Владата почна со менување на натписите: Називот Република Македонија не смее да го има никаде

По оддржаниот прв состанок, Меѓуресорската работна група за извршување на обврските од Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената спогодба од 1995 година и за воспоставување на стратешко партнерство меѓу страните, ги донесе следните одлуки во врска со потребните мерки и активности за извршување на обврските на Република Северна Македонија по влегувањето во сила на Конечната спогодба и Уставните амандмани и Уставен закон на 11 јануари 2019, денес на 12 февруари 2019, со индикативни временски рокови за нивна реализација:Царинската управа да стави налепници на таблите на граничните премини, државната граница на Република Северна Македонија и на двата аеродроми во Република Северна Македонија, во рок од 3 дена;Секторот за односи со јавност при Владата на Република Северна Македонија во рок од 7 дена да изработи Книга на графички стандарди со која ќе утврди стандарди за визуелен приказ на уставното име Република Северна Македонија во склоп со државниот грб како лого кое го користат државните институции за јавните табли на влезот од сите институции.Генералниот секретаријат во рок од 7 дена да изготви софтвер кој ќе ги содржи сите институции од државно и локално ниво, како и димензиите на јавните табли. Промената на сите табли, на централно и локално ниво, да се заврши во рок од 4 месеци.Сите институции да извршат промена на сите дигитални записи (логoа, меморандуми, електронски комуникации, веб страни, медиуми итн.) во рок од 3 дена.Сите институции треба соодветно да ги изменат меморандумите, печатените материјали, папките, индикаторите, во рок од 2 недели.Министерството за надворешни работи, да ги замени таблите во министерството како и печатите и штембилите во министерството во рок од 2 недели, а во дипломатско-конзуларните претставништва во рок од 3 недели.Министерството за внатрешни работи да започне со издавање на нови регистерски таблички, во рок од 4 месеци. Во меѓувреме, како преодно решение, МВР ќе обезбеди налепници со ознака ‘NMK”  за регистерските таблички на возилата. Министерството за внатрешни работи да ги преземе потребните мерки и активности за спроведување на решение во преодниот период до создавање технички претпоставки за издавање на нови патни исправи. Издавањето на нови пасоши да започне од крајот на 2019г. Во преодниот период, Министерството за внатрешни работи при излез од или влез во Република Северна Македонија, во постојните и новоиздадените во преодниот период патни исправи ќе биде ставен печат кој ќе појасни дека патните исправи припаѓаат на Република Северна Македонија.Народната банка, со оглед на комплексноста на постапката, да направи анализа и план на неопходните активности за постепена замена на банкнотите, со оценета временска динамика, во рамките на редовните нови емисии, водејќи сметка за макроекономската стабилност; првите нови банкноти со новото име на Народната банка би можеле да бидат изготвени на почетокот на 2020г. и потоа, сукцесивно, да бидат целосно заменети најдоцна во рок од 5 години од отварањето на релевантното ЕУ поглавје.Сообраќајните знаци на меѓународните патни правци во земјата, давајќи предност на ендонимите (во англиска транскрипција) врз егзонимите (на македонски јазик во кирилско писмо) да се променат во рок од 2 месеци.Во рок од 6 месеци да се направи преглед и ревизија на статусот на спомениците, јавните згради и инфраструктура и доколку се однесува на античката хеленска историја и цивилизација како дел од историското наследство на Грција, да се преземат соодветни корективни мерки и активности.Во рок од 6 месеци, да се пристапи кон отстранување на симболот истакнат на поранешното национално знаме од целиот јавен простор и јавна употреба. Археолошките артефакти се изземени. 

Македонија | пред 7 години

Од денес живееме во Република Северна Македонија

„Известуваме дека од денес, 12 февруари 2019 година, влегува во сила Конечната Спогодба за решавање на разликите опишани во резолуциите 817 (1993) и 845 (1993) на Советот за Безбедност на Обединетите Нации, за престанување на важноста на Привремената спогодба од 1995 година и за воспоставување на стратешко партнерство меѓу страните, што Министерството за надворешни работи соодветно го објави  во Службен весник.Исто така, известуваме дека се исполнети условите за влегување во сила на амандманите ХХХIII, XXXIV, XXXV и XXXVI на Уставот на Република Северна Македонија и Уставниот закон за спроведување на амандманите од ХХХIII до ХХХVI на Уставот на Република Северна Македонија, што Собранието на Република Северна Македонија ги донесе на 11 јануари 2019 година. Истите влегуваат во сила денес, на 12 февруари 2019 година со соодветната објава од страна на Владата во Службен весник.Со тоа, започнува извршувањето на обврските кои произлегуваат од Конечната Спогодба и Уставните амандмани. Првичните одлуки во врска со потребните мерки и активности за извршување на горенаведените обврски ќе бидат презентирани во соопштение за јавноста кое ќе го објави Меѓуресорската работна група за извршување на обврските од Конечната спогодба“, велат од Владата на Република Македонија.

Македонија | пред 7 години

Нападнат снимател на Би-Би-Си за време на митингот на Трамп

Симпатизер на американскиот претседател Доналд Трамп го нападна снимателот на британскиот јавен сервис Би-би-си Рон Скеанс на митинг во Ел Пасо во Тексас.Тој носел капа со слоганот на Трамповата политика „Да ја направиме Америка повторно голема“, напаѓачот ги пцуел и другите новинарски екипи кои биле таму пред да биде исфрлен.Туркањето, според Скеанс, дошло од неговиот мртов агол. „Не знаев што ќе се случи“, изјави тој.Претседателот Трамп го видел нападот и со кренати палци се обидел да праша дали е сѐ во ред.Скеанс со истиот гест му одговорил дека е во ред, по што Трамп продолжил со говорот. 

Свет | пред 7 години

Слаб снег провејува на ГП Деве Баир и на Попова Шапка

Сообраќајот на државните патишта се одвива по наместа влажни коловози во западниот дел, додека на останатите патни правци коловозите се претежно суви. Слаб снег провејува на ГП Деве Баир и на Попова Шапка.ГП Виадукт трејд ДООЕЛ-Гостивар известува дека градежни активности ќе се изведуваат на обиколница , односно на делот од Хиподром до Стенковец во времетраење од понеделник 11.02.2019 до 13.02.2019 (среда).Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони

Македонија | пред 7 години

Митрополит Петар: МПЦ нема да го менува називот

МПЦ-ОА не планира да го промени своето име и покрај тоа што државата го смени уставното име во Република Северна Македонија, изјави денеска Митрополитот Преспанско-Пелагониски, Петар.„Ние не можеме никому да му заповедаме, да му наредиме како ќе не вика нас, но ние ќе си се викаме така како што сме. Моите мислења и ставови не се поразлични од ставовите на светиот Синод и остануваме на сите тие ставови. Едно име имаме, така е песната.Ние ќе инсистираме да бидеме признаени под нашето име, што не е случај досега со ниту една црква по етничка основа да биде признаена, туку се признавани еве да споменеме, Цариградската патријаршија, Александриска патријаршија, Ерусалимска патријаршија, Антиохиска црква. Но како и да биде, ние сме биле Охридска архиепископија и ја обновивме Охридската архиепископија и не можеме да бегаме од фактот дека сме биле и сме обновена Охридска архиепископија и Јустинијана прима, бидејќи станува збор за цркви кои биле на нашите простори, на просторите на Република Македонија“, изјави Митрополитот Петар.

Македонија | пред 7 години

Власта да престане да ги третира сиромашните граѓани како вреќа гласови

Иако во буџетот за 2019 година се предвидени значителни дополнителни средства за исплата на социјалните надоместоци, при нивната исплата за месец јануари не дојде до нивно зголемување, велат од Левица.„Со тоа, власта си подигрува со социјално најзагрозените категории граѓани, ветувајќи им дека ќе ја подобри нивната материјална состојба и правејќи политички пресметки кога зголемувањето на социјалните надоместоци може неа да ѝ донесе најголема политичка корист. Покрај тоа, на овој начин власта создава сомнение дека неискористените средства предвидени за исплата на социјални надоместоци на крајот на годината ќе бидат пренаменети во цели кои воопшто не се соодветни.Во драстично зголемениот буџет за 2019 година, кој повторно содржи дефицит, средствата за исплата на социјални надоместоци се зголемени за 2,2 милијарда денари (35 милиони евра). Согласно дополнителните средства што му се на располагање, Министерството за труд и социјална политика уште на почетокот на новата буџетска година требаше да донесе одлуки за повишување на социјалните надоместоци и веќе со јануарската исплата на надоместоците да ја изврши корекцијата. Тоа луѓето кои едвај врзуваат крај со крај го исчекуваа и недозволиво бесчувствително од власта е што ноншалантно си подигрува со очекувањата на луѓето во социјален ризик.Кога власта ќе ги зголеми социјалните надоместоци согласно дополнителните буџетски средства со кои располага? Дали тоа ќе го искористи за да прибире повеќе гласови за себе на претседателските избори? Или, ќе ги користи претседателските избори како изговор за уште неколку месеци да ја држи висината на социјалните надоместоци на старото, ниско ниво? Што планира власта да направи со парите што беа предвидени за зголемување на социјалните надоместоци, а кои нема да бидат искористени до крајот на годината?Левица бара од Министерството за труд и социјална политика под итно да го зголеми износот на социјалните надоместоци согласно дополнителните буџетски средства кои се предвидени за таа намена. Исто така, бара од Министерството да ѝ објасни на јавноста зошто при исплатата на надоместоците за јануари износот на социјалните надоместоци остана ист како досега“, се вели во соопштението.

Македонија | пред 7 години

Нема фотографија

Кривична за скопјанец во чиј дом биле пронајдени хашиш и марихуана

СВР Скопје поднесе кривична пријава против Г.Ѓ.(27) од Скопје поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“.На 06.02.2019 година полициски службеници извршиле претрес во домот на пријавениот на улица „Милан Зечар” во Скопје, при што пронашле и одзеле хашиш, марихуана, две дигитални ваги со остатоци од марихуана и амфетамин.

Македонија | пред 7 години

(ВИДЕО) Вучиќ: Да изгубев на референдум како Заев ќе си поднесев оставка

„Нема да си играм како во Македонија народот вика не, а во собранието се изгласа за. Во Србија да се одржеше референдум и да изгубевме ќе си дадев оставка и ќе речев граѓаните се против и не можам да одам против тоа, потенцираше српскиот претседател во своето интервју“, истакна српскиот претседател Александар Вучиќ во своето гостување на српската телевизија „Хепи“ .Тој во гостувањето даде осврт и на неодамна одржаниот референдум за промена на уставното име на Македонија.

Свет | пред 7 години

Прилепчанец управувајќи моторцикл излетал од коловозот

На 11.02.2019 година во 11.50 часот на патот с. Големо Радобил - Прилеп, Д.Д.(24) од село Големо Радобил, управувајќи мотоцикл „Хонда“ без регистарски ознаки, изгубил контрола и излетал од коловозот.Притоа се здобил со тешки телесни повреди и бил пренесен во комплексот клиники „Мајка Тереза“-Скопје.Увид на местото извршила екипа од Полициската станица Прилеп.

Македонија | пред 7 години

Стручната комисија при Министерството за култура : За „Златно славејче“ направивме грешка, другите апликации се разгледуваат

Стручната комисија при Министерството за култура по повторното разгледување на одбиените апликации, утврдила дека направила пропуст во документацијата во случајот со детскиот музички фестивал “Златно Славејче”. Фестивалот ќе добие пари од Годишната програма за финансирање на проекти од културата.„Човечки е да се згреши, ние згрешивме во одбивањето на пријавата на фестивалот Златно славејче. Фестивалот имал целосна документација и ќе добие пари од Министерството за култура“, рече денес Плеурат Гаши, претседателот на Комисијата за фолклор и музичко-сценска дејност при Министерството.Од Комисијата додаваат дека досега преразгледале околу 100 апликации.Засега нема рок по кој стручните комисии треба да одлучат по повторното разгледување на одбиените предмети. Станува збор за над две илјади апликации, од кои најголем дел конкурирале за пари од музичката дејност.Јавноста, но и засегнатите јавно го искажуваат револтот откако министртвото за култура ги одби најголемите и најреномираните музички и фолклорни фестивали.

Македонија | пред 7 години

СДСМ: Република Северна Македонија живее нова ера на слободно и демократско општество на рамноправни граѓани

Кревањето на знамето на НАТО заедно со нашето ја одредува иднината на нашите поколенија. И тоа не само како симболика туку како реалност, велат од СДСМ.„Новата страница на сигурна и стабилна иднина е завртена, ние сме НАТО, нацијата се гордее со историскиот успех.Нашата татковина која наскоро ќе биде Република Северна Македонија живее нова еран а слободно, демократско и напредоноопштество на рамноправни граѓани.Само ВМРО-ДПМНЕ и антизападниот Мицкоски остануваат заглавени во антизападната матрица и не можат да се помират со остварувањето на стратешкиот интерес – членство во НАТОРепублика Северна Македонија станува 30 земја членка на НАТО, ВМРО-ДПМНЕ останува изолирана во својата антизападна матрица на деструкција и блокади“, се вели во соопштението.

Македонија | пред 7 години

Тевдовски: Праведниот данок ја намалува доходовната нееднаквост и го поттикнува економскиот развој

Министерот за финансии Драган Тевдовски присуствуваше на конференцијата: „Даноци, правда и економски развој“, што се одржува во Ереван, Ерменија, организирана од германската фондација „Фридрих Еберт“. Тој во своето излагање ги презентираше македонските искуства за реформирање на даночниот систем, со цел намалување на доходовната нееднаквост и забрзување на економскиот развој.Министерот Тевдовски е поканет како говорник на конференцијата заради визијата за поправедно општество и кредибилното водење на јавните финансии.-Само преку создавање на кредибилни институции и одговорно управување со истите можеме да одиме напред. Владата уште од почетокот е посветена на креирање на подобро општество за сите. Целите се подобар животен стандард за граѓаните, напредок на земјата и развој на економијата. Во делот на даноците сме посветени на креирање на праведен даночен систем - изјави министерот Тевдовски.Тевдовски во својата презентација ги објасни и причините поради кои Владата одлучи кај нас да воведе праведен, прогресивен данок почнувајќи од годинава.Министерот за финансии во своето обраќање направи споредба помеѓу прогресивните и рамните даноци. Зборуваше за нивните ефекти врз доходовната нееднаквост, јавниот долг и економскиот раст.

Македонија | пред 7 години

Нема фотографија

Силјановска: Немам намера да се симнувам во калта

Професорката Гордана Силјановска-Давкова, која поднесе кандидатура за претседател на Македонија, на својот Фејсбук профил порача дека секојдневно добива напади и клевети, со цел да ја оттргнат од претседателската трка.„Од моментот кога ја најавив мојата кандидатура за претседателски кандидат, изложена сум на најнепримерени ad hominem напади, клевети и инсинуации. Доаѓаат од различни страни, и веројатно се наменети да ми ја скршат волјата и да ме натераат да се повлечам од валканиот политички ринг.Но, сакам да ве уверам дека ќе одам до крај, затоа што мотивацијата и одважноста ги црпам од вас, граѓаните. Простете што не секогаш можам да одговорам на вашите повици, емаил пораки, пораки во инбокс, пораки пренесени преку моите блиски… Но, тие ми значат многу, и верувајте дека ги примам со должно внимание. Како професор по уставно право и политички систем, но и поради кусиот ангажман во политиката, а особено по се’ што преживеав во референдумската кампања од 2004 година, сите овие работи ми се многу добро познати, и за жал, очекувани.Свесна сум дека пропагандната машинерија е ставена во погон. Но, ве уверувам дека мојот стил ќе биде поинаков. Јас немам намера да се симнувам во калта, да одговарам на ист начин, ниту да се бранам од лични дискредитации. Јас имам многу поголема цел пред себе, а тоа е нашата Македонија, која се брани со љубов, знаење и чест.Секојдневно се потпирам на вашата граѓанска поддршка, црпам енергија од вашите насмевки и добри мисли, и така ќе продолжам да чекорам, се’ додека ја имам вашата поддршка. На сето она што е легитимен јавен интерес и ве засега, и како јавност и како граѓани, ќе одговорам доколку и штом станам и официјално претседателски кандидат. Бидете живи и здрави, и не се обѕирајте кон сите што патем (ќе) не’ напаѓаат. СИТЕ ЗАЕДНО ЗА МАКЕДОНИЈА!“, напиша Силјановска-Давкова.

Македонија | пред 7 години

(ВИДЕО) Лазов до градоначалникот на Велес: Ќе поднесете ли кривична пријава за сторениот криминал?

Деновиве можевте да видите и слушните уште една дволичност на актуелниот градоначалник Аце Коцевски кога невешто се обиде да ги ескивира фактите и аргументите за пречинатиот криминал и штета по општинскиот буџет од страна на екс раководителот на ЈП за стопанисување со спортски објекти Парк спорт на кој ВМРО-ДПМНЕ благовремено укажа, изјави Кирил Лазов од ВМРО-ДМПНЕ на денешната прес-конференција.„Затоа почитуван Коцевски во оваа прилика ќе ви поставиме уште неколку прашања?Зошто речиси повеќе од една година на седниците на Советот не беше спомнат ниту збор за ова јавно претпријатие?Кој ја контролираше работата на ова јавно претпријатие кое е под ингеренции на општината?Зошто дозволивте за целиот период ЈП Парк спорт да нема управен одбор, други органи на контрола, правилник за распределба на плати и слично?Зошто навреме не проверивте каде, како и зошто се исплаќаат илјадници денари на граѓаните даночни обврзници на име на непостоечки адвокатски услуги“, вели Лазов.Тој прашува дали навреме ќе ја прифати лично одговорноста за овој скандал и ќе поднесе кривична пријава за сторениот криминал?„Многу лесно сакате да помините за овој скандал, за кој вина сносите и Вие како најодговорен за работата и контролата на јавните претпријатија кои се под ингеренции на општината.Наместо да ни попувате и делите совети, редно е да ги засукате ракавите и од демагогија да премините во пракса. Граѓаните се уморни од вашите оправдувања Коцевски.Ако од дрвото не ја гледате планината тоа е ваш проблем, граѓаните на Велес не се толку наивни, не ги потценувајте.Тие даночните обврзници се должни да знаат каде и како отишле нивните пари во нечии џеб а за тоа никој да не одговара.Прагот на толеранција одамна го поминавте. Не е добро да ја замајувате јавноста Коцевски, за сите ваши манипулации граѓаните ќе ве казнат и тоа во првата дадена прилика“, вели Лазов.

Македонија | пред 7 години

Донесена одлука за формирање на Меѓуресорска работна група за спроведување на Законот за употреба на јазиците

Владата на денешната 120 седница донесе одлука за формирање на Меѓуресорската работна група за спроведување на Законот за употреба на јазиците.Дел од обврските кои ќе ги има ова тело опфаќаат: подготовка на Акциски план за спроведување на Законот за употреба на јазиците, во рок од 15 дена од денот на влегувањето во сила на одлуката; следење на динамиката на реализација и имплементација на Акцискиот план; давање насоки на институциите во функција на координирање, организирање, имплементирање и операционализирање на мерките и активностите согласно тој план.Членови на Меѓуресорската работна група согласно владината одлука се: Генералниот секретар на Владата на Република Македонија; заменикот на генералниот секретар на Владата на Република Македонија; државниот секретар во Министерството за правда; државниот секретар во Министерството за финансии; државниот секретар во Секретаријатот за спроведување на Рамковниот договор; секретарот на Секретаријатот за законодавство; претставник од Канцеларијата на претседателот на Владата на Република Македонија и претставник од Собранието на Република Македонија.На 120 седница владата донесе одлука да не даде мислење за Предлог-законот за престанување на важење на Законот за трговија на зелени пазари бидејќи веќе е донесена одлука со кој се предвидува пролонгирање на рокот за влегување на сила на законот за јануари 2020 година.Истовремено Влада веќе има формирано работна група за подготвување на нов предлог Законот за трговија на зелени пазари и на која членуваат и претставници на здружението на трговците на зелени пазари и постои цврста политичка определба дека конечното решение ќе биде и во интерес на нивна заштита.На редовната 120 седницата, Владата ја разгледа Информацијата за изградба на пруга Куманово-Бељаковце. Донесен е заклучок со кој Владата најавува дека ќе го преиспита Договорот за проектната единица за имплементација на проектот и ќе направи предлог за да се измени неговиот облик со цел поефикасно спроведување на договорот имајќи ги предвид значителните доцнења и нефункционалноста на проектната единица.Владата исто така ја разгледа и усвои Информацијата за одржување на Првата седница на македонско-бугарската меѓувладината комисија за економска соработка по Договорот за економска соработка меѓу Владата на Република Македонија и Владата на Република Бугарија.Утврдено е дека меѓу двете земји сите економски параметри бележат позитивен развој што може да се констатира меѓу другото и преку значителниот обем на трговска размена во изминатите неколку години.Двете земји покажуваат силна заинтересираност за натамошно унапредување на економските и трговските односи што се огледа и преку заложбата за одржување на заеднички владини седници, како и за одржувањето на претстојната седница на македонско–бугарската Меѓувладина комисија за економска соработка.Истовремено, владата денеска ги задолжи: Министерството за транспорт и врски, Министерството за животна средина и просторно планирање, Министерството за информатичко општество и администрација до Министерството за економија да достават номинации на членови и теми за дискусија на Првата седница на македонско-бугарската меѓувладината комисија за економска соработка.

Македонија | пред 7 години

Нормализиран сообраќајот на патот Струмица - Радовиш

Во 15:10 часот сообраќајот на магистралниот пат Струмица - Радовиш е нормализиран.Сообраќајот на државните патишта се одвива по наместа влажни коловози во западните делови, додека на останатите патни правци коловозите се суви.ГП Виадукт трејд ДООЕЛ-Гостивар известува дека градежни активности ќе се изведуваат на обиколница , односно на делот од Хиподром до Стенковец во времетраење од понеделник 11.02.2019 до 13.02.2019 (среда).Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони

Македонија | пред 7 години

Џафери во работна посета на Албанија

Претседателот на Собранието на Република Северна Македонија, г. Талат Џафери на 13.02.2019 година ќе отпатува на работна посета во Република Албанија каде што ќе присуствува пленарната седница на Собранието на Република Албанија, закажана за 14.02. 2019 и на која ќе се ратификува Протоколот за членство на Република Македонија во НАТО.

Македонија | пред 7 години

Русија накратко ќе го исклучи интернетот во целата земја

Русија накратко ќе го исклучи интернетот во целата земја, како дел од подготовките за идна сајбер-војна, објави Би-би-си.За време на тестот податоците што се разменуваат меѓу руските граѓани и организации ќе останат во рамките на националните граници, наместо да бидат пренесувани на меѓународно ниво.Законот, во кој се предлагаат технички промени неопходни за самостојната работа на Интернет, од крајот на минатата година е во рускиот парламент. Предлог закон наречен Digital Economy National Program треба да биде донесен оваа година.Целта на овој закон е да овозможи независност на Русија во случај на исклучување на земјата од светската интернет мрежа. До ова би можело да дојде поради се почестите обвинувања од страна на западот дека голем дел од „сајбер“ нападите доаѓаат од Русија.Тестот треба да биде изведен пред 1 април, но сѐ уште не е даден прецизен датум.

Свет | пред 7 години

Законот за трговија на зелени пазари на денешната 120 седница на Влада

На редовната 120-та владина седница ќе биде разгледана информацијата за одржување на Првата седница на македонско-бугарската меѓувладина комисија за економска соработка по Договорот за економска соработка меѓу Владата на Република Македонија и Владата на Република Бугарија.По барање на Собранието на Република Македонија, Владата денеска треба да даде мислење за Предлог-законот за престанување на важење на Законот за трговија на зелени пазари, по итна постапка.Министрите на денешната седница ќе одлучуваат и по информацијата со Предлог-решение за формирање на Комисија за спроведување на постапка за доделување на договор за воспоставување на јавно приватно партнерство за формирање на современа модерна организација - платформа како ефикасен носител на хеликоптерскиот итен медицински систем во Република Македонија (HEMS) и хеликоптерските услуги за пребарување и спасување (SAR).На предлог на Канцеларија на Претседателот на Владата на Република Македонија-Национално координативно тело за имплементација на Конвенцијата на ОН за правата на лицата со попреченост, министрите денеска ќе ја разгледаат информацијата со акциски план за имплементација на мерките од Конвенцијата на Обединетите Нации за правата на лицата со попреченост, за 2019-та година.Владата денеска исто така ќе одлучува и за информацијата со правилник за инструментот за поддршка-кофинансирани грантови за комерцијализација на иновации, со Предлог-одлука.

Македонија | пред 7 години

Нема фотографија

Облачно и ветровито време со снег на планините, сообраќајот по наместа влажни коловози

Изутринава времето е претежно облачно и ветровито. Помалку облачност има на југоисток. На планините на запад има врнежи од снег (Маврово и Крушево), а утринава на повеќе повисоки места врнежите преминаа од дожд во слаб снег, и тоа во Охрид, Битола, Прилеп. Дожд врне во Претор и Струмица. Продолжува да дува умерен северен ветер, кој повремено се засилува, особено на северот и на повисоките места.Сообраќајот на државните патишта се одвива по наместа влажни коловози во западните делови, додека на останатите патни правци коловозите се суви.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.Времето во текот на денот ќе биде променливо облачно и постудено со повремен локален снеr, особено на запад и претежно претпладне. Во централните делови ќе има услови за слаб дожд. Температурата преку денот ќе биде од 2 до 10 степени.Под влијание на многу студена воздушна маса од север, од утре до петок следува период на променливо облачно, значително постудено и ветровито време со засилен северен ветер и со слаби локални врнежи од снег.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони

Македонија | пред 7 години

Од кабинетот на Иванов велат дека претседателот не бил поканет на свеченоста на НАТО

Од Кабинетот на претседателот Ѓорге Иванов за Телма соопштија дека претседателот Горѓе Иванов не бил поканет на денешната церемонија за поставување на знамето на НАТО пред македонската Влада.Од Владата пак спротивно на ова велат дека Иванов бил официјално и уредно поканет.На денешната свеченост не беше присутно ни раководството на опозициската ВМРО ДПМНЕ.

Македонија | пред 7 години

Свечено доделување на наградите на Друштвото на писатели на Македонија

Традиционалните награди на Друштвото на писатели на Македонија ќе бидат врачени на свеченоста што ќе се одржи на 13 февруари (среда) со почеток во 11 часот во просториите на друштвото, со која ќе се одбележи  72-годишнината од основањето на писателската асоцијација.Оваа година добитници на овие престижни книжевни признанија се: Влада Урошевиќ за романот „Маџун“  („Стале Попов“), Виолета Танчева-Златева за стихозбирката „Патот“ („Ацо Шопов“), Лидија Капушевска-Дракулевска за критичко-есеистичката книга „Мозаик од гласови“ („Димитар Митрев“),Трајче Кацаров за краткиот роман за деца „Не паркирај гаража“ („Ванчо Николески“) и Рифат Емин, кој ја добива наградата „Книжевен мост“ за најдобра книга напишана на еден од јазиците на националностите во Македонија за поетската збирка Bi-nihauet (Без-конечно) на турски јазик.

Магазин | пред 7 години

Во Ријека политичарка пронајдена мртва

Мирјана Јукиќ, градска советничка во Собранието на Ријека, од редовите на партијата Жив ѕид, е пронајдена мртва во својот стан.Безживотното тело на Јукиќ, го забележала сосетката преку прозорецот на станот, по што ја известила полицијата.Наредена е обдукција, но засега нема индиции за насилна смрт.48 годишната хрватска политичарка стана советник во градското собрание во Ријека пред две и пол години.

Свет | пред 7 години

ОЈО покрена обвинение за обљуба врз немоќно лице

Надлежен јавен обвинител од Основното јавно обвинителство Струмица поднесе Обвинителен акт против едно лице за сторено кривично дело Обљуба врз немоќно лице од член 187 став 1 од Кривичниот законик. Обвинителот до Основниот суд Струмица достави и предлог за продолжување на определената мерката притвор, ценејќи дека се исполнети законските основи.Обвинетиот на возраст од триесет и две години го искористил претходното познанство со жртвата, па на 11 декември во домот на жртвата во струмичко, го извршил делото напаѓајќи ја оштетената-лице со пречки во развојот и вршејќи обљуба. Тој како вработен во претпријатие за собирање отпад претходно се сретнал со оштетената, при што ја осознал нејзината состојба како и домот во кој живее. Во момент кога жртвата била сама, осомничениот го извршил делото. По пријава од родител на жртвата, осомничениот беше веднаш лишен од слобода, а Основното јавно обвинителство Струмица веднаш презеде дејствија за расчистување на настанот.​

пред 7 години

(ФОТО) Подигнато знамето на НАТО пред Влада

Во моментов на платото пред владата се одржува церемонија, на која се подигнува знамето на НАТО. Иако Македонија, со потпишувањето на пристапниот протокол доби место во Алијансата, постојат повеќе чекори до полноправното членство.Во првиот ред на свеченоста седат Љубчо Георгиевски, Хари Костов, Владо Бучковски и Мендух Тачи. Забележливо е едно празно столче, за кое се претпоставува дека било наменето за некогашнот претседател Бранко Црвенковски.Најкус период во кој што една земја станала полноправна членка по по потпишување на пристапниот протокол биле девет месеци.Според објаснувањето на НАТО, сега сојузниците треба да го ратификуваат протоколот за пристапување на Македонија според своите национални процедури.Откако сите сојузници ќе го ратификуваат протоколот, според процедурата, генералниот секретар на НАТО формално ја поканува земјата да му се приклучи на Северноатлантскиот сојуз.  

Македонија | пред 7 години