика Британија и САД во врска со „скандалот“ околу осудениот сексуален престапник Џефри Епстин.Во интервју за BBC, Стармер нагласи дека секој кој поседува релевантни информации има обврска да се јави на надлежните органи.„Секој кој има какви било информации треба да сведочи. Без разлика дали станува збор за Ендру или било кого друг, секој кој има релевантни информации треба да се обрати на надлежното тело“, истакна британскиот премиер, додавајќи дека ова се однесува не само на случајот Епстин, туку и на сите други случаи на насилство врз жени и девојки.Стармер истакна дека еден од основните принципи на британскиот систем е дека сите се еднакви пред законот.„Никој не е над законот. Тоа е долгогодишен и многу важен принцип на нашето општество и мора да се применува во овој случај на ист начин како и во било кој друг“, порача тој.Ендру Маунтбате-Виндзор беше уапсен денес на својот 66-ти роденден, објави британски „Телеграф“ повикувајќи се на неименувани извори. Ендру е уапсен поради сомневање за злоупотреба на вршење јавна функција.

Свет | пред 2 месеци

Апасиев бил дискриминиран од Антикорупциска: Ќе ви бапнам и едно тужбиче за оштета плус, дојдете на јунска сесија да ве допрашам

Комисијата за спречување и заштита од дискриминација утврди директна дискриминација врз пратеникот и лидер на Левица, Димитар Апасиев, сторена од страна на Државна комисија за спречување на корупцијата.Согласно Мислењето донесено на 2 февруари 2026 година, Комисијата констатирала дека Прекршочната комисија при ДКСК извршила директна дискриминација врз Апасиев по основ на политичка припадност и општествен статус. Постапката била покрената по претставка поднесена од Апасиев во август 2025 година, во која се наведувало дека му било повредено правото на еднаква постапка во врска со решение со кое бил прогласен за одговорен за прекршок и му била изречена глоба.Во документот се наведува дека дискриминацијата произлегува од неуредна и невоедначена достава, како и од ускратување на уставно загарантираното право на правен лек. Комисијата утврдила дека во конкретниот случај имало различен третман во однос на постапувањето и комуникацијата со подносителот.По објавувањето на одлуката, Апасиев јавно реагираше, најавувајќи дополнителна судска постапка за надомест на штета. Тој посочи дека ќе бара одговорност и за објавувањето на решението на веб-страницата на ДКСК, оценувајќи дека институцијата постапила спротивно на законските одредби.Од Државната комисија за спречување на корупцијата засега нема официјална реакција по однос на мислењето на Комисијата за спречување и заштита од дискриминација.

Македонија | пред 2 месеци

Новинарката Душица Мрѓа: Срамота е кога своите, фелата прави да се срамиш, зашто токму тие не те вреднуваат

Душица Мрѓа, новинарка и уредничка во ТВ24, со лична и силна порака проговори за болката, одговорноста и достоинството на новинарската професија, повикувајќи се на мислата на легендарниот Ѕвездан Георгиевски дека „новинарството боли, но сепак е најубавата професија на светот“.Таа оценува дека токму оваа реченица е најпрецизната дефиниција за професијата што ја слушнала, дополнувајќи дека на неа неизоставно ѝ припаѓаат уште две клучни категории – обврската и одговорноста, кои, како што посочува, сѐ почесто се забораваат.Мрѓа го отвора прашањето за најмалку вреднуваниот сегмент од професијата – дневното новинарство. Според неа, најголемото понижување не доаѓа однадвор, туку од сопствената фела, која недоволно ја препознава тежината на теренската и студиската работа што се одвива под притисок и во екстремни околности.Таа сведочи за известувањата од трагедијата во Кочани, каде новинарите стоеле пред болницата додека родителите дознавале дека ги загубиле своите деца, за часови непрекинати јавувања во живо, за онесвестувања од напор, за голтање солзи и враќање пред камерата по неколку голтки вода. Според неа, тоа значи да се биде професионалец кога човечноста ти се крши пред очи.Потсетува и на известувањата од тетовската модуларна болница, автобуската несреќа во Бугарија, несреќата кај Ласкарци, вооружените судири во Диво Насеље, протестите, политичките кризи, насилствата во Собранието на 27 април, како и на настаните од 2001 година. Мрѓа нагласува дека новинарите често работеле под директна закана, со пукања во позадина, со фрлање камења и молотови коктели, со повреди и болнички интервенции.Таа говори и за историските настани – атентатот врз првиот претседател на државата Киро Глигоров, загинувањето на претседателот Борис Трајковски, како и трагичната смрт на Тоше Проески – моменти кога новинарите биле сведоци и преносители на колективната болка на целата држава.Во својата исповед таа не ги изоставува ниту притисоците – од политичари, обвинители, бизнисмени, судии и други центри на моќ, кои, како што наведува, неретко си дозволуваат јавни навреди и дискредитации. Според неа, тие притисоци се постојани и неизбежни во дневното новинарство.Мрѓа потенцира дека ја почитува и вреднува истражувачката работа, која често доведува до истраги, обвиненија и пресуди, но смета дека влијанието на дневното новинарство врз општествените процеси е подеднакво значајно. Таа наведува конкретни примери на оставки, повлечени тендери и институционални реакции кои, според неа, се случиле токму поради континуираниот медиумски притисок.Нејзината порака е дека сите новинари имаат иста цел – подобра и поправедна држава. „Дневното новинарство е темелот, истражувачкото е покривот“, порачува таа, додавајќи дека едните без другите не можат.

Коментари | пред 2 месеци

Стојаноски: Работниците не добија ветувања, добија повисоки плати

Денес сме должни да ја поставиме целосната слика, а не само дел од неа. И затоа изминатите денови директно, со докази, покажавме што е разликата помеѓу нас и останатите, вели Бојан Стојаноски, пратеник на ВМРО-ДПМНЕ „Кога бевме опозиција, застанавме со работниците затоа што имаше реален проблем – платите доцнеа, колективните договори не се почитуваа и се подготвуваа законски измени со кои минималната плата требаше да се исфрли од формулата за пресметка. Тоа ќе значеше прекин на линеарниот раст и слабеење на заштитниот механизам за илјадници вработени. Тогаш, заедно со синдикатите, поднесовме над 40 амандмани и го спречивме тој обид. Не дозволивме минималната плата да биде отстранета од системот. Тоа е причината зошто денес, кога расте минималната плата, растат и останатите примања. Разликата денеска е суштинска.По две години управување со државата, не зборуваме за барања – зборуваме за реализирани договори. Во општините платите се зголемени во просек за околу 5.000 денари.Во основното и средното образование обезбедивме раст од 46% до 60% во четиригодишен период.Во високото образование зголемувањето е минимум 14%.Во здравството – од 40 до 50% во еден мандат.Полициските службеници добија 10%, социјалните работници 20%, а околу 11.000 административци, судски и обвинителски службеници имаат гарантирано покачување од 40% до 2028 година. Сите колективни договори се испочитувани. Платите се исплаќаат редовно. Инфлацијата е стабилизирана од двоцифрени стапки на едноцифрена стапки на инфлација. Ова се системски решенија, не се импровизации.Оваа Влада вака го реализира договорот со работниците. Ние не бегаме од дијалог за минималната плата, но решенијата мора да се носат институционално – во Економско-социјалниот совет, со одржлив пристап што ја штити и економијата и буџетот. Кога сме во опозиција – спречуваме штета.Кога сме на власт – обезбедуваме раст.Работниците заслужуваат сигурност, договор што важи и политика што носи резултати“, додаде тој.

Македонија | пред 2 месеци

Владата демантира: Семејството на Мицкоски не патувало со службениот авион, обвинувањата на СДСМ се лажни

Лажна вест е тврдењето на СДСМ дека семејството на Премиерот Христијан Мицкоски патувало до Сплит, Хрватска, велат од Владата на Република Македонија„Службениот авион стар 20 години е користен исклучиво од премиерот Мицкоски, без семејна придружба за негови службени потреби, и во период од две години само за 4 патувања во соседството. Лицемерно е однесувањето на СДСМ и лидерот Венко Филипче, кој во затворени разговори се согласува за набавка на нов владин авион, а во јавност сосема спротивно истото го критикува. Додека СДСМ и Венко самите се договорат со себе, апелираме информациите кои произлегуваат од оваа партија да се земаат со голема претпазливост поради нејзините шпекулативни намери“, се вели во соопштението.

Македонија | пред 2 месеци